skg-x-vezo_reg/50-EPH.usfm

\id EPH
\ide UTF-8
\h Efesiana
\toc1 Efesiana
\toc2 Efesiana
\toc3 eph
\mt Efesiana
\c 1
\cl Toko 1
\p
\v 1 Paoly, apostoly i Kristy Jesosy manahaky ty sitsapon-Janahary, ho ahy olo-masin-Janahary rey a-Efesosy any, ze mahatoky amy i Kristy Jesosy ao.
\v 2
\f + \ft Fanamariha: Misy fandika ilany mangalaky ty hozao: “A Efesosy ao” fe mety amy ty taratasyi Paoly ao tamy ty velohany zay. \f* Ho aminareo ty fahasoava noho fiadana baka amin-Janahary Babantsika noho Jesosy Kristy Tompo ao.
\p
\v 3 Tompoe lahy ty Njanahary noho baba i Jesosy Kristy Tompontsika, ze nitahy antsika tamy i Kristy ao tamy ty fitahiam-panahy iaby baka an-danitsy any amy i Kristy ao.
\v 4 Njanahary nitingy antsika taminy ao zisiky amy ty fiatomboha ty tany iaby zao, mba ho masy noho tsy manan-tsiny anilany eo tsika.
\v 5 Njanahary ro nitingy antsika aloha ho amy ty tanangana ho anaky famy ty alala i Jesosy Kristy, manahaky ty sitsapony.
\v 6 Ty fanangana antsika ro manday amy ty fanompoa ty fahasoavany bey voninahitsy ze nameany antsika amy zao avao tamy azy Raiky ze teany iny ao.
\p
\v 7 Amy i Jesosy Kristy ap ro mahazo fanavota amy ty liony noho ty fanegan-keloky tsika, manahaky ty harem-pahasoavany.
\v 8 Narotsany tamintsika tamy ty fahendrea noho fahaiza fahasoava zay iaby.
\v 9 Nanovin-Janahary mare tamintsika ty raha-tsy hita ty sitsapony, manahaky ze teany, noho ze nasehony tamy i Kristy ao,
\v 10 niaraky tamy ty fandahara raiky amy ty fahafenia ty fotoa, hamory ty raha iaby, an-tany etoy noho an-danitsy ao, ho loha raiky, ndra Kristy aza.
\v 11 Amy i Kristy ao ro voatendry ho mpandova tsika. Nitinginy aloha manahaky fandahara azy mampiasa ty raha iaby iny manahaky ty tanjo ty sitsapony tsika.
\v 12 Njanahary nanondro antsika ho mpandova mba ho tsika ro mana hatokisa velohany amy i Kristy ao, mba ho fanompoa ty voninahitsy tsika.
\v 13 Tamy i Kristy ao, nareo koa, lafa naharé ty safa ty fahamarina, le ty filazantsoa ty famonjea anareo, le nino Azy nareo sady voatomboky tamy azy Fanahy Masy iny nampanantenay,
\v 14 ze antoky ho ahy ty lovantsika zisiky-ahazoantsika tanteraky zay, ho fanompoa ty voninahitsiny.
\p
\v 15 Laha dikany zay, zisiky amy ty naharezako ty finoanareo ty Tompo Jesosy sady ty fitiavanareo olo-masiny iaby rey,
\v 16 le tsy najano ty nisaotsy an-Janahary zaho noho ty aminareo sady tiaroko am-bavako nareo.
\v 17 Mivavaky zaho mba ty Njanahary i Jesosy Kristy Tompontsika, azy Baba ty voninahitsy iny, hanome anareo ty fanahy ty fahendrea noho fanambara amy ty fahaiza Azy.
\v 18 Mivavaky zaho mba hanazava ty maso ty fonareo, mba hahaizanareo ty toky ze nikaihany anareo noho ty hanana ty voninahitsy ty lovany amy olo-masin-Janahary iaby rey eo.
\v 19 y ty fivavahako ao ro mangataky zaho mba hahaizanareo ty fiharoa ty habevata ty heriny amintsika ao ze mino, manahaky ty fiasà ty heriny bevata.
