See in Reader
91 lines
10 KiB
Plaintext
91 lines
10 KiB
Plaintext
\id 2PE
|
|
\ide UTF-8
|
|
\h Petera 2
|
|
\toc1 Petera 2
|
|
\toc2 Petera 2
|
|
\toc3 2pe
|
|
\mt Petera 2
|
|
\c 1
|
|
\cl Toko 1
|
|
\p
|
|
\v 1 Simona Petera, mpiasa noho apostoly i Jesosy Kristy, ho ahy ze nahazo ty finoa amy ty fahamarina ty Njanaharintsika ao noho Jesosy Kristy Mpamonjy.
|
|
\v 2 Hampitomboe lahy ty fahasoava noho fiadana noho ty fahaiza An-Janahary noho Jesosy Tompontsika.
|
|
\p
|
|
\v 3 Raha iaby mikasiky rey ty herin-Janahary ho ahy ty fiaina noho toe-oanahy ro namea antsika tamy ty alala ty fahaiza an-Janahary, ze nikaiky antsika tamy ty alala ty voninahiny noho ty hasoany manoka.
|
|
\v 4 Tamy ty alala rey, nameany safa fikasa soa sady bevata bibiky tsika, mba ho avy mpizara amy ty fomban-Janahary nareo, laha miala ty fahalotoa ze an-tany eto noho filàn-draty.
|
|
\p
|
|
\v 5 Laha zay, mananova ty soa bibike mba hanampea hasoa amy ty alala ty finoanareo, sady amy ty alala ty hasoanareo, ty fahaiza.
|
|
\v 6 Amy ty alala ty fahaizanareo, manamoea fahononam-po, sady amy ty alala ty fahononam-ponareo, manampea fiareta, sady amy ty alala ty fiaretanareo, manampea toe-panahy.
|
|
\v 7 Amy ty alala ty toe-panahinareo, manampea fitiava rahalahy, sady amy ty alala ty fitiava rahalahy, manampea fitiava.
|
|
\v 8 Laha aminareo ao sady mitombo aminareo ao, le tsy hamoa ndra tsy hamokatsy amy ty fahaiza an'i Jesosy Kristy Tompontsika nareo.
|
|
\v 9 Fa ndra ia ndra ia tsy ampy raha rey le tsy mahita hafa-tsy ze marina; jiky ie. Nihalinony ty fanaliova azy tamy fahotany taloha rey.
|
|
\v 10 Laha zay, rahalahy, anovo ty iaby mba hahazoa antoky ty fikaiha noho ty fitingina anare. Laha manao raha rey nareo, le tsy ho voafinga.
|
|
\v 11 Amy zay le malalaky ho ahy nareo ty filora amy ty fanjaka ao zisiky farany ze ahy ty Tompontsika noho Jesosy Kristy mpamonjy.
|
|
\p
|
|
\v 12 Laha zay le vonona avao zaho hampahatiaro anareo raha rey, ndra le hainareo aza rey, sady ndra le matanjaky amy ty marina ao aza nareo amy zao.
|
|
\v 13 Zaho mieritseritsy fa rariny amiko ty mamoha anareo amy ty fampahatiarova raha rey, laha mbo any tsano-lay toy eto zaho.
|
|
\v 14 Safe haiko fa tsy ho ela le ho alako ty tsano-laiko, manahaky ze naboaky i Jesosy Kristy Tompontsika ahy.
|
|
\v 15 Sady hanoviko ze farany vitako mba hahatiarovanareo zisiky farany raha rey lafa mandeha zaho.
|
|
\p
|
|
\v 16 Fa zahay ro tsy nanaraky angano soa pitiky ze niforony lafa niresaky taminareo ty mikasiky ty hery noho ty niboaha i Jesosy Kristy Tompontsika. Fa koa, zahay le vavolombelo nahita ty fipetsahany.
