skg-x-vezo_reg/48-2CO.usfm

\id 2CO
\ide UTF-8
\h Korintiana 2
\toc1 Korintiana 2
\toc2 Korintiana 2
\toc3 2co
\mt Korintiana 2
\c 1
\cl Toko 1
\p
\v 1 Paoly, apostoly raiky an'i Kristy Jesosy tamy ty sitsapon-Njanahary, noho Timoty rahalahintsika, ho ahy ty egilizyn-Janahary ze amy ty Korinto ao, sady ho ahy ty mpino iaby mameno ty faritsy Akaia rey.
\v 2 Ho aminareo lahy ty fahasoava sady ty fiadana baka ami-Janahary Babantsika noho Tompo Jesosy Kristy.
\p
\v 3 Ho tompoy lahy ty Njanahary noho Baba ty Tompontsika Jesosy Kristy. Ie ro Baba ty famalozam-po iaby noho Njanahary ty fampionona iaby.
\v 4 Njanahary le mampionona antsika amy ty fampijaleantsika iaby, ka le mba afahantsika mampionona ze anay ty fijalea ao. Tsika ro manampionona hafa manahaky ty fampionona ze nampiasan-Janahary ampionona antsika rey.
\v 5 Fa manahaky ty hitomboa ty fijalea i Kristy noho tvy aminay, ro hitomboa ty fampionona anay koa amy ty alala i Kristy.
\v 6 Fa laha nampijalea zahay, zay ro ho ahy ty fampionona noho famonjea anareo. Sady laha nampionona zahay, zay ro ho ahy ty fampionona anareo. Ty fampiononanareo ro mandaitsy lafa manam-pahareta hizara fijalea ze mitovy amy ty fijaleanay koa.
\v 7 Fa ty fatokisanay mikasiky anareo le azo antoky, safe zahay le mahay fa nareo koa ro mizara fijalea rey, nareo koa ro mizara fampionona.
\p
\v 8 Fa tsy teanay nareo tsy ahay, rahalahy, ty amy olo nahazo anay rey ta Asia any. Zahay ro nivesary tanteraky mangilatsy ze tokony ho zakanay, lako maré ka le tsy nanantena ty hiay ela sasy zahay.
\v 9 Taminay eo vatany ty fanasazia ho faty. Fa zay ro nahavy anay tsy hametsaky ty tokinay amy ty vatanay eo avao, fa koa amin-Janahary ze mampitsanga ty maty.
\v 10 Nanarombaky anay tamy ty loza maha faty manahaky zay Ie, sady mbo hanarombaky ndraiky. Zahay ro nametsaky ty tokinay taminy fa mbo hanafaky anay ndraiky Ie.
\v 11 Ie ro hanao zay safe nareo koa ro nanampy anat amy ty alala ty vavakinareo. Sady lako bakeo ro hanome fisaora amy ty anaranay noho ty tombom-pahasoava namea anay tamy ty alala ty vavaky ty lako rey.
\p
\v 12 Zahay ro mirengirengy amy zao: fitsanga vavolombelo ty amy ty feo ty fieretseretanay. Fa tamy ty fikasa malio noho fahatsoram-po ze baka amin-Janahary ze nanday anayty vatany rey amy tany iaby zao. Zahay ro nahavita iaby zay sady ty halakony niaraky taminareoa ---tsy tamy ty fahendrea ty tany iaby toy, fa tamy ty fahasoavan-Janahary.
\v 13 Zahay ro tsy nanoratsy raha tsy ho voavaky ndra ho azonareao. Zaho ro manantena fa,
\v 14 safe nareo nahazo ty mikasiky anay amy ty ampahany, zahay ro ho anto ty rengirenginareo amy ty andro ty Tompontsika Jesosy, manahaky anareo ho antony hirengerengeanay.
\p
\v 15 Safe natoky ty mikasiky zay zaho, le te ho aminareo any aloha, mba hahafahanareo mahazo tombony amy ty famonjea roe.
\v 16 Nioma ty hamonjy anareo tamy ty lalako eny ho a-Makedonia any zaho. Sady bakeo le mbo naniry hamonjy anareo ndraiky zaho tamy ty liako baka Mekedonia any, sady ty mba hanateranareo ahy tamy ty lalako eny ho a-Jodianay eo any.
\v 17 Lafa nieritsetritsy manahaky zay zaho, nisalasala va zaho? Nanoma raha manahaky ty nofotsy va zaho rey, mba ivolana “Eka, eka” noho “Aha, aha” amy ty fotoa raiky avao?
\v 18 Fa safe Njanahary ro mahatoky, tsika ro tsy afaky ty hivola ndra “Eka” ndra “Aha.”
\v 19 Fa ty Anakin-Janahary, Jesosy Kristy, ze nitory i Sylvanosy, Timoty sady zaho taminareo, le tsy “Eka” ndra “Aha.” fa Ie ro nivola avao hoe “Eka.”
\v 20 Safe ty fampanantenan-Janahary iaby ro “Eka” iaby aminy ao. Ka le amy ty alalany koa tsika ro hivola hoe “Amena” ho ahy ty voninahitsin-Janahary.
\v 21 Sady Njanahary ze mampahery anay aminareo amy i Kristy ao, sady Ie ro naniraky antsika.
\v 22 Ie ro nanisy tampô tamintsika sady nanome ty Fanahy ho am-pontsika ao ho antoky ze mbo ho ameany antsika afara ao.
\p
\v 23 Fa nikaiky an-Janahary zaho, hitsanga vavolombelo ho ahy ze antony tsy niaviako ta Korinto any mba hamalozako fo aminareo.
\v 24 Zay ro tsy sanatsia noho zahay miezaky ty mamehy ze tokony ho finoanareo. Fa koa, zahay ro miara-miasa aminareo amy ty fifaleanareo, safe nareo mitsanga amy ty finoanareo ao.
\c 2
\cl Toko 2
\p
\v 1 Fa nanapa-kevitsy ty tsy hamonjy anareo ndraiky ty vatako amy ty fotoam-pangirifiria.
\v 2 Laha niteraky alahelo anareo zaho, ia ro afaky mampifaly ahy ankoatsy azy raiky ze niratsako avao iny?
\v 3 Nanoratsy zaho manahaky ty nanoviko mba tsy ho voaratsy ze tokony nampifaly ahy rey lafa avy taminareo ao. Zaho le mana fatokisa ty aminareo iaby fa ty fifaleako ro mitovy amy ty anareo iaby.
\v 4 Fa nanoratsy ho anareo zaho baka amy ty fijalea bevata, miaraky amy ty fangirifiria ty fo, sady miaraky amy ty ranomaso bevata. Tsy te ampalahelo anareo zaho. Fa koa, te hampahay anareo ty alala ty fitiava ze ananako ho anareo.
\p
\v 5 Laha nisy olo niteraky alahelo, tsy niteraky zay tamiko avao ie, fa amy ty endriky hafa---tsy hanitara loatsy zay---aminareo iaby.
\v 6 Ampy ty fanasazia nanovy ty lako hisaky olo io.
