tbt-x-kirhinyihinyi_reg/45-ACT.usfm

\id ACT
\ide UTF-8
\h Ebijiro By'Entumwa
\toc1 Ebijiro By'Entumwa
\toc2 Ebijiro By'Entumwa
\toc3 act
\mt Ebijiro By'Entumwa
\c 1
\cl Cigabi 1
\p
\v 1 Theofile, naganire, omu citabu cani cirhanzi, byoshi Yezu arhangizize okujira n'oku yigiriza kurhenga omurhondero
\v 2 Kuhika olusiku alengezibagwa empingu, erhi amahana amarhegeko, oku mûka mwimana, emw'entumwa alondolaga.
\v 3 Erhi aba amalibûka, abonekana emwabo azîne, n'oku bayereka ebimanyuso binji, aciyerekana emunda bali nsiku makumi gani, n'okukaderha ebiyerekire obwami bwa Nnamahanga.
\v 4 Erhi akol'ali nabo, abarhegeka oku barhajaga hali n'e Yerusalemu, cikwone balindirire eciragane ca larha, cirya nababwiraga, kwo adesire;
\v 5 Bulya Yohana abatizize oku mishi, cikwone mwehe, omu nsiku nsungunu, mwa batizibwa na Mûka Mwimana.
\p
\v 6 Entumwa zali haguma lero zamudosa: Nnahamwirhu, kako kasanzi wayimanza obwami bw'Israeli?
\v 7 Lero abashuza: Mushinganine mumanye akasanzi larha arheganyize omu buhashe bwage.
\v 8 Cikwoki mwayankirira obuhashe, Mûka Mwimana abahonokera, na mwaba bahamiriza bani e Yerusalemu, omu yudea, omu Samaria, na kuhika oku buzinda bw'igulu.
\v 9 Erhyaba amaderha ntyo, ayimusibwa erhi anali abasinza, n'olwikungu lwamubwika barhacimubonaga.
\v 10 Na erhi baba bakola bahenekir'empingu erhi akola acigendera, lolaga, balume babiri baliyambirhe ebyeru bababonekera,
\v 11 N'oku babwirakuhi: Mwe bantu b'e Galilaya, bulya gurhi muyimanzire okugalamira empingu? Oyo Yezu, omurhenzire mwo, arheremera empingu, kwo anânagaluke nk'oku mwamubwine arheremera empingu.
\p
\v 12 Lero banashubira e Yerusalemu, oku ntondo ehamagirwe y'e Mizetuni, eri hofi n'e Yerusalemu, oku lugenzi lwa sabato.
\v 13 Erhi bahika, erhi bahika bashonera omu nyumpa ye nyanya omu balikomire bakabera ngasi mango; Hali Petero, Yohana, Yakobo, Andrea, Filipo, Tomaso, Bartolomayo, Matayo, Yakobo, mugala wa Alfayo, Simoni mu Zeloti, na Yuda, mugala wa Yakobo.
\v 14 Boshi okubuguma bali lamire oku mahuno, haguma na bakazi, na Maria, nnina wa Yezu, nabalumuna ba Yezu.
\p
\v 15 Mw'ezo nsiku, Petero anayimanga ekarhi k'ababo, yali ndeko ya bantu hofi igana na makumi abirhi. Ababwira, erhi:
\v 16 Bene wirhu, byalishinganine bihikirire ebi Mûka Mwimana amanyusize omu mandiko, omu kanwa ka Daudi, enyanya lya Yuda, owali cirongozi c'aba gwarhaga Yezu.
\v 17 Ali muguma omu kagarhi kirhu, na muguma omu cikono cirhu.
\v 18 Oyo mulume, erhi aba anahabwa ishwa n'oluhembo lw'obulyalya, lero ahirima, atwika mw'ebirholo, n'amala gage gashambukira okw'idaho.
\v 19 Eyo myanzi yamanyikine n'abantu b'e Yerusalemu oku ely'ishwa lyali hamagirwe oku lulimi lwabo "Hakeldama" kwo kuderha "ishwa ly'omuko."
\v 20 N'obwo, biyandisirwe omu citabu ce Nanga oku: Aha mwage hayorhe bumu bumu, hanabule owa hayubaka! N'ecikono cage cihabwe owindi!
\p
\v 21 Bishinganine, omwaba boshi bali haguma na nirhu omu kasanzi Nnahamwirhu Yezu alamire haguma na nirhu,
\v 22 Kurhenga obu batizo bwa Yohana kuhika oku lusiku ahekgwa kurhenga omu kagarhi kirhu, hali muguma bahumanize oku rhwe nka muhamirizi w'oku fuka kwage.
\v 23 Balerha babiri: Yosefu waderhagwa Barsaba, kandi ye Yusto, na Matiasi.
\v 24 N'okwo, Bashenga: Nnahamwirhu, we manyire emirhima y'abantu boshi, orhuyereke ohi muguma ocishozire omwaba babiri,
\v 25 Ahabwe, mw'obu burhumisi n'ogu mukolo, encokono Yuda asigaga erhi agenda lwage.
\v 26 Banaciyesha ecigole, canagwarha Matiya; aganjwa muli zirya ntumwa ikumi na nguma.
\c 2
\cl Cigabi 2
\p
\v 1 Olusiku lwa Pentekoste, boshi bali bacigushire hantu haguma.
\v 2 Caligumiza kwayisha empingu ecihogero ciri nka ca mpusi ndarhi, cayunjuza enyumpa bali mwo.
\v 3 Orhumole, rhushushire orhumole rhw'omuliro, rhwabayishira, rhugabikine ngasi hyo kwahyo, rhwaja oku ngasi muguma.
\v 4 Boshi banayunjuzibwa na Mûka Mwimana, banarhangira okuderha oku nderho zindizindi, nkoku Mûka ali bahashisize.
\p
\v 5 N'obwo, e Yerusalemu erhi yali abantu bayoboha Nnamahanga, barhengaga omu mahango g'enigulu.
\v 6 Erhi bayunva eco cihogero, eyo ngabo y'abantu yaciheba haguma, basomerwa erhi bayunva entumwa ziri zigwerhe za shambala ngasi muguma omu luderho lwage.
\v 7 Bayoboha boshi bana somerwa, mpu: K'aba bantu bagwerhe baderha barhali b'e Galilaya boshi?
\v 8 Gurhi rhugwerhage rhwabayunva ngasi muguma omu luderho lwirhu, luderho lw'eka?
\v 9 Abaparti n'Abamedi n'Abalamiti, abantu, b'e Mezopotamiya, n'abe Yudea, abe Kapadosiya, n'abe Ponti n'abe Aziya,
\v 10 abe Frijiya, n'abe Parifiliya, n'abe Misiri, n'ab'ebihugo bye Libiya biba omu lubibi ne sirene, n'aba rhengaga e Roma, Abayahudi n'abashimbulizi,
\v 11 Abakereti n'abarabu, rhweshi rhweshi rhugwerhe rhwayunva baderha ebirhangaza bya Nnamahanga omu nderho zirhu?
\v 12 Boshi bagwarhwa n'obwoba, barhangala banaka bwirizanya, mpu: lero kwo kurhi oku?
\v 13 Chi n'abandi bakabashekera n'okuderha mpu: balalusire idivai ly'omurhobo.
\p
\v 14 Lero Petero, anayimanga na balya ikumi na muguma, asosa izû, ababwira erhi: Mwe bantu b'e Yudea na ninyu mwe b'e Yerusalemu, mumanye ntya, murhege okurhwiri muyunve bwinja ebinwa byani!
\v 15 Aba bantu barha lalusiri, nkoku murhanyize, bulya ziciri ns'isharhu z'ecisezi.
\v 16 Ci kuli kulya kwa derhagwa n'omulebi Yoweli, erhi:
\v 17 Omu nsiku za buzida, akudesire Nnamahanga, nalumiza omuka gwani oku bantu boshi; bagala binyu n'abanyere binyu baishi leba, emisole yinyu yaishikabona amabonekezi, n'abashosi binyu bashikabon'ebilorho.
\q
\v 18 Neci, omwezo nsiku, nashi yunjuliza Mûka wani oku bambali bani na bambalikazi bani, bana yishi leba.
\q2
\v 19 Naishi lerha ebirhangaza enyanya omu malunga n'ebisomerine edako omw'igulu; omukô, omuliro, n'omuhusi gw'omûgi;
\v 20 Izuba lyaishi hindamuka omu mwizizi, n'omwezi omu mukô, embere luhike olwo lusiku lwa Nnamahanga, lusiku lunene na lw'irenge.
\q
\v 21 Ngasi yeshi wana hamagale izino lya Nnamahanga ashi cizibwa.
\p
\v 22 Bene Izraeli, yunvirhizi eyi myanzi! Yezu w'e Nanzareti, oyo muntu Nnamahanga ahamirizagya emalanga ginyu n'ebisomerine, ebirhangaza n'ebimanyuso ajijire kumugerera omu kagarhi kinyu, nkoku munakumanyire mwe nanene;
\v 23 Oyo muntu, abantu babi balenganyagya nka kulya Nnamahanga ali arhegesire omu bulonza n'omu bumanye bwage, yoyo muzindi yirha, mwamu bamba oku musalaba.
\v 24 Nnamahanga amufula, n'oku mushwekula omu migozi y'olufu, bulya birhali shinganine ashwekwe nâbo.
\v 25 Bulya Daudi amuderhire mpu: Nali nakabona Nnahamwirhu emalanga gani, bulya ali ekulyo kwani, lyo ntaki shebulwa.
\q
\v 26 Kandi omurhima gwani guli omu mwishingwe, n'olulimi lwani omu busime, n'omurhima gwani gwayishi langalira omu bulangashane,
\v 27 Bulya orhaka lekerera omurhima gwani gwabera omu kuzimu, orhanaka yemera omucesibwa wawe abolera omu nshinda.
\q
\v 28 We wamanyusagya enjira z'obulamu, wayishi nyunjuza obushagaluke hano nkubona.
\p
\v 29 Bene wirhu, nyemererwe oku babwira n'obwalagale, enyanya lya larha Daudi, oku afîre, anabishwa, n'ecusho cage yo cinaciba eno mwirhu kuhika ene.
\v 30 Okuba ali mulebi, anali manyire oku Nnamahanga alimu laganyize n'olwalagale oku ayishi yimika muguma w'omu mulala gwabo oku ntebe y'obwami bwage,
\v 31 Kufuka kwa Kristu alirheganyize n'oku bamanyusa, omu kuderha oku arhanka lesirwe omu bafu n'omubiri gwage gurhankabolire omu nshinda.
\v 32 Ali oyo Yezu Nnamahanga afûlaga; rhweshi rhuli bahamirizi.
\v 33 Akuzîbwe omu kulyo kwa Nnamahanga, ahabirwe n'ishe Mûka Mwimana alaganyagya, anamurhuma, nkoku munabwine n'oku yunva.
\v 34 Bulya Daudi yehe arhashoneraga omu mpingu, ci adesire yene: Nnamahanga abwira Nnahamwirhu: Damala ekulyo kwani,
\v 35 Kuhika njire abashombanyi bawe obalabarhe kwo.
\p
\v 36 Enyumpa ya Israeli yoshi emanyuse n'obwalagale oku Nnamahanga ajiire Nnahamwirhu na kandi Kristu ye Yezu olya mwa bambaga oku musalaba.
\p
\v 37 Enyuma lyokuyunva eyo myanzi, yabaj'emurhima, banabwira Petero n'ezindi ntumwa erhi: Bene wirhu, kurhigi rhwajira?
\p
\v 38 Petero ababwira erhi: Muci yunjuze, na ngasi muguma winyu abatizibwe okw'izino lya Yezu Kristo, enyanya ly'obu babalire bw'ebyaha binyu; munahabwe enshokano ya Mûka Mutakatifu.
\v 39 Bulya eciragane ciri emwinyu, emw'abana binyu, n'emwa bantu bali hali, n'abanji Nnahamwirhu Nnamahanga wirhu ayishi hamagala.
\v 40 Anagendekera ababwira ebindi birhali binyi, mpu: Mmucicize omw'ogu muburho gwani.
\v 41 Abayemire akanwa kage bana batizibwa, n'olwo lusiku, entumwa zayushuka hofi bihumbi bisharhu.
\v 42 Bashibirira omu nyigirizo z'entumwa, omu cinyabuguma, omu kubega omugati, n'omu kusalira.
\p
\v 43 Abantu boshi basomerwa, kushimbana n'ebirhangazo n'ebisomerine binji byakagi jirikana n'entumwa.
\v 44 Boshi bali kayemera bali hantu haguma, banali gwerhe byoshi omu cinyabuguma.
\v 45 Baka gûza amashwa gabo n'ebirugu byabo, n'oku gabana engulo zabo boshi haguma, kushimbanana n'enyifinjo za ngasi muguma.
\v 46 Ngasi lusiku balihaguma n'obushibirizi omu ka Nnamahanga, n'oku ka bega omugati nyumpa oku nyumpa, n'okulya ebilyo byabo omu bushagaluke n'obulembu bw'omurhima,
\v 47 Baka kuza Nnamahanga, n'okuhabwa olukogo embere ly'olubaga lwoshi. Na Nnamahanga akayushula ngasi lusiku omu kagombe abakagi yemera.
\c 3
\cl Cigabi 3
\p
\v 1 Petro na Yohana banasokeraga bombi mu Kanamuzinda, akasanzi kamahuno: hali ahansa mwenda.
\v 2 Hali haba omulume wecirema kurhenga okuburhwa, bakagimuheka n'okumuheba ensiku zoshi aha muhango gwakanyamuzinda gwakagi hamagalwa muhango mwinja, lyakahuna enterekero oku boshi bakagija omu Kanamuzinda.
\v 3 Oyo muntu, abona Petro na Yohana balikola badahamo, anabahuna enterekero.
\v 4 Petro, naye Yohana, banacimurhulir'amasu, n'okuderha erhi: Rhulole-kwo.
\v 5 Naye anabalolereza bwenene, analingirire okuyankirira ebi bamuha.
\v 6 Lero Petro anacimubwira erhi: Ntagwerhi nfaranga, n'enoro; ci ebingwerhe, byonakuha: okw'izino lya Yezu-Kristo w'Enanzariti, oyimuke ona gende.
\v 7 Anamugwarha n'okuboko kw'elulyo, anamuyimusa. Honaho, amagulu gage n'enshando zage byana gwarhana;
\v 8 kwonakuhama anayimanga, anarhwangira agenda. Anadaha boshi omu Kanamuzinda, ajagenda, anajahama, n'okukuza Nnamahanga.
\v 9 Abantu boshi banabona okwajagenda anajakuza Nnamahanga.
\v 10 Bamanyirira oku alyulya wakagi baadahire aha muhango mwinja gwa Kanamuzinda ahunirahw'enterekero, bana cisomerwa n'okucidosa ahanyanya ly'ebya muhikirire.
\p
\v 11 Nk'oku arhacirhengaga-ho Petro na Yohana, olubaga lwoshi lwarhangîre lwakunjukira emunda bali, omu kagombe kaderhwa ka Sulemani.
\v 12 Petro, erhi abona ntyo, Lero abwira olubaga: Mwebantu b'Israeli, bulya gurhi musomirwe n'ebi? Bulya gurhi murhuhenekîre, nkakuno buhashe bwirhu rhwene erhi bwonjo bwirhu rhwagendesagya mw'oyu muntu?
\v 13 Nyamuzinda w'Abrahamu, w'Isaki nawa Yakobo, Nyamuzinda waba larha, anakuzize omukozi wage Yezu, olya mwaguzagya n'oku mulahira embere za Pilato, wali mpu amushwekûle.
\v 14 Mwalahire Omucesibwa na w'Okuli, mwahuna aba omunizi ye mufalukogo.
\v 15 Mwaisire omurhwali w'obulamu, ye Nyamuzinda afula omu bafu; rhuli bahamirizi.
\v 16 Oku bwemere kugerer'izino lyage izino lyage lyamamuhiramw'emisi oyu mulimwabona muna mumanyire; n'omwobyo bwemere kuli ye bwo bwahire oyu muntu w'eriburha okufuma, embere zinyu mweshi.
\v 17 Cikwone, bene-wirhu, mmanyire oku ebi mwabijijire omukurhamanya, ciru n'abarhambo binyu.
\v 18 Ci Nnamahanga ahikiriza eby'alidesire oku kanwa kabalebi, oku Kristo wage ayishi libuzibwa.
\v 19 Muciyunjuzagye munagokole, ly'ebyaha binyu birhenzibwa, lyo akasanzi k'omurhula kayisha emwa Nnahamwirhu,
\v 20 n'oku murhumira oyu mwalaganyibagwa, Yezu-Kristo,
\v 21 ye y'olya wayankirirwa omu mpingu kuhika akasanzi k'okuyumanyanya kwa byoshi, bilya Nnamahanga aderhaga mira omu kanwa k'abalebi bacesibwa.
\v 22 Musa adèsire erhi: Nnahamwirhu Nnamahanga winyu anàfûle muguma muli bene-winyu mulebi akâni; mwayishi muyunva oku byoshi anámubwire,
\v 23 na ngasi orhankuyunva oy'omulebi ayinirwa omu karhi k'olubaga.
\v 24 Abalebi boshi balishimbulirine baderha, kurhenga kuli Samweli, nabo bâdesire ago mango.
\v 25 Muli bana babalebi na bacirqgane cirya Nnamahanga alaganyanyagya na balarha, erhi abwira Abrahamu mpu: Emilala yoshi yen'igulu yanagishwe kugerera iburha lyawe.
\v 26 Emwinyu burhangiriza Nnamahanga, afuzire y'omukozi wage, anamurhuma mpu amugishe, anarhenze ngasi muguma omu bijiro byage bibi.
\c 4
\cl Cigabi 4
\p
\v 1 Petro na Yohana banaciba bali baganiz'olubaga, hayulubukira abagula, n'omwimangizi wa Kanamuzinda, n'abasandukayo,
\v 2 bagaya ebibakagiyigiriza olubaga, bulya bakagi yigiriza olubaga kugerera Yezu obufuke bw'abàfîre.
\v 3 Honaho banabagwarha n'okubakwebab'omumpamikwa kuhika bwaca; bulya byalikola bijingo.
\v 4 Cikwone, banji babalya baliyunvirhize eyo myanzi bayemera, n'omuganjo gw'abalume gwahika hofi bihumbi birhanu.
\p
\v 5 Erhi buca, abakulu b'olubaga, abagula n'abandisi, banaci shimanana eyeruzalemu,
\v 6 na Ana, mudahwa mukulu, Kayafa, Yohane, Alexandre, nabandi Bali bomu buko bwaba kulu baba dahwa.
\v 7 Bahirwa ekagarhi kabo Petro na Yohane, banacibadosa: Erhi oku buhashe buci, Erhi oku izino lyandi mwajiraga kulyalira?
\v 8 Lero Petro, ayunjuzibwa na Mûka Mutagatifu, anaci babwira erhi: Mwe bakulu b'olubaga, na ninyu mwe bakulu b'Israeli,
\v 9 bulya rhudosibwe ene oku minja rhwajiriraga omuntu wali mulwala, mpu lyo rhuderha okwafumaga mwo,
\v 10 mukumanyage mweshi, ciru n'olubaga lw'Israeli lukumanyage! Kuli okw'izino lya Yezu we Nanzareti, olya mwa yirhaga, na Nnamahanga amufula kurhenga omu bafu, kugerera oyo kwokwarhumire oyula muntu abaneneka akola mugumana emalanga ginyu.
\v 11 Yezu lyo lir'ibuye lya kabuliragwa namwe nka bubasi, Lyo lyanayishiri hinduka ibuye lya kagonyero k'enyumpa.
\v 12 Nantawundi obucire bwankarhenga kwo; bulya enigulu erhali lind'izino lyahirw'abantu, lyankarhuciza.
\p
\v 13 Erhi banacibona oburhwali bwa Petro na Yohane, basomerwa, bamanya mpu Bali Bantu bomu mulala gurha yigirizibagwa; bamanya oku Bali haguma na Yezu.
\v 14 Cikwone erhi babona hofi nabo omuntu wafumaga, barhacigwarhaga byakuderha.
\v 15 Banacibadosa oku barhenge omweyo ngômbe, Banacibwirana bone na nene,
\v 16 erhi: Gurhi rhajira bano bantu? Bulya byacilanguline oku bacikala boshi be Yerusalemu oku eci somerine cajirikanaga cajiragwa nabo, nirhu rhurhankacihashi cilahira.
\v 17 Cikwone, lyo ecocijiro cirhalumire bwenene omulubaga, rhulahire n'obukali okulirhaciderhagwa elyo'izino ciru n'omuntu muguma.
\v 18 Banabahamagala, bana balahirira n'obwalagale okurhaciderhe n'okuyigiza okw'izino lya Yezu.
\v 19 Petro na Yohane, babashuza mpu: Mulutwe erhi bikwanine, emalanga ga Nnamahanga, abe mwerhukenga kulusha Nnamahanga;
\v 20 bulyalira rhurhankaleka okurhaderha ebirhwabwine n'ebirhwa yunvirhe.
\v 21 Banacibakalihira, n'oku bashwekûla, babula Gurhi babahana, erhi lubaga lurhuma, bulya boshi bakagi kuza Nnamahanga oku byo byajirikine.
\v 22 Bulya omuntu wajiriragwa eco cisomeza aligwerhe hofi myaka makumi gani na kulusha.
\p
\v 23 Enyuma ly'okushwekulwa, bagenda emwabo, baja baderha ngasi byoshi abakulu b'olubaga n'abagula ebibakaderha.
\v 24 Erhi bayunva ntyo, banacishonya îzù emwa Nnamahanga boshi muguma, banaciderha erhi: Nahamwirhu, we walemaga amalunga, n'igulu, enyanja, na ngasi byoshi biba-mwo,
\v 25 Wene we waderhaga kuli Mûka Mutagatifu, oku kanwa ka Larha wirhu, omurhumisi wawe Daudi erhi: Bulya gurhi embaka omu karhi k'amashanja, n'entanya mbi omu lubaga?
