soz_reg/49-GAL.usfm

\id GAL
\ide UTF-8
\h Bagalatia
\toc1 Bagalatia
\toc2 Bagalatia
\toc3 gal
\mt Bagalatia
\c 1
\cl Mlyangu 1
\p
\v 1 Niye Paulo mtomwa. Niye nti mtomwa eboka kwaq bantu na etorya kwa bantu, ale etorya kwa Yesu Kristo na Mugwe Baba olya amuryohirye eboka mberera ndane.
\v 2 Hamwe na ndogo jyonse na niye, njandekelate Makanisa ja Bagalatia.
\v 3 Kuholo kulya mule na sayo ibokate kwa mugwe Baba weto na Mwegeri Yesu Kristo,
\v 4 mwene olya ahumirye kwa ghadadaba jyeto ebuga esye atuhonokye na kagero ka buhombya, ebokana na muhenji bwa Mugwe weto baba.
\v 5 Kwehe eba ghorana kala na kala.
\p
\v 6 Nimbadeka munop ebuga mhondokelate ekalaga linge. Nindeleate ebuga mhondolealate halehu eboka kwehe olya ababogere kwa sayo ya Kristo.
\v 7 Hati ekalaga linge, ale hale bantu bamwe babaghayatye enyie muhogerye na ekonde elaja ekalaga lya Kristo.
\v 8 Ale rari ekola neye nanga malaika eboka eboka kwegolo, akalageratye ekalaga lionge kulya mule na abekerwe muma.
\v 9 Bulya tubabogire lya mbele, na ryolo nabuga lenge, “Kola ng'ale monto akebakalagerya kulya mule ekalaga ekela lilya munyighire na nabekelwe muma.”
\v 10 Kwai yolo bobyo nsorate bugharehibwa bantu nanga Mugwe? Nsorate eghamelya bantu? Kola ngendate esaga eghamelya bantu, niye ntii mumilemo wa Kristo.
\p
\v 11 Ndogo, kondate enyie mumanye ebuga ekalaga lilya nakalageragya litibokane na bantu.
\v 12 Ntandihebwa eboka kwa bantu nanga nanga ntandi emanyerigwa, bwegada bwehe bwale kwa eryoka lya Yesu Kristo wawa.
\p
\v 13 Msubire ojya bulya butolo bwa suha kitemi kya Bayahudi nale nale natiriraga kwa bulolo Kanisa lya Mugwe ekela na mgero neriherya.
\v 14 Nakolagwa tubugerate Gitemi kya Kiyahudi ekela ndogo jwawa baneni ba Kiyahudi. Nale mubosoboso muno kwetubugera ngedelo jya baba ba.
\v 15 Ale Mugwe aghamerigwew endobola niye eboka kiburi ndane ya maeto. Ambugere niye etolya kwa kuholo kwehe.
\v 16 Emumanyisha mwanibe ndane yawa ebuga abwas nkalagerye wene hamwe na bantu ba kiselo keke. Nanga ntandisora ekorani lya mubele na ndaghami.
\v 17 Na ntandi egoromoka eya Yerusalemu kwa balya bale batomwa bushone bwawa. Bwegada bwehe nkaya Bwarabuni na hariri nkajoka Dameski.
\v 18 Bibemela bidatu byaheta kagoromoka eya Yerusalemu etuba Kefa, nkamutya nene nkya ekomi neshyano.
\v 19 Ale ntantibana batomwa bange ehabela Yakobo, mondogo wehe na Mwegeri.
\v 20 Raberya, bushone bwa Mugwe, Ti sabasabate kwa kilya njandekate kulya mule.
\v 21 Asuba nkaya kwa mikoa jya shyamu na Kilikia.
\v 22 Tyamanyekanaga kwa meso kwa Makanisa ja uyahudi jalya jakolagwa Kristo,
\v 23 ale bakolagwa bojatye gyoka, oyoo ekalgwa atutirirate yolo akalageratye elya akolagwa agharagharagya.
\v 24 Baghoraga Mugwe kwa hara yawa.
\c 2
\cl Mlyangu 2
\p
\v 1 Hahika bilemela ekomi na biina nayere Yerusalemu lenge. Hamwe na Barnaba. Ejagha namtorire Tito hamwe nanie.