\v 7 Ka amy zao laha tokony ho fanasazia, nareo ro tokony hanenga heloky noho hampionona azy. Anovo zay mba tsy handefitsy azy amy ty alahelo bevata maré.
\p
\v 8 Laha zay manankery anareo zaho mba hampahery amy olo lako ty fitiavanareo Azy.
\v 9 Zay ro antony nanoratako, amy ze mba mety hitsapako anareo sady ahaizako ndra mankato amy ty raha-iaby nareo.
\v 10 Laha manenga olo nareo, manenga olo zay koa zaho. Ze nengako--- laha nanenga ty raha-iaby zaho---zay fanenga zay ro fitiava anareo amy ty famonjea i Kristy.
\v 11 Zay le mba tsy hamitaha ty Satana anay. Safe zahay ro mahay ty rahany.
\p
\v 12 Nivoha ho ahy ty varavara tamy ty Tompo lafa niavy tamy ty tanà-bevata ao an'i Troasy nitory ty filazantsara an'i Kristy tany.
\v 13 Ndra zay aza, tsy nana fiadanan-tsay zaho, safe tsy nahita ty rahalahiko Titosy tany. Manahaky zay, niala ndrozy zaho sady nandeha nimpoly ta Makedonia any.
\v 14 Fa fisaora lahy ho ahin-Janahary, ze amy i Kristy ao mitariky anay zisiky farany amy ty fandresea ao. Amy ty alalantsika ro haparitaky ndra aia ndra aia ty hanitsy mamy ty fahaiza azy...
\v 15 Fa zahay ro hanitsy mamy i Kristy an-Janahary, ndra tamy rey ze nivonje noho tamy ze ho maty rey.
\v 16 Ho ahy ty olo ze ho maty, zay ro hanitsy baka amy ty fahafatesa ho amy ty fahafatesa. Ho ahy ty ilany ze nivonjeny rey, le hanitsy baka amy ty fiaina amy ty fiaina ao. Ia ro maeva amy raha rey?
\v 17 Fa zahay ro tsy mitovy amy olo lako ze mamarotsy ty safan-Janahary rey mba ahazoa tombony. Fa koa, amy ty fahaliovam-po, ro hiresahanay amy i Kristy, safe nalefa baka amin-Janahary zahay, tamy ty fahitan-Janahary ao.
\c 3
\cl Toko 3
\p
\v 1 Hanomboky hiteran-tena ndraiky va zahay? Zahay ro tsy mila taratasy rey fanamariha aminareo ndra baka aminareo, manahaky tybolo ilany, sa tsy zay?
\v 2 Ty vatanareo ro taratasy fanamarihanay, ze voasoratsy am-pontsika ao, ze hay sady vakie ty olo iaby.
\v 3 Nareo ro manoro fa taratasy fanmbara baka amy i Kristy, ze nameantsika. Zay ro tsy voasoratsy tamy ty ranomainty fa tamy ty Fanahy azy Njanahary velo iny. Zay ro tsy voasoratsy tamy ty takela-bato eo, fa tamy ty takela ty fo ty olombelo eo.
\p
\v 4 Sady zay ro toky ze ananantsika anilan-Janahary eo amy ty alala i Kristy.
\v 5 Tsika ro tsy mahefa amy ty vatantsika mba handramby ndra ino ndra ino ze baka amintsika. Fa koa, ty fahefantsika ro baka amin-Janahary.
\v 6 Njanahary ro nanao antsika mba ho mpiasa ty fanenkea vaoavao. Zay ro fankea tsy baka amy ty soratsy fa ahy ty Fanahy. Fa ty soratsy mamono, sady ty Fanahy manome ay.
\p
\v 7 Sady ty asa ze niteraky fahafatesa - ro voasoratsy tanabo ty vato eo - le niavy tam-boninahitsy bevata ka le ty olo lakon'Israely ro tsy afaky maniry ty tarehy i Mosesy. Zay le noho ty voninahitsy ty tarehiny, ty voninahitsy ze niharava.
\v 8 Ho voninahitsy bevata manahaky ty ino ty asa ze anovy ty Fanahy?
\v 9 Fa laha nana voninahitsy ty asa ty fanasazy, le hanahaky ty ino ty fitomboa ty voninahitsy ty asa ty fahamarina!
\v 10 Safe vatany, ze namea voninahitsy indraiky avao ro tsy hanam-boninahitsy sasy amy fomba zay, noho ty voninahitsy ze mampitombo zay.
\v 11 Fa laha ze nandalo avao ro nana voninahitsy, le tsy hana voninahitsy mandilatsy noho zay va ze ela!
\p
\v 12 Safe mana toky manahaky zay tsika, le tsy mahasaky vatany.
\v 13 Tsika ro tsy manahaky an'i Mosesy, ze nampisaro ty vatany tamy ty voaly, mba tsy hafaha ty olo lakon'Israely manenty azy mivanta amy ty fihafarà ty voninahitsy ze nandalo avao.
\v 14 Fa ty sain-drozy ro donto. Ndra le zisiky amy zao voaly zay le mbo mijano amy ty famakia ty fanenkea taloha eo. Tsy mivoha zay, safe amy i Kristy ao avao zay ro alà.
\v 15 Nefa ndra le amy zao aza, ndra ombia ndra ombia ro vaky ty lalà i Mosesy, le mampisaro ty fon-drozy ty voaly.
\v 16 Nefa laha mitoliky amy ty Tompo ty olo, le alà ty voaly.
\v 17 Sady ty Tompo ro Fanahy. Ze misy ty Fanahy ty Tompo, le misy fahafaha.
\v 18 Sady tsika iaby, tsy misarom-boaly, le mahita ty voninahitsy ty Tompo. Tsika le fa vaovao ho amy ty voninahitsy mitovy ze baka amy ty voninahitsy ho amy ty voninahitsy ao, ze baka amy Tompo, zay tsy ia fa ty Fanahy.
\c 4
\cl Toko 4
\p
\v 1 Laha zay, safe zahay mana zay asa fanompoa zay, sady vo nahazo famalozam-po, le laginy zahay.
\v 2 Fa koa, tsy nenkenay fomba mahamenatsy rey noho tsy hita. Tsy miay amy ty fitaky zahay, sady mampiasa marina ty safan-Janahary. Amy ty fanoroa ty marina, zahay ro mibeko ty vatanay ty amy ty feo ty fieretsereta ty olo mba handesy amason-Janaary e.
\v 3 Fa laha voasaro ty filazantsaranay, zay le ho voasaro amy ze maty raiky avao rey.
\v 4 Amy ty toe-draha mitsanga amin-drozy, ty njanahary ty tany iaby toy nahajiky say tsy minon-drozy rey. Vokatsy zay, tsy afaky mahita ty fahazava ty filazantsara ty voninahitsy i Kristy ndrozy, ze endrikin-Janahary.
\v 5 a zahay tsy manambara ty vatanay, fa i Kristy Jesosy manahaky ty Tompo, sady ty vatanay manahaky ty mpiasanareo noho ty amy i Jesosy.
\v 6 Fa Njanahary ro azy raiky ze nivola hozao iny: “Ty fahazava hipiriaky amy ty haiky ao.” Ie nipiriaky tam-ponay ao, mba hanome ty fahaza ty fahaiza ty voninahitsin-Njanahary amy ty famonjea i Jesosy Kristy eo.
