soz_reg/59-HEB.usfm

\id HEB
\ide UTF-8
\h Baebrania
\toc1 Baebrania
\toc2 Baebrania
\toc3 heb
\mt Baebrania
\c 1
\cl Mlyangu 1
\p
\v 1 Meri jalya jahetire Mugwe agambire nabamalakolo bakwehe beto ikirya baghorowa ba bugwene ekolwa bunge na kwa nkondo jineni.
\v 2 Ale nkya jiji tule najyo Mugwe agambaga neshe ekirya Mwana ulya ang'haghare ekolwa mugabi wa binto byonse na ekolwa ekirya we na ebiryua nse kwegolo na kwa nse.
\v 3 Mwanehe ni mbuseri bweg'wasa bwehe ngendelo jyehe mwene boka kala na erosaga binto byonse kwa ekalaga lya nguru jyehe. Mamuna yehikerya ekerya lya ng'adaba amuutiorye nse hara ya kuboko kwa kugolyo kwa enzi kokyo kwegolo.
\p
\v 4 Akaba mjaregu ekela Malaika bwebina lilya agabire bulyua lile lijaregu ekela bineni ekela ebina lyobo.
\v 5 Kwebuga ni Malaika ke ashamire ebuga, “Wee ni mwanawa, ryolo mbaba g'horiyo?” Na lenge, “Nkoba ese kwehe, nene akoba Mwana kwawa?”
\p
\v 6 Lenge lilya Mugwe amuletire mbyalwa wa mbele nseeno, abugaga, “Malaika bonse ba Mugwe lazima bamug'horowane.”
\p
\v 7 Ebuga Malaika abugate, “Wee ulya ag'hareragya Malaiaka jehe Kweba nkolo, na baraha behe ekolwa ndeme jya Moki.”
\p
\v 8 Ekolwa Mwana abugaga, “Horiga yajyo ya g'horou Mugwe, nwa nkya jyonse musengi jwa bwekorani bwajyo nywa saba.
\q
\v 9 Ubakonda bujaregu na ekerya ebunja lya ngendelo kwa ryolo Mugwe, Mugwe wajyo, abakuha maguta jeg'hamela ekela balugu bajyo eboka mbele Mwegeri agitere mwandelu jwanseeno.
\p
\v 10 Ajyo runela, Mwegeri agitere erunela ryanse. Kwegolo milemo jya miboko jyajyo.
\q
\v 11 Jikenyaganyaga, ale we nukekolwa jyonse jikesira butana bo ngobi.
\q
\v 12 UKejibulana bo kabuti, najyo jikelajoka ekola ngobi, alewe nwe ulyasei, myaka jyajyo nawe itumineesira.”
\p
\v 13 Ale malaika Ke Mugwe abugire kagerokonse, “Muntya kuboko kwawa kwa golyo ngore ghajya bahoma bajyo kolwa horiga ya Magolo jajyo.”
\p
\v 14 Alelee, Malaika jonse tijo nkolo jyatomirwe ebarasherya ne balela balya bakegaba Buhonokya?
\c 2
\cl Mlyangu 2
\p
\v 1 Ryolo ni nzaszima tuigitele kipaumbele kwa jalya twojirye ili tuhabeeje tengwa halehu nayo.
\v 2 Nebuga bujumbe bulya bugambire ni Malaika mbwa saba, na kila buhombya na bwasi butolaga buhombya sei,
\v 3 Tukehikya bobwekera akola tutitalelate buhonokya bobo bukolo? - Buhonokya bwa mbele bwa tangazire ni Mugwe nehetigwa kweto ekirya balya bale galanda.
\v 4 Mugwe nene nalinande eng'assa maajabu, na kwa makalaga jakolo ja oho, na eheta Nkolo Mseri jilya agabire ehirya bahenji bwehe Mwene.
\p
\v 5 Mugwe atyandi egitela nseeno bobobujate, bulya tugambelate makalaga jehe, nse ya ya bana ba Mugwe.
\v 6 Anamuna yehe monto fulani arabererye hantu fulani akabuga, “Mnto nino, rari ukahikya eterya? Anga mwana monto, rari uksmmehela?
\q
\v 7 Wag'hajya monton obe n mriri kuliko mwana Wa Mugwe wambeka taji Juseri na nsoni \f + \ft Tale la makalaga jaja \fqa jitiho halya hale nakala jya kala. \fqa* \f*
\v 8 Agitere kilya kinto nse ya magolo jajyo,” jyolo Mugwe agitere kilya kinto nse ya Monto. Atyandi haba kinto rari kimwe kitinse yehe. Ale saeno tutibane bado kila kinto kile nse yehe.
\v 9 Rari bobyo tubane ulya ale aghajirigwe kwa mda, nse kuliko bana ba Mugwe -Yesu, ulya kwekolwa jya mateso jehe na lokyo lwehe akabekwa taji lya Buseri na nsoni. Kwa bobyo kwa bujaregu bwa Mugwe adadaghire lokyo kwa ajili ya kila monto.
\p
\v 10 Nebuga eoba bujaregu kwa Mugwe, kwabulya kila kinto nkile kwa ajili yehe na etelya wo, akondekanaga eleta bana baneni kwenye buseri, na bulya akondekanaga egh'aya mwekorani kwa buhonokya bwobo eoba mkamilifu etirya mateso jehe.
\v 11 Kwekola bonse babele olya agitelaga wakifu bwa balya bbale bagitelagwa wakifu. Bonse babokaga eboka yeng'onye emwe, Mugwe. Kwa bulya eno ulya abagitelaga wakifu kwa Mugwe atibone nsoni ebabugela ndogoo.
\v 12 Abugaga, “Aketangaya ebuna lya jijo kwa ndogo jiawa, nkeghuja kuhusu wee eboka nyumba ndane gusanyiko.”
\p
\v 13 Ejagha abugate, “Niedekela kwa woo.” Na lenge “Raberya, oho nde na bana olya Mugwe ang'ere.”
\p
\v 14 Riolo kwekola bana ba Mugwe bonse bashirikiaga kwa ulebehe na ndaghami, Nenjagha Yesu ashirikire olya ale na Bwekorani egolo ya lakiyo, bulya ni kiselo kya nse.
\v 15 Lele lyahe byo ebuga abaghaghare huru balya bonse olya epitia eriala lya lokyo batore serye joho jonse kwa Butomwa.
\v 16 Kwa saba tii Malaika abarosheragia. Anamuna yehe abarasheragia kiburi kya Ibrahimu.
\v 17 Ryolo liale, ilya ndazima woo akolwe kola mwondogo wobo kwa nkondo jyonse ebuga akolwe kuhani mkolo ale huruma na bugwanu kwa binto bya Mugwe na ebuga akolwe ahikirie akehikya ehumia msamaha jwa ng'adaba jya bantu.
\v 18 Kwa bulya yesu woka atesekire na ededemwa aleuwez bwe barasharia balya badedemagwa.
\c 3
\cl Mlyangu 3
\p
\v 1 Ryolo ndogo jiawa baseri, bashiriki ba wito bwa kwegolo, mterie Yesu, Mtomwa na kuhani mkolo ukiri weto.
\v 2 Ale mugwanu kwa Mugwe ulya amtore bulya Musa olya ale Mugwanu kwa nyumba yonse ya Mugwe.
\v 3 Kwe kolwa Yesu atorwe ekolwa na nsoni jikolo kuliko jalya jale na Musa. Kwa bulya ulya obokaga nyumba atalelagwa ekolwa na nsoni nkolo kuliko nyumba yene.
