See in Reader
1071 lines
93 KiB
Plaintext
1071 lines
93 KiB
Plaintext
\id JHN
|
|
\ide UTF-8
|
|
\h Yohane
|
|
\toc1 Yohane
|
|
\toc2 Yohane
|
|
\toc3 jhn
|
|
\mt Yohane
|
|
\c 1
|
|
\cl Cigabi 1
|
|
\p
|
|
\v 1 Aha murhondero hali omwanzi, n'ogu mwanzi gwali haguma na Nnamahanga.
|
|
\v 2 Gwali haguma na Nnamahanga kurhenga aha murhondero.
|
|
\v 3 Ebintu byoshi byajiragwa naye, na ntaco cajijirwe buzira go.
|
|
\v 4 Muliye mw'obulamu bwali, n'obwo bulamu bwo bwali kamole k'abantu.
|
|
\v 5 Akamole kalangashana omu mwizizi, n'omwizizi gurhakazimagya.
|
|
\p
|
|
\v 6 Hanaisha omuntu wali rhumirwe na Nnamuzinda: Izino lyage ye wali Yohana.
|
|
\v 7 Ayisha muhamiriza, wa hamiriza akamole, lyo boshi bayemera erhi ye rhuma.
|
|
\v 8 Arhali ye wali kamole, cy'ayishire aja hamiriza akamole.
|
|
\p
|
|
\v 9 Aka kamole kali kamole k'okuli, ko, kayishaga omw'igulu, kalomekera abantu boshi.
|
|
\v 10 Kali kaba omw'igulu, n'igulu lyalemirwe nnako, n'igulu lirhakamanyaga.
|
|
\v 11 Aliyishîre abage, n'abali bage barhamuyankiriraga.
|
|
\v 12 Ci emwabalya bamuyankirire, balya bayemire izino lyage, abahire obuhashe bw'okuba bana ba Nyamuzinda,
|
|
\v 13 Bobabo babusirwe, arhali oku muko, erhi oku bulonza bw'omubiri, erhi okubulonza bw'omuntu. C'oku bulonza bwa Nyamuzinda.
|
|
\p
|
|
\v 14 N'ogu mwanzi gwajirikana mubiri, gwana lama ekarhi kirhu, guyunjwire lukogo n'obushinganyanya; rhwanabona irenge lyage, irenge nk'irenge ly'Omwana cusho wahubuk'emw'ishe.
|
|
\v 15 Yohana amuhamiriza, anayakuza: ye naderha oyu: oku waisha enyuma lyani ye walishokolire, bulya ahali erhi ntasangihaba.
|
|
\v 16 Rhweshi rhwahabwa oku bwimana bwage, n'olukogo oku lukogo;
|
|
\v 17 Bulya amarhegeko gahanagwa na Musa, olukogo n'obushinganya byaisha emwa Yesu Kristo.
|
|
\v 18 Ntaye osangibona Nnamahanga; muli Ishe, ye wanamumanyisize.
|
|
\p
|
|
\v 19 Alaga obuhamiriza bwa Yohana, amango abayahudi barhumaga e Yerusalemu abadahwa n'abalawi, mpu bamudose: w'olindi?
|
|
\v 20 Anacibabwira n'obwalagale, arhalahiraga, aderha oku arhali ye wali kristo.
|
|
\v 21 Banaciri mudosa: Kurhigi? Kawe Eliya? Anaciderha: arhali niene. Koligi mulebi? Abashuza: erhi nanga.
|
|
\v 22 Lero banaciri mubwira, oligi ndi? Lyo rhumanya shuza abarhurhumaga. Oku odesire wene?
|
|
\v 23 Niono, kwo ndesire; nd'izu lyolya waja yakuza omw'irungu: Mushogogondeze enjira za Nnawirhu, kulya omulebi Isaya aderhaga.
|
|
\p
|
|
\v 24 Abalirhumirwe bali bafarisayo.
|
|
\v 25 Bashubi mudosa er'idoso: Gurhi gurhumirage waja batiza, erhi wakaba orhali we Kristo, erhi Eliya, erhi mulebi?
|
|
\v 26 Yohana abashuza: Nie, naja nabatiza oku mishi, ci omukarhi kinyu, muli oyu murhamanyiri,
|
|
\v 27 Ayisha nyuma lyani; ntaka hasha nashwekula emigozi y'ebirato byake.
|
|
\v 28 Ebyo byaberaga e Betaniya, ishiriza ly'eyordani emunda Yohana ajaga abatiza.
|
|
\p
|
|
\v 29 Erhi liba lisirhondo, abona Yesu ayishire emunda ali, anaciderha: Ala omwanabuzi wa Nnamahanga, olya warhenza ecaha c'igulu.
|
|
\v 30 Ye naderhaga oyu: oku enyuma lyani haisha omuntu walishokolire, bulya ahali erhi ntanacihaba.
|
|
\v 31 Ntali mumanyire, cilyo amanyikana omu Izraeli cocarhumire nayisha naja batiza oku mishi.
|
|
\v 32 Yohana ahamiriza: Nabwine Mûka mweru ayandagala arhenga emalunga nka nguuku anamurhwako.
|
|
\v 33 Ntali mumanyire, ci oyu wantumaga okunje nabatiza oku mishi, ye wambwizire: Oyu waishibona Mûka Mweru ahonokera anarhinda kuli ye, yoyo ye wayishija batiza na Mûka Mweru.
|
|
\v 34 Namubona, nahamiriza okuye Mugala wa Nnamahanga.
|
|
\p
|
|
\v 35 Erhikuba lisirhondo, Yohana erhi aciri aho, na babiri b'omu baganda bage;
|
|
\v 36 Anacibona Yesu agera, aderhaNamubo: Ala Omwanabuzi wa Nnamahanga.
|
|
\v 37 Balya baganda babiri erhi bayunva aderha eyo myanzi, bakulikira Yesu.
|
|
\v 38 Yesu akebagana, anacibona okubamushimbulire, ababwira: Bici mwalonza? Nabo bashuza: Mpu mwalimu (kwo kuderha mwigiriza) ngahi oba?
|
|
\v 39 Mwishe, kwo abâbwizire, munabone. Banagenda, banabona ahaba; bana legerera boshi olo lusiku. Zalikola aha nsa kumi.
|
|
\p
|
|
\v 40 Andrea, mulumuna wa Simoni Petro, ali muguma w'omwabo babiri bayunvagya emyanzi ya Yohana, abo bashimbuliraga Yesu.
|
|
\v 41 Anacishimana burhangiriza mukulu wage Simoni, anamubwirabo: Rhwabwinage Masiya (kwo kuderha Kristu).
|
|
\v 42 Anacimuhekera Yesu. Yesu, erhi amusinza, aderha: We Simoni, mwene Yona; okola waka hamagala Kefa (kwo kuderha Ibuye).
|
|
\p
|
|
\v 43 Erhikuba lisirhondo, Yesu akola aja e Galilaya, anashimana Filipo. Amubwira: Nshima.
|
|
\v 44 Filipo ali we Betsaida, w'omu cishagala cemwabo Andrea na Petro.
|
|
\v 45 Filipo ashimana Natanieli, anamubwira: Rhwabwine olya Musa ayandikaga omu citabu c'amarhegeko n'abalebi bamuderha, Yesu we Nanzareti, mugala wa Yusufu.
|
|
\v 46 Natanaeli amubwira: Erhi akantu kinja kanarhenga e Nazareti? Filipo amushuza: Isha, ocibonere.
|
|
\v 47 Yesu, erhi abona Natanaeli aja emunda ali, amubwira: Ala omw'israeli menemene orhali mw'ishembo endalala lyage.
|
|
\v 48 Natanaeli amubwira, erhi ngahi wamanyiraga? Yesu amushuza: Embere Filipo arhacikuhamagala, galya mango wali aha mutini, erhi nkubwine.
|
|
\v 49 Natanaeli ashuza anamubwira: Erhi Rabbi, oli Mugala wa Nnamahanga, we mwami w'Israeli.
|
|
\v 50 Yesu amushuza: Kabulya namokubwira oku ene oli ah'idako ly'omutini erhi nkubwine, lyokolaga wayemera; wacibona n'ebinene bilushire ebyo.
|
|
\v 51 Anamubwira: Okunali, okunali, mwacibona amalunga gaiguka na ba malaika wa Nakasane bakainamuka banahonokera oku mwene omuntu.
|
|
\c 2
|
|
\cl Cigabi 2
|
|
\p
|
|
\v 1 Enyuma lya nsiku zisharhu, hanachiba obuhya e Kana omu Galilaya. Nnina wa Yesu naye ahali,
|
|
\v 2 Na Yesu alilalisirwe okwobo buhya bo n'abaganda bage.
|
|
\v 3 Idivai lyabulika, nnina wa Yesu amubwira: Barhacigwerhi idivai.
|
|
\v 4 Yesu amushuza: Muzire, bici ekarhi kawe na nani? Akasanzi kani karhacihika.
|
|
\v 5 Nina abwira abalisi: Mujire ngasi kwoshi amubwira.
|
|
\p
|
|
\v 6 Gusiga aho hali rhubindi ndarhu rhwa mabuye, rhwakagi hebwa mw'amishi go kuka kalaba abayahudi, na ngasi kaguma kangabumbire ngero zibiri erhi zisharhu.
|
|
\v 7 Yesu ababwira: Orho rhubindi murhubumbage mishi. Bana rhubumba rhoshi kuhika oku muhiro.
|
|
\v 8 Domagi, kw'ababwizire, muna hekerage omwalisi. Bana muhekera.
|
|
\p
|
|
\v 9 Omwalisi erhi alabula amishi gahinduka idivai, arhamanyaga ngah'iryo idivai lirhenzire, nobwo abakozi baligadoma bohe bamanyirire bwinja, omwalisi ahamagala omuhya mulume,
|
|
\v 10 Anacimubwira: Ci abantu boshi idivai linja lyo barhangi gaba, buzinda bagabe elirhali linja; wehe, wamorhengi bika erinja kuhika buno.
|
|
\v 11 Eco cajirikanaga, e Kana omu Galilaya, cirhangaza cirhanzi Yesu ajiraga. Ayerekana obuhashe bwage n'abaganda bage bamuyemera.
|
|
\v 12 Enyuma lyaho, ayandagalira e Kapernaumu, bona nnina, abalumuna n'abaganda bage, banabera yo nsiku ngerwa.
|
|
\p
|
|
\v 13 Pasaka w'abayahudi erhi akola ayegerire, Yesu ayinamukira e Yerusalemu.
|
|
\v 14 Arhimana omu ka nyamuzinda abarhimbuzi b'enkafu, ab'ebibuzi n'abe nguku, nab'okukaba batamire.
|
|
\v 15 Ahunga omunyuli omu migozi, abahulusa boshi omu ka Nyamuzinda, n'ebibuzi n'enkafu; ashandaza n'enfaranga z'abakagi kaba, atulamya n'orhurhala rhwabo;
|
|
\v 16 Abwira abaliko barhimbula enguku: Rhenzi ebyo byoshi hano, enyumpa ya larha murha yihindule cibuye.
|
|
\v 17 Abaganda bage bakengera oku biyandisirwe: Oluhali lw'enyumpa yawe lwayishi ngwarha.
|
|
\p
|
|
\v 18 Abayahudi, baja kwo baderha, bamubwira: Cisomerine cici orhuyeresire, c'okujira kwa mwene okwo.
|
|
\v 19 Yesu abashuza: Mushabe aka ka Nnamuzinda, n'oku nsiku zisharhu naciri kazusa.
|
|
\v 20 Abayahudi baderha: Aka ka Nnamuzinda kayubakagwa miaka makumi gani na ndarhu, nawe, okayimanze oku nsiku isharhu!
|
|
\v 21 N'obwo yehe amaderha, aka Nnamuzinda k'omubiri gwage.
|
|
\v 22 Co carhumire, amango afukaga omu bafu, abaganda bakengera oku akudesire, banayemera amandiko n'emyanzi Yesu aderhaga.
|
|
\p
|
|
\v 23 Amango Yesu ali e Yerusalemu, oku lusiku lukulu lwa Pasaka, banji bayemera izino lyage, erhi bamobona ebirhangaza akagijira.
|
|
\v 24 Ci Yesu arhacikubagiraga bo, bulya ali bamanyire boshi,
|
|
\v 25 Nabulya arhali cifinjire buhamiriza bwa muntu yeshiyeshi; bulya yene ali amanyire bici biba omu muntu.
|
|
\c 3
|
|
\cl Cigabi 3
|
|
\p
|
|
\v 1 Cikwone hali mulume muguma w'omubafarisayo, oderhwa Nikodemu, ali mugula w'Abayahudi.
|
|
\v 2 Oyo, anaja, hofi na Yesu, budufu, anamubwira: Rabbi, rhumanyire oku oli mugiriza orhenzire emwa Nnamuzinda; bulya ntaye wankajira ebirhangaza birinka ebiojijire, nka Namahanga arhali haguma naye.
|
|
\v 3 Yezu amushuza: Okuli okuli, nkubwizire, nka omuntu arhashubiri burhwa buhyahya, arhaka bona obwami bwa Nnamuzinda.
|
|
\p
|
|
\v 4 Nikodemu amubwira: Kurhi omuntu akaciburhwa akola na mushosi? Ka anachiri shubira omu nda ya nnina aciriburhwa?
|
|
\v 5 Yesu ashuza: Okunali, okunali, nkubwizire, nka omuntu arhabusirwi oku mishi n'oku Mûka mweru, arhankadaha omu bwami bwa Nnamuzinda.
|
|
\v 6 Ecaburhagwa n'omubiri gunali mubiri, n'ecazburhazgwaz na Mûka gunali Mûka.
|
|
\v 7 Orhasomerwe mpu namokubwira: Oku bikwanine mubwirwe buhyahya.
|
|
\v 8 Empusi enahuse ahena lonzize, na onayunve omuhusi gwayo; Ci orhanka manya ahayarhenga, erhi aha yaja. Na ntyo kwo binali emwa ngasi muntu oburhwa na Mûka.
|
|
\p
|
|
\v 9 Nikodemu amubwira: Gurhi ebyo byankajirikana.
|
|
\v 10 Yesu amushuza: K'oli mwigiriza omu Israeli, orhanamanyiri ebyo!
|
|
\v 11 Okuli, okuli, nkubwizire, rhuli rhwaderha ebi rhumanyire, rhunali rhwahamiriza ebirhwabwine; murhanayemiri obuhamiriza bwirhu.
|
|
\v 12 Nkamurhanka yemera amango ndi namu ganirira ebya hano igulu, kurhi mwakayishigi yemera hano nkola ndi namuganirira eby'Empingu.
|
|
\v 13 Ntaye osagi yinamukira empingu, nkaba olya wahonokaga kurheng'Empingu, Mwen'omuntu oli omu mpingu.
|
|
\v 14 Na nkakulya Musa amanikaga enjoka omw'irungu, kwonokwo kwo binakwanine Mwene omuntu amanikwe.
|
|
\v 15 Lyo ngasi yeshi wamuyemire aba n'obulamu bw'ensiku n'amango.
|
|
\p
|
|
\v 16 Bulya Nnamahanga asimaga igulu kuhika ahana omwana wage cusha, lyo ngasi wamu yémere arhaheraga, ci abe n'obulamu bw'ensiku n'amango.
|
|
\v 17 Bulya, Nnamuzinda arharhumaga omwana wage muno igulu mpu atwire igulu olubanja, ci mpu igulu licizibwe naye.
|
|
\v 18 Ngasi omuyemire arhatwirwa lubanja; ci orhayemiri olwage lwatwirwe, bulya arhayemeraga izino lya Mwana cusha wa Nnamahanga.
|
|
\v 19 Na okulutwa kwo kwoku, akamole kayishire omu igulu, abantu basima omwizizi kulusha akamole, bulya ebijiro byabo byali bibi.
|
|
\v 20 Bulya ngasi yeshi okola amabi anakagaya obulangashane, arhankanaja aha bulangashane, ayobohire ebijiro byage birhaki manyikana.
|
|
\v 21 Ci ojira eby'obushinganya anaje aha bulangashane, lyo ebijiro byage bibonekana, bulya bichikine muli Nnamuzinda.
|
|
\p
|
|
\v 22 Enyuma ly'ebyo, Yezu, abaganda bage bamulusa, bayerekera omu Yudeya; anabera nabo eyomunda, erhi anali abatiza.
|
|
\v 23 Yohana naye alikoabatiza e Hainoni, hofi n'Esalimu, bulya eyomunda yali mishi manji; banaka iyisha mpu babatizibwe.
|
|
\v 24 Bulya Yohana arhalicihebwa omu mpamikwa.
|
|
\p
|
|
\v 25 Hanacizuka, akadali ekarhi k'abaganda ba Yohana na muyahudi muguma lugenda kucicesa.
|
|
\v 26 Bagendera Yohana, bamubwira: Mwalimu, olya mwali mweshi ishiriza lya yorodani, olya wajaga wa hamiririza, alaga, akola aliabatiza, na boshi bajire emund'ali.
|
|
\p
|
|
\v 27 Yohana ashuza: Omuntu arhankahabwa ecarhahirwe kurhenga empingu.
|
|
\v 28 Mwe muli badima bani kulya naderhaga: Ntali nie Kristo, ci ntumirwe kwone mmushokolere.
|
|
\v 29 Ogwerhe omuhya, ye muhya mulume; ci omwira w'omuhya mulume, ye muyimanzire ho ali amuyunvirhiza, alimwo omushingwe mwinji erhi izu ly'omuhya mulume lirhuma: kandi mwishingwe munene, guli gwani, guna cire.
|
|
\v 30 Akwanine abonekane mukulu, nnani ntohe.
|
|
\p
|
|
\v 31 Owarhenga enyanya ye nnali enyanya lya boshi; oweno igulu, anali w'igulu, n'ebyaderha binali b'igulu. Owarhenga empingu ali enyanya lya byoshi.
|
|
\v 32 Ali ahamiriza eby'abwine n'ebyayunvirhe, ci ntaye wayankirire obuhamiriza bwage.
|
|
\v 33 Owayankirire obuhamiriza bwage ayerekana oku Nnamuzinda aba mwimana.
|
|
\v 34 Bulya ye warhumagwa na Nnamuzinda aderh'emyanzi ya Nnamuzinda, bulya erhi Nnamuzinda akola amuha Mûka muzira ishe arhamunyihizagya.
