soz_reg/46-ROM.usfm

\id ROM
\ide UTF-8
\h Barumi
\toc1 Barumi
\toc2 Barumi
\toc3 rom
\mt Barumi
\c 1
\cl Mlyangu
\p
\v 1 Paulo, mtomwa wa Yesu Kristo, abugerwe abe mutomwa, nelobolwa ahire kusikelo kwa Mugwe.
\v 2 Kwa bulya Mugwe olya na subire ebuga kwa kania ka Manabii wehe kwee ekalaga lyehe juseri.
\v 3 Lilya mwanihe, olya akebyalwa kwa kijomi mkyaDaudi kimubelee.
\v 4 Neghubukigwa, kwa Nkolo yabuseri, neryokigwa balya bakire ni Yesu Mwegeri weto.
\v 5 Na kwa wene tuka hebwa bujaregu netomwa, ebuga balya ba matongo jonse, abanene henyiherya ne edekela kwebina lyehe.
\v 6 Kate ya matongo jaja, Neboka enyie mubaba balobolwa ba Yesu Kristo.
\v 7 Mborwa lele ni kwa bonse balya bale rumi, balya bakondwe Mugwe, balya babugerwe babe baseri bujaregu na sayyo elya ebokire kwa Mugwe Baba weto, na Mwegeri Yesu Kristo.
\p
\v 8 Kimwe, nie barunela eha Mugwe muhera kwebina lya Yesu Kristo na kwa |lyuenyu enyionse, kwa mamuna edekela lyenyu ni ndikalagatwe kwa nsee yonse.
\v 9 Mamuna Mugwe oyyonie ghorate kwa Nkolo yawa na kwekalaga lya Mwana wehe, nie ndee mwejibe wehe ne babuga nelege haba.
\v 10 Nkya jyonse jyehela lyawa, jehelaga jije kwenyu hati halehu, Mugwe akonda egharerya sabari yawa.
\v 11 Mamuna niedekererate muno ebabana, ebuga bahe Karama ya Nkolo ndane ebuga mubibohe.
\v 12 Ebuga tuhaudanie nie enyie, kwe dekela lya Monto na mulugu wehe, na Yenyu na yawa.
\v 13 Ale lee ndogo jyawa, ndikonde mubole kusikelo goko kaneni, nakondaga eja kulya mule, kagirigwa jagha ryolo bobyio, ebuga kulwe na byieje babiela bobulya ndee byiebiela bantu balya ba matongo.
\v 14 Ndesire na Bayunani na bati bayunani, Ndesire na balya baje na balya batije.
\v 15 Na kwa bobyio, na kwa lukamba lwawa nie nikegera kakalage ekalaga lya kuholo jagha kono mutore kwa Rumi.
\p
\v 16 Kwa mamuna tumuneebanela soni ekalaga lya kuholo, kwa balya ng'ohale nguru jya Mugwe jilya jihonokagia, kwa olya abedekela, kwa Bayahudi na kwa Bayunani nabo.
\v 17 Mamuna nsaba jya Mugwe ng'oeghubukagia ndane yehe, erunela lyeedekela nesubela lyedekela, kwa bulya lyandekirre, “Monto wa saba akatola kwedekela.”
\p
\v 18 Mamuna eregia llya Mugwe ndikeja eboka kwegolo balya bonse babeju na bantu balya balegaga nsaba kweghayya bubeju.
\p
\v 19 Kwa bulya bobyio makalaga Mugwe jamanyekane hobiji ndane yobo, kwa mamuna, Mugwe na bamanyisire.
\v 20 Mamuna makalaga jehe jalya jatyamanyekanaga eboka egegwa la nsee jabamanyekana, na emanya kwa milemo yehe nguru jyehe jyakala na buge bwehe. Matokeo yehe, bantu baba na muhabe eguna.
\v 21 Lele ni kwa bulya, bamanyire Mugwe batyandi emughora bowoo narari emujokeria muhera, naboo bakobakwa bwerehi bwobo na Nkolo jiobo jitibughara jikajitelwa kighundye.
\v 22 Bakebugela baje na kano, batije gantu bagudyanire.
\v 23 Bakarigola buseri bwa Mugwe ati gundaga kwa mwanganganu jwa bantu bagundaga na nyonyi na maraghu na bima nyeka.
\p
\v 24 Na kwa bobyio Mugwe akabahaba kwererera lyiobo lya nkolo, barohye ng'ororo nelege esokana neghaya bibejagu kwa mibele jyiobo.
\v 25 Mamuna barigore nsaba ya Mugwe ebe mwerehi, bakaghora bagwe bukaha olya abaghairew olya ahikirew whwterigwa kala na kala. Hauu.
\p
\v 26 Na kwa bulya lele, Mugwe akabahaba barohyie ererera lyiobo lyansoni, na baka bakahaba bulya Mugwe aghairew eboka murunelelu, bakaghaya bitii bya murunerereru.
\v 27 Na balome nabo bakaghaya byio byio, bakahaba baka bobo bulya bagharerigwe bakarererana boo kwa boo, balome bakaghayya bitii bahikire, bakabana elehwa nkolo ndane jyiobo ne agala lyiobo nelehwa lyiobo.
\p
\v 28 Na bulya bulegire ekolwa na Mugwe kwa maghara jiobo, Mugwe akabahaba barohyie maghara jobo jati jajaregu, baghayye jati bahikire.
\v 29 Bajorwe bubeju bwonse, na budagidarerera buhombya, bojorwe bwerehi, na ebolaga nelwuejisania, negharuna, bantu ba kidemi kibeju na bagamba bantu.
\v 30 Bakeba bwerehi, bantu basore Mugwe, bale jyieghoriu, bagharuni, bantu bajyieghori baghareragia jabeju, batii sokire besee na bang'ina wobo.
\v 31 Bati maghara, batii ng'orieda, batikonde ndogo jyiobo, batii rereraga bantu.
\v 32 Na baje njoko ya nsaba ya Mugwe na balya baghayagia bobyio bahikire lokyio baghayatye bobyo, natibobyio bwaoka, na bedekeranatyie na balya baghayatye byiene.
\c 2
\cl Mlyangu 2
\p
\v 1 Kwa bobyio kwa monto olya wonse alejaga joko, utibweguna, kwa mamuna kwa jajyio ulelaga bantu joko, nawe ole joko ya buhombia, mamuna wee olejate njoko lee, oghayate jojyene.
\v 2 Neshie tuje ebuga njoko ya Mugwe nia nsaba kwa balya baghayagia jajyio.
\v 3 Ale wee tegerya lele, ulya olejate njoko balya baghayatye jojyio, neghaya jojyiene bobene, ale ogerate kwa bobyio no kejekeria kwa njoko ya Mugwe?
\v 4 Anga ogerate busasamu bwa Mugwe nabujaregu, nehiklya neebetela lyehe, nianya bujaregu bwa Mugwe? Ale, utije bulya bujaregu bwehe bukumunyukate ebuga urigoke?
\v 5 Ale amanye bulya aghayatyie Nkolo yayyo ebembibo na nkolo yayyo eti nerigoka, mbyio wedagharate kyielehwa kyua yaeregia la Mugwe na kyadya ekehingolwa ya Nsaba ya Mugwe.
\p
\v 6 Olya akeleha monto wonse kilya aghairye na butolo bulya atore neghayya.
\v 7 Balya boo kwebetela basorate eghaya bujaregu na buseri nesokwa nelege egharaghara bakehe bwa nserye ya kala na kala.
\v 8 Na balya bale bageraga kunyokya bantu, balya batisokire nsaba, ale bedekelaga bubeju, bakebana eregia, lya mugwe ne reggerigwa.
\v 9 Mugwe etirireka na sina na shida kwa nkolo yonse monto olya aghayagia bubeju, Muyahudi ana, na Muyunani nene.
\v 10 ALe buseri, ne sokwa na sayo nikwa bantu balya baghayagia bujaregu erunela Muyahudi na kwa Muyunani nene.
\v 11 Mamuna kwa Mugwe ati weloboka.
\p
\v 12 Kwa bonse balya bahumbnirye ati sheria, bakoba ati sheria, na balya bonse bahumbirye hale sheria, bakelebwa njoko kwa sheria.
\v 13 Kw bobulya tii bulya bojagya sheria batarerwe nsaba bushone bwa Mugwe, Ale balya bamighayyagia sheria bobaketalelwa nsaba.
\v 14 Kwa bulya bantu ba matongo, bati na sheria, baghayya kwa gwedelu jyobo jalya jale ndane ya Torati wobo, bababati na sheria bababa sheria kwa nkolo jyobo bobene.
\v 15 Bobyio babanishate milemo jya torati elya yandekire Nkolo ndane jyiobo, na nkolo jyiobojyomwejibe, na kidemi kyiobo, boo kwabene jabasidagatie anga abagambela boo bene na Kwa Mugwe.
\v 16 Nkya eyyo elya Mugwe akelya njoko bilya byebisire bya bantu bonse, bobulya kalagaga gusikelo kwa Kuholo kwa Kristo Yesu.
\p
\v 17 Ale nawe olya obugelaga Muyahudi, neegunela toratiu, ne eghorera Mugwe.
\v 18 Ne emanya bulya akonde needekela bilya bijaregu muno nawe nomanyerigwa torati.
\v 19 Ne tubugate wee nedisiba wee ole mwekorani waghakuri, masenya jwa balya bale kighunde ndane.
\v 20 Malimu wa baliya batijer, na wemanyererya bana bagheera, wee onga ojee nsaba ya torati.
\v 21 Wee umanyereratye bange wee utiemanyerertati? Wee obelate bantu bahabe eba nawe nuebate? Wee ubugate monto abe sara nawee nosarate?
\v 22 Wee obugate osore bagwe, na nuwee obinyighire.
\v 23 Wee weghorerate torati ale atisokire Mugwe na torati?
\v 24 Kwa mamuna “Ebina lya Mugwe lirumatwe bantu batiokokire kwa ngendelu jyienyu,” bulya ndyandekirwe.
