skg-x-vezo_reg/61-1PE.usfm

\id 1PE
\ide UTF-8
\h Petera 1
\toc1 Petera 1
\toc2 Petera 1
\toc3 1pe
\mt Petera 1
\c 1
\cl Toko 1
\p
\v 1 Petera, apostoly i Jesosy Kristy, ho ayy ty anaky am-pieleza, ze voatingy rey, mameno an'iPonto, Galatia, Kapadokia, Asia, sady Bitynia.
\v 2 Zay ro manahaky ty hain-Janahary Ray aloha, voatoka ty Fanahy ho fanenkea noho ho fandraraha ty lio i Jesosy Kristy. Ho aminareo lahy ty fahasoava, sady hitombo lahy ty fiadananareo.
\p
\v 3 Ho tahie lahy Njanahary noho Baba i Jesosy Kristy Tompontsika. Tamy ty famalozam-pony, ro nanomezany antsika fahateta vaovao ho ahy ty fatokusa ty lova. Lova zay ro tamy ty alala ty fitsangana i Jesosy Kristy tamy maty.
\v 4 Zay le ho ahy ty lova ze tsy ho maty, tsy ho simba, sady tsy ho rava. Zay ro voatoka ho ahy nareo an-danitsy any.
\v 5 Nareo ro arova ty herin-Janahary amy ty alala ty finoa, ho ahy ty famonjea ze fa vonona hambara amy ty fotoa farany.
\v 6 Tena falifaly mikasiky zay nareo, ndra ro nareo aza ty hahatiaro malahelo amy ty olo lako samby hafa amy zao.
\v 7 Zay ro ho ahy ty fanaporofoa ty finoanareo, ze sarotsy vatany noho ty volamena ze simba, ndra le nisazý tamy ty afo aza. miboaky zay mba ho hita ty vokatsy ty finoanareo amy ty fanompoa, voninahitsy, sady haja amy ty hiboaha i Jesosy Kristy.
\v 8 Tsy nahita Azy nareo, nefa tea Azy. Tsy mahita azy nareo amy zao, nefa mino Azy sady tena faly amy ty fifalea soasoa, tsy hay volany.
\v 9 Rambesonareo amy zao ty finoanareo, le ty famonjea ty fanahianareo.
\p
\v 10 Olo to-resaky rey ro nila noho nanontany soa ty mikasiky famonjea zay, ty mikasiky ty fahasoava ze ho ahy nareo.
\v 11 Ndrozy ro nila ty hahaiza ty mikasiky ty hoe ia noho ombia ty Fanahy i Kristy amin-ddrozy ao ro nivola tamin-drozy. Zay ro nitsangana manahaky ty nivolaniny androzy aloha mikasiky ty fijalea i Kristy noho ty voninahitsy manoriky zay rey.
\v 12 Nambara tamin-drozy zay mba tsy hanompo ty vatany ndrozy, fa nareo, lafa nivola raha ze voavola rey taminareo amy zao ndrozy tamy ty alahelo ze nitory ty filazantsara taminareo tamy ty alala ty Fanahy Masy nalefa baka an-Danitsy--any raha ze tea ty anjely ho hay rey.
\p
\v 13 Laha zay hamono ty sainareo. Miareta. Mametsaha fatokisa amy ty fahasoava ze handesy aminareo eo amy ty hiboaha i Jesosy Kristy.
\v 14 Amy ty maha-anaky mpankatò, ka mampifanaraky ty vatanareo amy ty faniria ze norihinareo tamy ty mbo tsy nahay nareo.
\v 15 Fa manahaky azy raiky ze nikaiky anareo hoe masy, nareo, avao koa, engao ho masy amy ty fandaisam-batanareo iaby.
\v 16 Fa voasoratsy hozao: “Enga anie ho masy, safe masy Zaho.”
\p
\v 17 Ka laha mikaiky azy raiky ze mitsara tsy misy fanavakavaha manahaky ty asan'olo kirai-draiky iaby hozao iny: “Ray” nareo, ro handany ty fotoan'andronareo amy ty fanoroa fanaja.
\v 18 Hainareo fa tsy baka amy ty volafoty ndra volame mety mety rava ro nanavota anareo tamy ty fandaisam-bata adala ze nianaranareo tamy ty razanareo rey.
\v 19 Fa koa, navota tamy ty ljo sarotsy i Kristy nareo, ze manahaky ty anak'aondry tsy misy hanja ndra tsiny.