\p
\v 7 Fa zahay mana hanana zay anay tavoara tanimanga, mba hazava fa ty hery bavata mandilatsy lavitsy ro ahin-Janahary fa tsy anay.
\v 8 Ampijalea amy ty fomba iaby zahay, fa tsy resy. Tsobo hevitsy zahay fa tsy atsiky famoizam-po.
\v 9 Enjehy zahay fa tsy nanenga. Vonoe zahay fa tsy rava.
\v 10 Manday amy ty varptany eo ty fahafatesa i Jososy zisiky any zahay, amy ze ty fiaina i Jesosy avao koa ro hiboaky amy ty vatany eo.
\v 11 Zahay ze velo ro manday zisiky amy ty vatanay ao any ty fahafatesa i Jesosy, amy ze ty fiaina i Jesosy ro hiboaky amy ty vatanay olombelo eo.
\v 12 Laha zahay ty fahafatesa ro miasa amintsika ao, fa ty fiaina miasa aminareo ao.
\p
\v 13 Fa zahay mana fanahy ty finoa mitovy manahaky ze voasoratsy hozao:
\v 14 “Nino zaho, sady le nivola zaho.” Mino avao koa zahay, sady le nivola avao koa zahay. Hainay fa azy raiky ze nampitsanga ty Tompo Jesosy ro hampitsanga antsika avao koa miaraky amy i Jesosy. Hainay fa handay anay miaraky aminareo amy ty famonjea ao Ie.
\v 15 Ty raha-iaby ro ho ahy nareo mba, manahaky ty fahasoava vita paritaky tamy ty olo lako, ro hitomboa ty fanomezam-pisaora amy ty voninahitsin-Janahary ao.
\p
\v 16 Laha zay le ho laginy zahay. Ndra le malemy ambaliky aza zahay, le anovy vaoavao isan'andro san'andro ty anainy ao.
\v 17 Fa amy andro mandalo zao, ty fijalea maiva ro manoma anay ho amy ty lanja ty voninahitsy ela zisiky farany ze mandilatsy ty fandanjà iaby.
\v 18 Fa tsika tsy manenty raha ze hita, fa raha tsy hita rey. Raha ze mety hitantsika rey ro tsy ela, fa raha ze tsy hita rey ro ela zisiky farany.
\c 5
\cl Toko 5
\p
\v 1 Haintsika fa laha rava ty fonena an-tany eo ze ipetsahantsika, le mana tsano baka amin-Janahary tsika. Zay le tsano tsy nanovy ty tanan'olombelo, fa tsano zisiky farany, an-danitsy any.
\v 2 Fa amy tsano-lay toy eo tsika ro miay, maniry maré ty hisiky ty fipetsahantsika an-danitsy any.
\v 3 Maniry maré zay tsika safe amy ty fahasoavantsika zay ro ho tea mitanjaky tsika.
\p
\v 4 Fa laha mbo amy ty tany toy eto tsano-lay vatany tsika, le miay, mavesats-enta. Tsy te hitanjaky tsika. Fa koa, te hisiky tsika, mba hately ty fiaina ze mety maty.
\v 5 Azy Raiky ze nanoma antsika ho amy raha bibike zay iny le Njanahary, ze nanome antsika ty Fanahy ho fanambara ze ho avy.
\p
\v 6 aha zay le mahatoky zisiky any. nandiniky fa lafa an-tsano amy ty vata ao tsika, le lavitsy ty Tompo.
\v 7 Fa mandeha amy ty finoa tsika, fa tsy amy ty fahita.
\v 8 Laha zay le mana fatokisa tsika. Aleontsika lavitsy ty vata faan-tsno ao miaraky amy ty Tompo.
\v 9 Ka le anovintsika raha tsarsary zay, ndra an-tsano tsika ao ndra lavitsy zay, mba hahasoa Azy.
\v 10 Fa tsika iaby le tsy maintsy hiboaky aloha ty seza fitsarà i Kristy eo, mba mety ahazoa ty kirai-draiky ze mifanaraky amy raha-vita tamy ty vata rey ao, ndra ho amy ty soa ndra ho amy ty raty.
\p
\v 11 Laha zay, ty fahaiza ty tahotsy ty Tompo, ro handreseantsika lahatsy ty olo. Ty maha tsika antsika ro hitan-Janahary mazava. Antenako fa mazava amy ty feo ty fieretseretanareo avao koa zay.
\v 12 Tsy miezaky ty handresy lahatsy anareo ndraiky zahay mba hanenty anay manahaky ty mahity fo. Fa koa, manome antoky ho ahy nareo hirengerengea noho ty aminay zahay, mba hanananareo valin-tsafa ho ahy ze mirengirengy amy ty endriky ambaliky fa tsy ty amy ze am-po ao.
\v 13 Fa laha gegy zahay, le ho an-Jnahary zay; sady laha mimpoly soa ty sainay, le ho ahy nareo zay.
\v 14 Fa ty fitiava i Kristy ro manao forose anay, safe azonay antoky tb hozao: nisy olo raiky maty ho ahy ty iaby, sady laha zay le maty ty iaby.
\v 15 Maty Ie ho ahy ty iaby, mba tsy ho velo ho ahy ty vatan-drozy sasy ze velo fa ho Azy ze mety sady nantsanga noho ty fitiava androzy rey.
\p
\v 16 Laha antony zay, manomboky zao le tsy mitsara ndra ia ndra ia manahaky ty fomba ty olombelo tsika, ndra le fa nanenty an'i Kristy manahaky tsika zay aza tsika taloha. Fa amy zao tsika ro tsy mitsara ndra ia ndra ia manahaky zay sasy.
\v 17 Laha zay, laha misy olo amy i Kristy ao, le olom-baovao ie. Fa lasa ty raha taloha rey. Indreto, fa nanjary vaovao ndrozy.
\v 18 Raha iaby rey ro baka amin-Janahary. Nampilongoany tamy ty Vatany tamy ty alala i Kristy tsika, sady nameany antsika ty asa fanompoa ty fampilongoa.
\v 19 Zay hoe, amy i Kristy Njanahary ao ro mampilongo ty tany iaby toy amy ty Vatany, tsy manisaky ty hadisoan-drozy amin-drozy. Na-ankiny taminay ty hafatsy ty fampilongoa.
\v 20 Ka le voatondro ho mpanolom-bata i Kristy zahay, manahaky ty hoe amy ty alalanay ro hananovan-Janahary ty fikaihany. Mangataky anareo zahay, noho i Kristy: “Milongoa amin-Janahary!”
\v 21 Nanoviny nanjary soro ho ahy ty fahotantsika Kristy. Ie azy Raiky ze tsy nanota mihintsy iny. Nanovy zay mba ho avy fahamarinan-Janahary aminy ao tsika.
\c 6
\cl Toko 6
\p
\v 1 Miara-kiasa aminy, zahay avao koa le mandrisiky anareo tsy handramby ty fahasoavan-Janahary fahantany.
