See in Reader
164 lines
16 KiB
Plaintext
164 lines
16 KiB
Plaintext
\id 1TI
|
|
\ide UTF-8
|
|
\h Timoty 1
|
|
\toc1 Timoty 1
|
|
\toc2 Timoty 1
|
|
\toc3 1ti
|
|
\mt Timoty 1
|
|
\c 1
|
|
\cl Toko 1
|
|
\p
|
|
\v 1 Paoly, apostoly i Kristy Jesosy manahaky ty lilin-Janahary mpamonjy antsika noho i Kristy Jesosy tokintsika,
|
|
\v 2 ho an'i Timoty, anakilahy marina amy ty finoa ao: Fahasoava, famalozam-po, sady fiadana baka amin-Janahary Baba noho Kristy Jesosy Tompontsika.
|
|
\p
|
|
\v 3 Manahaky ty nangatahiko mare ho anovinao lafa niala ta Makedonia ao zaho, mipetsaky a-Efesosy ao mba hafahanao mibeko olo ilany rey tsy hampianatsy foto-pampianara hafa
|
|
\v 4 Tsy tokony hiemby tantara noho tetiara rey tsy misy fihafarany ndrozy. Rey ro niteraky adihevitsy fa tsy manmpy ty drafitsin-Janahary, ze amy ty alala ty finoa.
|
|
\v 5 Sady ty tanjo ty lily ro fitiava baka amy ty fo maluo, baka amy ty feo ty fieretsereta soa, sady baka amy ty finoa tsy mihatsaravelatsihy.
|
|
\v 6 Ty olo ilany ro tsy nahatsatsy ty tanjony sady niala tamy raha rey ho amy ty lahateny adaladala any.
|
|
\v 7 Ndrozy ro te ho mpampiana-dalà, nefa ndrozy tsy mahazo ze volaniny noho hizingizinin-drozy.
|
|
\p
|
|
\v 8 Fa tsika ro mahay fa ty lalà ro soa laha misy raiky mampiasa azy amy ty ara-dalà.
|
|
\v 9 Tsika ro mahay zay, fa ty lalà ro tsy nanovy ho ahy ty olo-marina, fa ho ahy ty mpandika lalà noho olo miharo, ho ahy raty fanahy noho mpanota rey, sady ho ahy njanahary-diso noho tsy masy rey. Zay ro nanovy ho ahy ze mamono ty baba noho neniny rey, ho ahy mpamono olo rey,
|
|
\v 10 ho ahy ty rsty fandaisam-bata manahaky ty-nofotsy rey, ho ahy sodomita rey, ho ahy ty mpngalaky forise ty olo rey mba ho andevozy, ho ahy mpavandy rey, ho ahy ty vavolombelo tsy marina rey, sady ndra ino ndra ino hafa manohitsy ty fampianara matoky.
|
|
\v 11 Fampianara io ro mifanaraky amy ty filazantsara ty voninahitsy azy Njanahary voatahy ze nankiny tamiko iny.
|
|
\p
|
|
\v 12 Isaorako i Kristy Jesosy Tompontsika. Nampahery ahy Ie, fa nanoviny matoky zaho, sady nanondry ahy ho amy ty fanompoa Ie.
|
|
\v 13 Zaho ro mpivola raty, mpanenjiky, sady lahilahy mahery setsa. Nefa nahazo famalozam-po zaho safe tamy ty tsy dahaiza ro nananovako zay noho ty tsy finoa.
|
|
\v 14 Fa ty fahasoava ty Tompontsika ro nandrakotsy tamy ty finoa noho fitiava ze amy i Kristy Jesosy ao.
|
|
\p
|
|
\v 15 Hafatsy zao ro azo antoky noho maeva ty fanenkea iaby, fa i Kristy Jesosy ro avy tan-tany eto hamonjy mpanota rey. Zaho ro raty bibiky tamy rey.
|
|
\v 16 Fa laha dikany zay ro namaloza fo tamiko, mba amy ty alalako, ty bey bibike, i Kristy Jesosy ro nety hampitoro ty fahareta iaby. Nanao zay Ie ho ohatsy ho ahy ze maniry hatoky Azy rey ho ahy ty fiaina zisiky farany.
