tbt-x-kirhinyihinyi_reg/43-LUK.usfm

\id LUK
\ide UTF-8
\h Luka
\toc1 Luka
\toc2 Luka
\toc3 luk
\mt Luka
\c 1
\cl Cigabi 1
\p
\v 1 Banji bacihanganyire okuyandika olulibi lwa birya byajirikanaga omu karhi kirhu,
\v 2 nkoku rhwamanyusibagwa na balya babibonaga bone kurhenga oku murhondero bobanali bahirwe omukolo gw'okuderha omwanzi gwa Nnamahanga,
\v 3 byani byansimisize, enyuma lyokujira obushagasi kukwanine kuli bintu byoshi kurhenga omurhondero gwabyo, nkumanyusize okukuyandikira omu njira y'obushiru mukengwa Theophilo,
\v 4 ly'omanya okuli kw'enyigirizo wayunvirhe.
\p
\v 5 Oku mango ga Herodi, mwami w'ebuyahudi, hali mujinji muguma izino lyage Zakariya, w'omu murhwe gw'abiya; mukage yewali Elisabeti, w'omu banyere b'Aroni.
\v 6 Oku banali bombi bali bashinganyanya emalanga ga Nnamahanga, banali bakuyunva okunali oku amarhegeko goshi gadesire n'oku ebinwa bya Nnahamwirhu byoshi bidesire.
\v 7 Barhali gwerhe mwana, bulya Elisabeti yali ngumba; bombi balikola barhalusize emyaka.
\p
\v 8 Ntyo, amango aligwerhe akol'emikolo emalanga ga Nnamahanga, oku kasanzi kage, ahamagalwa n'izu,
\v 9 Kushimbana n'oborhere bw'abanji, bw'okuja omu nyumpa ya Nnahamwirhu n'okutwana mwo enshangi.
\v 10 Engabo y'abantu boshi bali embuga okugashanyiza, amango oluku lw'atwanwa.
\v 11 Lero malaika wa Nnahamwirhu abonekera Zakariya, ayimanga ekulyo kw'irherekerera aha bahanira entulo y'enshangi.
\v 12 Zakariya akanguka agwarhwa n'echoba.
\v 13 Cikwone malaika amubwira: orha yobohe, Zakariya; bulya amahuno gawe gayunvikine. Mukawe Elisabeti akuburhira omwana murhabana, wamuha izino lya Yohana.
\v 14 Ayishiba busime na bushagalike bwawe, na banji bayishi cishinga oku burhwa gwage.
\v 15 Bulya ayishiba mukulu emalanga ga Nnahamwirhu. Arhakanywa idivai, erhi cindi cinywebwa cokulalusa, ana yunjuzibwa muka mwimana kurhenga omunda ya nina;
\v 16 Ashubiza ben'Israeli banji emwa Nnahamwabo, Nnamahanga wabo;
\v 17 Ayishi gera emalanga ga Nnamahanga n'omurhima n'obuhashe bwa Eliya, enyanya lyoku galula emirhima ya b'ishe emw'abana, n'abagoma omu bumanye bw'abashinganyanya, arheganyize Nnahamwirhu olubaga lushinganine.
\p
\v 18 Zakariya abwira malaika: gurhigi namanya mw'ebyo? Bulya nkola mushosi, na mukanie akola arhalusize emyaka.
\v 19 Malaika amushuza: nie Gabrieli, nyimanga emalanga ga Nnamahanga; narhumirwe oku kubwira, n'okuku manyusa emyanzi minja.
\v 20 Na ntyo, waba kaduma, orhaciderhe kuhika olusiku ebyo byaba, bulya orha yemiri emyanzi yani, eya hikirira oku mango gayo.
\v 21 Muli ago mango, olubaga lwakalinda Zakariya, bulya abezire kasanzi kanji omu nyumpa ya Nnamahanga.
\v 22 Erhi ahuluka, arhachihashaga oku badesa, na banamanya oku anabonekirwe omu nyumpa ya Nnamahanga; naye akab'akemakema, anayorha kaduma.
\v 23 Erhi ensiku z'omukolo gwage zihwa, ashubira emwage.
\p
\v 24 Enyuma lya kasanzi kasungunu, Elizabeti, mukage, ayalala izimi. Achi fulika miez'irhanu akaderha:
\v 25 Luli lukogo Nnahamwirhu anjirire, erhi andikira kw'amasu oku ntenza kw'enshonyi omu bantu.
\p
\v 26 Omu mwezi gwa ndarhu, malaika Gabrieli arhumwa na Nnamahanga omu cishagala c'Egalilaya, cihamagalwa Nazareti,
\v 27 Emwab'omubikira wali shebirwe na mulume muguma izino lyage ye Yosefu, womu mulala gwa Daudi. Izino lyoyo mubikira yewali Mariya.
\v 28 Malaika aj'emwage, anamubwira: nkulamusize, we oyunjwire lukogo; Nnahamwirhu ali haguma nawe.
\v 29 Eco cinwa carhuma azunguluk'irhwe, Maria acidosa gwo musingo muci ogwo.
\v 30 Malaika amubwira: orha yobohe, Maria; bulya wabwine olukogo emalanga ga Nnamahanga.
\v 31 Na ntya, waba izimi; waburha omwana murhabana, wanayishi muha izino lya Yezu.
\v 32 Ayishiba mukulu anayishi derhwa mugala w'owe nyanya bwenene; na Nnahamwirhu Nnamahanga ayishi muha entebe ya Daudi, ishe wage.
\v 33 Ayishi rhambula omu nyumpa ya Yakobo emyaka n'emyaka, n'oburhambuzi bwage burhakagwarha buzinda.
\p
\v 34 Maria abwira malaika: kurhigi oko kwankaba, ntanamanyiri mulume?
\p
\v 35 Malaika amushuza: muka mwimana akuyishira, n'obuhashe bw'owe nyanya bwenene bwakubwikira ecihiho cage. Co carhuma omwana ocire waburhwa emwawe ayishi hamagalwa mugala wa Nnamahanga.
\v 36 Ntya, Elisabeti, mwene winyu, al'izimi, naye, ly'omwana rhabana omu bugikulu bwage, olya wakagi derhwa ngumba guli mwezi gwa kalindarhu gwage.
\v 37 Bulya ntacho chirhaka hashikana emwa Nnamahanga.
\p
\v 38 Mariya aderha: ndi mwambalikazi wa Nnahamwirhu; bimbere nkoku wana derhaga! Na malaika amurhenga ho.
\p
\v 39 Muli ago mango go na nnene, Mariya ayimuka, agenda aharhula aja omu birhondo, omu cishagala ciguma c'ebuyahudi.
\v 40 Aja omu mwa Zakariya, analamusa Elisabeti.
\v 41 Erhi Elisabeti ayunva omusingo gwa Mariya, omwana wage atuza omu nda, ana yunjuzibwa na muka mwimana.
\v 42 Ayakuza n'izu linene: ogishirwe omu bakazi, n'amalehe g'enda yawe gali magishe.
\v 43 Ndigi muci obu nina wa Nnahamwirhu anyishire?
\v 44 Bulya ntya, amango nayunvagya omusingo gwawe omwana amatuza omunda n'obusime.
\v 45 Ali mun'iragi oyemire, oku ebi bamubwiraga bya hikirira bilya byaderhagwa na Nnahamwirhu.
\p
\v 46 Lero Mariya aderha: erhi omurhima gwani gukuzize Nnahamwirhu,
\v 47 N'omuka gwani gucishinzire muli Nnamahanga, Mmuciza wani,
\v 48 Bulya alolerize obwirhohya bwa mwambalikazi wage. Bulya ntya, kurhenga ene olubaga lwoshi lwanderha munyiragi,
\v 49 Bulya ogala byoshi anjirire ebinja. Izino lyage liri limana,
\v 50 N'olukogo lwage luba lwa myaka n'emyaka emwa balya bamukenga.
\q
\v 51 Alambwire emisi y'okuboko kwage; ashandaza mo balya baligwerhe entanya zoku cibona omu murhima.
\q
\v 52 Akuzire abo buhashe oku ntebe zabo, n'abirhohya abayinamula.
\q
\v 53 Ayigusa abali shalisire n'ebirugu binja, n'abagale abalibisa mikungula.
\q
\v 54 Arhabala Israeli, mukozi wage, anakengere enyanya z'olukogo lwage;
\v 55 Nkakulya abwiraga ba larha, kuli Abrahamu n'omulala gwage ensiku zoshi.
\p
\v 56 Mariya abera boshi na Elizabeti hofi myez'isharhu. Enyuma lyaho ashubira emwage.
\p
\v 57 Amango ga Elisabeti goku burha gahika, anaburha omugala.
\v 58 Abalungu na bene wabo bayunva oku Nnahamwirhu amufire bwonjo, bashagaluka haguma naye.
\p
\v 59 Olw'ensiku munani, bayisha bali karha omwana, bana muhamagala Zakariya lyo izino l'ishe.
\v 60 Cikwone nnina aderha erhi: nanga, ayishi hamagalwa ye Yohana.
\v 61 Bamubwira: omu mulala gwinyu ntaye muntu ohamagalwa mo er'izino.
\v 62 Banacikema ishe mpu bamanye gurhi alonzize bamu hamagale.
\v 63 Zakariya ahuna orhupaho, anayandika kwo: Yohana l'izino lyage boshi basomerwa.
\v 64 Hona halya, akanwa kage kayiguka, n'olulimi lwage lwa shweguka, ntya aderha, akuza Nnamahanga.
\v 65 Abalungu boshi bagwarhwa n'obwoba, ntya, n'omu ntondo y'e buyahudi, baka shambala yo ebyo byoshi.
\v 66 Ngasi bayunvagya boshi bagubika emurhima, n'oku derha: oyu mwana ayishi ba mwana muchi? N'okuboko kwa Nnahamwirhu kwali haguma naye.
\p
\v 67 Zakariya, ishe, ayunjula muka mwimana, analeba mw'eyi myanzi:
\v 68 Akuzibwe Nnahamwirhu Nnamahanga w'abisraeli bulya ayishire rhangula n'oku cungula olubaga lwage,
\v 69 Ntya arhujirire omuciza w'obuhashe omu nyumpa ya mwambali wage Daudi, mukozi wage.
\q
\v 70 Kulya aderhaga omu kanwa k'abalebi bimana kurhenga mira,
\v 71 Muciza warhucungula omu ndyalya nomu maboko g'abarhushomba!
\q
\v 72 Ntyo kwayerekine olukogo lwage kuli ba larha, anakengera kulya kulaganana kwage kwimana,
\v 73 Nkagulya mwigasho achi gashiraga Abrahamu, larha wirhu,
\v 74 Oku arhurhegekaga lyo rhuyishiba bashwekule omu kuboko kw'abashombanyi birhu, n'okumukolera buzira bwoba,
\v 75 N'okuba n'olugenzi embere zage omu bushinganyanya, n'omu kuli ensiku zoshi z'obulamu bwirhu.
\q
\v 76 Nawe, mwana murho, wayishi derhwa mulebi wow'enyanya; bulya wayishi lambagira emalanga ga Nnahamwirhu, oku rheganya enjira zage,
\v 77 Lyo aha olubaga lwage okumanya obuchunguke kugerera oku babalirwa ebyaha byabo,
\v 78 Omu lukogo n'obuzigire bunene bwa Nnamahanga wirhu, bwarhulerhera izuba kurhenga enyanya,
\v 79 Omu kumolekera abali omu mwizimya n'omu cihoho colufu, n'okurhu yerekeza omu njira y'omurhula.
\p
\v 80 Nobwo, omwana akula, azibuhe n'omurhima. N'okubera omu mpinga, kuhika omu lusiku achiyerekana n'obwalagale emalanga g'olubaga lw'Abisraeli.
\c 2
\cl Cigabi 2
\p
\v 1 Muli ago mango haba irhegeko lya Cesari Auguste, arhegeka mpu bajire omuganjo gwigulu lyoshi.
\v 2 Ogwo gwo muganjo murhanzi gwajiragwa amango Kwiniruyusu ali murhegesi w'Esuriya.
\v 3 Bagenda boshi oku yandikwa, ngasi muguma omu cishagala cage,
\v 4 Yosefu naye ainamuka kurhenga Egalilaya omu cishagala c'Enanzareti, lyo aja Ebuyahudi, omu cishagala ca Daudi, cihamagalwa Betlehemu, bulya naye ali w'omu nyumpa n'omu buko bwa Daudi,
\v 5 Lyo ajiciyandisa bona Mariya, ali shebire, wali izimi.
\v 6 Amango balikola bali eyo, akasangi Mariya aligwasirwe okuburha kahika,
\v 7 ana burha omugala lwo lubere lwage. Amubwika ebirere anamugwishiza omu ciranga, bulya barhali gwerhe aha babera omu nyumpa y'ebigolo.
\p
\v 8 Habaga, muli eco cihugo co nnene, abangere bakagi gera omu ishwa balile budufu omu kulanga orhurhumbirhwabo.
\v 9 Na ntya, malaika muguma wa Nnahamwirhu ababonekera, nobukuze bwa Nnahamwirhu bwa langashana eburhambi lyabo. Boshi bagwarhwa n'ecoba.
\v 10 Cikwone malaika ababwira erhi: murha yobohaga; mudwirhire omwanzi mwinja, gwayishibera oku lubaga lwoshi gwa bushagaluke bunene.
\v 11 Ene, omu cishagala ca Daudi, amu burhirwe omu ciza, yeri Kristo, Nnahamwirhu.
\v 12 Ntya ecimanyiso mwa manya mwo co ceci: mwashimana omwana abwisirwe ebirere ana gwishire omu ciranga.
\v 13 Honaho obwinji bwa ba malaika b'enyanya baba haguma n'olya malaika baka kuza Nnamahanga n'okuderha mpu:
\v 14 Akuzibwe Nnamahanga oli enyanya bwenene, n'omurhula en'igulu oku bantu asima!
\p
\v 15 Erhi ba malaika babarhenga ho bashulira enyanya, abengere baderha bone na nene: rhugendage kuhika Ebetlehemu, rhulole ebyabire, ebi Nnahamwirhu anarhu manyusagya.
\v 16 Bagenda bulibirha, bana cibugana Maria na Yosefu, n'omwana murho agweshire omu ciranga.
\v 17 Erhi banamubona, baganira ebya desirwe ok'oyo mwana murho.
\v 18 Ngasi boshi babayunvirhe basomerwa n'emyanzi abengere baba bwiraga.
\v 19 Maria abika ebyo byoshi aka bigerereza emurhima.
\v 20 N'abengere bagaluka, bajakuza n'okucikumba Nnamahanga oku byoshi bayunvirhe n'oku bibona, n'okwo kwo binali nkoku bana bwiragwa.
\p
\v 21 Olusiku lwa kali munane, lw'omwana oku karhwa, lwana cihika, bana cimuyirika izino lya Yezu, izinolya yerekanagwa na malaika embere nnina arhachirhola izimi.
\p
\v 22 Na, amango ensiku zoku cesibwa kwabo za hikiriraga, kushimbana n'irhegeko lya Musa, Yusufu na Mariya banacimuheka eyerusalemu,
\v 23 kushimbanana n'ebya yandisirwe omu marhegeko ga Nnahamwirhu: ngasi murhabana lubere lwa nnina aderhwa mtakatifu wa Nnahamwirhu.
\v 24 N'omu kuhana entulo nguku ibiri erhi bana babiri ba nguku, nkoku byali desirwe omw'irhegeko lya Nnahamwirhu.
\v 25 Sinzagi, e Yerusalemu yali muntu oderhagwa Simoni. Oyo muntu ali wokuli na mwirhonzi, akagi langalira oburhulirize bw'Israeli, na muka mwimana ali enyanya zage.
\v 26 Naye aliyeresirwe na muka mwimana oku arhafe buzir'okubona omuchunguzi wa Nnahamwirhu.
\v 27 Ntyo aj'omw'ishengera, adwirhwe na muka, n'amango ababusi balerhaga omwana Yezu mpu bamujire nkoku bworhere bwamarhegeko bwali,
\v 28 Amurhola omu maboko gage, akuza mungu, anaderha:
\v 29 Buno, Nnahamwirhu, olikule mwambali wawe agende n'omurhula, nk'oku waderhaga.
\q1
\v 30 Bulya amasugani gabwine obuchize bwawe,
\v 31 Obuchunguke warheganyagya emalanga ga bantu boshi,
\v 32 Bulangashane bw'okulomekera abeindi milala, n'okuba bukuze bw'Israeli, lubaga lwawe.
\p
\v 33 Ishe na nnina barhangala enyanya ly'eyo mianzi yaderhagwa enyanya lyage.
\v 34 Simoni abagisha, abwira na Mariya, nnina: sinzagya, oyu mwana ajijirwe omu kuhihima, n'oku imanga kwa banji omw'Israeli, anayishi ba cimanyuso coku jachirwa,
\v 35 Nakuli we ngorho yarhula omu murhima gwawe, mpu ly'enyegererezo z'emirhima minji ziishi fululwa.
\v 36 Hali mulebi muguma mukazi, Ana, munyere wa Fanueli; w'obuko bw'Aser. Ali gwerhe emisi n'omugikulu, ali lamire myaka nda bon'omulume wage. Kurheng'ebusole bwage.
\v 37 Ayishi sigala mukana, na mukulu wa miaka makumi gali munani nnini, arhakagi karhenga omw'ishengero, anakagi kakolera mungu budufu n'omushi omw'ifungo n'okuhuna.
\v 38 Hanaciba akasangi, naye yene, omwako kashanzi konenene, akagi haramya Mungu, n'okuka derha enyanya za Yezu emwa balya boshi bakayunva obuchunguke bw'abeyerusalemu.
\v 39 Erhi baba bama hikiriza ebyali rhegesirwe n'irhegeko lya Nnahamwirhu, Yosefu na Mariya banacigaluka e Galilaya, e Nanzareti omu murhundu gwabo.
\p
\v 40 N'obwo, omwana ali amakula ana zibuha. Aliyunjwire obumanye, n'olukogo lwa Nnamahanga lwali kuli ye.
\p
\v 41 Ababusi ba Yesu bakagi ja ngasi mwaka e Yerusalemu, oku lusiku lwa pasaka.
\v 42 Erhi agwarha miaka ikumi n'ibiri, akagi yinamuka, nk'oku obworhere bw'olusiku lukulu.
\v 43 Kandi, Ezo nsiku erhi zigera, zoku galuka bwabo, oyo mwana Yezu asigala e Yerusalemu. Ishe na nnina barhacimanyiri.
\v 44 Bakamanya mpu boshi bali omu lugenzi lwabo, bajira lusiku luguma omu njira, banacija bamulonza omu milala yabo n'omubo banalimanyire.
\v 45 Cikwone, barhamubonaga, bashubi galuka e Yerusalemu baja mulonza.
\v 46 Enyuma lya nsiku zisharhu, banacimurhingana omwishengero, adahire aha karhi k'abigiriza, akagi bayunvirhiza n'oku badosa.
\v 47 Boshi bamuyunvirhe basomerwa n'obwenge bwage n'amashuzo gage.
\v 48 Erhi ababusi bage bamubona, boshi basomerwa, na nnina amubwira: mwana wani, bulya gurhi warhujirisize ebiri nkebi? Sinzagya, sh'oyu na nani, rhwajaga rhwakulonza n'oboba.
\v 49 Anacibabwira: bulya gurhi wajaga wandonza? Kamurha manyiri okubimpunyire nchishwekere omu nyumpa ya larha?
\v 50 Cikwone barhayunvagya eby'ababwiraga.
\v 51 Buzinda banahonoka haguma baja e Nanzareti, anacibakenga. Nnina anacibika bilya byoshi omu murhima gwage.
\p
\v 52 Na Yezu anagendekera akula n'obwenge, n'oku lugero, embere za mungu n'embere za bene bantu.
\c 3
\cl Cigabi 3
\p
\v 1 Mwaka gw'ikumi na karhanu kw'oburhambuzi bwa Tibere Kayizari, amango Ponse Pilato erhy'ali mulongolanyi we Yudeya, herodi terarque we Galilaya, mulumuna wa Filipo terarque we Ituria now'omunchiga ze Trachonite, Lysanias terarque we Abilene,
\v 2 Nab'oku kasangi ka balya batwi b'emanja Anasi na Kayafa, omwanzi gwa Nnamahanga gwanaciyishira Yohana, mugala wa Zakayo, omw'irungu.
\v 3 Anacigenda omu bihugo byoshi n'ebye burhambi bw'eyordani, ayigiriza obu batizo n'obuciyunjuze n'okuhungama ebyaha byabo,
\v 4 Lugenda ebyali yandisirwe omu citabu c'emyanzi y'Isaya, mulebi: lir'izu ly'olya wajaga w'ahamagaza omw'irungu: murheganye enjira ya Nnahamwirhu, mukubule n'enjira zage.
\q1
\v 5 Akabanda koshi kayishi yunjuzibwa, ngasi ntondo na ngasi cirhwa byoshi byaishi honolwa; ahakubire hayishi kubulwa, n'enjira z'ebirimbirimbi zayishi kubulwa.
\q1
\v 6 Na ngasi boshi b'emibiri baishi cungulwa na Nnamahanga.
\p
\v 7 Cikwone anaciderha emwa balya bayishaga omulubaga mpu babatizibwe naye: mw'iburha ly'enjoka, ndi wamuhanwire okuyaka obuhanya buyishire?
\v 8 Ntyo mulehekage amalehe gw'okuli gw'obwiyunjuze, na murhakagi derha mpu: mugwerhe Ibrahimu nka sho winyu! Bulya mubwizire oku omwaga mabuye Nnamahanga anagusa abana oku Ibrahim.
\v 9 Ntyo embasha ekola eli ahacisina cemirhi: nangasi murhi gurha lehesiri amalehe minja gwatwibwa n'okukwebwa okuciko.
\p
\v 10 Olubaga lwana cimudosa, erhi: gurhi birhukwanine okujira?
\p
\v 11 Anacibashuza erhi: ngasi ogwerhe milondw'ibiri ahe olya orhagwerhi muguma, n'olya ogwerhe ebiribwa ajire naye kwonokwo.
\p
\v 12 Hana ciyisha olundi lubaga mpwalu batize, lwamu bwira erhi: Mashi Nnahamwirhu, gurhi rhwankajira?
\p
\v 13 Anacibabwira erhi: murhalyuzagya kulusha oku bamurhegesire.
\p
\v 14 Abasirika nabo bamudosa: nirhu kurhigi rhwakajira? Abashuza: erhi murhalibuzagya erhi kunyaga omuntu oku bulenganya, mushagalukire oluhembo mugwerhe.
\p
\v 15 Nk'okulubaga lwakagi lindirira, n'okucidosa mpu ka Yohana arhali ye kristu,
\v 16 Anacibiderha emwaboshi: nie, ndi wakubatiza oku mishi; cikwone oyishire, agwerhe obuhashe bwinji kundusha, ntana shinganini oku shwekula ciru emikaba y'ebirato byage. Ye, waishi mubatiza oku muka mucesibwa n'oku muliro.
\v 17 Agwerhe omu kuboko ecifyagiro; ayishi cesa engo, n'okulondola engano omu nguli yage, cikwone ayishi yoca abasi omu muliro gurhakazima.
