skg-x-vezo_reg/47-1CO.usfm

\id 1CO
\ide UTF-8
\h Korintiana I
\toc1 Korintiana I
\toc2 Korintiana I
\toc3 1co
\mt Korintiana I
\c 1
\cl Toko 1
\p
\v 1 Paoly, nikaihy i Jesosy Kristy mba ho Apostoly noho ty sitsapon-Janahary, noho Sosrena rahalahintsika,
\v 2 ho ahy ty egilizin-Janahary a-Korinto ao, ho ahy ze nihamasiny tamy i Kristy Jesosy ao, ze voakaiky ho aolo masy. Manoratsy ho ahy iaby ze mikaiky ty anara i Jesosy Kristy Tompontsika amy ty toera iaby avao koa zahay, le Tompon-drozy noho antsika.
\p
\v 3 Ho aminareo lahy ty fahasoava noho ty fiadana baka amin-Janahary Raintsika noho Jesosy Kristy Tompo.
\p
\v 4 Zaho ro manome fisaora ho an-Janahariko ho ahy nareo avao noho ty fahasoavan-Janahary ze namea i Jesosy Kristy anareo.
\v 5 Nanoviny nanankanana tamy ty fomba iaby nareo, tamy ty fivolana iaby noho ty fahaiza iaby,
\v 6 laha vo voaporofo taminareo eo fa marina ty fanambarà mikasiky i Kristy.
\v 7 Laha zay nareo ro tsy mijaly fanomezam-pahasoava am-pandinisanareo maré ty fanambara an'i Jesosy Kristy Tompontsika eo.
\v 8 Ie avao koa ro hampahery anareo zisiky farany, mba tsy hanan-tsiny nareo amy ty andro i Jesosy Kristy Tompontsika.
\v 9 Matoky Njanahary, ze nikaiky anareo ho amy ty firaisa amy ty Anakilahiny, Jesosy Kristy Tompontsika.
\p
\v 10 Amy zao le mandrisiky anareo zaho, rahalahy, amy ty anara i Jesosy Kristy Tompontsika, mba hifanaraky nareo iaby sady tsy hisy fisaraha aminareo eo. Mandrisiky zaho mbahiharo amy ty say mitovy noho tanjo mitovy nareo.
\v 11 Fa nanovy mazava tamiko, rahalahy, tamy ty alala ty oloako i Kloe fa misy fifampiadaniana aminareo eo.
\v 12 Ty teako ambara le zao: Ty kirai-draiky aminareo samby manao hozao: “Zaho miaraky amy i Paoly,” ndra “Zaho miaraky amy i Apolosy,” ndra “Zah. o miaraky amy i Kefasy,” ndra “Zaho miaraky amy iKristy.”
\v 13 Voazarazara va Kristy? Paoly va ro nahanto ho ahy nareo? Tamy ty anara i Paoly va ro nananova batisa anareo?
\v 14 Misaotsa an-Janahary zaho fa tsy nisy nanoviko batisa nareo, hafa-tsy Krispo noho Gaio.
\v 15 Zay ro mba tsy hafahan'ia ndra ia mivola hoe tamy ty anarako ro nananova batisa anareo.
\v 16 (Zaho avao koa ronanao batisa ty longo i Stefanasy. Ty ankoatsy ze, tsy haiko laha nanao batisa olo hafa zaho.)
\v 17 Fa Kristy ro tsy naniraky ahy mba hampanao batisa fa hitory ty filazantsara. Ie tsy nandefa ahy hitory amy ty safa ty fahendrea ty olombelo, mba tsy ho rava ty hery ty hazofijalea i Kristy.
\p
\v 18 Fa ty hafatsy mikasiky ty hazo fijalea ro fahadala amy ze ho maty rey. Fa amy ze ho vonjen-Janahary rey eo koa, le herin-Janahary zay.
\v 19 Fa voasoratsy hozao: “Ho toroko ty fahendrea ty hendry. Ho rava ty fahaiza ty mahay.”
\p
\v 20 Aia ty olo-hedry? Aia ty manam-pahaiza? Aia ty mpialy hevitsy an'i fany iaby toy? Moa va tsy navalikin-Janahary ho fahadala va ty fahendrea ty fany iaby toy?
\v 21 Safe tsy nahay an-Janahary tany iaby toy amy ty fahendreny, le sitsakin-Janahary ty hamonjy ze mino amy ty alala ty fahadala ty fitoria rey.
\v 22 Fa Jiosy rey ro mangataky famantara mahatseriky sady Grika mikaroky fahendrea rey.
\v 23 Fa zahay mitory an'i Kristy voahombo, ze vato mampeloky ho ahy ty Jiosy rey sady fahadala ho ahy Grika rey
\v 24 Fa ho ahy ze nikaihen-Janahary rey, Jiosy rey noho Grika rey, le mitory an'i Kristy manahaky th hery noho fahendrean-Janahary zahay.
\v 25 Fa ty fahadalan-Janahary le hendry noho ty olo, sady ty fahalemen-Janahary ro matanjaky nohoty olo.
\p
\v 26 Diniho ty fiakaiha anareo, rahalahy. Tsy lako taminareo ro hebdry laha ty amy ty maha olombelo. Tsy lako taminareo ro nahery. Tsy lako taminareo ro abo firazana.
\v 27 Fa Njanahary ro nitingy raha adala ty tany iaby toh rey mba hampamenatsy ty hendry. Njanahary ro nitingy ze malemy amy tany iaby toy eo mba hampamenatsy ze matanjaky.
\v 28 Njanahary ro nitingy ze ambany noho tsy asia dikany amy tany iaby toy eto. Ndra Ie aza le nitingy raha ze nidinihiny rey ho tsy misy dikany, mba hahavy tsy hisy dikany raha ze anovy ho manan-danja rey.
\v 29 Nanoviny zay mba tsy hisy hana antony hirengirengy anilany eo.
\v 30 Laha ty nanovin-Janahary, amy zao nareo le amy i Kristy Jesosy ao, ze nanjary fahendrea ho antsika baka amin-Janahary. Ie ro nanjary fahamarinantsika, fahamasinantsika sady fahafahantsika.
\v 31 Vokatsy zay, manahaky ze volany Soratsy Masy hozao: “Engao ze mirengirengy, hirengirengy amy Tompo ao.”
\c 2
\cl Toko 2
\p
\v 1 Lafa nandeha amiareo eo zaho, rahalahy, ke tsy niavy niaraky taminy lahateny bdra fahendrea laha nanambara ty misitery mikasikin-Janahary. 
\f + \ft Fanamariha: Ty dikan-tsafa lako hafa ro mivaky manahak zao hozao: “Laha nanambara ty fitsanga vavolombeli mikasikin-Janahary zaho.” \f*
\v 2 Fa nanapa-jevitsy tsy hahay ndra ino ndra ino zaho lafa taminareo eo, hafa-tsy Jesosy Kristy, noho Ie voahombo.
\v 3 Sady niaraky taminareo zaho tamy ty fahelemea eo, noho tamy ty tahotsy eo, sady tamy ty fangitikitiha bevata eo.
\v 4 Sady ty hafatsiko noho ty fanambarako ke tsy tamy ty safa fandresen-dahatsy ty fahendrea. Fa koa, rey ke tamy ty fanehoa ty Fanahy noho hery,
\v 5 mba tsy ho amy ty fahebdrea ty olombelo ao ty finoanareo, fa amy ty herin-Janahary ao.
\p
\v 6 Amy zao le miresaky fahendrea amy matotsy eo tsika, fa tsy ty fahendrea tany iaby toy, ndra ty ahy mpanapaky vaninandro zao rey, ze mandalo avao.
\v 7 Fa koa, mivola ty fahendrean-Janahary amy ty fahamarina tsy hita tsika, azy fahendrea tsy hita ze nitondron-Janahary mialoha taloha vaninandro iaby rey ho voninahintsika.
\v 8 Tsy nisy tamy mpanapaky andro zao rey ro nahay fahendrea io, fa laha nahatakatsy zay ndrozy tamy fotoa zay, le tsy ho nomboin-drosy azy Tompo ty voninahitsy iny.
\v 9 Fa manahaky ze voasoratsy hozao: “Raha ze tsy nisy maso nahita rey, tsy nisy sofy naharé, tsy nisy eritseritsy nahazo an-txay, raha ze niomanin-Janahary ho ahy tea Azy rey.”
\p
\v 10 Reo ro raha naboakin-Janahary taminay tamy ty alala ty Fanahy. Fa ty Fanahy le mila ty raha iaby, ndra le raha lalikin-Janahary rey aza.
\v 11 Fa ia ro mahay ty fisaina ty olo raiky hafa-tsy ty fanahy ty olo aminy ao? Manahaky zay koa, tsy misy mahay raha lalikin-Janahary rey hafa-tsy ty Fanahin-Janahary.
\v 12 Fa tsy nandramby ty fanahy tany iaby toy tsika, fa ty Fanahy ze baka amin-Janahary, mba hafahantsika mahay raha amea antsika amy zao avao baka amin-Janahary rey.
\v 13 Mivola mikasiky raha amy ty safa ze tsy hay ty fahendrea ty olombelo rey ampianary zahay, fa ze ampianary ty Fanahy anay. Ty Fanahy ro mandika ty safa ara-panahy miaraky amy ty fahendrea ara-panahy.
\v 14 Ty olo ze tsy ara-panahy ro tsy mandramby raha ze ahy ty FanahinJanahary, safe fahadala aminy reny. Tsy afa-mahay an'i rey ie safe famantara ara-panahy rey.
\v 15 Ze ara-panahy ro mitsara ty raha iaby, fa tsy ihara ty fitsara ty hafa ie.
\v 16 “Fa ia ro afa-mahay ty fisaina fy Tompo, ro ho afaky hampianatsy Azy?” Fa zahay ro mana ty fisaina i Kristy.
\c 3
\cl Toko 3
\p
\v 1 Sady zaho, rahalahy, le tsy afaky nivola taminareo manahaky ty olo ze ara-panahy, fa koa manahaky ty olo ara-nofo, manahaky ty aja kelikely amy i Kristy ao.
\v 2 Nifahanako ronono nareo, fa tsy ventinkany, safe tsy vonona tamy zay nareo; sady ndra amy zao aza le mbo tsy vonona amy zay nareo.
