See in Reader
157 lines
14 KiB
Plaintext
157 lines
14 KiB
Plaintext
\id JAS
|
|
\ide UTF-8
|
|
\h Jakoba
|
|
\toc1 Jakoba
|
|
\toc2 Jakoba
|
|
\toc3 jas
|
|
\mt Jakoba
|
|
\c 1
|
|
\cl Toko 1
|
|
\p
|
|
\v 1 Jakoba, mpiasan-Janahary noho Tompo Jesosy Kristy, ho folo roa amby foko niparitaky: arahaba.
|
|
\p
|
|
\v 2 Rambeso ho fifalea iaby zay, rahalahy e, lafa azo-ndraha sambihafa nareo.
|
|
\v 3 Hainareo fa ty fitsapa ty finoanareo ro mahavy fahareta.
|
|
\v 4 Engao ty fahareta hahatanteraky ty asany, mba tena hivoatsy noho ty atsiky tanteraky nareo, ka le tsy hijaly ndra ino ndra ino.
|
|
\p
|
|
\v 5 Fa laha misy aminareo mila fahendrea, engao ie hangataky zay amin-Janahary, azy raiky ze manome an-tsitsapo noho tsy mandatsa ze iaby mangataky iny, sady ameany azy zay.
|
|
\v 6 Fa engao ie hangataky amy ty finoa, tsy misalasala amin'ino ndra ino. Fa ze misalasala ro manahaky ty onjan-driaky ze andesy ty tsioky noho mitompatompa.
|
|
\v 7 Fa olo zay ro tsy tokony hieritreritsyty handramby ndra ino ndra ino baka amy ty Tompo.
|
|
\v 8 Ty olo manahaky zay ro miroa say, misolosolo amy ty lalany iaby.
|
|
\p
|
|
\v 9 Engao ty rahalahy mijaly hanao ty fisondrota ho rengirenginy,
|
|
\v 10 fa ty olo manan-kanana amy ty famonjeany, safe ie ro hidoroboky manahaky ty voninakazo-li amy ty akata eny.
|
|
\v 11 Fa ty masoandro ro miboaky amy ty hafana mafana sady manamaiky ty akata. Ty voninkazo ro mihintsa, sady ty hasoany ro ho rava. Manahaky zay koa, ty olo manan-kanana ro halazo amy ty antsasaky ty liany eny.
|
|
\p
|
|
\v 12 Sambatsy ty olo ze miaritsy fitsapa. Safe lafa baka nandalo fitsapa ie, le handramby ty satsoboninahitsy ty fiaina, ze nampanantena tamy ze tea an-Janahary rey.
|
|
\p
|
|
\v 13 Lafa misy halam-panahy le engao ie tsy hivola hozao: “Njanahary ro nangalaky fanahy ahy,” safe Njanahary tsy azo ty raty ala fanahy, sady tsy mba mangalaky fanahy ndra ia ndra ia.
|
|
\v 14 Fa samby alam-panahy amy ty faniriany manoka ty olo kirai-draiky, ze mampiemotsy noho mandresy azy.
|
|
\v 15 Lafa baka torotoro ty faniria, le miteraky fahota zay. Sady lafa mitombo tanteraky ty ota, le miteraky fahafatesa.
|
|
\p
|
|
\v 16 Ka mety ho fitahy, rahalahy teako.
|
|
\v 17 Ty fanomeza soa iaby noho ty fanomeza avy avao iaby ro baka anabo any. Zay ro mijotso baka amy ty Baba ty fahaza. Miaraky aminy le tsy misy fiova ndra aloky noho ty fiodiha.
|
|
\v 18 Njanahary ro nitingy ty hanome fahateraha antsika amy ty safa ty fahamarina, mba ho karaza veloham-bokatsy raha iaby ze niforoniny tsika rey.
|
|
\p
|
|
\v 19 Hainareo zay, rahalahy teako e: engao ty olo iaby halaky hijanjy, tsy hivola malaky, sady tsy halaky ho meloky.
|
|
\v 20 Fa ty heloky ty olo ro tsy ahefa ty fahamarinan-Janahary.
|
|
\p
|
|
\v 21 Ka le alao ty loto iaby noho ty haratia iaby. Amim-panetse-tena ro rambeso ty safa fa napetsaky, ze afaky mamonjy ty fanahinareo.
|
|
\v 22 Engao ho mpanenky ty safa nareo fa tsy mpijanjy amy zao avao, ka le mamitaky ty vatanareo.
