soz_reg/52-COL.usfm

\id COL
\ide UTF-8
\h Bakolosai
\toc1 Bakolosai
\toc2 Bakolosai
\toc3 col
\mt Bakolosai
\c 1
\cl Mlyangu 1
\p
\v 1 Paulo, mtomwa wa Kristo Yesu kwa makondia ja Mugwe, na Timotheo ndogho yeto,
\v 2 kwa balya badekere na ndogo jilya katika Kristo balya bale Kolosai. Bujaregu yobe kwenyu, na sayo eboka nkwa Mugwe Baba yeto.
\p
\v 3 Tuhumatie sedani kwa Mugwe, Baba njaghamba yeto Yesu Kristo na ntubehelate ngero kwa ngero.
\v 4 Ntubojua nedekela yeto Katika Yesu Kristo na lukondo lulya mlenalyo kwa balya bonse mwongurutirigwe kwa ajili ya Mugwe.
\v 5 Mule lukondo lolo kwa bulya ya taraja lya uhakiki bulya bugiterwe kwegolo kwa ajili yenyu. Mwojirye kuhusu taraja eno ya uhakiki kabla katioka neno lya kya saba, injili.
\v 6 Ulya ajire kwenyu. Injili eno ibialate ndedetele na ikolate nseno yonse yoba ighailya muojire na mkaemanyerya ebuga bujaregu bwa Mugwe katika Kya saba.
\v 7 Eno neyo injili ilya muemanyerye eboka kwa Epafra, mkondswa weto mtomelwa mulugu weto ulya mtomwa mwemelu wa Kristo na eshe shonse.
\v 8 Epafra alughairye bumanyekane kweto bukondo kwenyu katika muhombo.
\p
\v 9 Kwa bulya likondo nobo eboka kya ilya tuojirye bobyo tukehabebehela. Twoba tuehelate ebuga muojorigwe maarifa ja makondo jehe katika hekima yonse na bumanye bwa muhombo.
\v 10 Twoba twehelate ebuga mkegera kwa bujaregu bwa Njaghamba katika nkondo jighashirye. Twoba twehelate ebuga mukebila ndetele katika kila kibugu kijaregu na mukoba katika maarifa ja Mugwe.
\v 11 Twehelate muhikya egitelwa nguru katika kila buwezo engana na nguru jya ndiagha yehe katika wemelu na bujaregu bwonse.
\v 12 Twehelate bulya, kwa eghamela, mkehumia sedani kwa Baba, ulya abaghairye enye muhikye obana hantu katika urithi bwa balya bedekere nuru.
\p
\v 13 Atuokoire eboka katika Bwegeri bwa kirimamu na etubokya katika bwegeri bwa Mwanehe mukondwa.
\v 14 Katika Mwanehe tule bukombozi, Musamaha jwa Ng`adaba.
\v 15 Mwana ni shumwa wa Mugwe ulya atibanekanaga. Ni mubialya wa mbele wa uumbaji buonse.
\v 16 Kuoba kwehe binto bionse biaumbirye, bilya bile kwegolo na bile kwa nse, binto bilya bibanekanate. Nabitibanekanate. Yoba bya enzi anga mamlaka anga utawala anga bile nguru binto bionse bia umbirwe nene kwa ajili yehe.
\v 17 Wo naleho kabla ya binto byonse, na katika wo bintop byonse bieriganate kwa limwe.
\v 18 Nene nwo mtwe kya mubele yaani Ghorowane, wo nwo wa mrunelelu na mbialya wa bushone eboka hamwe na bariokire bobyo nale nafasi ya bushone hamwe na binto bionse.
\v 19 Eoba Mugwe na ghamerwe bulya butimilifu bwehe bwonse utole ndane yehe.
\v 20 Na ekoranya binto bionse kwehe kwa nkondo ya Mwanehe. Mugwe aghairwe sayo eheta ngaghami ya Msalabani yehe. Mugwe akorande binto bionse kwehe weka, yuoba binto bya nseno anga binto ya kwegolo.
\p
\v 21 Neye hamwe, kwa gero emwe mwale bageni kwa Mugwe na mwale bahoma behe katika bughara na ngederu jibejagu.
\v 22 Alele riolo nubabakoraniya enye kwa mubele juhe eheta lukiyo. Aghairwe bobyo abuga abalete enye baseri balya bati lawama na bila dosari bushone bwehe.