\p
\v 18 Nantyo ko Yohana akagi manyisa emyanzi y'akalembe oku lubaga, n'oku mubwira kandi marhegeko manji.
\v 19 Cikwone Herodi erhya shoholerwa na Yohana enyanya za Herodiasi, nka mulumuna wage, n; oku mabi goshi ajijire,
\v 20 Ayushula kandi okwagalya goshi n'okushweka Yohana omu mpanikwa.
\p
\v 21 Olubaga lwoshi lwakayisha mpu lubatizibwe, Yezu naye abatizibwa; n'erhi, aba ali ahuna, empingu yayiguka.
\v 22 Na muka mutakatifu anacimuhonokera ko nka mugani gwa mubiri, nka nguku. N'izu lyana ciyunvikana empingu lya derha: oli mugala wani muzigirwa; omuwe mwo nahebire obuzigire bwani bwoshi.
\p
\v 23 Yezu alikol'agwerhe hofi miaka makumi gasharhu erhi arhondela omukolo gwage, nka, oku bakagi murhanyiza, mpu mugala wa Yusufu, mugala wa Eli,
\v 24 Mugala wa Matati, mugala wa Lawi, mugala wa Meleki, mugala wa Yona, mugala wa Yosefu,
\v 25 mugala wa Matiasi, mugala wa Amosi, mugala wa Nahumu, mugala wa Esli, mugala wa Nagayi,
\v 26 mugala wa Maathi, mugala wa Matatiasi, mugala wa Semeyi, mugala wa Yosefu, mugala wa Yuda,
\v 27 Mugala wa Yohana, mugala wa Resa, mugala wa Zerubabeli, mugala wa Shealtieli, mugala wa Neri,
\v 28 mugala wa Melki, mugala wa Adi, mugala wa Kosamu, mugala wa Elmadamu, mugala wa Eri,
\v 29 mugala wa Yoshwa, mugala wa Eliezeri, mugala wa Yorimu, mugala wa Mathati, mugala wa Lawi,
\v 30 Mugala wa Simoni, mugala wa Yuda, mugala wa Yosefu, mugala wa Yonamu, mugala wa Eliakimu,
\v 31 Mugala wa Melea, mugala wa Mena, mugala wa Mathata, mugala wa Nathani, mugala wa Daudi,
\v 32 Mugala wa Yese, mugala wa Obedi, mugala wa Boazi, mugala wa Salmoni, mugala wa Nashoni,
\v 33 Mugala wa Aminadabu, mugala wa Adimini, mugala wa Aramu, mugala wa Hesroni, mugala wa Faresi, mugala wa Yuda,
\v 34 Mugala wa Yakobo, mugala wa Izaki, mugala wa Ibrahimu, mugala wa Tera, mugala wa Nakoni,
\v 35 Mugala wa Seruki, mugala wa Rogau, mugala wa Faleki, mugala wa Eberi, mugala wa Sala,
\v 36 Mugala wa Kainani, mugala wa Arfaksadi, mugala wa Shemu, mugala wa Nuhu, mugala wa Lameki,
\v 37 Mugala wa Methusela, mugala wa Henoko, mugala wa Yaredi, mugala wa Mahaleli, mugala wa Kenani,
\v 38 Mugala wa Enoshi, mugala wa Sethi, mugala wa Adamu, mugala wa Mungu.
\c 4
\cl Cigabi 4
\p
\v 1 Yezu, aliyunjwire muka mucesibwa, omu kurhenga omu yordani, na muka anacimuyerekeza omw'irungu,
\v 2 omwo anacirhangulwa n'omushombanyi nsiku makumi gani. Arhalyaga bici omw'ezo nsiku, na, enyuma z'okugera kwezo nsiku, ashalika.
\v 3 Omushombanyi anacimubwira: mpu nkaba onali mugala wa Nnamahanga, orhegeke er'ibuye guhinduke mugati.
\p
\v 4 Yezu anacimushuza: mpu biyandisirwe: ok'omuntu arhankalama oku mugati gone.
\p
\v 5 Omushombanyi, anaci muyinamula, anamuyereka omw'igohya liguma amami goshi g'omwigulu,
\v 6 N'oku mubwira: nakuha obuhashe bwoshi, n'oburhwali bwoshi bw'ago mami; bulya bagampire, na nani nanagaha oyu nsimire.
\v 7 Erhy'ankaba waka fukama embere zani, byoshi byankabire byawe.
\p
\v 8 Yezu amushuza: erhi biyandisirwe: oku wacikumba Nnamuzinda wawe, n'okumukolera yenene.
\p
\v 9 Omushombanyi ashubi muheka e Yerusalemu, anacimuheba enyanya ly'omunara gw'ishengero, anacimubwira erhi: nkaba oli mugala wa Nnamahanga, ocikwebage aha okwidaho; bulya biyandisirwe:
\v 10 Oyishi rhegera ba malaika enyanya mpu bakulange;
\v 11 N'oku bayishi kugwarha omu maboko, ly'okugulu kwawe kurha sarhale okw'ibuye.
\p
\v 12 Yezu anacimushuza: erhi bidesirwe: orha rhangulaga Nyakasane, Nnamahanga wawe.
\p
\v 13 Enyuma z'okumurhangula omwezo njira zoshi, omushombanyi anacija kuli naye kuhika amango ga kwanine.
\p
\v 14 Yezu ayambire obuhashe bwa muka, agaluka e Galilaya, n'irenge lyage lya lumira omu cihugo coshi n'eburhambi.
\v 15 Akayigiriza omu mashengero, n'abantu boshi baci takira ye.
\p
\v 16 Anacija e Nanzareti, eyo yo alereragwa, n'oku bwanali bw'orhere bwage, anacidaha omw'ishengero olusiku lwa Sabato. Ana yumuka mpu asome,
\v 17 banamuha e citabu c'omulebi Isaya. Acibungula, anarhingana aha bayandisir'erhi
\v 18 Muka gwa Nyamuzinda ali kuli nie, bulya anshizire mpu nyalagaze omwanzi gw'akalembe oku barha cihashiri; antumire oku nfumye balya bagwerhe emirhima yavunisire, oku yalagaliza abashweke okushwekulwa kwabo, n'emihurha okubona kwabo, n'oku likula abagogomirwe,
\v 19 Oku yalagaza omwaka gw'olukogo lwa Nnahamwirhu.
\p
\v 20 Kandi, anacibunga ecitabu, acihereza omukozi, n'oku dahala. Abali om'ishengero boshi bamu seza kw'amasu.
\v 21 Lero arhondera ababwira: ene ogu mwanzi gw'amandiko, ogu muyunvirhe, guhikirire.
\p
\v 22 Boshi bakagimuhamiriza; basomerwa n'emyanzi y'olukogo yakagi rhenga omu kanwa kage, n'oku derha mpu: karhali mugala wa Yosefu?
\p
\v 23 Yezu ababwira: buzira karhinda mwayishi kanjirira ogu mugani: we mufumu cibuke wene; na kandi mwa yishi kambwira: jiriraga hano, omu cihugo cawe, bilya byoshi rhwayunvirhe wakagi jira e kapernaumu.
\v 24 Cikwone ayushula erhi, mubwizire okunali, nta mulebi bayankirira bwinja omu cihugo cage.
\v 25 Mubwizire okunali: hâli bakana nkana banji omu Izraeli omu mango ga Eliya, amango empingu yayigalagwa myak'isharhu na miezi ndarhu hanaba ecizombo om'wigulu lyoshi;
\v 26 Nago mango Eliya arha rhumiragwa ciru n'omuguma wabo; nkaba emwa mukazi muguma wa mukana, we Esarepta, omu cihugo ce Sidoni.
\v 27 Yali nab'ebibenzi banji omw'Izraeli omu kasanzi ka Elize, mulebi; n'omwako kasanzi ntaye wanka fumire, nkaba arhali Naamani we Siriya.
\v 28 Abali omu cishagala boshi omutula gwana bagwarha, erhi bayunva ebyo byoshi.
\v 29 Banaciyimuka, banacimuhinva omu lugo lunene, n'okumuheka kuhika okw'irhwerhwely'entondo kw'olo lugo lunene lwali yubakirwe, buzinda bamubulundulire idako.
\v 30 Cikwone Yezu, anacigera e kagarhi kabo, acigendera.
\p
\v 31 Anacihonokera e Kapernaumu, lugo lunene lw'e Galilaya, anayigiriza, olusiku lwa sabato.
\v 32 Basomerwa n'obworhere bwage; bulya akagi derha n'oburhwali.
\v 33 Anacibonekana omw'ishengero omuntu waligwerhwe n'omuzimu mubi, n'oku ka hamagaza n'izu linene:
\v 34 Ah bici rhufaninwe, Yezu w'e Nazareti? Ka wayishire mpu orhuheze. Manyire wendi: muka gwa Nnamahanga.
\p
\v 35 Yezu amushoholera, aderha: hulika, rheng'omoyo muntu. N'oyo muzimu amukweba aha karhi kw'olubaga n'okurhenga muliye, buzira okumujira ciru n'okubi.
\p
\v 36 Boshi basomerwa, n'oku bwirana bone na nene: mwanzi muhyugo? Ali arhegeka n'oburhwali n'obuhashe oku bazimu babi, bana rhenga.
\v 37 N'irenge lyage lya yalagala omu cihugo coshi.
\p
\v 38 Omu kurhenga omw'ishengero, anacija omu nyumpa ya Simoni aligwerhe n'ishushirwa, bamuhuna oku bunguke bwage.
\v 39 Amuja ho anacishoholera lir'ishushira, n'ishushira lya murhenga ko. Ho naho anaimuka abarhabala.
\p
\v 40 Enyuma z'oku zikirira kwizuba, balya boshi baligwerhe abalwala baligwerhe n'endwala za ngasi lubero baka mulerhera bo. Akaheba ngasi muguma kwa maboko, n'oku bafumya.
\v 41 Abazimu nabo bakarhenga omu bantu n'okuyakuza n'oku derha: oli mwene Nnamahanaga. Cikwone akabashokolera arhalonzagya bakaderha. Bulya bali manyire oku ali kristu.
\p
\v 42 Erhi olusiku luhika, arhenga aja ahantu haguma h'irungu, olubaga lwa bantu lwanacija lwamulonza, n'okuhika ahali, balilonzize bamugwarhe, mpu aleke okucigenda.
\v 43 Cikwone anacibabwira: mpu bimpunyire manyise eyindi mirhundu omwanzi gw'akalembe gw'obwami bwa Nnamahanga; bulya ebyo byo narhumiragwa.
\p
\v 44 Anakagi yigiriza omu mashengero g'Egalilaya.
\c 5
\cl Cigabi 5
\p
\v 1 Nkoku Yezu ali oku burhambi bw'enyanja ye Genesareti, na nk'okulubaga lwakagi muzunguluka mpu luyunve omwanzi gwa Nnamahanga,
\v 2 Anacibona oku burhambi bw'enyanja marho gabiri, omwo abadubi bakagi honoka n'okushuka orhweshe rhwabo.
\v 3 Ashona omu bwarho buguma, omubwa Simoni, n'oku bahuna mpu bashegere hitya hyaho bali. Buzinda adahala, n'omw'obw'obwarho ajaga ayigiriza olubaga.
\v 4 Erhy'aleka oku derha, abwira Simoni: oshegere omwaga mishi, na mukwebe endobo zinyu mulobe.
\p
\v 5 Simoni amushuza: mpu mwalimu, rhwakozire obudufu buzira okugwarha bici; cikwone, kugerera akanwa kawe, nakweba olulobo.
\v 6 Erhi bama kweba, bagwarha nsamaki nyinji, n'akeshe kabo kakunja.
\v 7 Bana cimanyisa abira babo bali ahaburhambi bwabo omu bwarho mpu bayishe baba rhabale. Bayisha babumba ago marho gombi, hofi hakubazamya.
\v 8 Erhi abon' ebyo, Simoni Petro ahirima aha madwi ga Yesu, n'okuderha: ntenga ho, bulya ndi muntu wabyaha.
\v 9 Bulya ali somirwe, yene na balya boshi bali haguma naye, bulya badubire kulushisa.
\v 10 Ali hagumana Yakobo na Yohana, mwene Zebedayo, bali shwekine na Simoni. Ntyo Yezu abwira Simoni: orhayobohe; kurhondera buno okola waba mudubi wa bantu.
\v 11 N'enyuma ly'okuheba amarho eburhambi, basiga byoshi, n'okumushimba.
\p
\v 12 Yesu ali omu murhundu muguma; n'okulaba, muntu muguma aligwerhwe n'ebibenzi, anacimubona, ahirima emalanga gage, anamuhuna mpu: Nnahamwirhu, nkaba bikusimisize, wananfumya.
\p
\v 13 Yezu amuheba kw'amaboko, amu humako, n'okuderha: nkulonzize, fuma. Honaho ebibenzi byanarhenga.
\p
\v 14 Amurhegeka mpw'arhabwiraga ciru n'omuntu muguma. Cikwone, amubwira, gendaga ojichiyerekana abadahwa, n'okurhula kw'obucèse nk'oku Musa ayandikaga, ly'ebyo bimu hamiriza.
\v 15 Obwalagale bwage bwayunjula ngasi mango, n'olubaga lw'abantu banji bakaishi muyunvirhiza n'okufumisibwa amalwala gabo.
\v 16 Nayé, anacija omw'irungu, n'okuhuna.
\p
\v 17 Lusiku luguma Yezu akagi yigiriza. Abafarisayo n'abandisi b'irhegeko bahali batamire, barhengaga omu nciga zoshi z'omu Galilaya, z'Eyudeya n'ezomu Yerusalemu; n'obuhashe bwa Nnahamwirhu bwana cibonekana omukufumisibwa.
\v 18 N'omukubona, abantu, bali berhwire oku ncingo omuntu wali hozire, bali lonzize okumu dahya n'oku muheba embere zage.
\v 19 Omukuba barhali manyire aha bamugereza, ju y'obwinji bw'olubaga, bashona oku burhungiri, n'oku murhoza omu murhule, haguma n'encingo yage, omu kagarhi k'olubaga, embere za Yezu,
\v 20 Omukubona obwemere bwage, Yezu aderha mpu: mulume, ebyaha byawe bibabalirwe.
\p
\v 21 Abandisi n'abafarisayo banacikarha n'okuderha mpu: yendigyuyu wani, wankajira ebirinkebi? Wanka babalira ebyaha, orhali Nnamahanga yene?
\p
\v 22 Yezu amanya entanya zabo, arhondera ababwira erhi ntanya nci mugwerhe mwarhanya omu mirhima yinyu?
\v 23 Lihigi lili lilembu, okuderha: ebyaha byawe bibabalirwe, erhi okuderha mpu: yimûka, ona gende?
\v 24 Ci, lyomumanya oku mwen'omuntu ali omw'igulu n'obuhashe bw'okubabalira ebyaha: nkorhegesire, abwira owali hozire, yimuka, rhola encingo yawe, ogende omumwawe.
\v 25 Honaho, ayimuka emalanga gage, arhola encingo ali gweshire kwo, anacigendera emwage, akuza Nnahamwirhu.
\p
\v 26 Boshi basomerwa, bakuza Nnamahanga; bayunjula ecoa, bakaderha mpu: rhwabwine ene eby'okusomeza.
\p
\v 27 Enyuma z'ebyo, Yezu ahuluka, abona muvurhisa muguma, aderhwa Lawi, adahire ahokulyugiza. Amu bwira mpu: nshimba.
\v 28 Aleka byoshi, ayimuka, n'okumushimba.
\p
\v 29 Lawi amujirira idinye lihamu omu mwage, n'olubaga lwinji n'abandi bantu bakagilya haguma nabo.
\v 30 Abafarisayo n'abandishi bakaciduduma, n'oku bwira entumwa mpu: bulya gurhi muli mwalya n'oku nywa haguma n'olubaga n'abantu babi?
\p
\v 31 Yezu, arhola akanwa aderha, ababwira mpu: arhali abakaba bali binja bobakalonza omunganga, cikwone balwala.
\v 32 Ntayishagi hamagala abali bokuli mpu bahungame, cikwone balya be byaha.
\p
\v 33 Bana cimubwira mpu: ntumwa za Yohana, nka bafarisayo, banaka cishalisa n'okuhuna, cikwoki wehe abawe bali balya n'okunywa.
\p
\v 34 Abashuza mpu: kamwana bwira abira b'omuhya mpu bacishalise n'omuhya mulume aliomumwe?
\v 35 Ensiku zayisha ezi omuhya ayishi kulwa, aho bayishi kaci shalisa omw'ezo nsiku.
\v 36 Ababwira nabo omu migani mpu: ntaye wanka bera omushangi muhyahya kw'eciraga mpu acihangire oku mushangi; bulya, abezire omushangi muhyahya, n'eciraga anarholaga cirharhengaga oku châmira.
\v 37 Nanta muntu wakaheba amanvu marho omu manvu makulu, kandi, amanvu marho gahindamule agabo, ganaba lûgeke, n'agandi gana haribike;
\v 38 cikwone bihunyire okuheba e divai mpyahya omu yabo mpyahya.
\v 39 Nanta muntu, enyuma z'okunywa amanvu makulu, orhaka sima amarho, bulya adesire mpu: amakulu gali minja.
\c 6
\cl Cigabi 6
\p
\v 1 Hana cihika, olusiku lwe sabato luderhwa lushimbulira olu rhanzi, lyo Yezu ajaga agera omu mashwa ge ngano. Entumwa zage zavuna emishugi n'okulya, enyuma z'okuikanda omu maboko gabo.
\v 2 Bafarisayo baguma bababwira erhi: bulya gurhi mw'aja jira ebihanzibwe okujirwa olw'esabato?
\p
\v 3 Yezu abashuza mpu: ka murhasangi soma ebya jijirwe na Daudi, amango alishalisire, ye nabalya bali boshi naye;
\v 4 Kurhi akagi daha omu nyumpa ya Nnamahanga, arhola emikati yali rheganyizibwe, ayirya, n'okuyiha balya boshi bali naye, birhali rheganyibwe okw'abagula banayirya?
\v 5 Ababwira erhi: mwen'omuntu ye mwalimu w'esabato.
\p
\v 6 Hacihika, hacihika olundi lusikulw'esabato, lyo Yezu ajaga omw'ishengero, n'oku yigiriza. Mwabonekana omuntu waligwerhe okuboko kw'ekulyo kuyumire.
\v 7 Abandisi n'abafarisayo bakagi lola Yezu, mpu balole erhi ajira ebisomerine by'okufumya olusiku lw'esabato: kwali mpu bagwarhe irhondero ly'okumushweka.
\v 8 Cikwone alimanyire entanya zabo, abwira olya muntu waligwerhe okuboko kuyumire mpu: yimuka, oyimange hala omukarhi. Ayimuka, n'okuyimanga.
\v 9 Na Yezu aderh'erhi: mudosize nkaba bishinganine, olusiku lw'esabato, okujira aminja erhi okujira amabi, okuciza omuntu erhi okumuniga.
\v 10 Aho, ageza amasu gage omu bo, abwira olya muntu: lambula okuboko kwawe. Akujira, n'okuboko kw'afuma.
\v 11 Boshi bayunjula burhe, n'okuka cidosa gurhi bajira Yezu.
\p
\v 12 Omwako kasanzi, Yezu aja omuntondo aji huna, anageza obudufu bwoshi aly'ahuna Nnamahanga.
\v 13 Erhi buca, ahamagala entumwa zage, anacishoga ikumi na babiri, bo ahag'izino ly'entumwa:
\v 14 Simoni, yakagi derha Petro; Andrea, mulumuna; Yakobo; Yohana; Filipo; Batolomayo;
\v 15 Matayo; Tomaso; Yakobo, mwene Alfayo; Simoni, aderhwa Zelote;
\v 16 Yuda, mwene Yakobo; na Yuda Iscariote, ye waliaba munizi.
\v 17 Ahona haguma nabo, n'okuhika ahantu, naho hali olubaga lw'entumwa n'obwinji bw'olubaga lwoshi lwomu Yudea, b'omu Yerusalemu, n'abomu nciga ze Tyri n'Esidoni. Bali yishire mpu bamu yunvirhize, n'oku fumisibwa endwala zabo.
\v 18 Abali gwerhwe nabazimu bafuma.
\v 19 N'olubaga lwoshi lw'alonza oku muhuma ko, bulya emisi yakagi murhenga mo n'oku ba fumya boshi.
\p
\v 20 Ntyo Yezu, asinza oku ntumwa zage, aderha: iragi emwinyu mwe muli bakenyi, bulya obwami bwa Nnamahanga buli bwabo!
\q
\v 21 Iragi emwinyu mwe mushalisire buno, bulya mwayishi yigusibwa! Iragi emwinyu mwe muli mwalaka buno, bulya mwayishiba omu bushagaluke!
\q
\v 22 Iragi emwaba, amango mwayishi gaywa n'abantu, hanomuka hinvwa, mwa libuzibwa, n'oku kweba izino lyawe nkalirha shinganini, aha nyanya lya mwene muntu!
\p
\v 23 Musimisanye mwene na mwene muna rhulirizanye oku bwirhonzi, bulya oluhembo lwinyu lwaba luhamu empingu; bulya ntyo ko b'ishe bakagi jira abalebi.
\q
\v 24 Cikwone, obuhanya emwinyu, abagale, bulya mugwerhe obwinyu burhulirize!
\q
\v 25 Obuhanya emwinyu mwe muyigusire, bulya mwashalika! Obuhanya emwinyu mwe muli mwa sheka buno, bulya mwayishiba omu ciriyo n'omu mirenge!
\q
\v 26 Buhanya, amango abantu boshibaku derherera aminja, bulya ntyo kobîshe bakagi jira emw'abalebi babi!
\p
\v 27 Cikwone namubwizire, emwinyu mwe muli mwanyunva: musime abashombanyi binyu, mujirire abamugaya aminja,
\v 28 Mugisha abamu heherera, muhunire balya baka murhindibuza.
\v 29 Nk'omuntu akakushurha irhama, omuhe n'elindi nalyo. Nk'omuntu akarhola ikoti lyawe, orha murhangaga okurhola kandi embataro yawe.
\v 30 Ohe olya yeshi okuhuna, orhana hunaga ebinja bâkudwirhe.
\v 31 Ebi wankasima abantu bakujirire, nawe obajirire byo nebyo.
\v 32 Nka mwakasima abamusima, bulonze buci mwamanya? Abe byaha nabo banakasima ababasima.
\v 33 Nka mwakaka jirira abamujirira aminja, bulonze buci mwamanya? Na banabyaha nabo banakajira ntyo.
\v 34 Nanka mwaka kalangalira balya bamulangaliza, bunguke buci mwabanabo? Banabyaha nabo bakarhenga emw'abajira ebyaha, lyo bayankirirwa nka ntyo.
\v 35 Cikwone musime abashombanyi, mujire aminja, muhane buzir'oku langalira. N'oluhembo lwinyu lwaba luhamu, namwaba bene owenyanya, bulya aba mwinja okubantavuga monkwa n'oku bakali.
\v 36 Mube mube baku babalira, nkoku shô winyuaba waku babalira.
