See in Reader
70 lines
6.6 KiB
Plaintext
70 lines
6.6 KiB
Plaintext
\id TIT
|
|
\ide UTF-8
|
|
\h Titosy
|
|
\toc1 Titosy
|
|
\toc2 Titosy
|
|
\toc3 tit
|
|
\mt Titosy
|
|
\c 1
|
|
\cl Toko 1
|
|
\p
|
|
\v 1 Paoly, mpiasan-Janahary sady Apostoly i Jesosy Kristy, hampahery ty finoa ty olom-boatingin-Janahary noho ty fahaiza ty marina ze manoriky ty toe-panahy manahaky an-Janahry,
|
|
\v 2 amy ty fatokisa ty fiaina zisiky farany, ze nampanantenan-Janahary, azy tsy mavandy iny, tamy fa ela.
|
|
\v 3 Tamy ty fotoa voatondro, le natorony ty safany tamh ty hafatsy ze natokisany ho halefako. Nanoviko zay manahaky ty lilin-Janahary azy Mpamonjy antsika iny.
|
|
\v 4 Ho ahy i Titosy, anaky marina amy ty finoa hivoriantsika ao. Fahasoava noho fiadana bala amin-Janahary azy Baba noho Jesosy Kristy Mpamonjy antsika.
|
|
\v 5 Laha dikany zao ro nanengako anao ta Kreta any, le ty mba handaminanao raha reh mbo tsy vita noho hanendry olo-bey isaky ty tanà manahaky ze fa nibekoako anao.
|
|
\v 6 Ty olo-iaby ro tsy tokony hanan-tsiny mihintsy, valy ty ampela raiky, mana anaky mino tsy voandraha ho manara-po amy ty raty ndra maheriloha.
|
|
\v 7 Ila ty mpiemby, amy ty maha-mpanao ty asan-Janahary, ty tsy fananan-tsiny. Tsy tokony hahery fivola ndra mirengirengy. Tsy tokony ho mora meloky, tsy mpino toaky, tsy lian-aly, sady tsy olo tea jala.
|
|
\v 8 Fa koa, tokony hampiantsano ie, nama ze soa. Tsy maintsy mampijano-vata, marina, masy, sady mahafehy vata.
|
|
\v 9 Tokony mitandraky mare ty hafatsy ze fa nampianary ie, mba hafahany mampahery hafa amy ty fampianara soa rey sady hanity ze manohitsy azy rey.
|
|
\p
|
|
\v 10 Fa lako ty olo mpiharo, sandraky ze vita savatsy rey. Tsy misy lanjany ty safan-drozy. Mandiso fanantena noho mitariky ty olo amy ty lala-diso any ndrozy.
|
|
\v 11 Ila ty manaka azy reny. Mampianatsy ty tsy tokony hampianary rozy mba hahazoa hanana, aloto sady mandrava ty longo ianby.
|
|
\v 12 Nisy raiky tamin-drozy, ze lahilahy hendrin-drosg, nivola hozao: “Ty Kretana ro mpavandy zisiky farany, raty sady biby mandoza, kamo bey vozo.”
|
|
\v 13 Marina voaresaky zay, noho zay nareo mahery ndrozy mba hantanjaky amy ty finoa.
|
|
\v 14 Ka miraharaha angano ty Jiosy rey ndra lily ty olo ze niala tamy ty fahamarina rey.
|
|
\v 15 Ho ahy ze malio rey, le malio ty raha iaby. Fa ho ahy ze voaloto rey noho tsy mino rey koa, le tsy misy malio ndra ino ndra ino. Laha ty say noho ty fieritseretany fa voaloto.
|
|
\v 16 Manenky fa mahay an-Janahary ndrozy, nefa mandà Azy amy asany rey. Mpalay noho mandika lalà ndrozy. Tsy mahavita asa soa ndra ino ndra ino.
|
|
\c 2
|
|
\cl Toko 2
|
|
\p
|
|
\v 1 a iha koa, mivola ze mifanoriky amy ty fampianara marina.
|
|
\v 2 Lahilahy fa nahazo tao rey ro tsy maintsy mahay manday vata, mety, mahonom-bata, matanjaky amy ty finoa, amy ty fitiava, sady amy ty fahareta.
|
|
\v 3 Manahaky zay koa ampela fa nahazo tao rey ro tokony hampitoro direkita ty vatan-drozy ho soa fandaisam-bata, fa tey mpifosa. Tsy tokony ho andevozy ty divay bey ndrozy. Tokony hampianatsy ze soa ndrozy
|
|
\v 4 mba hampiofana ampela tanora rey ho tena tea ty valy aman-janany manoka.
|
|
\v 5 Tokony hampianatsy androzy hahonom-bata, halio, hikarakara tokatsano soa, sady hanenky ty valiny ndrozy. Tokony hanao raha iqby zay ndrozy mba tsy ho voakizaky ty Safsn-Janahary.
|
|
\v 6 Manahaky zayl ampaherezo lahilahy mbo tanora rey mba hahonom-bata.
|
|
\v 7 Amy ty fomba iaby ro atoró ty vatanao ho modely ty asa soa rey; sady lafa mampianatsy iha, le manoro fahitia noho fahendrea.