|
|
\v 23 Fa laha misy mpijanjy ty safa nefa tsy mpanenky, le manahzky ty olo ze maliniky ty tarehiny voajanahary anay fitaratsy ie.
|
|
\v 24 Maliniky ty vatany ie ka le mandeha bakeo sady manalino direkita ty milasiky azy.
|
|
\v 25 Fa ty olo ze maliniky soa ty lalà ty fahafaha avy avao, noho manohy manao zay, fa tsy hoe mpijanjy avao ze manalino, le ho tahie amy asa olo zay.
|
|
\p
|
|
\v 26 Laha misy midini-tena ho mpivavaky, nefa tsy mifehy ty lalany, le mamitaky ty fony ie, sady tsy misy viliny ty fivavahany.
|
|
\v 27 Ty fivavaha malio noho tsy misy vandy alohan-Janaharika eo noho ty Babantsika le zao: hanampy kamboty rey noho mpandaivata amy ty fijalean-drozy rey, sady miaro ty vata mba tsy hisy vandy baka amy tsny iaby toy.
|
|
\c 2
|
|
\cl Toko 2
|
|
\p
|
|
\v 1 Rahalahiko e, ka mitandraky ty finoa an'i Tompontsika Jesosy Kristy, Azy Tompo ty voninahitsy iny, amy ty fiangara amy ty olo ilany.
|
|
\v 2 Anovo hoe misy olo militsy amy ty fivoria ao manao peratsy volamena noho salotsy soa, sady misy lahilahy mijaly avao koa militsy manao salotsy maloto.
|
|
\v 3 Laha manenty olo misalotsy soa iny sady mivola hozao: “Azafady mipetsaha amy ty toefa soa eto,” fa hivola amy azy lahilahy mijaly iny koa hozao: “Mitsangana iha raiky,” ndra hozao: “Mipetsaha antomboko eto,”
|
|
\v 4 moa tsy mifampitsara aminareo nareo? Moa tsy nanjary mpitsara amy ty eritseritsy-raty nareo?
|
|
\v 5 Mijanjina, rahalahy teako e, tsy fa nitinginin-Janahary va ty mijaly ty tany iaby toy mba hompanan-kanana amy ty finoa noho mba ho mpandova ty fanjaka ze nampanantenany ze tea Azy rey?
|
|
\v 6 Fa nareo ro nangala-baraka ty mijaly! Moa tsy ty mpanan-kanana va ro mampijaly anareo? Moa tsy reyva mitariky anareo ho amy ty fitsarà eo?
|
|
\v 7 Moa tsy ndrozy va ro nanaraty ty anara soa ze anareo?
|
|
\v 8 Ndra zay aza, laha manantanteraky ty lalà ty mpanjaka nareo, manahaky ty Soratsy Masy hozao: “Tiavo ty namanao manahaky ty vatanao,” le manao ty soa nareo.
|
|
\v 9 Fa laha manome sitsaky ty olo ilany koa nareo, le manota, ka le voaenga heloky manahaky ty mpandika lalà,
|
|
\p
|
|
\v 10 Fa ndra ia ndra ia manenky ty lalà iaby, nefa lavo amy ty lala raiky avao, le ho meloky amy ty lalà iaby.
|
|
\v 11 Fa azy nivola hozao iny: “Ka mahereloha,” le nivola avao koa hozao: “Ka mamono olo.” Laha tsy mahereloha nareo, nefa mamono olo, le hanjary mpandika lalà.
|
|
\p
|
|
\v 12 Laha zay mivolana noho mananova manahaky ze ho tsara amy ty lalà ty fahafaha rey.
|
|
\v 13 Fa ty fitsarà ro niavy tsy misy famalozam-po amy ze tsy nanoro famalozam-po rey. Sady ty famalozam-po ro mandresy ty fitsarà.
|
|
\p
|
|
\v 14 Ino ro soa, rahalahiko e, laha mivola ty olo raiky fa manam-pinoa ie, nefa tsy asa? Afaky hamonjy azy va finoa zay?
|
|
\v 15 Anovo hoe misy rahalahy ndra anabavy raty fisikina noho tsy ampy hany isan'andro.
|
|
\v 16 Anovo hoe misy raiky aminareo mivola amin-drozy hozao: “Mandeha am-piadana, mananova mafana sady mivintsina.” Laha tsy manome androzy ty raha ilany ho ahy ty vata nareo, ino ro mahasoa zay?
