skg-x-vezo_reg/52-COL.usfm

\id COL
\ide UTF-8
\h Kolosiana
\toc1 Kolosiana
\toc2 Kolosiana
\toc3 col
\mt Kolosiana
\c 1
\cl Toko 1
\p
\v 1 Paoly, apostoly i Kristy Jesosy amy ty alala ty sitsapon-Janahary, sady i Timoty rahalahintsika,
\v 2 ho ahy ty mpino noho rahalahy matoky rey amy ty Kristy ao ze a-Kolosia any. Ho aminareo lahy ty fahasoava, noho ty fiadana baka amin-Janahary Babantsika. 
\f + \ft Fanamariha ambany ty pejy: misy dikan-tsafa ilany manampy hozao: “sady ty Tompo Jesosy Kristy.” \f*
\p
\v 3 Manome fisaora an-Janahary tsika, azy Baba ty Tompontsika Jesosy Kristy iny, sady mivavaky zisiky farany ho ahy nareo zahay.
\v 4 Fa renay ty finoanareo an'i Kristy Jesosy sady ty fitiava ze anananareo ho an'i ze iaby voatoka ho ahin-Janahary.
\v 5 Mana fitiava zay nareo noho ty fanantena azo antoky natoka ho ahy nareo an-danitsy any. Renareo ty mikasiky fanantena azo antoky io taloha ty safa amy ty fahamarina, ty filazantsoa,
\v 6 ze avy aminareo. Filazantsoa toy ro manday vokatsy sady mitombo era ty tany iaby toy. Zay ro fa nanao zay faminao avao koa nanomboky tamy ty andro naharezanao azy sady nianaranao ty mikasiky ty fahasoavan-Janahary amy ty marina ao.
\v 7 ilazantsoa ze manahaky ty nianaranareo tamy ty Epafra toy, azy mpiara-manompo malalantsika iny, ze mpiasa matoky i Kristy amy ty anaranantsika. 
\f + \ft Fanamariha ambany ty pejy: misy dikan-tsafa ilany mivaky hozao: “Amy ty anaranareo.” \f*
\v 8 Nampahay ty afra anay ty fitiavanareo ty Fanahy.
\p
\v 9 Laha fitiava io, zisiky amy ty andro naharezanay zay le tsy nijano nivavaky ho ahy nareo zahay. Nangataky zahay mba ho atsiky fahaiza ty sitsapony amy ty fahendrea iaby noho fahaiza ara-panahy nareo.
\v 10 Nivavaky zahay mba handehananareo am-pahendrea amy ty Tompo ao amy ty fomba enken-Janahary rey. Nivavaky zahay mba hamokatsy amy ty asa soa iaby nareo sady mba hitombo fahaiza an-Janahary.
\v 11 Mivavaky zahay mba hahazo hery amy ty fahaiza iaby nareo manahaky ty hery ty voninahitsy amy ty fiareta noho ty fahareta.
\v 12 Mivavaky zahay mba hanome fisaora ahy ty Babantsika am-pifalea nareo, ze nafahanareo hana anjara amy ty lova mpino rey amy ty fahazava 
\f + \ft Fanamariha ambany pejy: misy dikah-tsafa ilany mivaky hozao: “ze nafahantsika nana anjara.” \f*
\p
\v 13 Namonjy antsika tamy ty fanapaha ty haiky noho namalo antsika ho amy ty fanjaka ty Anakilahiny teany any Ie.
\v 14 Amy ty Anakilahiny ao ro ananantsika ty fanavota, ty fanenga vahota rey. 
\f + \ft Fanamariha ambany ty pejy: misy dikan-tsafa ilany mivaky hozao: “Amy ty Anany ao ro ananantsika fanavota amy ty alala ty liony, le ty fanenga fahota rey.” \f*
\v 15 Ty anakilahy ro endriky azy Njanahary tsy hita maso iny. Ie azy teraky velohany tamy ty fahariana iny.