\v 23 Kola mkegera katika nsaba, ilya muemerigwe na oba thabiti, halya hati ekerigwa kulehu eboka ihale taraja lya bughomi lya injili ya bulya kwayo niye, Paulo, neba mutomwa.
\p
\v 24 Riolo nighamelate etirirwa lya wa kwa ajili ya njili yenyu. Nanye natimiza katika mubele jiawa kilya kinyihate kwetirirwa ya Kristo kwa ajili ya mubele juhe, bweburya ghorowane.
\v 25 Niye ndemtomwa wa Ghorowane eno sawa sawa na wajibu bulya ng`erwe eboka kwa Mugwe kwa ajili yenyu eliojorya ekalagu lya Mugwe.
\v 26 Bobo bi bwa saba bwa siri bulya yale ibisirwe kwa miaka jineni na kwa bubialo. Alele riolo mubahigolwa kwa bonse balya baaminire nkaktika wo.
\v 27 Kwa balya babulya Mugwe akondire buhigola kule butajiri bwa ndiaghaya siri ya saba bobo hamwe mwo Mataifa. Ne bulya Kristo ale ndane yenyu bughomi bwa ndiagha bujate.
\v 28 Oyo nwo tumtangazate. Tumuonyate kila monto na emukalagerya kila monto kwa hekima yonse, ebuga bulya kila monto tumulete mkamilifu katika Kristo.
\v 29 Kwa ajili eno, niye nejibidisha na jetahidi engana na nguru jihe eghayagia gasi ndane yehe katika uweza.
\c 2
\cl Mlyangu 2
\p
\v 1 Ebuga nikondate mumanye byo bieleniboba na sina kwa ajili yenyu, kwa bonse baliale Laodikia na kwa bonse balya batibone busho bwawa katika mubele.
\v 2 Ghayate milemo ebuga nkolo jiobo ihuikye efarijika neletwa hamwe katika utajiri bwonse bwa buneni bwa buhakika kamili bwa maarifa, katika emanya siri ya saba Mugwe, ulya Kristo.
\v 3 Katika wo hazina yonse jiya hekima na maarifa jibisirwe.
\v 4 Bugate obyo ebuga monto ulya wonse ahabe baghaerya hila kwa ekalaga wo akeshawishi.
\v 5 Na ebuga ntihamwe nenye katika mubele ale ninde nenye katika muhombo. Nighamelate ebana butaratibu bwenyu bujaregu na nguru ya imani yenyu katika katika Kristo.
\p
\v 6 Bilya mwapokeire Kristo Mwegeri, gerai katika wo.
\v 7 Mwimarishwe katika wo, Mwimarishwe katika katika imani bwo bilya kyoka mwamanyerigwe na shiga sedani jineni.
\p
\v 8 Raberyiai ebuga monto wowonse ahabe banasa kwa Falsafa na makalaga jawa jabusasabi engana na mapokeo ja Bantu, engana na kanuni jya nseno, na Hati engana na Kristo.
\v 9 Kuoba katika wo bumanu buonse bwa Mugwe butolaga katika mubele.
\v 10 Nenye mubojerye klatika wo, wo ni nutwe ja kila uweza na mamlaka.
\v 11 Katika wo abwa mwamuradirye kwa tohara itighaighagwa ni bantu katika ekerigwa muele jwa nyama, ale ni katika tohara ya Kristo.
\v 12 Mweryekirwe hamwe nene katika ebatizwa. Na kwa nkondo ya kioloteryo katika wo mwaryokirigwe ebokwa kwa eryoka.
\v 13 Na bulyua mwale mukire katika makosa jienyu elege emuradwa kwa mibele jienyu, mwaghairigwe serye hamwe nene atusameha makosa jieto jionse.
\v 14 Afutire kumbukumbu ya sire ilya ya yandekirwe na butaratibu jilya jile kisuha neshe ekerye yonse na gongomea msalabani.
\v 15 Ajiekerye nguru na mamlaka ajo agitere hashe na akajaghajia oba, ngorou ya ushindi kwa nkondo ya msalaba jwehe.
\p
\v 16 Kwa hiyo, monto yojote nahabebahukumu enye katika elagela anga katika enywa, anga ehusu nkya ya ngorou, anga nkya ya sabato.