\q
\v 26 Abami b'igulu bayimuka, abarhwali bacihebire haguma mpu boshi balwisè Nnahamwirhu n'omugwa amavurha wage.
\p
\v 27 Ciru, bashimbire n'omu Cesibwa mukozi wawe Yezu, olya washigaga, Herodi na Posio Pilato bacigushire boshi haguma muli omw'ogo murhundu n'embaga zoshi z'Israheli,
\v 28 lyo bajira byoshi okuboko kwawe n'ihano lyawe byarheganyize.
\v 29 Natya, Nnahamwirhu, ololage okula baja bacigenza, ohe n'abarhumisi bawe obuhashe bwokuyigiriza akanwa kawe buzira coba,
\v 30 olambule okuboko kwawe, kufumye abalwala, ebisomerine n'ebirhangazo, okw'izino ly'omurhumisi wawe mcesibwa Yezu.
\v 31 Erhi baba bagwerhe bashenga, ahantu bali hagera mw'omusisi; n'abo boshi bayuzibwa Mûka Mutagatifu, banayalagaza omwanzi gwa Nnamahanga buzira bwoba.
\p
\v 32 Abo boshi bayimire Bali gwerhe murhima muguma na ntanya nguma. Ntaye wakagi derha oku ebyagwerhe biri byage yene, ci ngasi hyoshi hyali boshi.
\v 33 Entumwa zanaiyalagaza n'emisi minji obufuke bwa Nnahamwirhu Yezu. N'olukogo lunene lwaba kulibo boshi.
\v 34 Bulya mulibo murhali oli buzibe kantu: ngasi boshi baligwerhe amashwa erhi nyumpa bakabiguza, banacikalerha engulo y'ebi baguzize,
\v 35 n'okuka biheba aha magulu gw'entumwa; banagabirage ngasi muguma nk'oku amalagirire gage ganali.
\p
\v 36 Yusufu, y'entumwa zayirikaga mpu ye Barnaba, kwokuli kuderha mwana w'oburhulirizi, Muleviti, muburhwa w'Ekipro,
\v 37 aguza ishwa aligwerhe, n'engulo ayilerha, ayihira ahamagulu g'entumwa.
\c 5
\cl Cigabi 5
\p
\v 1 Ci muntu muguma wakagi hamagalwa Anania, na Safira ye mukage, baguza ebi baligwerhe,
\v 2 Basigalana ecirholo c'ebi bali bahire, mukage naye alimanyire okwo; buzinda alerha ebyasigire babirherekeza aha magulu g'entumwa.
\v 3 Petero amubwira: Anania, bulya gurhi Lyangombe anayunjuzize omurhima gwawe, kuhika oku shumira Muka Mucesibwa, n'obwo wafulisire ecirholo c'engulo y'er'ishwa?
\v 4 Nka lirhanka guzibwe, ka lirhanka nayosire liri lyawe, aha nyuma ly'oku guzibwa kwalyo, k'eyo ngulo arhali we wali yigwerhe? Gurhi wahashire okuhira akanwa kabi ntya oku murhima gwawe. Arhali bantu oshumire, ci Nyamuzinda.
\v 5 Anania, omu kuyunva ebyo binwa, anacihirima, anafa. Ecoba cinene cagwarha abaligwerhe baba yunvirhiza.
\v 6 Abo busole, bayimuka, bamuboha, bamuheka n'okuji mubisha.
\p
\v 7 Enyuma lya lugero lwa nsa zisharhu, mukage naye adaha buzira kumanya ebyahikirire.
\v 8 Petero anamudosa: Erhi mbwira, kw'okuli eyi ngulo yo mwanaguzize kw'ishwa? Neci, kw'ashuzize, erhi kuli eyo ngulo.
\v 9 Lero Petero amubwira erhi: Bulya gurhi mwalaganine okuyishi rhangula muka gwa Nnamahanga? Lola abarhengi bisha balo, babo bali omu luso, nawe bakuheka.
\v 10 Hona halya, anahirima aha mmagulu g'entumwa, anafa. Ab'obusole, erhi bakola mpu badahe, bamushimana amafa; bana muheka n'oku mubisha aha burhambi bw'iba.
\v 11 Ecoba cinene cagwarha olubaga lwoshi na ngasi boshi bayunvirhe kuli ebyolalira.
\p
\v 12 Binji bya kusomeza n'ebirhangaza byajijirwe omu karhi k'olubaga byajiragwa n'entumwa. Bakagi cigusha boshi haguma omu mbaraza ya Sulemani.
\v 13 Na nta bandi bacigezire mpu b'abaja mwo; ci kwone olubaga lwaka bakunga bwenene.
\v 14 Omuganjo gw'abayemire Nyamuzinda balume, n'abakazi gw'akagi yushuka bwenene bwenene.
\v 15 Ciru bakalerha abalwala omu mihanda n'oku bagwasa oku ncingo n'oku mirhamba lyo hano Petero akola agera ecizungululu cage cone cihike kwo ciru muguma wabo.
\v 16 Ngabo nyinji yaka libirhira yo, ciru n'abakagi rhenga omu bishagala bya hofi n'Eyerusalemu, bakalerha abalwala n'abantu bali bagwerhwe n'abazimu; boshi banaka fuma.
\p
\v 17 Ler'omudahwa mukulu haguma n'aba bali boshi, bamanya olunda lw'abasadukayo, banayimuka, bakola bayunjwire bwagalwa,
\v 18 bagwarha entumwa n'okubahira omu mpamikwa.
\v 19 Ci malaika wa Nyakasane ayigula omubudufu enyunvi z'empamikwa, aba hulusa, anababwira erhi:
\v 20 Gendi, muje omu ka Nyamuzinda, mumanyise olubaga emyanzi yoshi y'obulamu.
\v 21 Erhi bayunva ntyo banacigenda sezi sezi omu ka Nyamuzinda n'oku rhangira ba yigiriza. Omudahwa mukulu naba bali boshi erhi bayisha bahamagala embaraza haguma n'abashosi, boshi b'abana b'omw'Israeli n'okurhuma mpu bajilonza entumwa omu mpamikwa.
\v 22 Abakozi, omu kuhika kwabo, barha bashimanaga omu mpamikwa. Bana hindamuka, n'oku hisa emyanzi,
\v 23 baderha mpu rhwashimanyire empamikwa eyigirwe bwinjinja, n'abalanzi bali embere z'emihango; cikwone, ene rhuyigula, rhurha buganire omuntu yeshi yeshi endalala.
\v 24 Erhi bayunva ebi binwa, omukulu w'aka Nyamuzinda n'abagula b'olubaga barhaci rhanyagya kundi gurhi, okurhali kurhanya aha nyanya ly'entumwa n'oku gendekera kw'olo lubanja.
\v 25 Muntu muguma ayisha ababwira erhi: Alagi, abantu mwahebaga omu mpamikwa bakola bali omu ka Nyamuzinda, banali bayigiriza olubaga.
\v 26 Lero omukulu agenda n'abakozi, banayisha babadwirhe buzira kadali, bulya bali yobohire olubaga mpu lwaba banda amabuye.
\v 27 Erhi bama bahisa embere z'embaraza omudahwa mukulu abadosa kwa mene oku:
\v 28 Karhurha mulahizagya kuzibu kuzibu okuyigiriza okwer'izino? Ci lolagi, mwayunjuzize Yerusalemu yeshi enyigirizo zinyu, n'okulonza oku rhuberhuza omuko gw'oyo muntu!
\v 29 Petero n'entumwa bashuza: Kushinganine oku kenga Nnamahanga kulusha abantu.
\v 30 Nnamahanga wa ba larha afuzire Yesu, oyu mwayirhaga, mwamu manika oku murhi.
\v 31 Nnamahanga amukuzize n'okulyo kwage nka murhwali na muciza, lyo aha Israeli oku ciyunjuza n'oku babalirwa ebyaha.
\v 32 Rhuli bahamirizi b'ebyola, ciru naye Muka Mwimana, olya Nnamahanga ahaga balya bamukenga.
\p
\v 33 Bagaya, ahanyanya z'ebyo binwa, balonza mpu bakola babayirha.
\v 34 Cikwone mufarisayo muguma wahamagalagwa Gamalieli, mwigiriza w'amarhegeko, akagi kengwa n'olubaga lwoshi, ayimuka omw'ihano, ana cirhegeka oku barhengi hulusa entumwa.
\v 35 Lero ababwira erhi: Bantu b'Izraeli, mucirhonde mumanye bwinja ebi mwajirira aba bantu.
\v 36 Bulya liciri duba lirya ayishaga Teuda, anaciderha mpu ali muntu muzibu bana cishwekera kuli ye bantu hofi magana gani: oyola ayirhwa na ngasi boshi bali mushimbulire bashandala n'oku rhamira busha.
\v 37 Aha nyuma lyage hana ciyisha Yuda mu Galilaya, kali kasanzi k'okujira omuganjo, naye anakulula lubaga lurhali lunyi omu cigamba cage: oyo naye anahera, na ngasi boshi bamushimbire bashandabana.
\v 38 Nantyo, mmubwizire murha cicirhege abano bantu, muna baleke bagende. Nkaba guno mulungano erhi guno mukolo gurhenzire emwa bantu, gwayishi shabuka;
\v 39 cikwone nkaba gurhenzire emwa Nnamahanga murhanka hasha oku gushabula. Omu kurha manya mwaba mukola muli mwalwisa Nnamahanga.
\v 40 Banayunva elihano lyage. N'oku hamagala entumwa, babashurha emikoba, bana bakomereza oku barha ciderhaga okw'izino lya Yesu, lero bana bashwekulaga.
\v 41 Entumwa zarhenga embere z'akagombe n'obu shagaluke okubona bali bahanire obushinganyanya erhi kuhamiriza izino lya Yesu kurhumire.
\v 42 Na ngasi lusiku, omu ka Nyamuzinda n'omu nyumpa nyinji barha lekaga okuyigiriza n'oku yalagaza emyanzi y'akalembe ya Yesu Kristu.
\c 6
\cl Cigabi 6
\p
\v 1 Omwezo nsiku, omuganjo gw'entumwa gwayushuka, Abayunani baciduduma kubi emw'Abaebraniya, buly'abakana babo Bali bayibagirwe omubyo bakagi gabirwa ngasi lusiku.
\v 2 Baly'ikumi na babirhi bahamagala abaganda, bana bahwira erhi: birhashinganini oku rhulek'omwanzi gwa namahanga lyo rhuka shangira omugati.
\v 3 Co cirhumire, bene wirhu muchi shoge muli mwe bantu nda, obuhamirize bwinja, babe bayunjulire Muka mwimana n'oburhimanya, n'abo bo rhwabarhuza buno mukolo.
\v 4 Na nirhu, rhwa gendekera okushenga n'omu mukolo gw'emyanzi y'akalembe.
\v 5 Ago marhegeko gasimisa hoshi, banaci londola Stefano muntu walk oyunjwire bwemere na Muka mwimana, Filipo, na Prokono, na Nikanoni, Tinoni na Parimena, na Nikola, mushimbulizi w'e Antiokia.
\v 6 Baba yerek'entumwa, bo, erhi banayusi shenga baba lambulira kw'amako.
\p
\v 7 Akanwa ka na Nnamahanga kayalagala, bwenene na bwenene, n'omuganjo gw'entumwa gwayushuka bwenene omu Yerusalemu na lubaga lunene lw'abadahwa lwakenga obuyemere.
\p
\v 8 Stefano, walk oyunjwire enshokano n'oburhwali, anajira birhangaza binji na bisomeza binji omu karhi k'olubaga.
\v 9 Bantu baguma n'omu Sinagogi ederhwa y'abarhengaga omu buja n'eya b'e Sirena n'e ya b'e A lexandrea, baguma n'a bayahudi b'e Silisiya, n'ab'e Azia haha bamujisa kadali.
\v 10 Cikoki barha legemaga embere ly'ab'oburhimanya aligwerhe na Muka mwimana wakagi muderha mwo.
\v 11 Lero baba ci rhebeba abantu mpu baderhe: Rwa muyunvirhe ebinwa byaka jachira Musa na Nnamahanga.
\v 12 Banchi zusa akavulindi omulubaga, n'omu bashamuka n'abandi, na, baba FYI kweba kuli ye, baba mugwarhe n'okumuheka ekagombe.
\v 13 Balerha abahamirizi b'obunywesi, baderha erhi: oyu muntu arhahwa arha derha emyanzi mini abantu ha Tagatifu n'oku marhegeko;
\v 14-15 bulya rhwa muyunvirhe mpu: Yesu w'e Nanzareti erhi ana shabe hano hantu ana hindule engeso Musa arhu haha. Hoshi abali omu ako Kagombe erhi balola kuli ye Stefano babona amalanga gage gakola nka malahika.
\c 7
\cl Cigabi 7
\p
\v 1 Omudahwa mukolu adosa Stefano erhi: "Kakwo binali ntyo?"
\v 2 Stefano naye ashuza erhi: Benewirhu na balarha, munyunvirhize. Nnamahanga w'irenge abonekire larha wirhu Abrahamu amango ali omu cihugo c'e Mesopotamiya, embere agendi lama e Harani,
\v 3 amubwira erhi: Rhenga emwinyu n'omu mulala gwawe, oje omu cihugo nakuyereka.
\p
\v 4 Ago mango Abrahamu arhenga muli eco cihugo c'Abakaldeya, ajibera e Harani. Enyuma lyaho, ishe wa Abrahamu afa. Nnamahanga arhenza Abrahamu e Harani amuhira muli eci cihugomuli mwo buno.
\v 5 Nnamahanga arhamuhaga bici muli eci cihugo, ciru ishwa liri nka bugali bwa Lushando, cikwone Nnamahanga amulaganya oku amuha lyo, n'okw'abantu b'omu buko bwage nabo balibera mwo enyuma ly'okufa kwage. N'obwo ago mango Abrahamu arhali gwerhe mwana.
\v 6 Yunvagyi oku Nnamahanga amubwizire. Amubwira erhi: Abantu b'omu buko bwawe babera omu cihugo c'ihanga. Bayishi ba mwo baja banalibuzibwe mwo myaka magana ani.
\v 7 Nnamahanga aderha erhi: Cikwone olwo lubaga lwana barhambule nanaluhane. Enyuma ly'aho, barhenga eyo bayisha n'oku ngashaniriza muli aha hantu.
\v 8 Kandi Nnamahanga alaganana nabo na Abrahamu. Okukembulwa co cali cimanyuso c'oku laganana kwabo. Ntyo kwo Abrahamu akembwire mw'omugala Isaki erhi ayusa mugobe muguma abusirwe. Isaki naye akembula omugala Yakobo na Yakobo naye akembula ba shakuluza ikumi na babiri.
\p
\v 9 Abo bashakuluza bayagalwa na Yozefu, bamuguza mpu ajiba muja omu Misiri, cikwone Nnamahanga ali haguma naye.
\v 10 Amukula omu malibuko gage goshi. Aha Yosefu okubonekana murhonyi, amuha n'obuhashe bw'oku yerekana obumanye amango ali emalanga ga mwami Farao w'e Misiri na w'omu bwami mwoshi.
\p
\v 11 Ago mango ecizombo caja omu cihugo c'e Misiri coshi n'omu cihugo c'e Kanani coshi, amalibuko gali manene na ba shakuluza barhacibonaga ebi bankalya.
\v 12 Erhi Yakobo ayunva oku engano eli Misiri, arhangi rhuma yo ba shakuluza.
\v 13 Erhi bashubirira yo bwa kabiri, Yosefu acimanyisa kuli bene wabo. Ntyo kwo Farao naye amanyire mw'omulala gwa Yosefu.
\v 14 Ago mango Yosefu arhumiza mpu bajilonza ishe Yakobo n'omulala gwage gwoshi, bali hisire bantu makumi gali nda na barhanu.
\v 15 Lero Yakobo aja e Misiri, afiraga eyo munda na ba shakuluza nabo yo bafirire.
\v 16 Baheka emirhumba yabo e Sekemu n'okuibisha aha Abrahamu agulaga oku ngulo y'enfaranga, aha guliraga bene Hemori e Skemu.
\p
\v 17 Amango Nnamahanga ali alonzize eciragane ali laganize Abrahamu cihikirire gahika, olubaga lwirhu lwayushuka, lwagandaza omu Misiri.
\v 18 Enyuma ly'aho owundi mwami orhali manyire Yosefu ayima e Misiri.
\v 19 Oyo mwami arheba olubaga lwirhu n'okujira ba shakuluza kubi omu kubaseza mpu balekerere orhubonjo rhwabo lyo rhufa.
\p
\v 20 Obwo lyo Musa aburhagwa, ali mwana mwinja, anali murhonyi emalanga ga Nnamahanga. Alerirwe omu kwabo myezi isharhu.
\v 21 Erhi bamujandaga mwali wa Farao amurhola, amulera nka mugala wage yene.
\v 22 Ntyo, Musa abigirizibwa amenge goshi ga Bantu b'e Misri, aba muzibu omu binwa bya n'omu mikolo.
\p
\v 23 Erhi ahisa myaka makumi ani, atwa okw'ajirhangula bene wabo b'omu buko bwage, bo bali Bisraeli.
\v 24 Abona Mumisri muguma ali jira muguma wa muli bo buligo. Arhabala nnakujirhwa buligo, n'omu kumwiholera, ayirha olya Mumisri.
\v 25 Akag'irire mpu wabo, Abisraeli, bamanya oku Nnamahanga amurhuma mpu ayish'ibalikuza cikwone barhamanyaga okw'o
\v 26 Erhi buca, Abisraeli babiri bali balwa, alonza okubafunga. Ababwira erhi: Bira bani, muli baguma, bici birhumire mwa libuzanya?
\p
\v 27 Olya wahalaliraga owabo atundulika Musa, amubwira erhi: Nndi wakujiraga mukulu na muciranuzi wirhu?
\v 28 Ka wamalonza mpu onyirhe nka kulya wayirhaga omu Misri?
\v 29 Erhi Musa ayunva nt'yo ayaka, ajibera omucihugo c'e Mediani. Aburhirha yo banababirhi yo bagala babirhi.
\p
\v 30 Enyuma lya myaka makumi ani, malahika abonekera Musa omu mpinga hofi n'entondo y'e Sinayi ali omungulumira y'ishaka lyakag'ihya.
\v 31 Musa asomerwa erhi abonekera ntyo. Cikwone erhi aja acitunda mpu lyo alolera hofi, ayunva izu lya Namuzinda aderha erhi:
\v 32 Nie Nnamahanga wa bashakuluza bawe, Nnamahanga wa Abrahamu, wa Isaka na wa Yakobo, Musa arhondera okugera mwo omusisi gw'oboba, ciru arhacishomerwa mpu alole
\v 33 Ago mango Nnamahanga amubwira erhi: Hogola ebirato bulya aha waja hali hantu himana.
\v 34 Nabwine amalibuko g'olubaga lwani omu Misri, nayunvirhe amalibuko gabo nyishirage nti balikuze. Yishiga nkurhume e Misri.
\p
\v 35 Olya Musa Abisraeli balahiraga amango aderhaga mpu: Nndi wakujiraga mukulu na muciranuzi? Ye Nnamahanga arhumire mpu abe mukulu na mulikuza wabo, haguma n'oburhabale bw'olya malahika wamubonekeraga omwishaka.
\v 36 Musa ye wa rhenzizagye Abisraeli omu Misri, omukijira ebirhangaza n'ebisomerine muli eco cihugo oku nyanja ndukula n'omu mpinga myaka makumi ani.
\p
\v 37 Oyo busa ye bwiraga Abisraeli erhi: Nnamahanga amuhumira omulebi wage oli akani aba muguma w'omu lubaga lwinyu.
\v 38 Oyo ye wali aha lubaga lwe Israeli lwali lushimanine omu mpinga: Ali boshi nabashakuluza, n'olya malahika wamudesagya oku ntondo y'e Sinayi; ahabwa ebinwa bya Nnamahanga biyujwire buzine, mpu arhuhereze byo.
\p
\v 39 Cikwone bashakuluza barhalonzagya okumuyumva, bamutundulika, balonza okushubira e Misri.
\v 40 Babwira Aroni mpu: Rhujirire ennama Zakarhushokolera bulya rhurhamanyiri okw'olya Musa warhurhenzagya e Misri anabire.
\v 41 Z'on'ezo nsiku, bajira akanina, n'okurherekera eyo nshushano bana jiririra echiremwa ch'amaboko gabo olusiku lukulu.
\v 42 Lero Nyamuzinda Anachi bahindusire omugongo anabaleka mpu baka haramya emirhwe y'oku nkuba, now kulya kuyandisirwe omu chitabu ch'abalebi, mpu: ka hali embagwa mwa mbagire erhi enterekero mwa nterekerire, bene Israeli, mwerya myaka makumi ani mwali omu irungu?
\q
\v 43 Mwakabarhula cha moleki n'enyenyezi Nyamuzinda winyu Refani, ezo nshushano mwajira mpu mukazihramya! Nani nkolaga namululiza kurhaluka e Babiloni.
\p
\v 44 Omu irungu balarha bagwerhe echihando c'engano, kulya anali arhesire owarhumaga Musa mpu achijire nshusho abonaga.
\v 45 Erhi baba bama chihabwa, balarha bachi heka omu chihugo banyegaga balya mashanja Nnamahanga alibirhaga kwo embere zabo Yozwe ye wali chirongozi cabo; byaha ntyo kuhika amango ga Daudi.
\v 46 Ana chi rhona emwa Nnamahanga, anashenga ashobol'enshokano y'okuyubakira Nyamuzinda wa Yakobao enyumpa,
\v 47 Salomoni ye waishi muyubakira e nyumpa.
\p
\v 48 Chi ow'enyanya arhabera omu nyumpa za yubakagwa n'amaboko g'abantu, nk'oku omulebi adesire, erhi:
\v 49 Irunga to ntebe y'obwami bwani n'igulu co cirhi ch'amagulu gani. Nyumpa nci mwanyubakira erhi ahantu hani naka rhamukira go mwanzi gwa Nyakasane ogwo.