\v 16 Fa tamy ty alalany ro nahariana ty raha iaby, ze an-danitsy any noho ze anabo ty tany etoy, raha hita maso noho tsy hita rey. Ndra seza fipetsaha rey, ndra fanapaha rey, ndra fandaisam-panjaka, ndra manam-paheca rey, raha iaby rey ro nihare tamy ty alalany noho ho azy.
\v 17 Ie ro aloha ty raha iaby, sady aminy ao ro hahareta ty raha iaby.
\v 18 ro loha ty vata, noho ty egilizy. Ie ro anomboha noho teraky velohany bakeo anivo maty rey, ka le ie ro nana toera velohany tanivo raha iaby rey eo.
\v 19 Safe enken-Janahary ty tokony ty hiaina ty hasoany iaby aminy ao,
\v 20 sady mba hampilongo amy ty alala ty Anakilahy amy ty raha-iaby amy ie vatany. Njanahary ro nilongo tamy ty alala fy lio ty hazo fijaleany. Njanahary ro nampilongo ty raha-iaby tamy ty vatany, ndra ty raha iaby an-danitsy any.
\p
\v 21 Tamy ty fotoa raiky, nareo avzo koa, ro vahiny tamin-Janahary sady fahavalony fan-tsainy ao noho tamy ty asa raty rey.
\v 22 Fa amy zao ie ro nampilongo anareo tamy ty vatany iaby tamy ty alala ty fahafatesa. Nanoviny zay mba hananova anareo ho masy, tsy hanam-pondro anilany eo, sady nangalaky baraka azy noho ty fanadatia,
\v 23 laha manohy amy ty finoa nareo, miory noho mahery ory, le ka mihataky amy ty fanantena lahatoky ty filazantsoa ze renareo. Toy ro filazantsoa ze nambara tamy ty olo iaby nihare ambany lanitsy. Toy ro filazantsoa ze, nahavy ahy, Paoly, ho mpiasa.
\p
\v 24 y zao zaho le faly amy ty fijaleako ho ahy nareo, sady zaho ro nanatsiky ty nofotsiko ze tsy ampy amy fahoria i Kristy rey noho ty vatany, le ty egilizy.
\v 25 Laha ty egilizy ro nahapiasa ahy, manahaky ty asa baka amin-Janahary ze nameany ahy ho ahy nareo, mba hahantanteraky ty safan-Janahary.
\v 26 Io ro marina tsy hita ze navony tanay ty tao lako noho ho ahy ty tariha rey. Fa amy zao le fa niboaky zay tamy ze mino azy rey.
\v 27 Tamin-drozy ro tean-Janahary nampabaizy hanana ty voninahitsy rey ty fahamarina tey hita toy tanivo ty Jentilisa. Zay ro Kristy ro aminao ao, azy toky ty voninahitsy ho avy iny.
\v 28 Le is azy nanambaranay iny. Nananatsy ty olo iaby zahay, sady nampianatsy ty olo iaby tamy ty fahendrea iaby, mba hanomezantsika ty olo iaby atsiky amy i Kristy ao.
\v 29 Laha zay le miasa maré zaho noho miezaky manahaky ty tanjany ze miasa amiko ato amy ty hery.
\c 2
\cl Toko 2
\p
\v 1 Fa teako ho hainareo ty habevata ty aly nanoviko ho ahy nareo, ho ahy ty Laodikia any, noho ho ahy ty lako mbo tsy nahita ty tarehiko tamy ty nofotsiko rey.
\v 2 Miasa zaho mba hampahery ty fon-drozy amy ty fampiraisa androzy miaraky amy ty fitiava noho ty hanana ao. iaby amy ty fahaiza ty fahamarina tsy hitan-Janahary, zay hoe, i Kristy.
\v 3 Aminy ao ty hanana ty fahendrea noho ze fahaiza iaby noho tsy hita.
\v 4 Mivola zay zaho mba tsy hisy hitariky anareo amy ty lahateny mandresy lahatsy.
\v 5 Ndra le tsy miaraky aminareo amy ty nofotsy ao aza zaho, le miaraky aminareo amy ty fanahy ao. Faly zaho mahita ty filaminanareo soa noho ty tanjaky ty finoanareo an'i Kristy.