\v 37 Murha twaga olubanja, ninyu murhayishi lutwirwa; murha shwekanaga ninyu murhayishi shwekesibwa; mulikule, ninyu mwayishi likulirwa.
\v 38 Muhane, ninyu muhabwe: bamu hebera omu kabehe lugero lwinja, kafundire, kagukumule n'akajamwangika; bulya bamupimira omu cipimo cirya mukapimira mwo.
\p
\v 39 Aba bwira kandi ogu mugani: k'omuhurha gwanaheka omuhurha? Ka barhanka rhogera bombi omu mwina muguma?
\v 40 Omwigirizibwa arhankaba enyanya ly'omwigiriza wage.
\v 41 Bulya gurhi mubona omwasi oli omwisu lya mwene winyu, curhabona enduluma eli omw'isu lyawe?
\v 42 Erhi gurhi wankabwira mwene winyu: mwene wirhu, oleke nkukule omwasi oli omw'isu, w'orhali wabona enduluma eli omw'isu lyawe? Okule burhangiriza enduluma omw'isu lyawe, n; aho wahasha wabona gurhi wakulaomwasi oli omw'isu lya mwene winyu
\v 43 Arhali omurhi mwinja goguba kwo amalehe mabi, arhanali omurhi mubi gwo guba kw'amalehe mabi, arhanali omurhi mubi gwo guba kwamalehe minja.
\v 44 Bulya ngasi murhi gunaka cimanya oku malehe gagwo. Bulya orhanka sarhula etini omu mishugi, n'omu kusongerwa arhankayimbula emizabibu.
\v 45 Omuntu mwinja anaka yankirira ebintu binja by'ecishingi c'omurhima gwage, n'omukali anaka yankirira ebibi by'omu cishingo c'obubi bwage, bulya omu burhulirire bw'omurhima mwo akanwa kaderhera.
\p
\v 46 Bulya gurhi muka mpamagala Nnahamwirhu, Nnahamwirhu! Murhanajira ebi mubwizire?
\v 47 Nayishi muyereka indi akashusha omuntu waj'emwani, akayunva emyanzi yani n'oku yishimbulira.
\v 48 Ashushanibwa n'omuntu wayubakaga enyumpa, ahumba, bwenene, n'omusingi agudahaza oku mabuye. Ecihuso cayisha, n'olugungu lwaka shurha eyo nyumpa, buzira okudundagana, bulya yali nyubake bwinja.
\v 49 Cikwone oly'okayunva, arhana bishimba, ashushanyibwe n'omuntu wayubakaga enyumpa yage okw'idaho, buzira ciriba. Olugungu lwakacikweba oku yo: Ho naho yahirima, n'obuhezi bw'eyo nyumpa bwali bwinji.
\c 7
\cl Cigabi 7
\p
\v 1 Erhi amalira emyanzi yage embere ly'olubaga lwakagi yiyunvirhiza, Yezu adaha omu Capernaumu.
\p
\v 2 Mukozi muguma aligwerhe omurhumisi ali acikubagira bwenene, anali lwazire, hofi hakufa.
\v 3 Ayunva baderha ogwa Yezu, amurhumira bashosi baguma bayahudi mpu baji musengerera ayishe afumye omu rhumisi wage.
\v 4 Nabo erhi bahika hofi na Yezu, bamu yinginga bwenene, baderha: ashingsnine oku jirirwa ebyo;
\v 5 Bulya asimire ishanja lirhu, naye ye warhuyubakiraga ishengero.
\p
\v 6 Yezu, anacigenda haguma nabo, ciru erhyaba akol'ali hofi n'enyumpa, erhi omukozi arhuma abira bage mpu bamubwire: Nnahamwirhu, orha cilibuzagya kulusha, bulya ntashinganyiri mpu oje omu mwani.
\v 7 Nakandi muly'uko ntaciyemeraga okuja nyene emunda oli. C'oderhe cinwa ciguma, omurhumisi wani afuma.
\v 8 Bulya, nye nahizirwe edako ly'oburhegesi, ngwerhe abasirika edako lyoburhegesi bwani; nambwire muguma: genda! Anagende; n'owindi: y'isha! Anyishe; n'emwomurhumisi: wani jir'ebyo! Anabijire.
\p
\v 9 Erhi Yezu ayunva eyo myanzi, arhangala noyo murhumisi, anahindamukira olubaga lwali mushimbire, aderha: Mmubwizire, ciru e Izraeli ntabonaga obwemere bunene nk'obwo.
\v 10 Omu kugaluka eka, abali rhumirwe n'oyo musirika mukulu, barhingana anafumire omurhumisi wali lwazire.
\p
\v 11 Olusiku lwalishimbulire, Yezu aja omu murhundu guderhwa Naine; abigirizibwa bage n'olubazgaz lwinji lwali mushimbulire.
\v 12 N'erhi akola ayegerire hofi n'omuhango gwo murhundu, lola, balidekerezize ofire okwidaho, mwana muguma wa nnina, ali mukana; hanali bantu banji haguma naye bo mwogo murhundu.
\v 13 Nnahamwirhu, amubona, amuyunvirhir'obonjo, anamubwira: Orha cilake!
\v 14 Ayegera, ahuma okw'isanduku. Abali mudwirhe bayimanga. Aderha: Mwana rhabana, nkubwizire yimuka!
\v 15 Oyo walifire anatamala, anarhondera aderha. Yezu amushubiriza nnina.
\p
\v 16 Boshi bagwarhwa n'ecoba banakuza Nnamahanga, baderha: Omulebi mukulu anaishire mulirhwe. Na Nnamahanga anarhangwire olubaga lwage.
\v 17 Ogwo mwanzi kuli Yezu gwalumira omu buyahudi mwoshi n'omu cindi cihugo cali kulikire.
\p
\v 18 Yohana alimanyire ebyo byoshi n'abigirizibwa bage.
\v 19 Ahamagala babiri, abarhuma emunda Yezu ali, bamubwire: Oli olya wayisha. Erhi rhulinde owindi?
\p
\v 20 Erhi bahika aha Yezu ali, bamubwira: Yohana mubatizaji arhurhumire emund'oli, mpu rhukudose: Nkaba oli olya wayisha, erhi rhulinde owindi?
\p
\v 21 Omwako kasangi ko nanene Yezu afumya bantu banji bali lwazire, n'emishibo, n'abazimu babi n'emihurha minji yahasha okubona.
\v 22 Anacibashuza: Mugende mubwire Yohane ebi mwabwine n'ebi mwayunvirhe: Emihurha eli yabona, n'ebirema biribyagenda, ab'ebibenzi bacesibwe na barhayunva bali bayunva, bali bayigirizibwa emyanzi ya kalembe.
\v 23 Alimugishe olya kuliye ntaba bulyo bwabu kunizi!
\p
\v 24 Erhi abarhumisi ba Yohane bagenda, Yezu arhondera abwira olubaga, oku myanzi ya Yohana: Bici mwalijire lola omw'irungu? Amashekesheke gali ga dundwa n'empusi?
\v 25 Cikoki, bici mwali genziri lola? Omuntu muguma wali yambirhe emishangi minja? Mulole abayambala emishangi minja n'abalamire omu murhula, bali omu nyumpa z'abami.
\v 26 Bici mwalijiri lola? Omulebi? Neci, namubwizire, na kulusha omulebi.
\v 27 Ye yolya wayandikiragwa ebyo: Lola, ntumire omwigiriziza wani emalanga gawe, ly'arheganya enjira zawe emalana gawe.
\v 28 Mmubwizire, omwa balya boshi babusirwe n'abakazi, ntaye yeshi oli mukulu kulusha Yohana. Mulyukwo, ocirhohize omubwami bwa Nnamahanga akuzibwa kumulusha.
\v 29 Na ngasi lubaga lwamuyunvirhe ciru n'abavurhisa bayemire Nnamahanga bana batizibwa obubatizo bwa Yohana.
\v 30 Cikoki abafarisayo n'abigiriza b'irhegekoomukurha yemera babatizibwe naye, bahindwire okuba busha obulonza bwa Nnamuzinda oluhande lwabo.
\v 31 Oku bicigi naba shishanya, aba bantu b'eli burha, nabo ndigi bashushire?
\v 32 Bashushire abana batamire omu cibuye, n'okuka, hamagala bone nanene baderha: rhwaba shurhire enfirimbi murhana samaga, rhwabayimbire murhanaco yamaga.
\v 33 Bulya Yohana mubatiza ayishire, arhakagi lya mugati arhanakagi nywa idivai, na munaderhe mpu: ali mwo muzimu.
\v 34 Omwana w'omuntu ayishire, kulya n'okunywa, ninyu mwaderha: ali namulya na namunywa, mwira wabavurhisa nab'akalamu kabi.
\v 35 Cikwoki obushinganyanya bw'obumanye oku bana bage boshi.
\p
\v 36 Muguma w'abafarisayo alalika Yezu mpu ajilya haguma naye. Yezu adaha omunyumpa y'omufarisayo, anaja oku meza.
\v 37 Alaga, mukazi muguma ali munyabyaha w'omwogwo murhundu, erhyamanya oku analire omunyumpa yoyo mufarisayo alerha enjebe ya mavurha g'ibaya,
\v 38 Ayimanga enyuma, aha magulu ga Yezu, akalaka; arhondera amulobya amagulu n'emilenge yage, buzinda anarhondera amuhorhola n'enviri zage, n'okumu nyunyugurha, anamushiga galya mavurha gibaya.
\v 39 Olya mufarisayo wali muhamagire, erhi abona ntyo, acibwira yene: Nkoyu muntu anali mulebi, anali amanya ali mukazi muci oyu oli wamuhumakwo, anali amanya oku ali munyabyaha.
\p
\v 40 Yezu ashubiriza akanwa, aderha, Simoni, ngwerhe oku nali nakubwira. -Mwigiriza, derha, shuzagya.
\p
\v 41 Muhozanya muguma ali gwerhe bantu babiri b'okuhoza: muguma ali mugwerhe mwenda gwa magana garhanu gw'idinari, n'owindi makumi garhanu.
\v 42 Nkwoko barhali gwerhe ebi bamu lyula, aba babalira bombi okw'erya myenda. Ohi wamusimire bwenene?
\p
\v 43 Simoni ashuza: Ntanyize okuyo wali gwerhe omwenda munene. Yezu amubwira: odesire bwinja.
\v 44 Kandi, ahindamukira omukazi, abwira Simoni: K'obwine oyu mukazi? Najire omu nyumpa yawe orhampire amishi na kalaba amagulu gani; cikoki ye, anagalobize oku milenge yage, n'okugahorhola n'enviri zage.
\v 45 Orhaco nyunyugusire, cikwoki ye, kurhenga nanadahaga arhacihusa oku nyunyugurha amagulu.
\v 46 Orha mbulagîre amavurha okw'irhwe lyani; cikwoki ye, anambulagire amavurha g'ibaya oku magulu gani.
\v 47 Co cirhumire, nkubwizire kwo, ebyaha byage binji bikola bibabalirwe. Bulya asimire bwenene. Ci olya babalira hitya asima hitya.
\v 48 Anacibwira omukazi: Ebyaha byawe byababalirwe.
\p
\v 49 Abalikwo balya boshi bakaci barhangurha bacimwirha bone erhi: yendyuyu, wababalira ciru n'ebyaha?
\p
\v 50 Ci kwoki Yezu abwira oyo mukazi: Obwemere bwawe bukucizize, genda n'omurhula.
\c 8
\cl Cigabi 8
\p
\v 1 Nakandi, Yezu agenda aja gera murhundu oku murhundu na cishagala oku cishagala, aj'ayigiriza n'okuderha emyanzi minja y'obwami bwa Nnamahanga.
\v 2 Ikumi na babiri lyali haguma naye n'abakazi baguma bafumaga abazimu babi n'endwala: Mariya, yederhagwa Magdalena, ye warhenganga mwo bazimu nda,
\v 3 Jane, muka chuza, murhambo wa Herodi, Suzana, na bandi banji, bakagi barhabala oku birugu byabo.
\p
\v 4 Lubaga lwinji lwakagi rhiganana, na balya barhengaga omu bishagala bya hofi naye. Aba bwira ogu muganimwo:
\v 5 Murhwezi muguma anagenda aji rhwera emburho yage nkoku anarhweraga, mburho nguma zarhogera hofi n'enjira: zalabarhwa n'amagulu, n'orhunyunyi rhw'emalunga rhwazilya.
\v 6 Ezindi mburho zarhogera omu lukarabuye: erhi zimera, zayuma, bulya zirhali gwerhe mishi.
\v 7 Ezindi zarhogera omukarhi k'emishugi: Emishugi yamera haguma nazo yazi hehemeza.
\v 8 Ezindi zarhogera omwidaho linja: erhi zimera zaleheka ngasi nguma igana. Erhi aba akola ali aderha, Yezu aderha okw'izu linene: Ogwerhe amarhwiri g'okuyunva ayunve!
\p
\v 9 Abaganda bage bamudosa gurhi gudesire ogwo mugani.
\v 10 Abashuza: Mwahabirwe okumanya ebisomerine by'obwami bwa Nnamahanga; cikoki okubandi, ebyo byadesirwe oku migani, nkomukubona barhabwini ciru, nkabayunvirhe barhana yunvirhi bici.
\v 11 Alaga oku gudesire ogwo mugani: Emburho guli mwanzi gwa Nnamahanga.
\v 12 Balya bali hofi n'enjira, bo bakayunva; buzinda lyangombe anayishe anakule gulya mwanzi omu mirhima yabo mpu lyo barhaki yemera n'oku cira.
\v 13 Na balya bali omu lukalabuye, bo balya, erhi bayunv'omwanzi, bana guyankirire n'obushagaluke; cikoki barhagwerhi mizi, banaka yemera oku kasanzi kasungunu. N'okuci berula omu kasangi k'amarhangulo.
\v 14 Nazilya zarhogire omu mishugi, bo balya, bayunvirhe omwanzi, n'okugenda, banagulekerere gwabandwa n'enyifinjo, n'obugale, n'amagene g'akalamu, ntyo zirhacileheka malehe kakuzire.
\v 15 Ezarhogire omwidaho linja, bo balya bayunvirhe omwanzi n'omurhima mwinja gwo bwirhonzi, baguseze, banahane emburho oku bushibirizi.
\p
\v 16 Ntaye, wakaba wayasize akamole, akabwike omushangi, erhi akahebe idako ly'enchingo; cikwoki anaguhebe oku gumanikwe enyanya ly'abadaha baja babona obulangashane.
\v 17 Bulya ntabyo bifulike birhankahashi fululwa, ntaly'ihwe lirhanka manyikana kalengerere.
\v 18 Mucilange nkoku mwayunvirhe bulya bayishikaha abagwerhe, cikwoki orhagwerhi bayishi munyaga ciru n'ehyankarhanya mbw'agwerhe.
\p
\v 19 Nnina na balumuna ba Yezu bagenda mpu bamubone, cikwoki barhamushahaga barhamuhikaga kwo, erhi ngabo zirhuma.
\v 20 Bamubwira: Nyoko na balumuna bawe bali aha mbuga, banali cifinjire okukubona.
\v 21 Cikwoki ashuza: Nyama n'abalumuna bani, bo balya bakayunva omwanzi gwa Nnamahanga n'okugu kenga.
\p
\v 22 Lusiku luguma, Yezu ashona omu bwarho haguma n'entumwa zage. Ababwira: Rhugere olundi lushiriza lw'enyanja: Banagenda.
\v 23 Nabo erhi baba bakola baja genda, Yezu ahunira. Akalaba kazuka omu nyanja, obwarho bwayunjula mishi, balikola barhereka.
\v 24 Bamuyegera banamuzusa, n'okuderha: Mwalimu, mwalimu, rhwamahera! Azuka, akalihir'empusi n'akalaba, byahulika n'omurhula gwayisha.
\v 25 Kandi ababwira: Obwemere bwinyu ngahi buli? Bagwarha n'oboba bwinji bana somerwa, babwirana bone na bone: yendyuyu wani, owarhegeka ciru n'empusi n'amishi byamana mukenga?
\p
\v 26 Bahika omu cihugo ce gerasi, ciri ahishiriza ly'e galilaya.
\v 27 Erhi Yezu ahonoka okwidaho, abona omuntu womweco cihugo, wali mw'abazimu banji. Kurhenga mira arhayambalaga mishangi. Na kandi arhali alamire omu mwage, cikwoki omu byusho.
\v 28 Erhi abona Yezu, ayakuza, acikweba oku magulu gage, aderha okwizu linene bici rhwembi, Yezu, Mwana wa Nnamahanga oli enyanya? Nkuyingizire, orhandibuze.
\v 29 Bulya Yezu arhegeka abazimu babi barhenga kw'oyo muntu, olya wali mushweke kurhenga mira; bakagi mulanga n'oku mushweka n'obudagule omu bisé, akatwa bilya byali mushwesire, anali herhwe n'omuzimu omw'irungu.
\p
\v 30 Yezu amudosa: Izino lyawe wendi? Ligioni, ashuza. Bulya bazimu banji bamulimwo.
\v 31 Bana muyinginga bwenene Yezu mpu arhabarhegeke okuja omu busherere.
\v 32 Hali aho, omu ntondo, obuso bwinji bwa ngulube bwali yabukire ho. Abazimu bayinginga Yezu mpu abarhereke baje omwezo ngulube. Abayemerera.
\v 33 Abazimu barhenga omw'oyo muntu, baja omwezilya ngulube, ehyo hirhumbi hya shandabana oku mala zaja omu nyanja, za cizika.
\v 34 Abali ziyabwire, erhi babona ebyanana hikirira, bayaka, bayalagaza emyanzi omu murhundu n'omu bishagala.
\v 35 Abantu bagenda bajilola bici byabire. Bahika hofi na Yezu, banashimana omuntu warhengaga mwo abazimu, atamire aha magulu gage, anayambirhe, agwerhe n'obwenge bwinja; bayoboha.
\v 36 Ababwine oku byabire bababwira gurh oyo muntu w'abazimu anafumire mwo.
\v 37 Abantu boshi b'omu cihugo c'abagarasi bahuna Yezu mpu arhenge hofi nabo, bulya baliyunjwire bwoba. Yezu asoka omu bwarho, acigalukira.
\p
\v 38 Omuntu warhengagwa mw'abazimu amuhun'oluma mpu abere bonaye. Cikwoki Yezu amulahira, amubwira:
\v 39 Galuka emwinyu ogendi ganira ebyoshi Nnamahanga akujirire. Anacigenda, ayalagaza omulugo lwoshi ebi Yezu amujirire.
\p
\v 40 Omu kugaluka gwage, Yezu ayankirirwa n'olubaga, bulya lwoshi lwakagi mulindirira.
\v 41 Mulolage, hayisha muntu muguma, waderhagwa Yairo, ali murhambo w'esinagogi. Acikuba oku magulu gage, anamuyinginga mpu adahe omu nyumpa yage,
\v 42 Bulya aligwerhe mwananyere muguma yene wa miaka ikumi n'ibiri afa. Erhi Yezu akola aja yo, olubaga lwinji lwamu gorha.
\p
\v 43 N'obu, hali mukazi muguma waligwerhwe n'omududu lugero lwa miaka ikumi n'ibiri, anali erhi ahezize ebirugu byage byoshi oku bafumu, na ntaye wamubusire.
\v 44 Anacij'amuyisha enyuma, ahuma oku cishumire c'omushangi gwa Yezu. Hona halya okurhenga kw'omuko kwanahwa.
\v 45 Na Yezu aderha: Indi wampumire kwo? Nkokwo boshi bacigukumwiré, Petero n'aba bali boshi bamubwira: Mwalimu, olubaga lukuzungulusire n'okukutuza, wana gali derha mpu: Indi ompumire kwo?
\p
\v 46 Cikwoki Yezu ashuza: Hali owampumire kwo, bulya nayunvirhe oku emisi yarhenzire okunye.
\v 47 Nnamukazi, erhi abona oku bamubwine, ayisha ajuguma acikweba aha magulu gage, amubwira n'obwalagale embere ly'olubaga bici byarhumire amuhuma kwo, na gurhi anafumire honaho.
\v 48 Yezu amubwira: Munyere wani, obwemere bwawe bukucizize; genda n'omurhula.
\p
\v 49 Nkoku aciri ali aderha, hayisha owemw'omurhambo w'esinagogi muguma aderha: Mwali wawe anafire; orha cimurhindibuze mwalimu.
\p
\v 50 Cikwoki Yezu, erhi ayunva ebyo, abwira omurhambo w'esinagogi: Orhayobohe, oyemere kwone, naye acira.
\v 51 Erhi ahika omu nyumpa, arhaciyemeraga omuntu mpu adahe naye, nkaba arhali Petero, na Yohana na Yakobo, n'ishe na nnina w'omwana.
\v 52 Boshi bakagi laka n'okucirhindibula. Lero Yezu aderha: Murhacilake; arhafiri, cikwoki ahunire.
\v 53 Bamu shoholera, bamanya mpu anafire.
\v 54 Cikwoki amugwarha okuboko, anaderha okw'izu linene: Mwana yimuka.
\v 55 N'omuka gwage gwamushubira mwo, honaho anayimuka; Yezu arhegeka oku bamuhe eby'okulya.
\v 56 Ababusi b'oyo munyere basomerwa, anaci bakomereza mpu barhabwiraga muntu yeshi yeshi ebyabire.
\c 9
\cl Cigabi 9
\p
\v 1 Yezu, anacihamagala balya ikumi na babiri, abaha emisi n'obuhashe oku bazimu boshi, n'obuhashe bw'okufumya endwala.
\v 2 Abarhuma mpu bayigirize obwami bwa Nnamahanga, n'okufumya abalwala.
\v 3 Murharhole bici oku lubalamo, ababwira, ciru agarhi, n'enshoho, ciru n'omugati, ciru n'enfaranga, erhi muguma winyu arhabaga na mishangi ibiri.
\v 4 N'enyumpa yoshi mwankaja mwo mutamale mwo; kuhika murhenge yo.
\v 5 Na nkaba barha muyegerezizi murhenge omwezo nciga, mugukumule ivumbi oku magulu ginyu, libe buhamiriza ahanyanya lyabo.
\v 6 Bagenda, bagera omu ngo n'engo n'okuderha emyanzi mihyahya ngasi hoshi n'okuja fumya.
\p
\v 7 Herodi mwami ayunva baderha ngasi byoshi byagezire, arhanali manyire nka ntanya. Bulya abantu bakagiderha mpu Yohane afusire omu bafu;
\v 8 Abandi, mpu Eliya anabonesire, nabandi, mpu muguma w'abalebi ba mira anafusire.
\v 9 Cikoki Herode aderha: Natwire Yohana; ndigi kwoki uyu, nyunvirhe aderha ebyo? N'owalonzagya okumubona.
\p
\v 10 Entumwa, erhi zigaluka, zabwira Yezu ngasi byoshi zajijire. Abarhola haguma naye, anaciyegula eburhambi, eburhambi ly'enciga ederhwa Betsaida.
\v 11 Olubaga, erhi lumanya, lwamushimba. Yezu abayegereza, anababwira emyanzi y'o bwami bwa Nnamahanga; afumya na balya bagwerhwe ne nyorha yokufumibwa.