\v 2 Nagendire kwa bulya Mugwe emenyisirye kwawa kwa bulya nakondagwa ngere. Nagitere ekalaga bushone bwobo bulya nkalagerye kwa batu bonse. (Ale nagambire kwa kibisi kwa balya bamanyekanaga eba bekorani mno). Naghairye bobyo kwebuga nakolagwa tirohate, nanga Narohaga lyanse.
\v 3 Ale ejagha Tito, olya akolagwa nanie ale Myunani, akasimerigwa emuradwa.
\v 4 Kibugu keke kyaghubukire nkwa ndogho jya bwerehi bajire nkwa kibisi etudoghorera kuholo kulya twale nakwo kwa Yesu Kristo. Barereraga etughaya eshye eba batomwa ba syaria (ngendelo jyobo).
\v 5 Tutandi ehumya tubojye rari kwa saa limwe ebuga ekalaga lya saba limuntye na nlihabe lajoka kulya mule.
\v 6 Ale balya kwabugagwa mbo mbale bekorani batandi humya rari gantyu kariri kulya nde.
\v 7 Kilya kyonse baghayagya kityale gantu kulyande. Mugwe atyendekelaga ekondwa monto. Manga mabande ebuga nkoreririgwe ekalagerya ekalaga lele kwa balya batimuradire. Lyale Petro ekalagerye ekalaga kwa balya bamuradire.
\v 8 Kwa bulya Mugwe aghairye milemo Petro ndane kwa butomwa kwa butomwa kwa balya bamuradire, ejagha aghairye milemo ndane yawa kwa bantu bange.
\v 9 Lilya Yakobo, Kefa, Na Yohana, bamanyekane ebuga balya bobokire Kanisa, mbamanyire kuholo kulya naherwe niye, bakatutebela kwa hamwe niye na Barnaba. Baghairye bobyo ebuga tugende kwa bantu bange, na ebuga bahikye egenda kwa balya bamuratire.
\v 10 Ejagha batukondaga eshye tuteragye balya bati gantu. Niye ejagha Narereraga eghaya kibugu kyene.
\p
\v 11 Lilya Kefa ajire Antiokia namulegire hobiji kwa bulya ale muhombya.
\v 12 Bobyo bantu bariri batantija eboka kwa Yakobo, Kefa ekalaga na bantu ba bange. Ale bulya bajire, akahaba bakagera ebokwa kwa bantu bange. Aryalalaga bantu balya bakondate bumuradi.
\v 13 Na bayahudi bange bakanyighana na Kefa eghamba kubele ejagha Barnaba nene akahirwa njya mahyo mbagamba kubele babyo.
\v 14 Ale bulya nabande ebuga batirohatye ekalaga lya saba, nabere Kefa bushone bwobo bonse, “Kola enyie mule Bayahudi ale mubatola kwa ngendelo jya bantu bange mkahaba ngendelo jya Kiyahudi, siye ninji mubasimereragya bantu bange etola ba Bayahudi?”
\v 15 Eshe balya tule Bayahudi bebyalwa tuti bantu bange bale ghadaba.
\v 16 Manyai ebuga hati atale rwe saba kwa ngendelo jya syaria. Ale atorerwe saba kwa mugiso Yesu Kristo ndane. Twajire kwa mgiso ndane ya Yesu Kristo ebuga tutarererwe saba kwa mgiso ndane ya Kristo na ti kwa ngendelo jya syaria. Kwa ngendelo jya syaria hati mubele juketalelwa saba.
\v 17 Ale kola tubasora Mugwe kwetarerya saba ndane ya Kristo, twekola bene ejagha tubaghaya gh'adaba, Ale Kristo aghairigwe mutyomwa wa gh'adaba? Tibyo bobyo!
\p
\v 18 Kwa bulya kola njobokate edinyerya lyawa kwe biboherya sharia, edinyerya lilya nasubire ekerya nebanisha ebuga mubuna sharia.
\v 19 Etorya kwa sharia nakire kwa sharia yolo kondate tole kwedinya Mugwe.
\v 20 Ndurubirwe hamwe na Kristo. Ti niye ntore, ni Kristo atore ndane yawa. Butolo bulya ntore kwa mubele ntore kwa mgiso ndane ya Mwana wa Mugwe, olya akonde akehumiya kulya nde.