\v 20 Voatingy taloha ty nampitsanganaty tany iaby toy Kristy, fa amy zao le tamy fotoa farany rey ro nanambarà Azy taminareo.
\v 21 Amy ty alalany ro hinoanareo an-Janahary, ze nampitsanga azy tamy maty noho tamy nameany voninahitsy mba ho amin-Janahary ty finoa noho fatokisanareo rey.
\p
\v 22 Nanalio ty fanahinareo tamy ty fankatoava ty fahamarina nareo. Zay ro ho ahy ty fitiava ara-pilongoa maio; noho zay mifankatiava maré amy ty fo. 
\f + \ft Fanamariha: Dikan-tsafa ilany rey ro mivaky hozao: “Nanalio ty fanahinareo tamy ty fankatoava ty fahamarina tamy ty alala ty Fanahy nareo.” \f*
\v 23 Nateraky ndraiky nareo, tsy baka amy ty voa mety maty, fa baka amy ty voa tsy mety maty, amy ty alala ty safan-Janahary velo noho mipetsaky.
\v 24 Fa “ty nofotsy iaby ro manahaky ty akata, sady ty voninahitsy iaby ro manahaky ty folera. ty alata. Maiky ty akata, sady malazo ty folera,
\q
\v 25 fa ty safa ty Tompo ro mipetsaky zisiky farany.” Zay ty vaovao mahafaly ze nambara taminareo.
\c 2
\cl Toko 2
\p
\v 1 Laha zay arivo ty raty iaby, ty fahadisoam-panantena iaby, ty fihatsaram-belatsihy, ty faniria, sady ty fanendrekendreha iaby.
\v 2 Manahaky ty aja vo teraky, maniry ronono ara-panahy malio, mba hafahanareo mitombo amy ty famonjea amy ty alala zay ao,
\v 3 laha nahatsapa nareo fa soa fanahy ty Tompo.
\p
\v 4 Mamonjea azy vato velo ze naria ty olo iny, fa voatingin-Janahary ho manan-danja Aminy.
\v 5 Nareo avao koa ro manahaky vato velo ze vita voatsy ho tsano ara-panahy rey, mba ho mpisoro masy ze manome ty soro ara-panahy eken-Janahary amy ty alala i Jesosy Kristy.
\v 6 Ty Soratsy Masy ro ahita zao: “Ingo, Zahay mipetsaky amy ty Ziona vato fehizoro, voatingy noho manan-danja. Ze iaby mino azy ro tsy ho menatsy.”
\p
\v 7 Ty voninahitsy noho zay ro ho hanao ze mino. Nefa, “ty vato naria mpamboatsy tsano rey, zay ro niavy aloha ty fehizoro”-
\p
\v 8 sady, vato mampeloky noho kafiam-bato mahalavo. Neloky ndrozy, tsy nanenky ty safa, ze voatoka ho androzy avao koa.
\p
\v 9 Fa iha ro olo-voatingy, mpisoro ty mpanjaka, firenea masy, olo ho ahy ty fananan-Janahary, mba ho afaky hanambara ty hasoa asa azy raiky ze nikaiky anao baka amy ty haiky iny ao rey hana amy ty hazavany mahajilo iha ao.
\v 10 Taloha iha tsy olo, nefa amy zao iha le olon-Janahary. Tsy nandramby famalozam-po iha, fa amy zao iha nandramby famalozam-po.
\p
\v 11 Malala, mikaiha anareo manahaky ty vahiny noho mpiriorio zaho mba hifaly ty filà ty nofotsy, ze mahavy aly manohitsy ty fanahinareo.
\v 12 Tokony mana fandaisam-bata soa nareo amy Jentilisa rey eo, mba ho, laha miresaky mikasiky anareo ho nanao raha raty ndrozy, le tokony hahita asa soanareo rey noho hankalaza an-Janahafy amy ty andro ze hiavianay.
\p
\v 13 Enkeno ty fahefa ty olombelo iaby noho ty amy ty Tompo. Enkeno manahaky ty anabo bibike ty mpanjaka,
\v 14 noho governora rey avao koa, ze nalefa mba hanasazy mpanao raty rey noho hankalaza ze manao ty roa rey.
\v 15 Fa zay ro sitsapon-Janahary, amy ty fananova ty soa anareo le mampavandy ty resaky tsy malala fomba ty olo adala.
\v 16 Manahaky ty maha-olon'afaky, aza ampiasa hanahaky ty fanarona fahalemea ty fahafahanareo, fa engao hanahaky ty mpiasan-Janahary.