\q
\v 50 Kakurhali kuboko kwani kwa jiraga ebyo byoshi?
\p
\v 51 Mwe bacikanyi cirhagomba, agamarhwiri n'emirhima erha kembulagwa, muyorha mulahira oku yunva Muka Mwimana!
\v 52 Mulebi ohi basho barha libuzagya? Bankside abakagi leba okuyisha kw' Omushinganyanya, olya muzindilenganya mwanamuyirha.
\v 53 Mwe mwahirwe na bamalahika Amarhegeko, murhanagashimbaga.
\p
\v 54 Erhi bayunva ebyobinwa, bakunira bwenene banakalumira Stefano amino.
\v 55 Ci yehe, bulya ali yunjwire Muka Mwimana Anachi hakajira enyanya, abona irenge lya Nyamuzinda, na Yesu ayimanzire ekulyo kwa Nyamuzinda.
\v 56 Anaci derha, erhi namabona e Mpingu eri nyigule, na mwene -omuntu ayimanzire ekulyo kwa Nnamahanga!
\p
\v 57 Banaci genda orhuhababo, bafuka amarhwiri, bacimwihunika kwo caligumiza.
\v 58 N'erhi baba bama mukul'omu lugo, bamu banda amabuye, abahamirizi baliba rherekize emyambalo yabo aha magulu g'omwana w'omusole, izino lyage ye Saulu.
\p
\v 59 Erhi baba bakola badwirhe bamubanda amabwiye, Stefano akashenga, erhi: Yagirwa Yesu oyankirire Omuka gwani.
\v 60 Oku bindi anaci fukama, ayakuzan'izu linene, erhi: Nyakasane, orhabalyulaga Bubi! N'erhi ayusi derh'ako kanwa arhenga mw'omuka.
\c 8
\cl Cigabi 8
\p
\v 1 Sauli naye ali yemire mpu bayirhe Stefano. Haba, olwo lusiku, obululu bunene aha nyanya ly'olwarhamba lw'e Yerusalemu; na boshi, kukula entumwa, bashandala omu cihugo c'e Yudea n'ece Samaria.
\v 2 N'abantu b'obwemere babisha Stefano, bana mulakira okw'izu linene.
\v 3 Sauli, olunda lwage, ashereza akanisa, aja omu ngasi nyumpa, agwarha abalume n'abakazi, n'oku bakabulira omu mpamikwa.
\p
\v 4 Aba shandabazibagwa eyi n'eyi, baja hana omwanzi gw'akalembe.
\v 5 Filipo, ahonoka omu cishagala c'e Samaria, aja yigiriza Kristu.
\v 6 Olubaga lwoshi lwa nunirwa n'enyigirizo za Filipo, erhi bayunvagya b'anabona ebi manyuso ajiraga.
\v 7 Bulya abazimu babi bakagi rhenga omu bantu banji, baja bayakuza bwenene, na abali bahozire n'ebirema ba fuma.
\v 8 Haba obushagaluke bwinji omw'eco cishagala.
\p
\v 9 Haali mbere omw'eco cishagala omuntu muguma wahamagalagwa Simoni, abaga mukurungu, akagi someza abantu b'eSamariya n'okuciderha muntu mukulu.
\v 10 Booshi, kurhenger'oku murho mpaka oku mukulu, bamuyunvirhiza bwinjabwinja, bana kagi derha: Oyu ali buhashe bwa Mungu, bulya baderha kukulu.
\v 11 Bakagi muyunvirhiza bwinja, bulya kurhenga mira bak'agi barhangaza n'amankurungu gaage.
\v 12 Cikwone, erhi baba bamayemera Filipo, wakagi bayigiriza emyanzi ya kalembe k'obwami bwa Nnamahanga n'izino lya Yesubak- Kristu, mulume n'omukazi boshi babatizibwa.
\v 13 Simoni yene ayemera, na, enyuma ly'oku batizibwa kwage, arhaci kagi siga Filipo, anakagi somerwa n'ebyo birhangaza n'ebisomerine bizibu akagijira.
\p
\v 14 Entumwa, zali e Yerusalemu, zayunva oku ab'Asamariya bayemire emyanzi ya Nnamahanga, zabarhumira Petro na Yohana.
\v 15 Abo, erhi bahika emwa b'Asamariya, baba hunira, lyo bayankirira Mûka Mutakatifu.
\v 16 Bulya Mûka wa Mungu arhalisingi honokera ciru n'oku muntu muguma mulibo; bali babatizibwe kwone okw'izino lya Nnahamwirhu Yesu.
\v 17 Ago mango Petro na Yohana babahira kwo amaboko, nabo bahabwa Mûka Mutakatifu.
\v 18 Erhi Simoni abona oku Mûka Mutakatifu akagi habwa n'okuhebwa kw'amaboko g'entumwa, babaha enfaranga,
\v 19 Erhi: Mûmpe nani okw'obwo buhashe, lyo nani oyu nashika heba kwo amaboko ahabwe Mûka wa Mungu.
\p
\v 20 Ci Pierre amubwira: Okahera we n'enfaranga zawe, bulya wamanyire mpu wanagula enshokano ya Nnamahanga n'enfaranga!
\v 21 Nta cigabi n'anta mwanya ogwerhe omwebi, bulya omurhima gwawe gurha shinganini embere za Nnamahanga.
\v 22 Ocicikubulage kw'obwo bubi bwawe, ona hune Nyamuzinda: kwankanaba okurhenza ezo ntanya omu murhima.
\v 23 Neci, mbwine oku oyunjwirwe endulwe y'obubi onali mubohe n'emigozi y'ebyaha.
\p
\v 24 Simoni aderha: mumpunire emwa Nnahamwirhu, lyo ebi mudesire birha mpikire.
\p
\v 25 Erhi baba bama hamiriza n'oku derha emyanzi ya Nyakasane, bashubira e Yerusalemu, omu kuyigiriza omwanzi kw'akalembe omu mirhundu minji y'e Samaria.
\p
\v 26 Malaika wa Nyakasane, aderhesa Filipo, amu bwira: Yimuka, ojé olunda lwedako, oku njira ehonosire kuja e Yerusalemu, kuja e Gaza, liri irungu.
\v 27 Anayimuka, agenda. Omunjira mwayisha muntu muguma w'e Etyopiya. Ali mulumba murhonyi wa Kandasi, mwami kazi w'e Etyiopiya, na murhegesi w'ebirugu byage byoshi. Ali gashaniza e Yerusalemu,
\v 28 Erhi akola ali omu njira y'okushubira emwabo, erhi atamire oku ngaale yage, anagwerhe asoma omu citabu ca Isaya.
\p
\v 29 Mûka Mutakatifu anaci bwira Filipo erhi: Yimuka ogwarhe eyo ngaale.
\p
\v 30 Filipo ayunva agwerhe asoma omu citabu c'omulebi Isaya. Amudosa erhi: K'oyunvirhe ebi ogwerhe wasoma?
\p
\v 31 Ashuza: Gurhi nankahasha, nka ntaye ondongoline? Obwo ayigiriza Filipo mpu ashonere oku ngaale yage, anatamale eburhambi.
\p
\v 32 Ecigabi c'amandiko akagisoma, co ceci: Bamurhesise nka cibuzi caj'ibagwa; nka mwana buzi orha bumbula akanwa embere z'owa mutwa obwoya, arha shagala cibi.
\q
\v 33 OLubanja lwage balutwira akagayo. Iburha lyage ndi wanaliganje? Bulya obuzine bwage babukuula en'igulu.
\p
\v 34 Olya mulamba anacidosa Filipo, erhi: maashi mbwira ndi oyo mulebi aderhire ntyo? Ka yene nisi erhi windi?
\v 35 Oku bundi Filipo anaci murhondereza, arhondera kuli ebyo binwa by'amandiko, amuyigiriza emyanzi ya kalembe ya Yesu.
\v 36 Oku bali omu njira, bahika aha amishi gali. Olya mulamba amubwirha erhi: Amishi aga, bicibicimpanzize oku batizibwa?
\v 37 Naye Filipo amubwira, erhi: Akaba oyemire n'omurhima gwawe gwoshi, kwana hashikana. Ashuza, erhi: nyemire oku Yesu Kristu ye Mugala wa Nyamuzinda.
\v 38 Anayimanza engaale, ba bungulukira omu mishi, Filipo n'olya mulamba; amubatiza.
\v 39 Erhi baba namarhenga omu mishi, omuka gwa Nyakasane gwashamula Filipo, n'olya mulamba arhacimubonaga. Agendekera omu njira haguma n'obu shagaluke.
\v 40 Filipo ayigiriza emyanzi ya kalembe omu bishagala byoshi, kuhika alinda ahika e Sezariya.
\c 9
\cl Cigabi 9
\p
\v 1 Cikwone Sauli, arhalekaga oku yobohya abana abigirizibwa na Nnahamwirhu mpu abayiirhe, ajà emw'omudahwa mukulu,
\v 2 Amuhuna amaruba g'okuja omu sinagogi z'e Damasi, mpu lyo, akabona abali omweyo njira, akaba balume erhi bakazi, abalerhe e Yerusalemu.
\v 3 Aligi omu njira yage, anali akola ahika hofi n'e Damaski, obulangashane bwarhenga oku nkuba bwamu funika n'oku bwamu gorha.
\v 4 Aci rhimba okw'idaho, ayunv'izu lyamuyakuza erhi: Sauli, Sauli, bici wandibuliza?
\v 5 Ashuza erhi: wendi, Nnahamwirhu? Na Nnahamwirhu aderha erhi: Ndi Yesu oli walibuza. Kuli kuzibu kuli we oku labarha emishugi.
\v 6 Ajuguma asomerwa aderha erhi: Nnahamwirhu, gurhigi olonzize njire? Na Nnahamwirhu amushuza erhi: Yimuka, oje omu lugo, bakubwira ebi wajira.
\v 7 N'abalume babalamaga boshi bayimanga bahulika; bakayunvirhiza izu, cikwoki barhakagi bona muntu.
\v 8 Sauli ayimuka okw'idaho, erhi amasu gage gazibuka, arhabonaga bici; bamu gwarhira oku kuboko, bana mulusa e Damaski.
\v 9 Ayusa nsiku isharhu arhabona, arhana kagi lya ciru n'oku nywa.
\p
\v 10 N'obu, Edamasi yali omuganda izino lyage ye wali Ananiya. Nnahamwirhu amubonekera amu bwira erhi: Ananiya! Ashuza: Nyono, Nnahamwirhu!
\p
\v 11 Nyakasane amubwira: Yimuka, ja omu njira ederhwa eshinganine, ona lonze, omu nyumpa ya Yudea, oderhwa Sauli w'e Tarso. Bulya ali ashenga,
\v 12 Ana bonekerwa n'omuntu izino lyage Ananiya, aja omu ali, anamulambulira kwo amaboko mpu amuhunira.
\p
\v 13 Ananiya anacishuza erhi: Nnahamwirhu, nayunvirhe oku bantu banji ebintu byoshi bibi ajirire abatakatifu e Yerusalemu;
\v 14 anayishire hano n'obuhashe abajinji bamuhaga mpu agwarhe abashenga izino lyawe booshi.
\p
\v 15 Ci Nyakasane amubwira erhi: genda, bulya oyu muntu nacishozire ye nti mukolese aheke izino lyani embere ly'embaga, embere ly'abami, n'embere lya mwene Israeli;
\v 16 nana muyereka kulibuzibwa kuci acibona aha nyanya ly'izinolyani.
\p
\v 17 Ananiya anagenda; n'erhi ahika omu nyumpa, alambulira amaboko oku Sauli, anaderha erhi: Sauli, mwene wirhu, Nnahamwirhu Yesu, wakubonekeraga omu njira wayishaga, anantumire lyo ohabwa akalamu ly'ona habwa Mûka Mutakatifu.
\v 18 Honaho, anahinduka honaho aja kwo ebiri nka magamba, anabona. Anayumuka, ana batizibwa;
\v 19 Na, buzinda erhi amalya, emisi yamugalukira. Sauli abera nsiku nka zinga haguma n'entumwa zali e Damasi.
\v 20 Honaho anayigiriza omu sinagogi oku Yesu ali mwene Mungu.
\v 21 Boshi bakagi muyunva basomerwa, bana derha erhi: Kahali olya wa sherezagya abahamagalaga eryo izino e Yerusalemu, n'oku yisha enomunda mpu abashweke, abalerhe emalanga g'abakuhani bakulu?
\v 22 Lero Sauli aja azibuha kulusha, arhangaza abayahudi e Damaski, aba yeresa oku oyo ali Kristu.
\p
\v 23 Omu nsiku nsungunu, abayahudi balaganana mpu bamuyirhe,
\v 24 Cikwone ihanolyabo lya manyikana kuli Sauli. Bakalanga emihango budufu n'omushi, mpu lyo bamuyirha.
\v 25 Cikwoki, omu budufu buguma, entumwa zamu gwarha, bamuheka budufu, bamu yandagaza kurhenga enyanya ly'ecogo c'amabuye omu lurhanda.
\p
\v 26 N'erhi ahika e Yerusalemu, Sauli alonza oku ba naye muguma w'entumwa; ci boshi bakagi muyoboha, bulya barhayemeraga oku akola ntumwa.
\v 27 Lero Barnaba anaci murhola, amuheka emw'entumwa, anababwira kurhi omu njira Sauli abonaga Nyakasane, wamu derhezagya, na gurhi e Damaski ayigirizagya okw'izino lya Yesu.
\v 28 Akagenda anagaluke haguma nabo omu Yerusalemu,
\v 29 Akagi derha n'obu rhwali okw'izino lya Nnahamwirhu. Anakagi derha n'oku jisa kadali abagiriki; cikwone bohe balonza oku muyirha.
\v 30 Bene wabo, erhi bamanya okwo, bamulerha emwa Sezari, ana murhuma e Tarso.
\p
\v 31 Akanisa kali omu murhula omu Yudeya yoshi, Galilaya na Samariya, bazibuha n'okulama omu kukenga Nnahamwirhu, kwaka yushuka kugerera Mûka Mutakatifu.
\v 32 Nkoku Paulo atembereraga abatakatifu boshi, ahonoka naye emw'abali e Luda.
\v 33 Acimana yo omuntu oderhwa Aineya, aba gwishirhe oku ncingo miaka munani, bulya ali ahozire ebirumbu.
\v 34 Pierre amubwira: Aineya, Yesu Kristu akufumye; yimuka, shweka encingo yawe. Honaho anayimuka.
\v 35 Abantu boshi be Luda n'e Sarona bamubona, b'ana hindamukira Nnahamwirhu.
\p
\v 36 Hali e Yopa, omu ntumwa, mukazi muguma aderhagwa Tabita, ko kuderha Dorkase: akagi jira mikolo minji n'oku hana entulo.
\v 37 Analwala omwezo nsiku, anafa. Erhi bayusa oku mushuka, bamu dekereza omu chumpa c'enyanya.
\v 38 Na bula Luda ali hofi n'e Yopa, entumwa, erhi zimanya oku Petero ayili, barhuma abantu emunda ali, bamubwire ayishe emunda bali buzira n'oku cisimbaha.
\v 39 Petero anayimuka, anagenda n'abo balume. Erhi ahika, bamuheka omu cumpa ce nyanya. Abakana boshi bali muzungulusire bali bayama, bana yerekana emishuli n'emishangi Dorcas akagi baha erhi aciri haguma nabo.
\v 40 Petero ahulusa abantu boshi, ashurha amagoti, anahuma; buzinda, ahindamukira omubiri, aderha erhi: Tabita, yimuka! Afungula amasu, anabona Petero, ana tamala.
\v 41 Petero amugwarha okuboko, anamu yimanza. Anahamagala aba takatifu n'abakana, anabalangula ye akola azine.
\v 42 Ebyo byamanyikana omu cihugo c'eYopa coshi, n'abanji bayemera Nyakasane.
\v 43 Petero anabera nkanzi kasungunu eYopa, aha mw'omuhuzi w'empu izino lyage Simoni.
\c 10
\cl Cigabi 10
\p
\v 1 Hali muntu mugume eKaisariya izino lyage aderhagwa Korneli, ali murhegesi w'engabo ederhwa y'aba Italiana.
\v 2 Oyo mumtu ali mwinja anakagi yoboha Mungu, n'enyumpa yage yoshi; akagi hana ntulo nyinji oku bantu, anakagi shenga Nnamahanga ngasi mango.
\v 3 Aha nsa mwenda z'omu legerege, anabonekerwa n'obwalagale Malaika wa Nnamahanga aja omu mwage, ana mubwira erhi: Korneli!
\v 4 Amulolereza bwenene, ana gwarhwa n'ecoba, anashuza: bici, Nnahamwirhu? Malaika amubwira erhi: Amahuno gawe n'entulo zawe zasosire embere za Mungu, anaku kengire.
\v 5 Orhumage abantu eYopa, bajilerha Simoni, okola oderhwa Petero;
\v 6 Aba ahamwa muntu muguma oderhwa Simoni, omu bambu w'empu, n'enyumpa yage eri eburhambi bw'enyanja.
\p
\v 7 Erhi Malaika wali mubonekire aba ama genda, Korneli ahamagala baganda bage babiri, abaheba kwo n'omusoda oyoboha Nyakasane, muguma w'omu balalisi bage;
\v 8 N'erhi ama ba bwira byoshi, abarhuma eYopa.
\p
\v 9 Erhi buca, nk'oko banali omu njira, banali kola bayegerire olugo, Petero asokera oku nyanya ly'e nyumpa, aha nsa ndarhu, mpu aji huna.
\v 10 Ashalika, alonz'okulya. Erhi bali bamutayarikiza ebilyo, abonekerwa.
\v 11 Abonan'empingu eyigusire, n'ecirugu ca yandagala, nka mushangi munene cayandagalizibwa enw'igulu, cishwesirwe bikwi binni,
\v 12 N'omu karhi kaco mw'emilala yoshi y'ensimba yali, ez'amagulu gani, n'ensimba zooshi z'igulu z'okuci bulula, n'orhunyunyi rhw'emalunga.
\v 13 N'izu liguma lyamubwira erhi: Yimuka, Petero, oyirhe onalye.
\p
\v 14 Cikwoki Petero aderha: Nanga, Nnahamwirhu, bulya ntasangi lya ebilyo bibi erhi b'izinga.
\p
\v 15 Nakandi bwwa kabirhi izu lyaciri murhengera lyaderha erhi: Ebi Mungu anadesire bicesibwa, orha bibonaga nka b'izinga.
\v 16 Bya ciri hikirira oku bwa kasharhu; na lero omu ntyo, ecirugu cashubira eMpingu.
\p
\v 17 Erhi Petero agwerhe acidosa erhi lero byo bici ebyo anbwine, olole, abantu bali rhumirwe na Korneli, badosa enyumpa ya Simoni, bana yimanga emalanga g'omuhango,
\v 18 Banadosa n'izu linene erhi haho ho Simoni ali lamire, waderhagwa Petero.
\p
\v 19 Na nkoku Petero aciri gwerhe arhimanya oku ebyo abonaga, Mûka Mutakatifu amubwira erhi: Lola, bantu basharhu bali bakudosa;
\v 20 Yimuka, honoka, onagende nabo buzira oku cisimbaha, bulya nyene mbarhumire.
\p
\v 21 Petero lero ahonoka, anabwira abo bantu erhi: Alagi, nye niono mugwerhe mwalonza; bici birhumire mwayisha?
\p
\v 22 Bashuza erhi: Korneli, murhegesi w'abasirika, muntu w'okuli na wakuyoboha Mungu, mukengwa omw'ishanja ly'abayahudi lyoshi, abwizirwe na malaika mpu akuhamagale aha mwage, ayunvirhize n'emyanzi yawe.
\v 23 Petero abaheka omu nyumpa, ana bahandisa. Erhi buca, aheba njira, agenda boshi nabo haguma nab'eYopa bamulusa.
\v 24 Bahika eKaisaria erhi buca. Korneli ali abalinzire, anali lalisire ababusi bage n'abira bage.
\v 25 Erhi Petero adaha, Korneli amuja ho, ahirima aha magulu gage ana fukama.
\v 26 Ci Petero amuyimanza, amubwira erhi: Yimuka; na nani, ndi muntu.
\p
\v 27 N'omu kuj'aganira haguma naye, adaha omu nyumpa, anashingana bantu banji batamire.
\v 28 Aderha n'abo erhi, mwehe mumanyire oku omuyahudi arhanka yinjibana erhi aj'omu nyumpa y'omuntu w'ogundi mulala. Cikwone Nnamahanga anyigirizize okurhanka lola omuntu nka mubi erhi w'izinga.
\v 29 Co carhumire nayisha buzira kadali amango mwampamagalaga; nantyo ndosize mpu bici byarhumaga mwa mpamagala.
\p
\v 30 Korneli aderha erhi: Nsiku zini izi, omu kuhinka nka buno, nakagi huna omu mwani aha nsa nda; lolaga, omuntu muguma waliyambirhe omushangi gw'okumoleka ambonekera emalanga gani,
\v 31 Ana derha erhi: Korneli, amahuno gawe gayunvikine, na Nnamahanga akengire entulo zawe.
\v 32 Orhume abantu eYopa, baji hamagala Simoni, okola oderhwa Petero; aba omu nyumpa ya Simoni, muntu w'okuband'empu, hofi n'enyanja.
\v 33 Honaho nakurhumiza, wamana jira bwinja oku yisha. Nantya rhukola rhuli rhweshi emalanga ga Nnamahanga, lyo rhuyunva byoshi Nnahamwirhu anakubwizire warhubwira.
\p
\v 34 Lero Petero, ayigula akanwa, aderha erhi: Okunali, mmanyire oku Mungu arhajira kalondola oku bantu,
\v 35 Ci omu mbaga zoshi omuyoboha n'ogenda oku bushinganyanya anamurhonye.
\v 36 Arhumire akanwa oku bana b'Israeli, omu kubaha omurhula oku Yesu Kristu, oli Nyakasane wa boshi.