|
|
\p
|
|
\v 17 Sady ho ahy ty mpanjaka ty tao, tsy mety maty, tsy hita maso, ty Njanahary toka, lahy ty laza noho voninahitsy zisiky farany mare. Ameny.
|
|
\v 18 Lily zao ro ameako anao, Timoty, anako, manahaky ty hato-resaky nanovy mikasiky anao taloha rey, fa iha ro mety hialu ty aly soa,
|
|
\v 19 ty fitandraha ty finoa noho ty feo ty fieretsereta soa. Tamy ty fandava zay, misy ty nanao laka ty finoany.
|
|
\v 20 Mahahaky an'i Hymeneo noho Aleksandro, ze nameako ho an'i Satana mba ampianary androzy tsy hivola raty.
|
|
\c 2
|
|
\cl Toko 2
|
|
\p
|
|
\v 1 Velohany bibike laha zay, le mandrisiky zaho fa fangataha rey, vavaky, finoa, sady fisaora ro nanovy ho ahy ty olo iaby,
|
|
\v 2 ho ahy ty mpanjaka noho iaby amy ty fahefa rey eo, mba afahantsikamiay am-piadana noho miay milamy amy ty toe-panahy manahaky an-Janahary noho fahendrena iaby.
|
|
\v 3 Zay ro soa noho azo ekena anilan-Janahary mpamonjintsika eo.
|
|
\v 4 Iriny mba hovonje iaby ty olo iaby sady ho avy amy ty fahaiza marina.
|
|
\v 5 Fa raiky avao ro Njanahary, sady raiky avao ro mpanelanela an-Janahary noho ty olo, le azy lahilahy Kristy Jesosy iny.
|
|
\v 6 Ie nanome ty vatany ho vilim-panavota ho ahy ty oaby, manahaky ty fitsangana vavolombelo amy ty fotoa tokony ho ie.
|
|
\v 7 Fa amy tanjona zay, zaho, ty vatako, ro nanovy ho mpitory noho ho apostoly. Mivola ty marina zaho. Tsy mavandy zaho. Mpampianatsy an'i Jentilisa rey amy ty finoa noho fahamarina zaho.
|
|
\p
|
|
\v 8 Laha zay, teako ty lahilahy ndra ia ndra ia mba hovavaky noho hanondrom-bata masy tsy an-keloky ndra amy ty fifamalea.
|
|
\v 9 To zay koa, teako ty ampela mba hisalotsy siky maeva ty vatany, amy ty mahamatotsy anao noho helom-bata. Tsy tokony hanao volo mitaly, ndra volamena, ndra voangy, ndra salotsy sarotsy vily.
|
|
\v 10 Teako ndrozy hisalotsy amy ze mety ho ahy ty ampela ze mampitoro tie-panahy manahaky an-Janahary rey amy ty alala asa soa rey.
|
|
\v 11 Ty ampela ro tokony hianatsy am-pilamina sady hanenky tanteraky.
|
|
\v 12 Tsy engako hampianatsy ty ampela ndra hampihatsy fahefa amy ty lahilahy, fa hijano anay filamina ao.
|
|
\v 13 Fa adala ro niforony velohany, bakeo i Eva.
|
|
\v 14 Adama ro tsy voatingy, fa ty ampela ro voatingy tanteraky tamy ty fandikan-dalà.
|
|
\v 15 Ndra zay aza, hovonje ie amy ty alala ty fiteraha-aja, laha mitohy amy ty finoa noho fitiava sady fahamasina miaraky amy fy fahononam-bata.
|
|
\c 3
|
|
\cl Toko 3
|
|
\p
|
|
\v 1 Matokisa safa zao: Laha misy olo raiky maniry ty ho mpiantoky, le maniry asa soa ie.
|
|
\v 2 Laha zay le ty mpiantoky ro tsy maintsy tsy manan-tsiny. Tsy maintsy manambaly ampela toka ie. Ie ro tokony hahay handanjalanja, hendru, tea fi amina, tea mandramby olo. Tsy maintsy mahay mampianatsy ie.
