skg-x-vezo_reg/67-REV.usfm

\id REV
\ide UTF-8
\h Apokalypsy
\toc1 Apokalypsy
\toc2 Apokalypsy
\toc3 rev
\mt Apokalypsy
\c 1
\cl Toko 1
\p
\v 1 Toy ty fanambarà an'i Jesosy Kristy ze namean-Janahary azy hampitoroa an'i mpiasany rey ty raha tsy maintsy hiseho. Nampahaiziny zay tamy ty alala ty fametarany ty anjely ho an'i Jaona mpiasany.
\v 2 Jaona ro nanamary ty mikasiky ty safan-Janahary noho fitsangana vavolombelo mikasiky an'i Jesosy Kristy rey, noho raha iaby hitany rey.
\v 3 Sambatsy ie ze mamaky amy ty feo abo, sady ze mijanjy ty safa zay faminania zay, noho ze miemby ze voasoratsy aminy ao, safe fa mariny ty fotoa.
\p
\v 4 Jaona nana amy egilizy fito any ta Asia any: Ho aminareo lahy ty fahasoava noho ty fiadana baka amy azy amy zao avao iny, noho taloha, sady ho avy, noho baka amy fanahy fito rey ze anila ty seza fipetrahany eo,
\v 5 sady baka amy i Jesosy Kristy, ze vavolombelo marina, anakilahy velohany amy ty maty, sady bey ty mpanjaka ty tany. Ho ahy azy tea antsika iny noho nanafaky antsika tamy fahofantsika tamy ty liony---
\v 6 Ie ro nanao antsika ho fanjaka, mpisoro ho an-Janahary noho ty fahefa zisiky farany maré. Ameny.
\p
\v 7 Ingo, baka amy ty raho Ie; sady ty maso iaby nahita azy, ndra le nandrava Azy rey aza. Ty firebea iaby anabo ty tany hitany Azy. Eka, Amea.
\v 8 “Zaho ro Alfa noho Omega,” hoy ty Tompo Njanahary, “azy amy zao iny, noho taloha, sady ho avy, le azy Tsitoha iny.” 
\f + \ft Fanamariha: ty dikan--tsafa hafa taloha ro mivaky manahaky zao: “Zaho ro Alfa noho Omega, ty fanomboha noho fihafara,” hoy ty Tompo Njanahary. \f*
\p
\v 9 Zaho, Jaona---rahalahinareo noho azy raiky ze nizara taminareo tanay ty fijalea ao iny noho fanjaka sady ty fahareta amy i Jesosy Kristy ao--- le tamy ty nosy ao anovy hoe Patmo noho ty safan-Janahary noho ty fitsangana vavolombelo ty mikasiky an'i Jesosy.
\v 10 Zaho ro nitarihy ty Fanahy tamybty andro ty Tompo. Nahare feo mahery manahaky ty trompetsa tandabosy eo zaho.
\v 11 Nanao zay hozao: “Sorato amy ty boky ze hitanao ao, ka le alefaso amy egilizy fito rey any--- ho ahy ty Efesosy, Smyrna, Pergamosy, Tyatira, Sardisy, Filadelfia, sady Laodikia.”
\v 12 Nizaracty muodidy zaho nila hoe feon'ia nivola tamiko zay, sady laha nitoliky zaho le nahita fananovan-jiro volamena fito.
\v 13 Sady tanivo ty fananovan-jiro nisy ty raiky manahaky ty Anak'olo eo, nisiky salotsy lava niavy zisiky amy ty tombony, sady santira volamena miodidy ty tsatsany.
\v 14 Ty lohany noho ty volony ro foty manahaky ty volon'aondry--- fity manahaky ty rano mivory, sady ty masony manahaky ty lefo.
\v 15 Ty tombony mipiriaky manahaky ty saba, manahaky ty saba voalio tamy ty laforo eo, sady ty feony manahaky ty feo rano bey mirotsaky.
\v 16 Sady nana basia fito tan-tanany ankavana eny Ie, sady meso bevata roe lela maranitsy niboaky baka amy ty vavany eo. Ty tarehy ro nazava manahaky ty masoandro lafa mirebareba.
\v 17 Lafa nahita Azy zaho, le nilavo tamy ty tombony eo manahaky ty olo maty. Nitondro ahy tamy ty tanany ankavana Ie ka le nanao hozao: “Ka matahotsy. Zaho ro velohany noho farany,
\v 18 sady azy raiky ze velo iny. Fa maty Zaho, fa ingo, velo zisiky farany! Sady Zaho mana ty lakile ty fahafatesa noho ty Fiainan-tsy hita.
\v 19 Laha zay sorato ze hitanao, ze amy zao, noho ze hitsanga afara zao.
\v 20 Manahaky ty raha-tsy hita mikasiky basia fito ze hitanao tantanan-kavanako eny rey, noho fananovan-jiro volamena fito rey: “Ty basia fito ro anjely ty egilizy fito rey, sady ty fananovan-jiro ro egilizy fito rey.”
\c 2
\cl Toko 2
\p
\v 1 Sorato ho ahy ty anjely ty egilizy Efesosy ao hozao: “Ndreto ty safa baka amy azy raiky ze mitandraky basia fito rey amy ty tanan-kavanany iny sady mandeha amy fananovan-jiro volamena fito rey,
\v 2 “Haiko ze fa vitanao noho ty asa maherinao sady ty fiaretanao ela. Haiko fa tsy afaky handefitsy amy ty olo-raty iha. Haiko fa nitsapanao ze mivola androzy rey ho apostoly, nefa tsy ie, sady hitanao ndrozy fa sandoky.
\v 3 Haiko fa mana fahareta iha, sady nijaly maré noho ty amy ty anarako, sady tsy nilavo lefo iha.
\v 4 Nefa manohitsy anao zaho safe nanenga ty fitiavanao velohany iha.
\v 5 Tiarovo noho zay ty toera ze nahalavo anao. Mibebaha sady mananova raha ze nanovinao velohany rey. Fa laha tsy mibebaky iha, le ho avy aminao any zaho sady hangalaky fananovan-jironao rey amy ty fipetsahany.
\v 6 Nefa zao ro anovinao: “Halanao ty raha-vita ty Nikolaita, ze hejiko avao koa.
\v 7 Engao ze manan-tsofy hijanjy ze volany ty Fanahy ho ahy ty fiangona. Ho an'i azy raiky ze maharesy le hameako alala hihina ty baka amy ty hazo ty fiaina, ze amy ty paradisan-Janahary ao.”’”
\p
\v 8 Sorato ho ahy ty janjely ty egilizy a-Smyrna any hozao: “Ndreto ty safa azy raiky ze velohany iny sady farany, azy raiky ze fa maty iny nefa velo ndraiky:
\v 9 “Haiko ty halahelonao noho ty fijaleanao rey, nefa manan-kanana iha. Haiko ty fivolana-raty ho ahy ze mivola ty vatany rey fa Jiosy, nefa tsy ie. Synagoga i Satana ndrozy.
\v 10 Ka matahotsy ty amy ze fa hiaretanao. Ingo! Ty devoly ro hanoraky ty ilany aminareo amy ty tsanomaiky any mba ho tsapà narei, sady hijaly anay ty folo andro nareo. Matokisa zisiky-mahafaty, ka le hameako anareo ty satso-boninahitsy ty fiaina.
\v 11 Ze manan-tsofy engao ie hihina ze volany ty Fanahy ho ahy ty egilizy. Azy raiky ze maharesy ro tsy ho simba ty fahafatesa faharoe.”’”
\p
\v 12 Sorato ho ahy ty anjely ty egilizy a-Pergamosy any hozao: “Ndreto ty safa azy raiky ze mana meso roe lela iny:
\v 13 “Haiko ze ipetsahanao, le amy ty hipetsaha fy seza fipetsaha i Satana ao. Sady amy zao mitandraha mare ty anarako iha. Haiko fa tsy nandà ty finoanao ty amiko iha, ndra le tamy andro i Antipasy rey vavolombeli aza, ze nahatoky Ahy, ze nivonoe taminareo eo, tamy ty fipetsaha i Satana ao.
\v 14 Fa manan-tsafa kelikely aminao Zaho: “Misy ilany aminareo mitandraky maré ty fampianara ty Balama, ze nampianatsy an'i Balaka hampipetsaky fanontania aloha ty anak'Israely eo, mba hihinanan-drozy ty hany nanovy soro ho ahy ty sampy sady ho heriloha.
\v 15 Manahaky zay koa, misy ilany aminareo ze mitandraky maré ty fampianara Nikolaita rey.
\v 16 Mibebaha, laha zay! Fa laha tsy zay, le ho avy malaky aminareo any Zaho, sady hifanina amin-drozy zaho miaraky amy ty meso-bey ty vavako.
\v 17 Engao ze mana-tsofy hijanjy ze volany ty Fanahy ho ahy ty egilizy rey. Ho ahy ze maharesy rey, sady hameako vato foty miaraky amy ty anaram-bato voasoratsy amy ty vato eo, anara ze tsy hain'olo hafa-tsy ze mandramby azy avao.”’”
\p
\v 18 Sorato ho ahy ty anjely ty egilizy Tyatira ao hozao: ‘Ndreto ty safa ty Anakin-Janahary, ze mana maso manahaky ty lelan'afo sady tomboky manahaky ty saba mipiriaky:
\v 19 “Haiko ze vitanao: Ty fitiavanao noho ty finoanao noho ty fanompoanao sady ty fandinisanao. Haiko fa ze vitanao farany ro lako noho ze vitanao velohany.
\v 20 Nefa zao ro hanoherako anao: Leferinao azy ampela Zezebela iny, ze mikaiky ty vatany iny to-resaky ampela iny. Amy ty alala ty fampianarany ro mamitaky mpiasako rey ie mba haherilohanoho hihina hany anovy soro ho ahy ty sampy rey.
\v 21 Nanome fotoa mba hibebahany Zaho, nefa tsy mety hibebaky ty amy ty faherezaloha ie.
\v 22 Ingo! Hanoviko marary ampandrea eo ie, sady ze maheriloha miaraky aminy rey ro hampijaleako maré, laha tsy mibebaky amy ty asa raty azy ampela iny ndrozy.
\v 23 Ho vonoko ho maty anany rey, sady egilizy iaby rey ro hahay fa Zaho azy mahita ty fieretsereta noho fehetseham-po. Hameako manahaky ty asanareo kirai-draiky iaby nareo.
\v 24 Fa ty aminareo ze sisa a-Tyatira ao, ze iaby tsy mitandraky fampianara zao, noho tsy mahay ze kaiky ty ilany hoe sain-daliky i Satana--- Zao ro volaniko aminareo hozao: “Tsy vesariko enta hafa nareo.”
\v 25 Ndra zay aza, tsy maintsy mitandraky maré ty finoanareo nareo zisiky-iaviako.
\v 26 Azy raiky ze maharesy noho ze manao ze fa vitako zisiky amy ty farany iny, le hameako azy ty fahefa amy ty firenea iaby.
\v 27 ‘Hanapaky amin-drozy eo miaraky amy ty tehim-by ie, manahaky ty fanorotoroa valany tany ro hanatoroako androzy.’
\v 28 Manahaky ty nandrambesako baka amy ty Babako, ro hanomezako azy basia maray avao koa.
\v 29 Engao azy raiky ze manan-tsofy hijanjy ze volany ty Fanahy ho ahy ty egilizy.”’”
\c 3
\cl Toko 3
\p
\v 1 Sorato ho ahy ty anjely ty egilizy any Sardisy hozao: ‘Zao ro safa ty azy mitandraky Fanahy fiton-Janahary iny rey noho basia fito rey. “Haiko ze nanovinao. Malaza ho velo iha, nefa iha maty.
\v 2 Mifohaza sady ampaherezo ze tavela, fa ho maty, safe tsy hitako tanteraky asanao rey amason-Janahary eo.
\v 3 Tiarovo, laha zay, ze nirambesinareo noho renareo. Enkeo zay, sady mibebaha. Fa laha tsy mifoha nareo, le ho avy manahaky ty mpangalatsy Zaho, sady tsy ho hainareo ty ora hiaviako aminareo.
\v 4 Fa misy anaran'olo kelikely a-Sardisy any ze tsy nandoto ty salotsin-drozy. Handeha hiaraky amiko ndrozy, misalora foty, safe maeva.
