See in Reader
199 lines
19 KiB
Plaintext
199 lines
19 KiB
Plaintext
\id GAL
|
|
\ide UTF-8
|
|
\h Galatiana
|
|
\toc1 Galatiana
|
|
\toc2 Galatiana
|
|
\toc3 gal
|
|
\mt Galatiana
|
|
\c 1
|
|
\cl Toko 1
|
|
\p
|
|
\v 1 Pqoly, apostoly _ tsy apostoly baka amy ty olo ndra tamy ty alala ty olo, fa baka amy i Jesosy Kristy noho azy Njanahary Ray iny, ze nampitsanga Azy tamy maty _
|
|
\v 2 sady rahalahy iaby miaraky amiko rey, ho ahy egilizy ty Galatiana rey:
|
|
\v 3 ahasoava ho aminareo sady fiadana baka amin-Janahary Babantsika noho Jesosy Kristy Tompo,
|
|
\v 4 ze nanome ty vatany ho ahy ty fahotantsika mba hana-fanahy antsika amy andro ty faharatiantsika zao, manahaky ty sotsapon-Janaharinteika noho Babantsika,
|
|
\v 5 ho an'Azy lahy ty voninahitsy zisiky farany mare. Ameny.
|
|
\p
|
|
\v 6 Tseriky zaho hoe niala malaky tamy azy nikaiky ahareo famy ty fahasova i Kristy iny nareo.
|
|
\v 7 Tseriky zaho fa mitoliky ho amy ty iny say fa misy filazantsoa hafa, fa misy olo lako ze manday fikorontana ho ahy nareo sady ta hanova ty filazantsoa i Kristy.
|
|
\v 8 ndra zahay ndra anjely an-danitsy any aza ro hanambara filazantsoa hafa aminareo noho ze nanambaranay taminareo, le engao ie ho voahozo.
|
|
\v 9 Manahaky ze nivolaninay taloha, le amy zao zaho manambara ndraiky hozao: “Laha misy olo manambara aminareo filazantsoa hafa noho ze nirambesinareo, le engao ie ho voahozo.”
|
|
\v 10 Moa va zahao amy zao mila ty fankatoava ty olo sa Njanahary? Moa va zaho mila ze hampifaly ty olo? Laha mbo manohy miezaky ty hampifaly olo zaho, le tsy mpiasa i Kristy.
|
|
\p
|
|
\v 11 Fa teako ho hainareo, rahalahiko e, fa ty filazantsoa ze nambarako le tsy filazantsoan'olombelo.
|
|
\v 12 Tsy nandramby zay tamin'olo zaho, ndra nampoanary ahy zay. Fa koa, zay le vanambara i Kristy Jesosy tamiko.
|
|
\p
|
|
\v 13 Fa nareo nahare ty amy ty fiainako taloha tamy ty fomba fovavaha Jiosy, noho ty fomba nanenjehako ty egilizin-Janahart mandilatsy ty tokony ho ie sady ty fiezahako handrava zay.
|
|
\v 14 Nandroso tamy ty fivavaha ty Jiosy zaho nandilatsy ty lako tamy nitovy fao tamiko rey, baka amy ty mitovy firenea amiko. Manahaky zay ty fomba nitanjahako mare fomban-drazako rey.
|
|
\v 15 Nefa Njanahary, ze nanoka ahy zisiky an-tsarotson-dreniko any, sady nikaiky ahy tamy ty alala ty fahasoavany,
|
|
\v 16 lafa faly ty hampitoro ty Anakilahiny amiko, mba hanafahako manambara y amy Jentilisa any, le tsy nangala-say tamy ty nofotsy noho lio direkita zaho.
|
|
\v 17 Tsy niakatsy ta Jerosalema any ho amy fa lasa Apostoly talohako zaho. Fa koa, nandeha ta Arabia any sady bakeo le nimpoly ta Damaskosy any zaho.
|
|
\v 18 Sady telo tao tafara le niakatsy ta Jerosalema any mba hifankahay tamy i Kefasy zaho sady nijano niaraky taminy anay ty folo limy andro.
|
|
\v 19 Fa tsy nisy hitako Apostoly rey ankoatsy an'i Jakoba, azy rahalahy ty Tompo iny.
|
|
\v 20 Sady amy ze soratiko ho ahy nareo ao, le manome toky anareo zaho anilan-Janahart eo, fa tsy mavandy zaho.