\v 2 Fa nivola ie hozao: “Tamy ty fotoa mety ro nijanjy anareo Zaho, sady tamy ty andro ty famonjea ro nanampy anareo Zaho. Henteo, amy zao ro fotoa mety. Henteo, amy zao ro andro ty famonjea.
\p
\v 3 Tsy mampipetsaky vato mampeloky alohan'ia ndra ia eo zahay, fa zahay tsy maniry ty haharaty laza ty asa fanompoanay.
\v 4 Fa koa, zahay ro manaporofo ty vatanay amy ty asanay iaby, fa mpiasan-Janahary zahay. Zahay ro mpiasany amy ty fiareta bevata, fojalea, faifitsy, fahasarota,
\v 5 vangoa rey, fanagadra, fiharoa, amy ty asa mahery, amy ty haly tsy misy roro, amy ty hamosary,
\v 6 amy ty fahadiova, fahaiza, fahareta, fahatsoram-po, amy ty Fanahy Masy, amy ty tena fitiava.
\v 7 Zahay ro mpiasany amy ty safa ty fahamarina ao, amy ty herin-Janahary ao. Zahay ro mana ty fiarova ty fahamarina ho ahy ty tanan-kavana noho ty havia.
\v 8 Zahay ro miasa amy ty voninahitsy noho amy ty fanalam-baraka, amy ty fanaratia noho ty fanompoa. Zahay ro azo ndraha ho mpamitaky nefa zahay ro marina.
\v 9 Zahay ro miasa manahaky tsy misy mahay reny nefa zahay ro mbo hain'olo. Miasa manahaky ty ho maty zahay henteo-mbo miay zahay. Miasa zahay manahaky ty sazia noho ty asanay nefa tsy manahaky ty voaheloky ho maty. Zahay ro miasa manahaky ty malahelo, nefa le mifaly lalandava.
\v 10 Zahay ro miasa manahaky ty mijaly, nefa le mampanan-kanana ty olo lako zahay. Miasa manahaky ty tsy mana ndra ino ndra ino zahay nefa manahaky ty mana ty raha iaby.
\p
\v 11 Zahay ro nivola ty marina iaby taminareo, Korintiana, sady ty fonay ro mivoha mivanavana.
\v 12 Ty fonareo ro tsy nifehezinay, fa nareo ro namehy fihetseham-ponareo manoka.
\v 13 Sady ho valiny ara-drariny aminareo manahaky ty amy ty aja zaho-vohao hivanavana ty fonareo.
\p
\v 14 Ka mifamehy amy tsy mpino rey. Fa ino ro iaraha ty fahamarina noho ty fandikan-dalà? Fa ino ro iaraha ty mazava amy ty maiky?
\v 15 Ino ro mety ho fifanaraha amy i Kristy noho Beliala eo? Ndra ino ro tokony anjara anana ty mpino raiky noho amy ty tsy mpino raiky?
\v 16 Sady ino ro fifanaraha misy amy ty egilizin-Janahary noho ty sampy eo? Fa tsika ro egilizin-Janahary velo, manahaky ty fa nivolanin-Janahary hozao: “Hipetsaky amin-drozy eo Zaho sady handeha amin-drozy eo. Zaho ro ho Njanaharin-drozy sady Ndrozy ro fa ho oloko.”
\p
\v 17 Laha zay, “Miboaha hiala amin-drozy eo, sady mitoka,” hoy ty Tompo. “Ka mikasiky raha maloto, sady Zaho handramby anareo.
\v 18 Zaho ro ho Raiky ho anareo, sady nareo ho anakilahiko noho anak'ampelako,” hoy ty Tompo Tsitoha.
\c 7
\cl Toko 7
\p
\v 1 Malalako rey, zisiky amy ty nanantsika ty safa fikasa rey le engao tsika hanadio ty vatantsika amy ty raha-iaby ze mahavy fahalotoa amy ty vata eo noho fanahintsika. Engao tsika hahazo ty fahamasina amy ty fatahora an-Janahary.
\p
\v 2 Rambeso zahay! Fa tsy nanao raty tamin'ia ndra ia. Tsy nandratsy ndra nanararaotsy ndra ia ndra ia zahay.
\v 3 Tsy hanasazy anareo ro hivolanako zao. Fa nivolaniko fa amponay ao nareo, fa miara-maty sady miara-velo tsika.
\v 4 Mana fatokisa bevata anareo zaho, sady mirengirengy noho ty aminareo. Atsiky fampionona zaho. Mijiajia ty hafaleako ndra le eo aza ty fampijalea iaby.
\p
\v 5 Lafa niavy ta Makedonia zahay, tsy hanam-pijanona ty vatanay. Laha zay, mijaly tamy y fomba iaby zahay noho ty fialia tambaliky any, noho ty tahotsy tanay ao.
\v 6 Fa Njanahary, ze mampahery ty laginy, nampahery anay tamy ty fiavia i Titosy.
\v 7 Tsy tamy ty alala ty fiaviany avao ro hampaherezan-Janahary antsika. Fa tamy ty fampahereza ze nirambesy i Titosy baka aminareo. Mivola antsika ie ty amy ty habeva ty fitiavanareo, ty alahelonareo, sady ty fiahianareo ahy laliky. ka le hifaly zisiky farany zaho.
\p
\v 8 Ndra le nampalahelo anareo aza ty taratasiko, le tsy nampaneny ahy zay. Fa naneny tamy zay zaho lafa nahita fa nampalahelo anareo ty taratasiko. Fa nalahelo tanay ty fotoa tsy ampy nareo.
\v 9 Amy zao le faly zaho, tsy hoe safe mijaly nareo, fa safe ty alahelonareo ro nanday anareo ho amy ty fibebaha. Nareo ro niay ty fijalea amin-Janahary ao, ka le tsy nisy tsobo ty nijaleanareo ho ahy anay.
\v 10 Ty fijalea amin-Janahary ao ro manday amy ty fibebaha ty mba hahatanteraky ty famonjea tsy misy fanantena. Ndra zay aza, ty alahelo ty tany iaby toy, le manday fahafatesa.
\v 11 Henteo ty vokatsy ty habey ty fijaleanareo tamy ty fijalea amin-Janahary ao. Bevata vatany ty habevata ty fijalea taminareo ao mba hanaporofoa fa tsy manan-tsiny nareo. Bevata vatany ty habevata ty helokinareo, ty tahotsinareo, ty alahelonareo, ty zotom-ponareo, sady ty fanirianareo ahita ty fahamarina ze tokony anovy! Amy ty raha-iaby ro nanaporofo tamy ty vatanareo nareo mba tsy ho meloky amy raharaha iaby zay.
\v 12 Ndra le nanoratsy taminareo aza Zaho, Zaho ro tsy nanoratsy ho ahy ty mpanao raty rey. ndra ho ahy ty raiky ze miaritsy ty raty. Nonoratsy zaho mba tokony hampahay ty fazotoanareo taminay anilan-Janahary eo.
\v 13 Tamy ty alala zay ro nampahereza anay. Mandilatsy noho ty fampahereza ze fa anananay, nihoa-papa ty fifaleany noho ty fifalea i Titosy, safe ty fanahiny ro velombelo noho ty aminareo iaby.
