soz_reg/43-LUK.usfm

\id LUK
\ide UTF-8
\h Luka
\toc1 Luka
\toc2 Luka
\toc3 luk
\mt Luka
\c 1
\cl Mlyangu 1
\p
\v 1 Baneni mbee bosobosirye eghagha kwa mshururye jyoloterya kwa bibugu bilya bisubererigwe,
\v 2 Akola bulya batuhere eshe. Ebokela mbele tule bejibe ba meso na bamilemo ba ekalaga.
\v 3 Obyo nanye sei baada yeraberya kwa bujaregu kirunelu kya bibugu bibi byonse ebokela mbele mbabana ndijaregu sei kwawa ekwandekela n kwetubagerye lyehe musokwe muno Theofilo.
\v 4 Ebuga ubane bwemanya saba ya bibuigu jalya wamanyerewrigwe.
\p
\v 5 Kwa nkya jya Herode, Mwekorani wa Yudea, hale kuhani muziza atyerwe Zekaria, wakijomi kya Abyia. Mkehe abokire kwa banabaka ba Haruni, ne ebina lyehe abugelagelagwa, Elizabeti.
\v 6 Bonse bale nsaba bushone bwa Mugwe; bageraga batiekalagya kwa Kioloteryo jyionse na Maagizo jya Mwegeri.
\v 7 Ale batyale nabana, kwekola Elizabeti ale zono, na kwa ngara eno bonse babele bale bamalakolo muno.
\p
\v 8 Ryolo lyabererere Zakaria ale kwa buleho bwa Mugwe aghayatyie milemo yehe ya Kikuhani ghai butaratibu bwa galanda yehe.
\v 9 Bwebulya yale gitemi kya ktyobo kya lobola kuhani akalobolwo kwa kura eshala ghorowane ya Mugwe asuba akadughadya uvumba.
\v 10 Leda lyonse lya bantu nyehelaga kaane gero yedughandya uvumba.
\v 11 Ryolo malaika wa Mugwe nakehumela eme hara ya kubulyo ya Madhabahu ye ndugandya.
\v 12 Zakaria kadekanya bulya amubande; edekanya likamugwela.
\v 13 Ale malaika akamubiela, “Habe ryala Zakaria, ghai ehela lyajyo ndibojigwa mkajyo Elizabeti nakekubyalela Mwana ebina lyehe ukemtyela Yohana.
\v 14 Ukeba ughamere ne tutuma, Na baneni mbake ghamela ebyalwa lyehe.
\v 15 Kweba akeba mkolo bushone bwa meso ja Mugwe atimune yenywa Difai ngale kantu kalolo na akeba ojorigwe Nkolo Mseri ebokela Kiburi nane kya ng'ina yehe.
\v 16 Na bantu baneni ba Israeli mbake hodolwa kwa Mugwe wobo.
\v 17 Akeegera bushone bwa busho bwa Mugwe kwa Nkolo na nguru jya Eliya. Akaghajya obyo ebuga ajokye nkolo jya babaa kwa bana ebuga balya kwa balya batwedekere bagerele kidemi kya balya bale nsaba akighajya obya agitela tayari kwa Mugwe bantu balya baloborwe kwe ebuga yehe.”
\p
\v 18 Zakaria akabyiela Malaika, “Nkemanya bo lele? Kwekola niye nde ghoerobana na mkawa bilemela byehe mbineni muno.”
\p
\v 19 Malaika akamujokyerye na akamubiela, “Niye nde Gabrieli, olya njemaga bushone bwa Mugwe natomirwe ekubyela. Ekuletela kusikelo kwa kuholo.
\v 20 Na raberya utumune egamba, ukesiza, na utihiketye egamba mbaka nkyelya bibugu bibi bikeghubuka lele mbulya walemirwe ojya makalaga jawa jilya jakehika njakeba jakeghaigwa gero ihikire.”
\p
\v 21 Ryolo bantu babetiga Zakaria. Mbadamirigwe ghai enyuntagwi muno hekaluni.
\v 22 Ale bulya ahumire kaane, atandi ehikya egamba nabo. Bakamanya buga abana Maono leleabale hekaluni. Akabanishagya Ishara ale wa zisire.
\p
\v 23 Ikaba nkya jya galanda yehe bulya jya sire akehondola kwa mwehe.
\p
\v 24 Bulya Zakaria ajokire kwa mwehe eboka galanda yehe hekaluni. Mkehe akebala kiburi. Nene atandi ehuma mwehe ngero jwa muriri eshanu akebuga,
\v 25 “Lele ndyo Mugwe abagharya andamberirye kwa lukondo ebugwa anjikerye nsoni bushone bwa Bantu.”
\p
\v 26 Ryolo, ghai mweri jwa sita jwa kiburi yaElizabeti, Mugwe akamubyiela Malaika Gabrieli gera kwa mujye jwa Galilaya jubugwa Nazareti,
\v 27 Kwa bikira olya agambirwe nwabalome ebina nihe akolagwa abyelagwa Yusufu. Wo nwa wa kijomi kya Daudi, na ebina lya bikira oyo abugwa Mariamu.
\v 28 Akeja akamutuba akamubyiela, “Salamu, wee uhere sayo jikolo! Nkolo Mugwe naghamerigwe. Nwe.”
\v 29 Ale makalaga jaka, ale akengiradwa makala ja malaika na atandi emanya shenke malaika abuge Salamu eno ya maghabu kwehe.
\v 30 Malaika akamubyiela, “Haberyala, Mariamu, mamuna ubana sayo eboka kwa Mugwe.
\v 31 Na Raberya, ukebala kiburi nane kyayo na ukebyala Mwana. Nawe ukemutyela ebina lyehe ‘Yesu.’
\v 32 Akeba mkolo na akebugelwa Mwana wa olya ale kwegolo muno. Njaghamba Mugwe akemuha horiga enzi ya Daudi Yese
\v 33 Akeba mwegeri wahara ya kijomi kya Yakobo kala na kala na bwekorani bwehe.”
\p
\v 34 Mariamu akamubiela Malaika, “Lele likija boo ghai ntani eng'ore elalaga na wabalome rari omwe?”
\v 35 Malaika akamujokerya na akamubiela, “Nkolo museri nakeja egolo lyajyo na nguru jya ulija ale kwegolo muno njikeja egolo lyajyo. Ryolo, kiseri kya byalwa kike ebugelwa Mwana wa Mugwe.
\v 36 Na raberya, mondogo wayo elizabeti ale kiburi kwebyala mwana wa umuri bwehe mug'oroba jojo mweri jwa sita kwehe olya olya abugelagwa zono.
\v 37 Ghai hati kilya kilemaga Mugwe.”
\p
\v 38 Mariamu akabuga, “Raberya, niye nde mimilemo wabaka wa Mugwe tiga iba byo kwawa sawa sawa nekalaga lyayo.” Asuba malaika akamuhaba.
\p
\v 39 Ndyo nkya jyene mariamu aroherere egera akagera nse ya bigita hale mujye kwa nse ya Yuda.
\v 40 Akajya kwa kaya ka Zakaria ne akagasha ELIZABETI.
\v 41 Ryolo, ngara ikahika bulya Elizabeti abojirye Salamu ya Mariamu, mwana alaknkela kiburi nane nkyehe, na Elizabeti akajazwa ni Nkolo Museri.
\v 42 Akaghamba kwero lyehe Akabuga kwero likolo, “Nubatemandigwa wa muno kulya kulebaka, na mwana olya ale kiburi nane kyanyo na temanderigwa.
\v 43 Na kubaba bo kulyande ebuga, ng'ina ya Mwegeri wawa yahikerere eja mwawa?
\v 44 Kweba Raberya, bulya mwakelejawa jabojirye ero lyegashanyaa lyayyo, Mwana kiburi nane kyawa akakela kweghamela.
\v 45 Na natemanderigwe wabaka ulya abugwa endekere ebuga kukeghubuka saba ya makalaga jajo abyere eboka kwa njaghamba.”
\p
\v 46 Maeiamu akabuga, “Nkolom nane yawa ighorate Mwegeri,
\v 47 Na nkolo Yawa nighamere kwa Mugwe mhonokya wawa.
\q
\v 48 Kwa mamuna nabamiraberya hali ya mumilemo wehe wa baka, Raberya, ebokela rolo kwa lubyalo jyionse bakembugela mtemandigwa.
\q
\v 49 Ghai olya abamhikirye abaghajya bibugu bikolage kulyande. Na ebina lyehe nde museri.
\q
\v 50 Rehema yehe etolaga eboka lubyalo na lubyalo kwa balya bamusokire wo.
\q
\v 51 Abanisha nguru kwa kuboko kwehe; abajaraganiya balya babeghoraga kwekola ya Mawazo jya nkolo jyobo.
\q
\v 52 Abahorokya nsebana ba Bwegeri eboka kwa horiga jyobo jya enzi nebokya kwegolo balya hali ya kwanse.
\q
\v 53 Akaghejisha balya bale jalo kwa binto jijaregagu. Ale masabi akajaheda nan miboko njiwa.
\q
\v 54 Abahumya msaada kwa Israeli mumilemo wehe, ebuga eterya rehema.
\v 55 (Bobulya abugire kwa babaa) kwa abrahamu na lubyalu lwehe lwonse kala na kala.”
\p
\v 56 Mariamu anyuntirye na Elizabeti mweri jihikerere edato obyo mbyo akehondola kwa mwehe.
\p
\v 57 Ryolo nkya jikahika jya Elizabeti jya byala mwanihje. Na akabyala mwana wa balome.
\v 58 Bahara behe na ndogo jyehe akojya bulya njaghamba ibakorya rehema jyehe. Na bakaghamela hamwe nene.
\v 59 Ngara ikahika nkya ya kanana ebuga baje bamurade mwana. Lyuabahikerere emtyela ebina lyehe “Zekaria” kwetalela ebina lyese,
\v 60 ale ng'ina akajokya akabuga, “Yango; aketwelwa Yohana.”
\v 61 Bakamubyiela hati rari omwe kwa ndogho jyajyo abugelagwa ebina lele”
\v 62 Akagharya ese eng'asa ebanisha wo abakondaga ebina abakondaga atelwe boo.
\v 63 Ese akakonda kibao kyandeka, na akandeka, “Ebina lyehe ni Yohana.” Bonse bakadamigwa na lele.
\v 64 Hatighana kanye kehe kakahingolwa na luleme lwehe lukakelya huru. Akaghamba akaghora Mugwe.
\v 65 Ryala ikeja kwa bantu batore hadinko nab bobakandeka nywe. Makalaga njene jaka manyekana nse yonse ya ngita jya Yuda.
\v 66 Na balya bonse babojirye baka jarendela nkolo nane jyobo, babugate, “Mwana oyo nwobo?” ghai kuboko kwa Njaghamba kule hamwe nene.
\v 67 Ese Zakaria akaojolwa na Nkolo Museri na akahamwa unabii, akabuga,
\v 68 “Njaghamba, Mugwe wa Israeli, naghore, Kwa bulya abarasherya na akaghererya buhonokya kwa bantu behe.
\q
\v 69 Abatubokerya mbale jwa buhonokya kwa nyumba ya mumilemo wehe Daudi, eboka kate kobo bakijomi kya Daudi mumilemo wehe,
\v 70 Bwebulya abugire kwa kanywa kanabii wehe balya baleho kwa nkya jya kala.
\q
\v 71 Aketuhonokya eboka kwa bahoma beto neboka miboko egolo jya bantu balya batusore.
\q
\v 72 Akeghajya obyo kwebanisha rehema kwa babaa, neteterya ekeranda lyehe liseri,
\v 73 Kiapo kilya abugire kwa ibarahimu ese lyeto.
\q
\v 74 Apire amanyekana ebuga libahikerere egharya wo hati budeki, baaada ya honokigwa eboka miboko jya bahoma beto.
\q
\v 75 Kwa buseri na nsaba bushone bwehe nkya jyeto jyonse.
\p
\v 76 Ndyo, nawe Mwana, ukebugelwa nabii wa olya ale kwegolo muno, kwa bulya ukegeraga bushone bwa busho bwa njaghamba ebugwa emugharya nkondo, egharerya bantu kwa ajili yeja lyehe,
\v 77 Ebagharehiia bantun behe ebuga, hakehenokigwa kwa nkondo ye samehewa gh'adaba jyobo.
\q
\v 78 Lele likeja kwa bulya ya Huruma ya Mugwe weto, kwa bulya elya roba eboka kwegolo likemanyekana,
\v 79 Ebasha kwobo balya banyuntagya kirimamu nane na kwa uvuli bwa Lukyo. Akeghajya obyo kwetumbagerya magolo jyeto kulya kule nkondo ya sayo.”
\p
\v 80 Ryolo, mwana oyyo akola na akaghajya nguru nkolo nane na akanyuntya kwa bwero mbaka nkya eghubukya lyehe kwa Israeli.
\c 2
\cl Mlyangu 2
\p
\v 1 Ryolo kwa nkya jyene, ebokire ebuga Kaisari Agusto ahumirie agizo akemanyererya ebuga natore nsensa jya bantu bonse nseeno.
\v 2 Eno yale ni sensa ya mbele yaghayedkire lilya Krenio ale Gavana wa Siria.
\v 3 Mbyo kila omwe akagenda kwobo kwa mujyene eandekwa sensa.
\v 4 Nene Yusufu eng'ora wo abokire kwa mujye jwa Nazareti kokyo kwa Galilaya akagenda Yudea kwa mujye jwa Bethlehemu, jumanyekande mujye jwa Daudi, kwekola abokire kijomi jya Daudi.
\v 5 Agerire kokyo ejandeka hamwe na Mariamu, olya ale abugwa agambirigwe akolagwa araberatwi ebana Mwana.
\v 6 Ryolo likabelela ebuga, bale kokyo ngara jyehe jwe byala mwana njibahika.
\v 7 Akabyala mwana wa balome, mwanihe wa Rigizazi. Akamringela ngobi myubele jwehe Mwana ahabeojya muyaga ndyo akamudaghara muringa jweragerya binto bya bujoya ghai nyumba jya bageni jityale nafasi.
\p
\v 8 Kwa hanyu hene hale bakijori batore migondegolo barendelaga kimuhyo kya ng'ondi jyobo nabudi.
\v 9 Hating'ana, Malaika wa Mwegeri akabaghubukela, buseri bwa Mwegeri bukasera ebarongosha, na bakadekanya muno
\v 10 Ndyo malaika akababiela, “Haberyala, kwekola mbabaletela masikelo ja kuholo jalya jya keghamerya muno bantu bonse.
\v 11 Nkyeeno Muhonokya nabyalwa kwa ajili yenyu mjyene jwa Daudi! Nwo Ni Kristo Mwegeri!
\v 12 Eno nyo eng'asa, elya mkehebwa, mkekola mwana abekirwe ngobi na arare mringe egolo jweragerya binto bya bujoya.”
\p
\v 13 Obyo hating'ana kukakolwa na masau janeni jwa kwegolo jakengirana na malaika onyo bakaghora Mugwe, babugate,
\v 14 “Buseri bwa Mugwe olya ale kwegolo muno, na sayo nikolwe nse yonse kwa bantu balya bamughamerya nabo.”
\p
\v 15 Likabelela ebuga Malaika bulya bekere egera kwegolo, bakijori bakaboranya bene kwa bene, “Tugendeni ryo kwa Bethlehemu tukabane lele libaghubuka. Ghai kyo Njaghamba ibatubyela.”
\v 16 Kokyo bakarabasha na bakola Mariamu na Yusufu, na bakola mwana arare mringa nane jweragerya binto bya bujoya.
\v 17 Na bulya babande obyo, bakabyela bantu bulya babyerwe kulya kule mwana.
\v 18 Bonse balya bojyirye kusikelo koko bakabana kilya kibabugwa mbakijori.
\v 19 Ale Mariamu akaendelea eteteragia jalya jonse asubire ojyi akaja beka nkolo nane yehe.
\v 20 Bakijori bakajokya batukuzate Mugwe nemughora kwa ajili ya Bibugu bilya byionse bojirye nebana bobulya bya bugirwe kwebo.
\p
\v 21 Bulya yahikire nkya ya kanana yale ni ngara yemrada mwaana, Bakamtyela ebina Yesu, ebina lilya asubire ehebwa Malaika ebokela kiburi kitandi ebalwa.
\p
\v 22 Asika jikahika nkya jyobo jye serye angana na kioloteryo kya Musa, Yusufu na Mariamu bakamuhira ng'orowane kokyo kwa Yerusalemu emuhira bakamugitele bushone bwa Mwegeri.
\v 23 Bobulya yandekirwe kioloteryo nane ya Mwegeri, “Kila wabalome warigisasi akebugelwa ulya atemaderigwe kwa Mwegeri.”
\v 24 Na bobyo bajire ehumwa sadaka anganya na kilya kyabugirwe Kiloteryo nane ya Mwegeri, “makunku abele nanga bana babele benkunku.”
\p
\v 25 Raberya, hale monto Yerusalemu ebina lyehe abyelagwa Simoni. Monto oyo ale saba ehelaga Mugwe. Woo abetelaga muhaundya wa Israeli na Nkolo Museri ale nene.
\v 26 Nasubire ebanigwa ni Nkolo MUseri ebaga atumune ekya ake eng'orebana Mwegeri Kristo.
\v 27 Nkya emwe akaja hekalu nane aheterwe ni Nkolo Museri. Bazazi behe baletire mwana, Yesu, emugharya jalya jahikerere gitemi kya kioloteryo,
\v 28 Ndyo simioni akemuhebwa byalegolo byehe, akang'ora Mugwe muno na abugate,
\v 29 “Ryolo Mwegeri nsegera mtomwa wayyo agere na sayo, egerana nekalaga lyayyo.
\q1
\v 30 Kwekola meso jawa jabana buhonoku bwayyo,
\v 31 bobulya bwabanwo meso jabantu bonse.
\q1
\v 32 Woo bwelo buseri kwa ajili ye hingola matongo na buserri bwa bantu ba Israeli.”
\p
\v 33 Ese na ng'ina ya mwana badamirigwe kwa makalaga bilya bibugatwe kulya ale.
\v 34 Ndyo Simioni akabatemandya akabwela ng'ina yehe Mariamu, “Tegerya bujaregu! Mwana oyop akeba bulya yopba nanga ehonoka kwa bantu baneni oho Israeli na ni eng'asa ikelagwa bantu baneni.
\v 35 Ghai ndubaga lulyalukejagha na nkolo nane yayo mwene, ebugwa mawazo jya nkolo jya baneni jabanekane.”
\p
\v 36 Nerago wabaka abugwa Ana nene naleho hekaluni woo ale Mwana baka wa fanueli abokire Kabila ka Asheri. Ale na bilemela bineni muno. Nene atore na mlomi bilemela mhungati ebokela bakwejane,
\v 37 Na ndyo akaba ezimwani bilemela milonge enana ne enye. Nene atyandi eng'ore ehumaga Hekaluni na akaendelea eng'ora Mugwe hamwe nehinga nehela nabudi na msenya.
\v 38 Na kagero kakyo, ajire ajyo bale akandela eshukuru Mugwe. Agambire ehusu Mwana kwa Kila monto olya akolwe abetire buhonokya bwa Yerusalemu.
\p
\v 39 Bulya basubire binto byonse bilya byakondagwa baghajye angayya na kioloteryo ya Mwegeri, bakajoka Galilaya, mjyene jwa mwobo, Nazareti.
\v 40 Mwana akakola, na akaghajya nguru, arozate kidemi na neema ya Mugwe yale egolo yehe.
\p
\v 41 Bazazi behe bageraga kila bilemela Yerusalemu kwa ajili ya Pasaka.
\v 42 Akolwa na bilemela ekomi na bibele bakagera lenge kagero kabahika ghai gitemi kya gh'orou ya Pasaka.
\v 43 Baada yekekolwa nkya jyonse kwa ajili ya ghorou, bakandela ejoka kwa kaya. Ale ndong'ori Yesu akatyigwa suha kwa Yerusalemu na bazazi behe batandi emanya lele.
\v 44 Bakagera ale na kirombeta kilya bageranate na kyo. Bakagera lugendo lwa nkya. Ndyo bakandela emusora kwa ndogo na mahenji jyiobo.
\v 45 Bulya balemirwe embana, bakajoka kwa Yerusalemu na bakarunela emusora oho.
\v 46 Likaye ebela eba baada ya nkya sato, bakambana hekaluni, ale kate kaba bamanyererya anyuntirye abategeratye nebaborya bighori.
\v 47 Bonse balya bamwojirye bakadamigwa bumanyi bwehe ne jonkya lyehe.
\v 48 Bulya bambande, bakamuryana, ng'ina akamubiela, “Mwaniwa, Shenike nwa tugharya obyo? Tegerya ghonwo naniye twaberew tukusorate kwe ryaryarala muno.”
\v 49 Akababyiela, “Shenike mwakolwa musorate? Mtandi emanya ebuga ndazima kolwe nyumba nane ya Baba wa mweto?”
\v 50 Ale batandi emanya kilya amanishirye kwa makalaga jaja.
\v 51 Ndyo akagera hamwe nabo akang'ora kaya Nazareti na ale mwome kwobo. Ng'ina yehe aghaghare bibugu byonse nkolo nane yehe.
\p
\v 52 Ale yesu akagenda akolate ale kidemi na bulehu. Akarosa ekondwa Mugwe na bantu.
\c 3
\cl Mlyangu 3
\p
\v 1 Ryolo, kwa kileme kwe ekomi na katano kya bwegeri bwa Kaisaria Tiberia, ngara Pontio Pilato ale Gavana wa Buyahudi, Herode ale mkolo wa mkoa jwa Galilaya, na Filipo mondogo wehe ale mkolo wa mkoa jwa Hurea na Trakoniti, na Lisania ale mkolo wa mkoa jwa Abilene,
\v 2 Na lilya Kuhani mkolo ale Anasi na Kayafa, ekalaga lya Mugwe likajela Yohana mwana wa Zakaria, kiguro.
\v 3 Akagera kwa mkoa jwonse ekarogosha juhe ya Yordani. Akahubiri ubadiso bwa Toba kwa ajili yehonokigwa lya ng'adaba.
\v 4 Bobulya bulya kyandekire kitabu kya makalaga ja Isaya mwerago, “Ero lya monto ajurate nyikani, “Ghareryai tayari nkondo ya Mwegeri, jighareryani jigharerye ni nkondo jyehe nyemererye.
\q1
\v 5 Kila kiburuku kikeojarigwa, kila ngita na kagita bikeangananigwa, nkondo jilya jighobirye jikemigwa. Na nkondo jilya jiparazire jikelainishwa.
\q1
\v 6 Bantu bonse mbakeebana buhonoki bwa Mugwe.”
\p
\v 7 Obyo, Yohana akababyiela makolanu janeni ja bantu balya bajire ebuga babane bwe badiswa nwo, “Enye lubyalu lwa ntyanyi jile busongo noo akugirye uryale?
\v 8 Byalai matunda jageranate na toba. Na mtikambe andela ebuga enye nane, “Tule na Ibrahimu nwo ese lyeto; kwekola nimbabielate ebuga, Mugwe nakehikya ebokerya Iburahimu bana egera ebokana na mabwe jaja.
\v 9 Ghai shoko ndisubirye egitelwa miri nane jya mite. Julya, juti byalaga matunda jajaregu, jukekebwa jwatebwa mokin nane.”
\p
\v 10 Ahika bantu kwa makolanu bakamuborya babugate, “Ryolo tukondatwe tugitebo?”
\p
\v 11 Abajokerya na akababiela, “Akola monto ale na kanzu ebele akondatwe aha mulugu wehe emwe olya ati lyonse, na ulya ale na byelya naghayajye byo.”
\p
\v 12 Asuba baranya bushuru buriri bakaja nabo babadiswe na bakambiela; “Mumanyererigwa tukondatwe tughaye nji?’
\p
\v 13 Akababiela, “Mtikambe emogonjya robiya jineni jiting'ana jilya mukondatwe mmogonjya.”
