See in Reader
157 lines
14 KiB
Plaintext
157 lines
14 KiB
Plaintext
\id PHP
|
|
\ide UTF-8
|
|
\h Filipiana
|
|
\toc1 Filipiana
|
|
\toc2 Filipiana
|
|
\toc3 php
|
|
\mt Filipiana
|
|
\c 1
|
|
\cl Toko 1
|
|
\p
|
|
\v 1 Paoly noho Timoty, mpanompon'i Jesosy Kristy, ho androzy iaby voatoka hoahy Jesosy Kristy azy any Filipy, miaraky amy mpiandraikitry noho diakona reo.
|
|
\v 2 Ho aminareo lahy ty fahasoava voho ty fiadana baka amin'Andriamanitra Babantsika noho Jesosy Kristy Tompo.
|
|
\p
|
|
\v 3 Misaotry ty Zanahariko aho amity fahatiarovako anareo.
|
|
\v 4 Ty fivavahako le ho anareo iaby, le amin'ny fifalea avao ty anovako ty fivavahako.
|
|
\v 5 Manome fisaora zaho noho amity fiharoanareo amity filazantsara nanomboky tamity andro voalohane ka zisiky zao.
|
|
\v 6 Mahatoky an'izao raha zao zaho, fa ie ro nanomboky asa soa taminareo le hanohy hanatanteraky aze zisiky amity andron'i Jesosy Kristy,
|
|
\v 7 Fa soa amiko ty mahatsapa tozay ty amity mikasiky anareo iaby safe am_poko ato nareo. Nareo iaby mpiara_miasa tamiko tamity fahasoava tamity figadrako noho tamity fiarovako na koa tamity fanamafisana ty filazantsara.
|
|
\v 8 Fa Zanahary ro vavolombeloko, fa jangobo anareo mare zaho amity famindram_pon'i Kristy Jesosy.
|
|
\p
|
|
\v 9 Sady zaho mivavaky hozao: mba hitombo fahizay ty fitiavanareo amity fahalala noho amity fahazavan_tsay iaby.
|
|
\v 10 Mivavaky hoahy zay aho mba hanenky ze farany soa nareo, mba ho tso_po noho tsy misy hakeo amity andron'i Kristy.
|
|
\v 11 Mivavaky aho mba ho atsiky ty vokatry ty ha to azy baka amin'i Jesosy Kristy nareo, ho voninahitry noho fidera an'Andriananahary
|
|
\p
|
|
\v 12 Sady teako ho hainareo, ry rahalahy, fa ze raha nisy tamiko dia niasa ho fampandrosoa ty filazantsara vatany.
|
|
\v 13 Vokan'izay, ty fehiko ao amin'i Kristy le nibaribary mazava naheniky mpiambin'ny lapa iaby reo noho olo hafa reo.
|
|
\v 14 Ty ilakoan_drozy rahalahy le mana toku bevata mare amin'ny Tompo nohon'ny fehiko, sady mahasaky manambara tsy misy tahotsy ty safa ndrozy.
|
|
\p
|
|
\v 15 Ty sasany aza le mitory an'i Kristy amity fialona noho fifandira vatany, fe hafa reo koa le amitritrampo tokoa.
|
|
\v 16 Rozy reo le manao izay ampitiava, mahay fa zaho ro napetraky eto ho fiarova ty filazantsara.
|
|
\v 17 Fa azy voalohany rety le mitory an'i Kristy amity fitiavan=tena, fa tsy tso_po. Rozy reny le mihevitsy fa hanakoronta ahy laha mbo anaty ty fifatorako aho.
|
|
\v 18 Ino va? Amity fomba iaby, na amity fiatsaram_belatsihy na amity ha to, Kristy ro toria, ka manïtra aminizay aho. Eka, hanitra zaho,
|
|
\p
|
|
\v 19 fa haiko fa zay ty hiafara ty fanafaha ahy amity alalan'ireo vavakinareo noho ty fanampia ty Fanahin'i Jesosy Kristy.
|
|
\v 20 zay le araky ty fandinisako fatratsy noho ty antoky fa zaho le tsy ho menatsy mihintsy, noho mbo amy fahasahirana iaby koa, amizao mitovy amy fahizay, le hisandratsy amity vatako Kristy, na amity fiaina na amity fahafatesa.