\v 5 Azy raiky ze maharesy iny ro ho ampisalory foty, sady tsy hamafa ty anarany amy ty Boky ty Fiaina ao mihintsy Zaho, sady hivola ty anarany anila ty Babako eo, noho anila anjely rey eo.
\v 6 Engao ze manan-tsofy hijanjy ze volany ty Fanahy amy egilizy rey.”’”
\p
\v 7 “Sorati ho ahy ty anjely ty egilizy a-Filadelfia any hozao: ‘Zao ro safa azy raiky ze masy noho marina iny_ ie ro mitandraky ty lakile i Davida, ie ro mamoha sady tsy misy ndra ia ndra ia manily, ie ro manily sady tsy misy ndra ia ndra ia afaky mamoha.
\v 8 “Haiko ze vitanareo. Ingo, nametsahako varavara mivoha alohanareo eo ze tsy afaky hilý ndra ia ndra ia. Haiko fa mana hery kelikely nareo, ka le nanenky ty safako sady tsy nandà ty anarako.
\v 9 Ingo! Ze ahy ty synagoga ty Satana rey, ze mivola fa Jiosy ndrozy nefa tsy ie vatany rey; fa mavandy koa ndrozy. Hanoviko hoavy ka le hiondriky an-tombonao eo ndrozy, sady ho avy ndrozy mba hahay fa nitea anao Zaho.
\p
\v 10 Safe fa niemby ty liliko tamy ty fahareta nareo, le hiaro anareo amy ty andro fitsapa ze fa ho avy amy tany iaby toy avao koa Zaho, mba hitsapa ze miay anabo ty tany rey eo.
\v 11 Ho avy tsy ho ela Zaho. Tandraho maré ze hanananao mba tsy hisy afaky hangalaky ty satso-boninahitsinao.
\v 12 Anoviko andry amy ty egilizy ty Njanahariko eo ze mandresy, sady tsy hiala eo mihintsy ie. Ho soratiko aminy eo ty anaran-Janahariko, azy anara ty tanà ty Njanahariko iny (azy Jerosalemavaovao iny, ze mijotso baka an-danitsy any iny baka amy ty Njanahariko any), noho ty anarako vaovao.
\v 13 Engao ze manan-tsofy hijanjy ze volany ty Fanahy amy ty egilizy rey.”’”
\p
\v 14 “Sorato ho ahy ty znjely ty egilizy a-Laodikia any hozao: “Zao ro safa ty Ameny, azy vavolombelo matoky noho marina iny, azy mpanapaky ty raha-boarin-Janahary iny.
\v 15 “Haiko ze nanovinareo, sady tsy manintsy ndra mafana nareo. Maniry Zaho mba ho manintsy ndra mafana nareo!
\v 16 Laha zay, safe nareo matimaty_ sady tsy mafana ro tsy manintsy_le fa haloa ty vavako nareo.
\v 17 Fa hoasa nareo hozao: ‘Manan-kanana zaho, nana fitaova lako, ka le tsy mila ndra ino ndra ino.’ Fe tsy hainareo fa nareo ro tena mijaly, mampalahelo, mijaly, jiky sady mitandraky.
\v 18 Janjino ty torohevitsiko: Mivilia volamena voalio tamy ty afo amiko mba ho avy mpanan-kanana nareo, sady siky foty mipiriaky mba ho afaky mampisalotsy ty vatanareo nareo ka le tsy hampitoro ty henatsy ty fitandrahanareo, sady hanosotsy ty masonareo mba hahitanareo.
\v 19 Ampiofaniko ty kirai-draiky iaby ze teako, sady hampianariko androzy ty fomba tokony hiainan-drozy. Laha zay, mazotoa sady mibebaha.
\v 20 Ingo, mitsangana amy ty varavara eto Zaho sady mandondoa. Laha misy mahare ty feoko ka le mamoha ty varavara, le ho avy an-tsanony ao Zaho ka le hihina miaraky aminy, sady ie miaraky amiko.
\v 21 Azy raiky ze mandesy, hameako azy ty zo hipetsaky miaraky amiko amy ty seza fipetsahako eo, mahahaky ty nandreseko koa ka le nipetsahako niaraky tamy ty Babako tamy ty seza fipetsahany eo.
\v 22 Engao ze manan-tsofy hijanjy ze volany ty Fanahy amy ty egilizy rey.”’”
\c 4
\cl Toko 4
\p
\v 1 Tafara raha zay le nanenty zaho, sady nahita varavara raiky nivoha tamy ty lanitsy eny. Ty feo velohany ze reko ro niresaky tamiko manahaky ty trompetra, nanao hozao: “Miakara etoy, sady ho atoroko anao ze tsy maintsy hitsanga afara raha rey.”
\v 2 Nisy fotoa zaho voatariky ty Fanahy, sady nahita fa nisy seza fipetsaha nipetsaky tamy ty lanitsy eny, nosy olo nipetsaky tanabo zay eo.
\v 3 Azy raiky ze nipetsaky tanabony eo le miendry manahaky ty jaspa noho karneola. Nisy avana niodidy ty seza fipetsaha. Azy avana iny ro miendriky manahaky ty emeraoda.
\v 4 Nisy seza fipetsaha ropolo efatsy amby niodidy azt seza fipetsaha iny, sady olo-bey ropolo efatsy amby ro nipetsaky tanabo seza fipetsaha eo, nisalotsy foty, niaraky tamy ty satso-boninahitsy volamena tamy ty lohan-drozy eny.
\v 5 Baka amy azy seza fipetsaha iny ro nisy tsela-pahazava, kotsoky, sady kotso-baratsy. Nisy jiro fito nirehitsy taloha ty seza fipetsaha eo, jiro ze fanahy fiton-Janahary
\v 6 Taloha ty seza fipetsaha ro nisy riaky fitaratsy, manahaky ty kristaly. raha-manan'ay efatsy rey ro tanivo ty seza fipetsaha noho niodidy zay, atsiky maso, talohany noho tan-dambosiny eo.
\v 7 Azy raha-manan'ay velohany iny ro manahaky ty liona, azy raha-manan'ay faharoe manahaky ty anak'aomby iny, azy raha-manan'ay fahatelo iny ro manahaky olo, sady azy raha-manan'ay faha efatsy manahaky ty voro-mahery mitily iny.
\v 8 Raha-manan'ay efatsy rey ro samby mana elatsy eny iaby, atsiky maso ty anabo noho ty ambany. Andro noho haly ndrozy ro tsy mijano mivola hozao: “Masy, masy, masy azy Tompo Njanahary Tsitoha ze nisy iny, noho misy, sady mbola ho avy.”
\p
\v 9 Ndra ombia ndra ombia raha-manan'ay rey ro hanome voninahitsy, laza, sady fisaora an'i azy raiky ze mipetsaky any ty seza fipetsaha eo, azy raiky ze velo zisiky farany biby iny,
\v 10 olo-bey ropolo efatsy amby rey ro nampandohaliky ty vatandrozy aloha azy raiky ze mipetsaky amy ty seza fipetsaha iny eo. Mandohaliky amy azy raiky ze velo zisiky farany biby iny eo ndrozy, sady nanoraky ty satso-boninahitsin-drozy taloha ty seza fipetsaha eo, mivola hozao:
\q1
\v 11 “Maeva iha, Tomponay noho Njanaharinay, handramby ty voninahitsy noho ty laza sady ty hery. Fa Iha ro namoro ty raha iaby, sady tamy ty alala ty sitsapo, ro nisy androzy sady nihare.”
\c 5
\cl Toko 5
\p
\v 1 Sady ty tanan-kavana azy raiky ze nipetsaky tamy ty seza fipetsaha iny eo zaho, taratasy lako voasoratsy aloha eo noho afara ao. Sady nifehezy tamy ty tampô fito zay.
\v 2 Nahita anjely mahery nanambara tamy ty feo mahery manambara tamy ty feo maré zaho, nivola hozao: “Ia ro maeva ty hamoha ty taratasy lako sady hamoha ty tampô zay?”
\v 3 Tsy misy olo baka an-danitsy ndra an-tany eto ndra ambany ty tany ka le afaky hamoha ty taratasy lako ndra hamaky zay.
\v 4 Nitany maré zaho- safe tsy nisy olo hita maeva ty hamoha ty taratasy lako ndra hamaky zay.
\v 5 Nefa raiky tamy olo bey rey nivola tamiko hozao: “Ka mitany. Ingo! Azy liona ty foko i Joda iny, azy solofo i Davida iny, le nandresy. Afaky ty hamoha ty taratasy lako noho tampô fito rey ie.
\v 6 Nahita Anak'aondry mitsanga anivo ty seza fipetsaha eo noho raha-manan'ay efatsy sady anivo olo-bey rey eo zaho. Manahaky ty hoe olo nivonoe ie. Nana tsifa fito noho maso fito ie; ndrozy ro fanahy fiton-Janahary nefa nameno ty tany.
\v 7 Nandeha ie sady nangalaky azy taratasy lako iny tamy ty tanan-kavana azy raiky ze nipetsaky tamy ty seza fipetsaha eo iny.
\v 8 Lafa nirambesy azy Anak'aondry azy taratasy lako iny, raha-manan'ay efatsy rey noho olo-bey ropolo efatsy amby rey le nampandohaliky ty vatan-drozy talohany eo. Samby nana lokanga noho lovia volamena atsiky emboky manitsy iaby ty kirai-draiky tamin-drozy, ze vavaky ty mpino rey.
\v 9 Nihira hira vaovao ndrozy: “Maeva ty handramby an'i azy taratasy lako iny iha sady hamoha ty tampô zay. Fa iha ro nivonoe, sady tamy fy rano ro nivilia an'i olon-Janahary iaby tamy ty foko, fivolana, olo rey, sady firenea iaby.
\q1
\v 10 Nanovinao fanjaka noho mpisoro ndrozy mba hanompo an-Janahary, sady hanjaka an-tany eto.”
\p
\v 11 Bakeo zaho ro nahita noho nahare feo anjely lako niodidy ty seza fipetsaha noho raha-manan'ay rey sady olobey rey. Ty fiharoa ndrozy ro aman'aliny.
\v 12 Nivola tamy ty feo mare ndrozy hozao: “Maeva lahy ze Anak'aondry ze nivonoe mbz handramby fahefa iny, hanana, fahendrea, hery, laza, voninahitsy, sasy dera.”
\p
\v 13 Nahare raha voaforo iaby ze tan-danitsy any noho tan-tany eto sady an-driaky any zaho- ty raha iaby tanay rey ao- nivola hozao: “Ho ahy azy raiky ze mipetsaky amy ty seza fipetsaha iny noho ho ahy azy Anak'aondry iny, lahy ty dera, ty laza, ty voninahitsy, sady ty fahefa hibeko, zisiky farany bibike.”
\p
\v 14 Raha manan'ay efatsy rey, nivola hozao: “Ameny!” Sady olo-bey nandohaliky noho nivavaky rey. 
\f + \ft Fanamariha: Ty ilany amy dikan-tsafa taloha rey ro mivaky hozao: “Olo-bey efapolo roa amby rey ro nandohaliky noho nanompo an'iazy raiky ze velo zisiky farany bibiky iny.” \f*
\c 6
\cl Toko 6
\p
\v 1 Lafa namoha ty raiky tamy tampô fito rey fy Anak'aondry le nanenty zaho, sady nahare ty raiky tamy ty raha-manan'ay efatsy tamy ty feo ty hotsoky rey zaho nivola hozao: “Avia!
\v 2 Nanenty zaho sady nisy sovaly foty teo. Ty mpiondra zay ro nitandraky kititsy, sady namea satso-boninahitsy ie. Niboaky manahaky ty mpandresy ie mba handresy.
\v 3 Lafa namoha ty tampô faharoe ty Anak'aondry, le nahare ty raha-manan'ay faharoe zaho nivola hozao: “Avia!”
\v 4 Le nisy sovaly hafa niboaky- mirehitsy mena. Ty mpiondra zay ro namea alala hangalaky ty fiadana amy ty tany, mba hifamono ty olony. Mpiondra io ro namea meso-bey bevata.