\p
\v 14 Barenderi bariri najo jikamuborya jikabuga neshe mbo? Tukondatwe (tugitebo) tughaye njii?” Akababiela, “Mtikambe etola robiya ja monto rari omwe kwa nguru, na mtikabe esidagya monto olya wonse kwa bwerehi. Hikwai kilya mulehatwe yenyu.”
\v 15 Ryolo, kweba bantu (barerelaga) bakolagwa barerelate, ebeta Kristo olya akeja, kila omwe nawazaga nkolo nane yehe ehusu Yohana kola nwo Kristo.
\v 16 Yohana akajokya kwebabyela bonse, “Niye mbabadisate enye kwa mai, Ale hale omwe ajate olya ale nguru kuliko niye na ntihikerere rari ehingola mighoba nja birato byehe akebadisa enye kwa Nkolo na kwa moki.
\v 17 Kiholelu kile kubokegolo kwehe ebuga esabye bujaregu uwanda bwehe bwa holela ngano ne mogonjya ngano dari nane yehe. Ale, akenyanyagya makabi na moki julya tutirimete.”
\p
\v 18 Kwa maonyo jange janeni najo, ahubiriire masikelo jajaregu kwa bantu.
\v 19 Yohana akamuhalamuna Herode mkolo wa mkoa kwe mkweba Herodia, mkehe wa mondogo wehe na kwa maovu janeni jabeju Herode ajaghairye.
\v 20 Ale Hating'ana Herode akaghajya uovu buneni bubeju muno. Akaboha Yohana Gerezani.
\v 21 Asuba likabelelala ebuga, lilya bantu bonse bababadisagwa na Yohana, nene Yesu na badisirwe sei. Lilya ale ehelate, egolo likahingoka.
\v 22 Nkolo Museri ikahoroka egolo yehe kwa mfano jwa mubele bwe enguku. Ngara yene eyo ero likaja eboka kwegolo ibugate, “We ule mwaniwa mkondwa. Nighamerye wee.”
\v 23 Ryolo Yesu mwene, akarunela efundisha, Ale na bilemela mlonge edatu. Ale mwana (akola ibanishai) wa Yusufu mwana wa Eli,
\v 24 Mwana wa mathati, mwana wa Lawi, mwana wa Melki, Mwana wa Yana, Mwana wa Yusufu,
\v 25 Mwana wa matathia, mwana wa Amosi, mwana wa Nahumu, mwana wa ESili, mwana wa Nagai,
\v 26 Mwana wa maati, Mwana wa Matathia, Mwana wa semeini, Mwana wa Yusufu, Mwana wa Yuda,
\v 27 Mwana wa Yoanani, Mwana wa Resa, Mwana wa Zerubabeli, Mwana wa healteli, Mwana wa Neri,
\v 28 Mwana wa Melki, Mwana wa Adi, Mwana wa Kosamu, mwana wa Elmadamu, mwana wa Eri,
\v 29 Mwana wa Yoshua, mwana Eliezeri, Mwana wa Yorimu, mwana waMatathi, mwana wa Lawi,
\v 30 Mwana wa Simioni, mwana wa Yuda, mwana wa Yusufu, mwana wa Yonamu, mwana wa Eliyakimu,
\v 31 mwana wa Melea, Mwana wa Mena, mwana wa Matatha, Mwana wa Nathani, Mwana wa Daudi,
\v 32 mwana wa Yese, Mwana wa obedi, Mwana wa Boazi, Mwana wa Salmoni, mwana wa Nashoni,
\v 33 Mwan wa Aminadabu, mwana wa Aramu, mwana wa Hezroni, mwana wa Peresi, mwana wa Yuda,
\v 34 Mwana wa Yakobo, mwana Isaka, mwana wa Ibrahimu, mwana wa Tera, mwana wa Nahori,
\v 35 mwana wa Serugi, mwana wa Ragau, Mwana wa Pelegi, mwana wa Eberi, Mwana wa sala,
\v 36 Mwana wa kenani, mwana wa Arfaksadi, mwana wa Shemu, mwana wa nuhu, mwana wa Lameki,
\v 37 mwana Methusela, Mwana wa Henoko, Mwana wa Yaredi, Mwana wa Mahalalei, mwana wa Kenani,
\v 38 Mwana wa Enoshi, Mwana wa Sethi, Mwana wa Adamu, Mwana wa Mugwe.
\c 4
\cl Mlyangu 4
\p
\v 1 Ahika, Yesu akaba abajola Nkolo Museri, akajoka eboka kwa juhe ya Yordani akahetelwa ni nkolo Museri kiguro.
\v 2 Kwa nkya milonge ena, na kokyo akabanelwa Kiryoka. Ngara yene hati kilya arare, na suha ya ngara yene akojya jalo.
\v 3 Kiryoka akamubyiela, “Akola we ule mwana wa Mugwe, amuru mabwe lele liba mkate.”
\p
\v 4 Yesu akajokya, “Yandekirwe, ‘Monto atikolete kwa mkate jwoka.’”
\p
\v 5 Ahika Kiryoka akamuhetela kwa gitegolo kya kijyeri kya ngita na akamubanya bwegeri bonse bwa nse kwa ngara juriri.
\v 6 Kiryoka akamubiela, “Nikekuha mamulaka jegera mbegeri jijyo jyonse hamwe na busabi jehe. Nikehikya byo kwamuna byonse nibihere byegere na keha ulya wonse nkonde.
\v 7 Kwabobyo, akala nukeghuma unjehele, binto bibi byonse bikeba byojyo.”
\p
\v 8 Ale Yesu akamujokerya na akamubyiela, “Yandekirwe, ‘Ndazima wehele Mwegeri Mugwe wayyo, na Ndazima umughererye wo weka.’”
\p
\v 9 Obyo Kiryoka akahetela yesu mbaka Yerusalemu na akamughaghara hantu hale kwegolo munoi ya nyumba ya ghorowane na akamubyiela, “Akola wee ule mwana wa Mugwe engane kwa nse ebokela oho.
\v 10 Ghai Yandekirwe, ‘Aketoma Malaika jehe bakulele ne kurendela,’
\v 11 na, ‘Bakubokerye kwegolo mibokegolo jobo ebuga uhabe eumiswa mabwe magolo.’”
\p
\v 12 Yesu akajokya akamubyiela, “Yandekirwe, ‘Habe ejaribu Mwwegeri Mugwe wayyo.’”
\p
\v 13 Kiryoka bulya asubire ejariba Yesu, Akagera jyehe akamuhaba mbaka kya jinge.
\p
\v 14 Ahika Yesu akehundola kwa Galilaya kwa nguru jya Nkolo, na masikelo jehe jikamanyekana jikamanywa eng'ora mikoa jya Bahara jyonse.
\v 15 Akamanyererya eng'ore Masinagogi jobo, na kila omwe akamughora.
\p
\v 16 Nkya emwe akagera Nazareti, mujye julya alelerwe akakolela. Bulya kyale gitemi kyehe asharire Sinagogi nane nkya ya Sabato, na akaema akasoma maandiko.
\v 17 Akahebwa Gombo lya Mweragu Isaya, bopbyo, ahingola gombo na akasora hantu halya handekirwe,
\v 18 “Nkolo Ya Mwegeri ale egolo lyawa, kwekola agitere maguta ehubiri kusikelo kujaregu kwa masikini. Atomire etangaza buhuru bwa babohire, ne ghajya balya batibanaga bahikye eba nalenge. Nebagitela uhuru balya bomererigwe,
\v 19 Netangaza kilemela kilya Mwegeri akebanisha bujaregu bwehe.”
\p
\v 20 Ahika akahinga gombo, akalijokerya Mwekorani wa Sinagogi, na akanyuntya nse. Meso ja bantu bonse balya bale Sinagogi nane jaka muraberya nwo.
\v 21 Akarunela ekalaga nabo akabuga, “Nkya eno andiko lele dibaghayeka masikelo nane jyienyu.”
\p
\v 22 Kila omwe ayyo akaraberya kilya Yesu ababuga na baneni kate kobo bakadamigwa ni makalagajya kidemi jalya jahumate kanye nane kehe. Babugaga, “Oyo mutana kyoka wa Yusufu tibyo bobyo?”
\p
\v 23 Yesu akababyiela, “Kyasaba mukebuga dalago eno kwawa, ‘Dagitari, neherye mwene. Kilya kyonse tubojirye aghayatye Karpernaumu, Kyigeke oho Kijiji kyajyo.’”
\v 24 Mbyo akabuga, “GHerai nenye mbyelate, Hati mweregu endekalagwa ni nse Yehe.
\v 25 Ale nibabyelate enye saba ebuga hale masinwani janeni Israeli kwa lilya kya Eliya, lilya egolo lya higirwe lihaerabana kwa bilemela bidato na kitye, lilya halejalo neni nse yonse.
\v 26 Ale Eliya atindi etomwa kwa monto rrari olya wonse omwe wobo, ale kwe singwani limwe lya Serepta na mujye jwa Sidoni.
\v 27 Obyo, hale bale bukoma baneni Israeli Elisha ale mweragu ale hati rari omwe ahorigwe wobo haba Naamani weka monto Wa Siria.”
\v 28 Bantu bonse Sinagogi nane bakaghayya kimeni bulya babojyirye bibyo byonse.
\v 29 Bakema bakamurugutela kaane kamujye, na bakamuhetela bakang'ora shenge ya ngita ya mujye ghai mujye jwobo jwobokirwe ngitegolo yene, ebuga bahikye emuta kwanse.
\v 30 Ale akaheta kate kobo kuholo akagera jyehe.
\p
\v 31 Ahika akaharokerya Kapernaumu, kwa mujye jwa Galilaya. Sabato emwe emanyererye bantu Sinagogi nane.
\v 32 Bakadamigwa ne efundisha lyehe. Ghai afundishirye lya Bwegeri.
\v 33 Ryolo nkya eyo Sinagogi ndane, hale monto ale na nkolo mbeju, Akajura kwero kwa ero eneni,
\v 34 “Tule na nji nawe, Yesu wa Nazareti? Ujire etusuba? Ni njije we ule ou? We ule Museri wa Mugwe!”
\p
\v 35 Yesu akaheda nkolo mbeju akabuga, “Sisa tigelana, na huma monto oyo!” Nkolo mbeju likangana monto oyyo nse makatekate jobo, likahuma monto oyyo hati rari bughatari bwonse.
\p
\v 36 Bantu bonse bakadamirigwe, na baka gera kukagela ekalaga lyene kila omwe na mulugu wehe. Bakabuga, “Ni makalaga jabo jaja?” Aba amuru nkolo Mbeju kwa bwegeri na nguru na jikagera.”
\v 37 Obyo, masikelo jya Yesu jikamanyeka kilahantu ebokela maeneo jalya jarogoshire mkoa jojyo.
\p
\v 38 Asika Yesu akagera mujye jojyo na akashala kwa nyumba ya Simoni. Ryolo, ng'ina ya mkehe wa Simoni narwere abokelagwa ni ndaghami jineni na bakamusasama kwa niaba yehe.
\v 39 Ndyo, Yesu akamusungura, akaheda elwala lilya lika mwekera Ghafla akema akaendela Ebatumikia.
\p
\v 40 Ryoba lyandela eshala, bantu bakaletela yesu kila omwe ulya abarwere kilwalu kya namuna yehe bityangangane akagitela miboko jyiehe egolo lya kila murwari na akabahore bonse.
\v 41 Nkolo Mbeju najo jakahuma baneni bobo jajurate nero na jabugate, “We ule mwana wa Mugwe!” Yesu akaheda nkolo mbeju na atandi jasegeraga jagambe, kwa bulya njaje ebuga wo ni Kristo.
\p
\v 42 Bulya kubasere, akagera hantu hati bantu. Makolanu jya bantu akabajamusorate na baka hantu halya abale. Bakajariba emwerigela ahabe ejya halehu nabo.
\v 43 Ale akababyiela, “Ndazima pia ng'ubiri masikelo jakuholo ja Bwegeri bwa Mugwe kwa mujye jinge jineni, ghai kike kyo natomerwe oho.”
\v 44 Asuba akagera kuhubiri masinagogi nane kwa Buyahudi bonse.
\c 5
\cl Mlyangu 5
\p
\v 1 Basi ngo likaebelela ngara bantu bakamumogonda ne murogosha netye Yesu na etegeryate ekalaga lya Mugwe, olya ale emire hara ya Ziwa Genesareti.
\v 2 Abande mashua ebele jemire mubale jwa boliboli. Bategi ba Singiri bahumirye basabagya nyavu jyiobo.
\v 3 Yesu akashala kwa mashua, emwe noayo niya Simoni na na kamwehela amihire kwa mainane halehu hariri na nse njomo. Asika akanyuntya naakafundisha eboka Mashua nane.
\v 4 Akagamba, akamubyiela Simoni, “Hira mashua yajyo halya halehu mainane uharokye nyavu jyajyo ebuga utege Singiri.”
\p
\v 5 Simoni akamujokere na akabuga, “Mwegeri, tubaghayya milemo nabudi bonse, na tutandin edaba rari kantu, ale kwekalaga lyayyo, nikeharokya nyavu.”
\v 6 Bulya baghairye byo bakamogoniya kiasi kineni Singiri na nyavu jyiobo jikaandela edyeka.
\v 7 Obyo, baka ashiria balugu bobo ba mashuasinge ebugwa jaje barashe. Bakaja bakojorya mashua Jyionse, Engera jikandela ekonde eshala.
\v 8 Ale Simononin Petro, balya abande obyo, akagwa birugunyi nane bya Yesu abugate, “Njekera ghai niye, kwekola niye nde monto ale na ng'adaba Mwegeri.”
\v 9 Ghai damirigwe mbantu balya ale hamwe na nene kwa butegi bwa Singiri bulya bakolagwa baghayatye.
\v 10 Lele likabarerya Yakobo na Yohana bana ba Zebedayo, nabo bale balugu ba Simoni. Na Yesu nakamubiela Simoni, “Habe eryala, kwekola ebokela ryolo ebani kwa bushone uketega bantu.”
\v 11 Basube eleta mashua jyobo nse njomo. Bakahaba kila kindo bakamutuba gera nwo.
\p
\v 12 Likaeghubuka eba ale kwa Mujye jumwe, monto ojire bukoma ale kyo. Bulya abande Yesu, akagwa aghumatye busho bwehe mbaka nse nehela, abugate, “Mwegeri, akola nukonde, nukehikwe eng'orye.”
\p
\v 13 Ahika Yesu akemya kuboko kwehe akamugusa, abugate, “Nkondate ensera,” na ngero eyo eyo bukoma bukamuhaba.
\v 14 Akamubyiela mahela ukabyele monto rari omwe, ale akamubyiela, “Gera jyayo, na ukebanishe kwa makuhani na ukahumyi Sadaka yenserigwa lyayo. Bokilya Musa abugire, kwa bwejibe bwaye.”
\v 15 Ale masikelo jehe jakamanyekane kulelehu muno, na lugu neni ya bantu ikaja hamwe emtegerya amanyaratye ne horya bilyalu byobo.
\v 16 Ale hariri obyo hating'ana ekeba hantu ehela
\v 17 Yaghubukire nkya emwe kate kankya jyijyo akaba amanyeratye, Hale mafarisayo na Bamanyererya ba Kioloteryo banyuntirye ajyo bajire babokire kwa mijyene jineni jya mahara jya mkoa jya Galilaya na Yudea na egera mujye jya Yerusalemu. Nguru jya Mwegeri jyale hamwe nene ehorya.
\v 18 Kukaja kitye kya bantub, kyebare monto na mkeka apoozire, na baka sora hemletya nkondo ye msharerya kwa ndane ebuga bvamurarye nse bushone bwa Yesu.
\v 19 Batandi ebana nkondo ye musharerye kwa ndane ghai hale lugu neni ya bantu. Baka lenjela kwa nyumba egolo bakamuharokya kwa nse monto wene eletya ngogyogolo. Mkeka jwehe makatekate kabantu bushone lyonse bwa Yesu.
\v 20 Akaraberya edekala yobo. Yesu akabuga, “Muhenji, nubagunwa ng'adaba jyayo.”
\p
\v 21 Baadishi na Babarisayo bakandela eboranjya lelyo, bakabuga, “Oyyo no agambate bibugu jibejagu? No akehikye eguna ng'adaba ilya Mugwe weka?”
\p
\v 22 Ale Yesu namanyate ninji bademeratye, akabajokerya, akababiela, “Sheninji waboranagya lele nkolo jyienyu?
\v 23 Kehe kirarabu ebuga, nebuga, ‘Nga'daba jyajyo’ jibagunwa nanga nebuga ‘Ema ugere?’
\v 24 Ale Manyai ebuga Mwana wa Adamu nale mamulaka nseno jeguna ng'adaba, kubyelate we, ‘Boka, tola mkeka jyajyo na ugere kwa mwajyo.”
\v 25 Ngara eyo eyo akaboka bushone bwobo akatola mkeka jwehe julya abararere aasuba akajoka kwa mwehe aghorate Mugwe.
\p
\v 26 Kila omwe akadamigwa na bakaghora Mugwe bakajolwa budeki babugate, “Tubabana bibugu biti bya kawaida nkyeno.”
\p
\v 27 Bibugu byonse bibasuba eghubuka Yesu akaboka kyo akabana muranya kodi abugwa Lawi anyuntirye halya bamogondagya Kodi. Akamubiela, “Ntubagera.”
\v 28 Obyo, Lawi akaboka akamutubagera, akahaba kilakindo suha.
\p
\v 29 Asuba Lawi akaghayya sikukuu neni kwa mwehe kwa ajilia ya Yesu. Hale baranya kodi baneni kyo na bantu baneni banyuntirye mezani balagelate hamwe nabo.
\v 30 Ale Babarisayo na Baandishi bo bakanung'unikia Bamanyererigwa, babugate, “She nike mwalagelaga nenywa na baranya kodi na bantu bange bale ng'adaba hamwe?” 
\p
\v 31 Yesu akabajokerya, “Banyu bale majiegi jajaregu balikonde Dakitari, ni mbalya barwere mboka kakekonda omwe.
\v 32 Ntandija ebugewla bantu balya bale saba batubu, bali ebugela balya bale ng'adaba babane bwe tubu.”
\p
\v 33 Bakamubyiela, “Batubageri ba Yohana kaneni mbahingire nabtuba geerri bamabarisayo nabo baghagya byo bobyo. Ale Batubageri bayyo lagela ne Myejaga.”
\p
\v 34 Yesu akababiela, “Ndike gwa momto olya wonse abaghajye balya bajire Arusi ya Mwana Harusi bahinge ngara Bwana Harusi bado ale hamwe
\v 35 nabo? Ale nkya jikeja ngara bwana harusi akerigwa kwobo. Ndyo kwa nkya jyene bake hunga.
\p
\v 36 Asuba yesu akabuga pia kwobo kwa kwa mithali. “Hati akebaga kighabelwa kya ngobi ya mbya akighabele ngobi ibakola ghorobu: na akola abakeba lele lya mbya akagitela. Kighjabelwa kya ngobi ya mbya kitimine angana ngobi nkolo ghorobu.
\v 37 Asuba, Hati monto akegitela divai ya mbya biriba bighorobu kola akegitela byo. Divai yambya iketumuka chombo kyene, na Divai yale yendeka na Biriba bika ghagharyeka.
\v 38 Ale Divai yambya ndazima igitelwa biriba nane bya mbya.
\p
\v 39 Na hati monto abasuba enywa divai ya kala. Akonde yambya. Kwekola kubugagwa, ‘Ya kala ni njaregu.’”
\c 6
\cl Mlyangu 6
\p
\v 1 Ryolo yabere nkya ya sabato Yesu ahetate mugonda nane jwa byelya batubageri behe bakaha ndaghwa. Bakahongora mahegolo jobo bakalya biryo.
\v 2 Ale bariri Babarisayo jamwe bakabuga, “Sheninji mwaghayagya kindo kilya kitihalali kwa kioloteryo ekighajya nkya ya sabato?”
\p
\v 3 Yesu akabajokerya, akabuga, “Mutyandi elabaneesoma kilya Daudi aghairye lilya ale jalo. Wo na balome balya ale hamwe nene?
\v 4 Agendire kwa nyumba ya Mugwe, na akatola migate nseragi na akalya jimwe najinge akajiha bantu bala bale nabo balye. Rari ikaba ibale ng'alali elebwa makuhani.”
\v 5 Asuba akbabyiela, “Mwana wa Adamu ni Mwegeri wa Sabato.”
\p
\v 6 Ikaghubukan kwa sabato inge ebuga agerire sinangogi nane na akamanyerya mbantu kyo. Hale monto apoozire kuboko kwehe kwa kubulyo.
\v 7 Baadishi na babarisayo mbamuraberagya kwe mughoreha ebana akola na nkehorya monto kya ya sabato, ebuga babane kye mreserela kweghajya buhombya.
\v 8 Ale namanyate kilya bademeratye na akabuga kwa monto ulya apoozire kuboko, “Boka, emo oho kate kakila omwe.” Obyo, monto oyyo Akaboka na akema byo ho.
\v 9 Yesu akabuga kwobo, “Mbaborye enye, ni lalalli nkya ya sabato eghajya bujaregu anga eghajya madete, ehonokya serye anga emighagharya?” 
\v 10 Asika akabaraberya bonse akabyela monto oyyo, “Emya kuboko kuboko kwayyo.” Akaghajya byo, na kuboko kwehe kukahorigwa.
\v 11 Ale bakaregya, bakagambana bobene ninji kihikerere tugharye Yesu.
\p
\v 12 Likabelela ebuga nkya jene aagere ngitegolo ehela. Akehela Mugwe nabudi bwonse.
\v 13 Kwaba kutune, akabagela bamanyererigwa behe bagere kwayo, na kate kobo akalobola ekomi na babele, ghai boo abatyere “Batomwa.”
\v 14 Mabina jobo batomwa beni jale Simoni (alya sei abyelagwa Petro) na Andrea mondogo wa Yakobo, Yohana, Filipo, Bartoromayo,
\v 15 Mathayo, Tomaso, na Yakobo mwana wa Alfayo, Simoni olya atyere Zelote.
\v 16 Yuda Mwana wa Yakobo, na Yuda Esikariote ulya amureserere aka mureserya.
\p
\v 17 Asika yesu akahoroka hamwe nabo eboka ngitegolo bakema hantu ha kitangarye, batubageri behe baneni bale kokyo, hamwe na bantu baneni babokire Buyahudi na Yerusalemu. Neboka Pwani ya Tiro na Sidoni.
\v 18 Bajire emutegerya ne horigwa bilwalu byobo. Bantu balya batirirwe Nkolo mbeju nabo kakahorigwa.
\v 19 Bulya kumogondwo kila omwe akondate amuhange kwa muna nguru jyehorya jihuma ndane yehe, akahorya bonse.
\v 20 Asika akaraberya batubageri behe, na akabuga, “Mwatemandigwa enye balya kantu bahabe, Ghai bwegri bwa Mugwe ni bwenyu. 
\v 21 Mwatemandigwa enye balya mule jalo muno, ghai mkeghejishigwa.
\p
\v 22 Mwatemandigwa enye balya bantu bakebazola nebahola nebatuhumu enye ebuga mle bang'adaba, kwa ajili ya Mwana wa Adamu.
\v 23 Ghamelai nkya jyene ne kelenkela lye ghamela, ghai ninjije muke kolwo na Thawabu neni kwegolo, kwa mamuna bese byo baghaerye m, anabii.
\p
\v 24 Ale emai enye balya mle basabi! Kwa mamuna mwasuba ebana Faraja yenyu.
\v 25 Emai enye balya mughere ryolo! Kwa mamuna mkojya jalo b adae emai enye babamusekate ryolo! Kwa mamuna mkekolwo geine nejura badaye.
\v 26 Emai enye, mugh'ore eghorwa bantu bonse! Kwa mamuna baghonjyo baghaerye byo manabii ja bwerehi obyo obyo.
\p
\v 27 Ale bugate kwenyu enye balya mutegeratye, kondai bahoma benyu neghajya bijaregagu kwa balya babazore.
\v 28 Temandyai balya bababeke laga muma na mwehele balya baba banelate.
\v 29 Kwehe wo akusegate kirigani kya haremwe muhondokerrye nalyo harenyi. Na nakola monto abakutaje joho lyanyo babemugirya na kanzu.