|
|
\v 17 Fa Ie ro nahary laza noho voninahitsy baka amin-Janahary Ray lafa nisy feo avy Aminy eo tamy azy voninahitsy bevata bibike iny hozao: “Toy ro Anako malalako, ze sitsako bibike.”
|
|
\v 18 Nahare feo zay baka an-danitsy any zay zahay, lafa niaraky taminy tam-bohitsy masy eny.
|
|
\v 19 Tsika ro mana safa faminania ze fa nanovy mahery toy. Tokony hiemby zay soa nareo. Zay ro manahaky ty jiro mazava anay ty haiky zisiky-piavia ty marina ao noho ty basia ty marina miboaky am-ponareo ao.
|
|
\v 20 Haizo aloha zao, fa tsy misy faminania baka amy ty famoahan-kevitsy ty olo.
|
|
\v 21 Fa tsy misy faminania baka amy ty sitsapo ty olo. Fa koa, nitarihy ty Fanahy Masy ndrozy reny mba hivola ze nitondroen-Janahary.
|
|
\c 2
|
|
\cl Toko 2
|
|
\p
|
|
\v 1 Ty olo to-resaky sandoky ro avy tamy ty olo, sady ty olo to-resaky sandoky avao koa ro ho avy ambinareo eo. Handay milamy sain-diso manorotoro androzy, say handà ty Tompo ze nivily androzy. Ndrozy ro manday fahatorotoroa malaky amin-drozy.
|
|
\v 2 Lako ro hanaraky ty fijejojejoan-drozy, sady amy ty alala reny ro hivolana-raty ty lala ty fahamarina.
|
|
\v 3 Amy ty fiarena ro hanararaotany anareo miaraky amy ty safa mamitaky. Tsy ho ela ty fanasazia an-drozy reny; tsy miroro ty fahatorotoroan-drozy reny.
|
|
\p
|
|
\v 4 Fa Njanahary tsy namalo fo anjely ze nanota rey. Fa koa nameany ho amy ty valany tany ndrozy mba ho voatandraky amy fy gadra ty fahamarina zisiky-iavia ty fitsarà.
|
|
\f + \ft Fanamariha: Ty dikan-tsafa taloha ilany ro mivaky manahaky zao: “Mba ho fehezy amy ty lavaky ao ty faike zisiky-iavia ty fitsarà.” \f*
|
|
\v 5 Sady avao koa, tsy nanenga tany iaby taloha toy Ie. Fa koa, namonjy an'i Noah, ze mpitory ty fahamarina, miaraky amy ty fito hafa, lafa nanday ty safo-drano tamy ty raty fanahy tamy ty tany iaby toy teto ie.
|
|
\v 6 Njanahary avao koa ro nanao tanà i Sodoma noho Gomora rey ho rava sady nanasazy androzy ho amy ty fahatoroa, hanahaky ty ohatsy amy hitsanga amy ty raty fanahy zay.
|
|
\v 7 Fa i Lota marina, ze nampijalea tamy ty fandaisam-bata olo tsy ara-dalà tamy ty fijejojejoa rey, le nivonjen-Janahary.
|
|
\v 8 Fa lahilahy marina zay, ze niay niaraky tamin-drozy isan'andro, le nijaly tamy ty fanahy ty fahamarinany noho ze hitany noho reny.
|
|
\v 9 Hainy ty Tompo ty fomba hamonjea olo soa fanahy amy fitsapa rey, noho ty fomba hitandraha olo tsy marina ho amy ty fanasazia amy ty andro fy fitsarà rey.
|
|
\v 10 Marina bibiky zay ho ahy ze manohy amy ty faniria raty ty nofotsy noho manao tsy misy dikany ty fahefa rey. Sahy noho mitombo safa maré ndrozy. Ndrozy ro tsy matahotsy hivola raty bey voninahitsy rey.