\v 20 Hery zay avao ro nampiasan-Janahary tamy i Kristy ao lafa natsangany tamy maty Ie sady napetsany tan-tanany ankavana eo tan-danitsy any.
\v 21 Kristy ro napetsany ho anabo ty lalà noho ty fahefa sady ty hery noho fitsarà, sady tyanara iaby ze misy. Habapaky Kristy, tsy ho amy vanim-potoa zao avao, fa ho amy ty vanim-potoa ho avy koa.
\v 22 Napetsakin-Janahary ho ambany ty tomboky i Kristy ao iaby ty raha iaby sady nameany ho loha ty raha iaby amy ty egilizy ao Ie.
\v 23 Ty egilizy ro vatany, azy fahafenoa azy manatsiky ty raha iaby amy ty endrikiny iaby iny.
\c 2
\cl Toko 2
\p
\v 1 Sady ty momba anareo, le maty tanay ty fahadisoanareo noho ty fahotanareo nareo.
\v 2 Tamy fahadisoa reny ro niainanareo taloha manahaky ty fomba ty tany iaby zao. Niay manahaky ty mpanapaky fahefa amy ty tsioky eny nareo, azy fanahy ze miasa amy anaky ty tsy fankatoava ao.
\v 3 Niay tamy olo reny eo iaby tsika faloba, nanantanteraky filan-raty ty nofotsintsika rey, sady nanantanteraky ty faniria ty nofotsy noho ty say. Fa voahary ho anaky ty heloky, manahaky ty anak'olombelo sisa tsika.
\p
\v 4 Fe manan-kanana famalozam-po Njanahary noho azy fitiavany bevata ze nitiavany antsika iny.
\v 5 Tamintsika mbo maty tanay ty fahadisoa ao, le nivolominy niaraky tamy i Kristy _ tamy ty fahasoava ro namonjea anareo.
\v 6 Niaraky-natsangan-Janahary tsika, sady niaraky-napetsany tan-danitey ao amy i Kristy Jesosy,
\v 7 mba hafahany mampitoro antsika amy ty vanim-potoa ho avy ty habevata ty hanana ty fahasoavany ze tsy azo metary atorony amy ty hasoam-panahiny amintsika amy i Kristy Jesosy ao.
\p
\v 8 tamy ty fahasoava ro nampnjea anareo tamy ty alala ty finoa, sady tsy avy aminareo zay, fa fanomezan-Janahary.
\v 9 Tsy baka amy ty asa ty fahasoava mba tsy hisy hirengirengy.
\v 10 Fa asan-Janahary tsika, niforony tamy i Kristy Jesosy ao mba hanao asa ze fandaharan-Janahary fa ela ho antsika, mba handehanantsika amy rey ao.
\p
\v 11 Lahazay tiarovo fa Jentilisa tamy ty nofotsy ao nareo taloha. Nareo ro kaihy hoe “tsy vita savatsy” amy ze kaihe eo hoe “vita savatsy” amy ty nofotsy nanovy ty tanan'olombelo ao.
\v 12 Safe mbo tafasaraky tamy i Kristy nareo tamy fotoa zay. Mpivahiny nareo tamy ty olo lako ty Israely eo. Sady vahiny tamy ty fanenkea ty fampanantena nareo. Tsy mbo nana fanantena ty amy ty ho avy nareo. Tsy niadaky tamin-Janahary nareo tamy ty tany iaby zao.
\v 13 Fa amy zao amy i Kristy Jesosy ao nareo ze lavitsy an-Janahary taloha ro nampanarikitsiny tamy ty lio i Kristy.
\p
\v 14 Safe Ie ro fihavanantsika. Ie ro nahavy ty roe ho raiky. Tamy ty nofotsiny ro nandrobahany ty rindry ty fanohera ze nampizarazara antsika.
\v 15 Zay hoe, naravany ty lalà ty lily noho ty fitsipiky mba hananovany olom-baovao raiky Aminy ao, noho mba hananovany fampilongoa.
\v 16 Kristy ro mampilongo ty olo lako roe tonta ho vata raiky amin-Janahary amy ty alala ty hazofijakea, ka le mamono ty fanohera.