\v 12 Nkoku bwalikola bwaja jinga, balya ikumi na babiri bamuyegera, bamubwira: Osengeruke olubaga, lyo luja omungo n'omu bihugo by'eburhambi, lyo bagwishira lyo babona n'ebilyo; bulya hano rhuli muli omw'irungu.
\p
\v 13 Yezu ababwira mubahe mwenene ebyo kulya: Cikwoki bashuza rhugwerhe mikati irhanu yone na nsamaki zibiri, nkaba rhugende rhwene rhuji gulira abantu ebyokulya.
\p
\v 14 N'obu, aligwerhe bantu bihumbi birhanu. Yezu abwira abanafunzi bage: Mubatamaze ngasi cirhumbi makumi arhanu.
\v 15 Bajira ntyo, babatamaza boshi.
\v 16 Yezu arhola eyo migati irhanu n'ezo nsamaki zibirhi, ayinamula amasu empingu, abigisha. Anayibega, anahereza abigirizibwa, buzinda bagabira olubaga lwoshi.
\v 17 Boshi balya bana yigurha, n'ezindi ngega ikumi na zibiri zasigala ziyunjwire mwe bisigaza.
\p
\v 18 Lusiku luguma Yezu anaciba alyahuna aciyegula, ali haguma n'abigirizibwa bage, abadosa er'idoso: Gurhi bali baderha mpu niendi?
\p
\v 19 Bashuza: Yohane mubatiza; n'abandi, Eliya; abandi, mpu muguma w'omu balebi ba mira anafusire.
\p
\v 20 Na ninyu, abadosa, mundesirage ndi? Petero ashuza: we Kristu wa Nnamahanga.
\p
\v 21 Yezu anacibabwira n'obukali oku barhabwiraga muntu yeshi yeshi.
\v 22 Ayushula oku byali muhunyire omwana w'omuntu abone bizibu binji, n'okulahirwa n'abashosi n'abakulu b'abajinji n'abandisi, n'okunigwa, n'okufuka olusiku lw'akasharhu.
\v 23 Kandi ababwira boshi: Omuntu yeshi wakalonza okuyisha emunda ndi, n'okuci lahira yene, n'okuheka omusalaba gwage ngasi lusiku, ananshimbe.
\v 24 Bulya ngasi yeshi walonza okuciza obuzine bwage abuheza, cikwoki owa buheza erhi nye ntuma abuciza.
\v 25 Bici kwa kwanana omuntu okuyim'igulu lyoshi, nkaka ciharibisa erhi aciheze yene?
\v 26 Bulya ngasi yeshi wananyunvize nshonyi ne myanzi yani, omwana w'omuntu ayishi bona enshonyi zage, hano ayisha omu buhashe bwage, n'omu bulya bwishe na ba malaika bacesibwa.
\v 27 Nmubwizire okuli, baguma ba bano bali hano barhaka fâ barhabona obwami bwa Nnamahanga.
\p
\v 28 Hofi nsiku munani enyuma ly'okuderha eyo mianzi, Yezu akagihuna boshi na Petro, Yohana na Yakobo, anashona oku ntondo ajihuna.
\v 29 Erhi ali ahuna, enshusho y'amalanga gage yahindamuka, yaka langashana yaba myeru.
\v 30 Olole, bantu babiri bakagi ganira boshi naye: Hali Musa na Eliya,
\v 31 bo, babonekanaga omu buhashe, baderha emyanzi y'okuja bali baja e Yerusalemu.
\v 32 Petero na balya bali boshi bagwarhwa n'eliro; cikwoki, erhi bazuka, babona obukuze bwa Yezu na balya bantu babiri bali boshi.
\v 33 Ako kasangi abo bantu baci berula na Yezu, Petero amubwira: Mwalimu, bili binja rhube hano; rhujire bibanda bisharhu, ciguma cawe, n'ecindi ca Musa, n'ecindi ca Eliya. Arhamanyaga ebi badesire.
\v 34 Nkoko adesire ntyo, olwikungu lwaloza oku barhumbikira; abanafunzi bagwarhwa n'oboba erhi babona baja omw'olwo lwikungu.
\v 35 N'omwolo lwikungu mwarhenga izu, lyaderha erhi oyu ali mwana wani mulondolwa: mumuyunve.
\v 36 Erhi erizu liri lyayunvikana, Yezu abonekana yene ana. Abanafunzi bahulika, barha bimanyusagya oku muntu yeshi yeshi, okwako kasangi, oku byoshi babwine.
\p
\v 37 Lisirhondo, erhi bahonoka oku ntondo, lubaga lwinji lwarhimanana na Yezu.
\v 38 Mulole, omu karhi k'olubaga mulume muguma ashonya izu lyage aderha: Mwalimu, nku sengire, olole oku mwana, mwana wani muguma yene.
\v 39 Abazimu banamugwarha, naye ayakuza; abazimu bacihola oku misi, na kandi arhondera arhengwa n'ifula, nalyo arhamulikaga erhi mira yeshi amuyogola.
\v 40 Nayingizire abanafunzi bawe mpu babahinve, barhana hashaga.
\p
\v 41 Yezu abashuza aderha, mashi mwimo gurhagwerhi bwemezi, ka hano mba haguma na ninyu mwashi mpasha? Lerhaga eno omwana wawe.
\v 42 Erhi ayegera, abazimu bamukweba okw'idaho, amugeza mw'omusisi. Cikwoki Yezu ahinva abo bazimu babi, afumya omwana, anamugalulir'ishe.
\v 43 Boshi basomerwa erhi babona obukulu bwa Nnamahanga. Erhi boshi baba basomirwe n'ebyo byoshi Yezu akagi jira, abwira abanafunzi bage:
\v 44 Okumwe, muyunve bwinja ebi: Omwana w'omuntu aba ahebirwe omu maboko g'abantu.
\v 45 Cikwoki abanafunzi barhayunvagya akwo kanwa; kali kafulike oku bo, barhaco manye oku kadesire, bakayoboha okumudosa gurhi kudesire.
\p
\v 46 Cikwoki, entanya zabo zayisha oku muka gucesibwe. Kumanya ndi washiba mukulu omu karhi kabo.
\v 47 Yezu, abon'entanya zily'umu mirhima yabo, arhola omwana murho, amuheba hofi naye,
\v 48 Ababwira: Ngasi yeshi wayegereza oyu mwana okw'izino lyani anyegerezize, na ngasi yeshi wanyegereza ayegerezize ciru n'owantumaga, bulya ngasi oli murho omu mwe mweshi, ye yolya oli mukulu.
\p
\v 49 Yohana arhola akanwa, aderha: Mwalimu, rhwabwine omuntu w'ajahinva abazimu okw'izino lyawe; rhwana mulahiza, bulya arharhushimbiri.
\v 50 Yezu abashuza, murha mulahize; bulya orhaciberwiri na ninyu ali na ninyu.
\p
\v 51 Erhi ensiku zage zokurhenga omw'igulu zikola zili hofi, Yezu ahuna obuhashe bw'okugaluka e Yerusalemu.
\v 52 Arhuma abarhumisi bage bamushokolera, baja ciduma omu njira bana daha omu cibanda ce Samariya mpu bamu rheganyize ahantu.
\v 53 Cikwoki barhamuyegerezagya, bulya ali yerekire e Yerusalemu.
\v 54 Entumwa Yakobo na Yohana, babona ebyo, baderha: Nnahamwirhu, k'olonzize rhuhamagale omuliro guhonoke kurhenga empingu guba hererekeze?
\v 55 Yezu abahindamukira, n'okuba manyusa, aderha: Murhamanyiri mirhima mici eri omu mwe eri yabakolesa.
\v 56 Bulya Omwana w'omuntu ayishîre, arhali wakuheza emirhima y'abantu, cikwoki enyanya ly'oku baciza. Banagenda omu lundi lugo.
\p
\v 57 Erhi baba bali omunjira, muntu muguma amubwira: Nnahamwirhu, nakushimba hoshi wanajé.
\p
\v 58 Yezu amushuza: ba cibata bagwerhe enyumpa yabo, n'orhunyunyi rhw'emalunga rhugwerhe enyogo zarho: Cikwoki Omwana w'omuntu arhagwerhi ahantu ankarhamulira irhwe lyage.
\v 59 Abwira owindi: Nshimba. Anashuza: Nnahamwirhu, ompe oluhuma lw'okugenda ntagi jibisha larha.
\p
\v 60 Cikwoki Yezu amubwira: Oleke abafu babishe abafu babo; nawe, ogende oje wa yalagaza obwami bwa Nnamahanga.
\p
\v 61 Owundi aderha: Nakushimba, Nnahamwirhu, cikwoki ompy'oluhuma ntakiyishi sengeruka abomunyumpa yani.
\p
\v 62 Yezu amushuza: ngasi muntu wahebire okuboko kwage oku kuhinga, agali kebagana enyuma, arhashinganini omu bwami bwa Nnamahanga.
\c 10
\cl Cigabi 10
\p
\v 1 Enyuma lyaho Nnamuzinda aciri heba ho baganda makumi galinda, anabarhuma babiri babiri embere zage omu ngasi mirhundu yoshi n'omu ngasi hantu.
\v 2 Ababwira, ebiyimbulwa bili binji, cikwone abakozi bali batya. Hunagi omukulu w'ebiyimbulwa arhume abakozi omu kwage.
\v 3 Gendagi; mulole, mbarhumire nka bana buzi omu karhi k'ensimba.
\v 4 Murhaheke ciru n'omufuku, erhi hi saki, erhi cirato, murhana lamusagya muntu yeshiyeshi omunjira.
\v 5 Na nkasi nyumba yoshiyoshi mwadaha mwo, muderhe burhangiriza: omurhula gube omweyo nyumpa!
\v 6 Mukaba muli omwana w'omurhula, omurhula gwinyu gwana mudekerera kwo, erhi akaba gurhamuli gwamu galukira mwenago.
\v 7 Mubere omweyo nyumpa, mukalya munaka nywa ebi bakamuha; bulya omukozi w'omukolo ashinganine oluhembo. Murhaje nyumpa oku nyumpa.
\v 8 Omungasi murhundu mwanaje, banamuyankirire, munalye ngasi byo bakamulerhera,
\v 9 munafumye abalwala bankaba bahali, munababwirage: Oku obwami bwa Nnamahanga bumushegerire.
\v 10 Cikwone omurhundu mwanaje mwo, barhamuyankirire, munaje omu mashanganjira, muderhe ntya:
\v 11 rhugukumwire ciru n'olutulo ly'omurhundu gwinyu oku nshando z'ebirato birhu; munamanye oku obwami bwa Nnamahanga bwahikirire.
\v 12 Mmumanyisize oku omwezo nsiku sodoma ye waishi bonekana wanyumu kuli ogw'omurhundu.
\v 13 Buhanya emwawe, Korazini! Buhanya emwawe, Betsaida! Bulya, nkebisomeza bya baga ekagarhi ka Tiro na Sidoni, singa mwalesire amâbi, n'okurhola emyambalo mizirhu na yalunvu muyambale.
\v 14 Cocirhumire, olusiku ly'okutwa olubanja, Tiro na Sidoni bayishi babalirwa ku balusha.
\v 15 Na nawe Capernaumu, we walihyagwa kuhika empingini, waishi honolwa kuhika olusiku ly'okufa.
\v 16 Aba banyunve balya nyunva, aba bakabulire nani bankabulire; n'owakabakalira akabulire owantumaga.
\p
\v 17 Owa makumi gali nda anacigaluka n'obushagaluke, aderha: Nnawirhu, ciru n'abazimu banakenge izino lyawe.
\p
\v 18 Yezu anacibabwira ntya: nabwine Lyangombe ahona empingu nka kalome.
\v 19 Lolagi, namuhiré obuhashe bw'okugera oku nyanya z'enjoka n'inge, n'oku ngasi buhashe bw'omushombanyi; nanta byo bya nkabajira ciru n'oluga.
\v 20 Co cirhumire, murhakagi cishwekera haguma n'ebyemisi migalugalu emurhumire kwo; cikwone mucishwekere oku byo amazino ginyu ganyandisirwe omu mpingu.
\p
\v 21 N'omwako kasanzi konene, Yezu anacigwarhwa n'obushagaluke bwa Mûka Ocesibwe, bwa ebifulisirwe bwanya byenge na benye obumanye, n'ebya fululiragwa abana. Neci, Larha, nkuvuzire omunkwa oku byo walonzagya bibe ntya.
\v 22 Ebintu byoshi nabihabagya na Larha, na nta muntu yeshi yeshi oyishi enfula, orhali Larha, ciru n'oli Larha, buzira nfula n'eyo nfula y'elonza oku yinamula.
\v 23 Alaga, anaciyerekera entumwa, anacibabwira bufundafunda: Iragi lya amasu gabona ebi muli mwabona!
\v 24 Bulya mmubwizire balebi banji na bami banji bacifinjire okubona ebi muli mwabona, barhanabibonaga, bayunvé ciru n'ebi muli mwanyunva, barhanabiyunvangya.
\p
\v 25 Mutalamu muguma wa marhegeko anaciyimuka, anacibwira Yezu, lya amuyemeza: Mwigiriza, gurhi najira lyo mba n'obuzine bw'ensiku n'amango?
\p
\v 26 Yezu anacimushuza: Bici bya andisirwe omu marhengeko? Bici wasomire?
\p
\v 27 Anashuza: Osime Nnawirhu, Lulema wawe, oku murhima gwawe gwoshi, nakandalala kawe koshi, n'oku misi yawe yoshi, n'oku ngererezo zawe zoshi, n'omulungu wawe nka wenene.
\p
\v 28 Wamashuza bwinja, Yezu amubwira; ojire ntyo walama.
\v 29 Cikwone yehe, alonza okuci derhera, abwira Yezu: N'omulungu wani y'ohigi?
\p
\v 30 Yezu anacirhôla akanywa, anaci derha: Mtu muguma anacirhenga e Yeruzalemu kuja e Yeriko, anacirhogera omu kagarhi kw'ebishumusi, bana muhumahumako, banacimushurha, banagenda, bamusiga nusu-hakufa.
\v 31 Nfa mungo nguma, okwiragi linja yanacigera omw'eyo njira, anacibona oyo muntu, anacimurhaluka.
\v 32 Omulawi, Naye anacihagera, naye anacibona, naye amurhaluka.
\v 33 Cikwone hayica Omusamariya, wabalamaga, erhi anaci hika aho, amuyunviza abonjo erhi amubona.
\v 34 Amushegera ho, amushweka ebihulu, anabishuka n'amavurha; enyuma zaho amushoneza oku ncigo yage, amuhangaikira bwenene.
\v 35 Erhi buca, anacirhola nfaraga zibirhi aziha Luto, aderha: Omuhangaikirire, n'ebi wayishirhalusa, nayishi kugalulira by'omu kugaluka kwani.
\v 36 Omwabo basharhu ohi oshushanyize nka mulunga w'oyo muntu warhogeraga omu maboko gw'ebishumusi?
\p
\v 37 Ali alya wamujiriraga aminja, ashuza omutalamu wa marhegeko. Na Yezu amushuza: Genda, na nawe, ojirage ntyola.
\p
\v 38 Nkoku Yezu ali omu njira n'entumwa zage, anacija omu luga, na mukazi muguma oderhwa Marta, amuyankirira omu mwage.
\v 39 Aligwerhe omwali oderhwa Maria, naye adehala oku magumu ga Nnawirhu, akagiyunvirhiza emyanzi.
\v 40 Marta akagi jira emikolo y'omu mwage, akagi ikola analy'aderha: Nnawirhu, korhankanalekana n'ebyo oyo munyenre arhandeke nkole niene? Mubwire nani atabale.
\p
\v 41 Nnawirhu amushuza: Marta, Marta, unajisumbuwa na unajihangaisha na bitu mingi sana.
\v 42 Kantu kaguma kabulagirire. Maria acishozire ecihimbi c'obulagirire, cirhakacomunyagwa.
\c 11
\cl Cigabi 11
\p
\v 1 Yezu akashenga mango kaguma hantu haguma. Erhi amala, muguma w'omuntumwa zage amubwira erhi: nkonku Yohana anayigirizagya abanafunzi bage.
\p
\v 2 Anacibabwira erhi: Nka mwashenga, derhi ntya: Larha, Izino lyawe likuzibwe; oburhambuzi bwawe bwiyishe.
\q
\v 3 Orhuhe ngasi lusiku ecirhwalya;
\v 4 Orhubabalire ebyaha birhu, bulya nirhu rhunakababalira balya barhu jirira amâbi; orha rhule rhwaja omu marhangulo.
\p
\v 5 Anaciri babwira ntya: Nka muguma muli mwe akaba agwerhe omwira, anagende budufu ajimubwira erhi: Mwira, ntabala na migati isharhu,
\v 6 bulya muguma omu bira bani anarhe omu lubalamo amahika ahamwani, ntana gwerhi eci namuha,
\v 7 na, nk'omu mwage, oyo mwira amushuze: orhanjirire olubi, omu lango gwayigirwe, abana na nani rhweshi rhukola rhuli ahancingo, ntankacizuka mpu nji kuyigulira nkuh'emikate,
\v 8 Okunali nkubwizire, nkarhankanazuka amuhe bulya ali mwira wage, ayishi zuka bulya alonzize yene n'oku muha byoshi acifinjire.
\v 9 Na nani, mmubwizire: Muhune mwahabwa; mulongereze mwabona; mukomombe, mwayigulirwa.
\v 10 Bulya ngasi yeshi wahune ahabwa, ngasi walonze abana, na bayigulire ngasi wakomombe.
\v 11 Mulume ndi wakaha enfula yage ibuye, nka akamuhuna omugati? Erhi, nka akamuhuna ensamaki, amuhe njoka ahali he nsamaki?
\v 12 Erhi, nka akahuna punda, amuhe entale?
\v 13 Erhi ciru, ciru wankakaliha nk'okuli, munyishi-ha abana binyu ebintu binja, kanga ga bishinganine oku Larha wirhu oli mpingu aha aba muhuna Mûka Ocîre.
\p
\v 14 Yezu anacihinva omuzimu wakaduma. Erhi omuzimu ahuluka, orhakagi derha aderha, n'olubaga lyoshi lwashagaluka.
\v 15 Cikwone baguma mulibo baderha erhi: ye Belzebule, mpu ye mukulu wa bazimu, ahinve abazimu.
\v 16 Nabandi, ly'obamumanya, bamudosa ecimanyiso kurhenga e mpingu.
\p
\v 17 Bulya Yezu alimanyire angererezo zabo, aba bwira erhi: Ngasi bwami bwabwé kuli bwonene burhakagwarha cishingo, na ngasi yumpa ya yishika hirimira oku yabo.
\v 18 Na nka Lyangombe agabirwe kuli yeye, gurhi gi obwami bwage bwa ciyubakwe mwo, bulya mudesire oku ndi nahinva abazimu okw'Izino lya Belzebule?
\v 19 Na nka nie, ndi nahinva abazimu okw'Izino lya Belzebule, bagala binyu, nabo okw'Izino lyandi bali babahinva? Co cirhumire bayishi ba bazuzi binyu.
\v 20 Amango omuntu we misi acikubwire anakalanga bwinja e yumpa yage, ebya lanzire binakaba bilanzirwe bwinja.
\v 21 Cikwone, owe misi kumulusha akahika anamuhime, anamuhogole erya miherho yoshi analiyambirhe anasige ntyo n'oku bigabira abandi.
\v 23 Orhali haguma nnani oyo ali mushombanyi wani, n'oyo rhurhali lushage anakahera.
\v 24 Erhi omuzimu mubi arhenga omw'oyo muntu, agenda ajilonza ahantu harhulirire, arhamuke. Arhahabonaga, aderha: Naci galukira omwelya nyumpa yani narhenganga;
\v 25 Nerhi, agaluka, ashimana bacesize mwo bwinja bwinja.
\v 26 Honaho acigendera, anacirhola bandi bazimu nda bakali kumulusha; badaha omuyumpa, babera mwo, omwanzi gwage mukali oyo muntu ye mukali bwenene kulusha omurhanzi.
\p
\v 27 Erhi Yezu aba aly'aderha ebyo, mukazi muguma, anacishonya Izu omu lubaga, aderha erhi: Iragi ly'ocesibwe wakuhekaga! Iragi ly'amabere gakuyonsagya!
\p
\v 28 Anacishuza erhi: Iragi ly'owayunvé omwanzi gwa Nnamahanga, n'oku gubika!
\p
\v 29 Nk'oku olubaga lyakagi cishinga, n'okuderha erhi: ogu muburhwa guli muburhwa mukali; bahuna ebisomeza; banacihabwa ogurha shushiri ogwa Yona.
\v 30 Bulya, Yona naye aligwerhe nkagulya gwe Ninawi, ciru n'omwana w'omuntu ayishi ba muguma w'ogyo muburhwa.
\v 31 Muka Midi anacizuka, olusiku lw'okutwibirwa olubanja, ciru n'abantu b'ogo muburhwa, abatwire olubanja, bulya alonzize ebikombo byoshi bidaho biyunve obwengehushu bwa Sulemani; lolagi, hali na balushire ciru na Sulemani.
\v 32 Ahantu be Ninawi bayishi yimuka, olusiku lw'okutwirwa olubanja, n'ogo muburhwa gwoshi guhanwe, bulya balahire enjigirizo za Yona; lolagi, hali na balushire ciru na Yona.
\p
\v 33 Ntamuntu wanka twana itara agali ligwasa ahantu h'obw'ifulikwa erhi omw'ishaka, cikwone banalihebe oku munara lyo ngasi wadaha alomekerwe.
\v 34 Isu lyawe kali kalome k'omubiri gwawe. Nk'isu lyawe liri linji, aho mubiri gwawe gwoshi gulomekirwe; cikwone amango isu lyawe lilwazire, omubiri gwawe gwoshi guli omu mwizimwa.
\v 35 Ocilangage kulya omwangaza guli omu magala gawe gurha jaga mw'omwizimya.
\v 36 Nk'omubiri gwawe gwoshi gulomekirwe, orha cibaga luhande omu mwizimya, gwoshi gwabe gulomekirwe, nka kula itoroshi likulomekera nakalome kalyo.
\p
\v 37 Erhi Yezu aba ali aderha, mufarisayo muguma amuyinginga aje ahamwage. Ahaja, nacirwa.
\v 38 Abafarisayo babona basomerwa bwenene c'arhakalabire embere z'okulya.
\v 39 Cikwone Nnawirhu aderha erhi: Mwebafarisayo, munakashuka embuga z'igopo n'ezensahane, ci ekandalala zinyu ya bozire n'akagongolyo n'obukali.
\v 40 Bantajira bwenge! K'owashusire embuga karharhusire ekandalala?
\v 41 Hanagi byoshi nkafranga ebi endalala, mulole, nkaba birhabe bizibu emwinyu kulusha.
\p
\v 42 Cikwone buhanya emwinyu, mwe bafarisayo! Bulya munakalipa ecihimbi ca kali kumi bye mikolo yinyu, y'omu milimbwa, na ngasi basi boshi, cikwone munakayolohera okuli n'obuzigire bwa Nnamahanga: ebyo byo mwaligwerhe okujira, buzira okuyibagira ebyo bindi byoshi.
