See in Reader
123 lines
11 KiB
Plaintext
123 lines
11 KiB
Plaintext
\id 2TI
|
|
\ide UTF-8
|
|
\h Timoty 2
|
|
\toc1 Timoty 2
|
|
\toc2 Timoty 2
|
|
\toc3 2ti
|
|
\mt Timoty 2
|
|
\c 1
|
|
\cl Toko 1
|
|
\p
|
|
\v 1 Paoly, apostoly i Kristy Jesosy tamy ty alala ty sitsapon-Janahary, manahaky ty fampananteana ty fiaiana ze amy i Kristy Jesosy ao,
|
|
\v 2 an'i Timoty, anaky tea: Fahasoava, fiferinesa, sady fiadana baka amin-Janahary azy Njanahary noho Kristy Jesosy Tompontsika iny.
|
|
\p
|
|
\v 3 Misaotsy an-Janahary zaho, ze tompoiko baka amy razambeko rey, miaraky amy ty feo ty fieretsereta malio, manahaky ty hahatiarovako anao san'andro amy ty fivavahako andro noho haliky.
|
|
\v 4 Manahaky ty hahatiarovako ranomasonao rey, maniry mare ty hahita anao zaho, ka le mety ho atsiky hafalea zaho.
|
|
\v 5 Nampahatiarovy tamiko ty finoanao marina, ze niay velohany tamy ty razanao ampela Loisa noho ty reninao Eonisa, sady resy lahatsy zaho zao fa miay aminao ao avao koa zay.
|
|
\p
|
|
\v 6 Zay ro dikany ampitiarovako anao mba hamoiasanao ndraiky ty fanomoezan-Janahary aminao ao amy ty alala ty fametsahako tana.
|
|
\v 7 Fa Njanahary tsy nanome fanahy ty taloha antsika, fa ty hery noho fitiava sady fifehezam-bata.
|
|
\p
|
|
\v 8 Ka le menatsy amy ty fitsangana vavolombelo mikasiky ty Tompontsika, ndra amiko, Paoly, azy gadrany iny. Fa koa, mizarà amy ty vahoria ty filazantsara manahaky ty herin-Janahary.
|
|
\v 9 Fa Njanahary ro namonjy antsika noho nikaiky antsika tamy ty kaiky masy. Nanao zay Ie, tsy noho asantsika rey, fa noho ty asa ze fa nanoviny noho ty fahasoavany. Ndra le mbo tsy niavy aloha aza ty fotoa le fa nanome antsika raha reny tamy i Kristy Jesosy ao Ie.
|
|
\v 10 Fa amy zao ty famonjean-Janahary ro nambara tamy ty alala ty fisehoa i Kristy Jesosy mpanarombaky antsika. Kristy ze nandrava ty fahafatesa sady nanday fiaina ze tsy ho tampitsy zisiky farany mba hanazava amy ty alala ty filazantsara.
|
|
\v 11 Laha zay, le voatondro ho mpitory safa zaho, ho apostoly, sady ho mpampianatsy.
|
|
\f + \ft Fahamarina: dikan-tsafa taloha ilany rey ro manampy hozao: “Ho ahy ty Jentilisa.” \f*
|
|
\v 12 Fa laha dikany zay ro nijalea amy raha reny avao koa zaho. Fa tsy menatsy zaho, safe haiko Ie azy ninoako iny. Resy lahatsy zaho zaho fa afaky mitandraky ze fa nankiniko taminy Ie zisiky ivia andro zay.
|
|
\p
|
|
\v 13 Tandraho ty ohatsy miksiky hafatsy ty finoa ze hipetsahanareo amiko rey, miaraky amy ty finoa noho fitiava ze amy i Kristy Jesosy ao.
|
|
\v 14 Ty raha soa ze nanovin-Janahary faminao, embeno amy ty alala ty Fanahy Masy zay, ze miay amintsika ao
|
|
\p
|
|
\v 15 Hainareo zay, fa ze iaby nipetsaky ta Azia any ro nivaliky tamiko. Amy fikambana io ao Fizelio noho hermozena rey ao.
|
|
\v 16 Enga anie ty Tompo hanome famalozam-po amy ty tokatsano i Onesiforo, safe namelombelo ahy san'andro ie sady ty menatsy tamy ty gadrako.
|
|
\v 17 Fa koa, lafa ta Roma any ie, le nila ahy mare, ka le hitany zaho.
