soz_reg/51-PHP.usfm

\id PHP
\ide UTF-8
\h Bafilipi
\toc1 Bafilipi
\toc2 Bafilipi
\toc3 php
\mt Bafilipi
\c 1
\cl Mlyangu 1
\p
\v 1 Paulo na Timotheo, amilemo ba Kristo Yesu, kwa balya bakerigwe kwa Kristoi balyta batore Bilipi, hamwe na bamaheri na masyemasi.
\v 2 Kuholo kuba kulya mule na mgiso jubokate kwa Mugwe Baba weto na Mwegeri weto Yesu Kristo.
\p
\v 3 Nimba sya Mugwe wawa bulya mbateratye enyinyose.
\v 4 Nkya jyonse kwe ehele lyawa kulya mule enye nyose nkolagwa ghamelate bulya mbehelate.
\v 5 Ninde muhera juneni kwa bulya tule hamwe kwa anjili eboka nkya ya mbele mbaga yolo.
\v 6 Ni ndisibire ebuga wene n olya arunererere milemo njaregu ndane yenyu nakemiboso boshya emisubela nkya ya Mwegeri Yesu Kristo.
\v 7 Ndya bobyo kwawa ejojya obyo kulya mle enye nyonse klwa bulya nimbagitere nkolo ndane yawa. Bulya enyie mubakolwa hamwe balugu kwa ebohwa lyawa kwa ehedelwa na eghareha lyawa lya injiili.
\v 8 Mugwe ni mwejibe wawa bulya nde na erera kulya mule enye nyonse kwa lukondo lwa ndane lwa Kristo Yesu.
\p
\v 9 Na njehelate ebuga: lukondo lwenyu lurose muno lyonse na bughara nemanya lyonse.
\v 10 Njehelate kwa lele mughaye ngalu jyegera na elabola bibugu bilya bing'ona lyonse. Ejagha mbehelate ebuga muba baseri batumuneholwa na bubeju bwonse kwa nkya ya Kristo.
\v 11 Na muojorigwe ni gisa kya saba kilya kiban ekanaga kwa Yesu Kristo, kwa ghorana na eghora Mugwe.
\p
\v 12 Riolo ndogo jyawa nkondate mumanye ebuga, bibugu bilya byaghubukire kwawa biyaghaya injili esungurute muno.
\v 13 Ndyo ebuga lee mbohi Jwawa kwa Kristo ndya manyekana kwa barenderi ba Ikulu yonse kwa kila monto jagha.
\v 14 Na ndogo jineni kwa Mwegeri, kwa bulya lee ebohwa lwawa mbabedekerya na ojya nekalagerya ekalaga hati na ryari.
\p
\v 15 BVamwe nsaba bamutalongelaga Kristo kwa ngambo, na marutaniyo na ejagha bange kwa nkondo njaregu.
\v 16 Balya batalongelate Kristo kwa lukondo mbaje ebuga ngiterwe oho kwa hara ya erotiela injili.
\v 17 Ale bange batumbageralye Kristo kwa kibwobo na kwa nkondo mbeju. Bageraga bagitelate budandamu kwawa na kwa mighoba yawa.
\v 18 Kwa ryolo? Liryalete, rari kwa kola kwa iweru nanga kwa saba Kristo nalealagerigatwe, na kwa lele nighamelate! Mbyo, ningeghamela.
\p
\v 19 Kwa bulya ninjire ebuga lele likeleta ehingolwaq kwawa. Ekalaga lele likeghoboka kwa ehela lyenyu na kwa erasha lya nkolo ya Yesu Kristo.
\v 20 Ebokana na ebetela lyawa na bugharehi na saba nelyo ebuga tubanente nsoni. Bwegada bwewhelya nkya njyonse na ryolo mbetelale ebuga Kristo nakebanekana mubele ndane jwawa kola kwa serye nanga.
\p
\v 21 Kwa bulya niye etola ni Kristo na ekya erigwa.
\v 22 Ale kola etola n kwa mubele likebyala kijaregu kwa milemo yawa, rolo ntije kehe kyelobola.
\v 23 Kwa bulya ndugutatwe lyonse byaso bibi bibele. Ninderelate ehaba mubele nekolwa hamwe na Kristo, kindo jingo mno mno.
\v 24 Kwa bulya, etigwa kwa mubele jojo nekalaga ling'ona kwa hara yenyu.
\v 25 Ghai ninde na bugharehi kwa lele, ninjire ningetigwa na egita bobyo eba hamwe enye nyonse, kwa hara ya maendeleo na eghamela na mgiso jwenyu.
\v 26 Na lele likeleta eghamela lyenyu likolo kwa Krtisto Yesu, ibughalee ihirirya kwawa lee mkolowe na ekalaga lye.