\v 5 Lafa namoha ty tampô fahatelo ty Anak'aondry, le nahere ty raha-manan'ay fahatelo zaho nivola hozao: “Avia!” Nahita sovaly mainty zaho, sady ty mpiondra zay ro nitandraky safa an-tanany eny.
\v 6 Nahare manahaky ty feo tamy ty raha-manan'ay efatsy zaho nivola hozao: “Ty vary era ty fatram-bary ho ahy ty denaria raiky, sady ty hordea in-telo ty fatram-bary ho ahy ty denaria raiky. Fa ka mampiry ty menaky noho ty divay.”
\v 7 Lafa namoha ty tampô faha efatsy ty Anak'aondry, le nahare ty feo ty raha-manan'ay faha efatsy zaho nivola hozao: “Avia!
\v 8 Le nahita sovaly hatsatsa zaho. Ty mpiondra zay ro nikaiky hoe Fahafatesa, sady Fanasa rey ro nanoriky azy. Namea fahefa amy ty ampaha-efatsy ty tany ndrozy, mba hamono amy ty meso-bey, hamosary noho arety, sady amy bibi-li ty tany rey.
\p
\v 9 Lafa namoha ty tampô faha limy ty Anak'aondry, le hitako tambany alitara ao fanahy ze nivonoe rey noho ty safan-Janahary rey noho ty fitsangana vavolombelo ze nitandrahan-drozy rey.
\v 10 Nikoraky tamy ty feo maré ndrozy hozao: “Zisiky ombia, Mpanapaky anabo ty iaby masy noho marina, ro hitsaranao ze miay an-tany eto rey, noho hamalianao faty ty lionay?
\v 11 Le namea salotsy lava ty kirai-draiky tamin-drozy, sady nivolaniny ndrozy f tokony handiny kelikely zisiky-hazahoa ty isa atsiky mpiara-mipetsakin-drozy rey noho ty rahalahy noho anabavin-drozy rey, manahaky ty namonoa androzy.
\p
\v 12 Lafa namoha ty tampô faha eny ty Anak'aondry, le nanenty zaho sady nisy horohoron-tany bevata. Nanjary mainty manahaky ty siky fisaona ty masoandro, sady ty vola fenomana ro nanjary manahakay ty lio.
\v 13 Basia tamy ty lanitsy eny rey ro nilavo tan-tany etoy, manahaky ty aviavy manitsy ty voany manta lafa ahetsiky ty tsioky mahery.
\v 14 Ty lanitsy ro nanjavo manahaky ty taratasy lako ze nahoronkoro. Ty vohitsy noho ty nosy iaby ro nalà tamy ty tany eo.
\v 15 Bakeo mpanjaka ty tany rey noho ty olo manan-danja, noho jeneraly rey, ty mpanan-kanana, ty mahery, sady ty hafa iaby, andevo noho afaky, nivony tanay lava-bato ao rey noho tamy ty lafiam-bato ty vohitsy rey.
\v 16 Nivola tamy vohitsy noho tamy lafiam-bato rey ndrozy hozao: “Lavo aminay! Avonio amy ty tarehy azy raiky zecmipetsaky amy ty seza fipetsaha noho amy ty heloky ty Anak'aondry rey eo zahay.
\v 17 Fa Niavy ty andro bevata ty helokin-drozy. Ia ro hahavita hiaritsy?”
\c 7
\cl Toko 7
\p
\v 1 Tafara zay robnahita anjely efatsy nitsanga tamy ty zoro fany efatsy rey eo zaho, nanohitsy mare ty tsioky efatsy ty tany, mba tsy hisy tsioky hitsoky amy ty tany, amy ty riaky, ndra hifanohitsy amy ty hazo iaby.
\v 2 Nahita anhely hafa zaho niakatsy baka antinana any, ze nana ty tampôn-Janahary velo. Nikoraky tamy ty feo mare tamy anjely efatsy ze nahazo alala hanimba ty tany noho ty riaky rey ie hozao:
\v 3 “Ka simbà ty tany, ty riaky, ndra hazo zisiku hanisiantsika ty tampô amy ty handry ty mpiasan-Janahary eo rey.”
\v 4 Nahare ty isa ze vita tampô zaho: 144.000, ro vita tampô baka amy ty foko ty olon'Israely iaby:
\v 5 Roa arivo noho ray aly ro vita tampô vaka amy ty foko i Joda, roa arivo noho ray aly baka amy ty foko i Robena, roa arivo noho ray aly baka amy ty foko i Gada,
\v 6 roa arivo noho raiy aly baka amy ty foko i Asera, roa arivo noho ray aly baka amy ty foko i Naftaly, roa arivo noho ray aly baka amy ty foko i Manase.
\v 7 roa arivo noho ray aly baka amy ty foko i Simeona, roa arivo noho ray aly baka amy ty foko i Levy, roa arivo noho ray aly baka amy ty foko i Isakara,
\v 8 roa arivo noho ray aly baka amy ty foko i Zebolona, roa arivo noho ray aly baka amy ty foko i Josefa, sady roa arivo noho ray aly baka amy ty foko i Benjamina ro vita tampô.
\p
\v 9 fara raha rey le nanenty zaho, sady nisy olo lako maré ze tsy hay isahy--- baka amy ty firenea, foko, olo, sady fivolana iaby---- nitsanga taloha ty seza fipetsaha eo noho taloha ty Anak'aondry eo. Nanao salotsy lava foty noho mitandraky sampan-drofia tamy ty tanan-drozy eny,
\v 10 sady nikaiky maré tamy ty feo maré ndrozy rey nanao hozao: “Ty famonjea ro an-Janaharintsika ze mipetsaky anabo ty seza fipetsaha eo, noho ahy ty Anak'aondry!”
\v 11 Ty anjely iaby nitsanga miodidy ty seza fipetsaha noho miodidy olo-bey rey noho ty raha-manan'ay efatsy, sady ndrozy ro nampandohaliky ty tarehin-drozy taloha ty seza fipetsaha eo. Nivavaky tamin-Janahary ndrozy nanao hozao:
\v 12 nanao hozao: “Ameny! Dera, voninatsy, fahendrea, fisaora, fahefa, sady ty hery lahy ho an-Janaharintsika zisiky farany maré! Ameny!”
\p
\v 13 Bakeo ty raiky tamy olo-bey rey nanontany ahy hozao: “Ia rey, misiky salotsy foty, sady baka aia ndrozy?”
\v 14 Hoy zaho taminy: “Tompoko, Iha mahay,” sady hoy ie tamiko: “Rey ro hiboaky baka amy ty Fijalea Bevata. Nisasan-drozy ty salotsy lavany sady nifotý tamy ty lio ty Anak'aondry.
\v 15 Laha antony zay, le aloha ty seza fipetsahan-Janahary eo ndrozy, noho mivavaky aminy andro noho haly amy fy egiliziny ao. Ty raiky ze nipetsaky tamy ty seza fipetsaha eo ro hamelatsy ty lainy amin-drozy.
\v 16 Tsy ho mosary sasy ndrozy, ndra hangetaheta ndraiky. Twy hamango azy ty masoandro, ndra ty hafana mandoro.
\v 17 Fa ty Anak'aondry anivo ty seza fipetsaha rey ro ho mpiemby androzy noho hitari-dala azy amy ty loharano ty rano velo rey any, sady hofafan-Janahary ty ranomaso iaby amy ty mason-drozy.”
\c 8
\cl Toko 8
\p
\v 1 Lafa nivahiny azy Anak'aondry ty tampô faha fito iny, le nisy tsy fivolana tan-danitsy any tamy ty antsasaky ora teo.
\v 2 bakeo le hitako anjely fito ze nitsanga talohan-Janahary eo rey, sady namea trompetra fito ndrozy.
\v 3 Nisy anjely hafa niavy, nitandraky lovia volamena fandoroa lintan-kazo manitsy, nitsanga tanabo ty alitara eo. Lintan-kazo manitsy lako ro namea azy mba hanomezany zay mbamy ty vavaky ty mpino iaby anabo ty alitara volamena fandoroa lintan-kazo manitsy aloha fy sezam-boninahitsy rey eo.
\v 4 Ty setsoky azy lintan-kazo manitsy iny, mbamy tyvavaky mpino rey, le niakatsy talohan-Janahary eo baka amy ty tana ty anjely.
\v 5 Nangalaky azy lovia fandoroa lintan-kazo manitsy iny azy anjely iny sady nanatsiky zay tamy ty afo baka amy ty aliatara eo. Bakeo natorakiny tamy ty tany zay, sady nisy kotso-baratsy, hotsoky, helatsy, sady taratasy lako.
\p
\v 6 Anjely fito ze nana trompetra fito rey ro nioma hitsoky zay.
\v 7 Nitsoky ty trompetra azy anjely velohany iny, sady nisy havandra noho afo miharo lio. Natoraky tan-tany etoy zay mba ho hirehitsy ty ampahatelo zay, mirehitsy akata-maintso. 
\f + \ft Fanamariha: Ty ilany amy lintan-kazo taloha rey ro mangalaky ty hozao: “mba hirehitsy ty ampahatelo zay.” \f*
\v 8 Nitsoky ty trompetra azy anjely faharoe iny, sady nisy raha manahaky ty vohitsy bevata nirehitsy afo natora tan-driaky any. Nanjary ljo ty ampahatelo ty riaky,
\v 9 maty ty ampahatelo ty raha-manan'ay tan-driaky ao, sady rava ty ampahatelo ty sambo rey.
\v 10 Nitsoky ty trompetra azy anjely fahatelo iny, sady nisy basia bevata nilatsaky baka an-danitsy any, mirehitsy manahaky ty fanilo, tamy ty ampahatelo renirano noho loharano rey.
\v 11 Raha-mangily ro anara azy rano basia iny, sady olo lako maty tamy azy rano ze nanjary nangily iny.
\v 12 Nitsoky ty trompetra azy anjely faha-efatsy iny, sady niova ty ampahateli ty masoandro, manahaky ty ampahatelo ty vola noho ty ampahatelo basia rey. Laha zay le manjary mainty ty ampahatelo rey; tsy nisy hazava ty ampahatelo ty andro noho ty ampahatelo ty haly.
\p
\v 13 Nanenty zaho, sady nahare voro-mahery ze nitily tanivo ty lanitsy eny, nikaiky tamy ty feo mahery hozao: “‘Loza, loza, loza, ho an'i ze mipetsaky amy ty tany rey eny, noho ty feo trompetra sisa ze fa ho tsiofy anjely telo rey.”
\c 9
\cl Toko 9
\p
\v 1 Nampitoro ty trompetrany ty anjely faha limy. Nahita basia baka an-danitsy any zaho ze nilavo tamy ty tany eny. Azy basia iny ro nanome ty lakils azy lavaky tsy hita mosary iny.
\v 2 Nisokafiny ty setsoky niboaky tamy ty lavaky manahaky ty setsoky baka amy ty laforo bevata ao. Nivaliky maloky ty masoandro noho ty tsioky noho ty setsoky niboaky tan-davaky ao.
\v 3 Baka amy ty setsoky ro niavia galala rey tanabo ty tany eto, sady namea hery manahaky ty ahy ty fatiky tanabo ty tany eto ndrozy.
\v 4 Nivolany ndrozy tsy hanimba ty akata tanabo ty tany eto ndra raha-mitiry maintso rey ndra hazo, fa olo ze tsy mana tampõn-Janahary rey amy ty handrin-drozy eo avao.
\v 5 Tsy nahazo alala ty hamono olo rey ndrozy, fa hampijaly androzy anay ty limy vola avao. Ty fahararin-drozy ro hanahaky ty tomboky ty fatiky lafa mahazo olo.
\v 6 Amy ty andro rey ro hila fahafatesa ty olo, fa tsy hahita zay. Haniry ty ho maty maré ndrozy, nefa hilay androzy ty fahafatesa.
\v 7 Manahaky ty sovaly nomany taky ty aly galala rey. Tamy ty lohan-drozy le nisy raha manahaky ty satso-boninahitsy volamena, sady ty tarehin-drozy ro hanahaky ty raehin'olombelo.
\v 8 Nana volo mahahaky ty volon'ampela ndrozy, sady ty hin-drozy ro hanahaky ty hý ty liona rey.
