See in Reader
45 lines
4.1 KiB
Plaintext
45 lines
4.1 KiB
Plaintext
\id JUD
|
|
\ide UTF-8
|
|
\h Joda
|
|
\toc1 Joda
|
|
\toc2 Joda
|
|
\toc3 jud
|
|
\mt Joda
|
|
\c 1
|
|
\cl Toko 1
|
|
\p
|
|
\v 1 Joda, mpiasa i Jesosy Kristy raiky, rahalahy i Jakoba, ho ahy ze kaihe rey hoe, malala amin-Janahary ao azy Njanahary iny, noho voahahary ho an'i Jesosy Kristy:
|
|
\v 2 Hampitomboe ho aminareo lahy ty famalozam-po noho ty fiadana sady ty fitiava.
|
|
\p
|
|
\v 3 Malala, laha nanao ty ezaky iaby hanoratsy ho ahy nareo iny ty mikasiky ty famonjea hihantonantsika iny zaho, le nanoratsy ho ahy nareo zaho mba hanosiky anareo hialy mare ho ahy azy finoa ze fa namea andraiky avao iny ho ahy mpino rey.
|
|
\v 4 Fa ho ahy ty olo ilany nisisiky antsokosoko rey aminareo eo. Rey ro olo voamariky ho ahy ty fanasazia. Rey ro olo raty fanahy ze manivativa ty fahasoavan-Janahary ho amy ty fijejohejoa any, sady ke mandà ty Mpanjaka noho ty Tompo tokantsika, Jesosy Kristy.
|
|
\p
|
|
\v 5 Amy zao zaho le te hampahatiaro anareo_ndra le fa hainareo tanteraky sady zay_fa ty Tompo ro nanavotsy ty olo baka amy ty tany Egypta any, fa tafara zay ro naravany ze iaby tsy nino.
|
|
\v 6 Sady anjely ze tsy nitandraky ty fahefa ze napetsaky tamin-drozy rey, fa ze niala ty fipetsahan-drozy_Njanahary ro namehy androzy tamy ty fehy zisiky farany, amy ty maiky-kitsoky tanteraky ao, ho amy ty andro ty fitsara bevata.
|
|
\v 7 Manahaky an'i Sodoma noho Gomora noho tanà miodidy androzy rey, ze nanome ty vatan-drozy ho amy ty heriloha noho ty fananova fila tsy ara-boajanahary. Le nanovy ohatsy amy ze mijaly amy ty fanasazia rey amy ty afo any zisiky farany ndrozy.
|
|
\v 8 Nefa manahaky zay avao, mpanofinofy rey ro mandoto avao koa ty vatan-drozy, sady mivola raha raty manohitsy manam-boninahitsy rey.
|
|
\p
|
|
\v 9 Fa ndra le Mikaela arikanjely aza, lafa nialy tamy ty devoly noho nifamaly taminy ty amy ty faty i Mosesy, le tsy mahasaky nivola raty hanasazia azy. Fa hoy koa ie: “Hananatsy anao lahy Tompo!”
|
|
\v 10 Fa olo rey ro mivola raty ty raha iaby tsy hainy. Sady ze hainy_manahaky ty fahaiza ty biby tsy manan-tsiny_zay ro manimba androzy.
|
|
\p
|
|
\v 11 Loza ho androzy! Fa laha nandeha tamy ty tanà i Kaina ao ndrozy, sady nanoriky ty fahadisoa i Balama hahazoa tambiny. Le rava tamy ty fiharoa i Kora ao ndrozy.
|
|
\v 12 Rey ro azy olo ze rahambato tsy hita amy ty hanim-pitiavanareo ao. Mihina am-pahamenara, mamoky ty vatan-drozy avao. Ndrozy ro raho tsy misy rano, andesy ty tsioky. Hazo fararano tsy misy voany_ indroe maty, niala fotony.
|
|
\v 13 Ndrozy ro onjan-driaky mahery, mitompatompa mamorinory ty fahamenaran-drozy. Basia miriorio ndrozy, ka le voahajary ho azy ziaiky farany ty fahamaintisay ty mahiky.
|
|
\p
|
|
\v 14 Sady Enoka, azy faha fito i Adama iny, ro fa nanao resaky to mikasiky rey, nivola hozao: “Ingo! Ho avy ty Tompo miaraky amy masiny an'alin'aliny rey.
|
|
\v 15 Ho avy Ie mba hanantanteraky ty fitsara ty olo iaby. Ho avy Ie hampieky ty olo raty fanahy iaby tamy ty asa vitany tamy ty haratiam-panahiny, sady safa mahery iaby ze nivolany ty olo raty fanahy manohitsy Azy rey.”
|
|
\v 16 Rey ro mpingonongono, noho mpimenimeny, ze manoriky ty fila-ratin-drozy, Ndrozy ro mpiavotsavotsy mare, zay, noho ty tombontsoan-drozy manoka, le mahazo ty hafa.
|
|
\p
|
|
\v 17 Fa nareo, malala, tiarovo safa ze nivola apostoly i Jesosy Kristy Tompontsika fa ela rey.
|
|
\v 18 Hoasan-drozy taminareo: “Fa amy ty andro farany le hisy mpandratiraty ze hanoriky ty fila ty haratiam-panahiny.”
|
|
\v 19 Olo re ro mitariky fisaraha. Ndrozy ro olo manahaky ty nofotsy, sady tsy mana ty Fanahy
|
|
\p
|
|
\v 20 Fa nareo, malala, mipetsaha soa amy ty finoanareo masy bibiky eo, sady mivavaha amy ty Fanahy Masy.
|
|
\v 21 Mipetsaha nareo amy ty fitiavan-Janahady ao, sady andinaso ty famalozam-po i Jesosy Kristy Tompontsika ze manday anao ho amy ty fiaina ziaiky farany.
|
|
\p
|
|
\v 22 Mamaloza fo amy ze misalasala rey.
|
|
\v 23 Vonjeo sady sariho hiala amy ty afo ty olo ilany. Sady ty ilany ndraiky amalozo fo amin-tahotsy. Malaina ndra le zisiky amy ty salotsy nilotoe ty nofotsy aza.
|
|
\p
|
|
\v 24 Sady ho an'i ze miaro anareo mba tsy heloky, sady hahavy anao hitsanga anila ty voninahitsiny eo, tsy misy tsiny sady am-pifalea bevata,
|
|
\v 25 amin-Janahary toka Mpanarombakantsika tamy ty alala i Jesosy Kristy Tompontsika lahy, ty voninahitsy, ty habey, ty fahefa, ty hery, taloha ty fotoa iaby, amy zao, sady zisiky farany. Ameny.
|