See in Reader
130 lines
12 KiB
Plaintext
130 lines
12 KiB
Plaintext
\id 1TH
|
|
\ide UTF-8
|
|
\h Tesaloniana 1
|
|
\toc1 Tesaloniana 1
|
|
\toc2 Tesaloniana 1
|
|
\toc3 1th
|
|
\mt Tesaloniana 1
|
|
\c 1
|
|
\cl Toko 1
|
|
\p
|
|
\v 1 Paoly, Silasy, sady Timoty ho ahy ty eTesaloniana rey amin-Janahary Ray noho Jesosy Kristy Tompo ao. Ho aminareo lahy ty fahasoava noho ty fiadana.
|
|
\f + \ft Fanamariha: dikan-tsafa ilany taloha rey ro mivaky hozao: “Ho aminareo lahy ty fahasoava noho fiadana baka amin-Janahary Ray noho Jesosy Kristy Tompo.” \f*
|
|
\p
|
|
\v 2 Manome fisaora an-Janahary zisiky farany zahay ty aminareo iaby, ka le manono anareo amy ty vavaky.
|
|
\v 3 Zahay ro tsy mijano ty mahatiaro anareo anilan-Janahary Babantsika eo ty asa ty finoanareo, ty asa ty fitiavanareo, sady fatokisanareo ela ho ahy ty ho avy amy i Jesosy Kristy Tompontsika ao.
|
|
\v 4 Rahalahy tean-Janahary, hainay fa Ie ro fa nitingy anareo,
|
|
\v 5 safe ty filazantsoanay ro avy taminareo tsy tamy ty safa avao, fa tamy ty hery avao koa, tamy ty Fanahy Masy, sady ty fahatokisa bey. Mitovy amy zay, nareo avao le mahay hoe olo manahaky ty ino zahay taminareo eo noho ty aminareo.
|
|
\v 6 Nanjary nanahaky anay nohp ty Tompo nareo, tamy ty nandrambesanareo ty safa tamy ty aly sarotsy bevata noho tamy ty fifalea baka amy ty Fanahy Masy.
|
|
\v 7 Vokatsy zay, avy hohatsy ho ahy ty iaby ze mino a-Makedonia noho Akaia ao nareo.
|
|
\v 8 Fa baka aminareo ro nanenoa ty safa ty Tompo, sady tsy ta Makedonia noho Akaia ao avao. Fa koa, tamy ty toera iaby eny ro niparitaha ty finoanareo an-Janahary. Vokatsy zay, le tsy mila mivola ndra ino ndra ino tsika.
|
|
\v 9 Fa ndrozy avao ro hivola ze fandrambesa azonay taminareo eo. Ndrozy ro mivola ty fomba nitolihanareo tamin-Janahary ka le niala tamy sampy rey mba hanompo an-Janahary velo noho marina.
|
|
\v 10 Ndrozy ro nanesy fa nareo ro mandiny ty Anany baka an-danitsy any, ze nantsangany tamy maty rey. Jesosy zay, ze manafaky antsika amy ty heloky ho avy.
|
|
\c 2
|
|
\cl Toko 2
|
|
\p
|
|
\v 1 Fa ty vatanareo ro mahay, rahalahy, fa ty fiavianay taminareo eto ro tsy rava.
|
|
\v 2 Hainareo fa taloha eo ro nijaly sady nalam-baraka ta Filipy any zahay. Zahay ro baibo tamin-Janaharinay ao hivola taminareo ty filazantsoan-Janahary tanay ty fanohera bevata ao.
|
|
\v 3 Safe ty fananaranay ro tsy baka amy ty fahadisoa, ndra baka amy ty fahalotoa, ndra baka amy ty fitaky.
|
|
\v 4 Fa koa, manahaky ty nanenkenan-Janahary anay mba hatokisa amy ty filazantsoa, laha zay le mivola zahay. Mivola zahay, tsy hampifaly ty olo, fa hampifaly an-Janahary. Ie azy mahay ty fonay iny.