|
|
\v 17 Le manahaky zay koa ty finoa, laha tsy misy asa zay, le maty.
|
|
\p
|
|
\v 18 Nefa mety misy olo mivola hozao: “Manam-pinoa iha, sady zaho manan'asa.” Atoro ahy ty finoa tsy misy asa, le hatoroko anao koa ty finoako amy ty alala ty ty asako.
|
|
\v 19 Iha ro mino fa raiky avao koa ty Njanahary; soa anovinao zay. Fa ndra demonia rey aza mino zay, ka le mangitikitiky ndrozy.
|
|
\v 20 Teanareo ho hay va, lahilahy adala, fa ty fino tsy misy asa ro tsy misy ila azy?
|
|
\f + \ft Fanamariha: Ty dikan-tsafa taloha ilany ro mamaky hozao: “Teanareo ho hay va, rahalahy adala, hoe nanino ty finoa tsy misy asa ro maty?” \f*
|
|
\v 21 Tsy tamy ty asa koa va ro nanamarina an'i Abrahama babantsika lafa nanome an'Isaka anakilahiny tamy ty alitara eo ie?
|
|
\v 22 Hitanao fa ty finoa ro niasa niaraky tamy ty asany, sady amy ty asa ro namarotsy tanteraky ty finoany.
|
|
\v 23 Le tanteraky ty Soratsy Masy ze mivola hozao: “Abrahama nino an-Janahary, ka le nisaina taminy ho fahamarina zay,” sady ie nikaihy hoe naman-Janahary.
|
|
\v 24 Hitanareo zao fa amy ty asa ro hanamariha ty olo, fa tsy amy ty finoa avao.
|
|
\v 25 Manahaky zay koa, Rahabe mpamaro-bata tsy nihamariny tamy ty asa koa va ie, nefa nandramby hiraky rey noho nandefa androzy tamy ty lala-hafa?
|
|
\p
|
|
\v 26 Fa maty ty vata laha misaraky amy ty fanahy, le hanahaky zay avao koa, ty finoa tsy misy asa ro maty.
|
|
\c 3
|
|
\cl Toko 3
|
|
\p
|
|
\v 1 Tsy olo lako ro tokony hanjary mpampianatsy, rahalahiko e. Haintsika fa handramby fitsarà maré vatany tsika.
|
|
\v 2 Fa tsika iaby ro ho laginy amy ty fomba lako. Paha misy tsy laginy amy safa rey, le lahilahy matotsy tanteraky ie, afaky mifehy ndra le ty vatany raiky iaby aza.
|
|
\v 3 Sady laha asiantsika lamboridy amabava sovaly rey eo mba hanenkean-drozy antsika, le afaky manday ty vatan-drozy raiky iaby avao koa tsika.
|
|
\v 4 Henteo avao koa fa sambo rey, ndra le bevata vatany aza rozy reny sady andesy ty tsioky-mahery, le voavily ty familia vata ke5amy ze iaby tea ty mpamory any.
|
|
\v 5 Manahaky zay koa ty lela le rantsa kelikely amy ty vata, nefa ie ro mihambo raha lako. Henteo avao koa ka le ty hakelikely ty afo ze mandoro ala bey.
|
|
\p
|
|
\v 6 Ty lela avao koa ro afo, iaby ty fahota napetsaky tamy tyrantsam-batantsika eo. Zay ro manisy handra ty vata raiky iaby sady mandoro ty lalampiay. Arehitsy ty heloky ty vatany.
|
|
\v 7 Fa ty karazam-bibi-li iaby, voro, biby milaly, sady raha-namboarian-driaky ro folaky sady nifolahy ty olombelo.
|
|
\v 8 Fa mikasiky ty lela, tsy misy olo mhavita mamolaky zay. Io ro raty tsy hay fehezy, atsiky poizy mahafaty.
|
|
\v 9 Amy io ro hanompoantsika ty Tompo noho ty Njanahary, sady amy io ro hanozonantsika olo, ze nanovy nitovy tamin-Janahary.
|
|
\v 10 Baka amy vava zay avao ro hiboaha ty fitahia noho fanozona. Rahalahiko e, tsy tokony hitsanga raha rey.
|
|
\v 11 Moa ty loharano va mampiboaky rano mamy noho mangily baka amy ty fiboahany?
|
|
\v 12 Moa ty hazo ty aviavy va, rahalahiko e, mamoa oliva? Ndra ty voloboky, mamoa aviavy? Ty rano masira koa ro tsy afaky hanome rano mamy.