|
|
\p
|
|
\v 21 Ho ahy ty hoe miai defa Kristy voho ty hoe maty ro tombony.
|
|
\v 22 Fa laha miai amity nofo aho, le midika asa mahavokatry ho ahy zay. Kanefa ino ty ho fialiako? Tsy haiko.
|
|
\v 23 Fa voapiritry mare anivon=drozy roa aho. Ty faniriako le ty handeha hiaraky amy Kristy, zay soa lavitry,
|
|
\v 24 kanefa ty mipetraky anaty ty nofo ro ila kokoa noho nareo
|
|
\v 25 sy lahatry ny amizay, ka haiko fa hipetraky noho hanohy hiaraky aminareo iaby aho, ho ahy ty fandrosoanareo noho ty fifalea anaty ty finoa.
|
|
\v 26 Mba ho amiko ao hisy antony hirehareha amy Kristy Jesosy nareo lafa mimpoly aminareo any ndraiky aho.
|
|
\p
|
|
\v 27 Mandesa vata amy fomba mendriky ty filazantsara an'i Kristy, ka na avy hanenty anareo aho na tsy eo, de afaky hijanjy ty momba anareo, fa mijoro mare amy ty fanahy raiky nareo, amy ty say raiky miraky miezaky ho hoahy ty finoa filazantsara.
|
|
\v 28 Noho ka mety ampitahory ndrozy zay fahavalonareo. Mariky ty fahapotehan_drozy zay, fa mariky ty famonjea anareo koa nefa zay baka amin'Andriananahary.
|
|
\v 29 Fa nomea anareo zay, ho ahy Kristy, tsy hoe mba hinoa aze avao, fa hijalea ho ahiny koa,
|
|
\v 30 fa nareo ro mana aly mitovy amy ze hitanareo tamiko, noho ze horenao amiko amizao.
|
|
\c 2
|
|
\cl Toko 2
|
|
\p
|
|
\v 1 Laha misy fampahereza amy Kristy ao, laha misy fampionona baka amy ty fiteany, laha misy famindrampo bevata noho fiantra,
|
|
\v 2 le anovo feno ty fifaleako amity fisaina manahaky zay, amity fanana hatea mindre, amity firaisa am_panahy, noho amity fanana tanjona mindre
|
|
\v 3 ka manao na ino na ino amity hatea tena na fanambonian_tena fahatany. Fa amity fiambania Koa noho ty fihevera ty hafa mihoatry ty vatanareo.
|
|
\v 4 Tokony tsy hila ze mahasoa ty vatanareo kiraikiraike nareo, fa ze mahasoa ty hafa koa.
|
|
\p
|
|
\v 5 Mandiniha mitovy amity fisaina azy tamin'i Kristy Jesosy iny koa.
|
|
\q
|
|
\v 6 Fa nisy araky ty endrik'Andriananahary ie, fa tsy nihevitry ty fitoviany amin'Andriananahary zao ho raha hifikira ie.
|
|
\q
|
|
\v 7 Ty mifanohitry amizay, nifoanane ty vatany. Nangalaky ty tarehy ty mpamono ie. ka niseho hanahaky ty olombelo ie. Ary hita nanahaky tamy ty olombelo ie.
|
|
\q
|
|
\v 8 Niambany ie ka nanjary nenkenine iaby ndra ty fahafatesa, azy fahafatesa tamy hazofijalia iny
|
|
\q1
|
|
\v 9 Ka noho izay le nasondrotr'Andriananahary amy farany ambony koa ie. Nameany ty Anara ze farany ambony ty anara iaby ie.
|
|
\q
|
|
\v 10 Nanoviny zay mba ho amy Anaran'i Jesosy ro handohaliha ty lohalike iaby, ty lohalike ndrozy azy an_danitra any rey voho ty an_ tany etoy noho koa ty ambany tany any.
|
|
\q
|
|
\v 11 Nanoviny zay hanenkea ty lela iaby fa i Jesosy Kristy ro Tompo, ho voninahitsy Baba Andriananahary.
|
|
\p
|
|
\v 12 Noho zay, ry teako, mitovy avao amy ty fanenkeanareo, tsy anilako eo avao fa mihoatsy lavitsy ty henanio lafa tsy eo zaho, ka atoro amy tahotsy noho hiroro ty famonjea anareo.