|
|
\v 35 Larha asima omugala, anamuheba ebintu byoshi omu maboko gage.
|
|
\v 36 Owayemera Omugala akola agwerhe obulamu bw'ensiku n'amango; Ci orhayemiri Omugala arhakabona obulamu, ci omutula gwa Nnamuzinda gwa ishiba kuliye.
|
|
\c 4
|
|
\cl Cigabi 4
|
|
\p
|
|
\v 1 Nawirhu erhi amanya oku abafarisayo bayunvirhe oku akagijira n'okubatiza banji kulusha Yohana.
|
|
\v 2 N'obwo Yesu arhajaga abatiza yene chi abaganda bage.
|
|
\v 3 Arhenga e Yudeya, anacishubirira e Galilaya.
|
|
\v 4 Nk'oku byalikwanine agerere e Samariya.
|
|
\v 5 Anahika omu cishagala ciguma ce Samariya, ciderhwa Sikara, hofi n'ishwa Yakobo ahaga, omugala Yusufu.
|
|
\v 6 Aho hali iriba lya Yakobo. Yesu, erhi amorhama n'olugenzi, atamala oku burhambi w'iriba. Hali nk'aha nsa ndarhu.
|
|
\p
|
|
\v 7 Omukazi muguma w'e Samariya ayisha alidoma amishi. Yesu amubwira: Mpa kunywa.
|
|
\v 8 Erhi abaganda bage bajire omu lugo bajigula ebilyo.
|
|
\p
|
|
\v 9 Olya mukazi w'omu samariya amubwira: Gurhi we, oli muyahudi, waka mpuna kunywa, nandi mukazi muguma wa musamariya? Abayahudi, barhajira lushange bon'abe Samariya.
|
|
\p
|
|
\v 10 Yesu amushuza: Nka walimanyire ebigabi bya Nnamahanga, omanye nandi oyu okubwizire: mpa kunywa! Wankamuhunyire nawe kunywa! Anakaguhire amishi g'obulamu.
|
|
\p
|
|
\v 11 Nnamwagirwa, kw'adesire oyo mukazi, ci ntach'ogwerhe wadomera mwo, n'iriba lililiri; ngahi warhenza ago mishi g'omulamu?
|
|
\v 12 Ka we mukulu kulusha larha wirhu Yaboko, warhuhaga er'iriba, anaka linywa yenene, chiru n'abana bage n'ebishwekwa byage?
|
|
\p
|
|
\v 13 Yesu amushuza: Ngasi yeshi wanywa okwago mishi acishigwarhwa n'enyorha;
|
|
\v 14 Ci ngasi wanywa amishi namuha arhanka cigwarhwa n'enyorha bundi, n'ago mishi namuha gaba muli ye nshoko ya mishi yaka hulula kuhika omu kalamu k'emiakula.
|
|
\p
|
|
\v 15 Olya mukazi amubwira: Nnahamwirhu, mpa nani okwago mishi, ntacigwarhagwa na nyorha bundi, ntana cishubiraga hano ndi doma.
|
|
\p
|
|
\v 16 Yesu amubwira, genda ohamagale balo, ogali isha hano.
|
|
\p
|
|
\v 17 Omukazi ashuza: Ntajira mulume. Yesu amubwira: neci odesire oku binali, oku orhajira mulume.
|
|
\v 18 Bulya waligwerhe balume barhanu, n'oyugwerhe buno naye arhali balo. Ntyo odesire okuli.
|
|
\p
|
|
\v 19 Olya mukazi amubwira, erhi Nnahamwirhu, namobona oku oli mulebi.
|
|
\v 20 Ba larha bakagi cikumbira okw'eyi ntondo; ninyu muderhe, mwehe, mpu ah'okucikumbira eri e Yerusalemu.
|
|
\p
|
|
\v 21 We mukazi, kwo Yesu amubwizire, nyemera, amango gaciyisha galya arhaciri okweno ntondo erhi e Yerusalemu yo mwacikumbira larha.
|
|
\v 22 Muli mwacikumba ebimurhamanyiri, rhwehe, rhwehe rhunaka cikumba ebi rhumanyire, bulya obucire bwa isha omu bayahudi.
|
|
\v 23 Ci amango nayisha, na mira gayisha, go abacikumba okunali bacikumba larha okumurhima n'omu bushinganyanya; bulya bo larha ahunyire.
|
|
\v 24 Nnamuzinda guli Mûka, na bikwanine abamwikumba bamwikumba omu murhima n'omubushinganyanya.
|
|
\p
|
|
\v 25 Namukazi amubwira: Imanyire oku Masiya akwanine ayishe (olya ohamagalwa Kristo); erhi akaba amoyisha arhumanyisa ngasi kantu.
|
|
\p
|
|
\v 26 Yesu amubwira: Nie ono, ndi nakushambalira.
|
|
\p
|
|
\v 27 Honaho abaganda bage bayisha basomerwa gurhi aliashambala bon'omukazi. Chi barhali mw'owamubwizire: Erhi bici oliwahuna? Erhi: Bici oliwaganira mwen'oyu?
|
|
\p
|
|
\v 28 Lero oyo mukazi, anasiga akabindi kage, aja omulugo anabwira abantu:
|
|
\v 29 Mwishe mubone omulume wamombwira ebinajijire byoshi; kurhakaba ye Kristu?
|
|
\v 30 Bana cirhenga omu cishagala banaja emundali.
|
|
\p
|
|
\v 31 Ago mango, abaganda bage bamuyinginga mpu alyage, bamubwira: Mwalimu lyaga.
|
|
\v 32 Cikwone ababwira: Ngwerhe ebinalya biryo murhamanyiri.
|
|
\v 33 Abaganda babwirana bone nanene: Karhali owamudwirhire ebyalya?
|
|
\p
|
|
\v 34 Yesu ababwira: Ebyani bilyo kuli kujira amalonza g'owantuma, n'okuyukiriza omukolo gwage.
|
|
\v 35 Ka murhali mwaderha oku hasigire miezi ini balumbule? Lolagi kw'amubwizire, mulambule amasu, muna lolage oku amashwa mira gayezire ganahumbulagwa.
|
|
\v 36 Owa humbula ahabwa omukamarho, anarhumbike amalehe oku buzine bw'ensiku n'amango, lyo omurhwezi n'owahumbula bashangira haguma.
|
|
\v 37 Bulya omw'oko oku badesire ko binali: Orhwera aliwago n'ohumbula aliwago.
|
|
\v 38 Namurhumire oku muji humbula ebi murhakolaga; bandi babikolaga, ninyu mwamoja omu mukolo gwaba.
|
|
\p
|
|
\v 39 Basamariya banji b'omweco cishagala bayemera Yesu erhi obo buhamiriza bw'oyo mukazi burhuma: anambwizire byoshi najijire.
|
|
\v 40 Ntyo, erhi abasamariya bamubona, bamusengera mpu ababere hofi. Abera aho nsiku zibiri.
|
|
\v 41 Banji muganjo munene gwamuyemera erhi myanzi yage erhuma;
|
|
\v 42 Babwira olya mukazi: Erhi arhaciri ebiwarhubwiraga byo birhumire mwayemera; ci nirhu rhwamomuyunva rhwene, n'oku manya okunali oku yoyu ye Muchiza w'igulu.
|
|
\p
|
|
\v 43 Enyuma ly'ezo nsiku zibiri, Yesu arhenga eyo, aja e Galilaya;
|
|
\v 44 Bulya Yene alierhi abidesire oku nta mulebi chiru n'omuguma okengwa omu cihugo cabo.
|
|
\v 45 Erhi ahika e Galilaya, abe Galilaya bamuyankirira bwinja, balya babonaga lirya lyoshi ajiraga e Yerusalemu oku lusiku lukulu; Bulya nabo balijire okw'idinye.
|
|
\p
|
|
\v 46 Acirishubira e Kana y'e Galilaya, erya munda ahindulaga amishi gaba idivai. Yali murhambo muguma wa mwami ey'e Kapernaumu, erhi omugala alwazire.
|
|
\v 47 Erhi amanya oku Yesu amorhenga e Yudea okola ali e Galilaya, aja emunda ali, amuhuna mpu ayandagale ajifumya omwana wage, okola ali hofi kufa.
|
|
\v 48 Yesu amubwire: ka murhabwini ebisomerine n'ebirhangaza, murhankayemera.
|
|
\v 49 Olya murhambo wa mwami amubwira: Nnahamwirhu yandagala oku omwana wani arhacifa.
|
|
\v 50 Gendaga, kwo Yesu amubwizire, omwana wawe azine. Oyo mulume anayemera eyo myanzi ya Yesu amubwiraga anagenda.
|
|
\v 51 Erhi akola ali bwandagala, abakozi bage bamushimana bamudwirhire eyi myanzi. Omwana wawe azine.
|
|
\v 52 Abado mango gahiayunvirhe bwinja; banacimubwira, injo aha nsa nda, lyo ishushira lyamurhengaga kwo.
|
|
\v 53 Ishe akengera oku aheyo nsa yo na nene Yesu amubwiraga oku: Omwana wawe azine. Ayemera n'enyumpa yage yoshi.
|
|
\v 54 Yesu ashubijira ecisomerine cage ca kabiri erhi ahika e Yudeya ye Galilaya.
|
|
\c 5
|
|
\cl Cigabi 5
|
|
\p
|
|
\v 1 Enyuma ly'ebyo, haba olusiku lukulu lwa bayahudi, na Yesu naye ayinamukira e Yerusalemu.
|
|
\v 2 Kusiga, e Yerusalemu, hofi n'omuhango gw'ebibuzi, habaga iziba lyaderhwagwa omuciherbraniya mpu Betsaida, lyaligwerhe nnengalenga irhanu.
|
|
\v 3 Omw'ezo nnengalenga mwaligweshire balwala banji bwenene, emihurha, ebirema, abahozire ebirumbu, bakagiringa oku amishi gadundagana;
|
|
\v 4 Bulya malaika muguma akagi rhibukira omwel'iziba, anashabaganye amishi; n'omulwala waba waburhanzi okuchidakula omwago mishi enyuma lya malaika amogashabanya anafuma endwala yage yoshi.
|
|
\v 5 Aho hali mulume muguma alikola agwerhe ho miaka makumi asharhu na munani alwala.
|
|
\v 6 Yesu erhi amobona agweshire, anamanya oku akola agwerhe kasanzi kanji alwazire, amubwira: kawalonza ofume?
|
|
\v 7 Omulwala amushuza: Nnahamwirhu, ntagwerhe omuntu wakankweba omw'iziba amango amishi gamo birunduka, na, erhinkolaga nti namuja, owindi anabe ye nshokolera okuhonokera mwo.
|
|
\v 8 Zukaga kwo Yesu amubwizire; orhole encingo yawe, onagende.
|
|
\v 9 Honaho alya mulume anafuma; anarhola encingo yage, anagenda. Lwali lusiku lwa sabato.
|
|
\v 10 Abayahudi banacibwira olya wafumaga: Ene lwa sabato; birhakuyemerirwi oku oberhule encingo yawe.
|
|
\v 11 Abashuza: Owa nfumagya ye wanbwizire: Mpu rhola encingo yawe, onagende.
|
|
\v 12 Bamudokereza: Yendi oyo muntu wakubwiraga mpu: orhole encingo yawe, ona gende?
|
|
\v 13 Ci olya wafumaga arhamumanyaga yendi; bulya Yesu ali amohirigirhira omu ntumbi y'abantu bali aho.
|
|
\p
|
|
\v 14 Amango, Yesu amushimanaga omu ka Nyamuzinda, anacimubwira, alaga, wono wafumirage; orhacijiraga caha orhekiyishiba kubi kulusha okurhanzi.
|
|
\v 15 Olya mulume agenda, ajibwira abayahudi oku Yesu ye wamu fumagya.
|
|
\p
|
|
\v 16 Byo byakagirhuma abayahudi bashimbulira Yesu, bulya akagi jira ebyo olusiku lwe sabato.
|
|
\v 17 Ci Yesu abashuza: larha alikwakola kuhika buno; nani, ndi nakola.
|
|
\v 18 OKwo kwarhuma, abayahudi bashubilonza okumuniga, arhali mpu okuba arhachikenziri olwe sabato, ci na bulya amoderha mpu Nnamuzinda y'Ishe, agali cijira naye oku ali Nnamuzinda.
|
|
\p
|
|
\v 19 Yesu ashubiderha, anababwira: Okunali okunali, mubwizire, omwana ntabyo akajira yene, arhankajira ebyarha bwine Isheajira; na byoshi Ishe akajira, omwana naye anabichire n'omwalagale.
|
|
\v 20 Bulya larha asima omwana, n'oku ka muyereka byoshi ali ajira; acimuyereka n'emikolo minene kulusha eyo, lyo musomerwa.
|
|
\v 21 Bulya, nkoku larha afula abafire n'okubaha obulamu, kwonokwo omugala naye anahana obulamu emoyu alonzize.
|
|
\v 22 Larha arhakatwira ndi olubanja, ci okutwa emanja akulekire Omugala.
|
|
\v 23 Lyo boshi bakenga omugala nka okubakenga Ishe. Orhakenzire Omwana arhakenzire n'Ishe wa murhumaga.
|
|
\v 24 Okunali, okunali, mmubwizire, owa yunva emyanzi yani, anayemere oyu wantumaga, akola agwerhe obulamu bw'emyakula arhakachitwirwa lubanja, chi akola arhalusire olufu aja omu bulamu.
|
|
\p
|
|
\v 25 Okunali, okunali, mmubwizire, akasanzi kaciisha, kanaishire, amango abafu bayunva izu ly'omwana wa Nnamahanga; na abaliyûnve banalame.
|
|
\v 26 Bulya, nkoku Ishe agwerhe oulamu ye na nene, ntyo kwahire Omugala obwo bulamu naye.
|
|
\v 27 Anamuha obuhashe bw'okutwa emanja, bulya ali Mwana w'omuntu.
|
|
\v 28 Murhasomerwe n'ebyo; bulya akasangi kaciisha kalya boshi abali omushinda bayunva izu, banarhenge mwo.
|
|
\v 29 Abakozire aminja bafukire obulamu, ci abakozire amabi banafukire okutwirwa olubanja.
|
|
\p
|
|
\v 30 Ntakahashijira bici niene: Nk'okunyunvirhe, nnatwe olubanja n'okulutwa kwani kuli kushinganine, bulya ntajira oku nonzize ci obulonze bw'owantumaga.
|
|
\v 31 Erhi akaba nie chihamiriza nienene, obuhamiriza bwani burhali bw'okuli.
|
|
\v 32 Hali owindi waja mpamiriza na manyire obuhamirize ajanjirira buli bw'okuli.
|
|
\v 33 Mwalirhumire emwa Yohana, anamubwira okuli.
|
|
\v 34 Kuli nie arhali muntu ompa obuhamirize; Chi ndesire ntyo, lyo mucira.
|
|
\v 35 Yohana kali kamole kayasire kanajaga kabonya, mwagali lonza okucisimisa kasangi kasungunu omu kulomeka kwage.
|
|
\v 36 Niono, ngwerhe obuhamirizi bunene kulusha Yohana; Bulya emikolo larha ampire mpu nyiyukirize, eyo mikolo yoneyo yonandi nakola, ehamirize emunda ndi oku larha wana ntumaga.
|
|
\v 37 Na larha watumaga ampamirize yene doka. Murhanayunvagya izu lyage, murhabonaga n'amalanga gage.
|
|
\v 38 N'emyanzi yage erhamuba mwo, bulya burhayemire oyu amurhumaga.
|
|
\v 39 Munaka lolereza amandiko, bulya mucikebirwe mpu mulico mwo mwabona akalamu k'emyakula.
|
|
\v 40 Murhanalonza kuyisha emwani lyo muhabwa obulamu.
|
|
\v 41 Arhali emwabantu ntenza irenge lyani.
|
|
\v 42 Cimanyire okumurhajira buzigire bwa Nnamahanga.
|
|
\v 43 Nayishire okw'izino lya larha, murhana nyankiriraga; erhi owindi wankayisha okw'izino lyage yene, mwanamuyankirira.
|
|
\v 44 Kurhi mwankayemera mwe mulongeza irenge kuli mwenene, ci murhalonza irenge lirhenga emwa Nnamahanga yene?
|
|
\v 45 Murharhanye mpu nie namushobesire emwa larha; owamuyandikire, ali Musa olya muba mucikubagire.
|
|
\v 46 Bulya nka mwakayemera Musa, erhi nie muyemire nani, bulya ye wayandikaga ebyani.
|
|
\v 47 Ci nkamurhayemiri ago maandiko, kurhi mwakayemeraga emyanzi yani?
|
|
\c 6
|
|
\cl Cigabi 6
|
|
\p
|
|
\v 1 Enyuma lyaho, Yezu ayicirira ishiriza ly'enyanja omu Galilaya, omu Tiberiade.
|
|
\v 2 Olubaga lunene lwa mushimbulira, bulya lwajaga lwabona ebisomeza ajaga ajirira abalwala.
|
|
\v 3 Yezu asokera oku ntondo, anatamala n'entumwa zage.
|
|
\v 4 N'obo, Basaka alikola ayegire, lusiku lukulu lw'Abayahudi.
|
|
\v 5 Ayinamula, anabona oku lubaga lwinji lumukulikire, Yezu abwira Filipo mpu: Ngahigi rhwagulira emigati, lyo bano bantu babona ecibalya?
|
|
\v 6 Adesire ntyo mpu ly'abayereka, bulya alimanyire ebyajira.
|
|
\v 7 Filipo amushuza erhi: Emigati y'endinari magana gabirhi erha nkabalumira lyo ngasi muguma ajaheka hinyinyi.
|
|
\v 8 Muguma w'omu ntumwa zage, Andrea, mwene wabo Simoni Petro, amubwira erhi:
|
|
\v 9 Hanola hali musole muguma agwerhe migati irhanu ya ngano na nsamaki zibirhi; ci ebyo biligi bici kuli gunola mwandu gw'abantu?
|
|
\v 10 Yezu aderha erhi: mubadahaze. Ahantu haligi lubala lwinji. Banadamalaga, oku muganjo bali hofi bihumbi birhanu bya balume.
|
|
\v 11 Yezu arhola emigati, ashenga, n'oku igabira balya balitamire; kwo n'okwo abaha n'ensamaki, nk'okubalicifinjire.
|
|
\v 12 Erhi ba-ba bamayigurha, abwira entumwa zage, erhi mushondozagye ebihimbi bisigire, lyo harhagiba ebyahera.