|
|
\v 21 Bakeo zaho le nandeha gamy ty faritsy i Syria noho Kilikia any.
|
|
\v 22 Tsy mbo hay tamy egilizy i Jodia rey eo ze amy i Kristy ao zaho.
|
|
\v 23 Ren-drozy avao ze voalaza hozao: “Azy lahilahy ze nanenjiky antsika fa ela amy zao iny le manambara azy finoa ze niezahany nitoroe taloha.”
|
|
\v 24 Laha zay ndrozy le nanompo an-Janahary noho ty amiko.
|
|
\c 2
|
|
\cl Toko 2
|
|
\p
|
|
\v 1 Folo efatsy amby tao tafara ato le niakatsy ta Jerosalema any ndraiky zaho niaraky tamy i Barnabasy, le nanday an'i Titosy niaraky tamiko.
|
|
\v 2 Niakatsy tany noho ty fanambara raiky zaho sady nametsaky tamin-drozy eo ty filazantsoa ze ambarako amy Jentilisa rey. Niaraky mitoka tamy ze nidinihy ho manan-danja zaho, mba hahazoa antoky fa tsy nilay _ ndra fa nilay _ tsobo fahantany zaho.
|
|
\v 3 Fa ndra Titosy aza, ze niaraky tamiko ro sady Grika, le niforiseva ho vita savatsy.
|
|
\v 4 Nilitsy moramora rahalahy sandoky rey mba hitsikilo ty fahafaha anananay amy i Kristy Jesosy ao. Naniry ty hanandevo anay rozy,
|
|
\v 5 fa tsy nety ty hanaiky androzy ndra le fotoa tsy ampy aza zahay, mba hipetsaha ty fahamarina ty filazantsoa aminareo.
|
|
\v 6 a ze nidinihy ho manandanja rey (ndra ino ndra inondrozy le tsy mampanino ahy, Njanahary ro tsy miangatsy) _ ambarako, ze dinihy ho manan-danja rey le tsy nanampy ndra ino ndra ino tamiko.
|
|
\v 7 Mifanohitsy amy zay, hitan-drozy fa nananky ty filazantsoa ho ahy ze tsy vita savatsy rey zaho, manahaky ty nanankina an'i Petera ty filazantsoa ho ahy ze vita savatsy rey.
|
|
\v 8 Fa Njanahary, ze niasa tamy i Petera ao ho amy ty maha-apostoly ho ahy ze vita savatsy rey, le niasa tamiko tato avao koa ho ahy Jentilisa rey.
|
|
\v 9 I Jakoba, Jefasy, sady Jaona, ze hay fa anay ty namboatsy ty egilizy rey, lafa nahay ty fahasoava ze namea ahy, le nanome ty tana ankavana ty fiharoa ho ahy noho Barabasy ndrozy. Nanovin-drozy zay mba hafahanay mana amy Jentilisa any, sady mba hafahan-drozy mana amy ze vita savatsy any.
|
|
\v 10 Nangataky avao ndrozy mba hahatiaro ty mijaly zahay, ze raha tena teako anovy vatany.
|
|
\p
|
|
\v 11 Falafa avy ta Antioka any i Kefasy, le nanohitsy azy tzmy ty tarehiny eo zaho safe voavola fa diso ie.
|
|
\v 12 Taloha ty niavia lahikahy ilany baka amy i Jakoba any rey, le tam-pihinana eo niaraky tamy Jentilisa rey i Kefasy. Fa lafa avy lahilahy rey, le nijano ie sady niala lavitsy an'i Jentilisa rey. Natahotsy ze nitaky fanavara rey ie.
|
|
\v 13 Ty sisa tamy Jiosy rey koa le niharo tamy fitsaram-belatsihy zay. Ndra i Barnabasy aza le voavio ty lala niaraky tamin-drozy tamy ty fitsaram-belatsihin-drozy.
|
|
\v 14 Fa lafa hitako fa tsy manoriky ty fahamarina ty filazantsoa ty fandaisam-batan-drozy, le nivola famy i Kefasy falohan-drozy eo iaby zaho hozao: “Laha Jiosy iha nefa miay manahaky ty Jentilisa fa tsy manahaky ty Jiosy, ino ro afahanao manao forise Jentilisa rey hiay manahaky ty Jiosy?”