\v 21 Ntilegate kuholo kwa Mugwe, kwa Bulya Kola saba nigaleho kwa sharia, ngo Kristo ale akolwa akire lyanse.
\c 3
\cl Mlyangu 3
\p
\v 1 Bagalatia mwagare, ni riso ke ribeju libaghagharye? Ale Yesu Kristo atandi banisigwa bo bushone bwa meso jyenyu?
\v 2 Niye kondate emanya sei lele eboka kwenyu. Ale mwadabibire nkolo mseri kwa ngendelo jya syaria nanga kwewdekela kilya mwojirye?
\v 3 Ale enyie mbyo mwagare bobyo? Ale mwarunerere na nkolo ebuga msuberye na mubele?
\v 4 Ale mwatirirekire kwa kibnugu bineni lyanse, kola njasaba jale ja nse?
\v 5 Ale oyo ahumatye nkolo kwenyu neghaya ngendelo jya nguru kate kenhyu aghayagya kwa ngendelo jya sharia nanga kwoya hamwe na mgiso?
\p
\v 6 Abrahamu “amwendeke Mugwe akatelelwa eba wa saba”
\v 7 Kwa bobyo manyai ebuga balya badekire mbana ba Abrahamu
\v 8 Andeka lyaluhanire ebuga Mugwe ale atalela bantu bange saba kwa nkondo ya Mgiso. Ekalaga lyakalagelerigwa lya mbele Abrahamu: “Kwa wee daba yonse nekettemanigwa.”
\v 9 Ebuga hariri balya bale na mgiso. Batemanigwe na abrahamu, olya ale na mgiso.
\v 10 Balya Badinyire ngendelo jya sharia bale nse ya muma. Kwa bulya kwandekirwe, “Abekerwe muma monto olya atidabanate na bibugu byonse byandekirwe kwa gitabu kya sharia na jaghaya njonse.”
\v 11 Riolo ni hobiji ebuga Mugwe atumune etalela saba rari omwe kwa sharia, kwa bulya “olya ale saba na agetola kwa mghisi”
\v 12 Sheria itibokane na mgiso, Ale kwa “Olya aghayagya bibugu bibi kwa sheria, agetola kwa sheria.”
\p
\v 13 Kristo natuhonokirye eshe eboka kwa muma jwa sheria, lilya agharekire muma kwa hara yeto. Kwa bulya yandekirwe, “Abakerwe muma kwa monto olya aniginigwe mutegolo.”
\v 14 Lilya likolo lyale ebuga etemanigwa lya Ibrahimu lyale lyaja kwa bantu bange kwa Kristo Yesu, ebuga tuhikye edaba ngorieda ya nkolo mseri kwa mgiso.
\p
\v 15 Ndogo nkalagate bo monto. Ejagha, lilya ghorieda ya bantu nesubire egilelwa bujaregu hati akehikya enang'anang'ia nanga erosela.
\v 16 Riolo ngorieda jabugirwe kwa Ibrahimu na kwa kajokolo kehe. Etibugate, “kwa bijokolo,” emanyisha baneni ale kwa omwe weka, “kwa kajokolo kayo,” olya Kristo.
\v 17 Riolo mbugate bobyo sheria elya lajire bilemela magana anna na milonge edatu (430) Yahetire etumunekerya ngorieda ya suha lilya klyagiterwe Mugwe.
\v 18 Kwa bulya kola bugabi bwajire nkondo ya sheria, butyale bwakolwa lenge bujire kwaq nkondo ya ngorieda. Ale Mugwe abuhumirye bwanse kwa Ibrahimu kwa nkondo ya ngorieda.
\p
\v 19 Sye ninji sheria yahumerigwe? Yaloserelwe kwa buhombya eng'ora lubyalo lwa Ibrahimu ajekwa balya ahere ghorieda. Sheria yagiterwe kwa eratelya ehirya kwa malaika kwa kuboko kwa mwojisaniya.
\v 20 Riolo mwajisania ebanisagya ni monto anga omwe, ale Mugwe omwe weka.
\p
\v 21 Ajage yolo nhseria ele butibwo ng'orieda jya mugwe? Yengo kwa bulya kola sheria elya yahumirigwe yale na nguru jyeleta serye, saba yale yabanekana kwa sheria.