|
|
\v 13 Banacibishondoza, n'okubumba ntanda ikumi na zibirhi z'ebyo bihimbi byasigalaga oku migati irhanu y'engano, enyuma ly'okuyigurha kw'olo lubaga.
|
|
\v 14 Erhi abo bantu, babona ebisomerine Yezu akujijire, baderha erhi: Oyu okunali ali mulêbi wayisha omw'igulu.
|
|
\v 15 Na Yesu, amanya oku balibayisha bamukuze lyo bamujire mwami, anacibarhenga mw'okw'eyo ntondo, Yenene.
|
|
\p
|
|
\v 16 Erhi bici jinga, entumwa zage zanahonokera oku cikombo c'enyanja.
|
|
\v 17 Erhi bakola bali omu burho, bayiciraga enyanja kuyerekera Ekapernaumu. Bwalikola budufu, na Yezu arhali ci bashimana.
|
|
\v 18 Empusi nnene yakagi hukiriza bwenene, n'enyanja yalimw'akadugundu.
|
|
\v 19 Enyuma ly'okulwikiriza lugero lwa makano makumi gabirhi na garhanu erhi makumi gasharhu, banacibona Yezu ayisha alambagira oku nyanya z'amishi anaja ayegera obwarho. Honaho baba n'ecoba.
|
|
\v 20 Cikwone Yezu ababwira erhi: Niene; murhayobohe!
|
|
\v 21 Balonza mpu bamuhire omu bwarho, na honaho obwarho bwahika ahantu bajaga.
|
|
\p
|
|
\v 22 Olubaga lwalisigire ebundi burhambi bw'enyanja lwakengukwa oku bwarho buguma bwone bukola buliho, na Yezu arha shoneraga bwarho buguma n'entumwa zage, cikwone bali genzire bone.
|
|
\v 23 Erhi buca, nk'oku agandi mashuwa gayishaga e Tiberiade hofi na halya baliraga emigati erhi Yezu amayishengera,
|
|
\v 24 abantu bamuli lulya lubaga, babona okuli Yezu oli entumwa zage barhali aho, bashonera bone muli ago mashuwa n'okuja e Kapernaumu ukuji lonza Yezu.
|
|
\v 25 N'erhi bamubona ishiriza ly'enyanja, bamudosa erhi: Mwigiriza, manga-ci wajag'eno?
|
|
\v 26 Yezu abashuza erhi: Okunali, okunali, mmubwizire, mwajanonza, arhali bulya mwabwin'ebisomeza, ci bulya mwalire emigati mwanayigurha.
|
|
\v 27 Mukakola omukolo, ci arhali kukolera ebiryo byagaga, ci ebyokulama akalamo k'ensiku n'amango, na ebi omwana w'omuntu anamuhe; bulya ye Ishe, Nnâmahanga ahebire kw'ecimanyiso cage.
|
|
\v 28 Banacimubwira: Kurhi rhukwaninagwe rhujire, lyo rhukola emikolo ye Nnâmahanga?
|
|
\v 29 Yezu abashuza erhi: Omukolo gwa Nnâmahanga, gw'ogu mpu muyemere oyu arhumaga.
|
|
\v 30 Ci rhangaza cicigi ojira, bamudosa, lyo rhucibona, nalyo rhukuyemera? Bici ojijire?
|
|
\v 31 Balarha balirhe Amana omw'irungu, kushimbana n'ebiri biyandike: Abahire omu ganti gw'empingu bagulya.
|
|
\v 32 Yezu ababwira mpu: Okunali, okunali, mmubwizire, Musa arhamuhaga omugati gw'empingu, cikwone Larha amuhire omugati mwinja gw'empingu;
|
|
\v 33 bulya omugati gwa Nnâmahanga, Ali olya wayandagala empingu n'oku hana obuzine omw'igulu.
|
|
\v 34 Banacimubwira erhi: Nnâhamwirhu, orhuhe ngasi mango ogo mugati.
|
|
\v 35 Yezu abashuza erhi: Ndi mugati gw'obuzine. Owaja emunda ndi arhakashalika, n'owana nyemere arhaka Yunva nyorha.
|
|
\v 36 Cikwone, namubwizire kwo, mwambine, murhanayemeraga.
|
|
\v 37 Ngasi byoshi Larha ampa byanayishe emunda ndi, ntakanamuhira embuga ngasi wayishe emwani;
|
|
\v 38 bulya nayandagire empingu okuyishijira, arhali bulonza bwani, ci bulonza bw'owantumaga.
|
|
\v 39 N'obo, obulonza bw'owantumaga, oku ntarheraga ciru bici okubyo ampire, ci nyishi bifula oku lusiku luzinda.
|
|
\v 40 Obulonza bwa Larha, kuli oku ngasi ye obwine omungala n'oku muyemera ayishiba n'obula bw'ensiku n'amango; nayishi mufula Okulusiku luzinda.
|
|
\p
|
|
\v 41 Abayahudi banaciduduma ahanyanya zage, bulya adesire oku: Ndi mugati gwahonaga empingu.
|
|
\v 42 N'oku kaderha erhi: Karhali mugala wa Yusufu, oyu rhumanyire Ishe na Nnina? Gurhigi adesire erhi: Nahonaga empinguni?
|
|
\v 43 Yezu abashuza erhi: Murhacidudume mwene na nene.
|
|
\v 44 Ntaye wankayishi emwani, nka rhali Larha wantumaga y'omukulwire; na nayishi mufula olusiku luzinda.
|
|
\v 45 Biyandisirwe omu balebi erhi: Boshi banayigirizibwe na Nnâmahanga. Ntyo ngasi yeshi wayunvirhe Larha anayankirira enyigirizo zage ayishe emwani.
|
|
\v 46 Ntyo ntaye wabwine Larha, nkarhali owarhenga emwa Nnâmahanga; oyola abwîne Larha.
|
|
\v 47 Okunali, okunali, mmubwizire, owanyemera aban'obuzine bw'ensiku n'amango.
|
|
\v 48 Ndi mugati gw'obuzine.
|
|
\v 49 Bâsho balire amana omw'irungu, banafire.
|
|
\v 50 Gun'omugati go gwahonaga empingu, lyo ngasi yeshi wagulye kwo arhakafà.
|
|
\v 51 Ndi mugati guzine gwa honaga empingu. Nka hankaba owalye kuli og'omugati, analamaka emyaka n'emyaka; n'ogo mugati nayishi hana, guli mubiri gwani, gonayishi hana bube buzine bw'igulu.
|
|
\p
|
|
\v 52 Ahanyanya ly'oko, Abayahudi barhondera baciburubwinja bone na bone, n'okuderha erhi: Gurhi ankarhuhaga mw'omubiri gwage mpu rhugulye?
|
|
\v 53 Yezu ababwira erhi: Okunali, okunali, mmubwizire, nka murhanaliri omubiri gw'omwana w'omuntu, na nka murhanywiri omuko gwage, nta buzine mugwerhe.
|
|
\v 54 Owalya omubiri gwani n'okunyw'omuko gwani agwarha obuzine bw'ensiku n'amango; na nayishi mufula olusiku luzinda.
|
|
\v 55 Bulya omubiri gwani kali kalyo k'okuli, n'omuko gwani ciri cinywebwa c'okuli.
|
|
\v 56 Olya omubiri gwani anywe n'omuko gwani alamamuli nie, nani nalama muli ye.
|
|
\v 57 Nk'oku Larha ozine antumaga, nani ndamire muli Larha, ntyo ngasi yeshi wandya analame kugerera nie.
|
|
\v 58 Gun'omugati go gwahonaga empingu. Kurhali kwo kuguma na kulya Bâsho baliga Amana bagali fâ: owalya ogu mugati ayishi lama emyaka n'emyaka.
|
|
\v 59 Yezu aderha eyi myanzi omu Synagogi erhyali ayigiriza e Kapernaumu.
|
|
\p
|
|
\v 60 Banji muli entumwa zage, enyuma ly'okumuyunvirhiza, baderha erhi: Eci cinwa ciri cizibu; ndi wanka ciyunva?
|
|
\v 61 Yezu, amanya omu ndalala zage oku entumwa zage ziri zaciduduma enyanya ly'oko, ababwira erhi: K'okwo kwanamuyabiza?
|
|
\v 62 N'erhi mwankabona mwene omuntu arheremare emunda abaga burhanzi?
|
|
\v 63 Omuka gw'oguba mw'obuzine; omubiri guba gwa busha. Ebinwa namubwizire guli muka na buzine.
|
|
\v 64 Cikwone omu karhi kinyu muligi abarhayemiri. Bulya Yezu alimanyire kurhenga omurhondro bandi barhayemeraga, na ndi wanamuguze.
|
|
\v 65 Ayushula erhi: Co carhumire na mmubwira nti ntaye wankaja emunda ndi, nka arhakuhabagwa na Larha.
|
|
\p
|
|
\v 66 Kurhenga ago mango, banji muli abaganda bage baciyegula, barhanacimushimbaga.
|
|
\v 67 Lero Yezu abwira balya ikumi na babirhi erhi: Kamwehe, murhalonza mugende?
|
|
\v 68 Simoni Petro amushusa erhi: Nnâhamwirhu, emwandi rhwacije? We ogwerhe ebinwa by'obuzine bw'ensiku n'amango.
|
|
\v 69 Na nirhu rhwayemire rhwanamanyire oku we Kristu, Mtakatifu wa Nnâmahanga.
|
|
\v 70 Yezu abashuza erhi: Karhali nie namwishogaga, mwe ikumi na babirhi? Na muguma muli mwe ali muzimu!
|
|
\v 71 Akagi derha Yuda Iskariti, mwene Simoni; bulya yewali ayishi muguza, naye, muguma wabalya ikumi na babirhi.
|
|
\c 7
|
|
\cl Cigabi 7
|
|
\p
|
|
\v 1 Enyuma lyoko, Yezu aja gera gera omu Galilaya, bulya arhakagi sima okubera omu Yudea, bulya abayahudi baki kulonza mpu bamuyirhe.
|
|
\v 2 N'obo, olusiku lukulu lwabayahudi, lusiku lukulu lwebigala, lwoli yegerire.
|
|
\v 3 Na bene wabo bamu bwira erhi: rhenga eno, ogende eyudea, lyo abaganda bawe babona nabo emikolo ogwerhe wakola.
|
|
\v 4 Ntaye ojira eby'obulikwa, bakalonza okuci fulula: nkaba oli wajira ebyo, ociyerekane wene omw'igulu.
|
|
\v 5 Bulya ciru nabene wabo barhali muyemire.
|
|
\v 6 Yezu ababwira erhi: akasanzi kani karhacihika, ci akinyu kasanzi kahaba ngasi mango.
|
|
\v 7 Igulu lirhanka mushomba, niehe, linshombire, bulya ndi nahamiriza oku emikolo yalyo eri mibi.
|
|
\v 8 Murhereme, mwehe, kuli olo lusiku lukulu; niehe, ntaja eyo, bulya akasanzi kani karhacihika.
|
|
\v 9 Enyuma z'okubabwira ebyo, aci berera e Galilaya.
|
|
\p
|
|
\v 10 Erhi bene wabo baba bama rheremera oku lusiku lukulu, naye arheremera yo, arha jaga omukalugi, ci kuli nkwa kwa bufulikwa.
|
|
\v 11 Abayahudi bajaga ba kulonza kuli I'll lusiku lukulu, baka derha erhi: ngahi Ali?
|
|
\v 12 Omu lubaga mwalî amahwe mnji enyanya zage. Baguma bakaderha erhi: Ali muntu mwinja. Abandi baka derha erhi: nanga, Ali arheba banji.
|
|
\v 13 Ntaye, amango goshi, wakagi muderha n'obwalagale, enyanya ly'oku yoboha Abayahudi.
|
|
\p
|
|
\v 14 Erhi ekola ekagarhi k'olusiku lukulu, Yezu asokera omu ka-nnamahanga. Nokurhondera ayigiriza.
|
|
\v 15 Abayahudi basomerwa, baderha erhi: kurhi amanyiremwo amandiko, oyu orha somaga?
|
|
\v 16 Yezu abashuza erhi: enyigirizo zani zirhaba zani, ci ziba zowa ntumaga.
|
|
\v 17 Nkaba hali owalonza okujira obulonza bwage, ayishi manga erhi ezi nyigirizo ziba za Nnâmahanga, erhi nanziderhe kwakuci hirinjika.
|
|
\v 18 Oderha n'oburhwali bwage irenge lyage acilongeza; cikwone olonza irenge ly'owa murhumaga, oyola Ali mwinja, n'obubi burha mulimwo.
|
|
\v 19 Ka Musa arha muhaga amarhegeko? Na ntaye mulimwe okenzire irhegeko. Bulya gurhi mulimwalonza oku nyirha?
|
|
\v 20 Olubaga lwa shuza erhi: olimw'omuzimu. Nndi oliwalonza oku kuyirha?
|
|
\v 21 Yezu abashuza erhi: naji jire mukolo muguma, na mweshi gwana musomera.
|
|
\v 22 Musa amuhire oku kembulwa, arhalikuderha oku Musa ye wakulerhaga, bulya kwa rhengaga kuli bashakuluza, ninyu muna nakembule omuntu olwa sabato.
|
|
\v 23 Erhi akaba omuntu ana kembulwa olwa sabato, lyo irhegeko lya Musa lirhagi vunika, cirhumirage mwangaya bulyalira nafumize'omuntu yeshi olwa sabato?
|
|
\v 24 Murhakigi twa okuganja omu kubona kwone, cikwone mulutwe omu bushinganyanya.
|
|
\p
|
|
\v 25 Baguma muli bacikala be Yerusalemu bakaderha erhi: karhali olya bali balonza oyu mpu bamuyirhe?
|
|
\v 26 Lolagi, ali aderha n'obwalagale, na ntako ba mubwizirage! Kako binali abakulu bâmanyire oku ye Kristu?
|
|
\v 27 Cikwone oyu, rhumanyire ahalî; cikwone Kristu, amango anayishe, ntaye wanamanye ahali.
|
|
\v 28 Na Yezu, akayigiriza omu ka- Nnamahanga, aka hamagaza erhi: mumanyire, mumanyire ndi wangahi! Ntaci lerhaga niene: cikwone owantumaga ali w'okuli, murhamanyiri.
|
|
\v 29 Niehe, mmuyishi; bulya emwage narhengaga, naye ye wantumaga.
|
|
\v 30 Bakalonza oku mugwarha, cikwone ntaye wamuhumireko, bulya akasanzi kage karhali cihika.
|
|
\v 31 Banji muli eyo ngabo ya Bantu bamuyemera, nokukaderha erhi: Kristo, amango ayisha, kayishijira ebisomerine oyu arhajiraga?
|
|
\v 32 Abafarisayo bayunva olubaga lulilwaciduduma eyo myanzi enyanya zage. Lero abadahwa b'ihano n'Abafarisayo barhuma abaganda mpu bajimugwarha.
|
|
\v 33 Yezu aderha erhi: Nciri haguma naninyu kasanzi kasungunu, n'enyuma lyaho nacigalukira emw'owantumaga.
|
|
\v 34 Mwayishi nonza murhanambone, murhakanahika aha nayishiba ndi.
|
|
\v 35 Kulyuko abayahudi bakabwirana bone nanene mpu: Ngahi aja, aho rhurhakacimubona? K'aja omu bashandabine emw'Abagiriki, kanajiyigiriza Abagiriki?
|
|
\v 36 Kokuderha gurhi ako kanwa adesire erhi: Mwayishi nonza munambule murhakanahika aha Nayishi ja?
|
|
\p
|
|
\v 37 Olusiku luzinda, ly'olukulu lw'Abayahudi, Yezu, ayimanga, anaciyakuza erhi: Ngasi yeshi ogwerhwe n'enyorha, ayishe emunda ndi, naye anywa.
|
|
\v 38 Owanyemera, enyishi z'amishi g'obuzine zahulula omu ndalala zage, nk'oku Amandiko gadesire.
|
|
\v 39 Adesire ebyola bya Mûka Mtagatifu bali bayishi habwa abali bayishi muyemera; bulya Mûka Mtagatifu arhali cihaba, bulya Yezu arhali cikuzibwa.
|
|
\v 40 Abantu b'omw'olwo lubaga, bayunvagya ebyo binwa, bakaderha erhi: Okunali oyu ali mulebi.
|
|
\v 41 Abandi bakaderha mpu: Ye Kristo. N'abandi bakaderha erhi: Kakobinali oku Egalileya yanarhenga Kristo?
|
|
\v 42 K'Amandiko garhanakudesiri oku omu bûko bwa Daudi, n'omu lugo lw'Ebetlehemu, yo Daudi abaga, eyola yo Kristo anarhenge?
|
|
\v 43 Hanaciba, ahanyanya lyage, okugabikana kw'olubaga.
|
|
\v 44 Haguma muli-bo balonza oku mugwarha, ci ntaye wamuhisize kw'okuboko.
|
|
\p
|
|
\v 45 Ntyo abaganda bashubira emwa bajinji b'Abadahwa n'Abafarisayo. Nabo babadosa erhi: Bulya gurhi murha mudwirhi?
|
|
\v 46 Abaganda bashuza erhi: Ntawindi okola oshambîre ak'oyo muntu.
|
|
\v 47 Abafarisayo bashubi bashuza erhi: Kananinyu, mwarhebirwe?
|
|
\v 48 Kahaligi omuguma w'omu barhambo erhi omu bafarisayo wamuyemire?
|
|
\v 49 Ci luno lubaga lurhishi marhegeko, baheherirwe!
|
|
\v 50 Nikodemu, olya wagenderaga Yezu budufu, ali muguma muli-bo, ababwira erhi:
|
|
\v 51 Kirhegeko lirhu linatwire omuntu olubanja barhanaci muyunvirhiza n'oku manya ecajijire?
|
|
\v 52 Bamushuza erhi: Koli mu Galileya nawe? Ololereze, nawe wayishi bona oku Egalileya erha rhenga mulebi.
|
|
\p
|
|
\v 53 Na Ngasi muguma ashubira omu mwage.
|
|
\c 8
|
|
\cl Cigabi 8
|
|
\p
|
|
\v 1 Yezu anacishonera oku ntondo y'emizetuni.
|
|
\v 2 Cikwone, erhi buca, aciri shubira omu kanyamuzinda, n'olubaga lwoshi lwa mushimbulira. Adahala, ajakw'ayigiriza.