|
|
\v 13 Safe Andriananahary ro miasa aminareo ao mba vono hanao ro sady hiasa hoahy ty fifaleany nareo.
|
|
\p
|
|
\v 14 Anovo tsy ampitaraina na fialian_kevitse ty raha iaby.
|
|
\v 15 Manaova manahakizay mba ho lasa anak'Andriananahary tsy misy hakeo voho tò, tsy misy tsikony nareo. Miasa fa zay ty hampamirapiratsy anareo mitovy amity fahazava amy zao tontolo zao, anivo ty taranaky meloky noho maheriloha.
|
|
\v 16 Militiha mare amity safa ty fiaina mba hananako antone hisengesengea amity andron'i Kristy. Fa amizay le ho haiko fa tsy trobo maiky ty nirotorotoako noho tsy trobo maiky ty niasàko.
|
|
\p
|
|
\v 17 ka na aïly ho fanatitsy amity soro eo noho fanompoam_pinoa aza zaho, le manïtra zaho, noho miaraky manïtra aminareo iaby zaho.
|
|
\v 18 sady manahaky zay koa ty hanitrànareo, noho miaraky manitra amiko nareo.
|
|
\p
|
|
\v 19 Fa manantena amy Tompo Jesosy ao zaho fa handefa an'i Timoty aminareo any malaky, mba hahery koa zaho lafa haiko ty raha mikasiky anareo.
|
|
\v 20 Fa tsy mana olo hafa mindre toe_ tsay aminy zaho, zay tena manahy tu aminareo.
|
|
\v 21 Fa rozy iaby le mila ty tombon_tsoane, fa tsy ty rahan'i Jesosy Kristy.
|
|
\v 22 Fa hainareo ty hasoany, safe manahaky ty aja manompo ty babany, ty nanompoany niaraky tamiko tamy filanzantsara tao.
|
|
\v 23 Ka manantena ty handefa aze zaho laha voho hitako hoe manao akory ty fandeha_draha amiko atoy.
|
|
\v 24 Fa matoky ty Tompo zaho fa ho avy any malaky koa ty vatako.
|
|
\p
|
|
\v 25 Laha nandiniky zaho fa ilà avao koa ty mampimpoly an'i Epafrodito aminareo any. Rahalahiko ie noho mpiaraky miasa voho mpiaraky mpialy, noho mpanday hafatrinareo ie no mpanomp amize ilako azy.
|
|
\v 26 Fa niazo ty fahasahirana mare ie, safe renareo fa narary ie.
|
|
\v 27 Fa tena narary ie ka saiky mate. Fa namindra fo taminy Andriananahary, noho tsy taminy raiky, fa tamiko kea, mba tsy halahelo ambony ty alahelo zaho.
|
|
\v 28 Ka ampaharisiha bevata iaby ro handafasako aze, ka lafa hahita aze ndraiky nareo le mba hanïtra ha le ho afaky amy ty fanahiako zaho.
|
|
\v 29 Rambeso amy Tompo ao Epafrodito miaraky amity fanitrà iaby. Hajao ty olo manahaky aze.
|
|
\v 30 Fa ho ahy ty asan'i Kristy ro niharineany ty fahafatesa. Fa nanao ty ainy tsy ho ie ie hanompoa ahy mba hanantanterahany de tsy afaky nataonareo tamity fanompoa tamiko.
|
|
\c 3
|
|
\cl Toko 3
|
|
\p
|
|
\v 1 Farany, ry rahalahy, manitrà amy Tompo ao, Tsy manahira ahy ty mampimpoly manoratsy raha rey hoahy nareo. Raha rey hiaro anareo.
|
|
\p
|
|
\v 2 Mitandrema amy amboa reo. Mitandrema amy mpanao raty reo. Mitandrema amy fanapaha rantsam_bata reo.
|
|
\v 3 Fa tsika ro voa savatse. sady tsika ro manompo amy Fanahin'Andriananahary. Sady tsika ro mirehareha amy Kristy Jesosy ao, noho tsy manafahatokisa amy nofotsy.
|
|
\v 4 Na zay aza, zaho vatako le afaky mifanta amy nofotsy. Laha misy olo mihevitry fa ie le mana fahatokisa amity nofotsy, afaky manao mihoatry izay zaho.
