soz_reg/45-ACT.usfm

\id ACT
\ide UTF-8
\h Matendo Ya Mitume
\toc1 Matendo Ya Mitume
\toc2 Matendo Ya Mitume
\toc3 act
\mt Matendo Ya Mitume
\c 1
\cl Mlyangu
\p
\v 1 Ngitabu kya kala nakyandekire, theofilo, kebuga hwose Yesu asire eghaigye ne fundisha.
\v 2 Eboka kya elya wene ateberwe kwegolo. Gokyo kyale kwekola lye humya amri eboka koho seri kwa kwa batomwa balya ekola baloborwe.
\v 3 Eboka lya tirirwa lyehe, wene akabaneka kwobo ale serye eghora na bumanyi buneni bubugate. Kwa nkya milongeena nebanisirwe kwobo, na akagaba eboka bwegeri bwa Mugwe
\v 4 Ekolwa ebananenabo hamwe nabo, ebabere bahabe ehuma Yerusalemu, ale babetew kwebulya lya ghoreda ya Baba, elya abugire, “Mwajirwe eboka kwawa.
\v 5 Nyolo Yohana abadisire lyonse kwa mai, nanga mkebadishwa kwa nkolo mseri katika nkya njiiji jiriri.”
\p
\v 6 Na bulya bakorwe bajaghane hamwe baka muborwa, “Mwegeri, Ifi yolo niwoo geri okehodola Israel bwegeri?”
\v 7 Wene akababiela, “Tibibwo hamwe kwenyu emanya geri anga kye jilya Baba ageghanya kwa bwegeri bwehe weka.
\v 8 Alele ehebwa nguru, gero Nkolo mseri akeja egolo lyenyu, nenye mkeba baruruseru bawa kwonse eboka Yerusalemu na uyahudi yoonse na samaria egora mwisho nya see.”
\v 9 Bwana Yesu asubire ejabuga janyo, bagakolwa baraberatwe kwegolo, wene akebalwa kwegolo, na mbighodu bikamugeka bahabemubana nkwa meso jiobo.
\p
\v 10 Gero eyo bareberatwe kwegolo muno akagenda, lyo, Bantu babele bemire gategate yobo bebekire ngobi jielagu.
\v 11 Bakabuga, “Enyie bantu ba Galilaya, kwa njii mubema oho mraberatwe kwegolo? Oyo Yesu ahokire kwegolo mbinguni ekenjoka kwa bulya agendire bwebulya mwamubande agedate mbinguni.”
\p
\v 12 Ndiyoo bakajoka Yewrusalemu eboka kulya ngita ya Mizeituni, ekola bale handinko na Yerusalemu, lugendo lwa nkya ya lya sabato.
\v 13 Bulya bahikire nyumba yegolo halya bamutiriye. Nabo ni Petero, Yohana, Yakobo, Andrea, Filipo, Thomaso, Batholomayo, Mathayo, Yakobo mwana wa Alfayo, Simoni Zelote na Yuda mwana wa Yakobo.
\v 14 Boonse bakaba hamwe bwe monto omwe, Kwe gharerya bagakolwa baghayatye hamwe behelate. Hamwe na bahyoo bale hamwe na baka, Mariamu gina ya Yesu, na mkolwe wobo.
\p
\v 15 Eboka nkya jijyo Petro akema gategate ya ndogo, kwa bantu 120, akabuga,
\v 16 “Ndogo, lyakolwe ezimerya ekolwa lwandekirwe bihike, bulya kala Nkolo mseri abugire kwa kanyaa kaa Daudi ebokana na Yuda, olya abanererwe balya badabire Yesu.
\v 17 Kwekolwa wene ale omwe weto naga eherwe mligo jwehe jweereswa eboka eno milemo.”
\p
\v 18 (Riolo monto oyo agorire hantu kwa kilya aherwe kwa ng'adaba jehe ndiyo akagwa akaheterya mtwe, mubele jukatumuka na kiburi kyehe kyonse kikaba haswe bikedeka.
\v 19 Boonse balya bale atorire Yerusalemu bakojwa eboka lelyo, dwe hantu hene bakahabugela kwa kigobo kyobo “Akeldama” gekyo kya “Mugoda jwa daghami”).
\p
\v 20 “Kwa gitabu kya Zaburi Kyandekire, ‘Ema hantu hehe liba hasamire naga gahabeedekelwa rari omwe etola hene;’ na, ‘Redekela monto onge ahebwe galada yehe ya bwekorani.’
\p
\v 21 Lelyo ndijaregu, kwa bulya, omwe wa balome olya aerohanye nesye gero Mwegeri Yesu ahumire ne shala gate yeto.
\v 22 Eboka lilya lya ubatizo bwa Yohana hadi nkya eyo atorirwe kwegolo, diyasaba aba mbani weryoka hamwe nesye.”
\p
\v 23 “Bakadaghara bushone balome babele Yusufu abugilatwe Barnaba, olya lilya abugelagwa Yusto na Mathia.
\v 24 Boo bakehela bakabuga, “Wee, Mwegeri, OJe nkolo jya bantu bonse, Yolo daghara kwelo nao gate ya babele baba olya alobore.
\v 25 Akeyigha hantu kwa milemo ne butomwa, Elya Yuda aghairwe ng'adaba n e egenda hantu hehe.”
\v 26 Bakasega kura kwa lyo boo na kura ekatonyela Mathia olya asokerwe hamwe na balya batomwa ekomi na omwe.
\c 2
\cl Mlyangu 2
\p
\v 1 Ekahika nkya ya Pentekoste, bonse bale hamwe hantu hamwe.
\v 2 Lyine likaghubuka egoba eboka kwegolo kiga muyaga juneni. Jukojola nyumba yonse halyabale bamutirye.
\v 3 Anyo jikabahumela deme, jiga deme jya moki jijaregane jikaba egolo yobo omwe omwe wobo.
\v 4 Wobo wonse bakaghajwa na Nkolo mseri na bakasa ebuga kwa kigobo kinge, kwa bulya Nkolo abagedere ebuga.
\p
\v 5 Lyine hale wayahudi babere batore Yerusalemu, bakonde Mugwe, eboka taifa see ya kwegolo.
\v 6 Engaba lelyo likojigwa ngikundi kya bantu babaja hamwe bale na wasi wasi kwa bulya kila monto abojirye bagabate kwa kigabo kyehe weka.
\v 7 Bakadeka ne ghaghama, boo bakabuga, “Lyasaba, baywo bonse bagabate tii Wagalilaya?
\v 8 Niinji eshe tyubojeryate kila omwe kwa kigabo tubyarirye nakyo?
\v 9 Waparthia, na Wamedi na Waelamu, na babyo batore Mesopotamia, uyahudi, na Kapodokia, na engana Ponto na Asia.
\v 10 Eboka Frigia, Pamfilia, eboka Misri, na oho jya Libya baga Krene, na Bageni eboka Rumi.
\v 11 Bayahudi na baongofu, Wakrete na Waarabu, tubajatye bagabate kibabe kweto ebuga milemo jwa nguru jwa Mugwe.”
\v 12 Boonse bale bandekire ne ghaghama; bakabielana boo kwobo, “Lele dwabo?”
\v 13 Alele bange bakabamena bakabuga, “Babyo babojorigwa kwa bughomani wa mbya.”
\p
\v 14 Alele Petro agema na balya ekomi na omwe akagaba muno, akababiela, “Bantu ya Yudea na boonse mtore oho Yerusalemu, lele dimanyekane kwenyu, tegereryai muno ebuga lyawa.
\v 15 Bantu baba batibogitire kwa bulya mugereratye, kwa bulya gerino ni kutune Saa datu.
\v 16 Alele lele lyakolwe lyabugirwe eboka kwa Nabii Yoeli:
\v 17 ‘Kukeba nkya jya mwisho,’ Mugwe akabuga, ‘aketa Nkolo yawa kwa bantyu boonse. Bana benyu na bababaka benyui bakehumiya Unabii, bijana bwenyu bakebana halehu na balakolo benyu bakeraryoka.
\v 18 Nyolo nyolo egolo lya batomwa bawa batomwa bawa ba baka kwa nkya jijyo, niketa Nkolo yawa, nabo bakebuga.
\v 19 Nikebaniya mahajabu kwegolo hewani na boghori seno duniani, daghami, moki, na mudugani jwa moki.
\v 20 Na rioba dikeelajwa liba kighudwe na mweri juba daghami, Kabila etwati ehika nmkya kolo naya maajabu ja Mugwe.
\v 21 Likeba lye kola omwe olya ababugela ebina lya Mugwe nakehonoka.’
\p
\v 22 Bantu ba Isiraeli, Tegeryai ekalaga lele: Yesu wa Nazareti, ni monto amajisirigwe ni Mugwe kwenyu kwa bighjori bya nguru na mahajabu, na bulya Mugwe etorirye wene gategate yenyu, bwenye bulyamuje.
\v 23 Kwa bulya eghanya kilya kikondatwe eboka murunela bughara bwa Mugwe, ahumirigwe nenye kwa miboko jiya bantu balegadaba, bakemusulubisha bakamubulaga,
\v 24 naga Mugwe akamwemya akekerya bulolo bwa lokyo kwehe kwa bulya bitidi ebanekana kwehe esimamelwa na byo.
\p
\v 25 Nyolo Daudi abugate eboka wene, Abande Mugwe lyonse bushone bwa busho bwawa, wene ale kuboko kwawa kwa kubulyo kwa bulya tumuneesunguritigwa.
\v 26 Kwa bulya nkolo yawa abere na maghamela na nluleme lwawa dwaghamerigwe. Eghora mubele jwawa bugara egeta ebuga.
\v 27 Otimune ehaba nkolo yawa agende kwa kiselo kyanse naga utumuneedekela mseri wanyo ebana bugudu.
\v 28 Nene nomanjerergwe kwawa nkondo jwa majiegi; ogeghairye jojye maghamela bushone bwa busho bwanyo.’
\p
\v 29 Ndogo, nikehikya egaba kwenyu kwa ujasiri eboka kwa baba eto Daudi: Wene akire na akariekwa na berera ryehe lile hamwe neshe egora kwa eno.
\v 30 Nyolo, ale nabii namanyire kwa Mugwe arere muma kwebuga kwehe, ekola akegitela omwe wa ebialwa hamwe kwa horiga ya kwegolo.
\v 31 Alibanire lele kulegeri na akabuga kweryoka n lya Kristo, ‘rari akolwe atwatiehabwa kwa kiselo kyase, rari mubele jwehe jutwatieguda.
\p
\v 32 Oyo Yesu-Mugwe amuryokirye, bulya eshe boonse ni baruruseru.
\v 33 Kwa bulya, akeba abokirigwe kubokwa kwa kwa wabalome wa Mugwe, na akeba aherwe ngoreda ya Nkolo mseri eboka kwa Baba, wene ababagitela eno ngoreda, bulya enyie muraberyatye ne ojiya.
\v 34 Kwa bulya Daudi atwati engeda Mbinguni, kwa bulya abugate, ‘Mwegeri abugire kwa Mwegeri wawa.
\v 35 “Mtwa kuboko kwawa kwa kubulyo buga rireebaghairye muhoma wanyo horiga kwengitela magolo janyo.
\p
\v 36 Kwa bulya nyumba yoonse ya Israel na emanye kwa lyasaba ekalaga Mugwe amughairye wene eba Mwegeri na Kristo, oyo Yesu olya mwamusulubisirye.”
\p
\v 37 Riolo bulya bijirye bobyo, bakahela kwa nkolo yobo, bakamubiela Petro na batomwa bange, “Ndogo, tugitebo?”
\p
\v 38 Na Petro akababiela, “Tubuni na mubadishwe kila omwe wenyu, kwa ebina lya Yesu Kristo klwa bulya hurumelwa lya ghadaba jienyu na mkehebwa zawadi ya Nkolo mseri.
\v 39 Kwa bulya kwenyu ni ghoreda na kwa bana benyu kwa bayo boonse bale halehu, bantu baneni kwa bulya Mwegeri Mugwe weto ababugela.”
\v 40 Kwa bighori bineni akabashuhudia ne nebabiela; akabuga, “Erasheni muhume eboka mubyalele jojo kyaghadaba.”
\p
\v 41 Ndiyoo bakedekela makalaga jehe na bakabadishwa, anyo nbakarosa eboka nkya ehoo hwe nkolo magana na magana adatu (elfu tatu).
\v 42 Bakedekela emanyerigwa jya batomwa ne raseranya kwelya mkate na ehela.
\p
\v 43 Hofu ekaja egolo lya kila nkolo, na mahajabu janeni na bighjori bikaghaeka eboka batomwa.
\v 44 Bonse bakedekela bakaba hamwe na eba na binto byobo kwa hamwe.
\v 45 Na bakaborya binto na milki jiobo na egabana kwa boonse ebokana na hitaji lya omwe.
\v 46 Nyolo nkya baada ya nkya bakaendelea babere na kinto kimwe kwa hekalu na bakaghuta mukate kwa munye na bakarashania kwa maghamela nw buhandu bwa nkolo;
\v 47 bakamughora Mugwe b na bale na busho bwa bantu boonse. Mwegeri abaresha nkya kwa nkya kwa bulya bakorwer bahonokigatwe.
\c 3
\cl Mlyangu 3
\p
\v 1 Riolo Petro na Yohana bale bagendate hekaluni gero jya ehela, geri ya saa ekenda.
\v 2 Monto omwe, maghobu eboka abialwe abere webalwa kilya nkya na ebere edagharwe kwa mulyango jwa hekalu jubugwa jujaregu, ebuga ahikye ehela sadaka eboka kwa bantu bekolagwa bagedate hekaluni.
\p
\v 3 Bulyaabande Petro na Yohana basungurate eshala hekaluni, akehelasadaka.
\v 4 Petro, akamumahela na meso hamwe na Yohana, akabuga, “Turaberye eshe.”
\v 5 Maghabu akabaraberya abetelate ehebwa kindo eboka kwobo.
\v 6 Alele Petro akabuga “Robinya na Goro niee hati alele kilya denakyon nikekuha kwanye. Eboka ebina lya Yesu Kristo wa Nazareti genda”
\v 7 Petro akamunyigha kwa kuboko kwehe kwa bulyo na akamubokya kwegolo: kwa limwe magolo jehe na gego nya maguha jehe bikabana nguru.
\v 8 Akala kwegolo, monto maghabu akema na akarudela egenda akashala hekaluni hamwe na Petro na Yohana agendate akelate na emughora Mugwe.
\p
\v 9 Bantu boonse bakamubana agendate na amughorate Mugwe.
\v 10 Bakamanya ghai ale ni oyo monto olya ele wemutya ehelate sadaka kwa mlyango njujarego jwa hekalu; bakaba na edseka na na mahajabu kwa bulya lya gekyo kibaghubuka kwehe.
\v 11 Kwa bulya abere enyigherere Petro na Yohana bantu boonse kwa hamwe bakorohela kwa mtala jubugwan jwa Sulemani, bakadeka muno.
\p
\v 12 Petro bulya alibande lele, wene akabajokerya bantu, “Enyie bantu ba Israeli kwa njii mubadeka? Kwa njii mbaraberya messo jienyu kweto, maga ekola ekola tubamughanya oyoi agende kwa nguru jieto esheka nanga ehelaten lyeto?
\v 13 Mugwe wa Ibrahimu nawa Isaka nawa Yakobo, Mugwe wa Baba weto, abemwa Mtomwa wehe Yesu. Oyo hwe olya enyie mwamuhere ne mlega bushone bwa Pilato, nanga wene abere ebuga emusegera kuholo.
\v 14 Mwamulegire mseri na wasaba na kwa lelyo mukakonde mubulagi ahabwe kuholo.
\v 15 Enyie mwamubulagire Mwekorani wa majiegi, olya Mugwe amuryikire eboka kwa kiselo lyanse-eshe ni bamanyi ba lele.
\v 16 Riolo, kwa Idekela kwe ebina lyehe, Monto oyo olya mumubone ne mumanye aghairigwe eba na nguru. Idekela elya ebokire kwa Yesu emubere wene manyi jayo jojire bushone bwenyu enye nyonse.
\p
\v 17 Riolo, ndogo, manyire ekola mwaghairye kwe legeemanya bwo egera baghairye bekoranui benyu.
\v 18 Alele makalaga bilya Mugwe ababere lyo kwa mania ja manabii boonse, ekola oyo Kristo aketirirwa, Riolo jabakiha.
\v 19 Kwa bulya, Tubuni na Mwelajoke, ebuga ekola ghadaba jienyu nyenkerigwe lyonse ebuga jije nkya maghamela eboka na muyaga jwa Mwegeri;
\v 20 ne ekola ahikye emutoma Kristo olya alobnorwe kwa bulya wenyu Yesu.
\v 21 Wene nwe olya ngukolwe mbighudu bimutebele baga gero njyehondola binto byonse, bulya Mugwe abugire kala kwa mania ja manabii baseri.
\v 22 Lyose Muisa abugire, “Mwegeri Mugwe akemiya nabii aga niee eboka katika ndogo jienyu. Mkemtegerya kilya kyonse akebabbiela enyie.
\v 23 Kikeghubuka ekola kilya monto olya atitigeratie kwa nabii oyo akebiswa lyonse ahume gate ya bantu.’
\v 24 Ndwoo, na manabii bonse eboka Samweli na balya barohanye baada ya lihe bakakalaga na bakabuga kwa jiiji.
\v 25 Enyie bana ba Manabii na ngorieda elya Mugwe alighairye hamwe na mababu bulya abogire kwa abrahamu ‘ekola mbeho yanyo bana boonse ba nseeno bakerijerigwa.
\v 26 Baada ya Mugwe emubokya mutomwa wehe, amutomire kwenyu limwe ebuga abaha enyie kwe hondoko eboka kwa ghadaba wenyu.”
\c 4
\cl Mlyangu 4
\p
\v 1 Gero Petro na Yohana bakolagwa bababugate na bantu, makuhani na mrederi wa hekalu na Masadukayo bakabatuba.
\v 2 Bakolwa babaregya muno kwa bulya Petro na Yohana bakakolwa bafundishatwe bantu ehusu Yesu ne buga eryoka kwehe eboka kwa berere.
\v 3 Bakabadaba ne bagera gerezani baga gutune kwehe, kwa bulya dhoo yale kuhera.
\v 4 Alele bantu baneni bakolwe bojirye gusikelo bakedekela balome bakorwe babedekela bagererigwe ekolwa elufu eshano.
\p
\v 5 Egeera egahikya kutune nkya erohorye kwekolya bakolage bene na balakolo na badeka kwa hamwe bakamogana Yerusalemu.
\v 6 Anasi kuhani mkolo na leho na Kayafa, Na Yohana na Iskanda na bonse bakorwe ni ndogo wa kuhani mkolo.
\v 7 Bakakolya babadaghara Petro na Yohana gategate yobo, bakababorya, “Kwa nguru kee, Nanga kwa ebina lyau mubeghairye lele?”
\p
\v 8 Kilya, Petro, abere ajire Nkolo Mseri, akababiela, “Enyie bakolo ba bantu, na balakolo,
\v 9 kwakyeno eshe nkya ya kyene tuborigatwe ninji eghaya nkijaregu lighairigwe kwa monto oyo mrwari-n kwa amamuna kee monto oyo aghairigwe ahole?
\v 10 Ema limanyekane lelyo kwenyu na kwa bantu boonse katika Israeli, ekolya kwe bina lya Yesu Kristo wa Nazarethi, bulya mwamusulubisiwe bulya Mugwe kamuryokya eboka kwa berera, kwa nkondo hyehe ekola monto oyo abema oho bushone bwenyu abere na manyengi.
\p
\v 11 Yesu Kristo ne ebwe lilya enye mwebokire mukalimena, alele lyo lighairigwe ekola nebwe likolo la mubale.
\v 12 Hati wokovu katika monto onge aga bonse. Kwa bulya hati ebina linge nsee mbighodu baherwe bantu, ekola kwa lilyo tukehikya ehonoka.”
\p
\v 13 Riolo bulya babande bujagheba bwa Petro na Yohana na bakamanya akola bale ni bantu bati semire bakondeka, bakamanya ekola Petro na Yohana bale hamwe na Yesu.
\v 14 Kwa bulya bamubande oyo monto ahirigwe emire hamwe naboo, batyatiemanya lyebuga klwa lele.
\p
\v 15 Alele bakorirwe basubire ababiela batomwa bagere bushone bwa Mukutano jwa Baraza, bakagaba kwobo kwa kwobo.
\v 16 Bakabuga, “Tubagiteboo bantu baa baa? Diyasaba ekola muujiza n jwa hajabu jubaghaeka eletya kwobo emanyekana na kila omwe atore Yerusalemu, tutu muneliya lelyo.
\v 17 Alele, ebuga ekola kindo geke kihabemanye kana emwe bantu, emai tubagire bahabe lenge ebuga kwa monto wonse ebina lele.”
\v 18 Bakababugela Petro na Yohana ndane na ebabiela lyonse muhabegaba rari efundisha kwa ebina lya Yesu.
\p
\v 19 Alele Petro na Yohana bakajokya na bakababiela, “Wakola ndijaregu messane jyaa Mugwe ebasoka enyie nanga Mugwe, ghubai enyeka.
\v 20 Kwa bulya eshe tuti babente ebuga bilya tubarire ne ojya.”
\p
\v 21 Bulya twabagirirye muno Petro na Yohana, bakabahaba bagende. Batyatiebana kwa bulya kyonse ebatirere kwa bulya bantu bonse bale emughara Mugwe kwa kekyo kibere kighaekire.
\v 22 Monto abere abahebwa muujiza jwehola ale na merijaa miyaka milonge enyanya.
\p
\v 23 Lelyo lye bahaba kuholo, Petro na Yohana bakaja kwa bantu bobo na ebabiela bwonse bulya makuhani bakolage na Balakolo bakorwe bababiere.
\v 24 Bulyabojirye bakasega egaba lyobo klwa hamwe Mugwe na bakabuga, “Mwegeri, hwee aghairye bighodu na Dunia na bahari na binto byonse ndane yehe.
\v 25 Whee olya kwa Nkolo mseri, kwa kanyya kwa baba weto Daudi, mutomwa wahyo, Ukabuga, ‘Kwa njii bantu ba Mataifa babaghanya bubeju na bantu babawasa binto biti ghwasente?’
\q
\v 26 Bakolage ba nseno babebaga hamwe, na Mwegeri babajaghana kwa hamwe na lele lya Mugwe na lele lya bubirwa wehe.
\p
\v 27 Ni ndyasaba bonse Herode na Pontio Pilato, hamwe na bantu wa mataifa na bantun ba Israeli. Bakajaghana kwa hamwe katika mujyeb jojo lya mutomwa whehe mseri Yesu, olya wamubirire maguta.
