See in Reader
80 lines
6.9 KiB
Plaintext
80 lines
6.9 KiB
Plaintext
\id 2TH
|
|
\ide UTF-8
|
|
\h Tesaloniana 2
|
|
\toc1 Tesaloniana 2
|
|
\toc2 Tesaloniana 2
|
|
\toc3 2th
|
|
\mt Tesaloniana 2
|
|
\c 1
|
|
\cl Toko 1
|
|
\p
|
|
\v 1 Paoly, noho Silasy, sady Timoty, ho amy ty egilizy Tesaloniana rey any amin-Janahary Babantsika noho Jesosy Kristy Tompo ao.
|
|
\v 2 Ho aminareo lahy ty fahasoava noho fiadana baka amin-Janahary Babantsika noho Jesosy Kristy Tompo.
|
|
\p
|
|
\v 3 Zahay ro tokony hanome fisaora an-Janahary ho ahy nareo avao, rahalahy. Fa zay ro soa anovy, safe tena mitombo mare ty finoanareo, sady ty fitiavanareo kirai-draiky ro mitombo ho ahy ty hafa.
|
|
\v 4 Laha zay le zahay vanay ro mivola am-pirengerengea mikasiky anareo amy egilizin-Janahary rey eo. Zahay ro miresaky ty mikasiky ty faharetanareo sady ty finoanareo tamy ze iaby nanenjeha anareo. Miresaky mikasiky fahoria ze niaretanareo rey.
|
|
\p
|
|
\v 5 Zay ro fahaiza ty fitsara marin-Janahary. Ty vokatsiny ro horambesy haeva ty fanjakan-Janahary ze nijaleanareo nareo.
|
|
\v 6 Marina amin-Janahary ty hamaly fijalea ze nampijaly anareo rey,
|
|
\v 7 sady hanome fijanona ho ahy nareo ze nampijalea niaraky taminay. Hanoviny zay amy ty fesohoa i Jesosy Tompo baka an-danitsy any miaraky amy anjely ty heriny rey.
|
|
\v 8 Amy ty afo mirebareba ao ro hananovany ty valifaty amy ze tsyvmahay an-Janahary noho amy ze tsy mamaly ty filazantsoa i Jesosy Tompontsika rey.
|
|
\v 9 Ndrozy ro hijaly amy ty fanasazia ty fandrava zisiky farany lavitsy ty famonjea ty Tompo noho ty voninahitsy ty heriny.
|
|
\v 10 Hanao zay ie lafa avy amy andro zay mba hanomeza ty olony voninahitsy azy noho hitsreha iaby ze nino rey. Fa ty fitsanganay vavolombelo aminareo ro ninoa.
|
|
\p
|
|
\v 11 Laha zay le mivavaky zisiky farany ho ahy nareo avao koa zahay. Mivavaky zahay mba haeva ty ho rambesy Njanaharintsika amy ty fikaiha nareo. Mivavaky zahay mba ho tanterahiny amy ty hery ty fanirianareo ty hasoa noho ty asa ty finoa iaby.
|
|
\v 12 Mivavaky ho ahy raha rey zahay mba hameanareo voninahitsy ty anara i Jesosy Tompontsika. Mivavaky zahay mba hanomezany voninahitsy anareo, noho ty fahasoavan-Janahary noho Jesosy Kristy Tompo.
|
|
\c 2
|
|
\cl Toko 2
|
|
\p
|
|
\v 1 Amy zao ty kikasiky ty fiavia i Jesosy Kristy Tompontsika noho ty namoria antsika hiaraky aminy: manontany anareo zahay, rahalahy,
|
|
\v 2 mba tsy ho mora elengeleny ndra hihorohoro nareo, ndra amy ty fanahy, ndra amy ty hafatsy, ndra amy ty taratasy ze manahaky ty hoe ho avy aminay, noho ty vokatsy ty fiavia andro ty Tompo zay.
|
|
\v 3 Ka enga hisy olo hamitaky anareo ndra amy ty fomba ino. Fa tsy ho avy zay laha tsy afara ty fiavia ty filavoa, sady ty lahilahy mpandika lalà ro atoro, ty anaky ty fahasimba.
|
|
\f + \ft Fanamariha: ty dikan-tsafa taloha ilany ro mivaky hozao: “sady ty lahilahy mpanota ro atoro.” \f*
|
|
\v 4 Ie azy manohitsy noho manondrotsy ty vatany amy ze iaby kaihy hoe Njanahary iny ndra ze ivavaha. Vokatsy zay, le nipetsaky tamy ty Egilizin-Janahary ao ie sady mampitoro ty vatany hanahaky ty Njanahary.
|
|
\v 5 sy tiaronareo va fa tamy zaho mbo niaraky taminareo iny le fa nivola raha rey?
|
|
\p
|
|
\v 6 Amy zao hainareo ino ro mitandraky azy, mba hibohany amy ty fotoa mety raikyavao.
|
|
\v 7 Fa ty raha-tsy hita ty fandikan-dalà ro fa miasa, misy olo raiky avao misaka azy amy zao zisiky amy zao zisiky-angala azy tamy ty lala ao.
|
|
\v 8 Bakeo azy tena mpandika lalà iny ro ho atoro, ze hovonoe i Jesosy Tompo amy ty imbonay ty ampela. Ty Tompo ro handay azy amy ty tsy misy dikany amy ty lala ty fiboaha ty fiaviany.