\v 22 Ale anamuna yehe, andeka ndihingire bibugu byonse nse ya ng'adaba. Mugwe Mugwe aghairye bobyo ebuga abwa ng'orieda yehe yetuhonokya eshe kwa mugiso jwa Yesu Kristo ehikyemanyekana kwa bulya bedekere.
\v 23 Ale lilya mgiso jwa Kristo Yesu jutandija twale tubohirwe tukaba nse ya sheria kung'oreja erioka lya Mgiso.
\v 24 Kwa bulya sheria yaghaekire mwekorani weto Kristo akang'oreja ebuga tutalelwe saba kwa mgiso.
\v 25 Yolo kwa bulya mgiso jubaja, tuti lenge nse ya mumaheri.
\p
\v 26 Kwa bulya enyie nyonse mule bana ba Mugwe ehirya mgiso jwa Kristo Yesu.
\v 27 Enyie nyonse balya mubatisirwe kwas Kristo Mwebohire Kristo.
\v 28 Hati Myahudi nanga Myunani, mtomwa nanga muholo, wabalome naga wabaka, kwa bulya enyie nyonse mule omwe kwa Kristo Yesu.
\v 29 Kola enyie mule ba Kristo, ngo ni lubyalo lwa Ibrahimu, bagabi kwa hara ya ngorieda.
\c 4
\cl Mlyangu 4
\p
\v 1 Mbugate ebuga kwa bulya mugabi ni Mwana, atukerane na mtomwa rari kolya agerire binto byonse.
\v 2 Yolo ale nse amahelatwe ni mbanyigheri behe kung'orehika nkya jilya jigiterwe nese.
\v 3 Ejagha sei neshe, lilya twale bana, twajihelerwe ni nkondo jya mbele jya nseno.
\v 4 Ale nkya enjemelu bulya yahikire, Mugwe agatoma mwanihe, mubyalwa mwabaka, akabyalwa ale nse ya sheria.
\v 5 Aghairye bobyo ebuga ahonokye balya balee nsee ya sheria, ebuga tuhebwe na tughaigwe eba bana.
\v 6 Kwa bulya enyie mle bana, Mugwe atomire nkolo wa mwanihe nkolo ndane jyeto, nkolo ebugelate, “Abba, Baba.”
\v 7 Kwa bulya lee we otimtomwa lenge obaba mwana. Kola ole Mwana, basi we ole mugabi kwehirya kwa Mugwe.
\p
\v 8 Ejagha rari bobyo lilya mtandi manya Mugwe mwale batomwa kwa balya manga ti Bagwe lyonse.
\v 9 Ale ryolo mubamanya Mugwe, na Mugwe nabamanya, sye ninji yolo mjokate lenge kwa nkondo jiraganu jya mbele jityemererye? Ajage mkondate eba batomwa lenge?
\v 10 Mwanyighela lyonse kya titimanywa ngalo, eghubukya mweri, meri na bilemela. Nindyalate kulya mule.
\v 11 Nindyalate ebuga kwa bobyo njeghataratye lyanse.
\v 12 Mbasasamate ndogo jyawa muba bo niye bulyande, Kwa bulya niye mbaba bo enyie. Mtandi eng'omberya.
\p
\v 13 Ale sei ngo mje ebuga rari elwala lya mubele mabakalageragya ekalaga lya saba kwa nkya ya mbele.
\v 14 Rari bobyo mubele jwawa jwale junga jubadagaghate mutandi emana nanga endega Bwegada mkanjiriga bo Malaika ja Mugwe, bo manga nale bo Kristo Yesu mwene.
\v 15 Yolo eghamela lyenyu lileko? Kwa bulya nimbamuhete enyie ebuga likaghwasa mwale mwakola meso jenyu mkajariga nie.
\v 16 Yolo mbaba muhoma wenyu bulya mbalealegeratye saba?
\v 17 Baba sorate kwa erera na ti kwa bujaregu. Bakondate etyekerania enyie nanie ebuga mubatubagere.
\v 18 Ndi jaregu mno ekolwa nerera kwa bibugu bijaregu na ti kwa yoyo nkolatwe nenyie.
\v 19 Banawa bariragi, njojatye bulolo kulya mule Kristo ang'ore ebyalwa ndane yenyu.
\v 20 Kondate kolwe hamwe nenyie kwa ryolo na mbololeero lyawa, kwa bulya njinga mbanighate enyie.