|
|
\p
|
|
\v 5 Nisavary tamity andro fahavalo zaho, teraky tamity vahoakin'Isiraely, tamity foko iry Benjamina tao, Hebreo tamity Hebreo reo tao zaho; araky ty lala, le Fariseo zaho.
|
|
\v 6 Tamy fahazotoam_po, le nanenjiky ty fiangona aho; Laha ty amity rahamarina ambany ty lalàna, le tsy nana hakeo zaho.
|
|
\p
|
|
\v 7 Fa na ino na ino tombony ho haiko, le nirambesiko hanahaky ty fatiantoky rey noho ty amy Kristy.
|
|
\v 8 Laha ty tena ie, nivetsevetseko ho fatiantoky iaby raha iaby reo noho ty habevata ty fahaĺàla an'i Kristy Jesosy Tompoko. Noho ie le nariako ty raha iaby. Neretseretiko ho fako rey mba hahazahoako an'i Kristy
|
|
\v 9 ka ho hita Aminy ao zaho. Tsy mana ty fahamarina ho ahy ty vatako baka amy ty lalàna zaho. Fa kea, mana ty fahamarina azy tamy alala ty finoa an'i Kristy zaho, fahamarina baka amy Andriananahary azy mifototsy amy finoa.
|
|
\v 10 Ka amizao le te hahay Aze noho ty hery ty fitsanganane tamy mate noho ty fiharoa amy fijaleany reo zaho. Ta hiova amy alalan'i Kristy zaho mba hanahaky ty fahafatesany,
|
|
\v 11 mba hahafahako mahatsapa ty fitsangana amy ty maty.
|
|
\p
|
|
\v 12 Tsy to fa nandramby raha reo sady zaho, na koa hoe niavy tanteraky zaho. Fa miezaky zaho mba handrombahako ty nandrombahan'i Kristy Jesosy ahy.
|
|
\v 13 Ry rahalahy, tsy mieritseritsy zaho fa ty vatako le fa nandrombaky zany. Fa misy raha raiky: halinoako ze afara any miezaky ho ahy ze aloha zaho.
|
|
\v 14 Miezaky manatratsy ty tanjo zaho mba hahazo ty loka ty kaiky baka ambony any baka amin'Andriananahary amy Kristy Jesosy ao.
|
|
\v 15 Tsika iaby ze manitsy, mba mieretsereta tsika mitovy amizay; ary laha misy eritseritsinareo hafa mikasiky raha iaby, le hasehon'Andriananahary aminareo koa zay.
|
|
\v 16 Fe, na ino na ino ty fa tsatsintsika, ao tsika hilitiky amizay.
|
|
\p
|
|
\v 17 Aleo ho mpanagakatahaky ahy, nareo ry rahalahy. Vetsevetseo mariniky azy mandeha reo araky ty ohatsy aze hitanareo aminay eo.
|
|
\v 18 Maro mandeha reo_ azy fa nivolaniko anareo matetiky reo, ary amizao zaho mivola aminareo an_dranomaso_mitovy amy rafin'ny hazofijalian'i Kristy.
|
|
\v 19 Fandringana ro fiafaran_drozy. Fa ty sarotsony ro Andriananahariny, voho amity fahamenarany ty fireharehan=drozy. Mieritseritsy ty rahan'izao tontolo izao rozy.
|
|
\v 20 Fa an-danitsa any ty fanjakantsika, azy handinisantsika Mpamonjy ont koa, le ty Tompo Jesosy Kristy.
|
|
\v 21 Ie ro hanova ty vatantsika aze malemy iny mba ho vata manahake ty vata atsiky voninahitsy, zay nanovy tamity hery ty fahefany mba hampanenky ty raha iaby amity vatany.
|
|
\c 4
|
|
\cl Toko 4
|
|
\p
|
|
\v 1 Noho izay, ry rahalahy lalàko azy mahajangobo ahy, fifaleako noho satro-bonihitsiko, amy izay le mitsangana soa amy Tompo ao, ry namako teako.
|
|
\p
|
|
\v 2 Miangavy an'i Eodia zaho, noho miangavy an'i Syntyke, miharoa say amy Tompo ao.