|
|
\v 15 Tsika ro Jiosy tamy ty alala ty fahateraha fa tsy mpanota Jentilisa;
|
|
\v 16 haintsika nefa tsy misy olo hamariny ty asa ty lalà fa amy ty alala ty finoa an'i Kristy Jesosy. Tsika avao koa ro avy tamy ty finoa an'i Jesosy Kristy mba ho hamariny amy ty finoa an'i Kristy fa tsy amy ty asa ty lalà. Fa tsy hisy fa nofotsy ho hamariny amy ty asa ty lalà.
|
|
\v 17 laha hohatsy ka, mila ho hamariny amy i Kristy ao tsika, tsika avao koa, le hita fa mpanota, moa mandrisiky ty fahota sady va i Kristy? Tsy enke direkita!
|
|
\p
|
|
\v 18 Fa laha mananga ndraiky raha fa niravako taloha rey zaho, le manaporofo ty vatako ho mpandiniky lalà zaho.
|
|
\v 19 Fa tamy ty lalà ro nahafatesako amy ty lalà, mba ho velo ho an-Janahary zaho.
|
|
\v 20 hanto niaraky tamy i Kristy zaho. Tsy zaho sasy ro velo, fa i Kristy ro velo anaiko ato. Ty fiaina iainako amy ty nofotsy ao amy zao le iainako amy ty fino ty Anan-Janahary, ze tea ahy ka le nanome tyvatany ho ahy.
|
|
\v 21 Tsy maniliky ty fahasoava n-Janahary zaho, fa laha azo amy ty lalà ty fahamarina, le tsy misy antony ty nahafatesa i Kristy!
|
|
\c 3
|
|
\cl Toko 3
|
|
\p
|
|
\v 1 alatjana Adala e! Ia ro nanosavy anareo? Tamasonareo eo bibiky ro nanoroa an'i Jesosy Kristy voahanto.
|
|
\v 2 Zao avao ro raha teako ianara aminareo: Nandramby ty Fanahy tamy ty asa ty lalà sa tamy ty finoa ze renareo nareo?
|
|
\v 3 Adala vatany va nareo? nanomboky tamy ty Fanahy nareo, le hijano amy ty nofotsy va amy zao?
|
|
\v 4 Moa niaritsy raha-lako tamy ty tsy misy antony va nareo_ fa laha tena raha-avao tokoa sady zay?
|
|
\v 5 Moa va ie ze manome ty Fanahy anareo noho manao asa mahatseriky aminareo eo le manao zay amy ty asa ty lalà, sa amy ty fijanjina amy ty finoa?
|
|
\p
|
|
\v 6 Manahaky an'i Abrahama “nino an-Janahary sady nisaina ho fahamarinany zay,”
|
|
\v 7 le manahaky zay, haizo, fa ze amy ty finoa rey ro ana i Abrahama.
|
|
\v 8 Ty Soratsy Masy, nahita aloha fa Njanahary hanamarina Jentilisa rey amy ty finoa, le nanambara ty filazantsoa aloha tamy i Abrahama, nivola hozao: “Baka aminao ro hitahia ty firenea iaby.”
|
|
\v 9 Ka le, ze amy ty finoa rey ro voatahy miaraky amy i Abrahama, azy olo ty finoa iny.
|
|
\v 10 Ze Mianky amy ty asa ty lalà rey ro ambany ty ozo ao; fa voasoratsy hozao: “Voaozo ze iaby tsy manenky ty raha iaby voasoratsy anay ty boky ty lalà ao, noho manao reny.”
|
|
\v 11 Amy zao le mazava fa tsy misy olo ze hamarina anilan-Janahary eo amy ty alala ty lalà, safe ty marina ro ho velo amy ty finoa.
|
|
\v 12 Fa ty lalà ro tsy manahaky ty finoa, fa koa, “Ty olo ze manao ty asa ty lalà ro tsy maintsy velo amy rey.”
|
|
\p
|
|
\v 13 Kristy nanavotsy antsika tamy ty ozo ty lalà tamy ty niaviany ho ozo ho antsika--- fa voasoratsy hozao: “Voaozo ze iaby mihanto amy ty hazo”-
|
|
\v 14 mba ho avy amy ty Jentilisa ty fitahia i Abrahama amy i Kristy Jesosy ao, mba ho amy ty finoa ro ahazoantsika fampanantena ty Fanahy iny.