\p
\v 21 Mbelai enyie balya mrerelate eba nse ya sheria, mutyojure bulya sheria abugate?
\v 22 Kwa bulya yandekirwe ebuga Abrahamu ale na bana babalome babele, omwe nwa olya wa wabaka mtomwa na unge nwa wa wabaka muholo.
\v 23 Ejagha wa oyo mtomwa abialirwe kwa mubele gyoka, ale oyo wa wabaka muholo abiarirwe kwa ngorieda.
\v 24 Bibugu bibi bigekalagerigwa kweboga bo manga, kwa bulya baka baba bangane mna makerana abele. Limwe eboka kwa mgongo jwa Sinai. Ebyala bana bakeba batomwa. Oyo Ni Hajiri.
\v 25 Yolo Hajiri ni Mgongo Sinai jule kwa Baarabu. Jwanganigagwa na Yerusalemu kwa bulya mbatomwa hamwe na bana behe.
\v 26 Ale Yerusalemu elya eleho yolo ni ng'olo na niyo ma weto.
\v 27 Kwa bulya yandekirwe, “Ghamela, we wabaka soono, wolya otibyalaga. Sega egamba lya maghamela we olya otimanyerere ebyala. Kwa bulya baneni mbana ba olya atibyalaga, Ekela ba olya ale na wabalome.”
\p
\v 28 Ryolo ndogo bo Isaka, enyie mle bana ba ng'orieda.
\v 29 Kwa nkya eyo elya monto ebyarwe kwa hara ya mubele, atiririre olya abyarwe kwa hara ya nkolo. Kwa ryolo mbulya Sei.
\v 30 Andeka libujire bo? “Mwekererye wabaka mtomwa na mwanihe wa balome. Kwa bulya mwana wa wabaka mtomwa mtomwa atumunegaba hamwe na mwana wa wabaka muholo.”
\v 31 Ryolo, ndogo, eshe tuti bana ba wabaka mtomwa, tule ba wabaka muholo.
\c 5
\cl Mlyangu 5
\p
\v 1 Kwa bulya Kristo atuhere kuholo ebuga tuba kuholo. Yolo emai bwemelu ebuga mubabeedabwa lenge ni sero ya butomwa.
\v 2 Raberya, nie Paulo, mbabelate wakola mkemradwa, Kristo atomunelege baghwaserya kwa nkondo eyo eyo.
\v 3 Ejagha, mahelate wabalome wonse amuradirwe ebuga nahikire etubugera sheria jyonse.
\v 4 Mwekerigwe halehu na Kristo kwa bulya bonse “mtarererwe saba” kolwa sheria. Mugwere halehu na sayo.
\v 5 Kwa bulya nkondo ya nkolo, kwa mgiso tubetate bughomi bwa saba.
\v 6 Kwa Kristo Yesu emuradwa nanga elegemuradwa lelyo litibunge. Ni mgiso jwoka kwa ngendelo njya jighayagya gantu.
\p
\v 7 Mwarohaga ruloho lujaregu. No abagharirye elege erohya saba?
\v 8 Esabwa bobyo litibokaga kwa olya ababugere enyie.
\v 9 Egaga kiriri libulagaga kibaraghu kineni.
\v 10 NImbagagereratye enyie kwa Mwegewri ebuga mutumune edemererya kwa nkondo enge. Xxxxxxxxxxxxxxxxxxxxxxxxxxxxxxxxxxxxxxxxxxx
\v 11 Ndogo jyawa kola ng'agerate kukalagerya mamurada, sye ninji bobyo ntirireratwe? Kwa lelyo kilya kigiratye msalaba kikegharagharigwa.
\v 12 Ningereratye ebuga balya babakoranate bubeju belegate bo bene.
\p
\v 13 Mugwe ababugere enyie, ndogo, kwa kuholo. Ale habei edinya kuholo kwenu bo kyanio kya mubele. Bwedaga kwa lukondo n mwambe eraseraniya enyie kwa enyie.
\v 14 Kwa bulya sheria yonse nesuberew kwa hamri emwe; nayo ni, “Konda muhara wayo bo we mwene.”
\v 15 Ale mwakayania negambana emahelei enyie muhabe egharagharya.
\p
\v 16 Mbugate gerai kwa nkolo mseri ejagha mtumune eghaya ng'adaghanyi jya mubele.