|
|
\v 3 Voho, mangataky aminao avao koa zaho, ry namako mpiaraky Zioga: Ampeo ampela reo. Safe rozy ro niaraky niasa tamiko tamity fampieleza ty Filazantsara niaraky tamy Klementa noho aze sisa nama mpiaraky miasa amiko iaby rey, azy fa anay ty boky ty Fiaina ty anaran-drozy
|
|
\p
|
|
\v 4 Mafalea avao amy Tompo ao. Hoy zaho, mifalea.
|
|
\v 5 Engao ho hay ty olo iaby ty fahatso-poreo. Fa mariny ty Tompo.
|
|
\v 6 Ka manahy na amin'ino na amn'ino. Fa kea, amy raha iaby amy ty alala ty vavaky noho fanagataha, miaraky amity fisaora, engaho ty hatakinareo ho hain'Andriananahary.
|
|
\v 7 Voho ty fiadanan'Andriananahary, azy mihoatry ty fahalalà iaby, hiaro ty fonareo noho ty vetsevetse nareo iaby amy Kristy Jesosy ao.
|
|
\p
|
|
\v 8 Iafarany, ry rahalahy, na ino na ino to, na ino na ino mana-kaja, na ino na ino ty rariny, na ino na ino malio, na ino na ino mahafinaritsy, na ino na ino volany fa soa, laha misy na ino na ino tena soa, laha misy na ino na ino tokone ho derà, le mihevera any raha reny.
|
|
\v 9 Ze raha nianaranareo noho nirambesinareo noho nirenareo voho nijerinareo tamiko, anovo raha reny, ary ty Andriananahary ty fiadana hiaraky aminareo.
|
|
\p
|
|
\v 10 Manïtra bevata amy Tompo ao zaho safe nihavaozinareo koa henanio ty fiheveranareo ahy. Fa nihevitsy ahy vatany nareo taloha teo, fa tsy nisy fahafaha hoahinareo mba hanampy.
|
|
\v 11 Tsy mivola izay zaho safe anay ty tsy fahampea. Fa nianatsy hanîtra amy ze raha miseho iaby zaho.
|
|
\v 12 Haiko ty hoe mahantra voho haiko koa ty hoe mpanarivo. Amy ty fomba iaby noho amity raha iaby le nianatsy ty tsiambaratelo ty fihinanam-be noho ty hakere zaho, noho ty hoe mpanarivo noho ty hoe anay ty tsy fahampea.
|
|
\v 13 Afaky manao ty raha iaby zaho amy ty alala ty azy mampafatratsy ahy.
|
|
\v 14 Safe, nareo nanao ty soa tamiko tamity fahasahiranako.
|
|
\p
|
|
\v 15 Ka nareo Filipiana mahay fa tamity fiandoha ty filazantsara, lafa nanenga an'i Makedonia zaho, le tsy nisy fiangona nanoha ahy laha ty mahakasiky ty fanomeza noho fandraisa laha tsy nareo avao.
|
|
\v 16 Na tamy zaho ta Tesalonika aza, le nandefa fanampia hoahy ze nilako mihoatsy ty indraiky mandeha nareo.
|
|
\v 17 Tsy hoe mila fanomeza zaho. Fa kea, mila vokatsy ze mampiakatsy ty voninahitsinareo zaho.
|
|
\p
|
|
\v 18 Nandramby raha iaby reo zaho, sady mana maro biby. Fa atsiky zaho. Niazoko baka tamy i Epafrodito raha bakaminareo reo. Reo ro hanitsy manim-pofo, azy fanatitsy azo ekena noho ankasitsahin'Andriananahary.
|
|
\v 19 Noho ty Andriananahariko hameno ze iaby ilanareo araky ty harena ty voninahitsy amy Kristy Jesosy ao.
|
|
\v 20 Noho hoahy ty Andriananahary voho Babantsika ane ty voninahitsy mandrakizay doria. Amena.
|
|
\p
|
|
\v 21 Manova veloma ty mpino iaby amy Kristy Jesosy ao. Azy rahalahy miaraky amiko rôle manao veloma anareo.
|
|
\v 22 Aze mpino iaby ze eto manao veloma anareo, indrindra aze baka amy ankohonan'i Kaisara reo.
|
|
\p
|
|
\v 23 Ty fahasoava by Tompo Jesosy Kristy anie ho amy ty fanahinareo.
|
|
\f + \ft Fanamarihana: Misy ty fandika sasany manampy hoe: “Amena” \f*
|