soz_reg/55-1TI.usfm

\id 1TI
\ide UTF-8
\h 1 Timotheo
\toc1 1 Timotheo
\toc2 1 Timotheo
\toc3 1ti
\mt 1 Timotheo
\c 1
\cl Mlyangu 1
\p
\v 1 Paulo, mtomwa wa Kristo Yesu, ang'anana na salanga ya Mugwe na Muhonoki weto Yesu Kristo olya ale mughomi weto,
\v 2 Kwa Timotheo mwaniwa wa saba kwa mgiso, sayo, marerop, na kuholo eboka kwa Mugwe Baba na Kristo Mwegeri weto.
\p
\v 3 Bulya nakubere lilya nagendaga Makedonia, otigwe Efeso ebuga ohikye bela bantu basisa bahabe emanyerya ekalaga lyekerane.
\v 4 Ejagha bahabe esekera syeni na ndongoranu jya binto biti na suha. Jaja jaghayagya nkayani muno na lyalege eraserya egharerya milemo ya Mugwe wa mugiso.
\v 5 Ngo likolo ndele ni lukondo eboka kwa nkolo nseri kwa ngendelo jijaregu na kwa mgiso jwa saba.
\v 6 Kitye kya bantu mbaborire kyedora, bakahaba emanyerigwa lele nehondokela makorani ja bwagari.
\v 7 Bakondate eba bamwalimu ba sheria ale batimanyate kilya babugate nanga kilya bakoreratye.
\p
\v 8 Ale ntuje ebuga sheria ni njaregu kola monto nakemutubegera butambalu.
\v 9 Tuje ebuga, sheria etihumirwe kwa monto wa saba, ale kwa balya babunaga sheria na balegire bantu bangane bujaregu na bale ng'adaba na balya bati Mugwe na bahombya. Etumirwe kwa balya babulagaga bese na bang'ina bobo kwa balya babulaga,
\v 10 Kwa balya busari, kwa bantu basuji na kwa balya bagabaga bantu nebaghaya batomwa kwa bwerehi na kwa bwejibe ba bwerehi na olya ale butibwo na ngendelo jya mgisi.
\v 11 Ngendelo jiiji jibokanate na ekalaga lya sayo ya Mugwe olya atemanereririgwe bulya kwehe ninjedekerqwe.
\p
\v 12 Nimbamashya Yesu Kristo Mwegeri weto. Angitere nguru kwa bulya niye antarerere eba mughamuna akangitela emugharya milemo.
\v 13 Nale monto we kaya, wetirira na monto wa engenga. Ale nkabana marero kwa bulya naghairye bwagare kwelege edekela.
\v 14 Ale sayo ya Mugwe weto yojire mgiso na lukondo lulya lule kwa Kriston Yesu.
\p
\v 15 Gusikelo goko kwa saba na kuhikerer edabwa mbonse kwa bulya Kristo Yesu ajire nseeno ehonokya balya bale ng'adaba. Niye nde mubeju ekela bonse.
\v 16 Ale ryolo niye nimbahebwa marero ebuga ndane yawa bushone bwa byonse Kristo Yesu ebanishe erimiserya lyonse. Aghairye bobyo bo tumbageryo ya bonse balya bakedinya wene kwa serye ya kala.
\p
\v 17 Na ryolo kwa mwekorani ati mugero atumunekya atumune banekana, Mugwe weka, aba nsonio na sayo kala na kala. Hau.
\v 18 Nagitela salanga eno bushone byayo Timotheo mwanawa. Nagita bobyo ebokana na bunabii bwahumirigwe ayo mbele likujaghire we ebuga abwa ahikere bbita bijaregu.
\v 19 Ghjaya bobyo ebaga abwa oba na magisi na ngerero jijaregu. Kitye kya bantu kilegire jaja bakabulaga magisi.
\v 20 Kwa bulya Himenayo na Alekizanda balya nimbahere kiryoka ebuga bamanyerigwe bahabelaga.
\c 2
\cl Mlyangu 2
\p
\v 1 Kwa ryolo bushone bwa bonse nkondate njehele, na ehela na behela na emasya bighaeke kwa bantu bonse.