\v 43 Buhanya e mwinyu, Bafarisayo! Bulya musima entebe zambere omu mashengero, n'okulamusibwa omu lubaga.
\v 44 Buhanya e mwinyu! Bulya muba nkanshinda zirhaboneka, zirabagerako buzira kumanya.
\p
\v 45 Muguma wa batalamu ba marhegeko anaciderha, amubwira: Mwigiriza, omukuderhwa oko, rhwe onagwerhe wabwira ebyo.
\v 46 Na Yezu amushuza erhi: Buhanya emwawe, mutalamu wa marhegeko! Bulya onakahesa abantu emicimba mizirhu, barhankagala buzira nawe okuheba kw'olunu lwawe.
\v 47 Buhanya e mwinyu! Bulya munakayubasa entinda za abalebi, bâsho bayirhaga.
\v 48 Munakaja mwahamiriza ebijiro bya bâsho, munabihamuzize; bulya bô, bô bayirhaga abalebi, na ninyu, muyubasagye encida zabo.
\v 49 Co cirhumire obwengehushu bya Nnamahanga budesire ntya: Nayishi barhumira abalebi n'entumwa; bayirhe baguma n'abandi babalibuze,
\v 50 lyo bayishi dosibwa og'omuko gw'ogw'omuburhwa gwa balajikaga kurhondera okulemwa kw'igulu,
\v 51 kurhonderera oku muko gwa Abeli kuhika oku muko gwa Zakariya, wanigagwa omw'ishengero nahalutari; neci, mmubwizire kwo, mwayishi bidosibwa ogw'omuburhwa.
\v 52 Buhanya e mwinyu, batalamu ba marhegeko! Bulya mwa rhenzize olwigalo ly'obumanye; murhacihebaga mwo byo mwenene, mwana hanza abankadahirire barhadahe.
\p
\v 53 Erhi arhenga aho, abagula na abafarisayo barhondera bali ba muzinga, n'oku lonza bamuderhere mwanzi minji.
\v 54 Bakamurhe mirhego minji, lyo bayunva mwanzi mici yarhenga omu kanwa kage.
\c 12
\cl Cigabi 12
\p
\v 1 Omwako kasanzi, olubaga lwana cigusha bigushe bigushe, ciru barhindagana bone nane, Yezu anacibwira entumwa zage: Embere za byoshi, mucilange ne mirhenge y'abafarisayo, ezo ncuku.
\v 2 Bulya ntabyo byafulisirwe birhakafululuka, ciru nant'ihwe lirhakafululuka.
\v 3 Cocirhumire ebiwadesire omu mwizimya byaishi fulululya kasirahinga, ciru n'ebi waderheraga omu marhwiri omu byumpa byahamalwe oku kashongera k'enyumpa.
\v 4 Mmubwizi, mwe muli bira bani: Murhayobohaga abalibuza omubiri, na kandi, enyuma ly'ebyo, nta bindi bankajira byakulusha.
\v 5 Namuyereke ndi mukwanine okuyoboha. Muyobohe olya, enyuma z'okuniga, agwerhe obuhashe by'okumukweba omu cihenama; neci; mmubwizire kwo, yene mukwanine okuyoboha.
\v 6 Kamurhaguza amashamoro garhanu oku nsimuni zibirhi? Co cirhumire, nta higuma hya yibagirwe emalaga ga Nnamahanga.
\v 7 Ciru n'enviri zoshi z'okwirhwe ziganjirwe. Murhayobohaga ciru: muli bacishingo kulusha amashamoro manji.
\v 8 Mmubwizire, ngasi yeshi wakacikumba embere z'abantu, n'omwana w'omuntu ayishi cikumba embere zaba malahika ba Nnamahanga.
\v 9 Ci owandehire embere zab'abantu alahirwa naweye embere zaba malahika ba Nnamahanga.
\v 10 N'owaderhe omwana w'omuntu, oyo ayishi babalirwa; culya wajacire Mûka Ocesibwe, arhakababalirwa.
\v 11 Amango mwahekwe embere z'abagula, abatwi bemanja, n'abarhegesi, murhayobohaga oku mwaciderherere ciru n'oku mwaderhe;
\v 12 bulya Mûka Ocesibwe amuyigiriza omwako kasanzi konene ebi mukwanine okuderha.
\p
\v 13 Muguma anacibwira Yezu, omu kagarhi k'olugaba: Mwigiriza, bwira mulumuna wani rhugabe obuhirhi bwirhu.
\p
\v 14 Yezu amushuza erhi: mulume ndi wanjiraga-mbe muzuzi winyu, erhi mmugabire?
\v 15 Anacibabwira erhi: mmulangane mwene omu bucese b'okuli; bulya akalomo k'omuntu karhab'omu birugu byage, co omu omurhula.
\v 16 Anacibabwira ogu omugani: amadaho g'omuntu muhirhi binji gamulerhera.
\v 17 Anakacidosa omu murhima, erhi: Gurhi najira? Bulya nta gwerhi hantu hakuhaka ebihumbulwa byani.
\v 18 Lolaga, acibwira erhi, okubwine najira: nayubaka enguli, nayubaka nnene, mwo nahaka ebihumbulwa byani byoshi n'obuhirhi byani bwoshi;
\v 19 mbwirage n'omurhima gwani: Murhima gwani, ogwerhe buhirhi byinji oku myaka minji; rhuliriraga, olye, onywe, onashagaluke.
\v 20 Cikwone Nnamahanga amubwira erhi: Muhwinja! Obu budufu bwonene omurhima gwane nagunyaga; n'ebyo wakurumanyagya, ndi wabisigira?
\v 21 Byahikira nkakulya olya wakagi haka obuhirhi bwage yenene, arhanali muhirhi wa Nnamahanga.
\p
\v 22 Yezu ashubi bwira entumwa zage erhi: Co cirhumire mmubwizire erhi: Murhacilibuzagya ahayanya z'akalamo erhi ahayanya z'eci mw'alya, erhi ciru ahayanya z'ebi mwayambala.
\v 23 Akalamo kali kabulagirire kulusha omukanjo, n'omubiri kulusha emyambalo.
\v 24 Rhulolage bahungwe: Barhahinga barhanahumbula, barhajira nguli ciru emihako; cikwone Nnamahanga yekabalisa. Kanga-ga orhali wacishingo kulusha orho rhunyunyi!
\v 25 Nndi mulimwe, oku byengehushu bwage, wankaciyushulira ciru kantu kasungu oku kalamo kage?
\v 26 Nka murhanka hashaga ako kantu kasungunu, bicigi birhuma mucilibuza ahayanya ly'ebindi?
\v 27 Gererezagi hitya gurhi amauwa gashoga; garha jira mukolo goshi goshi lyogamera; co cirhumire mmubwizire oku ciru na Sulemani arhayambisibagwa bwinja nka-go.
\v 28 Nka Nnamahanga, okayambika abasi b'omu manda, abarhubon'ene nasezi rhubakabulire oku cibeye, bici byankarhuma arhakuyambike, bantu ba bwemere busungunu?
\v 29 Na ninyu, murhalonzagya eci mwalya, erhi eci mwanywa, murhanahangaikaga.
\v 30 Bulya ebintu byoshi, bana byaha ben'igulu b'obakabilonza. Larha winyu amanyire bici mucifinjire.
\v 31 Mulongereze kulusha obwami bwa Nnamahanga; n'ebyo bindi byoshi mwayishi biyushulirwa.
\v 32 Murhayobohaga, hirhumbi hisungunu; bulya Larha winyu abwine kwinja amuhe obwami.
\v 33 Muguze byoshi mugwerhe, mubihane ntulo. Mucigulire amashungwe galya garhakaharabika, obuhirhi burhasangiziri bonekana empingu, y'ebishambo birhahika, ciru n'enundo zirhakahika.
\v 34 Bulya ahantu obuhirhi bwawe bwanabe, honaho omurhima bwawe gwanabe.
\p
\v 35 Mushekage ebibuno binyu, n'amatara ginyu gayasibwe.
\v 36 Na ninyu, mwayishi shushanyibwa nabalindirira omulume wabo; omu kugaluka omulusiku lukulu mpu lyo hano ahika akomombe naye amuyigulire.
\v 37 Iragi lya abakozi omu mwigiriza, omu kuhika kwage, amurhimane ali okwizamu! Bayishi lira meza maguma, n'oku bashegara-ho abarhabale.
\v 38 Ciru ankayisha bya kabirhi erhi bwa kasharhu, iragi lyabo bakozi, banashimanwe balalire.
\v 39 Mubimanyirirage, nka nanyumpa akamanyirira bwinja ensa ecishambo caisha, analalira lyo arhagi mushabira enyumpa.
\v 40 Naninyu, mmulalire bwenene, bulya omwana w'omuntu ayisha omu kasangi murharhanyizi.
\p
\v 41 Petro amubwira erhi: Nnawirhu, karhwene, erhi rhweshi, obwizire ogu mugani?
\p
\v 42 Na Nnawirhu aderha: biringi bici bishinganine kandi binakwinine oku nnahamwage ashinganine okurhegeka abarhumisi bage, n'oku baha ebilibwa oku nsa zikwanine?
\v 43 Iragi emwo mukozi washimanwe nnanawabo, omukuyisha kwage, ashimane ali ajirantyo!
\v 44 Okunali mmubwizire, ayishi rhambula obuhirhi bwage bwoshi.
\v 45 Cikwone, nko murhumisi ankaderha ntya yenene: Nnawirhu amayorherere oku yisha, ajagekw'ahukula abarhumisi balume n'abakazi, oku bilyo, okubinywebwa n'okulaluka.
\v 46 Nnawabo wabo barhumisi ayisha olusiku barha cikebirwi n'oku nsa barhamanyiri, ayishi murhola birholo n'oku muheba omu balya barhaba bikubagirwa.
\v 47 Oyo mukozi, wamanyaga obulanza bwa nnawabo, arharheganyagya bici, arhana jira kushimbanana obulonza bwage, ayishi shurhwa mahiri manene.
\v 48 Cikwone olya, orha mumanyage, ajijire ebintu bishinganine obuhahe, ayishi shurhwa hisungunu. N'olya wahabirwe binene, naye ayishi hunwa binene, oyo ayishi hunwa binene na kulusha.
\p
\v 49 Nanyishiri kwemba omwampi omw'igulu, bici n'acicifinja, enyumba z'okugulumira?
\v 50 Obo buli bubatizo n'abatizibwa, n'abaci bici mbulire lyo buhikirira!
\v 51 Kamucikwebirwe oku nayishire mpu ndwire omurhula omw'igulu? Nanga, mmubwizire, cikwone ntambala.
\v 52 Bulya kurhondera buno batu barhanu banyumpa nguma bayishi cigaba, basharhu ahanya za babirhi, n'ababirhi ahanyanya z'abasharhu;
\v 53 omubusi ahanya z'omwana wage, n'omwane ahanyanya z'ïshe, omukazi ahanyanya z'omwali n'omwali ahanyanya lya nnina, nnzala n'omukazi n'omwakazi na nnazala.
\p
\v 54 Abwira olubaga: Kerhi mubona abitû byarhenga ebushoshokero bw'izuba munaderhe erhi nkuba ya mayisha. Binabe ntyo.
\v 55 Nerhi mubona empusi yaha karhi kw'omulegerege, munaderhe erhi: Caba cidurhu. Binabe ntyo.
\v 56 Ezi ndyalya! Munakamanye ebyaba omw'igulu n'omu mpingu; bici birhumirage murhamanyire ebyaba buno?
\v 57 Bulya gurhi mwene oku ntanya zinyu murhakamanya ebiri by'okuli?
\v 58 Nka waja n'okushwekesize embere z'omutwi w'olubanja, omunjira onacihangane bwenene muyunvikane, arhakuhisagya kuhika za abapolisi, n'abakulambere
\v 59 Nkubwizire, orhankaharhenga buzira okulyula kuhika oku nsimuni ya buzinda.
\c 13
\cl Cigabi 13
\p
\v 1 Omwako kasanzi konene, bantu baguma baliho bakagi shambalira Yezu oku byo byahikiraga abantu b'e Galilaya byo Pilato ajira n'okubulaga omuko gw'oku hana e ncungura.
\v 2 Anacibashuza: Kamurhanyizagye oku abo bantu b'e Galilaya bonanankola maligo kulusha abe Galilaya, bulya balibuzibye ntyo?
\v 3 Nanga, mmubwizire. Cikwone nka murhaka gokola, ko ninyu mweshi mwankafa ntyo.
\v 4 Ka, abo bantu ikumi na munane entondo yahirimiragako y'e Silowamu yanabaniga, ka mucikebirwe oku bo barhalishinganine omu lubaga loshi lw'e Yeruzalemu?
\v 5 Nanga, mmubwizire. Cikwone nka murhankagokola, ko ninyu mweshi mwankafa ntyo.
\p
\v 6 Anaciderha ogu mugani: mulume muguma anacirhwera omurhi gw'endimu omw'ishwa ly'emizabibu. Anacigenda mpu alonze kw'amalehe, arhalishimanaga.
\v 7 Lero abwira omu hinzi erhi: Labaga myaka isharhu y'onamayishi lolera amalehe kw'ogu murhi, nta sangi shimana kobici. Gutwe: kagulibuze idaho busha?
\p
\v 8 Omuhinzi amushuza erhi: Nnawirhu, guleke kandi ogu mwaka; naguhingira eburhambi n'ebundi, n'okuguhebera ebyasi.
\v 9 Cikwoki nkaba omu kulindirira gwahana amalehe; buzira ntyo, onagukube.
\p
\v 10 Yezu akagi y'igiriza omw'ishengero liguma lyayo, olya kalinda.
\v 11 Nanacibona, hanacibonekana muzire muguma aligwerhwe n'omuzimu w'obugonyogonyo myaka ikumi na munane; alicikunjire, arhankacohashire acikanula.
\v 12 Erhy'amubona, Yezu anaci mudosa, amubwira erhi: Muzire, ofumire omw'obyo bugonyogonyo bwawe.
\v 13 Anacimuha amaboko. Honaho anayo anayimuka, avuga Nnamahanga omwonkwa.
\p
\v 14 Cikwoki omurhambo w'ishengero, agaya bwenene okubona Yezu amajira ebisomerine olusiku lwa kalinda, abwira olubaga erhi: Haba nsiku ndarhu z'okujira emikolo; mukayishi fumisibwa omwezo nsiku, carhali olusiku lwa kalinda.
\p
\v 15 Ezi ndyalya! Nnawirhu abashuza, kangasi mugumu muli-mwe, arhashwekula enkafu yage erhi ngamiya yage olusiku lwa kalinda ahazishwekera, n'oku ziheka zijinywa?
\v 16 N'oyu muzire, oli mwali wa Abrahamu, na Lyangombe alimushwesire myaka ikumi na munane, kabirhaligi shinganine oku shwekulwa olusiku lwa kalinda?
\v 17 Erhy'aba ali aderha ntyo, abashombanyi bage boshi, n'olubaga lwoshi lwashagaluka eyanya ly'ebirhangaza ajijire.
\p
\v 18 Aderha kandi ntya: Obwami bwa Nnamahanga bicigi bushushanyibwe nabwo, na bici nanka bushushanya nabo?
\v 19 Bushushanyibwe n'enderherere nsungunu y'omurhi Hardari ey'omuntu arhalo n'okuyikablira omw'ishwa lyage; enamere, gunabe murhi, ciru n'orhunyunyi rhwemalunga rhunalama omu marhabi.
\p
\v 20 Aderha kandi erhi: Bici nashunshanya n'obwami bwa Nnamahanga?
\v 21 Bushushanyibwe n'enfun'isharha z'enshano, omuzire ajira mw'obuntu.
\p
\v 22 Yezu ajaga alambagira omu mirhundi nngo, ajagayigiriza, ali omunjira y'okuja e Yerusalemu.
\v 23 Mtu muguma anacimubwira erhi: Nnawirhu, ka bantu banyi bone bankacizibwa? Amushuza erhi:
\v 24 Mucihangane mudahe omu muhango. Bulya, mmubwizire-ko, banji bayishi lonza okudaha, barhakanahasha.
\v 25 Amango nnayumpa anayimuke n'okuyigala omuhango, naninyu munaciri embuga, mwahondere mwakomomba oku muhango, n'okuderha erhi: Nnawirhu, Nnawirhu, ourhuyigulire! Lero amushuze: Ntamumanyiri n'ahamwarhenga.
\p
\v 26 Honaho munarhonderage mwaderha erhi: Rhwakagi lya n'okunywa embere zawe, wakagi y'igiriza n'omu milimbwa yirhu.
\p
\v 27 Anabashuze erhi: Mmubwizire: Ntamumanyiri n'ahamwarhenga; ntengi-ho, mweshi, bakozi bagalugalu.
\v 28 Ago mango hayishiba okulaka n'oku kenyeza amîno, hanamubona Abrahamu, Isaka na Yakobo, nabalya balebi boshi, omu bwami bwa Nnamahanga, naninyu mulugurhwe embunga.
\v 29 Hayîshi shoshoka e bushoshokero bw'izuba n'ebuzikiro, embere n'enyuma; boshi bahumire cibo ciguma omu bwami bwa Nnamahanga.
\v 30 Lolagi, hayishiba aba buzinda banabe barhanzi, n'aba burhanzi banabe bazinda.
\p
\v 31 Lonolo lusiku, bafarisayo baguma baguma, ba mubwira erhi: Genda, orhenge hano, bulya Herodi alonzize akuninge.
\p
\v 32 Abashuza erhi: Mugende, mubwire eyo nsimba ntya: Mubwine, ndi nahinva abazimu oku njijire n'ebisomerine ene n'irhondo, n'olusiku lwa kasharhu n'amalira.
\v 33 Cikwone bimpunyire nambagire ene, irhondo, nalis'irhondo; bulya birhashinganini omulebi afîre erhali Yerusalemu.
\v 34 Mashi Yerusalumu, Mashi Yerusalumu, mwe mukaniga abalebi, na mwemukalibuza aba bamurhumira, kanga namalonza oku gusanya abana binyu, nkakula engoko eyubarhira e byanagoko byayo omu byubi, murhana kulonzagya!
\v 35 Labagi, enyumpa zinyu mwayishi sigirwa; cikwone, mmubwizire, murhakacimbona, kuhik'amango mwaderhe erhi: Agishwe olya wayishi okw'îzino lya Nnawirhu!
\c 14
\cl Cigabi 14
\p
\v 1 Yezu adaha, lussiku lwa sabato, omu nyumpa ya murhegesi muguma w'abafarisayo, mpu alye mw'ebiryo, abafarisayo bamurhega.
\v 2 Lolaga, muntu muguma alilwazire akabunda embere zage.
\v 3 Yezu akul'akawa, abwira abigiriza b'irhegeko n'abafarisayo: Kabiyemerirwe, erhi nanga, okufumya olusiku lw'esabato?
\v 4 Bahulika. Lero Yezu alambula okuboko okulya muntu, amufumya, ana mugalula.
\v 5 Anababwira: Ndi mulimwe, omugala erhi mpanzi yage yankahonera omu musima, olusiku lw'esabato arhanaji mukulamwo honaho?
\v 6 Barhahashaga oku shuza bici okw'ebyo.
\p
\v 7 Buzinda abwira abalikwa oku mugani, abona bali bacishokoza oku birhi by'embere, ababwira:
\v 8 Erhi okahamagalwa n'omuntu okw'idinye, orhacihebaga oku cirhi c'embere, bulya nk'omu balalikwa muli omuntu w'olukengwa kukulusha,
\v 9 N'owabalikaga mwemmbi ayishe akubwire: Hana eco cirhi okw'oyu muntu. Wanayunva enshonyi z'okujidamala enyuma.
\v 10 Cikwone, erhi okahamgalwa, onajidahala enyuma, lyo, hano owakulalikaga ayisha, akubwire: mwira wani, yinamuka ahaniana. Ebyo byanakuha olukengwa embere za boshi mwankaba mutamire oku meza mweshi.
\v 11 Bulya ngasi owacikuza ahonolwa, n'owa cirhohya ayishi yinamulwa.
\p
\v 12 Abwira n'owali mulalisire: Nka wahana eby'okuyikula erhi byakushega, orhalaikag'abira bawe, erhi benewinyu, erhi babusi bawe, erhi balungu bawe, lyo nabo bayishi kulalika bakugalulire byon'ebyo.
\v 13 Cikwone amango wahana akarama, onalalike abakenyi, ebirema, enjingiri n'emihurha.
\v 14 Nantyo waba muny'iragi bulya barhankahasha oku kugalulirabyo, bulya ebyo wabigalulirwa oku bufuke bw'bashinganya.
\p
\v 15 Muguma w'abali oku cibo, erhi ayunva ebyo binwa, abwira Yezu: Ali munyiragi owayishija oku cibo omu bwami bwa Nnamahanga!
\p
\v 16 Na Yezu amushuza: Muntu muguma ahana omushego munene, alalika bantu banji.
\v 17 OKu nsa y'okushega, arhuma omukozi wage oku bwir'abalikwa: Muyishe bulya byoshi bikola birheganye.
\p
\v 18 Cikwone boshi caligumiza n'okuderha: omurhanzi amubwira: Naguzire ishwa, ngwasirwe nji lirhangula ombabalire nkuhunyire.
\p
\v 19 N'owundi aderha: Naguzire rhugushe rhurhanu rhwa mpanzi, naji zi gera ombabalire, nkuhunyire.
\p
\v 20 Owundi aderha: Nayansire byobyarhumire ntahasha okugenda.
\p
\v 21 Omukozi, omukugaluka, abwira nnawabo ebyo. Lero nnawabo agaya abwira omukozi wage: Genda dubaduba omu mashango n'omu mihanda y'omurhundu, olerhe hano, abakenyi, ebirema, emihurha, n'enjigiri.
\p
\v 22 Omukozi aderha: nnahamwirhu, ebi warhegesire byajijirwe, cikwone haciri entebe.
\p
\v 23 Na nawabo abwira omwambali: Genda omunjira eburhambi bw'oligurhu, n'aba warhimana obaseze badahe, lyo enyumpa yani eyunjula.
\v 24 Bulya, nmubwizie, ntaye muguma w'omwa balya balilalisirwe walabula oku mushego gwani.
\p
\v 25 Ebirhumbi by'abantu byayisha enyuma za Yezu. Ahindamuka ababwira:
\v 26 Erhi omuntu akanshimbulira, nka arhagayiri ashe, nina, mukage, abana bage, balumuna, balibabo, na ciru akalamo kage yene, arha kwanini okuba mwigiriza wani.
\v 27 Na ngasi yeshi orhabarhwiri omusalaba gwage, orhana nkulijire, arhankaba mwigirizibwa wani.
\v 28 Bulya, ndi mulimwe, nk'alonza oku yubaka omushonezo, orhankarhegi dahala agereeze ecishingo analole erhi agwerhe ebyamaliramwo,
\v 29 Lyo hano amaheba eciriba, arhacimalire, na ngasi babona barhangire oku mugamba,
\v 30 n'okuderha, oyu muntu arhangire obubake arhana hasha oku malira?