|
|
\v 3 Tsy tokony za-dratsy amy ty divay ie, tsy mpila aly, fa koa, malemy fanahy, atsiky fiadanam-po. Ie ro tsy tokony ho tea jala.
|
|
\v 4 Tokony hitandraky soa ty tokatsanony ie, sady anany rey ro tokony hanenky azy am-panaja tanteraky.
|
|
\v 5 Fa laha tsy mahay mitandraky ty tokatsanony ie, ino ro hikarakarany ty eglizin-Janahary?
|
|
\v 6 Tsy tokony ho olo vo miova fo ie, mba tsy hirengirengy ka le ho lavo amy ty fanasazia manahaky ty devoly.
|
|
\v 7 Ie avao koa ro tsy maintsy soa laza amy olo rey ambaliky eny, mba tsy ho lova anay fanalam-baraka noho ty fandriky ty devoly.
|
|
\p
|
|
\v 8 Diakona rey, manahaky zay avao koa, le tokony haeva. Ndrozy ro tsy tokony hino divay lako mare ndra tsy mahay ino manahaky-ty hany.
|
|
\v 9 Tokony hitandraky ty fahamarina ty finoa nambara miarakg amy ty feo ty fieretsereta malio.
|
|
\v 10 Ndrozy avao koa ro tokony ho sazý aloha, bakeo le tokony hanompo safe tsy manan-tsiny ndrozy.
|
|
\v 11 Ampela rey avao koa ro tokony haeva manahaky zay. Tsy tokony ho mpanendrikendriky androzy. Tokony hahay handanjalanja sady matoky amy ty raha iaby.
|
|
\v 12 Diakona rey ro tokony hanambaly ampela toka. Tsy maintsy mitandraky soa anany rey nohl ty tokatsanony ndrozy.
|
|
\v 13 Fa ze nanompo soa rey ro handramby ty laza soa noho fahatokisa bevata amy ty finoa ho ahy ty vatan-drozy ze amy i Jesosy Kristy ao.
|
|
\p
|
|
\v 14 Manoratsy raha reto aminao zaho, sady manantena ty ho avy tsy ho ela aminao any zaho.
|
|
\v 15 Fa laha tara zaho, le manoratsy mba hahaizanareo ty fandaisam-bata amy ty tokatsanon-Janahary ao, ze egilizin-Janahary velo, azy vato fehizoro noho fipetsaha ty fahamarina iny.
|
|
\v 16 Tsy azo enkena fa ty fahamarina nambara ze manahaky an-Janahary le bevata: “Ie ro niboaky tamy ty nofotsy, nihamariny ty Fanahy, hita ty anjely, nambara tanivo firenea rey eo, ninoa ty tany iaby toy. sady nanondrotsy tam-boninahitsy.”
|
|
\c 4
|
|
\cl Toko 4
|
|
\p
|
|
\v 1 Amy zao mivola mazava soa ty Fanahy fa amy ty fotoa afara any le hiala amy ty finoa ty olo ilany sady miembena soa ty amy fanahy mpamitaky rey noho fampianara demonia rey
|
|
\v 2 amy ty fihatsarambelatsihy ty mpavandy rey. Fa voamariky amy ty vy mafana ty feo ty fieretseretan-drozy.
|
|
\v 3 Ho raràn-drozy ty manambaly noho ty mandramby hany ze niforonin-Janahary ho zara miaraky amy ty fisaora rey amy ze mino noho ze mahay ty marina rey eo.
|
|
\v 4 Fa ty raha iaby ze niforonin-Janahary ro soa. Tsy misy tsy henke ty raha nirambesin-tsika tamy fisaora.
|
|
\v 5 Fa nihamasiny tamy ty safan-Janahary noho ty vavaky zay.
|
|
\v 6 Laha apetsaky aloha rahalahy rey eo raha rey, le ho mpanompo soa i Jesosy Kristy nareo. Fa niteza tamy safa ty finoa noho tamy ty fampianara soa ze narahanareo rey nareo.