|
|
\v 18 Ty Tompo lahy hampitoeo azy ka le hahitany tamalozam-po baka aminy amy andro zay. Fomba iaby nanampeany ahy ta Efesosy rey, le hainareo soa.
|
|
\c 2
|
|
\cl Toko 2
|
|
\p
|
|
\v 1 Laha zay iha, anako, mahereza amy ty fahasoava ze amy i Jesosy Kristy ao.
|
|
\v 2 Raha renareo baka amiko tanila ty vavolombelo lako eo rey, ro hankiny amy ty olo matoky ze afaky hampianatsy ty ilany koa.
|
|
\p
|
|
\v 3 Miareta raha-sarotsy miaraky amiko, manahaky ty mramila soa i Jesosy Kristy.
|
|
\v 4 Tsy misy mramila mnompo lha mbo vofandriky raharaha fiaina zao, mba hafahany mmpifaly ty bey.
|
|
\v 5 Sady, laha misy olo mifanina mnahaky ty atlety, le tsy mandramby ty satso-boninahitsy ie laha tsy mifanina amy ty alala fitsipiky rey.
|
|
\v 6 Ila ty fandrambesa azy mpamboly ze miasa mare ty anjara vokatsy velohany.
|
|
\v 7 Saintsaino ty mikasiky ze volaniko, fa ty Tompo ro hanome anareo ty fitakara amy ty raha iaby.
|
|
\v 8 Tiarovo Jesosy Kristy, baka amy ty tariha i Davida, ze natsanga tamy maty rey. Zay ro manahaky ty hafatsy ty filazantsarako,
|
|
\v 9 ze mampijaly ahy ty amy ty fameheza manahaky ty mpamono olo. Fa ty safan-Janahary ro tsy voafehy.
|
|
\v 10 Laha zay hiaretako ty raha iaby ho ahy ty voatingy, mba ho afaky handramby ty fanavota ze amy i Kristy Jesosy ao avao koa ndrozy, miaraky amy ty voninahitsy zisiky farany.
|
|
\v 11 Safa toy ro maeva-itokisa: “Laha maty niaraky taminy tsika, le ho velo hiaraky aminy avao koa.
|
|
\q
|
|
\v 12 Laha miaritsy tsika, le hanjaka hiaraky aminy avao koa. Laha mandà Azy tsika, le handà antsika avao koa Ie.
|
|
\q
|
|
\v 13 Laha tsy matoky tsika, le hahatoky avao Ie, safe tsy afaky mandà ty vatany Ie.”
|
|
\p
|
|
\v 14 Ampatiarovo androzy zisiky any raha rey. Ampiembeno anilan-Janahary eo ndrozy mba tsy hifamaly mikasiky safa rey. Laha io ro tsy misy raha ila. Laha io ro misy fahasimba ho ahy ze mijanjy rey.
|
|
\f + \ft Fanamariha: ty dikan-tsafa ilany ro mivaky hozao: “Ampiembeno anilan-Janahary eo ndrozy.” \f*
|
|
\p
|
|
\v 15 Ameo ty soa baka aminao mba hanomezanao vata ho an-Janahary manahaky azy enkeny, mpiasa ze tsy mana antony hahamenatsy, ze mampianatsy ty safa ty fahamarina amy ty tokony ho ie.
|
|
\p
|
|
\v 16 Ialao ty safa fanivativa, ze manday tsikelikely amy ty faharatiam-panahy any.
|
|
\v 17 Ty resakin-drozy ro hiparitaky manahaky ty fery mandoaky. Enivo Hymeneo rey eo noho Fileto.
|
|
\v 18 Ndrozy ro lahilahy tsy mba nahay ty marina. Mivola ndrozy fa ty fitsangana amy maty ro fa nitsanga. Simban-drozy ty finoa ty ilany.
|
|
\v 19 Ndra le zay aza, ty fototsy mahery aorin-Janahary le mitsanga. Mana soratsy toy: “Ty Tompo ro mahay ze azy rey” sady “Ze iaby manono ty anara ty Tompo ro tsy maintsy miala amy ty tsy fahamarina.”
|
|
\p
|
|
\v 20 Amy ty tsano ty mpanan-kanana ao, le tsy fipetsaha ty volamena noho volafoty rey avao ro ao. Misy avao koa fipetsaha ty hazo noho tanimanga rey. Ty ilany amin-drozy ro ho ampiasa am-boninahitsy, sady ty ilany ho amy ty fanalam-baraka.