\v 31 Erhi mwami ndi, wankaba ajilwisa owundi mwami; orhanka tamala acigere erhi anahasha, na bantu bihumbi ikumi, okurhangira amurhabalire na bantu bihumbi makumi gabiri?
\v 32 Nka arhankahasha, amango oyo wabo mwami aciri kuli naye, anamurhumira omurhumisi okuhun'omurhula.
\v 33 Kwonokwo, ngasiyeshi mulimwe, orhalahiri ebyage byoshi arhankaba mwigirizibwa wani.
\v 34 Omunyu kali kantu kinja; cikwone omunyu erhi gwankaheza enungo yagwo bivi bankaci gulunga mwo?
\v 35 Gurhacikwanini ciru oku badaka, erhi nka mbolera; gwanakabulirwa embuga. Ngasi ogwerhe amarhwiri g'oku yunva ayunve.
\c 15
\cl Cigabi 15
\p
\v 1 Abavurhisa n'abantu b'engeso mbi bayegera Yezu mpu bamu yunvurhize.
\v 2 N'abafarisayo n'abashamuka b'ihano bacigamba baderha: Oyu muntu anakayegereza abantuu b'engeso mbi, n'okulira hguma nabo.
\p
\v 3 Cikwone ababwira ogu mugani:
\v 4 Muntu ndi mulimwe, nk'agwerhe bibuzi igana, erhi ciguma cakamuhera, orhakasiga amakumi galimwenda na mwenda omu bulambo n'oku ilongereza ecahezire, kuhika acibone?
\v 5 N'erhi ankaba amacibona, anaciheba aha lurhugo oku bushagaluke,
\v 6 na erhi agaluka eka, ahamagale abira n'abalungu, n'oku babwira: Muushagaluke haguma na nani, bula nabwine eibuzi cani calimpezire.
\v 7 Kwonokwo, nmubwizire, hayishiba bushagaluke bunene omu mpingu oku munabyaha muguma ociyunjuza, kulusha makumi galimwenda na mwenda garhacifinjiri obwiyunjuze.
\p
\v 8 Erhi mukazi ndi, nkagwerhe bicere ikumi, n'erhi nka ankaheza ciguma, orhanka twana itara n'oku fyagira enyumpa, n'oku lingereza kuhika acibone?
\v 9 N'amango ama cibona anahamagala abira n'abalungu, anaderhe: Mushagaluke haguma nani, bulya nabwine ecicere nali hezize.
\v 10 Kwonokwo, mubwizire, buli bushagaluke oku ba malaika ba Nnamahanga, oku munabyaha muguma ociyunjuza.
\p
\v 11 Aciriderha kandi: Muntu muguma agwerhe bagala babiri.
\v 12 Omurho abwir'ishe: Larha, ompe ebyani birugu. N'ishe abagabira ebirugu byage.
\v 13 Enyuma lya nsiku nsungunu, omugala murho, erhi aba amashoboza byoshi, abalama omu cihugo c'ekuli, n'eyo munda ashereza ebirugu byage omu kulama omu bugonyi.
\v 14 Erhi amala byoshi, ashali likali lyarhibukira omw'eco cihugo, aba akolagwerhe acifinja.
\v 15 Agenda ajikakolera cikala muguma w'omw'co cihugo, amurhuma omw'ishwa mpu ajika mulangira ebyanagulube.
\v 16 Akacifinja okulya okubirya ebyanagulube byakagi rya, ci ntaye wamuhire kulibyo.
\v 17 Erhi agereza muliyene, acibwira: barhabazi banga ahamwirhu bagwerhe ebiryo oku bwinji, nani, eno, nafa n'ishali!
\v 18 Nayimuka naja emwa larha, namubwira: Larha, nagomire empingu nakugomea nawe.
\v 19 Ntacikwanini okuhamagalwa mugala wawe; ontole nka muguma omu barhabazi bawe.
\v 20 Anayimuka, aja emw'ishe, erhi aciri kuli, ishe amulangira ayunva obwonjo, alibirha acikweba omw'igosi ana muhubira.
\v 21 Omugala amubwira: Larha, nagomire empingu nakugomera nawe, ntacikwanini okuderhwa mugala wawe.
\p
\v 22 Cikwone ishe abwir'abakozi: Lerhi duba iropo linja, mumuyambike, mumuhebe olugondo oku munwe, mumuhogeke ekwera omu magulu.
\v 23 Mulerhe n'akanina kashushagire, mukabage, rhulye rhuna shagaluke;
\v 24 Bulya mugalawani analifire, amafuka, analihezire amaboneka. Banarhondera okushagaluka.
\p
\v 25 Ci, omugala mukulu alihinzire. Erhi afuluka n'oku yegera ahamwabo, ayunva olulanga n'amasamo.
\v 26 Ahamagala mukozi muguma, amudosa bicibyo.
\v 27 Oyo mukozi amubwira: Mulumuna wawe anagalusire, nabulya sho amubwine acizine, anabazire akanina kashushagire.
\p
\v 28 Agaya, arhacilonzahya oku daha. Ishe ahuluka, amuyinginga okudaha.
\v 29 Ci ashuza ishe: Lolaga, hali myaka minji ndi nakukolera, buzira oku yanga amarhegeko gawe, cikwone orhasagi mpa omwanahene mpu nshagaluke haguma n'aira bani.
\v 30 Na obu mugala wawe ayishire, owalire ebirugu byawe bn'endumba, ye wanigire akanina kashushagire!
\p
\v 31 Mwana wani, ishe amubwira, oba rhwembi ensiku zoshi, na ngasi byongwerhe biri byawe,
\v 32 Cikwone byaligwasirwe rhushsngire n'oku shagaluka, bulya oyu mulumuna wawe analifire amafuka, bulya analihezire amaboneka.
\c 16
\cl Cigabi 16
\p
\v 1 Yezu aciri bwira abigirizibwa bage: Muntu muguma mugale agwerhe omu bisi, bamuwira oku agwerhe asheeza ebirugu byage,
\v 2 Amuhamagala amubwira: Bici ndinayunva bakuderhera? Lambula oburhegesi bwawe, bulya orhacigendekere wayimangira ebirugu byani.
\p
\v 3 Omubisi acidosa: Gurhi najira, bulya nnahamwirhu anankula oku burhegesi bw'ebirugu byage? Kakuhinga? Ntahashe. Kuhuna? Ziri nshonyi.
\v 4 Nmanyire ebi najira, lyo hajir'abantu bayishi nyankirira omubwami hano bantenza oku mukolo.
\p
\v 5 Ahamagala ngasi balya baligwerhe nnahamwabo emyenda, abwira owa burhanzi: zinga ogwerhe nnahamwirhu?
\v 6 Macupa igana ga mavurha, kw'amushuzize: Rhola akaratasi kaawe, dahala duba, oyandike makumi garhanu.
\p
\v 7 Abwira owundi: Nawe zinga ogwerhe? Ba namaha igana ba ngano. Amushuza; rhola akaratasi kaawe oyandike makumi gali munani.
\p
\v 8 Nnahamwabo akuza oyo mubisi orhali mwikubagirwa oku anakolesize obwirhonzi. Bulya abana b'umu zino nsiku bali birhonzi oku benewabo barhali bana ba bulangale.
\v 9 Nani, nmubwizire: Muciyinjibanye oku bugale burhashinganini, lyo bayishi muyankirira omubwami bw'ensiku n'amango, hano obugale bumuhwera.
\p
\v 10 Oli mwikubagirwa oku bitya ye nalimwikubagirwa oku binji, n'orhali mwikubagirwa oku bitya, arhanaliye oku binji.
\v 11 Nka murhali bikubagirwa oku bugale burhashinganini, ndi wankabaha obw'okunali?
\v 12 N'erhi nka murhali bikubagirwa oku biri byabene, ndi wankamuha ebinyu?
\p
\v 13 Ntaye mukozi wanka kolera ba nnahamwabo babiri. Bulya agaya muguma asime owundi, ehi acishwekera oku muguma n'okugaya owabo. Murhanka kolera nnamahanga na mamone.
\p
\v 14 Abafarisayo, bali ba nabunani, bayunva ebyo byoshi nabo, banak muganyagusa.
\v 15 Yezu ababwira: Mwe mulimwalonza oku boneka bashinganya embere z'abantu, cikwone nnamahanga amanyirire emirhima yinyu; bulya ebiri bimana omu bantu byo bigayisa Nnamahanga.
\v 16 Irhegeko n'abalebi byayimanzire kuhika Yohane; Kurheng'aho, obwami bwa Nnamahanga bwa yalagazibwe, na ngasi yeshi akoles'emisi oku budahamwo.
\v 17 Biri bilembu kulusha, empingu n'igulu bigere, kulusha kanwa kaguma omw'irhegeko oku hirima.
\p
\v 18 Ohinva mukage n'oku yanka owundi erhi ajijire obushungu, na ngasi oherula omukazi iba anahinvaga ajijire obushungu.
\p
\v 19 Hali mulume muguma mugale, akazigi yambala emishangi mudukula y'ecishingo, na ngasi lusiku akagi lama oku bushagaluke n'omurhula.
\v 20 Mukenyi muguma, Lazaro, akagi gweshera oku lunvi lwage, ali wa mahere,
\v 21 akagi cifinja okulya ebyakagi rhoga oku cibo c'oyo mugale, na ciru ebibwa byakagi yisha bije bya mima ebibande byage.
\v 22 Oyo mukenyi afa, na ba malaika bamuheka omu cifuba ca Abrahamu. Omugale naye afa, anabishwa.
\v 23 Omu ncinda alambul'amasu, bulya aligwerhe malibuko manji, abona Abrahamu kuli, na Lazaro ali omu cifuba cage.
\v 24 Ayakuza: Larha Abrahamu, ombere obwonjo, orhume Lazaro alobye olunu antinyeze oku lulimi, bulya ndibwire hakufa omw'eyi ngulumira.
\p
\v 25 Abrahamu amushuza: Mwanawani, kengera oku wahabirwe ebirugu omu kalamu kawe, n'oku Lazaro alibwire omu kalamu kage; ene alyarhulirizibwa, nawe, oli walibula.
\v 26 Nakandi, aholi n'aha rhuli hali busherere bunene, lyo ntabyo byankarhenga eno bije eyo, erhi birhenge eyo bije eno, birhanka hashikana.
\p
\v 27 Omugale aderha: Nkusengire ntyo, larha Abrahamu, orhume Lazaro omu nyumpa ya larha, bulya ngwerhe balumuna bani barhanu.
\v 28 Lyo abayemeza ebyo, lyo barhaki yisha nabo hano hantu h'amalibuko.
\p
\v 29 Abrahamu amushuza: Bagwerhe Musa n'abalebi; babayunve.
\p
\v 30 Aderha: Nanga, laha Abrahamu, cikwone erhi muguma w'omu bafire akabagendera, banaciyunjuza.
\p
\v 31 Na Abrahamu amubwira: Nkaba barhayunvirhi Musa n'abalebi, barhakanacileka okurhebwa ciru muguma w'abafire aka fuka.
\c 17
\cl Cigabi 17
\p
\v 1 Yezu abwira abigirizibwa bage: birhanka hashikana oku ebisarhazo birhabe, cikwone buhanya bw'omuntu byayisha kuli ye!
\v 2 Kwankabire kwinja kuliye ashwekerwe ibuye ly'okushwera omw'igosi bamukwebe omu nyanja, ahali h'oku sarhaza abazamba.
\v 3 Mucilange mwene. Erhi, mwene wawe ankajir'ebyaha omukalihire, n'erhi akaciyunjuza omubabalire.
\v 4 N'erhi akakuhushira kalinda omu lusiku anakuyishire kalinda oku kuhuna obwonjo, ona mubabalire.
\p
\v 5 Abigirizibwa babwira Nnahamwirhu: Orhuyushulire obwemere.
\p
\v 6 Na Nnahamwirhu ababwira: nka mwali gwerhe obwemere nka nderhere y'ihemba, mwanka bwizire ogu murhi gw'omukuyu, rhenga aho, ocikwebe omu nyanja, nagwo gwana mukenga.
\v 7 Ndi mulimwe, ogwerhe omukonzi omuhingira erhi omuyabulira ebishwekwa, erhi afuluka, amubwire: yegera hano duba; oje oku cibo?
\v 8 Karhaka mubwira oku bundi: Ntegayiza ebi nashega; okabike ona nterekere, hanomba namalya n'okunywa, lyo nawe walya ona nywe?
\v 9 K'ana muha omunkwa oyo mukozi mpu kwenge anajirire ebi balimurhegesire?
\v 10 Ninyu kwonokwo, nka mwakajira ebi murhegesirwe byoshi, muderhe: Rhuli bakozi busha, rhwajijire ebi rhwaligwasirwe oku jira.
\p
\v 11 Yezu, agenda eyerusalemu agera esamariya n'egalilaya.
\v 12 Erhi adaha omu lugo, hayisha babenzi ikumi bamuyishira, bayimanga hofi naye bakayakuza n'okuderha:
\v 13 Yezu, mwalimu orhubere obwonjo!
\p
\v 14 Erhi aba amababona, ababwira: Mugende muciyerekane emw'abagula. N'erhi bali omunjira okuija, babona bamafuma.
\v 15 Muguma wabo acibona amafuma, agaluka oku magulu gage, akuza Nnamahanga okw'izu linene.
\v 16 Ahirimir'amalanga oku magulu ga Yezu n'oku mukuza. Ali musamaria.
\v 17 Yezu, arhenz'ecinwa aderha: Kabalya ikumi barhafumire? Ogundi mwenda ngahi guli?
\v 18 K'oyu mubalama yene ogalusire n'okuha Nnamahanga irenge?
\v 19 Aciri mubwira: Yimuka, genda, obwemere bwawe bwakucizize.
\p
\v 20 Abafarisayo badosa Yezu mangaci obwami bwa Nnamahanga bwayisha. Abashuza: Obwami bwa Nnamahanga burhankyisha mpu buboneke n'amasu.
\v 21 Barhakaderha: Ali hano, erhi: Ali hala. Bulya lolaga, obwami bwa Nnamahanga buli omu karhi kinyu.
\p
\v 22 Abwir'abigirizibwa: ensiku zayisha mwayishi cifinja mubone lusiku luguma omunsiku z'omwana w'omuntu, murhanaka lubona.
\v 23 Bayishi kamubwira: Alihano, ali hala. Murhaijaga, murhana libirhiragayo.
\v 24 Bulya nkakula omulazo gukemeza gunalomeke olunda n'olundi omu malunga, ntyo kw'omwana w'omuntu ayishi yorha oku lusiku lwage.
\v 25 Cikwone burhangiriza agwasirwe arhangi libula bwenene, anagali kabulirwa n'eriburha lya gano mango.
\v 26 Ebyabaga oku mango ga Nuhu, byaba kwonokwo oku nsinku z'omwana w'omuntu.
\v 27 Abantu bakagirya, n'okunywa, okuj'omu buhya, okuyalusa abana babo, kuhika olusiku Nuhu adaga omu bwarho; oligungu lwayisha lwa bahererekeza boshi.
\v 28 Ebybaga oku mango ga Lutu byayishiba kwonokwo. Abantu bakagi rya, n'oku nywa, okugula, bakagiguza, bakagirhwera, bakagi yubaka;
\v 29 Cikwone olusiku Lutu arhengaga omu sodoma, ekuba y'omuliro n'ecibiriti yahon'emalunga, yana bahererekeza boshi.
\v 30 Kwo bayishiba ntyo olusiku omwana w'omuntu ayisha.
\v 31 Okulwo lusiku, owayishiba oku burhungiri, agwerhe n'ebirugu byage omunyumpa, arhayishi honoke mpu abirhole, n'owayishiba ali omw'ishwa arhayishi galuke nyuma.
\v 32 Mukenger muka Lutu.
\v 33 Owayishi lonza okuciza akalamu kage akaheza, n'owa kaheza ye wayishikabona.
\v 34 Mubwizire, omwobo budufu, ogw'abantu babiri bayishiba bagweshire oku ncingo nguma, muguma ayishihekwa n'owundi asigwe;
\v 35 Bakazi babiri bayishiba bali bashwa haguma, muguma ahekwe n'owundi asigwe.
\v 36 Balume babirhi bayishiba omw'ishwa, muguma ahekwe n'owundi asigwe.
\p
\v 37 Abigirizibwa bamubwira: Nnahamwirhu, ngahi? Abashuza: Ah'omurhumba gwayishiba ho banyunda bayishi rhimanana. Nabo bamushuza erhi: Ngahi waliha? Ababwira erhi: Ngasi ho omurhumba gwabe ho n'enyunda zashubukire.
\c 18
\cl Cigabi 18
\p
\v 1 Yezu aderha omugani, mpu abayerese oku bikwanine oku shenga buzira okurhama.
\v 2 Aderha: Omu murhundu muguma mwabaga omuzuzi orhayobohaga Nnamahanga arhanacigonzagya muntu.
\v 3 Omw'ogwo murhundu mwabaga mukana muguma wakagi yishi mubwira: Otwire olubanja oku bashombanyi bani.
\p
\v 4 Akalahira kurhenga nsiku nyinji. Cikwone buzinda acibwira yene: Ciru akaba ntayooha Nnamahanga ntana cigonza muntu,
\v 5 Cokwone, bulya oyu mukana ana ndibuza, namutwira olubanja, lyo arhacikayisha burhahusa oku mber'irhwe.
\v 6 Nnahamwirhu ayushula: yunva ebi omuzuzi mubi adesire.
\v 7 Na ka Nnamahanga arhatwire abishogwa bage olubanja, bamulakira budufu na mushi; na k'ayorherera oku bibayerekire?
\v 8 Nmubwizire, abajirira dubaduba oku batwira olubanja. Cikwone, ka hano omwana w'omuntu ayisha, kayishi rhimana obwemere omw'igulu?
\p
\v 9 Aciriderha ogu mugani; enyanya z'abantu bakagi cibona nka bali bashinganya, n'oku ganyagusa abandi boshi:
\v 10 Bantu babiri bajaga omw'isengero okusalira; muguma mufarisayo n'owundi muvurhisa.
\v 11 Omufarisayo, bwimanga, ahuna ntya muliyene: Ewe Nnamahanga, nkukuzizzze bulya ntayosiri nk'abandi banu, bali banyazi, barhashinganini, bashungu erhi nk'oyu muvurhisa;
\v 12 Nankajira amahuno g'oku cishalisa kabiri omu mugobe, nankahana ecihimbi ca kalikumi c'obunguke bwani.
\p
\v 13 Omuvurhisa, aciyegula, arhageraga oku sinza enyanya, ci acishurha oku cifuba, n'okuderha emwa Nnamahanga, orhambere burhe, nie munabyaha.
\v 14 Nmubwizire, oyu ayandagalire omu mwage erhi aganjirwe okuli, kuleka oyo mufarisayo. Bulya ngasi owaciyinula ahonolwa, na ngasi wacihonola ayinamulwa.
\p
\v 15 Bamulerhera kandi abana barho, mpu abahumekwo. Cikwone abigirizibwa bage, erhi babonantyo, bakalihira abalibadwirhe.
\v 16 Na Yezu abahamagala, anaderha: Muleke abana barho bayish'emwani, murhana barhange, bulya obwami bwa Nnamahanga buli bwa ababashushire.
\v 17 Nmubwizire okunali, orhayankirire obwami bwa Nnamahanga nka mwana murho arhanka mudaha.
\p
\v 18 Murhegesi muguma adosa Yezu, aderha: Mwigiriza minja, bici ngwasirwe okujira lyo nyima obulamu bw'emyakula?
\p
\v 19 Yezu amushuza: Bulyagurhi ompamagire mwinja, ntaye mwinja nka Nnamahanga yene.
\v 20 Omanyirire amarhegeko: orhakazi gona; orhakazi niga; orhaka zimba; orhakagi hamiriza obunywesi; okenge sho na nyoko.
\p
\v 21 Aderha, kukenga nkenga ebyo byoshi kurhangira obusole bwani.
\p
\v 22 Yezu erhi ayunva ntyo, amubwira: kucikubulire kantu kaguma: oguz'ebyugwerhe byoshi, ogabire abakenyi, nawe wacibikira omuhako omu mpingu. Buzinda oyishe onkulikire.
\p
\v 23 Erhi ayunva ebyo binwa, agaya, bulya ali mugale bwenene.
\v 24 Yezu, abona oku amagaya, aderha: Biri bizibu bwenene oku bagwerhe obugale okudaha omu bwami bwa Nnamahanga!
\v 25 Bulya biri birembu engamiya okugera omu murhule gw'ensindani kulusha omugale okudaha omu bwami bwa Nnamahanga.
\p
\v 26 Abakagi muyunva baderha: nandigi waka cunguka?
\p
\v 27 Yezu ashuza: Ebirhaka hashikana oku bantu bihashikine emwa Nnamahanga.
\p
\v 28 Lero Petro aderha: Alaga, rhwalesire byoshi rhwa kukulikira.
\p
\v 29 Na Yezu ababwira: Mubwizire okunali, ntaye muntu, walesire erhi bwami bwa Nnamahanga burhuma, erhi babusi bage, erhi bana bage,
\v 30 wabula kukumarha binene omuzino nsiku, n'omu nsiku zayisha obuzine bw'emyakula.
\p
\v 31 Yezu ayegera balya ikumi na babiri, ababwira: alaga, rhuyinamukire eyerusalemu, na ngasibyo byayandikagwa n'abalebi oku biyerekire omwana w'omuntu byahikirira.
\v 32 Bulya ahanwa oku bapagani; bamujacira, bamulibuza, bamutwirakwo,
\v 33 N'enyuma ly'oku mushurha orhurhi, bamuyirha; n'olusiku lwakasharhu afuka.
\v 34 Cikwone barhayunvagya bici kulibyo; kulibo lyal'ihwe, myanzi barhankayunva ecirhumire.
\p
\v 35 Erhi Yezu ayegera eyeriko, muhurha muguma alitamire eburhambi bw'enjira akagi hunira obuligo.
\v 36 Aynva o, lubaga lwagera, adosa bicibyo.
\v 37 Bamubwira: Yezu w'enanzareti oyo wagera.
\v 38 Ayakuza: Yezu, mugala wa Daudi, ombere obwonjo!
\v 39 Abali omu lugenzi bamukalihira, mpu bamuhulise, cikwone agendekera oku yakuza bwenene: Mugala wa Daudi, ombere obwonjo!
\p
\v 40 Yezu ayimanga, arhegeka oku bamulerhere ye; n'erhi amuyegera,
\v 41 amudosa, bici olonzize nkujirire? Ashuza: Nnahamwirhu, nonzize okubona.
\p
\v 42 Na Yezu amubwira: bona; obwemere bwawe bwanakuciza.
\v 43 Honaho abona, anakulikira Yezu, n'oku kuza Nnamahanga. Olubaga lwoshi, erhi lubon'ebyo, lwakuza nnamahanga.
\c 19
\cl Cigabi 19
\p
\v 1 Yezu, erhi aja eyeriko, agerera omu murhundu.
\v 2 Alaga, muntu mugale, ohamagalwa Zakayo, murhagesi wa bavurhisa,
\v 3 alilonzize oku bona Yezu yendi; ci arhakahashire enyanya z'olubaga, bulya ali mwofi.