|
|
\v 3 Honaho abandisi n'Abafarisayo bamulerhera omukazi wagwarhagwa oku bugonyi; n'oku, muheba ekagarhi k'olubaga,
|
|
\v 4 babwira Yezu erhi: Mwigiriza, oyu mukazi agwasirwe sirigisi alikw'agona.
|
|
\v 5 Mûsa, omu marhegeko, arhulikulire okubanda amabuye abakazi mwene aba: nawe, gurhigi odesire?
|
|
\v 6 Badesire ntyo ebwa kumurhenga, lyo babona igwarhiro. Cikwone Yezu, aciyunamira, akayandika n'omunwe okw'idaho.
|
|
\v 7 Kushimba okubagenderire bamudosa, ayinamuka n'okubabwira erhi: Olya yehe muli-mwe orhagwerhi caha amubande ibuye waburhangiriza.
|
|
\v 8 Anaciri yunama, akana yandika okw'idaho.
|
|
\v 9 Erhi banayunva ntyo, enkengero zabo zabakolesa, barhondera bashodoka muguma oku muguma, kurhoderera oku bakulu kuhika oku barho; na Yezu asigala yene n'olya mukazi wali ekagarhi.
|
|
\v 10 Lero erhya inamuka, arhacibonaga wundi eburhambi kulusha olya mukazi, Yezu amudosa erhi: we mukazi, gahi bali balya balikusongera? Kantaye wacikutwirire olubanja?
|
|
\v 11 Ashuza erhi: Nanga, Nnahamwirhu. Na Yezu amubwira erhi: Nani ntaci kuhâne: genda, orhanacijiraga caha bundi.
|
|
\p
|
|
\v 12 Yezu aciribabwira buhyahya, aderha erhi: Nie kamole k'igulu; owashimbulira arhakagenda omu mwizimya, ci aba n'akalamo k'obuzine.
|
|
\v 13 Enyanya ly'oko, Abafarisayo bamubwira erhi: Onakaja wacihamiriza wenene, obuhamirize bwawe burhaba bw'okuli.
|
|
\v 14 Yezu abashuza erhi: Ciru akaba nie ncihamiriza, obuhamizi bwani buba bw'okuli, bulya nyishi emunda narhengaga n'emunda naja; cikwone mwehe, murhamanyiri emunda narhenga n'emunda naja.
|
|
\v 15 Munatwe olubanja okushimbana n'omubiri; niehe, ntatwira-ndi lubanja.
|
|
\v 16 Na nkatw'olubanja, okundutwa kuba kw'okuli, bulya ntali niene; cikwone Larha wantumaga ali haguma na nani.
|
|
\v 17 Biyandisirwe omu marhegeko ginyu oku obuhamirize bw'abantu babirhi buli bw'okuli;
|
|
\v 18 Nanci hamirize niene, na Larha wantumaga anampamirize.
|
|
\v 19 Lero banacimubwira erhi: Ngahi Sho aba? Yezu Ashuza erhi: Murhanyishi, murhishi na Larha. Nka mwali manyire, mwanka nayishiri manya Larha naye.
|
|
\v 20 Yezu aderha ebyo binwa, erhi ali ayigiriza omu kanyamuzinda, ahantu halibikirwe omuhako, na ntaye wamuhumireko, bulya akasanzi kage karhali cihika.
|
|
\p
|
|
\v 21 Yezu aciri babwira erhi: Nacigendera, mwayishinonza, ninyu mwayishi-fa omu byaha binyu; murhakanahika ahanaja.
|
|
\v 22 Kulyu oko Abayahudi baderha erhi: Kayishi ciyirha yene, bulya adesirhe erhi: Aha naja murhanka hahika?
|
|
\v 23 Naye ababwira erhi: Muli b'idako; nani, ndi wenyanya. Muli bw'omwer'igulu; niehe ntali womwer'igulu.
|
|
\v 24 Do carhumire namubwira mufana ebyaha binyu; bulya akaba murhayemiri oku ndina, mwayishifa omu byaha binyu.
|
|
\v 25 Wendi? Kobamudosize. Yezu abashusuza erhi: Oku nababwiraga oku murhondero.
|
|
\v 26 Ngwerhe binji naderha kuli mwe n'eby'okumutwirak'olubanja; cikwone owantumaga aba w'okuli, n'ebinayunvirhe emunda ali, byo nkabwira igulu.
|
|
\v 27 Barhunagya ciru okw'Ishe ye akagi babwira.
|
|
\v 28 Lero Yezu ababwira: Hano mwamakuza mwene omuntu, lyo mwananamanyage niendi, n'oku ntaco njira niene, cikone nankaderha ebi Larha ayigirizize.
|
|
\v 29 Owantumaga aba haguma na nani; arhandeka niene, bulya ngasi mango nankajira ebi musimisa.
|
|
\v 30 Erhi Yezu acirigwerhe aderha ntyo, banji bamuyemera.
|
|
\p
|
|
\v 31 Naye abwira Abayahudi bali muyemire erhi: Mukana sera omu kanwa kani, mwaba baganda bani b'okunali;
|
|
\v 32 mwanamanya okuli, n'okuli kwamurhenza omu bunja.
|
|
\v 33 Bamushuza erhi: Rhub'iburha ly'Abrahamu, rhunasagiba baja ba muntu yeshi yeshi; gurhigi wankarhubwiraga mpu: Rhwayishiba bashwekûle?
|
|
\v 34 Okunali, okunali, namubwizire, Yezu ababwira, ngasi yeshi ocirikirira omu byaha ali muja wa byaha.
|
|
\v 35 N'obw', omuja arhabera omu nyumpa ensiku zoshi; omwana yeki amuba ensiku zoshi.
|
|
\v 36 Ci erhi Omwana ankamucungula, munarhanga omu buja lwoshi lwoshi.
|
|
\v 37 Manyire oku mul'iburha ly'Abrahamu; cikwone muli mwalonza munnige, bulya emyanzi yani erha muba mwo.
|
|
\v 38 Nankaderha ebinabwine emwa Larha, ninyu munakajira ebimwayunvirhe emw'owinyu sho.
|
|
\v 39 Bamushuza erhi: Larha wirhu, ye Abrahamu. Yezu ababwira erhi: Nkamwali bene Abrahamu mwali mwakakola emikolo ya Abrahamu.
|
|
\v 40 Cikwone lero mwehe mwalonza okunniga, nie namubwiraga okuli nayunvirhe kurhenga emwa Nnamahanga. Okwo, Abrahamu arhakujiraga.
|
|
\v 41 Munakajira ebijiro bya sho. Bamubwira mpu: Rhurhali bana b'omu bugonyi; rhugwerhe Larha muguma, ye Nyamuzinda.
|
|
\v 42 Yezu ababwira erhi: Nka Nyamuzinda ye wali sho winyu, hinga muba munzigire, bulya emwa Nyamuzinda narhengaga; niono nayishire ntacilerhaga niene, cikwone yene wantumaga.
|
|
\v 43 Bulya gurhi murhayunva oluderho lwani? Bulya murhahashi yunva ebindesire.
|
|
\v 44 Mugwerhe sho winyu ye lyangombe, munakanalonza okuhikiriza enyifinjo za sho winyu. Ali mwisi wabantu kurhenga aha murhondero, arhanaja omu okuli, bulya okuli kurha muba-mwo. Nkakola aderha obushumi, anakaderha oku burhwali bwage yene; bulya ali mushumi n'ishe w'obunywesi.
|
|
\v 45 Na nani, bulya nankaderha okuli, murhanyemiri.
|
|
\v 46 Ndi muli mwe wankanyaza oku caha? Akaba naderhe okuli, bulya gurhi murha nyemera?
|
|
\v 47 Oli wa Nyamuzinda, anakanyunva emyanzi ya Nyamuzinda; murhanyunva, bulya murhali ba Nyamuzinda.
|
|
\v 48 Abayahudi Bamushuza mpu: Karhurhayazagya okuba rhwakubwizire okuba musamariya, n'oku muzimu okuba-mwo?
|
|
\v 49 Yezu ashuza erhi: Ntali kwo muzimu; cikwone nkenga Larha, ninyu muli mwanganyagusa.
|
|
\v 50 Ntalonza irenge lyani; ci haba muguma olinongeza n'okutwa olubanja.
|
|
\v 51 Okunali, okunali, mmubwizire, owakanalanga ecinwa cani arhakabona olufu.
|
|
\v 52 Abayahudi bamubwira, rhwamamanyaga okunaba-mw'omuzimu. Abrahamu afîre, n'abalebi kwonakwo, nawe wamagali derha mpu: Owalanga ecinwa case arhakabona olufu.
|
|
\v 53 Kawe oligi mukulu kulusha larha Abrahamu, wafîre? Abalebi nabo bafîre. Okola acijiraga ndi wehe?
|
|
\v 54 Yezu ashuza erhi: Nka nankacikuza niene, irenge lyani lyanaba busha. Larha ye kankuza, oyo ye muderha mpu ye Nyamuzinda winyu,
|
|
\v 55 n'obo murhaba mumumanyire. Niehe, muyishi; na, nka nanka derha nti ntamuyishi, na naba nkola nshushanyibwe na ninyu, nka munywesi. Cikwone muyishi, nkenga na kanwa kage.
|
|
\v 56 Abrahamu, sho winyu, acishingiraga bwenene okuba anabone olusiku lwani: analubwine, n'okulushagalukira.
|
|
\v 57 Abayahudi bamubwira mpu: w'oyo arhacihisa myaka makumi garhanu, mpu wanabwinage Abrahamu!
|
|
\v 58 Yezu abashuza erhi: Okunali, okunali, mmubwizire, embere Abrahamu ahabe, erhi homba niehe.
|
|
\v 59 Ahanyanya zebyo, barhola amabuye mpu bamubande go; cikwone Yezu acifulika, anarhenga omu kanyamuzinda.
|
|
\c 9
|
|
\cl Cigabi 9
|
|
\p
|
|
\v 1 Erhi Yesu ali omu lubalamo, abona muntu muguma wali muhurha kurhenga oku burhwa.
|
|
\v 2 Abigirizibwa bage ba muha eri idoso: mwigiriza, ndigi wahushire k'oyu muntu erhi babusi bage, byarhuma aburhwa muhurha?
|
|
\v 3 Yesu ashuza: Ye na ababusi bage ntaye wahushire; ci byabire Ntyo lyo e mikolo ya Nyamuzinda e bonekana muli ye.
|
|
\v 4 Bishingane oku kola, e mikolo y'owantumaga n'obu guciri mulegererege; obudufu buyishire, akasanzi nta muntu wanka cikola.
|
|
\v 5 Amango nciri omw'igulu, ndi kamole k'igulu.
|
|
\v 6 Enyuma ly'okuderha ebyo atwira okw'idaho, arhoba ebijonda n'amarhi gage, enyuma zaho ashiga oku masu g'ogo muhurha.
|
|
\v 7 Amubwira erhi: Genda, ocishuke omu cisima c'e Silowamu (kw'okuderha orhumirwe). Anacijayo, ajicikalaba, n'okugaluka e yo akola aja bona bwinja.
|
|
\v 8 Abalungu bage n'abali mumanyire okw'anakaja ahunusa baderha mpu: Karhali olya wakagi bera aha tamire n'okuhunusa oyu?
|
|
\v 9 Baguma baka derha erhi: Ye, n'abandi bakaderha mpu nanga cikwone amushushire, naye yene aderha oku nie na nene.
|
|
\v 10 Lero baka mudosa mpu: Gurhi amasu gawe gayigusire mwo?
|
|
\v 11 Ashuza erhi: Omuntu oderhwa Yesu arhobire e bijonda, anashiga oku masu gani, n'okumbwira mpu: Genda e bwa cisima Silowamu, onacikalabe. Na naija, nakalaba na nacibona.
|
|
\v 12 Bamudosa erhi: Oyo muntu ngahi ali? Naye ashuza erhi: Ntamanyiri.
|
|
\p
|
|
\v 13 Bamuheka e munda Abafarisayo bali olya wali muhurha.
|
|
\v 14 N'obwo, lwali lusika lwa akalinda Yesu arhobaga e bijonda, n'oku muyigula amasu.
|
|
\v 15 Abafarisayo nabo, bashubi mudosa kandi, gurhi wahabirwe oku bona. Naye ababwira erhi: Ananshizire e bijonda oku masu, nacishuka, na nabona.
|
|
\v 16 Okwo kwarhuma baguma baguma omu Bafarisayo baderha mpu: Oyo muntu arhali wakurhanga e Nyamuzinda, bulya arhakenziri olusiku lwa Kalinda. N'abandi baderha mpu: Gurhi omunya byaha ankajira e cisomerine cirhyo? Harhenga oku ciberula bone na bone.
|
|
\v 17 Baciri bwira oyo wali muhurha erhi: We, bicigi nawe odesire e nyanya lyage oyo wakuyigula amasu? Abashuza erhi: Mulebi.
|
|
\v 18 Abayahudi barhayemeraga oku ali rhanziriba muhurha n'okw'afumire, kuhika bamurhuma babusi bage.
|
|
\v 19 Babadosa, erhi: K'anali mugala winyu oyu, mukaderha oku aburhagwa muhurha? Gurhi lero akolaga ali abona?
|
|
\v 20 Ababusi bage bashuza erhi: Rhumanyire oku ali mwana wirhu, anabusirwe muhurha;
|
|
\v 21 Ci gurhigi akola aly'abona mwo, erhi ndi wamuyigwire amasu, Byo rhurhamanyiri. Mmumudose, akola mukulu. Anaderhaga yene ebi mulabire.
|
|
\v 22 Ababusire bage badesire ntyo bulya bali yobohire Abayahudi, bulya Abayahudi bali bama laganana, oku ngasi yeshi wana yemere oku Yesu ali Kristu, anahanwe omu ndeko.
|
|
\v 23 Co carhumire ababusi bage baderha oku akola mukulu, mmumudose yene.
|
|
\v 24 Abafarisayo bashubi mu hamagala bwa kabiri oyo muntu wali rhanziriba muhurha n'oku mubwira, erhi: Ohe Nyamuzinda irenge, oyo muntu ali munyabyaha.
|
|
\v 25 Naye ashuza erhi: Akaba ali munya byaha, ntaci manyiri byo. Mmanyire kuguma kwone nali muhurha na nkola ndi nabona.
|
|
\v 26 Bamudosa, gurhi akufumize mwo? Erhi akuyigula amasu?
|
|
\v 27 Abashuza erhi: Na mubwizire mira murhanayunvirhe; bulya gurhi murhalonzize oku ciribiyunva? Kaninyu mulonzize okuba bigirizibwa bage?
|
|
\v 28 Bamujacira n'oku mubwira mpu: We oli mwigirizibwa wage; rhwe rhuli bashimbulizi ba Musa.
|
|
\v 29 Rhumanyire oku Nnamahanga abwizire Musa; cikwone oyo rhurhamumanyiri ngahi arhenga.
|
|
\v 30 Oyo muntu Abashuza mpu: Ciri cisomerine okubona murhamumanyiri he wananfumize amasunu.
|
|
\v 31 Rhumanyire oku Nnamahanga arhanyunva banabyaha, cikwone erhi omuntu akamukenga n'okujira amalonze gage.
|
|
\v 32 Ntago mago byayunvikine oku haali owankafumya owalibusirwe muhurha.
|
|
\v 33 Nk'oyo muntu arharhangaga e mwa Nyamuzinda, ntaco anakahashire okujira.
|
|
\v 34 Bamushuza n'oku mubwira erhi: Waburhagwa omu byaha, lero we okola oli warhuyigiriza, bamu libirhako.
|
|
\p
|
|
\v 35 Yesu amanya oku bamulibisire kwo; amushima, amudosa erhi: K'oyemire omwana wa Nnamahanga?
|
|
\v 36 Ashuza erhi: Ye ndi, Nnawirhu, lyo mmuyemera?
|
|
\v 37 Wamubwine, kwo Yesu amubwizire, mpu: Ye n'oyu oli wakushambaza.
|
|
\v 38 Oyo muntu ashuza ntya: Nnawirhu, nyemire, anafukama embere zage.
|
|
\v 39 Yesu aderha: Nayishire omw'el'igulu erhi lubanja lurhumire lyo abarhacikabona babona n'abakagi bona ebe mihurha.
|
|
\v 40 Abafarisayo bali haguma naye, omu kuyunva e binwa byage, bamu bwira erhi: Ka, nirhu rhuli mihurha?
|
|
\v 41 Yesu abashuza: Nka mwali mihurha murhali mwaba n'e byaha, cikwone muli mwa derha mpu rhuli rhwabona Co cirhumire e byaha binyu bigenderire.
|
|
\c 10
|
|
\cl Cigabi 10
|
|
\p
|
|
\v 1 Okuli, Okuli; mmubwizire: ngasi yeshi orhanka daha omu muhango gw'e bibuzi, ci kwone gerere ashone oku chogo c'e bibuzi, eco ciri cishumusi.
|
|
\v 2 Cikwone ngasi odaha kugerera omu muhango gw'e bibuzi.
|
|
\v 3 Omulanzi amuyigulira n'e bibuzi bina yunve izu lyage; ahamaga okwizino lyage e bibuzi biri bya anabihuluse e muhanda.
|
|
\v 4 Erhi aba amahulusa e bibuzi byage, anabishokelere; n'e bibuzi binamushimbulire, bulya bimanyire izu lyage.
|
|
\v 5 Birhanka shimbulira e cigolo; ci kulibirhirira hali naye, bulya birhamanyiri izu ly'e bigolo.
|
|
\v 6 Yesu ababwira ogu mugani ci barhayunvagya bwinja bici ababwizire.
|
|
\p
|
|
\v 7 Yesu ashubi babwira, Okuli, okuli, mmubwizire. Nie muhango gw'e bibuzi.
|
|
\v 8 Ngasi boshi bayishaga embere zani bali bashambo n'abanyazi; ci e bibuzi birhabayunvagya.
|
|
\v 9 Nie ndi muhango. Owaka ngerera mwo, anacizibwe; anadehe n'oku huluka abone ebi alya.
|
|
\v 10 Abashambo barhayishira okurha kuzimba, kuniga n'okushereza; niehe nayishire nti lyo e bibuzi bihabwa akalamu, binaluge.
|
|
\v 11 Nie mungere mwinja, omunyere mwinja anahane akalamo e oku bibuzi byage.
|
|
\v 12 Cikwone okolera okulyulwa, orhali n'e bibuzi byage, anabone o murunga, anasige e bibuzi alibirhe; lero o murunga gubishandaze.