|
|
\p
|
|
\v 15 Rahalahy e, engao zaho hivola manahaky ty fanovy ty olo. Amy ty fifanaraha anovy ty olo ao, tsy misy afaky mandrava ndra manampy ze ao, lafa tafapetsaky ty lalà zay.
|
|
\v 16 Sady fampanantena rey ro nivolany tamy i Abrahama noho tamy tarihany rey. Tsy mivola zay hozao: “ho ahy ty fariha,” manondro olo lako, fa koa olo raiky avao, “ho ahy ty tarihako,” le i Kristy.
|
|
\v 17 Sady zao ro teako ho volany: “Ty lalà, ze avy telo-polo noho efa-jato tao tafara tato, le tey haharava ty fanenkea ze fa napetsan-Janahary aloha.
|
|
\v 18 Fa laha baka amy lalà ty lova, le tsy baka amy ty fampanantena sasy zay. Fa Njanahary nanome zay an'i Abrahama tamy ty alala ty fampanantena.
|
|
\p
|
|
\v 19 ino, moa, ty tanjo ty lalàko? Nasia zay noho fandikan-dalà rey, zisiky-iavia ty tariha i Abrahama amy ze nanova ty fampanantana eo. Ty lalà ro nanovy ty mpanalala raiky ho manan-kery tamy ty alala ty anjely.
|
|
\v 20 Fa ty mpanalala ro midika olo mandilatsy ty raiky. Nefa Njanahary ro raiky.
|
|
\p
|
|
\v 21 a va ty lalà manohitsy fampanantanan-Janahary rey? Sanatsia zay! Fa laha nisy lalà namea ze afaky manome fiaina, le baka amy ty lalà vatany ty fahamarina.
|
|
\v 22 Fa ty Soratsy Masy nanagadra ty raha-iaby ambany ty fahota. Nanao zay Njanahary mba hanomeza ho ahy ze mino ty fampanantena rey ty hanavota antsika amy ty alala ty finoa an'i Jesosy Kristy.
|
|
\v 23 Sady taloha ty niavia ty finoa, tsika ro nitandraha ho gadra tambany ty lalà ao, nigadra zisiky-piboaha ty finoa.
|
|
\v 24 Ka le bakeo ty lalà ro nanjary miemby antsika zisiky-iavia i Kristy, mba ho voamarina amy ty finoa tsika.
|
|
\v 25 Fa zao ro avy finoa zay, ka le tsy ambany ty mpiemby eo sasy tsika.
|
|
\p
|
|
\v 26 Fa nareo iaby ro anan-Janahary amy ty finoa an'i Kristy Jesosy ao.
|
|
\v 27 Fa lako aminareo ze nanovy batisa tamy i Kristy ao, ro nandramby an'i Kristy.
|
|
\v 28 Sady tsy misy sasy ndra Jiosy ndra Grika, ndra andevo ndra olo afaky, ndra lahilahy ndra ampela, fa raiky avao nareo amy i Kristy ao.
|
|
\v 29 Ka laha an'i Kristy nareo, le tariha i Abrahama, noho mpandova manahaky ty fampanantena nareo.
|
|
\c 4
|
|
\cl Toko 4
|
|
\p
|
|
\v 1 Mivola zaho fa ty mpandova, laha mbo aja ie, le tsy hafa amy ty andevo, ndra le tompo ty raha iaby aza.
|
|
\v 2 Nefa ie ro ambany fifeheza mpiemby rey eo noho mpanajary raha-sarotsy zisiky-iavia ty daty ze napetsaky ty babany rey.
|
|
\v 3 Ka le manahaky zay avao koa, tamy tsika mbo aja iny, le nandevozy lalà ty fitsipi-pianara ty tany iaby toy rey.
|
|
\v 4 Fa lafa avy ty fanatseha ty fotoa, le nandefa ty Anany Njanahary, ze nateran-ampela, nateraky tambany ty lalà ao.
|
|
\v 5 Nanao zay Ie mba hanavota ze ambany ty lalà rey, mba hafahantsika mandramby ty fanangana ho anaky.
|
|
\v 6 Sady safe anaky nareo, le nirahin-dranahary ho am-pontsika ao ty Fanahy ty Anany, ze mikaiky hozao: “Baba, Ray.”