\p
\v 6 Laha nandramby an'i Kristy Tompo nareo, le mandeha aminy ao.
\v 7 Mifeheza mare aminy, miorena aminy ao, miorena amy ty finoa ze fa nampianary anareo, sady mazotoa manome fosaora.
\p
\v 8 Miembena mba tsy hanenga olo hanambotsy anareo amy ty alala ty filozofiy ndra ty fitaky avao manahaky ty nanovy ty olo, ze manoriky ty endriky ty tany iaby toy, fa tsy manahaky an'i Kristy.
\v 9 Fa Aminy ao ro mipetsaky ty fahasoava ty safan-Janahary iaby.
\v 10 Atsiky nareo Aminy ao. Ie ro loha ty hery noho ty fahefa iaby.
\v 11 Taminy ao avao koa nareo ro nisavary tamy ty fanavara ze tsy nanovy ty olombelo amy ty fangala ty nofotsy amy ty vata, fa tamy ty fanavara i Kristy.
\v 12 Niaraky-nalevy taminy tamy ty batisa nareo, sady Taminy ao ro nampitsangana anareo tamy ty alala ty finoa maherin-Janahary, ze nampitsanga azy tamy ze maty rey.
\v 13 Tamy nareo mbo maty tamy ty fahota noho ty tsy fahavita ty nofotsinaeo fanavara, ie ro namelo anareo niaraky taminy noho nanenga antsika tamy ty fahotantsika iaby. 
\f + \ft Fanamariha: hozao: “sady nanenga ty tahotantsika iaby.” \f*
\v 14 Nifafany ty rakitsoratsy ty tsosam-panafaha noho fitsipiky nifanohitsy tamintsika rey. Nalany iaby zay sady nifantsihiny tamy ty hazo fijalea eo.
\v 15 Nalany hery rey noho fahefa rey, sady Ie ro nanao fampisehoa ampahibeimaso androzy, nandresy mandilatsy androzy tamy ty hazo fijalea.
\p
\v 16 Ka le, ka enga hisy hitsara anareo ndra amy ty fihinana ndra amy ty finoma, ndra amy ty andro fety ndra amy ty vola vaovao, ndra amy ty andro Sabata.
\v 17 Zay ro aloky ty raha ho avy, fa ty tena ie le i Kristy.
\v 18 enga hisy ndra ia ndra ia ze mila ty fanetseham-bata noho ty fanompoa ty anjely hitsara anareo ka le tsy hahazoanareo ty lokanareo. Ty olo manahaky zay ro militsy amy ty raha hitany sady manjary mirengirengy amy ty fisia ty nofotsiny.
\v 19 Tsy mitanjaky ty lohany ie. Zay ro baka amy ty loha ze namean-Janahart ty vata iaby mameno ty vanin-taolany noho ty hozany ze manome ka le mitanjaky iaby zay miharo; zay ro mitombo miaraky amy ty fampitomboa namean-Janahary.
\p
\v 20 Laha maty niaraky tamy i Kristy nareo tamy ty endriky ty tany iaby toy, nanino moa nareo ro miay manahaky ty voatery amy ty tany:
\v 21 “Ka miodiky, ka manondrotsy, sady ka mikasiky”?
\v 22 Raha iaby zay ro ho ahy ty fahalova, manahaky ty torolala noho ty fampianaran'olombelo.
\v 23 Fitsipiky rey ro mana fahendrea ty fomba fivavaha, ty fanetsem-bata ze nanovy ty vatany manoka sady ty fampijalea ty vata. Fa ndrozy ro tsy manan-danja amy ty fanohera ty fandefera ty fila ty nofotsy.
\c 3
\cl Toko 3
\p
\v 1 Ka laha Njanahary ro nampitsanga anareo niaraky tamy i Kristy, anovo raha anabo any rey, ze ipetsaha i Kristy an-tanan-kavanan-Janahary eo rey.
\v 2 Saino raha anabo any rey, fa tsy raha an-tany eto.
\v 3 Fa maty nareo, sady ty fiaianareo le tsy hita miaraky amy i Kristy amin-Janahary ao.