\v 30 Haa kila olya akwehelate na monto akutuja kantu kabugwa kayyo, habe konda akujyokerye.
\v 31 Bulya mukonde bantu babagharye, nenye bagharyei byo obyo.
\p
\v 32 Akola mkekonda bantu balya babakonde boka, eyyo ni thawabu kee kwenyu? Kwa mamuna egera balya bale ngh'adaba akonde lalya babakonde.
\v 33 Akola mukegharya bijaregagu balya babagharagya enye bijaregagu, obyo Thawabu ke kwenyu? Kwa mamuna ejagha balya bale ng'adaba byo baghayagya byo obyo.
\v 34 Akola muke humya binto sire kwa bantu balya mkebetela babajokerye, Eyo thawabu kee kwenyu? Egera balya bale ng'adaba mbasegeraga sire kwa bulya bale ng'adaba, nababetelaga ehebwa jing'ana byo sei obyo lenge.
\v 35 Ale kondai bahoma benyu nabagharyei bijaregagu. Bahai sire mtikabe eryala ejokorigwa. Na thawabu yenyu ikeba neni mkeba bana olya ale kwegolo. Ghai wo mwene mjaregu kwa bantu balya bati Shukurani baovu.
\v 36 Kolwai na marero, bwe ghonjyo balya ale marero.
\p
\v 37 Mwetemandyei, nenye mtimune elebwajoko. Mtikabe ebekan muma, nenye mtibekeletwe muma, baghuheryei, nenye muke ghuherigwa.
\v 38 Hai bange, nenye mke ehebwa. King'ana buhanu kighanyirwe. Kitetegire ne ededeka. Kikedeka birugunyi nane byenyu. Kwa bulya kilya mugeraga kyonse kilya (mugeraga) kilya mugharagea kekyo kyo mkeegerwe nenye.”
\p
\v 39 Asika akababyiela mfano sei. “Monto atikyebana nsee naker ehetela monto onge atibanga? Bobyo ale bobyo. Basi bonse baketonya Kisima, ale batibale batonya kisima?
\v 40 Mutubegeri nabejaga mkolo kulya kule mumanyererya wehe, ale kila monto asube manyerigwa bujaregu akeba bwe mumanyererya wehe.
\p
\v 41 Sheni njii nubaraberagyi (kihuti) kibanzi kile riso nane lya mondogo wayyo, na Boriti lile riso nane lyayo utiliraberate?
\v 42 Ukehikya ebyela bo mondogowajyo. Mondogo ninjihelate ngumwe kibanzi kile riso nane lyayo we mwene? Murahuni wee! Shamehumya boriti risonane lyayyo we mwene, ndyo ukebana bujaregu behumya kibanzi kile riso nane lya mondogo wayyo.
\p
\v 43 Kwa bulya hati mte jujaregu jubyalaga magundirye jabeju. Nanga hati mte jubeju jubyalaga magundirye jajaregu.
\v 44 Kwa bulya eyyo kila mte jumanyekanigagwa ni magundirye jehe. Kwa bulya bantu batyahete tini ebokela kule mibwa, nanga batyahete zabibu kule michongoma.
\v 45 Monto mujaregu kwa Hazina njaregu ya nkolo yehe ihumagya jalya jajaregu. Na monto mubeju kwa hazina yehe mbeju ya nkolo yehe ahumagya jalya jabeju. Kwa bulya kanya kehe kabugaga jalya jojire nkolo nane yehe.
\p
\v 46 Shenke mwabugelaga, ‘Mwegeri, Mwegeri,’ nanga mtandi eghayya jalya bugate? 
\v 47 Kila monto ajate kwawa na akoji makalaga jawa na ajagharya milemo nike ebabanyya bulya anga.
\v 48 Angane na monto abokate nyumba yehe. Bulya asimatese munoi, nooboka musera jwa Nyumba mwambe egolo jwa nguru. Bulya loje lubajire makindelu jakagundyoka jakaja bulya mamkindelu jamai jabejire jakasega nyumba. Ale jityandi ehikya emi bodanyya, kwa bulya yobokire bujaregu.
\v 49 Ale ulya wonse ojatwe ekalaga lyawa na atandi elye dekela, angane na monto obokire nyumba rerigolo hatigwete etongobya juhe ibahorokire kwa nguru. Nyumba ikagwa egwa likolo.”
\c 7
\cl Mlyangu 7
\p
\v 1 Baadaya Yesu asuba kila kintyo kilya babugire kwa bantu balya bamwojirye, akashalya Kapernaumu.
\v 2 Mutomwa omwe wa Akida, ulyaobire wa kala munop kwehe, abire areware muno na obire hadinko yekya.
\v 3 Ale akoba ojirie msikelo jya Yesu, Akida oyo amtomire mkolo wa Kiyahudiu, emwehela aje emrasherya mutomwa wehe ebuga ahabe ekya.
\v 4 Bulya bahikire hadinko na Yesu bakemsihi kwa nguru na ebuga, “Anastahili bulya akondatwe egita bobyo kwa ajili yehe,
\v 5 Kwa bulya akonde etongo lyeto, na nwo obokirie Sinagogi kwa ajili yeto.”
\p
\v 6 Yesu akedelea na sabari yehe hamwe nabo. Ale kabla atigerire kulehu na etola Afisa omwe abatomire bahenji behe egamba nene. “Mwegeri, ubengutarya weka kwa bulya nie sistahili we eshala hale Dari yawa.
\v 7 Kwa bulya eno ntyandi efikiria weka kwa bulya nie oba ningikirye eja kwayyo, Ale buga egamba ekalaga lyayo na mutubegeri wawa akehola.
\v 8 Mbyo niye sei ni monto ngiterwe oba kwa bwegeri na ninde barenderi nse yawa. Nabugate kwa oyyo, ‘Enjoo,’ na agerire, na kwa mutomwa wawa ' gita keke na nene agite.”
\p
\v 9 Yesu bulya ojirie jaja akashangaa, na kuwageukia lugu julya bale bamtubaga na ebuga, “Mbabyielate, ejagha kwa Israeli, ntiandi banaga monto ale edekela mukolo akola lele.”
\v 10 Asuba balya bobire batomirwe bakajoka kwa kaya na emukola mutubegeri ale serye.
\p
\v 11 Monto omwe baada ya Jaja, yobire oba Yesu obire agerire egera etongo juylya jubugwa Naini. Bamanyererigwa behe bakagerana hamwe nene bakebyielana na kimuhyo kineni kya bantu.
\v 12 Bulya ahikire hadinko na mulyangu lya etongo, doghora monto akire obire eborwe na ni mwana aleweka kwa ng'ina ulijaobire atimulome na bantu ba bawakilishi, eboka kwe etongo bobire hamwe nene.
\v 13 Bulya bamubande Njaghamba akamusungura kwa huruma neni muno egolo yhe na akababiela, “Habejura.”
\v 14 Asuba akasunguruta bnushone jeneza bwebulya bebare mubele na bulya balya bebare bakema akabuga, “Ba mtana bugate boka.”
\v 15 Akire akaboka na emitya nse na akaunela egamba. Asuba akamuha ng'ina yehe.
\p
\v 16 Asuba eriala likabadaba bonse bakendelea ehanana Mugwe, bakabuga, “Nabii mukolo ameinuliwa kate kwobo” na “Mugwe abadoghorire bantu behe.”
\v 17 Jiji Masikelo njaregu ja Yesu jwaeneire Yudea yonse na kwa matongo njonse ja hadinko.
\p
\v 18 Bamanyererigwa ba Yohana bambile makalaga jaja jonse.
\v 19 Ndyo Yohana ababugela babele bamanyerie behe na ebatoma kwa Mwegeri ebuga, “We nulya nojire anga ghale monto unge tumuraberie?”
\p
\v 20 Bulya bahikire hadinko na Yesu baba bakabuga, “Yohana mubadisa namutoma kwayyo ebuga, ‘We nulya ajaye anga ghale monto unge tumuraberyei?’”
\p
\v 21 Kwa madiko jaja abahorie bantui baneni. Eboka kwa Marwara na mateso eboka kwa nkolo mbeju, na kwa bantu batiebana abahere ebana.
\v 22 Yesu akabuga neebuga kwobo, “Baada yebuga mbagerire kulyamubokire mukimbiela Yohana mwabanire na kukojya. Bale hakure bakepokea ebana na biwete bagerate, bale ukomabaketakasika batwojwire bojya bakire baryoka na oba hai lenge Masikini balelwa masikelo njaregu.
\v 23 Na monto atimune ehaba endekere niye kwa makalaga jyawa amenderigwa.”
\p
\v 24 Baada ya bantu batomirwe Yohana bajokire bulya babokire, Yesu akarunela ebuga kwa elugu egolo lya Yohana, “Mwagerire kwa kane ebana nji, Mwanzi ukeba muryala na biryoka?
\v 25 ALE mwagerire kwa kane ebana nji monto abekire bujaregu raberya bantu babyo bebekye magodi jya bwegeri na etola ja Starehe kwayyo kwa hale hantu ya begeri.
\v 26 Ale mwagerire kwa kane ebana njii, Nabii? Ndyo, nabughate, kwobo na muno kuliko nabii.
\v 27 Oyo nwo andekirwe, “Raberya, namutoma mjumbe wawa bushone bwa meso jenyu olya andaa nkondo kwa ajili yawa,
\v 28 Bugate kwenyu, kate ya balya babyirwe na wabaka, hati mukolo akola Yohana, ale monto atimune muhimu muno aketola na Mugwe hantu ale oho nene akoba mukolo kuliko Yohana.”
\p
\v 29 Na bantu bonse balya bojirie jaja hamwe na badosa ushuru batugirwe bulya Mugwe ni wa nsaba baleho kate yobo balya babadisirwe kwa bubadiso bwa Yohana.
\v 30 Ale Babarisayo na bamanyererya ba kioloteryo jwa kiyahudi balya bbatiandi badiswa na nwo balegire hekima jwa Mugwe kwa ajili yobo boka.
\p
\v 31 “Lenge naweza engana na njii bantu ba lubyalo keke bangabo hasai?
\v 32 Bengane nabana banonsate hale hantu lya soko bamintirye netalongana umwe baada ya unge babugate tubabuba Filimbi kwa ajili yenyu na mutwandighuja. Twajurire na mtimune ejura.’
\v 33 Yohana mubadisa ajire antyandilya mukate wala atyandi nywa divai na mukabuga, “Ale na kiryoka.
\v 34 Mwana wa monto nojire abalagera na enywa na mukabuga, ‘Angali ni muyoku, na mubogita muhenji wa batosa ushuru na bale na ng'adaba.’
\v 35 Ale hekima yamanyekire bulya nile saba kwa aban behe bonse.”
\p
\v 36 Umwe wa babarisayo amwehere Mugwe bagere bonse bakalagele nene. Baada ya Yesu eshala kwa ntumba ya farisayo, akeegemea hale mesa ili
\v 37 alogele. Raberya, hale wabaka umwe kwa etongo lyene obire amitirie kwa barisayo akalete shuba ya manukato.
\v 38 Emire suha yehe hadinko na magolo njehe akajura lenge asire elowanisha magolo njehe kwa machozi na kwa esusuma kwa njele jwa mutwe njwehe akeibusu magolo jehe na akaemubira manukato.
\v 39 Na ulya Barisayo olya obire alikeire yesu bulya abande mbobyo akawaza weka akabuga, “Akola monto oyyo akaba nabii, ale amanya oyyo ni no ni aina kee na wabaka olya amuguysire, bulya nde na ng'adaba.” 
\p
\v 40 Yesu akajokya na emubiela, “Simoni ninde kinto kye kubiela.” Akabuga, “KIbuge kyoka Mumanyererya!”
\v 41 Yesu akabuga, “Kwale na badaiwa babele mulyasire umwe. Umwe ale edaiwa dinari magana eshano na wakabele edaiwagwa dina ri milonge eshano.
\v 42 Na bulya bobire bati robiyya yemuliba akabhasamehe bonse, Ryolo ni no akamukonda muno?”
\p
\v 43 Simoni akamujokya na akabuga, “KOlate olya asameherwe muno.” Yesu akamubiela kwa, “Umehukumu kwa nsaba.”
\v 44 Yesu akemugeukia wabaka na ebugana Simoni, “Mubone wabaka oyyo. Nibasharia hale hetola yayyo. Utyandi ngaa mai kwa ajili ya magolo jawa, ale oyyo, kwa mesori jehe alilowanisha magolo jawa na esusuma kwa nywele jehe.
\v 45 Utyandi ebusu ale woo eboka ashale kono atwandihaba kunibusu magolo jawa.
\v 46 Utyandi nimubira maguta magolo jawa, ale nababira magolo jawa kwa manukato.
\v 47 Kwa ekalaga lele, nakubiela bulya ale ng'adaba jineni na amesamehewa muno na pia akondire muno. Ale asamehirwe hariri, ekonndaga kariri kyoka.”
\v 48 Baadaye akamubiela wabaka, “Ng'adaba jayo jibasamehewa.”
\p
\v 49 Balya bamintirye mezani pamoja nene bakarunela ebogelana bo kwa bo oyyo nino mpaka akesamehe ng'adaba?”
\p
\v 50 Na Yesu akamubiela wabaka, “Edekela lyayo lyakuhonokirye. Gera kwa sayo.”
\c 8
\cl Mlyangu 8
\p
\v 1 Ikahumela ng'ende ndinko hinja ebuga Yesu akarunela egera kwa mijye na mujyiene jineni, aoloteratye na egamba masikelo jajregu ja Bwegeri bwa Mugwe na balya ekomi na babele bagerire hamwe nene,
\v 2 Obyo baka basisa balya bahorigwe eboka kwa nkolo mbeju na bilwaluj bing'ana. Bale ni Mariamu abugelagwa Magdalena ulya ahumirigwe biryoka muhungati.
\v 3 Yoana Mkehe kuza na meneja wa Herode, Susana, na bana baka bange baneni bahumirye binto jobo kwa ebuga yobo bene
\v 4 Mamuna ya Masau jabnatu emogana hamwe bakaja bantui babokire kwehe eboka matongo jange akagamba nabo kwa mifano. Muherera agerire ehurela mbeho, bulya ahurelate, mbeho jimwe jikatonya nkondo jikaghagharyelwa nse magholo na nyonyi jya kwegolo jkikalya.
\v 5 “Mbeho jinge jikatonya rerigoloya mabwe jikagunda kwa bulya hati bojo bwejimerya.
\v 6 Mbeheo jimwe jya tonyire mabwegolo bya jibamere jikasundya jikaba jiriragi jikagundya kwa bulya hatyojirye.
\v 7 Mbedho jinge jikatonya mitegolo jya mibwa, nayo mite jya mibwa ikakakola hamwe na mbeho yene ikaghoghobwa.
\v 8 Ale mbeho jinge jikatonya reri egolo njaregu na jikaleka byelya mara egana nalenge.” Baada ya bYesu ebuga, makalaga jaja, akahumwa ero lineni, “Olya wonse ale na kusikelo jojyo nojye.”
\p
\v 9 Lenge Batubegeri behe bakamuborya, maana ya mfano jojyo;
\v 10 Yesu akababiela, “Mwajokelwa mumamnye siri ya bwegeri bwa Mugwe ale bantu bange bakemanyerigwa kwa mifano nkyoka, ebuga bulya ‘babana bahabe ebana na bojya bahe emanya.’
\p
\v 11 Na eno noo maana ya mufano jojo, mbeheo nekalaga lya Mugwe.
\v 12 Mbeho ilya ya ntyintinyire mubale jwa nkondo mbantu balya bnojagya ekalaga, hating'ana muhimu kiryoka alitola halehu ebnoka nkolo nane ebuga bahabe edekela bahonokigwa.
\v 13 Asika na jilya jitonyire ebegegolo ni mbantu balya balya bojagya ekalaga balihebwa kweghamela ale batimiri rsri bedekela hariri hating'ana, babanelwa bagwa.
\v 14 Na m, beho jilya jatonyire mibwa nane mbantu bojirye ekalaga, ale bulya bagerate kwekola baghobwa ni huduma busabi baghaerya butolo nabati matunda.
\v 15 Ale mbeho ilya tonyire rerigolo njaregu ni mbantu balya bagwanu ba nkolo njaregu, baada yojya ekalaga baryeliga likakolwe sayo neeleka matunda jeghumerya.
\p
\v 16 Ryolo Hati rari omwe okagywa taa ale amisubukerye bakuri nanga anga amighaghare busele nane amamuna ye migitela kinaregolo kya taa ebuga kila omwe ashala abane.
\v 17 Kweeba hati kilya kikebisa kilya kiti manyekanante, nanga kilya kile sirini kilya kitimanyekanate kile bwelegolo.
\v 18 Ryolo bai bagharehi, mwankolo mtengerate. Kwa builya ulya ale na kyo kwehe akeroselwa lenge ale ulya ati rari kilya kiriri ale na kyo nkikrtolwa.”
\p
\v 19 Baadaye ng'ina ya Yesu na ndogo bakamutuba batandie mhikela bulya bantu babale baneni.
\v 20 Na akababiela, “Mwoho na ndogon jyayo balekane bakondate baba nane nawe.”
\p
\v 21 Ale Yesu akajokya akabuga, “Maa na ndogo jyawa mbalya ni ni mbalya bategeratwe ekalaga lya Mugwe ne lyendekela.”
\p
\v 22 Ikaba nkye emwe kaye ya nkya ilya Yesu na batubageri behe balenjere mutumbwi nane, na akababiela, “Na tuzabagei mubale jwa kabele jwa boliboli.” Bakagharerya mashua yobo.
\v 23 Ale bulya babanderere lugendo, Yesu akalala tolo na dhoruba mbeju ile na lububu na mashua yobo ikarunela ojola mai bakakolwa hatirigolo neni muno.
\p
\v 24 Baadaye batubageri bakamutuba bakamubonkya, babugate, “Mwegeri mukolo! Tule tule hadinko ekya akaboka akaheda lububu na bigheri bya mai bikasira na kukolwa kuba tigelana.
\p
\v 25 Lenge akababiela, “Edekela yenyu eleha?” Bakaryala, bakadama, bakagambana kila omwe ne mulugu wehe, “Oyo nino, abyelate lububu ne mai jendekela?”
\p
\v 26 Bakahika mujye jwa gerasini jule hara ya suha ya Galilaya.
\v 27 Yesu bulya ahumire akaghanjareri, monto musisa akaboka mujye, akajaghana nene, na monto wene ale na nguru jya kirimamu. Ebokela kwa ngara halehu atwebekanga bgobi, na atwetolaga nyumba nane ale atolaga mbereranane.
\p
\v 28 Balya abande Yesu akajura ero lineni, na akagwa nse bushone yehe, kwe ero lineni akabuga, “Mbakugharya nji we, Yesu Mwana wa Mugwe ale kwegolo? Nikwehelate habe ng'homberya niye.”
\v 29 Yesu akaheda nkolo mbeju yekere monto oyyo kwa mamuna libva mwagarya nkya jineni rari akabohwa minyororo na nga agitelwe nse ya burenderi abohire atabyola bibohwelu aryala kwa jangwani kwa nguru jya biryoka.
\p
\v 30 Yesu akamuborya, “Ebina lyayyo abugwabo?” Akajokya, akabuga, “Legioni,” kwa bulya njaneni ja mushare.
\v 31 Jakaendelea emsasama habe etuheda tushale kisima nane.
\v 32 Kimuhyo lya ngolobe lyasemaga ngitedgolo, jaka musasa ajahede jakadshala ngolobe jyene, akajiheda jigitebyo.
\v 33 Ryolo biryoka jyene jakahuma monto oyyo jikashala ngolobe, jyene na kimuhyo lyene likaroha mbokelugolo jwa ngita likang'ora awani lika hala hoo.
\p
\v 34 Bantu b alya basemire ngolobe bulya babande kilya kiba huma, bakaroha bakarohya bakahumya masikelo ayyo mujye nane na mubale jwa mujye kwa mujye ilya ibarongoshirye.
\v 35 Bantu bulya babojirye bakagera bakabana kilya kabahuma. Na bakaja kwa Yesu ebana monto ulya biryoka jahumirye. Akaba ebekire bujaregu na ale na bughara bujaregu, anyuntirye magolo nane ja Yesu, na bokaryala.
\v 36 Ndyo omwe wobo ulya abande kilya kibaghubukire akahejaga bange masikelo bulya monto oyyo abale na biryoka balya jya muhiraga na bulya abahorigwe.
\v 37 Bantu bonse ba Mkoa wa bagerasi na mibale jilya jighobire baka ehela Yesu ekere kwobo kwa bulya bakolwa na budeki bukolo. Na akashala mtumbwi nane ejoke.
\v 38 Mopnto ulya ahumirye akehela Yesu agere nene, ale Yesu akamubyiela gera ukabuge,
\v 39 “Joka kule nyumba yayyo na utale jalya jonse Mugwe abakugharya.” Monto oyyo akagera, kuhumya masikelo kwa mujye nane jonse kwa mujye yonse jalya Yesu abaghajya kwa ajili yehe.
\p
\v 40 Na Yesu akehondola, lugu bakamkaribisha, kwa bulya bonse babamubetire.
\v 41 Raberya akaja monto omwe abugwa Yairo nomwe kate ya Bekorani ba Sinagogi, Yairo akagwa nse magolo jya Yesu na akamwehela angere kwa mwehe.
\v 42 Kwa bulya ale na mwana wabaka omwe weka, Ale bilemela ekomi na bibele, Na ale kwa hali ye ekya. Na bulya abageraga makolanu jya bantu baneni jamughobire wo muno.
\v 43 Wabaka ahumagwa nindaghami kwa bilemela ekomi na bibele ale ayyo na atumirye robiyya njyionse kwa baganga, ale hati rari omwe amuhorirye.
\v 44 Akaja suha ya Yesu, na akagusa lutumu lwa ngombiryehe, na ndaghami nyehe ghafula ikoma.
\v 45 Yesu akabuga, “Nino abangusa?” bulya balenjire bonse. Petro akabuga “Mwegeri mkolo bantu baneni bakurugudate na mbakughobire.”
\p
\v 46 Ale Yesu akabuga, “Monto omwe na ngusire, mamuna nimbamanya nguru jibaboka kulya nde.”
\v 47 Wabaka bulya abande eb a atihiketyte ebisa kilya abaghairye. Akandela ebodana, akagwa bushone bwa Yesu akatangaza bushone bwa bantu bonse kilya kilya kibamghairye amunguse ne bulya abahorigwa ghafula.
\v 48 Asuba akamubyiela wo, “Mwana wa edekela yayyo nibakughajya hole. Gera na sayo.”
\p
\v 49 Abulya abaendeleire ebuga, monto omwe akaja eboka kwa nyumba ya Mwekorani wa Sinagogi akabuga, “Mwanabaka wayyo nabakya. Habe esumbua Mumanyererya.”
\p
\v 50 Ale bulya Yesu abijirye obyo, akamujokerya, “Haberyala, endekela kyoka, nakehonokigwa.”
\v 51 Ahika bulya abasharire nyumba nane eyo atandi esegera bantu bashale hamwew nene, ehaba Petro, Yohana na Yakobo, ese ya mwana wene na ng'ina ya mwana wene.
\v 52 Ryolo bantu bonse bale geine bajurelaga mwana wene kwero lineni. Ale akabuga, “Mtikambejoke esega ero lineni, atikire, oyyo narare nkyoka.”
\v 53 Ale bakamuseka kwe mughaokela, bamanyatye na nasubire ekya.
\v 54 Ale wo, akeriga mwanabaka wene kuboko akamutalonga kwe ero lineni akamubyiela, “Mwana, boka.”
\v 55 Nkolo yehe ikajoka, na ngara yene akaboka, akabuga nahebwe byelya alye.
\v 56 Bazazi behe kakadama, akabaamuru ehabe ebyela monto kilya kibaghayeka.
\c 9
\cl Mlyangu 9
\p
\v 1 Akababugela balya ekomi na babele hamwe, akabaha bwehikya na nguru egolo lya biryoka jonse na nehorya bilwalu.