\v 9 Nana fiarovan-tsatsa manahaky ty fiarova-tsatsa vy ndozy, sady ty feo ty elatsin-drozy ro hanahaky ty feo ty kalesa noho sovaly lako milay ho amy ty aly any.
\v 10 Nana hohy nisy fitomboha manahaky ty fatiky ndrozy; amy ty hohin-drozy ao ro misy ty hery hanimba ty olo anay ty limy vola.
\v 11 Nana mpanjaka ndrozy le azy anjely lavaky tsy hita mosary iny. Ty anarany tamy ty safa Hebreo ro Abadona, sady ty anarany tamy ty safa grika le i Apolyona.
\p
\v 12 Lasa ty loza velohany. Ingo! afara zao ro mbo hisy loza roe ho avy.
\p
\v 13 Nampaneno ty trompetra azy anjely faha eny iny, sady nahare ty feo niboaky tamy ty tsifa ty alitara volamena ze fa nisy tanilan-Janahary eo zaho.
\v 14 Sady nivola tamy azy anjely faha eny iny azy feo manao hozao iny: “Abotoro anjely ze mifehy amy azy renirano bevata ty Eofrata rey any iny.”
\v 15 Anjely efatsy ze fa nomany tamy ora zay iny, andro zay, vola zay, sady tao zay, ro nabototsy mba hamono ty ampahatelo ty olombelo.
\v 16 Ty hisa maramila niondra-sovaly rey le 200.000.000. Nahare hisa rey zaho.
\v 17 Manahaky zay ro fomba nahitako sovaly rey tamy ty fahitako noho ze niondra tamin-drozy rey eo: Fiarovan-tsatsan-drozy rey ro mirehitsy mena, bole antitsy sady solifara mavo. Nitovy tamy ty loha liona rey ty loha sovaly rey, sady ty niboaha baka ambanin-drozy ao ro afo, setsoky, sady solifara.
\v 18 Sady ty ampahatelo olo rey ro maty ty loza telo: ty afo, ty setsoky, sady ty solifara ze niboaky baka am-bavan-drozy ao.
\v 19 Fa ty hery sovaly rey ro baka amy ty vavan-drozy ao noho tamy ty hohin-drozy ao - fa ty rambon-drozy ro manahaky ty bibilava, sady nana loha ze afaky mandratsy olo ndrozy.
\v 20 Ty ambany olombelo rey, ze tsy maty loza rey, ro tsy nibebaky tamy asa ze vitan-drozy, ndra nijano nanompo demony rey noho sampy volamena, volafoty, saba, vato, sady hazo- raha ze tsy hita maso rey, re, ndra mandeha.
\v 21 Ndrozy ro mbo tsy nibebaky tamy ty asa famonoa, ty famorehan-drozy, ty heriloha ndra asa fangalaran-drozy rey.
\c 10
\cl Toko 10
\p
\v 1 Bakeo zaho le nahita anjely mahery hafa nijotsi baka an-danitsy any. Tanay raho ao ie, sady nisy avana tanabo ty lohany eo. Ty tarehiny ro mitovy masoandro sady ty tombony ro manahaky ty voan'afo.
\v 2 Mitandraky taratasy-lako kelikely mivelatsy amy ty tanany ie, sady mampipetsaky ty tombony havana amy ty riaky noho ty tombony havia amy ty tany.
\v 3 Bakeo ie le nikoraky tamy ty feo maré manahaky ty fierotsy ty liona. Lafa nikoraky ie, le nihotsoky marr tamy ty feony hotsoky fito.
\v 4 Lafa nihotsoky ty hotsoky fito, le tanay ty fanorata eo zaho, fa nahare feo baka an-danitsy any zaho nibola hozao: “Tandraho ho sekire ze nivolany ty hotsoky fito. Ka soraty zay.”
\v 5 Bakeo azy anjely hitako nitsanga tanabo riaky eo noho tamy ty tany eo iny, nanondrotsy ty tanany havana tan-danitsy any.
\v 6 Ie nifanta tamy azy raiky ze velo zisiky farany maré iny, ze namoro ty lanitsy noho ze iaby anay zay ao, ty tany noho ze iaby anay zay ao, sady ty riaky noho ze iaby anay zay ao, sady azy anjely nivola hozao iny: “Tsy hisy fandinasa sasy.
\v 7 Fa amy ty andro raiky lafa hampaneno ty trompetrany ty anjely fahafito, le ho tanteraky ty ifotsin-Janahary, manahaky ty nambarany tamy ty olo to-resaky ty mpiasany rey.”
\p
\v 8 Azy feo ze reko baka wn-danitsy any iny nivola tamiko ndraiky hozao: “Mandehana, alao azy taratasy-lako mivelatsy ze an-tana azy anjely mitsanga anabo riaky rey eo iny noho ambany ty tany.”
\v 9 Bakeo le nandeha nana amy azy anjely iny any zaho sady nivola taminy mba hanome ahy azy taratasy-lako kelikely iny. Hoy ie tamiko: “Rambeso ty taratasy-lako sady hano zay. Hangily ty an-tsarotsonao ao zay, fa am-bavanao ao ro ho mamy manahaky ty tantely zay.”
\v 10 Nalako tamy ty tana azy anjely iny taratasy-lako kelikely sady nihaniko zay. Mamy manahaky ty tantely tam-bavako ao zay, fa tafara ty nihinanako azy, le nanjary nangily ty tan-tsarotsoko ao.
\v 11 Bakeo nisy olo raikh nivola tamiko hozao: “Tsy maintsy to-resaky ndraiky iha mikasiky olo lako rey, firehea rey, fivolana rey, sady mpanjaka rey.”
\c 11
\cl Toko 11
\p
\v 1 Namew volotara mba hampiasa manahaky ty tehy zaho. Nivolany tamiko hozao: “Mitsangana sady metaro ty egilizin-Janahary noho aliatara, sady ze mivavaky ao rey.
\v 2 Fa ka metary ty kianja ambaliky ty egilizy eo, fa namea an'i Jentilisa rey zay. Hanitsaky ty tanà masy anay ty efapolo roa amby vola ndrozy.
\v 3 Hameako vavolombeloko roe rey ty fahefa ho to-resaky anay ty 1.260 andro, nisalotsy siky fisaona.”
\v 4 Vavolombelo rey ro hazon'oliva roe noho ty fipetsahan-jiro roe ze nitsanga tanila ty Tompo ty tany eo.
\v 5 Laha misy olo mitingy handratsy androzy, le miboaky afo ty vavan-drozy hihina fahavalon-drozy rey. Ndra ia ndra ia maniry ty handratsy androzy le tsy maintsy hovonoe amy fomba zay.
\v 6 Vavolombelo rey ro mana fahefa hanily ty lanitsy mba tsy hilatsaha ty ora anay ty andro hananova resaky toan-drozy. Manam-pahefa ndrozy hanova ty rano ho lio noho hamango ty tany amy ty karaza loza iaby ndra ombia ndra ombia irin-drozy.
\v 7 Lafa ho vita ty fitsanganan-drozy vavolombelo, le miakatsy baka anay lavaky tsy hita mosary ao azy bibi-li hialy hanohitsy androzy iny. Handresy androzy Ie sady hamono androzy.
\v 8 Hiampatsy amy ty lala ty tanà-bevata eny ty fatin-drozy (ze kaihe avao koa hoe Sodoma noho Egypta) ze nantofa ty Tompon-drozy.
\v 9 Hanenty ty fatin-drozy anay ty telo andro noho tampany ty olo, ty foko, fivolana, sady ty firenea iaby. Tsy hengan-drozy ajano an-dolo ao rey
\v 10 Ze miay anabo ty tany eo rey ro hifaly amin-drozy sady hankalaza. Hifandefa fanomeza mihintsy aza ndrozy safe nampijaly ze miay anabo ty tany rey olo to-resaky roe rey.
\v 11 Fa afaky telo andro noho tampany le hilitsy amin-drozy ao ty imbon'ay baka amin-Janahary, sady hitsanga amy ty tombokiny rozy. Hilatsaky amy ze mahita androzy ty tahotsy bevata rey.
\v 12 Bakeo le hahare feo maré baka an-danitsy any ndrozy mivola androzy hozao: “Miakara eto!” Bakeo le hiakatsy ho an-danitsy any anay raho ao ndrozy, laha mbo manenty tany fahavalon-drozy rey.
\v 13 Amy ora zay le hisy hotohorontany maré, sady hirobaky ty ampahafolo ty tanà. Fito arivo ty olo ho maty amy azy horohorontany iny, sady ho hatahotsy olo sisa tsy maty rey sady hanome voninahitsy an-Janahary ty lanitsy.
\p
\v 14 Lasa ty loza faha roe. Ingo! niavy malaky ty loza faha telo.
\p
\v 15 Bakeo le nampaneno ty trompetra ty anjely faha fito, sady nisy feo maré nivola tan-danitsy any nanao hozao: “Hanjary fanjaka ty Tompontsika noho ty Kristy ty fanjaka ty tany iaby toy. Ie ro hanjaka zisiky farany maré.”
\v 16 Bakeo olo-bey ropolo efatsy amby ze nipetsaky tamy ty seza fipetsahan-drozy eo rey tanilan-Janahary eo ro nampandohaliky ty vatan-drozy. Nankalaza an-Janahary ndrozy. Nankalaza an-Janahary ndrozy.
\v 17 Hoy ndrozy: “Manome fisaora Anao zahay, Tompo Njanahary Tsitoha, azy amy zao noho taloha, safe nangalaky ty herinao bevata iha sady nanomboky nanjaka. 
\f + \ft Fanamariha: Ty ilany amy dikan-tsafa taloha rey ro mibaky hozao: Ty mpanapaky ty iaby, azy amy zao noho taloha iny, sady azy ho avy iny, fa ty dikan-tsafa amy fotoa zao tsy hanahaky zay. \f*
\q1
\v 18 Meloky maré firenea rey, nefa avy ty helokinareo. Niavy ty fotoa hitsara ty maty noho hamalianao soa olo to-resaky mpiasanao rey, ze mpino rey, noho ze natahotsy ty anaranao rey, ndra ty tsy manan-danja ndra ty mahery. Niavy ty fotoa handravanao ze manimba ty tany rey.”
\p
\v 19 Bakeo le nivoha ty egilizin-Janahary tan-danitsy any sady hita ty tobily ty fifanenkea anay egiliziny ao. Nisy helatsy-fahazava, hotsoky, hotsokora, horohorontany, sady havandra bevata tao,
\c 12
\cl Toko 12
\p
\v 1 Fahaiza bevata ro hita tan-danitsy any: ampela nisiky ty masoandro, sady ty vola tambany ty tombokiny eo, sady satso-boninahitsy vita tamy ty basia folo roa amby ro tamy ty lohany eo.
\v 2 Bevoka ie, sady nikoraky marr fa ho teraky, anay ty fihstsiky ty aja antsarotsony ao.
\v 3 Bakeo nisy fahaiza hafa niboaky tan-danitsy any: Ingo! nisy dragona mena bevata-bey ze nana loha fito noho tsifa folo, sady nisy satso-boninahitsy fito tamy lohany rey eo.
\v 4 Ty hohiny ro nifaoky ty ampahatelo ty basia tan-danitsy any sady nanoraky androzy tamy ty tany eny. Azy dragona nitsanga taloha azy ampela ze fa ho teraky iny, ka lafa teraky ie, le afaky handrapaky ty anany ie.
\v 5 Niteraky aja kelikely ie, ze hanapaky ty firenea iaby miaraky amy ty tehim-by. Ty anakiny ro nala forise ho amin-Janahary any noho amy ty seza fipetsahany any,
\v 6 sady azy ampela iny ro nilay nana ambaliky any, ze nisy toera fa nihoman-Janahary ho azy, ka le ho voakarakara anay ty 1.260 andro ie.
\p
\v 7 Sady nisy aly tan-danitsy any. Mikaela noho anjeliny rey ro nialy tamy dragona iny; sady azy dragona iny noho ty anjely ro namaly aly.
\v 8 Fa tsy le natanjaky azy dragona iny ka le tsy naharesy. Ka le tsy nisy toera ho azy noho anjeliny rey sasy tan-danitsy any.
\v 9 Azy dragona bevata iny --- ze mameno fa ela nikaihe hoe devoly ndra Satana, azy namitaky an'i tahy iaby toy ---le natoraky tanabo ty tany eny, sady anjeliny rey ro natoraky niaraky aminy.