\v 3 Safe nareo mbo manahaky th nofotsy. Fa ndra aia misy fahasarotam-piaro noho fifamalia aminao eo, le tsy miay manahaky ty nofotsy va nareo, sady tsy mandeha amy ty fenitsy ty olombelo?
\v 4 Fa lafa misy raiky mivola hozao: “Zaho manaraky an'Paoly,” sady ty raiky mivola hozao: “Zaho manaraky an'i Apostoly,” le tsy miay manahaky ty olombelo avao va nareo?
\p
\v 5 Ia sady Apostoly? Ia Paoly? Mpanompo ze tamy ty alalany ro ninoanareo, ze namea ty Tompo asa iaby.
\v 6 Zaho ro namboly, Apolosy ro nznondraky, fa Njanahary ro nampitombo.
\v 7 Ka laha zay, ndra ia ze mamboly ndra ie ze manondraky le tsy misy dikany. Fa Njnahary ro mampitombo.
\v 8 Sady ie ze mamboly noho ie ze manondraky le raiky, sady ty kirai-draiky ro samby hahazo ty karamany iaby manahaky ty ilany.
\v 9 Fa zahay ro mpiara-miasa amin-Janahary. Nareo ro baibon-Janahary, noho tsanon-Janahary.
\p
\v 10 Manahaky ty fahasoavan-FJanahary ze namea ahy manahaky ty mpanao tsano mahay, le nametsaky ty fototsy zaho sady hafa ro manory anabony eo. Fa engao ty lahilahy kirai-draiky hiemby ty amy ty fomba hanamboarany amy zay eo.
\v 11 Fa tsy misy olo mametsaky fototsy hafa-tsy azy raiky ze napetsaky, zay hoe, Jesosy Kristy.
\v 12 Amy zao laha misy olo manory anabo ty fotoa amy ty volamena eo, volafoty, vato sarotsy, hazo, boka, ndra lila,
\v 13 le hanoro ty ilany, fa ty andro mazava ro hanoro zay. Safe hanoro amy ty afo zay. Ty afo ro hitsapa ty hasoa ty nanovy ty kirai-draiky.
\v 14 Laha mipetsaky ty asa azy olo iny, le hahazo valisoa ie;
\v 15 fa laha mafana ty asa azy olo iny, le ho fatiantoky ie, fa ie vatany ro ho vonje, manahaky ty niala tamy ty afo avao.
\p
\v 16 Tsy hainareo va fa nareo ro egilizin-Janahary sady ty Anahin-Janahary ro mipetsaky aminareo ao?
\v 17 Laha misy olo manimba ty egilizin-Janahary, le hanimba olo zay Njanahary. Fa masy ty egilizin-Janahary, sady manahaky zay koa nareo.
\p
\v 18 Ka enga hisy olo hamita-vata. Laha misy olo aminareo eo mihevitsy fa hendry ie amy vanim-potoa zao, engao ie hanjary “adala” amy ze mba mety hanjary hendry ie.
\v 19 Fa ty fahendrea ty tany iaby toy ro fahadala amin-Janahary eo. Safe voasoratsy hoe: “Nahatsatsy ty hendry tamy ty hafetsen-drozy ao Ie.”
\v 20 Sady koa hozao: “Ty Tompo ro mahay fa ty fihevitsy ty hendry ro raha-tsy misy,”
\p
\v 21 ha zay tsy misy firengerengea mikasiky ty olo sasy! Fa ty raha-iaby le anareo,
\v 22 ndra Paoly, ndra Apolosy, ndra Kefasy, ndra tany iaby toy, ndra fiaina, ndra fahafatesa, ndra raha amy zao, ndra raha ho avy. Ty raha-iaby ro anareo,
\v 23 sady nareo le ahy i Kristy, sady Kristy ro ahin-Janahary.
\c 4
\cl Toko 4
\p
\v 1 Manahaky zao ro tokony handrambesa ty olo antsika, manahaky ty mpjasa i Kristy sady mpiemby misterin-Janahary rey.
\v 2 Amy zay fifandrambesa zay, ro fepetsa fake amy mpiemby ty maha-mendri-patokisa androzy rey.
\v 3 Fa amiko ro raha kelikely ty tokony hitsaranareo ndra hitsaran'olombelo iaby ahy. Fa ndra zaho aza tsy mitsara ty vatako.
\v 4 Zaho ro tsy mahay ze fanasazia nanovy tamiko, fa zay ro tsy midika fa tsy manan-tsiny zaho. Ty Tompo ro mitsara ahy.
\v 5 Laha zay, aza manono fitsara mikasiky ty raha iaby aloha ty fotoa, aloha ty hiavia ty Tompo. Ie ro handay raha-tsy hita ty haiky rey ho amy ty fahazava sady hampitoro ty faniria ty fo. Bakeo ty kirai-draiky iaby ro handramby ty fanompoa baka amin-Janahary.
\p
\v 6 Amy zao, rahalahy, nampihatsy fitsipiky rey tamiko noho tamy i Apolosy zaho noho ty aminareo, mba hafahanareo mianatsy baka aminay ty dikantsafa ty fivolana hozao: “Ka mandeha mandilatsy ze voasoratsy.” Zay ro mba tsy hisy raiky aminareo hirengirengy ty amy ty fankasitsaha ty raiky noho ty hafa.
\v 7 Fa ia ro mahita fahasambihafa aminareo eo noho hafa rey? Ino ro anananareo ka le tsy nirambesinareo amy zao avao? Laha nandramby zay amy zay avao nareo, nanino nareo ro mirengirengy manahaky ty tsy nanao manahaky zay?
\p
\v 8 Fa anilanareo iaby ze iaby ilanareo! Fa nanjary mpanarivo nareo! Sady fa nanomboky nanjaka nareo---sady zay ro tsy baka aminay! Zaho ro maniry vatany ty nanjakanareo, mba hafahanay manjaka miaraky aminareo.
\v 9 Fa zaho ro mieritseritsy fa Njanahary ro nampipetsaky antsika ho apostoly mibaribary manahaky ty farany amy ty lahara noho manahaky ty olo voasazy ho maty. Zahay ro nanjary fampitoroa ho ahy ty tany iaby toy---ho ahy ty anjely rey, sady ty hoahy ty olombelo.
\v 10 Zahay ro adala noho ty amy i Kristy, fa nareo ro hendry amy i Kristy ao. Malemy zahay, fa nareo mahery. Nareo ro nameam-boninahitsy, fa zahay koa tsy nalam-baraka.
\v 11 Zisiky androany zahay le mosary noho maran-drano, mijaly fisikina, voavango maré, sady tsy manan-kialofa.
\v 12 asa maré zahay, miasa amy ty alala ty tananay avao. Lafa latsany zahay, le miaritsy.
\v 13 Lafa enjehiny zahay, le mitsipi-rano. Lafa voaendrikendriky zahay, le mivola amin-kasoam-panahy. Zahay ro niova, sady mbo rambesy ho, fako tany iaby toy noho faiky ty raha iaby.
\p
\v 14 Zaho ro tsy nanoratsy raha rey mba hahamenatsy anareo, fa manitsy anareo manahaky ty anaky malalako.
\v 15 Fa ndra le mana mpiemby ray aly amy i Kristy ao aza nareo, le tsy mana baba lako maré. Fa zaho ro nanjary babanareo amy i Kristy Jesosy ao tamy ty alala ty filazantsara.
\v 16 Laha zay ro mampirisiky anareo zaho mba ho mpangala-tahaky ahy.
\v 17 Zay ro nandefasako anareo an'i Timoty, anaky malalako sady matoky amy ty Tompo ao. Ie ro hampahatiaro anareo lalako rey amy i Kristy ao, manahaky ty ampianariko androzy ndra aia ndra aia noho amy ty egilizy iaby ao.
\p
\v 18 Amy zao ro nanjary miavo th ilany aminareo, manao manahaky ty hoe tsy ho avy aminareo any zaho.
\v 19 Fa ho avy tsy ho ela aminareo any zaho, laha enke ty Tompo. Sady tsy hahay ty resa ze tena miavo avao rey zaho, fa hahita ty herin-drozy.
\v 20 Safe ty fanjakan-Janahary ro tsy mifototsy amy ty resaky fa amy ty hery,
\v 21 Ino ro ilanareo? Tokony ho avy aminareo any miaraky amy ty rantsan-kazo va zaho sa miaraky amy ty fitiava atsiky halenem-panahy?
\c 5
\cl Toko 5
\p
\v 1 Zahay ro naharé tatitsy fa misy fijangajangana aminareo eo, karaza fandaisam-bata tsy maeva ze tsy azo anovy akory amy jentilisa rey. Ty tatitsy ro hoe misy raiky aminareo miara-miroro amy ty vali-babany.
\v 2 Nareo ro tena miavonavo! Fa tsy tokony alahelo va nareo? Ty raiky ze nanao zay ro tsy maintsy alà aminareo eto.
\v 3 Fa ndra ke tsy ara-bata aza zaho fa mbo ara-panahy eo, le fa nitsara azy raiky ze nanao zay sahady iny, manahaky ty hoe teo zaho.
\v 4 Lafa miara-mivory amy ty anara i Jesosy Tompotsika nareo, sady ty fanahiko ro eo ka le amy ty hery i Jesosy Tompontsika, le fa nitsara olo io sahady zaho.
\v 5 Nanoviko zay mba hanomeza lahilahy zay ho ahy ty Satana ho famoteha ty nofotsy, mba ho voasarombaky ty fanahiny amy ty andro ty Tompo.
\p
\v 6 sy soa ty firengerengeanareo! Tsy hainareo va fa ty lalivay kelikely ro manova ty mofo iaby?
\v 7 Liovo ty vatanareo amy ty lalivay taloha mba hanjary mofo vaovao nareo, ka le mba hanjary mofo tsy misy lalivay. Fa Kristy, azy Anak'aondritsika tamy ty Paska iny, le nanovy soro.
\v 8 Laha zay le engao tsika handrengy ty fifalefalea, tsy amy ty lalivay taloha, azy lalivay ty fandaisam-bata raty iny noho faharatia. Fa koa, engao tsika handrengy amy ty mofo tsy misy lalivay ty fahariovam-po noho fahamarina.