\v 4 Alibirha embere, ashonera oku murhi gw'omukuyu mpu lyo amubona, bulya aligwasirwe agere aho.
\v 5 Erhi Yezu ahika aho, ayinamula amasu amubwira: Zakayo, jira duba ohonoke; bulya ngwasirwe mbe omumwawe ene.
\v 6 Zakayo ahonoka dubaduba, amuyegereza oku mwishingwe.
\v 7 Erhi babonantyo, boshi bacilumbija, n'okuderha, ajirihanda emwa omupagani.
\v 8 Cikwona Zakayo, ayimanga embere na nnahamwirhu, amubwira: lolaga, Nnahamwirhu, mpire abakenyi ecihimbi c'ebirugu byani, nan akaba nanyazire omuntu akantu, namugalulira kani.
\p
\v 9 Yezu amubwira: Obucunguke budahire ene omweyi nyumpa, bulya oyu nayae anali mugala wa abraahamu.
\v 10 Bulya mwene omuntu ayishiri lonza n'okuciza abali hezire.
\p
\v 11 Bakagi yunv'ebyo, na Yezu ayushula omugani, bulya alihofi n'eyerusalemu, banalimanyire omwago mango obwami bwa Nnamahanga bwaboneka.
\v 12 Aderhaga: Muntu muguma olengerire agenda omu cihugo c'ekuli, mpu ajihebayo obukulu bw'akanabwami, na buzinda agaluke.
\v 13 Ahamagala ikumi omu bakozi bage, abaha bicere ikumi n'okubabwira: muje mwabirhimula kuhika ngaluke.
\p
\v 14 Cikwone benewabo bamuganyagus, bamurhumira entumwa, mpu emubwire: Rhurhalonzizi oyu muntu arhurhegeke.
\v 15 Erhi agaluka enyuma z'okuyimikwa oburhwali bw'akanabwami, ahamagala hofi naye balya bakozi asigiraga enfaranga, mpu lyo amanya oku ngasi muguma azikolesize.
\p
\v 16 Omurhanzi ayisha aderha: Ecicere cawe cayungusire bicere ikumi.
\p
\v 17 Amubwira: Biri binja mukozi mwinja; bulya wali mwikubagirwa oku bitya, ohabwe okurhegeka mirhundu ikumi.
\p
\v 18 N'owakabiri ayisha aderha: Nnahamwirhu, ehishweko hyawe hyayungusire rhushweko rhurhanu.
\p
\v 19 Amubwira ntya: Nawe, oyime nyo enyanya za mihundu irhanu.
\p
\v 20 N'owundi ayisha, aderha: Nnahamwirhu, olole ehishweko hyawe hy'enfaranga, nalihibisire mpibohire omu citambara;
\v 21 Bulya nali nkuyoboha, bulya oli muntu mudarhi; onabikule ebi orhabikaga, onasarhule ebi orha rhweraga.
\p
\v 22 Amubwira erhi: Nakuyaza kurhenga ebinwa by'akanwa kawe wene, we murhumisi mubi; walimanyire oku ndi muntu mukali, nambikule ebi ntabikaga;
\v 23 Ntyo cici carhumire orhabika efaranga zani oku ibanki, nani hano ngaluka nzirhole n'obunguke bwazo?
\v 24 Lero abwira abobaliyimanzire aho; Mumukule ehyo hishweko hy'enfaranga, muhihe oyu ogwerhe rhushweko ikumi.
\p
\v 25 Bamubwira erhi: nnahamwirhu, agwerhe rhushweko ikumi rhwa nfaranga.
\p
\v 26 Mubwizire oku, ngasi muntu ogwerhe akantu ahabwa, cikwone orhagwerhi kantu ako agwerhe karhenzibwa kuliye.
\v 27 Cikwone, mulerhe aba bashombanyi bani, abo barhalonzizi mpu nyime enyanya lyabo, mubayirhire emalanga gani.
\p
\v 28 Erhi aba amaderha ntyo, Yezu agenderera embere ly'olubaga, oku rheremera eyerusalemu.
\p
\v 29 Erhi ali hofi h'okuhika ebetifage n'ebetaniya, kuyerekera oku ntondo ederhwa y'emizetuni, yezu arhuma babiri b'omu baganda bage,
\v 30 aderha erhi: Mugende omu lug luli emalanga ginyu; na hano mulujamwo, mwabona akanina ka punda kashwesirwe, ntamuntu osagi kagendakwo, mukashwekule, munakalerhe.
\v 31 Na nk'omuntu akamudosa mpu: Bici birhumire mwakashwekula? Muderhe ntya: Bulya Nnahamwirhu akalonzize.
\v 32 Nabo barhumagwa bagenda, banabona ebintu n'oku Yezu anababwiraga.
\p
\v 33 N'amango bajaga bashwekula akanina ka punda, beneko babadosa mpu, cirhumire mwashwekula akanina ka punda?
\p
\v 34 Baderha mpu: Nnahamwirhu akalonzize.
\v 35 Bakalerhera Yezu, banakweba emishangi yabo enyanya lyako.
\v 36 N'erhi akola agenda, abantu babumba emishangi yabo omunjira.
\p
\v 37 N'erhi aba ayegera eyerusalemu, hofi n; omwandaglo gw'entondo y'emizetuni, olubaga lwoshi lw'abigirizibwa, bagwarhwa n'obushagaluke, lwarhangira oku kuza Nnamahanga n'izu linene, enyanya ly'ebijiro byoshi byobuhashe ebyo babonaga.
\q
\v 38 Baderha mpu: Mugishwa oyishire okw'izino lya Nnahamwirhu! Omurhula empingu n'obukuze omuhantu henyanya bwenene!
\p
\v 39 N'abandi bafarisayo, b; omu kagarhi k'olubaga, babwira Yezu mpu: Mwalimu, okalihire abigiribwa bawe.
\p
\v 40 Ashuza: aderha erhi, mubwizire, erhi akaba aba bankahulika, amabuye g; anabanda endulu!
\p
\v 41 Naye erhi ayegera hofi n'omurhundu, Yezu erhi agubona agulakia, aderha erhi:
\v 42 Akaba walimanyire muli olu lusiku ohirwe! Emyanzi eyerekire omurhula gwawe! Cikwone buno eri mifulike omu masu gawe.
\v 43 Bulya ensiku zayisha enyanya lyawe, amango abashombanyi bawe bayubaka ecogo eburhambi bwawe, banakuzunguluka banakuhanza oku ngasi ntambi;
\v 44 Ciru bana kushurha shurha okwidaho, mwen'abana bawe muliwe, barhakuleke ibuye liguma enyanya z'erindi, bulya orhamanyiraga amango g'oku lolwa kwawe.
\p
\v 45 Aja omu ishengero, arhangira okubahulsa abakagiguza n'abakagigula,
\v 46 Ababwira mpu: Byayandisirwe oku: enyumpa yani yaba nyumpa ya kuhuniramwo. Cikwone mukola muyijijire nyumpa ya bishumusi.
\p
\v 47 Ajaga ayigiriza ensiku zoshi omu ishengero. Cikwone abagula bakulu omu kagarhi k'abantu balonzagya oku mushereza;
\v 48 Cikwone barhabonaga okubajira, bulya abantu boshi bamufundeza bamuyunvirhiza oku bushagaluke.
\c 20
\cl Cigabi 20
\p
\v 1 Hali lusiku luguma omw'ezo nsiku, amango Yezu akagiyigiriza abantu omu ishengero n'oku babwira emyanzi minja, abagula bakulu n'abakarani, haguma n'abashosi, baja emundali.
\v 2 Bamubwira mpu: Orhubwire oku buhashe buci ojiramwo eyi myanzi? Na ndi wakuhaga obu buhashe?
\p
\v 3 Abashuza, ababwira erhi: Nani namudosa mwanzi muguma.
\v 4 Munshuze, k'obubatizo bwa Yohana bwarhengaga empingu, erhi oku bantu?
\p
\v 5 Badosanya omu garhikabo: Baderha mpu: Nka rhwankaderha oku bwarhengaga empingu, aderha mpu: Bici byarhumaga murhaci muyemera?
\v 6 Cikwone rhukaderha oku bwarhengaga oku bantu, abantu boshi bashirhuband'amabuye, bulya bayemire oku Yohana ali mulebi.
\v 7 Bashuza oku barhamanyiri aha bwarhengaga.
\p
\v 8 Na Yezu ababwira erhi: Ciru nani ntamubwire oku buhashe buci njira mw'eyi myanzi.
\p
\v 9 Arhangira okubwira abantu ogu mugani mpu: Muntu muguma, arhweraga ishwa ly'emizabibu, ahandisa mw'abahinzi, abalamira omu cindi cihugo okunsiku nyinji.
\v 10 N'amango g'okusarhula, arhuma omwambali kuli abo bahinzi, mpu bamuhe ecihimbi c'ago malehe g'emizabibu. Cikwone abahinzi bamushurha, bamuhinva maboko mumu.
\v 11 Nakandi arhuma owundi mwambali, naye bamushurhantyo, bamujira kubi, bamuhinva buzira kantu.
\v 12 Nakandi arhuma owakasharhu; bamuyagaza, bamukweba embuga.
\v 13 Ntyo nahano w'ishwa aderha: Gurhi najira? Narhuma mugala wani muzigirwa wani, nkaba yehe bamukenga.
\p
\v 14 Cikwone, abo bahinzi erhi bamubona, baderhezanya, baderha mpu: oyu y'enfula; rhumuyirhe ly'omwimo guba gwirhu.
\v 15 Bamuhabulira eburhambi bw'ishwa ly'emizabibu, bamuyirha. Oyo nahano w'ishwa ly'emizabibu bici abajirira?
\v 16 Ayisha n'okushereza abo bahinzi, lirya ishwa ly'emizabibu aliha abandi. Amango bayunvagya eyo myanzi, baderha mpu: mpu nanga ciru n'ehitya!
\p
\v 17 Cokwone, abalolereza aderha erhi; ntyo ogumwandiko biri bici: Ibuye balahirag'abubasi lyabire ibuye linene lyoku rhangiza?
\v 18 Ngasi muntu wahirima enyanya lyer'ibuye avunika, na ngasi muntu lya hirimira lya muvungunyula.
\p
\v 19 Abagula bakulu n'abandisi balonza oku mugwarha muli ezo nsa, ci bayoboha abantu. Bulya bamanyirire oku aderhaga ogu mugani enyanya lyabo.
\v 20 Barhangira balolereza Yezu; barhuma abantu oku yunverheza emyanzi yage, nabo acijira okuba b'okuli, mpu lyo babona gurhi bamugwarha kawa oku myanzi yage, mpulyo bamuhira oku batwi b'emanja n'oku buhashe bw'omurhambo.
\v 21 Abo bantu bamudosa baderha: Mwalimu, rhumanyire oku oanaderhe n'okuyigiriza emyanzi y'okuli, ciru orhalola obusu bw'omuntu cikwone okuli onayigirize enjira ya Nnamahanga.
\v 22 Ka kurhukwanine, erhi nanga okuha Kaisari ibarati?
\p
\v 23 Yezu amanyirira oburhebanyi bwabo, ababwira erhi: Munyereke olufaranga.
\v 24 Egwerhe nshusho yandi na mandiko gandi galikwo gandi? Baderha mpu ga Kaisari.
\p
\v 25 Lero ababwira: Muhe Kaisari ebiri bya Kaisari, Nnamahanga ebiri bya Nnamahanga.
\v 26 Cikwone barhamukulaga kwa kanwa embere z'olubaga. Kwone basomerwa oku kushuza kwage, bahulika.
\p
\v 27 Abandi b'omu basadukayo, bobaderha mpu nta kufuka baja emundali bamudosa:
\v 28 Baderha mpu mwalimu, alaga oku Musa arhurhegesire ihano: mpu nka mwene wabo omuntu ankafa, naye nka agwerhe omukazi na nk'arhagwerhi mwana, mwene wabo anayanka olya mukazi, aburhire mwene wabo abana.
\v 29 Nantyo, hali balondanyi nda. Owaburanzi aja omubuhya, anafa arhaburhaga mwana.
\v 30 Owakabiri n'owa kasharhu bayanka oy mukazi;
\v 31 Ciru boshi oku banali nda banafa barhasigaga bana,
\v 32 na buzinda bw'aho oyo mukazi naye afa.
\v 33 Ntyo omumango g'okufuka, ayishiba muka ndi omugarhi kabo? Bulya aliyansirwe nabo boshi oku banali nda.
\p
\v 34 Yezu ababwira erhi: Abana b'enigulu baje omu buhya n'oku heruka;
\v 35 Cikwone abo baganjirwa oku bakwanine okuhika oku kasanzi kayisha n'okufuka okurhenga omu bafu barhaj'omubuhya; ciru barhaheruka.
\v 36 Bulya barhankacihasha okufa, bulya bayishi shushana ba malaika kandi bayishiba bana ba Nnamahanga, balikandi bana b'okufuka.
\v 37 Cikwone bulya abafu bafulwa, ciru Musa ayerekine oku, biyerekire ishaka, ahamagire Nnahamwirhu oku Nnamahanga wa Abrahamu, Isaka, na Nnamahnga wa Yakobo.
\v 38 Cikwone, Nnamahanga arhali Mungu wa bafu, cikwone ali w'abazine: Balya bantu boshi bagwerhe obuzine muliye.
\p
\v 39 N'abandi b'omu bakarani, bashuza bamubwira: mwalimu, wadesire bwinja.
\v 40 Barhanaci shubiriraga bamudosa omwanzi kandi.
\p
\v 41 Yezu ababwira erhi: Bici birhuma abantu baderha mpu Kristu ali mwene Daudi?
\v 42 Bulya Daudi yene adesire omu citabu c'enanga erhi: NNAHAMWIRHU abwizire Nnahamwirhu: Otamale omu kuboko kwani kulyo,
\v 43 Kuhika mpebe abashombanyi bawe idaku ly'enshando zawe.
\v 44 Ntyo Daudi amuderha mpu Nnahamwirhu; Ntyo gurhi ali mugala wage?
\p
\v 45-46 N'amango abantu boshi bakagi muyunvirhiza, abwier'abaganda bage erhi: Mucilange oku bakarani, abo basima okugenda banayambirhe emishangi miriri, n'oku lamusibwa omu byambu, n'okutamala emalanga omu masinagogi, n'ahantu h'embere omu idinye;
\v 47 bananyage enyumpa z'abakana, n'omu burhebanyi bahuna amahuno maliri, abo banabone olubanja lunene kulusha.
\c 21
\cl Cigabi 21
\p
\v 1 Yezu alambula amasu gage, abona abahirhi bahere baheba entulo omu isandaku ly'okubikira.
\v 2 Abona mukana muguma mukenyi, ahiramwo masengi gabiri masungunu.
\v 3 Aderha erhi: okuli mubwizire, oyu mukana mukenyi ahizire binji kulusha abandi boshi;
\v 4 Bulya omu kulugirwa kw'ebirugu binji kwo bahebire mwo omu cibikiro c'entulo, cikwone oyu kulonza kwage ahizire mwo ngasibyoshi analigwerhe, okumulamisa.
\p
\v 5 N'amango baguma omu bantu bajaga derha ogw'abuye minja n'ogw'entulo baliyubasire mwo ishengero, Yezu aderha erhi:
\v 6 Ensiku zayisha, amango ebi muli mwalola, harhasigale ibuye enyanya l'ibuye buzira okushabwa.
\v 7 Bamudosa baderha mpu: mwalimu, mangaci eyi myanzi yahika, na cimanyiso cici caba amango eyomyanzi yaba hofi h'okuhikirira?
\v 8 Yezu ashuza erhi: Mucilange murharhebwe. Bulya banji bayisha okw'izino lyani, baderha mpu: nie ye, kandi amango gakola gayegerire. Murhabakulikiraga.
\v 9 Amango mwayunva baderha ogw'entambala n'obwagalwa, murhayobohaga, bulya kukwanine eyi myanzi ehikirire burhanzi. Ciwone ago mango g'obuzinda burhacihika.
\p
\v 10 Nantyo ababwira erhi: Omulala gwalwa n'ogundi mulala, n'obwami okulwa n'obundi bwami;
\v 11 n'omusisi gwaba enigulu, na hantu endwala z'ecisha, ecizombo, n'emyanzi y'oku yobohya, n'ebimanyiso binene kurhenga empingu.
\v 12 Cikwone, embere z'ebyo byoshi bamugwarha, n'okumulibuza; bamulerha emalanga g'amasinagogi, n'oku muhira omu mugozi, mwa hirwa emalanga g'abami na barhambo enyanya ly'izino lyani.
\v 13 Cikwone ebyo bwaba budima kulimwe.
\v 14 Ntyo murheganye eyo myanzi omu mirhima yinyu, murhagererezagyw burhanzi mpu gurhi rhwashuza;
\v 15 Bulya niene namuha omwanzi n'obwenge ciru abashombanyi binyu barhahashe oku shuza erhi okuhimana nako.
\v 16 Mwahanwa ciru n'ababusi binyu, na benewinyu, n'emilala yinyu n'abira binyu na bayisa banji mulimwe.
\v 17 Mwashombwa n'abantu boshi; enyanya l'izino lyani.
\v 18 Cikwone kurharhereke ciru n'oluviri luguma okw'irhwe linyu;
\v 19 oku bushibirizi bwinyu mwafumya emirhima yinyu.
\p
\v 20 Cikwone amango mwabona eyerusalemu ekola ezungulusirwe n'olubaga lw'abasirika, mumanye oku okusherera kwalyo kukola kuli hofi.
\v 21 N'agomango abantu bali ayudeya bayakira oku ntondo, nabo bali omu kagarhi k'eyerusalemu bahuluka, nabo bali omu mashwa barhashidahe omu lugo.
\v 22 Bulya ntyo ezi nsiku ziri za kucihola, lyo ebyo byayandisirwe byoshi bihikirira.
\v 23 Obuhanya okubakazi bali mazimi, n'abalibayonsa muli ezonsiku! Bulya obuhanya bunene bwaba enyanya l'igulu, n'oburhe enyanya ly'aba bantu.
\v 24 N'abo bahirima oku bwoji bw'engorho, bahekwa mpira omu milala yoshi, n'eyerusalemu yalabarhwa n; ab'eyindi milala, kuhika amango g'ezo mbaga gahikirire.
\p
\v 25 N'ebimanyiso byaba omw'izuba, omu mwezi n'omu nyeneyezi. N'omu igulu oburhindibuke omu mbaga barhamanye oku bajira, oku mukungulo gw'enyanja n'akalaba.
\v 26 Abantu bakahola n'ecoba c'okulindirira ebyahikira igulu; bulya emisi y'amalunga ya dirhimanyibwa.
\v 27 N'agomango babona mwene omuntu ayisha omu hitû n'obuhashe n'obukuze bunene.
\v 28 Amango ebyo byarhangira okuhika, mugalamire enyanya muyinamule amarhwe ginyu, bulya obucize bwinyu bukola buli hofi.
\p
\v 29 Ababwira omugani erhi: mulole omuzetuni n'enyindi mirhi yoshi.
\v 30 Amango mwabona ebyo byarhangira oku shoga, munabone n'okumanyirira oku ecanda ciri hofi cihwe.
\v 31 Ninyu ntyo, hano mubona eyo myanzi erhangira, mumanye oku obwami bwa Nnamahanga bukola buli hofi.
\v 32 Okuli mubwizire, ogu mwimo gurhagere kuhika ebyobyoshi bihikirire.
\v 33 Empingu n'igulu byagera, cikwoki emyanzi yani erhagere ciru n'ehitya.
\p
\v 34 Cikwone mucilange mwene, emirhima yinyu erhakizidoherwa enyanya ly'obudambye n'obulalwe n'amalibuko g'akalamu, olwo lusiku luragiyishi muyishira murhana cirheganyizi.
\v 35 Bulya byayisha k'oku murhego gugwarha enyanya lyabo bayishiba bali omu igulu lyoshi.
\v 36 Mucirheganye ngasi kasanzi, muhune lyo muhabwa emisi y'okuyaka eyo myanzi yoshi amango yaba, n'okuyimanga emalanga ga mwene omuntu.
\p
\v 37 Ntyo ngasi mushi, akagi yigiriza omu ishengero, n'amango g'obudufu agendi kalala oku ntondo y'emizetuni.
\v 38 N'abantu boshi, balamukira sezisezi, emundali omu ishengero oku muyunvirhiza.
\c 22
\cl Cigabi 22
\p
\v 1 Olusiku lw'idinye ly'emigati erhalimwo ngezo, lwo lwaderhagwa basaka lwlihofi.
\v 2 Abagula bakulu n'abakarani balonz'enjira z'oku yirha Yezu; bulya baliyobohire abantu.
\p
\v 3 N'obwo shetani aja muli Yuda, oyo waderhagwa iskariote, ali aganjirwe haguma nabo ikumi na babiri.
\v 4 Na Yuda acigendera aj'iraga n'abagula bakulu n'abakulu b'abasirika, mpu njiranci ahashamwo okumulerha omu maboko gabo.
\v 5 Bashagaluka, balagana oku muha enfaranga.
\v 6 Erhi amabalaganya, alonzagy'amango minja g'oku hana Yezu kulibo, amango olubaga lurhahali.
\p
\v 7 N'olusiku lw'emigati erhalimwo ngenzo, amango galigakwanine okuniga omwanabuzi wa basaka gahika,
\v 8 Yezu arhuma Petro na Yohana, aderha erhi: Mugendi rhurheganyiza Basaka, lyo rhumulya.
\p
\v 9 Bamudosa mpu: ngahi olonzize rhwamurheganyiza?
\p
\v 10 Ababwira erhi: Mulole, hano muja omulugo, mwashimana omulume obarhwire akabindi k'amishi; mumukulikire muli eyo nyumpa ajamwo;
\v 11 Mubwire nanyumpa mpu: Mwalimu akkudosize: ngahi hali aha nalira basaka rhwen'abigirizibwa bani?
\v 12 Naye amuyereka nyumpa nguma nene y'enyanya enabambirwe. Omwo mwo mwarheganyiza basaka.
\v 13 Bagenda babona nk'oku ababwiraga; nabo barheganya basaka.
\p
\v 14 N'amango akasanzi kahikaga atamala oku meza, n'abaganda bage haguma naye.
\v 15 Ababwira erhi: Nalonzize bwenene okulya eyi basaka haguma naninyu embere z'okulibuzibwa kwani;
\v 16 Bulya nmubwizire oku ntacirye ebasaka kandi, kuhika bihikirire omu bwami bwa Nnamahanga.
\v 17 Na erhi, arhol'ecikombe n'oku vuga omunkwa, aderha erhi: murhole eci cikombe muna cigabe omu kagarhi kinyu;
\v 18 Bulya, mmubwizire kurhenga buno ntacinywe kandi amalehe g'omuzabibu kuhika abwami bwa Nnamahanga buyishe.
\v 19 Buzinda byaho arhola omugati, na, erhi amavug'omunkwa, agubega abahereza, aderha erhi: Ogu gulu mubiri gwani gwahanagwa enyanya zinyu, mukajirantya omuku nkengera.