\v 28 Bakajaghana kwa hamwe eghaya bwoonse bilya kuboko kwahyo na lukondo lwayo bakabuga eboka kala rari jatwatighobuka.
\p
\v 29 Riolo, Mwegeri, raberya edekerya lyobo, na raserya batomwa bahyo elibuga ekolaga lyahyo kwa eghamela lyoonse.
\v 30 Ekolo wemwa kuboko kwahyo ehhorya ebana na mahajabu bihikye ghubuka eletya ebina lya mutomwa wanyo mseri Yesu.”
\p
\v 31 Bulyabasubire ehela ayo halya banjaghanere kwa hamwe likasukanigwa na bonse bakaghajwa Nkolo mseri, na bakaghaba ekalaga lya Mugwe kwa bubaleme.
\p
\v 32 Balya baneni bale edekela bakaba na nkolo omwe na nkolo mseri omwe: Na hati omwe wobo abuge kwa bisse anyigherere kwalekyehe wheka kwa lyobo: anamuna yehe bakaba na binto byionse ewraseranya.
\v 33 Kwa nguru jineni mitume bale ebuga eshuhudia lyobo eboka eryoka lya Mwegeri Yesu, na kuholo kuneni kwale egolo yobo bonse.
\v 34 Hatiale na monto wowonse gate yobo anyiherwe gantu kwa bulya bantu boonse bale na borwa jya migoda nanga nyumba, bakagoranyya ne eleta robinya rya binto babagoranya.
\v 35 Na edaghara magolo ndane ja mitume na bakagabana kwa kila elya edekere kwa aghanana kwa hamwe bulyaale na shida.
\p
\v 36 Yusufu, Mlawi, monto eboka Kipro, akahebwa ebina lya Barnabasi na mitume (bohho likabugwa ni mwana wa bujaregu).
\v 37 Olya ale mugonda akagoranya na elete robinya akadara nsee ya magolo jya mitume.
\c 5
\cl Mlyangu 5
\p
\v 1 Hale, monto omwe abugelagwa Anania, na Safira mukehe, bagoranye kiserya kya mali,
\v 2 na akahaba kiserya ya robinya bagoranye (mkehe nene namanyire lyene) na akaleta kilya kitigare na edaghara kwa magolo jya mitume.
\p
\v 3 Alele Petro akabuga, “Anania, kwa njii kiryoka abonjorya nkolo yanyo ebuga bwerehi kwa Nkolo mseri na ebisa mali jya mugonda?
\v 4 Gero jilyalitwatigoranigwa, litwale mali jayyo? Lyabebereboo, waze kibugu geke nkolo ndane yanyo? Otisabire bantu osabire Mugwe.”
\v 5 Kwoja ekalaga lelyo Anania akagenda nsee nkolo ekataboka akakya, Wasi wasi buneni likabajela bonse balyabojirye geke.
\v 6 Bijana bakaja bushone ne mudara kwa murigela naga kahane na emureka.
\p
\v 7 Baada ya Masaa adatu jabasira, mkehe akashela ndane atije kilya kighubukire.
\v 8 Petro akamubiela, “Mbyile, kola mwageranye mugonda kwa robiya jijyo,” akabuga, “Ee, kwa jinyo.”
\v 9 Petro akamubiela, “Ebabbabo akola mubojanya kwa hamwe edadagha nkolo wa Mugwe? Raberya magolo ja banyo bamuryekire mulomwo wanyo ale mulwaguni na bakakwebala ne kehira kahane.”
\v 10 Lyene akagwa magholone ja Petro, akakeba nkolo, na na balya bineja bakaja ndane bakakola nasubire ekya. Bakamwebala bakamuhira kayane ne muryeka handinko na mlome.
\p
\v 11 Edeka muno likeja kwa Kanisa lyoonse na Boonse balyabojirye makalaga jaja.
\p
\v 12 Bighori bineni bya mahajabu bikaba bweghubuka gate ya bantu eletwa mikono ya batomwa bale hamwe kwa mtala jwa Sulemani.
\v 13 Alele, hati monto onge abere akorwe na bughomi bwerehenya naboo; rari lyo baherwe nsoni jya egolo na bantu.
\v 14 Na lyene, Baumini baneni babere baresante kwa Mwegeri, bakaresa bineni balome na baka,
\v 15 Kwa Bighjori eghora bakebale barwari mujye, nane ne badaghara buselegolo na binti ebuga nkolo Petro aba ahedante kyerya kyehe kibareterye egolo lyoboo.
\v 16 Anyo naho bale baneni bantu bojire eboka mijye eghobirye Yerusalemu bale ntante barwari na bonse basharirwe na nkolo mbiju na bonse bakahorigwa.
\p
\v 17 Alele kuhani olya muloolo akaboka na bonse babere hamwe nene (balya bamadhehebu ja masudakayo); bojirye ererela.
\v 18 Bakahira miboko yobo ebadaba batomwa ne ebadaghara ndane ya Gereza lya boonse.
\v 19 Na kya eyo ya nabudiko Malaika wa Mugwe akahingola milyango ya gereza na ebahetela kayane na akabuga,
\v 20 “Gendai, mukeme hekaluni nebabiela bantu makalaga jonse ja majiegi jajaa.”
\v 21 Bulyabojirye lele bakashala hekaluni rigeri ya kwasera na bakabamanyerya naga kuhani mukolo akaja na bonse bakorwe nene na ebugela bwekorani bwoonse kwa hamwe na balakolo bonse ba bantu ba Israeli, ne ebatoma gerezani ebuga ebaleta batomwa.
\v 22 Naga bantubegeri balya bagendire, batwati eba kola gerezani bakajoka na eleta masikelo,
\v 23 “Tubankola Gereza dihigire bujaregu kuholo, na barenderi bemire mulyangune, naga bulyatubahingore tutwati ebana monto ndane.”
\v 24 Riolo gero jaghamba wa Hekalu na makuhani bakolo bulya bojirye ekalaga lele, bakasharwa neka muno kwa lyobo likebabo lele.
\p
\v 25 Omwe akaja na akabiela, “Bantu mudaghare gerezani bemire hekaluni na bamanyeratwe bantu.”
\v 26 Hyole jaghamba akagenda hamwe na bamanyi bakabanyela, naga hati bubeju, kwa bulya baryarire bantu bale babatura na mabwe.
\p
\v 27 Basuba ebaleta bakabadaghera bushone bwa bwekorani. Kuhani mkolo akababorya.
\v 28 Akabuga, “Twababiere mtifundishe kwa ebina lele, na nyolo mubonjorya Yewrusalemu kwa kwa emanyerya lyenyu, na ererela eleta ndaghami ya monto oyo egolo lyeto.”
\v 29 Naga Petro na Batomwa bakajokya, “Tukesoka Mugwe ale tii bantu.
\v 30 Mugwe wa Baba weto aryokire Yesu, mwamubulagire, mkamweghatwe mute kwegolo.
\v 31 Mugwe akamughora kwa kuboko kwehe kwa wabalome ne akamganya eba eba mkolo wa muhonokya akahumya toba kwa Israewli, na ebahurumela ghadaba.
\v 32 Eshe ntule bamanyi ba makalaga bibyo, na nkolo mseri, olya Mugwe ahumiryen kwa balya bamusokire.”
\v 33 Bagabi ba Mwekorani bulya bojirye bobyo nakadabwa neregya bakakonda ebabulaga Batomwa.
\p
\v 34 Naga Farisayo abugwa Gamarieli, mmanyerya wa sheria asokirwe bantu boonse, akemya akabuga Batomwa bahumigwe hariri kahene.
\v 35 Ndiyoo akababiela, “Balome ba Idsiraeli ebani na bugha na muno geke mubugate ebagharya bantu babaa.
\v 36 Kwa bulya, nkya jihetire kala, Theuda abokire nameghora eba monto mukolo, na bantu bakehika magana ana bakamurohiya. Akabulagwa na bonse bakorye bamusokire bakajaragana na oba.
\v 37 Lilya monto oyo, Yuda Mugalilaya, akabokela nkya jijyo jya kwandekwa etolwa, akayuka bantu baneni eryehe. Nene ndyo akoba na boonse bakolagwa bamusokire bakajaragana.
\v 38 Riolo nababielate, ejikeryeni na bantu babaa na mubahabe boka kwa bulya ekala lele anga milemo eno jya bantu nekehabwa.
\v 39 Naga ekola lya Mugwe mutumune ehikya ebagirya mughegade mugekola rari musidanate na Mugwe.” Nyolo, bakojya makalaga jyehe.
\v 40 Ndiwho, bakabugela batomwa ndane na ebatura na ebabiela babe ebuga ebina lya Yesu na bakabahaba bagende kwobo.
\p
\v 41 Bakageera bushone bumoganwe bakaghamela kwa bulya babatalelwa eba bahikirye osolwa na ehabe esokwa kwa ebina lilyo.
\v 42 Kwa nyolo, kilya nkya, ndane ya hekalu na eboka nyumba na nyumba bakagendaga emanyerya na ebuga Yesu nwe mubirwa Maguta.
\c 6
\cl Mlyangu 6
\p
\v 1 Riolo kwa nkya jiiji, nkyajene jya Banafunzi ekolwa babarhosa manegena jaa Bayahudi ba Kiyunani likarugela kwa Waebrania kwa bulya bajane boboo bakorwe bahabirwe batigabelagwa hedaya nkya ja malya.
\p
\v 2 Batomwa ekomi na babele bakababugela emoganya lyonse lya Bamanyerigwa na ebuga, “Nti lijaeregu kweto ehaba ekalaga lya Mugwe na ebanerya mesegolo.
\v 3 Kwa riolo, ndogo lobolani balome muhungati eboka gate enye bantu bajaregu bojire Nkolo Museri na bujarego, builya tukehikya ebaha milemo eno.
\v 4 Na eshie tukeraserya kwonse eboka ehela na eboka milemo ya ebuga.”
\p
\v 5 Egaba lyobo likaghamerya boonse. Ndwoo bakamulobola Stefano monto ojire emanya na Nkolo Museri na Filipo, Prokoro, Nikanori, Timoni, Parmena, Na Nikolao, Mwongofu eboka Antiokia.
\v 6 Baumini bakaleta bantu bawho bushone bwa batomwa, bakehela na lyene bakabagitela miboko yobo.
\p
\v 7 Ndwo ekalaga lya Mugwelikajaregana na erosa Bamanyerigwa kokyo Yerusalemu; na erosa muno lya makuhani bakasoka imani.
\p
\v 8 Na Stefano ojire eghame na nguru, abere eghairya mahajabu na ebana muno gate ya bantu.
\v 9 Naga ayo bakaboka bantu bahiya ba sinagogi libugwe Sinagogi lya mhuru na lya Wakrene na lya Waeskandria na bamwe eboka Kilikia na Asia. Bantu babaa bale baboranatwe na Stefano.
\v 10 Naga batwatiehikya esidena na bujaregu na Nkolo elya Stefano ale agabelate kwa makalaga.
\p
\v 11 Ndwo bakabanerya bantu kwe ebisa ebuga, “Gubojya Stefano abugate makalaga jerumana kwa Musa na lya Mugwe.”
\v 12 Bakameserya bantu, balakolo, na Bandeka, n a gendela Stefano, bakamudaba na bakamuleta bushone bwa makolana.
\v 13 Bakabaleta bamanyi ba bwerehi, bakabuga, “monto oyo ahabe ebuga makalaga jabeju hantu ohe haseri na sheria.
\v 14 Kwabu twojirye abugate oho Yesu wa Nazareti agegharagharya hantu oho na elaja Desturi jilyatuherwe na Musa.”
\p
\v 15 Kwa omwo abere gate baraza akabanerya messo jyehe emuraberya Stefano, naboo bakabana busho bwehe bwale ekola busho bwa Malaika.
\c 7
\cl Mlyangu 7
\p
\v 1 Kuhani mukolo akabuga, “Bibugu bibi ni bya nsaba”?
\p
\v 2 Stefano akabuga, “Ndogo na baba bawa tegeryai niee: Mugwe wa sayo amughukere baba weto Abrahamu kya ale Mesopotamia, rari atwatitola Harani; 
\v 3 akamubiela, ‘Ekera kwa nseno yanyo na baheji banyo na agende kwa nseeno gekubania.’
\p
\v 4 Ndwo akagenda kwa nseeno ya Ukalidayo akatola Harani, eboka anyo lele esee akya, Mugwe akamuleta nseeno ndya batore riolo.
\v 5 Atwatiemuhagatu nkonse kwa klemuga wene, hatwati ekolwa na hantu rari he edare kugolo. Naga abrahamu aberye rari ekola atwati ebana mwana ekola akehebwa nsee kwegaba lyehe na bana behe.
\v 6 Mugwe agabire nene bobwe lya ekola ubwalo lwehe baketola kwa nsee ya Bageni, na ekola bene bakyo bakebaghanya ekolwa batomwa boboo na ebagharya bibeju bya nkya jya miaka magana ana.
\v 7 Na Mugwe akabuga, kebabekela muma nsee elya bake baghanya ebeteka, na lyaba anyo bakehuma na eghora kwa oho lele.’
\v 8 Na akamuha Abrahamu ng'oryeda ye muradwa nyolo Abrahamu akaba mwanehe Isaka akamumureda nkya ye nyanya; Isaka akaba mwanawhe Yakobo, na Yakobo akaba Baba wa mababu jieto ekomi na babele.
\p
\v 9 Bamulakolo beto bakamubanela nadaghanyi Yusufu bakamugorenya kwa nsee ya Misri na Mugwe akaba hamwe nene,
\v 10 na akamuhonokya kwa etirirwa muno na akamuha bujaregu na egaba bushone bwa Farao Mwekorani wa Misri. Farao akamughanya aba Mwegeri oho Misri na egolo ya Nyumba yehe yoonse.
\p
\v 11 Basingo kukaghuka jalo kolo na taabu jineni kwa nsee ya Misri na Kanani, na baba beto batwati ebana malya. 
\v 12 Naga Yakobo akojya hale buhebe Misri, akatoma baba beto mara lya kwanza.
\v 13 Egenda sabari ya kabele Yusufu akebanisha kwa ndogo jyiehe, ndogo yehe Yusufu akamanyekana kwa Farao.
\v 14 Yusufu akatoma ndogo jyihe egenda ababiela Yakobo babawa mwobo aje misri hamwe na bahenji behe kwetola bantu bonse niu milonge muhungati na batanu.
\v 15 Ndwo Yakobo akahoroka Misri; ndyo akakya wene hamwe na bese.
\v 16 Bakebalwa baga Shekemu bakaryuekwa kwa Kisimiri lilya Abrahamu aligorire kwa robinya eboka kwa bana Hamori gokyo Shekemu.
\p
\v 17 Kya jilya aberwe jya Mugwe amuberire Abrahamu bulya asugurere bantu bale babarosa gokyo Misri.
\v 18 Kya jinyo akaboka Mwekorani onge wegera Misri, Mwekorani atije rari Yusufu.
\v 19 Oyo Mwekorani onge akasaba bantu beto ne bagharya bibeju Baba beto, na nenta bana boboo baghera ebuga bahabeenkolo.
\p
\v 20 Kya jyene Musa akabialwa; ale haloha bushone bwa Mugwe akalelwamieri edatu kwa nyumba ye see.
\v 21 Kya jinyo, aterwe mwana baka wa Farao akamutola akamulela bwe Mwenihe.
\v 22 Musa akamanyerigwa emanya bwonse bwa Kimisri ale na nguru kwa egaba na eghanya.
\p
\v 23 Naga kya jyajehika miaka milonge ena, bikamujela kwa nkolo yehe etuba ndogo yehe bana ba Israeli.
\v 24 Bulya abande Mwisraeli agharigatwe bubeju, Musa akamuresha neleha sire ye banelwa kwe ebuga Mmisri:
\v 25 Akagera ekola ndogo yehe bakemanya abwa Mugwe akebahonokya kwa kuboko kwehe, naga batwati emanya.
\v 26 Nkya elijaerohirye akagenda kwa bamwe Waisraeli bakolagwa badegenate akabekerarya akabuga, ‘balome, she mule ndogo hiniji muhoberanatwe enye kwa enye?’
\v 27 Naga olya ahoberye jirani yehe akamuruguta halehu, na akabuga, ‘Noo abakuganya Mwegeri wetwekeranya weto?
\v 28 Whee akondate ebulaga bwe olya wabulagire egolo Mmisri?’
\v 29 Musa akaroha lele onjya bonyo; akaba mugeni kwa nsee ya Midiani, ghokyo akaba mlakolo wa bana babele.
\p
\v 30 Anamuna miaka milonge ena eheta, Malaika akamughjubukela nsee ya njomo ya ngita Sinai, gate ya moki ndane ya esaka.
\v 31 Nkya Musa abande moki akadeka na eghaghama kilya abankibana na akadadaghaesunguira ebuga ekiraberya, ero lya Mugwe likajaemubiela.
\v 32 ‘Niee Mugwe wa baghonyo bayo Mugwe wa Abrahamu na wa Isaka, na wa Yakobo.’ Musa akabedana atwati emahela.
\v 33 Mwegeri akamubiela, ‘Humya birato bwanyo hantu oho wemire ni hantu haseri. Babana taabu ya bantu bawa bale Misri;
\v 34 nibonya erwari lyobo, nanye baharoka ebuga bahonokye; riolo enjoo, ngekutoma wee Misri.’
\p
\v 35 Oyo Musa olya bamulegire lelyo abugire, ‘noo aakugitere eba Mwekorani na mwekeranya weto?’-- ale nwe olya mugwe amutomire Mwekorani na wehonokya. Mugwe amutomire kwa kuboko kwa Malaika olya amughubukere Musa asokandarie.
\v 36 Musa akabehetela eboka Misri anamuna nya aghairye miujiza na eng'asa gate ya Misri na gate ya bahari ya Shamu, na gate kwomo kwa milonge ena.
\v 37 Ni Musa oyo nwe ababiere bantu ba Israeli ekola, ‘Mugwe akebahumerya nabii eboka kwa ndogo yenyu nabii aga nwe.’
\v 38 Oyo ni monto olya ale gati kujaghanwe bwelo na Malaika olya agambire nene gate ngita Sinai. Oho nwe monto olya ale na baba weto, oho ni monto olya ojirye ekala lile majiegi na akatuha neshe.
\p
\v 39 Oyo ni monto ol; ya baba weto balegire emusoka; bakamulegera halehu, na gate nkolo yobo bakahondokela Misri.
\v 40 Nkya jijyo kekyo bakamubiela Haruni, ‘Tugharye bagwe bahetele. Oyo Musa, akoranaga eboka gate nsee ya Misri, tutije kilya kimubande.’
\v 41 Ndwo bakagharerya ghajau kwa nkya jijyo na bakehumiya sadaka kwa sanamu na bakaghamela kwa bulya ya milemo ya miboko yobo.
\v 42 Naga Mugwe akabelaja na ebaha bbehele njoto jwa kwegolo bwebulya kyandekirwe kwa gitabu kya Manabii, ‘Niji mubaghumerya nwe sadaka jya ngobe mwasenjire bwelegolo miaka milonge ena nyumba ya Israeli?
\v 43 Mubendekela mutala hejaghana na Moleki na njoto ya mugwe refani, na bisha eyo mugharere enye na ehela boo: na nkebahira halehu eheta Babeli.’
\p
\v 44 Baba betob bale na mutala nye yaghana lya emanya bwelo bulya Mugwe ababiere agambire na Musa, ekolwa aleaghairerya kwa Mwaganigwa gekyo abande.
\v 45 Lele ni hema elija baba beto, kwa nkya jyobo bakaleta mujye ni Joshua. Lele lyaghubukire nkya elya basharire etola nsee elya mugwe abarohirye eboka lyekolwa baba beto. Lele lyakorwe bonyo eboka nkya jya Daudi,
\v 46 wene akabana ekondwa messone jaa Mugwe na akehela esora butolo kwa Mugwe wa Yakobo.
\v 47 Naga Selemani obnokire nyumba ya Mugwe.
\p
\v 48 Naga riolo olya egolo atitore kwa nyumba jyabokirwe kwa miboko, lele liga nabii bulyaabugire,
\v 49 ‘Bighondu ni horiga yawa kwegholo na gisselo geke ni hantu nhegitela magholo jawa. Ni nyumba egaba mukajobokela? Ababuga Mwegeri; anga ghaha hantu hawa heduduta?
\v 50 Tii kuboko kwawa kughairye bibi binto nyonse?’
\p
\v 51 Enye bantu mule eghoti libibo mutimurandire nkolo na masikio, kilya nkya nyonse mulegaga Nkolo Museri,’ mwaghairya bwe baghonyo bulya baghairye.
\v 52 Ni nabii ke katika manabii olya baghanwo bahamire emutirira? Babulagire Manabii boonse balya baghubukire kyajyeja omwe ale wa saba na riolo mubaba mubelarijoka na emubula enye ssei.
\v 53 Enye bantu muherwe sheria elyua ebugirwe ni Malaika naga mutinyighire.”
\p
\v 54 Ghai bekorani ba baraza bulya bonjirye bighori bibi, bakahela nkolo jyiobo, bakabubura Stefano magego.
\p
\v 55 Alele wene, bakaba ojire Nkolo Museri, akalaberya kwegolo kwa bughara na akaba na bujaregu bwa Mugwe; na emubana Yesu emire kuboko kwa wabalome wa Mugwe.
\v 56 Stefano akabuga, “Laberya babana bighundu bibahingoka, na Mwana wa Adamu nemire kuboko kwa wabalome wa Mugwe.”
\p
\v 57 Alele bekorani ba baraza bakasega egaba kwa ero lya egolo, bakaribya masikio jyobo, bakamurohela kwa hamwe,
\v 58 Bakamugaba kahane ka mujye na bakamubulaga kwa mabwe: na babanerya bakahumia ngobi jyobo jya kahane na edaghara nsee handinko na magolo ja mutana abugelagwa Sauli.
\v 59 Bulya bamulagaga na mabuire Stefano akabugela Mugwe na akabuga, “Mwegeri Yesu, hai nkolo yawa.”
\p
\v 60 Akasega birugunyi na akabiele kwa ero lineni, “Mwegeri, habebetalela ghadaba eno.” Bulyabugire jaja, nkolo ikanyeka.
\c 8
\cl Mlyangu 8
\p
\v 1 Sauli naleho kwa kwebelana lya lukyo lye. Nkya eyo ndwo akabarunela suha ya Kanisa lyakolagwa Yerusalemu; na bamanyi bonse balya bajaragane katika mijye ya yudea na Samaria, ehaba batomwa.
\v 2 Bantu bakonde Mugwe bakamuryeka Stefano na bakaghairya emujurera kwamune kwa lyehe.
\v 3 Alele Sauli abudagire muno Kanisa. Akagenda Nyumba kwa nyumba na abarugutaga kahane baka na balome na abaganaga Gerezani.