\v 2 Akabatoma bagere bakahubiri Bwegeri bwa Mugwe na nehorya barwari.
\v 3 Akababyiela, “Mtikambe etola ulya kantu kwebuga ya sabari yenyu nanga msengi, nanga mubugo, nanga mkate, nanga robiyya, nanga ebala kanzu ebele.
\v 4 Nyumba ilya yonse mkeshala, nyuntyai ho mng'oreekera hantu ayyo.
\v 5 Na balya batandi ebapokea, mwekera mujye yene, ekobei bunghu kwa magolo jenyu kwa bwejibe kulya bale.”
\v 6 Bakagera na egera bakaletya bijiji, basegerate masikelo jakuholo nehorya bantu kila hantu.
\p
\v 7 Ryolo Herode, Mwegeri, ojirye jonse jalya eba jaghubukate akatirireka muno, kwa bulya lyabugirwe baadi ebuga Yohana mubadisa na baryokas eboka kwa biryokane,
\v 8 Na bariri ebuga, Eliya nabasubeghubuka, na kwabange ebuga omwe wa manabii ja kala naba eryoka eboka kwa biryokane lenge.
\v 9 Herode akabuga, “Nasenjire Yohana ale oyyo ni no njojatye masikelo jehe?” Na herode akasora nkondo yebana Yesu.
\p
\v 10 Ngara ilya bajoka balya batomirwe, bakambiela kila kondo kilya baghairye. Akabatola hamwe nene, akagera weka kwa mujye jubugwa Bethsaidia.
\v 11 Ale makolanu jakojya bulya kulele bakamutuibagera na akabakaribisha na akagamba nabo ehusu bwegeri bwa Mugwe, na na akahorya balya bakonda ehorigwa.
\p
\v 12 Nkya ikarunela esira, na balya ekomi na babele bakagera egera nebuga, “Nyanyagya makolanu bagere kwa bijiji bya hadinko na mijyiene bakasore bweduduta na byelya kwa bulya tule hantu lya nyinkani.”
\p
\v 13 Ale akababyiela, “Enye bahai kantu kelya. Bakabuga tuti bizamire binunguta bitano bya mkate Na Singiri ebele, ibahikerere tugere tukagole byelya kwa ajili ya lugu eno ya bantu.”
\p
\v 14 Hale balome ekomi na batano ayyo. Akabyela batubageri behe. “Banyutyei nse kwa mimuhyo jya bantu milonge etano kila kimuhyo.”
\v 15 Ryolo bakaghajya byo bantu baka bakamunyuntya nse.
\v 16 Akatola mikate eshano na singiri ebele na akaraberya kwegolo, akabitemendya, na akajimega kwa bitye, akabiha batubageri behe ebuga babigitele bushone bwobo.
\v 17 Bonse bakalagela bakagha, bitye bya byalya bilya byatigare bika totolwa bikojola bikapu ekomi na ebele.
\p
\v 18 Nalyo likaba ebuga, lilya abehelaga ale weka, batubageri behe babele hamwe nene, akababorya akabuga, “Bantu babugaga niyye ndeou?”
\p
\v 19 Baka mujokerya bakabuga, “Yohana mubadisa, ale bange babugate Eliya, ale bange babugate nomwe kate ya manabii ja lilya lya kala akeryoka lenge.”
\p
\v 20 Akababyiela, “Ale enye mubnugate niye ndeou?” Petro akamujokerya akabuga, “Kristo eboka kwa Mugwe.” 
\p
\v 21 Ale kwebagirya, Yesu akababanerya bahabe ebyela monto wonse ekalaga lyene lele.
\v 22 Akabuga eebuga, “Mwana wa Adamu ndazima atirireke kwa bighori bineni nelegwa mbazee nan makuhani jakolage na baandeki, na akebulagwa na nkya ya kadato nakeryoka.”
\p
\v 23 Akababyiela bonse, “Akola monto ulya wonse akola akola nakekonda entubagera, ndazima elege wo mwene, atole nmusalaba jwehe kwonse, na antubagere.
\v 24 Ulya Wonse adedemate ehonokya serye njehe nakejobya abulya ake obya serye nkwa faida yawa nake
\v 25 jahonokya. Ale, mwanda akebana nji, akola akebana nse jyonse ale obye anga abone hasara ya nafisi yehe?
\v 26 Ulya wonse akembanda nsoni niye na makalaga jawa, kwehe wo mwana wa Adamu akemubanda nsoni akolwa kwa buseri bwehe, na buseri bwa Baba na malaika baseri.
\v 27 Ale babyelate nsaba, hale kitye kwenyu baba mwemaga oho, bati dada ghete lokyo bake eng'ore ebana Bwegeri bwa Mugwe.”
\p
\v 28 Ikaghubuka ebananekana nkya enyanya baada ya Yesu ebuga makalaga jaja bulya akabatola hamwe nene Petro, Yohana, Yakobo, akalenjela kwa ngite golo ehela.
\v 29 Na bulya abande kwa ehela, ebanenkana lya busho bwehe bukaelajoka, na ngobi jyehe jikaba jyelagu na jikansera.
\v 30 Na raberya, hale balome babele bagambate nene! Bale Musa na Eliya,
\v 31 Babandekanire kwa buseri, bagambi kuhusu egera lyehe, ekalaga lilya alehadinko ne liasuberya Yerusalemu.
\v 32 Ryolo Perto na balya babale hamwe nene bakakolwa kwa tolo ndito. Ale bulya babokire, bakabana buseri bwehe na balome babele balya babemire hamwe nene.
\v 33 Ikaghubuka ebuga bulya babale babokate kwa Yesu, Petro akamubyiela, “Njaghamba, kijaregu kweto enyuntya oho na tyugharerye butolo bwetola bantu badatu. Tughererye kimwe kyayyo, kinge kimwe kya Musa, na kinge kimwe kya Eliya.” (Atandi emenya kilya aba kalagela.)
\v 34 Lele abugate bobyo, akikaja kigundu kikabasubukerya; na bakaryala bulya bashare kighundu nane kyene.
\p
\v 35 Ero likahuma kughundu nane ikabuga, “Oyo mwaniwa mlobore. Mtegeryei wo.”
\v 36 Ero lyasisi, Yesu ale weka. Bakanyuntya nasirire, na kwa nkya jyene jijyo batandi ebyiela rari omwe kilya bilya babande.
\p
\v 37 Nkya ilya yatubagere, baada yeboka ngitegolo, bantu baneni bamogonde bakajaghana nene.
\v 38 Raberya, wabalome eboka kule emogona akajura kwero, akabuga, “Mumanyererya ninjehelate uraberye mwaniwa, kweba mwana omwe weka.
\v 39 Ubane nkolo mbeju nimdabaga, hating'ana asega kelele, na obyo lyaghajya agala na humwa mahuru kwa kanya. Nalyo lihumaga kwa shida, lya mughaye ojya maumivu jakali.
\v 40 Kabila batubageri bayyo balihumwe bakalemwa.”
\p
\v 41 Yesu akajokya akebuga, “Enye lubyalo kityendekere na kilangalangu, mbakale kinyuntya nenye nebalana nenye? Lete mwana oho.”
\v 42 Kijana kibajaga, nkolo mbeju ikamkinda nse ikamusukanya kwa fujo. Ale Yesu akahede nkolo eyo mbeju, akahorya kijori, na akamuhura esee yehe.
\v 43 Bonse bakadamigwa ni mbukolo bwa Mugwe. Ale bulya ghaghamaga bonse makalaga njonse jabaghanyekire, akabuga kwa batubageri behe,
\v 44 “Makalaga janyuntye masikelo nane jienyu, kwa bulya Mwana wa Adamu akehumigwa bushone bwa miboko jya Banadamu.”
\v 45 Ale batandi emanya maana ya makalaga jajyo, jabisirwe mesonjobo, ebuga bahabe ejamanya, bakaryala emuborya kuhusu ekalaga lelyo.
\p
\v 46 Ahika mgogoro jukandela jukashalela kitye kyobop na akeba mkolo.
\v 47 Ale Yesu bulya amanyire kilya baboranaga nkolo nane jyobo, akatola mwana mriri, na akamughaghara hara yehe,
\v 48 na akabuga, “Akola monto nakepokea mwana mriri bwe oyyo kwebina lyawa, apokeanenye sei, na ulya wonse apokerye niye, apokea ulya atomire, kwa bulya ulya mriri kwenyu enyonse no mkolo.”
\p
\v 49 Yohana akajokya akabuga, “Mwegeri, twabande monto aheda biryoka kwa ebina lyayo tuka mgirya, kwa bulya atigerenaga neshe.”
\p
\v 50 Ale Yesu akababyiela, “Mtikambe, emugirya ulya ati kisuha nenye nwenyu”
\v 51 Likabelela ebuga, ebanekana bulya nkya jibahikelaga nkya jyehe jyeyya kwegolo nane, kwabujaregagu akabaniyya busho bwehe Yerusalemu.
\v 52 Akatoma bajumbe bushone bwehe, nabokaka ng'ore eshala kijiji kya basamaria emaghererya hantu.
\v 53 Ale bantu kokyo batandi empokea, kwa bulya ahondokerya busho bwehe kwa Yerusalemu.
\v 54 Batubageri behe Yakobo na Yohana bulya babane lele bakabuga, “Mwegeri ukondate tubuge mwana ahoroke nse eboka kwegolo nane ubateketeze?”
\v 55 Ale akabaraberya akabaheda.
\v 56 Asuba akaye kijiji kinge.
\p
\v 57 Bulya bageraga kondo jyiobo, monto omwe akababyiela, “Na kutubagera kulya kwonse ugerate.”
\p
\v 58 Yesu akababyiela, “Marayo njale bisima, nyonyi jwa kwegolo jile nyumba ya nyonyi ale mwana wa Adamu atiherarya mtwe gwehe.”
\v 59 Ndyo akabyela monto onge, “Ntubagera,” ale wo akabuga, “Mwegeri, ame nsegera limwe karyekebaa.”
\p
\v 60 Wo akamubyela, “Tigela bakire baryeke bakire bono, ale we gera ukahumyi masikelo jya Bwegeri bwa Mugwe kila hantu.”
\p
\v 61 Monto onge akabuga sei. “Nikutubagera ale ambe nsegera nkaage bantu balya bale kwa mwawa.”
\p
\v 62 Ale Yesu akamubyiela, “Hati monto agitelaga kuboko kwehe ateme ale ahondoke kwa suha akeghwasa kwa Bwegeri wa Mugwe.”
\c 10
\cl Mlyangu 10
\p
\v 1 Baada ya bibugu bibyo. Mwegeri akalobola bange milonge mhungati, na akatoma babele babele bamuhetele kwa kila Mujye na hantu halya akonde egera.
\v 2 Akababyiela, “Ebuna nde neni, ale bamilemo mbariri. Ryolo ngo ehelai Njaghamba ye mbuna ebuga arabashe etoma bamilemo kwa ebuna lyehe.
\v 3 Gerai kwa mujye, raberyai, nabatoma bwe ng'ondi makatekate ja mbobwa.
\v 4 Mtikambe ebala mubugo jwa robiyya, nanga mubugo jwa basari, nanga birato, nanga mtikambe enga shanyya nkondo rari omwe.
\v 5 Kwa Nyumba yonse elya mkeshala, mbele bugai ‘sayo nnikolwa kwa nyumba nane eno.’
\v 6 Akola monto wa sayo naleho ayo, sayo yenyu iketigwa egolo lyehe, ale tibyo, ebokire kwenyu.
\v 7 Tigwai nyumba nane ayo, lagelai na Mugwe kilya bakehumwa ghai milemo na hikerere mshahara jwehe mtikambe esama nyumba eno mujye inge.
\v 8 Mujye ulya wonse mkeshala, nabakabapokea, lyai kilyza kyionse kikegitelwa bushone bwenyu.
\v 9 Na horyai barwari balyabaler ayo. Bugai kwobo, Bwegeri bwa Mugwe bu hadinko nenye’
\v 10 Ale mujye julya mkeshala, bahabe ebapoke a, gerai kwa kane kwa nkondo na bugai,
\v 11 ‘Egera bughu kwa mujye jwenyu lyopmerere magolo jeto tweririba dhidi yenyu! Ale manyai lele, ‘Bwegeri bwa Mugwe mbuhikelate,’
\v 12 Nimbabielate ebuga nkya ya hukumu ekeba ni usitahamilivu muno kwa Sodoma kuliko mujye jojyo.
\p
\v 13 Ole kwayyo korasini, ole kwayyo Bethsaida! Akola milemo jikolage jilya jighaekire ndane yeyyo jyaghaekirer Tiro na Sidoni bale batubu kala muno, nanyuntyatye ngobi nane jya Magunia na ebu.
\v 14 Ale ekeba usitahimilivu munoi nkya ya hukumu kwa Tiro na Sodoni kuliko enye.
\v 15 We Kapernaumu, ugerate ukebokerigwe mbaka Kwegolo nane?’ Yyango, ukaharokigwa kwanse ung'ore kwa kiselo kya nse.
\p
\v 16 Ulya akebategerya enye abategerya niye, na ulya wonse akebalega niye, abalaga na ulya wonse akendega niye abalega ulya atomire”
\v 17 Balya milonge muhungati, babande bakajoka baghamere, babugate, “Njaghamba, egera biryoka jabatedekela kwa ebina lyayyo.”
\v 18 Yesu akababiela, “Nibabande kiryoka kitonyi eboka kwegeolo nane bwenkoba.
\v 19 Raberya, nimbabaha bwegeri bwa bwe ghanja tyanyi na ng'oroji, na nguru jionse jya muhoma, na hati kantu kwa nkondo rari kakebadhuru.
\v 20 Egera obyo mtikambe eghamela kyoka kwa lele, kweba nkolo jibabugelate ale ghamelai munoi kweba mabina jenyu jandekirwe Kwegolo nane.”
\p
\v 21 Kwa ngara edyo eyo akaghamela muno kwa Nkolo museri, na nebuga, “Nkughorate we, Baba, Njaghamba wa Kwegolo na nsee, kwa bulya abisire bibugu bibi eboka kwa balya bale nsaba na bughara, najahingola kwa balya bati fundishirye, bwe bana baghera. Ndyo, Baba, kwa bulya ibaholohya mesone jajyo.
\v 22 Kila kindo nikeherwe kwawa ni Baba wawa, nanga hati ulya aje mwana nino ila Baa, nanga hati ulya aje Baa ni no ila Mwana, na ulya wonse Mwana akondaga Mwana ahingoke kwehe.”
\p
\v 23 Akahondokela batubageri behe, akabuga Ghamelai, “Batemandigwa balya babnate bibi ghai enye mibibanate.
\v 24 Nimbabyielate enye, Ebuga Manabii baneni na Begeri batamanire ebana bibugu bibi, na batandi ebibana, ne ojojya bilya mwojate, na batandi ojya.”
\p
\v 25 Raberya, Mumanyerrerya msisa wa Kioloteryo ya Kiyahudi emire ne mundendema, abugate, “Mumanyererya, ngitebo mbane serye ya kala na kala?”
\p
\v 26 Yesu akamubyiela, “Kyandekirebo kwa Kioloteryo? Umisomaga bo?”
\p
\v 27 Ajoka akabuga, “Ukekonda Njaghamba Mugwe wayyo kwa nkolo yayyo yonse na kwa Nkolo yayyo yonse, kwa nguru jyayo jyonse, na kwa bughara bwayyo bonse, na muhara wayo bwe we mwene.”
\p
\v 28 Yesu akabuga, “Nubajonkya kwa bugharehi ghanye byo na nuketola”
\v 29 Ale Mumanyererya, akondate etola saba wo mwene, Akababyiela Yesu, “Na mhara wawa ni no?”
\p
\v 30 Yesu akajokya akababyiela, “Monto musisa ahorokire eboka Yerusalemu agerate Yeriko. Akagwela kate kabatuji, balya bamtujire binto byehe, bakamutura na bakamuhaba akandate kitye ekya.
\v 31 Kwa masikelo Kuhani msisa naharokaga na nkondo yene, bulya amubande akaletya hara inge.
\v 32 Na mlawi sei byo, bulya ahikitre hosei akamubana, akaletya hara inge.
\v 33 Ale Msamaria omwe, bulya abageraga sabari, akaletya anye abale monto oyo, bulya abamubande, akarugutwe marero.
\v 34 Akamusungura akamuboha bidonda byehe, akamubira maguta, naakamugitela Difai akamulenjela ntyanyi ngolo yehe, akamuhira nyumba ya bageni akemuhudumia.
\v 35 Nkya ilya yatubagere akatola Dinari ebele, akaha mwene wa nyumba ya Bageni na akamubyiela, ‘muhudumie na kiya kikerosa naja nikekuleha.’
\v 36 Nino kulya kule bantu baba badatu, ugerate oyyo agwerere kate kabatujani?”
\p
\v 37 Mumanyererya akabuga, “Nulya abanishirye marero kulya ale.” Yesu akababyiela, “Gera na ukaghayye obyo obyo.”
\p
\v 38 Ryolo bulya basabiate, bakashala kwa kijiji kisisa na wabaka omwe ebina lyehe abugwa Marita akamukaribisha nyumba nane mwehe.
\v 39 Ale na dada abugwa Mariamu, anyuntijirye magolo nane ja Njaghamba na aketegerya ekalaga lyehe.
\v 40 Ale Marita akeha milemo neni yegharerya byelya. Akageraq akatuba Yesu, na akabuga, “Njaghamba, utigerelate ebuga dada yawa, abang'abela gharerye nyeka? Basi ngo ryolo mubyele andashe.” 
\p
\v 41 Ale NJaghamba ikamujokerye ebuga, “Marita utirirekate na bong'orike jineni,
\v 42 Ale ni kindo kimwe kyoka kya saba, Mariamu abalobola kilya kijaregu, kilya kitwekerigetwe eboka kulya ale.”
\c 11
\cl Mlyangu 11
\p
\v 1 Likaba lilya Yesu ehelaga hantu halya, omwe wabatubageri behe akamubyiela, “Mwegeri, tumanyerye eshe ehela bo Yohana bulya amanyererye batubageri behe.”
\p
\v 2 Yesu akababyiela, “Mwehelate, bugai, ‘Baba, ebina lyayyo ndiserigwe, bwegeri bwayyo mbuje.
\v 3 Utuiha mkate jweto jwa kila nkya.
\v 4 Utugune buhomya bweto bwe bulya neshe tugunaga bonse balya batuhomberye. Habe etuhetela kwa ededeemwa.’”
\p
\v 5 Yesu akababyiela, “Nino kwenyu akeholwa na muhenji, ulya akemutuba nabudi na umubyele, mhenji njazima mikate esato.
\v 6 Kwa mamuna muhenji wawa abatuba ryolo bobyo abokire sabari. Na niye ntii kye muha.’
\p
\v 7 Nene olya ale kwa ndane amubyele habeghatarya. Mlyangu jubasubehingwa bana bawa nanye tubasube elela busele, tibokete kuha wee mkate.
\v 8 Nimbabyielate, rari kukakolwa atibokete akuha mikatre bo muhenji wehe, kwa bulya umugongelate lyezoka, akeboka akuha mikate bwe muhenji wehe.
\v 9 Naniye sei mbabyelate, ehelai, nenye mkehebwa, sorai, nenye mkebana, segai hodi nenye mkehingolwa.
\v 10 Kwa mamuna kila monto ehela nakehebwa, nakila monto asorate nakebana, na kila monto asegate hodi, mlyangu njuke hingolwa kwehe.
\v 11 Ni mlakolom kee kate kenyu, mwanihe ake mwehela Singiri amuha ntyanyi amamuna yehe?
\v 12 Anga amwehela edeghe akemuha ng'oroji?
\v 13 Kwa bobyo, akola enye mule baobu mje eha banabenyu zawadi, jijaregu, jeti zaidi munoi Baba wenyu wa kwegolo ebuga akebaha Nkolo museri babyo mbamwedekere?”
\p
\v 14 Hating'ana, Yesu akaba ahedate Nkolo mbeju, na monto olyaale na nkolo mbeju ale bubnu. Likaba nkolo mbeju bulya lyahumire, monto wene akahikye egamba. Masau jaka dama muno.
\v 15 Ale bantu baneni bakabuga, “Oyyo ahumatye nkolo mbeju kwa Belizebuli, mkolo wa nkolo mbeju.”
\v 16 Bange bakamudede bakakonda ababanishe engasa eboka kwegolo.
\p
\v 17 Ale Yesu akamanya bulyabademaratye akababyiela, “Kila bwsegeri bulya bukegabeka bukeba ukiwa na nyumba igabekire ikegwa.
\v 18 Akola kiryoka kikeba ba kigabekire, bwegeri bwehe bukema bo? Ghai mubugate ng'umatye nkolo mbeju kwa Belzebuli.
\v 19 Ale, Balugu benyu ghumatye biryoka kwa nkondo kee? Kwa bulya eyo, bobake ebahukumu Mugwe enye.
\v 20 Ale akola, ng'umatye nkolo mbeju kwa kyala kwa mugwe, Basi ngo bweger bubabajela.
\p
\v 21 Monto ale nguru ale na mirigo arendela nyumba yehe, binto byehe bikekolwa sayo.
\v 22 Ale ashalelwa monto ale nguru munoi, monto oyyo ale nguru akemutuja mirigo jyehe, atolabinto byehe byonse.
\v 23 Ulya utihamwe na niye ale kisuha na niye, na ulya atimogonatye hamwe naniye na jaraganagya.
\p
\v 24 Biryoka lyahuma monto, lyagera na lyasora hantu hati mai ebubwa lyedudutye. Akola ndibabola lyabu, ‘kejoka halya nabokire.
\v 25 Ajoka likakola nyumba nihingore na inyuntirye bujaregu.
\v 26 Ryolo ngo, lyagera lya sora biryoka muhungati jalya jabe julitinga lyo lyene ajaleta jaje janyuntye hantu hene. Langa ya monto wene yaba mbeju kuliko bulya yale lyambele.”
\p
\v 27 Lyaghubukire lilya abugaga makalaga jajyo, wabaka musisa akagamba kwero lineni mnoi kuliko bantu bonse bale mute jwa bantu na akabuga, “Kiburi kilya kya kubyare kitemanderigwa na mabele jalya wonkire.”
\v 28 Ale wo akabuga, “Batemanderigwe balya bojatye ekalaga lya Mugwe nelighora.”
\p
\v 29 Ngara ilya lugu ya bantu ibamogonaga nerosa. Yesu akandela ebuga, “Lubyalo keke ni lubyalo kya bubeju. Kisorate eng'asa, nanga hati eng'asa bakehebwa ikere eng'asa lya Yona.
\v 30 Mamuna bulya Yohana bulya ale eng'asa kwa bantu ba Ninawi byo na Mwana wa Adamu akeba eng'asa kwa lubyalo keke.
\v 31 Malaika wa Kusini akema nkya ya hukumu na bantu ba lubyalo keke nebahukumu bo. Bulya wo abokire kwa bushone jwa nsee ebuga aje ategerye hekima jya Solomoni, na oho naleho ulya ale mukolo kuliko Sulemani.
\v 32 Bantu ba Ninawi bakema kwa hukumu hamwe na bantu ba lubyalo keke nkya ya hukumu bake kuhukumu, bulya bo batuba kwa mahubiri jya Yona. Na raberya oho hale olya ale mkolo kuliko Yona.
\p
\v 33 Hati monto olya wonse, akogya taa na amighaghare hara yonse ilekirimamu itibanekanate nanga nsee ya Kikapu. Ila okagya na amighaghara kindo egolo ebuga kila monto ashala abane mwanga.
\v 34 Riso lyayyo ni taa ya mubele jwayyo. Riso lyayyo lyaba lijaregu basi mubele jwayyo jwonse juke kolwa kwenye Mwanga. Ale Riso lyayyo lyakolwa libeju basi ngo mubele jwayyo jwonse jukeba kirimamu nane.
\v 35 Ryolo ngo emahelei, ebuga Mwanga jule ndane yenyu juhabee gitelwa kirimamu.