|
|
\v 8 Manambarà hafatsy salama noho tsy misy tsiny rey, mba ho menatsy ze manohitsy ndra ia ndra ia, safe tsy mana ndra ino ndra ino raty ho volany mikasiky antsika ie.
|
|
\v 9 Mpiasa rey ro tokony hanenky ty tompony amy ty raha-iaby. Hanao ze sitsapony fa tsy hifamaly aminy.
|
|
\v 10 Tsy tokony hangalangalatsy ndrozy. Fa koa, tokony hanoro ty finoa soa iaby ndrozy, mba hahamendriky ty fampianarantsika mikasiky an-Janahary mamonjy antsika amy ty lafiny iaby.
|
|
\p
|
|
\v 11 Fa niboaky tamy ty olo-iaby ty fahasoavan-Janahary.
|
|
\v 12 Mampianatsy antsika handà ty toetsy tsy manahaky an-Janahary noho ty filà ty tany iaby toy zay. Mampianatsy antsika hiay am-pihonona, am-pahamarina, sady mahahaky ty lalan-Janahary amy vanim-potoa zao zay
|
|
\v 13 am-pandinasantsika mare eo ze handinasantsika ty fanantena soasoa, ty fiboaky ty voninahitsy Njanaharintsika bevata noho Mpamonjy Jesosy Kristy.
|
|
\v 14 Jesosy ro nanome ty vatany ho antsika mba hanavitsy antsika hiala amy ty tsy fanarahan-dalà iaby noho hanaliova, ho ahy ty vatany, olo raiky manoka ze tena mazoto hanao asa soa.
|
|
\p
|
|
\v 15 Ambarao sady andeso ampahereza raha rey. Manomeza fanitia amy ty fahefa iwby. Ka enga hisy olo hanao tsinotsino anao.
|
|
\c 3
|
|
\cl Toko 3
|
|
\p
|
|
\v 1 Ampaherezo ndrozy hanenky mpanapaky reg noho manam-pahefa rey, hanenky androzy, ho vonona amy fy asa soa iaby.
|
|
\v 2 Ampahatiarova androzy tsy hikizaky ndra ia ndra ia, hiala amy ty alihevitsy, hanenga ty hafa hanoriky ty lalany, sady hampitoro fanetsem-bata amy ty olo iaby.
|
|
\p
|
|
\v 3 Fa taloha teo ty vatantsika ro tsy nanan-tsiny sady tsy nanenky. Voatariky tamy fy lala-diso tsika sady nande vozy ty filà noho ty fahafinareta sambihafa. Niay tamy ty faharatiantsay ao noho ty fialona tsika. Nihejy zahay sady nifankalay tsika.
|
|
\v 4 Fa lafa natoro ty hasoam-panahin-Janahary mpamonjy antsika noho ty fitiavany ty olombelo,
|
|
\v 5 le tsy tamy ty asa ty fahamarina nanovintsika zay, fa tamy ty famalozam-po ro namonjeany antsika. Ie ro namonjy antsika ramy ty alala ty fanaliova ty fahateraham-baovao noho ty fanavaoza tamy ty Fanahy Masy.
|
|
\v 6 Njanahary nandrotsaky lako tamintsika ty Fanahy Masy tamy ty alala i Jesosy Kristy Mpamonjy antsika.
|
|
\v 7 Nanoviny zay mba, ho voanarina tamy ty fahasoava, le hanjary mpandova tsika amy ty alala ty fahatokisa ty fiaina zisiky farany.
|
|
\p
|
|
\v 8 Hafatsy zay ro maeva-pitokisa. Teako hivola mikasiky raha zay am-patokisa nareo, mba ze mahatoky an-Janahary rey ro maniry hanao asa soa rey ze fa napetsany talohan-drozy eo. Raha zay ro soa noho mahasoa ho ahy ty olo iaby.
|
|
\v 9 Fa ialao ty asihevitsy adala noho ty tantaram-piraza sady ty fifamalea noho ty aly mikasiky ty lalà. Raha rey ro raha tsy misy noho tsy mahasoa.
|
|
\v 10 Mandà ze olo iaby miteraky fizarazara anivonareo eo, afara ty fampiembena indraiky ndra indroe,
|
|
\v 11 sady haizo fa ty olo manahaky zay ro niala tamy ty lala marina sady manota noho manasazy ty vatany.
|
|
\p
|
|
\v 12 Lafa naniraky an'i Artema ndra Tykiko aminareo any zaho, le malaky sady mamonjea amiko any a-Nikopolia any ze nanapqhako hevitsy handania ty nintsy.
|
|
\v 13 Malaky sady alefaso Zena, azy mpahay lalà, noho Apostoly iny, mba tsy hanan-draha-maharary ndrozy.
|
|
\v 14 Ty olontsika ro tsy maintsy mianatsy manao asa soa ze ila maiky mba tsy ahavy androzy tsy hamokatsy.
|
|
\p
|
|
\v 15 Iabiaby miaraky amiko rey ro manao veloma anareo. Mananova veloma ze tea antsika amy ty finoa rey. Ho aminareo iaby lahy ty fahasoava.
|