\v 17 Fa niavy Jesosy sady nanambara filongoa ho ahy nareo ze lavitsy sady filongoa ho ahy ze anila rey.
\v 18 Fa amy ty alala i Jesosy ro hananantsika roe tonta ficandrambesa amy ty Fanahy raiky mana amy Njanahary any.
\p
\v 19 Laha zay, tsy vahiny noho mpivahiny sasy nareo Jentilisa zao. Fa vo maiky aza mpiharo firenea miaraky amy ze olo-masin-Janahary nareo sady isa ty longon-Janahary.
\v 20 Fa namboary tamy ty fototsy fanorena apostoly rey noho olo to resaky rey nareo, sady Kristy Jesosy mihintsy ro vato fehizoro.
\v 21 Aminy ao ro hiharoa ty fanamboara iaby sady hitomboany mahahaky ty egilizy amy Tompo ao.
\v 22 Aminy ao avao ro hanangana anareo miaraky ho fipetsaga ho ahin-Janahary amy tyFanahy ao.
\c 3
\cl Toko 3
\p
\v 1 Laha zay, Paoly zaho, le gadra i Kristy Jesosy ho ahy nareo Jentilisa.
\v 2 Mino zaho fa naharé ty fitanjaha ty fahasoavan-Janahary ze namea ahy ho ahy nareo nareo.
\v 3 Manoratsy manahaky ty fanambarà nampahaizy ahy zaho. Zay ro marina tsy hita mikasiky ze nisoraty kelikely taminareo,
\v 4 Lafa mamaky zay nareo, le ho afaky ty hahazo ty fomba fahazoako marina tsy hita mikasiky i Kristy zay.
\v 5 Tamy ty tariha hafa rey ro tsy nanovy hay ty anak'olombelo marina zay. Fa amy zao koa zay ro nambara tamy ty alala ty Fanahy tamy Apostoly noho olo toresakiny ze voatoka ho amy asa toy rey.
\v 6 Marina tsy hita zay ro mivola fa Jentilisa rey ro mpiaraky-mandova, noho mpiaraky-mivory amy ty vata, sady mizara ty fampanantena amy i Kristy Jesosy ao amy ty alala ty filazantsoa ndrozy.
\v 7 Fa nanjary mpiasa ty filazantsoa zay zaho tamy ty fahasoavan-Janahary namea ahy tamy ty alala ty fiasa ty heriny.
\p
\v 8 Namean-Janahary ahy fanomeza zay, ndra le zaho aza ro farany kelikely bibiky amy olo-masin-Janahary rey. Fanomeza zay ro th mba hanambarako amy Jentilisa rey ty filazantsoa ty hanana i Kristy saritsy-anovy.
\v 9 Ty fanomezam-pahasoavan-Janahary ho ahy le ty handaisako fanazava amy ty olo-iaby ty fandaharan-Janahary. Fandahara io ro navonin-Janahary, azy nihary ty raha iaby iny, anay ty tao lako taloha.
\v 10 Nampahaizy tamy ty egilizy fandahara zay mba hahavy mpanapaky noho manam-pahefa rey an-danitsy any hahay ty toetsy lako ty fahendrean-Janahary.
\v 11 Nitsanga manahaky ty fandahara zisiky farany ze tanterakiny tamy i Kristy Jesosy Tompontsika ao zay.
\v 12 Fa amy i Kristy ao ro ananantsika fahasakia noho lala am-patokisa noho ty finoantsija Azy.
\v 13 Laha zay mangataky anareo zaho mba tsy ho laginy noho ty fijaleako ho ahy nareo, ze voninahitsinareo.
\p
\v 14 Laha zay le mandohaliky anila Njanahary eo zaho,
\v 15 ze nanome anara ty longo iaby an-danitsy any noho an-tany eto.
\v 16 Mivavaky zaho mba hanomezany anareo, manahaky ty hanana ty voninahitsiny, mba hatanjaky amin-kery amy ty alala ty Fanahy Masy, ze aminareo ao.