\v 2 Kwa balya bekorani na bonse balya bale na bwegeri ebuga abwa tuhikye etola butolo bwa sayo na busisu kwa bujaregu bwonse na nsoni.
\v 3 Lele nde jaregu n bwedekela bushone bwa Mugwe muhonoki weto.
\v 4 Wene arereraga ekola bantu bonse bahonokigwa na babane emanya saba.
\v 5 Kwa bulya hale Mugwe omwe, na hale mwojisania omwe gate ka Mugwe na monto olya Kristo Yesu.
\v 6 Ehumerye weka kwa ndanyu jya bonse bobqwejibe kwa ng'ende njemelu.
\v 7 Kwa bulya lee, niye mwene naghairigwe eba wa gusikelo kwa ekalaga lya mtomwa. Mbugate saba. Tibugate bwerehi. Niye nde mwalimu wa daba kwa mugiso na saba.
\p
\v 8 Ryolo nkondate balome hantu honse bale behele ebokya miboko enseragi eti bulolo na eganyaganya.
\v 9 Oyo bobyo, nkondate baka bebohe ngobi jijaregu, jile nsoni negirya. Mbahabekolwa na njyele jisukire, nanga goro, nanga lulu, nanga ngobi jya magori janeni.
\v 10 Ejagha nkondate bebohe ngobi jibahikire baka balya badekere bujaregu kwa ngendelo jijaregu.
\v 11 Wabaka nemanyerye kwa hara butigelanu na kwojya lyonse.
\v 12 Ntisegerere wabaka emanyerya, nanga eghaya na bwegeri ekela wabalome ale amuntye kwa busisu.
\v 13 Kwa bulya Adamu alotirwe mbele, akabada Eva.
\v 14 Adamu atyandi sabasabwa, ale wabaka asabasabirwe lyonse kwe lega.
\v 15 Rari bobyo, akehonokigwa kwetorya ebyala baana, kola m, baketubagera mgiso na lukondo na kweserigwa na bughara bujaregu.
\c 3
\cl Mlyangu 3
\p
\v 1 Ebuga lele ndyasaba: kola monto arererate eba wesimamela, arererate milemo njaregu.
\v 2 Ryolo wesimamela na nung'ung'u. Ni ngukolwe ekolwe wabalome wa wabaka omwe. Ni ngukolwe aba na ngerero, Mgwano, wa karero na muhanu. Ningukolwe aba nahikirye emanyerya.
\v 3 Nahabekola wenywe ng'ambu, Nahabeba mjogosi aba mholoholo na wa kuholo. Ni ngukolwa ahabeba monto wekonda robiya
\v 4 Ndihikire asimamele bujaregu bantu ba nyummba yehe mwene, na bana behe ndibahikire bamusoke kwa nsoni jyonse.
\v 5 Kwa bulya kola monto atije esimamela bantu ba mwehe mwene, akelilela bo Kanisa lya Mugwe?
\v 6 Nahabe eba wedekela lyambya, ebuga abwa ahabe eghora negwa kwedoswa bo olya mubeju.
\v 7 Ngukolwe ejagha aba na ghorona njaregu kwa bonse balya bale kayane, ebuga ahabe egwa kwa nsoni na mtegu mumeju.
\p
\v 8 Mashemasi nabo bakondatwe baba bahikerere esoka mbahabe eba ba ngambo ebele. Mbahabe nywa ngambo ehetya mno nanga eba na ng'adaghanyi.
\v 9 Bahikye edaghara kwa magisi jya seri na elya saba ya mgiso elya lyahingorwe.
\v 10 Babe ejagha mbasubire ehetigwa mbele ndyo babanerye kwa bulya batihale nung'unung'u.
\v 11 Baka nabo bobyo opbyo baba bale nsoni. Mbahabekolwa berengesa. Mbakolwe na Mugero na ba saba kwa bibugu byonse.
\v 12 Mashemasi nabo ni ngukolwe baba balome ba wabaka omwe omwe. Ngukolwa bahikye esimammela bujaregu bana bobo na banyumba jyobo.
