See in Reader
28 lines
1.9 KiB
Plaintext
28 lines
1.9 KiB
Plaintext
\id 2JN
|
|
\ide UTF-8
|
|
\h Jaona 2
|
|
\toc1 Jaona 2
|
|
\toc2 Jaona 2
|
|
\toc3 2jn
|
|
\mt Jaona 2
|
|
\c 1
|
|
\cl Toko 1
|
|
\p
|
|
\v 1 Baka amy ty olo bey ka le zisiky amy ty ampela voatingy noho anany rey, ze teako amy ty fahamarina - sady tsy zaho avao, fa iaby ze nahay ty marina rey avao koa -
|
|
\v 2 noho ty fahamarina ze mipetsaky amintsika ao sady hanoriky amintsika zisiky farany.
|
|
\v 3 Ho amintsika lahy ty fahasoava, ty famalozam-po, ty fiadana baka amin-Janahary Ray noho baka amy i Jesosy Kristy, Anaky ty Ray, amy ty fahamarina noho fitiava.
|
|
\p
|
|
\v 4 Faly maré zaho safe nahita ty ilany amy ananao rey mandeha amy ty fahamarina, manahaky ty nandrambesantsika lily zay baka amy ty Ray.
|
|
\p
|
|
\v 5 Sady mangataky aminao zaho, ampela - tsy manahaky ty manoratsy lily vaovao aminao zaho, fa ze nananantsika zisiky amy ty velohany - ro ty tokony hifankatiavantsika samby tsika.
|
|
\v 6 Zao ro fitiava, le ty mba handehanantsika manahaky liliny rey. Zao ro lily, manahaky ty renareo zisiky amy ty velohany, le ty tokony handehananareo amy zay.
|
|
\p
|
|
\v 7 Fa lako mpamitaky rey fa lasa amy tany iaby toy any, sady ndrozy ro tsy manenky fa Jesosy Kristy ro niavy famy ty nofotsy. Zay ro mpamitaky noho antiKristy.
|
|
\v 8 Henteo ze fa vitan-tsika iaby, fa mba handrambesanareo valim-pitea atsiky.
|
|
\v 9 Ndra ia ndra ia mandeha aloha eo sady tsy mipetsaky amy ty fampianara i Kristy eo ro tsy mana an-Janahary. Azy raiky ze mipetsaky amy ty fampianara ao iny, raiky zay ro mana ty Baba noho ty anaky.
|
|
\v 10 Laha misy olo niavy aminao eo sady tsy manday fampianara zay, le ka mandramby azy ho an-tsanonao ao sady ka miarahaba azy.
|
|
\v 11 Fa ze miarahaba azy ro mivory amy ty raty anoviny.
|
|
\p
|
|
\v 12 Mana raha lako ho soraty aminareo zaho, nefa zaho tsy maniry hanoratsy zay amy ty taratasy noho ranomainty. Ndra zay aza, manantena ty ho avy aminareo any zaho sady hiresaky mivanta, mba ho tanteraky ty fifaleanareo.
|
|
\v 13 Manao veloma anao anaky ty rahavavinao voatingy rey.
|