|
|
\v 7 Fa lavo ty angano tantara ty ndrarahy antitsy. Fa koa, tariho hanome voninahitsy an-Janahary ty vatanareo.
|
|
\v 8 Fa ty vata hofany ro kelikely avao ro azo ampiasa azy, nefa fampiasa amy ty raha iaby ty toetsy manahaky an-Janahary. Mitandraky ty fampanantena amy fiaina amy zao toy noho ty fiainako-ho avy.
|
|
\v 9 Hafatsy toy ro maeva-pitokisa noho maeva ty fanatseha ty fanenkea.
|
|
\v 10 Fa laha zay le hitolo noho hiasa mare tsika. Fa matoky amin-Janahary velo ao tsika, ze Mpamonjy ty olo iaby, sandraky ze mino rey.
|
|
\v 11 Ambarao noho ampoanaro raha rey.
|
|
\p
|
|
\v 12 Engao tsy hisy olo hanao tsinotsino ty fahatanora. Fa koa, engao ho ohatsy ho ahy ze mino rey, amy ty fivolana, fandaisam-bata, fitiava, finoa, sady fahaliova.
|
|
\v 13 Zisiky-iaviako, tohizo ty famakia, ty fananara, noho ty fampianara.
|
|
\v 14 Ka anovy tsinotsino ty fanomezam-pahasoava ze aminao, ze nameanao tamy ty alala ty hato-resaky, niaraky amy ty fametsan-tana ty olo-bey rey.
|
|
\v 15 Tiarovo raha reny. Meteza ho amin-drozy ao, mba hibaribary amy ty olo iaby ty fandrosoanao.
|
|
\p
|
|
\v 16 Embeno soa ty vatanao noho ty fampianarana. Tohizo taha reny. Fa laha manao manahaky zay, le ho vonjenao ty tanao noho ze minanjy anao rey.
|
|
\c 5
|
|
\cl Toko 5
|
|
\p
|
|
\v 1 Ka mamango ty lahilahy antitsy. Fa koa, anaro manahaky ty raiky ie. Anaro manahaky ty rahalahy pmaraky rey.
|
|
\v 2 Anaro mahahaky ty reny ndrarahy antitsy rey, sady somondrara manahaky ty anabavy amy ty fahaliova iaby ao rey
|
|
\p
|
|
\v 3 Manajà mpandaivata rey, tena mpandaivatna rey,
|
|
\v 4 Fa laha manan-anaky ndra zafikely ty mpandaivata raiky, le engao ndrozy aloha hahaferinay hanoro fanaja amy ty tokatsanony ao. Engao ndrozy hamaly babe raiky aman-dreniny rey, safe ankasitsahin-Janahary zay.
|
|
\v 5 Fa ty tena mpandaivata ro nenga ho raiky. mametsaky ty fitikisany amin-Janahary iel Mipetsaky zisiky amy fangataha noho vavaky andro noho haly rey any.
|
|
\v 6 Ndra zay aza, ty ampela ze miay ho ahy ty fahafinareta ro maty, ndra mbo velo aza ie.
|
|
\v 7 Torio raha zay mba tsy ananan-drozy tsiny.
|
|
\v 8 Fa laha misy olo tsy manome ho ahy ty longony mariny, sandraky ho ahy ze amy ty longony rey ao, le nandà ty finoa ie sady raty lavitsy noho ty tsy mpino.
|
|
\p
|
|
\v 9 Engao hosoraty ho mpandaivata ty ampela ze tsy latsaky ty enimpolo tao, ampela raiky ze valy ty lahilahy raiky.
|
|
\v 10 Tokony ho hay noho asa soa rey ie, ndra nikarakara aja rey, ndra avao koa nampandroso mpivahiny rey, ndra nanasa ty tomboky ty mpino rey, ndra tsy nidary ty mijaly ndra nanome-vata tamy ty asa soa iaby.
|
|
\v 11 Fa ho ahy ty mpandaivata mbo tanora rey koa, le ka manenky ty hanoratsy androzy anay lisitsa ao. Fa lafa milavo-lefo amy ty filà ty nofotsy hanohitsy an'i Kristy ao ndrozy, le te-hanambaly.