|
|
\v 5 Safe tsy le nampiasa ndra ombia ndra ombia safa fandokafa rey zahay, manahaky ty hainareo, ndra koa ho fialan-tsiny amy ty faniria, safe Njanahary ro vavolombelonay.
|
|
\v 6 Ndra koa nila ty voninahitsy baka amy ty olo zahay, ndra koa baka aminareo ndra baka amy hafa rey. Zahay ro afaky nitaky tombontsoa manahaky apostoly i Kristy rey.
|
|
\v 7 Fa koa, zahay ro tsotsa taminareo eo manahaky ty reny mankahery ty anany naterany.
|
|
\f + \ft Fahamarina: dikan-tsafa hafa ilany rey ro mivaky manahaky zao: “Fa koa, zahay ro manahaky ty aja kelikely taminareo eo, lafa mankahery ty anany naterany ty reniny.” \f*
|
|
\v 8 Le manahaky zay ro nanananayfitiava ho ahy nareo. Faly zahay mizara aminareo, tsy ty filazantsia an-Janahary avao, fa ty fiainanay manoka avao koa. Safe nareo ro nanjary malalanay vatany.
|
|
\v 9 Safe tiaroanareo, rahalahy, ty asanay noho ty havozahanay. Andro hono ty haly ro niasanay mba tsy ahafanay mampanday mavesatsy ty raiky aminareo. Anay fotoa zay, le nitory ty filazantsoan-Janahary taminareo zahay.
|
|
\v 10 Nareo ro vavolombelo, sady Njanahary avao koa, fa masy, noho marina, sady tsy manan-tsiny ty fandaisam-batanay taminareo eo ze mino.
|
|
\v 11 Manahaky zay avao koa ro hainareo hoe manahaky ty ino ro nanovinay taminareo kirai-draiky manahaky ty anovy ty raiky amy ty anany naterany,
|
|
\v 12 nangataky noho nankahery sady nandrisiky an-Janahary, ze mikaiky anareo ho amy ty fanjakany ao noho ty voninahitsiny manoka.
|
|
\p
|
|
\v 13 Fa dikany zay ro isaoranay avao koa an-Janahary zisiky farany. Fa nareo iaby nandramby baka aminay ty hafatsin-Janahary ze renareo, le nitambesinareo zay tsy hanahaky ty safan'olo. Fa koa, nirambesinareo zay manahaky ze marina, le ty safan-Janahary. Safa zay avao koa ro miasa aminareo eo ze mino.
|
|
\v 14 Safe nareo, rahalahy, le nanjary manahaky ty egilizin-Janahary rey a-Jodia any ze amy i Jesosy Kristy. Fa nareo avao koa ro nijaly tamy raha rey avao noho ty nanovy mpiharo tanindraza aminareo rey, sahala ty nahazo androzy koa noho ty nanovy ty Jiosy taminy.
|
|
\v 15 Jiosy rey ro namono ndra an'i Jesosy Kristy ndra olo to-resaky rey. Jiosy rey ro nandroaky anay. Tsy nanenky an-Janahary bdrozy. Fa koa, ndrozy ro fahavalo ty olo iaby.
|
|
\v 16 Ndrozy ro nandrara anay tsy hivola amy Jentilisa rey mba tsy hamonjea androzy reny. Vokatsy zay le manatsiky ty fahota ty vatany zisiky farany rozy. Ty heloky ro tsy maintsy avy amin-drozy eo amy ty farany.
|
|
\p
|
|
\v 17 Tafasaraky taminareo zahay, rahalahy, anay ty fotoa kelikely, tamy ty famonjea fa tsy tamy ty fo. Tena nazoto mare zahay, naniry mare, ty hahita ty tarehinareo.
|
|
\v 18 Safe naniry ty ho aminareo any zahay, zaho, Paoly, san'andro, neca nanaka anay i Satana.