\v 10 Bakeo nahare feo maré baka an-danitsy any zaho: “Amy zao le avy ty famonjea, ty hery, ty fanjakan-Janaharintsika sady ty fahefa i Kristiny. Fa ty mpahazo ty rahalahintsika ro natoraky tambany any, azy raiky ze mahazo androzy andro noho haly anilan-Janaharintsika eo iny.
\q1
\v 11 Ndrozy ro naharesy azy tamy ty luo ty Anak'aondry noho tamy ty safa fitsangan-drozy vavolombelo, fa tsy nitea ty fiainany sasy ndrozy ndra ho maty aza.
\q1
\v 12 Laha zay, mifalea, nareo lanitsy e, noho ze iaby mipetsaky aminy ao. Fa miembena ty amy ty tany noho ty riaky safe ty devoly ro nijotso taminareo eo. Atsiky helo ie, safe hainy fa fotoa tsy ampy sisa ro hananany.
\p
\v 13 Lafa nahay dragona iny fa nivangoa tamy ty tany ie, le nania azy ampela niteraky aja lahilahy iny ie.
\v 14 Fa azy ampela iny ro namea elatsy roe ry voromahery bevata, ka le afaky nitily nana amy azy toera nikarakara ho azy any iny tambaliky any. Io toera hijilova azy iny, anay ty telo tao noho tapany--- mba tsy ho hita azy manara iny.
\v 15 Nameako rano manahaky ty renirano tamy ty vavany azy menarana iny, ze hifaoky ampela iny.
\v 16 Fa ty tany nanampy ampela. Nivoha ty tany ty vavany sady le nateliny ty riaky ze nivaky ry vava azy dragona iny.
\v 17 Sady neloky tamin'ampela dragona iny ka le niala sady nila aly tamy ty amby tarihanay rey, ze manenky ty lilin-Janahary sady mitandraky ty fitsangana vavolombelo mikasiky an'i Jesosy.
\v 18 Bakeo nitsanga tanabo ty fasiky eo ty riaky azy dragona iny.
\c 13
\cl Toko 13
\p
\v 1 Sady nahita bibi-li zaho nijotso baka amy ty riaky eny. Nana tsifa folo zay sady loha fito. Tamy ty tsifany eo ro nisy diadema folo, sady tamy ty lohany eo ro nisy anara fivolana-raty iaby.
\v 2 Azy bibi-li ze hitako iny ro manahaky ty leoparda. Ty tombony le manahaky ty tombo bera, sady ty vavany le manahaky ty vava ty liona. Azy dragona nanome azy ty heriny iny, ty seza fipetsahany, sady ty fahefany bevata hanapaky.
\v 3 y loha azy bibi-li raiky ro manahaky ty fa maty, nefa afaky azy ratsy saiky ho nahafaty azy iny. Sady tseriky ty tany iaby ka le nanoriky azy bibi-li iny.
\v 4 Sady le nandohaliky ka le tamy azy dragona eo ndrozy, safe ie ro nanome ty fahefany ho ahy ty bibi-li. Nandohaliky tamy azy bibi-li iny eo, ka le, ndrozy, sady nivola hozao: “Ia ro manahaky ty bibi-li?” sady “Ia ro afaky mila aminy?”
\v 5 Namea vava ze afaky mivola firengerengea noho fivolana-raty azy bibi-li. Namea alala ie mba hanao fahefa anay ty efapolo efatsy amby vola.
\v 6 Sady namoha ty vavany hivola raty an-Janahary azy bibi-li iny: nivola raty ty anarany, ty toera ze hipetsahany sady ze mipetsaky an-danitsy ao rey.
\v 7 Nenga hialy tamy mpino rey sady handresy androzy azy bibi-li iny. Sady ka le, ty fahefa ro namea azy mameno ty foko, ty olo, ty fivolana, sady ty firenea iaby.
\v 8 Handohaliky aminy eo iaby ze mipetsaky anabo ty tany eo, ze tsy voasoratsy anara rey, anay ty famorona tany iaby zao, amy ty Boky ty Fiaina ao, ze ahy ty Anak'aondry, ze fa nivonoe.
\v 9 ha misy manan-tsofy, Engao ie hijanjy.
\v 10 Laha misy nala gadra, le handeha amy ty fagadra ie. Laha misy nivonoe tamy ty meso-bey, amy ty meso-bey ro hamonoa azy. Toy ro kaiky ho ahy ty fahareta sady finoa ho ahy ze masy.
\p
\v 11 Sady nahita bibi-li hafa zaho niakatsy baka amy ty tany. Zay ro nana tsifa roe manahaky ty anak'aondry, sady nivola manahaky ty dragona.
\v 12 Nanoharany iaby ty fahefa iaby an'i azy bibi-li velohany iny anilany eo, sady ty tany noho ze mipetsaky aminy rey eo le anoviny mandohaliky amy azy bibi-li velohany eo--- azy raiky ze afaky tamy ty ratsy ho nahafaty azy iny.
\v 13 Nanao hatsereha lako bevata ie. Nampijotso afo baka an-danitsy any ho amy ty tany taloha ty olo eo.
\v 14 Tamy ty alala ty fahaiza ro namea alala anao zay, mamitaky an'i ze mipetsaky anabo ty tany rey zay. Nivola tamin-drozy zay mba hanambotsy sary ho voninahitsy ty bibi-li ze voaratsy ty meso-bey nefa vela?
\v 15 Nenga asia ay ty sary ty bibi-li mba ahafaha azy sary mivola iny sady ze iaby tsy manenky mandohaliky amy zay bibi-li ro nivonoe.
\v 16 Nanao forose ty kirai-draiky avao koa zay, ndra ty kelikely ndra ty bevata, ndra ty manan-kanana ndra ty mijaly, ndra ty tsy andevo ndra ty andevo, le mandramby ty mariky amy ty tana ankavana eo ndra amy ty andry eo.
\v 17 Tsy hisy olo mahazo mivily ndra mamarotsy zisiky-ahazoany ty mariky ty bibi-li, zay ro th hisa ty fanoroa ty anarany.
\v 18 Zay ro mitaky fahendrea. Laha misy olo manantsay, engao ie hanisa ty hisa ty bibi-li. Fa zay ro hisa ty olo. Hisa zay le 666.
\c 14
\cl Toko 14
\p
\v 1 Nanenty zaho sady nahita ty Anak'aondry niondra tamy ty vohitsy Ziona eo. Niaraky taminy 144.000 ze nana ty anarany noho anara ty Babany voasoratsy amy ty handrin-drozy eo.
\v 2 Naharé feo baka an-danitsy any manahaky ty firaondrao ty rano lako noho hotsoky maré zaho. Ty feo feko avao koa le manahaky ty mpititiky lokanga mititiky ty lokangany.
\v 3 Nihira hira vaovao taloha ty seza fipetsaha eo noho taloha raha-manan'ay efatsy rey eo ndrozy. Tsy nisy ndra ia ndra afaky nianatsy ty hira hafa-tsy 144.000 ze niviliany baka an-tany rey eto avao.
\v 4 Rey ro olo ze tsy nandoto ty vatan-drozy tamin'ampela, fa nitandraky ty vatany malio ara-nofotsy ndrozy. Zay ro ze manoriky ty Anak'aondry ndra ia ndra ia andehanany. Ie raiky ro nivily baka amy ty olombelo manahaky ty veloham-bokatsy ho ahin-Janahary noho ho ahy ty Anak'aondry.
\v 5 Tsy nisy vandy hita tamy ty sonin-drozy eo, tsy manan-tsiny ndrozy. 
\f + \ft Fanamariha: Ty dikan-tsafa ilany manampy hozao: “taloha ty seza fipetsahan-Janahary eo.” \f*
\p
\v 6 Nahita anjely hafa nijotso anabo zaho, ze nana ty hafatsy zisiky farany ty vaovai nahafaly hambara amy ze miay anabo ty tany eo- amy ty firenea, foko, fivolana, sady ty olo iaby.
\v 7 Nikaiky tamy ty feo mahery ie hozao: “Matahora an-Janahary sady manomeza voninahitsy Azy. Fa niavy ty ora ty fitsarany. Mivavaha Aminy, ty raiky ze nanao ty lanitsy, ty tany, ty riaky, sady ty loharano.”
\v 8 Nisy anjely hafa- ty anjely fahsroe- nanoriky nivola hozao: “Nilavo, nilavo Babylona bavata, ze nandresy lahatsy ty firenea iaby rey mba hino ty divay ty fandaisam-bata malotony.”
\v 9 Nisy anjely hafa telo- nanoriky androzy, novola tamy ty feo maréhozao: “Laha miay mivavaky amy ty bibi-li noho ty sariny, sady mandramby ty famantara amy ty handriny ndra amy ty tanany eo,
\v 10 le hino ty ilany amy ty divay ty helokin-Janahary avao koanie, divay tsy nihro ze najobo tanay kapoaky ty helokiny ao. Ty olo ze mino zay ro hampijalea amy ty afo nono solofara aloha anjely masin-Janahary rey eo noho aloha ty Anak'aondry rey eo.
\v 11 Ty setsoky baka amy ty fijalean-drozy ro miakatsy zisiky farany maré, sady tsy manam-pijanona andro noho haly ndrozy- mpiasa ty bibi-li rey noho ty sariny rey, sady ty olo-iaby ze mandramby ty famantara ty anarany.
\v 12 Toy ro kaiky ho ahy ty fahareta ela ze masy rey, ze manenky lilin-Janahary rey sady mino an'i Jesosy.”
\v 13 Nahare feo baka an-danitsy any zaho nivola hozao: “Sorato sao: Sambatsy ty maty ze maty amy Tompo ao.” “Eka,” hoy ty Fanahy, “mba hafahan-drozy miala vozaky amy ty asan-drozy, fa ty vitan-drozy le hanoriky androzy.”
\p
\v 14 nanenty zaho, sady nisy raho foty. Nipetsaky tamy ty raho ty raiky manahaky ty anan'olo eo. Nana satso-boninahitsy volamena tamy ty lohany eo noho fambolea maranitsy an-tanany eny ie.
\v 15 Le nisy anjely hafa niboaky ty egilizy sady nikaiky tamy ty feo maré an'i azy mipetsaky amy ty raho eo iny nanao hozao: “Rambeso ty famboleanao ka manomboha mamboly. Fa avy ty fotoam-pambolea, safe masaky ty vokatsy ty tany.”
\v 16 Sady ty raiky ze nipetsaky tamy ty raho eo nampandroso ty famboleany tan-tany teto, ka le nambolea ty tany.
\v 17 Nisy anjely hafa niboaky baka an-degilizy ao tan-danitsy any: nana fambolea maranitsy avao koa ie.
\v 18 Mbo nisy anjely hafa koa niboaky ty alitara fandoroa lintan-kazo manitsy, ze nana fahefa amy ty afo. Nikaiky tamy ty feo maré an'i azy ze nana fambolea maranitsy iny ie hozao: “Rambeso ty famboleana maranitsy sady avorio sampam-boloboky rey baka amy ty voloboky ty tany, fa voloboky rey ro fa masaky zao.”
\v 19 Nampandroso ty fambolea tamy ty tany azy anjely iny sady namory ty vokatsy ty voloboky ty tany. Natorany tanay famiazam-boloboky bevata ao ty helokin-Janahary zay.
\v 20 Ty famiazam-boloboky ro nihitsahy tambaliky tanà any, sady ty lio ro niroraky baka amy zay ao ka le niavy zisiky amy ty hahabo ty lamboridin-tsovaly ao, ze 1.600 stadio.
\c 15
\cl Toko 15
\p
\v 1 Bakeoble nahita famantara hafa tamy ty lanitsy eny zaho, bevata noho mahajilo: Nisy anjely fito miaraky amy ty loza fito, ze loza farany bibike, fa amin-drozy ro hahantanteraky ty helokin-Janahary.