\v 4 Lafa miboaky i Kristy, ze fiainanareo, le nareo koa hiaraky-hiboaky aminy amim-boninahitsy ao. 
\f + \ft Fanamariha ambany ty pejy eny: Dikan-tsafa taloha ilany rey mivola hozao: “Lafa miboaky Kristy, ze fiainanareo, le nafeo avao koa ro hiaraky-hiboaky miaraky aminy am-boninahitsy. \f*
\p
\v 5 Vonó, bakeo, mpiharo ze an-tany eto rey- ty fila-raty, fahalotoa, fireheta ty fila, faniria rsty, sady fahabohea, ze fanompoan-tsampy.
\v 6 Laha raha rey ro hahavy ty helokin-Janahary amy anaky ty raty fankatoava. 
\f + \ft Fanamariha ambany ty pejy eny: Ty dikan-tsafa taloha ilany mivaky hozao: Ty dikan-tsafa taloha ilany mivaky hozao: “Laha raha reny ro mahavy ty helokin-Janahary.” \f*
\v 7 Tamy raha reny ao ze nandehananareo reny taloha avao koa lafa mbo niay tamy nareo reny.
\v 8 Fa amy zao nareo le tsy maintsy manary raha iaby reny - heloky, halaginy, fikasa-raty rey, fahativativa rey, sady tena fahativativa baka amy ty vavanareo.
\v 9 Ka mifampavandy, fa narianareo ty toetsy taloha miaraky amy fampihara taloha miaraky amy ty fampihara rey zay,
\v 10 sady nampisikininareo ty toetsy vaovao ze nihavaozy amy ty fahaiza ao manahaky ty endriky ze namoro zay.
\v 11 Amy zay ao ro tsy misy Grika noho Jiosy, vita savatsy noho tsy vita savatsy, barbariana, Skytiana, andevo, olon'afaky, fa i Kristy ro iaby, sady amy ty iaby ao.
\p
\v 12 Ka le, misikina, manahaky ty maha-olom-boatingin-Janahary, masy sady tea, famalozam-po, hasoam-panahy, fanetsem-bata, fahalemem-panahy, sady fahareta.
\v 13 Mifampandaisa soa. Mifanengà. Laha misy olo raiky mana fitaray mikasiky ty olo hafa, manengà manahaky ze nanenga ty Tompo anareo.
\v 14 Anabo raha iaby reny, manàna fitiava, ze mamehy antsika amy ty fahatanteraha.
\p
\v 15 Engao ty fiadana i Kristy hanapaky amy ty fonareo ao. Fa ho ahy fiadana zay ro nikaiha anareo ho vata raiky. Sady misaora.
\v 16 Enga anie ty safa i Kristy hipetsaky lako aminareo ao. Amy ty fahendrea iaby mifampianara sady mifananara amy ty salamo noho fihira rey sady hira ara-panahy. Mihirà amy ty fisaora am-ponareo ao ho ahin-Janahary.
\p
\v 17 Ndra ino ndra ino anovinareo, ndra amy ty safa ndra amy ty asa, anovo amy ty anara ty Tompo Jesosy ty iaby. Manomeza fisaora ho ahin-Janahary azy Njanahary amy ty alalany iny.
\p
\v 18 pela a, manenkea ty valinareo, fa zay ro mety amy Tompo ao.
\v 19 Lahilahy e, tiavo ty valinareo, sady ka masiaky amin-drozy.
\p
\v 20 Anaky e, manenkea ty ray aman-dreninareo amy ty raha iaby, fa zay ro anke amy ty Tompo ao.
\v 21 Baba a, ka manao ze mampalahelo ananareo rey, mba tsy ho kivy ndrozy.
\p
\v 22 Andevo e, manenkea ty tomponareo manahaky ty nofotsy amy ty raha iaby rey, tsy amy ty asa amaso eo manahaky ty olo mpila sitsaky, fa amy ty fo tsotsa. Matahora Tompo.