\v 4 Kwe kolwa Kila nyumba yabokagwa na mopnto ulya, ale ulya aobokaga kilya kinto ni Mugwe.
\v 5 Nsaba Musa ale mugwanu kola mkiborwa kwa nyumba jionse jya Mugwe, ahumia ushuhuda bulya makalaga bulia jakeebugwa ngara bulya bukeeja.
\v 6 Ale Kristo ni Mwana Kwa Bwekorani bwa Nyumba ya Mugwe. Eshe ni nyumba yehe kola ntukeerigela haraka ejiamini na fahari yejiamini.
\p
\v 7 Ryolo bulya, Nkolo Museri abugate, “Kyeno akola ukeojia ero lyehe.
\v 8 Habe eghajia nkolo jajiyo imbibo baisraeli bulya baghairie katika buhoma, Kwa ngara bwa ededemwa bweloni.
\v 9 Bobo bwale ngara olya Baba benyu mbandegire kwejariba na Ngara kwa bilemela yilone enyanya mbabande makalaga jawa.
\p
\v 10 Ryolo ntyandi eghameligwa ndubialu lolio. Nabugire bobate kwenye nkondo jyobo Kila ng'ende na batije nkondo jyawa.
\p
\v 11 Mbo bulya naapire kwa eregiye lyawa; balimune shala eshamela lyawa.”
\p
\v 12 Kolwa baangalifu, ndogo, jyawa ebuga muhabe ekolwa na nkolo mbeju mhabe edekela kwa omwe wenyu.
\v 13 Anamuna yehe, mutangaselane kila nkya na mulugu wehe, ebuga kila nkya mtamani, ebuga kate yeto omwe ahabeeghaigwa ekola mubibo wesasabwa wa ng'adaba.
\v 14 Mamuna twakolwa bashiriki ba Kristo akola ntukekolwa tuberigana nauthabiti bweto kwa nguru kwa woo eboka mbelee mbaka Mwisho.
\v 15 Kuhusu lele nkwasubirwe ebugwa, “Nkyeno akola mkeegereia ero lyehe, mkabe eghajya nkolo jyienyu ekolwa jibibo bo Baisraeli; bulia baghairiye ngara wa buhoma.”
\p
\v 16 Mbo babyo bamwojirye ebugwa Mugwe ne buhoma? Batyale balya bonse olya Musa abaraghushirye eboka Misri?
\v 17 Mbo babyo bulya Mugwe abamindere bilemela milonge enyanya? Tibamwe na balya baghairie ng'adaba, bobulya mibele yobo ilya yakire yarare ebati egolo.
\v 18 Mbau babio baapare Mugwe bulya batimune eshala kwa eghamela yehe. Akola tibalya bati msokire woo?
\v 19 Tuborie bulya batyandi ehikie eshala kwa eghamela yehe kwekola batandi edekela.
\c 4
\cl Mlyangu 4
\p
\v 1 Ryolo, tutakiatwe tukolwe makini ebuga kate yeto ahabe ekolwa rari omwe akedemwa ehikela ahadi ndehu ya eshala kwa ededuta lya Mugwe.
\v 2 Bulya tubakolwa na masikelo jajaregu ehusu eduduta lya Mugwe lilya lyatangazirwe kweto bo Baisraeli bale nayo ale masikelo jajyo jatiande ebarasheria balia ba bwojirie hati eunganisha edekela -eshe ntukeekolwa kate tukeeshala kwa eduduta lelyo, bulya ibugate balia na bwajirie bila eanganisha edekerya kwa lelyo.
\v 3 Kwa eshe olya twasubire edekerya- eshe ntukeekolwa bariri tukeeshala katika eduduta lelio, bulia ebugate, balia naopire kwa emena lyawa-Batimneeshala katika eduduta lyawa. Abugate lele, Bilya milemo jyonse jilya aghairye jyakorwe nsubire esuba eboka mbele ya Nseeno.
\v 4 Bulya Nasubire ebuga hantu lalia ehusu nkya ya Muhungati, “Mugwe adudutire nkya ya Muhungati Kwa byionse bilya aghaiirie.”
\p
\v 5 Lenge nasubire ebuga, “Balimune eshala kwa Eduduta lyehe.”
\p
\v 6 Kwa bulya eyo, eboka eduduta lya mugwe bado ni akiba kwa balya bale bariri eshala na eboka Baisraeli baneni balia baojirye masikelo jajyo jajaregu kuhusu eduduta lyehe batiandi eshala kwa bulya yelege etii.
\v 7 Mugwe agitere nkya inge, ibugwa “Nkyeno” woo arosire nkya eno lilyagambire epitia Daudi, olya abugire kwa mugero julehu mamuna ya jalia jabugirwe mbele, “Nkyeno akola mkeojya ero lyehe mkabeeghajya mkolo jyenyu eba jibibo.”
\p
\v 8 Bulya Akola Yoshua abahere eduduta, Mugwe abugire egolo lya nkya jinge.
\v 9 Ryolo bado hale nkya ya ghorou yeduduta Mugwe ilya ibekirwe kwa bulya ya Mugwe.
\v 10 Bulya ulia ashalate kwa eduduta lya Muigwe woo bene adudutire eboka na makalaga jehe, bulya Mugwe aghairie kwa woo.
\p
\v 11 Ryolo tukolweni na ekonda lyeshala kwa eduduta, ebuga ahabe ekolwa weegwa Kwa aina ya buyhombya bulia baghairie.
\v 12 Kwekola ekalaga lya Mugwe lileserie na lile na ngturu na lile na bulolo eheta lojyo bonse balia bale na bulolo kubele. Na ejagha mbaka ehikela egaba nafsi na nkolo na bimusa kwa uboho. Na ehikya emanya edemeria nkolo kilya ikondate.
\v 13 Hati kilya kya gharerigwe kiebisire kwa busho bwa Mugwe. Anamuna yehe, kilya kinto kibanenekane na buhashebwa meso ya Omwe olya udasoma tuhumie etala.
\p
\v 14 Baadaye ekolwa na mwekorani mkolo asharire kwa egolo, Yesu Mwana wa Mugwe, Kwa bubibo twerigei Sayo yeto.
\v 15 Kwekola tuti mwekorani mkolo olya atimune ehikya ejojya huruma kwa bulya ya bubotu bweto, Ale wo kwa nkondo jyeto akolwa we dedemagwa kweto eshe itibobulya wo olya ati ng'adaba.
\v 16 Egera tuje kwa bughomi kwa horiga ya Kwegolo ya Mugwe ya ghorou, ebuga tuhebwe bujaregu na ebana bujaregu bwe turasheria ngera yekonda.
\c 5
\cl Mlyangu 5
\p
\v 1 Kwani kilya Mwekorani mkolo, atorirwe eboka bagwe jya bantu. Aloborwa ema badala yobo kwa binto bilya byangane na Mugwe ebuga ahikye ehumia kwa limwe zawadi na goro kwa bulya ya ng'adaba
\v 2 Akehikya ejangangela kwa busisi na bantu na bantu bughara na babishi kwekola wa mwene andamirwa ni bubotu.
\v 3 Kwa bulya lele, ale na milemo yehumia sadaka kwa bulya jya Ng'adaba jyehe bobulia aghayagya ng'adaba jya bantu.
\v 4 Na hati monto akolagwa na nsoni eno kwa bulya yehe mwene. Ale anamuna yehe, ndazima abugelwe na Mugwe boo bulia ale Haruni.
\v 5 Ejagha Kristo atandi eha nsoni weka kweghajya weka eoba mwekorani mkolo. Anamuna yehe, Mugwe abugire kwehe, “We Mwaniwa, nkyeno mboba ghonio.”