\p
\v 9 ho ro nanoratsy ho ahy nareo tamy ty taratasiko ao mba tsy hiarahanareo miasa amy olo mpaheriloha rey.
\v 10 Nefa ty teako ambara le tsy ty olo mpaheriloha iaby amy tany iaby toy eto, ndra tsy mahonom-bata, ndra mpisoloko rey, ndra mpiasa sampy rey, safe mba hiala amin-drozy le mila amy tany iaby toy nareo.
\v 11 Nefa amy zao zaho manoratsy ho anareo mba tsy hiara-hiasa miaraky amin'ia ndra ia ze kaihy hoe rahalahy nefa miay anay ty faherezaloha, ndra ze tsy mahonom-bata, ndra mpiasa sampy, ndra mpivola raty, ndra mpimamo, ndra mpisoloko. Ka mihina hany miaraky amy ty olo manahaky zay koa.
\v 12 Fa nanino ro ilirako amy ty fitsara ze ambaliky ty egilizy ret any? Mifanohitsy amy zay, nareo va tsy tokony hitsara ze anay ty egilizy ao?
\v 13 Fa Njanahary ro mitsara ze ambaliky rey any. “Alao aminareo eo ty olo-raty.”
\c 6
\cl Toko 6
\p
\v 1 Lafa misy raiky aminareo mana aly amy raiky hafa, mahasaky handeha amy ty fitsara any anila ty mpitsara tsy mpino eo va ie, fa tsy anila mpino eo?
\v 2 Moa tsy hainareo va fa mpino rey ro hitsara tany iaby toy? Laha zay, nareo ro hitsara tany iaby toy, moa tsy mahavita mandamy raharaha maliniky va nareo?
\v 3 Moa tsy hainareo va fa hitsara anjely rey tsika? Manahaky ty nanino, laha zay, ty fihoatsy ty fahafahantsika mitsara raharaha rey amy fiaina toy?
\v 4 Laha hohatsy sady ka le afaky mitsara ty raha ze miboaky amy ty andavzn'androm-piaina iha, nanino iha ro mampipetsaky karazan-draha manahaky zay anipa ze tsy misy dikany rey eo amy ty egilizy ao?
\v 5 Hahamenatsy anareo ro hivola zay. Moa va tsy mba misy ampy fahendrea ndra raiky akory aza aminareo eo handamina ty disadisa amy ty mpirahalahy eo? Fa
\v 6 koa, misy mpino indraiky avao mifanatsiky amy ty mpino hafa amy ty fitsara eo, sady raharaha zay le hapetsaky anila ty mpitsara ze tsy mpino eo!
\p
\v 7 Ty fisia ty aly aminareo eo Kristiana iaby ro fa faharesea ho ahy nareo sahady. Fa tsy aleo va mijaly amy ty fahadisoa? Fa tsy aleo va enga ho voafitaky ty vatanareo?
\v 8 Fa nareo ro nandiso noho namitaky ty hafa rey, sady le rahalahinareo avao ndrozy!
\p
\v 9 Moa va tsy hainareo fa ty tsy marina ro tsy handova ty Fanjakan-Janahary? Ka mino vandy. Vetaveta rey, mpiasa sampy rey, mpaheriloha, lahilahy mpamarom-bata, ze miara-miroro amy ty sampy lahilahy rey,
\v 10 mpangalatsy rey, tsy mahay onona rey, mpimamo rey, mpanaraty rey, mpanao an-keriny rey---tsy misy raiky amin-drozy handova ty fanjakan-Janahary.
\v 11 Manahaky zay ty ilany aminareo. Fa voalio nareo, nihamasiny nareo, sady voamarina tamin-Janahary eo nareo tamy ty anara ty Tompo Jesosy Kristy noho tamy ty Fanahin-Janaharitsika.
\p
\v 12 “Ty raha iaby ro ara-dalà amiko,” fa tsy ty raha iaby ro mahasoa. “Ty raha iaby ro ara-dalà amiko,” fa tsy ho andevozy ty raiky amy rey zaho.
\v 13 “Ty hany ro ho ahy ty sarotso nanovy ho ahy ty hany,” fa Njanahary ro handrava androzy roe. Ty vata ro tsy nanovy ho ahy ty heriloha. Fa koa, ty vata ro nanovy ho ahy ty Tompo, sady ty Tompo ro hanome ho ahy ty vata.
\v 14 Njanahary ro fa nampitsanga ty Tompo sady hampitsanga antsika amy ty heriny koa.
\p
\v 15 Moa tsy hainareo va fa ty vatanareo ro rantsam-bata i Kristy? sady hampiharo androzy amy ty mpivarom-bata? Tsy hisy lahy zay!
\v 16 Moa tsy hainareo va fa ze miharo amy ty mpivarom-bata ro manjary nofotsy raiky aminy? Manahaky ty voalaza ty Soratsy Masy hozao: “Ho nofotsy raiky avao ndrozy.”
\v 17 Fa ie ze miharo amy ty Tompo ro nanjary fanahy raiky Aminy.
\p
\v 18 Ialao ty heriloha! Ty fahota iaby hafa ze novy ty olo le ambaliky ty vata, fa ty olo maheriloha ro manota ho amy ty vatany avao.
\v 19 Moa va tsy hainareo fa ty vatanareo ro egilizy ty Fanahy Masy, ze mipetsaky anainareo ao, ze azonareo baka baka amin-Janahary? Moa tsy hainareo va fa tsy anareo ty vatanareo?
\v 20 Fa olo-voavily nareo. Laha zay le mankalà anJanahary amy ty vatanareo. 
\f + \ft Fanamariha: dikan-tsafa taloha ilany rey le mivaky manahaky manahaky zao le hozao: “Laha zay mankalazà an-Janahary amy ty vatanareo noho amy ty fanahinareo, ze an-Janahary.” Fa ty dikan-tsafa soa bibike ro tsy mivaky manahaky henanik'io. \f*
\c 7
\cl Toko 7
\p
\v 1 Sady mikasiky olo ze nisoratinareo mikasiky ty hozao: “Soa ho ahy ty lahilahy ty tsy mikasiky ampela.”
\v 2 Nefa noho fangalàmpanahy amy ty fahativativa lako isan-karazany, le tokony hana ty valiny manoka iaby ty kirai-draiky, sady ty ampela kirai-draiky le tokony hana ty valiny manoka iaby.
\v 3 Ty lahilahy ro tokony hanome ro rey ara-panambalia ho ahy ty valiny, sady manahaky zay koa ty ampela ho ahy ty valiny.
\v 4 Tsy ty ampela ro mana fahefa amy ty vatany manoka, fa ty valiny. Manahaky zay koa, tsy ty lahilahy ro mana fahefa amy ty vatany manoka, fa ty valiny ro mana.
\v 5 Ka mifanakasaksa nareo kirai-draiky, hafa-ysy amy ty fifanaraha nifanova sady amy ty fotoa voatoka. Anovo zay mba hafahanareo manokam-bata amy ty vavaky. Bakeo le tokony hiaraky-hiroro ndraiky nareo, mba tsy hafaha ty Satana mangalaky fanahy anareo noho ty tsy fanananareo fifehezam-bata.
\p
\v 6 Nefa zaho ro mivola raha rey aminareo amy malalaky fa tsy lily akory.
\v 7 Iriko ty olo iaby hanahaky ahy. Fa ty kirai-draiky ro samby mana ty fanomezam-pahasoava manoka baka amin-Janahary. Ty raiky mana karazam-panomezam-pahasoava toy, sady ty raiky hafa mana karazany hafa koa.
\p
\v 8 Ho ahy ze tsy manambaly rey noho mpandaivata ro mivola zaho fa soa ho androzy laha mijano tsy manambaly rozy rey, manahaky ahy.
\v 9 Nefa ndrozy laha tsy afaky mamehy vata, le tokony hanambaly. Safe soa vatany ho androzy ty manambaly manahaky ze amy siaky ty raha ila ty nofotsy.
\p
\v 10 Sady ho ahy ze manambaly rey ro manome lily zao zaho---tsy zaho, fa ty Tompo---ty ampela ro tsy tokony hisaraky amy ty valiny,
\v 11 (fa laha hohatsy ie ka le misaraky amy ty valinyl le tokony hijano tsy hanambaly ndra koa mimpoly milongo amy ty valiny) ---sady ty lahilahy ro tsy tokony hisaraky amy ty valiny.
\p
\v 12 Fa ho ahy ty sisa ro mivola zaho---zaho, fa tsy ty Tompo---hoe laha misy rahalahy raiky mana valy tsy mpino, sady laha mahafaly azy ty miaraky-miroro aminy, le tsy tokony hisaraky amy ty valiny ie.
\v 13 Laha ty ampela raiky ro mana valy tsy mpino, sady laha mahafaly azy ty miaraky-miroro aminy, le tsy tokony hisaraky amy ty valiny ie.
\v 14 Safe ty lahilahy tsy mpino ro natoka noho ty amy ty valiny, sady ty ampela tsy mpino ro natoka noho ty amy ty rahalahy. Fa laha tsy zay le haloto ty anananareo, nefa laha ty marina le voatoka ndrozy.
\p
\v 15 laha tyvaly tsy kristiana ro miala, engao ie handeha. Amy ty toe-draha manahaky zay, ty rahalahy ndra ty rahavavy ro tsy voafehy voalin-drozy rey. Njanahary ro nikaiky antsika mba hiay am-piadana.
\v 16 Fa amy ty fomba ino ro ahaizanao, ampela, laha ho voasarombaky ty valiny? Ndra amy ty fomba ino ro ahaizanao, lahilahy, laha ho voasarombaky ty valinao?
\p
\v 17 Fa engao avao th kirai-draiky iaby hiay ty fiaina ze fa nanondroa ty Tompo azy, sady manahaky ty fa nikaihan-Janahary azy. Io ro fitsipiky amy ty egilizy ao iaby.
\v 18 Fa vita savatsy va ty olo raiky lafa nikaihe mba hino? Ie ro tsy tokony hiezaky ty hisehoseho manahaky ty tsy vita savatsy. Tsy vita savatsy va ty olo raiky lafa nikaihe ho amy ty finoa? Tsy tokony ho safary ie.