\p
\v 27 Muhondatwe mutole bulolo bwenyu kwa ngendelo jijaregu juhikire injili ya Kristo, Ghai bobyo ebuga naja ebabana na nahabeja njojye ebuga mwemire janga kwa nkolo emwe. Nderelate ojya ebuga mle nkolo emwe muhijanate na mugiso jwa injili hamwe.
\v 28 Na habei tiribanigwa kindo kyonse kighaighatwe ni mbahoma benyu. Lele kwobo ni kilaka kya egharaghagharya. Ale kwenyu ni kilaka kye honoka eboka kwa Mugwe.
\v 29 Kwa bulya enyie muherwe kwa hara ya Kristo, ti emwedekela gyoka, kwetirirwa sei kwa wene.
\v 30 Kwa bulya mle na ryari elya sei bojulya mwabande kwawa na mwojirye ninde najwo ejagha yolo.
\c 2
\cl Mlyangu 2
\p
\v 1 Kola ng'ate eghwaasigwa kwa Kristo. Kola ng'ale bujaregu eboka kwe konde lyehe. Kola ng'ale rasariyia kwa nkolo. Kola ng'ale erera na marero.
\v 2 Suberyani eghamela lyawa kwa egendela hamwe mwakolwa na lukondo lumwe. Mwakolwa bamwe kwa nkolo na kwa migabele emwe.
\v 3 Habei eghaya kibyenyu na meghora. Mkolagwe mle beghorobana na mubanage bange banga enyie.
\v 4 Omwe nahabemahela kyehe welea, Bwegada sei namanye na bange.
\p
\v 5 Mkolwe na mnkondo emwe na Kristo Yesu.
\q
\v 6 Rari bobyo nomwe na Mugwe. Ale atandi eghaya hamwe na Mugwe ebuga kindo kyedabana naleyo.
\q
\v 7 Bwegada bwehe, enyihirye weka. Agatola langu la mumilemo. Akeghubukya angane na monto. Akabanekana monto.
\q
\v 8 Wene aghorobanire neba wojya aleang'oreleya eleya, eleya lya msalaba.
\q1
\v 9 Basi ndyo Mugwe akamughorowana nlyonse. Akamuha ebuga likolo lihetire mabina jonse.
\q
\v 10 Agitire bobyo ebuga abwa ebina lya Yesu gurangura jyonse njigeghoma. Gurangura jile kwegolo na jilya jile egolo na jilya jile nse ndane.
\q
\v 11 Na agitire bobyo ebuga abwa ejagha luleme lwedekele ebuga Kristo ni Mwegeri, na ghorana ya Mugwe Baba.
\p
\v 12 Ryolo ngo, bakondwa lee balugu bawa bulya mwedsekere nkya jyonse, ti kwa ekolwa ale ryolo ndikerire mnop rari kola ti ekolwa lyawa. Gharetryai ehonoka lyenyu nebodana.
\v 13 Kwa bulya ni Mugwe aghayatye milemo ndane yenyu ebuga Mughaye kimwe eghaya bibugu bilya bikemughamerya wene.
\p
\v 14 Ghayai bibugu byonse biti na nung'unung'un na nkayani.
\v 15 Ghayai bobyo ebuga muhabe gambwa gambwa na muba bana ba Mugwe bagwanu bati na nung'unung'u. Ghayai bobyo ebuga muba lubasho lwa nseeno kwa kajakolo galea kalegire na buhombya.
\v 16 Nyighai lyonse ekalaga lya serye ebuga niyekolwe na bweghora nkya ya Kristo. Asubamanye ebuga ntandi eroha lyanse nanga ntandi ebaya mbaya lyanse (ebirimbira).
\p
\v 17 Ale rari okola niye niunjijwe bo sadaka yegolo na dabihu na milemo ya mgiso jwenyu, nighamelate na ghamelate hamwe nenyie.
\v 18 Ejagha enyie sei mughamelate, na mughamelate hamwe nanie.
\p
\v 19 Ale ngereratye kwa Mwegeri Yesu etoma Timotheo kulya mle nkya jiji ebuga nkolo eghwase namanya bibugu byenyu.
\v 20 Kwa bulya nti onge ale emahela wiga lyehe, ale na nkondo ya saba kwa hara yenyu.
\v 21 Bange bonse balya nale natoma kulya mule basoraga bibugu byo bene gyoka, na ti bibugu bya Yesu Kristo.
\v 22 Ale mujed haloha yehe kwa bulya kwa mwana olya abaneratye ese yehe mbyo aghaekire hamwe naniye kwa injili.
\v 23 Yolo lee ningeratye emutoma libosoboso kwa kilya kemanya ninji kikeghubuka kulyande.
\v 24 Ale ninde na edisiba kwa Mwegeri ebuga niye mwene sei ninkeja nkya jiji.