\v 17 Ameo voninahitsy ty olo-iaby. Tiavo ty firahalahia. Matahora an-Janahary. Ameo voninahitsy ty mpanjaka.
\p
\v 18 Mpiasa, meteza hanenky ty tomponareo amy ty fanaja iaby. Ka manenky ho mpiasa ty soa noho ho tompo soa fanahy, fa ho ahy ty raty toetsy avao koa.
\v 19 Safe maeva-tompoe zay laha misy miaritsy faharary lafa mijaly amy ty tsy rariny noho ty fanantenany an-Janahary.
\v 20 Fa hotsino ty jala laha manonta nareo sady miaritsy anay ty fanasazia anao bakeo? Fa laha nanao ty soa iha sady miaritsy anay ty fanasazia anao, le maeva-tompoe amin-Janahary zay.
\v 21 Fa noho toy ro nikaiha anao, safe Kristy avao koa ro nijaly ho ahy anao. Nanenga ohatsy ho ahy nao Ie mba hanaraha lalany rey.
\v 22 Tsy nanota Ie, ndra hoe nisy fitaky tam-bavany eo.
\q1
\v 23 Lafa nivolany raty Ie, le tsy mba bamaly raty. Lafa nijaly Ie, le tsy nandraho, fa nanome ty safany tamy azy raiky ze Mpitsara ampahamarina iny.
\q1
\v 24 vatany ro nanday fahotantsika rey tajy ty vatany ho anabo hazo eo, mba tsy hana anjara amy ty fahota sasy tsika, sady mba hiay ho ahy ty fahamarina. Tamy ty alala ty fandratsiny ro naha afaky anareo.
\v 25 Niriorio manahaky ty aondry tsobo nareo iaby, fa amy zao nareo nimpoly tamy ty mpiemby aondry noho mpiemby ty fanahinareo.
\c 3
\cl Toko 3
\p
\v 1 Amy fomba zay, Nareo ampela ro tokony hanenky ty valinareo. Anovo zay ndra ro misy lahilahy lako aza tsy manenky ty safa, sady mety ho azo ndrozy ndra tsy misy aza ty safa, amy ty alala ty fandaisam-bata ty valin-drozy.
\v 2 Fa ndrozy ro hahita ty fandaisam-bata maeva am-panaja.
\v 3 Engao zay ho tanteraky tsy miaraky amy pozy ambaliky rey: randram-bolo, rojo volamena, ndra siky malaza.
\v 4 Fa koa, engao zay ho tanteraky miaraky amy ze am-po ty olo ao, noho ty hasoa ela ty fanahy soa noho tsy ré, ze sarotsy anilan-Janahary eo.
\v 5 Fa ampela masy taloha rey ro nandravaky ty vatan-drozy manahaky zay. Nana fatokisa an-Janahary ndrozy sady nanenky ty viliny iaby.
\v 6 Manahaky fomba zay ro nanenkea i Abrahama an'i Saraha noho nikaihany azy ho tompony. Nareo ro anany amy zao laha manao ze soa noho tsy matahotsy olo nareo.
\p
\v 7 Manahaky zay avao, nareo lahilahy ro tokony miay miaraky amy ty valinareo manahaky ty fahazavan-tsay, manahaky ty enta malemy vatany, ty ampela. Tokony ameanareo voninahitsy ndrozy manahaky ty mpiara-mandova ty fanomeza ty fiaina. Anovo zay mba tsy ho voasaka ty vavakinareo.
\p
\v 8 Farany, nareo iaby, engao hiharo say, hangoraky, hifankatea manahaky ty mpirahalaky, ho tso-po, sady hanetsi-tena.
\v 9 Ka mamaly raty ty raty ndra manivativa ty mpanivativa. Mifanohitsy amy zay aza, mitahia zisiky any, fa laha zay ro nikaiha anareo, mba hahaizanareo mandova ty fitahia.
\v 10 “Azy raiky ze te hankafy ty fiaina noho te hahita andro soa ro tokony hampijano ty lelany amy ty rary noho soniny amy ty fivolana fitaky.
\q
\v 11 Engao ie hiala amy ty anovy hoe raty sady hanao ze soa. Engao ie hila fiadana noho hitaky zay.
\q
\v 12 Ty maso ty Tompo mahita ty marina, sady ty sofiny maharé fangatahan-drozy rey. Fa ty tarehy ty Tompo ro manohitsy ze manao raty rey.”
\p
\v 13 Ze azy raiky ze hamango anareo laha maniry ty hanao ty soa nareo?