\p
\v 6 Mbo bulia abugaga ejagha nse jinge, “We ni Mwekorani bilemela na bilemela baada ya Mtubageri wa Melkizedeki.”
\p
\v 7 Ngera jya Nkya kyehe kwa mubele ehere na eyehelela, aeherere Mugwe kwa mesori kwa wo ahikagya emuhonokya eboka lokyo. Kwa bulya yesasama na yehe kwa Mugwe akojigwa.
\v 8 Kwekola ale mwana, amanyerererye eghajya nsoni kwa makala jalia jamsumbuhire.
\v 9 Asubereri na kwa nkondo eno aghaekirye kwa kila monto amwendekerye kwa bulya ya buhonoki bwa Kala na kala.
\v 10 Kwehobwa Mugwe akola Mwekorani mkolo bushone ya galanda ya Melkizedeki.
\p
\v 11 Tule na janeni jebuga ehusu Yesu, Ale ndibibo ebadoleterya kwekola enyie mle babotu beojya.
\v 12 Kwekola mugero keke mwakondagwa mwobe bamanyererya bado hale umuhimu bwa Monto ebamanyererya emanya jya suha ya Kanunu jya ekalaga lya Mugwe. Mkondate mariba na ti busho bibibo.
\v 13 Kwekola boonse anywejaga mariba joka ati manyelaga kwa masikelo ja nsaba, kwekola bado ni Mwana.
\v 14 Kwa hara inge bosho bubibo bwa bantu bakolo balya balya kwa bulya yemanyela bo kwa ekerania saba na bubeju bamanyerigwa emanya lijaregu na libeju.
\c 6
\cl Mlyangu 6
\p
\v 1 Ryolo twahabahikya twemanyererye mbele ehusu masikelo ja Kristo. Tutakiatwe ekolwa na juhudi na ebania kweoba bakolage, tukabe egitela lenge misingi yehaba ng'adaba eboka kwa milemo jiti na serie na yedekerya kwa Mugwe.
\v 2 Rari misingi ya emanyererigwa ya bubatizo na ebagitela miboko, eryoka lya bakire, na ebohwa lya kala na kala.
\v 3 Na tukeeghajya bobyio akola Mugwe na keesegera.
\v 4 Kwekola itimune eghwasa kwa balia balya babande nandabye kala anga mbele balya bahonjire kipawaa kya kwegolo na eghaigwa eoba baghajya hamwe ba nkolo nseri.
\v 5 Na balya bahonjire bajaregu bwa ekalaga lya Mugwe na kwa Nguru jya ngera ilya ikeja.
\v 6 Na asuba bakagwa-itime esegerwa bajokigwe lenge ehaba ng'adaba, Eno kwa bulya mbamsulubishirye Mwana wa Mugwe kwa mara ya Kabele kwa serie jyobo, bakamughajya eoba kirano kya dhihaka bwelo egolo.
\v 7 Kwekola nse ilya yijirye mbura erobanate mara kwa mara egolo lyehe, na ilahumia lenge njaregu kwa balya baghairye milemo kwenye reri, babanaga mata jajaregu kwa Mugwe.
\v 8 Ale akola bibyalaga mibwqa na malamata, iti bujaregu lenge na ilya kwa mata jabeju je bekelwa muma esuba lyehe nie bulagwa.
\p
\v 9 Kwekola ntugambate bobyio, Bahenji bakondwa tusasabatwe na makalaga jajaregu jabahusire enyie na makalaga jahusire bahonoki.
\v 10 Kwekola Mugwe ti dhalimu enjagha aebelwe milemo jyenyu na kwa Bujaregu bulia mwamubandye kwa bulya lya ebina lyehe kwa lele mwabaghayagya mubabyedekerya na bado mwabagharagya.
\v 11 Na tukondate muno bulya kila omwe wenyu ahikye ebania bidii eyo eyo mbaka esuba kwa bujaregu bwa bughomi.
\v 12 Tutikonde mkolwe babotu ale mube bamwei ba barithio ng'orieda kwa bulya ya edekerya na buvumilivu.
\p
\v 13 Kwekola Mugwe lilya ahere Abrahamu ng'orieda, areremana kwa serie yehe, kwekola atialedeha jkwa ange wonse mkolo ekela wo.
\v 14 Abugire, “Saba nkekutyela mata na nkekururosa lubyalu lwajyon mno.”
\v 15 Kwa nkondo eno, Abrahamu herwe ng'orieda ilya aberwe baada yebeta kwa biberya.
\v 16 Amamuna bantu bashimaga kwa olya mkolo ekela bona kwobo ukomo bwa ekerania nguru jyonse neshima kweraberya mno.
\v 17 Ngera Mugwe akondire ebanisha kwa hashe mno kwa barithi bang'orieda ekonda lyehe bujaregu litya lajokaga, aliraberye kweshima.
\v 18 Agitere bobyio ebuga binto bibele bitihikirye alajoka olya kwa bibyio Mugwe atihiketye ebuga bwerehi eshe balia twaroherere eghaghara tubane esasamwa ebuga twejerigeke kwa nguru tumaini lilya ligiterwer bushone bweto.
\v 19 Tule na bughomi bobo akola nanga mbibo naya betela ya nkolo jyeto, bughomi olya bushalate hantu handane suha ya Pazia.
\v 20 Yesu asharire ajyo bo ng'oteri weto asubireeghaeka mwekorani mkolo enjagha kala na kala baada ya bukarero bwa Melkizedeki.
\c 7
\cl Mlyangu 7
\p
\v 1 Liale bobyo Melkizedeki Mwegeri wa Salemu, Mwekorani wa Mugwe ale kwegolo, ajaghande na Abrahamu ajokate eboka ebulaga begeri na akatyelwa mata.
\v 2 Abrahamu ahemiryerwe emwe ya ekomi ya kila kindo ale na kyo akihingerie, ebina lyehe “Melkezedeki” mamuna yehe “bwegeri bwa saba” na enjagha “bwegeri wa Salemu,” bulya ni “bwegeri wa Sayo.”
\v 3 Hati ese ati ng'ina mwobo ati mbele ya nkya wa bushone bwa seryie jehe, amamuna yehe atigwa Mwekorani kala na kala bo Mwana wa Mugwe.
\p
\v 4 Ryolo demeri bulya monto oyo ale mukolo Baba weto Abrahamu amhere binto bilya byale bijaregu bitane.
\v 5 Manyate kijomi kya liwali mbabande hofisi jyo ekorani bale na amuri eboka kwa Sheria ekusanya omwe ya ekomi eboka kwa bantu bulya neboka kwa Waisraeli bobo hamwe wa Bulya bo ni kijomi eboka kwa Abrahamu.
\v 6 Ale melkizedekiolya ale wa kijomi kya walawi aherwe emwe ekomi eboka kwa Ibrahamu na akatyela mata wo ulia ale na ng'orieda.
\v 7 Ajyo itumune elegwa kwa monto mriri abarikiwagwa ni monto mkolo.
\v 8 Kwa ekalaga lele monto akehebwa emwe ya ekomi akekya nkyemwe, ale kwa ekalaga lenge limwe olia aherwe emwe ya ekomi kwa Abrahamu ikabugwa bulya atore.
\v 9 Na kwa mamuna yegamba lawi ulya aherwe emwe ya ekomi ejagha alibire emwe ya ekomi kwa Abrahamu.
\v 10 Kwa bulya Lawi ale kwa kibono kya ese Abrahamu ngera ajaghande na Melkizedeki.