|
|
\v 7 Laha zay tsy andevo sasy iha, fa anaky, sady laha anaky, le mpandova amy ty alalan-Janahary avao koa iha.
|
|
\p
|
|
\v 8 Fa tamy fotoa zay, tamy nareo tey nahay an-Janahary, le nanovy zay ho andevo rey, amy ty hery voajahanary, le tsy njanahary velively.
|
|
\v 9 Fa amy zao nareo le nanjary nahay an-Janahary, ndra koa hoe hain-Janahary nareo, ka le ino ro himpolianareo amy ty abidim-pirenea malemy ro sady tsy misy antony? Ta ho andevozy ndraiky va nareo?
|
|
\v 10 Mandiniky andro rey noho vola rey sady vanim-potoa noho tao rey nareo!
|
|
\v 11 Matahotsy ty aminareo zaho fa tsy noho ho raha-avao ty asako taminareo eo.
|
|
\v 12 Mangataky anareo zaho, raha ahy e, mananova manahaky ahy, safe zaho avao koa ro fa nanjary manahaky anareo. Tsy nanao raty tamiko nareo.
|
|
\p
|
|
\v 13 Nefa hainareo fa noho ty aretim-batako ro nanambarako anareo ty filazantsoa tamy velohany.
|
|
\v 14 Ndra le nanday anareo tamy ty fangalam-panahy aza ty toe-batako, le tsy nanao tsinotsino ndra naniliky ahy nareo. Fa nirambesinareo manahaky ty hoe anjelin-Janahary koa zaho, mahahaky ty hoe zaho mihintsy ro Kristy Jesosy.
|
|
\v 15 Aia, noho zay, ty fahasoavanareo amy zao? Fa mitsanga vavolombelo aminareo zaho fa, laha azonareo anovy, le nalanareo ty masonareo sady nameanareo ahy zay.
|
|
\v 16 Ka laha zay, fa nanjary fahavalonareo va zaho safe mivola aminareo marina?
|
|
\v 17 Ndrozy ro mazoto ty hitao anareo, fa tsy amy ty soa. Ta hanily anareo ambaliky any rozy, mba hanananareo zotom-po ho androzy.
|
|
\v 18 Soa avao ty mana zotom-po amy ty tanjo soa, sady tsy lafa miaraky aminareo avao zaho.
|
|
\v 19 Anako e, mbo mijaly amy ty faharary ty fiteraha ho ahy nareo ndraiky zaho zisiky-piforony i Kristy aminareo ao.
|
|
\v 20 Maniry zaho mba ho afaky miaraky aminareo amy zao sady hanova ty feoko, safe sahiran-tsay noho ty aminareo zaho.
|
|
\p
|
|
\v 21 Volano amiko, nareo ze maniry ty ho ambany ty lalà eo, moa tsy mijanjy ty lalà ve nareo?
|
|
\v 22 Safe voasoratsy fa i Abrahama ro nana-anaky roe lahy, ty raiky baka amy ty andevo ampela sady ty raiky baka amy ty ampela afaky.
|
|
\v 23 Fa ty raiky le nateraky ty andevo ampela manahaky ty nofotsy, fa azy raiky hafa iny ro nateraky ty ampela tamy ty safa fampanantena.
|
|
\v 24 Raha rey ro azo rambesy hanahaky ty fznohara, safe ampela rey ro manambara fanenkea roe. Ty raiky amin-drozy ro baka amy ty vohitsy i Sinay sady niteraky aja ze andevo ie. Ie io ro i Hagara.
|
|
\v 25 Sady i Hagara ro maneho ty vohitsy i Sinay Arabia any; sady manoro an'i Jerosalema amy ty tany iaby toy, safe nandevozy niaraky tamy anany reh ie.
|
|
\v 26 Fa i Jerosalema ze ambony any ro afaky, sady ie ro renintsika.
|
|
\v 27 Safe voasoratsy hozao: “Mifalea, iha mikasiky ze tsy miteraky. Mikaikaiky mare sady mananova hieky fifalea, iha ze tsy mijaly amy ty faharary ty fiteraha. Safe anany ty ampela ze nafoy rey ro lako noho ty ahy ampela manambaly rey.”
|
|
\p
|
|
\v 28 Fa nareo, rahalahy e, manahaky an'i Isaka, le ana ty fampanantena.