\v 14 Nefa laha mijaly noho ty fahamarina nareo, le sambatsy. Ka matahotsy ze hatahoran-drozy. Ka mangorohoro.
\v 15 Fa koa, atokano manahaky ty masy am-ponareo ao azy Tompo Kristy iny. Mivonona zisiky hamaly ty olo iaby ze manontany anareo any ty antony hatokisanareo an-Janahary. Anovo amy ty halemem-panahy noho fanaja zay.
\v 16 Manàna feo ty fieretsereta malio mba ty olo ze manivativa ty fiaina soanareo amy i Kristy ao le mety menatsy safe mivola manohitsy anareo ndrozy manahaky ty hoe mpanao raty nareo.
\v 17 Soa vatany, laha Njanahary ro maniry, fa mijaly nareo amy ty fananova ty soa noho ty fananova ty raty.
\v 18 Fa nijaly noho ty fahota avao koa i Kristy. Ie ze marina ro nijaly ho antsika, ze tsy marina, mba handaisany antsika amin-Janahary eo. Nivonony tamy ty nofotsy Ie, fa nivelomy ty Fanahy.
\v 19 Tamy ty alala ty Fanahy, le nandeha ie sady nitory ho ahy ty fanahy ze an-gadra any amy zao. Tsy nanenky ndrozy lafa nandiny ty faharetan-Janahary
\v 20 tamy ty aondry i Noa, tamy ty andro ty fanangana sambofiondrana, sady Njanahary namonjy olo vitsy _ fanahy valo _ tamy ty rano.
\v 21 Zay ro famantara ty batisa ze mamonjy anareo amy zao_tsy manahaky ty fanaliova ty loto amy ty vata, fa manahaky ty kaiky ty deo ty fieretsereta ho amin-Janahary_tamy ty alala ty fitsangana i Jesosy Kristy tamy maty.
\v 22 Kristy ro an-tana ankavanan-Janahary eo. Niakatsy an-danitsy any ie. Anjely rey, manam-pahefa rey, sady ty hery ro tsy maintsy manenky Azy.
\c 4
\cl Toko 4
\p
\v 1 Laha zay, safe nijaly tamy ty nofotsy i Kristy, le anovo fialia ty vatanareo raha tsatsary zay. Fa ze raha nijaly tamy ty nofotsy ro nijano tamy ty fahota.
\v 2 Vokatsy zay, ty olo manahaky zay, anay ty fotoa susa hiainany, le tsy hiay ho ahy ty faniria ty olo sasy, fa ho ahy ty sitsapon-Janahary.
\v 3 Fa ampu ze ty fotoa fa ela nananova ze tea ty Jentilisa anovy- hafalea ty nofotsy, fijejohejoa, fimamoa, fandaisam-bata mahamenatsy, fisà-raty, sady asa ty fanompoan-tsampy mampangoritsy rey.
\v 4 Dinihin-drozy fa hafahafa safe tsy miharo amin-drozy amy fanaranam-po bey rey zay nareo, noho zay le hivola raty mikasiky anareo ndrozy.
\v 5 Hamaly ty raiky ze vonona hotsara ty velo noho ty maty ndrozy.
\v 6 Laha antony zay ro nitoria ty vaoavao mahafaly tamy maty avao koa rey, mba, ndra le nitsarà tamy ty nofotsy manahaky ty olo aza ndrozy, le hiay manahaky an-Janahary amy ty fanahy ao.
\v 7 Manariny ty fara ty raha iaby. Laha zay tonga say, sady mampoeny ty vatany amy ty eritseritsy ho ahy ty fitiavam-bavaky.
\v 8 Anabo ty raha iaby, mana fitiava atsiky ho ahy ty kirai-draiky iaby, fa ty fitiava mandrakotsy fahota lako.
\v 9 Mifampilira tsano tsy am-pitoreva.
\v 10 Fa ty kirai-draiky aminareo ro nandramby fanomezam-pahasoava, ampiasao hifanompoa zay. Mananova zay manahaky ty mpitanjaky raharaha ty fanomezam-pahasoava lako amy zao an-Janahary.
\v 11 Laha misy mivola, engao ie hanao zay manahaky ty raiky mivola ty safan-Janahary. Laha misy manompo, engao zay ho baka amy ty hery ze vatsian-Janahary. Mananova raha rey mba hameam-boninahitsy amy ty alala i Jesosy Kristy amy ty fomba iaby Njanahary. Engao ho ahy Jesosy Kristy ty voninahitsy noho hery zisiky farany maré. Ameny.