|
|
\v 13 Okolera okulyulwa anaciyakire bulya ali wa luhembo arhanacilibuze enyanya z'e bibuzi.
|
|
\v 14 Nie mwengere mwinja, mmanyire e bibuzi byani, nabyo bimanyire.
|
|
\v 15 Larha nko amanyire, kwo nani mmumanyire, na mpane obuzine bwani enyanya z'e bibuzi.
|
|
\v 16 Nci gwerhe e bindi bibuzi, birhali by'omubuso bwani; ebyo, bishinganine mbilerhe; byayishi yunva izu lyani na hayishiba buso buguma, na mungere muguma.
|
|
\v 17 Larha anzigira bulya na nkahana obuzine bwani, lyo mbishubirira.
|
|
\v 18 Ntaye wanka buntenza kwo, cikwone oku bulonza bwani niene, ngwerhe obuhashe bw'oku buhana n'oku bushubirana: Lyo irhengeko na habirwe na Larha.
|
|
\p
|
|
\v 19 Kandi Abayahudi bashubi berulukanwa, erhi eyo mwanzi e rhuma, okucigaba mwo kw'Abayahudi.
|
|
\v 20 Bantu banji muli bakaderha erhi: Ali kwa abazimu, Ali musirhe; bici mwamuyunva kwo?
|
|
\v 21 Abandi bakaderhe mpu: Eyi erhali yo mwanzi y'omuntu oli kw'abazimu; bulya k'omuzimu anafumya amasu g'omuhurha?
|
|
\p
|
|
\v 22 E Yeruzalemu yali olusiku lukulu ly'Abayahudi lw'okukengera oku shukulwa (kucesa) kw'ishengero lya Nyamuzinda gali mango nga mpondo.
|
|
\v 23 Na Yesu erhi aja geragera omu ishengero, n'omudaro ya Sulemani.
|
|
\v 24 Abayahudi erhi bamuzungulusire banacimubwira erhi: Mangaci warhukula mwo akarhinda? Akaba we Kristu, rhubwire n'obwalagale.
|
|
\v 25 Yesu abashuza mpu: Namubwizire kwo, murhanayemeraga ebinajijire okw'izino lya Larha, buli buhamirizi kuli nie.
|
|
\v 26 Cikwone murhayemeraga, bulya murhali b'omu bibuzi byani.
|
|
\v 29 Larha wabimpaga ye mukulu kuli byoshi, na ntaye wanka cibirhenza omu maboko ga Larha.
|
|
\v 30 Larha na nani rhuli muguma.
|
|
\v 31 Honaho Abayahudi bashubi rhola amabuye mpu bamubande.
|
|
\v 32 Yesu anacibwira erhi: Namujirire mikolo minji kurhenga e mwa Larha, guhi gurhumirage mumbande amabuye?
|
|
\v 33 Abayahudi bamushuza erhi: Arhali bijiro binja byarhuma rhwakubanda amabuye ci ahanyanya ly'okugomera Nyamuzinda, n'okuba we oli muntu mubi, wacijira Nyamuzinda.
|
|
\v 34 Yesu abashuza erhi: Kabirha yandisirwi omw'irhengeko linyu ntya, Nadesire oku: Muli bunyamuzinda.
|
|
\v 35 Ecitabu ca marhegeko cidesire oku balya ebinwa bya Nyamuzinda bali nyamuzinda, n'Amandiko garhankazazibwa,
|
|
\v 36 ninyu oyu Nyamuzinda ayimikaga anamurhuma e n'igulu, mpu: «wamalogorha», obwenge badesire, nti, nie Nnamahanga.
|
|
\v 37 Nka ntakoziri e mikolo ya Larha, murha nyemeraga.
|
|
\v 38 Bulya ciru nakayijira, nka murhali mwanyemera, yemeragi e mikolo yage lyo mumanyirira oku Larha ali haguma na nani na ndi haguma naye.
|
|
\v 39 Bashubi lonza oku mugwarha, cikwone arhulubuka omu maboko gabo.
|
|
\p
|
|
\v 40 Yesu ashubija ishiriza ly'e Yordani halya Yohana akagi batiriza burhanzi, anacibera yo.
|
|
\v 41 Bantu banji bakamuyishira n'oku mubwira, nta cisomerine Yohana ajijire ciru n'e ciguma, cikwone ebi Yohana adesire e nyanya kuli oyo muntu biri by'okuli.
|
|
\v 42 N'eyo munda, bantu banji bamuyemera.
|
|
\c 11
|
|
\cl Cigabi 11
|
|
\p
|
|
\v 1 Hali muntu muguma mulwazi, Lazaro. Kurhenga e Batania lugo lwa Maria na Marta mwali wabo.
|
|
\v 2 Oyo Maria ye washigaga Nnamwirhu amavurha, n'okumuhorhola amagulu n'enviri zage, mushinja wage Lazaro wali mulwala.
|
|
\v 3 Bali babo barhuma entumwa e munda Yesu ali: Nnamwirhu, olya osima alwazire.
|
|
\v 4 Enyuma z'okuyunva ntyo, Yesu aderha: Eyo ndwala erhali ya kuyirha; cikwone enyanya ly'obukuze bwa Nnamahanga mpu lyo omwana wa Nyamuzinda ahabwirenge naye.
|
|
\v 5 N'obwo, Yesu ali asima Marta, na mukulu wage, na Lazaro.
|
|
\v 6 Erhi ayunva oku Lazaro alwazire ashubi bera nsiku zibirhi e munda Ali,
|
|
\v 7 abwira abigirizibwa bage: muhubire e Buyahudi.
|
|
\v 8 Entumwa za mubwira erhi Mwigiriza Mukulu, Abayahudi balya balonzagya oku kubande amabuye, onakola walonza Kandi okugaluka e Yudea!
|
|
\v 9 Yesu ashuza erhi kazirha nsa ikumi na zibirhi omu mulegerege? Owakaja agenda omu mulegerege arhankasarhala ciru n'ehitya, bulya aly'abona obulangashane bw'igulu.
|
|
\v 10 Cikwone, owankagenda omu budufu, anasarhala bulya akamole karhali ahali.
|
|
\v 11 Enyuma ly'eyo myanzi, ababwira, Lazaro mwira wirhu ahunire; cikwone nkola naji Muzusa.
|
|
\v 12 Abigirizibwa bamushuza mpu: Nnamwirhu, nkaba ali liro, afuma.
|
|
\v 13 Yesu adesire e nyanya ly'olufu lwage ci bohe bacikebwa mpu adesire okulemba n'eliro.
|
|
\v 14 Lero Yesu ababwira bwinja: Lazaro anafire.
|
|
\v 15 N'okwo mwe murhumire, lyo muyemera, nshagalusire okuba ntali eyo munda. Cikwone rhuja e munda ali.
|
|
\v 16 Bulya gurhi Tomaso oderhwa Kahasha, abwira abandi birigizibwa: Rhugende nirhu, lyo rhufera haguma.
|
|
\p
|
|
\v 17 Yesu erhi ahika arhimana Lazaro erhi ali nsiku zini omu nshinda.
|
|
\v 18 N'okuba Betania ali hofi na Yeruzalemu, nka lugero lwa bilometre bisharhu.
|
|
\v 19 Bayahudi banji bajire e munda Maria na Marta bali oku barhuliriza oku kufa kwa mushinja wabo.
|
|
\v 20 Erhi Marta ayunva oku Yesu ayishire, agendi mulinga cikwone Maria asigala atamire ahaka.
|
|
\v 21 Marta abwira Yesu, Nnamwirhu, nkawahali, mushinja wani arhankafire.
|
|
\v 22 Cikwone ciru, ankaba ntyo, Mmanyirire oku ngasi byoshi wahuna e mwa Nnamahanga akuhaba byo.
|
|
\v 23 Yesu amubwira mpu: Mushinja wawe afuka.
|
|
\v 24 Marta amubwira erhi, Mmanyire okwayishi fuka olusiku lw'obufuke buzinda.
|
|
\v 25 Yesu amubwira erhi: Nie bufuke n'obuzine, owa nyemera ayishi lama muli nie, ciru ankafa;
|
|
\v 26 na ngasi oluamire nka ananyemere. K'oyemire ntyo?
|
|
\v 27 Acimubwira erhi: Neci, Nnahamwiru, nyemire oku we Kristu, mwene na Nnamahanga, olya walishinganine okuyisha omw'igulu.
|
|
\v 28 Oku ayusa aderha antyo acigendera. Anaji hamagala Maria mukulu wage okw'ihwe: Amubwira erhi: Mwigiriza hano anakulonzize.
|
|
\v 29 Erhi Maria akuyunva, ayimuka duba duba, anaja e munda Ali.
|
|
\v 30 Bulya Yesu arhali hika omu lugo, cikwone aciri aha Marta amushimanaga.
|
|
\v 31 Abayahudi bali omu nyumpa, bona Maria bo banakagi murhuliriza, erhi babona ayimuka duba duba n'okuhuluka, bamushimbulira, baderha mpu: Agenzire aha nshinda okujilakira ho.
|
|
\v 32 Erhi Maria ahika aha Yesu ali, n'okumubona, ahirima aha magulu gage, anamubwira mpu: Nnahamirhu, nkawali aha mushinja wirhu arhankafire.
|
|
\v 33 Yesu abona ali alaka ye n'Abayahudi baliyishire boshi naye, alumwa omu murhima gwage;
|
|
\v 34 ababwira: Ngahi wamuhebire? Bamubwira: Nnamwirhu, oyishe phone.
|
|
\v 35 Yesu alaka.
|
|
\v 36 Kwa rhuma Abayahudi baderha mpu: Mubonage okwali musimire.
|
|
\v 37 N'abandi muli bo baderha mpu: Ye wafumagya omuhurma, karhanka rhanzirage oyo muntu arhafe?
|
|
\v 38 Yesu alumwa kandi bwenene e murhima, aja e bwa nshinda, lyali nka lwala, n'ibuye lyali liyegemeke oku luso.
|
|
\v 39 Yesu aderha: kuli er'ibuye. Marta lwali wabo nakufa aderha erhi, Nnamwirhu, akola aly'abaya, bulya akola nsiku zini omwo.
|
|
\v 40 Yesu amubwira: nkata kubwiraga oku nk'oyemire wana bona irenge lya Nyamuzinda?
|
|
\v 41 Banaci lengeza ibuye. Yesu agalamira enyenya, anaderha: Larha, Nvuzire omwunkwa bulya onakanyunva.
|
|
\v 42 Nie mbamanyire oku onakanyunva e nsiku zoshi, ndesire ntyo erhi olu lubaga lunzungulusire lwolurhuma, lyo bayemera oku we wantumaga.
|
|
\v 43 Enyuma z'okuderha ntyo, aderha okw'izu linene, mpu: Lazaro huluka omwo!
|
|
\v 44 Nakufa anacihuluka, amagulu n'amaboko gali mashweke n'embitambara, N'Amanga gali mashweke n'e birere. Yesu ababwira, shwekuli ye muna muleke agende.
|
|
\p
|
|
\v 45 Banji w'omu Bayahudi bali yishire e munda Maria ali, bana bona ebi Yesu ajijire, Bamuyemera.
|
|
\v 46 Ci baguma muli bo bagendi lonza Abafarisayo n'oku babwira ebi Yesu anajijire.
|
|
\p
|
|
\v 47 Lero abagula bakulu na Abafarisayo balonzanya bashimanana baderha: Gurhi rhwajira? Bulya oyu muntu ajijire bisomerine binji.
|
|
\v 48 Rhuka mulekerera, boshi bamuyemera, n'Abaroma banayisha banashereze byoshi ciru n'omurhundu gwirhu n'ishanja lirhu.
|
|
\v 49 Muguma wabo Kayafa, ye walimu mukulu wa bagula ogwo mwaka, ababwira erh: murhayunvirhi ebyo ciru n'ehitya.
|
|
\v 50 Kamurha rhimanyizi oku buli bunguke bwinyu oku muntu muguma okufira olubaga, n'olubaga loshi lurhagi hera.
|
|
\v 51 Arhaderhaga ebyo oku bwenge bwage yenene. Ci bulya wali mugula mukulu ogo mwaka, aleba oku Yesu ayishi fira olubaga.
|
|
\v 52 Arhanali enyanya lone; cikwone lyo ahasha okushubuza abana ba Nnamahanga balishandire babe mubiri muguma.
|
|
\v 53 Kurhengera olwo olusiku baywesa omuhigo gw'oku muyirha.
|
|
\p
|
|
\v 54 Co carhumaga Yesu arhaci ciyerekanaga lwoshi omu Bayahudi; ci ayegukira omu cindi cihugo cali e burhambi bw'irungu, omu cishagala ciderhwa Efrahimu. Eyo munda yo abezire boshi n'abigirizibwa bage.
|
|
\v 55 Basaka w'Abayahudi alikola ayegerire. N'abantu banji b'omw'eco cihugo barheremera e Yeruzalemu embere olwa basaka luhike, mpu bajici cesa.
|
|
\v 56 Banana balongerereza Yesu, banakaja badosanya ngasi baguma omu ka-Nyamuzinda: Gurhi mugererize k'arhayishe okw'idinye?
|
|
\v 57 N'obyo abagula bakulu n'abafarisayo bali bamahana irhegeko oku erhi hakajira omuntu wamanya ahali, anahaderhe, lyo bahasha oku mugwarha.
|
|
\c 12
|
|
\cl Cigabi 12
|
|
\p
|
|
\v 1 Nsiku ndarhi embere lya basaka, Yesu aje e Betania, halya Lazaro ali aba, olya afulaga omu bafu.
|
|
\v 2 Eyo munda, bamushegera ebiryo, na Marta aligwerhe akola, na Lazaro ali muguma w'abakagilira haguma naye.
|
|
\v 3 Maria, arhola ecirholo c'icupa ly'amavurha g'ecishingo cidarhi, garhenga oku murhi gw'enardoni, agashiga oku magulu ga Yesu, anamuhorhola magulu n'enviri zage; n'entumpa ya yunvula ibaya lyago malashi.
|
|
\v 4 Muguma w'omu bigirizibwa bage, Yuda Iskarioti, mwene Simoni, olya wamuyishi muhana, aderha:
|
|
\v 5 Ci cirhumire rhurhaguza ago mavurha ndinari makumi gasharhu rhuzi he abakenyi?
|
|
\v 6 Okuderha ntyo kurhali mpu alisimire abakenyi, cikwone ayorhaga aba mushambo. N'okuba ye wali mulanzi w'enshoho akarhola n'ebyali mwo.
|
|
\v 7 Yesu aderha: mu muleke ajijire ntyo omu kurheganya olufu lwani.
|
|
\v 8 Muba n'abakenyi ensiku zoshi, cikwone murhaba na nie ensiku zoshi.
|
|
\p
|
|
\v 9 Lubaga lunji lwamanya oku Yesu anali aha Betania; banaja yo, ci arhali mpu yene arhumire bayishi, ci n'okubona Lazaro olya afulaga omu bafu.
|
|
\v 10 Abagula bakulu na abakulu bihano bayemerera oku Lazaro naye ayirhwe,
|
|
\v 11 bulya Bayahudi banji babarhenga kwo e nyanya zage, n'okuyemera Yesu.
|
|
\p
|
|
\v 12 Erhi buca lubaga lwinji lw'abantu lwayisha okw'idinye, erhi bayunva oku Yesu anahisire e Yeruzalemu,
|
|
\v 13 barhola amarhami ga amabo n'okujimulinga, n'okuyakuza: Hosana! Agishwe oyo oyishire okw'izino lya Nnamahanga, mwami w'Israeli.
|
|
\p
|
|
\v 14 Yesu abona omwana w'endogomi anamudamala kwo; nk'oku byaliyandisirwe:
|
|
\v 15 Orhayobohe munyere w'e Sayuni; ala, Mwami wawe ayishire oku mushikira gw'ecihesi.
|
|
\p
|
|
\v 16 Abigirizibwa bage barhagi haba byo bici; cikwone, erhi Yesu aba amakuzibwa, bayikengera oku ebyo ye byaliyandikirwe, n'oku ababahikirizize erhi ye orhuma.
|
|
\v 17 Abali haguma na Yesu, amango ahamagalaga Lazaro omu nshinda n'oku mufula omu bafu, bamuhamiriza;
|
|
\v 18 n'olubaga lwamushokolera bulya balimanyire okwanajijire eco cirhangaza.
|
|
\v 19 Abafarisayo baka bwirana: Mulolage, ntaco mwajira; musizagye, olubaga lwamushimbulira.
|
|
\p
|
|
\v 20 Bagriki baguma b'omwabalya bali yinamukire e munda balijire cikumbira okw'idinye,
|
|
\v 21 baja e munda Filipo w'e Betsaida y'e Galiliya ali, banamubwira omu kumuyinginga mpu: Mwigiriza, rhulonzinze oku bona Yesu.
|
|
\v 22 Filipo ajikubwira Andrea, na Andrea boshi na Filipo bajikubwira Yesu.
|
|
\v 23 Yesu abashuza: Ensa Mwene Omuntu akuzibwa yahisire.
|
|
\v 24 Okuli, okuli, Mmubwizire, e mogomogo y'e ngano yarhogire okw'idaho erhafiri enalame yone; cikwone erhi yankafa enaleheke malehe manji.
|
|
\v 25 Owalonza obuzine okuciza okalamo kage akaheza, bulya Owalonza okuciza akalamo kage omw'el'igulu akabikira obuzine bw'ensiku n'amango.
|
|
\v 26 Owanka lonza oku nkolera, anshimbe; n'ahandi hon'omukozi wani ayishi ba. Owankolera, Larha anamukenga.
|
|
\v 27 Buno omurhula gwani gurhacidekeriri na gurhi Naderha? Larha, nciza omu kano kasanzi? Cikwone okwo kwonayishiraga.
|
|
\v 28 Larha, izno lyawe lij'irenge. N'izu lya rhenga enyanya e mpingu: Nalikuzize. Kandi nanacilikuza.
|
|
\v 29 Olubaga lwali ho, lwayunva, baderha mpu: gwali mukungulo n'abandi baderha erhi: Malahika wakagi mudesa.
|
|
\v 30 Yesu ababwira erhi: Arhali nie ntumire el'izu lya yunvikana; ci mwe murhumire.
|
|
\v 31 Gano mango gali gakutwira igulu olubanja: Buno omukulu wer'igulu akola ahebwa e mbuga.