|
|
\v 11 Anjely rey ro mana hery noho fahefa bevata, fa ndrozy ro tsy manday fitsarà mandratiraty manohitsy androzy amy ty Tompo.
|
|
\v 12 Fa biby tsy manan-tsiny rey ro nanovy ho sambory noho toroe. Tsy hain-drozy ze rasarasan-drozy. Ho toro ndrozy.
|
|
\v 13 Handramby ty valisoa ty raha raty nanovy ndrozy. Mieritseritsy ndrozy fa ty tsy fiafia anay ty andro le fahafinareta. Ndrozy ro bey tepotepo noho tsiny. Soasoa amin-ndrozy ty asa famitahan-drozy lafa mihina miaraky aminareo.
|
|
\f + \ft Fahamarina: Dikan-tsafa ilany rey ro mivaky manahaky zao: “Soasoa amin-drozy ty asan-drozy lafa mihina miaraky aminareo amy ty hanim-pifankatea.” \f*
|
|
\v 14 Adalan'ampela mahery loha ndrozy; tsy afa-po amy ty fahota mihintsy ndrozy. Mitariky fanahy tsy mety maty ho amy ty fananova-raty ndrozy, sady mana fo voaofa amy ty faniria androzy. Anaky ty fanozona rozy reny!
|
|
\v 15 Niala tamy ty lala-mahity ndrozy. Nanjary nivio ndrozy, sady nanaraky ty lala i Balama anaky i Beora, ze tea ty tamby ty tsy fahamarina.
|
|
\f + \ft Fanamariha: Dikan-tsafa ilany rey ro mivaky manahaky zao: “Balama, anaky i Bosora.” \f*
|
|
\v 16 Fa nahazo safa mahery ie noho ty fandikan-dalà manoka. Nisy boriky moa nivola tamy ty feon'olombelo nampijano ty adala azy olo to-resaky iny.
|
|
\p
|
|
\v 17 Olo rey ro manahaky ty lohatao tsy misy ora. Manahaky ty raho andesy ty talio ndrozy. Natoka ho androzy ty haiky matevy. Mivola tsy am-pihevera ndrozy.
|
|
\v 18 Mitao ty olo amy ty alala ty filà ty nofotsy ndrozy. Ndrozy ro mitao ty olo ze miezaky milay rey ze miay amy ty fahadisoa.
|
|
\v 19 Ndrozy ro mampanantena fahafaha ho androzy, nefa ie vatany sady le andevo ty fahalotoa. Fa ty olo ro andevo ze iaby maharesy azy.
|
|
\v 20 Ndra ia ndra ia afaky amy falotoa ty tany iaby toy rey amy ty alala ty fahaiza ty Tompo noho Jesosy Kristy Mpamonjy, sady bakeo mimpoly amy fahalotoa ndraiky rey, le hanjary raty noho azy toe-draha velohany iny azy toe-draha farany iny.
|
|
\v 21 Soa vatany ho androzy ty tsy mahay ty lala ty fahamarina noho ty mahay zay ro hivaliky amy ty lily masy namea androzy.
|
|
\v 22 Marina ho androzy ohan-tsafa toy hozao: “Ty alika ro mimpoly amy ty velohany. Ty koso fa niasa mimpoly mitolo-fataky.”
|
|
\c 3
|
|
\cl Toko 3
|
|
\p
|
|
\v 1 Amy zao, malala, manoratsy ho ahy nareo taratasy faharoe toy zaho ho fahatiarova andesy hampandrisiha ty sainareo malio,
|
|
\v 2 mba hahatiarovanao safa nivolany ty olo to-resaky masy taloha any rey noho ty lily ty Tompo noho Mpamonjy antsika ze namea apostolinareo rey.
|
|
\p
|
|
\v 3 Haizo aloha zao, fa ty mpandratiraty ro ho avy amy ty andro farany. Ndrozy ro hikizaky sady handeha manahaky ty filàn-drozy manoka.