\p
\v 2 Nahita ze niboaky tamy ty riaky fitaratsy nampiaraha tamy ty afo zaho. Nitsanga tanila ty riaky ze nandresy an'i azy bibi-li rey iny eo noho ty sariny, noho ty hisa manoro ty anarany. Ndrozy ro nitandraky harpa namean-Janahary androzy
\v 3 Ndrozy nihira ty hira i Mosesy, azy mpiasan-janahary iny, ty hira ty Anak'aondry hozao: “Bevata noho mahajilo asanao rey, Tompo Njanahary, azy Abo bibike iny. Marina noho mahity lalanao rey, Mpanjaka ty firenea rey.
\q1
\v 4 Ia ro tsy hatahotsy Anao, Tompo, noho hanome voninahitsy ty anaranao? Fa Iha raiky ro masy. Ty firenea iaby ho avy noho hivavaky anilanareo eo safe asanao marina rey ro fa nambara.”
\p
\v 5 Tafara raha rey zaho ro nanenty, sady nivoha tamy ty lanitsy eny ty egilizy ze mana lay fitsangana vavolombelo.
\v 6 Niboaky baka amy azy toera masy bibiky iny ao anjely fito mitandraky loza fito rey. Ndrozy ro misalotsy malio, siky rongony mipiriaky noho misy santira volamena miodidy ty tsatsan-drozy.
\v 7 Raiky tamy raha-manan'ay efatsy namea an'i anjely fito rey lovia volamena fito atsiky ty helokin-Janahary rey iny, azy velo zisiky farany maré iny.
\v 8 Atsiky setsoky baka amy ty voninahitsin-Janahary noho baka amy ty heriny ty egilizy. Tsy misy ndra ia ndra ia afaky militsy ao zisiky- ty mahantanteraky ty loza fito anjely fito rey.
\c 16
\cl Toko 16
\p
\v 1 Nahare feo maré nikaiky baka an-degilizy ao zaho sady nivola tamy anjely fito rey hozao: “Mandehana sady aroraho amy ty tany lovia fito atsiky ty helokin-Janahary rey.
\v 2 Nandeha azy anjely velohany iny sady nandraraky ty tan-doviany ao tamy ty tany; ratsy raty noho maharary ro niavy tamy ty olo ze nana ty fahaiza ty bibi-li, ze nankalaza ty sariny rey.
\v 3 Azy anjely faharie nandraraky ty tan-doviany ao tamy ty riaky iny. Nandeha lio zay, mahahaky ty lion'olo maty, sady maty ty raha-manan'ay iaby tan-driaky ao.
\v 4 Azy anjely fahatelo nandraraky ty tan-doviany ao tamy ty renirano noho loharano iny, sady nanjary lio rey.
\v 5 Reko ty anjely ty rano manao hozao: “Marina Iha_azy amy zao noho taloha iny, Azy raiky Masy iny_ safe fa nitsara raha rey Iha. 
\f + \ft Fanamariha: Ty taratasy lako ilany taloha ro mamakh hozao: “Marina Iha, Tompo_Azy amy zao noho taloha sady ho avy iny, safe fa nitsara raha rey Iha.” \f*
\v 6 Safe ty lio mpino rey noho olo to-resaky rey ro nalatsakin-drozy, le nameanao lio hinomy ndrozy; zay ro maeva androzy.”
\v 7 Reko ty alitara namaly hozao: “Eka, Tompo Njanahary bevata, fitsaranao rey le marina noho mahity.”
\v 8 Azy anjely faha efatsy iny nandraraky ty tan-doviany ao tamy ty masoandro, sady nahazo alala handoro ty olo amy ty afo zay.
\v 9 May hafana maré iny ndrozy, sady nivola raty ty anaran-Janahary, ze mana ty fahefa amy loza reny. Tsy nibebaky ndrozy ndra nanome voninahitsy Azy,
\p
\v 10 Bakeo azy anjely faha limy iny mandraraky ty tan-doviany ao tamy ty seza fipetsaha azy bibi-li iny, sady nandrakotsy ty fanjakany ty haiky. Nihota ty lelany ndrozy noho ty fijalea.
\v 11 Nivola raty azy Najanahary ty lanitsy iny ndrozy noho ty fijalea noho fandratsin-drozy, sady mbo nandà ty hibebaky amy ze vitan-drozy avao ndrozy.
\v 12 Azy anjely faha-eny nandraraky ty tan-doviany ao iny tamy ty renirano bevata, azy Eofrata iny. Nisintoniny zay mba hanomana ty lala ho ahy mpanjaka ze ho avy baka antinana any rey.
\v 13 Nahita fanahy maloto teo zaho ze nananahaky tsaboketsa baka am-bava ty dragona any, baka am-bava ty bibi-li any, sady baka amy ty vava ty olo to-resaky sandoky.
\v 14 Fa fanahy ty demonia manao fahaiza mahatseriky ndrozy. Nana amy mpanjaka ty tany iaby toy any ndrozy mba hamory androzy miaraky ho ahy ty aly ty andro bevatan-Janahary Abo bibike.
\v 15 (“Ingo! Avy manahaky ty mpangalatsy Zaho! Sambatsy ze miemby, miaro fisikinany rey mba tsy hiboky mitanjaky ie sady hitan-drozy ty fahamenarany.”)
\v 16 Nandesin-drozy niaraky tamy ty toera ze kaihe hoe Hara-magedona amy ty Hebreo ndrozy.
\p
\v 17 Bakeo azy anjely faha fito nandraraky ty tan-doviany ao tamy ty tsioky iny. Sady nisy feo maré niboaky baka an-degilizy ao noho baka amy ty seza fipetsaha, manao hozao: “‘Vita zay!”
\v 18 Nisy helatsy, hotsoky, kotso-baratsy, sady horohorob-tzny maré_ horohoron-tany bevata noho ze fa nitsanga zisiky amy ze nisian'olo tan-tany eto, ka le maré horohoron-tany zay.
\v 19 Vaky ho fizara telo azy tanà bevata iny, sady rava ty tanà firenea reo. Bakeo Njanahary nikaiky mba hahatiaro an'i Babylona bevata, sady nameany tanà zay ty kapoaky atsiky divay vita baka amy ty fireheta ty helohiky.
\v 20 Tsy hita ty tanà iaby, sady tsy hita sasy vohitsy rey.
\v 21 Nisy havandra matevy, milanja amy ty talenta raiky eo, nijotso baka an-danitsy any ho amy ty olo. Nanozo an-Janahary ndrozy noho ty loza baka amy ty havandra safe tena mahery maré loza zay.
\c 17
\cl Toko 17
\p
\v 1 Raiky tamy anjely fito ze nitandraky lovia volamena fito rey iny namonjy noho nivola tamiko hozao: “Avia, ho atoroko anao ty seza ty mpaheriloha bevata ze mipetsaky anabo rano lako.
\v 2 Niaraky taminy ro nampaheriloha an'i mpanjaka ty tany rey. Ty divay ty herilohany ro nahamamo olo ty tany rey.”
\p
\v 3 Bakeo azy anjely nanday ahy tamy ty Fanahy tamy ty tany Karakaina any iny, sady nahita ampela nipetsaky tanabo bibi-li mena ze atsiky anara safa raty eo zaho. Azy bibi-li iny ro mana loha fito noho tsifa folo.
\v 4 Azy ampela iny ro nisalotsy voloparasy noho mena sady voaravaky volamena, vato sarotsy, sady vato soa. Ie ro nitandraky tamy ty tanany kapoaky volamena atsiky raha mampangoritsy ahy noho tsy fahadiova ty herilohany rey.
\v 5 Tamy ty handriny ro nisy anara mana dikany tsy hita voasoratsy hozao eo: “Babilona bevata, azy reny mpaherilo noho raha mampangoritsy ahy ty tany iny.”
\v 6 Nahita zaho fa azy ampela iny ro mamo ty lio mpino rey noho ty lio martiry ho ahy Jesosy. Lafa nahita azy zaho, le tena jilo.
\p
\v 7 Fa azy anjely nivola tamiko hozao iny: “Manino ro jilo iha? Ho azavaiko anao ty dika azy ampela noho azy bibi-li ze manday azy iny, azy bibi-li ze mana loha fito noho tsifa foto iny.
\v 8 Azy bibi-li ze hitanao ro misy, fa tsy misy amy zao, fa andalam-piakara baka amy ty farany ambany lavaky tsy hita mosary any. Bakeo le nana amy ty fahasimba zay any. Ze miay anabo tany rey, ze tsy voasoratsy amy ty Boky ty Fiaina ao zisiky amy ty namorona an'i tany iaby toy ty anarany- ho tseriky androzy lafa hahita fa azy bibi-li iny ro misy, fa tsy misy sasy amy zao, fa andalam-piavia.
\v 9 Mikaiky say ze manam-pahendrea zay. Loha fito rey ro vohitsy fito ze hipetsaha azy ampela iny.
\v 10 Ndrozy avao koa ro mpanjaka fito. Mpanjaka limy ro lova, raiky ro misy, sady ty hafa ro mbo tsy avy; lafa avy ie, le fe-potoa kelikely avao ro hipetsahany.
\v 11 Azy bibi-li ze misy iny, fa tsy misy amy zao, mpanjaka fahavalo ie; nefa raiky amy mpanjaka fito rey ie, sady hana amy ty fahasimba any.
\v 12 Tsifa folo ze hitanao rey ro mpanjaka folo ze mbo tsy nandramby fanjaka, fa hahazo fahefa manahaky ty mpanjaka miaraky amy azy bibi-li iny -anay ty lera raiky ndrozy.
\v 13 Fiarahan-tsay zay, sady ndrozy ro hanome ty hery noho ty fahefan-drozy an'i azy bibi-li iny.
\v 14 Hampitsanga aly manohitsy ty Anak'aondry ndrozy. Fa ty Anak'aondry ro handresy androzy safe Ie ro Tompo ty tompo, sady Mpanjaka ty mpanjaka-sady manam-pinoa rey.”
\v 15 Hoy ty anjely tamiko: “Rano ze hitanao rey, tamy azy nipetsaha azy mpaheriloha iny eo, ro olo, goropin'olo, firenea, sady fivolana.
\v 16 Tsifa folo ze hitanao-rozy rey noho azy bibi-li iny ro halay an'i azy mpaheriloha iny. Ho anovin-drozy lao noho mitanjaky ie, hanataky ty nofotsiny ndrozy, sady handoro azy tanteraky amy ty afo.
\v 17 Fa Njanahary fa nampipetsaky zay tam-pon-drozy ao mba hanantanteraky ty finariany amy ty fanenkean-drozy hanome ty herin-drozy handaisa azy bibi-li iny zisiky-hanantanteraky ty safan-Janahary.
\v 18 Sady ampela, azy hitanao iny ro tanà bevata ze manjaka amy ty mpanjaka ty tany.”
\c 18
\cl Toko 18
\p
\v 1 Tafara raha rey ro nahita anjely hafa ze nijotso baka an-danitsy any zaho. Nana fahefa bevata ie, sady nipiriaky noho ty voninahitsiny ty tany.
\v 2 Nikoraky tamy ty feo maré ie, nivola hozao: “Nilavo, nilavo azy Babylona bevata iny! Nanjary lasa toeram-pipetsaha ty demony, fialofa ho ahy ty fanahy maloto, sady fialofa ho ahy ty voro maloto noho mangoritsy iaby.
\v 3 Fa ty firenea iaby ro nino ty divay ty fandaisam-bata malotony. Mpanjaka ty tany rey ro nanao fandaisam-bata maloto taminy. Mpamarotsy ty tany rey ro nanjary mpanan-kanana tamy alala ty fomba fiainany amy ty bofotsy.”
\p
\v 4 Bakeo le nahare feo hafa baka an-danitsy any zaho, mivola hozao: “Mialà aminy, oloko e, mba tsy hizarany ty fahotany aminareo ao, sady mba tsy hahazoanareo lozany rey.
\v 5 Fa nivory manahaky ty hahabo ty lanitsy fahotany rey, sady Njanahary mahatiaro asa ratiny rey.
\p
\v 6 Mamalea azy manahaky ty namalia ty hafa, sady valeo mandilatsy roe fa vitany; tamy ty kapoaky ao ze fa natsehiny, le atsiky mandilatsy roe ho azy.
\v 7 Manahaky ie nanome voninahitsy ty vatany noho niay tamy ty tsy fiafia, ameo azy ty fampijalea noho ty alahelo sahaza azy. Fa ie nivola tam-pony ao nanao hozao: ‘Nipetsaky manahaky ty mpanjaka ampela zaho. Tsy maty valy zaho, sady tsy hisaona zisiky farany.’