|
|
\v 32 Nani hano mba namalengezibwa kurhenga en'igulu, nakula abantu boshi baje e munda ndi.
|
|
\v 33 Omukederha ntyo ayerekana lufu luci anafe.
|
|
\v 34 Olubaga lwa mushuza erhi: Amarhegeko garhumanyisize oku Kristu anahane ensiku n'amango, lero gurhi odesirage: oku bishinganine oku mwene omuntu alengezebwe? Oyo Mwene Omuntu ye ndigi?
|
|
\v 35 Yesu abashuza erhi: obulangashane buciri omu kagarhi kinyu kasanzi kasungunu. Muje mwagenda, amango muci gwerhe obulangale lyo omwizizi guleki ji mu gwarha: ogenda omu mwizimya arhamanya ahaja n'e munda ayerekire.
|
|
\v 36 Akasanzi mucigwerhe obulangashane, muyemere obulangashe lyo muba bana babulangale. Yesu aderha ntyo anagenda ajicifulika hali nabo.
|
|
\v 37 Ciru akaba ajijire bisomerine binji e malanga gabo, Barhamuyemeraga,
|
|
\v 38 lyo akanwa k'omulebi Isaya kahikirira, nk'oku aderhaga: Nnamwirhu; ndi wayemire enyingirizo zirhu? Kandi erhi ndi okuboko kw'obuhashe kwa Nnahamirhu kwabonekire?
|
|
\p
|
|
\v 39 Kandi barhankayemire, bulya Isaya ashubiri derha,
|
|
\v 40 abahuzize amasu; n'oku zibuhya e mirhima yabo, lyo amasu gabo galeki bona, barhanayunvagya bici omu mirhima yabo,
|
|
\v 41 Isaya adesire ntyo, erhi amayerekwa oku ayishi kuzibwa, n'ebyo aderhaga he byali yerekire.
|
|
\v 42 N'obw'omu bakulu bali banji bali mu yemire; chi kwone enyanya ly'Abafarisayo barha chi yerekanaga echijiro ch'oku muyemera; omu kuyoboha oko kagwa omu Ishengero lyabo.
|
|
\v 43 Enyanya ly'okukuzibwa n'Abantu kulusha okukuzibwa na Nnamahanga.
|
|
\p
|
|
\v 44-45 Yesu anachi yakuliza; erhi onyemire erhi Arhali nyene ayemire, chi ayemire owa nntu maga; n'owaka mbona erhi abwine owa ntumaga
|
|
\v 46 Nayishire nka bulangale omu igulu, lyo ngasi wa nyemera aleki bera omu mwizimya.
|
|
\v 47 Osaka yunva ebinwa byani arhana hire oku bi desire, arhali bye namu twirwa olu banja; bulya nta yishiraga kulibuza bantu, chi mu ba chiza
|
|
\v 48 Owandahira n'okurha nyemera emyanzi yani, agwerhe owa mu twir'olubanja, akanwa nayigirizize olusiku lwa buzinda.
|
|
\v 49 Bulya nta derhaga okwani nyene chi kwone; Ci Larha ye wantumaga, yene antegesire e binkwanine okujira.
|
|
\v 50 Nanyishi okw'irgengeko lyage kali kalamo k'ensiku n'amango. Ebinwa nderha oku Larha abibwizire, kona mbiderha.
|
|
\c 13
|
|
\cl Cigabi 13
|
|
\p
|
|
\v 1 Embere ly'olusiku lukulu lwa basaka, Yezu, alimanyire oku akasangi kage kahisire k'okurhenga en'igulu n'okushubira emw'ishe, erhi amasima abage bali en'igulu, abasima lwoshi lwoshi.
|
|
\v 2 Amango gw'okulya, erhi shetani anayunjuzize omurhima gwa Yuda Iskariote, mwene Simoni, oku muhana,
|
|
\v 3 Yezu aali amanyire oku ishe ahizire obuhashe bwoshi omu maboko gage, oku e mwana Nnamahanga arhengaga, n'e mwa Nnamahanga ashubirira,
|
|
\v 4 ayimuka aho bakagi lira, ahogola e mishangi yage, arhola ecitambara, acizonza ecibuno.
|
|
\v 5 Enyuma lyaho adubulira amishi omu ibakuli, arhondera okushuka amagulu g'abaganda, ntya n'okubahorhola nacirya citambara ali acizongize ecibuno.
|
|
\v 6 Anacihika ko Simoni Petro; Petro amubwira: Nnahamwirhu- kawe wanshuka amagugulu?
|
|
\v 7 Yezu amushuza erhi: Okunajira orhakumanjyiri buno, cikwone wakumanya duba-duba.
|
|
\v 8 Petro amubwira erhi; nanga, orhakanshuka amagulu. Yezu amushuza: Akaba ntaga shusiri orhankacishangira nnani.
|
|
\v 9 Simoni Petro amubwira: Nnahamwirhu, arhali magulu gone, cikwone n'amaboko n'irhwe.
|
|
\v 10 Yezu amubwira, erhi: owamayusi cikalaba, arha cilonza acishuke, nkaba magulu bulya akolo acire yeshi; mwehe mukola mucire, cikwone arhali mweshi.
|
|
\v 11 Bulya ali amanyire ndi wa muhana; Co carhumaga aderha: Arhali mweshi mucire.
|
|
\p
|
|
\v 12 Erhi aba amabashuka amagulu, ashubi yambala emishangi yage, ashubi tamala halya baliraga, ababwira: kamumanyire oku mmunjirire?
|
|
\v 13 Kwo munderha mpu mwigiriza wirhu, n'okwo munderha kwobinali bulya ndi ye.
|
|
\v 14 Obula nye Nnahamwirhu na mwigiriza, na mushusire amagulu, binyu mukwaninage mushukane amagulu mwene na mwene;
|
|
\v 15 nnamuhire olwiganyo nti ninyu mukajirirana nk'oku namujirire.
|
|
\v 16 Okuli okuli mmubwizire omushizi arhalusha nnabwo, na nta ntumwa ekulira owayirhumaga.
|
|
\v 17 Munamanye ebyo, mukanabikulikira muli ban'iragi.
|
|
\v 18 Arhali mweshi ndesire; mmanyire aba nacishozire; cikwone kukwanine ebi yandisirwe bihikirire: oyu rhulirhwalya rhwenaye omugati ye wacimpidulîre.
|
|
\v 19 Mbire na mubwira buno embere kurhaciba, lyo amango kwaba muyemera nye ndi.
|
|
\v 20 Okuli, Okuli, mmubwizire owayankirira oyuntumire erhi nye ayankirire, n'owanyankirira erhi ayankirire owantumaga.
|
|
\p
|
|
\v 21 Erhi ayusa okuderha ntyo: Ecifufu ca mugwarha omu murhima gwage, aderha n'obwalagale, okuli, okuli mmubwizire, muguma muli mwe he wampana.
|
|
\v 22 Abaganda bage bakalolana kwo barhamanyaga ndi adesire.
|
|
\v 23 Muguma w'omu baganda bage olya Yesu asimaga, alishegemire ecifuba ca Yesu.
|
|
\v 24 Simoni Petro amukema mpu amudose ndi Yesu adesire.
|
|
\v 25 Oyo mwigirizibwa ahengukira e munda Yesu ali amudosa erhi: Nnahamwirhu, ndi oyo?
|
|
\v 26 Yesu amushuza erhi: Oyu nakaha ecirholo c'omugati erhi ye. Anadubiza ecirhorholo aciha Yuda, mwene Simoni Iskarioti.
|
|
\v 27 Erhi Yuda ahabwa eco cirholo, shetani amuja mwo, Yesu amubwira; erhi jiraga duba birya oli mpu wajira.
|
|
\v 28 Cikwone ciru n'omuguma muli bo boshi ntaye wamanyire ecarhumaga amubwira ntyo.
|
|
\v 29 Bulya Yuda ye waligwerhe enfaranga baguma bacikebwa mpu, Yesu alonzagya oku mubwira: Gula ebirhushinganine oku idinye, erhi oku murhageka mpu ahe bakenyi akantu.
|
|
\v 30 Yuda arhola ecirholo c'omugati anaguhe duba. Bwali budufu.
|
|
\p
|
|
\v 31 Erhi Yuda aba amaguheka, Yesu aderha: Bunola omuntu amakuzibwa na Nnamahanga akuzibwe muli ye.
|
|
\v 32 Akaba Nnamahanga akuzibwe muli ye, Nnamahanga amuha obukuze muli yene, arhaci yimange oku mukuza.
|
|
\v 33 Bana bani nciri baguma ninyu kasanzi kasungunu. Mwayishi nonza; nakulya nabwiraga Abayahudi: Ahanaja murhaka hahika. Mmubwizire kwo buno.
|
|
\v 34 Mmuhire irhegeko lihyahya: muzigirane nk'oku namuzigiraga kwo ninyu mukazigirana.
|
|
\v 35 Muli okwo boshi babone oku muli bigirizibwa bani, nka muzigirine mwene na mwene.
|
|
\p
|
|
\v 36 Simoni Petro amubwira mpu: Nnahamwirhu, ngahi waja? Yesu amushuza erhi: Bunola orhankanshimbulira emunda naja, cikwone waci nshimbulira.
|
|
\v 37 Petro amubwira, Nnahamwirhu: bici byarhuma ntakushimbulire buno, nahana obuzine bwani erhi we orhuma.
|
|
\v 38 Yesu amubwira erhi wahana obuzine bwawe nye ntuma! Okuli, okuli, nku bwizire oluhazi lurhabike orhandahira kasharhu.
|
|
\c 14
|
|
\cl Cigabi 14
|
|
\p
|
|
\v 1 Omurhima gwinyu gurhakangukaga! Muyemere Nnamahanga, munyemere nani.
|
|
\v 2 Omu mwa Larha, muli bantu hanji. Acibaga arhali ntyo, nali namubwira. Najimurheganyiza ahamwaja.
|
|
\v 3 Nahano mba nama murhengenyazi ho nagaluka muheke. Lyo ninyu mubera ahanani mba.
|
|
\v 4 Mumanyire e munda naja, mmumanyire n'enjira.
|
|
\v 5 Tomaso amubwira: Nnahamwirhu rhurhamanyiri e munda waja; gurhi rhwa nka manya mwo enjira?
|
|
\v 6 Yesu amushuza: nye njira, n'okuli, nye na buzine. Ntaye wankaja e mwa Larha arhana ngeriri mwo.
|
|
\v 7 Nkamwankamanya, mwa manya na Larha. Nakurhenga buno mu mumanyire mwanamubwine.
|
|
\v 8 Filipo amubwira: Nnahamwirhu, orhuyereke sho, nirhu lyo rhurhimukwa.
|
|
\v 9 Yesu amubwira: Aga mango goshi ndi baguma na ninyu, orhana sagi manya Filipo! Owambwine erhi abwine na Larha. Gurhi wankaciderha erhi: Rhuyereke sho?
|
|
\v 10 K'orhamanyiri oku ndi muli Larha, n'oku Larha andi mwo? Ebinwa ndi namubwira ntabiderha oku buhashe bwani: Ci Larha oba mwo yeri wakola ebyo.
|
|
\v 11 Mmunyemere, ndi muli Larha na Larha andi mwo; muyemire erhi ebi bijiro birhuma.
|
|
\v 12 Okuli, Okuli mmubwizire, onyemire Nate Anita ebyo ndi najira, ciru ye wajira ebirhalusire bulya nkola naja e mwa Larha.
|
|
\v 13 Na ngasi byoshi mwahuna okw'izino lyani nabijira lyo Larha akuzibwa muli omugala.
|
|
\v 14 Erhi mwakahuna akantu okw'izino lyani, na kajira.
|
|
\v 15 Akaba munsima, mushimbe amarhegeko gani,
|
|
\v 16 na nani nayishi huna Larha anayishi muha owundi murhuliririza, lyo abera baguma na ninyu ensiku zoshi.
|
|
\v 17 Muka w'okuli, igulu murhankahashi muyankirira, bulya lirha mubona lirhana muyishi; cikwone mwehe, mu mumanyire, bulya mweshi naye muyorha muba anamuli mwo.
|
|
\v 18 Ntamusige bufunzi; naciyisha e munda muli.
|
|
\v 19 Kandi kasanzi kasungunu, Igulu lirhaci mbone; cikwone mwehe, mwambona, bulya nzine, na ninyu mwaba n'obuzine.
|
|
\v 20 Olwo lusiku mwanamanya oku ndi haguma na Larha, n'oku ninyu muli muli nie, nani ndi muli mwe.
|
|
\v 21 Osezize amarhegeko gani n'oku gakulikira, oyo ye onsima, na ngasi onsima asimwa na Larha, nani namusima n'okuciyereka ye.
|
|
\v 22 Yuda, orhali Iskarioti, amubwira: Nnahamwirhu, gurhi warhubonekera mwo, orhanabonekera abantu?
|
|
\v 23 Yesu amushuza: Onsimire ayunva n'okujira ebi ndesire, Larha amusima nani rhweshi na Larha rhwayisha e mwage rhubere yo.
|
|
\v 24 Orhansima arhayunva oku ndesire. Okwo muli mwayunva naderha, arhali nie kurhenzire mwo, cikwone biri bya Larha wantumaga.
|
|
\p
|
|
\v 25 Mmubwizire ebyo amango nciri baguma na ninyu.
|
|
\v 26 Cikwone, Muka Mwimana, Larha arhuma okw'izino lyani, ye wamuyigiriza ngasi kantu, n'oku mukengeza ebi mmubwizire byoshi.
|
|
\v 27 Musigire omurhula, Mmuhire omurhula gwani. Ntamuhiri gwo nkakula Igulu lihana. Murharhemukaga e mirhima, n'okuyoboha.
|
|
\v 28 Mwayunvirhe oku na mubwizire: nagenda, ci nagaluka e munda muli. Muci nsimage, mwali mwashagaluka erhi mwayunvagya oku nkola naja e mwa Larha, bulya Larha he mukulu kundusha.
|
|
\v 29 Ntyo na mubwizire byo embere bibe, nti lyo amango byaba muyemera.
|
|
\v 30 Ntaci mubwira binji; bulya omurhwali w'er'igulu akola ayishire. Ci nta buhashe agwerhe muli nie;
|
|
\v 31 ci kukwanine igulu limanye oku nzigira Larha, n'oku ebi Larha antegesire byonjira. Yimuki rhugende rhurhenge hano.
|
|
\c 15
|
|
\cl Cigabi 15
|
|
\p
|
|
\v 1 Nie ndi murhi gw'okuli g'omuzabizu na Larha ye muhinzi.
|
|
\v 2 Ngasi ishami lindiko lirhayana malehe, ali hagula, na ngasi ishami lilehesire analishogolera lyo liyana kulusha.
|
|
\v 3 Mira Mesa cesibwe erhi myanzi namubwizire yo erhumire.
|
|
\v 4 Mumbere mwo, nani na mubera mwo bulya ishami lirha kaleheka lyone lirhana seziri oku murhi, na ninyu kwonakwo murhakahasha, nka murhaci shwekiri kuli nie.
|
|
\v 5 Nie murhi, ninyu mwe mashami. Obera muli nie, nani muli ye oyo ye waleheka malehe manji, bulya buzira nie ntabyo mwanka njira.
|
|
\v 6 Orhambeziri mwo, ana kabulirwa e mbuga, nk'ishami, anayuma; na amashami mumu banagarhola n'oku gaheba oku muliro gasingonoke.
|
|
\v 7 Muka mbera mwo, n'ebinwa byani bibere muli mwe, mwanahuna ngasi ebi mucifinjire munabihabwe.
|
|
\v 8 Ntyo kwo Larha akuzibwa, nka mwakaleheka malehe manji, na Ntyo kwomwaba bigirizibwa bani.
|
|
\v 9 Nk'oku Larha ansimaga, kwo nani namusimire. Mubere omu buzigire bwani.
|
|
\v 10 Mukashimba amarhegeko gani, mwabera omu buzigire bwani, nka kulya nani nashimbaga amarhegeko ga Larha, n'oku bera omu buzigire bwani.
|
|
\v 11 Mubwizire ebyo, ntilyo obuzigire bwani bumuba mwo, nti ly'obuzigire bwinyu bunaba bw'okunali.
|
|
\v 12 Eri lyo irhegeko lyani: Muzigirane mwene na mwene nk'oku namuzigire.
|
|
\v 13 Nta bundi buzigire bunene buzira oku hana obuzine bwawe erhi bira bawe barhumire.
|
|
\v 14 Muli bira bani, mukajira ebi mmurhegesire.
|
|
\v 15 Ntaci muhamagala nti bashizi, bulya omushizi arhayishi ebi nnawabo ajira; cikwone mmuhamagire bira bani, bulya ngasi byoshi nayunvirhe e mwa Larha namuyigirizize byo.
|
|
\v 16 Arhali mwe mwacinshogaga; ci niene, nacimwishogaga, namurhuma nti mugende muleheke amalehe, n'amalehe binyu gaberhe ho. Ntyo kwo Larha amuha ngasi byoshi mwahuna okw'izino lyani.
|
|
\v 17 Murhegesire, nti Muzigirane mwene na mwene.
|
|
\v 18 Igulu likamushomba munanywe oku nie lyarhanziri shomba.
|
|
\v 19 Mucibage b'igulu, igulu lyankamusimire; cikwone bulya kurhali b'igulu bulya nacimwishogaga namukula omw'igulu, Co carhuma igulu lya mushomba.
|
|
\v 20 Kengeri akanwa na mubwiraga: nti ntamushizi mukulu kulusha nnawabo. Erhi bankandibuza, ninyu bana mulibuze, akaba bayunvirhizize akanwa kani, na kinyu banakayunvirhize.
|
|
\v 21 Cikwone ebyo byoshi bayishi mujirira byo erhi izino lyani lirhuma, bulya barhayishi owantumaga.
|
|
\v 22 Nkatali yishire ntaka babwizire barhali baba banyabyaha; cikwone buno nta bulyo oku caha cabo.
|
|
\v 23 Onshomba, erhya ashomba na Larha.
|
|
\v 24 Nka ntalijijire ebijiro birhasagijirwa n'owundi e karhi kabo, barhali baba banya byaha; cikwone buno babwine bagali rhushomba rhwe na Larha.
|
|
\v 25 Cikwone ebyo byanabirage mpu lyo ecinwa ca yandisirwe omu marhegeko gabo cihikirira: Bashombire buzira igwarhirho.