|
|
\v 19 Fa ino moa ty fanantenanay ty ho avy, ndra ficalea, ndra satso-boninahitsy ty fandresea anila i Jesosy Tompontsika eo amy ty fiaviany? Moa tsy nareo manahaky ty ilany hafa koa va rey?
|
|
\v 20 Fa nareo ro voninahitsy noho fifaleanay.
|
|
\c 3
|
|
\cl Toko 3
|
|
\p
|
|
\v 1 Laha zay, lafa tsy afaky niaritsy zay sasy zahay, le nieretseretinay fa soa ty mipetsaky raiky ta Atena ao.
|
|
\v 2 Nandefa an'i Timoty zahay, rahalahinay noho mpiarq-miasa ho an-Janahary amy ty filazantsoa i Kristy ao, mba hampahery noho hankahery mikasiky ty finoanareo.
|
|
\f + \ft Fanamariha: Ty dikan-tsafa ilany hafa taloha ro mivaky hozao: “Nandefa an'i Timoty Zahay, rahalahinay sady mpiasan-Janahary amy ty filazantsoa i Kristyao.” \f*
|
|
\v 3 Nanovinay zay mba tsy hisy olo ho taitsy noho fijalea rey. Fa ty vatanareo ro mahay fa zay ro nanondroa antsika.
|
|
\v 4 Marina vatany, lafa niaraky taminareo zahayl le nivola aloha taminareo fa tsika ro tsy maintsy hampijalea, sady nitsanga zay, manahaky ty hainareo.
|
|
\v 5 Laha dikany zay, lafa tsy naharitsy sasy zaho zay, le naniraky mba ahaizako ty finoanareo. Vasa ty mpangalaky fanahy ro fa nangalaky fanahy anareo, sady ho raha-avao ty asantsika.
|
|
\p
|
|
\v 6 Fa avy taminay atoy baka aminareo any i Timoty sady nanday ty vaovao mahafaly ty finoa noho fitiavanareo ho hy anay. Nivola taminay ie fa nareo ro mana fahatiarova soa anay avao, sady nareo ro maniry mare ty hahita anay manahaky ty fanirianay hahita ankareo.
|
|
\v 7 Laha zay, rahalahy, zahay ro nampaherezinareo noho ty finoanareo, tanay ry faharary noho fijaleanay iaby ao.
|
|
\v 8 Fa amy zao velo zahay, laha mipitiky mare amy ty Tompi nareo.
|
|
\v 9 Fa fisaora manahaky ty ino ro azonay amea an-Janahary ty aminareo, tamy ty fifalea iaby ze anananay tanila ty Njanahary eo noho ty aminareo?
|
|
\v 10 Mivavaky mare andro noho haly zahay mba mety hahita ty endrikinareo noho hanome ze tsy ampy amy ty finoanareo ao.
|
|
\p
|
|
\v 11 Njanahary Babantsika vatany, sady Jesosy Tompontsika lahy, hanitsy ty lalanay ho ami areo.
|
|
\v 12 Ty Tompo lahy hampitombo noho hampandroso amy ty fifankatiavanareo amy ty hafa noho ty olo-iaby, manahaky ty anovinay aminareo koa.
|
|
\v 13 Ie lahy hampahery ty fonareo, ka le mba tsy hanan-tsiny amy ty fahamasina ndrozy anilan-Janahary Babantsika eo, amy ty fiavia i Jesosy Tompontsika mbamy masiny iaby rey.
|
|
\c 4
|
|
\cl Toko 4
|
|
\p
|
|
\v 1 Sady farany, rahalahy, mampahery noho mananatsy anareo zahay amy ty Tompo Jesosy ao. Laha nahazo fampianara baka aminay rey nareo mikasiky ty fomba tsy maintsy handehananareo noho hamaleafaleanareo an-Janahary, ty amy lala andehana io avao koa, le mba ananovanareo mandilatsy zay.