\v 19 Safe tsy ty fisavara ndra ty tsy fisavara ro raha-bevata. Ty raha-bevata ro ty fankatoava lilin-Janahary rey.
\v 20 Ty kirai-draiky iaby ro tokony hijano amy ty fikaiha ze nisy azy lafa nikaihen-Janahary mba hino ie.
\v 21 Andevo va iha tamy Njanahary mbo nikaike anao? Ka misalasa ty amy zay. Fa laha mety ho afaky iha, le hararoto zay.
\v 22 Safe ty olo raiky ze nikaihe ty Tompk ho andevo le olo afaky ty Tompo. Manahaky zay koa ty olo ze afaky tamy ie mbo nikaiky mba hino le andevo i Kristy.
\v 23 Nareo ro voavily, noho zay aza niavy manahaky ty andevo ty olo.
\v 24 Rahalahy, ndra ino ndra ino fiaina nisy antsika kirai-draiky tamy tsika nikaihe mba hino iny, le engao tsika hijano hanahaky zay.
\p
\v 25 Sady mikasiky ze tsy nanambaly rey mihintsy, zaho ro tsy mana lily bakz amy ty Tompo any, Nefa zaho ro manome ty hevitsiko manahaky ty raiky ze, amy ty alala ty famalozam-po ty Tompo, le maeva-patokisa.
\v 26 Laha zay, mieritseritsy zaho fa noho ty loza ze ho avy, le soa ho ahy ty lahilahy ty mijano amy ty maha ie azy.
\v 27 Voafehy amy ty ampela va nareo? Ka mila ty ho afaky aminy. Fa amy ty valinao va iha? Ka mila valy. Nefa laha manambaly nareo, le tsy nanota.
\v 28 Laha ty ampela tsy manambaly ro manambaly, le tsy nanota ie. Nefa ze manambaly rey ro hana karazan'olo ako laha mbo velo, sady zaho le te hangalaky anareo amy zay.
\p
\v 29 Fa zao ro volaniko, rahalahy: Tamy ty fotoa. Manomboky zao, aleo ze fa manam-baly rey hiay hanahaky ty tsy mana.
\v 30 Ze mitany rey ro tokony hanao hanahaky ty tsy mitany, ze mifaly hanahaky ty tsy mifaly rey, sady ze mivily hanahaky ty tsy mana ndra ino ndra ino rey;
\v 31 sady ze mampiasa tany iaby toy le tsy tokony hanao manahKy ty mampiasa zay tanteraky. Safe tany iaby toy amy ty endrikiny amy azo le ho avy amy ty farany.
\p
\v 32 Teako nareo ho afaky amy fisalasala rey. Ty lahilahy tsy manambaly ro misalasala ty amy fy raha ty Tompo rey, ty amy ty fomba hampifalea Azy.
\v 33 Fa ty lahilahy manambaly ro misalasala ty amy ty raha iaby toy, ty amy ty fomba hampifalea ty valiny---
\v 34 mizarazara ie. Ty tsy manambaly ndra mbo kelikely le misalasala ty amy ty raha ty Tompo, ty amy ty fomba hanokana amy ty soa noho ty fanahy. Fa ty ampela manambaly ro misalasala ty amy ty raha iaby toy, ty amy ty fomba hampifalea ty valiny.
\v 35 Volaniko zay ho ahy ty tampônareo manoka, fa tsy hampipetsaky ze iaby sakasakana aminareo eo. Mivola zay zaho noho ze marina, amy zay nareo mba hanolo-vata ho ahy ty Tompo tsy misy fanelengelea.
\p
\v 36 Nefa laha misy olo raiky midiniky fa tsy manday ty valy am-panajà--- laha mandilatsy ty nanovy ty fanambalia azy ampela iny sady tsy maintsy manahaky zay--- le tokony hanao ze teany ie. Tsy manota ie. Tokony hivaly ndrozy.
\v 37 Nefa laha nidiniky soa tam-pony ao ie, laha hohatsy ka le tsy ambany fitindritindria fa afaky mifehy ty sitsapony manoka, sady laha nanapa-kevitsy tam-pony ao ie ty hanzo zay, mba hitandraky ty valiny ho kelikely, le soa ty anoviny.
\v 38 Ka le ze manambaly ty valiny ro manao ty soa, sady ze mitingy ty tsy hanambaly ro hanao ty soasoa vatany aza.
\p
\v 39 Ty ampela ro voafehy ty valiny laha mbo velo ty lahilahy. Fa laha maty ty valiny, le malalaky soa ie ty hanzmbaly ze teany ho valy, nefa amy ty Tompo ao avao.
\v 40 Nefa amy ty fitsarako ro tokony ho faly vatany ie laha miay amy zao avao. Sady diniho fa zaho avao koa ro mana ty Fanahin-Janahary.
\c 8
\cl Toko 8
\p
\v 1 Sady mikasiky ty hany anovy soro ho ahy ty sampy--- haintsika fa: “Tsika iaby ro manam-pahaiza.” Ty fahaiza mampirengirengy, fa ty fitiava mampitsanga.
\v 2 Laha misy olo raiky midiniky ty vatzny fa mahay raha, le mbo tsy mahay manahaky ze tokony hahaizany olo zay vasa.
\v 3 Fa laha misy olo raiky tea an-Janahary, le hainy olo zay.
\p
\v 4 Ka le laha ty mikasiky ty fihinana hany nanovy soro ho ahy ty sampy--- le haintsika fa “ty sampy eto amy tany iaby toy le tsy misy dikany” sady “fa tsy misy Njanahary hafa-tsy raiky avao.”
\v 5 Fa mety misy rey somary kaihe hoe njanahary, ndra andanitsy any ndra an-tany eto, manahaky ty halako rey “njanahary” noho ty halako rey “tompo.”
\v 6 Fa ho antsika, “Raiky avao ro Njanahary le azy Raiky iny, ze baka aminy ty raha iaby, sady Ie ro antony hiveloantsika, sady raiky ro Tompo Jesosy Kristy, ze tamy ty alalany ro nisia ty raha iaby, sady tamy ty alalany ro nisiantsika.”
\p
\v 7 Ndra zay aza, fahaizz zay le mbo tsy amy ty kirai-draiky ao. Fa koa, ty ilany taloha eo le nampihatsy ty fanompoan-tsampy, le nihina hany zay manahaky ty hoe raha nanovy soro ho ahy ty sampy zay. Laha zay le simba ty fieritseritsin-drozy safe malemy zay.
\v 8 Fa tsy ty hany ro hanome antsika amin-Janahary eo. Fa tsy raty bibike tsika laha tsy mihina, ndra koa hoe soa vatany laha mihina zay.
\v 9 Embeno mba tsy ty fahaizanareo ro antony hahavy olo osa rey ara-pinoa ho heloky.
\v 10 Fa anove manahaky ty hoe misy mahita iha, ze manam-pahaiza, mihina ty hany amy ty egilizy ty sampy ao. Tsy ty fahaleme ty fieritserety va ro nasakiany hihina ze namea ho ahy ty sampy?
\v 11 Ka le noho ty haizanao ty toetsy marina mikasiky ty sampy, le tsobo azy rahalahy malemy finoa raiky iny, ze nahafatesa i Kristy.
\v 12 Laha zay, lafa manota amy ty rahalahinareo nareo ka le mandratsa ty say malemin-drozy, le manota manohitsy an'i Kristy nareo.
\v 13 Laha zay, laha ty hany ro mahavy ty rahalahiko ho meloky, le tsy hihinan-kena sasy zaho, mba tsy baka amiko ro hahafaty ty rahalahiko.
\c 9
\cl Toko 9
\p
\v 1 Tsy olo afaky va zoha? Tsy apostoly va zaho? Tsy nahita an'i Jesosy Tompontsika va zaho? Tsy asako amy ty Tompo ao va nareo?
\v 2 Laha tsy apostoly ho ahy ty hafa zaho, le farafaharatiny Apostoly ho ahy nareo. Fa anareo ro porofo amy ty maha-apostoly ahy amy ty Tompo ao.
\p
\v 3 Zao ro fiarovako amy ze manontanontany ahy rey:
\v 4 Moa va zahay tsy mahazo alala ty hihina noho hino?
\v 5 Moa va zahay tsy mahazo manday valy ze mpino, manahaky ty anovy apostoly ilany rey, noho rahalahy ty Tompo rey, sady Kefasy?
\v 6 Sa Barnabasy noho zaho raiky ro tsy maintsy miasa?
\v 7 Ia ro manao fanompoa maramila amy ty fandaniany manoka? Ia ro mamboly voloboky sady tsy mihina ty voany? Ndra ino ndra ino mandiny aondry ka le tsy mino ty ronono baka amy zay?
\p
\v 8 Moa va zaho mivola raha mifototsy amy ty fahefa ty olombelo rey? Tsy mivola zay koa va ty lala?
\v 9 Fa zay ro fa voasoratsy amy ty lalà i Mosesy ao hozao: “Ka asia fehi-vava ty aomby lafa miparitaky voa ie.” Tena azy aomby iny vatany va ro hisalasan-Janahary?
\v 10 Tsy miresaky mikasiky anay va ie? Fa nisorata ho antsika, fa ze miasa tany ro tokony hiasa amy ty fanantena, sady ze mively ro tokony hively amy ty fanantena ty hahazo anjara amy ty vokatsy.
\v 11 Laha nandraraky raha ara-panahy taminareo eo zahay, moa be loatsy aminay va ty mijinja raha ara-materialy baka aminareo?
\v 12 Laha mampihatsy zo zay baka aminareo hafa rey, moa va zahay tsy mana mandilatsy? Ndra le zay aza, tsy nitaky zo zay zahay. Fa koa, aleonay niaritsy ty raha iaby manahaky ze ho saka ho ahy ty filazantsara i Kritsy.
\v 13 Moa va tsy hainareo fa ze manompo amy ty egilizy ao ro mahazo ty hanin-drozy baka amy ty egilizy ao? Sady moa va tsy hainareo fa ze manompo rey amy ty alitara eny ro mahazo anjara amy ze nanoviko fanomeza tamy ty Alitara?
\v 14 Manahaky zay koa, ty Tompo ro nibeko fa ze mitory ty filazantsara rey ro tokony hahazo ty fiveloman-drozy baka amy ty filazantsara.