\v 37 Mumanyire ebyahikirire omu Yudea mwoshi, enyuma ly'okurhondera eGalilaya, enyuma ly'obubatizo Yohana ayigirizagya;
\v 38 Mumanyire oku Nnamahanga ashigaga Yesu w'e Nanzareti amavurha g'okumuyunjuza na Muka Mutakatifu n'emisi, akagi ja ngasi hoshi ajajira aminja n'oku fumya boshi bali rhambwirwe na lyangombe, bulya Nnamahanga ali haguma naye.
\v 39 Rhuli badima rhweshi b'ebi ajijire omu cihugo c'eBuyahudi n'eYerusalemu. Bamuyirha, omu kumu manika oku murhi.
\v 40 Nnamahanga amufula lusiku lwa kasharhu, anamulangulana n'obwalagale,
\v 41 Arhali oku bantu boshi, c'oku badima balondolagwa na Mungu burhanzi, oku rhwe rhalire n'okunywa haguma naye, enyuma ly'okufuka omu bafu.
\v 42 Na Yesu arhu rhegesire oku rhuyigirize abantu n'oku hamiriza oku ye wajiragwa na Nnamahanga mutwi w'emanja wabazine n'abafire.
\v 43 Yolya abalebi booshi badesire mpu ngasi omuyemire anakulirwe ebyaha oku izino lyage.
\p
\v 44 Nk'oku Petero aciri gwerhe aderha, Mûka Mutakatifu ahonoka oku bantu boshi bakagi yunva omwanzi.
\v 45 Abemezi boshi b'omu buyahudi baliyishire na Petero boshi basomerwa n'okw'enshokano ya Mûka Mutakatifu yahonokeraga ciru n'oku bapagani.
\v 46 Bulya bakagi bayunva baderha oku zindi nderho n'okukuza Nnamahanga. Lero Petero aderha erhi:
\v 47 Ka rhwana lahira okubatiza oku mishi aba habirwe Mûka Mutakatifu na nirhu?
\v 48 Anaci rhegeka mpu babatizibwe okw'izino lya Nyakasane. Banamuhuna mpu ajire nsiku nsungunu emwabo.
\c 11
\cl Cigabi 11
\p
\v 1 Entumwa na b'ene wabo abâli e Yudea bayunva oku abarhali Bayahudi nabo bayankirire akanwa ka Mungu.
\v 2 N'erhi Petero arheremira e Yerusalemu, abo b'okukarhwa bamulonzagya,
\v 3 Baderha erhi: Wajirage omu mw'abarhali bakarhe, wanalya haguma nabo.
\v 4 Petero arhondera ababwira oku byabiire n'oku bya hwire.
\v 5 Aderha erhi: Nâli omu cihugo ce Yopa, na, erhi ndinahûna, nahola n'okubonekerwa: ecirugu, cashusha nka mushangi mugali mushweke ebishumiro byaco binii, cayandagala kurhenga e mpingu caja ho.
\v 6 Amasu nakanirize oku ogwu mushangi, n'alolereza, n'abona ensimba z'amagulu gani z'igulu n'ensimba z'erubala, n'enjoka n'orhunyunyi rhwe malunga.
\v 7 Nanayunva izu lyambwira erhi: Oyimuke, Petero, onige onalye.
\p
\v 8 Cikwone naderha nti, nanga, arhali ntyo Nnahamwirhu, bulya akantu kabi erhi k'izinga karhasangi ja omu kanwa kani.
\p
\v 9 Cikwone izu lyayunvikana bwa kabiri kurhenga okunkuba lyaderha erhi: Eci Mungu acesize, orhacibonaga cizinzire.
\v 10 Eco cayisha kasharhu; enyuma ly'aho byoshi byashubi lengezibwa oku nkuba.
\p
\v 11 Muli ago mango go na neene, bantu basharhu barhume kurhenga e Kaisaria kuja emwani baja oku lunvi lw'enyumpa nali mwo.
\v 12 Mûka gwa Mungu ambwira mpu ngende rhweshi buzira kurhindira. N'aba bantu ndarhu bagenda haguma na nani, rhwanaja omu nyumpa ya Kornelio.
\v 13 Oyu muntu anarhurhondereza oku abonaga Malaika ayimanzire omu nyumpa yage anaderha erhi: Orhume e Yopa, ohamagale Simoni, erindi izino lyage Petero,
\v 14 Oyo akubwira ebinwa byokukuciza, we n'enyumpa yawe yoshi.
\v 15 N'amango narhangiraga okuderha, Mûka mutakatifu abayandagalira, nk'oku arhuyandagaliraga burhanzi.
\v 16 Ago mango nakengera kalya kanwa Nnahamwirhu aderhaga erhi: Yohana abatizize n'amishi, cikwone mwehe, mwabatizibwa na Mûka gwa Mungu.
\v 17 Ntyo, bulya Mungu abahire olwo luhembo nk'oku arhuhaga kwo rhwehe amango rhwayemeraga Yezu Kristo, kananahasha, nie, okulahira ebi Mungu amaderha?
\p
\v 18 Erhi bababamayunva ntyo, bahweekera, babuli citakira Mungu, baderha erhi: Lero Mungu ahire obuciyunjuze ab'eyindi milala, mpu lyo bahabwa obuzine.
\p
\v 19 Na ntyo abashandazibagwa enyanya ly'ago malumwa gayishaga enyanya lya Itefano bagenda kuhika e Foiniki, n'omu cihugo ciri omu nyanja e Kipro, n'e Antiokia, ci kwone barhaderhaga akanwa ka Mungu okuzindi mbaga ci em'Abayahudi bone.
\v 20 Cikwone abandi muli bo abantu b'ekipuro n'e kurene, abo erhi bahika e Antiokia, baderha n'Abagiriki haguma, babayigiriza emyanzi y'akalembe ya Nnahamwirhu Yezu.
\v 21 Okuboko kwa Nnahamwirhu kwali haguma nabo, n'abantu banji bayemera bahindukira Nnamahanga.
\v 22 N'emyanzi enyanya lyabo yahika omu marhwiri g'aba kanisa k'e Yerusalemu, lero barhuma Barnaba mpu aje e Antiokia.
\v 23 Naye amango ahikaga, abona olukogo lwa Mungu, ashagaluka, abahanûla mpu boshi babe n'omurhima muguma bacishwekere kuli Nnahamwirhu.
\v 24 Bulya ali muntu mwinja, ali ayunjwire Mûka Mutakatifu n'obwemere. N'abantu banji bashiga Nnahamwirhu.
\v 25 Barnaba aja e Tarso, ajilonza Sauli;
\v 26 N'amango amubonaga, amulerha e Antiokia. Bayusa bombi mwaka muguma gwoshi omu mirhwe y'akanisa, banayigiriza yo bantu banji bwenene. Aho Antiokia ho, harhanzi, entumwa zihamagalwa ba kristo.
\p
\v 27 Muli ago mango, abarhonzi bayandagala kurhenga e Yerusalemu kuja e Antiokia.
\v 28 Muguma muli bo, izino lyage Agabo, ayimuka, n'okuderha kugerera Mûka wa Mungu oku haba ecizombo cinene omw'igulu lyoshi. Cayishagiba, amango, Klodio ali rhambwire.
\v 29 Abigirizibwa batwa mpu barhume, ngasi muguma okwanahashire, oburhabale oku baabo ba kristo b'e Buyahudi.
\v 30 Babarhumira abagula omu maboko ga Barnaba na Sauli.
\c 12
\cl Cigabi 12
\p
\v 1 Mw'ago mango gonene, mwami Herodi anacigwarha baguma b'omu ka Lulema mpu abalibuze,
\v 2 Ayirha Yakobo mukulu wa Yohana n'engorho.
\v 3 Erhi abona oku asimisize abayahudi, ana cirhegeka mpu bakwarhe na Petero. Zali nsiku za migati erhali mwo lwango.
\v 4 Erhi aba amamugwarha n'okumuhira omu mpamikwa, anamuhira kwobirundo bini bya basirika banibani mpu bamulange, ali alonzize mpu amulerhe embere z'olubaga enyuma lya pasaka.
\v 5 Petero alilanzirwe omu mpamikwa; erhi n'omu ka lulema namo barhahusa n'okumusengera emwa Nnamahanga.
\v 6 Ci obudufu bonanene herodi ali alalire mpu hano buca amuheke embere ly'olubaga, Petero, erhi ashwesirwe na nkoba zibiri, agwishire n'ekarhi k'abasirika babiri; n'abalanzi b'empamikwa ali oku lunvi.
\v 7 Olole, malaika wa Nyakasane ayimanga hofi naye, empamikwa yayunjula bulangashane. Malaika ahuma Petero oku nkanga, anamubwira erhi: zuka duba! Enkoba zalimushwesire amaboko zanarhoga.
\v 8 Na malaika amubwira erhi: Yambala omukaba gwawe n'ebirato byawe. Anajira ntyo. Malaika aciri mubwira: Cibwiké igoti ryawe, ona nshimbe.
\v 9 Petero ahuluka, anamushimba. Arhamanya oku ebi malaika ajiraga byanali by'okuli, ci yehe akamanya pu bilorho.
\v 10 Erhi barhaluka abalanzi barhanzi, n'abakabiri, bahika oku lunvi lw'ecuma lw'okuja omu lugo, lwaciyigula lwonanene embere zabo; bahuluka, banagendekera omu njira. Honaho malaika asiga Petero.
\v 11 Erhi akengukwa, Petero aderha erhi: Namabonaga nk'oku kunali oku Nnamahanga anarhumire malaika wage, amana ndikuza omu maboko ga Herodi n'oku ngasi byoshi olubaga lwa bayahudi lwakagi linga okunjirira.
\v 12 Erhi ayusa oku gerereza, aciyerekeza ebwa nyumpa ya Maria, nnina wa Yohana, wali uderhwa kandi Marko, emunda batu banji bali sanyikire n'okusengera.
\v 13 Akomanga oku lunvi lw'emuhanda, na mwananyere muguma, izino lyage Roda, ayishi yunvirhiza.
\v 14 Amanyirira izu lya Petero; anashagaluka, ahali h'okuyigula, alibirha okuji derha oku petero ali oku lunvi.
\v 15 Bamubwira: oli mw'isirhe. Cikwoki aderha bwenene oku kwobinali ntyo. Banaderha erhi: Ali malaika wage oyo.
\v 16 Na Petero agendekera akomomba oku lunvi. Bayigula olunvi, bana somerwa okumubona.
\v 17 Petero, abakema n'okuboko oku bahulike, ana bashambalira gurhi Nyamuzinda anamukulaga omu mpamikwa, anaderha: Mubwire Petero na bene wirhu ogwo mwanzi. Anahuluka, anagenda ahandi hantu.
\v 18 Erhi buca, embaka zaja omu kagarhi k'abasoda, mpu gurhi Petero anabire.
\v 19 Herode, aja kw'amulonza ci arhacimubonaga, adosa abalanzi, anabaha irhegeko oku banigwe. Enyuma lyaho ahonokera e Yudea arhambikira e Kaisaria, abera yo.
\v 20 Herodi akunirira bwenene abana b'e Tiro n'e sidoni. Cikwone bayisha emwage na murhima muguma; n'erhi aba amayinjibana Blasto, ye wali murhonyi w'omwidumbiro lya Herodi, bajihûna omurhula, bulya ecihugo cabo cakagi lwisibwa n'eca mwami.
\v 21 Olusiku bali balaganine, Herodi ayambala enyambalo yage y'obwami, atamala oku ntebe yage y'obwami, ababwira e myanzi.
\v 22 Olubaga lwakayama mpu: izu lya mungu, ci lirhali lya muntu!
\v 23 Honaho, malika muguma wa Nnamahanga amushurha, bulya arhahanaga obukuze emwa Mungu. Afa, ali alundwa n'emivunyu.
\p
\v 24 Emyanzi ya Mungu yalumira bwenene, n'abigirizibwa bayushuka.
\p
\v 25 Barnaba na Sauli nabo, erhi baba banayusa ebi bali barhumirwe, bagaluka e Yerusalemu, balerha na Yohane wayirikagwa kandi Marko.
\c 13
\cl Cigabi 13
\p
\v 1 Omwishengero lye Antiokiya mwali abalebi n'abalimu: Barnaba, Simeoni ye waderhagwa Niger, Lukiyo we Kurene, Manaeni, waleragwa haguma bona kavurneri Heredi, na Sauli.
\v 2 Amango babire balibakolera Nnamahanga omu mukolo gwabo, erhi banacishalisizè, Mûka gwa Nnamahanga ababwira erhi: Muberulire Barnaba na Sauli banjirire omukolo nabahamagaliraga.
\v 3 Ntyo, enyuma ly'oku cishalishasa n'okuhuna, babahirakwo amaboko, babalika bagenda.
\p
\v 4 Barnaba na Sauli erhi baba bamarhumwa na Mûka gwa Nnamahanga, bayandagalira Eseleukiya, eyo munda baja omu bwarho bayicira oku kalwa k'Ekipro.
\v 5 Erhi bahika e Salemu, barhondera oku yigiriza akanwa ka Nnamahanga omu mashengero g'Abayahudi. Bali boshi na Yohana oku barhabala.
\v 6 Erhi ba babamagerha bamagera oku kalwa bahika Epafu, barhimana yo muntu muguma w'obunywesi izino lyage ye Bar-Yezu, ali Muyahudi,
\v 7 ali boshi n'omurhambo Serguyo Paolo, mtu mwenge. Oku handi ahamagala Barnaba na Sauli, analonza oku yunva omwanzi gwa Nnamahanga.
\v 8 Cikwone Elima, olya mulozi, - kw'izino lyage lya derhagwa, - alahira oku omurhambo arheje eyo munda, n'okuhindula obwemere bwage.
\v 9 Ago mango Sauli, ohamagalwa Paolo, ayunjuzibwa Mûka Mwimana, amuseza kw'amasu,
\v 10 anaderha erhi: Oyu murhebanyi na mubi, mwene lyangombe, mushombanyi w'okuli, korhakaleka oku hindula enjira za Nnamahanga zikubusire?
\v 11 Bwonabuno, olole, okuboko kwa Nnamahanga kuli enyanya zawe, waba muhurha, orhashubi bona obulangashane bw'izuba okusanzi kasungunu. Hona ho olwikungu n'omwizimya byamuhokera, arhondera alonza, n'okumamarha, abantu bankamulongolana.
\v 12 Erhi omurhambo, abona ebijirikine, ayemera, asomerwa n'amigirizo ga Nnamahanga.
\p
\v 13 Paolo na ababo, banacirhenga Epafu, bayicira enyanja kuja e Perge omu Panfuliya. Yohana aciberula okubabo ashubira e Yerusalemu.
\v 14-15 Kurhenga e Perge bashimba enjira ye Antiokiya ye Pisidiya. Erhi baja omucishagala oluzira lw'abayahudi, batamala. Enyuma lw'okusomwa kw'emyanzi ya marhegeko n'eya balebi, abakulu b'ecishagala barhuma omuntu mpu ababwire: Bene wirhu, erhi akaba mugwerhe akanwa kwanine aba bantu, mukaderhe.
\v 16 Paolo ayimuka, ana, cilambula okuboko, aderha: Mwe bantu b'Israeli ninyu mwe murhinya Nnamahanga, muyunvirhizé!
\v 17 Nyamuzinda wabo bantu bab'Israeli acishozire balarha. Aheba olw'olubaga omu lukengwa amango bali nka bigolo omu chihugo c'Emisiri, anabakula muli eco cihugo n'okuboko kwage kw'oburhwali.
\v 18 Abalisa hofi myaka makumi gani omw'irungu;
\v 19 ana, cishereza mbaga nda omu cihugo ce Canani, abashubiza ishwa okuba lyabo.
\v 20 Enyuma zaho, hofi myaka magani gani na makumi garhanu, abaha abahanuzi, kuhika amango g'omulebi Samweri.
\v 21 Bahuna babe n'omwami, na Mungu abaha, Sauli, mwene Kushi, w'omu mulala gwa Benjame, ayima myaka makumi gani.
\v 22 Kuba bamulahira, abaha Daudi kuba mwami wabo, aderha ogwage erhi: Nabwine Daudi mwene Yese, mtu ntonyizi, anajira nk'oku n'onzize kwoshi.
\v 23 Muguma w'omu bûko bwa Daudi ye Mungu alaganyagya ab'Israeli ye okuba muchunguzi ye Yezu.
\v 24 Embere arhasagiyisha, Yohana ali amayigiriza olubaga lw'ab'Israeli oku lugokole luna batizibwe.
\v 25 Amango Yohana ali hofi h'okufa aderha: Arhali nw'olya murhanyize; cikone, enyuma lyaani hayishire oyu ntankahogola ebirato ayambirhe.
\v 26 Bene wirhu, mwe b'omu muburhwa gw'Abrahamu, na ninyu mwe mukenga Mungu, mwe mwarhumirwe oku mwanzi g'obucunguke.
\v 27 Bulya abantu be Yerusalemu n'abakulu baako barhamanyaga Yezu ye ndi, na, erhi, emyanzi y'Abalebi yakagi somwa ngasi lusiku luzira lw'Abayahudi.
\v 28 Cirwakaba ntyo barhobonaga eco bagwarhirako lya bamutwire olubanja mpu afe, badosa Pilato mpu amuyîrhe.
\v 29 Erhi, kuba buzida bamahikiriza nk'oku byaliyandisirwe kuli ye, bamumanika oku musalaba, bamuhonola n'oku muhira omu nshinda.
\v 30 Cikwone Mungu amufûla.
\v 31 Nsiku nyinji akabonekera balya balimukulikire kurhenga e Galilaya kuhika e Yerusalemu, nabo baba-bakola badima baage emw'olubaga.
\v 32 Na nirhu rhwene, rhumudwirhire eyi myanzi y'omurhula ya Mungu alaganyagya ba sho kukuza mpu bajire.
\v 33 Mungu arhujiriraga nka bana have, erhi afûla Yezu, nk'oku by'andisirwe omu nyimbo ziderhwa Zaburi cihimbi ca kabiri: Oli mugala wani, ene lyo nakuburhaga.
\p
\v 34 Amufulaga omu bafîre lyo arhanagi cihola, ko cidesire erhi: Na nacimuhe emigisho mimana enali y'okuli nalaganyagya Daudi, eyo migisho eshinganine.
\p
\v 35 Co cirhumire ashubiri mu manyisa omu cindi cihimbi erhi: Orhankalika owawe ahola.
\p
\v 36 Yeehe, Daudi, amango gage akozire ebi Mungu ali rheganyize akola, buzinda âfa, abishwa hofi na bashakuluza bage, ahola.
\v 37 Cikwone oyo Mungu afûlaga arhaholaga.
\v 38 Cikwone, bene wirhu, kuli ye rhwayigirizibwe oku babalirwa ebyaha,
\v 39 na ngasi yeshi wamuyemire adosibwa nayé bilya byoshi murhankadosibwe kugera amarhegeko ga Mûsa.
\v 40 Erhi, mucilange lyo muleki hikirirwa n'ebya lebagwa:
\v 41 Loli, mwe muganywa, Musomerwe munahirangire; bulya amango ginyu najira omukolo, omukolo gulya murhankayemera ciru omuntu ankakuganirirago.
\p
\v 42 Erhi bahuluka, babahuna mpu bashubirire olusiku luzira bashubi derha oko ko munanene;
\v 43 erhi; ihano lihwa, abayahudi n'abantu bayemeraga idini bashimbulira Paulo na Barnaba, nabo babwira n'oku bashimbiriza mpu, barhalekaga okucishwekera oku bugashane bya Mungu.
\p
\v 44 Omu lusiku luzira lw'abayahudi lwali kulikire, hofi boshi b'omu lugo barhimanana mpu bayunve akanwa ka Mungu.
\v 45 Erhi Abayahudi babona abo bantu banji bayagalwa bwenene, balahira ebi Paulo aderhaga, babihindamula banamujacira.
\v 46 Paulo na Barnaba banababwira n'oburhwali: Kushinganine mubwirwe burhangiriza emyanzi ya Mungu; cikwone, bulya muli mwalahira munabwinine oku murhakwanini okunali obuzine bw'ensiku na mango, labagi, rhukola rhacijira emwabarhali bayahudi.
\v 47 Bulya ebyo rhurhegesirwe na Nnahamwirhu: Lyo mpisa obwalagale omu milala, lyohisa obucizè ngasi hoshi hoshi omw'igulu.
\p
\v 48 Erhi abarhali bayahudi bayunva ntyo, barhonderha okucitakira akanwa ka Nnahamwirhu, na ngasi balirheganyizibwe obuzine bw'ensiku na mango bayemera.
\v 49 Akanwa ka Nnahamwirhu kagandaza omu cihugo coshi.
\v 50 Cikwone bashumika bakabakulula bakagashaniza n'abantu b'omu lugo; barhuma Paulo na Barnaba, bashimburwa babakaga emwabo.
\v 51 Paulo na Barnaba babakumulira kw'oluvu lwabali omushando, bacira e Ekania,
\v 52 abagirizibwa basima bwenene n'okuyunjuzibwa Mûka Ocesibwe.
\c 14
\cl Cigabi 14
\p
\v 1 Omu Ikonia, Paulo na Barnaba banacidaha omw'ishengero ly'Abayahudi, bayigiriza mw'abantu barhali banyi kuhika Abahudi na Abayunani bayemera.
\v 2 Cikwone omu Bayahudi bashombesa Abayahudi oku bene wabo.
\v 3 Babera e Ikonia nsiku nyinji, bakaderha n'oburhwali Erhi, banacikubagirire Nnahamwirhu bwenene, ahamiriza emyanzi eyerekire olukogo lwage anabahashisa okujira ebimanyiso n'ebirhangaza erhi maboko gage barhuma.
\v 4 Olubaga lw'omu lugo lwacigaba mwo: baguma bacihira oku Bayahudi, abandi oku ntumwa.
\v 5 Nka barhali bayahudi bonene, bacihira haguma n'abakulu babo, bacirheganya mpu babajire kubi n'oku babanda amabuye,
\v 6 Paulo na Barnaba erhi bamanya ebyo bayakira omu ngo z'e Ikonia z'omu Ilistra n'omu Derbé, n'ezi mbibi kunywe nazo.