\v 36 Ryolo ngo, akola mubele jwayyo jwonsee jule mwanga nane, na hati hara ile kwa kirimamu basi mubele jwayyo jukebabwetaa yokate ne humwa mwanga kwenyu.”
\p
\v 37 Bulya asubire egamba, Barisayo akamuhira kaya akalagele kwa mwehe, Yesu nene akashala kwa ndane akakolwa hamwe nabo.
\v 38 Babarisayo bakadama kwa bulya batyandieshamaogya kabila yelya byelya byalya kwera.
\v 39 Ale Mwegeri akababyiela, “Enye babarisayo musabagya kikombe kwa kaane na bakuri, ale mwojore kwandane tama na bubeju.
\v 40 Enye bantu muti bumanyi, Ale, ulya aghairye kwa kane atani eghayya na kwa ndane sei?
\v 41 Hai bahabe bilya bikwandane, na makalaga jyonse jakeba jaseri kwenyu.
\p
\v 42 Ale emai enye Babarisayo kwa bulya muhumagya Zaka ya mnannaa naya machicha na kila aina ya kyelela jya bustani. Ale mubahaba bibugu bilya bya saba nehalohya Mugwe. Ndya saba muno eghayya bilya bya saba nehalohya Mugwe, bila ehaba eghayya na bibyo binge nabyo.
\v 43 Ale emai enye babarisayo, bulya mkonde enyuntya horiga jya bushone kwa Masinagogi nane negashigwa kwa nsoni sogoni.
\v 44 Emai enye kwa bulya Mwanga na mberera jiti ghoro bantu baletatye kwegolo batije.”
\p
\v 45 Mumanyererya omwe wa Kioloteryo jya Kiyahudi kamujokerya, “Mumanyerya, kilya ubugate kitumunetye sei neshe.”
\p
\v 46 Yesu akabuga, “Emai enye, Bamanyererya ba Kiloteryo! Kwa bulya muhejate bantu misabo jinenagi bati hiketye ejyebala ale enye mtihangete misabo yene rari na Mamlaka jwa byala byenyu.
\v 47 Emai enye, kwa bulya mwobokate negitela kubukumbu mberera egolo jya Manabii balya babulagirwe baghonyo mkolo.
\v 48 Ryolo enye mraberatye neendekelana na milemo jilya baghonyoo mkolo baghairye kwa bulya saba babulagire manabii balya mwobokate kubukumbu mberera egolo jyobo.
\v 49 Kwa mamuna eyo sei, hekima Ya Mugwe ibugate, ‘Nketumia manabii na batomwa bake batirira nebulaga bamwe benyu.
\v 50 Lubyalo keke kikebajokerya kwa ndaghami jya Manabii balya babulagirwe ebokela nsee yyenkerye.
\v 51 Ebokela ndaghami jya Abeli mbaka ndaghami jya Zakaria, olya abulagirwe makate kate ya madhabahu na haseri. Byo babyelate enyee, lubyalo keke kike bajyokerya.
\v 52 EDmai enye bamanyererya bya kioloteryo jya kiyahudi. Kwas mamuna mubatola funguo jya bumanyii. Enye bene mtishalate, nabalya bakondate eshala mwabahingerya.”
\p
\v 53 Baada Yesu akera ayyo, Bandeki na Babarisayo bakamulegela nejokeranyanene kwa bibugu bizamu.
\v 54 Bakadedema emugwata kwa makalaga jehe.
\c 12
\cl Mlyangu 12
\p
\v 1 Kwa ngara eyo, malubu ja bantu baneni jaka mogona na hamwe, baka ng'oreehikela heghanjana. Akandela eshama egamba na batubageri behe, “Hemahelai etorola lya babarisayo ni mbunafiki.
\v 2 Na kutikoletwe na siri ilya ibisekire ibigwa iti subuletwe, nannga ekalaga lya kibisi lilya litimanyekanate.
\v 3 Na kilya kionse mubugire kwa kirimamu, likojigwa kwa kwelo. Na bilya byionse mubugire kwa kusikelo bichuna nane byenyu bihingire biketalongwa ba egolo lya nyumba.
\p
\v 4 Nibabyielate baehenji bawa, mtikabeeeryala bakebulaga mubele na asika batineehikya kindo kinge kye ghajya.
\v 5 Ale nikebaonya ulya mkeryala. Ryalai olya nwo baada yekola abulaga, ale bwegeri jeta Jehanamu, ndyo balyelate enye, amuryalei wo.
\v 6 Ale shomora eshanu jitigoranigatwe kwa sarafu ebele? Egera obyo hati rari omwe wobo akesahaulika bushone bwa Mugwe.
\v 7 Ale mumanye eba, njele jya mitwe jyenyu mbitarirwe. Muti kambe eryala. Enye mule batamani neni ekela shomara jineni.
\p
\v 8 Mbabyelate, olya wonse akenjedekela bushone bwa bantu niye Mwana wa Adamu akemwedekela bushone bwa Malaika ja Mugwe.
\v 9 Ale bulya wonse akendega bushone bwa bantu nene akelegwa bushone bwa Malaika ja Mugwe.
\v 10 Ulya wonse akebuga kibugu kibeju kya Mwana wa Adamu, nakesamehewa, ale ulya wonse akeruma Nkolo Museri, atyambete esamehewa.
\v 11 Bang'ore ebahira bushone bwa bakolage masinagogi, begeri nabalya bale na bwegeri, mtikambe eryala bwe egamba ebuga kwa ejikeradya anga ninji mkebuga.
\v 12 Kwa bulya Nkolo Museri na kebamanyerya bulya mkebuga ngara eyo.”
\p
\v 13 Monto omwe kwa balya bamogode akamubyiela, “Mumanyererya, byela mwondogo wawa angambele sehemu ya bugabi bwawa.”
\p
\v 14 Yesu akamujokerya, “Nino abagitele eba mwekeranya na mjekeranyya kate yenyu?”
\v 15 Ndyo Akababyiela, “Emaheleni na kila namuna lweru, kwa ba majiegi ja monto jati kwa eneneha lya binto bilya ale nabyo.”
\p
\v 16 Yesu akababyela mfano, akabuga, “Mugonda jwa monto omwe esabijuka leka mno.
\v 17 Naakeborya ndane yehe, abugate, ‘Kegitabo bulya ntii hantu hegitela byelya byawa?’
\v 18 Akabuga, ‘Kegita obyo. Kebuna darijyawa jiriragi joboke neni, ghaghare kyelya byawa byonse na binto binge.
\v 19 Kebyala nkolo nane yawa, “nkolonane, ubeghara akiba ya binto bineni bilemela bineni. Duduta, ulya, unywe na weghaghare.”’
\p
\v 20 Ale Mugwe akamubyiela, ewe monto Mpumbavu budiko bwa kyeno bakondate nkolo yanyyo ne binto byonse bilya ubandaire bika byanjii?
\p
\v 21 Ndyo likeba kwa kila monto ulya egitelelate binto na tezabekya kwaajili ja Mwegeri.”
\p
\v 22 Yesu akababyiela batubageri behe, “Kwa ryolo nababyela mtikabe hofu egolo lya butolo bwenyu kweba mkelya nji nanga mibele yenyu eba mkeebeka njii.
\v 23 Kweba butolo ni zaidi ya bielya, na mubele ni zaidi ya ngobi.
\v 24 Raberyai nyonyi jwe kwegolo, jitikyetema nanga jitikyebuna. Jiti chumba na kibondo kyegitela, ale Baba wenyu najirageragya. Enye mtibora muno ekela nyonyi!
\v 25 Noho kate yenyu olya etirira nakehikya erosa dhira emwe zaidi katika butolo bwehe?
\v 26 Akola mtihiketye ng'o eghayya kekyo kindo kiriri kile Kirahisi kwenji mtirirekele bibyoo binge?
\v 27 Raberyai bibasho-bilya bimelaga. Jatikyeghayya milemo nanga jatiringagaale mbabyelate, rari Sulemani kwa buseri bwehe bwonse atandi ebekwa bwelimwe lya jaja,
\v 28 Akola Mugwe abekaga manyeka bujaregu jya kondeni, jalya ryolo jale ho, labu jaketebwa mokinane. Ale, ti zaidi akebabeka enyee? Enye ba edekela ndiri!
\v 29 Mtikabe etirireka kwe buga mkerya njii anga mkenywa njii, nanga mtikambeeba na hofu.
\v 30 Kweba matongo jonse jya nse jatirirekelaga makalaga joboo na Baba wenyu naje ebuga mkondate bibyo.
\v 31 Ale shamai esora bwegeri bwohe. Na bibyo binge mke neneherigwa,
\v 32 Mti kabeeryala enye kitye kiriri, kwa bulya Baba wenyu aghamelate ebaha enye bwegeri bolyo.
\v 33 Goranyai binto byenyu na mkahabahabe, mwegharye mibugo itisiragwa-hazina ya kwegolo itikomaga, hara elya bati deberete nanga nondo atihiketye eghagharya.
\v 34 Kweba halya hale na Hazina yayyo, ng'ona nkolo yayyo ikekolwa.
\p
\v 35 Ngobi jyienyu jilehagu jiba jibohire na mghoba, na Taa jyenyu njidisibwe ebuga njike endelea oka,
\v 36 Na muba bo bantu babetelate Mwegeri yobo iboke hodi, mbaken lambana emuhingola mulyangu
\v 37 Bamilemo babyo mbatemandigwe, balya Mwegeri ikekola babone gharera na bohire ngobi yeehe ndehu ma mghoba, asuba akebanyuntya nse kwa belya, asuba abagharerya.
\v 38 Akola Mwegeri nakeja kwa galanda ya kabele, ya burenderi bwa nabudi, nanga egera galanda ya kadato ya burenderi.
\v 39 Bizamire bibyo, manyai lele, akola mwegeri mwene wa nyumba abang'oriremanya ngarelya mwebi akeja, atisegerate nyumba yehe ibunjwe.
\v 40 Kolwai tayari sei bulya mutije ni ngare kee Mwana wa Adamu akenjoka.”
\p
\v 41 Petro akabuga, “Mwegeri, utubyelate esheka bene mifano eno, anga ubyelate kila monto?”
\p
\v 42 Mwegeri akabiela, “No mtomwa mwome nanga ale kidemi ulya mwegeri yehe akemughaghara egolo lya bamilemo bange. Ebuga abagabele byelya byobo ngara yo?
\v 43 Natemanderigwe monto ulya, olya Mwegeri wehe akeja akemkola aghayatye bilya abyerwe.
\v 44 Ghareha babyelate enye ebuga akemughaghara maligolo jehe jonse.
\v 45 Ale mutomwa oyyo abugate nkolo nane yehe, “Mwegeri yawa ni dedghate ejoka; ndyo akandela etura bamilemo bene, babalome na babaka. Asika akandela elagela, nenywa, nebogita,
\v 46 Mwegeri yehe mtomwa oyyo akeja kwa nkya atijibeterere na ngara itimije, nene akemkeba bitye bitye nemugitela hantu hamwe na balya bati bone.
\v 47 Mumilemo, olya anje makondwa ya mwegeri wehe, nene atyebanekirer nanga atandie ghayya bujaregu na makondwa jehe, aketurwe marimiti janeni.
\v 48 Ale mumilemo atije makondwa jya mwegeri wehe, ale akaghayya bilya bihikerere ehomberigwa, aketurwa marimiti jariri. Kwekola wo olya aherwe bineni, bineni bikeranywa kulya ale nene ulya wo amimirwe kwa bineni, kwehe bikeranywa muno.
\p
\v 49 Njijire okya moki nseno, nderelate ukole njusubire oka,
\v 50 Ale nde na ubadiso bulya kwebadiswa ndena huzuni mbaka bung'ore eba!
\v 51 Ale, mugeratye eba njijire eletya sayo nseno? Yyango, nimbabyelate, anamuna yehe ndetire ekekebwe.
\v 52 Ebokela ryolo, negera kwa bushone kukeeba na bantu batano kwa nyumba emwe bagabekire, na badato bakeba kisuha na babele bakeba kisuha ne badato.
\v 53 Bakegagabeka, baba akekolwa kisuha na mwenehe, nan mwenehe akeba kisuha ne ese, mugharisha akeba kisuha mwanihe wa baka na mwana wabaka akekolwa kisuha na ng'ena na mugharisha wa basoni akeba kisuha ne monto wa nsoni wehe na monto wa nsoni akebakisuha na mugharisha wabansoni wehe.”
\p
\v 54 Yesu akabyelaga makolanu sei maras wabana bughjundu bibokate magharibi, mwabuga ngara ya mbura nibahika, na mbyo kubejaga.
\v 55 Na lububu lya Kusini lya bubana mwabuga kukeba netutume lineni, Na mbyo kukeba.
\v 56 Enye banafiki, mkehikya etafsiri ebanekana lya nse negolo ale likeba bo mtihiketye etafsiri ngara ilya ileho?
\p
\v 57 Shenke kilya omwe wenyu atimune edemerya lilya lilesaba kwehekwa ghanyekire ngarelya olya ale na nafasi yeghayya byo?
\v 58 Mamuna mwagera na mureseriwayyo bushone bwa Hakimu, etahidi emanya na mureaseri wayyo lele muhale kwa nkondo ahabe ekuhira kwa hakimu na hakimu akuhire kwa Ofisa na Ofisa akuta Gerezani.
\v 59 Nikubyelate, utineehuma kokyo ukeng'ore eleha senti ya Mwisho.”
\c 13
\cl Mlyangu 13
\p
\v 1 Na ngara yene eyo, kwale na kityeb kya bantu bamibyere kulya kule Bagalilaya balya Pilato ababulagire akengiranya ndaghami jyiobo na sadaka jyiobo.
\v 2 Yesu akajonkya akababiela, “Ale mugerate eba Bagalilaya ba byo bale na ng'adaba ekela Bagalilaya bange bonse kyo mamuna babadwa bubeju bobyo?
\v 3 Yango, nababyiela, ale mwalega etuba nenye mke eangamia byo bobyo.
\v 4 Nanga bantu balya ekomi na banana Kwa Siloamu elya Munarara jwagwere ne babulaga, mudemeratye bo bale ng'adaba jine ekela bantu bange kwa Yerusalemu?
\v 5 Yango, Niye nabugate, ale mwalega etubu, enyye enyonse mke eangamia.”
\p
\v 6 Yesu akababyela engana jojo, “Monto omwe ale na mtini juhurere Kwa mugondegolo jwehe na akaesora magundirye kwegolo ale atandi ebana.
\v 7 Akabyela ulya aghareragya bustani, ‘raberya, Kwa bilemela bitano naja ededema esora magundirye mtinigolo jojo ntandi ebana, jukebe, Bulya juletate Buharibifu bwanse?
\p
\v 8 Ulya amahelaga bustani akajokya akabuga, ‘Juhabe kilemela keke ebugwa njujubele nejugitela mbole kwegolo lyehe.
\v 9 Akola jubeleka magundurye labu bilemela jukeja, nki njaregu, ale akola njubalega eleka ujukebe!’”
\p
\v 10 Ryolo Yesu akolagwa amanyeratye kwa limwelya Masinagogi ngero bwa Sabato.
\v 11 Raberya, Hale monto mugharisha omwe olya kwabilemela ekomi na binana ale na nkolo mbejuwa Bwelemwa, Na wo akaba ahogerere na atihiketye lyonse ema.
\v 12 Yesu bulya amubande, akamubugela, akamubyela, “Mugharisha, nubagitelwa huru wekere bwelemwa bwayyo.”
\v 13 Akamugitela miboko jyehe egolo lyehe, na mara mubele jwehe akerandola na akaghora Mugwe.
\p
\v 14 Ale mkolo wa Sinagogi akaregya kwa bulya Yyesu abakolwa abumuhorya nkya ya Sabato. Obyo Mwegeri akajokya akabyela makolanu, “Hale nkya edandatu jilya ni ndazima jeghajya milemo. Enjoi horigwai, ale ti kwa nkya ya Sabato.”
\p
\v 15 Njaghamba ikamujokerya nebuga, “Banafiki! Hati kila omwe wenyu etingola ndikele yehe nanga Ng'ombe eboka mwaleda nane ne emuhitela emuhira enywa nkya Ya Sabato?
\v 16 Bobyo Sei mwana wabaka wa Abrahamu, ulya Kiryoka kya mubohire bilemela ekomi na binana, Ale litya hekerere atingolwe kibohole kyehe nkya ya Sabato?”
\v 17 Lilya abugaga makalaga jajyo. Balya bonse bamuture bakabana nsoni, ale makolanu bange bonse bakashangilia bighori bya maghebu bilya abaghajya.
\p
\v 18 Yesu akabuga, “Bwegeri bwa Mugwe bwa ngane nenji, nanga kebwa nganyya na njii?
\v 19 Manga ndetele ya Haradali ilya monto omwe abamitorire akamihira mugondegolo jwehe akaye mihurela. Ikamela ikaba mteju neni na nyunyi jya kwegolo jikoboka nyumba jyombo bitemigolo byehe.”
\p
\v 20 Lenge akabuga, “Ujanganye na nji Bwegeri bwa Mugwe?
\v 21 Ni manga butororu bulyua wabaka ibatorire na akengiranyya bigeru bidato bya mutu egera jukabimba.”
\p
\v 22 Yesu atembeleire kila mujyie na Kijiji kondo abanatye Yerusalemu na amanyeretye.
\v 23 Monto omwe akaborya, “Ngaghamba ni bantu bariri boka bakemuhonokigwa?” akamubyela bobyo,
\v 24 “Biboha ushale kweletya mulya juriragi, kwa bulya baneni bakeededema na bitinehikya eshala.
\v 25 Mara Baada ya Mwene wa nhyumbaa ema akahinga mulyangu, basi mkema kane nesegaga hodi mulyangumni nebuga Njaghamba, Njaghamba, tuhingole wo akebajokere na ubuge, ntibaje enyee kulya mubokate.
\p
\v 26 Ndyo mkebuga twalegelaga nenywa bushone bwayyo nawe wamanyeragya kwa mita yeto.
\p
\v 27 Ale wo akebajokere, akababiela, ntibaje kulya mubokate njekerei kwawa, enye baghayya bubeju!
\v 28 Kukekolwa na lujuru nesha magego ngara elya mkebana ba Ibrahimu, Isaka, Yakobo na Manabiii jonse kwa Bwegeri bwa Mugwe ale enye bene mwatebwa kaane.
\v 29 Bakehika eboka Mashariki, kazikazini, magharibi, na kusini, neduduta kwa Meza ya byelya bya lyakwela kwa bwegeri bwa Mugwe.
\v 30 Nimanyate lele, wasuha nwa mbele na wambele akeba wa Suha.”
\p
\v 31 Hange hariri ngara ndi kitye kya babarisayo bakaja na bakamubyela, “Gerai na wekere oho kwa bulya Herode akondate ekubulaga.”
\p
\v 32 Yesu akabuga, “Gerai kabyelei burayo bobyo raberyai bugusate Pepo ne horya bilwalu nkyeno na labu na nkya yab kadato nikehika bushone bwa milemo lyawa.
\v 33 Pamoja na bibyo, ndibabelela njerige nkondo yawa, nkyeno na labu nesebelabu, kwa bulya litedekelete ebulaga nabii halehu na Yerusalemu.
\p
\v 34 Yerusalemu, Yerusalemu, no abulagate manabii nebatura na mabwe balya batomire kwenyu, nkang'anabo kondate emogonya bana benyu bwe bulya gugu imogonagya bifaranga byehe gwarabu nane nujehe ale mtandi ekonda bobyo.
\v 35 Raberya, nyumba yayyo nibahabwa nse. Na niye nibabielate, mtihiketye embana rari mkang'arebuga ‘Natemanderigwe oyo ajate kwebina lya Mwegeri.”’
\c 14
\cl Mlyangu 14
\p
\v 1 Ikaba nkya ya Sabato, agerate kwa kaya kwa mwekorani omwe wa babarisayo elya mkate nabo bakaba bamuraberatye kwa hadinko.
\v 2 Raberya, ayo bushone bwehe hale monto abugwa atiririrwe ni bubimbu.
\v 3 Yesu akaborya bamanyi ba Kioloteryo kya bayahudi na babarisayo, “Ale, ni ndijaregu emuhorya nkya ya Sabato anga tibyo?”
\v 4 Ale bo basizire, kwa bobyo Yesu bakamudaba aka muhorya na akamsegera agere jyehe.
\v 5 Nene akababyiela, “Nino kate kenyu abugwa ale na mwana anga ng'ombe itonyate kisima nane nkya ya Sabato ahabe eminyuka kane mara omwe?”
\v 6 Bo batijate na nguru bwe humya ejokya kwa bibugu bibni.
\p
\v 7 Ngara yesu amanyire bulya balya bahirwe kaya ebuga balobola horiga jya sokwa, akababyiela mufano, ababyelate,
\v 8 “Ngara monto ababhira kaya Harusi, ubenyuntya hantu oho jye sokwa, kwa bulya kukekolwa kule monto wa nsoni muno atigwe we.
\v 9 Ngara monto ulya abahire kaya enye babele abahika, akubyela we, ‘Ekera monto oyo hantu hayyo,’ na ahika kwa nsoni ukandela etola hantu ya asuha.
\v 10 Ale wee wahirwa kaya, gera nyuntya kwa suha, ebuga ngara abaja ulya abakuhire kaya abane bwekubyula we, ‘Muhenji gera akanyuntye kwa bushoni muno.’ Ndyo akeba usokirqwe bushone bwa bantu balya unyuntyirye nabo mezani. 
\v 11 Kwa bulya kila ulya egoromokatye akeharokigwa, na ulya eharokirye nakegoromokigwa.”
\p
\v 12 Yesu akababyiela, “Sei monto ulya abahire kaya, bulya ahumatye byelya bya musenya nenga bya lya kwera, habe hirakaya bahenji nanga ndogo jyayyo na balugu bayyo nanga bahara bayyo basabi, ebuga ngera baka kuhere kaya nabo we uhabe eba ubaba ubale ubalehwa.
\v 13 Amamuna yehe, waghayya Sherehe, hirakaya bahabi, vilema, biwete na balya bahakure,
\v 14 Nawe nuketemandigwa, kwa bulya batihiketye ekuleha. Kwa mamuna ekelehwa kwa eryokigwa bwa balya bale nsaba.”
\p
\v 15 Ngara emwe bwa balya bale banyuntirye mezani hamwe na Yesu bulya abojirye bibyo, nene akamubyela, “Natemandirigwe ojyo ulyua akelya mkate kwa Bwegeri bwa Mugwe!”
\p
\v 16 Ale Yesu akamubyiela, “Monto omwe andaire sherehe neni, Akahirakaya bantu baneni.
\v 17 Ngara sherehe ibaba ibahika, akatoma mumilemo wehe ebyela balya bahirwe kaya, ‘Enjoo kwa bulya binto byionse ibasube egitelwa Tayari.’
\p
\v 18 Bonse, bakarunela ehelabweguni. Wambele akabyela mumilemo, ‘Mbagola mgonda ndazima gere kajuraberye. Tafadhali nisamehe.’
\p
\v 19 Na onge akabuga, ‘Mbagola jozi eshanu jya ng'ombe na niyye nagera jidedema. Tafadhali nisamehe.’
\p
\v 20 Na monto unge akabuga, ‘Bakwa wabaka, lyo ntijete.’
\p
\v 21 Mumilemo akajokya na akabyiela njaghamba yehe bibugu bibyo mwene wa nyumba akamena akabyiela mumilemo wehe, ‘Gera haraka mitaani na biochochoroni bya mujye ukalete oho bahabi na bilema na balya bahakure na balema.’
\p
\v 22 Mumilemo akabuga, ‘Njaghamba, bibyo ubugire bibasubeeghayyeka, na egera ryolo kuhale na Nafasi.’
\p
\v 23 Njaghamba akabyiela mumilemo, ‘Gera kwa nkondo nkolo na bichochoro na ubashurutishe bantu bashale, ebuga nyumba yawa yojole.
\v 24 Kwa mamuna nimbabyielate, kwa balya bonse bambe babaherwe kaya hati rari omwe akedadagha sherehe yawa.’”