|
|
\v 21 Laha misy olo manalio ty vatany ho afaky amy ty fanalam-baraka, le fipetsaha manan-kana ie. Ie le voatoka, ila ty Tompony, sady voaoma amy ty asa soa iaby.
|
|
\v 22 Milaisa ty filà ty tanora rey. Mananova fahamarina, finoa, fitiava, sady filongoa miaraky amy ze mikaiky ty Tompo amybty fo malio.
|
|
\p
|
|
\v 23 Fe mandàva fanintanea adala rey noho tsy misy fotony. Hainareo fa miteraky aly rey.
|
|
\v 24 Ty mpiasa ty Tompo ro tsy tokony mifamaly. Fa koa tsy maintsy malemy fanahy amy ty iaby ie, mahay mampianatsy, sady ela.
|
|
\v 25 Tsy maintsy amy ty fanalemem-panahy ao ro ampianary ze manohitsy azy. Fa vasa Njanahary mety hanome androzy fivebaha ho ahy ty fahaiza ty marina.
|
|
\v 26 Mety holy ndraiky ty fisainan-drozy sady hiala ty fandriky ty devoly, lafa baka nisambory tamy ty sitsapony.
|
|
\c 3
|
|
\cl Toko 3
|
|
\p
|
|
\v 1 Fa haiko zao: amy andro farany rey ro hisy fotoan-tsarotsy rey.
|
|
\v 2 Safe ty olo ho tea tena, tea jala, ho mpirengirengy, ho mpandoka vata, ho mpanivativa an-Janahary, tsy mamaly ray aman-dreniny, tsy misaotsy, sady tsy masy.
|
|
\v 3 Tsy hanam-pitiava ty longony rozy, mpanohitsohitsy, ho mpanendrikendry, tsy hahafehy vata, hahery loha, tsy ho tea ty soa.
|
|
\v 4 Ho mpamitaky androzy, tsy misy eritseritsy, mpanambony vata, tea fahafinareta mandilatsy noho tea an-Janahary rey.
|
|
\v 5 Hana ty toera manahaky ty an-Janahary ndrozy, nefa le mandà ty heriny. Mialà amy olo reny.
|
|
\v 6 Safe ty ilany tamy rey ro lahilahy ze militsy an-tokantsano ao sady maha tea ampela adala rey. Ampela ze tsy afaky amy ty fahota noho voatariky amy lalà samby hafa rey.
|
|
\v 7 Ampela rey ro mianatsy avao, nefa tsy ho avy amy ty fahafantara ty fahamarina mihintsy.
|
|
\v 8 Manahaky zay avao koa i Jana noho i Jambra nitsanga nanohitsy an'i Mosesy. Tamy zay le nitsanga avao koa mpampianatsy sandoky rey hanohitsy ty marina. Ndrozy ro lahilahy simba fisaina, tsy nenke tamy ty finoa.
|
|
\v 9 Fa tsy hoavy lavitsy ndrozy. Safe ty hadalany ro ho hita mazava amy ty olo iaby, manahaky ty ahy ty lahilahy rey.
|
|
\p
|
|
\v 10 Fa laha nareo koa, ro fa nanoriky ty fampianarako, ty fandaisa, ty faniria, ty finoa, ty faharetam-po, ty fitiava, ty fahareta,
|
|
\v 11 fanenjeha rey, fijalea rey, sady ze nitsanga tamiko ta Antiokia any, ta Ikonioma any sady ta Lystra any. Niaritsy fanenjeha rey zaho. Baka amy iaby rey, le namonjy ahy ty Tompo.
|
|
\v 12 Ze iaby te-hiay manahaky ty fomban-Janahary amy i Kristy Jesosy ao ro ho enjehy.
|
|
\v 13 Olo-raty rey noho mpisandoky rey ro ho amy ty raty vatany any zisiky any. Ndrozy ro hitariky olo-hafa rey ho amy ty lala-diso any. Sady ndrozy vatany ro ho voatariky amy zay.
|
|
\v 14 Fa laha nareo koa, mipetsaky amy raha ze fa nianaranareo rey ao noho ze fa ninoanareo mare hoe baka amin'ia ro fa nianaranareo.
|
|
\v 15 Hainareo fa zisiky amy ty naha aja ro fa nahay asa sarotsy masy rey nareo. Reny ro hahavita hampahendry anareo ho amy ty famonjea amy ty alala ty finoa an'i Jesosy Kristy.
|
|
\v 16 ty Soratsy Masy iaby ro baka amy ty nofin-Janahary. Zay ro tombony ho ahy ty fotom-pampianara, ho ahy ty fanondroa diso rey, ho ahy ty fanitia, sady ho ahy ty fampiofana amy ty fahamarina.