\p
\v 4 Bamanyi balya bale bajaregane batwati ehaba ehubiri ekalaga.
\v 5 Filipo akahoroka eboka mujye wa Samaria na amubuga Kristo gokyo.
\v 6 Lele lya enjoghane bakojya na ebana bighori bibaghaigwa, Filipo; bakadara bujaregu egolo lya kilya abugire.
\v 7 Eboka lyene bantu baneni balyabojirye, Pepo bachafu bakabahu bantu nkono bajurate kwa egaba lineni na bange bomire na maghabu bakahorigwa.
\v 8 Na kukakolwa na maghamela jakolo gate ya mujye.
\p
\v 9 Alele hale monto omwe gate mujye jonyo ebina lyehe Simoni, bulya abughayagya bantu akaghaghana bonse ba Samaria nkya akabuga ekola wene ni monto wa saba.
\v 10 Basamaria boonse eboka muriri kagera ekola bakamutegerya; bakabuga, “Monto oyo no olya ale na nguru ya Mugwe jilya jikolo.”
\v 11 Bakamutegerya, kwa bulya ababadekya haneni kwa bulogi bwehe.
\v 12 Alele nkya jilyabendekere ekolo Filipo akahubiri lya bwegeri bwa Mugwe na lya ebina lya Yesu Kristo, bakabadishwa balome kwa babaka.
\v 13 Na simoni mwene akedekela lya badishwa akakolya ekolya na Filipo; bulya abande bigu na bighori bikolatwe bighaigatwe, akadeka.
\p
\v 14 Nkya batomwa ba Yerusalemu bul; yua bojirye ekola Samaria babedekela ekalaga lya Mugwe bakabatoma Petro na Yohana.
\v 15 Nkyajinyo bakakolagwa baharogate bakabehela; bulya edekelai nkolo Museri.
\v 16 Egora geri eyo, Nkolo Museri akorwe atwatiebaharokela rari omwe wobo; Balekyoka babadisirwe kwe ebina lya Mwegeri Yesu.
\v 17 Ndiyoo Petro na Yohana bakabagitela miboko nabo bakahebwa Nkolo Museri.
\p
\v 18 Geri Simoni abande ekola Nkolo Museri nabahumigwa eletya egitelwa miboko na batomwa; akakonda ebaha robinya.
\v 19 Akabuga, “Ghai nguru, jiiji ebuga olya bamugitela miboko ahebwe Nkolo Museri”
\v 20 Alele Petro akamwubiela, “Robinya yanyo hamwe nawe nwobele kulehu, kwa bulya obagera ebana karama ya Mugwe ebanekanaga kwa Robinya.
\v 21 Oti gantu kwa nkindo geke kwa bulya Nkolo yanyo ti jaregu bishone bwa Mugwe.
\v 22 Nyolo goo tubu gh'adaba jyanyo na ehela Mugwe ekola nakekuhurumela bya Nkolo yanyo.
\v 23 Kwa mamuna bene ole gate sumu ya bulolo na jela ya gh'adaba.”
\p
\v 24 Simoni akanjokya na kabuga, “Ehelai Mwegeri kwa lyawa kwa bulya bibugu nyonse mkalagire binkeghade eghubukela.”
\p
\v 25 Geri Petro na Yohana bakolagwa babelate ne ebuga ekalaga lya Mwegeri, bakanjoka Yerusalemu kwa nkondo eyo; bakahubiri injili eboka minye eneni ya Basamaria.
\p
\v 26 Basingo Malaika ba Mwegeri akabuga na Filipo na akabuga, “Labya na ogende kusini eboka nkondo egendire nsee ya Yerusalemu ehanya Gaza.” (Nkondo eno ele eboka bwelo).
\v 27 Akalabya na akagenda. Raberya, hakolagwa na Monto wa Ethiopia, atibeho ale bukolo buneni kwa Kandase; Malkia wa Ethiopia. Olya ale egolo ya binto bwehe byopnse nene akaba abagenda Yerusalemu Kwehela.
\v 28 Akorye ajokate anyotirye mudokeggelo njwehe asomate chuo na nabii Isaya.
\p
\v 29 Nkolo akabuga na Filipo, “Sungura handinko na mudaka njojo okanyighane nalyo.”
\p
\v 30 Ndioo Filipo akagenda lyo, akamutegerya asomate kewa chuo kya nabii Isaya; akabuga, “Ale nemanyate kilya osamate?”
\p
\v 31 Muethiopia akabuga, “Akamubiela Filipo lenjela mudoke egolo na umutye hamwe nene.
\p
\v 32 Riolo fungu lya maandiko lilya akolagwa asomate Muethiopia lele; Akahetelwa bwe ng'ondi egenda masewnjelone esenjwa; na kwa ng'ondi akasisa lyonse, atyatiehingola kanya kehe:
\v 33 Kwa eragya, lyehe bubeju bwehe bukekekrigwa: Ni noo akekaragerya mubyalolo jyehe? Butolo bwehe bubekerigwa kwa nsee.”
\p
\v 34 Riolo Towashi akamuborya Filipo na akabuga, “Nikwehelate, no nabii oyo olya abugatwe habari jyehe nwe wene anga ni monto onge?”
\v 35 Filipo akaanza egaba, akaanza kwa lyandikwa lele lya Isaya emuhibiria makalaga jya Yesu.
\p
\v 36 Bale nkondo, bakahika hale na mai; Towashi akabuga, “Raberya, gale na mai oho niinji kiratye gabeebadishwa?”
\v 37 (Egaba lele, Ndyo Muethiopia akabuga, “Nejindekere ekola Yesu Kristo nwe Mwana wa Mugwe,”) jatiho kwa andekwa ya kala. 
\v 38 Ndiyoo Muethiopia akabuga mudoka nyeme. Bakagenda ndane ya mai hamwe Filipio na Towashi, Filipio akabadisha.
\v 39 Bulya ahumire mai ndane Nkolo wa Mugwe Ekamuhira Filipo kulehu; Towashi atyatiemubana akagenda nkondo yehe aghameela.
\p
\v 40 Alele Filipo akaghubuka Azoto. Akaheta kwa etongo njojyo na ehubiri ekalaga mijye yonse egora akahika Kaisaria.
\c 9
\cl Mlyangu  9
\p
\v 1 Alele Sauli akatubugera edekya egora bya lokyo kwa bamenyerigwa ba Mugwe akagenda kwa kuhani mukolo
\v 2 na Emwehela borwa kwa bulya ya Masinagogi gokyo Dameski ebuga ekola abana monto ale kwa nkondo eyo aba wabalome anga wabaka, ababohe na ebaleta Yerusalemu.
\p
\v 3 Egora akakolwa agendate, kikaghubuka ekola asungurate Dameski, nwogo akabasigwa haranyonse nubasho eboka kwegolo.’
\v 4 Nene akagwa nsee na akojya egaba akabelwa, “Sauli, Sauli niinji obatirira niee?”
\v 5 Sauli akajokya, “We no egeja Mwegeri?” Mwegeri akabuga, “Nee ndye Yesu ongoberatye; 
\v 6 Alele boka, shala mujye, nawe nokebielwa kilya okondatwe eghairya.”
\v 7 Balya bantu bagendane hamwe na Sauli bakasisa muno, bategeratye ero batibnone monto.
\v 8 Sauli akaboka kwa nsee na akabyola meso jyehe atyatiebana gantu bakamunyighana nkuboko bakamuhira egora Dameski.
\v 9 Kwa nkya esatu atibone, atilagelate, nanga atinyejate.
\p
\v 10 Basingo hakolagwa mumanyerigwa Dameski ebina lyehe Anania, Mwegeri akabuga nene kwe eraryoka, “Anania.” Na akabuga, “Raberya, ninde oho Mwegeri.”
\v 11 Mwegeri akamubiela, “Boka gende gokyo kwa hara ebuga njaregu, na kwa nyumba ya Yuda na ukaborye monto eboka Tarso abugelagwa Sauli; kwa bulya bana nehelate;
\v 12 na akamubana kwa biraroku monto ebina lyehe Anania akashala ne mugetala miboko egolo yehe ebuga Nkolo agwate ebana.”
\p
\v 13 Alele Anania akanjokya, “Mwegeri, njojirye habari jya monto oyo kwa bantu baneni, kwa bulya agharerye bubeju baseri ba gokyo Yerusalemu;
\v 14 Oho ale nguru eboka kwa kuhani mukolo ebadaba olya omwe abugelate ebina lyanyo.”
\p
\v 15 Alele Mugwe aamubiela, “Genda, kwa bulya whene ni gantu dobnore kwawa ebale ebina lyawa bushone bwa Mataifa na begeri na bana ba Israeli.
\v 16 Kwa bulya kebabanya bilya bineni bikemughanya etiriryoo kwe bina lyawa.”
\p
\v 17 Anania akagenda, akashala anyo nyumbane; Akabugiotela miboko akabuga, “Mondogo Sauli, Mwegeri Yesu, akuhumere kwa nkondo wakolagwa ongendate, abatoma obane lenge na ohwebwe Nkolo Museri.”
\v 18 Lyo bikatonya mesone njehe binto binga magaba, akabana, akema, akabadishwa; akalya malya na akabana nguru.
\v 19 Akamutwa hamwe na bamanyerighwa kokwo Dameski kwa nkya jineni.
\p
\v 20 Geri njinyo njinyo akamubuga Yesu kwe nyumba jya dini, akabuga wene ni Mwana wa Mugwe.
\v 21 Na boonse bulyabojirye bakadeka na ebuga, “Tiwe monto oyo agharagharye bonse balyabugere ebina lele gokwo Yerusalemu? Na oho sjire kwe magusudi jebaboha ne bahire kwa bakolo.”
\v 22 Alele Sauli akahebwa ehubiri na ebaghanya Bayahudi bamutirye Dameski bakadekanya na akaghareha ekala oyo nwe Kristo.
\p
\v 23 Njikaheta nkya jineni, Bayahudi bakaghairya ebuga hamwe eba bamubulage.
\v 24 Alele mibago yobo ekamanyekana na sauli. Bakamwebisela mulyanguni mussenya na nanabudiko ebuga bamubulage.
\v 25 Alele Bamanyerigwa behe bakamutola nabudiko bakamuhumwa eletya bugutegolo, bakamuhanokya nsee kwa kikapu.
\p
\v 26 Na Sauli akahika Yerusalemu akadadagha esharerya na bamanyerigwa alele na bakakolwa bamuryalatebantekelate ekola wene ni mumanyerigwa.
\v 27 Alele Barnaba akamuhira kwa bvatomwa, akababiela bulya Sauli abande Mugwe nkondo na Yesu agambire nene na bulya Sauli akahubiri kwa nguru jya ebina lya Yesu gokyo Dameski.
\v 28 Akajaghana nabo bulya basharire na ehuma Yerusalemu. Akabuga kwa nguru jya ebina lya Yesu,
\v 29 Aboranatye na Bayahudi bakiyunani badadaghate hari hari emubulaga.
\v 30 Geri ndogo bakamanya kighori gokyo, bakamuhira baga Kaisaria, na bamuhire agende Tarso.
\p
\v 31 Basingo Kanisa lyonse eboka Uyahudi, Galilaya na Samaria, likondolwa na kuholo na linkobolwa na egenda kwa ndedulu ya Yesu na eghamela lya Nkolo museri Kanisa likakola kwerosa baneni.
\p
\v 32 Ndyo akaghubuka Petro akolagwa aghobatye halei nyose jya Mkoa, akaharokela baumini batore kwa mujye batore kwa mujye jwa Lida.
\v 33 Akabana gokyo monto omwe ebina lyehe Ainea, monto oyo abere arere buselegolo niwika enana kwabulya abere omire.
\v 34 Petro akamubiela, “Ainea, Yesu Kristo akuhorye; Boka wejalele busele bwanyo,” lyene akaboka.
\v 35 Na bantu bonse batore Lida na sharoni bakamubana monto onyo bakahondokela Mugwe.
\p
\v 36 Hale mumanyerigwa Yafa abugelagwe Tabitha likaba likelajwa ebuga “Dorcusi” oyo wabaka ojire milemo njaregu na naghairye kwa Masikini.
\v 37 Kukaghubuka nkya njinyo akarwara na akakya; bulyabamusabirye, bakamulenjerya chumba ya kwegolo emudaghare.
\p
\v 38 Kwa bulya Lida yale hadinko na Yafa, na Bamanyerigwa bankojya ekola Petro alegokyo, akabatoma bantu babele kwehe bamwehelate “Enjoo kweto bila edagha.”
\v 39 Petro akaboka na akagenda hamwe nabo. Bulyaahikire bakamuhira kwa chumba ya kwegolo na bajane bonse bakema hadinko nene bajurate, bakamubanya ngobi jilya Dorcasi abatumere nkya jilya ale hamwe nabo.
\v 40 Petro bakahumya boonse kahane ya Chumba, asega birugunyi akehela, ndiyoo akahondokela mubele akabuga, “Tabitha booka.” Akabyola messo jyehe na bulya abande Petro akamutya nsee.
\v 41 Ndyoo Petrro akamuha nkubunko kwehe akamubokya na akabugela bamanyi na bajane akamuboha kwabo ale serye.
\v 42 Bibugu lele likamanyererya Yafa yoonse, na bantu baneni bakamwendekela Mwegeri.
\v 43 Likaghanya Petro emutya nkya jineni Yafa hamwe na monto abugelagwa Simoni mughanya gobi.
\c 10
\cl Mlyangu 10
\p
\v 1 Hale monto kwa mujye jwa Kaisaria ebina lyehe ababugelagwa Kornelio ale Mukolo wa gikundi kya Kiitalia.
\v 2 Ale akonde Mugwe na ebugela Mugwe na nyumba yehe yonse; ahumagwa robinya jineni kwa Bayahudi na ehela klwa Mugwed nkya njyoonse.
\p
\v 3 Geri ya saa ekenda ya mussenya, akabana biraroku Malaika wa Mugwe abaja kwehe, Malaika akamubiela, “Kornelio!”
\p
\v 4 Kornelio akamuraberya Malaika na ale na budeki buneni muno akabuga “Niinji geke mkolo?” Malaika akamubiela, “Ehela lyanyo na sadaka jyanyo kwoha Maskini jibahika kwegolo kwa etereragya kwa ekolya Mugwe.
\v 5 Riolo toma bantu egenda munye wa Yafa emuleta monto abugelatwe Simoni olya ssei abugwa Petro.
\v 6 Atore na mugharerya gobi abugwa Simoni olya nyumba ehe ele mubale jwa mai.”
\v 7 Bulya Malaika ale agambate nene akagenda, Kornelio akababugela baghanya nyumba yehe babele, na sigari babere wehela Mugwe gate ya masigari akolagwa araseratwe.
\v 8 Kornelio akababiela jyonse bilyabughubukire na akabatoma Yafa.
\p
\v 9 Nkya erohirye geri ya saa esa edandatu bale nkondo na basungurate mujye Petro akalenjela egolo mutalaegolo ehela.
\v 10 Na lyene akaba na jalo akakonda kindo kwelya, alele geri bantu baghayatye malya akabanigwa miryaroku,
\v 11 akabana egolo kubahingoka na kindo kiharogate kindo kiga gobi eneni ebaharoka nsee kwa reri egolo kwe ebana kwehe kyonse enya.
\v 12 Ndane yehe hale maraghu njonse bale na magolo anana na bajaraganate egolo lya reri, na nyonyi nyeegolo.
\v 13 Lenge eroo ebuga kwehe “Boka, Petro senja na olya.”
\p
\v 14 Alele Petro akabuga, “Ti bivyo bonyo, Mwegeri kwa bulya tiyati elya kindo kyonse katikijaregu na kitigiseri.”
\p
\v 15 Alele ero lenge lya kabele “Kilya kisabirigwe Mugwe habekibugela kibeju nanga tikiseri.”
\v 16 Lele kyaghubukire lya kadatu, na kindo gekyo kibalwa lenge kwegolo.
\p
\v 17 Na geri Petro ale kwa lelyo, akatirirreka kwa lelyo biraryoku bibanishatwe jiraberya bantu balya batomirwe na Kornelio bemire bushone bwa mulyangu, baboratye nkondo yegenda kwa nyumba.
\v 18 Na bakahugela ne borya ekolo Simoni olya abugelagwa Petro natore oho.
\p
\v 19 Ger eyo Petro Petro akolagwa asate egolo lya biraryoku Nkolo akabuga nene, “Raberya bantu badatu bakusorate.
\v 20 Boka na uharoke nsee na ogende nabo. Haberyala egenda nabo kwa bulya nibantomire.”
\p
\v 21 Petro akahoroka nsewobo na kabuga, “Niee olya mussorate. Niinji bobyo mubaja?”
\p
\v 22 Bakabuga, “Akida omwe ebina lyehe kornelio monto wasaba na akonde ebugela Mugwe na bantui emubuga bujaregu kwa Taifa lyonse lya Kiyahudi ababelwa ni Malaika wa Mugwe wkutoma ebuga ogende kwa nyumba yehe ebuga onye bujumbe eboka kwanyo.”
\v 23 Petro akabakaribisha eshala ndane emutwa hamwe nene, na ndogo bariri eboka Yafa akagendana nene.
\p
\v 24 Nkya eyalabu bakaja Kaisaria. Na koprnelio abere babetire; na ale babugela hamwe ndogo jyehe na bahenji behe ba bahandinko.
\v 25 Geri Petro akashala ndane, Kornelio akamutebela na eghuma baga nse magolo jyehe lyemusoka.
\v 26 Alele Petro akamubokya na kabuga “Ema; niee mwene sei nde monto.”
\p
\v 27 Geri Petro ababate nene akagenda ndane akakola bantu bamogane hamwe.
\v 28 Akababiela, “Enyie enyeka muje ekola tibyo sheria ya Kiyahudi egendana nanga etubwa ni monto olya olya atiwa Taifa lele. Alele Mugwe abamanya niee ekola gabe ebugela monto wonse ni mubeju nanga ti Museri.
\v 29 Na ndyo bajela twati elega batomwa kwa lelyo. Kwa nyolo baborye kwa njii mutomirye kwawa.”
\p
\v 30 Kornelio akabuga, “Nkya enya hetire, geri jinga jiiji nale jihelate geri ya saa ekenda mussenya ndane ya nyumba yawa kabana bushone bwawa monto emire ebekire gobi njelo.
\v 31 Akambiela ‘Kornelio ehela lyanyo dibojigwa ni Mugwe na ehumwa lyanyo lyanyo kwa masikini jibaba eterigwa bushone bwa Mugwe.
\v 32 Ryolo toma monto Yafa na akabugele monto omwe abugelatwe Simoni aje kwenyu, olya ssei abugilatwe Petro. Olya atore wa mugharerya wa gobi omwe abugelagwa Simoni bulya olya nyumba yehe ele mubale jwa mai.
\v 33 Tegeryai: morwa jojyo, Nene ajokirye abugire nenyie, Utiho kwa jandekwa jya Kala.”
\p
\v 34 Ndiyoo Petro akahingola kanya kehe na ebuga “Ndyasaba, nibendekela ekola Mugwe ati ekolagwa na ebanela.
\v 35 Anamuna yehe, kilya Taifa monto wonse amuhelaga na eghairya bibugu bya bujaregu nakendekelwa kwehe.
\v 36 Namanyire ekalaga abuhumirye kwa bantu ba Israeli, akolagwa abugate kusikelo kujaregu kwa kuholo eboka Yesu Kristo, Kwa bulya ni Mugwe wa boonse.
\v 37 Enyie bene mijye nkilya kighubukire n klwa Bayahudi bonse lirunelele Galilaya kwa bulya lya ebadisha ebuga Yohana.
\v 38 Masikela jya Yesu Kristo bulya Mugwe amubirire maguta kwa Nkolo Museri na nguru nene. Akaghobya kano na kano aghayatye milemo njaregu na ehorya bonse balya babanererwe kiryoka, Kwa bulya Mugwe ale hamwe nene.
\p
\v 39 Neshetulebatubugeri ba bibugu bionse aghairye kwa nsee jya Uyahudi na kwa Yerusalemu-oyo ni Yesu bamubulagire na bakamuhamagya mtegolo.
\v 40 Oyo monto Mugwe akamuryokya nkya ya kadatu na emuha emanyekana,
\v 41 ti kwa bantu bonse, alele kwa batubegeri balyabaloborwe ebokana na Mugwe -eshe bene twalagere nene ne enywas nene nkya eryoka eboka kwa berera.
\v 42 Akatubiela tubele bantu na ebojorya ekola oyo nwe ndye olya Mugwe alobore eba mwekerania wa bale majiegi na bakire.
\v 43 Kwa wene manabii bonse balibuge ebuga ekola olya abedekela kwa wene akehebwa ehurumelwa gh'adaba kwa ebina lyehe.”
\p
\v 44 Geri Petro agendate ebuga jayoo, Nkolo Museri akabojorya bonse bakolagwa bategeratye bujumbe bwehe.
\v 45 Bantu bene baghareratye gitwe kya bamanyi balya bamuradire-bene bonse bakeja Na Petro-bakadeka, kwa bulya ya Karama ya Nkolo Museri abetetelwa eghora bamataifa.
\v 46 Kwa bulya bakojya banyo bamataifa bagambate kwa kigabo kinge na eyoehela Mugwe. Petro akajyokya.
\v 47 “Kwani ghale monto wonse akeghanya egirya mai ebuga bantu bahabebadishwa, Bantu babaa babedekela Nkolo museri bwe eshe?”
\v 48 Ndiyoo akabuga babadishwe kwew ebina lya Yesu Kristo, lyene bakamwehela ayutwe nabo nkya jiriri.
\c 11
\cl Mlyangu 11
\p
\v 1 Batomwa na ndogo ba; lya bakolagwa gokyo Yudea bakojya ekola bamatongo babedekela ekalaga lya Mugwe.
\v 2 Petro akeja kokyo Yerusalemu, lele kitye kya Bantu bamuradirwe bakamurunela emunywa ebuga.
\v 3 “Obonyighana na bantu batimuredire na elagela nabo.”
\p
\v 4 Ale Petro akarunela ebabiela gekyo kwa muno; akabuga,
\v 5 “Nele njehelate kwa Mujye jwa Yafa na kabana bireryoku bwa kantu kaharogate kwonse kiga ngobi eneni eharogate eboka Kwegolo kwa hara jyehe nyonse enya. Kikaharokate kwawa.
\v 6 Kakikraberya na kwanza kwa geke. Kabana maragu bale na magolo ana batore kwa nsee na jasegenane na jatabalate na nyinyi jya kwegolo.
\v 7 Ndyo kojya egaba ebugate nanyie, “Boka Petro seja na olye!”
\p
\v 8 Kabuga Tivyo byo, Mwegeri, kanya kawa katyati elya kyonse kiti seri naga kyaghororo”
\v 9 Ale ero likababiela lenge eboka kwegolo kilya Muigwe akisabirye kiba kyelo, abekibugela kinyoko.