\v 17 Kwa bulya mubele jule ng'adaghai kwa nkolo, na nkolo ele ng'adaghanyi kwa mubele. Jiiji jileganaga omwe na enge. Kwaghubuka ebuga mtimuneghaya bila mrererate eghaya.
\v 18 Ale kola nkolo mseri nabahetelate enyie muti nse ya sheria.
\p
\v 19 Ryolo ngendelo jya mubele njibanekanate. Najyo ni busari, ghororo, mbusense,
\v 20 eghjorowana bagwe, bulogi, bubeju, budandamu, buregya, ehijana, ekerana, egabeka lya dini,
\v 21 lweru, bubogiti, bulejeleji, na bibugu binge binga bibyo. Nimbagiratye bo bulya nabagirirye bushone, kwa bulya balya baghayatye bobyo batumunegaba bwekorani bwa Mugwe.
\v 22 Ale kyela kya nkolo ni lukondo, eghamela, sayo ebiberya ehana (buhanu) Bujaregu bile sayo, mgiso,
\v 23 buholo hariri, hati sheria ya bibugu binga bibyo.
\v 24 Balya bale na Kristo Yesu barurubire mubele hamwe na erera na ng'adaghanyi jyobo jibeju.
\p
\v 25 Kola twatola n kwa nkolo mseri, ejagha tugherei kwa nkolo.
\v 26 Tuhaei eba beghora nanga tuhabejigosanaga omwe na mulugu wehe nanga tubandane lweru.
\c 6
\cl Mlyangu 6
\p
\v 1 Ndogo wakola monto abadabwa kwa buhombya enyie balya mle kwa nkolo msewri. Ligekonda mumujokye mondogo oyon kwa buholoholo. Ale mwemahelage e engera mutika sagwe.
\v 2 Mwebalane ghobi kwa bobyo mkesubererya sheria ya Kristo.
\v 3 Wakola monto wonse ebone ngantu na ti gantu esabasabate wo Mwene.
\v 4 Omwe negere milemo yehe. Asuba nagekolwa nagantu wo mwene kyeghorera elege ang'anana na monto ang'ina.
\v 5 Kwa bulya omwe akebala ghobi yehe mwene.
\p
\v 6 Monto amenyererigwe bijaregagu ndihikerere baraseranye bijaregu na Mwalimu wehe.
\v 7 Habei esabwa. Mugwe atisumagwa. Kilya monto ahurerate, kyo akebuna sei.
\v 8 Olya akehurara mbeho kwa nkondo yehe ya ghadaba akebuna bubeju. Ale olya akehurara mbeho kwa nkolo mseri akebuna serye ya kala na kala kwa nkolo.
\v 9 Tuhabe eng'atala eghaya bijaregu kwa bulya kwa ng'ende yehe tukebuna twalege eghaya ng'adaghanyi.
\v 10 Yolo ngo, twakolagwa na ng'ende tughayei bijaregu kwa omwe. Tughayeni bijaregagu liti na olya ale mgiso.
\p
\v 11 Raberyai eneneha lya bulya jilya mbandekere kwa kuboko kwawa mwene.
\v 12 Balya bakondate eghaya bijaregu kwemahela mubele mbo babasimeratye mumuradwe, baghayatye bobyo ebuga muhabe shyala kwa etirirwa lya msalaba jwa Kristo.
\v 13 Kwa bulya ejagha balya bamoredirwe batyinyighire sheria. Bwegada bwehe bakondate enyie mumuradwe ebuga beghorere misele yenyu.
\v 14 Ndihabe eghubuka ng'oreghora ehela kwa msalaba jwa Mwegeri weto Yesu Kristo. Kwa wene kiselo geke kirurubirwe kwa wene na kwawa kwa kiselo geke.
\v 15 Kwa bulya litilemete emuradwa naga elege emuradwa eba ni kindo. Bwegada ebyalwan lya mbya ndyo lyonse.
\v 16 Kwa bonse betola na nkondo eno bakolwe na sayo na marero jaba egolo lyobo na egolo lya Isiraeli ya Mugwe.
\p
\v 17 Eboka ryolo monto wonse nahabe etirira kwa bulya njebare mwolo jwa Yesu mubele ndane jwawa.
\p
\v 18 Sayo ya Mwegeri weto Yesu Kristo eba nkolo ndane jyenyu ndogo. Hauu.