|
|
\v 29 Tamy fotoa zay ty olo ze teraky manahaky ty nofotsy ro nanenjy ze teraky manahaky ty Fanahy. Manahaky zay avao amy zao.
|
|
\v 30 Nefa ino ro a, bara ty soratsy masy? “Alefaso any ty andevo ampela npho ty anakilahiny. Fa ty anakilahy ty andevo ampela ro tsy hizara lova miaraky amy ty anakilahy ty ampela afaky.”
|
|
\v 31 Lahaay, rahalahy e, tsy anaky fy andevo ampela tsika, fa anaky ty ampela afaky.
|
|
\c 5
|
|
\cl Toko 5
|
|
\p
|
|
\v 1 Ho amy ty fahafaha ro nanafaha i Kristy antsika. Miorena soa, laha zay, ka mety ho ambany ty zioga ty fanandevoza ao ndraiky.
|
|
\v 2 Ingo, zaho, Paoly, mivola aminareo fa laha manenga ty vatanareo ho savary nareo, le tsy hahasoa anareo amy ty fomba iaby Kristy.
|
|
\v 3 Mitsanga vavolombelo amy ty olo kirai-draiky ze manenga ty safany ho voasavatsy ndraiky zaho fa voatery hanoriky ty lalà iaby ie.
|
|
\v 4 Tafasaraky tamy i Kristy nareo, ze ta ho hamariny amy ty lalà; sady tsy miay fahasoava sasy nareo.
|
|
\v 5 Fa amy ty alala ty Fanahy, amy ty finoa, ro handinasantsika mare ty fanantena ty fahamarina.
|
|
\v 6 Amy i Kristy Jesosy ao tsy midika ndra ino ndra ino voasavatsy ndra tsy voasavatsy, fa ty finoa miasa amy ty fitiava avao.
|
|
\p
|
|
\v 7 Fa nilay soa nareo. Ia ro nisaka anareo amy ty fankatoava ty marina.
|
|
\v 8 Fandresean-dahatsy zay ro tsy baka aminy azy nikaiky anareo iny.
|
|
\v 9 Lalivay kelikely ro mampitombo ty koba iaby.
|
|
\v 10 Fa matoky ty Tompo zaho fa tsy handramby fomba fanenty hafa nareo. Fa ty raiky ze mampokoronta anareo ro hanonitsy ty sazy, ndra ia ndra ia ie.
|
|
\v 11 Rahalahy e, laha mbo manambara ty amy ty fanavara zaho, nanino zaho ro mbo enjehy? Amy zay le ho afaky vatany ty hampeloky ty hazo fijakea.
|
|
\v 12 Fa ho ahy ze manakoronta anareo rey, enga anie ka le hanapaky ty vatany ndrozy!
|
|
\p
|
|
\v 13 Fa nikaihy ho amy ty fahafaha nareo, rahalahy e. Nefa ka ampiasa ho irika amy ty fila ty nofotsy ty fahafahanareo; fa koa, amy ty alala ty fitea le mifanompoa.
|
|
\v 14 Fa ty lalà iaby ro tanteraky amy ty lily raiky ao; amy ty hozao ao: “Tsy maintsy mitea ty namanao manahaky ty vatanao iha.”
|
|
\v 15 Fa laha mifanehitsy noho mifampihina nareo, le miembena tsy noho hifandavo.
|
|
\p
|
|
\v 16 Fa hoy zaho, mandehana manahaky ty Fanahy le tsy hahantanteraky ze fila ty nobfotsy nareo.
|
|
\v 17 Fa manohitsy ty Fanahy ty fila ty nofotsy, sady manohitsy ty fila ty nofotsy ty faniria ty Fanahy. Fa mifanohitsy rey, mba tsy hahafahanareo manao ze raha teanareo.
|
|
\v 18 Fa laha tarihy ty Fanahy nareo le tsy ho ambany ty lalà.
|
|
\p
|
|
\v 19 Amy zao le mibaribary ty asa ty fila ty nofotsy: fijangajangana, fahalotoa, fijejojejoa,
|
|
\v 20 fanompoan-tsampy, fanosavia, fankahala, fifamalia, fahasarotam-piaro, fipoaha ty heloky, fifandrafia, fisadaham-baza, fizarazara,
|
|
\v 21 fialona, fahamamoa, fanankorontana, sady ty raha mitovy amy zay. Mampiemby anareo zaho, mahahaky ty fa nampiembenako anareo taloha, fa tsy handova ty fanjakan-Janahary ze mampihatsy daha rey.