|
|
\v 17 Zay ro mba hahavy ty lahilahin-Janahary hahay soa, noho ho voaoma tanteraky amy ty asa soa iaby.
|
|
\c 4
|
|
\cl Toko 4
|
|
\p
|
|
\v 1 Zaho ro manome lily mahery toy anilan-Janahary eo noho Jesosy Kristy, ze hitsara ty velo noho ty maty, sady noho ty fiboahany noho ty fanjakany:
|
|
\v 2 Mitoria ty Safa, Mivonona ndra amy ty fotoa ndra tsy amy ty fotoa. Mananara, mivolana mare, mandrisiha, am-pahareta noho ty fampianara iaby.
|
|
\v 3 Safe ho avy ty fotoa ze tsy hazaka ty olo ty feo ty fampianara. Fa koa, ndrozy ro hitingy mpmpianatsy ho azy manahaky ty faniriany manoka rey. Rey ro hanilikiliky ty sofin-drozy.
|
|
\v 4 Hangalaky ty fijanjinan-drozy amy ty fahamarina rey, sady hiodaky ho amy angano rey any.
|
|
\v 5 Nefa nareo, eretsereto soa ty raha-iaby. Iareto ty raha-sarotsy; anovo ty asa ty evanjelista; tanteraho ty fanompoanareo.
|
|
\p
|
|
\v 6 Safe fa ho amea sahady zaho. Fa avy ty fotoa hialako.
|
|
\v 7 Zaho ro fa nahavita ty aly soa; fa nahavita ty filaisa zaho; fa nitandrahako ty finoa.
|
|
\v 8 Ty satso-boninahitsy ty fahamarina ro fa voatoka ho ahy, ze hamea ty Tompo, azy mpitsara marina iny, ho ahy amy andro zay, sady tsy ho ahy raiky avao, fa ho ahy iaby ze fa nitea ty fiboahany avao koa.
|
|
\v 9 Ameo ze soa iaby baka aminao mba hamonjea amiko atoy malaky.
|
|
\v 10 Safe i Demasy fa niala ahy. Teany ty tany iaby toy sady fa nandeha ta Tesalonika any ie. Kreska ro nana Galatia any, sady Totosy nana Dalmatia any.
|
|
\v 11 Lioka raiky avao ro miaraky amiko. Alao i Marka sady andeso miaraky aminao ie safe ilako amy ty asa ie.
|
|
\v 12 Tykiko ro nalefako ta Efesosy any.
|
|
\v 13 Azy siky ze nangako ta Troasy any iny miaraky amy ty Karpo, andeso iny lafa avy iha, sady boky rey, sandraky mifono holitsy rey.
|
|
\p
|
|
\v 14 Aleksandro azy mpambotsy saba iny ro nampibaribary asa raty lako tamiko. Ty Tompo ro hamaly azy manahaky asany rey.
|
|
\v 15 Iha avao koa ro tokony hiemby ty vatanao aminy, safe ie ro manohitsy mare safanay rey.
|
|
\p
|
|
\v 16 Tamy ty fiarovam-batako velohany, tsy nisy nanampy ahy. Nefa koa, ty olo iaby niala ahy. Enga anie mba tsy ho voaheloky amy zay ndrozy.
|
|
\v 17 Fa ty Tompo ro nitsanga tanilako eo sady nankahery ahy mba, amy ty alalako, ty fanambara ro afaky tanterahy tanteraky, sady mba afaky hahare Jentilisa iaby rey. Zaho ro avotsy tamy ty vava ty liona.
|
|
\v 18 Ty Tompo ro hanavotsy ahy amy ty asa raty iaby sady hamonjy ahy amy ty fanjakany n-danotsy ny. Ho azy lahy tyvoninahitsy zisiky farany mare. Ameny.
|
|
\p
|
|
\v 19 Anovo veloma i Prisila, i Akoila, sady longo i Onesiforosy rey.
|
|
\v 20 Erasto le nipetsaky ta Korinto ao, fa i Trofimo ro nengako fa narary a-Mileto ao.
|
|
\v 21 Ameo ze soa bibike baka aminao mba hiaviako aloha ty nintsy. Manao veloma anao i Eolobolo, sady Poda avao koa, Lino, Klaodio, sady rahalahy iaby rey.
|
|
\v 22 Hiaraky aminareo lahy ty fahasoava.
|