\v 14 Laha hohatsy ka le nirengirengy taminy ty mikasiky anareo zaho, le tsy mba afa-baraka zaho. Mifanohitsy amy zay, raha iaby ze nivolaninay taminareo rey le marina iaby, ty firengerengeanay mikasiky anareo tamy i Titosy le voaporofo fa marina.
\v 15 Ty fitiavany anareo ro bevata vatany, manahaky tg nahatiarovany ty fankatoavanareo iaby, Henteo ty fandrambesanareo azy tamy ty tahotsy noho fangitikitiky.
\v 16 Faly zaho safe mana fatokisa tanteraky taminareo.
\c 8
\cl Toko 8
\p
\v 1 Teanay ho hainareo, rahalahy, ty mikasiky ty fahasoavan-Janahary ze namea tamy ty egilizy i Makedonia rey ao.
\v 2 Tanay ty fitsapa bevata amy ty fijalea, ty fitobaky ty hafaleany noho ty fara-fijalean-drozy le niteraky hanana-bevata ty fatariha-tana.
\v 3 Safe mitsanga vavolombelo zaho fa nanao bey tokony ze vitany ndrozy, sady mandilatsy an'i z vitany aza. Sady tamy ty sitsapon-drozy manoka
\v 4 noho niaraky tamy ty fangataha mahery ro nangatahan-drozy taminay ty fahafaha mba hana anjara amy asa fanompoa amy ty mpino toy reo eo.
\v 5 Tsy niboaky manahaky ze nantenanay zay. Fa koa, nanome ty vatany aloha tamin-Janahary ndrozy. Sady nanolo-tena ho ahy nay ndrozy tamy ty sitsapon-Janahary.
\v 6 Ka le nandrisiky an'i Totosy zahay, ze fa nanomboky an'i asa zay, mba hanantanteraky ty fahasoava aminareo eo.
\v 7 Fa nareo koa ro manan-kanana amy ty raha iaby, amy ty finoa, amy ty safa, amy ty fahaiza, amy ty fazotoa iaby, sady amy ty fitiavanareo anay. Ka anovo azo antoky mba hanan-kana amy asa fahasoava zay nareo. \f + \ft Ty ULB noho ty UDB, miaraky amy dikan-tsafa lako hafa, le mivaky manao hozao: “Amy ty fitiavanao anay ao.” Ty dikan-tsafa hafa ro mivaky manao hozao: “Sady amy ty fitiavanay anareo ao.” \f*
\p
\v 8 Tsy mivola zay manahaky ty lily zaho. Fa koa, mivola zay zaho amy ty fitsapa ty fahamarina ty fitiavanareo amy ty fampita zay amy ty zotom-po ty olo hafa.
\v 9 Safe hainareo ty fahasoava ty Tompontsika Jesosy Kristy. Ka le ndra nanan-kanana aza ie, le nanjary nijaly noho nareo, ka le amy ty fijalea ro mety azahoanareo hanana.
\v 10 Amy resaky zay ro hanome toro-hevitsy anareo zaho ze hanampy anareo. Tao raiky any zay, ro tsy nanomboky nanao raha avao nareo, fa naniry ty manao zay.
\v 11 Amy zao vitao zay, manahaky ty nisia ty zotom-po noho ty faniria hanao zay, le enga anie hanatanteraky zay koa nareo, manahaky ze azonarreo hanovy.
\v 12 Safe laha maniry maré ty hanao asa zay nareo, le raha soa noho azo enke zay. Tsy maintsy mahazo amy ze hananz ty olo raiky zay, fa tsy ze tsy ananany.
\v 13 Fa asa zay ro tsy mba handratia ty hafa sady hanavesara anareo. Fa koa, tokony hisy ty rariny.
\v 14 Ty hanananareo amy fotoa zao le hanome ze ilan-drozy. Ka le zay koa ro mba hanomeza ty hananan-drozy ze ilanareo. Sady mba anomezan-drozy ty rariny
\v 15 Manahaky ze fa voasoratsy hozao: “azy raiky ze nanao lako iny ro tsy nana ambiny, sady azy raiky ze nana ty kelikely iny ro tsy nana ty tsy ampy.
\p
\v 16 Fa Njanahary ty fisaora, zecnametsaky ty tam-po i Titosy ao ty fahamatora ze ananako aminareo.
\v 17 Fa ie tsy nanenky avao ty antsokosoko, fa tena matotsy ty amy zay avao koa. Namonjy anao tamy ty sitsapony manoka ie.
\v 18 Nalefanay ie niaraky tamy azy rahalahy ze nitompoe tanivo ty egilizy iaby iny noho ty asany ze mitory ty filazantsara.
\v 19 Tsy zay avao, fa ie avao koa ro nitondroe ty egilizy mba handeha hiaraky aminay handay asa ty fatari-tana zao. Zay ro ho ahy ty voninahitsy ie Tompo sady ho ahy ty fanirianay hanampy.
\p
\v 20 Miemby zahay ty amy ty mety hisia ty olo mitoreo mombanay mikasiky asa fatari-tana ze hanovinay io.
\v 21 Ka le mila miemby zahay mba hanao ty mety, fa tsy anila ty Tompo eo raiky avao, fa aloha ty olo eo koa.
\v 22 Mandefa rahalahy raiky hafa avao koa zahay miaraky amin-drozy. San'andro zahay ro nitsapa azy, sady nahita azy mafana fo tamy ty asa lako. Mazoto vatany ie amy zao noho azy fatokisa bevata ze anananay aminareo iny.
\v 23 Laha ty amy i Titosy, ie ro namako noho mpiara-miasa amiko ho ahy nareo. Laha ty amy ty rahalahinzy, le nalefa egilizy rey ndrozy. Voninahitsy ho ahy Kristy ndrozy.
\v 24 Ka le atoro androzy ty fitiavanareo, sady atoro amy ty egilizy ty anto ty firengirenginay mikasiky anareo.
\c 9
\cl Toko 9
\p
\v 1 Mikasiky ty asa fanompoa ho ahy ty mpino, tsy tena ilako ty manoratsy ho ahy nareo.
\v 2 Haiko ty mikasiky ty fanirianareo, ze irengerengeako amy ty olo i Makedonia. Nivolaniko androzy fa Akaia ro fa vonona nanomboky tamy ty tao lasa. Ty zotom-ponareo ro nanosiky ty halakoan-drozy hiasa.
\v 3 Sady nirahiko ty rahalahy mba tsy ho rava ty firengirengin-tsika mikasiky anareo, sady mba ho vonona nareo, manahaky ty fa nivolaniko ho anareo, manahaky ty fa nivolaniko ho ahy nareo.
\v 4 Laha tsy zay, laha misy Makedoniana lako miaraky amiko sady mahita anareo mbo tsy vonona, le ho menatsy tsika-tsy mivola ndra ino ndra ino mikasiky anareo zaho-noho ty fatokisa anareo.
\v 5 Ka le mieritseritsy zaho fa ila ty mandrisiky rahalahy rey hana aminao any sady hanao fifanaraha aloha ty amy ty fanomeza fa nampanantenanao. Zay ro afaha mivonona manahaky ty fitahia, fa tsy manahaky ty raha tsy azo enke.