\p
\v 25 Ryolo lugu neni lya bantu bageranaga hamwe nene, nene akahondoka na akababyiela,
\v 26 “Kola monto nakeja kwawa nene atisore esee, ng'ina mkehe, bana behe, ndogo jyehe jya balaome na jya baka - mbyo, na egera butolo bwehe sei -atinehikya eba mtubageri bawa.
\v 27 Monto alage etola msalaba jyehe neja suha yawa atihikete eba mtubageri wawa.
\v 28 Mamuna ni no kate kenyu, ulya akondate oboka munara ahabe eshamenyuntya atalele garama kwa kitalelu akola nale kilya abetelate ebugaasubele lelyo?
\v 29 Nangale, baada yoboka msingi alemwe esuberye, bonse bakabana bakarunela emudhihaki.
\v 30 Babugate, Monto oyyo arunerere oboka, akaba ati nguru jye suberya.’
\p
\v 31 Nanga Mwekorani kee, akonde egera elwa na mwekorani unge kwa bita, alege eshame enyuntya nse netola bushauri emanya akola nakehikya, hamwe na bantu elubu ekomi elya na mwekorani unge aja egolo lyehe na bantu elubu milonge ebele?
\v 32 Na akola tibyo, ngara ilya jeshi lya bange lile hale kulehu, balozi atomwa esora mashariti jasayo.
\v 33 Ryolo basi ngo, ulya wonse kate kenyu ulya atihabete byonse ale nabyo, atihiketye eba mutubegeri wawa.
\p
\v 34 Shumbi ninjaregu, ale yakolwa shumbi ibobya ladha yehe, mboikeba shumbi lenge?
\v 35 Iti hale milemo kwa reri anga egera kwa mbole, iketebwa kulehu. Nene ulya ale masikelo jojya na nojye.”
\c 15
\cl Mlyangu 15
\p
\v 1 Basi badosa godi bonse na bange bale ng'adaaba bakaja kwa Yesu emutegerya.
\v 2 Mafarisayo bonse balya bandekaga bakabuga nung'unung'u bakebuga, “Monto oyo asharagya bantu bale ng'adaba nelagela nabo.”
\p
\v 3 Yesu akabuga klwa angania kulya bale, akabuga
\v 4 “No kulya mule kola ale na ng'ondi egana na obya eme atumune ehaba jilya milonge ekenda na kenda bwegolo na akaesora eyo yobire akanoire emibana?
\v 5 Nene abobe emibana amigitela bituru neghamela.
\v 6 Ahika kwa nyumba abugela mahenji jehe na bahara behe akababiela ghamelai hamwe nanie kwa bulya nimbabana ng'ondi yawa elya yobire.
\v 7 Nimbabielate bobyo obyo kukeghaya maghamela kwegolo kwa olya ale ng'adaba omwe ahonoka, ekela balya ba saba milongeekenda nekenda balya bati nehonoka.
\p
\v 8 Nanga hale wabaka ke ale na matundura ekomi ja robiya, obya etundura limweatumune okya moki nehagela nyumba nemisora muno ang'ore emibana?
\v 9 Na asube emibana ebugela mahenji jehe na bahara behe akababiela ghamelai hamwe naniye kwa bulya nimbabana lenge etundura lyawa lilya nobirye.
\v 10 Ejagha riolo nimbabielate hale maghamela bushone bwa Malaika ba Mugwe kwa olya ale ng'adaba ahonoka.”
\p
\v 11 Na Yesu akabuga, “Monto omwe ale na bana babele. 
\v 12 Olya muriri akabiela esee, ‘Baba ng'a bugabi bwawabule ng'ikerere egaba.’ Ryolo akagaba binto byehe gate kobo.
\v 13 Ti nkya jineni oyo muriri akamaganiya byonse bilya ale nabyo akaya nse ya halehu na gokyio akajaragania robiya jiehe kwa egola binto bitihikerere na akajaragania robiya jiehe kwa busuji.
\v 14 Nene bulya abasubire byionse jalo eneni ekeshala nse yene akaba nakondate.
\v 15 Akagera akajandeka kwa monto omwe wa nse eyo, nene akamuhira mgonde golo jwehe eragegya ngolobe.
\v 16 Na akaba arererate eghejisha kwa miboko jalyatwe ni ngolobe kwa hati monto amuhejate kindo rari kyelya.
\v 17 Na mwana oyo mriiri bulya ekalagere nkolo ndane yehe, akabuga, ‘Mbamilemo balenga ba baba wawabajate bineni bihikire naniye ndo oho, ninkijate na jalo!
\v 18 Nkegera niye kwa Baba wawa nemubiela, “Baba ning'ombirye kwegolo na bushone bwa meso jayo.
\v 19 Ntihikerere ebugelwa mwaniyo lenge; ghaya bo omwe wa bamilemo bayo.”’
\v 20 Ndyo akaboka akaya kwa Esee. Bulya abasungurere hati halehu hariri ese akamubana akamurerera, akamurohela ne mshamata nemgesha.
\v 21 Mwana oyo akamubiela, ‘Baba ning'ombirye kwegolo na bushone bwa meso jayo tihikerere ebugelwa mwaniyo.’
\p
\v 22 Mulakolo oyop akabiela bamilemo behe, ‘Telai ngobi elya enjaregu mumubohe mtoryeni na kighoba kyala na birato bya magolo.
\v 23 Asuba letai ghajau elya njamu musenje tulye neghamela.
\v 24 Kwa bulya mwanawa nakire ryolo nale majiegi.’ Nobire ryolo naba banekana bakarunela elilya.
\p
\v 25 Basi Mwana oyo mkolo al; e mgondegolo. Bulya abajire nesungurera nyumba ahojia maro jeghuja na minosi.
\v 26 Akabugela mumilemo omwe akamuborya, Bibugu bibi nebuga bo?
\v 27 Mumilemo olya akamubiela, ‘Murinayo nabaja na ghoniyo abasunjela ghaja njamu kwa bulya nabajoka bayo.’
\p
\v 28 Mwana mukolo akaregya akalege eshala ndane na esee akahuma kayane nemwehela.
\v 29 Ale akamujokerya esee akabuga, ‘Mahela niye kugharerye bilemela bineni, nanga ntanti ehombagya salanga yayo ale otandi enjejaga kamwana ka Mbori, ebuga ng'itye eghamerya na mahenji jawa.
\v 30 Ale bulya abjire oyo mwaniyo olya ajaraganiye binto byayo namnale abamusenjela ghajai njamu.’
\p
\v 31 Esdee akamubiela, ‘Mwaniwa, we ole hamwe naniye nkya jyonse na bonse bilya nde nabyo msyayo.
\v 32 Ale libale lijaregu kulya tule eghaya bighoba neghamela, mondogo wayo oyo wayo nakire na ryolo nale majiegi; nobire nene nababanekana.’”
\c 16
\cl Mlyangu 16
\p
\v 1 Yesu akababiela lenge batubageri behe, “Hale monto omwe agholyanire akolagwa na mumilemo, na akeharerwa ebuga mumilemo oyo ajaraganate binto byehe.
\v 2 Ryolo musabi akamubugela, akamubiela, ‘Mbindoke bibi njojure kulya ole? Humya magori ja milemo yayo, kwa bulya otumun ejoke eba mumilemo lenge.’
\p
\v 3 Mkolo oyo wa milemo akabuga, ‘Nkollo ndane yehe ngitebo kwa bulya Mwegeri wawa nanjekerya milemo yawa ya bukolo? Tii nguru jye tema na ehela mbanate nsoni.
\v 4 Ninkemanya kilya naghaya ebuga nahumigwa milemo egolo yawa yandeka bantu banjendekele nyumba jyiobo.’
\v 5 Asika mumilemo ayo akabugela basire ba Mwegeri wehe omwe wa m, bele, akamubiela, ‘Oranyatwe nji ni Mwegeri wawa?’
\p
\v 6 Akabuga, ‘Bimbo egana bya maguta.’ Akamubiele, ‘Tola borwa muntya andeka milonge eshano.’
\p
\v 7 Asuba akababiela onge, ‘Oranyatwenji nawe?’ Akabuga, ‘Bimbu eyana bya ngano.’ Akamubiela ‘Tola borwa andeka milonge enyanya.’
\v 8 Mwegeri oyo akaghora mkolo oyo mubeju kwa bilya aghairye kweghare herya. Kwabulya bakiselo geke mbagharehi muno na babanereragya kibughara na bantu ba hara jyobo ekela bulya bale bana ba buseri.
\v 9 Naniye mbabielate egharieni bahenjin kwa gantu kubeju ebuga byabolekana babasharye kwa butolo bwa Kala na kala
\v 10 Olya ejire kwa bulya liriri lyonse akolagwa ejije kwa lilya likolo sei. Na olya mubeju kwa lilya liriri abejaga mubeju kwa lilya liholo sei.
\v 11 Kola enyie mtyale bemelu kwa gantu kabeju nino akebedekela kwa gantu ka kyasaba?
\v 12 Na wakola mutyale bemelu kwa gantu ka monto onge no akebaha byenyu enyie bene?
\v 13 Hati mumilemo akehikya egharya begeri babele kwa bulya akesola omwe nekonda onge, nanga akedabana na oyo ne mena oyo. Mutumune ehikya egharya Mugwe na gantu kenyu.”
\p
\v 14 Basi mabarisayo balya bakonde robiya bojya bobyio bakamuseka rehu.
\v 15 Na Akababiela, “Enyie mweghorate bushone bwa bantu ale Mugwe naje nkolo jyenyu. Kwa bulya lilya lighjorowanatwe kwa bantu ni lusoro bushone bwa Mugwe.
\p
\v 16 Sheria na Banabii byaleho lya Yohana lilya ajire. Eboka lelyo busikelo kujaregu kwa bwekorani bwa Mugwe kukalagerigatwe na kila monto asagate eshala kwa nguru.
\v 17 Ale ndibosoboso nse negolo byekere ale kuhabe ekera na nga kibole kimwe kya Sheria.
\p
\v 18 Olya akehaba mkehe nekwa wabaka onge msuji nene olya agekwa olya ahabirwe mulome ababa msuji.
\p
\v 19 Hale monto omwe aghoryanire ebohire ngobi jya maghondo na mughoba juseri na eghameragya nkya jyionse na egholyana lyehe likolo.
\v 20 Na monto omwe ati gantu ebina lyehe Lazaro agiterwer mulyangune jwehe, na naghabyokire.
\v 21 Nene akolagwa arererate eghejisha kwa marehu jalya jatonyate kwa horiga ya mugholyani oyo ejagha sese jyala emukombaga ayo aghobyokire.
\v 22 Likaba oyo ati gantu agakya akatolwa Malaika kwa kikuba egolo kya Ibrahimu. Oyo agholyanire agakya akarekwa.
\v 23 Na gokyo kwa basyota akolagwa atirirekanate abokirye meso jehe akebana Ibrahimu kwa halehu na Lazaro kikuba egolo kyehe.
\v 24 Akajura akabuga, ‘Baba Ibrahimu ndererya atome Lazaro atonyerye kalwala kehe mai ndane anaghanagye luleme lwawa; kwa bulya nintirirekate kwa Moki jojo.’
\p
\v 25 Ale Ibrahimu akabuga, ‘Mwanawa terya ebuga butolo bwayo wanyighire bibugu byayo bijaregu, na Lazaro Mbyo akabana jabeju. Na ryolo ale oho aghwasigatwe nawe nwojisigatwe.
\v 26 Na ekela lelyo, kugiterwe kisimiri kilehu na kineni magate jeto, ebuga bulya bakondate eboka kono baje kulya mule bahabe hikya. Nanga bantu benyu bahabe esabaga kulya tule.’
\p
\v 27 Mughoryani oyo akabuga, ‘Baba Ibrahimu nikwehelale, ebuga omutome kwa eto kwa baba eto
\v 28 Kwa bulya nde na bandogo wawa batanu abagirye kwa budekio ebuga bo sei bakeja hantu oho hetirireka.’
\p
\v 29 Ale Ibrahimu akabuga, ‘Mbale na Musa na banabii. Babiele babesekere bo.’
\p
\v 30 Mugholyani oyo akabuga, ‘Yengo, Baba Ibrahimu ale abatuba monto abokire mberera ndane mbakehonoka.’
\p
\v 31 Ale Ibrahimu akamubiela, ‘Balege ojya Musa na banabii batumunedekela Rari monto akaryoka eboka mberera ndane.’”
\c 17
\cl Mlyangu 17
\p
\v 1 Yesu akababiela batubageri behe, “Bibugu bighaytye bantu baghaye ng'adaba jatumunedegha eghubuka ale ema we olya ajaghayatye!
\v 2 Lyale kolwa eding'oni monto oyo abohelwe ebwew ririto eghoti ne etebwa mbaringo golo ale ahabe eghaya omwe wa Baba bariragi baghaye ng'adaba.
\v 3 Erendelei. Kola mondogo wayo nabakuhomberya mugirye nene atiga mughuye.
\v 4 Kola nabakuhomberya kang'ana muhungati kwa nkya emwe ale akaja kulya ole akabuga, ‘nimbatioga,’ mughuye!”
\p
\v 5 Batomwa behe bakamubiela, Mwegeri, “Turose mgiso jweto.”
\p
\v 6 Mwegeri akabuga, “Obokolwe mule na mugiso bo ngeke ya borong'ojwe mwale mwahikya ebela mkoyo koleka na akamele mbaringo egolo najwo njwale jwabojya.
\p
\v 7 Ale no magate jienyu olya ale na nmumilemo atemate mugonda nanga asemate ng'ondi, akebabiela ajoka mgondegoloi, ‘boboboseja na omutye alye byelya?
\v 8 Ale atumune mubela gharya biyelya ndye, na njebohe kibono na ondagerye ng'orebuba elagela ne nywaa. Asuba ayo nokelagela nenywa?
\v 9 Atumune emasya mumilemo oyo kwa bulya mbaghaya bilya aberirwe?
\v 10 Bobyo obyo nenyie Mwasuba eghaya bilya muberwe buga, ‘Eshe tule bamilemo tutihikerere. Tubaghaya gyoka jalya jahikire tughaye.’”
\p
\v 11 Egaghubuka ebuga bulya egeraga Yerusalemu ahetire mibale ya Samaria na Galilaya.
\v 12 Bulya abasharire mujyie jumwe, gokyio akaturana na bantu ekomi bale na bukoma. Bakema halehu.
\v 13 Bakasega egamba bakabuga, “Yesu, Mwegeri turerere.”
\p
\v 14 Bulya abababande akababiela, “Gerai mukebanishe kwa makuhani (Bahageri).” Nabo bulya babagendire bakasera.
\v 15 Omwe wobo bulya ababande nabahola akajoke kwe ero lineni aghorate Mugwe.
\v 16 Akasega birugunyi magolo ne ja Yesu akamumasya. Wene ale Msamaria.
\v 17 Yesu akajokya akabuga, “Ale batandi esera bonse ekomi? Baleko balya bange ekenda?
\v 18 Hati rari omwe ababanishirye ejoka ebuga aghore Mugwe liti na oyo mugeni?”
\v 19 Akamubiela, “Boka oye jyayo mugiso jwayo njuba kuhorya.”
\p
\v 20 Bulya ababoririgwe mabasisayo bwekorani bwa Mugwe lee, Yesu akabajokerya akabuga, “Bwekorani bwa Mugwe ti kindo kyebanekana.
\v 21 Nanga bantu batumune buga, “Raberya oho!’ anga, ‘Raberya gokyio!’ Kwa bulya bwekorani bwa Mugwe bule ndane Yenyu.”
\p
\v 22 Yesu akababiela, “Batubageri behe ng'ende nekehikya elya mkererera ebana nkya emwe ya Mwana wa Adamu, ale mutumune mibana.
\v 23 Bakebabiela, ‘Raberya, gokyo! Raberya oho! Ale habei eraberya, nanga ebatubagera.
\v 24 Bo rubaribanji lwegolo lubasatye kwegolo eboka haremwe na hara enge. Mbyo Mwana wa Adamu akeba byo kwa nkya yehe.
\v 25 Ale mbele likeba ambe etirireka kwa bibugu bineni nelegwa kajokolo gaka.
\v 26 Bulya kwale nkya jya Nuhu, mbyo likeba kwa nkya jya Mwana wa Adamu.
\v 27 Balagelaga, banywejaga, bakwejaga nekwebwa kukanonorehika nkya elya Nuhu ashalaga Sabina nane na kukaja mbura neni nebasoba bonse.
\v 28 Mbyo lyale nkya lutu, balagelaga nenywa, bagolaga negorania etema noboka.
\v 29 Ale nkya eyo Lutu ekeraga Sodoma ekaroba na mbura ya moki na kibiriti eboka kwegolo ekabasuba bonse.
\v 30 Bobyo mbyo likeba nkya eyo ya Mwana wa Adamu aghubukigwa.
\v 31 Nkya eyo habetiga olya ale garigolo ya Nyumba ahume atole binto byehe nyumba ndane. Na habetiga olya ale mugondegolo ajoke kwa kaya.
\v 32 Terya wabaka wa Lutu.
\v 33 Wonse olya adadaghate ehonokya butolo bwehe nakejobya, ale olya wonse akobya butolo bwehe nakejahonokya.
\v 34 Nikubielate budiko bobyio kukekolwa bantu babele buselegolo bumwe, omwe naketolwa na onge nakehabwa.
\v 35 Kukekolwa na baka babele basejate biryo hamwe, omwe naketolwa na onge nakehabwa.”
\v 36 +[Bantu babele bakaba kwa moi hamwe, omwe nakeetolwa na onge nakehebwa.]
\p
\v 37 Bakemuborya, “Koho, Mugwe?” Akababiela, “Hale olya mzoga, ndyo tai bakudsanyikire kwa hamwe.”
\c 18
\cl Mlyangu 18
\p
\v 1 Asuba akababiela kwa angania bulya behikire ehela mune liti, na ng'adaghanyi.
\v 2 Akabuga, “Kwale na darisi kwa mujyie jusisa, na atyaralaga Mugwe na etyasokire bantu.
\v 3 Kwale na esing'wani mujye jojyo nene amutubaga kati kariri, abugaga, ‘Ndeaserya mbane kyawa kwa oyo ankayatye.’
\p
\v 4 Kwa nkya jilehu atyandi kolwa ekonde emura serya, ale kweheta nkya akabuga nkolo ndane yehe, ‘Rari bobyio tiryalate Mugwe nanga esoka monto.
\v 5 Ale kwa bulya esing'wani lele ang'adekaye ninkemurasererya abane kyehe ebuga ahabe eghatarya enjijelaga hariri hariri.’”
\v 6 Asuba Mwegeri akabuga, “Tegerya bulya ababuga Darisi oyo mubeju.
\v 7 Ale Mugwe atumune eletela balya alobore kilya kyobo balya bamujorelate budiko na msenya? Ale wene atumune ekolwa werimiserya kulya bale?
\v 8 Nimbabielate ebuga akeleta kyobo libosoboso. Ale lilya Mwana wa Adamu lilya akeja, nage, kola mugiso nseeno?”
\p
\v 9 Ndyo akababiela kwa ngania kwa kitye kya bantu bebanate mbo bene bale kyasaba ne emana bantu bange,
\v 10 “Bantu babele bagoromikire eya (ghorobane) hekaluni etemana: omwe mubarisayo na onge midosa godi.
\v 11 Barisayo akema akehela bibugu bibi ale weka, ‘Mugwe nimbamasha kwa bulya ntinga bantu bange balya basarega bantu bati kyesokela, Basari nanga bo oyo mudosa godi.
\v 12 Ng'ingaga kabele kwa nkya muhungati. Ng'umagya kilya mbanaga kyionse.’
\p
\v 13 Ale oyo mudosa godi akema halehu Rari atandi ehikya, ebokya meso jiehe kwegolo akesega kikoba kyehe akabuga, ‘Mugwe, nderera niye nde ng'adaba.’
\v 14 Nimbabielate, monto oyo ajokire mwehe atarewrerwe (saba) kyehe ekela oyo onge, kwa bulya olya agorehatye nakenyihigwa, ale olya aghorobanate nakebokerigwa.”
\p
\v 15 Bantu bakamuletela bana bobo baghera ebuga abadabe, Ale bulya Batubageri behe babande bobyo bakabagirya. 
\v 16 Ale Yesu akababugela Kulya ale akabuga, “Habai bana bariragi baje kulya nde na muhabe kwa bulya bwekorani bwa Mugwe mbwa Bantu banga baba.
\v 17 Edekelai, nimbabielate monto wonse olya atumunedaba bwekorani bwa Mugwe bo Mwana lya saba atumune ebushala.”
\p
\v 18 Njigeri emwe ekamuborya akabuga, “Mwalimu, ngitebo ebuga ngabe serye ya kala?”
\p
\v 19 Yesu akamubiela, “Sye ninji nobambugela mujaregu? Hati monto mujaregu wekerya Mugwe weka.
\p
\v 20 Nokemanya salanga, Habesara, Habe bulaga, Habe eba, Habe bugaga bwerehi, soka ng'oniyo na mwoho.”
\p
\v 21 Njigeri oyo akabuga, “Bibugu bibi byonse ni mbinyighire eboka butanane.”
\p
\v 22 Yesu bolya abojirye bobyo akamubiela, “‘Obanyiherigwa kibugu kimwe. Ni nguru ogoraniye byonse bilya ole nabyo na obigele balya bati, nawe ogekolwa na kigango kwegolo -wasuba enjoo, ontubugere.”
\v 23 Ale mugholyani oyo bulya abojirye bobyio akaregya lyonse kwa bulya agholyanire muno.
\v 24 Asuba Yesu, akamubana bulya abaregya lyonse akabuga, ‘Mbo bukeba bubibo kwa bagholyani eshala Bwekorani bwa Mugwe!
\v 25 Kwa bulya ndi bosoboso lyonse kwa ngamia eheta kirasye kya muguha, ekela kwa baghoryani esyala kwa Bwekorani bwa Mugwe!”
\p
\v 26 Balya bojirye bobyio bakabuga, “No ryolo, akehikya ehonokigwa?”
\p
\v 27 Yesu akajokya, “Bibugu bilya bitumune egwasa kwa bantu kwa Mugwe mbikeghwasa.”
\p
\v 28 Petro akabuga, “Ee eshe tuhabire kila kindo, kyeto na tukutubagere we.”
\p
\v 29 Asuba Yesu akababiela, “Edekelai nimbabielate ebuga hati monto olya ahabire nyumba yehe, nanga mukehe, nanga mondogo wehe, nanga mwobo, nanga banihe kwa hara ya Bwekorani bwa Mugwe
\v 30 Olya atumedaba bineni muno kwa kisello geke na kiselo kijate, kwa serye ya Kala na kala.”
\p
\v 31 Asuba akamagania balya ekomi na babele akababiela, “Raberyai, twagoromoka eya Yerusalemu na Bibugu byonse bilya byandekirwe Manabii lijaghire Mwana wa Adamu njakesubelwa.
\v 32 Kwa bulya akegwatwa na miboko ndaba ya matongo na akegharigwa budandamu na kimeni netyelwa muta.
\v 33 Basuba emutura na marimiti mbahemubulaga na nkya ya kadatu wakeryoka.”
\v 34 Batandi emanya bibugu bibi, na ekala lele lyakorwe libisirwe kulya bale, na batandi emanya bibugu bilya byabugirwe.
\p
\v 35 Likaba Yesu bulya abasungurere Yeriko monto omwe aahakure amuntirye mubale jwa nkondo ehelale arasigwe,
\v 36 Bulya abojirye kirombeta kya bantu bahetate akaborya kindoke kibaghubuka.
\p
\v 37 Bakamubiela Yesu wa Nasareti nahetate.
\p
\v 38 Asuba monto oyo ahakure akajura muno, akabuga, “Yesu, Mwana wa Daudi, onderere.”
\v 39 Balya bagendaga bakamusalamuna oyo ahakure, bakamubiela asise. Ale wene akarosa ejura muno, “Mwana wa Daudi, onderere.”
\p
\v 40 Yesu akema, akabuga monto oyo aletwe kulya ale. Asuba oyo ahukire bulya abamusungurere, Yesu akamuborya,
\v 41 “Okondate kugharye nji?” Akabuga, “Mwegeri, nkondate mbane nse.”