\v 17 Mivavaky zaho mba hijano am-ponareo ao amy ty finoa Kristy, mba hifototsy noho hiory amy ty fitiavany ao nareo.
\v 18 Hahazo hery lahy nareo ka le ho afaky-mahatakatsy, miaraky amy mpino iaby rey, ty aakany, ty halavany, ty hahabony, sady ty halalikiny,
\v 19 sady mba hahay ty fitiava i Kristy, ze mandilatsy ty fahaiza iaby, ka le mba ho atsiky ty fanatsehan-Janahary iaby nareo.
\p
\v 20 Sady ho Azy ze mahavita manao mandilatsy ze iaby angatahintsika ndra eritseritsika, manahaky ty hery ze miasa anaintsika ao,
\v 21 ho Azy ty voninahitsy amy ty egilizy ao sady amy i Kristy Jesosy ao zisiky amy tariha iaby zisiky farany maré. Ameny.
\c 4
\cl Toko 4
\p
\v 1 Laha zay, zaho, amy ty maha gadra ho ahy ty Tompo ahy, le mandrisiky anareo mba handeha am-pahendrea amy ty kaiky ze nikaiha anareo.
\v 2 Mandrisiky anareo zaho mba hana fanetsem-bata bevata noho fahendrea sady fahareta, mifandefitsy amy ty fitea.
\v 3 Mananova ze fara ty herinareo mba hanajaria ty fiharoa ty Fanahy amy ty fehy ty filongoa.
\v 4 Raiky avao ty vata sady raiky avao ty Fanahy, manahaky ty nikaiha anareo tamy ty fanantena ty fikaiha anareo ao raiky avao koa.
\v 5 Sady raiky avao ty Tompo, raiky ty finoa, raiky ty batisa,
\v 6 sady raiky avao Njanahary noho ty Baba ty iaby, ze anabo ty raha iaby sady amy ty alala ty raha iaby noho amy ty raha iaby ao.
\p
\v 7 Tsika kirai-draiky iaby ro nanome fahasoava manahaky ty habey ty fanomeza i Kristy.
\v 8 Manahaky ty safa ty Soratsy Masy zay hozao: “Lafa niakatsy tamy ty abo any Ie, le nanday gadra rey ho amy ty fahagadra, sady nanome fanomeza ho ahy ty olo lako Ie.”
\p
\v 9 Ino ty hevitsy ty hozao: “Niakatsy Ie,” laha tey hoe nijotso tamy fy faritsy ambany ty tany any avao koa Ie?
\v 10 Ie Azy nijotso iny avao olo niakatsy anabo tan-danitsy any iny, mba hafahany manatsiky ty raha iaby.
\v 11 Kristy ro nanome ty ilany ho apostoly, ty ilany ho to resaky, ty ilany ho evanjelista, sady ty ilany ho pasitera noho mpampianatsy.
\v 12 Nanome asa rey Ie mba hanampea ty olo lakony masy rey ho amy ty asa fanompoa, amy ty fanamboara ty vata i Kristy.
\v 13 Manohy mamboatsy ty vatany Ie zisiky-mahasoantsika iaby ty fiaraham-pinoa noho ty fahaiza ty Anakin-Janahary, sady mba hahavy antsika ho matotsy ka le mba hahatsatsy ty habey ty maha atsiky an'i Kristy.
\v 14 mboatsy antsika Kristy mba tsy hanahaky ty aja ze antompantopa ty onja sasy tsika, sady tsy ho andesy ty tsioky ty fampianara noho ty hafetsea ty olo amy ty tetiky atsiky fitaky rey.
\v 15 Fa tsika koa, amy ty filaza ty fahamarina amy ty fitiava, le tokony hitombo amy ty fomba iaby amy Ie ze aloha ao, zay hoe, Kristy.
\v 16 Kristy ro mampitsanga ty vata iaby, sady naharo noho napitiky tamy ty isan-tonony zay, sady lafa miasa miaraky arey, le mahavy ty vata hitombo mba hampahery ty vatany amy ty fitiava.