\p
\v 25 Mamuna emuradwa kukeghuwasaji kola utinyighire torati, nakono nuwee obunaga torati, emuradwa lyayyo libaba tyiemuradwa.
\v 26 Kola olya atimuradire na nyighire torati ale elegee muradwa lyiehe kutumunetalwa elege emurada?
\v 27 Na olya atimuradire eboka murundu, anyighire torati, ale atumune kulya njoko wee, olya om uradirwe ale okahabe enyigha torati? Lele kwa bulya ule na morwa jale jandekirwe na nmurada ale bado mkiukaji wa sheria!
\v 28 Mamuna ti Muyahudi olya Muyahudi wa kayane gyioka, anga emuradwatii lya kayane gyioka kwa mubele.
\v 29 Ale woo Muyahudi ale Muyahudi kwa ndane ne emuradwa ndya kwa ndane ya nkolo tii kwa bilya byandekirwe jyeghori jyehe jitibokaga bantu ale jibokaga kwa Mugwe,
\c 3
\cl Mlyangu 3
\p
\v 1 Ale muyahudi alerosegi kee? Ne muradwa kurosagaji?
\v 2 Kuhikire kwa nkondo jyonse, kwa bulya jionse, Bayahudi baherye kigambo eboka kwa Mugwe.
\v 3 Ale, Tii ninjiii bange batya mwedekere? Anga elega lyobo ndikerigola bwemelu bwa Mugwe.
\v 4 Yango! Ebuga Mugwe abanekane ni nsaba kwa monto olya mwerehi; bobulya lyandekirwe, “Ebuga omanyekane ole mwemelu kwa makalaga jayyo akahije wa elya njoko”
\v 5 Ale ekola budandamu bweto bubaemanyisha nsaba ya Mugwe tubuge boo? Ale Mugwe atii nsaba alete bubeju? Bugate boo bantu.”
\v 6 Yango! Mamuna ayyo Mugwe atimune elya njoko nsee?
\v 7 Ale kola nsaba ya Mugwe nebaba nzamu ebanishashai bukolo bwehe na kwa bwerehi bwawa ale nie tii nibalejagwa njoko kwebelya monto wa ng'adaba? 
\v 8 Ninjii tubuge boo, na bobange babibohatye ebuga ba byio tubugate bobyio, “Tughayyei bubeju, ebuga jajaregagu jaje?” bobulya elebwa njoko lyiobondya nsaba.
\p
\v 9 Ninjii ngo bobyio? Tule bajaregagu eheta bange? Tiibyo! Rari hariri. Mamuna tusubire asidakya bayahudi na bayunani ebuga bale ng'adaba.
\v 10 Na bulya yandekirwe: “Bobyio, hati olya atarerwe nsaba, rari omwe.
\v 11 Hati monto olya amanyate. Hati monto olya asorate Mugwe.
\p
\v 12 Boonse barorire. Bagundu bonse muju. Hati olya aghairye bijaregagu, rari omwe.
\q
\v 13 Ngorogoro jyiobo ni m, berara jilehasyie kwa ndeme jyiobo bisyodani, busongo bwa tyanyi bule deme jyiobo.
\q
\v 14 Maromo jiobo jojire miuma na bulolo.
\q
\v 15 Magolo jiobo jarohelate eheta ndaghami.
\q
\v 16 Etagataga netiribana bile nkondo yobo.
\q
\v 17 Rari nkondo ya Sayyo batyandi emimanya.
\q
\v 18 Nesoka Mugwe kutiho bushone bwa Meso jobo.”
\p
\v 19 Bobulya tujebuga binto byionse ebugate torati ebugate kwa balya baminyighire ebuga mania jaribigwe na nsee elebwe njoko Mugwe.
\v 20 Lele ne kwa bulya hati monto wonse ale mubele akelalelwa nsaba bushone bwa Mugwe kwa Bilya aghayyagia kwa sheria: Mamuna emanya ng'adaba lijaga kwemanya sheria.
\p
\v 21 Ale ryolo bobyo hati sheria, nsaba ya Mugwe ebaghubukigwa. Mwejibe torati na Manabii,
\v 22 Jijyo ni nsaba ya Mugwe elya ele kwedekela Yesu Kristo, kwa balya bonse bedekere, mamuna tii bonge.
\v 23 Bo bulya bonse baghairye ng'adaba; nekerwa bujaregu bwa Mugwe.
\v 24 Batale latwa nsaba hati kilya baghirye, kwa sayyo yehe kwa nkondo yeturvoha masahu kwa Yesu Kristo.
\v 25 Bobulya Mugwe abamudaghara abe wejokera ni bantu kwa nkondo yendekela, kwa ndaghami yehe. Ebuga abanishie nsaba yehe, kweghuyya ng'adaba jyonse jilya jyaghairegwe, Mugwe akehikya ejibahaba nejighuyya.
\v 26 Ebuga abanishie nsaba yehe Mugero jojo, ebuga abe wansaba na abatalele nsaba yehe balya bedekere Yesu.
\p
\v 27 Nkohogo na jyeghori jibokate koo? Kubabohwa kwa kahane. Kwa sheria yoboo? Kwa Sheria bilya oghoyatye? Ale kwa sheria yedekela.
\v 28 Na tubabana monto atalelagwa nsaba kwedekela lyehe hatii kilya aghairye jya sheria.
\v 29 Anga Mugwe ni Mugwe wa Bayahudigyoka? Tii Mugwe wa nsee yonse? Mbyio Mugwe wa jagha balya ba matongo.
\v 30 Kola ni nsaba Mugwe no omwe olya aketalela bantu nsaba balya bamuradirwe kwe edekela lyiobo naboo.
\v 31 Ale eshe turigolate sheria kwedekela lelyo? Yyango! Kinyume kehe, eshe litingalelyo tuba banererya sheria.
\c 4
\cl Mlyangu 4
\p
\v 1 Amatubugate eboka Ibrahimu tii baba Yeto kwa mubele, akebanekana?
\v 2 Mamuna kola Ibrahimu atarerwe edekela kwa ngendelu jihe nale kyieghorera: ale tibushone bwa Mugwe.
\v 3 Mamuna kilya kyandekire kibugate boo? “Ibrahimu edekere Mugwe Ekatalwa ni nsaba.”
\v 4 Ryolo ale kwa Monto aghayyatye milemo, elehwa lyehe litumune etalwa hati gantu, ale likeba sire.
\v 5 Ale kwa monto aghayyatye milemo, ale edekere olya amutalerate nsaba monto atimuseri, edekela lya monto oyyo liketalwa ni nsaba.
\v 6 Bobulya Daudi abugate eng'oni monto olya Mwegeri Mugwe olya amutalalelate nsaba kwa hati kilya aghairye.
\q
\v 7 Ale abugate, “Eng'oni balya baghuerigwe buhombya bwobo, na Bakabiselwa ng'adaba jyiobo.
\v 8 Eng'oni monto olya Mwegeri atii mutareren ng'adaba.”
\p
\v 9 Ale anga eng'oni lelyo ndyabalya bamuradirwe anga kwa bobyio nabo batimuradirwe? Mamuna tukalagate ebuga kwa Ibrahimu kwedekela lyiehe lijatarirwe ni nsaba.
\v 10 Akatalelwa byio? Bulya asubire emuradwa, anga kwa korwe atyandi emuradwa, tililya amuradirwe, ale ndilya amuradirwe.
\v 11 Abrahamu ojirye emuradwa, mwolo julya jwe talelwa nsaba ye edekela elya akore nayo atyandi emuradwa, ebugabe murunereru jwa bonse esee lya bonse na rari bobyio balya muradire ebuga nabo batalelwe nsaba.
\v 12 Lenge abe esee lyemuradwa kwa balya tii beemuradwa, ale barohatyegyoka edekela lyiehe babaeto Ibrahimu elya ale nayo emuradwa.
\p
\v 13 Mamuna ng'orieda elya yebuga akekolwa mwomugabi wa nsee na Ibrahimu nwuo aherwe nan lubyalo lweehe tii kwa sheria ale kwetalelwa nsaba kweedekela.
\v 14 Mamuna kola balya ba sheria boo bagabi, edekela lyobo libaba hatii na ng'orieda eti haleho.
\v 15 Kwa bulya sheria nio eghayagia buregya, Mamuna akola hati sheria, hati ehombya.
\v 16 Kwa bobyio ebokire kwedekela, na kwa nkondo ya bujaregu, ebuga ng'orieda eyyo ebe ele nguru kwa lubyalo lwonse, tii kwa balya batorati gioka, ale balya edekela lya Ibrahimu, olya babaeto eshie eshionse.
\v 17 Bobulya Yandekirwe, “Nkudaghare obe eselya matongo janeni.” Abrahamu olya aleho bushone bwa olya edekere, rari jababa manga jaleho.
\v 18 Nene edekere kwe gunela jalya jatii gwasete egunela, ebuga abe eselya matongo ja neni, bobulya kijabugirwe byio ekekolwa kwa lubyalo lwayyo.
\v 19 Wo wene atimurabarabu kwe edekela. Abrahamu ademererye netegerya bilemela engana na ejolya ekya lya kiburi kwa Sara- Olya ale na umri karibu na egana limwe. Lenge akekubaliana na hali ya ekya kwa kiburi kya kiburi kya sara.
\v 20 Na akababana ng'orieda ya Mugwe atyandi edekela kwe lega edekela, ale akajitelwa nguru kwedekela, neghora Mugwe.
\v 21 Kono naje nedisiba ebuga Mugwe akehikya eghaya kilya abugire.
\v 22 Kwa bobyio likatalwa kwehe ni nsaba.
\p
\v 23 Ale lityandekirwe kweto gyioka, ale lyatarirwe kwehe.
\v 24 Ale andekirwe na kweto neshie tukatalelwa byio bobyo eshie balya twedekere Yesu Kristo olya aryokire beboka kwa biryokane Mwegeri weto.
\v 25 Bobulya ahumirigwe kwa buhombya bweto, nerokigwa netalelwa nsaba.