\p
\v 42 Yesu akamubiela, “Bana ngo. Mgiso jwayo njubakuhorya.” 
\v 43 Ngero eyo akabana nse, akatubagera Yesu aghorate Mugwe. Bulya babande lele bantu bonse bakaghora Mugwe.
\c 19
\cl Mlyangu 19
\p
\v 1 Yesu ashare neletya gate ka Yeriko.
\v 2 Na ayyo hale monto omwe ale abugwa Zakayo. Ale mukolo wa bantu badosagodi nene msabi (mugholani).
\v 3 Akondaga ebana Yesu ni monto wobo ale atyandihikye emubana amamuna hale bantu baneni, Ale kadingirishe (kamonto -mudinko)
\v 4 Ryolo ngo, akehetela akaroka bushone bwa bantu akalenjela mboko egolo ebuga amubane amuna Yesu akeletya nkondo yene.
\v 5 Bulya ahikire ayyo akaraberya kwegolo akamubana akamubyiela, “Zakayo, roherya ehuma mutegolo amna nkyeno tukenyunterania mwayyo kuke ng'orera.”
\v 6 Akaroherya, akaharoka akamuhira kwa mwehe aghamere.
\v 7 Bantu bonse bulya babande obyo bakaborobania, bakabuga, “Abagera wa monto ale ng'adaba.”
\p
\v 8 Zakayo akema akamubiela Mwegeri, “Raberya Mwegeri nagaba gate gitye kya bugholyani bwawa ng'aa bahabe na okola nintujire monto gantu gehe nkemujokerya kahikire kaaana.”
\p
\v 9 Yesu akamubiela, “Nkyeeno buhonokya mbubahika mujyiene jojo amamuna wo wene Mwana wa Abrahimu.
\v 10 Amuna mwana wa monto ajire esora nehonokya bantu balya bobire.”
\p
\v 11 Buylya babojirye jajyo akajokerya egamba akahumya egerania. Amamuna ale hadinko na Yerusalemu, Nabo bakagera bwegeri bwa Mugwe bwale hadinko ebanekana limwe.
\v 12 Ryolo ngo, akababiela, “Abisa omwe agerire nse ya halehu. Ebuga akehebwe bwegeri ale ajoke.
\v 13 Akabugela baghayya milemo behe ekomi akabaha ghala ekomi akababyiela, ‘Geranagyai nkeng'ore ejoka.’
\p
\v 14 Ale bantu ba mujyie jwehe mbamusore ryolo bagatoma bantu bagere nebuga tutikonde monto oyyo atwegere.
\v 15 Ryolo ngo, bulya abajokire gwakaay lele aghaigwa Mwegeri, akabuga baghaya milemo balya ahabere robiyya mbajijokye kwa mwehe, ebuga amanye ninji birosire kwa milemo elya baghairye.
\p
\v 16 Wambele akaja, akabuga, ‘Mwegeri, lughaka lwayyo lubarosa nghala ekomi jannge.’
\p
\v 17 Abisa oyyo akamubiela, ‘Ndijaregu mtomwa. Kwa bulya wale mugwanu kwa bulya biriri, ukeba mwekorani wa mujyie ekomi.’
\p
\v 18 Wakabale akaja, akabuga, ‘Mwegeri lughala lwayyo lubaghayya ngh'ala eshanu.’
\p
\v 19 Abisa oyyo akamubyiela, ‘Tola Bwekorani bwa mujyie eshano lenge.’
\p
\v 20 Na onge akaja, akabuga, ‘Mwegeri, robiyya jyayyo jiji oho najibibohirye bujaregu najibohire kijolo,
\v 21 Amamuna naryare bulya ule monto mubeju utolaga kilya utandi ghaghara na ubunaga kilya kitandi hurela.’
\p
\v 22 Abisa oyyo akamubyiela, ‘Kwa makalaga jayyo weninkekuhomberya we mtomwa mbeju wamanyire niye nde monto mubeju ntolaga kilya gh'agh'ara ne ebuna kilya ntyandi hurela.
\v 23 Ryolo, ng'osi utyandi eghaghara robiyya jyawa benki, ebuga najoka njitole na kilya kibarosa?’
\v 24 Abisa kabyiela bantu balya bemire ayyo mtujei lughala lolyo amuluha oyo ale na ng'ala ekomi.
\p
\v 25 Bakamubiela, ‘Mwegeri oyyo ale na ngh'ale ekomi.’
\p
\v 26 ‘Babyelate, monto olya wonse ale na gantu nakeroswa bineni, ale olya ati, ejagha kilya ale nakyo nagegitujwa.
\v 27 Ale bahoma baba bawa batyakonda mbamwekorani wobo baleteni oho mubabulage bushone bwawa.’”
\p
\v 28 Asuba ebuga opbyo akagera bushone agortamoka eyya kwa Yerusalemu.
\v 29 Likaba bulya asungurere Bethifage na Bethania hadinko na na ngita ya Muzeituni agatoma bamanyerigwa behe babele,
\v 30 Akabuga: “Gerai mujyie jojyio bakara. Mwashara mkekola Mwana wa ndikele atyandi ebarigwa misabo. Mutingolei, mukamudetela kwawa.
\v 31 Kola monto nababorya, ‘Shemutingolate?’ bugai, “Mwegeri namukondate.’”
\v 32 Balya batomirwe bakagera bakabana Mwana wa ndikele bobulya Yesu abababyiere.
\p
\v 33 Bulya batingore mwana wa ndikele bene bakababyiela, “Shininji mwatingola mwana oyyo wa ndikele?”
\p
\v 34 Bakabuga, “Mwegeri namukondate.”
\v 35 Asuba bakamura Yesu, bakala ngobi jyiobo ndikele egolo na bakalenjerya Yesu egolo lyehe.
\v 36 Bulya barunerere egera bantu bakala ngobi jyiobo nkondo.
\p
\v 37 Bulya ahorokire ngitegolo ya Muzeituni, kijumu kya Bamanyerigwa bakarunela eghamela neghora Mugwe Kwe ero lineni, kwa makalaga jakolage jalya babande,
\v 38 Bakabuga, “Ndyo mtemandigwa mwekorani ajate kwe ebina lya Mwegeri! Sayo kwegolo, buseri kwegolo!”
\p
\v 39 Babarisayo bariri balya bale ekorani ndane bakamubyiela mumanyerya Sisia bamanyerigwa banyo.
\p
\v 40 Yesu akajokya, akabuga, “Mbabyelate, akola baba mbabasiza, mabwe nja kasege gamba.”
\p
\v 41 Yesu bulya asungurere mujye akajujurela.
\v 42 Abugate, “Egashi ukamanya we, nkya ya nkyeeno kilya kighayatye oghayye sayo! Ale ryolo njebisire utyijabone kwa meso jajyo.
\v 43 Amamuna nkya njasungurate bahoma mbekekwo bakela mujyie hadinko nawe ne kughobya nikubira eboka hara jyonse.
\v 44 Bakegugwajisha nse we nabana bayyo batimunegutigarya rari ebwe limwe ligekelane amauna utyandi manya (egareha) nkya jilya Mugwe akondaga ekuhonokya.”
\p
\v 45 Yesu gashara hekalu nane akarunela eheda balya bagoranagya,
\v 46 akababyiela, “Yandekirwe, nyumba yawa ikeba nyumba ye ehela ale enyie mwanighayya ebego lya bebi.”
\p
\v 47 Ryolo ngo, Yesu amanyeragya gwonse hekalu nane. Bakuhani bakolage na bamanyerya bakyoloteryo nabekorani ba bantu bagakonde emubulaga,
\v 48 Ale batyandi ebana nkondo yeghayya obyo amamuna bantu bonse bamutegeragya kwedemerya.
\c 20
\cl Mlyangu 20
\p
\v 1 Ryolo ngo nkye emwe Yesu amanyerate bantu hekalu nane netalonge injili, Bakuhani bakolage na bamanyererya bakyoloteryo bakamutuba hamwe na bamalakolo.
\v 2 Bakolagire, bakamubyiela, “Tubyele nkwa Bwegeri kee oghayatye makalaga jaja anga no oyyo akuhere bwegeri bobo?”
\p
\v 3 Nene akajokya akabuga, “Naniye sei ninkebaborya mubye mbyelai
\v 4 Bubadisa bwa Yohana. Ale, bwabokire kwegolo anga kwa bantu?”
\p
\v 5 Ale bakaborania bo bene kwa bene, bakabuga twabuga butabokirew kwegolo agetuborya ryolo ngo shemutyandi emwedekela.
\p
\v 6 Natwabuga; bwaboke kulya kulebantu; bantu bonse ho bagetutura na mabwe, mamuna bonse mbendekere ebuga Yohana ale mhahyoki.
\v 7 Ryolo ngop bakamujokerya ebuga batije kulya bwabokire.
\p
\v 8 Yesu akababyiela, “Ejagha myentimune babyela kwa Bwegeri kee ng'hayatye makalaga jaja.”
\p
\v 9 Abyere bantu egerania lele, “Monto omwe ahurere mughonda jwa musabibu. Akabegelana kwa bantu bulya batema muzazbibu na akayya nse enge gwa nkya jineni.
\v 10 Kwae hikela ngere yene atomire mughayya milemo kwa bantu balya batemaga musabibu. Ale bantu balya batema mizabibu bakamubulaga, bakamujokya miboko-njiwa.
\v 11 Asuba akatoma mughaya milemo onge nabo bagamtura nemugh'arya bibejagu nabakamujokya miboko-njiwa.
\v 12 Agamutoma lenge wa badatu nabo bakamugitela ng'horo bakamta gwakaane.
\v 13 Ryolo ngo Mwene wa Mugonda akabuga, ‘Nkegh'ayya nji| (nkegitabo)? Ngetoma Mwaniwa olya nkonde. Mbage ghande emusoka.’
\p
\v 14 Ale bulya balya batema muzabib bulya bamubande bagakalagela bobene kwa bene bakabuga, ‘Oyo nwo mugabi. Tumubulagei, ili bugabi bwehe buba bweto.’
\v 15 Bakamuhumya mubale jwa mugonda jwa muzabibu bakamubulaga aja? Ge Mwene wa mugonda akebagitabo?
\v 16 Akeja esuba balya batemaga mizabibu. Na akeha mugonda jojya bantu bange.” Nabo bulya babojirye jajyio, bakabuga, “Mugwe nalege.”
\p
\v 17 Ale Yesu akabaraberya, akabuga, “Aja ge andeko lele libugire bo? ‘Ebwe lyalegirwe mbalya bobokaga nyumba ababa ebwe lya mubale’?
\p
\v 18 Monto wonse alya akegwa ebwe egolo lelyo, akebusyeka bitye bitye. Ale olya likegwela, like mughanjola muno.”
\p
\v 19 Ryolo ngo bandeki na Bakolage bamakuhani bakasora nkondo ye mudaba lyene bamanyire ebuga abugire mugeramyo jojyio kulya bale ale baryare bantu.
\v 20 Bakamuraberya kwedemerya bagatoma bantu bajubijubi beg'hayyetye bantu bajaregu (basaba) ebuga babane buhombya kwetalonga lyehe (Ekalagerya lyehe). Buga babane kyehira bekorani na begeri.
\v 21 Nabo bakamuborya bakabuga, “Mumanyerya ntuje ebuga ubugaga ne manyerya makalaga jya saba nanga tegharigwa ndederi ni monto wonse ale we umanyeragya saba ya nkondo ya Mugwe.
\v 22 Ajage, ndijaregu esegera godi ya Kaisari, nga bo?”
\p
\v 23 Ale, Yesu namanyire mutegu jwobo akababyela,
\v 24 “Mbaniai Dinari angania lya Monto oyo aleho oho robiyya eno na Mworwa jojo njyau?” Bakabuga njya “Kaisari.”
\p
\v 25 Nene akabbyiela, “Ryolo ngo, hai Kaisari gantu kehe kabugwa kehe na bya Mugwe bihai Mugwe.”
\v 26 Bandeka na bakolage babakuhani batyandihikya na nguru jya emujokerya anga emuborya kilya ababyere bushone bwa bantu. Bakeshangaa majibu kehe na batyandi ebuga olya kionse.
\p
\v 27 Bariri ba basadukayo bakamutuba balya babugaga hati eryokigwa.
\v 28 Bakamuborya bakabuga, “Mumanyerya, Musa atwandeke ebuga monto akyelwa mwondogo ale na wabaka ati Mwana ahikire etola wabaka wa Mwondogo wehe nemubyalela.
\v 29 Kwale na ndogo muhungati wa mbele nakwere agakya atihabire Mwana.
\v 30 Nawakabele sei.
\v 31 Wakadatu nene akamugaba sei bobyo sei wa muhungati agakya atihabire bana.
\v 32 Lyaba lenge wabaka olya nene agakya sei.
\v 33 Kwa ehika nkya Yeryokigwa akeba wabaka wau? Amamuna bonse muhungati mbamikwere.”
\p
\v 34 Yesu akabyela, “Bana bonse ba nseeno bakwejagwa ne nekwa.
\v 35 Ale balya bahikerere eryokigwa nehebwa majyiegi jakala na kala bati kweta nanga bakwetwe.
\v 36 Anga batimunekya lenge amamuna bakanganigwa na balasyiki na mbana ba Mugwe, mbana beryokigwa.
\v 37 Ale bobyo baba kirembakeryokigwa ejagha Musa nabandye bantu kwekalaga lyesaka. Ayyo abugere Mwegeri Mugwe bwo Mugwe wa Ibrahimu nanga Mugwe wa Isaka nanga Wa Yakobo.
\v 38 Ryolo ngo, wo ti Mugwe wa balya bakire, ale nwa balya bale serye, amuna bonse batore kwa kulya ale Mwehe.”
\p
\v 39 Bamanyerya bamwe bakyoloteryo bakamujokerya, “Mumanyerya, nobakokya bujaregu.”
\v 40 Batyandi hikyegoke emuborya gantu gange gakere gakyo.
\p
\v 41 Yesu akababiela, “Nkwobo bobyo bantu babugate Kristo Mwana wa Daudi?
\v 42 Amuna Daudi mwene abugate Zaburi: Mwegeri amubyere Mwegeri wawa: ‘Nyuntya kuboko jwa bulyo,
\v 43 nkeng'hore egitela bahoma bayyo magolegolo jayyo.’
\p
\v 44 Daudi ambugelate Kristo ‘Mwegeri,’ ryolo ngo akebabo Mwana wa Daudi?”
\p
\v 45 Bantu bonse balya bamtegeragia akababyela Bamanyerigwa behe,
\v 46 “Emahelei na bandeki, bakondage egera bebekire ngobi jilehagu, na bakonde ngashanio nguru kulya gutelagwa binto na horiga jya nsoni kwa Masinagogi ne na hantu hansoni alejatwe big'hoba.
\v 47 Nabo sei balagelaga nyumba jya Masinwani, nabeghayyagia behelate muno. Baba ekorani lyobo likeba libibo muno.”
\c 21
\cl Mlyangu 21
\p
\v 1 Yesu akaraberya akabana balome baghoryani binto balya bale nabyo kibondo nane kya mbeko.
\v 2 Akabana eswinani limwe muhabe nene aghagharate matundura abele kibondo nane kyambeko.
\v 3 Ryolo ngo akabuga, “Ngya saba nimbabielate esinwani oyyo muhabe abaghaghara jineni ekela bonse.
\v 4 Babaa bonse babahumya gitye kya binto bineni bilya bale nabyo. Ale esinwani oyo kwa buhabe bwehe, abahumya robiyya jyonse jilya ale najyo. Kwa butolo.”
\p
\v 5 Lilya bantu bange babakalagela makalaga jya hekalu bulya lyegegire bujaregu na mabwe jajaregu, akabuga,
\v 6 “Kwa masikelo ja makalaga jaja mubone, Nkya njikeja hati ebwe limwe liketigarigwa ligekerere egolo yaq ebwe linge lilya lititagatagirwe.”
\p
\v 7 Ryolo ngo bakamuborya bakabuga, “Mumanyererya, makalaga jaja jakeghubuka le? Na ninji gikeba erago lya makalaga jaja lilya jakeghubuka?”
\p
\v 8 Yesu akajokya, akabuga, “Gharehai muhabesasabwa. Amamuna baneni bakeja kwebina lyawa babugate ‘ni niye, ‘na ‘ngero nibahika.’ Mhabe batubugera.
\v 9 Mwojya makalaga jya jaryari na bita muhaberyala amamuna makalaga jajyo njo jakelambane eghubuka ale mugero jutimune lambane eghubuka lyo.”
\p
\v 10 Asuba akababiela, “Etongo likeboka lya elwa netongo linge bwegeri egolo na bwegeri bunge.
\v 11 Nse nayo ekebodanaga nuno na jalo na malwala kono na kono kukeba na bighori bineni byedeka. Ne erago lyedekya lya Kwewolo.
\v 12 Ale bobyo makalaga jyonse jatyandihika, bakebada na miboko yobo babatirira nebahira maghoje nane nibahira hantu bhebaboha. Nebahira bushone bwa bwegeri na bekorani kwebina Lyawa.
\v 13 Lele likebasegera bwejibe bwenyu.
\v 14 Ryolo ngo egerai nkolo nane jyenyu mhabesora kyehojojela. Kule ng'ende,
\v 15 Amamuna ninkebaha makalaga jojigwa jalya bahoma benyu batimune ejokya anga ejalega.
\v 16 Ale mukelegwa enjagha mbalya mbababyalaga, ndogo jyenyu bantu bamwinyu na bahenji benyu, Na bamwe bakebabulaga bamwe benyu.
\v 17 Mukesolwa mbantu bonse kyebina lyawa.
\v 18 Ale hati rari lujyele lwa mitwe jyenyu lumwe lukoba.
\v 19 Kweghumerya mkehorya nkolo jienyu.
\p
\v 20 Lilya mukebana mujye jwa Yerusalemu njubaghubuka Masau Asika manyai egharagharigwa lyehe ndibahika.
\v 21 Abalya bale Yudea mbarohele kwa ngitegolo na balya bale magatagate kamujye mbekere na mhabeetiga balya mijye nane bashale.
\v 22 Amuna nkya jiji ninkya jya bubeju, ebuga makala jalya jonse jandekirwe jabane bwehikila.
\v 23 Ale haba balya bale na kiburi na kwa bulya bonkatye nkya jyene amamuna nkukeba na sina mbeju ya nse, na njoko kwa bantu baba.
\v 24 Nabakegwa kwebulagwa na loyyo nebobohwa bahirwa kwa Matongo jonse na Yerusalemu egeghanjwa matongo njonse kagero kantu bamatongo kakeng'orehikela.
\p
\v 25 Na ryoba likeghayya erago na mweri na njoto na nse yonse kukaba na sina ya matongo jonse kukeba nenughusyeka kwebokana nojya ero lya bighjori bya mai.
\v 26 Kukeba na bantu bamisate nedekania nebetela kilya kikehumela nse amamuna nguru jwa kwegolo njikesukanigwa.
\v 27 Lyaba ling'ina bakebana mwana Wa Adamu ajate kwa bighundugolo na nguru na buseri bukolo.
\v 28 Ale makalaga jaja lilya jakerunela eghubuka emai mbokyai mitwe yenyu amamuna ehonokigwa lyenyu ndibasungura hadinko.”
\p
\v 29 Yesu akababiela kwegerania jurabyerai mtiini na mite yonse.
\v 30 Jwasubyoka machipukizi, mwebana enye bene neemanya ebuga ghari nebasungura.
\v 31 Bobyo sei, mwabana makalaga jaja jabasungura, enye manyai yebuga Bwegeri bwa Mugwe ulehadinko kwehika.
\v 32 Ndya saba, nimbabielate, lubyalo lolo lutyandi ehika, mpaka makalaga jaja jonse yaghubukire.
\v 33 Egolo na nsee jikehika, ale ekalaga lyawa lityandi ehika kala na kala.
\p
\v 34 Ale eraberyai boo bene, ebuga bulya nkolo jienyu mutije mukatolwa na bufisadi, bulevi, na mahangaiko ja serye jaja. Kwa bulya nkya eyyo ekaja ghafula akola mtego.
\v 35 Kwa bulya ikaba egolo ya kila omwe ale atole kwa busho bwa nsee yonse.
\v 36 Ale mube tayari ngara yonse, mwehele bulya mkeba imara vya kutosha kwaepuka jaja jonse yakeghubuka, na emire bushone bwa Mwana wa adamu.”
\p
\v 37 Mbyo ngara jya msenya ale akefundisha hekaluni na budiko abokire kwa kane, na egera kekesha kwa ngitegolo ebugwa ngita ya Mzeituni.
\v 38 Bantu bonse bakeje kwehe kutune na mapema ebuga emutegeryai ndane ye hekalu.
\c 22
\cl Mlyangu 22
\p
\v 1 Basi ngo jighoba ya migate jitigeterwe elola ale ale ni basungura, ilya ibugwa Pasaka.
\v 2 Bakolage ba Makuhani na bandeki bakabugelana namna ye emubulaga Yesu, kwa bulya bariare bantu.
\p
\v 3 Kiryoka kikashala ndane ya Yuda Iskariote, omwe wa bamanyererigwa ekomi na babele.
\v 4 Yuda akagenda ekalaga na bakolage ba bekorani namna bake msegera Yesu kwobo
\v 5 Bakaghamela, na nedekerania emha robiya.
\v 6 Woo akedekela, na akasora bulya akehajana Yesu kwobo halehu na kimuhyo kya bantu.
\p
\v 7 Nkya ya migate itigetelagwa elola ikahika, hale n'gondi ya Pasaka ndazima ihumigqwe.
\v 8 Yesu akatoma Petro na Yohana, akabuga, “Gerai mkatuandalia bielya bya Pasaka kwekola tugere tulagele.”
\p
\v 9 Bakamuborya, “Ngaha ukondate tughairye maandalizi?”
\p
\v 10 Akabajokerya, m “Tegeryai, mwasubekola mwashala mujyene, wabalome olya ebare mbira jwa mai mkajaghana nenyie. Mtubagerei kwa nyumba elya akeshala.
\v 11 Ahika bielai Mwegeri wa Nyumba, ‘Mumanyerya akubielate, “Kile koho chumbacha bageni hantu hale keliya Pasaka na bamanyerigwa bawa?”’
\v 12 Akembania chumba kya Ghorofani kilya kile tayari. Ghayai maandalizi hoo.”
\v 13 Obyo akagenda, na bakakola kila kindo kola bulya babierwe. Ahika bakaandaa bielya bya Pasaka.
\p
\v 14 Ngara ikahika akanitya na balya bale batomwa behe.
\v 15 Ahika ababiela, “Ndena shauku jineni elalagela sikuku eno ya Pasaka na nenyie kabila ya tirirwe lyawa.
\v 16 Kwekola nimbabielate, timune elya linge mbaka bigengereehikerigwa bwegeri bwa Mugwe.”
\v 17 Ahika Yesu akatola kikombe na bulya asubire hanana, abuga, “Tolai kikombe keke, na mghabane enyie kwa enyie.
\v 18 Kwekola nimbabielate, timune enywa lenge biarwa jya mzabibu, mpaka Bwegeri wa Mugwe buje.”
\v 19 Ahika atola mkate, na na bulya asubire nehela, akajulya na ebaha, akabuga, “Jojo ni mubele juawa juhumigwe kwa ajili yenyu. Ghayai obyo kweteriya nie.”
\v 20 Akatola kikombe obyo obyo baada ya elagela kya nabudi akabuga, “Kikombe keke ni ni agano lya mbya kwa ndaghami jiawa, ilya jiedekire kwa ajili yenyu.”
\v 21 Ale laberyai. Olya adagire ale hamwe nanie mezani.
\v 22 Kwekola Mwana wa Adamu ngia saba nagenda jihee amuarewe. Ale ema monto oyyo olya eletya woo Mwana wa Adamu amulegire!”
\p
\v 23 Bakarunela eborania bo kwa bo. Nino kate kate yobo olya aghayya ekalaga lele.
\p
\v 24 Ahika jakaghubuka ebishania kate gate yobo ebuga nino amanyatwe ebuga mkolo kwa bonse.