\p
\v 15 Nefa tsy nitaky ty raiky tamy zo rey zaho. Sady tsy manoratsy an'i zao zaho mba mety hisy raha hanovy ho ahy. Aleoko maty manahaky ze hisy olo hangalaky amiko rengirengy zay.
\v 16 Fa laha mitory ty filazantsara zaho, le tsy misy dikany vatany irengerengeako, safe tsy maintsy manao zay zaho. Sady loza ho ahy laha tsy mitory ty filazantsara zaho!
\v 17 Fa laha manao zay an-tsitsapo zaho, le mana valisoa. Fa laha tsy an-tsitsapo koa, le mbo mana ty andraikitsy ze nianky tamiko zaho.
\v 18 Ino moa zay ro valisoako? Zay ro lafa mitory zaho, le afaky manome ty filazantsara tsy misy fandoavan-jala ka le mba tsy hampiasa tanteraky ty zoko amy ty filazantsara.
\p
\v 19 Fa ndra le afaky amy ty iaby aza zaho, le nanjary ho mpiasa ho ahb ty iaby, mba hahazoako lako maré.
\v 20 Tamy ty Jiosy eo ro nanjary manahaky ty Jiosy zaho, mba hahazoako ty Jiosy. Tamy ze ambany ty lalà rey eo, le nanjary manahaky ty olo ze ambany ty lalà zaho mba hahazoako ze ambany ty lalà rey. Nanao zay zaho ndra le tsy tambany ty lalà eo aza ty vatako. 
\f + \ft Fanamariha: Ty baiboly ULB noho ty UDB le mivaky hozao: “Nanao zay zaho ndra le tsy tambany ty lalà eto aza ty vatako.” Ty dikan-tsafa taloha ilany ro tsy maintsy zay. \f*
\v 21 Tamy ze ambaliky ty lalà rey, ro nanjary manahaky ty olo ambaliky ty lalà zaho, ndra ke tsy ambaliky ty lalàn-Janahary aza ty vatako, fa ambaliky ty lalà i Kristy. Nanao zay zaho mba hahazoako ze ambany ty lalà rey.
\v 22 Tamy malemy rey eo le nanjary malemy zaho, mba hahazoako malemy rey. Nanjary raha iaby ho ahy ty olo iaby zaho, mba hamonjeako ty ilany amy ty fomba iaby.
\v 23 Manao ty raha iaby zaho ho ahy ty filazantsara, mba hafahako mandramby anjara amy fitahia rey zay.
\p
\v 24 Moa va tsy hainareo fa amy ty filaisa raiky ty mpilay iaby ro manao ty filaisa, nefa raiky avao ro mahazo ty loka? Ka le milay mba hahazo ty loka.
\v 25 Ty atilety raiky ro mampihatsy ty fifehezam-bata amy ty fanazaram-batany iaby. Manao zay ndrozy mba handramby satro-boninahitsy ze mety simba, nefa koa tsika milay mba hahazoantsika satro-boninahitsy tsy mety simba.
\v 26 Ka laha zay le tsy milay amy ty tsy misy dikany zaho ndra malemy komondro amy ty tsioky.
\v 27 Fa rohizako ty vatako sady anoviko andevo, mba tsy ho laginy ty vatako, lafa baka nitory tamy ty hafa zaho.
\c 10
\cl Toko 10
\p
\v 1 Teako ho hainareo, rahalahy, fa babatsika rey ro tambany ty raho ao iaby sady namakivaky ty riaky.
\v 2 Ty iaby le nanovy batisa ho amy i Mosesy famy ty raho ao noho tamy ty riaky ao,
\v 3 sady ty iaby ro samby nihina hanim-panahy mira.
\v 4 Ty iaby le nino ranom-panahy mira. Fa ndrozy ro nino tamy ty lafiam-batom-panahy ze nanoriky androzy, le Kristy kafiam-bato zay.
\v 5 Fa Njanahary ro tsy nanenky soa ty halakoan-drozy, sady ty fatin-drozy ro nanaparitaky tanefitsy any.
\p
\v 6 Amy zao raha reny ro ohatsy ho antsika, mba tsy haniriantsika raha-raty manahaky ty nilan-drozy.
\v 7 Ka manompo sampy, manahaky ty ilany tamin-drozy. Zay ro manahaky ze voasoratsy hozao: “Olo nipetsaky rey mba hihina noho hino, sady nitsanga mba hihisa.”
\v 8 Engao tsika tsy haheriloha, manahaky ty nanovy ty lako tamin-drozy. Tanay ty ndraiky andro, le olo telo arivo noho roa aly ro maty noho ty amy zay.
\v 9 Engsp avao tsika tsy hitsapa an'i Kristy, manahaky ty nanovy ty lako tamin-drozy ka le narava mameno rey.
\v 10 Ka mimenimeny avao koa, manahaky ty nanovy ty lako tamin-drozy kanle narava ty anjely ty fahafatesa.
\p
\v 11 Sady raha reny ro nitsanga tamin-drozy mba ho ohatsy ho antsika. Nisoraty mba ho fampianara antsika rozy reny---ho amintsika ze niavia ty faran'andro.
\v 12 Laha zay engao ze mieritseritsy ty vatany ho fa mitsanga miemby soa mba tsy holavo. Tsy nisy fangalam-panahy nahatsatsy anareo ze
\v 13 tsy iaraha ty olombelo iaby. Fa koa, Njanahary ro matoky. Tsy hanenga anareo ho alam-panahy mandilatsy ze zakanareo Ie. Miaraky amy ty fangalam-panahy le hanome anareo ty lala hilaisa avao koa Ie, mba hafahanareo miaritsy zay.
\p
\v 14 Laha zay, malalako, milaisa lavitsy ty fanompoan-tsampy.
\v 15 Mivola aminareo manahaky tyvolo manan-tsay zaho, mba hafahanareo mitsara ze volaniko.
\v 16 Ty kapoaky ty fisaora ze isaorantsika, moa va zahay tsy fiharoa amy ty lio i Kristy? Ty mofo ze vakintsika, moa va zay tsy fiharoa amy ty vata i Kristy?
\v 17 Safe raiky avao ty mofo, tsika ze lako ro vata daiky. Tsika iaby ro mandramby amy ty mofo raiky avao.
\p
\v 18 Henteo olo lakon'Israely: moa va ze mihina fanoneza rey rsy mpandramby anjara amy ty alitara eo?
\v 19 Ino moa ro ho volaniko? Hoe tsy misy dikany va zay ty sampy? Sa ty hany ze nanovy fanomeza tamy ty sampy ro tsy misy dikany?
\v 20 Fa miresaky mikasiky ty epraha ze anovy Jentilisa rey mpiasa sampy fanomeza zaho, fa amean-drozy an'i demonia rey raha reny fa tsy an-Janahary. Tsy teako nareo ro mpiharo amy ty demonia!
\v 21 Tsy afaky mino ty kapoaky ty Tompo noho ty kapoaky ty demonia nareo. Tsy afaky miaraky amy ty latabatsy ty Tompo eo noho ty latabatsy demonia rey nareo.
\v 22 Sa manao ze mampasiaky ty Tompo va tsika? Mahery noho ie va tsika?
\p
\v 23 “Ty raha iaby le ara-dalà,” fa tsy ty raha iaby ro mahasoa. “Ty raha iaby ro ara-dalà,” fa tsy ty raha iaby ro mampandroso ty olo.
\v 24 Tsy misy tokony hila ty tombontsoany manoka. Fa koa, ty kirai-draiky ro tokony hila ty tombontsoa ty namany.
\v 25 Afaky mihina ze iaby avily am-bazary eny nareo, fa ka manontany ty fieritsereta.
\v 26 Fa “Ahy ty Tompo ty tany, noho ze iaby misy aminy eo.”
\v 27 Laha misy tsy mpino manasa anareo hihina, ka maniry ty handeha nareo, le hano ze iaby mipetsaky alohanareo eo mba ka mametsaky-fanontania ty amy ty fieritsereta.
\v 28 laha misy mivola aminao hozao: “Hany toy ro baka amy ty fanomeza ty mpiasa sampy,” le ka mihina zay. Zay ro ho ahy azy nampahay anareo iny, noho ho ahy ty fieritsereta. 
\f + \ft Fanamariha: Ty dikan-tsafa taloha ilany ri manampy hozao: “Fa ty tany noho ty raha iaby aminy ao ro ahy ty Tompo.” Fa ty dikan-tsafa soa bibike ro tsy misy zay. \f*
\v 29 Tsy mivola zaho hoe ty fieritseretanao manoka, fa ty fieritsereta ty olo-hafa. Nanino ty fahafahako ro tokony ho tsara ty fieritsereta ty hafa?
\v 30 Laha mandramby anjara amy ty hany am-pankasitsaha zaho, nanino ro tivativa amy ze nanomezako fisaora?
\p
\v 31 Laha zay, ndra mihinana ndra mino nareo, ndra ino ndra ino anovinareo, le anovy ho voninahitsin-Janahary iaby.
\v 32 Ka manome raha ampeloky ty Jiosy ndra ty Grika, ndra ty egilizin-Janahary.
\v 33 Miezaky ty hahafay ty olo-iaby amy ty raha iaby zaho. Tsy mila ty tombontsoako zaho, fa ty ahy ty lako. Anoviko zay mba ho voasarombaky ndrozy.
\c 11
\cl Toko 11
\p
\v 1 Alao tahaky zaho, manahaky ahy mpangala tahaky an'i Kristy.
\p
\v 2 Sady manompo anareo zaho safe mahatiaro ahy amy ty raha iaby nareo. Manompo anareo zaho safe mitandraky mare ty fombafomba manahaky ze nanomezako androzy taminareo nareo.
\v 3 Sady teako ho azonareo fa Kristy ro loha ty lahilahy iaby, fa ty lahilahy ro loha ty ampela, sady Njanahary ro loha i Kristy.
\v 4 Sady mangalaky voninahitsy ty lohany lahilahy ze mivavaky rey ndra maminany ka ke misaron-doha.
\v 5 Fa mangalaky voninahitsy ty lohany ampela ze mivavaky rey ndra maminany tsy mamonon-doha. Fa tsy hafa sady mitovy amy ty hoe ampela miharatsy ty lohany zay.