|
|
\p
|
|
\v 9 Ty fiavia azy tena mpndika lalà iny noho ty asa ty Satana miaraky amy ty hery iaby, fahaiza rey,
|
|
\v 10 sady miaraky amy ty fitaky iaby ty amy ty tsy fahamarina. Raha rey ro ho ahy ze tsobo, safe ndrozy ro tsy nandramby ty fitiava ty fahamarina mba ahavoasarombaky androzy.
|
|
\v 11 Laha dikany zay ro mandefa asa ty fahadisoa Njanahary mba hinoan-drozy vandy.
|
|
\v 12 Vokatsy zay le hotsara iaby rozy iaby, ze tsy mino ty fahamarina rey fa koa mangalaky fahafinareta amy ty tsy fahamarina.
|
|
\p
|
|
\v 13 Fa zahay ro tokony manome fisaora an-Janahary avao ho ahy nareo, rahalahy nitiavy ty Tompo. Fa Njanahary ro nitingy anareo manahaky ty veloham-bokatsy rey ho ahy ty famonjea amy ty fahamasina ty Fanahy noho ty finoa ty fahamarina.
|
|
\f + \ft Fanamariha: ty dikan-tsafa hafa ro mivaky manahaky zao: “Fa Njanahary ro nitingy anareo zisiky amy ty velohany ho ahy ty famonjea. \f*
|
|
\v 14 Zay ro nikaihany anareo tamy ty alala ty filazantsoanay mba ahazoanareo ty voninahitsy i Jesosy Kristy Tompontsika.
|
|
\p
|
|
\v 15 Ka laha zay, rahalahy, mitsangana mare. Tandraho fahamarina ze nampianary anareo rey. Ndra tamy ty safa ndra tamy ty taratasinay.
|
|
\p
|
|
\v 16 Amy zao engao i Jesosy Kristy Tompontsika vatany, sady Njanahary Babantsika ze teantsika noho nanome antsika fankagereza zisiky farany noho ty fatokisa soa ho ahy ty ho avy amy ty alala ty fahasoava,
|
|
\v 17 hankahery sady hampipetsaky ty fonareo amy ty asa soa iaby noho ty safa.
|
|
\c 3
|
|
\cl Toko 3
|
|
\p
|
|
\v 1 Amy zao, rahalahy, mivavaha ho ahy nay, mba hotompoe noho hameam-boninahitsy ty safa ty Tompo, le manahaky zay avao koa ty aminareo.
|
|
\v 2 Mivavaha mba ho afaky amy ty raty fanahy noho olo-raty zahay, fa tsy ty iaby ro manam-pinoa.
|
|
\p
|
|
\v 3 Fa ty Tompo ro matoky, ze mampahery ory noho miemby anareo amy azy raty iny.
|
|
\v 4 Mana fatokisa amy ty Tompo mikasiky anareo zahay, mba sady hananovanareo ro hanohizanareo raha ze nibekoa anay rey nareo.
|
|
\v 5 Ty Tompo lahy hitariky ty fonareo ho amy ty fitiavan-Janahary noho ty fiareta i Kristy.
|
|
\p
|
|
\v 6 Amy zao mibeko anareo zahay, rahalahy, amy ty anara i Jesosy Kristy Tompontsika, mba hiala amy rahalahy iaby ze miay anay ty hakamoa noho tsy manahaky ty fomban-draza ze nirambesinareo taminay rey ao.
|
|
\v 7 Fa nareo vatanareo ro mahay fa mety aminareo ty mangalaky manahaky anay. Tsy niay tanivonareo manahaky anay. Tsy niay tanivonareo eo manahaky ze tsy nana fitsipiky rey zahay.
|
|
\v 8 Tsy nihina han'olo tsy naloa jala zahay. Fa koa, niasa andro noho haly tamy ty asa sarotsy noho ty raha-sarotsy zahay, mba tsy ho enta-mavesatsy ho ahy ty kirai-draiky aminareo.
|
|
\v 9 Tsy hoe noho ty tsy fanana fahefa ro nananovany zay. Fa koa, nana zay zahay mba ho fitaratsy ho ahy nareo, ka le mba hanahaky anay nareo.
|
|
\v 10 Lafa niaraky taminareo zahay, le nibeko anareo hozao: “Laha misy raiky tsy te hoasa, le tsy tokony hihina ie.”
|
|
\v 11 Fa mahare zahay fa mirabiraby tana ty ilany aminareo. Tsy miasa ndrozy fa mpitsabaky.
|
|
\p
|
|
\v 12 Amy zao olo manahaky zay rey ro bekonay noho hanarinay amy i Jesosy Kristy Tompo, mba hiasa am-pilamina noho hihina ty hanin-drozy manoka.
|
|
\p
|
|
\v 13 Fa nareo, rahalahy, ka mamono fo amy ty fananova ze marina.
|
|
\p
|
|
\v 14 Laha misy tsy manenky ty safantsika amy taratasy toy, mariho amaso ty olo eo ie sady ka mana fifandrambesa aminy, ka le mety ho menatsy ie.
|
|
\v 15 Ka rambesy ho fahavalo ie, fa anaro hanahaky ty rahalahy.
|
|
\p
|
|
\v 16 Fa azy Tompo ty fiadana lahy hanome fiadana anareo amy fotoa rey noho amy fomba iaby rey. Ho aminareo iaby lahy ty Tompo.
|
|
\v 17 Toy ro fananovako veloma, zaho Paoly, tamy ty tanako, ze fahaiza amy ty taratasy iaby. Zao ro soratsiko.
|
|
\v 18 Ty fahasoava i Jesosy Kristy Tompontsika lahy ho aminareo iaby.
|