\p
\v 11 Ryolo akola bukamilifu mbuke nawezekana etiria bwekorani bwa Lawi (ryolo nse yehe bantu babanaga sheria) kwale na ekonda ke kwa umekoni unge? Boka baada ya mtobagero jwa Melkizedeki na nti abugelwa anamuna ya mpangilio jwa Haruni?
\v 12 Ryolo Bwewkorani bwadagajoka enjagha sheria riyalajoke.
\v 13 Kwa omwe olya makalaga jaja jabugirwe kuhusu kabira linge eboka kwehe hati ulya ahudumire madhabahuni.
\v 14 Ryolo nishashe kwamba Mwegeri weto abokire kati Yuida kobira olya Musa atyandi etoja kuhusu Bwekorani.
\v 15 Na jaja tubuga ni hashe hara Mwekorani unge nakeehuma kwa bulya ya Melkizedeki.
\v 16 Mwekorani oyo omwe wambya ti om we olya aboba mwekorani wa Sheria jilia jihusiane na mrong'o jwa monto, ale kwa msingi jwa Seryie jalya jatimune eharibika.
\v 17 Ryolo maandiko jyashuhudiate kuhusu wo; “Wee ni Mwekorani kala nan kala amamuna ya mtubageri jwa Melikizedeki.”
\p
\v 18 Kwekola amuri ilya yahetere yale mbotu na itigwasete.
\v 19 Ryolo sheria ityandi eghajya kilya kyionse kikamiliju. Kwelege ekola, kwale na bughomi bukolokwa jajyiotwamusungura Mugwe.
\p
\v 20 Na bughomi bobo mbujaregu butyandi eghubuka kwelege ekola egambiela eshima, kwa lele bekorani bange batyandi etola eshima rari limwe.
\v 21 Ale Mugwe atyatore eshima ngera lilya abugire kuhusu Yesu, “Mwegeri ahere na eraberya bujaregu ndemerin jyehei we Mwekorani mkolo kala na kala.”
\p
\v 22 Kwa lele Yesu nene abaje eoba mjaregu lijaregu.
\p
\v 23 Kwa lyonse, lokyio lugiragya bekorani ehudumia kala na kala, eno kwa bulya bale bekorani baneni, omwe baada ya Unge.
\v 24 Ale kwa bulya Yesu atore kala na kala, bwekorani bwehe buti elajokaga.
\v 25 Ryolo wo nakehikya kwa bujaregu ehikya ehonokya balia bale hadinko na Mugwe eboka kwehe, kwekola wo atore kala na kala kuwe ehula kwa ajili yobo.
\p
\v 26 Ryolo Mwekorani mkolo wa mamuna eno nahikire kweto. Ati na ng'adaba na akolwa egolo ekela kwegolo. Aghairigwe oba kala na kala.
\v 27 Wo atyale na ekonda mfano na bekorani bakolo, ehumia Dhabihu kwonse, limwe, kwa ng'adaba yehe weka, baadaye ng'ada a jya bantu aghairye bobyo limwe kwa bantu bonse, ehumirye wo weka.
\v 28 Kwa sheria balobolaga bantu babotubabotu eoba bekorani bakolo, ale ekalaga lya eshima lilya lyajire baada ya sheria, alobore Mwana, olya aghairwe eba mukamilifu kaka na kala.
\c 8
\cl Mlyangu 8
\p
\v 1 Ryolo ekalaga lilya tubugate ndele: tule na mghorowa mkolo amuntirie horiga ya Mugwe Kwegolo.
\v 2 Woo ni mughajya milemo hantu ajyo haseri hati ng'adaba gheru ya saba olya Mugwe agitere. Ti monto wonse wekiya.
\p
\v 3 Hayi baghorowa bonse balya bakolage bagitelagwa ehumya zawadi na dhabihu; rilyo ni nsaba ekolwa na kinto kyehumia.
\v 4 Ryolo Mugwe ale nse kwegolo, woo atyale wobo lughorowa mbaka ajyo. Kwekola bale tayari balya bahumirie erasheria kwa ekonda lyobo na losegi.
\v 5 Bahudumiire kinto kiale na kala na gheru ya binto bya kwegolo. Ryolo ngo akola Musa na horirigwe ni Mugwe lilya akondage egharerya gheru. “Bana” Mugwe akabuga, “Nkwamba ghareriayi binto byonse egerana na bulya kinga ebuga kigerane na ngita.”
\v 6 Ale ngo Mugwe nahebwa hilua jijaregu kwa bulya woo muhojohojiwa agano lijaregu, lilya subire egharerigwa kwa ng'orieda injaregu.
\p
\v 7 Kwa bobyo akola agano lya mbele lityale na buhombia, ndyo kuteale ekolwa na haja yeesora agano lya kabele.
\v 8 Kwekola lilya Mugwe amanyire buhombia bwa bantu abugire, “Raberya, nkya jijate, abugire Mugwe abugire magwe lilya akegharerya agano lya mbiya na nyumba ya Israeli na nyumba ya Yuda.
\q
\v 9 Lilime ekolwa kola agano naghairye na bese bobno nkya elya wabatore na miboko ebahetela mbaka nse ya Misri. Kwekola litiandi endeleaga na agano lya waa nanye ntiandi ebajaliaga lenge,” abugire Mugwe.
\q
\v 10 Kwekola lele ndiyo agano nkeghaja kwa nyumba ya Isreaeli baada ya nkya jijyo. Abugire Mugwe nkegitela losegi jyawa ndemeryo jyobo, na nkenjiandika nkolo nane jyobo. Nkoba Mugwe wobo nabobake oba bantu bawa.
\q
\v 11 Batimune manyerania kiola omwe na Mwondogo wehe akabuga “Mumanye Mugwe” ryolo bonse mbake emanya nyee. Eboka Mriri mbaka mkolo wobo.
\q
\v 12 Ryolo ngo nkebania bujaregu kwa makalaga jyobo, jatin jajaregu. Na ntimekumbuka lenge ng'adaba jyobo.”
\p
\v 13 Kwebuga “Jambya” aghajya agano lya mbele lyobe likololikolo. Na lelyo lya alighajya likolo likolo lile hadinko ekera.
\c 9
\cl Mlyangu 9
\p
\v 1 Ryolo enjagha agano lya mbele lyale na hantu ha ghorou oho Duniani na ngendelu jya Ghorou.
\v 2 Kwa halya hale ghorou shumba ighagharwe, shumba kya kaane kyaterwe hantu haseri. Na hantu oho hale na kinara kya Taa, meza na mikate jya wonyesho.
\v 3 Na suha ya Pazia lya kabele hale hale na shumba kinge, hatyarwe hantu haseri lyonse muno.
\v 4 Kwale madhahabu jwa Goro kwe kuyukizia ufumba, enjagha kwale sanduku lya agano, bobulya lyagharerigwe lyabokirwe na goro yoka. Kwa ndane kwale nabakuri ya goro lile na mana, msengi jwa Haruni jwa merere manyeka na jilya jya mabwe jya Agano.
\v 5 Egolo ya Sanduku lya agano (mambo) maseraji ja buseri jasubukerya mabaswa jobo mbele ya horiga ya bwojania, bobulya kwa ryolo bobyo tutimune ehikya ekalagela kwa Muno.
\p
\v 6 Baada ya binto bibi ekola byasira eandaliwa mbaghorowa kuonse eshala shumba kya kaane kya hema ehumya huduma jyobo.
\v 7 Ale mughorowa mkolo ashalaga shumba kilya kya kabele weka kila limwe kwa Mwaka na elegekolwa ehaba ehumya dhabihu kwa bulya yehe kibehe na kwa Ng'adaba jya bantu baghaire elegeghagharya.