\p
\v 6 Ty tena ie le toy: Ty raiky ze mandraraky kelikely ro hahazo kelikely avao koa, sady ty raiky ze mandraraky amy ty tanjom-pitahia ro hahazo fitahia avao koa.
\v 7 Engao ty kirai-draiky hanome mahahaky ze fa napitiko tam-pony ao. Ka enga manome fijalea ndra ty tsy tendiky ie. Fa ty mpanome am-pifalea ro tean-Janahary.
\v 8 Sady Njanahary ro afaky mampitombo ty fitahia ho ahy nao, mba, amy ty raha iaby, le afaky hahazo ze ilanareo iaby zisiky farany nareo. Zay ro misy le mba hafahanareo mampitombo ty asa soa nareo.
\v 9 Zay ro manahaky ty voasoratsy hozao: “Nizarany hananany rey sady nanome androzy reny ho ahy ty mijaly. Ela zisiky farany ty fahamarinany.
\p
\v 10 Ie ze mizara voa ho ahy ty mpamboly ze mandraraky noho ty mofo ho ahy ty hany, le hizara noho hampitombo ty voanao avao koa ho amy ty fandraraha. Hampitombo ty vokatsy ty fahamarinanao ie.
\v 11 Hahazo hanana amy ty fomba iaby iha mba hahavy anao ho hatari-tana. Zay le handay fanoroam-pisaora an-Janahary amy ty alalany.
\p
\v 12 Ty fanantena asa fanompoa io ro tsy vita ty hoe maha atsiky ty raha ila ty mpino avao. Mitombo avao koa zay amy ty asa fanomezam-pisaora an-Janahary lako.
\v 13 Fa noho ty fanohara anareo ze voaporofo amy asa io, le hanome voninahitsy an-Janahary loa nareo amy ty fankatoava ty fibabohanareo amy ty filazantsara i Kristy. Le hanome voninahitsy an-Janahary ka le nareo amy ty fahalalahan-tananareo amy ty fanomeza ho androzy noho ty olo-iaby.
\v 14 Maniry anao zay ndrozy, sady mivavaky ho ahy nao ndrozy, Manao zay ndrozy noho ty habey ty fahasoavan-Najahary aminao ao.
\v 15 Ho ahy Njanahary lahy ty saotsy noho ty fanomeza tsy hay volany!
\c 10
\cl Toko 10
\p
\v 1 Zaho, Paoly, mangataky anareo ty vatako, amy ty fampijotsoam-bata noho hamoram-panahy i Kristy. Malemy fanahy zaho lafa amy ty fanatsehanareo eo, nefa tsy mahasaky ty aminareo zaho lafa tsy eo.
\v 2 Mangataky aminareo zaho, lafa miaraky aminareo zaho, tsy mila mahasaky amy ty fatokisam-bata. Nefa zaho mieritseritsy fa mila mahasaky manohitsy ze midiniky rey fa tsika ro miay manahaky ty nofotsy.
\v 3 Fa ndra zay aza ke mandeha manahaky ty nofotsy zahay, tsy mialy manahaky ty nofotsy.
\v 4 Fa ty fialia ze ialiany ro tsy ara-nofotsy. Laha zay, mana hery baka an-danitsy any mba hamoteha ty fanahy raty. Fa tsy manday ndra ino ndra ino ty hevi-pitakin-drozy.
\v 5 Ho simbatsika avao koa raha abo rey ze mampitsanga fanohera ty fahaiza an-Janahary. Fa midiniky ty hanasazy ty kirai-draiky amy ty fankatoava an'i Kristy tsika.
\v 6 Sady mioma amy ty fanasazia ty fihetsiky tsy fankatoava iaby tsika, vatahy vo tanteraky ty fankatoavanareo.
\p
\v 7 enteo mazava ze alohanareo eo. Fa ndra ia ndra ia ro resy lahatsy fa ie ro Kristy, engao hampahatiaro ty vatany ie fa ie vatany ro Kristy, le manahaky zay koa tsika.
\v 8 Eka fa ndra le mirengirengy kelikely aza zaho mikasiky ty fahefantsika, ze namea ty Tompo antsika mba hampitsanga sady tsy hanimba anareo, tsy ho menatsy zaho.
\v 9 Tsy teako zay ty hampihorohoro anareo amy ty alala ty taratasiko.
\v 10 Fa ty olo ilany nivola hozao: “Matotsy noho mahery ry taratasiny, nefa malemy ara-bata ie. Tsy maeva ho janjiny ty safany.”
\v 11 Engao ty olo raiky hahay fa safa amy ty taratasinay ao tamy ty fotoa tsy nahateo anay rey le manoro ty asa tokony ho anovinay lafa avy any zahay.
\p
\v 12 Tsy mandeha lavitsy zahay ndra mampitovy ty vatany amy ze mitolim-bata. Fa laha mandrefy ty vatany amy ty hafa ndrozy sady mampitovy ty vatany amy th hafa, le tsy hailo.
\v 13 Tsika, ndra zay aza, tsy hirengirengy mandilatsy ty tokony ho ie. Fa koa, anovinay avao zay ze misy farany manahaky ty nitondroan-Janahary anay, farany ze mikasiky anareo.
\v 14 Fa tsy miemby ty vatanay zahay lafa avy aminareo eny. Zaho ro avy velohany zisiky aminareo any niaraky amy ty filazantsara i ke.
\p
\v 15 Tsy nirengirengy mandilatsy ty farany tsika ty mikasiky ty asa ty ilany. Nefa koa, antenanay fa hitombo ty finoanareo amy ty asa bevata mandiny ty antsika, sady samby amy ty farany iaby.
\v 16 Fa zao ro antenanay, mba afahanay mitory ty filazantsara ndra le amy ty toera lavitsy anareo any aza. Tsy hirengirengy ty mikasiky ty asa fa vita tamy ty farany hafa any tsika.
\v 17 “Nefa engao ty raiky mirengirengy, hirengirengy amy ty Tompo ao.”
\p
\v 18 Fa tsy azy raiky ze manome ty vatany iny ro ankatoavy. Nefa koa, engao azy raiky ze namea ty Tompo.
\c 11
\cl Toko 11
\p
\v 1 Maniry zaho mba hafahanareo manenga ahy hanao hadala kelikely ilany. Fa tena manenga ahy vatany nareo!
\v 2 Fa saro-piaro ty mikasiky anareo zaho. Mana fahasarotampiaro manahaky an-Janahary aminareo zaho, zisiky amy ty nanomezako toky anareo zao tamy ty fanambalia ao ho ahy ty valy raiky avao. Nanome toky zaho ty hanome anareo manahaky ty ajam-pela kelikely malio ho ahy i Kristy.
\v 3 Fa matahotsy zaho tsy noho, hanahaky ty namitaha ty menara an'i Eva tamy ty alala ty failony, ty eritseritsinareo le mety hiala amy ty fanomezam-bata amy hantsoram-po noho malio amy i Kristy.