\c 5
\cl Mlyangu 5
\p
\v 1 Kwa bulya twasubetalelwa nsaba ebokanate nedekela lyieto, tukolwe na sayyo ya Mugwe, kwa nkondo ya Mwegeri weto Yesu Kristo.
\v 2 Bobulya kwanoo tubabana kwa nkondo yedekela yetuhikerya bujaregu eno elya mubabana bwema ndane yehe na eghamela kwe egunela lya buseri bwa Mugwe.
\v 3 Nanga tibobyio bwoka, ale neghamela bobulya mubanate sina, na mumanye ebuga sina, milemo yehe eletaga ebetela;
\v 4 Na milemo yebetela negharerya Nkolo, na milemo yebetela ni nkolo yegunere.
\v 5 Neegunela litisokagya, mamuna lukondolwa M ndusubire ejitelwa nkolo ndane jyeto ni nkolo Museri olya aherwe eshie.
\p
\v 6 Mamuna oho twakorwe tuti nguru, mugero jwahika Kristo akakya ebuga tubane buhonoki.
\v 7 Mamuna tirijaregu monto akyie kwa monto ale nsaba, ale ndyahikere montoadisime nekyaa kwa monto mjaregu.
\v 8 Ale Mugwe akabanisha lukondo lwehe wee mwene nkweto eshe, kwa bulya Yesu akire kwa buhombya bweto, lilya twale ng'adaba.
\v 9 Lyie rosela muno twasube etalelwa nsaba ebokanate na ndaghami, twahonokigwa na eregya lyiehe.
\v 10 Mamuna lilya twale bahoma, tukojisanigwa Mugwe kwa lokyio lwa Mwenihe. Reresela muno tukojisanigwa nehonokigwa kwa serye Yehe.
\v 11 Rari tii bobyio bwoka, tweghameratye kwa Mugwe ayyo Mwegeri weto na Yesu Kristo bobulya kwawoo tubanyigha ojisanigwa.
\p
\v 12 Kwa bobyio kola ng'adaba yasanire kwa monto omwe, seeno na kwa ng'adaba eyyo lokyio, na lokyio lolyio lukahikela bantu bonse, mamuna bantu bonse baghairye ng'adaba.
\v 13 Mamuna rari sheria ityandi ekolwa, ng'adaba nialeho nsee yonse, ale ng'adaba ititalelagwa kola hati sheria.
\v 14 Ejagha bobyio, lukyo dwaleo ebnoka Adamu eng'ora Mussa, nayyo niadabire jaghabalya batya ghaire ng'adaba yangane na ya Adamu. Olya ole Mwanganganu jwa olya akeja.
\v 15 Ale karama eyyo etyyandi ekolwa bobuhumbya bobyio, mamuna kwa buhombya kwa oyyo omwe baneni bakakya, ale mumenye bujaregu bwa Mugwe bulenguru kwenungya monto omwe, Yesu Kriato, kihijire babyo baneni!
\v 16-17 Kwa Mamuana kwa buhombya bwa Monto emwe lukyio lukanyika bantu kwa oyyo emwe, ale hale ahijire nedaba buneni bwa bujaregu bwa Mugwe, ni monto omwe abugwe Yesu Kristo na nsaba na kemuterania hamwe na Yesu Kristo.
\p
\v 18 Bobyo ngo, kola buhombya bwa monto omwe bantyui bonse balejatwe njoko netirirwa lyierose la kwa kibugu kya monto omwe lya nsaba bantu bonse bakatalelwa nsaba na serye.
\v 19 Kwa bulya omwe ahomberrye Mugwe bantu bonse bakasharerigwa buhombya bobyio, na kweja omwe bantu baneni bakasharerigwa nsaba.
\v 20 Ale sheria yasharire ebuga buhombya bube buneni muno, na ng'adaba bulya yabire samu bujaregu bwa Mugwe bukaba buneni muno.
\v 21 Bobulya ng'adaba yadabire nkolo jya bantu na lokyio, bobyio na bobyio kwa nkondo ya nsaba bujaregu na serye ya kala na kala kwebina lya Yesu Kristo Mwegeri weto tudabwa bujaregu bwehe.
\c 6
\cl Mlyangu 6
\p
\v 1 Tubuge boo ngoo? Turosage eghaya ng'adaba ebuga bujaregu burose?
\v 2 Yeengo. Eshe balya tukyerere ng'adaba egolo, tukehikya boo lenge etola kwa lelyoo?
\v 3 Ale mutije ebuga balya babadisire katika Kristo babadisirwe kwekya lyehe?
\v 4 Twarekirwe hamwe na eleterya ebadiswa katika lukyio. Lele lyaghaikire ebuga boo Kristo bulya abokirerigwe eboka lukyone eleterya buseri bwa Baba, ebuga neshe tuhikye ehira kwa butolo bwa Mbyaa.
\v 5 Kwebuga tuba robwa hamwe nene katika mfano jwa lukyo lwehe, lenge tubarobwa katika eryoka lyehe.
\v 6 Eshe ntuje bobyoo, nsoni jyieto jyab kala jya bulagirwe hamwe nene, ebuga mubele jwa ng'adaba jughagharigwe. Lele lyahumire ebuga tuhabe ejoka eba batomwa ba ng'adaba.
\v 7 Ulya akire aghaigwa nwee ale saba egerana na ng'adaba.
\v 8 Ale wakola tukire hamwe na Kristo, twamanya ebuga ntuketola hamwe nene.
\v 9 Ntuje ebuga Kristo nabaryokigwa eboka lukyo, na ebuga tii akire lenge. Lukyo tutimwegerate lenge.
\v 10 Bulya kwa masikelo ja lukyo bulya akire kwa ng'adaba, akire limwe kwa lyieto shonse. Rari bobyo, butolo bulya atore, atore kwa ekonda lya Mugwe.
\v 11 Kwa nkondo eyo eyo, nenyee mkondwee mwetale eba bukire kwa ng'adaba ale serye kwa Mugwe katika Kristo Yesu.
\v 12 Kwa lelyo habe segera ng'adaba yegere mubele jwayo ebuga usoke ererera lyehe.
\v 13 Habehumya kimusa kya mubele jwayoo katika ng'adaba boo binti bitii na saba, alehumyeei beene kwa Mugwe, boo balya bale serye eboka lukyone. Na humyai bimusa bya mubele yenyu boo binto bya saba kwa Mugwe.
\v 14 Muhabe segera ng'adaba ibegere, kwekola muti nsee ya kitubegeryo, ale nsee ya bujaregu.
\p
\v 15 Mbyoo ngo? Tughaye ng'adaba kwekola tule nsee ya kitubegeryo, ale nsee ya bujaregu? Yeengo.
\v 16 Mutije lyuebuga n kwa wee ulya mwehumiryee bene boo batubegeri nwee ulya enyee mubejaga batubegeri behe, ulya muhikirye emusoka? Lele ndya saba rari kwakolwa enyee ni mbegerwa katika Ng'adaba ilya ibahirelate kule lukyo, anga begerwa bee soka jibahirerate saba.
\v 17 Ale naghorwe Mugwe! Kwekolwa mwale begerwa baa ng'adaba, ale mwasoka eboka nkolo nane ilya namna ya emanyerigwa mwaherwe.
\v 18 Mwaghairigwe mutyegerwe eboka ng'adaba, na mwaghaigwa begerwa baa saba.
\v 19 Ngambate boo monto kwa erererana lya mibele yenyu. Kwa bulya mwahumirye bimusa bya mibele yenyu kweba begerwa ba nghororo na bubeju, kwa bobyo bobyoo, ryolo humyai bimusa bya mibele yenyu eba begerwa ba saba kwa esabigwa.
\v 20 Kwa bulya mwale begerwa ba ng'adaba, mwale mutyegerwe halehu na saba.
\v 21 Kwa ngara jiiji, mwale na lijaregu lehe kwa bibugu bilya kwa ryolo mubanate nsoni kwalelyoo? Kwekola muhumelu jwa bibugu bibyo ni ndukyo.
\v 22 Ale kwa ryolo mwaghaigwa mutyuegerwe halehu na ng'adaba na mwaghaigwa begerwa ba Mugwe, mule nan lijaregu kwa esabigwa. Muhumelo ni serye ya kala na kala.
\v 23 Kwekola ebekelwa lya ng'adaba ni ndukyo, ale zawadi nsee ya Mugwe ni nserye ya kala na kala katika Kristo Yesu.
\c 7
\cl Mlyangu 7
\p
\v 1 Anga mutije, ndogo jyawa (kwekola ngambate na bantu baje mtubegeryo), ebuga tutubegeryo hwegera monto lya serye?
\v 2 Kwekola wabaka ulya akwewrwe abohirwe ni lutubegeryo kwa ulya mulome wehe lyoserye yehe, ale wakola mulome nakekya, akekolwa atiegerwe eboka lutubegeryo lwa bukwa.
\v 3 Obyoo ngoo, ngara mulome ahale serye, wakola atorona wabaka unge, akebugelwa msari. Ale wakolwa mulome wehe nabakya, ale atyegerwe ni lutubegeryo, bobyoo atikolotwe msari wakola atore na wabaka unge.
\v 4 Kwa bobyoo, ndogo jyawa, enye nenye mwaghairigwae mkire kwa lutubegeryo kwa ajili ya mubele jwa Kristo. Yakolwa bobyoo ebuga mumogonigwe na unge. Kwehe wee ulya aryokirigwe eboka lukyo ebuga tuhiklye emubyalela Mugwe bujaregu (Matunda.)
\v 5 Kwekola lilya twale katika ojya lya mubele, ererera lya ng'adaba likabokigwa katika bimusa byeto kwa nkondo ya lutubegeryo na ebyalela lukyo bujaregu (matunda)
\v 6 Ale ryolo ntwantingolwa eboka katika lutubegeryo. Twakyela ilya hali ilya yatulegire. Ebuga eshe tughairye katika hali ya mbya ya Nkolo, na tii katika hali ya kala yorirwe.