\v 7 Eyo bakayigiriza emyanzi ya kalembe.
\p
\v 8 Elistra talk mtu muguma akagiyorha atamiire bulya alihozire amagulu, alichirema kurhenga okuburhwa leave arhanasagigenda.
\v 9 Erhi ayunva Paulo aderha, na Paulo amulolereza abona oku agwerhe obwemere b'okufuma,
\v 10 Amubwira n'izu linene: Yumuka oyimange. Anayimuka dubaduba agenda.
\p
\v 11 Erhi abantu babona ebi Paulo ajijire bayakuza, omulederho lw'echikaoniya: Abazimu bacihindamukwire Bantu baya ndagalîre eno mwîrhu.
\v 12 Baha Baribaba izino lya Zeu, na Paulo elya Herime bulya ye wakagiderha.
\v 13 Omujinji w'omuzimu waderhagwa Zeu, akalunga kage kaali Enkafu n'enshungwe lya mauwa aha mihango, kwoye, n'abantu baage, alonzize okucirhererekeera.
\v 14 Entumwa Barnaba bona Paulo, Erhi ayunva ntyo babèra emishangi yabo erhi burhe burhuma, bacikweeba omu bantu.
\v 15 Baderha erhi ewe bici birhumire mwajira ntyo? Nirhu, rhuli bantu akinyu bothers buguma; na, rhumudwirhîre emyanzi y'omurhula; rhumubwizire oku muleke ezi sanamu z'obusha, mugalukire Nnamahanga Ozîne, ye wajiraga oku nkuba, n'igulu, n'enyanja na ngasi byoshi, n'ebiba-mwo byoshi.
\v 16 Oyu Nnamahanga, omu mango gageraga alesire abantu bangasi lubaga mpu bashimbulire enjira zabo boone.
\v 17 Ciru akaba ntyo ngasi mango akagi ciyerekana oku malunga enkuba na mango gw'ebihumbulwa, omu kumuha ebiryo n'okuyunjuza emirhima obushagaluke.
\v 18 Ciru okw'eyo myanzi, bananas olubaga mpu barharherekeere entulo.
\p
\v 19 Erhi barhenga e Antokia y'omu Ekoniya y'Abayahudi barhebeba olubaga, na oku, buzinda babanda Paulo amabuye mpu bayiirhe, bamukululira embunga z'olugo bamanya mpu anafîre.
\v 20 Cikwone, abigirizibwa bamuzunguluka, ayumuka, anadaha omu babo. Erhi buca sheshezi, agenda aja e Derbe bona Barnaba.
\v 21 Amango erhi bamayigiriza omulo lugo bajira banji kuba bigirizibwa, bashubira e Listra, omu Ikonia n'omu Antokia.
\v 22 Bazibuhya emirhima y'abigirizibwa, n'oku bahanula mpu babeere omu bwemeere, n'okuderha mpu rhushinganine rhugere omu malibuko manji lyo rhudaha omu bwami bwa Nnamahanga.
\v 23 Babalondolera abagula omu ngasi Ishengero, na, Erhi bamahuna n'oku cishalisa, babahira omu maboko ga Nnamwirhu balibamayemeera.
\v 24 Batwikanya omu Pisidia, bahika omu Panfilia,
\v 25 bamanyiriza omwanzi omu Perige, bahonokera omu Italiya.
\v 26 Kurhenga eyo bagenda baja e Antokia, e munda bahuniragwa oku mukolo bali bamakolo.
\v 27 Buzinda b'okuhika kwage, bashimanyanya Ishengero, banabaganirira ebi Nnamahanga abajirire byoshi, na gurhi ayigulîre olubaga olunvi lw'obwemere.
\v 28 Babeere eyo munda mango garhali manyi n'abaemeezi.
\c 15
\cl Cigabi 15
\p
\v 1 Bantu baguma barhengaga Ebuyahudi, bayigiriza bene wabo, bababwira: Nka murhakasirwi nk'oku Musa arhegesire, murhankacizibwa.
\v 2 Erhi kuba Buzinda Paulo bona Barnaba baja omu nshambalo na kadàda kaneene; ago mango bonebene wabo batwa mpu Paulo na Barnaba, na baguma babo, bashonera' e Yerusalemu emunda entumwa n'abagula bali bajiderha okwago madoso.
\v 3 Buzinda bamalusibwa n'Ishengero, bagenda omu njira batwikanya omu Finisiya n'omu Samariya, bajaganiira kurhi abarhali Bayahadi bayememeera, ogwoo mwanzi gwasimiisa bène wabo bweneene.
\v 4 Erhi bahika e Yerusalemu, bayankirirwa n'Ishengero, entumwa n'abagula, bajaganiira ebi Nnamahanga abajiriire.
\v 5 Lero baguma b'omu cigamba c'Abafarisayo, abaliko bamuyiire, bayimuka, Baderha mpu ku kwanine oku barhambarhali Bayahudi n'okubarhegeka bacimbe amarhegeko ga Mûsa garhegesire.
\v 6 Entumwa na bagula baja haguma mpu bagere mw'eryo idoso.
\p
\v 7 Ako kadali kanene erhi kahahwa, Petro ayigwmanga, aderha: Bene wirhu, mumanyire oku hali mango garhali nsanyi Mungu acishozire muli mwe mpu ako kanwa kani, abarhali Bayahudi bayunve emyanzi y'omurhula baye mechendo.
\v 8 Na Nnamahanga, ayiishi emirhima y'abantu, ayerekine, oku abaha Mûka Ocesibwe akiirhu.
\v 9 Arhajiraga oku rhuberula nalibo, ashuka emirhima okushimbana n'amarhegeko.
\v 10 Lero, cirhumire muli mwarhangula Nnamahanga, omu kushwekera engarha omw'igosi ly'entumwa bashakuluza ciru na nirhu rhurhahekaga?
\v 11 Cikwone oku lukogo lwa Nnawirhu Yezu kwo rhuyemire okucizibwa, akabo.
\p
\v 12 Olubaga loshi lwahulika, bayunvirhiza Barnaba na Paolo, bakaderha bimanyiso n'ebirhangaza byoshi Nnamahanga ajijire kugererabo omu barhali yemire.
\v 13 Erhi bayûsa oku derha, Yakobo anaci derha, erhi: Bene wirhu, munyunvirhize!
\v 14 Simoni ababwira oku Nnamahanga arhanziri lola omu lubaga n'oku cilondolera mulibo omulala gwa derhwa okw'izino lyage.
\v 15 Haguma n'okwo aderha n'emyanzi y'abalebi, nk'oku biyandisirwe:
\v 16 Ahanyuma lyebyo, nayishi galuka, nayishi zusa enyumpa ya Daudi yahongosire, nashubi shakulula ahashabusire, nashubi hakubûla,
\v 17 Lyo emisigala y'abantu elongereza Nnawirhu, Ngasi bihugo bihamagala izino lyani, Bi derhe Nnawirhu, ye jijire ebi,
\v 18 Na kuli ndi bamanyikine kurhenga mira.
\p
\v 19 Co cirhumire niehe mbwine oku kurhali kwinja balibuze abarhali bayahudi bayemire Nnamahanga,
\v 20 cikwone rhubayandikire baciberule n'izinga ly'enshushano, obushungu, n'enyamafu.
\v 21 Bulya, kurhenga mira, Musa agwerhe omu ngasi lugo abantu bakagiyiriza eyo emyanzi, bulya ngasi lusiku bakagi yiigiriza ngasi mango omu bishagala.
\p
\v 22 Ago mango byayunvikana emunda Entumwa n'emw'Abagula, haguma na ngasi ishengero, oku cilondola muli bo bone, n'oku barhuma e Antokia, haguma na Paulo na Barinaba, Yuda ye derhwa Barasaba na Sila, bantu bakengwa omu babo.
\p
\v 23 Babafumbasa amarhuma gadesirwe mpu: Entumwa n'abagula, n'ababo bobaali n'abarhali bayahudi, bob'e Antokia, n'omu siriya, n'omu siliya, balamusize.
\pi
\v 24 Bayunvirhe oku Bantu baguma barhurhengaga mwo, abo rhurhahaga ciru oburheganye bwehi, bamuzungulusize irhwe n'ebinwa badesire n'oku mulibuza emirhima.
\v 25 Rhwatwirwe baguma nti, buzinda rhwacigusha baguma, oku cishoba abarhumwa n'oku barhumirabo n'abazigirwa biirhu Barinaba bona Paulo.
\v 26 Abo bantu bo balingigifa oku mukolo gwa Nnahamwirhu Yezu Kristu.
\v 27 Rhubarhumire Yuda bona Sila bo bamubwiira bone ebyo.
\v 28 Bulya kulikwinja Muuka Mweeru na niirhu rhurhamubarhuze ogundi muzigo, kulusha ogu gushinganine.
\v 29 Mumanye; murhalyaga enyama zirherekiirwe ensanamu, omwamba, ensimba zifulunginwe omuko, murhakagana, nkamwankacilanga n'ebyo mwanaba mujijire bwinja. Muyorhage bwinja.
\p
\v 30 Erhi bamahabwa oluhusa n'ishengero, baaja e Antokia, ebyo bahana amaruba omu bushimanane boshi.
\v 31 Buzinda gamasomwa, basiima obushibirizi ga babadwiirire.
\v 32 Yuda na Sila, bo baali balebi, babayigiriza n'oku bazibuhya omu bwinji bw'emyanzi.
\v 33 Omu kasanzi kasungunu, abaabo babaleka n'omurhula bashubira emunda ababarhumaga bali.
\v 34 Cikwone Sila atwa oku asigala eyo munda.
\v 35 Paulo na Barinaba babeera e Antokia, bakayigiriza n'okuhanula, haguma n'abandi bandi, akanwa k'omurhula ka Nnahamwirhu.
\p
\v 36 Enyuma lya nsiku nsungunu, buzinda lyaho Paulo abwira Barinaba: Rhugaluke rhujelola beene wirhu omu ngasi ngo rhwayigirizize akanwa ka Nnahamwirhu, rhulole kurhi bayosire.
\v 37 Barinaba alonza okulerha na Yohana, wasulagwa elya Marko.
\v 38 Cikwone Paulo arhabonaga bwinja oku bagende booshi bulya abarhazire basiga omu Pamufiliya, arhanacibasagya omu mukolo gwaabo.
\v 39 Akadali kaluga karhuma balekana bonene, na Barinaba, arhola Marko bonaye, bayicirira Ekipro.
\v 40 Paulo acishoga Sila, agenda, ahamirizibwa n'ababo oku lukogo lwa Nnahamwirhu.
\v 41 Atwikanya omu Siriya n'omu Silisiya, aja azibuhya amakanisa.
\c 16
\cl Cigabi 16
\p
\v 1 Ahika e Derbe n'e Listra, Yali eyo mwemezi muguma iziino lyage ye Timoteo, mugala wa mukazi muguma Muyahudi ali mwemezi n'îshe ali Mugriki.
\v 2 Bene wabo b'e Listra na b'Ikoniya bakaagi muderha bwinja bwenene.
\v 3 Paulo alonza mpu bagende bonaye amurhola amukara bobulonza bwa Bayahudi baadi eyo munda, bulya boshi balimanyire oku îshe ali Mugriki.
\v 4 Omu kugera omu ngo, babwiira benewabo ebi byatwirwe n'entumwa, n'Abagula b'e Yerusalemu.
\v 5 Amakanisa gazibuha omu bwemeere, gakayushuka lusiku oku lundi.
\p
\v 6 Bahanzibwa na Muuka Mwimana okuyigiriza omwanzi gwa Nnamahanga omu Aziya, bayicirira Efrigiya n'omu cihugo c'egalilaya.
\v 7 Erhi bahika hofi n'Emisiya, balonza okuja omu Bitaniya; Cikwone Mûka gwa Yezu arhabayemereraga.
\v 8 Batwikanya lero omu Misiya, na banahonokera e Trowa.
\v 9 Erhi kuba, budufu, Paulo abonekerwa; abona omuntu w'e Makedoniya ayiimanzire, anamunyiga: ogerere e Makedoniya, orhurhabale.
\v 10 Buzinda Paulo amabonekerwa, rhwalonza okuja e Makedoniya, rhwali rhumanyiirire bwinja oku Nnahamwirhu arhuhamagiire mpu rhubahakere omwanzi g'omurhula.
\p
\v 11 Rhwarhenga e Trowa, rhwaja oku iju (kalwa) ly'e Samotrake, na erhi kuba sezi rhwahika e Neyapoli.
\v 12 Erhi rhuyirhenga rhwaja e Filipi, lo lugo lurhanza lw'e Disistriki y'e Makedoniya, lwali lurhambwiirwe, Rhwabeera omo nsiku zirhali nyi omulo lugo.
\p
\v 13 Omu lusiku luzirha, rhwaja oku burhambi, hofi n'olwishi, e munda rhwakagigeereza nti hohali hokuhuniira. Rhwatamala, na rhwanabwira abakazi balicimaniine aho.
\v 14 Muguma muli abo bakazi, izino lyage ye Lidiya, arhengaga omu lugo lw'e Tiyatira, ali mukazi akengaga Nnamahanga, anakagiba wa kuyunva, Nnahamwirhu amuyigula omurhima, g'okuyunvirhiza ebi akagi derha Paulo.
\v 15 Erhi ama batizibwa, na abaha mwage, arhuyinginga: Erhi mwangaderha mwikubagirwa wa Nnahamwirhu, mudahage omu mwani, mutamale, arhuseeza mpu rhurhalahire.
\p
\v 16 Erhi rhukola rhwajaho rhwahunira, munyere muguma aliko omuzimu mubii w'obulebi, oyo, omukuleba, akagilerera banawabo birugu binji ayisha arhushimana.
\v 17 Arhushimbulira, Paulo na niirhuaja ayama: erhi aba bantu bali bakozi ba Nnamahanga w'enyanya bweneene, baja bamuyigiriza e njira yo kuchiza.
\v 18 Ajira ebyo nsiku nyinji. Paulo, erhi arhama ahindamuka, abwira olya muzimu: Nkubwizire, okw'îzino lya Yezu Muchiza omurhenge kw'oyu mukazi, honaho amurhenga kwo.
\p
\v 19 Bene wabo oyo munyere, babona oku obulangalire bwabo burhacihali, bagwaarha Paulo bona Sila babakululira aha kagombe e malanga g'abakulu.
\v 20 Babahekera bambali ba Leeta, baderha mpu: Aba bantu bali balerha okurhushabira olugo.
\v 21 Bali Bayahudi, banali bayigiriza amoorhere garharhuyemeriri okushimba amarhegeko girhu erhi ku gajira, rhwerhuli Baroma.
\p
\v 22 Olubaga lwayimuka lyabayanduka kwo, Abantu ba Leeta, basharhagula emishangi yabo, barhegeka mpu babashurhe emikoba.
\v 23 Buzinda bwo kubashurha bweneene, babakweeba omu mpamikwa, barhenge kw'omuzimu mpu abalange bwinjinja.
\v 24 Omulanzi, amahabwa ery'irhegeko, abakweba omu mpamikwa y'endalaala, babashweka amagulu.
\p
\v 25 Hofi e karhi k'obudufu, Paulo na Sila bahuna banayimba; bacikumba babayunvirhiza.
\v 26 Honaho hayisha omusisi munene gw'ichihugo, gwa dundaganya enyumpa yooshi; Honaho, enyunvi zoshi zayiguka, n'emigozi yalishwesire abashwekwa booshi yashweguka.
\v 27 Omulanzi erhi atuluka, erhi, abona enyunvi z'empamikwa zoshi ziyigusire, ayomola engorho yaage alonza okuja ciniga, ayama mpu abashwekwa batorosire.
\p
\v 28 Cikwone Paulo ahamagala n'izu linene: Omanye orhaciyagaze, rhweshi morhuli muno.
\p
\v 29 Lero olya mulanzi, ahuuna akamole, acirhumbika omu cumpa, erhi anali agerha mw'omusisi acirhimba aha magulu ga Paulo na ga Sila,
\v 30 buzinda abaheka embuga, abadoosa: Waliha, kurhi gwasirwe njire lyo ncizibwa?
\p
\v 31 Paulo na Sila bamushuza: Oyemeere Nnahamwirhu Yezu, wacizibwa, wene n'omulala gwawe.
\v 32 Banamuyigiriza omwanzi gwa Nnahamwirhu, na ngasi baali omu mwage.
\v 33 Abarhola haguma naye, omubo budufu bwonaneene, abashuka ebibande, honaho abatizibwa, ye nabahamwage booshi.
\v 34 Abaheka omu mwage, abaha ebiryo, ashagaluka haguma n'abahamwage bulya bamayemeera Nnamahanga.
\p
\v 35 Erhi bucha, abantu ba Leeta barhuma abakulu babasoda mpu babwire omulanzi oku alike abo bantu.
\p
\v 36 Oyo mulanzi abwira Paulo ebyo: Abakulu ba Leeta barhumire badesire mpu mmuliike; cihulukiragi mugende, na mugende n'omurhula.
\p
\v 37 Cikwone Paulo abwira abakulu ba basoda: Erhi abire rhwamashurhwa emikoba z'olubaga na buzira okutwirwa olubanja, rhwe rhuli Baroma, barhukweba omu mpamikwa, na buno bakola mpu barhurhenze bufunda funda. Nanga kurhankaba ntyo. Boone bayiishe barhuliike.
\p
\v 38 Abakulu babasoda bagenda bajaderha eyo myanzi e munda Abakulu ba Leeta, bakanguka erhi bayunva oku baali Baroma.
\v 39 Bayiisha babayinginga, buzinda babalika, honaho babahuna oku barhengage omu lugo.
\v 40 Erhi barhenga omu mpamikwa baja omu mwa Lidiya, na, erhi bamabonana n'abaabo n'okubarhuliriza, bagenga.
\c 17
\cl Cigabi 17
\p
\v 1 Erhi bababamahika eyo Mufipoli n'e Apolone bahika e Tesalonika yoyali n'ecishagala c'Abayahudi.
\v 2 Na Paulo, nk'oku yalinkomedu yage, aja omu bali, bakashambala oku myanzi y'amandiko migobe isharhu.
\v 3 Abafululira n'oku bamanyisa oku byalikwanine Kristo alibuzibwe, n'okufuk'omubafu. "N'okuyu Yezu ndinamubwira emyanzi yage ye Kristo."
\v 4 Baguma mulibo bayemera bakulikira Paulo bona Sila; n'Abayunani balikenzire Nnamahanga, banji bwenene, n'abakazi babongerire barhali banyi.
\v 5-6 N'Abayahudi bagwarhwa n'omutulo, bacirhola mw'abantu b'obushabusha barhagwerhi irenge linja nabo banajir'embuganano, bajira ecihogero (lujongo) omu lugo, bagendera ab'omunyumpa ya Yasoni balonza mpu babaheke embere z'abantu baguma bakulu b'omu lugo, "bajir'olubi baderha erhi, aba bantu bahindul'igulu bahisire enomwirhu nayo.
\v 7 Na Yasoni abayegerezize na boshi bajajir'ebijiro biri eburhambi bw'irhegeko lya Kayizari, bajabaderh'oku hali owundi mwami oderhwa Yezu."
\v 8 Ebyo binwa byahira akashaba omu lubaga n'omu bakulu erhi babiyunva.
\v 9 Nerbi Yasoni n'abandi, ba babalyula babalika.
\p
\v 10 Na honaho abo Bene wirhu baheka Paulo na Sila e Beroya. Nerhi bahika eyo baja omu cishagala ch' Abayahudi.
\v 11 Cikwone abo bohe Bali binja kulusha Abatesanika bayankiririra oluderho lwa Nnamahanga buzira karhinda, ngasi lusiku bakagijira obusagasi omu mandiko mpu balole bwinja erhi kwobinali.
\v 12 Lero bantu banji bayemera mulibo n'omu Bagiriki abakazi balengerire n'abalume barhali banji.
\v 13 Cikwone erhi Abayahudi be Tesalonika bamany'emyanzi oku Paulo ajiire ayigiriz'emyanzi Eberoya nayo bayija nayo, okujibashandabanya n'okulerha akavulindi omu lubaga.
\v 14 Bwonobwo, balya benewirhu baheka Paulo acijira ishiriza, cikwoki Sila bone Timoteo basigala eyo.
\v 15 Cikwone balya balilusize Paulo bamuheka e Athène; nabo erhi bamanyisibwa okuhekera Sila na Timoteo emyanzi oku barhayorha okukulikira Paulo, bacigendera.
\p
\v 16 Paulo erhi akola ali abalindira e Athène n'okubona gurhi okwolugo lwayunjwire nshushano omurhima gwage gwagaya bwenene omu ndalala zage.
\v 17 Lero omucishagala ashambala bone Abayahudi na balikenzire Nnamahanga na balya bakagishimanana boshi naye omu cibuye ngasi lusiku.
\v 18 Na baguma b'omuba Epikureo na ba Estoiko, b'obumanye barhimanana naye abandi baderha, mpu ali nkawajalumiza myanzi ya bazimu b'ihanga, bulya akagiyigiriz'emyanzi ya Yezu n'obufuke.
\v 19 Bamugwarha, bamulerha kuhika e Areopago, baderha erhi: Ka rhwana manya kuli kuderha kuci ezi nyigirizo mpyahya waja wayigiriza?
\v 20 Bulya wamalerha emyanzi yindiyindi, byanaba bici.
\v 21 N'obwo abantu b'e Athene boshi n'ab'emahugo balama e Athene boshi omukasanzi kabo bakagiderha e myanzi.
\p
\v 22 Paulo, anaciyimanga omu kagarhi k'e Areopage, aderha erhi: Bantu b'e Athene, mbwine oku njira zoshi oku muli bantu b'idini kulusha.
\v 23 Bulya, omu kugera omu lugo lwinyu, omu kusinza murherekera, enshushano mucikumba, n'ahantu hoku rhererekera n'eyi miandiko: Murhana yishi Mungu arhamanyikini!