\p
\v 25 Ale ntereralye nding'ona ejoleya kulya mule Epafradito. Wene mondogo wawa na mghaya milemo mulugu na sigari mulugu, Wagusikeleo na mumilemo wenyu kwa hara ya bata jyawa.
\v 26 Kwa bulya ale na budelei na arereraga ekolwa nenyie nyonse, kwa bulya mwojirye ebuga narware.
\v 27 Lya saba alemurwari aleokonde kya. Ale mugwe akamurerela, na bujaregu bobyo butandi kolwa kulya ale gyoka, ale sei bwale kulya nde, ebuga abwa ng'abekolwa na buregye kwa buregya.
\v 28 RYolo namuhondola kulya mule libosoboso bulya lihikerere ebuga abwa mwamubanan lenge mghamele naniye ngekolwa nimbekerigwa eryalaryala.
\v 29 Shyarai Epafradito kwa Mwegeri kwa maghamela jonse. Sokai bantu bo wene.
\v 30 Kwa bulya lyale kwa hara ya milemo ya Kristo kwa lilya asungurere ekya. Abehebehirye butolo bwehe ebuga ang'onokye niye na akaghaya kilya enyie mtumunehikya klwembanerya niye kwa bule mule halehu nanie.
\c 3
\cl Mlyangu 3
\p
\v 1 Yolo le, ndogo jyawa ghamelani kwa Mwegeri. Ntibone ebahadeka ebandekela lenge bubugu bilya bilya. Bibugu bibi mbikebaha sayo.
\p
\v 2 Emahelei na sese. Emahelei na baghaya milemo babeju. Emahelei na balya belegire mibele yobo.
\v 3 Kwa bulya eshe tule bamudadi. Eshe mbo tughorate Mugwe kweraserigwa ni nkolo. Tweghorerate kwa Kristo na balya bati bujaghamba kwa mubele.
\v 4 Ejagha bobyo, kola ngugekolwa na monto wedinya mubele jojo, niye ninkehikya eghaya bobyo mno.
\p
\v 5 Kwani namuradirwe nkya ya kanana, mabarwe bantu baisraeli. Nde wa kabira ka Benjamini. Nde Mweburania wa Baeburania. Kwe merye gaba syaria ya Musa nale Barisayo.
\v 6 Kwa buhalidu bwawa natiririre Kanisa. Kwojya saba ya Kanisa, ntyale na nughunughu kwa gisyeria.
\p
\v 7 Ale kwa bibugu byonse bilya nabande eba mbiju kwawa niye, natarire manga ng'ororo nkwa bulya naje Kristo.
\v 8 Lya saba, natarerere bibugu byonse eba tigantu ebokana na bujaregu bwe emanya Kristo Yesu Mwegeri wawa. Kwa lilyo lyehe nimbahaba bibugu byonse, mbajatala ebuga ni ng'ororo ebuga mbane Kristo.
\v 9 Mbanekane ndane yehe. Ti saba tawa niyeka eboka kwa syeria, ale ninde elya ekebanekana kwa mughiso jwa Kristo, eboka kwa Mugwe, jule tereni la mugiso.
\v 10 Yolo nkondate mumanye wene na nguru, lya eroka lyehe na hamwe kwa etirirwa lyehe. Nkondate njelajwe na Kristo kwa angania lya lokyo lwehe,
\v 11 ale egera ngikye kolwa na nedinya lya mirokyele eryoka.
\p
\v 12 Ti lya saba abwa nisubire ebana bibugu, nanga abwa nisubire eba mwemelu kwa bobyo. Bwegada ninjesumate ebuga ngikye ebana kilya nange kilya kya banekane Kristo Yesu.
\v 13 Ndogo jyawa, ntikolate ebuga nisubire ebana bibugu bibi. Bwegada ghayatye kibugu kimwe: nobelwa bya suha nabetela bya bushone.
\v 14 Njesumate ng'ikelen kilya ng'abile bulya ebuga mbane gitalu kyegolo kyebugelwa Mugwe kwa Kristo Yesu.
\v 15 Enyonse balya tukorere ehonoka, tuhikire nansa bobyo. Na kolwa onge nakedemererya kwa binge byekekerane kwa ekalaga lyonse, Mugwe nakelibahingola lelyo kulya mule.
\v 16 Ejagha bobyo, tutyimine ehikela na tugende kwa ngendelo eyo.
\p
\v 17 Ndogo jyawa, ngheghai nie. Bamahelei kwa bugharehi balya bagendate kwa angania linga lya hara yeto.
\v 18 Baneni balya batore mbalya sei nkya jyonse nimbabelaga, na ryolo mbabelate kwa mesori- baneni batore bo bahoma ba msalaba jwa Kristo.