\p
\v 7 Tubuge boo ngoo? Lutubegeryo ni ng'adaba? Yeengo. Rari bobyoo, ntyale namanya ng'adaba, lityakolwe kwa nkondo ya lutubegeryo. Kwekolwa ntale nemanya ererera boo lutubegeryo lutyabugire, “Habererera.”
\v 8 Ale ng'adaba ikabana hetola kwa ngendelu na ikaleta ndane yawa ndeleru jinene. Kwekola ng'adaba hati lutubegeryo nikire.
\v 9 Naniee nale serye ayo mbele ntii lutubegeryo, ale lilya yajire ngendelu jilya, ng'adaba ikaghaya serye, naniee nkakya.
\v 10 Ngendelu jilya na ilya yale yaleta serye ikeghalola ikaleta lukyo kwawa.
\v 11 KLwekola ng'adaba yabande lutolo kwa ngedelu jilya na ika nsabasaba. Eleterya ngendelu ilya, ikembulaga.
\v 12 Bobyoo lutubegeryo nduseri, na ngendelu ilya ninseri, ya saba, na njaregu.
\p
\v 13 Bobyoo ngooilya yale njaregu yale lukyo kwawa niee? Nihabeba bobyoo kala na kala. Ale ng'adaba, yabanekane ebuga nio ng'adaba eleterya ilya njaregu, yaletire lukyo ndane yawa. Eno yalew eleterya ngendelu nilya, ng'adaba ikarosa eba mbeju mno.
\p
\v 14 Kwekola ntuje ebuga lutubegeryo angana liehe ni nkolo nane, ale niee nde monto wa mubele nane. Nterwe nsee ya Bwegerwa bwa ng'adaba.
\v 15 Kwebuga kilya nghayatye, ntilije lyasaba. Kwekolwa lilya nkonde elighaya. Ntilighatye, na lilya nsore, ndyoo nghayatye.
\v 16 Ale nalighaya lilya ntinkonde, ninjendekelane na lutubegeryo yebuga lutuibegeryo ndujaregu.
\v 17 Ale ryolo naniee nkolo nane yawa nghayatye lelyo, ale ni ng'adaba elya imuntirye ndane yawa.
\v 18 Kwekola ninjije ebuga ndane yawa, yaani ndane ya mubele nane jwawa, litimuntetye ekalaga lijaregu. Kwekola ererera la lilya lijaregu b lile naniee, ntilighayetye.
\v 19 Kwekola lilya lijaregu lilya nkonde ntilighayetye, ale lilya libeju lilya ntikonde ndyoo nkeghaya.
\v 20 Ryolo kala nghayatye lilya ntilikonde, tiniee mwene ndighayatye, ale ni ng'adaba ilya imuntirye ndane yawa.
\v 21 Mbabanya, lenge, hale kanuni ndane yawa yekonda eghaya lilya lijaregu, ale bubeju lyasaba bule ndane yawa.
\v 22 Kwekola ghamelate lutubegeryo lwa Mugwe kwa utu bwa ndane.
\v 23 Ale mbanate ngendelo itigeranate katika bimusa bya mubele jwawa. Isegate bita ngendulu ya mbyaa katika bughara bwawa. Ighayatye niee edabwa kwa ngendelu jya ng'adaba ilya ile bimusa bya mubele jwawa.
\v 24 Niee nde monto wetiribana! Ninoo akendeasha na mubele jojo jwa lukyo?
\v 25 Ale tubugei hanana kwa Mugwe kwa Yesu Kristo Mwegri weto! Ryolo ngoo. Niee mwene nikaa kwa bughara bwawa nketubegera lutubegeryo lwa Mugwe. Ale, kwa mubele nkegerera lutubegeryo lwa ng'adaba.
\c 8
\cl Mlyangu 8
\p
\v 1 Kwa bobyoo hati nkebi ya buhombya kwa balya bale na Kristo Yesu. Kwekola
\v 2 kyoloteryo kya nkolo ya serye bulya bule na Kristo Yesu nibaghya niee ekolwa ntyegerwe na kyolotero kya Ng'adaba na lukyo.
\v 3 Kwa bulya kilya kyoloteryo kyalemirwe eghaya kwa bulya nyale ili nguru katikla mubele, Mugwe namighairye. Atomire Mwehehe wo wonse kwa mfano jwa mubele jwa ng'adaba aba sadaka ya ng'adaba, na akaba nkebi ya mubele.
\v 4 Aghairye bobyo ebuga byandekwa bya kyoloteryo jaghaigwe ndane yetop, eshe balya tutigeranate na makalaga ja mubele, na kwetubegera makalaga ja Nkolo.
\v 5 Balya batubegeraga bibugu bya mubele bateleragya bibugu bya mubele, ale balya batubegeraga bibugu bya nkolo, bateteragya bibugu bya Nkolo.
\v 6 Kwekola nkondo ya mubele ni lukyo, ale nkondo ya nkolo ni nserye na sayo.
\v 7 Lele ni kwa bulya nkondo ya mubele ni mbubeju bwa Mugwe, kwa bulya itihikye etubegera kyoloteryo kya Mugwe, na rari iti isokete.
\v 8 Balya bale batubegeraga mubele atumine eghamerya Mugwe.
\v 9 Rari bobyo mutihop mubele nane ale mule nkolo nane, kala nsaba ebuga nkolo wa Mugwe atore ndane yeto. Ale kala monton ati Nkolo wa Kristo, oyo tii wehe.
\v 10 Kola Kristo ale ndane yeto, mubele njukire kwa makalaga ja ng'adaba, ale nkolo ile serye kwa bibugu bya saba.
\v 11 Wakola nkolo ya ulya aryokirye Yesu eboka lukyone atore ndane yenhyu, ulya aryokire Kristo eboka eboka lukyone akemiha nayo mibele yenyu ya lukyo serye kwa nkondo yehe, ulya atore ndane yenyu.
\p
\v 12 Ryolo, ndogo jyawa, eshe tule basire, ale ti kwa mubele ebuga tu kwa ngendelu jya mubele.
\v 13 Wakola mutore kwa ngendelu jya mubele, mule hadinko nekya, ale waakola kwa nkolo, mwekera bibugu bya mubele, nenye mketola.
\p
\v 14 Kwa bulya balya baneni bahetelagwa na Nkolo wa Mugwe, Baba mbana ba Mugwe.
\v 15 Kwekola mutandi ehebwa (eriga) nkolo wa bwegerwa lenge eng'ora muryale. Mugambo jwehe, mheriga Nkolo ya ghaigwa eba bana, kwa buklya tuijuraga “Abba, Baba!”
\v 16 Nkolo mwene mwejibe hamwe na nkolo jyieto yekola tule bana ba Mugwe.
\v 17 Wakola tule bana, basi ngo tulebarithi (bugabi), Bugabi bwa Mugwe. Neshe tule baghabi hamwe na Kristo, wakola ndya saba ntutirirekate nene ebuga tubane eghorwa hamwe nene.
\p
\v 18 Kwekola nintalote etirirwa lya ngara jiji ebuga tii kantu naraberania na bujaregu bulya bukebyola kweto.
\v 19 Kwa bulya bya serye byoonse nabyo mbiraberatye kwa ghabaneni ebyola kwa bana ba Mugwe.
\v 20 Kwa bulya ebyalwa (eghaigwa) nabwo bweherwe buti lya bujaregu, ti kwa ekonda lyehe, ale kwekonda lyehe mwene ulya abyehere. Ni katika nkolo nane
\v 21 Lyebuga ebyelwa (eghaigwa) lyene nalyo likekolwa hashe n nehumigwa bwegerwa bwa eghagharya, na esharigwa hashe ya Bujaregu bwa bana ba Mugwe.
\v 22 Kwa bulya hye ebuga eghaigwa nalyo ndi lwalaga na etirireka kwa bulolo hamwe eng'ora ngareno.
\v 23 Ti bobyo kyoka, ila neshe bene balya btule na byelya Nkool-neshe eshe tulwalaga mibele nane jyeto, tubetate eghaigwa bana, yaani ehonokigwa mibele yeto.
\v 24 Kwa bulya ni kwa taraja lele tukehonokigwa. Ale kantu kalya kabetirwe kabanekana hati taraja lenge, kwa bulya ninoo akibetire kilya akibanate?
\v 25 Basi twabelela kantyu kalya tutibone, twakibelela kwa saburi.
\p
\v 26 Kwa namuna eyo eyo, Nkolo nayo yaturasha katika bulemwa bweto. Kwa bulya tutije ehalela bulya bukondwe, ale nkolo Mwene natwehelaga elwala kulya kutihikigetwe ebugwa.
\v 27 Na nene ulya ebuga enamelate mihombo utije bughja bwa nkolo, kwa bulya yehelaga kwa boo balya bedekere angana na lukondo lwa Mugwe.
\p
\v 28 Neshe ntuje ebuga kwa balya boonse bakonde mugwe, wee mwene aghayagya bibugu byoonse hamwe kwa bujaregu, kwa balya boonse babugerwe kwe konda lyehe.
\v 29 Kwa bulya babyo boonse balya aaje eboka yeng'onye, abalobore eboka lenge bangananigwe na mwenehe bulya anga, ebuga aba mubyalwa wa mbele kate ya ndogo jineni.
\v 30 Na balya abarobore eboka lenge, babyo ababugere nabo. Na balya ababugere saba, na balya abatarere saba babyo nabo akabaghora.
\p
\v 31 Tubuge boo bibugu bibi? Mugwe haremwe neshe, ni noo ale egolo lyeto?
\v 32 Ulya atimusegerate Mwana wehe weka ale amihumirye kwa eshe shoonse akebolabo etugharerya bibugu byoonse hamwe nene?
\v 33 Ni noo akebasidagya balobolwa ba Mugwe? Mugwe ni wee mwene akebatalela saba.
\v 34 Ni noo akebagharya nkebi buhombya? Kristo Yesu nwe akire kwa ajili Yeto, na Bineni ya bibyo, nene aryokirigwe. Nene negerate hamwe na Mugwe hantu ha nsoni, na lenge nwee atwehelate eshe.
\v 35 Ni noo ulya aketukeba na ekolwa lya Kristo? Sina, anga shida, anga etirirwa, anga jalo, anga ryari, anga lyoyoo?