|
|
\v 12 Amy zay ndrozy le hahazo fanasazia safe namaliky ty fanomezan-tanany velohany.
|
|
\v 13 Ka le nanjary zatsy malay koa ndrozy. Mandehandeha mitety tsano. Tsy hoe nanjary malay avao ndrozy, fa nanjary mpitsiko nohp mpila aly avao koa. Mivola raha ze tsy tokony ho volaniny ndrozy.
|
|
\v 14 Laha zay le teako hanambaly ampela mbo kelikely rey, hiteraky, hikarakara tokatsano, mba tsy ahafahany mnome iraky ty fahavalo hahazo anay ho nanao raty.
|
|
\v 15 Fa ty ilany sahady hanoriky an'i Safana.
|
|
\p
|
|
\v 16 Laha misy ampela mino mana mpandaivata, engao ie hanampy androzy, mba tsy hanavesatsy ty egilizy, mba hafahany manampy tena mpandaivata marina rey.
|
|
\p
|
|
\v 17 Engao olo-bey ze manapaky soa rey mba ho rambesy haevam-boninahitsy mimpoly indroe, sandraky ze miasa miaraky amy ty safa rey noho amy ty fampianara.
|
|
\v 18 Fa hoy ty Soratsy Masy hozao: “Tsy tokony hanisy fehiny ty vava ty aomby iha laha mbo mandraraky voa ie.” sady koa: “Ty mpiasa ro maeva ty karamany.”
|
|
\p
|
|
\v 19 Ka mandramby fanasazia manohitsy ty olo-bey raiky lafa tsy misy vavolombelo roe ndra telo.
|
|
\v 20 Ahitio anila ty iaby rey eo mpanota rey mba hatahotsy ty ambiny hafa.
|
|
\p
|
|
\v 21 Mibeko anao mare zaho anilan-Janahary eo noho anila i Kristy Jesosy eo sady anjely voatingy rey, mba hitandrahanao lily tsy misy fitsaratsara rey sady mba tsy hananovanao ndra ino ndra ino mametsa-tana amin'ia ndra ia.
|
|
\p
|
|
\v 22 Ka miraiky amy ty fahota ty olo-hafa ao. Tokony hitandraky ty vatanao halio iha.
|
|
\v 23 Tokony tsy hino rano sasy iha. Fa koa, tokony handramby divay kelikely iha ho ahy ty vavony noho aretinao matetiky-mitsanga rey.
|
|
\v 24 Ty fahotan'olo ilany rey ro hay mibaribary, sady ndrozy ro mandeha aloha rey amy ty fitsara ao. Fa ty ota ilany manaraky baka afara atoy.
|
|
\v 25 Manahaky zay avao koa, misy asa soa hay mibaribary, fe ilany rey aza le tsy azo avony.
|
|
\c 6
|
|
\cl Toko 6
|
|
\p
|
|
\v 1 Engao iaby ze ambany ty zioga rey ao andevo rey mba hanao ty tompony haeva ty haja iaby. Ndrozy ro tokony hanao zay mba tsy hivolana raty ty anaran-Janahary noho ty fampianara.
|
|
\p
|
|
\v 2 Andevo ze mana tompo mino rey ro tsy tokony hanao tsinotsino androzy safe mpirahalahy aminy. Fa koa, ndrozy ro tokony hanompo zisiky any zisiky any rey. Fa tompo ze nampea tamy ty asan-drozy rey ro mpino sady tiavy. Ampianaro sady ambarao raha rey.
|
|
\p
|
|
\v 3 Diniho fa ty olo mampoanatsy amy ty fomba hafa sady tsy manenky ty fanoroantsika ara-pinoa, ze, safa i Jesosy Kristy Tompontsika. Diniho fa ndrozy ro tsy manenky ty fampianara ze manday amy ty toera any manahaky an-Janahady.
|
|
\v 4 Olo zay ro mirengirengy sady tsy mahay ndra ino ndra ino. Fa koa, ie ro adala alihevitsy rey noho fandresen-dahatsy mikasiky safa rey. Safa reny ro miteraky fialona fitivativa, ahiahy raty,
|
|
\v 5 sady ty fifandofora amy olo maloto fisaina rey eo. Miala amy ty marina ndrozy. Midiniky ie fa ty toera manahaky an-Janahary ro fomba hiavia ho mpanan-kanana.