\v 4 Fa diniho hoe misy olo raiky avy hitory Jesosy hafa noho azy raiky torintsika iny. Nrra riniho hoe mandramby Fabpnahy hafa noho ze rambesinareo nareo. Ndra diniho hoe mandramby filazantsara hafa noho azy raiky ze nirambesinareo nareo. Manenga raha raiky soa avao reny nareo!
\v 5 Safe mieritseritsy zaho fa tsy farany ambany noho volany fa hoe apostoly anabo rey.
\v 6 Fa ndra le tsy nisara nandeha-maba zaho, le nizara tamy ty fahaiaza. Tamy ty fomba iaby noho tamy raha iaby rey le nanovinay ho hainareo zay.
\p
\v 7 Moa nanota va zaho tamy ty fanetsem-batako mba hisondrotanareo? Fa nitory ty filazantsaran-Janahary amy zao avao ho ahy nareo zaho.
\v 8 Nandrava egilizy hafa rey zaho tamy ty alala ty fanenkea fanohana baka amin-drozy mba afahako manompo anareo.
\v 9 Lafa niaraky taminareo zaho noho nila fanampea, le tsy nanavesatsy ndra ia ndra ia. Fa raha nilako rey ro namea m0irahalahy ze niavy ta Mekedonia any rey. Tamy ty raha iaby le niemby ty vatako tsy ho enta-mavesatsy aminareo zaho, sady hanohy hanao zay.
\v 10 Laha amiko ato ty fahamarina i Kristy, le tsy hivola firenea zay amy ty faritsy i Akaia any.
\v 11 Nanino? Safe tsy teako va nareo? Njanahary mahay.
\p
\v 12 Sady ty raha anoviko ro mbo hanoviko avao, mba mety afahako mangalky ty fitereva noho ty fitsikoa ahy noho ty fitoreva noho ze tean-drozy hirengirengy rey---fa ndrozy ro hita manao asa mitovy amy ze anovinay.
\v 13 Fa ty olo manahaky zay le apostoly sandoky noho mpiasa mamitaky. Ndrozy ro manao sarintsary ty vatany manahaky ty apostoly i Kristy.
\v 14 Sady zay ro tsy mahatseriky, fa ndra ty satana aza manoro ty vatany manahaky ty anjely ty fahazava.
\v 15 Tsy mahatseriky sasy laha manoro ty vatan-drozy manahaky ty mpiasa ty fahamarina mpiasany rey. Ty anjaran-drozy ro ze maeva ty asan-drozy.
\p
\v 16 Volaniko ndraiky hozao: “Ka enga hisy hieritseritsy ho adala zaho. Fa laha manao zay nareo, le rambeso manahaky ty adala zaho ka mba hirengirengy kelikely.
\v 17 Ze volaniko mikasiky fatokisa mirengirengy toy ro tsy manahaky ty volany ty Tompo, fa mivola manahaky ty adala zaho.
\v 18 Fa lako ty olo ro mirengirengy manahaky ty nofotsy, le mirengirengy avao koa zaho.
\v 19 Nanenky am-pifalea adala rey nareo. Le hoe hendry ty vatanareo!
\v 20 Fa mandefitsy amy ty olo nareo laha manandevo anareo, mandany anareo, mananaraotsy anareo, mandramby ty vatany ho anabo noho nareo, ndra laha mamango tampify anareo ie.
\v 21 Ho volaniko amy ty fanalam-baraka fa mamango maré zahay tamy ty fananova zay. Laha misy mirengirengy--- le miresaky manahaky ty adala zaho---Zaho avao koa ro hirengirengy.
\v 22 Hebreo va ndrozy? Zahao avao koa. Israelita va ndrozy? Zaho avao koa. Tariha i Abrahama va ndrozy? Zaho avao koa.
\v 23 Mpiasa i Kristy va ndrozy? (Miresaky manahaky ty olo tsobo say zaho.) Mandilatsy noho zay zaho. Mbo niasa maré nandilatsy noho zay aza zaho, tan-gadra ao san'andro, tamy ty vangoa ty fepetsy, tamy ty famonjea loza lako mahafaty.
\v 24 Baka amy ty alala i Jiosy ro nandrambesako “Vangoa efapolo latsaky raiky” Indimy.
\v 25 Nntelo zaho ro nivangoa tamy ty hazo. Indraiky zaho ro nitoraha-vato. Intelo zaho ro vaky sambo. Nandany ray aly noho ndraik'andro tan-driaky eny zaho.
\v 26 Nandeha san'andro zaho, tamy ty loza ty reny rano, tamy ty loza mpandrava rey, tamy ty loza ty oloko manoka, tamy ty loza Jentilisa rey, tamy ty loza tamy ty tanà any, tamy loza tambaliky any, tamy tybloza tan-driaky any, tamy ty loza baka amy rahalahy sandoky rey.
\v 27 Fa tamy ty asa mahery noho raha-sarotsy zaho, tamy ty haly tsy misy roro, tamy tyhamosary noho hamarandrano, tamy ty fifalian-kany san'andro, tamy ty nintsy noho fitanjaha.
\v 28 Ankoatsy ty raha hafa, misy tsindry isan'andro amiko noho ty fanahiko amy ty egilizy iaby.
\v 29 Ia ro malemy, ka le tsy malemy zaho? Ia ro mampeloky, ka le tsy mirehitsy zaho?
\p
\v 30 Laha tsy maintsy mirengirengy zaho, le hirengirengy mikasiky ze manorao fahalemeko rey.
\v 31 Azy Njanahary noho Ray i Tompo Jesosy iny, azy raiky ze tompoy zisiky farany iny, le mahay fa tsy mavandy zaho!
\p
\v 32 Ta Damaskosy any, ty governora ambany i Areta mpanjaka ro niemby ty tanà i Damaskosy mba hanambotsy ahy.
\v 33 Fa nampijotso tamy ty sobiky tamy ty lafonety raiky tamy ty vala eo zaho, ka le nilay ty tanany.
\c 12
\cl Toko 12
\p
\v 1 Zaho ro tsy maintsy mirengirengy, fa tsy misy ndra ino ndra ino azo baka amy zay. Fa zaho ro hanohy ty amy fahita noho fanambara baka amy ty Tompo rey.
\v 2 Mahay lahilahy amy i Kristy ao zaho ze folo efatsy amby tao fa lasa zay---ndra amy ty vata ndra ambaliky vata, zaho tsy mahay, Njanahary mahay ---nala niakatsy tamy ty lanitsy faha telo.
\v 3 Sady haiko fa lahilahy io---ndra amy ty vata ao, ndra ambaliky ty vata, zaho tsy mahay, Njanahary mahay ---
\v 4 le nala niakatsy tamy ty paradisa sady naharé raha ze tena masy maré amy ty olo ty hivola azy.
\v 5 Amy ty anara ty olo manahaky zay le hirengirengy zaho. Fa amy ty anara ty safako ro tsy hirengerengea zaho, hafa-tsy ty mikasiky fahalemeako rey.
\v 6 Lafa te hirengirengy zaho, le tsy ho adala zaho, fa te hivola ty marina. Fa hifehy tena amy ty ty firengirengea zaho, mba tsy hisy ndra ia ndra ia hidiniky ahy ho anabo noho ze hita amiko ndra re baka amiko.