\v 36 Bulya yandekirwe, “Kwa faida yayo tubulagagwa nsenya jwoonse. Twa tarwe boo ng'ondi jye senjwa.”
\v 37 Kwa bibugu bibi byoonse eshe tule busamu ya balya bashindire eleterya wee natukonde.
\v 38 Kwa bulya nimbasuba ekalagerigwa kwa bulya hati lukyo, anga serye, anga Mseri, anga bwekorani, anga binto bilya bileho, anga binto bilya bikeja, anga nguru,
\v 39 anga bilya bile egolo, anga bilya bile nsee, anga kilya kya serye kyoonse kitihiketye etukeba na lukondo kwa Mugwe, ulya Kristo Yesu Mwegeri weto.
\c 9
\cl Mlyangu 9
\p
\v 1 Mbugatew saba katika Kristo. Ntibugate bwerehi, na Nkolo nane yawa ile bwejibe hamwe nanie katika Nkolo Mseri,
\v 2 Ebuga hale esigineneka likolo na bulolo butisirete nkolo nane yawa.
\v 3 Ekola nale narerera niee Mwene erumandwa na ekebwa halehu na Kristo kwa ajili ya ndogo jyawa, balya, bandogo yawa katika mubele.
\v 4 Boo mbaisraeli balya bale na ekonda ghaigwa bana, baseri ba kyekerandu, na zawadi ya kyoloteryo, edekela Mugwe, na ng'orieda.
\v 5 Boo ni mbaheteri halya Kristo ajire kwa nsoni ebeka mubele jojo-ulya wee ni Mugwewa byoonse. Nene aghorwe kala na kala. Hau.
\p
\v 6 Ale tyebuga ng'oryeda jya Mugwe njilemirwe etubegerwa. Kwa bulya tii kila monto ulya ale Israeli ni |Mwisraeliwa dugulu.
\v 7 Tibyoo eng'ora kwa lubyalu lwa Ibrahimu eba ni mwenehe wadugulu. Ale, “Ne eleterya Isaka lubyalu lwayo nduke bugelwa.”
\v 8 Lele nebuga, bana ba mubele tii bana ba Mugwe. Ale bana baa Ng'orieda baraberigatwe lubyalu.
\v 9 Kwekola lele ndyo ekalaga la ng'orieda: “Katika nkya jiiji ninkeja, na Sara akehebwa Mwana.”
\v 10 Tii keke kyoka, ale baada ya Rebeka eriga kiburi kwa monto omwe, Isaka Baba weto.
\v 11 Kwekola bana bale batyandi ebyalwa na kwakorwe atandi eghaya ekalaga lyoonse lijaregu anga libeju, ebuga ekalaga lya Mugwe egerana na elobola lyeme, anga tii kwa ebania, ale kwa ulya abugate.
\v 12 Yabugirwe kwehe, “Muolo akeghara Mriri.”
\v 13 Boo bulya yasubire andekwa: “Yakobo namkonde, ale Esau namsore.”
\p
\v 14 Ryolo lenge tukebuga boo? Ale ng'ale elega Mugwe? Yengo tibyo.
\v 15 Kwekola abuga kwa Musa, “Nkekolwa na bujaregu kwa ulya nkee muha bujaregu, na nkekolwa na marero kwa ulya nkemrerera.”
\v 16 Kwa ryolo, tii kwa bulya wee akondate, anga tii kwa bulya yehe ulya aryalaga, ale kwa bulya ya Mugwe, ulya abanekanaga asamehirwe.
\v 17 Kwekolwa byandekirwe bibugate kwa Farao, “Kwa ekalaga lele maalumu nkakubokerya, ebuga mbaniee nguru jyawa kwayo, na ebuga ebina lyawa litalongwe nsee yoonse.”
\v 18 Obyoo ngo, Mugwe akolagwa we sameha kwa woonse ulya akonde, na kwa ulya amkonde, amughayagya eba mudandamu.
\p
\v 19 Wasuba ukebuga kwawa, “Kwa bulya njii ahabanate buhomba? Noo ulya asubire ehikya makalaga jehe?”
\v 20 Suha yehe, bantu, wee ulou ujokagya kisuha na Mugwe? Hale namna yoonse bwa kilya kibijyang'ire ebuga kwa mubijyang'a, “Jii ninji nubaghaya bobyo niee?”
\v 21 Ale mubijyangnga nakolagwa ati na saba egolo lya reri egharerya kirano kwa kya dugulu ebokana egoro lilya lilya, na Kirano kinge kwa etumia nkya jyoonse?
\v 22 Mboo bo Mugwe, ulya ebanekire bwa ebania bulolo bwehe na eghaya jyehe emanyekana, abibohire kwe erigerya lihikire birano bya bulolo bilya byaghagharwe kwa eresha.
\v 23 Mbo wakala aghairye bobyo abanishe buneni bwa bujaregu bwehe egolo lya birano bye sameha, bilya akorwe aghaghare kwa ajili ya bujkaregu.
\v 24 Mbo wakala aghairyelele lenge kweto, ulya lenge atubugere, eshe kyoka eboka kwa buyahudi, ale lenge eboka kwa bantu ba Matongo (Makabira)?
\v 25 Bulya abugaga hamwe katika Hosea: “Nkebabugela bantu bawa balya batyale bantu bawa balya batyale bantu bawa, na mkondwa wehje ulya atyakondwe.
\p
\v 26 Na ikekolwa ebuga halya habigirwe kwobo, ‘Enyee muti bantu bawa,’ ayoo bakebuigelwa bana ba Mugwe ulya ale serye.’”
\p
\v 27 Isaya najurate ebokana na Israeli, “Boo lutalu lwa bana ba Israeli yale yaba bo msanga jwa maigolo. Ikekolwa ni matigalu balya bakerashigwa.
\v 28 Kwekolwa Mwegeri akelitola kibugu kyehe egolo lya nsee, mbele na kwa karero (Buholo).”
\p
\v 29 Na kwa mamna ya Isaya bulya abugire bushone (Mbele), “Bo Mwegeri wa batana atanti etuhabela suha lubyalu kwa ajili yeto, twale tuba bo Sodoma, na twale tughaigwa bo Gomora.”
\p
\v 30 Tykebuga bo ryolo? Eba bantu ba matongo balya bakorwe batisonate saba, bakabana saba, saba kwa edekela.
\v 31 Ale Israeli, ulya asorire kyoloteryo kya saba, atandi emihikela.
\v 32 Kwa bulya njii tibyo? Kwa bulya batandi emisora kwedekela, basorire kwa makalaga. Bakarijwa ebwegolo
\v 33 bo bulya yasubire andekwa (orwa), “Raberya, nkindere ebwe lya erijela katika Sayuni na mabego jebola. Ulya akedekela kwa lele atisokete.”
\c 10
\cl Mlyangu 10
\p
\v 1 Mondogo, nkondo ya nkolo yawa na ehela lyawa kwa Mugwe ni kwa ajili yayo, Kwa ajili ya buhonokya bwobo.
\v 2 Kwa bulya badisibaga ebuga bale na ebosabosa kwa ajili ya Mugwe, ale tii kwa ajili yemanya.
\v 3 Kwa bulya batije saba ya Mugwe, na basorate oboka saba yobo bene. Batyale basaba kwa saba ya Mugwe.
\v 4 Kwekola Kristo nwee mwojolanu wa kyoloteryo kwa ajili ya saba ya bantu boonse balya bedekerye.
\p
\v 5 Kwekola Musa ororate ehusu saba ilya ijaga ebokana na kyoloteryo: “Monto ulya aghayagya saba ya kyoloteryo aketola kwa saba eno.”
\v 6 Ale saba ilyaibokanaga na edekela ibugaga bobyo, “Habebuga nkolo nane yayo, ‘Ni noo akeya nkwegolo?’ (Lele niemleta Kristo nsee);
\v 7 na habebuga, ‘Ninoo akeharoka kisima nane?’” (keke kyo, kyemleta Kristo egolo eboka kwa biryokane.)
\v 8 Ale ibugate bo? “Ekalaga lile handinko nawe, katika buromo bwayo na nkolo yayo.” Lele ni ekalaga lya sayo, ilya tutalongate.
\v 9 Kwekolwa kwa buromo bwayo nwedekere Yesu yakola ni Mwegeri, ne edekela nkolo nane yayo ebuga Mugwe amrokirye eboka kwa kwa biryokane, nike honoka.
\v 10 Kwekola Kwa nkolo monto nakedekela na akebana saba, na kwa burumo na kedekela na nakehonokigwa.
\v 11 Kwekolwa orwa libugate, “Ulya woonse amwedekere ati mine esoka.”
\v 12 Kwekola hati ekerania Myahudi na Myunani. Kwekolwa Mwegeri nulya nulya ni Mwegeri wa boonse, na Msabi kwa boonse kwa balya bamubugelaga.
\v 13 Kwekolwa kila Monto alisokire ebina lya Mwegeri akehonoka.
\p
\v 14 Kwa kibo bakehikya emubugela wee ulya bati mutubegeraga? Na mbo bake bakedekela ebokana nene ulya batanti emwojagya? Na bakemwojya bo hati mtalongi?
\v 15 Na mbo bakehikya etalonga, ale nekola mbatomitwe? Bobulya yandekire, “Nkwa bo magolo ja balya batalongate ekala lyeghamerya lya bibugu bijaregu!”
\v 16 Ale bonse batanti etegerya injili (ekalaga). Kwekolwa Isaya abugaga, “Mwegeri, ninoo ojirye butomwa bweto?”
\v 17 Obyoo edekela lijaga ebokana na ojya, ojya ekalaga lya Kristo.
\p
\v 18 Ale nibugate, “Ale batandi ojya?” Mbyo, Kwa kyasaba lyonse. “Ero lyobo nisubire ehuma kaane katika nsee yoonse, na bibugu byobo egera mibale ya nsee.”