\v 10 Geke kya ghubukile kagana kadatu na kila gantu kikatolwa Kwegolo lenge.
\p
\v 11 Raberya, Ngara jijyo bantu badatu bale bemire bushone bwa nyumba elya twale, batomirwe eboka Kaisaria eja Kwawa.
\v 12 Nkolo akababiela genda nabo na naghabe ehovyana nabo, Babaa balome badatu bakagenda hamwe nanye na tukagenda kwa nyumba ya Mweto omwe.
\v 13 Akatubiela bulya amubande Malaika emire ndane ya Nyumba hehe akabuga, “Toma Yafa anyele Simoni olya ebina Lyehe ligina ni Petro.
\v 14 Akegaba elaga kwenyu kwa lelyo ohonoke whena nyumba yanyo yonse.”
\v 15 Bulya narunerere egaba nabo, Nkolo Museri akabasha egolo yobo bwebulya ajire kweto lyabele.
\v 16 Niteratye lya Mugwe b ulya abugire, “Yohana abadisire kwa mai nanga mukebadiswa kwa Nkolo Museri.”
\v 17 Wakola mugwe abahumwa sawadi bwebulya atuhere eshe twedekere kwa Mwegeri Yesu Kristo niye na nkeba ngikye elegana na Mugwe?”
\p
\v 18 Bulyabojirye bighori bighori bibyo batwatienjokya ndyo bakaghora Mugwe na ebuga, “Mugwe na ebuga Mugwe obahumwa ebahurumela kwa babaa ba Matongo nabo.”
\p
\v 19 Basi ngo nobamanya balya batirirekire erunela lya lokyo lwa Stefano bakajaregana eboka Yerusalemu- bakamanya babaa bakagenda halehu egora mugero Foinike, Kipro, na Antiokia. Bakababiela bujaregu bwa Yesu bwoka bwehe kwa Bayahudi ni tii kwa bange banga bonse.
\v 20 Nagogo bange banyo ni bantu eboka Kipro na Krene, bajire Antiokia na ebuga na Bayunani na ehubiri Mwegeri Yesu.
\v 21 Na kuboko kwa Mugwe kwale hamwe nabo na bantu baneni bakedekela na bakahondokela Mwegeri.
\p
\v 22 Habari jiobo jikahika masikelonin jyaa Kanisa la Yerusalemu na bakatoma Barnaba agende egora Antiokia.
\v 23 Bulyajire na akabana Karama ya Mugwe akaghamela na akababiela ngurubonse etigwa na Mugwe kwa nkolo jyiobo.
\v 24 Kwa bulya ale monto mujaregu na ababagha jwa Nkolo Museri na edekelya na bantu baneni bakarosa kwa Mwegeri.
\p
\v 25 Kwaryene Barnaba akagenda Tarso ebana Sauli.
\v 26 Bulya amubande, akemuleta Antiokia. Ikaba kwa Mwaka wonse bakajaghana hamwe na Kanisa na ebamanyerya b antu baneni na bamanyerigwa bakabugelwa Bakristo kwa limwe gokyo Antiokia.
\p
\v 27 Kwa nkya jiiji banabii bakaharoka eboka Yerusalemu egora Antiokia.
\v 28 Omwe wobo ni Agabo ndyo ebina lyehe akema akahararerwa na Nkolo kukeba jalo mbeju kukeghubuka nseeno kwonse geke kyaghubukire kya budiko bwa Klaudio.
\v 29 Kwa liene, Bamanyerigwa, egora omwe abere abande bakaamua ehira eraserya ndogo bale Buyahudi.
\v 30 Bakagharya bobyo; bakatoma robiya kwa kuboko kwa Barnaba na Sauli.
\c 12
\cl Mlyangu 12
\p
\v 1 Nkya jijyo Mwekorani Herode akahira kuboko kwehe kwa bariri bene babokate kwemogana ebuga batirirwe.
\v 2 Akamubulaga Yakobo mwondogo wehe Yohana kwa Lohyo.
\v 3 Kwa lyene ebana ekola libaghamerya Bayahudi akamudaba na Petro lenge. Lyene kwale nkya jya mikate enjaregu.
\v 4 Bulyaamudabire akamudagha njela na akadara bikosi bina bya Sigari ebuga emuredekela ale abentelate emuhira kwa bantu Pasaka ebaheta.
\p
\v 5 Petro akadagarwa Gerezani, nagogo bakehela kwa ekonda na bonse kwa wene kwa Mugwe.
\v 6 Nkya hene Herode atwati egenda emuhumwa, budiko bwene Petro arare gategate ya Sigari babele, ale abohirwe na minyororo mubele, na barenderi bushone bwa mulyangu bake barenderi jela.
\v 7 Raberya, Malaika bwa Mwegeri lyoo akamughubukela na bwelo bukabasha ndane, Akamusega Petro baru na akamubokya akabuga, “Boka guduguda.” Ndyo minyororo nelya abohe ekatigoka eboka kwa miboko hehe.
\v 8 Malaika akamubiela, “Ebohe ngobi jyayo tugala biratu jyayo.” Petro akaghaya byo. Malaika akamubiela, “Ebohe ngobi yanyo na adohiye.”
\v 9 Mbyo Petro akamurohya Malaika na kuhuma kahane. Atwati edekela kilya kibaghaigwa ni Malaika ekola kya nsaba. Akaghera abanate miraryoku.
\v 10 Ekola nabaheta Mulyangu jwa mbele na jwa kabele bakahika kwa Mulyangu jwa Chuma jwe shala egenda mijye jukahingoka jweka kwa bulya lyobo. Bakahuma kahane bakaharoka kwa Mujye lye Malaika akamuhaba.
\v 11 Petro bulya Amanyire akabuga, “Ryolo nibendekela ekola Mwegeri atoma Malaika wehe ebuga ughumwa kwa miboko ya Herode, na bkwa ebetela lya bantu bonse ba Buyahudi.”
\p
\v 12 Lyene kwemanya bibi, akaja kwa nyumba ya Mariamu mugharisha wehe Yohana ulya abugirwe Marko. Bakristo baneni bakamogana bakehela.
\v 13 Akabuga hodi kwa mulyangu jwehingela mwandekwa omwe wabaka abugwa roda akaja akahingola.
\v 14 Bulya amanyire ni egaba lya Petro kweghamda akalemwa ehingola mulyangu; kwa lyene akaroha kwa nyumba, na ebabiela ekola Petro nemire bushone bwa Mulyangu.
\v 15 Ndyo bakabuga kwehe, “Wee olemuhoji” nagogo akababierya ekola lyansaba nwewene. Bakabuga, “Oyyo ni Malaika wehe.”
\v 16 Ale Petro akabilea, nwemwene na bulya bahingore mulyangu bakamubana bakondeka muno. 
\v 17 Petro akabashisha kwa kuboko sisai sisai akababiela bulya Mugwe abamuhumya jela, akabuga, “Babelwe bibugu bibi Yakobo na ndogo yehe.” Ndyo akagenda kuge kuneni.
\p
\v 18 Kukaba musenya sigari jikakolwa na bulolo buneni kwa gekyo kibaghubuka kwa Petro.
\v 19 Ndyo Herode akamusora na atwati emubana akababorya barenderi na akabuga babulyagwebakye. Akagenda eboka buyahudi baga Kaisaria na emutya kyoo.
\p
\v 20 Herode akaba na bulolo ba Tiro na Sidoni. Bakagenda kwa Hamwe mwehe bakaba buhenji na blasto murasirerya wa mkolo ebuga abarashe. Ndyo bakehela kuholo kwa bulya nsee yobe baherwe malya eboka kwa nsee ya Mwekorani.
\v 21 Nkya enge Herode akeboha ngobi ya bukolo na akamutya kwa horiga yehe ya Bwekorani na akakalaga.
\v 22 Bantu bakaghamba kwa muno, bakabuga, “Lele lele negaba lya Mugwe lele tyegabalya mwonto.”
\v 23 Lyene lya Malaika akamusega, kwa bulya atyati eha Mugwe ghorana; akalebwa ni nywegani akakya.
\p
\v 24 Nagago ekalaga lya Mugwe likakola na ejaregana.
\p
\v 25 Kwa lyene Barnaba na Sauli esubela milemo yobo bakahuma ayo bakagenda Yeruselemu, bakamutola na Yohana olya ebina lyebalwa ni Marko.
\c 13
\cl Mlyangu 13
\p
\v 1 Na kokyo Antiokia, kwa Kanisa likolagwa hale na Manabii na Bamanyererya nabo ni Barnaba na Simioni (abugelagwa Nigeri). Na Lukio Mkerene, na manaeni (ndogo tibyo wa ndaghami wa Herode mwekorani wa mujye), na Sauli.
\v 2 Ndyo bayo bakolagwa bagharatye Mugwe ibada ne ehiga Nkolo Museri akabuga, “Dagharai Barnaba na Sauli kwa milemo elya babugerere.”
\v 3 Ndyo Kanisa basuba ehiga na ehela bakabagitela miboko yobo egolo yobo bakabahaba bagende kwobo.
\p
\v 4 Ryolo Barnaba na Sauli basuba bene basuba ehirwa ni Nkolo Museri bakaharoka Seleukia; eboka kokyo bakagenda maigolo bakogora Kipro.
\v 5 Bulyakolagwa kwa mujye jwa salumu, bakabuga ekalaga lya Mugwe kwa Masinagogi ja Bayahudi. Egera bale hamwe Yohana Marko ekolwa muraserya wobo.
\p
\v 6 Bulyabagendire kwa kisiwa kyonse egora Pafo, bakakola monto mulogi, Myahudi nabii wa Bwerehi olya ebina lyehe libugwa BarYesu.
\v 7 Mulogi oyo anyighane ni Liwali Sergio Paulusi, akakolagwa monto ale bughara. Monto oyo akanyela Barnaba na sauli kwa bulya akondaga eonya ekalaga lya Mugwe.
\v 8 Ale Elima “olya mulogi (bobyo byo ebina lyehe bugimue) akabasega; akadadagha emwalaja olya Liwali ahabe Edekela.
\v 9 Ale Sauli abugelagwa Paulo, akolagwa ale Nkolo museri akamwomerya messo.
\v 10 Na akabuga, “Wee mwana wa kiryoka wojire bibugu bya bwerehi na bunyoko. Wee ole mubeju binto bijaregu otyati ekoma ehodola nkondo ya Mwegri yemererye shee nokehikya?
\v 11 Ryolo raberya, kuboko wa Mwegerin kule egolo lyayo na okeba otibone. Otumune ebana ryoba kwakya lyene limwe kisabara na kighudye kikamuntonyela egolo lya Elima; Akarunela eghobya, anyo ehelate bantu bamubanye bamunyighe, kuboko.
\v 12 Liene Liwali akabana kilya kibaghubuka akedekela kwa bulya nabadeka kwa Bumanyerya jaa Mwegeri.
\p
\v 13 Ryolo Paulo na muhenji wehe bagendire maindane eboka Pafo na bakahika Perge kwa Pamfilia. Ale Yohana akabahaba akaryoka Yerusalemu.
\v 14 Paulo na bahenji behe bakagenda eboka Perge na bakahika Antiokia ya Pisidia. Kokyo bakagenda kwa Sinagogi kya ya Sabato na bakamutya nsee.
\v 15 Nyo bakasoma sheria na manabii, bekorani ba sinagogi babatomere kusikelo bakabuga, “Ndogo, ekola mule bwebuga abagitela bughomi bantu baba Bugai.”
\p
\v 16 Kwa bobyo Paulo akema akaba emerya kuboko; akabuga, “Balome ba Israeli na balya musokire Mugwe ntegeryani.
\v 17 Mugwe wa bantu baba ba Israeli abarobore ba babaweto na akabaghaya bantu baneni bakamuntya kwa nsee ya Misri kwa kuboko kwehe ebokigwa akabahetela kahane.
\v 18 Kwa miyaka milonge ena akebiberyerya nkwa nsee bwelo.
\v 19 Kwe ekola nabaghagharya Matongo muhungati kwa nsee ya Kanani, akabaha bantu bento nsee yobo kwa etubugera.
\v 20 Bighori bibi bionse byaghukire halehu ya Mwaka egana neenya na etamu. Liekola binto bionse, Mugwe abahere bekorani egora Samweli nabii.
\v 21 Kwaline bantu bakehela mwekorani ndyo Mugwe akabaha Sauli mwana wa Kishi monto wa kabila lya benjamini eba Mwekorani kwa miaka milonge ena.
\v 22 Esuba lyene Mugwe akenkerya kwa Bwekorani akamwenya Daudi eba Mwekorani wobo. Lyene ni eboka Daudi ekola Mugwe ababuga ni babana Daudi mwana wa Yese Eba monto aghameratye nkolo yawa; olya akeghaiya kilya kighameratwe.’
\p
\v 23 Eboka kwa kaya ka monto oyo Mugwe abaletela Israeli nmuhonokya Yesu, kwa bulya abugire akeghaya.
\v 24 Lele larunerere eghubuka Yesu atyati eja Yohana limwe akabuga ebadiswa na esabya ng'adaba kwa bantu bonse baa Israeli.
\v 25 Nene Yohana akorwe asubelate milemo yehe akabuga mugerate nyee dewou? Nye ti olya nagogo ntegeryai olya ajate suha yawa tumune ehikya anaghanagya kirate kwa kwa magolo kwehe.’
\p
\v 26 Ndogo, bana ba kaya ka Ibrahimu na balya hamwe nenye mughoranite Mugwe kwa bulya lyeto ekola gusikelo gokyo kwehonokya butomirwe.
\v 27 Kwa bulya batore Yerusalemu na mbegeri bobo batwati emumanya kwa lyansaba nanga batwati emumanya masikelo jaa Manabii balya bassomagwa kya ya sabato; kwa lyene bakahikerya masikelo jaa Manabii kwe mubulaga Yesu akwee.
\v 28 Nanga hatigwete kilya babande kijaregu kye mubulagela akyee ndane yehe bakamwehela Pilato amubulage.
\v 29 Bulyabasubire bighori yonse bilyabyadekirwe bwehe baka muhumwa eboka mtegolo na bakamuhumwa eboka mtegolo na bakamudaghara kaburini.
\v 30 Ale Mugwe akamuryokya eboka kwa berera.
\v 31 Akabanekana kwa kya nyineni kwa balya bagendane hamwe nene eboka Galilaya ebania Yerusalemu. Bantu baba ryolo lyonse ni batubegeri ba bantu.
\v 32 Ryolo tyubaletere masikelo njaregu kwa ghorieda bahemwe bamalakolo jieto.
\v 33 Mugwe adaghare ghorieda jiji kweto bana bayo kwa lelyo amuryokirye Yesu na amujokya lenge kwa Manyegi. Lele ndyo lyandekirwe kwa zaburi ya kubele: ‘Wee ole mwantwa lyeno nibaba ghonyo.’
\p
\v 34 Ndyo lyane lyasaba na ekola amururyakirye eboka berere ebuga ekola mubele yehejuhabe enyoka ababuga banyo: ‘Nikekuha buseri na bujaregu bwa kyasaba bwa Daudi.’
\v 35 Eno nwo elya ebuga kola kwa Zaburi enge otimune tiga Museri wayo ebama enyoka.
\v 36 Kwa bulyua lyene Daudi eghaya lukondo lwa Mugwe Kwa lubyalo lyehe akalala akadaghararwa hamwe na bense na akaba bubeju.
\v 37 Ale akaryokigwa ni Mugwe atwati ebana bubeju.
\p
\v 38 Ryolo na ndimanyekane kwenyu, ndogo, eboka monto oho ehurumelwa ng'adaba akalagerigwa.
\v 39 Kwa wene olya ababmanya atalelwa bujaregu na bighori hyonse bilya sheria ya musa itumune ebaha kijaregu.
\v 40 Bobyo ngo ebani mubane ekola kantu bantu bakaragerere manabii kihabe ghuka kweto:
\v 41 ‘Raberyai, enyie mudarawate na mudeka na mukasire, kwa bulya ghayatwe milemo kwa nkya jienyu, milemo elya mutihiketye emanya rari ekola monto naba baka lagerya.’”
\p
\v 42 Ngara Paulo na Barnaba bulya baghendire bantu bakabehela bagabe ekalaga lele nkya ya sabato ekeja.
\v 43 Ngara mugutano jwa sinagogi bulyua jwasirire, Bayahudi baneni na bahonoki bajaregu bakabatubegera Paulo na Barnaba balya bagabire nabo na bakababibohererya batole kwa bujaregu bwa Mugwe.
\p
\v 44 Sabato elya erohirye hadinko munye nyonse jukajaghane eojya ekalaga lya Mugwe.
\v 45 Bayahudi bulya babande mugutano, bakabana nadaghanyi egaba makalaga jale jirwe bilya bibugirwe Paulo na bakamuruma.
\v 46 Ale Paulo na Barnaba bagabire kwa bujaghamba na ebuga, “Lyale lya saba enkolo ekalaga lya Mugwe libugwe lyabele kwenyu kwa bulya murirugutate kulehu eboka kwenyu na ebana ebwa mutihikire ebana sayo ya kuholo, Doghorai tukehondokela matongo.
\v 47 Kwa bulya Mwegeri akabuga badaghare enye kwa eba lubaryo kwa bantu ba Matongo ekola mulente buhonokya kwa hara nyonse ya Nsee.”
\p
\v 48 Matongo b ulya bejirye lehe bakaghamela na eghara ekalaga lya Mugwe. Baneni bakalobolwa kwa bujaregu na kuholo bakehekela.
\v 49 Ekalaga lya Mugwe likahika nsee yonse.
\p
\v 50 Ale Bayahudi bakabibohererya balya behumirye na bakabasasaba na egora benkorani ba Mujye. Bwene bikarosela etirirwa lya Paulo na Barnaba na baba ta ehuma mugero jwa mujye.
\v 51 Ale Paulo na Barnaba bakoba reri ya magolo jyobo. Ndyo bakagende kwa mujye n jwa Ikonia.
\v 52 Na Bamanyererigwa baka na maghamela hamwe na Nkolo Museri.
\c 14
\cl Mlyangu 14
\p
\v 1 Kughaghubuka ndane ya Ikonia ekola Paulo na Barnaba basharire hamwe ndane ya Sinagogi lya Bayahudi neegamba bulya elya ghikundi kineni kya bantu Bayahudi ne Bayunani balemugiso.
\v 2 Ale Bayahudi batissoni bakarurusela bughara bwa Matongo ebuga babeju kwa ndogo.
\v 3 Kwa bobyo bakemutya kokyo kwa nkya jilehu, bagambate kwa bujaghamba kwa nguru jya Mugwe kono ahumatye emanyisha ebuga ekalaga l; ya sayo hehe. Akaghaya bobyo kwe humwa ngendelu na mahajabu jaghaigwe kwa miboko ya Paulo na Barnaba.
\p
\v 4 Ale nsee eneni ya Mujye bakanyeka. Kwa bantu bakolagwa hamwe na Bayahudi na bange hamwe na Batomwa.
\v 5 Ngara bamatongo na Bayahudi bakadadagha ebagwatania bekorani bobo ebagharya bubeju na ebatura na mabwe Paulo na Barnaba.
\v 6 Kabalimanya lelyo na bakarohela kwa Mujye n jwa Likaonia, Listra na Derbe, na nsee elya eghobirye hene
\v 7 Na kokyo bakahubiri injili.
\p
\v 8 Na kokyo Listra hale na monto omwe anyutirye, atyale na nguru magolo njehe, maghabu eboka kiburi kwa g'ina atyati ehira.
\v 9 Monto oyo akamwojya Paulo agambate. Paulo akamuraberya na messo akabana ekola ale na edekela lya horigwa.
\v 10 Ndyo akabuga kwehe kwe egaba lyegolo, “Ema kwa magolo jayo.” Na Monto oyuo akakela kwegolo na akarunela egenda.
\p
\v 11 Bulya baneni bakabana kilya kibaghaigwe Paulo bakalehiya egaba lyobo babugate kwa Kilikaonio bigwe b ibantu ehubukela kwa ebana bantu.
\v 12 Bakamubugela Barnaba “Zeu” na Paulo “Herme” kwa bulya ale mubuga mukolo.
\v 13 Kuhani wa Zeu olya hekalu lyehe lyakolagwa kahane ya Mujye akaleta ng'ombe na taji ya Maua banga kwa mulyangu jwa mujye, wene na bene bakakonda ehumwa sadaka.
\p
\v 14 Ale batomwa barnaba na Paulo bulya bonyirye lele le bakaboroshura ngobi jiobno na kwegududa mubale jwa baneni bajurate.
\v 15 “Na ebuga enye bantu sheninji mughayatye binto bibi? Na eshe ssei tule bantu bale na edemerya bwee enye. Tubaletere masikelo n ja kuholo ebuga muhondoke eboka kwa binto kwa binto bibi bitighwasete na emurohya Mugwe ale manyegi, aghairye egolo na nse na mai na kilya kyonse kileho.
\v 16 Kwa nkya jihetire akabasegera bamatongo egenda kwa nkondo jyiobo bene.
\v 17 Ale litwati agende hati shahidi kwa lelyo akaghaya bujaregu na maghamela.”
\v 18 Egora kwa makalaga jayo, Paulo na Barnaba kwashidale bakabagirya bantu ebahumerya sadaka.
\p
\v 19 Ale balya Bayahudi eboka Antiokia na Ikonia bakeja ebagwatamya baneni. Bakatura na Paulo na mabwe na emukuhiya kahane ka mujye agerate ekola nakire.
\v 20 Egora ndyo bamanyerigwa bale bemire hadinko nene, akaboka, bakashala mujye. Nkya ya ebele, agendire Derbe na Barnaba.
\v 21 Mamuna ye bamanyerya injili kwa mujye joyo ne ebagharya Bamanyererigwa baneni bokanjoka Listra, egara Ikoniamu, na egora Antiokia.
\v 22 Bakaedekela egharerya nkolo jya Bamanyererigwa na ebagitela nguru ekela Edekela, akabuga, “Ni nguru tushale kwa bwekorani bwa mugwe eletya etirirwa muno.”
\v 23 Bulya babalobore kwa lyobo balakolo balya bamogane bedekere ne ekolwa behelate ne higa, bakabaharira kwa Mugwe olya boo bedekere.
\p
\v 24 Byo bakaheta kwa Pisidia, bakahika Pamfilia.
\v 25 Lyene bulya baghabire ekalaga kwa ekalaga kwa Perge, Bakaharoka egenda Atalia.
\v 26 Eboka kokyo bakalenjela meli egenda Antiokia ekolo bale behumirye kwa marero, Ja Mugwe kwa bulya ya milemo elya bakolagwa bamisuba.