|
|
\v 22 Fa ty vokatsy ty Fanzhy ro fitiava, fifalea, fiadana, fahareta, hasoam-panahy, fananovan-tsoa, finoa,
|
|
\v 23 fahalemem-panahy, sady fahafehezam-bata; tsy misy lalà manohitsy raha manahaky zay.
|
|
\v 24 Ze an'i Kristy Jesosy rey ro fa nananto ty toetsy atsiky fahotany niaraky tamy ty fahafinaretany noho ty filany.
|
|
\p
|
|
\v 25 Laha miay amy ty Fanahy tsika, engao handeha amy ty Fanahy avao koa.
|
|
\v 26 Engao tsika tsy hanjary mpirengirengy, mifandrangitsy, sady mifampialona.
|
|
\c 6
|
|
\cl Toko 6
|
|
\p
|
|
\v 1 Rahalahy e, laha misy olo azo ty ota, nareo ze ara-panahy ro tokony hampimpoly azy ndraiky amy ty fahamoram-panahy. Mimpoly ty vatanao, mba tsy ho halam-panahy koa iha.
|
|
\v 2 Mifampandaisa ty mavesatsy, sady amy zay le tanteraho ty lalà i Kristy.
|
|
\v 3 Fa laha misy olo midiniky ty vatany ho raha nefa tsinotsino, le mamitaky ty vatany ie.
|
|
\v 4 Tokony handiniky ty asany baka ty kirai-draiky, mba ho amy ty vatany avao ty antony hirengerengeany fa tsy amy ty olo-hafa.
|
|
\v 5 Fa samby handay ty entany iaby ty olo kirai-draiky.
|
|
\p
|
|
\v 6 Ty olo ze nampianary ty safa le tsy maintsy mizara ty raha soa iaby zmy ze mampianatsy.
|
|
\v 7 Ka mety ho fitahy. Tsy azo somongà Njanahary, fa ze iaby ambolé ty olo, ro ho hanovy koa. Ho ahy ze mamboly voa amy ty toetsiny atsiky fahota, le baka amy zay ro hahazoany hasimba.
|
|
\v 8 Ze mamboly voa amy ty Fanahy, amy ty Fanahy ro hananovany ty fiaina zisiky farany.
|
|
\v 9 Engao tsika mba tsy ho vozzky zmy ty fanznovan-tsoa, fa hanao ty vokatsy tsika amy ty fotoa mety, laha tsy manenky tsika.
|
|
\v 10 Ka laha zay, safe mana fahafaha tsika, le engao hanao ty soa zmy ty olo iaby, handraky fa amy ty longo ty finoa.
|
|
\p
|
|
\v 11 Henteo ty habey ty soratsy ze nisoraty ty tanako ho ahy nareo.
|
|
\v 12 Ze te hiseho ho soa amy ty nofotsy ao rey ro miezaky mipiritsy anareo mba hosavary. Manao zay rozy mba hiala amy ty fanenjeha noho ty amy ty hazofijalea i Kristy.
|
|
\v 13 Ndra ze tsy voasavatsy rey aza le tsy miemby ty lalà, nefa tean-drozy hosavary nareo mba hirengerengean-drozy amy ty nofonareo.
|
|
\v 14 Nefa tsy hirengerengea ndra ombia ndra ombia hafa-tsy ty amy ty hazofijalea i Jesosy Kristy Tompontsika lahy zaho, ze nihantona ty tany iaby toy tamiko eo, sady zaho koa tamy ty tany iaby toy eo.
|
|
\v 15 Fa ty fanavara ndra ty tsy fanavara le samby tsy misy antony, fa ty fiainam-baovao ro misy antony.
|
|
\v 16 Ho ahy ty iaby ze miay manahaky fomba zay ao, le ho amin-drozy lahy ty fiadana noho ty famalozam-po, ndra amy ty Israelin-Janahary aza.
|
|
\p
|
|
\v 17 Manomboky zao le engao tsy hisy hanadala ahy, fa manday mariky i Jesosy rey amy ty vatako eo zaho.
|
|
\p
|
|
\v 18 Ho amy ty fanahinareo lahy ty fahasoava i Jesosy Kristy Tompotsika, rahalahy e. Ameny.
|