\p
\v 19 Bisamu biting'ana bibi, mbugate, “Ale Israel atandi emanya?” mbele Musa abuga, “Nkebajogosa ebabugela nyanyi kwa Bantu balya tii bene. Kwa nkondo ya tongo lilya litije. Nkeliresela bang'ore emena.”
\p
\v 20 Na Isaya ni mghomi mno na abugate, “Nabanekane na balya batandi ensora, Nabanekane na balya batankondaga.”
\p
\v 21 Ale kwa Israeli abugate, “Nkya jyonse natambarye miboko jyawa kwa balya bati sokire na bantu babibo.”
\c 11
\cl Mlyangu 11
\p
\v 1 Ale nimbugate, Ale, Mugwe nalegire bantu behe? Ejagha hariri. Kwekolwa naniye nde Mwisraeli, wa luhanu lwa Abraham, wa kabira ka Benjamini.
\v 2 Mugwe atandi elega bantu behe, balya abaje eboka bushone, Ale mutije andekwa libugire bo ebokana na ELIYA, bulya asasamaga Mugwe egolo lya Israeli?
\v 3 “Mwegeri, babulagwa Manabii babyoo, nabo mbabatataga madhabahu jayoo. Niee nieka mbatigala, nabo mbasorate serye yawa.”
\v 4 Ale ejokya lya Mugwe libugate njii kwayo? “Ni mbibohirye kwa ajili yawa bantu magana muhungati balya bati balya bati msegelate birugunyi ale.”
\v 5 Rari bobyo, Ngara jiiji jya ngareno nayo ng'ale batigare kwa elobolwa lya bujaregu.
\v 6 Ale wakala kwa bujaregu, tii lenge kwa makalaga. Wakola tibobyo bujaregu buti habeta lenge bujaregu.
\p
\v 7 Ni noo oyyo? Kibuga kila Israeli asoraga, atandi kibana, ale balobolwa mbakibande, na bange bagiterwe burito.
\v 8 Mbo bulya yandekirwe: “Mugwe abahere nkolo nduhu, meso ebuga bahabebana, na masikelo ebuga baha ojya, eng'ora nkyeno.”
\v 9 Nene Daudio nabugate, “Haba meza jyobo jobe jikire, mtegu, hantu herija, na elehela sire yobo.
\q
\v 10 Haba meso jobo jagitelwe kirimamu ebuga bahabe ebana. Ukabaghumye migongo jyobo nkya jyoonsee.”
\p
\v 11 Ryolo mbugate, “Ale babelija bakang'ore egwa?” Ni habe eba obyoo kala na kala. Anamuna yehe, kwelemwe lyobo, buhonokya mbubahika kwa matongo, ebu ga boo bene bagitelwe ererera.
\v 12 Ryolo yakolwa elemwa lyobo ni mbusabi bwa nsee, na wakola hasara yobo ni mbusabi bwa, ni nking'ana boo mno kyekolwa mbakeojolana boo?
\p
\v 13 Na ryolo naghamba nenye bantu ba matonto. Kwekolwaq mbaba mtomwa kwa bantui ba matongo jange, njeghorate egharerya lyawa.
\v 14 Labda nkebabugela nyanyi balya babele umwe nanie.
\v 15 Kwa bulya elegwa lyobo ni mbjania bwa nsee, etebelwa lyobo likaba bo ila serye eboka kwa balya bakire?
\v 16 Wakola matunda ja mbele njebeka, mbyoo bule bwa egoro lya mutu. Wakola muri njwebeka, bitemi nabyo mbo.
\p
\v 17 Ale wakola bitemi bimwe mbikebirwe, bo wee, kitemi kya nsenge ya Mizeituni, njwa hurerwe bamwe boo, na wakola mwarasanie hamwe nabo katika miri ya busabi bwa mizeituni.
\v 18 Habeghorera ebokana na biteni. Ale wakola weghorerate, tiwe ulya urashatye miri ale miri nioo ileurashatye wee.
\v 19 Ryolo ukebuga, “Mitemi mbakebirwe ebuga mbane bwehurelwa kwee rindo.”
\v 20 Obyo nsaba, kwa bulya batyedsekere boo bakekebwa, ale wee nwemire bubibo kwa edekela lyayoo. Habe emanya wee mwene kwe ebokerya wee mno, ale ryala.
\v 21 Kwa bulya wakola Mugwe atandi basegera bitemi bya lenge. Atimune kuhurumela nawe.
\p
\v 22 Raberya, ryolo, Makalaaga jajaregu na bughomi bwa Mugwe. Kwa haremwe, bughomi bwanjere Bayahudi ambambagwere. Ale hara inge, bujaregu bwa Mugwe bwojolaga kwobo, wakola nnuketola na bujaregu bwehe. Wakola tibyoo nawe uketebwa kulehu.
\v 23 Na bobyo, wakola batumine ekolagwa na endelea elega emtubegera kwobno, bake hurelwa lenge. Kwa bulya Mugwe nale na nguru jye bamerya lenge.
\v 24 Kwa bulya wakola enyee mwakeberwe kaane kqwa balya ulya kwa yeng'onyi mizeituni ya nsenge. Na Kisuha kwa Yeng'onyi mwa hurerwe (mwategirwe) n katika Mizeituni julya jularegu, tiinkwa busamu mno kwa Bayahudi, balya banga mitemi bya Yeng'onyi ehikya aterigwa lkenge ndane ya Mizeituni ba bene?
\p
\v 25 Kwa bulya ndogo ntikondse mhabe manya, obokana na kibisi keke, ebuga muhabekolwa na buholoholo katika eleterya lyenyu bene. Kibisi keke ni kwwa bubibo humire kwa Israeli, bukang'ore ehikelana.
\v 26 Bobyoo Israeli boonse mbakehonokigwa, bobulya yandekirwe, “Eboka sayunin akeja mhonokya. Akebwekerya buhombya eboka kwa Yakobo.
\p
\v 27 Na lele likeba kyekarandu kyawa naboo, ngara ilya nkekerya ng'adaba jyobo.”
\p
\v 28 Kwa hara emwe ehusu injili (ekalaga lya Mugwe), mbakesorwa kwa kyenyu, kwa hara inge ibokana na elobolwa lya Mugwe, baakondwe kwa bulya ja bamalakolo baghorabu.
\v 29 Kwekola zawadi na butomwa bwa Mugwe butimine elajoka.
\v 30 Kwekola bushone enyee mwakorwe mteteratye Mugwe, ale ryolo mweriga bujaregu kwa elega lyobo.
\v 31 Kwa nkondo eyo eyo, ryolo Bayahudi baba mbabalega. Ebana lyehe nebuga ebokana na marero jalya mwaherwe enyee mkehikya eriga msamaha.
\v 32 Kwa bulya Mugwe ababohiore bantu boonse elage lega, ebuga ahikye ebahonokya boonse.
\p
\v 33 Bulya kule busabi buneni na bujaregu na bugharehi bwa Mugwe! Butumune raberigwa nkebi jyehe, na nkondo jyehe jitimanyetwe!
\v 34 “Bulya ninoo ulya emanya nkondon jya Mwegeri? Anga noo abere mkalageri wehe?
\v 35 Anga ninoo mbele ulya amuhere Mugwe, ebuga alehwe lenge?”
\p
\v 36 Kwa bulya ibokire kwehe, na kwa nkondo yehe, binto byoonse mbileho. Kwehe uba bujaregu kala na kala. Hau
\c 12
\cl Mlyangu 12
\p
\v 1 Kwa bobyo nimbehelate, ndogo, kwa buholoholo bwa Mugwe, humyai mibeleyenyu ibakyela kile serye, nseri, ilya yedekerwe Mugwe. Eno niyoo ehela yenyu ja injarugu.
\v 2 Anga muhabe tubegerya bya nsee eno, ale muhondolwe kwe ghaigwa bwa mbyaa nkondo jyenyu. Ghayani bobyo mhikye emanya lukondo lwa Mugwe lulyua lujaregu, lwemughamerya na lwojolane.
\p
\v 3 Kwa bulya abugate, kwa bulya bujaregu nabuherwe, kwa kila monto ulya aleho hamwe nenye atikondetwe ateterage mno kwa byehe mwene kuliko bulya bumuhuikire eteterya kwa bughara, bulya Mugwe amuhere. Kila omwe hantu hairiri kya edekelya.
\v 4 Kwekola tule bimusa bineni bya mubele jumwe, ale tii bimusa byoonse bile milemo emwe.
\v 5 Bimusa bibyo, eshe balya tule baneni tule babele omwe katika Kristo, bimuna kila kimwe kwa Mulugu wehe.
\v 6 Tule na -ghau jyekerane kwa bujaregu bulya twaherwe. Wakola-ghau ya monto nimbunabii, na niba kwa edekela bulya ling'ana yehe.
\v 7 Wakola -ghau ya monto ni milemo, natumikire. Wakola unge ale-ghau yefundisha (Emanyera), basi ngo namanyerye. Wakola ghau ya Monto ni mbujaregu, basi ngo, nasasme. Wakola ghau ya monto nehumyaa, aghaye bobyo kwa buhanu.
\v 8 Wakola ghau ya Monto ni mbwekorani, na nalinyinghe kwa bugharehi. Wakola ghau ya monto ni ebenia marero. Na nalinyinghe kwa eghamela.
\p
\v 9 Ekonda ndihabeba lyua bwerehi, solai bubeju; mudaber bilya bijaregu.
\v 10 Ekonda lya ndogo, Kondanai enyee kwa enyee, Kwa nsoni, sokanai enyee kwa enyee.
\v 11 Lyebosobosa, mhabeba bamughusheku. Kwa nkolo, kolwai nekonda. Kwa Mwegeri, mgharyeni.
\v 12 Ghmelai kwa bughomi bulya mule mbyoo kwa nkya jilya jijate. Mkolwe na erigerya katika budandamu bwenyu. Mtolele nehelela.
\v 13 Kolwai hamwe katika binto bya balterigwa. Sorai nkondo jineni jyebania buhanu.
\v 14 Bakondelei bujaregu boonse balya batirirekate neyee; mubaha bujaregu rari muha barumanda (ebekela muma).