|
|
\p
|
|
\v 13 Ia ro hendry noho mahay anivonareo eo? Engao olo zay hampitoro fiaina soa amy ty asany amy ty fanetsen-tena ty fahendrea.
|
|
\v 14 Fa laha mana fialona mangily nareo sady fanirian-daza am-ponareo ao, le ka mihambo ndra mavandy manohitsy ty marina.
|
|
\v 15 Zay ro tsy fahendrea ze nijotso baka anabo any. Fa koa, baka amy ty tany, ty tsy ara-panahy, ty demonia zay.
|
|
\v 16 Fa ty amy ze misy fialona noho fanirian-daza, le misy fifandrava noho fananova ty raty iaby.
|
|
\v 17 Fa ty fahendrea baka anabo any ro malio aloha, bakeo atsiky fiadana, malemy fanahy, mihevitsy ty hafa, atsiky famalozam-po noho vokatsy soa, tsy malemy, sady tsotsa.
|
|
\v 18 Ty vokatsy ty fahamarina ro voararaky am-piadana anivo ze mampilongo rey eo.
|
|
\c 4
|
|
\cl Toko 4
|
|
\p
|
|
\v 1 Baka aia ro niavya aly noho fifamalea aminareo eo rey? Moa va tsy baka amy tyfanirianareo ze mialy amy ty mpiharo anivonareo eo rey?
|
|
\v 2 Maniry nareo, nefa tsy mana. Mamono noho maniry nareo, nefa tsy afaky ty hahazo. Mialy noho mifamaly nareo. Tsy mana nareo safe tsy mangataky.
|
|
\v 3 Mangataky nareo nefa tsy mahazo safe raty fangataha, mba hafahanareo mampiasa zay ho amy ty fanirianareo.
|
|
\p
|
|
\v 4 Nareo Mpaheriloha! Moa tsy hainareo va fa ty finama amy tany iaby toy ro fandrafea manohitsy an-Janahary? Ka le ndra ia ndra ia te-ho nama tu tany iaby toy le manao ty vatany ho fahavalon-Janahary.
|
|
\v 5 Sa nareo va mieritseritsy fa ty Soratsy Masy ro mivola raha-avao hozao: “Ty Fanahy ze nanoviny niay tamintsika ao ro miavonavo maré”?
|
|
\v 6 Fa Njanahary manome fahasoava bevata bibike, laha zay le hoy ty soratsy amsy hozao: “Njanahary manohitsy ty mpirengirengy, fa manome fahasoava ty mpanetsy tena”
|
|
\p
|
|
\v 7 Ka le manenky an-Janahary. Tohero ty devoly, le hilay anareo ie.
|
|
\v 8 Manarinia an-Janahary, le hanariny anareo ie. Diovo ty tananareo, mpanota e, sady diovo ty fonareo, mpiroa say e.
|
|
\v 9 Malahelova, misaona, sady mitania! Engao ty fihehezanareo somary fitania, sady ty fifaleanareo ho fanjorota.
|
|
\v 10 Manetse-tena anila ty Tompo eo, le hanondrotsy anareo Ie.
|
|
\p
|
|
\v 11 Ka mifanaraty nareo, rahalahy e. Ty olo ze manaraty ty rahalahy ndra mitsara ty rahalahiny ro manohitsy ty ll sady mitsara ty lalà. Lafa mitsara ty lalà nareo, le tsy mpanenky ty lalà, fa mpitsara.
|
|
\v 12 Raiky avao ro manome lalà noho mitsara. Ie azy raiky afaky mamonjy noho mandrava iny. Ia moa iha, ze mitsara ty namanao?
|
|
\p
|
|
\v 13 Ka le mijanjina, nareo ze mivola hozao: “Henanikio ndra hamaray hilitsy amy tanà toy ato tsika, hijano tao raiky any, hanao varotsy, sady hangalaky tombony.”
|
|
\v 14 Ia ro mahay ze hitsanga hamaray, sady ino ty fiainanareo? Fa zavona minoaky tsy ela tsy ela nareo sady baeo le raha.
|
|
\v 15 Fa koa, tokony hivola nareo uozao: “Laha sitsaky ty Tompo, le hovelo tsika sady hanao an'i aty ndra hanao aroy.”
|
|
\v 16 Fa amy zao nareo le mirengirengy amy tetiky mieboebo rey Ty firengirengy iaby manahaky zay ro raty.