\p
\v 17 Laha zay, le mivola noho mitindry mare zay amy ty Tompo ao zaho, mba tsy hiay manahaky ty Jentilisa sasy nareo, amy ty fahara a ty fisainan-drozy.
\v 18 Maiky ty fahaizan-drozy, tafasaraky amy ty fiainan-Janahary noho ty tsy fahaiza amin-drozy ao, noho ty faherim-pon-drozy.
\v 19 Tsy mahay manetsy ndrozy sady manome ty vatan-drozy ho amy ty fila ty nofotsy, sady manohitsy manao karazam-pahalotoa iaby zao.
\p
\v 20 Fa tsy zay ro fomba nianaranareo ty momba i Kristy.
\v 21 Inoako fa nahare ty momba Azy nareo, sady nampianary taminy ao, safe ty fahamarina ro amy i Jesosy ao.
\v 22 Nampianary nareo mba hanary ty fomba fiainanareo taloha, mba hanary ty toetsy taloha. Azy toera taloha ze simba noho ty fitaky ty filany iny.
\v 23 Nampianary nareo mba hihavao amy ty fanahy ty sainareo ao,
\v 24 sady hisiky azy olom-baobao ze nihare manahaky ty endrikin-Janahary iny _ amy ty vata fahamarina noho fahamasina zo.
\p
\v 25 Laha zay, ialao ty vandy, sady engao ty kirai-draiky aminareo hifampivola ty marina amy ty namany, safe samby hisa ty rantsa ty iaby tsika.
\v 26 Mivavaha fa ka manota. Ka enga ho tsatsy ty masoandro moly ty helokinao.
\v 27 Ka manome hiriky ho ahy ty devoly.
\v 28 Ze nangalatsy ro tsy tokony hangalatsy sasy. Tsy maintsy miasa ie, manao asa soa amy ty tanany, mba hananany raha ho zarà ho ahy ty anay ty tsy fahampea ao.
\v 29 Ka enga hisy safa maloto hiboaky baka amy ty vavanareo. Mampiasà safa ze ilà amy ty fanamboara ty hafa, manahaky ze ilan-drozy, mba tena hanampy ze mijanjy anareo rey ty safanareo.
\v 30 Sady ka mampalahelo ty Fanahy Masin-Janahary, fa baka aminy ro nananova tampô anareo ho amy ty andro ty fanavota.
\v 31 Ialao ty lolom-po iaby, haromota, ty heloky, ty fifamelea, sady ty fifampivolana raty, miaraky amy karazan'asa raty iaby rey.
\v 32 Manàna fahalejem-panahy amy ty kirai-draiky iaby, fahatsoram-po, mifanengà-heloky, manahaky ty namelan-Janahary anareo tamy i Kristy ao.
\c 5
\cl Toko 5
\p
\v 1 Laha zay enga anie mba ho mpangalaky atahaky an-Janahary, manahaky ty anaky malala.
\v 2 Sady mandehana amy ty firiava, manahaky ty nitiava i Kristy antsika avao koa noho nanomezany ty vatany ho antsika, fanomeza magnitsy noho soro ho ahin-Janahary.
\v 3 Fa tsy tokony hisy ndra le resaky heriloha ndra karaza halotoa ndra tsy fahonom-bata aza aminareo eo, fa tsy maeva ty olo-masin-Janahary rey,
\v 4 Engao tsy hisy mandriva, resaky adaladala, sady somonga mare _ fa tsy maeva ty iaby amy rey. Fa koa tokony hisy fankasitsaha.
\v 5 Fa afaky mahazo antoky ty amy zao nareo, fa tsy hisy mpaheriloha, maloto, ndra ty mpiery _ say hoe, mpiasa sampy _ mana lova amy ty fanjaka i Kristy noho Njanahary ao.
\v 6 Enga anie tsy hisy hamitaky anareo amy ty safa tsy misy, safe laha raha rey ro avy amy ty anany ty tsy fankatoava ty helokin-Janahary.
\p
\v 7 Laha zay, ka miharo amin-drozy.