\p
\v 24 Mungu walemaga empingu n'ebimuba byoshi, ye nakuno w'empingu n'igulu, arhatamala omu nyumpa za yubakagwa n'okuboko kw'omuntu.
\v 25 Arha kolerwa n'amaboko g'abantu, nkoku ntaco alonza, ye hana obuzine bwa byoshi akantu koshi koshi, bulya yoha abantu boshi obuzine n'omuka, n'ebintu byoshi.
\v 26 Ajira oku abantu boshi, balya barhengaga muko muguma, balame oku igulu, ajijire ahantu habo n'embibi zabo.
\v 27 Alonzize abantu balonze Nnahamwirhu, bana ciseze oku mulongereza nk'aba mamarha, n'obwo arhali hali na ngasi muguma wirhu.
\v 28 Bulya muli ye rhugwerhe obuzine, n'okugenda, n'obugumaguma, kwo badesire baguma b'omu badesi binyu: Bulya rhuli bûko bwage.
\p
\v 29 Bulya kuba rhuli b'omu bûko bwa Nnahamwirhu rhurha kwanini rhugerereze oku Nnahamwirhu arhali nka n'or. Erhi cuma, erhi ibuye ly'oku binjwa erhi obugerereze bw'abantu.
\v 30 Mungu buzira kushimba amango g'obuhwinja, ayalagalize lero oku bantu b'amashanja goshi, oku ciyunjuza.
\v 31 Bulya ajijire amango acitwira lero ben'igulu nk'oku kushinganine n'oyo mulume alondolaga mira, n'enyanya lyage ahire abantu boshi obwemere, omu kumufula omu karhi k'abafu.
\p
\v 32 Erhi bayunva aderha obufuke bw'abafire, baguma basheka, n'abani baderha erhi: rhwayishi kuyunva okweyo myanzi gandi mango.
\v 33 Ntyo Paolo anaci barhenga mwo.
\v 34 Baguma muli bo baci shwekera kuli ye bayemera, muli bo ali Dionuso mutu we areopago, n'omukazi izino lyage Damari n'abandi bantu haguma nabo.
\c 18
\cl Cigabi 18
\p
\v 1 Enyuma ly'ebyo, Paulo arhenga e Atene, aja eKorinto.
\v 2 Ashimana yo Muyahudi muguma izino lyage ye Akila, aburhiragwa omu cihugo c'e Ponto: Acizindigi rhenga e Italiya bona mukage Prisila, bulya Kaisari Klaudiyo ali arhegesire mpu abayahudi boshi barhenge e Roma. Paulo agendi agendi balola,
\v 3 Nabulya ali agwerhe mukolo muguma nabo, aber'emwabo, baka kolera haguma.
\v 4 Omu ngasi lusiku lwaku rhamuka Paulo akagi hagisa abayahudi omu Sinagogi yabo. Ako kanwa kali kakulonza okuyemeza abayahudi n'aba giriki.
\v 5 Erhi Sila na Timoteo barhenga e Makedonia Paulo acihana ngasi mango okuyigiriza abayahudi oku Yesu ye Kristu.
\v 6 Cikwone erhi abayahudi bamulahira n'oku mujacira, aba gukumulira akatulo k'enyambalo yage, ababwira erhi: Mukahera, mwene biri kwo. Nta mutumule. Kurheng'ene nkolaga nacijira emw'abarhali bayahudi.
\v 7 Ago mango arhenga eyo munda n'okuja emwa muntu muguma, izino lyage ye Titiusi Yusto, akagi haramya Nnamahanga, oyu ayubakaga aha burhambi bw'esinagogi.
\v 8 Krispo, mukulu w'esinagogi, ayemera Nyakasane n'aba hamwage boshi. Ba Korinto banji bakagi yunvirhiza Paulo nabo bayemera bana batizibwa.
\v 9 Budufu buguma Paulo abonekerwa. Nyakasane amubwira erhi: Orha yobohaga, cikwone ogendekere okuderha, orha hulikaga.
\v 10 Bulya ndi haguma na nawe. Ntaye wahasha okukugwarha mpu akujirire ebibi, bulya ngwerhe bantu banji muli eci cishagala.
\v 11 Paulo aber'ekorinto mwaka na myezi ndarhu; ayigiriza yo abantu akanwa ka Nnamahanga.
\p
\v 12-13 Amango Galio ali murhegesi Muroma w'e Akaya, abayahudi bajirira Paulo idole. Amuhira ekagombe, baderha mpu: Oyu muntu ali alonza okushumika abantu mpu baka haramya oku amarhegeko garhadesiri.
\v 14 Erhi Paulo akolaga mpu aderhe, Galiyo abwira abayahudi erhi: Acibaga irhegeko ly'abarhegesi anavunire, erhi nka hali cibi cinene ajijire, okunali nanka muhire amango g'okumu yunvirhiza.
\v 15 Ci obu kamaba kadali kabinwa n'amazino, n'amarhegeko ginyu, mwene murhahabe! Olwo niehe ntalonza oku lutwa.
\v 16 Ana bahinva e kagombe.
\v 17 Ago mango boshi bagwarha Sositeni, mukulu w'esinagogi, barhondera okumushurhira e kagombe. Ci kwone ebyo birhayobohagya Galiyo.
\p
\v 18 Paulo ashubi bera e Korinto nsiku zirhali nyi. Enyuma lyaho asiga bene wabo, aja omu bwarho bw'okuja e Siriya bona Prisila na Akila. Embere agende, arhangi momerwa enviri e Kenkreya, bulya ali erhi ahire Nnamahanga eciragane.
\v 19 Bahika e Efeso, Paulo asiga yo Akila na Prisila. Aja omu sinagogi abajikiza mwo Kadali.
\v 20 Bamuhuna mpu abere eyo mango garhali manyi, cikwone arhalonzagya kwo.
\v 21 Erhi akola aba sengeruka, aderha erhi: Nacishubira eno, Nnamahanga akalonza. Agenda omu bwarho aja e Efeso.
\p
\v 22 Erhi obwarho bumu rhulira e Kaisariya, aja e Yerusalemu mpu ajilamusa omurhwe gw'abakristu bayo, aja e Antyokiya.
\v 23 Erhi ayusa yo nsiku, ashubi genda. Atwikanya omu cihugo c'e Galatiya n'e Furugiya oku liguma, aja akomeza abaganda boshi.
\p
\v 24 Muyahudi muguma izino lyage ye Apolo, aburhiragwa e Alegizandiriya, ahika e Efeso. Ali muntu oyishi derha, anali manyire bwenene amandiko.
\v 25 Ali ayigirizibwe enjira ya Nyakasane, ali n'obushiru bwenene. Akagi hanula n'oku yigiriza okunali ebi yerekire Yesu. Cikwone arhali manyire oburhali bubatizo bwa Yohana bwone.
\v 26 Arhondera okuderha n'oburhwali omu Sinagogi. Erhi Prisila na Akila bamuyunva, bamuheka hagumanabo, n'okumu hugulira bwenene okunali enjira ya Nnamahanga.
\v 27 Enyuma ly'aho, Apolo alonza okuja e Akaya, bene wabo bamuhira omurhima omu nda bayandikira abemezi ba muli eco cihugo amaruba mpu bamu yankirire bwinja. Erhi ahika eyo munda, akarhabala bwenene balya bakagi iyemera oku lukogo lwa Nnamahanga.
\v 28 Ayeresa Abayahudi omu nyigirizo zage oku bahabusire, abayeresa amandiko okw'okunali Yesu ye Masiya.
\c 19
\cl Cigabi 19
\p
\v 1 Byanacibantyo erhi Apolo Ali e Korinto, Paulo erhi ayusi here omu ntondo z'e Azia, ahika e Efeso. Arhima yo nabanda baguma ababwira:
\v 2 erhi kamwayankirire Muka Mwimana, amango mwa yemeraga? Nabo bamushuza, mpu: ciru rhurhasagi yunva oku Muka Mwimana ahaba.
\p
\v 3 Naye, abadosa: bubatizo buhi mwahirwe? Bamushuza mpu: Bubatizo bwa Yohana.
\p
\v 4 Paulo anacibabwira, erhi: Yohana abatizize olubaga obubatizo bw'obuciyunyuze, akababwira mpu bayemere owanayishe e nyuma zage, ye Yesu.
\v 5 Erhi bayunva ebyo binwa babatizibwa okw'izino lya nyakasane Yesu.
\v 6 N'erhyaba amabalambulira kw'amaboko Muka Mwimana abayandagalira, barhondera baderha endimi banaleba. Boshi haguma Bali nka baluma ikumi na babirhi.
\p
\p
\v 8 Paulo anacija omu cishagala, ajira myezi isharhu ayigiriza buzira boba. Akashambalira Abayahudi e by'obwami bwa Nnamahanga n'oku cicesa oku bayemeza.
\v 9 Ci baguma bahusa e murhima yabo, hakajira oku yemera, ciru banajacira e njira ya nyakasane embere z'olubaga. Anacibaleka abemezi habo habo, ngasi lusiku akazi baganiza omw'isomo lya Tirano.
\v 10 Okwo akujira myaka ibiri yoshi, na ntyo abantu boshi b'omu Azia, Abayahudi n'Abagreki, bayunva oluderho lwa Nyakasane.
\v 11 Naye Nyamuzinda akagijira ebisomerine bizibu n'amaboko ga Paulo,
\v 12 kuhika abalwala bakahirwa kwo ebitambara n'emishangi yali e hisire oku mubiri gwage bakafuma, n'abazimu baka barhenga kwo.
\p
\v 13 Baguma omu Bayahudi b'abagenzi bakagilibirha kw'abazimu babi banacirhangira okuyambaza Izino lya Nyakasane Yesu oku bali mw'abazimu babi. Bakaderha erhi Mmulahirire oku Izino ly'olya Yesu Paulo ayigiriza.
\v 14 Muyahudi muguma, mpu ye Sheva mudahwa mukulu agwerhe bana bage misole nda bakagi jira ntyo.
\p
\v 15 Ci shehani abashuza ntya, erhi: Yesu mmuyishi, naye Paulo ntamuhabiri, ci mwoyo muli bandi?
\v 16 Lero olya muntu wali mwo abazimu babi anaci bahamira kwo abanesha okubanali boshi, abakolera buligo, ciru barhenga mw'eyo nyumpa balibirha, erhi barhaciyambirhi banayunjwire b'ibande.
\v 17 Okwo kwanaci manyikana oku bantu boshi b'e Efeso. Abayahudi n'Abagriki obwoba bwa bagwarha boshi, bakuza izino lya Nyakasane Yesu.
\v 18 Banji mulibalya balima yememre baka yi shi fululula n'oku derha engeso zabo.
\v 19 Banji muli balya nakayijira eby'obukurungu, bakaderha ebitabu byabo n'oku dulika muliroomu masu ga boshi. Batania echishingo chabyo, babugana biri bihumbi makumi arhanyunva nsaranga.
\v 20 Na ntyo emyanzi y'Akalembe yayololoka haha zibuha.
\p
\v 21 Erhi ebyobyoshi biba byamaba, Paulo anachi higa oku gera omu Makedonia n'omu Akaia, n'okuja e Yeruzalemu, erhi: hano mba nama yihika, kukwanine mbone na Roma.
\v 22 Anachi rhuma baganda babirhi e Makedonia, bo Timoteyo na Erasto; naye yene achi jira zindi nsiku nsungunu omu Azia.
\p
\v 23 Mw'ago mango, hazuka embaka zirhali nyi ziyrekire enlira ya Nyakasane.
\v 24 Muntu muguma, mpu ye Demetrio, mutuzi w'amasholo wakagi yubakira Artemia enyusho z'ebyuma, akagi lerher'abakozi have bunguke bunji.
\v 25 Anachi bahamagala bon'abandi bakozi b'emirmo eri Nk'oyo gwabo, ababwira, erhi: Bira bani, murha habiri oku ogu mukolo gwo gurhi jira.
\v 26 Ci mwene mubwine munagwerhe mwa yunva oku arhali e Efeso yone. Cina hofi omu Azia yoshi, oyu Paulo arhebire anahindula e mirhama y'abantu barahali banyi, ababwire mpu banya muzinda bajiragwa n'amaboko g'abantu barhali banyamunzi.
\v 27 Arhali mukolo gwirhu gone rhuyobohire nti gwa nkasherera ci n'olusho lw'Artemi ciru, omuzimukazi wirhu, nti lwanka lolwa nka lwa busha, na buzinda obone irenge ly'olya abantu b'omu Azia n'ab'omw'igulu lyoshi bashenga likola ntalyo.
\p
\v 28 Erhi bayunva e byo binwa, obukunizi bwaba rhaluka irhwe, barhondera babanda endulu, mpu: Artemi wa ba Efeso alimuku!
\v 29 Ecishagala coshi cayunjula hidugundu, bashagamukira caligumiza omu itaramo, byakagijirwa nabo Cayo na Aristariko b'e Makedonia bakagi genda bona Paulo.
\v 30 Erhi Paulo aderha mpu aje ekarhi k'olw'olubaga, abemezi bamuhanzi;
\v 31 ciru n'abajinji baguma b'omu Azia bali bira bage barhuma e munda ali mpu amanye anka ciyerekana omu itaramo.
\v 32 Baguma bakayama kwabo n'abandi kwabo, bulya olubaga lwali mwo e hidugundu, na banji barhali manyire bici bashimbaga.
\v 33 Lero banaci rhenza Aleksandra omu karhi k'olubaga n'Abayahudi banacimusunika mpu aje embere. Okuhandi Aleksandra anacibakema n'okuboko, mpu bahulike; ci erhi akola ashuzagye olubaga,
\v 34 bamanya okw'ali Muyahudi, boshi banaciyakuza liguma, bajira nka nsa ibirhi baderha, mpu: Artemi w'aba Efeso ali mukulu!
\v 35 Okubundi omwandisi anacihuluka olubaga, alubwira, erhi: Mwe bantu b'e Efeso, omu Bantu boshi ndi orhayishi oku Ecishagala g'omulinzi g'omuzikazi mukulu Artemi n'ogw'enshusho yage ya manukaga oku nkuba?
\v 36 Kulya kuba ntaye wankalahira okwo, ku kwanine murhulule munamanye harhabaga eci mwajira murhana rhanziri cija emurhima.
\v 37 Abala bantu mudwirhe ntakulogorha balogorhire omuzimu-kazi wirhu, barhana mujaciraga.
\v 38 Akaba Demetrio n'abakozi Bali boshi hali oyu bagwerhe kwo akanwa, enkiko hoziri, n'abatwi b'emanja ho bali: Baje aha balume.
\v 39 Akaba kandi kantu mmulonzize, kaderhwa aha kagombe.
\v 40 Kali ciru ebyabire olusiku lw'ene byanarhuma rhwalegwa obugoma, bulya nti gwarhiro rhugwerhe lya nkarhuma engabo eri nkeyi yalundumana. Erhi ayusi derha ntyo ashandaza olubaga.
\c 20
\cl Cigabi 20
\p
\v 1 Erhi entambala zihwa, paulo abugana abemezi abaha n'ihano ly'oku bakomeza, na buzinda aba sengeruka aja e Makedoniya.
\v 2 Atwikanya muli olo lunda n'okuja komeza abemezi, omu kuja ayigiriza kanji kanji. Enyuma lyaho, aja e Bugiriki.
\v 3 Abera yo myezi isharhu. Erhi akola mpu ajage omu bwarho bw'okuja e Siriya, amanya oku Abayahudi bamujirire idole. Ago mango ahiga oku akola agaluka agerere e Makedoniya.
\v 4 Sopateri mwene Piro w'e Beroya amulusa n'Aristariko na Sekundo, bantu b'e Tesaloniki; Gayo w'e Derbe, na Timoteyo, na Tukiko na Trofimo, b'omu cihugo c'e Aziya.
\v 5 Abo bantu bashokola, bajirhulindira e Trowa.
\v 6 N'irhu rhwene rhwaja omu bwarho aha Filipi enyuma ly'olusiku lukulu lw'e migati erhali mo ngezo; n'enyuma lya nsiku irhanu, rhwabashimana e Trowa rhwabera yo mugobe muguma.
\p
\v 7 Olwa kalindarhu bijingo, rhwali shimanine nti rhulye ebilyo by'ecibo cimana, na Paulo abwira endeko oku agwasirwe agende hano buca, mpu bulya agendera oku yigiriza kuhika aha kagarhi k'obudufu.
\v 8 Eco cumpa rhwali shimanine mwo mwali matara manji omw'igorofi.
\v 9 Mwana muguma wa busole izino lyage ye Eutiko, alitamire omu kabonezo. Ahunira bwenene bwenene ensa Paulo akagi Yigiriza enyigirizo ndiri. Elyo liro lyarhuma ahona emalunga omu igorofi lya kasharhu, acirhimba okw'idaho. Mpu bazuse, bashingana anafire.
\v 10 Paulo ayandagala, amuyunamira kwo, amu bagalira, aderha erhi: Murha kangalalaga emirhima, azine!
\v 11 Buzinda, aciri shonera omu igorofi, abega omugati, agulya. Aciri yusa akasanzi karhali kanyi ali aderha, kuhika izuba lyalinda lishoshoka, agenda.
\v 12 Bayisha badwirhe olya mwana w'obusole erhi akola ali mutaraga, boshi bashubira omurhima omu nda.
\p
\v 13 Rhwashokola, rhwaja omu bwarho, bwarhuheka e Asosi, yo rhwali rhugwasirwe oku rholera Paulo n'obwarho. Ntyo kwo ali atwire, bulya alilonzize okuja yo n'amagulu.
\v 14 Erhi arhushimana e Asosi, rhwa murhola n'obwarho, rhwaja e Mitilene.
\v 15 Rhwashubi rhenga eyo munda n'obwarho, n'erhi buca rhwahika ah'ishiriza ly'e Kiyo. N'erhi bushubi ca, rhwahika e Samosi, n'erhi buciri ca rhwahika e Miletu.
\v 16 Bulya Paulo ali ahizire okugerera ishiriza ly'e Efeso buzira kuyimanga yo lyo arhagi hereza akasanzi omu cihugo c'e Asiya, ali oku magulu enyanya mpu lyo alola erhi ahika e Yerusalemu embere ly'olusiku lwa Pentekoste bika hashikana.
\p
\v 17 Erhi Paulo ali e Mireto arhuma entumwa e Efeso mpu bamu rhumire abagula b'omurhwe gw'aba kiristu.
\v 18 Erhi bamuhika ho, ababwira erhi: Mumanyire oku nayorhaga amango goshi nali haguma na ninyu, kurhenga olusiku lurhangiriza najaga omu cihugo c'e Aziya.
\v 19 Nakolire Nyakasane n'obwirhohye bwoshi, haguma n'emirenge, n'omu bizibu nabonaga erhi oku aba Yahudi bakagi ntigirana kurhuma.
\v 20 Mumanyire oku nta kantu namufulikaga kalya kagwasirwe oku murhabala: Namu bwizire byoshi n'oku muyigiriza emalanga g'abantu boshi n'omu mwa binywe.
\v 21 Nahamagire abayahudi n'abarhali bayahudi nti bagokole ebyaha, bahindukire Nnamahanga n'oku yemera Nyakasane wirhu Yesu.
\v 22 Nkolaga naja e Yerusalemu nk'oku Muka Mwimana ansezize mpu njire. Ntamanyiri ebya nyishira yo.
\v 23 Mmanyire kwone oku Muka Mwimana ammanyikize omu ngasi chishagala ok'umugozi n'ebizibu biri byaninga.
\v 24 Cikwone akaba kufa nafa, nfe, chasiga erhi mpisire oku buzinda bwobu rhumisi bwani, n'okuyusa omukolo Nyakasane Yesu Kristu ampaga: Okuderha n'obwalagale emyanzi y'akalembe adesire enyanya z'olukogo lwa Nnamahanga.
\v 25 Namugezire mwo mweshi, omu kuja nayigiriza obwami bwa Nnamahanga, cikwone buno nkola mmanyire oku ntaye waci mbona.
\v 26 Co cirhumire mmubwizire ene nti nka muguma muli mwe ankahera, nta mutumule.
\v 27 Bulya Ngasi oku Nnamahanga arheganyize kwoshi namubwizire kwo, buzira kumufulika kantu.
\v 28 Mucilangage mwene n'okulanga obuso Muka Mwimana amuyabuzagya mpu mube bangere babwo. Muyabule omurhwe gw'aba Kristu ba Nnamahanga bwinja, abo acungulaga erhi kufa kw'omugala kurhuma.
\v 29 Mmanyire oku hano mba nnamagenda, abantu bali nka mirunga midarhi bamuja mwo, n'obuso barha bubabalire.
\v 30 Na ciru mwene mwarhenga mwo aba nywerha, bashumike n'abemezi mpu babakulikire.
\v 31 Kuziga mubage masu muna kengere oku muli erya myaka isharhu, budufu n'omushi, ntajiraga amango ntalaka nkola namubwira.
\v 32 Mmuhebirage omu maboko ga Nnamahanga, n'emyanzi edesire ogw'olukogo lwani emulange. Agwerhe obuhashe bw'oku muzibuhya n'okumushoboza ebirugu abikire abantu bage boshi.
\v 33 Ntacifinjaga olufaranga erhi noro, erhi myambalo yandi.
\v 34 Mwene mumanyire oku erhi rhwankabire rhulagirire oku kantu, aga maboko gani go ganakagi rhuhisa kuli ko rhweshi n'abakagi ndusa.
\v 35 Omu ngasi kantu namuyeresire oku kukwanine okukola ntyo lyo mubona oku mwarhabala mwo abakemyi, omuku kengera birya binwa Nyakasane Yesu aderhaga yene erhi: Liri iragi okuhana kulusha okuhabwa.
\p
\v 36 Erhi Paulo aba amaderha ntyo, afukama haguma nabo oku banali boshi, ashenga.
\v 37 Boshi balaka, bahubira Paulo, baka mununugurha okumu sengeruka.
\v 38 Ecifufu cabagwarha bulya ali ama babwira oku barhakaci mubona bundi. Buzinda, bamulusa kuhika aha bwarho.