\v 6 Fa laha tsy mamonon-doha ty ampela, le tokony tapaha ho boribory ty volony. Laha mahamenatsy ty ampela ty manapaky ty volony ndra ty miharatsy ty lohany, le engao ie hamono ty lohany.
\v 7 Fa tsy tokony hamono ty lohany ty lahilahy, safe ie ro sary noho voninahitsin-Janahary. Fa ty ampela ro voninahitsy ty lahilahy.
\v 8 Fa ty lahilahy ro tsy nanovy baka amy ty ampela. Fa koa, ty ampela ro nanovy baka amy ty lahilahy.
\v 9 Fa tsy misy lahilahy niforony ho ahy ty ampela. Fa koa, ty ampela ro niforony ho ahy ty lahilahy.
\v 10 Zay ro tokony hanana ty ampela ty mariky ty fahefa amy ty lohany eo, noho anjely rey.
\p
\v 11 Ndra zay aza, amy ty Tompo ao, tsy mahaleo-vata amy ty lahilahy ty ampela, ndra ty lahilahy mahaleo-vata amy ty ampela.
\v 12 Fa laha baka amy ty lahilahy ty ampela, le ty lahilahy koa ro baka amy ty ampela. Sady baka amin-Janahary ty raha-iaby.
\v 13 Tsarao ty vatanareo: Mety amy th ampela va ty mivavaky amin-Janahary tsy mifonon-doha?
\v 14 Tsy ty natiora mihintsy aza va ro mampianatsy anareo fa laha ty lahilahy ro lava volo, le fahafaham-baraka ho azy zay?
\v 15 Tsy mampianatsy anareo va ty natiora fa laha ty ampela ro lava volo, le voninahitsy ho azy zay? Fa namea azy ty volony mba hamonosany azy.
\v 16 Fa laha misy te-hialy hevitsy amy zay, le tsy mana fampihara hafa zahay, ndra egilizin-Janahary rey.
\p
\v 17 Fa anay torolala manaraky rey, le tsy manompo anareo zaho.
\v 18 Fa lafa miaraky-avy nareo, le tsy ho amy ty soa zay fa ho amy ty raty bibiky, Fa tamy ty velohany bibiky, le reko fa lafa miaraky mivory amy ty egilizy ao nareo, le misy fizarazara aminareo eo, sady mino zay amy ty ampahany zaho.
\v 19 Fa tsy maintsy misy fitsitokotoko aminareo eo, mba hanenkea aminareo eo ze nenke rey.
\v 20 Fa lafa mivory nareo, le tsy ty Fanasa ty ztompo ro ho haninareo.
\v 21 Lafa mihina nareo, le samby mihina ty hany manoka ty kirai-draiky aloha ty hihinana ty hafa, Mosary ty raiky, sady ty hafa nanjary mamo.
\v 22 Tsy mana tsano ihinana noho inoma va nareo? Ho tsy hisianareo dikany va ty egilizin-Janahary ka le hajotsonareo ze tsy mana ndra ino ndra ino? Ino ro tokony ho volaniko aminareo? Tokony hanompo anareo va zaho? Tsy hanompo anareo amy zay zaho!
\p
\v 23 Fa nirambesiko baka amy ty Tompo avao koa ze ampitako anareo, fa Jesosy Tompo, tamy ty haly ze namaliha Azy, le nangalaky mofo.
\v 24 Lafa baka nisaotsy Ie, le nanapaky zay sady nivola hozao: “toy ty vatako, ze ho ahy nareo. Anovo zao ho fahatiarova Ahy.”
\v 25 Mitovy amy zay koa ro nirambesiny ty kapoaky lafa baka nihina haly, sady nivola Ue hozao: “Kapoaky toy ro fanenkea vaovao amy ty lioko ao. Anovo zao ndra ombia ndra ombia nareo ro mino, ho fahatiarova Ahy.”
\v 26 Amy ty fotoa iaby ze hihinananareo mofo toy noho hinomanareo amy kapoaky toy, le manambara ty fahafatesa ty Tompo zisiky-iaviany nareo.
\p
\v 27 Ndra ia ndra ia, laha zay, mihina ty mofo na mino amy ty kapoaky ty Tompo amy ty fomba tsy maeva, le ho meloky ty ajy ty vata noho ty lio ty Tompo.
\v 28 Engao handiniky ty vatany aloha tyvolo, sady amy zay le enga anie hihina ty mofo sady hino amy ty kapoaky ie.
\v 29 Fa ie ze mihina noho mino ka le tsy mahay ty vata, le mihina noho mino fitsara ho ahy ty vatany.
\v 30 Zay ro mahavy ty lako aminareo ho osa noho marary, sady ty ilany aminareo ho maty.
\v 31 Fa laha mandiniky-vata tsika, le tsy ho tsara.
\v 32 Fa lafa voatsara ty Tompo tsika, le mpanara-dalà, mba tsy ho voaheloky miaraky amy tany iaby toy.
\p
\v 33 Laha zay, rahalahiko, Lafa mivory mba hihina nareo, le mifandinisa.
\v 34 Laha misy olo raiky mosary, engao ie hihina an-tsano any, amy zay lafa mivory nareo le tsy ho amy ty fitsara zay. Sady mikasiky raha hafa ze nisoratinareo rey, le hanome toro-lala zaho lafa avy.
\c 12
\cl Toko 12
\p
\v 1 Mikasiky ty fanomezam-panahy rey, rahalahy, le tsy teako tsy hahay nareo.
\v 2 Hainareo fa tamy nareo mbo mpiasa sampy, le voa fitaky nana amy sampy tsy manam-peo any nareo, tamy ze lala iaby nitarika anareo rey.
\v 3 Laha zay teako ho hay fa tsy misy olo ze mivola amy ty Fanahin-Janahary afaky mivola hozao: “Jesosy ro voaozo.” Tsy misy afaky mivola hozao: “Jesosy ro Tompo,” hafa-tsy amy ty alala ty Fanahy Masy.
\p
\v 4 Sady misy fanomezam-panahy samby hafa, fa Fanahy mitovy avao.
\v 5 Misy fanompoa samby hafa, fa Tompo mitovy avao;
\v 6 sady misy karazan'asa samby hafa, fa Njanahary mitovy avao ro manao androzy ho azo antoky amy ty kirai-draiky.
\p
\v 7 Sady ho ahy ty kirai-draiky ro namea ty fanoroa ambaliky ty Fanahy ho ahy ty tombontsoa ty iaby.
\v 8 Fa ho ahy ty olo raiky ro namea baka amy ty Fanahy ty safa ty fahendrea, sady ho ahy ty raiky hafa ty safa ty fahalala amy ty alala ty Fanahy mitovy avao.
\v 9 Ho ahy ty raiky hafa ro namea ty finoa amy ty alala ty Fanahy mitovy, sady ho ahy ty raiky hafa fanomezam-pahasoava hanafaky amy ty alala ty Fanahy raiky rey.
\v 10 Ho ahy ty raiky hafa ro namea asa ty hery, sady ho ahy ty raiky hafa faminania. Ho ahy ty raiky hafa le namea ty fahafaha manavaky fanahy rey, ho ahy ty raiky hafa karaza fivola samby hafa, rey sady ho ahy ty raiky hafa ty fandika safa.
\v 11 Fa ty Fanahy raiky noho mitovy avao ro miasa amy zay ao iaby zay, manome fanomezam-panahy rey ho ahy ty olo kirai-draiky iaby, manahaky ze nitingininy.
\p
\v 12 Fa safe ty vata ro raiky sady mana rantsa lako sady ty iaby ro rantsa azy vata iny avao, noho zay le miaraky amy i Kristy zay.
\v 13 Fa tamy ty alala ty Fanahy raiky ro nananova batisa antsika iaby ho vata raiky, ndra Jiosy rey ndra Grika rey, ndra voafehy ndra afaky, sady ty iaby ro nanovy mba hino amy ty Fanahy raiky.
\p
\v 14 Fa ty vata ro tsy rantsa raiky, fa lako.
\v 15 Laha mivola ty tomboky hozao: “Safe tsy tana zaho, le tsy rahtsa amy ty vata zaho,” zay ro tsy kelikely amy ty rantsa ty vata vasa.
\v 16 Sady laha ty sofy ro hivola hozao: “Safe tsy maso zaho, le tsy rantsa amy ty vata zaho,” zay ro tsy kelikely amy ty rantsa ty vata vasa.
\v 17 Laha maso ty vata iaby, le ho aia ty fandresea? Laha sofy ty vata iaby, le ho aia ty fanimboloana?
\v 18 Fa Njanahary nandamy ty rantsa ty vata kirai-draiky manahaky ty namoronany zay.
\v 19 Laha rantsa mitovy avao ie iaby, aia ro hisy ty vata?
\v 20 Ka le zao ro rantsa lako ndrozy, fa vata raiky avao.
\v 21 Ty maso tsy afaky mivola amy ty tana hozao: “Tsy misy ilako anao.” Ndra ty loha tsy hivola amy ty tomboky hozai: “Tsy misy ilako anao.”
\v 22 Fa rantsa amy ty vata ze miboaky ho malemy vatany rey le tena a,
\v 23 sady rantsa ty vata ze nihintsika fa tsy le manan-danja rey, le ameantsika lanja beva vatany rey, sady rantsantsika rey tsy fampisehoa ro mana fahendrea mandilatsy.
\v 24 Sady ty rantsantsika fampitoroa le tsy mila andesy amy ty fahendrea, fa rey ro fa mana fahendrea. Fa Njanahary nampiharo ty rantsa iaby miaraky, sady ie nanome lanja vatany an'i rey ze tsy ampy zay.
\v 25 Nanao zay Ie mba tsy hisybfisaraha amy ty vata eo, fa mba hifampikarakara amy ty fitiava mitovy rantsa rey.
\v 26 Laha zay lafa mijaly ty rantsa raiky, le miaraky-mijaly rantsa iaby rey; ndra lafa amean-danja ty rantsa raiky, le miaraky-mifaly ty rantsa iaby.
\p
\v 27 Sady nareo le vata i Kristy sady rantsa amy zay ty kirai-draiky.