|
|
\v 2 Fa nareo ro nahay fampianara ze nameany anareo tamy ty alala i Jesosy Tompo rey.
|
|
\p
|
|
\v 3 Fa zao ro sitsapon-Janahary, le ty fanamasina anareo, mba hialanareo amy ty heriloha,
|
|
\v 4 ze ahaiza ty kirai-draiky baka aminareo ty fomba ahazoa ty enta ty vatany amy ty fahamasina ao noho voninahitsy,
|
|
\v 5 tsy amy ty filan-draty (manahaky Jentilisaze tsy mahay an-Janahary rey).
|
|
\v 6 Engao tsy hosy olo handika ndra hanaraty ty rahalahiny amy zay. Fa ty Tompo ro mamaly amy raha-iaby reny, manahaky ty nampiembenanay aloha noho nitsangananay vavolombelo taminareo.
|
|
\v 7 Fa Njanahary tsy nikaiky anay ho amy ty fahalotoa, fa amy ty fahamasina.
|
|
\v 8 Laha zay, ie ze mandà zay ro tsy mandà olo, fa Njanahary, ze nanome ty Fanahiny Masy ho ahy nareo.
|
|
\p
|
|
\v 9 Mikasiky ty fifankatiava ty mpirahalahy, tsy mila olo hafa nareo hanoratsy ho ahy nareo, fa nareo vatanareo ro nampianarin-Janahary mba hifankatea.
|
|
\v 10 Anovinareo vatany zay, ho ahy ty rahalahy iaby ze era i Makedonia rey. Fa zahay ro mananatsy anareo, rahalahy, mba hanao mandilatsy.
|
|
\v 11 Mananatsy anareo avao koa zahay mba hanohatsy hiay am-pilamina, hisaina ty raharahanareo manoka, sady hiasa amy ty tananareo, manahaky ty nibekoanay anareo,
|
|
\v 12 mba hanananareo fandaisam-bata maeva anila rey eo tsy minosady tsy hanan-draha-mijaly.
|
|
\p
|
|
\v 13 Fa tsy teanay tsy ho hainareo, rahalahy, ty mikasiky ze nimaty rey, mba tsy halahelovanareo manahaky ty ambiny ze tsy mana antoky ty amy ty ho avy rey.
|
|
\v 14 Fa laha mino tsika fa Jesosy ro maty sady nitsanga ndraiky, le hanahaky zay koa ro handaisan-Janahary miaraky amy i Jesosy ze fa nimaty taminy ao rey.
|
|
\v 15 Fa zao ro volaninay aminareo tamy ty safa ty Tompo, fa tsika ze velo, ze sosa tavela amy ty fiavia ty Tompo, ro tsy hitariky ze nimaty rey vatany.
|
|
\v 16 Fa ty vata ty Tompo ro hijotso baka an-danitsy any. Ho avy miaraky amy ty feo abo Ie, miaraky amy ty feo ty Arkanjely, sady miaraky amy ty trompetsan-Janahady, sady ty maty amy i Kristy ao ro hitsangana velohany.
|
|
\v 17 Bakeo tsika ze velo, ze sisa tavela, hiaraky hiakatsy amin-drozy amy ty raho eny ka le hotojiky amy ty Tompo amy ty lanitsy eny. Amy zay ro hiaraka amy ty Tompo zisiky farany tsika.
|
|
\v 18 Laha zay, mifankahereza amy safa rey.
|
|
\c 5
|
|
\cl Toko 5
|
|
\p
|
|
\v 1 Amy zao mikasiky fotoa rey noho vanim-potoa rey, rahalahy, tsy mila ndra ino ndra ino voasoratsy ho ahy nareo nareo.
|
|
\v 2 Fa nareo vatanareo mahay soa fa ty andro ty Tompo ro ho avy manahaky ty mpangalatsy amy ty haly.