\v 27 Bulyabahikire kakyo Antiokia, nja emogoniya baneni hamwe bakahumiya masikelo ja bighori bilya Mugwe aghaire kwobo na bulya abahigarere mulyangu jwa edsekere kwa bantu ba Matongo.
\v 28 Bakamutya kwa haneni halehu na bamanyerigwa.
\c 15
\cl Mlyangu 15
\p
\v 1 Bantu bamwe bakahoroka eboka buyahudi ne ebamanyererya ndogo, bakabuga, “Mwalegemuradwa bwe gitemi kya Musa mutumune ehonokya.”
\v 2 Nkya Paulo na Barnaba bakolagwa na binto na eboranya hamwe nabo, ndogo bakabuga ekola Paulo, Barnaba na bange baghima baghende Yerusalemu kwa batomwa na balakolo kwa kighori ghekee.
\p
\v 3 Kwa bobyo, kwe tomwa kwobo na Kanisa, bakaheta Foinike na Samaria babugate elajwa ekoda kwa Matongo. Bakaleta maghamela jankolo kwa ndogo bonse.
\v 4 Bulya bajire Yerusalemu bakakaribishwa kanisa na Batomwa na balakolo na bakaleta masikelo jya bibugu yonse bilya |Mugwe aghairye hamwe nabo.
\p
\v 5 Ale bantu bamwe bendekere, bale kwa Mafarisayo, bakema neebuga, “Dyasaba ebamurada naebabiela banyighe nkondo ya Musa.”
\p
\v 6 Ndyo batomwa na balakolo bakema hamwe elidemerya ekalaga lele.
\v 7 Ebokela eborania bineni, Petro akema na akabuga kwobo, “Ndogo mumanyate ekola eboka halehu kijaregu kihetire Mugwe akagharya elobale gate yenyu, ekola kwa kanya kawa matongo borye ekalaga la injili na edekela.
\v 8 Mugwe, amanyire nkolo, abarurusela kwobo akabaha Nkolo Museri bwe bulya aghairye kweto.
\v 9 Na atwati egharerya elengana neshe naghabo akaghaya nkolo yobo njiseri kwa mugiso.
\v 10 Kwa bulya ninji mudadaghe Mugwe ekola mudaghare ebohwa eghoto kwa bumanyerigwa balya eghora ba baba beto nanga eshe tutwati ehikya ebibererya.
\v 11 Ale twedekere ekola tukehonoka kwa manyegi ja Mugwe bwebulya babierye.”
\p
\v 12 Bamogane bose bakasisa bale emutegerya Barnaba na Paulo bulya bale bahumatye masikelo ja bighori na mahajabu bilya Mugwe, aghairye hamwe nabo kwa bantu ba matongo.
\p
\v 13 Bulya bahabireegaba Yakobo akajokya akabuga, “Ndogo tegeryai.
\v 14 Simoni akabakaragerya bulya limwe Mugwe kwa sayo akabaraserya bamatongo ebuga ekola eha eboka kwobo bantu kwe ebina lyehe.
\v 15 Makalaga jya manabii jedekelenate na lele kwa bulya lyandekirwe.
\q
\v 16 ‘Ebokola bibugu bwene nikejoka ne oboka lenge mutala jwa Daudi, jugweryensee; kebokya na esavya bub eju bwehe.
\v 17 Ebuga ekola bantu balyabatigare bassore Mugwe hamwe na bantu bamatongo balya babugeryew kwe ebina lwawa.’
\v 18 Bobyo byo, abugate Mugwe aghairye bighori bibi b imanyirwe eboka llilya lya kala.
\p
\v 19 Ndogo ryolo kebabiela niyeneekola tuhabew eha bantu bamatongo bahondokere Mugwe sina.
\v 20 Ale tubandele kwobo ekola bererndere halehu na bubeju bwa bagwe na busari na bilya bighabirwe na ndaghami.
\v 21 Eboka mubyalelo jwa balakolo hale bantu eboka mijwe enge bakalegate ne essoma Musa kwa Masinagogi nkya ya Sabato.”
\p
\v 22 Kwa bobyo, ekabanekana ekolwa dibaghamerya batomwa na balakolo hamwe na Kanisa lyonse emulobola Yuda abugelagwa Barnaba na silas, bakolagwa bekorani ba Kanisa na ebatoma Antiokia hamwe na Paulo na Barnaba.
\v 23 Bakadeka byo, “Batomwa, balakolo na ndogo, kwa ndogo bamatongo bale Antiokia, shemu na kilikia, babagesha.
\v 24 Twojirye abwa bantu bamwe balya tutwati ebana ebuga lelyo babokire kweto na babatirire kwa ebamanyerya eleta sina nkolo ndane yenyu.
\v 25 Kwa bobyo ebabanekana ndijaregu kweto eshonse elobola bantu na ebatoma kwenyu bamwe ndogo yeto Barnaba na Paulo.
\v 26 Bantu bale batyerere butolo bwobo kwa ebina lya Yesu Kristo.
\v 27 Kwa bobyo tubamutoma Yuda Na Sila bakebabiela bighori bilya sei.
\v 28 Kwa bulya ndyabanekane bujaregu kwa Nkolo Museri na kweto elega egitela mizigo jurito eghani bighjori bibyo bya kyasaba:
\v 29 Egoni mwelajoke eboka kwa binto bihumirigwe kwa Sanamu ndaghami binto bighobiree na bumale. Wakola mubamutwa halehu na Bibi likeba dijaregu kwenyu. Tubagenda.”
\p
\v 30 Bobyo ngo, bulya bajareganigwebakaharokela Antiokia;
\v 31 mamuna ya emoganya baneni hamwe bakahira borwa. Bulya bassomire bakaghamela kwa bulya babahebwa nkolo.
\v 32 Yuda na sila na Manabii bakabagitela nguru ndogo kwa makalaga janeni nebagitela nguru.
\p
\v 33 Lyene limutwa kya jighima kyo bakajareganigwa kwa bujaregu eboka kwa ndogo kwa balya batomirwe.
\v 34 Ale likabanekana bujaregu sila itigwa kyo.
\v 35 Ale Paulo mm na bange baneni balya bamanyererigwe ne hubiri ekalaga lya Mugwe.
\p
\v 36 Lyene kya jighina Paulo na tujoke nyolo tukatumbe ndogo kwa mijye elya twahubirie ekalaga lya Mugwe na tukababane bulya banga.
\v 37 Barnaba akakonda sei ehira hamwe nabo yohana abugelagwa Marko.
\v 38 Ale Paulo akademerya akaba na tilijaregu emuhira Marko abahabire kokyo Pamfilia na atwati edekelana nabo kwa Milemo.
\v 39 Ndyo oho kukaghjubuka elingana mumo kwa bulya baekerana na Barnaba akahira Marko na egenda kwa meli banga kipro.
\v 40 Ale Paulo akalobola Sila na egenda kwaline ehebwa ndogo kwa majiegi ja Mwegeri.
\v 41 Na akagenda eletya Shamu na Kilikia, abibohatye Makanisa.
\c 16
\cl Mlyangu 16
\p
\v 1 Paulo lyene akaja Derbe na lystra; na doghorai halya hale na mumanyerigwa abugelagwa Timotheo, ni mutana abwarirwe ni mugharisha wa Kiyahudi olya ni mumanyi na babaobo ni Mgiriki.
\v 2 Bantu ba Listra na iklonio bamubere bujaregu.
\v 3 Paulo akakonda ebuga egende nene, ndyo akamuhina na akamumurada kwa bulya lya Bayahudi bakolagwa kokyio kwa bulya bonse bamuje ekola esee hehe ni Mgiriki.
\p
\v 4 Bulya kolagwa bagendate bakaletya kwa minye na bakahumwa ebuga kwa Makanisa ebuga esoka bilya bibyo bwandekirwe ni tomwa na balakale kokyio Yerusalemu.
\p
\v 5 Ndyo Makanisa jakabibohigwa kwa mugiso na bamanyi bakarosa kweneneha nkya jyionse.
\p
\v 6 Paulo na Mulugu wehe bakagenda Firigia na Galatia Kwekola Nkolo ya Mugwe akabagirya ebuga ekalaga kokyio kwa jimbo la Asia.
\v 7 Bakasungura Misia bakadadagha egenda Bithinia ale nkolo wa Yesu akabagjrya.
\v 8 Kwa liene bakaletya Misia bakaja baga munye jwa Troa.
\v 9 Biraryoko bikaghubukela Paulo nabudiko hale na mwonto wa Makedonia emire amubugelate na akabuga, “Jnejoni muturashe kono Makedonia.”
\v 10 Paulo bulya ndyo tukebanererya egenda Makedonia amajire ekola Mugwe atubugere egenda ebahubiriela Injili.
\p
\v 11 Mbyo tukagenda eboka Troa tukagenda limwe kwa limwe samothrake na nkya enge tukahika mujyie jwa Neapoli.  
\v 12 Eboka anyo tukagenda Filipi julya jumwe na mujyie jwa Makedonia mujyiae jujaregui kwa wilaya na bwekorani bwa Kirumi na tukamutya nkya jighima.
\p
\v 13 Nkya Ya sabato, tugagenda kahane ya mulyangu kwa nkondo ya moje, hantu hene tukagera ghale hantu hegharya twehele. Tukamutya nsee na egaba na bagharisha bajire hamwe.
\v 14 Wabaka omwe abugwa Lidia agorenagya ragi eboka kwa m, ujyie jwa Thiatira akonde eghore Mugwe akatutegerya. Mugwe Akamuhingola nkolo yehe na edaghara bujaregu makalaga jabugirwe ni Paulo.
\v 15 Bulya abadisirwe wene na Nyumba yehe yonse akatwehela akabuga “Akola mubana ekola nide mujaregu kwa Mugwe Basingo nib ehela mushala nemutya mwawa”, akatyehela muno.
\p
\v 16 Ekakolwa ekola twakolagwa tughedate hantu heehela Mwanabaka omwe akolagwa na Pepo lya lyemanya akajaghana neshe. Aletere mulagori wehe Faida eneni kwe lagolwa.
\v 17 Mugharisha oyop akarohiya Paulo hamwe na neshe akasega egaba na akabuga, “Baba ni batubageri ba Mugwe olya mukolo bababielate enye masikelo ja ehonoka.”
\p
\v 18 Akaghayya bwo kwa nkya jineni ale Paulo akaba nabamenigwa kibugu kekyo akahondoka suha na kamubiele pepo, “Nikubielate kwa ebina lya Yesu muhume ndane yehe,” nene akahuma na akamuhaba limwe.
\v 19 Bakolage behe bulya babande ekola babemtelate bugholyani bwobo dibekera bakadaba Paulo na Sila na ebakuhiya sokonio bushone bwa bayo begeri.
\v 20 Bulya babahikererye kwa Mahakimu bakabuga, “Babalome ni Bayahudi bamuselate buhobya buneni kwa mujyie jyieto.
\v 21 Bamanyereratye bighori bilya tibyo kitemi kweto ebitegerya rari ebirohia bwe Barumi.”
\v 22 Baneni bakema bubeju kwa Paulo na Sila mahakimu bakaboroshola ngobi jyobo na ebahumwa na ebuga baturwe biboko.
\v 23 Basuba yebatura biboko bineni bakabuga nanjela na ebiela sigari ya gereza ebarendela bujaregu.
\v 24 Liene ebelya hyo Sigari ya jela akabagana kwa nyumba ya ndane ya gerewza na ebaboha magolo jobo kwa halya babadaghare.
\p
\v 25 Kwahika na budiko bwa bwang'anana Paulo na Sila bakaba behelate ne eghuja maghuja je eghora Mugwe kono bafungwa bange babantegeratye.
\v 26 Ndyo kukaghobuka, kibondani kikolo na musingi jwa jela jukabodanigwa, milyangu ya jela ekahingoka na minyorori ya babohwa bonse ekanaghunaghigwa.
\v 27 Murenderi wa jela akaboka talo, na akaba na milyangu yonse ya jela nehingorwe ndyo akatola lohyo lyehe akagera ekonde ebulaga kwa bulya akagera babohwa bonse babaryala.
\v 28 Ale Paulo akasega egaba lineni akabuga, “Habe ebulaga kwa bulya eshonse tuloho.”
\v 29 Murenderi wa jela akehela taa jiletwe na akashala ndane ya jela kwe ebosobosa abodanate na eryala akaba gwela Paulo na Sila.
\v 30 Na ebahumia hahade ya Jela na ebuga “Bakolo, gitebo nye ebuga ghonoke?”
\v 31 Nabo bakamubiela “Edekela Mwegeri Yesu nawe nonkehonoka hamwe na nyumba yanyo.”
\p
\v 32 Bakabuga ekalaga lya Mugwe Mwehe hamwe na bantui bonse ba nyumba Yehe.
\v 33 Murenderi wa jela akabahira nabudiko bwene na ebogya halya babulagirwe wene hamwe na bantu ba nyumba yehe bakabadishwa lyo.
\v 34 Akaleta Paulo na Sila kaya kehe na ebahamalya. Nene akaba na maghamela muno hamwe na bantu ba nyumba yehe kwa bulya babedekela Mugwe.
\p
\v 35 Kwaba musenya mahakimu bakatomania kwa olya murederi wa jela bakabuga, “Segera bantu bayyo bagende.”
\p
\v 36 Murenderi wa Jela akamubiela Paulo makalaga janyo je nkola, “Mahakimu bahamire bujube babegere mugende; ryolo humai kahane na mugende kwa bujaregu.”
\p
\v 37 Ale Paulo akababiela, “Batuturire kubinwe, bantu tule Barumi rari etuhukumu nega bakaamua etugana jela. Naga ryolo bakondate etuhumwa kwa kwebisa? Yengo, bitumune egwasa boo bene baje etuhumia hantu oho.”
\v 38 Barenderi bakagharehya mahakimu egolo makalaga jajyo mahakimu bakaryala muno lele bamanya ekolo Paulo na Sila ni Barumi.
\v 39 Mahakimu bakeja na ebehele bahume na bulya babahumirye kahane ka jela bakabiela Paulo na Sila bahume mubale jwa Mujyie jyiobo.
\v 40 Kwa bulya Paulo na sSIla bakahuma kahane ka jela bakaja kaya Ka Lidia. Paulo na Sila bulya babande ndogo bakabagitela nguru ndyo bakegenda kwa mujyie njonyo.
\c 17
\cl Mlyangu 17
\p
\v 1 Na bulya bahetire kwa mujyie Amfipoli na Apolonia, b akeja banga mujyie jwa Thesalonike julya jakolagwa na Sinagogi la Bayahudi.
\v 2 Bulya lyale kwose Paulo, akagenda kwobo na kwa geri ya nkya esatu jwa sabato bakaborania nabo lya edekwa.
\v 3 Ala abahingolate maandiko na ebabiela ekalaga lyaghairye Kristo atirireke ne ndyo akaryioka le nge kwa bakire. Akababiela, “Oho Yesu babielata masikelo jehe nwe Kristo.”
\v 4 Bamwe bayahudi bakamanya na enyighana na Paulo na sila hamwe na Bagiriki bakonde mugwe bagharisha baneni bahonoki nabange bantu.
\p
\v 5 Ale bamwe baytahudi batiedekere bajire na bubeju bakaghenda sokoni na etola bamwe bantu ba ng'adaba bakabamogonya bantu baneni hamwe, na eghanya bubeju mujyie, ndyo bakashala nyumba yale Jasoni, bakondate ebadaba Paulo na Sila ebaleta bushone bwa Bantu.
\v 6 Ale bulya bababorire, bakadaba jya nsoni na bamwe ndogo bange na ebahira bushone bwa bankolo ba Mujyie, basegate egaba, “Banyo balome bagharore nseeno babahika eghora kono na kweo.
\v 7 Balome baba bakaribisirigwe na yansoni bagharaghara ngendelo jya Kaisari, babugate hale Mwekorani onge abugwa Yesu.”
\v 8 Baneni na bakolage ba Mujyie bulya bojyirye bighori bibyo, bakashala ni budeki.
\v 9 Lyene lyeba babasuba ehira robiyya lya burenderi bwa jansoni na bange, bakabasegera bagende.
\p
\v 10 Budiko bulya ndogo bakatoma Paulo na Sila Beloya. Na bulya bahikire kokyio bakagenda kwa sinagogi lya Bayahudi.
\v 11 Bantu balya bale bughara buneni batinga bantu balya baThesalonike, kwa bulya bale na ghaba ye etegerya ekalaga kwa mughara kwobo, na edoghora bwandekwa kwa byionse ebuga ebana enkola makalaga jabugirwe ekola jajyio jaga.
\v 12 Kwa ryolo baneni bene bakamanya bagharisha bale na ghaba ekolo na bagiriki na balome baneni.
\p
\v 13 Ale Bayahudi ba Thesalonike bulya bamanyire ekola Paulo abugate ekalaga lya Mugwe gokyo Beroya bakagendakokwo na ebamerya na erunela egharya bibeju kwa bantu.
\v 14 Kwa lyene, ndogo bakahira Paulo kwa nkondo ya diba, nanga Sila na Timotheo bakatigwa hene.
\v 15 Balya ndogo bamuhirire Paulo bakagenda nene baga Athene, bakahaba Paulo kyio, bakehebwa mugiso eboka kwehe ekola, Sila na Timotheo baje kwehe lyene dikegwasha.
\p
\v 16 Na nkya ababedate kokwo Athene, nkolo Yehe ekamenigwa ndane yehe kwa bulya abande mujyie njojire Bagwe jineni.
\v 17 Ndyo bakaboranya kwa sinagogi na bayahudi balya bakonde Mugwe na Kwa Balya bonse bajaghane nabo nkya jyionse Sokoni.
\p
\v 18 Ale bamwe ba Banafalsafa wa Baepikureo na waistoiko bakamunyigha. Na bange bakabuga ninji akabuga, “Oyo mugaba wa ghera?” Bange bakabuga, “Ebanekante agambate ekalaga lya Mugwe Mugeni” kwa bulya abugate kuholo kwa Yesu na eryoka.
\p
\v 19 Bakamutola Paulo ne muhira Areopago, bakabuga “Tyukehika emanya emanyerigwa bibi bwabya bulya agambate?
\v 20 Kwa bulya ngo obaleta bighori byobya kwa masikelo jieto, ryolo tukondate emanya bighori bibi byobo?”
\v 21 (Na bantu bonse ba Athene hamwe na Bageni bale kwobo, baghayagya geri yobo bulya bkwebuga egaba ne etegerya lya bighori byabya).
\p
\v 22 Kwa Ryolo Paulo akema gatagate ya bantu ba Areopago na ebuga, “Enye bantu ba Athene, bone enkolo enye mule bantu ba dini kwa lyonse,
\v 23 Egora kweheta kwawa na ebana binto bwenyu, kwe ehela babana makalaga jandekire kwa hamwe kya madhabahu jienyu jabugate, ‘KWA MUGWE ATIMANYEKANE.’ Ndyo ngo, oyyo mughayatwe Mugwe mutimanyate nwe bamanyatye enye.
\p
\v 24 Mugwe aghairye nseeno na binto byionse bile ndane yehe kwa bulya ni Mugwe bwa nsee ne egolo atimutetye kwa nyumba ryobokire kwa miboko.
\v 25 Nanga ati gharighagwa miboko ya Bantu ekola abwa akondate kwobo, bulya hene weka abejaga bantu manyegi na nmuhobo na binto hinge jyionse.
\p
\v 26 Elenterya mwonto omwe akagharya Matongo njonse jaa bantu batore egolo lya Busho bwa nseeno na kabadaghara kya na mighero kwa halya batore.
\v 27 Kwa ryolo, bakondatwe emusora Mugwe, na bamuhikele ne mubana, na kwa lwasaba atii halehu na eghora na omwe weto.
\v 28 Kwehe tutore tughendate na ekolwa maryegi njeto kwa bulya mughuji wenyu omwe wa maghoja akabuga eshe tule babyalwa behe.
\p
\v 29 Kwa ryolo, lyaba eshe ni babyalwa ba Mugwe litikondwe ebuga ekola bu Mugwe, na nga goro, anga mabwe, bagwe yegheranigwe kwa bughara na kidemi kwa bantu.
\v 30 Kwa ryolo Mugwe Akasisela nkya jilya nya ebolabughara ale ryolo amubugate bantu bonse bakila hantu babane etubu.
\v 31 Lele ni kwa bulya adaghare nkya elya akehukumu nseeno kwa lyasaba kwa monto olya amuchagula. Mugwe ahumirie ndyasaba yamonto oyo kwa kilya monto halya amuryokirye eboka kwa berera.”
\p
\v 32 Na bantu ba Athene bulya bajirye masikelo nje eryokigwa kwa berera, bamwe bobo bakamurahuna Paulo, nanga bange bakabuga, “Tukekutegerya lenge kwa masikelo jaja.”
\v 33 Kwa lyene anyo, Paulo akabahaba.
\v 34 Ale bamwe bantu bakamunyigha nene bakeedekela, aleho Dionisi Mwareopago, na wabaka abugelagwa Damari na bange hamwe nabo.
\c 18
\cl Mlyangu 18
\p
\v 1 Kwalyene bighori bibyo, Paulo akaboka Athene na akagenda Korintho.
\v 2 Kokyo akamubana Muyahudi abugelagwa Akwila Monto wa kabila lya Ponto, wene na mkehe abugelagwa Prisila bakaja eboka kokyo Italia, kwa bulya Klaudia abugire Bayahudi bonse benkere Roma;
\v 3 Paulo akaja kwobo. Paulo akamutya akaghayatye milemo nabo kwa bulya wene aghayatye milemo yaangane na yobo. Bene bale batuma hema.
\v 4 Paulo akehorerya nabo kwa Sinagogi nkya nyonse jya sabato. Akabagwatanya wayahudi hamwe na Bagariki.
\p
\v 5 Ale Sila na Timotheo bakaja eboka Makedonia, Paulo akasugumwa ni Nkolo ebabiela Bayahudi ekola Yesu nwe Kristo.
\v 6 Nkya Bayahudi bamulegire, na emurahunaga ndyo Paulo akaririba ngobi yehe bushone yiobo, na ebabiela, “Ndaghami yenyu na eba egolo ya mitwe yenyu enyeka; niyee tii ng'adaba. Eboka ryolo nabushone, natuba Matongo.”
\v 7 Ndyo akagenda eboka halya akagenda kwa mujyuie jwa Tito Yusto, monto agharega Mugwe. Mujyiue jwehe jule hadinko na Sinagogi.
\v 8 Krispo, Mwenkorani wa Sinagogi hamwe na bantu ba mujyie jwehe bakamanya Mwegeri. Bantu baneni ba Korintho bakemwojwa Paulo agambate bakedekela na Baka badishwa.
\p
\v 9 Mugwe akamubiela Paulo nabudiko kwa nkondo ya biraryoku, “Haberyala, ale gaba na habesisa.
\v 10 Kwa bulya nde nawe hamwe nawe, na hati akedadaga ekusega, kwa bulya ninde bantu baneni kwa mujyie jojo.”