\v 7 Hifehy tena amy ty firengerengea avao koa zaho noho karaza fanambara miavaky rey. Laha zay, mba tsy ho atsiky firengerengea zaho, le nasia fatiky ty nofotsiko, ty mpanday hafatsy i Satana hanakoronta ahy, mba tsy hirengirengy maré zaho.
\v 8 Intelo zaho ro nangataky tamy ty Tompo ty mikasiky zay, mba hangalà zay amiko.
\v 9 Fa hoy ie tamiko hozao: “Ampy ho anao ty fahasoavako, fa ty hery ro nanovy ho lafatsy amy ty fahalemea ao.” aleoko mirengirengy bevata maré ty amy ty fahalemeko, mba hipetsaha ty hery i Kristy amiko ato.
\v 10 Laha zay faly noho i Kristy amy ty fahalemea ao, amy ty fanivativa, amy ty koronta, amy ty faniana sady amy ty fotoan-tsarotsy ao zaho. Fa ndra ombia ndra ombia malemy zaho, le matanjaky.
\p
\v 11 Zaho ro nanjary adala! Nareo ro nanao forose ahy amy zay, fa zaho ro tooony nitomponzreo. Fa zaho ro tsy ambany noho ze kaihe hoe apostoly anabo rey mihintsy, ndra le tsy misy dikany aza zaho.
\v 12 Fahaiza marina rey ty maha Apostoly le nitanteraha taminareo eo tamy ty fahareta tanteraky, fahaiza noho hatsereha sady asa mahery.
\v 13 Fa ino nareo ro tsy le manan-danja noho egilizy ilany rey, ankoatsy ty tsy maha vesatsy ahy ho ahy nareo? Manenga ahy noho hadala zay!
\p
\v 14 Ingo! Vonona ho avy fanintelony aminareo any zaho. Tsy ho bevoka ho anareo zaho, fa zaho ro tsy mila ze anareo. Nareo ro ilako. Fa tsy ty anaky ri tokony hihary ho ahy ty ray aman-Dreny. Fa koa, ray aman-Dreny rey ro tokony hihary ho ahy anaky rey.
\v 15 Zaho ro faly tanteraky handany noho holaný ho ahy ty fanahinareo. Laha mitea bey anareo zaho, le hotiaviko kelikely va zaho?
\p
\v 16 Fa ndra le manahaky zay aza, tsy nanavesatsy anareo zaho. Fa, safe zaho mailoilo maré, le zaho azy raiky ze nahazo anareo tamy ty firaky iny.
\v 17 Moa va nanararaotsy anareo tamy ty alala tybolo ze nalefako taminareo zaho?
\v 18 Naniraky malaky an'i Titosy ho aminareo any zaho, sady nalefako niaraky taminy rahalahy ilany rey. Moa va nanararaotsy anareo i Titosy? Moa va tsy miharo lala tsika? Moa va tsy niharo lia tsika?
\p
\v 19 Moa va mieritseritsy anareo fa tanay fotoa iaby zay le niaro ty vatany taminareo zahay? Anilan-Janahary eo, ro ivolananay tamy i Kristy ao ty raha iaby mba fampahereza anareo. a
\v 20 Fa mahtahotsy zaho tsy noho lafa avy zaho le maty tsy hahita anareo manahaky ty fanantenako. Matahotsy zaho tsy noho tsy ho hitanareo manahaky ty fanantenanareo. Matahotsy zaho fa tsy noho le mety hisy fifamalia, faniria amy ty fitiavan-tena, fifosa, firengirengy, sady fikorontana.
\v 21 Matahotsy zaho tsy noho lafa mimpoly, le hampijotso ahy anilanareo eo ty Njanahariko. Matahotsy zaho tsy noho mety halahelo ty amy ty lako ze nanota taloha eo, ka le mbo tsy nirengirengy tamy ty fahalotoa noho ty faherezaloha sady ty fijejojejoa atsiky fanirian-draty ze nanovin-drozy.
\c 13
\cl Toko 13
\p
\v 1 anintelony zao ro nandalovako aminareo atiy. “Ty raha mahazo iaby le tsy maintsy miory amy ty porofo amy ty vavolombelo roe ndra telo.”
\v 2 Fa nivola tamy ze nanota taloha rey ao noho tamy ambiny iaby rey lafa fanindroeny, sady volaniko ndraiky zay: “Lafa avy ndraiky zaho, le tsy haferinay androzy zaho.”
\v 3 Mivola anareo zay zaho safe nareo le mila porofo fa i Kristy ro mivola amy ty alalako. Tsy momoky aminareo Ie. Fa koa, mahery aminareo ao Ie.
\v 4 Fa Ie nahanto amy ty fahalemena, nefa velo tamy ty herin-Janahary. Fa tsika koa ro mommoky aminy ao, nefa tsika ro miaraky-miay amy ty herin-Janahary anivonareo eo.
\p
\v 5 Diniho ty vatanareo laha teanareo ho hita fa amy ty fino nareo ao. Tsapao ty vatanareo. Tsy mbo azo nareo an-tsay va mikasiky ty amy ty vatanareo zay fa i Jesosy Kristy ro aminareo ao? -Laha hohatsy ka le tsy nimety tamy ty fanohara.
\v 6 Sady zaho matoky fa nareo ro hiaiky fa tsika ro nimety amy fanohara zay.
\v 7 Amy zao tsika ro mivavaky amin-Janahary fa tsy afaky ty hanao raha raty nareo. Zaho ro tsy mivavaky ty afaky ahlita fa tsika ro homety amy ty fanohara. Fa koa, zaho ro nivavaky ty mba ahafahanareo manao ze mety nefa tsika ro mety ho hita hanahaky ty tsy homety tamy ty fanohara.
\v 8 Fa tsika ro tsy afaky ty hanao raha manohitsy amy ty fahamarina, fa ho ahy ty fahamarina raiky avao.
\v 9 Fa tsika ro mifaly lafa momoky sady mahery nareo. Fa tsika avao koa ro mivavaky mba hanovintsika atsiky anareo.
\v 10 Manoratsy raha reto zaho laha manalavitsy anareo zaho, ka lafa miaraky amiareo zaho le tsy voatery manday anareo amy ty maifotsy amy ty fampiasa ty fahefako-ze namea ty Tompo ahy, mba ampitsanganako anareo, sady tsy hanimba anareo.
\p
\v 11 Farany, rahalahy, mifalea! miasà ho amy ty famenara amy ty velohany, mahereza, mifanenkea ty kirai-draiky, miaina am-piadana, sady ty Njanahary ty fitiava noho ty fiadana ro hiaraky aminareo.
\v 12 Mifampiharabà nareo amy ty fanorofa Masy.
\v 13 Mpino iaby rey le manao veloma ananareo. 
\f + \ft Fanamariha: dikan-tsafa ilany rey ro mampiharobty andininy faha 13 amy ty andininy faha 12 sady manao ty andininy faha 14 ho andininy faha 13. \f*
\v 14 Enga anie ry fahasiava ty Tompo Jesosy Kristy, ty fitiavan-Janahary, noho ty fiaraha amy ty Fanahy Masy ho aminarei iaby ao.