|
|
\v 3 Lafa mivola ndrozy, “Miadana noho milamina,” le hatoroa tampoky no ho baka amin-drozy. Hanahaky ty faharary ty ampela bevoka lafa miteraky zay. Tsy ho afaky-milay mihintsy ndrozy.
|
|
\v 4 Fa nareo, raha ahy, ro tsy anay ty haiky ao ka le hahatsatsy anareo tampoky manahaky ty mpangalatsy ty andro.
|
|
\v 5 Fa nareo ro anaky ty mazava noho anaky ty andro. Tsy anaky ty haly tsika ndra ty haiky.
|
|
\v 6 Laha zay, andao tsika tsy hiroro manahaky ty fanovy fy ambiny. Fa koa, engao tsika hiemby noho hahonom-bata.
|
|
\v 7 Fa ze miroro rey ro manao zay amy ty haliky, sady ze mamo rey ro manao zay avao koa amy ty haliky.
|
|
\v 8 Fa laha mbo ahy ty andro tsika, le tsy maintsy mahonom-bata tsika misalotsy finoa noho fitiava ho fiarovan-tsatsa, sady ty antony ty fampnjea amy ty ho avy ho fiarovan-dohantsika.
|
|
\p
|
|
\v 9 Fa Njanahary tsy nanondro antsika ho amy ty heloky, fa hahazoa ty famonjea amy ty alala i Jesosy Kristy Tompontsika.
|
|
\v 10 Ie azy maty ho antsika iny, ndra mifoha tsika ndra miroro, le afaky miaraky-miay aminy.
|
|
\v 11 Ka laha zay mifampionona sady mifampahereza nareo, manahaky ty fa nanovinareo.
|
|
\p
|
|
\v 12 Mangataky aminareo zahay, rahalahy, mba hanenkeanareo ze kely ay aminareo noho manday anareo amy ty Tompo sady ze mananatsy anareo.
|
|
\v 13 Mangataky anareo avao koa zahay mba hanaja androzy am-pitiava noho ty asan-drozy. Milongoa amy ty vatanareo.
|
|
\p
|
|
\v 14 Mananatsy anareo zahay, rahalahy: mampiembena ty fikorontana, ampaherezo kivy rey, ampeo malemy rey, mahareta amy ty iaby.
|
|
\v 15 Ingo tsy misy olo mamaly raty ty raty ndra amin'ia ndra amin'ia. Fa koa, mila ze soa ho ahy ty kirai-draiky noho ho ahy ty iaby.
|
|
\p
|
|
\v 16 Mifalea zisiky farany.
|
|
\v 17 Ka mijano mivavaky.
|
|
\v 18 Misaora amy ty raha iaby. Fa zay ro sitsapon-Janahary amy i Kristy Jesosy ao ho ahy nareo.
|
|
\p
|
|
\v 19 Ka mamono ty Fanahy.
|
|
\v 20 Ka manao tsinotsino hato-resaky rey.
|
|
\v 21 Anoharo ty raha-iaby. Mipitiha amy ze soa.
|
|
\v 22 Alao fisehoa ty raty iaby rey.
|
|
\p
|
|
\v 23 Njanahary ty fiadana lahy hampamasy anao tanteraky. Engao ty fanahinareo iaby, ty ay, sady ty vata ro hajaria tsy hanan-tsiny ho amy ty fiavia i Jesosy Kristy Tompontsika.
|
|
\v 24 Matoky ie azy mikaiky anao iny, azy raiky ze hanao zay avao koa.
|
|
\p
|
|
\v 25 Rahalahy, mivavaha avao koa ho ahy nay.
|
|
\v 26 Arahabao amy ty fanorofa masy ty dahalahy iaby.
|
|
\v 27 Mangataha aminareo amy ty Tompo zaho mba ho vaky amy ty rahalahy iaby taratasy toy.
|
|
\v 28 Ho aminareo lahy ty fahasoava i Jesosy Kristy Tompontsika.
|