\v 8 Nkolo nseri eshuhudia bulya kondo ya hantu hanseri kwekola bando lityandi higolwa hema lya mbele bando ndemire.
\v 9 Keke ni kielelezo kya Mugero jojo jya ryolo. Byonse ni zawadi na dhabihu bobulya bihumigatwe ryolo atihiketye esuberya dhamiri ya olya ehelate.
\v 10 Ni mbosho na binywaji byoka biunishirigwe kwa Taratibu ghorou jye esebya. Byonse bibi byale taratibu jya mbele jya subire eandaliwa mbaka jije amuri jya mbya jilya jile eghagha hantu hehe.
\p
\v 11 Kristo ajire kola Mghorowa mkolo wa makalaga jajaregu olya njajire. Kwe pitia bukolo na bukamilifu bwa hema nkolo bobulya ityandi ghaigwa na miboko jya bantu bobulya ti jya nseno ighairigwe.
\v 12 Yale tiyo ndaghami ya mbori na ghorou ila kwa ndaghami yehe weke bulya Kristo ashare hantu hasari muno limwe kwa kila omwe na etuha kilaishrya buhonokya bweto bwa Kala na kala.
\v 13 Kola kwa ndaghami ya mbori na Mafahari na etekwa ebu ebu ebu lya ghajau katika bobyo bati baseri batengirwe kwa Mugwe na eghajya mibele jyobo jisere,
\v 14 Ale timuno lyonse ndaghami ya Kristo bolya etirya nkolo ya kala na kala ehumirie woka bila mawaa kwa Mugwe esabia dhamiri jyeto eboka makala mafu etumikiela Mugwe ale majyiegi?
\p
\v 15 Kwa bulya eyyo, Kristo ni Mjumbe wa agano lya mbya. Eno nyo bulya lokyo lwa bahaba kuholo bonse balya ba agano lya mbele eboka kwe esidagia ya ng'adaba jyiobo. Bo bulya bonse babugerwe na Mugwe bahikie ehebwa bugabi bwobo bwa kala na kala.
\v 16 Akola ng'ale agano litolaga ndazima n liraberigwe kwa lokyo lwa monto ulya aghairye.
\v 17 Bulya agano likolatwe na nguru hantu kwa huma lokyio kwa bulya hati nguruwaq mugero kwaghairigwew atole.
\v 18 Ryolo enjagha ti agano lya mbele lyagiterwe kwelege ekolwa wa ndaghami.
\v 19 Lilya Musa ahumirie kila butomwa bwa sheria kwa bantu bonse, atorire ndaghami ya mbori na ng'ombe, enjagha na mai, kitambaya kitune na Hisopo na ebetetela gombo lyoka na bantu bonse.
\v 20 Asika akabuga, “Eno ni ndaghami ya Agano bobulya Mugwe abaha amuri kwenyu.”
\v 21 Enjagha hale eyo eyo aetire ndaghami hema egolo na biombo byonse bilya bya tumiirwe kwehudumia bwekorani.
\v 22 Na elingana na sheria karibia na binto byonse bya sabirigwe kwa ndaghami. Bila eta ndaghami hati esamehwa.
\p
\v 23 Kwa bibyo yale ndazima na kala jya binto jwa Kwegolo ndazima bisabigwe kwa dhabihu eyo yabanyama. Enjagha lee, binto bya Kwegolo bienyewe biale bieye sabigwa kwa dhabihu injaregu muno.
\v 24 Kwekola Kristo atiandi eshala hantu haseri muno haghairigwew na miboko olya ni nakala ya kinto kine anamuna yehe ashararire kwegolo kyoka hantu halya ryolo ale ni bushone bwa Mugwe kwa ajili yeto.
\v 25 Atiati eshala kulya kwa ajili yehumya Sadaka kwa ajili yahekilangara kwa bulya aghayagya mwekorani Mkolo olya ashalaga hantu haseri muno kilemelo mamuna ya kilemela hamwe na ndaghami ya unge,
\v 26 Akola lelyo lyale ndyasaba, basi lilyale ndasoma kwehe eteswa mara janeni faida eboka mbele ya Nseeno. Ale ryolo ni mara enwe eboka hadi Mwisho jwa ghamela bilia esubire ejekerya ng'adaba kwa dhabihu yehe weka.
\v 27 Bulia kwale kila montro ekya mara emwe na baada ye eyo ejagahukomi,
\v 28 Mbyo bobio Kristo nene ahumirigwe limwe ejohumya kwa magusudi jeghareria ng'adaba, kola erasheri kwa baliya bambeta kwa saburi.
\c 10
\cl Mlyangu 10
\p
\v 1 Kwa bulya sheria ni gheru ya makalaga jajregu jalya jojate, tii jaliya jogonye. Sheri imunehikya ekamilisha balya bale basungurate Mugwe kwa nkondo ya Gerou jilya jilya bale Bekorani bendeleire ehumya kilemela na kilemla.
\v 2 Anga bulya buge goro jijyo jiyageuzegwa ekoma ehumigwa? Kwa Kigezo kekio baehelete, basabigwe limwe, batile bakolwa na emanya muno baa ng'adaba.
\v 3 Kola kwa ghorou jijyo hale etereriya bwa ng'adaba jilya jighirigwe kileme na kilemela.
\v 4 Kwekola bitimene ghwasa kwa ndaghami jya ndaghami na mbori ekeriya ng'adaba.
\p
\v 5 Geroo Kristo ajire nseeno, abugire, “Mtyandi ekonda matoleo joonsee jee haribwa naga dhabihu mamuna yehee, Mwandaeere mbele kwa ajili yawa.
\q
\v 6 Mtyandi ekolwa na Thamani kwa matoleo joonse jee gharighariya naga dhabihu kwa ajili ya ng'adaba.
\q
\v 7 Ahika kabuga, ‘Bana, ohoo naghaya bujaregu bwaa, Mugwe bulya byandekirwe bubugire nie kwa gombo.’”
\p
\v 8 Abugire kola bulya habugerwe ayo egolo: “Atyandi mtumaini dhabihu, Matoleo naga sadaka jya gharaghararigwa kwa ajili ya ng'adaba, muhabe ebana eghamela ndane yehe.” Dhabibu jilya jahumirigwe ebokana na sheria.
\v 9 Mbyo akabuga, “Bana, dohoo eghaya bujaregu bwayo.” Aghaghare mbale karero jilya jile jya suhaa ebuga egharerya jilya kabele.
\v 10 Kwa karero ya kabele. Tusubire ekeregwa ne eaholwa Mugwe kwa Makondwa jihee eletiya ejikeriya kwa mbele jwa Yesu Kristo limwe Kwa ngero jionse.
\p
\v 11 Nsaba kila Mwekorani emaga kwa makalaga jaa bwekorani nkya kwa nkya, ahumatiye grou elya eliya bolya kwa bionse, hamwe tyimehikya ejiekeriya ng'adaba.
\v 12 Ale bulya Kristo ahumire ghorou yehee limwe kwa ng'adaba kala na kala yoonse, aniterye kuboko kwa buliyo kwa Mugwe,
\v 13 Akabetela malumaghadi jihee gitelwe nsee neghigwa horiga kwa ajili ya Magholo jehee.
\v 14 Kwekola kwa nkondo ya humya limwe na bakamilishire kala na kala baliya bale bategitrwe kwa Mugwe.
\v 15 Na nkolo Mseri naketumanyereriya kweto. Kwe kola lya kwanza abugere,
\v 16 “Lele ni agano likeghaya hamwe na boo baada ya kilya jijyo, abugire Mwegeri, kegitele sheria jyiawa nkolo nane jyobo, na kadeka kwa bughara bwobo.”