\v 28 Sady Njanahary nanondro tamy ty egilizy ao apostoly taloha rey, faharoe olo to-resaky rey, faha telo mpampianatsy rey, bakeo ze manao asa mahatseriky rey, bakeo fanomezam-pahasoava hanafaky ze manome fanampea rey, ze manao ty asa ty fitandrahan-draharaha rey, sady ze mana karaza fivola samby hafa rey.
\v 29 Apostoly va ie iaby? Olo to-resaky iaby va? Mpampianatsy iaby va? Manao asa mahatseriky iaby va ty iaby?
\v 30 Mana fanomezam-panahy hanafaky va ie iaby? Mivola amy ty fivolana tsy hay va ie iaby? Mandika safa va ie iaby?
\v 31 kendreo maré fanomezam-panahy bevata bibiky rey. Fa hampitoro anareo lala soasoa vatany zaho.
\c 13
\cl Toko 13
\p
\v 1 Ndra le anovy hoe mivola amy ty fivola olo noho anjely rey aza zaho. Fa laha tsy mana fitiava, le nanjary vy maneno ndra kipoa mikarakaram-peo zaho.
\v 2 Ndra le anovy hoe mana fanomeza ty faminania sady mahay misy ifotsy rey noho fahaiza iaby aza zaho, sady mana ty finoa iaby afaha mamalo vohitsy rey. Fa laha tsy manam-pitiava, le tsy misy dikany zaho.
\v 3 Ndra le anovy hoe manome ze iaby ananako hamaha ty mijaly aza zaho, sady manome ty vatako ho oroa. Fa laha tsy manam-pitiava, le tsy mahazo ndra ino ndra ino zaho. 
\f + \ft Fanamariha: Ty ULB noho ty UDB le samby mana dikan-tsafa lako, mivaky manao hozao: “Hameako mba ho oroa ty safako.” Ty dikan-tsafa ilany koa le mivaky hozao: “Hameako ty vatako mba ho rengirengiko.” \f*
\p
\v 4 Ty fitiava ro mahari-po sady soa fanahy. Ty fitiava ro tsy mitsiriritsy ndra mirehitsy. Tsy miavona
\v 5 ndra manao ze tsy mampaeva. Tsy tea tena. Tsy mora meloky, ndra manisaky hadisoa.
\v 6 Tsy mifaly amy ty tsy fahamarina. Fa koa, mifaly amy ty fahamarina.
\v 7 Ty fitiava ro mandefitsy ty raha iaby, mino ty raha iaby, matoky raha iaby, sady miaritsy ty raha iaby.
\p
\v 8 Tsy ho tampitsy zisiky farany ty fitiava. Laha misy faminania, le ho rava rey. Laha misy fivolana amy ty safa tsy hay, hijano rey. Laha misy fahalala, le ho rava zay.
\v 9 Fa tsika ro mahay amy ty ampahany sady maminany amy ty ampahany.
\v 10 Fa lafa a y azy tena meloky iny, le ho rava ze tsy tanteraky.
\v 11 Tamy zaho mbo aja, le niresaky manahaky ty aja, nieritseritsy manahaky ty aja, nisahy manahaky ty aja. Lafa bevata zaho, le nengako ty naha aja.
\v 12 Fa amy zao tsika le mahita tsy mivanta amy ty fitaratsy, fa zisiky amy zay le hfanatsiky-tarehy. Amy zao zaho le mahay amy ty ampahany, fa bakeo zaho le hahay tanteraky manahaky ty nahaiza ahy tanteraky.
\v 13 Fa amy zao le telo reto ro mipetsaky: ty finoa, ty fanantena zisiky amy zay, sady ty fitiava. Fa ty baevata bibiky amy rey le ty fitiava.
\c 14
\cl Toko 14
\p
\v 1 Milà fitiava sady manàna fazotoam-po amy fanomezam-panahy rey, sandra fa ty mba haminanianareo.
\v 2 Fa ze mivola amy ty fivola tsy hay le tsy miresaky amy ty olo fa amin-Janahary. Fa tsy misy mahazo azy safe miresaky raha-tsy hita amy ty Fanahy ie.
\v 3 Fa ze maminany ro miresaky amy ty olo mba ho fampionona androzy, ho fampandrisiha androzy, sady fampionona androzy.
\v 4 Ze mivola amy ty fivolanatsy hay le manorina ty vatany, fa ze maminany ro manory ty egilizy.
\p
\v 5 Amy zao le maniry anareo iaby hivola amy ty fivola tsy hay zaho. Fa mbo mandilatsy noho zay aza, maniry Zaho ty haminanianareo. Ze maminany le bevata vatany noho ze mivola amy ty fivolana tsy hay (laha tsy hoe misy olo raiky mandika safa ka le mba mety hamboara ty egilizy).
\p
\v 6 Fa amy zao, rahalahy, laha avy aminareo eo amy ty fivolana tsy hay zaho, ino ro tombon-tsoa ameako anareo amy zay? Tsy afaky zaho, laha tsy joe miresaky aminareo amy ty fanambara, ndra fahaiza, ndra faminania, ndra fampianara.
\v 7 Laha mampiboaky feo raha-maneno rey tsy manan'ay---manahaky ty sody ndra lokanga ---sady tsy mampiboaky lantom-peo samby hafa rey, nanino ro hahaizako ty olo ze meloky iaby ty sody ndra ty lokanga?
\v 8 Fa laha manao feo hafahafa ty trompetsa, ino ro ahaiza ty olo lafa fotoa hiomana amy ty aly?
\v 9 Ka le manahaKy zay avao koa ty aminareo. Laha tsy mazava ty safa aboaky ty vavanareo, ino ro hahaiza ty olo ze nivolaninareo? Hivola nareo, sady tsy hisy hahazo anareo.
\v 10 Misy fivolana lako samby hafa amy tany iaby toy eto, sady tsy misy amy reny ro tsy misy dikany.
\v 11 Fa laha tsy mahay ty dika ty fivolanany raiky zaho, le ho vahiny amy ze mivola, sady ze mivola ho vahiny amiko.
\v 12 Manahaky zay avao koa ty aminareo. Safe maniry maré ty fihetseha ty Fanahy nareo, le manà zotom-po mba hiroborobo amy ty fanamboara ty egilizy.
\p
\v 13 Laha zay ze mivola amy ty fivolana tsy hay le tokony hivavakymba hafahanay mandika afa.
\v 14 Fa laha mivavaky amy ty fivolana tsy hay Zaho, le mivavaky ty fanahiko, fa ty saiko tsy mamoa.
\v 15 Ino ro tokony hanoviko? Hivavaky amy ty Fanahiko zaho, fa hivavaky amy ty saiko avao koa. Hihira miaraky amy ty Fanahiko zaho, sady hihira miaraky amy ty saiko avao koa.
\v 16 Laha tsy zay, laha manompo an-Janahary miaraky amy ty Fanahy nareo, ino ro hivolana ty vahiny hozao “Amena” lafa manome fisaora iha laha hohatsy ka le hay ze volaninao.
\v 17 Fa iha ro tena manome fisaora soa avao, fa ty olo-hafa tsy miory.
\v 18 Misaotsy an-Janahary zaho fa mivola amy ty fivolana tsy hay mandilatsy noho nareo iaby.
\v 19 Fe an-degilizy any ro aleoko mivola safa limy manahaky ty fahazoako mba hafahako mampianatsy hafa r1ey, manahaky ze safa ray aly amy ty fivilana tsy hay.
\p
\v 20 Rahalahy, ka mba aja amy ty fihevitsinareo. Fa koa, laha amy ty raty, le mananova manahaky ty aja. Fa amy ty fihevitsinareo ro engao ho matotsy nareo.
\v 21 Amy ty lalà ao ro voasoratsy hozao: “Amy ty alala olo hafa fivolana noho amy ty alala ty sony ty vahiny le hiresaky amy olo rey Zaho. Ndra le tsy haharé Ahy aza ndrozy,” hoy ty Tompo.
\p
\v 22 Laha zay fivolana rey tsy hay le fahaiza, tsy amy mpino rey, fa amy tsy mpino. Fa ty faminania koa ro ho fahaiza, tsy ho ahy tsy mpino rey, fa ho ahy mpino rey.
\v 23 Laha zay, laha hohatsy ka, miara-mivory ty egilizy iaby sady mivola amy ty fivolana tsy hay iaby, sady militsy vahiny rey noho tsy mpino, tsy ho volanin-drozy fa adala va nareo?
\v 24 Fa laha naminany iaby nareo iaby ka le nisy tsy mpino ndra vahiny nilitsy, le ho resy lahatsy amy ze iaby janjiny ie. Ho tsara amy ty alala ze iaby voalaza ie.
\v 25 Hambara ty tsiambaratelo am-pony ao. Vokatsy zay, handohaliky ie fa hiharo an-Janahary. Hanambara ie fa tena aminareo eo Njanahary.
\p
\v 26 Ino zay ro manaraky, rahalahy? Lafa tafaray nareo, ty kirai-draiky ro mana salamo, fampianara, fanambara, fivolana tsy hay, ndra fandikan-tsafa. Anovo ty raha-iaby mba hanorenanareo ty egilizy. Laha misy mivola amy ty fivolana tsy hay,
\v 27 engao hisy roe ndra farafahalakony telo eo, sady mandeha kirai-draiky, bakeo le tokony hisy raiky handika ty safa ze voavola.
\v 28 Fa laha tsy misy mpandika safa, engao ty kirai-draiky amin-drozy hitandraky tsy fivolana an-degilizy ao. Engao ty kirai-draiky hiresaky mitoka amy ty vatany noho amin-Janahary.
\p
\v 29 Engao hivola ty mpaminany roe ndra telo, sady engao hafa rey hijanjy amy ty fahaiza-manavaky ze voavola.
\v 30 Fa laha misy fahita amea ze mipetsaky amy ty fanompoa, engao hivola azy raiky ze nivola iny.
\v 31 Fa ty kirai-draiky aminareo ro afaky mifanolo maminany mba hafaha ty kirai-draiky mianatsy sady mba hahery ty iaby.
\v 32 Fa ty fanahy olo to-resaky rey le ambany ty fanaraha-maso ty olo to-resaky rey eo.
\v 33 Fa Njanahary ro tsy Njanahary ty fikorontana, fa ty fiadana. Zay ro fitsipiky ho ahy ty egilizy ty mpino iaby rey.