\v 8 Fa maiky nareo taloha, fa zao nareo ro fahazava amy ty Tompo ao. Mandehana manahaky ty anaky ty mazava,
\v 9 (fa ty vokatsy ty fahazava ro amy ty fahasoava iaby ao, fahitia, noho fahamarina).
\v 10 sady ilao ze tea ty Tompo.
\v 11 Ka miharo amy asa tsy mamokatsy ty haiky rey, fa ampibaribario koa rey.
\v 12 Fa mahamenatsy ndra le ty manono raha anovin-drozy amy ty tsy hita any rey aza.
\v 13 Fa lafa hazava ty fahazava ty raha raiky, le nanjary mibaribary.
\v 14 Fa ty raha iaby ze mibaribary le fahazava. Laha zay le voavola hozao: “Mifohaza, iha miroro, sady mitsangana amy ty pilasy ty maty, le hipiriaky aminao Kristy.”
\p
\v 15 Miembena amy ty fiainanao _ tsy manahaky ty hendry.
\v 16 Hararoto ty fotoa safe andro zao ro raty.
\v 17 Laha zay, ka mihadaladala, fa takaro hoe ino ro sitsapo ty Tompo.
\p
\v 18 dy ka manao mamo ty divay, fa manday amy ty fahasimban-toetsy any zay. Fa koa, engao ho atsiky ty Fanahy Masy,
\v 19 mifampiresaha aminareo samby nareo amy ty salamo noho fihirà sady hiram-panahy, mihirà sady mikadia amy ty Tompo amy ty fonareo iaby.
\v 20 Misaora zisiky farany amy ty raha iaby, amy ty anara i Jesosy Kristy Tompontsika ho ahin-Janahary azy Baba iny,
\v 21 mifanomeza vata am-panajana ho ahy i Kristy.
\p
\v 22 Ampela a, manenky ty valinareo, manahaky ty amy ty Tompo.
\v 23 Fa ty lahilahy ro loha ty ampela manahaky an'i Kristy koa loha ty egilizy, sady Kristy vatany ro mpamonjy.
\v 24 Fa manahaky ty hanenkea ty egilizy an'i Kristy, ro manahaky zay koa ro tokony hanenkea ty ampela ty valiny amy ty raha iaby.
\p
\v 25 Rahalahy e, tiavo ty valinareo, manahaky ty nitiava i Kristy ty egilizy noho nanomezany azy ty ainy.
\v 26 Nanome ty vatany ho ahy ty egilizy Kristy mba hafahany manamasy azy, tamy ty fanqliova azy tamy ty rano fanasa amy ty safa,
\v 27 mba hafahany mampitoro azy ho bey voninahitsy aminy eo, tsy misy pentina ndra kentrona ndra raha manahaky zay, fa masy sady tsy misy diso.
\v 28 Manahaky zay avao koa ty lahilahy le tokony ho tea ty valin-drozy iaby manahaky ty safan-drozy. Ie ze tea ty valiny le tea ty vatany avao koa.
\v 29 Tsy mbo nisy nalay ty vatany, fa mamaha noho mikarakara zay soa, manahaky an'i Kristy mamaha ty egilizy noho mikarakara azy avao koa,
\v 30 safe tsika ro ratsam-batany.
\v 31 Laha antony zay ty lahilahy ro hiala ty babany noho ty neniny ka le hiharo amy ty valiny, sady ndrozy roe ro hanjary nofotsy raiky avao.”
\p
\v 32 Bevata fahamarina tsy hita zay _ fa Zaho ro miresaky mikasiky i Kristy noho ty egilizy.
\v 33 Nefa, ty kirai-draiky aminareo avao koa ro tokony ho tea ty valiny iaby manahaky ty vatany, sady ty ampela ro tokony hanaja ty valiny.
\c 6
\cl Toko 6
\p
\v 1 Anaky e, manenkea ty ray-amandrenynareo amy ty Tompo ao, safe mety zay.
\v 2 “Hajao ty babanao noho ty reninao” (zay ro lily velohany misy fampanantena),
\p
\v 3 “mba hahita soa iha sady mba ho lava andro iaina anabo ty tany etoy.”