\v 19 Mugero jwobo negharagharya. Kwa bulya Mugwe wobo nkiburi, na bururuganu bwobo bule kwa nsoni jwobo. Bandemereregya bibugu bya nseeno.
\v 20 Bwegada butolo bweto bule kwegolo, kuilya tubetelate muhonoki weto Yesu Kristo.
\v 21 Akelaja mibele yeto jinaghanaghu jiba bo mubele jwehe jwa ghorona kwa ngalu jilya jimughairye egerere binto byonse.
\c 4
\cl Mlyangu 4
\p
\v 1 Ryolo le bakondwa bawa, nkonde bulya mbarererate bulya maghamela na haloha yawa. Emai jang'a kwa Mwegeri enyie bahenji nkonde.
\p
\v 2 Kusasamate we Eudia, na ejagha kusasamate we Sintinke, mjokye nkyana jya kuholo gate kenyu. Kwa bulya enye, nyonse babele mwanyighane na Mwegeri.
\v 3 Lya saba, mbasasamate sei enyie baghaya milemo balugu, murashye baka baba kwa bulya baghairye hamwe naniye kwe ekalagerya ekalaga lya Mwegeri twale na Kilement hamwe na bamilemo bange ba Mwegeri, balya mabina jobo jandekirwe kwa kitabu kya serye.
\p
\v 4 Kwa Mwegeri nkya jyonse. Ejagha nimbugate, ghamelai.
\v 5 Uholo hola lyenu libanekane kwa bantu bonse. Mwewgeri ale hadinko.
\v 6 Habei etirira kwa kibugu kyonse. Lyehe sei ghayai bibugu byenyu kwa nkondo ya eheela, etemana, na emasya. Na bata jyenyu jimanyekane kwa Mugwe.
\v 7 Ngo sayo ya Mwegeri elya nkolo ekela emanya lyonse, ekerendela nkolo na byaso byenyu kwerashya nlya Kristo Yesu.
\p
\v 8 Asuba, ndogo jyawa, jatereryei lyonse makalaga jale kya nsaba, nsoni, saba, buseri, lukondo, na jalya jale masikelo jajaregu jale ryetwan hamwe na jalya jahikerere eghorwa.
\v 9 Jaghayei makalaga jonse jalya mwemanyererye, mwanyighire, mwojirye na jalya mwabande kulyande nene ghonio wa sayo nakekolwa nenyie.
\p
\v 10 Ninde nighamela muno lyonse kulya mule kwa Mwegeri kwa bulya enyie mwabanishya lenge nkondo yeghaya kulya mule bata jyawa. Lya saba, ayo suha mwarereraga emanya bata jyawa ale mutandibana ng'ende yendaserya.
\v 11 Tibugate bobyo ebuga njeha gantu kwa hara ya bata jyawa. Kwani njemanyererye emelela nkamba jyonse.
\v 12 Ninjije etola kwa hara yenyihelwa na sei kwa hara yekolwa na bineni. Kwa bulya kunga kwone ninjemanyererye kibisi kwa bwelagera kyani kyegha na bwelagela kyani kya jalo, yani bineni nekolwa wabata.
\v 13 Ngehikye eghaya bibi kwerasigwa noyo wenye olya angitere nguru.
\v 14 Ejagha bobyo mwaghairye bujaregu endaserya niye kwa sina jyawa.
\p
\v 15 Enyie Babilipi mje ebuga bushone bwa ekalaga lilya nang'endire Makedonia hati Kanisa lyandaserye kwa bibugu bihikire ehumya na enyigha wekerya enyiyeka.
\v 16 Ejagha lilya nale Thesalonika, enyie mwantomere mukandaserya na ti limwe kwa hara yekeba bata jyawa.
\v 17 Tibanishatye ebuga nsorate eraserigwa. Bwegada ebuga mubane ntunda jiriju kulya mule kwenyu.
\p
\v 18 Nimbanyigha binto byonse, na yolo mbaghanywa na binto bineni. Nanyighire binto byenyu ebokwa kwa Epafradito. Mbinto bijaregu binyokelate binga gheera njaregu yedekere kwa byonse ni sadaka yeghamerya Mugwe.
\v 19 Kwa lelyo ngo, Mugwe wawa nakebaghanyela bata jyenyu kwa egholyana na ghorona lyehe kwa Yesu Kristo.
\v 20 Yolo kwa Mugwe na Baba weto eba ghorana kala na kala. Hau.
\p
\v 21 Mgesho jyawa jibahiukere bonse bedekere Kwa Kristo Yesu. Balya nkonde nde nabo oho nimbageshatye.
\v 22 Ejagha bedekere bonse oho nimbageshatye, Liti na balya ba bakaya ka Kaisari.
\p
\v 23 Na ryolo sayo ya Mwegeri weto Yesu eba na nkolo jyenyu.