\c 21
\cl Cigabi 21
\p
\v 1 Erhi rhusengerukana, rhwaja omu mashuwa, rhwalikulira e Kosi; erhi buca bahika e Rodo, erhi rhurhenga eyo munda, rhwaja e Patara.
\v 2 Rhwabona yo amashuwa gajaga e Fenisiya; ago mango rhwajaga mwo, rhwagenda.
\v 3 Rhwahika hofi n'e Kipro, rhwanka yilangirage, rhwagera ekulembe kw'ako kalwa erhi rhunali omu mashuwa kuyerekera e Siriya. Rhwahika e Tiro, yo amashuwa garhulire emizigo yali mwo.
\v 4 Eyo munda rhwabona yo abemezi, rhwabera rhweshi nabo mugobe muguma. Erhi Mûka Mwimana abamanyisa, babwira Polo mbu arhajaga omu cishagal c'e Yerusalemu.
\v 5 Cikwone erhi rhuyusa ogwo mugobe rhwajijire haguma nabo, rhwagenderera omu lugenzi lwirhu, boshi barhulusa, haguma na bakabo n'abana babo, barhuhisa embuga ly'ecishagala. Rhwafukama oku burhambi bw'enyanja, rhwshenga.
\v 6 Erhi rhuba rhwama sengerukana, rhwashonera omu mashuwa, nabo bashubirwa emwabo.
\p
\v 7 Rhwayusa olugenzi lwirhu lw'omu nyanja, rhwarhenga e Tiro rhwahika e Petolemayi, rhwalamusa yo bene wirhu, rhwanabera rhweshi nabo lusiku luguma.
\v 8 Erhi buca, rhwagenderera, rhwahika e Kaisariya. Eyo munda, rhwaja omu mwa Filipo w'omujabugo w'emyanzi y'akalembe, rhwahanda aha mwage. Ali muguma wa muli balya bantu nda bacishogagwa e Yerusalemu.
\v 9 Ali agwerhe banyere bani, bakagi leba emyanzi ya Nnamahanga.
\p
\v 10 Erhi rhushinga yo nsiku nyinji, mulebi muguma arhenga e Yudea ayisha, izino lyage ye Agabo.
\v 11 Ayisha emunda rhwali, arhola omukaba gwa Polo aci ziriringa amagulu n'amaboko, abul'iderha erhi: Yunvi ebi Muka Mwimana adesire, oku nn'ogu mukaba, ntya kwo abayahudi bamushwekera e Yerusalemu, enyuma lyaho, bamuhereza abarhali bayahudi.
\v 12 Erhi rhuba rhwamayunva ntyo, rhwe n'abe Kaisariya rhwakomereza Polo nti amanye akaja e Yerusalemu.
\p
\v 13 Ci kwone ashuza erhi: Bici birhumire muli mwalaka munalonzize mpu ntwike omurhima omu nda. Nchi rheganyize niono, arhali kushweka kwone, cikwone n'okufira yo erhi Nyakasane Ye: su orhuma.
\p
\v 14 Bulya rhurhahashaga okuyemeza Polo, rhwamuleka, rhwaderha mpu: Nyakasane yene ajire nk'oku analonzize.
\p
\v 15 Erhi kugera nsikunyi rhuli eyomunda, rhwaci rheganya, rhwaja e Yerusalemu.
\v 16 Abaganda b'e Kaisariya barhulusa, barhuheka emwa muntu muguma mpu ye warhuhandisa, izino lyage y'e Munasoni w'e Kipro, ali mwemezi kurhenga mira.
\p
\v 17 Erhi ruhika e Yerusalemu, bene wirhu barhu yankirira n'obushagaluke.
\v 18 Erhi buca, rhwaja emwa Yakobo, rhweshi na Polo, yo abagula boshi b'omu murhwe gw'Abakristu bali bashimanine.
\v 19 Polo alamusa ana barhondereza ebi Nnamahanga ajijire byoshi oku mukolo gwage omu kagarhi k'abarhali Bayahudi.
\v 20 Erhi baba bamayunva ebi adesire, bakuza Nnamahanga. Buzinda, babwira Polo, mpu: Mwene wirhu obwinage oku abayahudi bayemire bali bihumbi, na boshi bakulikire amarhegeko bwenene.
\v 21 Bbaba bwiaire oku ona yigirize abayahudi boshi bali omu zindi mbaga mpu baleke okushimba amarhegeko ga Musa, mpu wanababwira oku baleke okuka kembula abana babo, mpu barhana shimbaga obworhere bw'abayahudi.
\v 22 Kurhi rhwajira? Bulya kwobinali, bamanya oku wayishire.
\v 23 Okwaninwe ojire oku rhwakubwira. Hano rhugwerhe ho bantu bani bahanire eciragane.
\v 24 Obaheke, muje mweshi nabo oku burherekere bwa Nnamahanga bw'okushhukulwa, ohane ebi bankahanyire, lyo bahasha oku kungulwa. Ntyo kwo abantu boshi bamanya mwo okw'ebyo bakuderheraga birhali by'okuli, n'oku nawe kuyunva oyunva okw'amarhegeko ga Musa gadesire.
\v 25 Balya barhali bayahudi bayemeraga, rhwabarhumire amaruba g'oku babwira oku barhagwasirwi okulya enyama bama rherekera mwo ennama, erhi mwamba, erhi nyama z'ecintu cifulunginwe n'omuko, bagwasirwe baleke n'okugona.
\v 26 Ago mango POlo aheka balya bantu oku banali; n'erhi buca, boshi baja omu ka Nyamuzinda, baj'irherekera banashukulwa. Okuhandi, aderha mwo mangaci ensiku z'okushukulwa zahwa, kwo kuderha oku mangaci ngasi muguma anankahirwe enterekero.
\p
\v 27 Erhi nsiku nda zikola mpu zihwe, Abayahudi b'omu cihugo c'e Aziya babona Polo omu ka Nyamuzinda kabo. Bashumika abantu boshi, bamugwarha.
\v 28 Babul'iyakuza mpu: Mashi Bisraeli, murhabale! Olya muntu waja angera gera ngasi hoshi ono. Omu nyigirizo zage agayire olubaga lw'Israeli lwoshi n'amarhegeko ga Musa n'aka ka Nyamuzinda kirhu. Na ciru y'ono wamahira Abagiriki muli aka ka Nyamuzinda, n'okuziza aha hantu himana!
\v 29 Baderhaga ntyo bulya barhanzir'ibona Trofimo w'e Efeso bo na Polo omu cishagala: bacikebwa mpu baka nkaba Polo anamudwirhe omu Ka Nyamuzinnda.
\v 30 Akavulindi kalumira omu cishagala coshi n'olubaga lwakarhenga ngasi hoshi lui bulibirha. Bagwarha POlo, bamu kululira emuhanda gw'aka Nyamuzinda, ho n'aho, bayigala enyunvi.
\v 31 Erhi bakola bali balonza okumuyirha omukulu w'engabo y'abarika b'Abaroma bamurhomya omwanzi oku akavulindi kali omu Yerusalemu mwoshi.
\v 32 Ho n'aho, oshokolana abakulu b'abasirika n'abasirika, balibirhira emunda abantu bali. Erhi babona oyo murhambo w'abasirika, baleka okushurha Polo.
\v 33 Ago mango oyo murhambo wabo aja ho Polo, amugwarha, aderha mpu bamushweke na madagule abiri, abulidosa erhi: Oyu muntu ye nndi na kurhi anajijire?
\v 34 Cikwone, omu bantu mwarhenga abayakuza kwabo n'abandi kwabo. Bulya ecirongozi c'abasirika arhahashaga okuyunva ciru n'ehitya ebi bali baderha erhi kavulindi karhuma, lero arhegeka mpu baheke Polo omu nyumpa y'Abasirika.
\v 35 Erhi bamuhisa oku rhushoezo, abasirika bamu barhula erhi bukali bw'olubaga burhuma.
\v 36 Bulya abantu boshi bali babakulikire mpu babanyage ye n'okuka ayakuza mpu: Ayirhwe!
\p
\v 37 Bulya bali bakolaga mpu bahire Polo omu nyumpa, abwira ecirongozi c'abasirika erhi: Kawanyemerera nderhe kanwa kaguma? Ecirongozi camudosa erhi: K'oyishi ecigiriki?
\v 38 K'arhali w'olya mu Mumisri ozindi zusa obugoma wanaheka bishungu bihumbi bini by'abantu omu mpinga?
\p
\v 39 Naye Polo ashuza erhi: Ndi Muyahudi, naburhiragwa e Tarso Silisiya, mwana-burhwa w'omu cishagala cirha habikini omw'igulu lyoshi. Muhanyi oyemerere nshambalire olubaga.
\p
\v 40 Eco cirongozi c'abasirika camuyemerera. Ago mango Polo ayimanga oku rhushonezo, ahulisa olubaga n'okuboko. Erhi boshi bahwekera, Polo abarhondereza omu luderho lw'eciharamiya erhi.
\c 22
\cl Cigabi 22
\p
\v 1 Bene wirhu na balarha lekagi nywe akasha ba embere zinyu.
\p
\v 2 Erhi bayunva aba bwira omu mayahudi, bahulika kulusha. Aderha erhi:
\v 3 Nie ndi Muyahudi, naburhiragwa e Tarsi omu Silisia, cikwone mwa cira cishagala na lereregwa oku bibero bwa Gamalieli. Nayigirizbwa bwinjinja amarhegeko ga bashakuluza, na naba ntwali omu bya Nyamuzinda nk'okula mweshi muli ene.
\v 4 Abashimba eyo la njira, na balibuzize kuhika oku bayirha, na shwekwa, abalume n'abakazi,
\v 5 omukulu w'abadahwa b'ihano ly'abagula bo bahamirizi muhirire. Bo bampaga amaruba mpu ngahekere bene wirhu. Nanacija e damasi nti mbalerhe e Yerusalemu abali bashweke bahanwe.
\v 6 Byanaciba ntyo! Erhi nkola ndi omu njira, na nkolaga mpu mpike e Damasi, erhi kaba kasirahira, obulangashane bwamanuka oku nkuba bwafunika bwanamolekera.
\v 7 Nacishurha okw'idaho, na yunva izu lya nyakuza, erhi: Sauli, Sauli, bici wandibuliza?
\p
\v 8 Nani nashuza nti: We ndi, Yagirwa? Naye erhi: Nie Yesu w'e Nanzareti ogwerhe walibuza.
\p
\v 9 Abarhwali rhweshi babona obulangashane ci barha yunvagya izu ly'owakagi derha.
\v 10 Naderha, nti: Yagirwa, bici najira? Naye Nyakasane ashuza, erhi: Yimanga, oj'e Damasi, bakubwira yo ebi oshinganine okujira byoshi
\v 11 Cikwone, bulya ntacibonaga erhi bulangashane bw'obo bumoleke burhuma, ababirhu bangwarhira oku kuboko nahika e Damasi.
\v 12 Lero mulume muguma, izino lyage Anania, mutu oshimba bwinja amarhegeko na mukengwa omu Bayahudi b'e Damasi boshi,
\v 13 ayishi ntagula, n'erhi aba ama nyegera, ambwira, erhi: Sauli mwene wirhu, erhi: zibuka amasu. Honahalya na mubona.
\v 14 Ashubirira. Erhi: Nyamuzinda wa balarha akulondwire mpu omanye obulonza bwage, obone Omushinganyanya, onayunve oluderho lwa akanwa kage;
\v 15 bulya wamubera muhamirizi w'ebi wabwine n'ebi wanyunvirhe, omu Bantu boshi.
\v 16 Na buno, bici walinda? Yimuka, obatizibwe, na hano wamashenga izino lyage, okulirwe ebyaha byawe.
\v 17 Erhi ngaluka e Yerusalemu na naba ndina haramya omu kanyamuzinda, nayaganwa.
\v 18 Na bona Nyakasane, ambwira, erhi: Okanye, orhenge e Yerusalemu, bulya barhayemere obuhamirizi bwani kuli nie.
\v 19 Nani nashuza, nti: Yagirwa, bamanyire oku nakagigera omu bishagala naja nashweka n'okushurha e mpimbo abakuyemera boshi;
\v 20 n'erhi babulaga omuko gw'omuhamirizi wawe Stefano, nani honali nayemara nti bamuyirhe, Na nakalanga e myambalo y'abamuyirhaga.
\v 21 Anacimbwira, erhi: Genda, bulya na kurhuma kuli omu mashanja.
\p
\v 22 Kuli ako kanwa, balimurhezire amarhwiri. Ci erhi bayunva okwo, bayama, mpu: Omuntu wabene oyo omurhenze e n'igulu; bulya arhakwanini alame.
\v 23 Bajira e cihogero cinene, bakajugujira ebishuli byabo bana kweba akatulo enyanya.
\v 24 Omukulu w'abasirika anacirhegaka mpu balerhe Paulo omu lugerero lwabo, aderha mpu bamudose n'emikoba lyo bamanya eci rhumire bayama ntyo.
\v 25 Ci erhi baba bamamushweka n'emikoba mpu Bamushurhage, Paulo abwira omurhegesi w'abasirika, erhi: Ewe ndi wamuhaga obwemere bw'okushurha omu Roma emikoba, buzira kumutwira olubanja?
\p
\v 26 Erhi ayunva ntyo, oyo murhegesi w'omurhwe gw'abasirika agendi bwira omukulu w'abasirika, erhi: Gurhi wajira? C'oyo muntu amaba mu Roma!
\v 27 Omukulu w'abasirika anaciyisha, agendi bwira Paulo, erhi: Mubwira bwinja! Koli mu Roma? Naye, erhi: Neci.
\p
\v 28 Omukulu w'abasirika ashuza, niehe obwo buyemere bw'okuba mu Roma na bugulaga nfaraga yinji. Paulo ashuza: Niehe nakuburhanagwa.
\v 29 Ago mango balya balonzagya oku mudosa n'emikoba, bamuyaka mashi, ciru n'olya mukulu w'abasirika ayoboha erhi amanya oku oyo analishwesire ali mu Roma.
\p
\v 30 Erhi buca, alonza okumanya kwinja eby'Abayahudi bamulegeraga, amushwekula, anarhageka abadahwa bakulu n'akagombe loshi mpu bashubuzanye. Alerha Paulo amuyimanza embere zage.
\c 23
\cl Cigabi 23
\p
\v 1 Paulo, anacilola abagula, anaderha erhi: Bene wirhu, omu ntimanya nyinja mwo nalamire embere za Mungu kuhika ene...
\v 2 Omujinji mukulu Ananiya arhegeka abali hofi mpu bamu shurhire oku kanwa.
\p
\v 3 Ago mango Polo amubwira erhi: Nnamahanga aci kushurha, w'oyo otamire nka chogo cinja! Otamire mpu ontwire olubanja nk'okw'irhegekolidesire, na w'oyo ovunyire irhegeko okuderha mpu banshurhe!
\p
\v 4 Abali hofi naye bana mubwira erhi: Ci wa jacira omujinji mukulu wa Nnamahanga!
\p
\v 5 Na Paulo aderha erhi: Ntali manyire, bene wirhu, oku ali mujinji mukulu; bulya biya ndisirwe erhi: orhaderhaga kubi enyanya ly'omukulu w'olubaga lwawe.
\p
\v 6 Paulo, ali amanyire oku abali omw'ako kagombe bali mwo ab'Abasadukayo n'Abafarisayo, ayakuza emalanga gabo: bene wirhu, indi mufarisayo; eri enyanya ly'obulangalire n'obufuke bw'abafire co cirhumire ndwirhwe oku lubanja.
\v 7 Erhi aba amaderha ebyo, akadali kazuka omu bafarisayo n'abasadukayo, n'ihano lyabo lya gabanuka.
\v 8 Bulya Abasadukayo bakagi derha mpu nta bufuke bw'abafire, mpu arhanaba malaika ciru n'abazimu, n'obu Abafarisayo bohe bali yemire oku haba ebyo bibiri.
\p
\v 9 Balushisa okuyakuza, na haguma n'abashamuka b'omw'ihano ly'abafarisayo, bayimuka, barhangiza akadali, n'okuderha erhi: rhurha bwini bubi bwoshi bwoshi omwoyu muntu; nkaba muzimu erhi malaika wamu desagya.
\v 10 Embaka zakula, ciru omukulu ayoboha mpu bakarhola Paulo cirumbu cirumbu, anacihonola abasirika bage mpu bamurhenze omu karhi gabo bamuheke omu nyumpa y'Abasirika.
\p
\v 11 Obudufu bwalishimbulire, Nnamahanga abonekera Paulo, n'okumubwira erhi: ocihe omurhima; bulya, nkoku wanaderhaga ogwani omu Yerusalemu, bihunyire oguderhe n'omu Roma.
\p
\v 12 Erhi buca, abayahudi bajira ihano, bacigasha mpu barhalyaaga, barhana nywaaga akantu koshi koshi barhana ciirha Paulo.
\v 13 Abajiraga er'ihano bali makumi gani na kulusha.
\v 14 Baja emw'abakulu b'abajinji n'emw'abagula bababwira mpu: Rhwacigashire bwenene, oku, rhurhalye rhurhanywe kuhika rhuyirhe Paulo.
\v 15 Ninyu obwo, intya, shambalagi n'ihano likulu, mpu bamulerhage emalanga ginyu, mube nka kuno mulonzize oku yunva olubanja lwage bwinja bwinja; nirhu, embere ayegere, rhuli hofi okumuniga.
\p
\v 16 Cikwone mwihwa wa Paulo, erhi ayunva eyo mihigo, aja omu nyumpa y'abasirika aji manyisa Paulo.
\p
\v 17 Paulo ahamagala muguma omu bakulu b'abasirika, aderha erhi: Heka oyu mwana w'obusole emw'ecirongozi z'abasirika, bulya agwerhe ebi amubwira.
\p
\v 18 Oyo mukulu w'abasirika aheka oyo mwana, amuheka emunda kumanda mukulu ali, amubwira erhi: Omushwesi Paulo ana mpamagire, amana mbwira mpu nkulerhe guno musole, gugwerhe ebi gwa kubwira.
\p
\v 19 Komanda, agwarhira oyo musole oku kuboko, ana ciyegula aha burhambi, amudosa erhi: kurhi wambwira?
\p
\v 20 Ashuza erhi: Abayahudi balaganine mpu bakuhuna olerhe Paulo sezi embere z'akagombe kakulu, babe nka balonzize okuyunva olubanja lwage bwinja bwinja.
\v 21 Orhabayunve, bulya makumi gani na kulusha bo bamutulikire amatumu, mpu bacifulike lyo bamushamula, balahire oku barhalya barhana nywa kuhika bamuyirhe; nantya bakola bacirheganyize, balibalinda ishuzo lyawe lyone.
\p
\v 22 Omukulu w'abasirika erhi aba ama komereza oyo mwana w'omusole, oku arhabwiraga ndi ebyo amu derhezagya.
\p
\v 23 Enyuma lyaho komanda ahamagala babiri omu basirika bage, ababwira erhi: Mulalire bwinja, kurhangira aha nsa zisharhu z'obudufu, na bantu makumi gali nda bagenda oku nfarasi na magana abiri balwi ba matumu, omu kuja e Kaizariya.
\v 24 Habe n'enfarasi z'okuheka Paulo, lyo ahekwa n'omurhula na murhamuhekaga erhali emwa kavurunera Felisi.
\p
\v 25 Anayandika amaruba gadesire erhi:
\v 26 Claudiyo Lisiya alamusize omukengwa kavuruneri Felisi!
\pi
\v 27 Oyu mulume abayahudi bagwarhaga, bali ba muniga, naja yo nabasoda bani mpu rhuji muciza, erhi mmanya oku ali muburhwa w'e Roma.
\v 28 Nalilonzize mmanye bici bamushimbire, namulerha embere ly'akagombe kabo kakulu.
\v 29 Nabona oku bamutumuzize enyanya ly'amarhegeko g'abo bantu, cikwone nta bubi ajijire bu kwaninwe okunigwa erhi kushwekwa.
\v 30 Ene bambwira oku abayahudi bali bamujirira irhigi, na mana kurhumira ye, nana manyisa abakagi mushimba nti bakuhekere olubanja lwabo.
\p
\v 31 Abasirika, nkoku banali rhegesirwe, barhola Paulo muli obwo budufu bwonanene bamuheka e Antipatri.
\v 32 Erhi bucha, baleka abali oku nsimba ziderhwa nfarasi bagenderere omu lugenzi haguma na Paulo, abasoda bali bagenzire n'amagulu bashubira ebwa nyumpa ya basoda.
\v 33 Erhi bahika e Kaisariya, balya bali oku nfarasi bahereza kavuruneri amaruba, bana muyereka Paulo.
\v 34 Kavuruneri, erhi amasoma galya maruba, adosa mpu omu cihugo chihi Paulo aba mwo. Erhi ayunva oku ali w'e Silisiya:
\v 35 Amubwira erhi: Naku yunvirhiza hano abakushimbire bayisha. Ana rhegeka oku bamuhebe omu mwa Herodi.
\c 24
\cl Cigabi 24
\p
\v 1 Erhi kugera nsiku zirhanu, omujinji mukulu Ananiya ayisha, aliboshi n'abagula na mutwa mbanja muguma. Bayisha badwirhe olubanja emunda Kavuraneri ali enyenye lya Paulo.
\v 2 Paulo bamuhamagala, na Tertulo acihira eruhya arhondera oku musongera n'okuderha erhi:
\v 3 Omukulu mukengwa Felisi, orhujirire omurhula munene, n'olu lubaga lwahabirwe okuhindamuka kwinja kw'obwirhonzi; kwo mumanyirire muli byoshi na hoshi haguma n'omwonkwa munene.
\v 4 Cikwone, omu kurha rhola kasanzi, nkuhunyire oku yunvirhiza, omu bwinja bwawe, oku rhugwerhr rhwaderha omu binwa bisungunu.