\p
\v 4 Nareo baba, ka manday ty ananareo ho amy ty heloky. Fa koa, hareo amy ty fitsipiky noho fampianara ty Tompo ndrozy rey.
\p
\v 5 Mpiasa a, manenkea ty tomponareo an-tany etoy amy ty haJa anabo noho fangitikitiky, amy ty fahatsora ty fonareo.
\v 6 Manenkea androzy manahaky ty hanenkeanareo an'i Kristy. Manenkea tsy amaso ty tomponareo eo avao amba hanenkean-drozy. Fa koa, manenkea manahaky ty mpiasa i Kristy, ze manao ty fanenkean-Janahary amy ty fonareo iaby.
\v 7 Manompoa amy ty fonareo iaby, manahaky ty hoe manompoa ty Tompo nareo fa tsy olo,
\v 8 safe haintsika fa ndra ino ndra ino asa soa anovy ty olo kirai-draiky, le handramby valim-pitea baka amy ty Tompo ie, ndra andevo ie ndra olon-afaky.
\p
\v 9 Nareo Tompo, mananova manahaky raha rey avao koa amy ty mpiasanareo. Ka mampangorohoro androzy. Hainareo fa Ie zay sady Tomponareo ro Tompon-drozy le an-danitsy any, sady tsy misy fiangara Aminy ao.
\p
\v 10 Farany, mahereza amy ty Tompo noho amy ty tanjaky ty heriny.
\v 11 Isikino ty fiadanan-Janahary iaby, mba hafahanao mitsanga manohitsy tetiky ty devoly rey.
\v 12 Fa ty alintsika le tsy manohitsy ty nofotsy noho ty lio. Fa koa, manohitsy ty fanjaka noho ty fahefa ara-panahy noho mpanapaky ty fanjaka ty faiky-raty, manohitsy fanahy raty rey amy ty fipetsahan-danitsy any.
\v 13 Laha zay isikino ty fiadanan-Janahary iaby, mba hafahanareo mitsanga amy ty andro ty raty zao, sady lafa vitanareo ty raha iaby, le hahatohitse anareo.
\p
\v 14 Mitsanga, laha zay, lafa baka nanao ty santira ty fahamarina noho ty fiarovan-tsantsa ty fahitia nareo.
\v 15 Sady manahaky ty kiraro ho ahy ty tombonareo, le apetaho ty fahavonona hanambara ty filazantsoa ty filongoa.
\v 16 Amy ty toe-draha iaby le rambeso ty fiaro ty finoa, ze afahanareo manohitsy ana-kititsy kirehitsy afo azy raty rey.
\v 17 Sady rambeso ty foloara ty famonjea noho ty meso ty Fanahy, ze safan-Janahary.
\v 18 Amy ty vavaky noho fangataha iaby, le mivavaha amy ty Fanahy amy ty foatoa iaby. Amy fomba fisaina zay, le miemby zisiky amy ty fahareta any iaby, laha manome vavaky ho ahy olo-masin-Janahary rey nareo.
\v 19 Sady mivavaha ho ahy, mba hisy hafatsy hamea ahy lafa mamoha ty vavako zaho. Mivavaha mba afahako mampahay amy ty fahasakia ty fahamarina tsy hita mikasiky ty filazantsoa.
\v 20 Ho ahy ty filazantsoa ro maha-ambasafera voafehy amy ty gadra ahy, mba afahako manambara zay am-pasakia, laha tey maintsy hivola zaho.
\p
\v 21 Tykiko, azy rahalahy malala iny noho manompo matoky amy ty Tompo ao, ro hampahay anareo ty raha iaby, mba hahaizanareo ze anoviko.
\v 22 Nirahiko taminareo ie noho tanjona io bibiky, mba hahaizanareo raha mikasiky anay io, sady, mba hafahany mampahery ty fonareo.
\p
\v 23 Fiadana ho amy rahalahy rey, sady ty fitiava miaraky amy ty finoa baka amin-Janahary Baba noho Tompo Jesosy Kristy.
\v 24 Ty fahasoava lahy ho amy ze iaby tea an'i Jesosy Kristy Tompontsika amy ty fitiava tsy maty zisiky farany.