\v 13 Kwa bulya balya baghayatye bujaregu babanaga bwewmelu bujaregu na bughomi buneni kwa mgiso julya jwa Kristo Yesu.
\p
\v 14 Njandekate bibugu bibi kwayo na mbetelate njije kulya ole nkya jiiji.
\v 15 Ale kola ninkedegha, njinjandekate ebuga ohikye emanya bwegenda kwa nyumba ya Mugwe bulya Ni Kanisa lya Mugwe ale majiegi, tereni na kirashya wa saba.
\v 16 Na litilegete ebuga saba ya bugwe elya yahingorerwe ni nkolo: “Abanekane n kwa mubele akahetigwa na nkolo, Akabanekana na Malaika akatolongelwa magate gate ja Daba akaedekelwa ni kiselo kyonse na akatolwa kwegolo kwa nsoni.”
\c 4
\cl Mlyangu 4
\p
\v 1 Ryolo nkolo abugate hobiji ebuga nkya jijate kitye kya bantu bakehaba mgiso na ekolwa na ojya mno esekera nkolo jisabsabate na ekalagerya, lya gheru jya mabwe jalya jakemanyerigwa
\v 2 Kwa bwerehi na egamba kubele. Magisi jobo njakelajwa.
\v 3 Bakebagirya ekwa na edaba byelya bilya Mugwe abyolotire bighaeke kwa emashya na magate jobo balya bedekere na balya bemanya saba.
\v 4 Kwa bulya kilya kyonse Mugwe akyolotire kijaregu. Hati kilya tudabire kwe masya kihikerere elegwa.
\v 5 Kwa bulya kiseririgwe etorya kwa ekalaga lya Mugwe kwa nkondo yehela.
\v 6 Kla akegitela bubugu bibi bushone bwa ndogo okeba mmilemo mujaregu wa Yesu Kristo. Kwa bulya alulughanigwe kwa bibugu bya mugiso na kwa emanyerigwa bujaregu bulya obitubagerate.
\v 7 Ale lenga bibugu byebelwa bya nseno bilya bikondagwa mbaghanisha bakolage. Bwegada we, mwene emanyerye kwa bujaregu.
\v 8 Kwa bulya obosobosya lya mubele njang'ona hariri, Ale bujaregu mbuhikkire muno kwa bibugu byonse bidagharaga ghorieda kwa butolo bwa ryolo na bujate.
\v 9 Gusikelo goko kwa saba na kuhikerere edelwa lyonse.
\v 10 Kwa bulya lee bulya tutirirekanate na eghaya milemo kwa mibosobosele lyonse. Kwabulya tule na bughomi bwa Mugwe olya ale majiegi, olya muhonoki wa bantu bonse, liti na balya bedekere.
\v 11 Ojabuge na emanyerya bibugu bibi.
\p
\v 12 Monto wonse natikambe emena butana bwayo. Bwegada, oba wangane na bonse bedekere, kwa ebuga, ngendelo, lukondo, saba na buseri.
\v 13 Mbaga lilya mbaja tola kwesoma, na kwegirya na kwemanyerya.
\v 14 Habe emena eghau lilya lile ndane yayo, lilya waherya kwa bunabii, kwegilelwa mbamalakolo.
\v 15 Omanye bibugu bibi. Tola kwa bibyo ebuga ekola lyayo liba lyemelu kwa bantu bonse. Dabela lyonse ngendelo jyayo na emanyerya.
\p
\v 16 Tola kwa bibugu bibi kwa bulya kwegita bobyo okehonokya we mwene na balya bakwesekerate.
\c 5
\cl Mlyangu 5
\p
\v 1 Habesalamuna babalome mlakolo. Ale muha muhombo jujaregu bo ghonio. Oha muhombo batana ba balome ghai ni ndogo jyayo.
\v 2 Oha muhombo baghanisha baghorobu bo boba na banabaka bo ba mukolyo kwa buseri bwonse.
\p
\v 3 Soka masing'wani, balya bale masing'wani lya saba.