|
|
\p
|
|
\v 17 Ka le an'i ze iaby mahay manao ty soa nefa tsy manao zay, le heloky ho azy zay.
|
|
\c 5
|
|
\cl Toko 5
|
|
\p
|
|
\v 1 Avia, nareo ze manan-kanana, mitania noho midradradradrà noho fijalea avy aminareo rey.
|
|
\v 2 Ty hanananareo fa lo, sady ty fisikinareo fa lany ty kalalao.
|
|
\v 3 Ty volamenanareo noho ty volafotinareo ro fa heriky. Tyherikiny ro ho vavolombelo hahazo anareo. Handoro ty nofotsinareo manahaky ty afo zay. Nihajarinareo ty hanananareo ho amy ty andro farany rey.
|
|
\v 4 Ingo, ty karama mpiasa rey ro mitoreo _ty karama ze nitandrahanareo tsy ho ahy ze nampamokatsy ty baibonareo, sady fitoreva ty mpamboly ro fa avy an-tsofy ty Tompo ty lako any.
|
|
\v 5 Niay tamy ty hanana tan-tany eto nareo sady nanara-po tamy ty vatanareo. Natevezinareo ty fonareo ho ahy ty andro famonoa.
|
|
\v 6 Nanasazy noho nampno ty olo-marina nareo. Tsy nanohitsy anareo ie.
|
|
\p
|
|
\v 7 Ka le mahareta, rahalahy e, zisiky-iavia ty Tompo. Ingo, ty mpamboly mandiny ty vokatsy sarotsy baka amy ty tany. Mandiny amim-pahareta zay ie, zisiky-ahazoa zay ty velohany noho ty fara-ora.
|
|
\v 8 Nareo, avao koa, mahareta. atanjaho ty fonareo, safe fa mariny ty fiavia ty Tompo.
|
|
\v 9 Ka mifampitoreo, rahalahy e, mba tsy ho tsara nareo. Ingo, ty mpitsara mitsanga am-baravara eo.
|
|
\v 10 Mangalà ohatsy, rahalahy e, baka amy ty fijalea noho fahareta olo to-resaky rey, ze nivola tamy ty anara ty Tompo rey.
|
|
\v 11 Ingo, anovintsika manahaky ty sambatsy ze fa niaritsy rey. Fa renareo ty fiareta i Joba, sady hainareo ty tanjo ty Tompl, ty maha-atsiky alahelo noho famalozam-po Azy.
|
|
\p
|
|
\v 12 Fa anabo iaby, rahalahiko e, ka miay, ndra amy ty lanitsy ndra amy ty tany, ndra amy ty fiaina hafa. Fa koa, engao ty safanareo hozao: “Eka” ho “Eka” sady ty “Aha” ho “Aha,” mba tsy hilitsy amy ty fitsara nareo.
|
|
\p
|
|
\v 13 Misy olo va aminareo eo mijaly amy fy aly soratsy? Engao ie hivavaky. Misy olo faly va? Engao ie hihira fanompoa.
|
|
\v 14 Misy marary va anivonareo eo? Engao ie hikaiky ty olo-bey ty egilizy, sady engao ndrozy hivavaky ho azy. Enago ndrozy hanosotsy menaky azy amy ty anara ty Tompo.
|
|
\v 15 Ty fivavaky ty finoa ro hanafaky azy olo marary iny, sady ty Tompo hampitsanga azy. Laha nanota ie, le hanenga azy Njanahary.
|
|
\v 16 Ka le mifanenky heloky nareo, sady mifam-pivavaha, mba ho afaky nareo. Ty vavaky anovy ty olo-marina ro tena matanjaky amy ty fiasany.
|
|
\v 17 Elia ro lahilahy nitovy tamintsika avao. Nivavaky maré ie mba tsy hilatsaha ty ranon'ora, sady tsy nilatsaky tamy ty tany anay ty telo tao noho enim-bola zay.
|
|
\v 18 Bakeo nivavaky ndraiky Elia. Ty lanitsy ro nanome ranon'ora, sady ty tany namoa ty vokany.
|
|
\p
|
|
\v 19 Rahalahiko, laha misy aminareo miala amy ty fahamarina eo, sady misy raiky mampimpoly,
|
|
\v 20 le tokony ho hay olo io fa ndra ia ndra mangalaky ty mpanota raiky amy ty lala-diso le hamonjy azy amy ty fahafatesa, sady hampisaro fahota lako maré.
|