\v 15 Ghamelai hamwe na balya baghamelate, jurai hamwe na balya bajurate.
\v 16 Mkolwe na nkondo emwe enyee kwa enyee. Muhabe teterya kwa meghora, ale edekelai mbantu bahabe. Mhabeko na kidemi lyenyu enye bene.
\v 17 Mhabe eleha monto woonse bubeju kwa bubeju. Ghayai bibugu bijaregu mesoni ja bantu boonse.
\v 18 Wakola mhikeghwasa, bulya byaghagharwe kwenyu, mkolwe na sayo na bantu boonse.
\p
\v 19 Bakondwa, mhabe elehela buhomberigwa enyeka, ale ekerai buregya bwa Mugwe. Kwa bulya yandekirwe (Yororirirwe), “‘Buhomberigwa mbwawa; niye ninkeleha,’ abuga Mwegeri”
\v 20 Ale “Wakola muhoma wayoo ale jalo, mragerye. Wakola ale ghaba, Mugushe. Kwa balya wagita bobyo, ukemghaghara makala ja moki mtwe egolo jwehe”
\v 21 Habe lemelwa mbubeju, ale bushinde bubeju kwa bujaregu.
\c 13
\cl Mlyangu 13
\p
\v 1 KIla kya nkola nane nkeba na esoka kwa bwegeri bwa kwegolo, kwekola hati bwegeri ale bubnokire kwa Mugwe. Na bwegeri bulya buleho bugiterwe Mugwe.
\v 2 Kwa bobyo ulya aleganate na Bwegeri bobyo alegire amri ya Mugwe; na balya bamilegire bakegharigwa nkebi egolo yobo bene.
\v 3 Kwekola begeri tii badekya kwa baghaya bujaregu, ale nkwa baghaya bubeju (bibejagu). Ale nurererate elege ryala bwegeri? Ghaya bilya bijaregagu, na nuke ghorwa nabyoo.
\v 4 Kwekola ni mtomwa wa Mugwe kwayo kweghaya bijaregu. Ale wakola ukeghaya bibeju, ryala; kwekola atyebare lohyo luti kyegharya. Kwekola ni mtomwa wa Mugwe, aleha sire kwa buregya kwa ulya aghayatye bibejagu.
\v 5 Kwa bobyo lihikerere soka, tii kwa bulya aregirye, ale kwa bya nkolo nane.
\v 6 Kwa bobyo ukeleha godi. Kwekola balya bale na bwegeri ni batomwa ba Mugwe, balya baghayatye kibugu keke.
\v 7 Mlehei monto woonse kilya abaranyate: Godi kwa ulya ahikere godi; bushuru kwa ulya ahikere bushuru; budeki kwa ulya ahikere budeki; nsoni kwa ulya ahikere nsoni.
\p
\v 8 Mhabe eranywa monto kantu koonse, ale kondanai enyee kwa enyee. Kwekola ulya akonde muhara wehe na timiza kyoloteryo.
\v 9 Kwekola, “Utumune Sara, utibulagete, utyebete, utirerelete,” na wakola ng'ale kitubegeryo kinge lenge, yojoranigwe katika makalaga jaja: “Ukemkonda muhara wayoo boo wee mwene.”
\v 10 Lukondo habe mdhuru muhara wa monto, kwobobyo, lukondo ni bwojolana bwa kyoloteryo.
\p
\v 11 Kwa bulya ya lele, muje ng'ero, ebuga ni ng'aro eyekera tolo. Kwekola buhonokya bweto mbubahikela mno eheta ng'ara ilya twedekere mbele.
\v 12 Nabudi mbugerate. Na tughaghare muibale bibugu bya kirimamu nane, na twebeke mirigo jya bwelo (Lubasho).
\v 13 Na tugerei bujaregu, bo bwelo egolo, tii kwa bighoba bya bibejagu anga bubogiti. Na tuhabe ehibegera busuji anga ererera ilya itihikere ehingerigwa, na eshe kwa bwerehi na nyanyi.
\v 14 Ale twebekei Mwegeri Yesu Kristo, na ntuhabe egitela nabasi kwa ajili ya mubele, kwa ererera lyehe.
\c 14
\cl Mlyangu 14
\p
\v 1 Mtebelei ulya woonse mnegheneghu katika edekela, kwelege emgharya nkebi ya bughara bwehe.
\v 2 Monto omwe nedekere elya kyokyonse, unge ulya mnegheneghu alejate kyelela kyoka.
\v 3 Monto ulya alejaga binto byoonse nahabe emumena ulya atilejaga binto byoonse, Na ulya atilejaga binto byoonse na ahabe nkebi kwa unge ulya atilejaga binto byoonse. Kwekola Mugwe nasubire emtebela.
\v 4 Wee ulou, wee ulya umgharatye nkebi mutomwa wa Mugwe ulya kantu ka monto unge? Ni mbushone bwa Mwegeri wehe ebuga nakema anga nakegwa. Ale nakebokigwa, kwekola Mwegeri nakehikya umghaya eme.
\p
\v 5 Monto omwe aghamere nkya emwe kitinga nkya inge. Unge aghamere nkya jyoonse njyangane. Ghai ng'ine kila monto ebyelele bughara nane bwehe weka.
\v 6 Ulya adabire nkya, adabire kwa bulya jya Mwegeri. Na kwa alejate (alagelate), Alagelate kwa Bulya jya Mwegeri, kwekola ahejaga Mugwe shukrani. Ulya atilagelaga, egiragya elagelagela kwa bulya jya Mwegeri. Nene ahumagya shukurani kwa Mugwe.
\v 7 Kwekola hati atorire kwa bulya anga, na hati akijaga kwa bulya yehe mwene.
\v 8 Kwekola ebuga ntutolate, tutolate kwa bulya jya Mwegeri. Na Wakola ntukijate, tukijate kwa bulya Jya Mwegeri. Ryolo wakola ntutolate anga tusirate tule binto bya Mwegeri.
\v 9 Kwekola kwa kusudi lele Kristo akire na akatola lenge. Kweba aba Mwegeri wa boonse balya bakire nabalya batolate.
\p
\v 10 Ale wee, sininji umuhugumate mondogo hayoo? Nawe, sini nji mwamenaga mondogo wayoo? Kwekola eshonse tukema bushone bwa horiga ya Nkebi ya Mugwe.
\v 11 Kwekolwa yandekirwe (yorirwe), “Bo bulya ntorire”, abuga Mwegeri, “kwawa niee kila kirugunyi kikasimigwa, na kila luleme nduke ghora kwa Mugwe.”
\p
\v 12 Ryolo ngo, Umwe weto akehumya kitalu kyehe weka Kwa Mugwe.
\p
\v 13 Kwa bobyo tuhabe joka lenge ehugumana, Ale anamuna yehe amua bobyo, ebuga hati ulya akeghaghara bighori anga mtegu kwa mondogo wehe.
\v 14 Ni njije na nimbedekela katika Mwegeri Yesu, ebuga hati kantu koonse kanghororo kyoka. Kwa ulya kyoka ulya agerate kyoonse ni ghororo, kwa bulya kwehe ni nghororo.
\v 15 Wakola kwa bulya ya bwelya mondogo wayoo naregatye, utigerale lenge katika lukondo. Habe mghagharya kwa byelya byayoo monto ulya kwa bulya yehe Kristo nakire.
\v 16 Bobyo muhabe esegera ngendelu jyenyu jijaregu jakaghaya bantu eghaokela.
\v 17 Kwekola Bwegeri tii kwa byelya nenywa, ale kwa bulya ya saba, sayo, na eghamela katika NkoloMseri.
\v 18 Kwekola ulya agharatye Kristo kwa namna eno nedekerwe kwa Mugwe na nedekerwe kwa bantu.
\p
\v 19 Kwa bobyo, natubegere bibugu bya sayo na bibugu bilya bikeoboka monto na bange.
\v 20 Habe ghaghara milemo ya Mugwe kwa bulya ya byelya. Binto byoonse bya nsaba ni mbiseri, ale ndibeju kwa monto ulya alagelaga na umughaya (emughaya) arijwe.
\v 21 Ndijaregu elaga elya nyama, anga enywa divai, anga kyoonse kilya kwa kikyo mondogo wayoo nakemena.
\v 22 Jiiji edekele lyayo lya ndogo ule nalyo, jigitele kati yayoo weka na Mugwe. Natemanderigwe ulya atyehugumaga mwene kwa kilya edekere.
\v 23 Ulya ale na budeki nabahugumwa wakola nakelya, kwa bulya itibokane na edekela. Na Kyoonse kitibokane newdekela ni ng'adaba.
\c 15
\cl Mlyangu 15
\p
\v 1 Ryolo eshe tule na nguru tuhikire etola bunighjusheku bwa balya banughu sheku, na tutune kondwa twegharerye bene.
\v 2 Kila omwe weto na mhalohye muhara wehe kwa bulya nekalaga lijaregu, kwa ekonda emwoboka.
\v 3 Engora Kristo atandi eghaya mwene. Anamuna yehe, yale bo bulya yandekirwe (yorirwe), “Byansoni mirumi kwa balya barumanaga jang'ere niee.”
\v 4 Kwa kyoonse kilya kya hetere andekwa, kyandekirwe kwa etubanerya, kwebuga eleterya erigerya na eleterya egitelwa nguru na bilya byandekirwe twale twaba na bughomi.
\p
\v 5 Ryolo Mugwe wa bwerigerya na wegitela ngurtu aloha eba na nkondo sawa kwa kila omwe etemana na Yesu Kristo.
\v 6 Ahikye eghaya obyo kwa nkondo emwe mhikye b emughora kwa buromo (manyaa) kamwe Mugwe na Baba wa Mwegeri weto Yesu Kristo.
\p
\v 7 Kwa bobyo, mtebelei kila omwe, boo Kristo bulya abatebere, kwa bujaregu bwa Mugwe.
\v 8 Kwa bulya abugate Kristo abaghaigwa mtomwa wa bumuradi kwa kya saba kya Mugwe. Aghairye bobyo ebuga ahikye eghareha ng'oryada jilya jahumirigwe kwa bamalakolo.