\v 17 Bibi bi kirirya nse bya makalaga jojate, ale kiini ni Kristo
\v 18 Monto obate jinse ahaotujwa tuzo yehe kwekonda busasamanu na kwa eabudu malaika. Monto wa jinsi eno ashalaga katika makalaga jalya abande na eshawishiwa na mwazo jiehe ja kimubele.
\v 19 Wo atidabate mtwe. Ne boka katika mtwe biulya mubele jhonse eheta biongo biehe na maguha ja ungagwa na jadana kwa hamwe na jakola kwe kola buhumigagwa ni Mugwe.
\p
\v 20 Yoba mwale hamwe na Kristo kwa tabia jwa nseno, shimwatolaga kama muwajibikate kwa nseno:
\v 21 “Muhabedaba, anga ehonja, anga eriga”?
\v 22 Jaja jonse jaamujiirwe kwa ajili hya buharibifu bujate na matumizi etokana na maelekezo na mafundisho jya bantu.
\v 23 Mresha jiji jile nsoni ya dini jigharerigwa kwa bubinafsi na busasamanu na etirigwa lya mubele. Ale jiti kya ngoro dhidi ya ererela jya mubele.
\c 3
\cl Mlyangu 3
\p
\v 1 Yoa lenge Mugwe nababarikwa hamwe na Kristo, jasorei makalaga ja egolo bulya Kristo amitagia kuboko kwa kuume wa Mugwe.
\v 2 Fikiriai kuhusu makalaga ja nseno.
\v 3 Kwoba mukire, madiko jeienyu jabisirwe hamwe na Kristo katiuka Mugwe.
\v 4 Lilya Kristo ekebanekana, amaeni madiko jenyu, ndyo nenye mkeanekana nene katika ndiagha.
\p
\v 5 Kwa boyo jabisei makalaga jale nseno yani zinaa, buchafu, shauku mbeju, nia mbeju, na erererla, bwebulya iada jya bagwe.
\v 6 Ni bulya makalaga jaja na ghadhabu ya Mugwe nijate egolo ya bana matiojate.
\v 7 Ni bulya makalaga jaja enye bonse mwagerire kwobo bulya mwotore kwate yobo.
\v 8 Ale riolo Mutakiatwe mujekwerwe makalaga jaja jonse. Yaani, ghadhabu, hasira, nia mbeju, mirumi, na makalaga jachafu jalya jakoba buromo nane.
\v 9 Muhabe sasabana enye kwa enye, kwa nulya mwebekyirie botwo bwenyu bwa kala na gendela yehe.
\v 10 Mwebekerie otwo bwa mbia bulyia bughaighagwa bwambia katika emanya ebokana shumwa ulya ale muumba.
\v 11 Katika emanya jaja hati Myunani na Myahudi kutahiriwa na kutokutahiriwa, asomire, ati asomire, mtomwa, ati mtomwa, ale anga yehe Kristo ni makalaga jonse katika jonse.
\p
\v 12 Bulya bateule ba Mugwe, bemelu na bakondane ebekai botwo bujaregu, ukarimu, nsoni, buholwo na uvumilivu.
\v 13 Tolai enyie kwa enyie. Sokanai kwa kila monto na mulugu wehe. Kola monto na lelegate mulugu wehe, amsamehe kwa ulya Bwana atusamehire eshe.
\v 14 Anamu ya makalaga jaja jonse, mwoe na lukondo, bulya kwiyo kigezo kya mwojolanu.
\p
\v 15 Sayo ya Kristo ibahire nkolo nane yenyu. Yale ni kwa ajili ya sayo ino ebuga mwabugerwe katika mubele jumwe. Yobe na hanana.
\v 16 Na bibugu jya Kristo limitiye ndane yenyu kwa butajiri. Kwa hekima jionse, kwa graniyai na emanyerania enyie kwa enyie kwa Zaburi, maghuja, na maghuja ja nkolo nane. Ghujai kwa hanana nkolo nane yenyu kwa Mugwe.
\p
\v 17 Na kilya kionse mughayagya, katika makalaga anga katika ngedelu, ghajii bionse katika eina lya Mwegeri Yesu. Muhei hanana Mugwe Baba eheta kwehe.