\v 11 Paulo akamuntya kyoo kwa mwake jumwe na mweri esasatu abamanyeretije ekalaga la Mugwe bene ndane.
\p
\v 12 Ale Galio bulya aghairigwe Mwegeri wa Akaya, Bayahudi bakema hamwe elega paulo na emuhira bushone wa Horiga ya ebulaga,
\v 13 Bakabuga, “Monto oyo agwatanatye bantu bagore Mugwe butii bwoho.”
\p
\v 14 Nkya Paulo akolagwa akondate ebuga, Galio akababiela Bayahudi, “Enye Bayahudi, wakola lele tilijaregu anga dibeju, dibale lijaregu eba shohulikia.
\v 15 Ale kwa bulya neboranya bilya bihikire makalaga na, mabina na ngendelo nyenyie basingo ghubai enye enyeka. Niyee tikonde eba hakimu wa bibugu bibi.”
\v 16 Galio akabuga benkere bushone bwa horiga ya ebulaga,
\v 17 Ndyo, bakadaba Sostthene, Mwekorani wa Sinagogi, bakamutura shone bwa horiga ya eghuba. Ale Galio atyati ejali kilya baghaire.
\p
\v 18 Paulo kwaliene akamuntya hene kwa nkya jilehu, akakaba ndogo akagenda kwa meli siria hamwe na Prisila na Akwila. Atyandi egenda bandaririe akamwanyele yehe kwa bulya asimire eba wakwasaba.
\v 19 Bulya bahikire Efeso, Paulo akamuha Prisila na Akwila halya, nanga wene eboka akashala kwa Sinagogi na eboranya na Bayahudi.
\v 20 Bulya babere Paulo amuntye nabo kwa nkya jilehu, wene akalega.
\v 21 Ale akekera kwobo akababiela, “Ninkejoka lenge kwenyu wakola ne ekonda lya Mugwe.” Kwa lyene, akagenda kwa Meli eboka Efeso.
\p
\v 22 Paulo akahika Kaisaria, Akaghoromoka egenda egesha Kanisa lya Yerusalemu, ale akaharoka kwa Kanisa lya Antiokia.
\p
\v 23 Lyene emuntya kwa hari hene, Paulo akagenda eletya nsee ya Galatia na Frigia na ebagitela nguru Bamanyererigwa bonse.
\p
\v 24 Muyahudi omwe abugelagwa Apolo abyarerya kyo Alexandria, akeja Efeso. Ale na bujaregu kwegaba alebughara kwa eyandeka.
\v 25 Apolo ale amanyererigwe kwe banerigwa bwa Mwegeri. Kwa bulya akolagwa mubebosoboso kwa Nkolo, akagaba ne emanyererya kwa lyasaba bilya bibokire yesu, nanga amanyire kyoka ubadiso bwa Yohana.
\v 26 Apolo akarunela egaba kwa bujaghamba kwa hekalu. Nanga Prisila na Akwila bulya bamwojirye bakagharya buhenji nene na bakamkeregerya Nkolo ya Mugwe kwa lyasaba.
\p
\v 27 Akonda egenda egera Akaya, ndogo bakamugitela nguru ne baadekela borwa bamanyerigwa bale Akaya ebuga bagwate emutebela. Akahika kwa bujaregu akabaraserya muno balya bedekere.
\v 28 Kwa nguru jyehe na bughara, Apolo akabasida Bayahudi babane akabanya eletya bulya kwadekirwe ekola Yesu nwe Kristo.
\c 19
\cl Mlyangu 19
\p
\v 1 Ekaba enkola Apolo akalagwa Korintho Paulo akaheta nsee nyeegolo na akahika kwa mujyie jwa Efeso na akakola bamanyerigwa baghima kyo.
\v 2 Paulo akababiela, “Shee mubande Nkolo Museri bulya Mwedekere?” bakamubiela, “Yengo, tutyatiehikya rari eonya egharya Nkolo Museri.”
\p
\v 3 Paulo akabuga, “Ryolo enye mwabadisirwe bo?” Bakabuga, “Kwa ebadishwa lya Yohana.”
\p
\v 4 Ryolo Paulo akajokya, “Yohana abadisirwe kwa bubadishwa bwa majiegi. Akababiela bantu bale ekola bahikirte emwedekela olya abaja kwalyene, Lyehe Yesu.”
\v 5 Bantu bulya abojirye masikelo jaja, bakabadishwa kwe ebina lya Mwegeri Yesu.
\v 6 Na likaba Paulo bulya agitere miboko yehe egolo yobo nkolo Museri akashala egolo yobo bakarunela egaba kwa kigabo kya bantu banga.
\v 7 Bonse bene bale balome bakehika ekomi na babele.
\p
\v 8 Paulo akagenda kwa Sinagogi akagaba kwa bujaghamba kwa nkya ya mweri esatu. Akalagwa ahetelate eboranya ne bayuka bantu kwa bighori bihikire Bwegeri bwa Mugwe.
\v 9 Ale bayahudi bange bale babeju na batissa, ni bakarunela ebuga bibeju bya nkondo ya Kristo bushone bwa baneni ndyo Paulo akahabana nabo ndyo akabenkerya balya bedekere halehu nabo nene akarunela egaba nkya nyonse kwa mutale jwa Trino.
\v 10 Geke kikaba kwa mwaka ebele, kwa bulya bonse bale batore kwa Asia bakojya ekalaga lya Mwegeri, bonse Bayahudi na Bayunani.
\p
\v 11 Mugwe akolagwa aghayatye bighori bikolo kwa miboko ya Paulo
\v 12 Ekola egora barwari bakahorigwaa, na Nkolo mbeju jikabahuma kya babahirire nanga na ngobi jyahumire mubele jwa Paulo.
\p
\v 13 Ale baleho Bayahudi basedga bwaho bagendate eletya nsee yene, bagharatye ebina lya Yesu kwa bibugu byiobo boka. Bababielate balya bale na Biryoka ja balogi bakabuga, “Babielate muhume kwa ebina lya Yesu olya Paulo amuhubiriaga.”
\v 14 Balya baghairye bibi bale bana muhungati ba Mwenkorani mukolo wa Kiyahudi, Skewa.
\p
\v 15 Nkolo njibeju jikaborya, “Yesu nimuje, na paulo nimuje; ale enye nenye Bau?”
\v 16 Oyo nkolo mbeju ndane ya monto akabakelela basega muyaga na akabasida gumene batura.
\v 17 Ndyo bakeryala eboka elya nyumba bale byo na egharagharigwa. Kibugu keke kikjamanyekana kwa bonse bayahudi na bayunani, balya batore kokyo Efeso. Bakaba na budeki muno, na ebina lya Mwegeri likarosa esokwa.
\p
\v 18 Lenge baneni bamanyi bakaja ehaba ng'adaba ne ebuga bibugu bibeju bilya baghaire.
\v 19 Baneni bakolagwa baghaya bulogi bakamogania bitabu byiobo bakabihanyela bushone bwa bantu. Nanga boo bakatala bughanabo binto bibyo bwale bitye milonge eshanu malufu jya Robiyya.
\p
\v 20 Ndyo ekalaga lya Mugwe likajarega kwa halehu muno kwa nguru.
\p
\v 21 Lya Paulo esubela milemo yehe kokwo Efeso, Nkolo akamuhira egenda Yerusalemu eletya Makedonia na Akaya. Akabuga, “Lyene kolwa kokwo, dihikire ebana Rumi naho.”
\v 22 Paulo akabatoma Makedonia bamanyererigwa behe babele, Timotheo na Erasto, balya bale baresererye. Ale wene weka akatigwa Asia kwa Hariri.
\p
\v 23 Nkya jyiene kukaghubuka bubeju buneni kyoo Efeso kwa lele nkondo.
\v 24 Sonara Omwe ebina lyehe Demetrio olya agharerye bagwe bwa robiyya bwa Mugwe Diana akaleta egorania muno kwa Bagharerya.
\p
\v 25 Ndyo bakabamogania bagharerya ba milemo eyo ne ebuga, “Basokwa mumanyire ekola kwa egorania lele eshe tusharatye robiya njineni.
\v 26 Mubone ne onywa ekola tioho heka Efeso, egora esungura Asia yonse oho Paulo abaghatania, ne bolola bantu baneni. Abugate ekolo hati bimugwe bikeghaigwa kwa miboko.
\v 27 Na ntibyo lyoka ekolo bubeju kwekola milemo yeto ekeba etikondatwe lenge nanga sei na Hekalu lya mugwe wabaka ale mkolo Diana nakehikya etolwa eba atii wasaba. Lenge nakehikya eghora obya bukolo bwehe wene olya Asia na Nseeno baghoraga.”
\p
\v 28 Bulya bojirye bobyo, bakaba na bubeju ne sega egaba, babugate, “Diana wa Baefeso niu mukolo.”
\v 29 Mujyiee jyionse jukojola bubeju na bantu bakaryala hamwe ndane ya mtala jya manosi. Bakadaba bagendate balugu behe na Paulo, Gayo na Aristariklo babokire Makedonia.
\v 30 Paulo akakonda eshalala kwa abntu ndane, nanga bamanyewrerigwa bakamuhingerya.
\v 31 Ndyo, bamwe bakolage ba mkoa jwa Asia balya bale bahenji behe bakamuhirere masikelo kwa nguru emwehela ahabshala kwa mutala jwa manosi.
\p
\v 32 Bantu bariri bale babugate kindo keke kwa bulya bantu baneni bale bageranwa. Baneni bobo batyandi ehikya rari emanya kwa njii babaja hamwe.
\v 33 Bayahudi bakamuleta Iskanda kahane. Ka bantu baneni ne mudaghara egolo bushone bwa bantu. Iskanda akahumya ngendelu kwan kuboko kwehe ehumwa makalaga kwa bantu.
\v 34 Ale bakamanya ekola wene ni Muyahudi, bonse bakasega egaba kwa limwe kwa mugero ebele, “Diana ni mukolo wa Baefeso.”
\p
\v 35 Ndyo karani wa Mujyie ebasisha baneni akabuga, “Enyee balome ba Efeso na atije ekola mujyie jojo jwa efeso murenderi wa hekalu lya Diana mukolo na elya bisya ebatonya eboka Kwegolo?
\v 36 Ebana basi ekola bibugu bibibitumune gwasa, tukondatwe ekolwa na esisa na muhabe ghayya kwonse kwe guduguda.
\v 37 Kwa bulya mubugere bantu baba oho mahakamani anga tii bebi ba hekalu nanga bati beruma Mugwe weto wabaka.
\v 38 Kwa ryolo, kola Demetrio na mafundi bale hamwe nene bale bareserikwa monto wonse, mabakama jile hashe bakebi baleho. Na baletwe bushone bwa kembi.
\v 39 Ale kola wee osorate kwose kwa bibugu binge, bikewgharerigwa kwa bwenkorani bwasaba.
\v 40 Kwa lyasaba tule kwaq bubejubwa esidakigwakwa bubeju kye eno. Hati kirunelu kya bubeju bonyo na tuti nguru nye kalgerya.”
\v 41 Line lye ebuga jaja, akajareganiya bwenkorani.
\c 20
\cl Mlyangu 20
\p
\v 1 Liene lya lubeju esira, Paulo akabugela bamanyerigwa ne bagitela nguru, ndyo akabaaga ne egenda Makedonia.
\v 2 Nene akaheta mikoa eyop na ale abagitelate nguru balya bedekere akakashala Buyunani.
\v 3 Kwa liene wene ekola halya kwa mweri esatu njama jikaghaigwe kwa lehe na Bayahudi bakolagwa asungurate egera kwa nkondo ya Mai ebaniya shamu, ndyop akarudela eletya Makedonia.
\v 4 Bagendane nene baga Asia bale Sopatro mwana wa Pirho eboka Berea; Aristariko na Sekundo, bonse eboka bedekere ba Bathesalonike; Gayo wa Derbe; Timotheo; Tikiko na Trofimo eboka Asia.
\v 5 Ale bantu baba basubire ehetela na bale batubedate Troa.
\v 6 Kwa nkondo ya Mai eboka Filipiu lyene lya Nkya jya Mikate itigitere ghera na kwa nklya eshanu tukabahikela kyo Troa. Tukamuntya nkyoo kwa nkya Muhungati.
\p
\v 7 Rari nkya ya kwanza ya Wiki, twale tumogane hamwe ebuga tulye mkate Paulo akakalaga na Bendekere. Ale abugate egenda labu lyehe ndyo arosela ebuga baga nabudiko kwa manane.
\v 8 Kwakolagwa na Taa njineni kwa Nyu, mba yegolo halya twale tumugane hamwe.
\v 9 Kwa Dirisha ale amuntirye mtana omwe ebinan liehe Utiko akalemelwa ni tolo ndito. Line Paulo akolagwa ahumiriate kwa halehu, mtana ohyo ale arere, akatonya nsee eboka Ghorofa ya Kadatu na akatolwa akire.
\v 10 Ale Paulo akahoroka kwa nsee akamulalela wene weka kwegolo yehe, akamuroheta ndyo akabuga, “Muhabe edeka, kwa bulya nale serye.”
\v 11 Ndyo akalenjela lenge Ghorofani na akalya mukate akalya. Asuba ekalaga nabo kwa geri ndehu baga kutune akaghenda.
\v 12 Bakamuleta olya mtana ale majiegi bakaghammela muno.
\p
\v 13 Eshe bene tukahetela b ushone bwa Paulo kwa meli na tukadora Aso halya eshe tubugire etola Paulo kyo. Geke kyoo wene weka akonde eghayya kwa bulya abaghire egenda eletya nsee njomo.
\v 14 Bulya atuhikere kyo Aso tukamulejerya kwa meli tukagenda mitelene.
\v 15 Ndyo eshe tukaboka eboka kyo na nkya ya Kabele tukahika hara ya kabele ya Kisiwa kya Kio. Nkya elya erohirye tukahika kisiwa kya Samo, na labu lehe tukahika mujyie jwa mileto.
\v 16 Kwa bulya Paulo ale aamire egera eletya Efeso, ebuga ekola ahabe suba geri yonse kwa Asia. Kwa bulya ale ne guduguda ahike Yerusalemu kwa bulya ya ghorou ya Pentekoste, ekola bikegwasa wene eghayya bwo.
\p
\v 17 Eboka mileto akatoma bantu baga efeso ne babugela balakolo ba Kanisa.
\p
\v 18 Bulya bahikire mwehe akababiela, “Enye enyeka muje eboka nkya ya Kwanza naghajire oho Asia, bulya nakalagwa kwenyu ngara yonse.
\v 19 Gharerye Mwegeri kweheterya lyonse na kwa mesori, ne tirirwa bilya bibande nwe kwa kwalusoro lwa Bayahudi.
\v 20 Muje bulya tyatiesiserya ebuga kwenyu kindo kyonse kilya kyale kijaregu na bulya nie nabamanyererye lyonse egora egenda nyumba kwa nyumba.
\v 21 Muje bulya niye nababibiherye ebala Bayahudi na Bayunani kwa bulya ya Musamaha jwa Mugwe edekerya kwa Mwegeri weto Yesu.
\p
\v 22 Na ryolo, laberyai nie bere sokire nkolo Museri ebaniya Yerusalemu, ntije bighori bilya bike ghobukela niye kyoo,
\v 23 Kwa bulya ngo ekola Nkolo Museri nabielate niyee kwa mujyie na mujyie abugate ekola minyorori ne tirirwa bwo bibetire.
\v 24 Ale niye tii muneterya ekola madiko jawa ni kwa nkondo yonse ya gatu kwawa ebuga ghikye esuba ngendelo yawa nan milemo gherwe eboka kwa Mwegeri Yesu, ebiela injili ya kuholo kwa Mugwe.
\v 25 Na ryolo, Laberyai, jije ekola enyonse bamwe mwa balya naghendire ebabiela Bwegeri mutumuneebana busho lenge.
\v 26 Kwa ryolo babielate kweno eno ekolo tii ng'adaba kwa ndaghami ya monto wonse.
\v 27 Kwa bulya tyati ebibererya ebabiela bujaregu bwonse bwa Mugwe.
\v 28 Kwa ryolo ebani mubane egolo yenyu enye enyeka na egolo lya kundi lenge lilya Nkolo Museri, abadaghare enye ekola barenderi ebani mubone esema bajaghani ba Mwegeri, bulya aligorire kwa ndaghami yehe weka.
\v 29 Njije ekola line egenda lyawa, gunywa jibeju bakeshala kwenyu na bati marero nenye.
\v 30 Njije ekola egara enye bene enyeka bamwe bantu bakeja ne ebuga bighjori bwobya ebuga banyuke bamanyererigwa babarohye bene.
\v 31 Kwa ryolo bani na messo. Teryai ekola kwa bilemela esatu twati ehaba ebamanyerya egora omwe wenyu kwe messoni budiko na msenya.
\p
\v 32 Na ryolo niyee nabanyighela kwa Mugwe, na kwa ekalaga lya kuholo lyehe lilya likehikya eboka ne baha mutubugero hamwe nabo bonse badaghare burenderi kwa Mugwe.
\p
\v 33 Twatierera robiya, ghoro anga ngobi.
\v 34 Muje enye bene ekola miboko eno eghere gantu kwawa niyeka na balya bale hamwe nenye.
\v 35 Kwa bighori byionse nabehere ngendelo ya bulya ya bulya bakehikya ebara sererya masigini kwe eghayya milemo na bulya mukondatwe eterya ekalaga lya Mwegeri Yesu, makalaga jalya wene weka abugire, ‘Ndigoni ehumwa kuliko ehebwa.’”
\p
\v 36 Liene asubire ebuga bobwo akasega magolo akehela hamwe nabo.
\v 37 Bonse bakajura muno ne mugwelaga Paulo eghoti na emukobaga.
\v 38 Bakashalya marero kwa muno lyonse kwa bulya kilya bulya abere abugire, ekola lyonse mutumune ebana busho bwehe lenge. Ndyo bakamuragusha Merikebuni.
\c 21
\cl Mlyangu 21
\p
\v 1 Ngero twa kolagwa tubahabana nabo tugerirerate mai golo, tukahika limwe kwa mujyie jwa Kosi, na labu lyehe tukahika mujyie jwa Rodo, na eboka kokyo tukahika mujyie jwa Patara.
\v 2 Tukabana Meli esobagate egenda Foinike tukalenjela egenda.
\v 3 Bulya twahikire bushone bwa Kisiwa Kipro, tukabana hara ya kumoso, tukagenda mbaga Siria, tukadaghara nanga kwa mujyie jwa Tiro, kwa bulya kokyo kya meli yale humigwe mrigo yehe.
\p
\v 4 Lyene ebabana bamanyererigwa tukamuntya kyo nkya muhungati. Bamanyererigwa baba baka mubiela Paulo eletya kwa Nkolo ekola wene ahabe eghaja Yerusalemu.
\v 5 Ejagha tukahikerya nkya yene, eshe tukagenda kweto bonse hamwe na baka bobo na bana bobo, bakaturagusha kwa nkondo yeto mbaga tukahuma mubale jwa mujyie. Ndyo tukasega hara ya Maigolo tukehela tukahabana kila omwe.
\v 6 Tukalenjela meli, kano nabo bakajoka makaya jyiobo lenge.
\p
\v 7 Ndyo tukasuba Sabari yeto eboka Tiro tukahika Tolemai. Ayyo tukagessenia ndogo na emutya etwa nabo kwa nkya emwe.
\v 8 Labu lyehe tukagenda Kaisaria. Eshe tukashala kaya ka Filipo muhubiri wa injili, akogalwa omwe wa balya muhungati neshe tukamuntya hamwe nene.
\v 9 Monto oyo ale na banabaka banana bana babikira balya babugire.
\p
\v 10 Lyene bakamuntya kyo kwa nkya jighima, akahoroka eboka Buyahudi nabii omwe abugwa Agabo.
\v 11 Wene akaja kweto na akeboha mughoba jwa Paulo. Kwa lyene ekeboha magolo na miboko yehe weka na akabuga, “Nkolo Museri abugaga bobyo, ‘Bayahudi ba Yerusalemu bakemuboha monto wa mughoba jojo, nabo bakemunyigha mikoneegolo ya Bantu ba Matongo.’”
\p
\v 12 Bulya twahikire bighjori bibyo, eshe na bantu bakolagwa batore hantu hene tuka mwela Paulo ahabe egenda Yerusalemu.
\p
\v 13 Ndyo Paulo akajokya, “Mghayatye njii, mjurate ne ekeba nkolo jyiawa? Kwa bulya ninde nyebanerehe, tilyoka lyebohwa nanga sei ekwela kokyo Yerusalemu kwa bulya lye ebina lya Yesu.”
\p
\v 14 Kwa lelyo Paulo atwati ekonda edekigwa, tukahaba neebuga, “Basi ngo marero ja Mugwe jaghaeke.”
\p
\v 15 Lyene lya nkya jiiji tukatola mibogo yeto natukalenjela Yerusalemu.
\v 16 Bariri bamanyerigwa eboka Kaisaria naho bakarohania neshe. Bakamuleta monto omwe abugwa Mnasoni, monto wa Kipro, mumanyerigwa wa kala, olya twamutirye nene.
\p
\v 17 Bulya twahikire Yerusalemu, ndogo bakaturagerya kwa maghamela.
\v 18 Labu lyehe Paulo akagenda hamwe neshe kwa Yakobo na balakolo bonse bakolagwa.
\v 19 Lyene akabaghesha, akabaha masikelo limwe kwa limwe na bibugu bilya Mugwe aghaire gate ya Matongo kwa eletya milemo yehe.
\v 20 Nkya bojirye bibyo, bakaghora Mugwe na bakamubiela, “Nabone, ndogo, hale maelofu jaghanabo babendekela gate ka Bayahudi. Bene bonse bakonde enyigha ngendelu.
\v 21 Baberwe bwayyo wee, ekola omanyeratye bayahudi batore gate ya Matongo ehabana na Musa, na ekola obabelate bahabe emurada bana bobo, na bahabe tubugera Kitemi kya Kala.
\v 22 Tukondatwe tughaye njii? Bila eghaghama bakojwa ekola wee nabaja.
\v 23 Ryolo ghairya kilya tyukubielate ryolo tule bantu bana balya badaghare ghorieda.
\v 24 Batole bantu baba na weserye weka hamwe nabo na obalibie gharama jyiobo, ebuga bahikya emwa mitwe yobo. Ndyo kila omwe abane emanya ekola bighori baberwe eboka wee bwa bwerehi. Bake manyerya ekola wee sei norohatye ngendelo.
\v 25 Ale kwa masikelo ja Matongo balya baba ba Kanisa twandekire ne humwa ndendelu ekola bahikire begire binto bihumirigwe sedani kwa kiryoka, na ndaghami, ebokana na kilya kighubirwe na benjinkerye na Busari.”