\p
\v 17 Ahika akabuga, “Batimune tirya linge ng'adaba na eghaya lyobo libeju.”
\p
\v 18 Riolo hantu ohoo na msamaha kwa babaa hati linge dhabihu yonsee kwa ajili ya Ng'adaba.
\p
\v 19 Kwa byo, mondogo, tule bughaba bweshala hantu haseri muno kwa ndaghami jya Yesu.
\v 20 Haibyo ni nkondo ya mbele juhee, Juambiya na buseriye eletiya kwa Pazia.
\v 21 Kwekola tule Mwekorani mkolo egolo lya nyumba ya Mugwe.
\v 22 Tumusungurei kwa nkolo ya saba kwa utimilifu bwa uhakika bwa edekerya tukolwe na Nkolo seeri ebokana ehonoka bwa Dhamiri na ekolwa mibele yeto nisabirigwe kwa Mai jaseri.
\v 23 Basi ngo tudabe kwa nguru kaka mda bano lya bughoome bwa Tumaini lieto, bila yeguka kwa bulya mugwe ahidire Mugwanu.
\v 24 Tugere ezidi etafakari mamuna bulya tuke ehejana nkolo nane kwa omwe akonde na makalalaga jajaregu.
\v 25 Tuhabe ehaba emogana hamwe, kola bulya baaghayagiya bange. Mamuna yehee ehajana nkolo nane kila omwe lionsee bulya mbanate kya jibasungura.
\p
\v 26 Bulya tughayagya n makusudi endelea eghaya ng'adaba mamuna yekola tubonde elimu ya sabaa, Dhabihu inge ya ng'adaba itimunetigwa linge.
\v 27 Mamuna yehe, gale matarajiyo joka jaa esidagia ja etishai na ukali bwa moki bolya bugesuba malumagadi baa mugwe.
\v 28 Woonse alegire sheria ya Musa akijaga hati Rehema mbushone bwa Ushuhuda mashahidi baa mabele anga badatu.
\v 29 Kiwango kee kya dhabihu ugerate kimstalite kila omwe olya na saralirwe Mwana wa Mugwe woonse aghairiye ndaghami jya agano bolya kwabibagitere Wakifu kwa Mugwe woonse balya arumere Nkolo ya bujaregu?
\v 30 Kwekola tuje omwe olya ambugere, “Lubialo lwawa, nigeriba,” na lenge, “Mwegeri nagebasidagia bantu behee.”
\v 31 Ne ekalaga lya kuogopeha hale monto egwa nse kwa miboko jya Mugwe olya serie!
\p
\v 32 Namuna yaekumbuka kya jilya hetire baada egitelwa kwenyu nadabiye, boo Mwahikire ebiberia mineko dolo.
\v 33 Mwagiterwe hashee kwa dhihaka yekolana netirirwa, na Mwakorwe mdabanate hamwe na balya bahetire matirirwa kola jajyo.
\v 34 Kwekola mwale na nkolo ya marero kwa babyo bale baabohowa, na mwabapokere kweghamela njooko jya bugabi bwenyu, manyate ebuga enye bene mwale na bugabi bweregu na bwetola kala.
\v 35 Kwa bibyo mhabe eta bughomi bwenyu bulya bwale zawadi nkoloo.
\v 36 Kwekola mkondate, ebuga mbane eheebwa kilya Mugwe ababiere, mamuna ya kola msubire eghaya bukondwa jehee.
\v 37 “Kwekola baada ya hantu hariri, omwe ajate, nakeja hakika atikondwe. Jieto.
\q
\v 38 Monto wawa wa sabaa naketola kwa edekerya. Akala nakejoka suhaa timuneeghamerigwa nuwo.”
\p
\v 39 Ale eshee tutikama balya bajoka suhaa kwesira ale ehee eshee ni balya tule na edekerya ya yezidi kolo
\c 11
\cl Mlyangu 11
\p
\v 1 Ryolo lyedekerya ni hakika bilya ale na byo monto gero elya ajarabiyatwe kindo Fulani kwa ujasiri. Ni Hakika ya kindo tyandi ebanekana.
\v 2 Kwa bulya eno bamalakolo baakala beto bathibitikire kwa imani yobo.
\v 3 Kwa edekerya tuja ebuga nsee niyaghirigwe kwa amuri ya Mugwe ebuga, bulya kilya kibanekanate kityandi egharerigwa ebokana na binto bilya byale biti banekanate.
\p
\v 4 Ale kwa bulya ya edekela bulya Habili ahumere Mugwe sadaka jaregu kuliko bulya aghaire Kaini. Ale kwa bulya eno bulya aghorigwa ebuga nale Nsaba Mugwe amghorire kwa bulya ya zawadi jilya ahumirie kwa bulya kwa bulya eyoo, Kwa bulya bibyoHabili bado na gabate, rariobyo akire.
\p
\v 5 Kwale kwa edekerya bulya Henoko atirirwe kwegolo na atyandi ebana lokyio. “Atyandi egaba, kwa bulya, Mugwe na mtore.” Kwa bulya kubugire kwa ajili yehe ebuga aghamerye Mugwe kabila yetolwa kwegolo.
\v 6 Kwa lege kolwa edekerya itimene wezekana eghamerya Mugwe, kwa bulya ajate kwa Mugwe ndazima edekerye bulya Mugwe natore na bulya nehajaga zawadi bali bamutubogeraga.
\p
\v 7 Ale kwa edekerya bulya Nuhu, aonyirwe Mugwe ehusiana makalaga bobulya jatyandi ebanekana, kwa nsoni jya Kimugwe agharerye Safina kwa ajili yehonokya Familia yehe. Kwe ghaya obyo. Akahikanseeno na kaoba mugabi wa nsaba bulya eja kweletia edekerya.
\p
\v 8 Ale kwa edekerya bulya Ibrahomu, bulya abugerwe akaedekela kwa nsoni na egenda hantu hale akondegana epokea kola mugabi ahumire hati emanya hantyu gahaa alee agendate.
\v 9 Ale kwa edekerya bulya atore kwa nsee ya ahadi kola Mgeni atoree kwa Mahema hamwe na Isaka na Yakobo, bagabi banagine baa ngorieda jilya jilya.
\v 10 Eno kwa bulya atarajire ebana mujyie olya ajumbunire na mwoboki wehee ale akolwa ni Mugwe.
\v 11 Ale kwa Ededekerya bulya Ibrahimu, na Sara weka, abande nguru yedaba kiburi rari obyo ale mghorobu mnoi, Kwemkola abande Mugwe ekolwa Mugwanu, olya abahere Mwana wa balome.
\v 12 Kwa byo eboka kwa monto oyyo omwe olya akorwe na bakaribiya ekya bakabialwa bana batimune ehikyetaleka. Bale bana mnoi boo njoto jya Kwegolo na baneni boo beho jya Musanga kwa kaane ya Maiegolo.
\p
\v 13 Baba bonse bale kwa Edekerya batyandi epokea ngorieda itibyo, bakorwe bajibana nejikaribisha kwa halehu, bakire bulya bale bageni na bahetate nsee egolo.
\v 14 Kwa bulya babugaga makalaga kola jaja bagitalaga bayana ebuga basoraga nsee yobo boka.
\v 15 Kwa nsaba, kwekorwe bafikiriyate nsee jilya kwa eyo babokire, bale bakorwa na nafasi ya ejokela.
\v 16 Alee kola bulya bale, bakondate nsee njaregu jilya, jya kiegolo. Kwa byo Mugwe atibanate nsoni ebugelagwa Mugwe woboo, Kwekola na batayarisha mujyie kwa ajili yoboo.