\v 8 Laha zay ro ho avy amy ty andro raiky areti-mandrava rey: ty fahafatesa, ty fisaona, sady ty mosary. Horoa ty afo ie, fa ty Tompo Njanahary ro mahery, sady ie ro mpitsara azy.”
\p
\v 9 Mpanjaka ty tany ze nitsangatsanga rey noho nandeha tsy am-pieretsereta niaraky taminy ro hampitany sady handohaliky anilany eo lafa hahita ty setsoky ty fahaikiny ndrozy.
\v 10 Hitsanga lavitsy ndrozy, hatahotsy ty fijaleany, hivola hozao: “Loza, loza ho ahy azy tanà bevata iny, Babylona, azy tanà mahery iny, fa amy ty lera raiky ro ho avy ty sazinareo.”
\v 11 Mpamarotsy ty tany rey ro mitany noho misaona ho azy, safe tsy nisy olo nialy varotsy ho azy sasy-
\v 12 varotsy volamena, volafoty, vato sarotsy, firavaky, sikin'aondry tena soa, voloparasy, landy, mena, karaza hazo ala rey, ty enta ivoara, ty enta iaby vita baka amy ty hazo sarotsy, saba, vy, marbra,
\v 13 kanelina, raha-manitsy, lintan-kazo, miora, hanitsy, divay, menaky, koba soa lisa, vary, biby fihary sady aondry, sovaly noho kalesa, andevo noho fanahin'olo rey.
\v 14 Ty vokatsy ze teanao amy ty herinao iaby ro hiala aminao. ty entanao sarotsy noho nipiriaky rey ro nandrava, sady tsy ho hita sasy zisiky farany.
\v 15 Ty mpamarotsy enta ze lasa mpanan-kanana rey noho ie le hiala aminy lavitsy rey noho ty fatahora ty fijaleany, hitany noho hisaona maré.
\v 16 Hivola androzy hozao: “Loza, loza ho ahy azy tanà bevata ze nisalotsy tamy ty sikin-drogony iny tena soa, voloparasy, noho mena, sady niravaha tamy ty volamena, firavaky sarotsy, sady vatosoa!
\v 17 Anay ty lera raiky ro rava hanana iaby zay. “Kapitenin-tsambo iaby rey, mandeha anabo ty tany masy iaby iny, tantsambo, noho ze iaby mipetsaky an-driaky, le hitsanga lavitsy.
\v 18 Nihoaky androzy laha vo nahita an'i setsoky ty fahaiky iny. Nivola ndrozy hozao: “Tanà ino ro manahaky ty tanà bevata?”
\v 19 Nanoraky lemboky tan-dohany eny ie, sady nihoaky maré, nitany, noho nisaona, nanao hoe: “Loza, loza ho ahy azy tanà bevata ze nisy an'i iaby nana sambo rey iny an-driaky ro avy mpanan-kanana bala amy ty hananany. Fa anay ty lera raiky ro simba zay.”
\p
\v 20 “Mifalea aminy, lanitsy, nareo mpino, apostoly, sady olo to-resaky, fa Njanahary nanday ty fitsaranareo taminy!”
\p
\v 21 Anjely mahery raiky nangalaky vata manahaky ty vato bevata sady nanoraky zay tan-driaky any, sady nivola hozao: “amy fomba zay, Babylona, azy tanà bevata iny, harobaky arahy heriloha, sady tsy ho hita sasy.
\v 22 Azy feo nanovy lokanga rey, mpititiky mozika, mpitsoky sodina, noho trompetra ro tsy ho re aminao ao sasy. Mpanao asa-tana isan-karazany rey le tsy hita aminao ao sasy. Tsy hisy feo ty vato fikoseham-bary ho re sasy aminao eo.
\v 23 Ty fahazava ty jiro, ro tsy hipiriaky aminao ao sasy. Feo ty mampiakatsy rey noho ampiakary ro tsy ho re aminao ao sasy, fa ty mpamarom-bata ro andria ty tany, sady firenea rey ro voafitaky tamy ty famorehanareo.
\v 24 Taminy ao ro nahita ty lio azy to-resaky iny, noho mpino rey, sady ty lio iaby ze voavono tan-tany teto rey.”
\c 19
\cl Toko 19
\p
\v 1 Tafara raha rey ro nahare ze mahahaky ty feo maré ty olo lako lako hisaky tan-danitsy any zaho nanao hozao: “Aleloia. Ty famonjea, ty voninahitsy, sady ty hery ro an-Janahary, sady ty hery ro an-Janaharintsika.
\q1
\v 2 Fitsaràny rey ro marina noho mahity, fa nitsara ty mpivarom-bata bevata ze nanaratsy ty tany tamy ty herilohany ie. Namaly faty ty lio mpiasany rey, ze nalatsany ie.”
\v 3 Nivola fanindroeny ndrozy hozao: “Aleloia! Ty setsoky ro miakatsy baka aminy zisiky farany maré.”
\q1
\v 4 Olo-bey ropolo efatsy amby rey noho raha-manan'ay efatsy rey ro nandohaliky sady nanompo an-Janahary ze nipetsaky tamy ty seza fipetsaha eo. Hoasa ndrozy: “Ameny. Aleloia!”
\v 5 Le nisy feo niboaky baka amy ty seza fipetsaha ao, nanao hozao: “Tompò Njanaharintsika, nareo iqby mpiasany, nareo ze matahotsy Azy, ndra tsy manan-danja ndra ty mahery.”
\v 6 Le nahare ze manahaky ty feo ty olo lako hisa, manahaky ty firaondrao ty rano lako, noho manahaky ty filavoa ty hotsoky maré zaho, nanao hozao: “Aleloia! Fa manjaka ty Tompo, Njanahary ze manapaky amy ty iaby.
\q1
\v 7 Engao tsika noho ho falifaly sady hanome voninahitsy Azy safe niavy ty fangalam-baly ty Anak'aondry, sady ty alàny fa niomana.
\q1
\v 8 Namea alala hisalotsy salotsy rongony mipiriaky noho malio ie” (fa ty salotsy rongony ro asa marina olo-masy rey).
\p
\v 9 Azy anjely iny nivola tamiko hozao: “Sorato zao: Sambatsy ze nanambarà tamy fety fangalam-baly ty Anak'aondry iny. Nivola tamiko koa ie hozao: “Rey ro safa marin-Janahary.”
\v 10 Nandohaliky tamy ty tombony eo mba hanompo azy zaho, fa hoy ie famiko: “Ka manao zao! Zaho ro mpiara-manompo aminao noho rahalahinao ze mitandraky ty fitsangana vavolombelo rey mikasiky an'i Jesosy. Manompoa an-Janahary, fa ty fitsanga vavolombelo mikasiky an'i Jesosy ro ty fanahy ty fananova ty safa-to.”
\p
\v 11 Le nahita ty lanitsy mivoha zaho sady nanenty ka le nisy sovaly foty. Azy mpiondra iny zay ro nikaiky hoe mahatoky noho marina. Amy ty fahamarina ro hitsarany noho hialiany.
\v 12 Masony rey ro hanahaky ty lelan'afo afo, sady amy ty lohany eo misy satso-boninahitsy lako. Mana anara voasoratsy aminy eo ze tsy misy mahay hafa-tsy ie avao ie.
\v 13 Misalotsy salotsy lava ze najobo tamy ty lio ie, sady anarany ro nikaiky hoe ty Safan-Janahary.
\v 14 Tafiky ty lanitsy rey ro nanoriky azy tamy ty sovaly foty, misalotsy salotsy rongony, foty noho malio.
\v 15 Baka amy ty vavany ao ro miboaky ty meso-bey maranitsy ze amy zay ro hamangoany firenea rey, sady hanapaky androzy amy ty tehy vy ie. Manitsaky amy ty famiaza ao ty halaginy ty helokin-Janahary Tsitoha ie.
\v 16 Mana anara voasoratsy amy ty salotsy lavany eo amy ty feny eo ie hozao: “Mpanjaka ty mpanjaka rey noho Tompo ty tompo rey.”
\p
\v 17 Nahita anjely nitanga tamy ty masoandro eo zaho. Nikaiky tamy ty feo mahery voro mitilily anabo iaby ie rey hozao: “Avia, mivory ho ahy ty fety bein-Janahary.
\v 18 Avia hihina ty nofo mpanjaka rey, ty nofotsy ty mpitariky-tafiky rey, ty nofotsy ty lahilahy mahery rey, ty nofotsy ty sovaly rey noho mpiondra zay, sady ty nofotsy ty lahilahy iaby rey, ty afaky noho ty andevo, ty tsy manan-danja noho ty mahery.”
\v 19 Nahita ty bibi-li noho mpanjaka ty tany niaraky tamy ty tafikin-drozy rey ndrozy zaho. Nivory ndrozy mba hialy amy ty raiky ze niondra ty sovaly noho amy ty tafikiny.
\v 20 Voasambotsy azy bibi-li iny sady niaraky taminy ty olo to-resaky sandoky ze nanao fahaiza rey tanilany eo. Tamy fahaiza rey ro namitahany ze nandramby ty famantara ty bibi-li noho rey noho ze nanompo ty sariny. Ndrozy roe ro natoraky velo tanay farihin'afo solifara ao.
\v 21 Ty ambin-drozy ro nibonoe tamy ty meso-bey ze niboaky ty vava ty raiky ze miondra ty sovaly. Ty voro iaby nihina ty nofotsy manintsin-drozy.
\c 20
\cl Toko 20
\p
\v 1 Sady nahita anjely nijotso baka an-danitsy any zaho. Nana ty lakile ty lavaky tsy hita mosary ie, sady nana rojo vy bevata tan-tanany eny.
\v 2 Nanambotsy azy dragona iny ie, ty mameno fa ela, devoly, ndra satana, sady nifeheziny arivo tao.
\v 3 Natorany tamy ty lavaky tsy hita mosary ao ie, nihiliny zay sady nasia tampô tami y eo. Nanovy zay mba tsy hamitahany ty firenea lako sasy zisiky-mahatampitsy ty arivo tao. Afara zay, le tsy maintsy habototsy fotoa kelikely ie.
\p
\v 4 Sady nahita seza fipetsaha lako zaho. Nipetsaky tanabony eo ze namea fahefa mitsara rey. Nahita ty fanahy ze nitapahan-doha rey zaho noho ty fitsanga vavolombelo mikasiky an'i Jesosy sady noho ty safan-Janahary. Tsy niondriky tamy ty bibi-li ndra tamy ty sariny ndrozy, sady ndrozy ro nandà ty handramby ty mariky ty bibi-li tamy ty handriny eo ndra tamy ty tanany eo. Lasa velo ndraiky ndrozy, sady nanjaka niaraky tamy i Kristy tanay ty arivo tao.
\v 5 Ty amby ty maty rey ro tsy velo zisiky-mahatampitsy ty arivo tao. Zay ro fitsangana velohany.
\v 6 Sambatsy sady masy zecolo mana anjara amy ty fitsangana velohany! Anila zay eo ro tsy manan-kery ty fahafatesa faharoe. Ndrozy ro ho mpisoro an-Janahary noho Kristy sady hanjaka miaraky Aminy zisiky ty arivo tao.
\p
\v 7 Lafa tampitsy ty arivo tao, le hovaha amy ty tsano maikiny Satana ao.
\v 8 Hiboaky ie mba hamitaky ty firenea lako amy ty vzan-tany efatsy eny---Goga noho Megoga---mba handay androzy miaraky ho amy ty aly any. Ndrozy ro ho lako manahaky ty fasy ty riaky.
\v 9 Niakatsy tanabo ty tany lonaky eo ndrozy sady niodidy ty toby mpino rey, azy tanà malala iny. Nefa nisy afo nijotso baka an-danitsy any sady nandropaky androzy.
\v 10 Ty devoly, ze namitaky androzy, le natoraky tamy ty farihy afo solifara ao, toera ze hanoraha ty bibi-li noho ty olo to-resaky sandoky. Sady ho ampijalea andro noho ty haly zisiky farany le zisiky farany ndrozy.