|
|
\f + \ft Fahamarina: Ty fandika taloha ilany ro mnampy hozao: “Miala amy ty raha manahaky zay.” Fa ty fansika taloha soa bibike ro tsy manampy zay. \f*
|
|
\p
|
|
\v 6 Sady ty toera manahaky an-Janahary miaraky amy ty fahafaham-po ro tombony bevata.
|
|
\v 7 Safe tsika ro tsy nanday ndra ino ndra ino amy ty tany iaby toy. Tsy hahavita handay ndra ino ndra ino tsika.
|
|
\v 8 Fa koa, engao tsika ho afa-po amy ty hany noho ty fisikina.
|
|
\v 9 Sady ze te hanjary mpanan-kanana rey ro latsaky anay ty fakam-panahy ao, anay ty fandriky ao. Latsaky tanay ty hadala ao noho filà mampilitsy-loza lako androzy rey, sady avao koa hafa mandetiky olo amy ty faharava ao rey noho ty fandrava.
|
|
\v 10 Safe foto karazan-draty iaby rey ty fitiavan-jala. Ty olo ilany ze maniry zay ro fa voavily niala tamy ty finoa sady nitomboky ty safan-drozy tamy ty fahoria bevata.
|
|
\p
|
|
\v 11 Fa iha, lahilahin-Janahary, milay raha rey. Miezaha mila ty fahamarina, ty toera manahaky an-Janahady, ty fatokisa, ty fitiava, ry fahareta sady ty hasoam-panahy.
|
|
\v 12 Mialia ty aly soa ty finoa. Tandraho ty fiaina ziaiky farany fa ho amy zay ro nikaiha anao. Zay ro mikasiky ty nitsangananao vavolombelo ty amy ze inoanao tanila vavolombelo lako rey eo tamy ze soa.
|
|
\p
|
|
\v 13 Zaho ro manome anao lily zay alohan-Janahary eto, ze nahavy ty raha iaby ho velo, sady anila i Kristy Jesosy eo, ze nivola ty marina tanila i Pontio Pilato eo:
|
|
\v 14 Hajario soa ty lily, tsy manan-tsiny, zisiky-hisehoa ty Tompontsika Jesosy Kristy.
|
|
\v 15 Njanahary ro manoro ty fiboahany amy ty fotoa tokony ho ie_Njanahary, azy raiky ze nitahý iny, azy hery toka iny, azy Mpanjaka ze manjaka iny, sady azy Tompo ze manapaky iny.
|
|
\v 16 Ie raiky avao ro mana ty tsy fahafatesa sady mipetsaky amy ty hazava tsy azo hamonjea eo. Tsy misy olombelo mahita azy ndra afaky manenty Azy. Ho azy lahy ty voninahitsy noho ty hery zisiky farany. Ameny.
|
|
\p
|
|
\v 17 Volano ty mpanan-kanana amy ty tany iaby toy mba tsy hirengirengy, noho manantena ty hanana, ze tsy azo antoky. Fa koa, tokony hanantena an-Janahary ndrozy. Manome antsika ty hanana marina iaby Ie mba hifaleantsika.
|
|
\v 18 Volano ndrozy mba hanao ty soa, mba hanan-kanana amy ty asa soa, mba halala-tana, sady vonona hizara.
|
|
\v 19 Amy fomba zay, le hajarin-drozy ty fototsy soa ho ahy ty vatany amy ze hoa avy, ka le hitandrahany ty tena fiaina.
|
|
\p
|
|
\v 20 Timoty e, arovo ze nanome anao. Ialao ty resaky adala noho ty fandreden-dahatsy mifanohitsy mikasiky ty fikaiha diso ty amy ze anovy hoe fahaiza.
|
|
\v 21 Ty olo ilany ro manambara raha zay ka le tsy nahatiaro ty finoany ndrozy. Ho aminareo lahy ty fahasoava.
|