\p
\v 17 Yale kwa edekerya bulya Ibrahimu amamuna ye ejaribiwa, akahumia Isaka. Ndyo, woo olya apokeire eghamela egraa akahumia Mwana wehe Omwe.
\v 18 Olya egolo liehe yabugirwe, “Ehuma kwa Isaka lubyialo lwayo.”
\v 19 Ibrahimu amanyire bulya Mugwe nale ahikiya eriyokya Isaka eboka kwa erioka, na kwegaba kwa kigabo kya Maumbo, napokeire.
\p
\v 20 Ale kwa edekerya kwa Isaka abarikire Yakobo na Esau ebokana na makalaga jajate.
\p
\v 21 Alee Kwa edekerya kwa Yakobno bulya ale kwa hali yekya, abarikire kila Omwe wa bana wa Yusufu Yakobo akahelela, egamerere msengi juehee.
\v 22 Alee kwa edekerya bulya Yusufu ngero yehee ya Bushone bulya yahikerere, akalagerere bulya baana baa Israeli bakehuma Misri na akababiela bulya baketola hamwe na boo maguha jehee.
\p
\v 23 Ale kwa edekerya bulya Musa, bulya abiarirwe, abisirwe mieri edatu ni ng'ina kwekola babande Mwana waghera ale mjaregu, na batyandi edekigwa ni amuri ya Mwekorani wa Misri.
\v 24 Alee kwa edekerya bulya Musa, bulya obire monto mukolo, alegere ebugelwa Mwana wa Mwanabaka wa Farao.
\v 25 Amamuna yehe, akedekela eteseka hamwe na bantu baa Mugwe amamuna yedekela eghamela makalaga jya ng'adaba kwa nkya jiriri.
\v 26 Ademererie nsoni jya tubogera Kristo ebuga busabi bukolo kuliko jyabekirwe jya Misri kwekola ebibererye meso jehe kwa Ngero yehee elya ikeja.
\v 27 Alee kwa edekerya bulya Musa abokire Misri. Atyandi erila emena lya Mwekorani, Kwekola nebiberererie kwedoghora jalya atikiebanekana.
\v 28 Ale kwa edekerya edaba Pasaka nebibijerya ndaghami, ebuga bulya olya agharagharagiya mbilwa wabele ahabe ehikya edaba mbyalwa wa mbele wa balome wa Baisraeli.
\p
\v 29 Ale kwa edekerya bulya elitiya Diba ya Shamu boo nsee. Ale ngero Bamisri bajaribire eheta, bakemilwa.
\p
\v 30 Ale kwa edekerya Bukuta bwa Yeriko bwagwire nsee, kwekola, basungurukire kwa nkya muhungati.
\p
\v 31 Ale kwa edekerya bulya Rahabu olya male atyandi ekya hamwe na balya bale batile nsoni, kwekola bale bobire bapelelezi ne babisa bujaregu.
\p
\v 32 Na bugate boo Zaidi? Kwekola ngero itimune ehika ekalagela bya Gidioni, Barki, Samsoni, Yeftha, Daudi, Samweli na jya Manabii,
\v 33 Balya baletirie edekerya bashindire Bwekorani, bnaghaire nsaba, na bakahebwa ngorieda. Bakahingerya binyuelwa bya Kaya,
\v 34 Bakarimya nguru jya moki, bakakwepa mlaka, lubamnga, bakaherigwa ebokana na maluala, bale jaghamba bitane, nabaghaya majeshi jane eroha.
\v 35 Baka bakapokea bariki bobo kwa nkondo ya erikigwa, Bange bakateswa, biledekela ehabwa huru ebuga bulya bahikie ebana emanya lya buriki bulya bujaregu mno.
\v 36 Bange bakateswa kwa maleghi na kwe turwa, ejagha kwa mimusa na kwehighelwa gerezani.
\v 37 Bakaturwa na mabwe. Bakakibwa bimugutu kwa misumeno. Bakabulagwa kwa lubanga. Baka gera kwa biselo bya ng'ondi na biselo bya mbori bale bakondate, bakaerela bulolo negherigwe jabeju.
\v 38 (Kwelo baa nseeno batiya kondekanaga ekolwa naboo), batangatangate kwa bwelo, ngita egolo, kwebogone na bisimanane bya nsee nane.
\p
\v 39 Kwekola bantu baba bonse bale na Mugwe kwa bulya ni edekerya yobo, bati epokea kili kya ngorieda.
\v 40 Mugwe ahetere eletiya nkondo kilya kijaregu, ebuga bulya ati eshe batyale bahikya ehikirigwa.
\c 12
\cl Mlyangu 12
\p
\v 1 Ryolo kwekola tughobirwe ni mbughundu binenagi bya mashahidi na tuta binti byonse bilya biba tulema hamwe na ngh'adaba ilya iba tuhamada kwa urahisi. Tugere mbio kwa saburi kwa mashindano jalia jaghagharwe bushone bweto.
\v 2 Tubanerye meso jeto kwa Yesu, olya anderere weka etimiza edekerya jyeto, olya kwa eghamela lyeto lilya lya ghagharwe mbele yehe astahimiire msalaba, adharawate nsoni jyehe, na akamuntya nse kuboko kwa kubulyo kwa horiga ya Kwegolo ya Mugwe.
\p
\v 3 Mamuna ndemerie wo oliya astahimiliire makalaga ja esorana ebokan kwa balia bale ng'adaba, dhidi yehe wo weka ebuga bulya mhabe eja emghatala na ezimia nkolo jyienyu.
\v 4 Mtyandi ererana anga eteseka ushindanate na ng'adaba jiriri ejirelwa ni ndaghami.
\v 5 Lenge mbobelwa kulia ebugelwa nkolo kolya kubabanatie kola bana ba balome: “Mwaniwa habe eja tola kwa wepesi marudia ja Mwegeri. Uti habe ekata tamaa ugharerigatwe nwo.
\q
\v 6 Kwekola Mwegeri atijokelate wo olya na mkonde, na atimutarate kila omwana olia anga pokeaga.”
\p
\v 7 Stahimili majaribu kola ejokelwa, Mugwe ati ashughulikaga nenyie kola bulia ashulikaga na bana amamuna ni mwana oho olya esee atimehikia emjoka?
\v 8 Ale akola hati ejokelwa, hale eshe shonse ntushirikiate, basi ngo eshe ni haramu na tuti bana behe.
\v 9 Mno lyionse, twale na Babaa beto kidamia batujokela, na ntwabasokire. Je itimune tupasa rari muno esoka Baa wa nkolo na etola?
\v 10 Kwa nsaba Babaa beto batuture kwa bilemela biriri kola bulia kubanekanate bujaregu kwobo. Ale Mugwe atuturagao kwa faida yeto ititushiriki ngendelon jyehe.
\v 11 Hati njoko ighameragya kwa ngero jijyo. Jikolagwa na bulolo. Enjagha bobio, baadae liabiala tunda lya sayo ya Bwekorani kwa balia baghamerigwe. Niyo.
\p
\v 12 Kw bobyo bokiai miboko jienyu kwegolo ilegeire na eghajia magoti jenyu jabuta jobe jahe nguru lenge;
\v 13 Emiai nkondo jya magolo jenyu, ebuga bulya alia wonse ale mulemavu atimune ebanerigwa eoba ale abone ehorigwa.
\v 14 Sorai Sayo na bantu bonse, na ndyo baseri balya bale bati bobio hati aliya akeebana Mugwe.