\p
\v 25 Akababiela, “Bekorani ba bantu ba matongo bale na bwegeri egolo liobo, na balya bale na bwekorani egolo yobo babugwa bakolage begeri.
\v 26 Ale atikondatwe lionse oba obyo klwenyu enyie. Amamuna yehe, haba olya mkolo kate yenyu oba kola mriri. Na olya ale nuwa muhimu muno oba kola abaghairye.
\v 27 Kwa bulya noho mkolo, Aliya anitagia mezani anga olya aghairye milemo? Ale tilya anitagia mezani? Na niye naleho kate yenyu kola aghairyai.
\p
\v 28 Ale enyie ndyo mbaendelee ekolwa niye kwa majaribu yawa.
\v 29 Bahejate enyie Bwekorani, kola Baba bulya mbahejate niye bwekorani,
\v 30 Kwa Mwekorani elegela nenyu mezani kwawa kwa Bwekorani wawa. Na mkenitya kwa biti bya enzi mbitendekeriya kabila ekomi ne bele jya Israeli.
\p
\v 31 Simoni Petro, Simoni Petro, Manyai ebuga, Kiryoka kihere kibabane ebuga ambapepete boo ngano.
\v 32 Ale nibakuhelela, kwekola edekela yayo ihabe lemwa. Baada ye kola mbajoka lenge, migharate ndogo jyayo.”
\p
\v 33 Petro akababiela, “Mwegeri, ninde tayari egera nawe gerezani na jagha okola nekya.”
\p
\v 34 Yesu akamujokya, “Nakubielate, Petro, jogoo itimune wika eno, kabilautyandi edega kadatu ebuga utijije.”
\p
\v 35 Ahika Yesu akababiela, “Liya nabahere enyie tii mbugo kikapu kya bielya, nanga birato, Ale ngale kilya mwabure?” Bakajokya “Hati.”
\p
\v 36 Ahika akabbiela, “Ale ryolo, kilya olya ale mbuge, najutole hamwe na kikapu kya bielya. Olya ati lubanga itakiatu ata ngobe yehee agole omwe.
\v 37 Kwekola nababielate, jonse jalya jandekirwe kwa ajili yawa ndazima jahike, ‘Na akatolwa boo monto olya na banate kiolotery.’ Kwekola kilya kabugirwe kwa ajili yawa kibahika.”
\p
\v 38 Ahika bakabuga, “Mwegeri, Raberya! Jiiji oho lubanga ebele.” Na akababiela, “Jahika.”
\p
\v 39 Baada ya elagela lya budiko, Yesu akagera, bulya olya aghayagi kwonse kwonse, akagenda Ngita ya Mizeituni, na bamanyererigwa bakamutubagera.
\v 40 Bulya bahikire, akababiela, “Ehelai ebuga muhabe shala majaribuni.”
\v 41 Akagenda halehu nabo boo egana ebwe, akasega birugunyi akehelela,
\v 42 akabuga, “Baba, akola mukondate, jekerirerya kikombe keke. Ale ti bulya ya kondate niye, Ale makondaga jayo jaghaeka.”
\v 43 Ahika Malaika eboka kwegolo akamughubukela, akamugitela nguru.
\v 44 Akakolwa kwa eluala akehelela kwa munoi lyonsee, na ehoya lihee likoba bitinyi binenagi bya ndaghami jatonyate nsee.
\v 45 Ngere elya abokire eboka ehela lihee, Akaja kwa bamanyerigwa behe, ne bakola barare kwekola yebaregire liboo,
\v 46 Na akababorya, “Shininjii mbalala? Bokai mwehelelele, ebuga mhabe shala majaribuni.”
\p
\v 47 Ngero ale bado gambate, doghora, kitie kineni kya bantu likaghubuka, na Yuda, omwe wa Batomwa ekomi na babele, ambahirate. Akaja hadinko na Yesu eba amrohate,
\v 48 Ale Yesu akababiela, “Yuda, ulegate Mwana wa Adamu kwa mroheta?”
\p
\v 49 Nghero balya bale hadinko na yesu bulya babande jajio jaghubukate, bakabuga, “Mwegeri, ale tubature kwa lubanga?”
\v 50 Ahika omwe akasega mtomwa wa kuhani mkolo, akamkeba kasikelo kwehee kwa kubulyo.
\p
\v 51 Yesu akabuga, “Eno nihikire!” Na akadaba kusikelo kwehee, akamuhorya.
\v 52 Yesu akabuga kwa kuhani mkolo, na kwa bakolage ba Hekalu, na kwa bamalakolo balya bajire kinyume kihee, “Ale mujate ebuga tupambana na mwebi, na maranguta, na nhyioo?
\v 53 Lilya nale hamwe nenyie nkya jonse nyumbanane, mtiyadiegitela miboko yenyu egolo liawa. Ale eno ni ngero yayo, na bwekorani bwa kirimamu.”
\p
\v 54 Bakamudaba, bakamuhira, mbagamleta nyumba nane ya kuhani mkolo. Ale Petro akamutubagera kwa halehu.
\v 55 Bada yekola babokiya moki kwa nyumba nane na bulya basubire enitiya nsee hamwe Petro akanitiya kate kobo.
\v 56 Mtomwa omwe wa baka akamubana Petro anitirie kati mwaghare jwa moki, akamudoghora akambiela, “Monto nene nabale hamwe nene.”
\p
\v 57 Ale Petro akakataa, akabuga, “Wabaka, niye timuje.”
\p
\v 58 Baada ya ngero hariri, monto onge, akamubana akabuga, “We nawe ule hamwe nene.” Ale Petro akajokya, “Wabalome, niye tii.”
\p
\v 59 Baada ya ngara limwe obyo, wabalome omwe akakorereriya akabuga, “Ngia saba lyionse monto oyyo na bale hamwe nene, kwa mamuna ni Mgalilaya.”
\p
\v 60 Ale Petro akabuga, “Saba wabalome ntije kiliya ubugate.” Na ngara agambate, jogoo ikawika.
\p
\v 61 Akahondoka, Mwegeri akamuraberya Petro. Na Petro akateri ekalaga lya Mwegeri, hale Amubielate, “Kabila ja jogoo ewika kieno, mukedeganiya kadatu.”
\v 62 Akagera kwa kaane, Petro akajura kwa bulo buneni.
\p
\v 63 Ahika balome balya bale bamurenderi Yesu, bakemgheghaga ne mutura.
\v 64 Baada yemusubukeriya meso, bakamborya, “Tubielene! Ni no abakotura?”
\v 65 Bakagamba makalaga jange janeni kinyume kya Yesu ne mghariya maleghi woo.
\p
\v 66 Bulya kwa kutuni, balakolo babantu bakamgona hamwe, bakolage baa makuhani na baandishi. Bakamuhirira ghuserii,
\v 67 Bakabuga, “Akola wee ule Kristo, Tubiele.” Ale wo akababiela, “Akola nibabiela, mtimune edekela,”
\v 68 Na akola nebaborya mtimune ejokya.
\v 69 Ale erunelyai ryolo na gera bushone, Mwana wa Adamu akerkolwa anitirie kuboko kwa bulyo wa nguru ya Mugwe.”
\p
\v 70 Bonse bakabuga, “Kwa bobyo wee ni Mwana wa Mugwe?” Na Yesu akababiela, “Nenyie mwabuga niye olee.”
\v 71 Bakabuga, “Kwa njii bado tukondate bushahidi? Kwekola eshe bene tubojiya eboka kwa kaniya kehe wo mwene.”
\c 23
\cl Mlyangu 23
\p
\v 1 Kimuhyo kyonse kya bantu bakemema bakahira Yesu bushon e bwa Pilato.
\v 2 Bakarunela emura ghusiana nebuga tubakore monto oyo nahongeratye etongo lyeto negirya bantu bahabe humya godi ya Kaisari nebuga wo mwene nwo Kristo, Mwegeri.”
\p
\v 3 Pilato akamuborya, akabuga, “Ale nwe ule Mwegeri wa Bayahudi?” Na Yesu akajokya, akabuga, “Nwe ubugate obyo.”
\p
\v 4 Pilato akabyiela kuhani mkolo na kimuhyoo kya bantu ntibone buhombya bwa Monto oyy.”
\p
\v 5 Ale bo bakahadekana nebuga aba wejaghelaga bantu nemanyeragya kwa Buyahudi nane gwonse erunela Galilaya naryolo ale oho.”
\p
\v 6 Pilato bulya abojirye jaja, akaborya kola monto oyyo Mugalilaya?
\v 7 Bulya amanyire ebuga ale nse ya Bwekorani bwa Herode akahira Yesu kwa Herode, amuna Nene ale kwa Yerusalemu gwa nkya jyene.
\v 8 Herode bulya abande Yesu, akaghamela muno arerelaga emubana nkya jineni ojirye makalaga jyehe na rerelaga ebana ekalaga limwe lyengirania lya jalya aghayagia, wo mwene.
\v 9 Herode akamuborya makalaga janeni ale Yesu atyandi ambe emujokerya gantu gonse.
\v 10 Bakuhani bakolage na hamwe na bandeki bakema kwe regya bakamuresela.
\v 11 Herode hamwe na Sigari jyehe bakamuruma ne mug'heng'haga ne mubeka ngobi jijaregu wasuba bajokya Yesu kwa Pilato.
\v 12 Herode na Pilato bakaba bahenji erunela nkya eyo, (Gwa suha bale ba ngori).
\p
\v 13 Pilato akabugela hamwe bakuhani bakolage na (Begeri-Bekorani) na kimuhyo kya bantu.
\v 14 Akababyela, “Mwandetela monto oyyo bwe Mwekorani wenyu bantu baghaye buhombya, na raberya, bulya muboroborirye bushone bwenyu, ntyandi ebana buhombya bwa monto oyo jeboka na makalaga jalya jonse mwamureselaga najo wo.
\v 15 Yyengo, nanga Herode, kwa amamuna abamujokya kulya tule naraberya hati kilya aghairye kimulukerere ekebelwa ekya.
\v 16 Ryolo ngole ntwa mulya njoko nemuhomberya ale tumusegere.”
\v 17 (Ryolo gwonse Pilato ahumagya monto omwe balya bohirwa nkya jya bug'hoba kwa Bayahudi).
\p
\v 18 Ale bonse bagasega egamba hamwe bakabuga ekerya oyyo na tuhingole Baraba.
\v 19 Baraba ale monto agiterwe jela nane ale muhombya kwa mujyie na abulagire monto.
\v 20 Pilato akababyiela lenge, arerelate esegera Yesu.
\p
\v 21 Ale bo bagasega egamba lineni, nabuga, “Msegelei mtegolo, musegelei mutegolo.”
\v 22 Akababorya lenge lya kadatu, “Sheni njii, monto oyyo aghairye buhombya kee? Ntyandi ebana buhombya bwehe bumuhikerere ekebelwa ekya. Kulya ale ryolo ngo nasuba emuhomberya ninke musegera.”
\v 23 Ryolo ngo bakabiboherya kwero lineni bakondate asegelwe mtegolo (Musalabe egolo) na maro jobo jakaghayya Pilato ajategerye.
\v 24 Ryolo Pilato akakeba abaha kilya bakondate.
\v 25 Akabasegera olya bakondaga alya abohirwe olya aghairye kughayye joho njoko ya budandamu nebulaga monto ale akahumya Yesu kwekonda lyobo.
\p
\v 26 Bulya bamuhiraga bakadaba monto omwe nkondo abugwa Simoni wa Mkerene abokate kwa nse enge baka mwebarya Msalaba agatubugera Yesu.
\v 27 Kimuhyo kineni kya bantu, na baka baneni bererane nemrerela (ne munjunterya sero) bakamutubugera.
\v 28 Ale Yesu akabahondokela akababyiela, “Banabaka ba Yerusalemu muhabe njurela niye ale ejurelei enyiye enyyeka na kya bana benyu.
\v 29 Raberyai nkya njijate jilya bakebuga, raberyai, ‘Mbaghasherigwe balya batibyalaga na kiburi kilya kitibyalaga na nyonto jilya jityantiokya.’
\v 30 Ndyo bakerunela ebyiela ngita jiiji, ‘Tugwele,’ na bigita, ‘Turyekei.’
\v 31 Amamuna okola bagharatye makalaga obyo mute jwojo likeba bo jaeba jwomo?”
\p
\v 32 Balome bange, bahombya babele, bahirwe hamwe nene ebuga (Baghubwe babulagwe).
\v 33 Bulya babahikire hantu habugwa eguha lya Mtwe, ndyo bakamukobela mute egolo hamwe na bahombya balya, omwe hara ya bulyo olya hara ya moso.
\v 34 Yesu akabuga, “Baba, baghuherye, buhombya bwobo, amamuna batije kilya baghayyatye.” Nabo bagatalela olya akehira ngobi jyehe.
\v 35 Bantu mbenure baraberatye kono bekorani bamurahunate. Nebuga, “Bahonokirye bange. Ryolo nehonokye, okola nwo Kristo wa Mugwe, alobore.”
\p
\v 36 Sigari na bakamumene, bakamusungura wo na bakamuha siki (Mhaka),
\v 37 Bakabuga, “Okola nwe Mwegeri wa Bayahudi ehonokye we mwene.”
\v 38 Kwale ng'horo egolo lyehe yandekirwe, “OYO NWO MWEGRI WA BAYYAHUDI.”
\p
\v 39 Omwe wabahombya asegererwe msalaba egolo akarumana akabuga, “We tiwe Kristo? Ehonokye we mwene neshe.”
\p
\v 40 Ale olya onge akajokya, akabuga, akamusoromokela, akabuga, “Ajage utiryalate Mugwe, nawe ule buhombya bwene, bwene sei?
\v 41 Eshe tuloho gyasaba, kwa mamuna eshe tuhejatwe kilya kitu hikerere kwa bilya tugh'airye. Ale monto oyyo hati kilia aghairye kibeju.”
\v 42 Na akarosa, akabuga, “Yesu, nkyelya ogesha Bwegeri bwayyo unterye niye.”
\p
\v 43 Yesu akamubiela, “Ngiasaba ninkubyielate, nkyeno ngekwolwa nawe nkyeno baradiso.”
\p
\v 44 Ayyo kwale hadinko na ryoba esasatu. Kirimamu kikarunela ojolka nse yonse kuka ghoreba ngara ya kenda.
\v 45 Ebasha lya ryoba likangore erima. Lyaba linge gitambaya kya Hekalu kikaadeka gatagate kikadyeka. Erunela kwegolo mpaka kwaheti.
\v 46 Akajura kwa ero lineni Yesu akabuga, “Baba miboko egolo yayyo ni migitela Nkolo yawa.” Asuba eba makalaga jajyo akadyekanoka. Akakya.
\p
\v 47 Mkolo omwe wa Sigari bulya abande obyo lee bilya bibaghaeka akaghora Mugwe akabuga, “Ngyasaba lyonse monto oyo abale monto wa kisaba.”
\v 48 Ngera yeni kimuhyo kya bantu baneni balya bajire hamwe eheka risa, na gusikelo bulya baba basegate bikuba byobo.
\v 49 Ale bahenji behe, na baka balya bantubugera eboka kwa Galilaya, bakema kwa halehu baraberatye makalaga jajyo.
\p
\v 50 Raberya, ale monto abugelagwa Yusufu amuna ale mulakolo wa Baraza ale monto mujaregu wa gyasaba.
\v 51 (Atyandi edekela bilya baghairye na bulya bakebire bo), eboka Arimataya, mujye jwa Bayahudi, jwa betela Bwewgeri bwa Mugwe.
\v 52 Monto oyo akasungura Pilato akehela ahebwe mubele jwa Yesu.
\v 53 Akamuhorokya msalaba egolo, nejube sanda kwe ejuringela akamughara bereranane elya Yasimirwe hale ebwe, lilya hati monto andiryeka hoo.
\v 54 Kwale ni nkya yebanerya, na sabato amuna niyasungura.
\v 55 Baka, nabo bakaja eboka kwa Galilaya, bakamutubegeri, na bakabana mberera na bulya mubele jubatambarigwa.
\v 56 Baka joko bakabanerye bwebana maguta jalya jenyokerya. Asuba nkya ya Sabato bulya Baryekire Yyesu. Kwa bulya kyoloteryo kibugire.
\c 24
\cl Mlyangu 24
\p
\v 1 Bwelo bwaja nkya ya mbele ya juma, bajire mbereragolo, baretire ghera, lilya baghaghare.
\v 2 Bakakola ebwe libabimbirigwa halehu na mberera.
\v 3 Bakashala ndane, ale hatandi ekola mubele jwa Njaghamba Yesu.
\v 4 Ikakolwa, ngara babandiradwa kwan lele, hariti, bantu babele bakema katekate yobo bebekere ngobi jibasha bashatye.
\v 5 Bakaa (Bagharisha) bakakolwa mbatiribana na bakaraberya mashoo jobo kwa nsee, bakababyiela baka, “Shii ninji mmusorate ulya ale serye kwa balya bakire?
\v 6 Atii ohoo, ale naryoka! Teteryai bulya abugire nenyee lilya ale ahale Galilaya,
\v 7 Abugate ebuga Mwana wa Adamu ndasima ahumigwe miboko egolo jya bantu bale ng'adaba na abulagwe, na nkya ya kadatu, aryoke lenge.”
\v 8 Baba balya bakateerya bibugu byehe,
\v 9 na bakajoka eboka mbererane na bakababyiela bibugu bibi byoonse balya ekomi nemwe na bange boonse.
\v 10 Basi Maria Magdalena, Joana, Maria ng'ina ya Yakobo, na baka bange boonse hamwe nabo baka humya masikelo kwa batubageri.
\v 11 Ale kusikelo koko kukabaneka boo bwa nginyala kyoka kwa mitume. Na batandi ebedekele baka babyo.
\v 12 Rari bobyo Petro akaboka, na akaroha ebanaa kwa bererane, na ghumelate na araberyate kwandane, akaba nanga yoka. Petro wasuba akagera kwa kaya kwa mwehe, adamate ninji keke kyaghubuka.
\p
\v 13 Raberya, babele balya bale hamwe bakorwe bagerate nkyeyo eyoo kwa Kijiji kimwe kibugwa Emmau, kilya kyale maili milongo edandatu eboka Yerusalemu.
\v 14 Bakaborania boo bene bibugu byioonse bilya byahumirye.
\v 15 Ikaba ebuga m ngara elya bakorwe bakalaganatye ne borania makalaga, Yesu akasungura hadinko akagerana nabo.
\v 16 Ale meso jobo njashekirerigigwer elege emumanya mwene.
\v 17 Yesu akababyiela, “Ninjii kilya anyee mkibugate lele mgerate?” bakema ayoo babonekanate bakondate ejura.
\p
\v 18 Umwe wobo, ebina lyehe Cleopa, akamujokerya, “Ghai wee ule monto weka ohoo Yerusalemu utije bibugu bilya bughubukire kono nkya jiiiji?”
\p
\v 19 Yesu akamubyiela, “Mbibugu kee?” Bakamujokerya, “Mbibugu bya Yesu Mnazareti, ulya ale Nabii, muhikya bibugu na makalaga bushone bwa Mugwe na bantu boonse.
\v 20 Na kwa bulya bakolage ba bmakuhani na bekorani beto bulya bamuhumirye begharigwa lukyo na emuheneka.
\v 21 Ale ntwa mwedinyire ebuga wee nwee akebughaghara batibohire Israeli. Mbyoo, wabaka bibi byoonse ngareno ni nkya ya kadato eboka bibugu bibi bughubuke.
\v 22 Ale ngoo, kilye kya baka eboka mberi yeto mbaa tudamirye, baada ya ekolwa mberterane kutune muno.
\v 23 Bulya babore mubele jwehe, bakaja, babugate ebuga babandigwe biraryoku bya Malaika babugere ebuga ale serye.
\v 24 Kilye kya balome balya bale hamwe neshe bakagera mbererene, na ekola mboo bulya bakaa babugire. Ale batandi emubana wee mwene.”
\p
\v 25 Yesu akababbyiela, “Eshe bantu baraganagu na mule nkoo jirito jyetubegera byoonse bilya Nabii babugire!
\v 26 Ale lityale lyab lazima Yesu etirirwa kwa bibugu bibi, na eshala kwa bijaregu bwehe?”
\v 27 Wasuba erunela boka kwa Musa na Manabii boonse, Yesu akabakalagerya bibugu byehe mwene kwa jilya jandekirwe jionse.
\p
\v 28 Batigarya hadinko kijiji kekyo, kokyo bakorwe bagerate, Yeu akaghayya boo agerate bushone.
\v 29 Ale bakamusimerya, babugate, “Muntye hamwe neshe, kwa bulya kugerate ba lyakwera na nkya bomanga nibasira.” Boobyo Yesu akashala egera emuntya nabo.
\v 30 LIkahuma ebuga, ngara amuntirye nabo elagela, akatola mukate, akajuhela, na ejubuna, akabaha.
\v 31 Wasuba meso jobo jakahingolwa, bakamumanya na akoba ghafula bushone bwa meso jobo.
\v 32 Bakabyelana boobene, “Ale nkolo jyeto jityale ndane yeto, ngara (ngende) agambaga neshe nkondo, ngara atuatuhingorere maandiko?”
\v 33 Bakabooka ngara eyo eyo, na ejoka Yerusalemu bakamukola balya ekomi nemwe bamogonde hamwe, na balya bale hamwe nabo.
\p
\v 34 Babugate, “Njaghamba nabaryoka lyasaba, na abahumela Simoni.”
\v 35 Bobyo bakababyiela bibugu bilya bihumire kwa nkondo, na bulya Yesu abandigwe kwa busaba kwobo kwa ebuna kibaraghu kya mukate.
\p
\v 36 Ngara elya bagambate bibugu bibyo, Yesu mwene akeema kate koobo, na akababyiela, “Sayo ikolwe nenyee.”
\v 37 Ale bakaryala ne dekania, na bakagera ebuga babande nkolo.
\v 38 Yesu akababyiela, “Shee ninji mwatiribana? Shee ninji eborigwa jahuamte nkolo nane jyenyu?
\v 39 Raberyai, miboko jyawa na magolo jawa, lyebuga niniee mwene. Njerigai na mubane. Kwekola nkolo itii nyama na maguha, boobulya mumboone niee eba nabyo.”
\v 40 Bulya asubire ebuga bobyo, akababania miboko jyehe na magolo jehe.
\v 41 Lele bakaghamela lyengirane na elage edekela, na edama, Yesu akababyiela, “Ale mule kantu koonse kelya?”
\v 42 Bahamuha kilye kya singiri ihakyerire.
\v 43 Yesu akakitola, na ekilya bushone bwobo.
\p
\v 44 Akamubyiela, “Lilya naale nenyiee, nababyere ebuga byonse bilya byorirwe kwa kyoloteryo kya Musa na Manabii na Zaburi bikeng'ora ehikela.”
\v 45 Wasuba akahingolo maghara jyobo, ebuga bahikyee emanya maandeko.
\v 46 Akababyiela, “Ebuga niarirwe, Kristo amnenserigwe etirirwa, na eryoka lenge eboka kwa ekya nkyaa ya kadato.
\v 47 Nee ejiehelela na elyelwa mata jya ng'adaba lazima italongwe kwebina lyehe kwa matongo jyionse, ebokela eboka Yerusalemu.
\v 48 Enyee ni mbejibe wa bibugu bibi.
\v 49 Raberya, mbahirate ng'oryenda ya baba wawa kwee enyee. Ale betelai ohoo mijiene, eng'ora mung'ore ebekwa (egitelwa) nguru eboka kwegolo.”
\p
\v 50 Wasuba Yesu akabahetela kwa kaane eng'ora batigarya hadinko Bethania. Akabokya miboko yehe kwegolo, na akabatyela mata.
\v 51 Ikahuma ebuga, ngara lilya alatyelaga mata (abehelaga), akabahaba na akebalwa kwegolo ebanigwa kwa kwegolo nane.
\v 52 Basi akamwendekela, na ejoka Yerusalemu na eghamela lineni.
\v 53 Bakaendelea ekolagwa hekaluni, behelaga Mugwe.