|
|
\v 4 Ndrozy ro hivola hozao: “Aia ty fampanantena ty amy ty fimpolianay? Fa zisiky amy zay nolia ty razambey miroro, le tsy niova ty raha iaby, eka fa zisiky amy ty fanomboha ty tany iaby toy aza.”
|
|
\v 5 Ndrozy ro miay manalino fa ty lanitsy noho ty tany ro nisy baka amy ty rano sady tamy ty alala ty rano, fotoa ela,
|
|
\v 6 noho ty lilin-Janahary, sady tamy ty alala raha rey, ro nandravà ty tany iaby tamy fotoa zay, tamy ty tondra-drano.
|
|
\v 7 Fa amy zao ty lanitsy noho ty tany le natoka ho ahy ty afo amy ty alala lily io avao. Ndrozy ro voatoka ho amy ty andro ty fitsara noho ty fandravà ty olo raty fanahy.
|
|
\v 8 Engao ho halinonareo, malala, fa ty ndraik'andro amy ty Tompo ro manahaky ty arivo tao, sady ty arivo tao manahaky ty ndraik'andro.
|
|
\v 9 Ty Tompo ro tsy ela amy ty fanantanteraha fampanantenany rey, manahaky ze volany ty ilany ho fahabelany. Fa koa, Ie ro ela aminareo. Tsy teany hisy ho tsobo nareo, fa mba ho avy amy ty fibebaha ty iaby.
|
|
\v 10 Ndra zay aza, ho avy manahaky ty mpangalatsy ty andro ty Tompo: Ty lanitsy ro handrava miaraky amy ty feo maré. Ty raha iaby le ho maiky ty afo, sady ty tany noho asa aminy ao rey ro hambara.
|
|
\f + \ft Fanamariha: Dikan-tsafa ilany rey ro mivaky manahaky zao: “Ty raha iaby ro maiky ty afo, sady ty tany noho asa aminy ao rey ro ho oroa iaby.” \f*
|
|
\p
|
|
\v 11 Ka laha ho rava manahaky zay raha iaby zao, le tokony ho olo manao ino nareo? Tokony hiay amy ty fahamasina noho ty fiaina manahaky ahin-Janahary nareo.
|
|
\v 12 Tokony hanantena sady handrava ty fiavia ty andron-Janahary nareo. Amy andro zay, ty lanitsy ro ho rava ty afo, sady ty raha iaby ro hilentiky amy ty hafana bey.
|
|
\v 13 Fa manahaky ty fampanantenany, ro mandiny ty lanitsy vaovao noho tany vaovao tsika, ze hipetsaha ty fahamarina.
|
|
\p
|
|
\v 14 Laha zay, malala, safe manantena raha zay nareo, mananova ty soa bibike baka aminareo any mba tsy hisy simba noho tsy hanan-tsiny anilany eo, am-piadana.
|
|
\v 15 Sady avao koa, eretsereto ty haela ty Tompontsika amy ty famonjea, manahaky ty nisoraty i Paoly rahalahy malalantsika taminareo, manahaky ty fahendrea ze namea azy.
|
|
\v 16 Paoly ro miresaky raha zay amy ty taratasy iaby ao, ze misy raha sarotsy takary. Olo tsy misy fahaiza sady tsy miory ndra manova raha reny, manahaky ty hananovany soratsy masy hafa avao koa, ka le mahavy fahatsoboa ho ahy ty vatany.
|
|
\v 17 Laha zay, malala, safe hainareo raha zay, le embeno ty vatznareo mba tsy ho voafandriky ty fitaky ty olo raty fanahy ka le ho tsobo ty fahamarinanareo.
|
|
\v 18 Fa mitombo amy ty fahasoava noho ty fahaiza ty Tompontsiky noho Jesosy Kristy Mpamonjy antsika. Ho azy lahy ty voninahitsy amy zao sady zisiky farany. Ameny!
|