\v 9 Na kwa matongo baghore Mugwe kewa bujaregu bwehe Kwa bwabulya yandekirwe (yororirwe), “Kwa bobyo nkehumia bweghora kwayo eba hamwe na bamatongo na eghujate na eghora ebina lyayo.”
\v 10 Lenge ibugate, “Ghamelai, enyee bantu ba matongo, hamwe na bantu behe.”
\v 11 Na lenge, mghore Mwegeri, “Hakekolwa Mwegeri, Enyee bamatongo joonse; haba bantu ba matongo joonse mghorei wee.”
\v 12 Lenge Isaya abugate, “Hakekolwa erindo la Yese, na omwe ulya akebokela egera matongo. Matongo jakekolwa na nguru kwehe.”
\p
\v 13 Ryolo Mugwe waTumaini abojorye na ghamela byoonse na sayo kwa edekela, ebuga mukikye emwedekela, kwa nguru ya Nkolo Mseri.
\p
\v 14 Nyee nyeeka nimbedekela na nenyee, ndogo jyawa. Ni mbedekelana nenyee nyeeka ebuga mwojorigwa bijaregagu. Mubaojorigwa bugharehi mbwoonse. Mbyelatwe ebuga, nenyee mkehikya ekalagerania kila monto na mulugu wehe.
\v 15 Ale njandekate (njororate) kwa bughomi mno kwenyu kwa bibugu ebuga mbatetere lenge, kwa ghau ilya ng'erwe Mugwe.
\v 16 Ghau eno yale nebuga ng'ikyee eba mtomwa wa Yesu Kristo ulya atomirwe kwa matongo, ehumya bo mawetongo wa ekalaga lya Mugwe. Nahikirye eghaya bobyo ebuga matongo ebuga kaba kwedekerwe, kwa rutiorigwe na Mugwe kwa nkondo ya Nkolo Mseri.
\p
\v 17 Bobyo eghamela lyawa lile na Kristo Yesu na katika bibugu bya Mugwe.
\v 18 Kwekolwa ntimune ehikya ebuga lilkya lyoonse iti bulya kristo ahikerere ojore nsoni eleterya kwawa kwa Matongo. Bibugu bibi mbibahika kwa bibugu na ekalaga. Kwa nguru jyebanigwaq na byamaghabu, na kwa nguru jya NkoloMseri.
\v 19 Lele lyale ebuga libokiren Yerusalemu, na eghobyaa halehu boo ILIRIKO, mbahikya emitola kane kwa bugharehi ekalaga lya Kristo.
\v 20 Kwa nkondo eno, nkondo yawa ihaba ekalagerya ekalaga lya Mugwe, ale ti hantu Kristo amenyekane kwa ebina, ebua ng'abehikya oboka Msingi egolo jwa monto unge.
\v 21 Bobulya yandekirwe: “Ulya weeatije masikelo jehe ajare bakemubana, na balya nabo batandi emwojyagya bake mumanya.”
\p
\v 22 Kwa bobyo naghoghobirwe kaneni eja kweto.
\v 23 Ale ryolo, ntii lenge hantu hoonse katika mikoa eno, na nale ndererate kwa bilemela bineni eja kwenyu.
\v 24 Bobyo ngara jyoonse nagera Hispania, nkonde ebana ng'etate, na ehikya ehirwa nkondo yawa na enyee, kwekola nimba ghamela bushirika bwenyu naniee kwa ngara.
\v 25 Ale ryolo mbagera Yerusalemu ebagharerya batubegerigwa.
\v 26 Kwe buga yaghamerye bantu ba Makedonia na Akaya eghaya emoghonia lya dugulu kwa bahabe balya bale hamwe na batu begerigwa kwa Yerusalemu.
\v 27 Mbyoo, lyale kwa luklondo lyobo, na manya, babaabasire boboo. Kwekolwa wakola matongo bale hamwe kwa bibugu byobo bya nkolo nane, mbaranyatwe na booboo ebagharererya katika mahitaji ja binto.
\v 28 Kwa bobyo, ngero mbahikarya bibi na ekolwa na bwojola nu bwa tunda lele kwobo, Niee nikegera nkondo hamwe nenyee kokyio Hispania.
\v 29 Ni njije ebuga, Ngara nkeja kwenyu, nkeja mwojolu bwa mata ja Kristo.
\p
\v 30 Ryolo nimvbasasamate, ndogo kwa Mwegeri weto Yesu Kristo, na kwa lukondo l; ya Nkolo, ebuga ghayai hamwe naniee katika ehelela lyenyu kwa Mugwe kwa ajili yawa.
\v 31 Ehelai ebuga ng'ikyee ehonokigwa eboka kwa balya bati sokire katika Yudea, na ebuga egharerya lyawa kokyo Yerusalemu ihikye etebelwa baoloterigwa.
\v 32 Ehelai ebuga nikehikya eja kwenyu kwe ghaemela eleterya ekonda lya Mugwe, na Ebuga nikehikya eba hamwe nenyee, lye duduta.
\v 33 Na Mugwe wa sayo naba hamwe nenyee nyoonse. Hauu
\c 16
\cl Mlyangu 16
\p
\v 1 Nimbahejate enye Fibi nkeribyari yeto, ulya mtomwa wa Kanisa lilya lile Kenkrea,
\v 2 ebuga muhikye umtebela katika Mwegeri. Ghayai bobyo eboka kilya thamani kya boloterigwa, na mweme hamwe nene kwe kalaga lyoonse lilya akekolwa alikondate. Kwa bulya wee mwene ahaba mghaya wa baneni, na kwawa niee mwene.
\p
\v 3 Mgashe Priska na Akila, baghaya milemo hamwe na niee katika Kristo Yesu,
\v 4 Bulya kwa nkya jyawa baghairye jiba jibeju jyobo bene. Ni ng'umatye muhera kwobo, na tiniee nieeka, ale na kwa Makanisa joonse ja Matongo.
\v 5 Gashai Kanisa lilya lileho Kaaya kobo, mgashei Epanieto mkondwa wawa, ulya abyarwe mbele kwa Kristo katika Asia.
\v 6 Mgashei Mariamu ulya aghairye milemo kwa ebosabosa kwa ajili yenyu.
\v 7 Mgashei Androniko na Yunia, balugu bawa, na babohwahamwe na niee. Ni mba ndugulu hamwe na batomwa, balya bahetere emanya Kristo bushone bwawa.
\v 8 Mgashei Ampliato, mkondwa wawa Katika Mwegeri.
\v 9 Mgashei Urbano, mghaya milemo hamwe na niee katika Kristo, na Stakisi mkondwa wawa.
\v 10 Mgashei Apele, ulya edekere Kristo. Gashai boonse balya bale nyumba nane ya Aristobulo.
\v 11 Ngashei Herodioni, mulugu wawa. Ngashe boonse bale nyumba ya Narkiso, balya bale katika Mwegeri.
\v 12 Ngashe Trifainia na Trifosa, balya baghayagya milemo kwa bubosoboso katika Mwegeri.
\v 13 Mgashei Perisi Mkondwa, ulya aghairye milemo mno kwa Mwegeri. Ngashe Rufo, ulya aloborwe katika Mwegeri na ng'ina na maa.
\v 14 Mgashei Asinkrito, Flegoni, Herme, Patroba, herma, na ndogo jyoonse balya bale hamwe nabo.
\v 15 Mgashei Filologo na Yulia, Nerea, na nkeribyari yehe, na Olimpa, nba boloterigwa boonse balya bale hamwe nabo.
\v 16 Ngashe boonse kwe roheta liseri. Makanisa joonse katika Kristo njabagasha.
\p
\v 17 Ryolo nombasasamate, ndogo, etubegerya balya baghaya tye ekekeba na bigirya. Bagerate kisuha (Kimoso) na oloterigwa lilya bmsubire emanyerigwa. Honndokai muhume kwobo.
\v 18 Kwa bulya bantu boo baba bati kyee emgharya Kristo Mwegeri. NKwa biburi byobo booka. Kwa bibugu (makalaga) jobo janaghanu na eghorwa lya bwerehio ba saba sabate nkolo jya balya bati bahombya.
\v 19 Kwa mfano jwa jwa soka lyenyu mwahuikela kila omwe. Kwa bobyo mughameratye, ale nkondate enyee mkolwe na nsoni katika ekolwa na bujaregu, na elagekolwa na buhombya egolo lya bubeju.
\v 20 Mugwe wa sayo atideghete emubulaga Kiryoka nsee ya malabatu jenyu. Bujaregu bwa Mwegeri Yesu Kristo niba hamwe nenyee.
\p
\v 21 Timotheo, mghya milemo hamwe naniee, nabagashe, na Lukio, Yasoni na Sospeter, na balugu bawa.
\v 22 Niee, Tertio, ulya nandekire (nororire) waraka boboo, nimbagashatye kwa ebina lya Mwegeri.
\v 23 Gayo ulya atunzire (andendere) na kwa kanisa lyoonse, ngdyabaghasha. Erasto, Mghagha bya mujyee, nabagasha, hamwe na Kwarto ulya ndogo.
\v 24 \f + \ft Bibohya: katika byandekirwe bya mbele, mworwa jojo jutiho. (Raberya Barumi 16:20.) \fqa Bujaregu bwa Mwegeri Yesu Kristo namuntye hamwe nenyee nyoonse. Hau. \fqa* \f*
\p
\v 25 Ryolo kwehe wee ulya ale na nguru eghaya emai etemana na ekalaga lya Mugwe na kyoloterigwa kya Yesu Kristo, etemana na bufunuowa Kibisi bubisirwe kwas nkya jineni.
\v 26 Ale ryole nibasira ehingolwa (ebyolwa) lewe ghaigwa imanyekane na byandekwa bya Bunabii etemana na kyoloteryo kya Mugwe wa kala na kala, kwa esoka lyedekela hamwe na matongo joonse?
\v 27 Kwa Mugwe weka ale na kidemi, eleterya Yesu Kristo, kukolwe na Buseri kala na kala. Hau