\v 20 Kandi ayanka ecikombe, enyuma ly'okulya, abahaco, anaderha: Eci cikombe ciri ndagano mpyahya omu muko gwani, ogwo gwabulajika enyanya zinyu.
\v 21 Cikwone mulole okuboko kw'oyo wampana kuli haguma nanani oku gano meza.
\v 22 Mwene omuntu acigendera nk'oku kwarhegekagwa. Cikwone obuhanya kuli oyo muntu wamuhna omu maboko g'abantu.
\v 23 Barhangira okudosanya mpundi omu garhi kabo wajira ogwo mwanzi.
\p
\v 24 Kanazuka akadali omukagarhi k'entumwa: Mpu ndi omukagarhi kabo waba mukulu kulusha?
\v 25 Yezu ababwira erhi: Abami b'emilala bayima enyanya lyabo, n'abo bali n'irhegeko enyanya lyabo baderhwa oku bajira bwinja.
\v 26 Cikwone mwehe murhabe ntyo. Cikwone oli mukulu omu kagarhi kunyu abe nka murho, n'oyolinka murhambuzi, abe nka mukozi.
\v 27 Bulya ndi oli mukulu kulusha, k'oyo otamire agwerhe alya, erhi oyo oherhe wakola? Karhali oyo otamirealya? Cikwone niehe ndi omukagarhi kinyu nka mukozi.
\v 28 Cikwone mwehe muli bantu babezire haguma nanani omu marhangulo gani,
\v 29 Coccirhumire nani mubikire obwami nk'oku larha abumbikiraga.
\v 30 Lyomuhasha okulya n'okunywa oku meza gani omu bwami bwani, n'oku tamala oku ntebe z'obwami, mutw'emanja 'emilala ikumi n'ibiri y'abisraeli.
\p
\v 31 Nnahamwirhu aderha: Simoni, Simoni, Shetani amulonzize, mpu amuyerule nka ngano.
\v 32 Cikwone nakuhunire mpulyo obwemere bwawe burhakinyiha, nawe, amango waba wamahindamuka, oyimanze benewinyu.
\p
\v 33 Nnahamwirhu, Petro amubwira, Nkola ncirheganyize okugenda haguma nawe omu mugozi nokufa ntyo.
\p
\v 34 Yezu aderha erhi: Petro, nkubwizire, oluhazi lurhabike ene orhampakana kasharhu oku orhamanyiri.
\p
\v 35 Ababwira kandi erhi: Amango namurhumaga buzira nshoho, erhi nvumba, erhi nkwera, kamwabuzire akantu? Bashuza erhi: Ntako.
\p
\v 36 Nantyo ababwira erhi: Cikwone buno ogwerh'enshoho ayirhole n'ogwerh'envumba ntyo naye, n; orhagwerhu ngorho aguze omushangi gwage ayigule.
\v 37 Bulya, nmubwizire, oku bikwanine ogumwanzi gwayandikagwa guhikirire mulinie: Anaganjirwa haguma n'abajir'amabi. N'ebinyerekire bikola biri omu kuhikirira.
\p
\v 38 Baderha mpu: Nnahamwirhu, olole aha hali ngorho zibiri. Ababwira erh: Bihashire.
\p
\v 39 Aharhenga agenda, nk'oku bworhere bwage, kuhika oku ntondo y'emizetuni. N'abaganda bage bamukulikira.
\v 40 Amango ahikaga aho hantu ababwira erhi: Muhune murhakija omu marhangulo.
\v 41 Aciberula kuli nk'oku lugero lw'oku banbda ibuye, afukama, ahuna.
\v 42 Aderha: Larha okalonza ontengeze eci cikombe, cikwone kurhali kulonza kwani kwajirwa, cikwone okulonza kwawe kujirikane.
\v 43 Lero malahika arhenga empingu omubonekera, amuzibuhya.
\v 44 Naye ali agwerhwe n'oburhe bunene, ahuna n'obwihanganyi, entubano yage yaba nka ntonyi za muko, zarhogera okw'idaho.
\v 45 N'erhiaba amahuna ayimuka, aj'emunda abaganda bage bali, ashingana bal'iro enyanya z'oburhe.
\v 46 Abadosa erhi: Bici birhumire mwaj'iro? Muzuke muhune, lyo murhakija omumarhangulo.
\p
\v 47 Ntyo amango ali aciherhe ababwira, olole olubaga lwayisha; na yuda, muguma wa muli abo ikumi nababiri, ye wali obashokolire, mpu amunyunyugurhe.
\v 48 Cikwone Yezu amubwira: Yuda, kawahana mwene omuntu omu kumunyunyugurha!
\p
\v 49 Nabo abali haguma na Yezu, amango babonaga emyanzi yamaba, baderha mpu: Nnahamwirhu karhubatwe n'engorho?
\v 50 Na muguma mulibo ashurha mwambali w'omugula mukulu, amutwa okurhwiri kwelulyo.
\p
\v 51 Cikwone Yezu ashuza aderha erhi: Muleke okwo, ahumaa okwo kurhwiri kw'oyo mulume amufumya.
\v 52 Ntyo Yezu abwira abakuhani bakulu, n'abagula b'omu ka Mungu, n'abashosi, bayishaga emunda âli erhi: ka mwayishire n'engorho n'orhurhi nka mwagendi hinva ecishumusi?
\v 53 Nali haguma na ninyu ensiku zoshi n'amango omu ka Mungu, murha lambulaga amaboko ginyu enyanya lyani. Cikwone buno kali kasanzi kinyu, n'obuhashe bw'omwizimya buli bwinyu.
\p
\v 54 Erhi banagwarha Yezu, bamuheka, bamu longolana omu nyumpa y'o mukuhani mukulu. Cikwone Petro amukulikira kûli.
\v 55 Amango batwanaga omuliro omu kagarhi k'engo, batamala haguma. Petro atamala haguma nabo.
\v 56 Mujanyere muguma, amubona atamire omu bula bw'omuliro, amulolereza bwenene, aderha erhi: oyu muntu âli haguma naye.
\p
\v 57 Cikwone amulahira aderha erhi: we mukazi, ntamumanyiri.
\p
\v 58 Na buzinda bwa kasanzi katyunguni, owindi amubona, aderha erhi: nawe oli muguma wa muli bo. Perto ashuza erhi: we mulume arhali nie.
\p
\v 59 Buzinda bwa nsa nguma, owindi mulume azibuhya okuderha, aderha erhi: okuli oyu muntu âli haguma naye, bulya ali mu Galilaya.
\p
\v 60 Petro ashuza erhi: we mulume, ntamanyiri ebi ogwerhe waderha. Honaho amango acigwerhe aderha, oluhazi lwabika.
\v 61 Nahamwirhu, ahindamuka, alola kwo Petro. Na Petro akengera akanwa Nnahamwirhu amubwiraga erhi: Ene han'oluhazi lubika erhi wama mpakana kasharhu.
\v 62 Aj'embuga, agendi lakira yo n'oburhe bwenene.
\p
\v 63 N'abo bantu baligwerhe Yezu bamuganyaguza n'okumushurha.
\v 64 Bamushweka n'amalanga, bamudosa, baderha mpu: leba ndi okushusire.
\v 65 Nayindi myanzi minji badesire omu kumujachira.
\p
\v 66 N'erhi bucha, akagombe k'abashosi, n'abakuhani bakulu n'abakarani, barhimanana, bamuheka aha ngombe yabo.
\v 67 Baderha mpu: akaba oli KRISTO, orhubwire. Yezu ababwira erhi: ciru nanka mubwira, murhanka yemera;
\v 68 Na nkananka mudosa, murhashuze.
\v 69 Cikwone kurhenga buno mwene muntu atamala ekuboko kulyo kw'obuhashe bwa Mungu.
\p
\v 70 Boshi baderha mpu: ka nawe ntyo oli mwene Mungu? Ababwira erhi: mku desire, ndi ye.
\p
\v 71 Lero aderha: Karhuci gwerhe olwifinjo lw'obuhamirize? Rhwa muyunvurhe rhwene oku kanwa kage.
\c 23
\cl Cigabi 23
\p
\v 1 Bana yimuka boshi, banaheka Yezu emalanga ga Pilato.
\v 2 Bana muheka lubanja, baderha: Rhwarhimanyire oyu muntu alikw'arhirika olubaga, n'oku balahiza okulyula ecitoro emwa kaizari, n'okuciderha yene oku ye Kristo, mwami.
\p
\v 3 Pilato amudosa, omu kuderha: Ka we mwami w'a Bayahudi? Yezu amushuza: Okudesire.
\p
\v 4 Pilato abwira abadahwa bakulu n'olubaga: Nta mahushe goshi goshi nbwine e mwoyo muntu.
\p
\v 5 Cikwoki banagendekera, n'okuderha mpu: Alikwo ayigiriza olubaga n'oku lushumika omu Yudea, ciru n'e Galilaya, yo arhonderaga, kuhika eno.
\v 6 Erhi Pilato ayunva baderha e Galilaya, adosa erhi oyo muntu ali mugalilaya;
\v 7 Erhi amanya oku ali w'omu burhegesi bwa Herode, ashubi murhuma emwa Herode, wali e Yerusalemu omw'ezo nsiku.
\p
\v 8 Erhi Herode abona Yezu, ashagaluka bwenene; bulya kurhenga mango mali, alicifinjire oku mubona, kushimbana n'ebyali akayunva bamuderhera, n'obulangalire bwage mpu abone ajir'ebisomerine.
\v 9 Amudosa madoso manji; cikwoki Yezu arhamushuzagya.
\v 10 Abagula bakulu na bandisi bali aho, n'oku muderhera ebirhali.
\v 11 Herodi n'abalanzi bage, bamuganyagusa; na, buzinda bamuyambika omushangi mweru, n'okumushubiza emwa Pilato.
\v 12 Olwo lusiku lonene, Pilato na Herodi bayinjibana n'obwo bali shombine burhanzi.
\p
\v 13 Olwo lusiku Pilato arhumbika abagula bakulu, bazuzi, n'olubaga,
\v 14 ababwira: Mwandwirhire oyu muntu nk'oli wagomesa olubaga. Nani nanamudosa emalanga ginyu, ntamubwine kwo chijiro cibi ciru n'eciguma omubyoshi mwamuderhire;
\v 15 Herode naye kwonokwo, aciri rhurhumira ye, kuziga ntaco oyo muntu ajijire cikwanine afe.
\v 16 Namulika, enyuma ly'oku mushurhisa orhurhi.
\v 17 Ngasi lusiku lukulu, byali shinganine balike mushwekwa muguma.
\v 18 Boshi haguma bayakuza: Oyirhe oyu, orhulikire Baraba.
\v 19 Oyo muntu ahebirwe omu mugozi erhi bugoma ajiraga omu lugo, n'obunizi.
\v 20 Pilato aciri babwira buhyahya, omukulonza okulika Yezu.
\v 21 Banacikubiza: Ayirhwe, ayirhwe!
\v 22 Pilato aciri babwira bwa kasharhu: Bubi buci ajijire? Ntabwini bici byankarhuma afa. Namulika hano mba namomushurhisa orhurhi.
\v 23 Cikwone banagendekera bayakuza n'okuhuna okw'anigwe. OKuyama kwabo kwaluga:
\v 24 Pilato ayakuza oku eci bahunaga cajirwa.
\v 25 Alikula olya wahebagwa omu mugozi erhi obugoma n'obunizi burhuma, bulya kwo bali lonzize; abaha Yezu bamujire nk'oku banalonzize.
\p
\v 26 Erhi bakola bamudwirhe, bagwarha Simoni wa Kweno, erhi afuluka omu mashwa, bamuberhuza omusalaba mpu aguberhule enyuma lya Yezu.
\p
\v 27 Olubaga lunene lwali bashimbulire, n'abakazi bajaga bacishurha ebifuba n'okuci duduma enyanya lyage.
\v 28 Lero Yezu abahindamukira n'oku babwira: Erhi banyere be Yerusalemu, murha ndakire nye; ci mucilakire mwene n'abana binyu.
\v 29 Bulya, ensiku ziyishire bashikaderha: Iragi emw'engumba, iragi ly'enda zirhaburhaga, n'amabere garhayonsagya!
\q
\v 30 Lero bashirhondera n'okubwira entondo: Murhu hirimire! N'ebirhwa: murhu bwikire!
\v 31 Nka bankajira omurhi mubishi ntya, gurhi byahikira oku murhi mûmu?
\p
\v 32 Olwo lusiku bali hesire ebishumusi bibiri, byali shinganinwe okunigwa haguma na Yezu.
\p
\v 33 Erhi bahika oku ntondo edesirwe kanpanga, bamu manika oku musalaba haguma na balya babi babiri, muguma ekulyo, owindi ekumosho.
\v 34 Lero Yezu aderha: Larha, oba babalire bulya barhamanyiri ebi bajijire. Baja cigole, n'okugaba emishangi yage.
\p
\v 35 Olubaga lwali aho, luli lwalola. Abatwi b'emanja baganyagusa Yezu, n'okuderha: Acizize abandi, Aci cizagy' aho; nkaba Ali Kristo, mwishogwa wa Mungu!
\p
\v 36 Ciru n'abasirika nabo bamu ganyagusa bwenene; baka muyegera n'oku munywesa amishi malulu,
\v 37 Bakaderha: Nkaba oli mwami w'a Bayahudi, cicize wene!
\v 38 N'oku nyanya ly'ogwo murhi bali yandisire: "Oyu ye mwami wa bayahudi."
\p
\v 39 Muguma w'abo bashambo arhondera ajacira, n'okuderha: K'orhali Kristu? Cicize wene, na nirhu orhucize!
\p
\v 40 Cikwoki owindi alongoza owabo, n'okuderha: Orha yobohiri Nnamuzinda, we ohabirwe obuhane buguma naye?
\v 41 Ci rhwehe bishinganine n'ebyo rhwajijire, cikwoki yehe arhagwerhi mahushe goshi goshi.
\v 42 Lero abwira Yezu: Onkengere, han'oja omu bwami bwawe.
\p
\v 43 Yezu amushuza: Nkubwizire n'obwalagale bwoshi, ene waba haguma na nani omu paradizo.
\p
\v 44 Hali hofi omu kagarhi k'omulegerege, omwizizi gwaba omw'igulu lyoshi kuhika aha nsa mwenda z'omulegerege.
\v 45 Izuba lyaja mw'omwizizi, n'omushangi gw'omu kagombe gwabereka mwo kabiri.
\v 46 Lero yezu akubiza okw'izu linene: "larha mbisire omurhima gwani omu maboko gawe." N'omwako kasangi ana hola.
\p
\v 47 Omukulu w'abasirika erhi abona echana hikirira, akoza Nnamuzinda, ana derha: kwobinali, oyo muntu ali mushinganyanya.
\v 48 Na balya boshi bali aho kusinza eco cajirikanaga, erhi babona ecahikirire, bagaluka baja bacishura oku cifuba.
\v 49 Boshi balimanyire Yezu, n'abakazi bali mulusize kurhenga e galilaya, bali yimanzire hali n'okusinza ecali kajirikana.
\p
\v 50 Hali omuhanuzi, alikwo ahamagalwa okw'izino lya Yosefu, ali muntu mwinja na mushinganyanya.
\v 51 Nta mango ayemire ihano n'ebijiro bya babo; ali w'e Arimatayo, murhundu gw'e Buyahudi, anakagi lindirira obwami bwa Nnamuzinda.
\v 52 Oyo mulume aja emwa Pilato, anahuna omubiri gwa Yezu.
\v 53 Aguhonosa oku musalaba, aguboha omu mishangi, n'oku gubisha omu nshinda, erhali cihebwa mw'owindi muntu.
\v 54 Lwali lusiku lwa marheganyo, n'esabato yalikola yarhondera.
\v 55 Abakazi barhengaga e Galilaya haguma na Yesu balusa Yosefu, babona enshinda na gurhi omubiri gwa Yesu gwali mudekereze,
\v 56 Banagaluka, banarheganya amavurha g'ibaya n'amarasi. Bana rhamuka olusiku lwa Sabato, nkolu byali rhegesirwe.
\c 24
\cl Cigabi 24
\p
\v 1 Olusiku lurhanzi lw'omugobe, baja ebwa nshinda hibungubungu, n'okuheba amarasi bali rheganyize.
\v 2 Barhingana okw'ibuye lyakuzirwe eluso lw'enshinda;
\v 3 N'erhi badaha, barhashinganaga omubiri gwa Nnahamwirhu Yezu.
\v 4 Erhi baba barhaci manyiri eci bankarhanya enyanya ly'eco, alaga, balume babirhi babayishira, n'emishangi yali yakalomeka.
\v 5 Bagwarhwa n'ecoba, bayunamya amalanga okw'idaho; cikwoki bababwira: Bulya gurhi mulikwo mwalongeza ozine omu bafire?
\v 6 Arhaciri hano, cikwone anafusire. Mukengere gurhi ababwizire omu kasanzi aciri e Galilaya,
\v 7 Ali anakaderha: Bishinganine omwana w'omuntu ahânwe omu maboko g'abe byaha, amanikwe anafuke omu lusiku lw'a kasharhu.
\v 8 Banakengera emyanzi ya Yezu.
\v 9 Erhi bagaluka ebwa nshinda, bamanyusa balya ikumi na muguma byoshi n'abandi boshi.
\v 10 Abadesire ebyo emw'entumwa bali Maria Maria we Magdala, Jane, Maria Nnina wa Yaobo n'abandi bali boshi.
\v 11 Barlola eyo myanzi nka bilorho, na barha yemeraga abo bakazi.
\v 12 Cikwoki petro ayimuka, n'okulibirhira ebwa ncinda, erhi ayunama, abona ebirere byone okw'idaho, ana galuka emwage, n'oku somerwa n'ebya hikirire.
\p
\v 13 Lero, lwonolwo lusiku, bigirizibwa babiri bajaga omu lugo ludesirwe Emmau, lwali oku lugenzi lwa stadi makumi galindarhu;
\v 14 Na balibakashambala ebyabire.
\v 15 Erhi bakola bali baderha n'oku hagisanya, Yezu ayegera, banagenda boshi omu njira.
\v 16 Cikwoki amasu gabo garhamumanyaga.
\v 17 Ababwira: Bici mulikwo mwaderha mwanaja mwagenda, lyo muba bure ntya?
\p
\v 18 Muguma wabo, oderhwa Cleopa, amushuza: k'oli muguma, w'omu Yerusalemu orhamanyiri ebyazindigi ba omwezi nsiku?
\p
\v 19 Bici ebyo? Nabo bamushuza: Ebya hisire enyanya lya Yezu w'e Nanzareti, olya wali mulebi w'obuhashe bunene omu bijiro n'emyanzi emalanga ga Nnamahanga n'emalanga g'olubaga lwoshi,
\v 20 Na gurhi abagula bakulu n'abatwi b'emanja bamuhanaga mpu ayirhwe.
\v 21 Rhwali langalire oku ye wana cize Israeli; cikwoki haguma nokwo, nsiku zisharhu izi kurhenga ebyo bijirikine.
\v 22 Biri by'okuli oku bakazi baguma bali haguma na nirhu barhusomezize; ene baja ebwa nshinda hibungubungu.
\v 23 Barhashinganire omubiri gwage, bamayishi rhubwira oku ba malaika bababonekire n'okubamanyusa oku azine.
\v 24 Baguma muli rhwe bajire ebwa nshinda, bana rhingana ebintu nkoku abo bakazi banadesire; cikwone yehé, barhamubwine.
\p
\v 25 Lero Yezu ababwira: Ewe mwe balume murhadwerhi bwenge, na mwe b'emirhima milembu oku yemera ebya desîrwe n'abalebi!
\v 26 Birhali shinganine Kristu alibuke n'ebyo bintu, n'oku daha omu bukuze bwage?
\v 27 Na, kurhangira oku Musa n'oku balebi boshi, abamanyusa omu mandiko ebyali muyerekire.
\p
\v 28 Erhi bayegera olugo emunda bajaga, alonza okugendekera hali.
\v 29 Cikwoki bamuseza n'okuderha: Obere nanirhu bulya ebijingo byana yegera, n'omushi gukola gwahwa. Anadaha, n'okubera nabo.
\v 30 Erhi akola ali oku meza nabo, arhola omugati; n'erhi aba amavuga omunkwa, agugaba, n'okubaha gwo.
\v 31 Lero amasu gabo gayiguka, bana mumanya, cikwone ahirigirha emalanga gabo.
\v 32 Bana bwirana: Emirhima irhu erhaliko yagulumira omu ndalala zirhu, ene ali arhushambaza omu njira n'okurhumanyusa amandiko?
\v 33 Bana yimuka omwako kasanzi, bagaluka e Yerusalemu, bashingana balya ikumi na muguma, n'abali haguma nabo, barhinganine
\v 34 banaderha: Nnahamwirhu anafûsire kwo binali, ananabonekire na Simoni.
\v 35 Bana bashambalira ebi bashinganine nabyo omu njira, n'oku bamu manyire mwo ene agaba omugati.
\p
\v 36 Erhi bali bashambala okuli nk'oko, yena nene doka ababonekera omu karhikabo, ana babwira: Omurhula gube haguma ninyu!
\v 37 Lero ecoba cabagwarha, barhanya mpu nkaba muzimu babwine.
\v 38 Cikwoki ababwira: Bulya gurhi mulugusire, na bulya gurhi entanya mwenezo zamazuka omu mirhima yinyu?
\v 39 Sinzagi amaboko gani, niene dok'oyu; mumpume kwo mulole: omuzimu arhajira munyafu erhi civuha, nkoku muna mbwine.
\v 40 N'omu kuderh'ebyo, abalangula amaboko gage n'amagulu gage.
\v 41 Lero, omwobwo bushagaluke, barhali ciyemera ciru, banaciri omu kusomerwa, lero ababwira: kamugwerhe ebyokulya?
\v 42 Bamu hereza ensamaki nyoce n'ecirholo co buci.
\v 43 Arhola, analya emalanga gabo.
\p
\v 44 Lero ababwira: byo nakagi babwira amango nâli haguma na ninyu, oku byali shinganine bihikirire byoshi byali yandisirwe enyanya zani omu citabu ca Musa, n'abalebi, n'omu nanga.
\v 45 Lero abayugula obwenge, lyo bamanyusa amandiko.
\v 46 Na anababwira: biyandisirwe oku kristo ayishi libuzibwa, anayishi fuka omu bafu olusiku lwa kasharhu,
\v 47 Obuciyunjuze n'oku babalirwa ebyaha byayigirizibwa okw'izino lyage oku amashanja goshi, kurhondera e Yerusalemu.
\v 48 Muli bahamirizi b'okwo.
\v 49 Alaga, narhuma enyanya linyu bilya larha alaganaga, cikwoki mwehe muberage omu lugo kuhika muyambikwe obuhashe bw'enyanya.
\p
\v 50-51 Abalongolana kuhika e Betania, na, anâlengéza amaboko, abagisha. Erhi ali abagisha, aciberula nabo, ana lengezibwa e malunga.
\v 52 Nabo, erhi baba bama mwikumba, bashubira e Yerusalemu n'obushagaluke bwinji;
\v 53 Banabera omu ka Nnamuzinda, bakuza n'okuvuga Nnamuzinda omunkwa.