\v 12 Malala, ka rambesy ho hafahafa ty fitsapa amy ty afo ze nitsanga taminareo, manahaky ty hoe nisy raha hafahafa niseho taminareo.
\v 13 Fa koa, ndra lako aza ty hiainanareo fijalea i Kristy rey, mifalea, mba ho afaky hifaly avao koa nareo sady ho falifaly amy ty fanambara ty voninahitsiny.
\v 14 Laha nitivativa noho ty anara i Kristy nareo, le voatahy, safe ty Fanahy ty voninahitsy noho ty Fanahin-Janahary ro mipetsaky aminareo ao.
\v 15 Fa engao tsy hisy ndra ia ndra ia aminareo hijaly manahaky ty mpamono olo, mpangalatsy, mpanao raty, ndra mpiraharaha ty ahy ty hafa.
\v 16 Fa laha misy mijaly fa Kristiana, engao ie tsy ho menatsy; fa koa, engao hanome voninahitsy an-Janahary amy anara zay ie.
\v 17 Fa fotoa zao hanomboha ty fitsara miaraky amy ty longon-Janahary. Laha manomboky amintsika zay, ino ro ho vokatsy ho ahy zqe tsy manenky ty filazantsaran-Janahary rey?
\v 18 Sady laha “ty olo-marina aza ila tsy ho voasarombaky, amy ty fomba ino ro hiboaha ty olo tsy an-Janahary noho ty mpanota?”
\p
\v 19 Laha zay engao ze mijaly noho ty sitsapon-Janahary rey hiankina ty fanahin-drozy amy ty Mpamoro matoky amy ty fananovan-tsoa.
\c 5
\cl Toko 5
\p
\v 1 Mananatsy olo-bey rey aminareo zaho, zaho, ze olo-bey nama. Zaho avao koa ro vavolombelo fijalea i Kristy rey, sady avao koa mpiharo amy ty voninahitsy ze fa haboaky ao.
\v 2 Laha zay, mananatsy anareo zaho, olo-bey, andraso ty aondrin-Janahary ze aminareo eo. Oriho maso ndrozy rey, tsy amy ty faha afitsy, fa amy ty sitsaponareo, manahaky ty sitsapon-Janahary. Oriho maso ndrozy rey, tsy amy ty vola maloto, fa an-tsitsapo.
\v 3 Ka manjakazaka amy ty olo ze embenanareo. Fa koa, engao ho titaratsy ho ahy ty aondry.
\v 4 Sady lafa miboaky azy Loha ty mpiemby aondry iny ro hahazo satso-boninahitsy tsy mety simba nareo.
\p
\v 5 Manahaky zay koa, nareo tanora fanahy, manenkea ty olo-bey. Nareo iaby, ampisikino fanetsem-bata ty vatanareo sady mifanompoa. Fa Njanahary manohitsy ty mpirehareha, fa manome fahasoava ty mpanenty vata.
\p
\v 6 Laha zay manetsim-bata ambany ty tanamaherin-Janahary eo mba hanondrotany anareo amy fotoa zay.
\v 7 Apetsaho aminy ty fanahianareo eo iaby, safe Ie ro maniry anareo.
\p
\v 8 Mahonom-bata, miambena. Ty fahavalonareo, ro ty devoly, miodiky manahaky ty liona mierotsy, mila ze olo ho haniny.
\v 9 Manohera azy. Mipetsaha amy ty finoanareo. Hainareo fa fijalea zay ro mahazo ty firaisa mpino mameno ty tany iaby toy avao koa.
\v 10 Lafa baka nijaly tanay ty fotoa tsy ampy nareo, ty Njanahary ty fahasoava iaby, ze nikaiky anareo ho amy ty voninahitsy zisiky farany amy i Kristy ao, le hahatanteraky anareo, hampitsanga anareo, sady hampahery anareo.
\v 11 Ho Azy lahy ty fanjaka zisiky farany zisiky farany. Ameny
\p
\v 12 Rambesiko manahaky ty rahalahy matoky i Silasy, sady nanoratsy safka boribory ho ahy nareo tamy ty alalany zaho. Mananatsy anareo zaho sady manambara anareo fa ze nisoratiko ro fahasoava marin-Janhary. Mitsangana amy zay.
\p
\v 13 Ty ampela ze a-Babylona any, ze voatungy niaraky taminareo, manao veloma anareo. Sady koa i Marka, anakilahiko, manao veloma anareo.
\v 14 Mifanova veloma amy tyfanoroham-pitiava. Ho aminareo iaby lahy ty fiadana ze amy Kristy ao.