\p
\v 11 Sady nahita seza fipetsaha foty bevata zaho noho azy nipetsaky tanabony eo. Ty tany noho ty lanitsy ro nilay ty famonjeany, nefa tsy nisy toera andehanan-drozy.
\v 12 Nahita ty maty zaho---ty bevata sady ty kelikely--- nitsanga taloha ty seza fipetsaha eo, sady nivela boky rey. Sady nisy boky raiky nivelary---Ty Boky ty Fiaina. Ty maty ro nitsara manahaky ze voasoratsy tamy boky rey, manahaky asany rey.
\v 13 Ty riaky manoka ty maty ze tanainy ao. Ty fahafatesa noho fiai-tsy hita ro nampiboaky ty maty ze tamin-drozy ao, sady ty matt ro nitsara manahaky ty raha nanoviny.
\v 14 Ty fahafatesa noho ty fia-tsy hita ro natoraky tamy ty farihy afo ao. Zay ro fahafatesa faharoe---le ty farihy afo.
\v 15 Laha nisy anara tsy hita voasoratsy amy ty Boky ty Fiaina ao, le natoraky tamy ty farihy afo ao.
\c 21
\cl Toko 21
\p
\v 1 Bakeo zaho nahita lanitsy vaovao noho taby vaovao, fa rava ty lanitsy velohany noho ty tany velihany, sady tsy nisy sasy ty riaky.
\v 2 Hitako azy tanà masy iny, Jerosalema vaovao, ze nijotso baka an-danitsy any baka amin-Janahary any, voaoma manahaky ty ampiakary ampipoze ho ahy ty valiny.
\v 3 Nahare ceo mahery baka amy ty seza fipetsaha any zaho manao hozao: “Ingo! Amy ty olo eo ro toera ty tabernakelin-Janahary, sady hiay miaraky amin-drozy ie. Ho olony ndrozy, sady Njanahary vatany hiaraky amin-drozy sady Ie ho Njanaharin-drozy.
\v 4 Hamafa ty ranomaso iaby amy ty mason-drozy Ie, sady tsy hisy fahafatesa sasy, ndra alahelo, ndra tomany, ndra faharary. Fa lasa raha taloha rey.
\p
\v 5 Azy raiky ze nipetsaky tamy ty seza fipetraha iny eo nivola hozao: “Ingo! Nanoviko vaovao ty raha iaby.” Hoy Ie: “Sorato zao safe ndreto ro mahatoky noho marina.”
\v 6 Hoy Ie tamiko hozao: “Fa vita raha rey! Zaho ro Alfa noho Omega, azy fanomboha noho fihafarà. Ze mangetaheta ro hameako ho inomy amy zao avao bala amy ty loharano ty fiaina.
\v 7 Ze mandresy ro handova raha rey, sady Zaho ro ho Njanahary, sady ie ho anako.
\v 8 Fa osa koa, tsy manam-pinoa, mampangoritsy, mpamono olo, mpaheriloha, mpanao aoly, mpiasa sampy, noho mpavandy, le amy ty farihy mirehitsy afo solifara any ro toeran-drozy. Zay ro fahafatesa faharoe.”
\p
\v 9 Namonjy ahy ty raiky tamy anjely fito rey, azy raiky ze nana lovia fito atsiky loza fito farany rey iny, sady hoy ie hozao: “Baka aty. Ho atoroko anao azy ampiakary iny, azy valy ty Anak'aondry.”
\p
\v 10 Bakeo le nandesiny tamy ty Fanahy famy ty vohitsy abo any zaho sady natorony ahy azy Jerosalema tanà masy mijotso baka an-danitsy any iny baka amin-Janahary.
\v 11 Nana ty voninahitsin-Janahary i Jerosalema, sady ty fipiriaky ro manahaky ty vato soa sarotsy, manahaky ty vato kristaly jaspy malio.
\v 12 Nana rindry abo bevata niaraky tamy ty vavahady rindry abo bevata niaraky tamy ty vavahady folo roa amby zay, niaraky tamy ty anjely folo roa amby tamy vavahady rey eo. Tamy vavahady rey eo ro voasoratsy ty anara foko folo roa amby ty anak'Israely rey.
\v 13 Nisy vavahady telo tantinana eo, vavahady telo tavaratsy eo, vavahady telo tantimo eo, sady vavahady telo tandrefa eo.
\v 14 Nana fototsy folo roa amby ty rindry azy tanà iny, sady tamy rey eo ro nisy anara folo roa amby apostoly ty Anak'aondry rey.
\p
\v 15 Azy raiky ze niresaky tamiko iny le nana fametara volotara vita tamy ty volamena mba hametara ty tanà, vavahadiny rey, sady ty rindriny.
\v 16 Miendriky efa-joro azy tanà iny; mitovy ty lavany noho ty sakany. Nanametatsy ty tanà tamy azy fametara volotara iny ie, roa arivo stadio ty halavany (mitovy ty lavany, sakany, sady hahabony).
\v 17 Nanametatsy th rindry zay koa ie, 114 hakiho raha metary ty olo (ze netatsy ty anjely avao koa).
\p
\v 18 Vita tamy ty jaspy azy rindry iny sady tamy ty volamena tsy misy fangarony, manahaky ty fitaratsy malio.
\v 19 Ty fototsy azy rindrg iny ro voaravaky tamy ty karaza vato sarotsy iaby rey. Ty velohany ro jaspy, ty faharoe safira, ty faha telo kalkedona, ty fahaefatsy emeralda,
\v 20 ty faha limy sardoniksa, ty faha eny karneola, ty faha fito krysolita, ty faha valo beryla, ty faha sivy topaza, ty faha folo krysopraso, ty faha folo raiky amby jacinta, ty faha folo roa amby ametysta.
\v 21 Ty vavahady folo roa amby ro vato soa folo roa amby; ty kirai-draiky amy vavahady rey ro vita tamy ty vato soa raiky. Lalam-bey tan-tanà eo ro volamena tsy misy fangarony, manahaky ty fitaratsy mangarahara.
\p
\v 22 Tsy nahita egilizytamy ty tanà ao zaho, safe Tompo Njanahary Tsitoha noho ty Anak'aondry ro egilizy.
\v 23 Ty tanà ro tsy nila masoandro ndra velo mba hipiriaky amy zay safe ty voninahitsin-Janahary ro nipiriaky tamy ty zay, sady ty Anak'aondry ro nitsanga zay.
\v 24 Handeha amy ty fahazava tanà zay firenea rey. Mpanjaka ty tany rey ro handay ty hasoan-drozy ho amy zay ao. 
\f + \ft Fanamariha: Ty taratasy lako taloha ilany ro mivaky hozao: “Firenea ze voasarombaky rey ro handeha amy ty fahazava tanà zay.” \f*
\v 25 Tsy hihily vavahady rey zay anay ty andro, sady tsy hisy haly any.
\v 26 Handay ty hasoa noho ty haja firenea amy zay ao ndrozy rey,
\v 27 sady tsy hisy maloto hilitsy amy zay ao mihintsy. Tsy hisy ndra ia ndra ia hanao raha mahamenatsy ndra mamitaky hilitsy ao, fa voasoratsy anara amy ty Boky ty Anak'aondry ty fiaina ao avao.
\c 22
\cl Toko 22
\p
\v 1 Sady natoro azy anjely iny ahy renirano ty rano ty fiaina iny, malio manahaky ty Kristaly. Zay ro mirotsaky baka amy ty seza fipetsahan-Janahary any noho ty Anak'aondry
\v 2 mamakivaky anivo ty lala ty tanà eo. Sady ty andaniny roe amy ty renirano ro samby misy azy hazo ty fiaina iny, mamoa karaza voa folo roa amby, sady zay ro mamoa ty voany isam-bola. Ty ravy hazo zay ro nanovy hanafaky ty firenea iaby.
\v 3 Ka tsy hisy sasy ty voahozo. Ty seza fipetsahan-Janahary noho ty Anak'aondry ro ho amy ty tanà ao, sady mpiasany rey ro hanompo Azy.
\v 4 Hahita ty Endrikiny ndrozy, sady ty Anarany ro ho amy ty handrin-drozy eo.
\v 5 Ka le tsy hila aly sasy; ndrozy ro tsy mila fahazava ty Jiro ndra ty masoandro sasy safe ty Tompo Njanahary ro hazava amin-drozy eo. Sady hanjaka zisiky farany bibike ndrozy.
\p
\v 6 Hoy azy anjely iny tamiko: “Safa rey ro azo atokisa noho marina. Ty tompo, azy Njanahary fanahy ty olo to-resaky rey iny, ro nandefa ty anjeliny mba hampitoroa ze raha tsy maintsy hiseho tsy ho ela amy mpiasany.”
\v 7 Ingo! Fa marine ty fiaviako! Sambatsy ze manenky ty safa ty olo to-resaky amy boky toy rey.”
\p
\v 8 Zaho, Jaona, azy raiky ze nahare noho nahita raha rey. Lafa nahare noho nahita zay zaho, le niondriky tamy ty tomboky azy anjely iny eo ty vatako mba hanompo azy, azy anjely ze nampitoro ahy raha rey iny.
\v 9 Hoy ie tamiko: “Ka manao zay! Fa mpiasa namanao miaraky aminao zaho, miaraky amy olo to-resaky rahalahinao, sady miaraky amy ze mankàto rey safa boky toy. Manompoa an-Janahary!”
\v 10 Hoy ie Tamiko: “Ka asia tampô safa ty olo to-resaky rey amy ty boky toy, fa marine ty fotoa.
\v 11 Ze manao ty tsy marina, engao ie hanohy ty tsay fahamarina. Ze maloto fiay, engao ie hanohy ty fiainy, engao ie hanohy ty fiainy maloto. Ze marina, engao ie hanohy ty fananova ty marina. Ze masy, engao ie hanohy ty fahamasina.”
\p
\v 12 “Ingo! Fa marine ty fiaviako. Ty valisoako ro miaraky amiko, mba hamaleako ty kirai-draiky manahaky ty raha-vitany.
\v 13 Zaho ro Alfa noho Omega, ty velohany noho ty farany, ty fanomboha noho ty fihafarà.
\v 14 Sambatsy ze manasa ty sikin-drozy rey mba hahazo alala mihina baka amy ty hazo ty fiaina noho hilitsy amy ty tanà ao bakeo amy ty vavahady. 
\f + \ft Fanamariha: Laha tokony: “Sambatsy ze manasa ty sikin-drozy rey.” Taratasy lako hafa taloha rey ro mivaky hozao: “Sambatsy ze manao ty liliny rey.” \f*
\v 15 Fa ambaliky any alika rey, mpanao aoly rey, mpaheriloha rey, mpamono olo rey, mpiasa sampy rey, sady ze iaby tea mavandy noho mpavandy rey.
\p
\v 16 Zaho, Jesosy, ro nandefa ty anjeliko mba hanambara aminareo raha rey ho ahy ty egilizy rey. Zaho ro afaky noho tariha i Davida, azy basia mipiriaky maray iny.”
\p
\v 17 Ty Fanahy noho ty Ampiakary manao hozao: “Avia!” Enganie ze mah. are hivola hozao: “Avia!” Ndra ia ndra ia mangetaheta, engao ie hamonjy, sady ndra ia ndra ia maniry zay, engao ie hahazo amy zao avao ty rano ty fiaina.
\p
\v 18 Zaho ro manambara amy ze iaby maharé ty safa ty olo to-resaky amy boky toy: “Laha misy manampy rey, Njanahary hanampy loza ho azy ze voasoratsy amy boky toy ao.
\v 19 Laha misy mangalaky ty safa olo to-resaky amy boky toy, Njanahary ro hangalaky ty anjarany amy ty hazo ty fiaina noho ty tanà masyvze voasoratsy anay noky toy ao.” 
\f + \ft Fanamariha: Ty tsaratasy lako taloha ro mivaky hozao: “Njanahary hangalaky ty anjarany amy ty Boky ty Fiaina ao sady amy ty tanà masy ze voasoratsy amy boky toy ao.” \f*
\p
\v 20 Hoasa azy raiky ze manambara raha iny rey: “Eka! Fa mariny ty fiaviako.” Ameny! Miavia, Tompo Jesosy!
\p
\v 21 Ho amy ty olo iaby lahy ty fahasoava ty Tompo Jesosy. Ameny.