\v 5 Rhwashimanyire oyu muntu, oli w'oku halala, ajalerha n'okuberukana omu kagarhi k'abayahudi boshi b'omw'igulu, ali na mukulu w'omucama caba Nanzareti,
\v 6 Ciru anarhangiire oku zinza enyumpa ya Nnamahanga. Rhwana mushwesire, Rhwalonzize oku mutwira olubanja kushibanana n'amarhegeko girhu;
\v 7 Cikwone ecirongozi c'abasirika Lisiya cayisha, carhunyaga ye n'emisi,
\v 8 Kandi arhegeka mpu abashimbire Paulo bayishe embere zawe. Wene okwaninwe, oku mudokereza, wana hasha okumanya eyomyanzi yoshi erhumire rhumushimbire.
\v 9 Abayahudi nabo baderha oku ebi bamushimbire kwo binali.
\p
\v 10 Enyuma ly'Omurhegesi okumuha oluhuma aderhe, Paulo ashuza erhi: Imanyire oku, kurhenga miaka minji, oba muzuzi wa luno lubaga, oku bulangalire kwo ntozire okuderha ebyani.
\p
\v 11 Kurha cigera nsinku ikumi n'ibirhi, kurhenga nasokaka e Yerusalemu oku ji chikumba.
\v 12 Barhanshimanaga ciru omu kagombe, ciru omu cishagala, ciru omu murhundu, rhushimbine na muntu yeshiyeshi, erhi kujira olubi omu lubaga.
\v 13 Barhanka nahasha oku hamiriza ebirhumire banshimbire.
\v 14 Nku fululire oku nkolera Nnamahanga wa ba shakuluza bani omu njira baderha mpu ya kucikebwa, omu kuyemera nkasi ebi yandisirwe omu burhegesi n'omu bulebi,
\v 15 Omu kugwarha obwo bulangalire emwa Nnamahanga, nkoku banali bugwerhe nabo, oku haba obufuke bw'abafu b'okuli n'abarhali b'okuli.
\v 16 Byo birhumire nciseza okugwarha entimanya nyinja buzira okugwarha amabi embere za Nnamahanga n'embere za bantu.
\v 17 Enyuma lya miaka minji ntaboneka, nayisha okuyishi jira entulo emw'olubaga lwani n'oluhembo.
\v 18 Lyo ba yahudi be Asiya bashimanyire ncesibwe omu kagombe, buzira ndeko n'olubi.
\v 19 Byali kwaninwe nabo babonekane emalanga gawe na nka bantu bashimbire, nka bali gwerhe eci bashimbire.
\v 20 Erhi baderhe erhi hali amabi najijire, embere z'akagombe kakulu,
\v 21 kulusha lirya izu nayamaga ligumampu omu karhi kabo: enyanya ly'obufuke bwa bafire co cirhumire ndi natwirwa lubanja emalanga ginyu.
\p
\v 22 Felisi ye walimanyire bwinja oku ezo nyigirizo zigenda, za ngasi lusiku, aderha erhi: Amango ecirongozi c'abasirika Lisiasi ayisha, nashitwa olubanja lwinyu.
\v 23 Ahana irhegeko emunda omu sirika ali oku alange Paulo, amulekere luhuma lusungunu, na okuhanza nta wabo wamujirire omukolo.
\p
\v 24 Erhi hagera nsiku zirhali nyi, Felisi ayisha boshi na mukage, Drusille, ali muyahudi, ahamagala Paulo n'oku yunvirhiza ebi bakagi derha biyerekire obwemere muli Kristo.
\v 25 Ci kwoki, erhi Paulo arhondera akuderha    oku bushinganyanya, n'okuli n'okuba n'olugero uku biyerekire olubanja luzinda, Felisi ayoboha, lero aderha erhi: rhengaga; nashubi kuhamagala.
\v 26 Alangalira liguma na paul omw'ago mango ayishimuha enfaranga; omw'ako kasanzi mpu amu shwekule.
\v 27 Miaka ibiri yanahwa ntyo, Felisi ali ho nka mushimbulizi wa Porkius Festo. Aja ahali ha Felisi oku burhegesi bulya Felisi akagi lonza oku simisa abayahudi, asiga Polo omu mugozi.
\c 25
\cl Cigabi 25
\p
\v 1 Festo, amango ahikaga omu cihugo, ashona nsiku zisharu enyuma lye Kahizaria omu yerusalemu.
\v 2 Abakulu b'abajinji n'abakulu baguma omu balya bayahudi bamuha olubanja enyanya lya Polo.
\v 3 Bamu yinginga mpu ababe lukogo aleke Polo ahekwe e Yerusalemu bulya hwali erhi amujirire ihano, mpu bayishi muyirhira omu njira.
\v 4 Festo ashuza oku Polo ali mushwekere e Kaisaria n'oku naye yene ali hofi hoku shubira yo.
\v 5 Erhi baguma binyu bahonoke banduse yo, kwa desire, bayunve nkaba hali okubi oyu mulume ajijire, bakuderhe.
\p
\v 6 Festo abezire nabo nsiku munani erhi ikumi lyone, enyuma lyaho ashubira e Kaisaria. Lisirhondo, erhi atamire aha kagombe k'embanja, arhumiza mpu balerhe Polo.
\v 7 Erhi ahika, abayahudi barhenganga e Yerusalemu bamuzunguluka, banamuderherha myanzi minji na mizibu bwenene, eyi barhali manyire ya bunywesi.
\p
\v 8 Polo achigasha, erhi: Ntaco cibi najijire, erhi ecirhashinganini ni rhegeko lya bayahudi, erhi omu ka Nnamahanga, erhi emwa Kaisari.
\p
\v 9 Festo, alonza okusimisa abayahudi, ashuza Polo: k'olonzize osoke e Yerusalemu, bakwitire yo olu lubanja emalanga gani?
\v 10 Polo aderha erhi: Embere ly'engombe ya Sesaria yo nyimanzire, yo nangwasirwe ntwirwe olubanja. Ntajiraga cibi coshi coshi oku bayahudi, nkoku okumanyire bwinja.
\v 11 Nkaba nabihire, erhi nkaba najijire okubi kwankarhuma nayirhwa, ntalahiri okufa; cikwoki, nkaba okubanderhire kuli kwa bunywesi, ntaye wankapana emunda bali. Lutwirwe emwa Sesari.
\v 12 Lero Festo, erhi amashambala nembaraza yage y'ihano, ashuza: erhi Polo ohunyire oku olubanja lwawe luje emwa Kaisari; yo lwanaja embere lya kaisari.
\p
\v 13 Enyuma lya nsiku nsungunu, mwami Agrippa Berenice bahika e sesaria, kuyishi lamusa Festo.
\v 14 Bulya bajijire yo nsiku nyinji, Festo ashambalira mwami emyanzi ya Polo, aderha erhi: Felisi asizire ashwesire omuntu
\v 15 enyanya lyage, amango nali eyerusalemu, abakulu b'abajinji n'abayahudi bamulera lubanja, bahuna mpu ahanwe.
\v 16 Nabashuza oku lirhali irhegeko ly'abaroma oku hana omuntu embere arhacibonana n'aba mudwirhe lubanja, lyo naye aderha kushimbana n'oku bamuderhire.
\v 17 Bayishire hano, nana tamala aha ngombe erhi buca, naderha oku bamulerhe.
\v 18 Abali mushobesire, bayisha, ntakubi bamushobesire;
\v 19 Bamujiisa kadali kwone okw'idini lyabo, n'enyanya lya muntu muguma waderhagwa Yesu wafaga, na Polo ali aderha oku azine.
\v 20 Ntamanyaga lunda luhi naderhera omweyo myanzi, namudosa erhi alonzize okuja e Yerusalemu, n'oku twirwa yo olu lubanja.
\v 21 Cikwone Polo erhi ahuna okutwirwa olubanja lwage na kaisari, naderha oku abikwe mpaka muhise ema kaisari.
\v 22 Agrippa abwira Festo erhi: nani nalilonzize okuyunvirhiza oyo muntu. Irhondo, ashuza Festo, erhi lyo wamuyunva.
\p
\v 23 Erhi buca, Agrippa na Berenice bayisha n'olukengwa lwinji, baja ahantu hokutwira embanja haguma n'abakuhani n'abakulu b'omu murhundu. Kugerera akanwa ka Festo, Polo alerhwa.
\v 24 Lero Festo aderha erhi: mwami Agrippa, na mweshi mulihano embere zirhu, mubwine oyu muntu abayahudi boshi bayishagi shitaki emalanga gani, n'e Yerusalemu, na hano, bakayama oku arhanka cilama.
\v 25 Nyehe, nabwine oku arhajiraga kantu koshi koshi kankarhuma ayirhwa, na yene erhi alonza oku hanwa na kaisari namuheka emwage.
\v 26 Nani kushimbana neyi myanzi ntangwerhi kwoshi kwoshi nankamuyandikira. Haguma nokwo imudwirhe hano embere zinyu, bwenene embere zawe, mwami Agrippa, mpu amadosebwa amadoso ngwarhe ebi nanka yandika.
\v 27 Bulya mbwine oku kurhali kwa bulagirire okuheka omushwekwa, buzira kuyerekana emyanzi y'olubanja bamuderhire.
\c 26
\cl Cigabi 26
\p
\v 1 Agripa abwira Paulo erhi: ogwerhe oluhum okuderha emyanzi yawe. Honaho Paulo ayinamulaokuboko aciderhera yene.
\p
\v 2 Ncibwine okuba n'obushagaluke, Mwami Agripa, bulya naciderhera embere zawe ene, enyanya ly'emyanzi naderheragwa n'abayuda.
\v 3 Na bwenene bulya wene omanyire bwinja obworhere n'amadoso gabo: enyanya ly'eco nkuhunyire onyunvirhize n'obushibirizi.
\v 4 Akalamu kani kurhenga obusole, kamanyikine n'Abayahudi boshi, bulya kagezire omu Yerusalemu n'omu lubaga lwoshi.
\v 5 Bamanyire kurhenga mira, nka balonzize oku hamiriza akaba nali mufarisayo kushimba obworhere bw'idini lirhu oku misi bwenene.
\v 6 Ntya ndi oku lubanja bulya ndangalire bwinja eciragane ca Nnamahanga bahabagwa ba larha birhu na Nnamahanga.
\v 7 Ntyo milala ikumi n'ibiri egwerhe ya kolera Nnamahanga egendekire obudufu n'omushi enyanya ly'eciragane cani co cirhumire nshobesirwe n'Abayahudi.
\v 8 Cici cirhumire birhayemirwi emwa Nnamahanga obufuke bw'abafire?
\c 27
\cl Cigabi 27
\p
\v 1 Erhi baba bama higa mpu rhurhulirwe e Italiya, Paolo n'abandi bashwekwa bahabwa omurhambo w'omurhwe gw'abasirika guderhwa Agista, n'oyo murhambo ye derhwa Julio.
\v 2 Rwanacishonera omu nkunge (mashuha) y'e Adramiti yajaga ya baraganya omu ntambi y'e Azia rhwagenda haguma na Aristariko, muna Sedonia w'e Tesalonike,
\v 3 olusiku lwakulikiraga, rhwahika e Sidoni. Julio ajirira Paulo bwinja, amuyemerera okuja e mw'abira bage mpu bamurhabale.
\v 4 Erhi rhurhenga e Sidoni, rhwayisha rhwabaranganya omu ntambi z'echirhwa c' e Cipro, bulya empusi ya kagirhenga olunda lubi.
\v 5 Erhi rhuba rhwama rhaluka enyanja e Silisia n'e Panfilia, rhwahika e Mira omu Lusia.
\v 6 Omurhambo w'omurhwe gw'abasirika ashimana e nkunge y'e Aleksandria yali omu njira y'okuja e Italia; arhuhira mwo.
\v 7 Rwamala nsiku nyinji omu nyanja rhwaka genda bunyi bunyi, n'erhi rhuhika hofi n'e Kinido, erhi rhwamakoya. E mpusi erhazigaga rhasika; bana cibaranganya omu ntambi z'echirhwa c'e Kreta lunda lw'e Salomono.
\v 8 Rhwacihananga rhwalwikiriza, rhwahika ahantu haderhwa nsiko yinja, hofi n'e cishagala c'e Lazaya.
\p
\v 9 Ensiku zali zamagera, n'okugera omu nyanja kurha ciri kulembu, bulya amango g'oku cishalisa gali ga mahwa. Paulo abaha ihano,
\v 10 ababwira, erhi: Bira bani, mbwine oku rhwagenda, ci omu kanga rhuli, arhanali ka kuheza mizigo rhudwirhe kone n'obwarho, ci n'obuzine bwirhu nabo.
\v 11 Ci omurhambo w'omurhwe gw'abasirika ali acikubagire omu mwerekeza w'obwarho n'omukulu w'abali mwo kulusha e binwa bya Paulo.
\v 12 Erhi bacibula e nsiko nyinja (cikombo) bakengerera mwo amango g'e mpondo, banji baderha mpu baharhule, balole erhi bankahika e Fenisia, co cikombo c'e Kreta ciyerekire ebuzikiro n'ebushshokero bw'izuba.
\v 13 Erhi ehihusi hy'emukondwe hicihusa, bamanya mpu lero e mihigo yabo e kola ya yunjula. Basikula obwarho, babambaraganya hofi hofi n'e Kreta.
\v 14 Ci mpu hagera hi Sanzi hitya, empusi nkali yarhengaga e bwa cirhwa, e derhwa Erakwilo, ya barhinda kwo.
\v 15 Eyo mpusi yanaciyehula obwarho, bwayabirwa okuyilwisa, rhwaja rhweyehulirwa eyi n'eyi.
\v 16 Rhwayehulirwa ebwa birhwa biderhwa Kauda, rhwanacihangana ntyo rhwashweka ehy'obwarho hisungunu hy'okurhurhabala.
\v 17 Erhi baba bamahiyinamula, bakolesa ebindi baligwerhe by'okurhabala, bashweka e nkunge n'emigozi, barhola omurhoza guja gwa yerera bagurhogeza omu nyanja, na ntyo bayehulwa n'empusi.
\v 18 Erhi buca, omulaba mukali gwa rhudungeja bwenene; bajugujira e mizigo omu nyanja.
\v 19 N'olusiku lw'akasharhu, bone n'amaboko gabo bakabulire e birugu byabo b'omu nkuge.
\v 20 Kurhenga nsiku yinji, oli izuba, oli e nyenyezi nta ciru n'eciguma c'abonekaga: N'omulaba nago gwanayohana obu kali bwago. Ntyo ntabulagalire bacigwerhe.
\v 21 Nsiku yinji zagera rhurhalya ciru nehi. Paulo anaciyumanga e karhi kabo, ababwira erhi: Kamurhabwini, yaga bira bani oku mucinyunvagye rhurhankarhenzire e Kreta, rhunka na bwine aka kanga, n'e birugu birhali byafa busha.
\v 22 Cikwone muhire omurhima omu nda, bulya ntaye ciru n'omuguma wafa muli mwe; obwarho bwone bulohomire.
\v 23 Neci, ene budufu malahika wa Nyamuzinda nshiga ye na nkolera anambonekire,
\v 24 ambwira, erhi: Orhayobohaga Paulo, kukwanine ohike embere za Sezari, kandi Nyamuzinda akuhire obuzine bw'aba muli mweshi omu bwarho.
\v 25 Kuziga muhire omurhima omu nda, bira bani! Nci kubagire Nnamahanga nti oku nabwizirwe kwo bwanaba.
\v 26 Ci kukwanine rhuhike oku cirhwa ciguma.
\c 28
\cl Cigabi 28
\p
\v 1 Erhi rhuba rhwamacira, rhwa yunva buzinda okw'izino lyako kalwa ye Malta.
\v 2 Abantu beyomunda barhuyankirira bwinja bwenene: Bulya yakagi nia n'emboho yali, batwana muliro munji, barhuyegereza kuli gwo, rhweshi rhwa kaluka.
\v 3 Paulo arhola irhulo ly'enshali z'amashami, alihira okuciko, lero omujoka arhalabuka mwo erh'ayunva idurhu, acizongeza oku kuboko kwage.
\v 4 Erhi abantu b'eyo babona oyo mujoka anagana oku kuboko kwa Paulo, babwirana mpu: Okuli oyu muntu ali mwisi wa bantu. Bulya ciru ankaba anafumire enyanja, obushinganyanya bwa Nnamahanga burhamuzigiri mpu alame.
\v 5 Cikwone agukumulira olya mujoka eciko, arhana yunvagya aha muluma ciru n'ehitya.
\v 6 Abandi bakagi linda mpu babone oku arhunda, erhi oku afa honaho. Cikwone erhi batamala kasanzi karhali kanyi, erhi babona ntako anacibire, barhanya kundi, barhondera okuderha mpu ali muzimu.
\p
\v 7 Hofi n'aho, hali amashwa g'omurhambo w'ako kalwa izino lyage ye Publiyo, arhu yankirira bwinja, anarhuhandisa nsiku zisharhu.
\v 8 Ishe wa Publiyo erhi agwishire, ali lwazire ishushira erhi n'omu kunguru gumugwerhe. Paulo agendi mulola, amu hunira, amuhira kwo amaboko afuma.
\v 9 Erhi babona ntyo, abandi balwala bakuli ako kalwa nabo baisha, bana fuma.
\v 10 Okwo kwarhuma barhukenga bwenene, n'erhi rhukola rhwagenda bakarhuha entanda rhwaciyikira omu lugenzi lwirhu.
\p
\v 11 Erhi kugera myezi isharhu, rhwagenda omu bwarho bw'e Alegizandiriya, izino lyabwo "bazimu b'omu mahasha", empondo yahwa erhi n'oku kalwa obwo bwarho buba.
\v 12 Rhwahika omu cishagala c'e Sirakuse, rhwabera yo nsiku zisharhu.
\v 13 Erhi rhurhenga eyo, rhwayisha rhwacihembula oku burhambi bw'enyanja nti rhuhike e Regiyo; erhi buca, empusi y'ekulyo yarhondera oku husa, n'oku lw'ensiku zibiri, rhwahika e Puteyoli.
\v 14 Muli eco cishagala, rhwashimana mwo bene wirhu, barhuhuna mpu rhubere rhweshi nabo mugobe muguma. Ntyo kwo rhwajire mwo e Roma.
\v 15 Abirhu ba Kristu b'e Roma bali bama manya oku rhwayisha, bayisha bali rhulingirira omu cambu c'e Apiyo n'omu nyumpa zisharhu z'ebigolo. Erhi Paulo anababona ntya, avuga Nnamahanga omunkwa, ashubi yunva obushiru.
\p
\v 16 Erhi rhuhika e Roma, Paulo ayemererwa mpu abere hage hage boshi n'omusirika wakagi mulanga.
\p
\v 17 Enyuma lya nsiku zisharhu, Paulo alalika abakulu b'aba yahudi b'e Roma mpu baje emwage. Ehi bashimanana ababwira erhi: Bene wirhu, ciru ankaba nta kubi najijire olubaga lwirhu erhi amorhere gaba shakuluza kurharhumaga nta shwekerwa e Yerusalemu, nana hanwa omu maboko g'abaroma.
\v 18 Abo baroma bansambisa, balonza n'oku ndika, bulya nt'igwarhiro bambwine kwo lyankarhumire nayirhwa.
\v 19 Cikwone abayahudi balahira, baderha mpu nfe. Ago mango nabona ngwasirwe okuhuna mpu olubanja lwani lukwaninwe lutwirwe oku lukiko lwa Mwami Kaisari. Cikwone kurhali kuderha nti nyandisire olubaga lw'emwirhu.
\v 20 Ebyo byo byarhumaga nahuna nti mmubone nnamushambaze, bulya ndi mw'obwonjogoro erhi olya olubaga lw'Abisiraeli lulangalira y'orhuma.
\p
\v 21 Bamubwira mpu: Rhurhabonaga amaruba ciru n'amaguma kurhenga e Yudeya gadesire ogwawe, na ntaye wa muli bene wirhu kurhenga eyo munda osagi yisha ali rhubwira emyanzi yawe kandi erhi mabi gawe.
\v 22 Cikwone rhwanka lonzize okuyunva oku waderha ebi ogererize, bulya rhumanyire oku ntaho abantu barhalahira ogwo murhwe waci shwekire kwo.
\p
\v 23 Boshi na Paulo batwa olusiku, n'erhi olo lusiku luhika, ago mango bayisha bantu banji, bamushimana omu cihando cage. Kurhenga sezi kuhika bijingo erhi Paulo ali abahugula: Aba yigiriza ogw'obwami bwa Nnamahanga, alonza n'oku bayigiriza emyanzi ya Yesu nk'oku amarhegeko gaMusa gadesire n'ebitabu by'Abalebi.
\v 24 Baguma bayemera ebyo Paulo aderhaga n'abandi barha biyemeraga.
\v 25 Bulya erhi bakagenda barhana ciyunvini bone na nene, Paulo ababwira cinwa ciguma cone erhi: Muka mwimana arhahabaga galya mango abwiraga bashakuluza binyu omu kanwa k'omulebi Isaya!
\q
\v 26 Bulya aderhaga erhi: Ja emunda lula lubaga luli, olubwire erhi: Okuyunva mwakayunva cikwone okumanya mpaga kwo, okulola mwakalola, cikwone okubona mpaga kwo:
\v 27 Bulya emirhima y'ololubaga yahusire; bafunisire amarhwiri gabo, bazibire amasu gabo garhaki bona, mpu lyo amarhwiri gabo garhaki yunva. Mpu lyo emirhima yabo erhaki yunva bwinja na mpu lyo barhagi hindukira olunda ndi, mbafumye, kanwa ka Nnamahanga ako!
\p
\v 28 Paulo ashubi derha erhi: mumanyage oku emyanzi edesire oku Nnamahanga aciza yarhumirwe abarhali Bayahudi: Bohe bayiyunva!
\v 29 Erhi Paulo ayusa okuderha ebyo binwa, Abayahudi baci gendera, bayisha bajisanya kadali bone na nene.
\p
\v 30 Paulo abera omu nyumpa ali hanzire miaka ibiri yoshi. Akayankirira mwo ngasi abakagi yishi mulola boshi.
\v 31 Akayigiriza okw'obwami bwa Nnamahanga, abuli kahanula n'oburhwali ebiyerekire Nyakasane Yesu Kristu buzira boba.