\v 26 Ndyo, Paulo aketwarya balome, na budiko bwa kabele, akesserya weka hamwe nabo, akashala hekaluni, etolaga nkya jya nyesserya, mbaga sedani ehumugwe kwa bulya lya ndya omwe wobo. Omwe wobo.
\p
\v 27 Nkya kya jinyo muhungati bulya nyasungurere esira bamwe Bayahudi eboka Asia bahana Paulo Hekaluni na bamogane bakaregya ne mughonyia miboko.
\v 28 Bale basegate egaba, “Bantu ba Israeli, Turasheni. Oyyo ni olya monto abamanyeratye bantu mijyie yonse bighori bilya bile suha na bantu, ndendelu na hantu oho. Egora ababielate Bayunani kwa Hekalu na egharagharya hantu oho haseri.”
\v 29 Kwa bulya murunelu bale bamubane Trofimo Muefeso ale hamwe nene mujyie ndane, nabo bakagera ekola Paulo abamuleta hekaluni.
\v 30 Mujyie jyionse jukaba na budeki na bantu bakangana hamwe nedaba Paulo. Bakamuhumia kahane ka Hekalu, na milyangu ekahingwa.
\p
\v 31 Bulya abakolagwa badadaghate emubulaga, kusikelo kukahikela mkolo wa jeshi lya burenderi ekola Yerusalemu yonse ebaha ebojola bubeju.
\v 32 Lyene akabatola Barenderi na Jemedari akarohela bantu. Liyena bantu kamubana mkolo wa jeshi na Barenderi bakahaba emusega Paulo.
\p
\v 33 Ndyo mkolo wa Jeshi akamusungura na akamunyigha Paulo na akabuga abohwe m minyorori ebele. Akamuborya wene ole yau na abagita bo.
\v 34 Bamwe bantu kwa baneni bale baberenyoka te bobyo bange na bange kinge. Kwa bulya Jemedari atyati ehikya ebabiela kantu kwa bulya lya egaba akabuga Paulo aletwe ndane ya Mwaleda.
\v 35 Basi ngo bulya ahikire kwa elenjela milemo akotolwa mrenderi kwa bulya ya bubeju bwa baneni.
\v 36 Kwa bulya baneni bantu bamurohatye nesega egaba, “Mwenkeryeni oho!”
\p
\v 37 Paulo akolagwa aletatwe ndane, lya, mwaleda akamubiela mkolo wa Jeshi, “Nikehikya ekubiela gantu?” oyo mkolo wa jeshi akabuga, “Ale ndyo ugambate Kiyunani?
\v 38 Ale, we tiwe olya Mumisri olya kala ahetere bubeju akatola njaghamba malugho anyanya bwelegolo?”
\p
\v 39 Paulo akabuga, “Niee nde Muyahudi eboka mujyie jwa Tarso ya Kilikia. Niye nde monto wa mujyie jujaregu. Nijihelate musegere gabe na bantu.”
\v 40 Ndyo Jemedari akamuha ebuga, Paulo akema halya helenjela na kahumia ndendeleo kwa bantu kwa kuboko kwehe. Liene kukasishwa muno akagaba nabo kwa Kihebrania. Akabuga,
\c 22
\cl Mlyangu 22
\p
\v 1 “Ndogo na baba eto, tegeryai eradsha lyawa kilyagheghaya kwenyu ryolo.”
\v 2 Kimuhyo bulya bojirye Paulo abuga nabo kwa Kiebrania, bakasisa. Akabuga,
\v 3 “Niee nde Myahudi, bwarerwe mujyie jwa Tarso nsee ya Kilikia, ndyo akabana emanya kwa mujye jojomagolone ja Gamalieli. Kamamanyerigwa ebokana na nkondo njaregu ya ngendelo jya baba bento. Niyee nde na Mugwe bwe eye eyonse muga nkyeno.
\v 4 Nabatiririre nkwa nkondo eno baga ekya; nkababoha balome na baka nebadaghara jela.
\v 5 Egora Kuhani mkolo na balakolo bonse bakehi kya ehumia bwejibe ekola naherwe borwa eboka kwobo kwa bulya ndogo bale Dameski kwawa niyee nagere egenda kokyo. Lyale nete bantu Yerusalemu ba nkondo elya ebuga babohwe na baturwe.
\p
\v 6 Kughaghubuka enkola halya nale gendate basungura Dameski, Geri ya msenya lya lubasho luneni lukaghubukela kwegolo lukabasha.
\v 7 Kagwa nse ne ojya egaba akabiela, ‘Sauli sauli sheninji ongoberatye?’
\p
\v 8 Kanjokya, ‘Wee ole you, Mwegeri?” Akambiela, ‘Niyee no Yesu mnazarethi, olya weeongoberyate.’
\p
\v 9 Balya bale nanie bakabana lubasho naga bati onya egaba lya olya agambate na nyee.
\v 10 Kabuga, ‘Gitebo, mukolo?’ Mwegeri akambiela,’ Ema na ushale Dameski; kokyo nokebelya kila kindo akondwe eghayya.’
\v 11 Tyati ehikya ebana kwa bulya ya lubasho bwa moki elya, ndyo kagenda Dameski kwe kwenyigwa miboko balya ha le nenie.
\v 12 Kokyo kajahana na monto abugwa Anania ale monto anyighire ndendelo na asokirwe bushone bwa bwa Bayahudi bonse batore kyo. 
\v 13 Akeja kwawa, akema bushone bwawa na akabuga, ‘Ndogo nyawa Sauli, hala obane,’ kwa geri elya sei kamubana.
\v 14 Akabuga, ‘Mugwe wa Babaeto abakolobola wee abane emanya lukondo lyehe ebana olya ale saba ne ojya egaba ebokate kwa kanya kehe.
\v 15 Kwa bulya akeba mwejibe kwehe kwa bantu bonse kwa lee obabana ne ojya.
\v 16 Basingo, ryolo obedate njii? Boka obadiswe, okusabigwe ng'adaba jyayo, obugele ebina lyehe.’
\p
\v 17 Lyene enjoka Yerusalemu, nakolagwa jihelate ndane ya hekalu, kakaghubuka ekola kahebwa biraryoku.
\v 18 Nkabana akabiela, ‘Limwe na uhume Yerusalemu ebasoboshe kwa bulya butumuneeekweedekela bwejibe bwayo eboka niee.’
\v 19 Kabuga, ‘Mwegeri, boo bene baja nababohire jela ne batura balya bakwedekere kila Sinagogi.
\v 20 Na ndaghami ya Stefano mwejibe wayo etirwe nyee sei nale jemire hadinko na edekela na nakolagwa dedere ngobi jya balya bamubulagire.’
\v 21 Ale akababiela, ‘Gera kwa bulya niyee kekutoma ugende halehu kwa bantu ba Matongo.’”
\p
\v 22 Bantu bakatiga akagaba kwa ekalaga lele ale lyene akalehiga egaba ne ebuga, “Mwekeryeni monto oho kwa nsee: kwa bulya itimujaregu atole.”
\p
\v 23 Bakolagwa basegate egaba na neta ngobi jyiobo ne engana reri kwegolo,
\v 24 Jemedari mkoloakabuga Paulo aletwe mwaledanane. Akabugwa aborigwe kono naturatwe na mighoba, eba wene weka amanye kwa nji bakolagwa basegate egaba bohyo.
\p
\v 25 Ejagha bakolagwa bamubohire kwa lugho, Paulo akamubiela olya Akida emire hadinko nene niee lyasaba Kwenyu etura monto b wa Barumi na atwati ebuhwa?
\p
\v 26 Olya akida bulya ojyirye makalaga jajyo akagenda kwa Jemedari mkolo na akamubiela akabuga, “Okondate eghairya njii? Kwa mamuna monto oyo ni Mrumi.”
\p
\v 27 Jermedari Mkolo akaja ne emubiela, “Mbiela wee, Ale wee ni monto wa Rumi?” Paulo akabuga, “Ndyo.”
\p
\v 28 Jemedari akajokya, “Niyee na band e butolo bobno kwa mali njaneni.” Ale, Paulo akamubiela, “Nyee nde Mrumi we byalwa.”
\v 29 Basingo balya bale ededa emuborya bakagenda ne muhaba lyene sei sei. Na Jemedari nene akaryala bulya amanyire ekola Paulo ni Mrumi na kwa bulya amubohire.
\p
\v 30 Nkya erohirye, Jemedari mkolo akonda emanya lyasaba esidakigwa lya Bayahudi kwa Paulo. Ndyo akamuhingola ebohwa lyehe akabuga bakolage ba Makuhani na baraza lyonse bajaghane. Akaleta Paulo nsee ne mudaghara gate gate yobo.
\c 23
\cl Mlyangu 23
\p
\v 1 Paulo akeberaberya limwe kwa limwe bantu baraza na akabuga, “Ndogo jyawa, tore bushone bwa Mugwe kwa nkolo njaregu banga kyeno.”
\v 2 Kuhani mkolo Anania akababiela balya bemire hadinko nene bamusege kanya kehe.
\p
\v 3 Ndyo Paulo akamubiela, “Mugwe akekusega wee buguta bibirigwe chokaa. Umuntirye eghukumu kwa ngendelu nawe ubabuga turwe suha ya ngendelu?”
\p
\v 4 Balya bale bemire hadinko nene, bakabuga, “Bibyo mbyo omurumate kuhani mkolo wa Mugwe?”
\p
\v 5 Paulo akabuga, “Ndogo jyiawa, niye twati emanya ekala onyo ni kuhani mkolo kwa ekola kwadekirwe otumuneegaba bubeju kwa Mwegeri wa bantu babyo.”
\p
\v 6 Paulo akabana enkola haremwe ya Baraza ni Masudakayo na bange na bange Mafarisayo akasega egaba na akabuga, “Ndogo, jyawa nyeeni Mfarisayo Mwana wa Mafarisayo ni kwa bulya lele betelate kwa bujaghamba eryoka lya bakire denabo ebohwa nabo.”
\v 7 Bulya abugire bibyo kukeleganwa muno kukaghubuka elegeojania Mafarisayo na Masadukayo na Mgutano jukanyeka.
\v 8 Henji Masadukayo ebuga hati eryoka, Malaika rari hati Nkolo boo Mafarisayo babugate bibyo byionse bileho.
\p
\v 9 Bubeju buneni bukaghubuka na bariri baadeka bale hara ya Mafarisayo bakema ne eborania bakabuga, “Tutibande kyonse kibeju kwa monto oyo wakolo nkolo anga Malaika nabagaba nene?”
\v 10 Nkya kwahumire bighjori bikolo mkolo wa Barenderi akaryala ekola Paulo akondate eborosholwa bitye bitye boo. Ndyo akabuga barenderi baharoka nsee bamutole kwa nguru eboka kwa bajumbe ba baraza ne emuleta nkwa mwaleda.
\p
\v 11 Budiko bwa kabele Mugwe akema hadinko nene na akabuga, “Haberyala kwe ekola ababuga ekalaga kwa Yerusalemu, ryolo akehumia bwejibe sei kwa Roma.”
\p
\v 12 Bulya kaserire bariri bayahudi bakagharya mugiso nebugela muma egolo yobo bene. Bakabuga wakola batumune elagela rari enywa kyonse oho babulaga Paulo.
\v 13 Hale bantu baneni ba milonge ena balya baghairye njama njiji.
\v 14 Bakagenda kwa bakolage ba Makuhani na balakolo ne buga, “Tubedagha esheka kwa muma njukolo, tuhabelagela kyionse baga tughore emubulega Paulo.
\v 15 Ryolo ngo, kwa ryolo Baraza dibele jemdedari mukolo amulete kwenyu ekola musube gesi yehe kwa lyasaba. Kweto eshe tule twebanerere emubulaga rari atyandi ehika ho.”
\p
\v 16 Ale mwana wa karibiari Yehe Paulo akojya ekola hale njama, akagenda akashala ndane ya Mwaleda na akamubiela Paulo.
\v 17 Paulo akabugela Akida omwe akabuga, “Mutole mutana oho kwa Jemedari; kwa bulya anekalaga lye mubela.”
\v 18 Basi ngo akaida akamutola olya mutana akamuhira kwa Jemedari kwa bulya mkolo akamubiela, “Paulo olya mubohwa ababugere akakonda kuletele mtana oho kwayo. Ale na ekalaga lye kubiela.”
\v 19 Olya Jemedari mkolo akamunyigha kuboko akesega nene mubale na akamuborya, “Ni kinto kee akondate ebiela?”
\v 20 Mtana oyo akabuga, “Bayahudi babelane bakwehele olete Paulo labu kwa baraza kwe ekola bakondate ebana habari nyehe kwa bujaregu muno.
\v 21 Basi ngo we habeedekela kwa bulya bantu baneni ba milongeena bakemwebisela. Bebohire kwa muma batumune elagela rari enywa banga bamubulage. Eghora ryolo bebanererye, babetelate kibali eboka kwayo.”
\v 22 Basi ngo oyo Jemedari mkolo akamuheba mtana agende kwehe agende kwehe lyene amubiela habebbela monto wonse ekola noberire bobyo.
\p
\v 23 Akabugela Maakida babele akabuga, “Dagharai Barenderi magana abele egenda Kaisaria na barenderi belanjela Farasi milonge muhungati na bale na matumu magana abele mukegenda zamu ya nabudiko ya kadatu.”
\v 24 Akababiela dagharai Farasi bujaregu olya akebala Paulo kwa kuholo Kwa Feliki Gavana.
\v 25 Akadeka borwa kwa bobyo.
\v 26 “Klaudio Lisia kwa Liwali mughorwa Feliki, geshai.
\v 27 Monto adabirwe ni Bayahudi bakaba hadinko emubulaga, ndyo kagenda hamwe na kikosi kya Barenderi kamuohonokya bulya nebande masikelo ekola wene na monto wa rumi.
\v 28 Kakonda emanya kwa nji bamusidakerye ndyo kamuhira kwa baraza.
\v 29 NKabana ekola ale asidakerigwe kwa bighri bya ngendelu jyobo, rari atisidakerigwe ekalaga ryonse lihikire emubulaga nanga ebohwa.
\v 30 Ndyo likamanyekana kwawa ekola hale jama kwehe ndyo kwa lyene katoma kwayyo na ebabiela balya abamusidakirye sei balete mashika njehe bushone bwayo. Bakabahana.”
\p
\v 31 Basi ngo balya Barenderi bashoka amri: bakamutola Paulo bakamuhira baga Antipatri nabudiko.
\v 32 Nkya erohirye, Barenderi baneni bakabahaba balya balenjere Farasi bagende hamwe nene nabo bakajoka kwobo mwaleda ndane.
\v 33 Na balenjela Farasi Bakahika Kaisaria na emuha Liwali elya borwa bakadaghara Paulo bushone bwehe.
\p
\v 34 Nene liwali bulya asomire borwa akamuborya Paulo obokireMujyie kee; olya akamanya ekola ni monto wa Kilikia,
\v 35 akabuga, “Nikekwojya wee wakola babaja balya bakusidakirye,” akabuga adagharwe kwa Ikulu ya Herode.
\c 24
\cl Mlyangu 24
\p
\v 1 Anamuna ya nkya eshano, Anania Kuhani mkolo, baadhi ya malakolo na banamije umwe ebugwa Tertulo, bakagetrya halya. Antu baba baletire mashitaka ja Paulo kwa gavana.
\v 2 Paulo bulya emire mbele ya gavana, Tertulo akaanzaesidagia na ebuga kwa gavana, “Kwa bulya tule sayo nkolo; na kwa maono yayyo jaletate maghalolu jajaregu katika nse leto;
\v 3 Basi kwa hanana yeto tupokeate kila tinto kighayagya, basalamu baheshimiwa Feliki.
\v 4 Ale ngobe kughatarya zaidi, nikusasamate utegerye makalaga jya riri kwa fadhili jiehe.
\v 5 Kwa bulya twabana monto oyo muraganu, na asababishate Bayahudi bonse easi nseno. Tena kiongozi wa madhehebu ya Wanazorayo. (Zingatia: sehemu ya makalaga ja mstari jojo 24:6
\v 6 Na lenge Mwajaribire egitela hekalu unajisi bobyo tumudabate, na jutiho kwenye morwa bora za maandiko ja kala) (zingatia: Mstari huu
\v 7 Lisiasi, afisa ajire akamutola na nguru mkono egolo jieto, jutiho nakala bora za maandiko ya kala).
\v 8 Waborya Paulo egerania makalaga jaja, hata ukehikya emanyerwa nikitoke tumsidagerye.”
\v 9 Bayahudi nabo baka musidagya Paulo, babugate ebuga bakalaga jale jasaba.
\p
\v 10 Liwali amujijigerwe kuboko ebuga Paulo agambe, Paulo akabuga, “Nimanye ebuga kwa miaka jineni aboba mwamuzi wa taifa lele, na ninde furaha ekalagerya weka kwehe.
\v 11 Ukehikya ehakikisha ebuga jitihetete nkya jineni ya ekomi na ebele eboka lilya nanjengere egera abudu Yerusalemu.
\v 12 Na bulya bankore katika hekalu tiandi ebishaniya na monto ulya wonse, na ntyandi eghajya fujo katika mte, wala katika masinagogi wala ndane ya muje.
\v 13 Nanga wahitiheketye ehakikisha kwene eresela jashitakiatwe dhidi yawa.
\v 14 Ale nikiriatele kwajyo, kwa bulya nkondo ilya baibugelate dfhehebu, kwa nkondo elyo namtumikire Mugwe wa Baba beto. Niyende mwemelu kwa jonse jawa jale kwenye kioloteryo na maandiko ja manabii.
\v 15 Ninde bughomi bulya bulyua kwa Mugwe bwe bulya bayo nabo batibuhelate eja eryekigwa ba eryoka kwa balya bonse bale nsaba na balya bati nsaba pia.
\v 16 Na kwa lele, ngayate milemon ebuga jobe na dhamira iti hayia bushone bwa Mugwe na bushone bwa Bantu eheta makalaga jonse.
\v 17 Rilyo anamuna ya nkya ineni nibaja eleta Msaada kwa taifa lyawa na zawadi ya robigya.
\v 18 Lilya naghairye bobyo, Bayahudi bamwe bakankola ndane ya ngorou ya butakaso ndane ya hekalu, bila eyho lya bantu agga ghasia.
\v 19 Bantu baba balya ibakonda ekolwa bushone bwa gya ryolo bobyo babuge kilya balenakyo egolo yawa kola mbale ekalagu lilya lonse.
\v 20 Anga bantu baba boka na babuge nikosa ke balibande kwawa lilyanemire bushone bwa baraza lya kiyahudi.
\v 21 Na lagekolya bulya kinto kimwe na kibugire kwa ero na bulya nemire kate yobo, ‘Ni kwa bulya eryokigwa ba eryoka enye muhukumiate.’”
\p
\v 22 Feliki alele asubire belya bujaregu ebuga nkondo na akajumwa mte akabuga, “Lisia jemedari lilya akeja nse eboka Yerusalemu nike humwa maamuthi dhidi ya eresela lenyu.”
\v 23 Ndyo akamubiela amamunahele Paulo, ila obena nafasi na rari ahabekolwa monto weba serya bahenji behe bahabe murusha anga bahabe mugerela.
\p
\v 24 Anamuna ya nkya jiriri Feliki kajoka na drusila mkehe ulya ale Myahudi, akatomaniya ebugelya Paulo na akojya eboka kwehe Habri jya saya ndane ya Kristo Yesu.
\v 25 ILa Paulo bulya ajadiliage nene ebuga nsaa, Obana kiriri na lale hukumu ikeja, Feliki akabona hofu, “Gera kule kulehu kwa riolyo, ale nabana lenge gera, nikekubugela.”
\v 26 Gera eyo ageraga Paulo akemuha robigya kwa riryo amubugere haneni agambe nene.
\p
\v 27 Ale miaka ebele jikaheta Porkio Festo akoa liwali anamunuya Feliki akondie ehiribira kubayahudi, rilo akamuhaba Paulo nse ya Baraberi.
\c 25
\cl Mlyangu 25
\p
\v 1 Ndiyu Festo ashare katika jimbo lelyo na anamuna ya nkya esatu agerire eboka Kaisaria hadi Yerusalemu.
\v 2 Kuhani mlakolo na bayahudi mashuhuri baletire shutuma dhidi ya Paulo kwa Festo, na na bagabire kwa nguru n kwa Festo.
\v 3 Na bamwerehe Festo fadhili egolo lya habari jya paulo abane abugela Yerusalemu ebuga bahike emubulaga nkondo.
\v 4 Ale Festo akabuga ebuga Paulo ale muhingwa katika Kaisaria, na ebuga wo woka akejoka kokyo haraka.
\v 5 Abugire, “Kwa rolo, alya bahekiya, bakehiukwiya egera kokyo neshe. Kola hale kinto kibeji kwa monto oyo mukondatewe mumusidagwe.”
\p
\v 6 Anamuna amintyirye nkya enya anga ekomi na nkya ilya yabadire kamitya n katika kite kya hunke bi aka buga Paulo aletwe kwehe.
\v 7 Bulya ahikire Bayahudi eboka Yerusalemu akema handinko bakahumiya mareseri jya neni jarito butandihikya ethibitisha.
\p
\v 8 Paulo na aketetea na akabuga, “Tyi dhidi ya ebina lya Byahudi, ti egolo lya Hekalu, na ti egolo lya Kaisaria, nighairya jabeju.”
\p
\v 9 Alee Festo akondire eshasharerya kwa Bayahudi, nabobya akamubiela Paulo kwa ebuga, “Alee ukandate gera Yerusalemu na ebohwa na neye egerania makalaga jaja kokyo?”
\p
\v 10 Paulo abugire, “Nema bushone bwa kiti lya nkebi kya Kaisar ojyo kondatwe ebohwa. Tibakoseire Bayahudi, bwe whe umanyate bujaregu.
\v 11 Yoba niukoseire nakola nighairye kigwasate lukyo, tilegate ekya. Ale kola shutuma jiobo ti kinto, Hati monto akehikya engaba kwobo. Imwehelate Kaisari.”
\p
\v 12 Anamuna ya Festo egamba na baraza akabuga, “Umwehelate Kaisari, Ukegeera kwa Kaisari!”
\p
\v 13 Anamuna ya nkya jiriri, Mwegeri Agripa na Bernike bahikire nKaisaria ziara rasmi kwa Festo.
\v 14 Anamuna yemitya ajyo kwa nkya jineni, Festo akabaha gesi ya Paulo kwa Begeri, akabuga, “Monto omwe ahabirye oho na Feliki ale mfungwa.
\v 15 Lilya nale Yerusalemu makuhani kakolage na balakolo bayahidi bokaleta eresela egolo lya monto oyo kwawa, bakaborya egolo lya nkebi dhidi yehe.