\v 15 Mukolwe baangalifu ebuga ahabe ekolwa wetelwa halehu na bujaregu bwa Mugwe, na Bulya bihabeeja eringo lia bulolo lilia likeesubuka na esababisha shida na ekengeusha baneni.
\v 16 Raberiai bulya hati zinaa anga monto atikolagwa Mtauwa bobulia esani, kwa elagela lia limwe agorandie nsaba yehe yebialwa.
\v 17 Kwekola mje baadaye, lilia akondire mugabi marero, alegirwe, kwa bulya atiandi ebana frusa yetubu hamwe na esee, ejagha rari kwekola asorire muno kwa mesori.
\p
\v 18 Kwekola mtandi eja n kwa ngita ilya mkee were egujwa, Ngita yokaga moki, kirimamu, ekatisha tamaa dhoruba.
\v 19 Mtandi eja kwa maro ja tarumbeta, anga kwa makalaga jalokane na maro jilya jaghairie kila balia bojya bahabe ehela ekalaga rari limwe ebuga kwobo.
\v 20 Kwekola batandi ehikia efamilia kilia kia amuliirwe: “Ekolwa ejagha erahya eguraga ngita, ndazima asegwe na mabwe.”
\v 21 Yeriaria liyonse mno bilia a bande Musa abugirei, “Mbariala muno jiriri kie etetemeka.”
\v 22 Anamuna yehe, mubaja ngita sayuni nan kwa mujyie jwa Mugwe ale serie, Yerusalemu ya Kwegolo, na kwa Malaika elfu ekomi basherekeate.
\v 23 Mubaja kwa emogagana liya balia babiarwa ba babele bonse basajiliirwe kwegolo, kwa Mugwe ale wa bonse, na kwa nkolo jya balia baseri balya mbasuberigwa.
\v 24 Mubaja kwa Yesu mjokerania wa agano lia mbia, na kwa ndaghami yetetirwe ilya ibugaga jajaregagu mno kuliko ndaghamim ya Habili.
\p
\v 25 Raberya uhabe eje ulege rari omwe olya abugaga kwekola batandi eriala lilia bamhegere olia omwe abaonijire nseeno, kwa nsaba tutimune eriala kwekola tutimune ehondoka halehu eboka kwa alia alia atugirigia eboka kwegolo.
\v 26 Kwa ngera eyo ero lyehe liasunsakirie nseeno. Ale ryolo abaahidi na ebuga, “Bado jinge lenge jike etingisha nseeno lenge yoka, Ale kwegolo ejagha.”
\v 27 Makalaga jaja, “Limwe lenge,” ibanekanate ehumigwa kwa binto bibyo bisunsakigagwa, bibi ni binto bilia jilya biagharerigwe, ebuga bulya binto bibyo bitihikie esungukigwa bitigwe.
\v 28 Ryolo, tupokeei bwekorani bulya butinsansukigagwa, tughamele kwa hali ya emwehela Mugwe, kweedekela hamwe na enyenyekea kwa kicho,
\v 29 Kwa mamuna Mugwe weto ni moki julejaga.
\c 13
\cl Mlyangu 13
\p
\v 1 Basi ngo ekondana lya ndogo nditolee.
\v 2 Mkabe abelwa ekaribisha bageni, amamuna kweghajya bobio, bariri babakaribisha Malaika kwelege emanya.
\v 3 Demeria balia bonse baleho gerezani, kola bulya mwale nabo kokio hamwe nabo, na kola mbele yenyu yaghairigwe kola yobo.
\p
\v 4 Basi ndoa njisokare bonse na basi bwehe bwa ndoa mbaghaigwe buseri, kwa mamuna Mugwe akeba hukumu basari na basinzinzi.
\v 5 Basi nkondo jyienyu jya butolo njikakolwe huru kwa ekondana lya robiya. Umugolwe nmurisikana binto mule nabio. Bulya Mugwe wa abugire, “Nti umwe ebahaba enyie rari kala, ejagha ebatelekeza enyie.”
\p
\v 6 Basi tulizikeni ibiga tushale kwa bughomi, “Mwegeri ni murasheria wawa; ntimueriala. Monto akehikia eghajia nje?”
\p
\v 7 Teterigai balia bale mbele babahetelate, balia bagambire ekalaga lya Mugwe kwenyu, na kumbukai matyokeo ja bulia bale na bwo: igayi yedekerya jiobo.
\v 8 Yesu Kristo nwo egolo, nkieno, na nejagha kala na kala.
\v 9 Habe eja ehetelwa na emanyerigwa na bageni baneni bale mbujaregu bulya nkolo yobokwe kwa bujaregu, ni ti kwa Sheria kwa bosho jojio jalimwe barasheria balia batolagwa kwa jojio.
\p
\v 10 Tule na madhabahu jilya balia batumikaga ajiyo ndane ya hekalu bati nsaba yuelagela.
\v 11 Kwekola ndaghami jya maranghu, jilia jahumirigwe dhabihu kwa ebuga ng'adaba, yaletewrwe ni Mwekorani mkolo ndane ya hantu haseri, ale mibele yobo yajaghirwen kaane ya nkambi.
\v 12 Ryolo Yesu neneatirrekire kaane ka mulyangu jwa nse. Ebuga kukolwe egitela Wakfu bantu ba Mugwe eteria ndaghami jyehe.
\p
\v 13 Na ryolo tugerei kwa mwehe kaane ka nkambi. Tulebare robiya jyehe.
\v 14 Kwani tuti batolo bwa Kala na kala kwa mujyie jojo, Anamuna yehe tusore mujyie julya jujate.
\p
\v 15 Etiria Yesu tukondatwe tuhumagye sadaka kilasa yemutukuza Mugwe, emusifu bulya tunda lia moromo jyieto likili ebina lyehe.
\p
\v 16 Na kambe ebelwa eghajya bijaregagu na erasheria enyie kwa enyie, kwekola kwa sadaka kola eyo niyo Mugwe aghamerigagwa lionse muno.
\p
\v 17 Sokai na eharokia kwa bekorani bienyu, ebuga mbendeleate ebarendela kwa ajilia yenyu kola balia bakeehumia hesabu. Soka ebuga bulya bekorani bienyu bahikire ebarendela kwa eghamela nati kwe emana, ilya itimune ebarashareria.
\p
\v 18 Tweheheni, bulya ntule uhakika bulya ntule dhamira injaregu, tutamaniate etola Maisha ja nsoni kwa Makalaga jonse.
\v 19 Na enyionse mbatiale nkongolo muno mghajiye bobio, ebuga hikiye ejoka kwenyu bobio kiriri.
\p
\v 20 Ryolo Mugwe wa Edekerya, olya abaletire lenge eboka kwa Bakire mkijori mukolo wa ng'ondi, Mwegeri weto Yesu, kwa ndaghami ya agano lya kala na kala.
\v 21 Akebaha buwezo kwa kila ekalaga lijaregu eghajia makondwa jehe, aghajia milemo ndane yeto lia njaregu yeghameria mesone jehe, etiria Yesu Kristo, kwehe bwobe mbutukufu kala na kala hau. HAUU.
\p
\v 22 Ryolo nkutiate nkolo njosere, mwondogo, etolelana makala je etia nkolo njaregu ilya kwa budiko naliandekire kwenyu.
\p
\v 23 Manya bulya mondogo weto Timotheo nasube ehabelwa huru, olya hamwe na wo nkebabana kola nakeja oho Karibuni.
\p
\v 24 Geshai bekorani bajio bonse na bahonokigwa bonse. Balia babokate Italia mbakugashatie.
\p
\v 25 Na bujaregu mbukolwe na enyie nyionse.