|
|
\v 26 Amango omurhula ayisha, namurhumira kurhenga e mwa Larha Muka w'Okuli, ayishi mpamiriza;
|
|
\v 27 na ninyu, mwayishi mpamiriza, bulya rhweshi rhwali na ninyu kurhenga oku murhondero.
|
|
\c 16
|
|
\cl Cigabi 16
|
|
\p
|
|
\v 1 Mmubwizire ebyo, lyo muleki heza obwemere.
|
|
\v 2 Bayishi mberula omu mashengero. Ciru, hali amango gayisha ngasi owamuyirhe amanye mpu kulikukolera Nnamahanga.
|
|
\v 3 Bajira ntyo, bulya barharhumanya rhwena Larha.
|
|
\v 4 Mmubwizire ebyo, nti lyo hano akasanzi kabyo mukengere oku namubwizire. Ntamubwiraga byo kurhanga oku murhondero, bulya nali rhweshi.
|
|
\v 5 Lero buno, nkolaga Nana e mwa owantumaga, na ntaye muli mwe wandosa, mpu: ngahi waja?
|
|
\v 6 Ci, bulya namubwizire oku oburhe buyunjwire e murhima yinyu.
|
|
\v 7 N'obwo mmubwizire okunali bishinganine ngende, bulya nkantagenziri alya muhamirizi arhamuyishire; cikwone, hanoba namagenda namurhumira ye.
|
|
\v 8 N'amango ayisha, ayagiriza igulu oku caha, oku bushinganyanya, n'oku lubanja:
|
|
\v 9 oku caha, bulya barhayemiri;
|
|
\v 10 oku gw'obushinganyanya, bulya nkola naja e mwa Larha, murhakanaci mbona;
|
|
\v 11 oku lubanja; bulya omurhwali w'er'igulu atwirirwe olubanja.
|
|
\v 12 Ncigwerhe binji by'okumubwira ci murhanka shubi bihasha.
|
|
\v 13 Amango omurhwali ayisha, Muka w'Okuli, amuheka omu kuli kwoshi; bulya arhali byage anaderhe, ci aderha ngasi ebi ayunva, amubwira n'ebyayishiba.
|
|
\v 14 Ayishi nkuza, bulya kuli nie ayishi huma, amubwire.
|
|
\v 15 Ebya Larha byoshi biri byani; Co cirhumire nderha erhi oku byani ayishi huma, amubwire.
|
|
\v 16 Kandi kasanzi kasungunu, murhaci mbone, na kandi kasungunu mwayishi mbona, bulya naja e mwa Larha.
|
|
\v 17 Obwo, bagumu omu bigirizibwa bage babwirana, mpu: Kwokurhigi okwo alya arhubwira: Hisanzi hitya murhacimbone, n'e hindi hisanzi hitya mwa yishi mbona; bulya nkola naja e mwa Larha?
|
|
\v 18 Okubundi bakazi derha: Ehyo hisanzi hitya kw'oku derha gurhi? Rhurhamanyiri ebyalonza oku derha.
|
|
\v 19 Yesu, amanya oku balonza oku mudosa, anacibabwira mpu: Muli mwadosa ebi nadesire: hindi hisanzi hitya, murhaci mbone; na hindi hisanzi hitya mushubi mbona?
|
|
\v 20 Okuli, Okuli, mmubwizire mwayishi laka, mubande n'endulu, b'igulu lyasima. Mwehe mwayishi ba burhe; ci oburhe bwinyu bwayishi hinduka mwishingo.
|
|
\v 21 Omukazi, nk'ali hofi h'okuburha, oburhe buna mugwarhe bulya akasanzi Kage kahisire; ci nka amayusi burha omwana, arhacikengera galya malibuko gage erhi kucishinga kurhuma bulya omuntu abusirwe omw'igulu.
|
|
\v 22 Ninyu kwona kuguma. Buno muli burhe; cikwone nacimubone n'omurhima gwinyu gwayishi shagaluka na ntaye wakuye obwo bushagaluke;
|
|
\v 23 Olwo lusiku, ntaco mwaci ndose. Okuli, Okuli, mmubwizire, eci mwahune Larha amuha co okw'izino lyani.
|
|
\v 24 Kuhika buno ntaco musagi huna okw'izino lyani. Muhune, mwahabwa, n'obuzigire bwinyu bwaba bwimana.
|
|
\p
|
|
\v 25 Ebyo byoshi mmubwizire byo omu migani. Amango gayishi ntacimubwire omu migani ci n'obwalagale Ebya Larha.
|
|
\v 26 Olwo lusiku, mwahime okw'izino lyani, ntamubwiziri nti namushengera e mwa Larha.
|
|
\v 27 Bulya Larha yene amusimire, bulya munsimire, na bulya oku narhengaga e mwa Nnamahanga.
|
|
\v 28 Narhengaga e mwa Larha, naja en'igulu; buno nkola narhenga en'igulu, nje emwa Larha.
|
|
\v 29 Abigirizibwa bamubwira erhi: Lero odesire n'obwalagale, orhadesiri omu migani.
|
|
\v 30 Lero rhumanyire okwayishi byoshi, na ntaye ocilonzize oku dose; Co cirhumire rhuyemire oku e mwa Nnamahanga warhenganga.
|
|
\v 31 Yesu abashu: Kalero mwamayemeraga?
|
|
\v 32 Lolagi, akasanzi kayisha kanakola kahisire, mwashanda bana, ngasi muguma lwage, munansige niene; cikwone ntali niene, bulya ndi rhwe na Larha.
|
|
\v 33 Na mmubwizire ebyo, nti lyo muba n'omurhula muli nie. Mwaba n'amalibuko omw'igulu; cikwone muzibuhe na himir'igulu.
|
|
\c 17
|
|
\cl Cigabi 17
|
|
\p
|
|
\v 1 Erhi ayusa okuderha ntyo, Yesu agalamira enyanya, aderha: Larha, akasanzi kanahika. Okuze mugala wawe, lyo mugala wawe akukuza,
|
|
\v 2 Na bulya wamuhire obuhashe kuli ngasi ciremwa, mpu lyo ashoboza aba wamuhire boshi akalamu k'ensiku n'amango.
|
|
\v 3 Bulya, akalamu k'ensiku n'amango, kuli bo, kuli kukumanya, w'oyo wene Nnamahanga w'okuli, n'oyu warhumaga, Yesu Kristu.
|
|
\v 4 Nakukuzize en'igulu, nayukirize omukolo wampagampu njire.
|
|
\v 5 Nabuno nawe, Larha, onkulizagye emalanga gawekulya kukuzibwa naligwerhe embere igulu lirhacihaba.
|
|
\v 6 Namanyusiz'izinolyawe oku bantu wampaga kurhenga en'igulu. Bali bawe wana bampa; banashimba akanwa kawe.
|
|
\v 7 Buno bakolaga bamanyire oku ebi wampire byoshi emwawe birhenga.
|
|
\v 8 Bulya nabahire emyanzi wampire; nabo baiyemire, bamanya bwinja bwinja oku emwawe narhenganga, bana yemera oku we wantumaga.
|
|
\v 9 Bo nsengerire. Nta sengerir'igulu, ci balya wampaga, bulya bali bawe.
|
|
\v 10 N'ebyani byoshi biri byawe, n'ebyawe biri byani; na muli bo njir'irenge.
|
|
\v 11 Ntaciri en'igulu ci bohe en'igulu baciri, niehe nyishire emwawe. Larha mwimana obalange omw'izinolyawe aba wampaga, lyo baba haguma akirhu.
|
|
\v 12 Amango nali rhwe nabo omu igulu nakagi balanga okw'izino lyawe. Nalanzire aba wampaga, na ntaye wahezire muli bo, nkaba olya waligwasirwe oku hera mpu lyo amandiko gahikirira.
|
|
\v 13 Buno lero nyishire emwawe ebyo mbidesire omw'igulu ntilyo bayunva obusime bwani buna bayunjule.
|
|
\v 14 Nabahire akanwa kawe bulya barhali b'igulu, nk'oku nani ntali w'igulu.
|
|
\v 15 Ntakuhunyiri nti ubarhenze omw'igulu, ci kwone obalange oku mubi.
|
|
\v 16 Barhali b'igulu, nk'oku nani ntali w'igulu.
|
|
\v 17 Obajire bimana omu kuli: Akanwa kawe k'okuli.
|
|
\v 18 Kulya wantumaga omw'igulu, kwo nani mbarhumire omw'igulu.
|
|
\v 19 Nacihanyire nterekero erhi bo barhumire, lyo nabo bahinduka nterekero omu okuli.
|
|
\v 20 Arhali bone ndi nahunira, ci mpunire n'abo bacinyemera erhi kuyigiriza kw'aba kurhuma.
|
|
\v 21 Ly' boshi baba muguma, nk'oku we, Larha oli muli nie, nnani ndi muli we, nabo babe muguma muli rhwe, lyo igulu liyemera oku we wantumaga.
|
|
\v 22 Nabahire irenge wampaga, nti lyo baba muguma nka kulya nirhu rhuba muguma,
|
|
\v 23 nie muli bo, nawe muli nie, lyo baba muguma lwoshi, lyo n'igulu limanya oku we wantumaga n'oku obasimire nk'oku nsima.
|
|
\v 24 Larha, nnonzize abawampire mbe rhweshi nabo halya ndi, lyo babona irenge lyani, irenge wampire, bulya wansimire embere z'okulemwa kw'igulu.
|
|
\v 25 Larha mushinganya, igulu lirha kumanyaga; ci niehe nkumanyire, n'aba bamanyire oku we wantumaga.
|
|
\v 26 Nabamanyisize izino lyawe, nani nacimanyisa lyo, ly'obuzigire wanzigire buba muli bo, lyo nani mba muli bo.
|
|
\c 18
|
|
\cl Cigabi 18
|
|
\p
|
|
\v 1 Erhi Yesu aba amaderha ntyo, agenda b'oshi n'abaganda bage baja ishiriza ly'olwishi lw'Ekidroni, aho hal'ishwa, aja mwo n'abaganda bage.
|
|
\v 2 Yuda olya wamuhanaga, alimanyire aho, bulya Yesu akija eyo munda kanjikanji bwoshi n'abaganda bage.
|
|
\v 3 Lero Yuda, erhi adwirhe engabo, n'abasirika arhenzagya emw'abakulu b'abajinji n'ab'omu murhwe gw'abafarisayo, bayisha aho badwirhe eby'okulwa, n'orhumole.
|
|
\v 4 Yesu, alimanyirire ebyali gwasirwe oku muhikirira byoshi, abayegera, ababwira erhi: Ndi mulilonza?
|
|
\v 5 Bamushuza erhi: Yesu w'enanzareti. Yesu ababwira erhi: Niono. Na Yuda olya wamuhanaga, ali boshi nabo.
|
|
\v 6 Erhi Yesu aba amababwira oku niono, bashubira nyuma bahirima okw'idaho.
|
|
\v 7 Yesu aciri badosa erhi: Ndi mwaj'alonza? Bamushuza erhi: Yesu w'enanzareti.
|
|
\v 8 Yesu abashuza erhi: namubwizire oku niono. Akaba nie muli mwalonza, muleke aba bagende.
|
|
\v 9 Ntyo kw'adesire, lyo kalya kanwa aderhaga kahikirira: Ntahezagya cir'umuguma muli balya wampaga.
|
|
\v 10 Simoni Petero, aligwerhe engorho ayikula omu lubarhi, ayilikira mwambali w'omujinji mukulu, amutwa okurhwiri kw'ekulyo. Mwambali w'oyo mujinji mukulu ye waderhagwa Malkus.
|
|
\v 11 Yesu abwira Petero: Shubiza engorho yawe omu lubarhi. Ka ntanywe akabehe k'amalumwa Larha ampaga mpu nywe?
|
|
\p
|
|
\v 12 Agomango engabo y'abasirika b'Abayahudi, lero bagwarha Yesu, bamushweka.
|
|
\v 13 Barhangi muheka emwa Anna; bulya Anna ali ishazala wa Kayafa, oyo Kayafa ye wali mukulu ogwo mwaka.
|
|
\v 14 N'obwo Kayafa y'olya wahanulaga abayahudi: Kukwaninwe muntu muguma afire olubaga.
|
|
\p
|
|
\v 15 Simoni Petero, b'onowindi mwigirizibwa muguma, bashimbulira Yesu, oyo mwigirizibwa ali manyikine n'oyo mujinji mukulu, aja omu cogo c'omujinji mukulu b'oshi na Yesu;
|
|
\v 16 Cikwone Petero asigala enyuma ly'omuhango. Oyo wundi mwigirizibwa, wali manyinikine n'omujinji mukulu, ahuluka, aganiza omulanzi w'omuhango, adahya Petero.
|
|
\v 17 Lero omukazi, wakagi lang'olunvi, adosa Petero erhi: Ka nawe, orhali w'omu baganda b'oyu muntu? Ashuza erhi: Nanga ntali wa muli bo.
|
|
\v 18 Bulya emboho yali, n'abasirika bali twanire omuliro baka kaluka. Petero naye ali yimanzire boshi nabo, aka kaluka.
|
|
\p
|
|
\v 19 Ago mang'omujinji mukulu adosa Yesu ogw'abigiriza bage n'ogw'enyigirizo zage.
|
|
\v 20 Yesu amushuza erhi: Nadesire n'abantu boshi n'obwalagale; nayigirizize omu mashengero g'Abayahudi ensiku zoshi n'omu bibanda, erhi abayahudi boshi bakagi ba bashimanine ntaco nadesire bufulikwa.
|
|
\v 21 Bici birhumire w'andosa? Odose abo banyunvirhe; alaga, abola boki bamanyire ebi nadesire.
|
|
\v 22 Erhi Yesu aderha ntyo, muguma w'omu barungu, wali muyimanzire ho, amuh'oluhi aderha rhi: Kawana shuza omujinji mukulu ntyo?
|
|
\v 23 Yesu amushuza erhi: Akaba kubi nadesire rhubwirage okubi nadesire; ci kwone akaba bwinja nadesire, bicigi onshurhire?
|
|
\v 24 Ago mango Anna amurhuma emwa Kayafa mujinji mukulu.
|
|
\p
|
|
\v 25 Ago mango Simoni Petero abera aho, aka kaluka. Abantu bamu bwira mpu: Nawe, k'orhali w'omu bigirizibwa b'oyu muntu? Alahira, erhi ntali wa muli bo.
|
|
\v 26 Muguma wa muli balya bambali b'omujinji mukulu, mubusi w'olya Petero atwaga okurhwiri, amubwira erhi: Ka ntakubwine omw'ishwa mwe naye?
|
|
\v 27 Petero aciri shuza erhi: Nanga. Honaho oluhazi lwabika.
|
|
\p
|
|
\v 28 Barhenza Yesu emwa Kayafa bamuheka omu lugo lw'omurhegesi; lyali sezi sezi. Barha dahaga omolo lugo, lyo barhagi zira, lyo banalya Pasaka.
|
|
\v 29 Pilato ahuluka abaja ho, abadosa: Bici mushobekire oyu muntu?
|
|
\v 30 Bamushuza mpu: nk'erhali nkola maligo, rhurhali rhwaku lerhera ye.
|
|
\v 31 Pilato ababwira erhi: Rholi ye mwene, mumutwire olubanja nk'oku amarhegeko ginyu ganadesire. Abayahudi bamushuza; Rhurha gwerhi buhashe bw'oku yirha omuntu.
|
|
\v 32 Intyo, kw'akanwa ka Yesu kali kwaninwe kahikirire, kw'aderhaga erhi ayerekana gurhi afa.
|
|
\p
|
|
\v 33 Agomango Pilato ashubira omu k'emanja, ahamagala Yesu, amudosa erhi: K'oba mwami w'Abayahudi?
|
|
\v 34 Yesu ashuza erhi: Kawakumanya wene, erhi wakubwirwa n'abandi?
|
|
\v 35 Pilato ashuza erhi: Ka nie, mba Muyahudi? Bantu b'omu mulala gwinu n'abakulu b'abajinji bo bakumpaga; bici wajijirage obwo?
|
|
\v 36 Yesu ashuza erhi: Obwami bwani burhali bw'omw'igulu, nka bwali bw'omw'igulu, bambali bani bali balwa mpu lyo ntagihabwa abayahudi; cikwone obwami bwani burhali bw'omwigulu.
|
|
\v 37 Pilato amudosa erhi: k'oba Mwami obwo? Yesu ashuza erhi: Okudesire, mbaye. Naburhagwa nanayisha enw'igulu nti nderhe ogw'okuli. Ngasi muntu oba w'okuli anayunve ebi nderha.
|
|
\v 38 Pilato amudosa erhi: Okuli byo bici? Erhi Pilato aba amaderha ntyo, ashubi huluka aja emunda abayahudi bali, aba bwira erhi ntabwini okubi kwoshi kwoshi emwage.
|
|
\v 39 Cikwoki omu kushimbulira obworhere bwinyu nyorha mmushwekulira muguma olwa pasaka, ka mulonzizagye mushwekulire Mwami w'Abayahudi?
|
|
\v 40 Lero barhondera bayakuza mpu: Arhali ye, rhulonzize Baraba. N'obwo Baraba abaga mwisi wa bantu.
|
|
\c 19
|
|
\cl Cigabi 19
|
|
\p
|
|
\v 1 Ntyo Pilato anacigwarha Yezu, n'oku mushurha emikoba.
|
|
\v 2 Abasirika baluka ecimane c'emishugi n'oku muyambika co okw'irhwe, n'okumuyambika ecishûli cidukula; buzinda, bamuyegera ho,
|
|
\v 3 n'okuderha: Asinge, mwami w'Abayahudi! N'okumushurha ebifundo.
|
|
\p
|
|
\v 4 Pilato Ashubi huluka n'okubwira abayahudi: Ala, oku mundwirhire ye, ci mumanye okuntabwine bubi kuli ye.
|
|
\v 5 Ago mango Yezu ahuluka, ayambirhe ecimane c'emishugi n'agulya mushangi mudukula. Na Pilato aderha: Alagi ye.
|
|
\p
|
|
\v 6 Erhi abagula bakulu bamubona, banaciyakuza: Amanikwe! Amanikwe! Pilato Anacibabwira: Mumurhole mwene, mumumanike; bulya nta bwini, obubi muli ye.