\v 4 Ale kola masing'wani ndile na bana nange bana babenihe ambe ebahaba bemanyerye ne ebanisha nsoni kwa bantu ba nyumba jyobo bo bene. Bahabe balehele mwobo biujaregu, kwa bulya lele ndilehalola bushone bwa Mugwe.
\v 5 Ale esing'wani lyonse lya saba ndilya lihabirwe lyoka. Nene Agitere edinya lyehe eboka kwa Mugwe. Nkya jyonse atore kwehela na eheela budiko na musenya.
\v 6 Rari bobyo, wabaka olya atore kwa busuji nakire, rari bobyo ale majiegi.
\v 7 Na akalagerye bibugu bibi ebuga bahabekolwa na nung'unung'u.
\v 8 Ale kola monto nabalege etorya ndogho jyehe ejagha balya bale nyumba jyehe alegire mgiso na ni mubeju ekela olya atije edekere.
\p
\v 9 Ngo wabaka nandekwe kwa gitabu bo esing'wani lihikererye bilemela milonge edandatu, nwabaka wa wabalome omwe.
\v 10 Ni ngukolwe aba amanyekane kwa ngendelo jijaregu okole ejagha naje bana na akolagwaq muhanu kwa Bageni, na asabirye magolo jya balya bedekere, nanga narasererye balya batiriragwa nanga ehumagya kwa milemo yonse enjaregu.
\v 11 Ale kwa balya masing'wani banabaka legai andekwa kwa gitabu kya masing'wani. Kwa bulya bashyala kwa erera lya mubele hara ya Kristo bakondate ekwebwa.
\v 12 Kwa nkondo eno bashyala kwa buhombya kwa bulya abunaga ehumya lyobo lya ayo mbele.
\v 13 Na ejagha bashyala kwa emanyerya bunughusyeku. Bene barongosagya nyumba kwa nyumba. Ti kwa bulya mbanughusyeku, ejagha bo bakolwa bagambi gambi na beshalela bibugu bya bange. Bene babuga bibugu bitihikerere ebuga.
\v 14 Ryolo niye nkondate baka banabaka bakwebwe, babyale bana, bana bemele nyumba jyobo, ebuga bahabeha muhomakyani ne etusidakya kwe eghaya ng'adaba.
\v 15 Kwa bulya kitye kyobo mbasubire ehondokela kiryoka.
\p
\v 16 Kola wabaka olya omwe edekere nale na esing'wani, ngo na abaraberye ebuga Kanisa lihabelemwa, ebuga lihikye eraserya balya bale masing'wani ba saba
\v 17 Ngo bamalakolo balya bakiranate bujaregu mbatalelwe ebuga mbahikerere nsoni kang'ana kabele, liti na balya babaneragya ne somishya ekalaga lya Mugwe.
\v 18 Kwa kilya andeka libugire, “Haberbya ng'ombe kaniya adakunate b byelya” na “Mughaya milemo nahikerere mbojho yehe.”
\p
\v 19 Habe hebwa buhombya bwa mlakolo walegekilwa hale bwejibe babele ngale badatu.
\v 20 Girya bahombya bushone bwa bantu bonse ebuga bange batigare ejagha mbakeryala.
\p
\v 21 Mbakubela n kwa bujaregu bushone bwa Mugwe na bushone bwa Kristo Yesu, Na malaika baloborwe, ebuga udaghare salanga jiiji hati mwekeranu jwonse, na ebuga ohabeghaya kibugu kyenyukela.
\p
\v 22 Habegitela monto wonse miboko lya gudugudu. Haberaserya ng'adaba ya monto onge. Ndihikire etorya weka aba mseri.
\v 23 Litigwaete onywe mai joka. Bwegada behe, onywe ng'ambu ndiri kwa kiburi kysyo na malwala jayo ja hariri hariri.
\v 24 Ng'adaba jya kitye kya bantu ryibanekane hobiji, na njibahetere kubeju (edoswa). Ale kitye kya ng'adaba kyatubugera suha.
\v 25 Bobyo, kitye kya milemo njaregu kibanekanaga kwa hobiji, ale ejagha jinge jitumune biseka.