\v 23 Ndra ino ndra ino anovinareo, miasà baka amy ty fanahinareo manahaky ty ho ahy ty Tompo fa tsy ho ahy ty olo.
\v 24 Hainareo fa nareo ro handramby ty valisoa ty lova baka amy Tompo. Ie ro Tompo Kristy ze tompoinareo.
\v 25 Fa ze manao ty tsy fahamarina ze nanoviny, sady tsy misy fizahan-tarehy.
\c 4
\cl Toko 4
\p
\v 1 Tompo e, ameo andevo rey ze marina noho rariny. Hainareo fa nareo avao koa mana tompo raiky an-danitsy any.
\p
\v 2 Mahareta zisiky farany amy ty fivavaha. Miembena amy zay amy ty fanomeza fisaora.
\v 3 Miaraha mivavaky ho ahy nay avao koa, mba hamohan-Janahary varavara ho ahy ty safa, mba hivola ty fahamarina tsy hita i Kristy. Laha ty amy zay, le voafehy zaho.
\v 4 Mivavaha mba hafahako manazava zay, laha tokony hivola zaho.
\p
\v 5 Mandehana amy ty fahendrea amy ze ambaliky any rey, sady hararoto ty fotoa. Enga anie ty safanareo hiaraky amy ty fahasoava zisiky farany.
\v 6 Engao rozy ho bongan-tsira, mba hafahanareo mahay ty fomba tokony hamalianareo ty olo kirai-draiky.
\p
\v 7 Laha raha mikasiky ahy rey, le i Tykyko ro hampahay rey aminareo. Ie ro rahalahy tea, mpiasa matoky, szdy mpiara-manompo amy Tompo ao.
\v 8 Nalefako aminareo any ie laha zay, mba hafahanareo mahay ty raha mikasiky anay, sady mba hafahany mampahery ty fonareo. 
\f + \ft Fanamariha ambany ty pejy eny: dikan-tsafa ilany taloha rey mivaky hozao: “nalefako aminareo any ie laha zao, mba hafahany mahay raha mikasiky anareo rey, sady mba hafahany mampahery ty fonareo.” \f*
\v 9 Nalefako ie niarwky tamy i Onesimosy, azy rahalahy mahatoky iny sady tea, ze raiky aminareo. Ndrozy ro hivola aminareo ty raha-iaby ze fa nitsanga tatoy.
\p
\v 10 Aristarko, azy miaraky-migadra amiko iny, ro miarahaba anareo, manahaky zay koa i Marka, longo i Barnabasy (ze nahazoanareo beko; laha mana aminareo any ie, le rambeso),
\v 11 sady Jesosy avao koa ze kaihy hoe Josto. Ze baka amy ty vota savatsy rey avao ro mpiara-miasa amiko ho ahy ty fanjakan-Janahary. Fampionona ho ahy ndrozy.
\v 12 Epafa ro miarahaba anareo. Raiky aminareo ie sady mpiasa i Kristy Jesosy. Mitolona am-bavaky ho ahy nareo avao ie, mba hahantanteraky anareo sady hahazo antoky tanteraky amy ty sitsapon-Janahary iaby ao.
\v 13 Fa mitsanga vavolombelo ho azy zaho, fa miasa mare ho ahy nareo ie, noho ho ahy ty Laodika any, sady ho ahy ze Hierapolia rey any.
\v 14 Lioka azy mpitsabo malala noho Demasy iny ro miarahaba anareo.
\p
\v 15 Harabao rahalahy rey a-Laodika any, noho Nymfa, sady ty egilizy ze an-tsanony ao.
\v 16 Lafa voavaky anivonareo eo taratasy toy, le anovo vaky amy ty egilizy ty Laodikiana ao avao koa, sady anovo voavakinareo avao koa ty taratasy baka Laodika any.
\v 17 Ambarao i Arikipo hozao: “Embeno ty asa fanompoa ze nirambesinareo tamy Tompo ao, fa tokony ho tanterahinareo zay.”
\p
\v 18 Fananovam-beloma toy ro anovy ty tanako manoka -Paoly. Tiarovo ty fifehezako. Ho aminareo lahy ty fahasoava.