\p
\v 18 Baka, basaamei balomei benyu kola ighameryatye katika Mwegeri.
\v 19 Nenye balome, bakondei baka benyu, na buhabeoba baghomi kwobo.
\p
\v 20 Bana bojilei bazazi benyu katika makalaga jonse, anamuna biyo ighameratie Mwegeri.
\v 21 Balakolo muhabeghatala bana benyu, ebuga bahabe ekeba ererela.
\p
\v 22 Batyomwa, ejii mabwana benyu katika mubele jwa makalaga jonse ti kwa milemo ya meso kama bantu bekughamerya kyoka, bali kwa Nkolo ya saba, Mwogopeni Mugwe.
\v 23 Kilya kionse mghayatye ghayani eboka nkolo nane yenyu bo kwa njaghamba ti bo kwa antu.
\v 24 Muje ebuga mkehebwa gantu kegera eboka kwa njaghamba, Kristo njaghamba elya Mumugharagya.
\v 25 Kwa bulya olya wonse, aghayatye jati ja saba akehebwa nkebi kwa bughaya buli bwa saba aghayatie, na hati upendeleo.
\c 4
\cl Mlyangu 4
\p
\v 1 Begerti, humnyai kwa batomwa bibugu bile saba na nsoni. Mumanyire sei ebuga mule Mwegeri kwegolo.
\p
\v 2 Ghayai kwa Bwemelu na ehela. Mutyai mulabirye kwa lelyo kwa emasya.
\v 3 Ehelai hamwe kwa hara yeto sei ebuga Mugwe ehingole mulyangu kwa hara ya ekalaga kibisi kya saba ya Kristo. Kwa bulya lele nimbohirwe mighoba.
\v 4 Na ehelai ebuga ng'ikye eligitela hobijibo, bulya lihikerere mbuge.
\p
\v 5 Gera kwa bujaregu kwa balya bale kayane na muhinje ng'ende.
\v 6 Bibugu byenyu biba bya sayo ngari jyonse na byojye sumbi kyani kyonse ebuga muhikye emanya bwe ejokerya nkila monto.
\p
\v 7 Kwa makalaga binjaghire niye, Tikiko akejaghaya jamanyekane kulya mule. Wene mondogo akondwe, mumilemo mugharehi na mutomwa mulugu kwa Mwegeri.
\v 8 Namutoma kulya mule kwa lele ebuga muhikye emanya bibugu bujaghire eshe ebuga ahikye abagwasya nkolo.
\v 9 Namutoma hamwe na OPnesmo, mondogo weto tukonde mugharehi, na omwe wenyu. Bakebabiela kila kindo kilya kyaghobukire oho.
\p
\v 10 Aristarko, Mbohi mulugu, nababagesha, sei na Mariko karibyari ese yehe Barnaba balya mwanyighire ngendelo eboka kwehe, “Kola nabaja kulya mule, munyighei.”
\v 11 Na sei Yesu abugwa Yusto. Baba boka ba bumuradi ni mbaghaya m, ilemo balugu kwa hara ya Bwekorani bwa Mugwe. Babere bagwanu kulyande.
\v 12 Epafra nababageshya wene nomwe wenyu na mtomwa wa Kristo Yesu. Wene abosobososaga kwa ehela kwa lele ebuga abwa muhikye ema kwa bwemelu na ebanerigwa bugharehi kwa buhenji bwonse bwa Mugwe.
\v 13 Kwa bulya ninde mwejibe webuga naghayatye milemo libosoboso kwa hara yenyu kwa babyo bale Laodekia na kwa babyo bale Hierapoli.
\v 14 Luka oyo dagitari nkonde na Dema mbababagesha.
\p
\v 15 Bagesha ndogo jiawa jile Laodikia na kwa babyo, na Nimfa na Kanisa lilya lile mwehe.
\v 16 Borwa eno wahola osomatwe magatagate jenyu esomwe ejagha kwa kanisa lya Baloadekia nenyie sei ng'orei emisoma borwa eboka Laodekia.
\v 17 Buga kwa Arkipo, “Raberya kilya onyighire kwa Mwegeri ebuga ohikye kyemererya.”
\p
\v 18 Mugesyo jojo jwa kuboko kwawa mwene -Paulo. Teryai mighoba yawa. Sayo na eba nenyie.