\c 6
\cl Mlyangu 6
\p
\v 1 Balya bonse bale nse ya mbohi bo batomwa bamanyage begeri bobo bo bantu bale nsoni jyonse, Bakondatwe bagite bobyo ebuga ebina lya Mugwe na emanyerigwa jahabelegwa.
\p
\v 2 Batomwa bale na begeri bobo bedekere mbahabe bamena kwa bulya bo ni ndogo. Bwegada bwehe, bababanerye mno. Kwa bulya begeri balya babaresatye milemo jyobo mbedekere mbakondane. Manyerya netalongela bibugu bibi.
\p
\v 3 Wakola monto musisa amanyeratye kwobya na atidabate ngendele njyeto jile bwedekela mbyo makalaga ja Mqwegeri weto Yesu Kristo, wakola batilyedekere emanyerya liheteren kwa bujaregu.
\v 4 Monto oyo neghorate na hatikilya aje. Bwegada bwehe, ale marutaniyo na nkayani jya bibugu. Bibugu byene babyala lweru, manegena, mirumi, ojya bubeju,
\v 5 na manegewna bja hariri hariri liti na kwa bantu balya bale na bughara bugharaganyekire. Bahaba saba. Bageraga abwa bujaregu ni nkondo ya masabi.”
\p
\v 6 Ryolo bujaregu neghwasya nkolo ndinju mno.
\v 7 Kwa bulya hatikilya lwajire nakyo nseeno, nanga hatikilya kyonse tuketola eboka n nseeno.
\v 8 Bwegada bwehe, tuhikwei mbyelya na kyeboha.
\v 9 Ryolo bobyo bakondate egholyana bagwejaga kwedadadaghwa na kwa mtegu. Bagwejaga kwa bumanyi buneni na ng'adaghanji jibeju na kwa nkino kyonse kilya kighayatye bantu bashale kwa oba na egharagharieka.
\v 10 Kwa bulya ekonda robiya ni mruneru jwa byonse bya buhombya. Bantu balya barereraga bibyo, basabasabirye n halehu na mgiso na beherirye bo bene na nkwa bulolo buneni.
\p
\v 11 Ale we monto wa Mugwe, ryala bibnugu bibyo. Rohya saba, bujaregu, wasaba, lukondo, erimiserya, na buholoholo.
\v 12 Lwa bita bujaregu bya mgiso. Dabela serye ya kala elya wabugererwe. Lyale kwa bulya lee mbulya wakalagerye bushone bwa bejibe baneni kwa kilya kijaregu.
\p
\v 13 Nakuha salanga eno bushone bwa Mugwe olya aghayatye binto byonse etoola na bushone bwa Yesu Kristo, olya arahanire ja saba kwa Pontio Pilato:
\v 14 Daghara salanga kwa bwemelu, hati eghebebe kung'ore eja bwegeri weto Yesu Kristo.
\v 15 Mugwe nakebanekania eja lyehe kwa ng'ende njemelu, Mugwe, Mutemanigwa, nguru jyoka, mwekorani alya ageraga, Mwegeri atuhetelaga.
\v 16 Weka atore kala na amutagya kwa buseri butigaryesungureka. Hati monto akehikya emubana naga akehikya emumahela. Kwehe eba nsoni na ehikya lya kala na kala. Hauu.
\p
\v 17 Biela masabi ja kiselo geke bahabeghora, na mbahabe edinya kwa busabi bwobo, bulya buti bwemelu. Bwegada bwehe, bakondatwe bedinye Mugwe. Olya atuhejaga busabi bwonse bwa saba ebuga tubughamelage.
\v 18 Babele baghaye bujaregu, bagholyane kwa milemo njaregu, baba bahanu, na bakolwe be humya.
\v 19 Kwa nkondo eyo bakegitela tereni njaregu kwa bibugu bijate, ebuga abwa bahikye enyigha butolo butyandu.
\p
\v 20 Timotheo, rendela kilya oherye. Egirye na makorani jati jasaba na ja nkayani jale bwelega kwa bwerehi jabugwa buraganu bwangane ne saba.
\v 21 Kitye kya bantu kitalongega bibugu bibi na ryolo mbabola mgiso. Sayo eba hamwe nenyie.