|
|
\v 7 Abayahudi bamushuza mpu: Rhujira irhegeko; na, kushimbanana irhegeko lirhu, ashinganine ayirhwe, bulya anacijijire Mugala wa Nyamuzinda.
|
|
\v 8 Erhi Pilato ayunva eco cinwa oboba bwage bwayushuka.
|
|
\v 9 Ashubi galuka omu Praitoria (omu batwira emanja), n'okubwira Yezu: oli wangahi? Ci Yezu arhamuhaga ishuzo.
|
|
\v 10 Pilato amubwira: K'orhalonzizi oku nshuza? K'orhamanyiri oku ngwerhe obuhashe bw'okukumanika, n'oku ngwerhe obuhashe bw'okukulika?
|
|
\v 11 Yezu ashuza: Nta buhashe wana gwarhe kuli nie, nko rhabuhabirwi kurhenga enyanya. Co cirhume ompanyire emwawe ajijire ecaha ciguma cinene.
|
|
\v 12 Kurhangira ago mango, Pilato alonza mpu amulike. Ci Abayahudi bayama: Okamulika erhi orhaciri mwira wa Kaizari. Ngasi yeshi ociderha mwami erhi agomire Kaizari.
|
|
\p
|
|
\v 13 Pilato, erhi ayunva enderho zabo, aheka Yezu embuga; n'okutamala ahantu h'okutwira emanja, hantu h'okuyerekana, n'omu ci Ebrania Gabata.
|
|
\v 14 Gali marheganyo ga Basaka, mwali nk'omunsa ya kalindarhu. Pilato abwira abayahudi: Loli omwami winyu.
|
|
\p
|
|
\v 15 Ci bayakuza: Rhenza, rhenza, maniki-ye! Pilato ababwira kanie namanika omwami winyu? Abagula bakulu bashûza: Nta wundi mwami rhujira orhali Kaizari.
|
|
\v 16 Lero anacibaha ye mpu bamumanike. Ntyo barhola Yezu, n'okumuheka.
|
|
\p
|
|
\v 17 Yezu, abarhula omusalaba gwage, ahika ahantu haderhwa aha kampanga, aha kaderhwa omu ci Ebrania Golgotha.
|
|
\v 18 Ho amanikiragwa, haguma naye hali bandi babiri, muguma ekumosho owundi ekulyo, na Yezu ekagarhi.
|
|
\v 19 Pilato ajira amandiko, agaheba oku musalaba, go gali go gaga: Yezu w'enanzareti, mwami w'Abayahudi.
|
|
\v 20 Bayahudi banji bakasoma ago mandiko, bulya aho hantu Yezu amanikagwa hali yegerire omurhundu: ganali omu ci Ebrania, omu Cigriki n'omu Cilatini.
|
|
\v 21 Abagula bakulu b'Abayahudi babwira Pilato mpu: Orhayandike: Mwami w'Abayahudi. Ci oyandike oku adesire mpu: Nie mwami w'Abayahudi.
|
|
\p
|
|
\v 22 Pilato ashuza: Ebi nayandisire, nabiyandisire.
|
|
\p
|
|
\v 23 Abasirika, enyuma ly'okulalikwa Yezu, barhola emishangi yage, bayigaba kani, ngasi musoda n'ecage cigabi. Barhola n'akanzu kage, kalya karhali mwo buhange, ka ciraga ciguma kurhenga enyanya kuhika edako.
|
|
\v 24 Banacibwirana erhi: Rhurhagubere, ci rhuguyeshe ecigole rhulole gwayishiba gwandi. Ebyo byaba lyo gulya mwanzi gw'amandiko guhikirira: Bâgabire emishangi yani, banagu yeshera ecigole. Ali eby'abasirika bajijire.
|
|
\p
|
|
\v 25 Hofi n'omu salaba gwa Yezu erhi bacishungasire nnina na mulumuna wa nnina, Maria, mka Clopa, na Maria w'Emagdalene.
|
|
\v 26 Yezu, abona nnina, n'eburhambi bwage entumwa asimaga, anacibwira nnina: nyokowe, ala mugala wawe.
|
|
\v 27 Buzinda abwira entumwa: Ala nyoko. Na, kurhenga ago mango, eyo ntumwa ya muheka emwayo.
|
|
\p
|
|
\v 28 Enyuma zaho, Yezu, ali amanyire oku byoshi byagezire, aderha, lyo Amandiko gahikirira: Ngwerhwe n'enyorha.
|
|
\v 29 Aho hali akabehe kayunjwire nkalishi. Abasirika bavunvuza ecihorholezo omweyo nkalishi, n'okucishwekera okwirhwerhwe ly'olushekesheke, bakamuyegeza byo ahakanwa.
|
|
\v 30 Erhi Yezu ayusi nywa okw'eyo nkalishi aderha: Byoshi bya mahwa. Ana, cikub'igosi, arhenga mw'omuka.
|
|
\p
|
|
\v 31 Omu kuyoboha okw'emibiri erhankabera oku musalaba amango ga basaka, - bulya gali marhenganyo, n'olo lusiku lwa basaka lwali lusiku lukulu, - abayahudi badosa Pilato mpu kabahagule amagulu oku bali bamanike, n'okugakula.
|
|
\v 32 Abasirika banayisha, bavuna ag'omurhanzi buzinda n'aga owundi walimanisirwe haguma naye.
|
|
\v 33 Erhi bayegera Yezu, bashimana anafire barhaci muvuna amagulu;
|
|
\v 34 ci muguma omubasirika amutumirha itumu omu mirhibadu, ho na ho harhenga omuko n'amishi.
|
|
\v 35 Owabonaga okwo yene ye wanabihamirize, n'obuhamirizi bwage buli bw'okunali; amanyire oku adesire okunali, mpu lyo ninyu muyemera.
|
|
\v 36 Ebyo byoshi byabire, mpu lyo Amandiko ga hikirira: Nta civuha c'omu bivuha byage canavunwe.
|
|
\v 37 Na handi Amandiko gashubire derha mpu: Bayishibona oyu batumirhaga itumu.
|
|
\p
|
|
\v 38 Enyuma z'ebyo, Yusufu we Armateyo, ye wali ntumwa ya Yezu, ci okw'ihwe omu kuyoboha abayahudi, ahuna Pilato oluhuma lw'okujirhola omubiri gwa Yezu. Na Pilato amulikula. Anaciyisha, n'oku rhola omubiri gwa Yezu.
|
|
\v 39 Nikodemu, wakagi genda budufu emunda Yezu ali, naye ayisha, aduirhe amarashi n'enshagi bya nkahisire nka bitabu igana.
|
|
\v 40 Banacirhola omubiri gwa Yezu, n'okuguboha omu bitambara, haguma n'amavurha g'obuku, yali nkomedu y'Abayahudi nka babishi ofire.
|
|
\v 41 Ci, hali ishwa aho hantu Yezu abishagwa, n'omwel'ishwa enshinda mpyahya, erhali sagi hebwa mw'omuntu yeshi yeshi.
|
|
\v 42 Abaho ho bajidekereza Yezu, omu marheganyo g'abayahudi bulya enshinda yali hofi.
|
|
\c 20
|
|
\cl Cigabi 20
|
|
\p
|
|
\v 1 Olusiku lurhanzi lw'omugobe, Maria w'Emagdalene alamukira ebwa cusho, hibungubungu, oku muceracera; anacibona barhenzire lir'ibuye oku nshinda.
|
|
\v 2 Alibirhira emunda Simoni Petro ali n'emunda erya yindi ntumwa Yezu azigiraga, ntya anababwira: Bakuzire Nnâhamwirhu omu nshinda, rhurhanamanyiri ngahi bamurhebire.
|
|
\p
|
|
\v 3 Petro n'eyo yindi ntumwa bahuluka, n'okuj'ébwa nshinda.
|
|
\v 4 Banacilibirha haguma bombi. Ci eyo yindi ntumwa yalibirha kulusha Petro, n'okuba wa burhanzi okuhika aha nshinda;
|
|
\v 5 anaciyunama, abona ebitambara byali okw'idaho, ntyo arhacimudahaga.
|
|
\v 6 Simoni Petro, wali mukulikire ahika n'okuja omu nshinda; abona ebitambara byalikola biri okw'idaho,
|
|
\v 7 n'ebirere byalishwesire irhwe lya Yezu, birhali haguma n'ebitabara ci bibungire haguma eburhambi.
|
|
\v 8 Lero elya yindi ntumwa, yarhangigihika aha nshinda, yaja mwo nayo; yana bona; yana yemera.
|
|
\v 9 Bulya erhali cishihasha okuyunva, kugerera Amandiko, oku Yezu afuka omu bafîre.
|
|
\v 10 N'entumwa zagaluka emwabo.
|
|
\p
|
|
\v 11 Ago mango Maria erhi ali alaka, eburhambi by'enshinda. N'okwali alaka anahenguza omu nshinda;
|
|
\v 12 anacibona bamalaika babiri bayambirhe emyambalo myeru, batamire halya hantu omubiri gwa Yezu gwâli mugwishize, muguma eby'irhwe, n'owundi ebwa magulu.
|
|
\v 13 Bamubwira: Nyoko, bulya gurhi oli walaka? Anacibashuza: Bulya bagendine omubiri gwa Nnâhamwirhu, nta namanyiri ngahi baguhebire.
|
|
\v 14 N'omukuderha ebyo, ahindamuka, anacibona Yezu ayimanzire; cikwone arhamanyaga oku ye Yezu.
|
|
\p
|
|
\v 15 Yezu amubwira erhi: Nyoko, bulya gurhi oli walaka? Ndi oli walonza? Yehe, amanya mpu mulanzi w'ishwa, amubwira: Nnâhamwirhu, nkaba we wamuhesire, mbwira ahawamuhebire, na naji murhola.
|
|
\p
|
|
\v 16 Yezu amubwira erhi: Maria! Ahindamuka, n'okumubwira omuci Ebrania: Rabuni! Kwo kuderha mpu: Mwigiriza!
|
|
\p
|
|
\v 17 Yezu amubwira erhi: Orhampume kwo; bulya nta ciyinamukira emwa Larha. Ci ojibona bene wirhu, n'okubabwira oku nyinamukire emwa Larha ye na sho, emwa Nnâmahanga wani yena Nnâmahanga winyu.
|
|
\p
|
|
\v 18 Maria w'Emagdalene agendi manyisa entumwa oku anabwine Nnawabo, n'oku anamubwizire ebyo byoshi.
|
|
\p
|
|
\v 19 Ebijingo by'olo lusiku, lwo lwali lurhanzi ly'omugobe, enyunvi za hantu entumwa zali erhi ziri mpamike enyanya ly'ecoba baligwerhe oku Bayahudi, Yezu anaciyisha, aciyerekana ekarhi kabo, n'okubabwira mpu: Omurhula muli mwe!
|
|
\v 20 N'erhi ayusi derha ntyo, abalangula ebigasha byage n'enkanga. Entumwa zaba n'obushagaluke omu kubona Nnawabo.
|
|
\v 21 Yezu ashubi babwira erhi: Omurhula muli mwe! Nk'oku Larha antumaga, nani murhumire.
|
|
\v 22 Enyuma z'ebyo binwa, abasuhira, anacibabwira erhi: Yankiriri Mûka Mwimâna.
|
|
\v 23 Abamwababalire ebyaha, bayîshi babalirwa; n'abamwabilekere, barhakabibabalirwa.
|
|
\p
|
|
\v 24 Tomaso, oderhwa Kahasha, muguma w'omw'ikumi na babiri, arhali haguma nababo erhi Yezu ayisha.
|
|
\v 25 Ezindi ntumwa zamubwira: Rhwabwine Nnâhamwirhu. Cikwone abashuza erhi: Nka ntabwini enzigo z'erya misumari omu bigasha byage, nankantahebiri okuboko kwani omu mirhibadu yage, nta nkayemera.
|
|
\p
|
|
\v 26 Enyuma lya nsiku munane, entumwa za Yezu erhi kandi ziri omunyumpa, na Tomaso haguma nabo. Yezu ayisha, erhi n'enyunvi z'iri nyigale, abayimanga ekarhi, ntya aderha erhi: Omurhula e mwinyu!
|
|
\v 27 Buzinda abwira Tomaso: Lerha omunwe gwawe, olole n'ebigasha bwani; lerha n'ecigasha cawe, ompume omu mirhibadu; orhanacibaga wakubula bwemere, cikwone oyemere.
|
|
\p
|
|
\v 28 Tomaso amushuza erhi: Nnâhamwirhu na Nnâmahanga wani!
|
|
\p
|
|
\v 29 Yezu amubwira: Omukuba wambwine, wamayemera. Iragi lyabayemire, buzira kubona!
|
|
\p
|
|
\v 30 Yezu ashubirijira, birhangaza binji, embere z'entumwa zage, ci birhayandikagwa muli eci citabu.
|
|
\v 31 Ci ebyo byandisirwe mpu lyo muyemera oku Yezu ye Kristu, Mugala wa Nnâmahanga, mpu n'omukuyemera muhabwe obuzine okw'izino lyage.
|
|
\c 21
|
|
\cl Cigabi 21
|
|
\p
|
|
\v 1 Enyuma zaho, Yezu ashubi ciyerekana emw'entumwa zage, uku burhambi bw'enyanja y'Etiberiya. Alaga nkagurhi aciyerekanaga.
|
|
\v 2 Simoni Petro, Tomaso oderhwa Kahasha, Natanayeli, w'e Kanani omu Galilaya, bagala ba Zebadayo, haguma na zindi ntumwa ibiri za Yezu, erhi bacigushire haguma.
|
|
\v 3 Simoni Petro amubwira mpu: Nkola najiloba. Banacimubwira mpu: Nirhu rhwagenda haguma nawe. Banacihuluka bashonera omu bwarho, ci omw'obwo budufu barhabonaga bici.
|
|
\p
|
|
\v 4 Erhi buca, erhi Yezu ako ali ishiriza; ci entumwa zirhamanyaga oku ye Yezu.
|
|
\v 5 Yezu abadôsa mpu: mwebana, kanta kalyo mugwerhe? Bamushuza mpu: Ntako.
|
|
\p
|
|
\v 6 Ababwira erhi: Mukwebe akeshe ebwa kuboko kulyo kw'obwarho, mwagwasa. Honaho bakakweba, ci barhacihashaga oku kakulula, enyanya ly'obunji bw'enfi (nsamaki).
|
|
\p
|
|
\v 7 Lero erya ntumwa Yezu asimaga ya bwira Petro mpu: Amaba Nnâhamwabo! Na Simoni Petro, erhi ayusi yunva oku ye Nnâhamwabo, ayambala imishangi yage n'omukaba bulya ali bushugunu, n'okuchi kweba omu nyanja.
|
|
\v 8 Enzindi ntumwa barhenga omu bwarho, bakulula akeshe erhi kayunjwire nsamaki, bulya baciri kuli n'ishiriza z'enyanja hali nka hamakano magana abiri.
|
|
\v 9 Erhi bahonokera okw'idaho, babona amakala gayasire, galiko ensaki, n'omugati.
|
|
\p
|
|
\v 10 Yezu ababwira erhi: Lerhagi ensamaki mwadubire.
|
|
\v 11 Simon Petro ashonera omu bwarho, n'oku kulula akeshe kayunjwire nsamaki igana na makumi arhanu na zisharhu nnenene; ciri ankaba zali nyinji, akeshe karhatwikaga.
|
|
\v 12 Yezu Anacibabwira: Yishagi, mulye. Na ntayo ntumwa yaco mudosize: mpu wendi? Bali manyire oku ali Nnâhamwabo.
|
|
\v 13 Yezu abayegera, arhola omugati, abaha; abaha n'enfi.
|
|
\v 14 Bwalikola bwa kasharhu Yezu aciyerekana emw'entumwa zage enyuma ly'okufuka kwage omubafu.
|
|
\p
|
|
\v 15 Erhi bayusa okulya, Yezu abwira Simoni Petro: mpu Simoni, mugala wa Yona, konzigira kulusha oku ababandi banzigira? Anacimushuza: Neci, Nnâhamwirhu, oyishi oku nkuzigira. Yezu amubwira mpu: Oyabule ebibuzi byani.
|
|
\p
|
|
\v 16 Ashubi mubwira obwaka biri: Simoni, mwene Yona, konsima? Petro amushuza mpu: Neci, Nnâhamwirhu, oyishi oku nkusima. Yezu amubwira: Oyabule ebibuzi byani.
|
|
\p
|
|
\v 17 Amubwira obwa kasharhu erhi: Simoni, mwene Yona, konsima? Petro agaya oku byo amudosagya obwa kasharhu: Konsima? Anacimushuza: Nnâhamwirhu, oyishi byoshi, onamanyire oku nkusima. Yezu amubwira: Lis'abanabuzi bani.
|
|
\v 18 Okunali, okunali, nku bwizire, amango waciri musole, wakagi cikabika wene, wakagija n'ahonalonzinze; ci hano obamushosi, wayishikalambul'okuboko, n'owundi akukabikire, akuheke n'ah'orhalonzizi.
|
|
\p
|
|
\v 19 Adesire ebyo omu okumanyisa okulufu luci Petro ayishikuza mwo Nnâmahanga. Erhi aciri aderha, amubwira: Nshimba.
|
|
\p
|
|
\v 20 Petro, erhi akebagana, abona erya ntumwa Yezu asimaga, olya, enyuma ly'okushega, aliyegemire oku cifuba ca Yezu, anaciderha mpu: Nnâhamwirhu, ndi olya wakuhana?
|
|
\v 21 Erhi Petro amubona, anacibwira Yezu mpu: N'oyu, we Nnâhamwirhu, gurhi bya ishi mubera?
|
|
\p
|
|
\v 22 Yezu amubwira: Nkalonza okw'abere ho kuhika nyishe, bici bya kulerhera? Wehe onshimbe.
|
|
\p
|
|
\v 23 Ahanyanya lyokwo, emyanzi ya lumira emyabene wabo oku eyo ntumwa erhakafa. N'obyo Yezu arhabwiraga Petro oku oyo arhakafa; ci mpu: Nka nankalonza ahebere kuhika ngaluke; bici byakuyungula?
|
|
\p
|
|
\v 24 Eyo ntumwa ye muhamirizi w'ebyo, ye wanabiyandikaga. Rhunamanyire oku obuhamîrizi bwage buli bw'okunali.
|
|
\v 25 Yezu ajizire bindi binji; nka byanka yandisirwe higum'oku higuma ntarhanynizi erhi igulu ciru lyankabwin'ebitabu byaja mwo.
|