\v 16 Kwa rilo neye nibabiela ebugati destuli ya Baroma ehumwa monto kwa bupendeleo anga yehe mtuhumiwa akondatwe obana nafasi ebakabili basidagiya behe eha tetea dhidi ya tuhuma jijyo.
\v 17 Kwa bulya bale hamwe ayyo, tindihikya ebeta, ale nkya ilya yatubegere namirye hale kiti kya nkebi na amru monto oyo aletwe ndane.
\v 18 Ngara basidagiya bulya bemire na emusidaya, nkagera ebuga hati ereselwa likolo liletatewe dhidi yehe.
\v 19 Anga yehe, ale na mabishano fulani hamwe nene egeraniya dini yobo na egeraniya Yesu ulya akire, ale Paulo akadai oboa ale serye.
\v 20 Ale ahingirwe njiji ya echunguza sukala lele, na kamuborya kola ale agera Yerusalemu. Eboshwa egerani makala jaja.
\v 21 Ale Paulo bulya abugerwe agitelwe nse ya buraeri kwa bulya bwa buamzi bwa Mwegeri, agitele hata nikemuhira kwa Kaisari.”
\v 22 Agripa akabuga na Festo, “Ale akonda emutegerya monto oyo.” Festo, akabuga, “Labu nakemutegerya.”
\p
\v 23 Obyo labu lihe Agripa na Bernike bakahika na ngorou jineni; bakahika katika ukumbi na Maafisa bakijeshi na bantu mashuhuri ba mujiee, na Festo akahumia amri Paulo aletirwe kobo.
\v 24 Festo akabuga, “Mwegeri Agripa na Bantu boonse balya bale oho hamwe neshe, mubone monto oyo; jumuhia yonse ya Bayahudi ale Yerusalemu na oho bakondate ashauri, nabo bakasega kelele kwawa ebuga nahabetola.
\v 25 Babana ebuga atandighayagiya astailiate lukyo ale kwa bulya abugere Mwegedri akaamua amuhere kwa Mwehe.
\v 26 Ale ti kinto dhahiri kye andeka kwa Mwegeri kwa bulya bobyo amuseta kwajyo, kwa kwajyo whe Mwegeri Agripa ebuga jobe nakinto kyandeka egerania gesi.
\v 27 Liba mboni litikinto muhire akabohwe na bila ebanisha eresela jalya jamukabiliate.”
\c 26
\cl Mlyangu 26
\p
\v 1 Bobyo, Agripa akamubiela Paulo, “Nuruhusiatwe etetea.” Ndiyo Paulo aka emya kuboko kwehe aketetea bobyo.
\v 2 “Bone alefuraha, Mwegeri agripa, anga eghajya gesi yawa bushone bwajyo kyeno dhidi yaz ereselwa jonse ja Bayahudi.
\v 3 Hasa, kwa bulya we ule mtaalamu wa desturi jya Bayahudi na Maswali. Riolo ijehelate utegerye kwa uvumilivu.
\p
\v 4 Nsaba, Bayahudi bonse baje jinsi bulya natore bufa nabwawa katika taifa lyawa kono kwa Yerusalemu.
\v 5 Banjije eboka bushone na batukiatwe bedekele ebuga natore kama Mufarisayo, Dhehebu lele mwelanu jukali hale dini yeto.
\p
\v 6 Riolo nijemire oho bohwe kwa bulya niye ndaberate ahadi ilya Mugwe aghairye na Baba beto.
\v 7 Eno ni ahadi ilya makabila jeto ekomi na ebele jaletumaini ehebwa kola bakemwabudu Mugwe kwa Bidii nabudi na msenya. Ni kwabulya tumaini lele, Mwegeri Agripa, ebuga Bayahudi bandeselate.
\v 8 Kwa ulya wonse kate yenyu agerate ni nsoni ebuga Mugwe aryokagia bakire?
\p
\v 9 Ngero inge bageragu weka ebuga nale naghajia makalaga jya neni dhidi ya ebina lya Yesu wanazareti.
\v 10 Naghairye jaja katika Yerusalemu; Kababoha baumini mbaneni gela na nale na malaika eboka kwa makolo bamahakama ni eghajiya bobyo; ngere babulagao kasega kura dhidi yobo.
\v 11 Mara jineni nabature katika Masinagogi jonse na kajariba eghajya babanekane ayo lyobo na nkabaugusa hata katika mujyee jwa bageni.
\p
\v 12 Ngere lilya naghayagia jaja, nagerire Dameski, nale na bwegeri na tomwa eboka kwa makuhani bakolo.
\v 13 Lilya mbale nkondo ngara ya msenya, Mwegeri, kabana mwanga eboka kwegolo jwale ujeri muno kwiko ghari jukele ekugobia niye na bantu balya bale bagerate hamwe na neye.
\v 14 Eshe shonse tukagwa nse, na nkojua ero ikaghamba na niye ikabuga katika lugha ya kiebrania, ‘Sauli, Sauli! Shibuna tesaga? Kyibibo esega teke mchokoo.’
\p
\v 15 Ndiyo nikabuga, ‘Wee uloou, Njaghamba?’ Njaghamba akabuga, ‘Niye nde Yesu ulya utesate.
\v 16 Rilyo boka ema kwa bumagolo jayyo bulya kwa kusudi lele niye nimbabanekana kwayyo, nimbakuteua wobe mutumishio na mwejibe wa kwegolo ja makalaga nuje egeraniya niye rilyo na makalaga jalya kekubaniya hinja.
\v 17 Na nike kuokoa eboka kwa bantu na bantu bamataifa balya nikutomate,
\v 18 ehigola meso jobo ebabokya kirimamu nane egera hale mwanga na eboka hale nguru jya kiselo kwa nse na na muhondokele Mugwe ebuga babane ehebwa musamaha na ng`adaba na urithi bwe bulya bahere bale balya bategire kwa edekela lilye kwawa.’
\p
\v 19 Bobyo Mwegeri Agripa, tyandi hikya kuasi ebana lya kwegolo,
\v 20 ale kwa wale bale katika Dameski bushone, na kisha Yerusalemu na nse yonse ya Yudea, na Pia kwa bantu amataifa junge akahubiri ebuga bati tubiale na buhondokela Mugwe baghaje ngendelujalya jastailiate toba.
\p
\v 21 Kwa bulya bobyo Bayahudi bakonda ba hekaluni, bakonde mbulaga
\v 22 Mugwe nabandasha mpaka kyeno, rilyo nijemate na kusudiate kwea bantu ba kawaida na kwa balya bakolage kwegholo ya jaya bulya beragu na musu akabuga jakeghubuka na tijange.
\v 23 Ebuga Kristo nlazima etirirwa na akobo wa bushone eryoka eboko kwa bakire akebasha mwanga kwa Bayahudi na bantu ba mataifa.”
\p
\v 24 Paulo akamuborya emutetea, Festo akauga kwa ero neni, “Paulo we ule muhoji Masomo jayyo jabakaghaji Wobe ulemuhoji.”
\v 25 Ale Paulo akabuga, “Niye timuhoji, Muheshimiwa Festo; ale kwa bughomi bugate makalaga ja nsaba yoka.
\v 26 Lyoba Mwegeri aje egerania makalaga jaja, nubobyo ng`ambate kwa uhuru kwehe, kwa bulya nindehakika ebuga hati lilya lyonse libisirwe kwehe, kweoba lele jitighairigwe pembeni.
\v 27 Ale, nuaminiate berago, Mwegeri Agripa? Ninjije ebuga uaminiate.”
\v 28 Agripa akamubiela Paulo, “Kwa ng`ende ndiko nukeikya eshawishi niya na eghajia Mkristo.”
\p
\v 29 Paulo akabuga, “Nimwehelate Mugwe ebuga kwa ng`ende ndiko agu ndehu, tiweweka, bali pia na bonse balya bajojure kyeno, bobe kama niye bila migobojya gerezani.”
\v 30 Nkyo Mwegeri akema, na liwali Bernike pia na balya bale bamitirye bamwe nabo.
\v 31 Bulya bagerire ukumbini, bakaghamba bho kwa bho na ebuga, “Monto oyo atikondatwe lukyo wala ebohwa.”
\p
\v 32 Agripa akamubiela Festo, “Monto oyo agihasire egitelya huru kola ahubire ekeba rufani kwa Kaisari.”
\c 27
\cl Mlyangu 27
\p
\v 1 Bulya gwasubire gabwa egera eletia mai ndane egere Italia, Bahere Paulo na babohwa bange kwa Ofisa omwe wa Jeshi lya Kiroma abugelagwa Julio, wa lugu Agustani.
\v 2 Tukahenjela meli eboka Adramitamu, olya yale isafiri mubale jwa bwelo bwa Asia. Basi ngo tukashala Baharini. Aristaka eboka Thethalonike ya Makedonia akagera hamwe neshe.
\v 3 Nkieyo yatubagere tukatonya nanga kwa mujyie jwa Sidoni. Ayo Julio agharie Paulo muhjera na akamusegera akagere kwa bahenji behe ehebwa muhera jubo.
\v 4 Ebokayo tukagera tugag'hobya kidari kya Kipro amuna kiahingerie lububu amamuna lububu ndwa tug'hobagia.
\v 5 Bulya Twasubire egera mai egolo jale hadinko na Kilikia na pamfilia, tukahikamira, mujie Lisia.
\v 6 Anyo olya mkolo wa Jeshi lya Kiroma, agakala meli ebani kwe Italia. Akatuhenjeria hondane.
\v 7 Bulya tubaghorekola ntubagera kareragwa nkia jineni na murugukelu tukahika kwe tirireka hadinko na kidadasi, lububu lutianditiga tujokegera na nkondeo, anyo tukagera mubale jwa bwelo g'heru ya Krete tukahojohojaga lububu, mukabala salimoni.
\v 8 Tukagera mubale mubale jwa bwelo kwebiboha, tuka g'horehika hantu habugwa reri hafeni bobulya jule hadinko mujie Lasi.
\p
\v 9 Twasubire ho m, ugero juneni lyonse, na mugero juegielagela jya Bayahudi juakorwe njusubire heta sei, na riolo ngo Paulo akatugiria.
\v 10 Na akabuga, “Bahomee mbone sabari eno tukondate egera igekolwa ni riari na enyagigwa lineni, timisigo jyioka na Meli, ale sei ejagha eshe etola lyeto.”
\v 11 Ale abisa wa Kijeshi lya kiroma akategeria muno mukolo wehe. Na wegeri wa Meli ale bakalega etegeria makalaga jya Paulo.
\v 12 Amamuna bandari itiale hantu hajaregu henyuntia kweri kwa muyaga. Begeri ba meli baneni ba bagakalageha tugere twekere ho ebuga nkolo ntugehikela mijyie jwa Foinike. Tunyutye anyo kweeri gwonse kwa muyaga ndane. Foinike ni bandari kokyo Krete, na ina beratie kwalogolo na kwa ryobekela na kusini Mashariki.
\v 13 Muyaga jwa kusini ukarunela evuma polepole, batubageri ba meli bakabana kilya bale kihitaji. Bakarunela egenda hara ya Krete hadinko na Pwani.
\v 14 Ale bobyo hatigana muyaga jubeju, julya jubugwa jwa kasikazini mashariki, jukanze tutura eboka mubale jua ndiba yene.
\v 15 Bulya meli ibanderere ehemelwa erutania na muyaga tukendekela obyo, juka tyuhira.
\v 16 Tukaroha eletia mubale julya juhingeratie muyaga jua dari libugwa Kauda, na Kwetirireka muno ale tukahikie honoki a mutumbwi.
\v 17 Lilia basube minyuka, baminyukire mughoba eboha meli, bariare ebuga bale beegera hantu hale musanga nyuneni jwa Syiti, basi baga bahorokia nanga na bakagandishigwa kando kando.
\v 18 Twezegirwe kwa nguru muno ndububu, basi labu lyehe bakolage bameli bagata misabo
\v 19 Nkya ya kadatu bamulemo ba meli bakaanza ehumia mai kwa miboko jyiobo bobene.
\v 20 Bobyo ryoba na njoto jitanditubasherya kwa nkya jineni byo sei lububu lunenmi lwatusegire edinya lyehonokigwa likekera.
\p
\v 21 Kwa eba babagera nkya jineni bati byelya, Ayyo Paulo akema bantu nane ba meli akabuga, “Balome, mwahikire entegerya tutyale twakolokola ayyo Kirete tuje tubane budandamu bobo ne nyagigwa.
\v 22 Ryolo ngo nabahandya mwegitele nguru amamuna mutimune obya majiegi ndane yenyu. Etigela binto bya meli byoka.
\v 23 Amamuna budiko bulya bwahetire mlasioki wa Mugwe. Mugwe oyyo niye ndewehe oyo niye ng'horowanaga mulasioki wehe emire mubale jwawa.
\v 24 Nebuga “haberyala Paulo. Ukeng'oreema bushone bwa kaisari, na raberya, Mugwe kwa bujaregu bwehe akuhere baba bonse bagerate nawe.
\v 25 Ryolo ngo, balome, agitelei nguru, amauna ninjendekere Mugwe obyo mbyo sei kukeba bulya mbabyerwe.
\v 26 Ale sei ntukegera kwojwa bulolo kweturwa mbighori kwa Madari jamwe.”
\p
\v 27 Kwa eba budiko bwa ekomi na kaana lilya twahiragwa kono na kono kwe dari lya Adratik, Kwe eba budiko bwenganana baghayya milemo ba meli bakagera mbaba hika kwa nse njomo.
\v 28 Bakatola binto byegera ndiba bakagera ndiba bakabana bulehu bwa milonde edatu na esansatu bobyo hating'ane hariri bakagera lenge bakaba na bulehu milonge ebele na muhungati.
\v 29 Bakaryala ebuga mbakedugh'ula mabego ryolo bakaharokya byemerya eboka halya bighagharagwa nabakehela eba kwa hikire elambane sera.
\v 30 Baghayyamilemo bene basoraga bwehaba meli yene nabakaharokia miringa neliragi yegerela mai nane jyehonokya. Nabakeghayya baganate binto byemerya meli kwa bushone bwa Melli.
\v 31 Ale Paulo akabyela Sigari elya ya Jeshi lya Kiroma, “Na Sigari jilya jinge mutimune honoka bantu baba balege tigwa meli nane.”
\v 32 Ryolo ngo, Sigari jilya jikakonda mighoba elya ale bakabaha meli ihirwe ndububu.
\p
\v 33 Bulya Bwelo bwa kutune bwa rigoreebanekana, Paulo akabehela bonse rari balagele hariri. Akabuga, “Eno ni nkya yekomi nenya mubeterere mtiloge late, mutirere gantu.
\v 34 Ryolo nimbehelate mtole byelya biriri. Ng'oni kwetola lyenyu. Na hati rari lujyele lwa mutwe jwenyu lumwe lukoba.”
\v 35 Bulya asubire ebuga bibyo, akatola mukate akabyela Mugwe hanana bushone bwa Meso jobo bonse. Asuba akagutula akalya.
\v 36 Asuba bonse bakagitelwa nguru nabo bakatola byelya.
\v 37 Twale bantu magana abele na milonge mhungati na esansatu (276). Meli nane.
\v 38 Basuba elagela buhikerere, bakaghayya meli ibosobose bagatangano mainane.
\p
\v 39 Kwa esuba eba msenya batandi joke emanya nse njomo ale bakabana gatombaga nse njomo gashare mai nane kale na musanga juneni. Bakaborania akola mbakehikya egandisha meli bamire ho.
\v 40 Ryolo baka naghanaghia binto byemerya meli bajihaba mainane ngero yene eyo bakajinanag'hia mig'hoba jya haremwe nabakabokerya haremwe ya bushone kwe banerya hare elya ile lububu. Ryolo ngo bakadora hara eyyo ile musanga juneni.
\v 41 Ale bakaja hantu hale makolanu abele ja mai jajag'hande ale meli ikadora kwa msangegolo ale hare eyyo ya bushone bwa Meli ikamela na ityandi hikya ehuma, ale hara bushone ya meli ikarunela ebuneka. Kwesegwa mbighjori bile nguru bya mai.
\p
\v 42 Ekalaga lya sigiri njyo lyale nebulaga babohwa bonse ahabe ebanekana rari omwe weryala.
\v 43 Ale Sigari emwe ya Jeshi lya Kiroma akondaga honokia Paulo, ryolo ng'o akemya ekalaga lyobo; abuba akabyela balya bakehikye ebelembela mai egolo bakele meli golo bayye kwanse njomo.
\v 44 Asuba balome bange mbagetubugera, bange bibaratu egolo bya mbau na bange bitegolo binge eboka meli golo. Kwa nkonde eno ikeghubuka eshonse ntuke ghubuka kwanse njomo kuholo.
\c 28
\cl Mlyangu 28
\p
\v 1 Bulya twahikererigwe sayo, tukamanya edari libugwa Malta.
\v 2 Bantu ba mujyie juene tebga ba batuhananirye giyoka bulya kugitagwa. Ale bakirye moki netuhadata eshonse. Amamuna ya mbura ehia ya robanaga na myaga julya juleho.
\v 3 Ale Paulo bulya atotore mrigo jwanko nejugitila moki ndane, ntyanyi ndiragi ikahuma nkondane nyene kwedutume kya moki yahe ya busongo bulolo na akeringela kuboko kwehe.
\v 4 Bantu ba Mujye jwene bulya babande ntyenyi nibanigina kuboko egolo kwehe bakabyelana bobene, “Monto oyyo ekalaga lya saba mubulaga (Ghori) aryare kwe mala lya mai ale ekalaga lya saba litimune ehuma atole.”
\v 5 Ale wo akagana ntyenyi yene moki nane anga atandie ghurumulwa ngantu gonse.
\v 6 Bo bakabetela abimbe anga abokelwe ni ndag'hami anga agwe lyolyene akye. Ale bamuraberye eboka halehu nebana ebuga hati kyo kibeju kimubanate bake elaja edemerya lyobo nebuga ale Mugwe.
\p
\v 7 Ryolo hantu ayyo hadinko hale mugonda jwa mkolo wa edari lelyo, monto abugelagwa Pabilio akatuhira kaya netohananiya nkye esatu.
\v 8 Lika ebelela ese lya Pablio akabokelwa ni ndag'hami ne lwala lya kiburi na Paulo akamutuba akeheela akamugitela miboko nemuhorya.
\v 9 Eboka lele lighubuke, bantu bange ayyo edari balya barware bakageri nehorigwa.
\v 10 Bantu bakatusoka kwa nsoni jineni. Lilya twebane ragia egera, bagatuha bilya twakondaga.
\p
\v 11 Myeri edatu ya heta, tukagera na meli ya Isikanda elyua yasegagwa muyaga ayyo edarine, na bekorania behe bale ndogo babyarwe salau.
\v 12 Bobyo tubaetonya mujyie jwa Sirakuza, tukanyuntya ho nkye esatu.
\v 13 Ebokela ayyo tukagera tukang'ore ehika mujyie jwa Putali.
\v 14 Gokyio tukaekola bamwe ndogo bakatuhira kaya tukanyuntya nabo nkya muhungati. Kwa nkondo eno tukajoka.
\p
\v 15 Eboka kokyo ndogo jilya baeba babijirye gusikelo gweto, bakaja etyudabida gokyo kwa sogoni ya Apiya na hoteli esatu. Paulo bulya abande ndogo jyene akag'hamela Mugwe akahanana. Akegh'omelya.
\v 16 Bulya twashare roma, Paulo akedekelwa etola weka hamwe na sigari elya ya murendelaga.
\p
\v 17 Ale kwa heta nkya esatu Paulo akabugela balome balya hamwe bale bekorani gate kabayahudi bulya bajire hamwe, akababyiela bo, “Ndogo, hamwe ne buga ntighaerye buhombya bantu baba. Nanga eghayya gisuha kya ekalaga lyababa balya batuhetere, nahumirigwe bwe mubohwa eboka Yerusalemu eng'ore mibokegolo jya barumi.
\v 18 Bulya asubire emborya, bagakonda bansegere lyo lyonse amamuna hati bale kyeg'hayya niye mbulagwe nkye.
\v 19 Ale bayahudi balya babugire bilya batibakondaga bo, likang'orebelela nkebe rubaa njye gwa Kaisaria Ale lityabelelaga ebuga ngerate eresela nse yawa.
\v 20 Amamuna ekeba lyawa rubaa, nkehela mbanane nenyie tukalaganie kwa bulya kwa bulya Israeli ale bug'homi nakyio mbohorwe na kibohelu geke.”
\p
\v 21 Asuba bakamubyiela, “Tutyandi n'gore ehejagwa mborwa yayyo ebokire Yudea yayyo we. Nanga hati mwondogo ajire ehumya gusikelo kwayyo kubugwa kubeju kwayyo.
\v 22 Ale ntukondate ojya eboka kulya ule odemeratye bo kulya kule bantu baba amamuna ndanyekande kweto ebuga ugamba gisuha hara jyonse.”
\p
\v 23 Bulya bagabire nkya kwa nkya yehe bantu baneni bakaje emusora halya atore akababiela ekalaga ne baloterya bwegeri bwa Mugwe, akabagera nibabyela gusikelo kwa Yesu. Kwa makalaga jene abele ja Musa eboka kwa Banabii eboka gutuni ne ngora muragusu.
\v 24 Gitye kyobo bakojania makalaga jene jabugirwe kule lenge batiandi ejeriga.
\v 25 Bulya balemirwe ajania bobe kwa bene bagekera bakagera bulya Paulo abugire ekalaga lelyo limwe “Nkolo museri abugire bujaregu eleteria Isaya Nabii kwa baba benyu.
\q
\v 26 Kabuga, ‘Gera kwa bantu baba ubuge, “Kwa masikelo jienyu mukojya ale mtimanyete na kwa meso jenyu mukebana nanga utimunemanya.
\v 27 Ryolo kwa bulya nkolo jya bantu baba jibabola nguru masikelo jobo jabalega ojya bujaregu babahinga meso jobo ebuga bahabe emanya kwa nkolo jyobo nojya gwa masikelo jobo nemanya gwa nkolo jyiobo, nerigoka lenge nale webaborya.”’
\p
\v 28 Ryolo ngo muhikerere emanya ebuga buhonokya bo bwa Mugwe mbihurwe gwabantu ba matongo nambe getegetegerya.”
\v 29 (Biboherya mworwa jojo: Ngendelya abugaga makalaga jaja Bayahudi bakabokoboka, bale nakorana ne kayania bobene kwa bene kwa bene nanga mtiho kwa mborwa jilya jyandekirwe njaregu jya kala nakala).
\p
\v 30 Paulo atolaga Nyumba ya Magori miaka jyene abeele nahiraga bonse balya bamutubaga kwa mwehe.
\v 31 Akalageragya Bwegeri bwa Mugwe na akalageragia nemanyerya makalagab ja Yesu Kristo kwa nguru wo amugirye.