\v 34 Ty ampela ro tokony hitandraky ty tsy fivolana an-degilizy ao. Safe tsy mahazo alala hivola ndrozy. Fa koa, tokony hanenky ndrozy, manahaky ty ambara ty lalà.
\v 35 Laha misy irin-drozy hianara, engao hanontany ty valiny an-tsano any ndrozy. Fa mahamenatsy ho ahy ty ampela ty mivola an-degilizy ao.
\v 36 Baka aminareo va ro niavia ty safan-Janahary? Nareo raiky va ro voakasiky zay?
\v 37 Laha misy mieritseritsy ty vatany ho olo to-resaky ndra ara-panahy, le tokony hanenky ie fa raha ze soratiko aminareo rey ro lily ty Tompo.
\v 38 Fa laha misy tsy manenky zay, le aleo ie tsy ho enke. 
\f + \ft Fanamariha: Ty halakoa ty dikan-tsafa, anay zay ao ty ULB noho UDB, le mamaky hozao: “Fa laha misy tsy manenky zay, le engao tsy ho enke ie.” Ty dikan-tsafa ilany taloha manao hozao: “Fa laha amisy tsy mahay zay, le engao ie tsy hahay zay.” \f*
\p
\v 39 Kanle amy zay, rahalahy, maniria maré ty ho to-resaky, sady ka mandrara an'ia ndra ia hivola amy ty fivolana tsy hay.
\v 40 Fa engao ty raha-iaby anovy manahaky ty tokony ho ie noho am-pilamina.
\c 15
\cl Toko 15
\p
\v 1 Amay zao mampahatiaro anareo zaho, rahalahy, ty amy ty filazantsara ze nambarako taminareo, ze nirambesinao noho ze itsangananareo.
\v 2 Amy ty alala filazantsara zatpy ro hahavoasarombaky anareo, laha mitandraky maré amy ty safa nambarako taminareo nareo, laha tsy hoe ninonino avao.
\p
\v 3 Fa namea raha-bevata velohany ho ahy nareo ze voarambiko avao koa: fa maty ho ahy ty fahotantsika Kristy manahaky ty Soratsy Masy, sady nalevy Ie,
\v 4 sady Ie ro natsanga tamy maty tamy ty andro faha telo manahaky ty Soratsy Masy
\v 5 Kristy ro niboaky tamy i Kefasy, sady bakeo tamy folo roa amby rey;
\v 6 bakeo le niboaky indraiky avao tamy rahalahy mandilatsy ty dimanjato Ie. Mbo velo ty halakoan-drozy, fa ty ilany ro nimaty.
\v 7 Bakeo Ie niboaky tamy i Jakoba, bakeo tamy apostoly iaby rey.
\v 8 Farany bibike, le niboaky tamiko Ie, manahaky ty hoe tamy ty aja teraky tsy ampy vola.
\v 9 Fa zaho rk kelikely bibike amy apostoly rey. Zaho ro tsy maeva ty kaihe hoe apostoly safe nanenjiky ty egilizinJanahary zaho.
\v 10 Fa laha ty fahasoavan-Janahary ro naha zao zaho ahy, sady tsy rava ty fahasoavany amiko ato. Fa koa, niasa maré vatany noho ie iaby zaho. Nefa tsy zaho zay, fa ty fahasoavan-Janahary ze miaraky amiko.
\v 11 Laha zay ndra zaho zay ndra ndrozy, manahaky ty nitorinay le manahaky zay ro ninoanareo.
\p
\v 12 Amy zao laha nanambara fa Kristy ro natsanga tamy maty, ino ro hafaha ty ilany aminareo mivola fa tsy misy ty fitsangana amy maty?
\v 13 Nefa laha tsy misy ty fitsangana amy maty, le tsy natsanga vasa Kristy;
\v 14 sady laha tsy natsanga Kristy, le rava ty fanambaranay, sady rava avao koa ty finoanareo.
\v 15 Ka le, hita ho vavolombelo diso mikasiky Njanahary zahay safe nitsanga vavolombelo nanohitsy an-Janahary, nivola hoe natsanga Kristy lafa tsy nanao zay Ie.
\v 16 Laha tsy natsanga ty maty, le ndra Kristy aza tsy natsanga;
\v 17 sady laha tsy natsanga Kristy, le rava ty finoanareo sady le mbo amy ty fahitanareo ao nareo.
\v 18 Sady ze iaby maty amy i Kristy ao ro fa tsobo avao koa.
\v 19 Laha amy fiaina toy avao ro ananantsika toky amy ty ho avy amy i Kristy ao, le tsika ro mampahonena bibike amy ty olo iaby.
\p
\v 20 Fa amy zao le fa nantsanga tamy maty Kristy, azy veloham-bokatsy ze maty iny.
\v 21 Fa safe niavy tamy ty alala ty olo raiky ty fahafatesa, le baka amy ty alala ty olo raiky avao koa ro niavia ty fitsangana amy maty.
\v 22 Fa manahaky ty nahafatesa ty iaby tamy i Adama ao, le ho velomy amy i Kristy ao avao koa ty iaby.
\v 23 Nefa samby amy ty filaharany manoka ao ty kirai-draiky: Kristy, azy veloham-bokatsy iny, sady bakeo ze an'i Kristy rey le hanovy velo amy ty fiaviany.
\v 24 Bakeo le ho avy ty farany, lafa hamea i Kristy ho an-Janahary Ray ty fanjaka. Zay le lafa handrava ty fitsipiky iaby noho ty fahefa iaby sady ty hery Ie.
\v 25 Fa tsy maintsy manjaka Ie zisiky-hampijanonany ty fahavalony iaby ambany ty tombony ao.
\v 26 Ty fahavalo farany ho harava le ty fahafatesa.
\v 27 Fa “Napetsany tambany ty tombonu eo iaby ty raha iaby.” Fa voavola fa: “Ia ro nampipetsaky ty raha iaby,” le mazava soa fa tsy tafilitsy anay zay ao azy raiky nampipetsaky ty raha iaby hanenky ty vatany iny.
\v 28 Lafa manenky Azy ty raha iaby, le ty Anaky mihintsy ro hanenky azy raiky ze nampanenke ty raha iaby ho Azy iny. Hiseho zay mba ho iaby amy ty oaby ao ty Njanahary Ray.
\p
\v 29 Ndra koa ino ro ilanao ze vita batisa ho ahy ty maty rey? Laha tsy natsanga mihintsy ty maty, nanino ndrozy ro nanovy batisa ho ahin-drozy?
\v 30 Nanino sady, tsika ro am-bava loza isan'ora?
\v 31 Miatsiky fahafatesa isan'andro zaho! Zay ro azo antoky manahaky ty firengerengeako ty aminareo, ze azoko amy i Kristy Jesosy Tompontsika ao.
\v 32 Ino ro tombony azoko, baka amy ty fomba fanentea ty olombelo, laha nialy tamy ty biby ta Efesosy ao zaho, laha tsy natsanga ty maty? “Angao tsika hihina noho hino safe ho maty tsika hamaray.”
\v 33 Ka mety ho fitahy hozao: “Manimba ty fisaina soa ty naman-draty.”
\v 34 Mandiniha! Miaina am-pahamarina! Ka manohy manonta! Fa ty ilany aminareo le tsy mana fahaiza an-Janahary. Mivola zay ho amy ty fahamenaranareo zaho.
\p
\v 35 Fa ty olo raiky hivola hozao: “Ino ro nampitsanga ty maty, sady amy ty karaza vata ino ro hiavian-drozy?”
\v 36 Tsy mahay ndra ino ndra ino nareo! Ze hararakinareo le tsy hanomboky hitombo laha tsy maty zay.
\v 37 Ze nararakinareo le tsy ty vata ze ho avy, fa voa fostiny. Zay ro mety hanjary vary ndra raha hafa.
\v 38 Fa hamean-Janahary azy ty vata manahaky ze tingininy, sady samby amy ty vata iaby ty voa kirai-draiky.
\v 39 Tsy ty nofotsy iaby ro mitovy. Fa koa, raiky ty nofotsy ty olombelo, le hafa ty nofotsy ty boby, sady nofotsy hafa ty ahy ty voro rey, sady hafa ty ahy ty hazandrano.
\v 40 Misy avao koa vata rey an-danitsy any noho vata ty an-tany eto rey. Fa karaza raiky avao ty voninahitsy ty vata an-danitsy any sady hafa ty voninahitsy ty an-tany eto.
\v 41 Raiky ty voninahitsy ty vola, sady voninahitsy hafa ty ahy ty basia rey. Fa ty basia raiky miavaky amy ty basia raiky hafa amy ty voninahitsy.
\p
\v 42 Manahaky zay koa ty fitsangatsangana amy ty maty. Ze araraky ro mety simba, sady ze atsanga ro tsy mety simba.
\v 43 Araraky tamy ty fanalam-baraka zay; le natsanga am-boninahitsy. Araraky tamy ty fahakemea zay; le natsanga amy ty hery.
\v 44 Araraky amy ty vata voajanahary zay; le atsanga ho vata ara-panahy. Laha misy vata voajanahary, le misy vata ara-panahy avao koa.
\p
\v 45 Sady fa voasoratsy avao koa fa: “Nanjary fanahy velo Adama azy lahilahy velohany iny” Azy Adama farany iny ro nanjary fanahy manome fiaina.
\v 46 Fa tsy ty ara-panahy ro avy velohany fa ty voajanahary, sady bakeo ty ara-panahy.
\v 47 Ty olo velohany ro baka amy ty tany, namboary tamy ty kemboky. Ty olo faharoe ro baka an-danitsy any.
\v 48 Manahaky azy raiky namboary tamy ty lemboky iny, manahaky zay koa azy olo an-danitsy any, sady manahaky zay avao koa ze baka an-danitsy any rey.
\v 49 Manahaky ty nandaisantsika ty endriky azy olo ty lemboky iny, le handay ty endriky azy olo ty lanitsy iny avao koa tsika.
\p
\v 50 Sady zao ro volaniko, rahalahy, fa ty nofotsy amy ty lio ro tsy afaky ty handova ty fanjakan-Janahary. Ndra ze mety simba handova ze tsy mety simba.
\v 51 Ingo! Raha-marina tsy hita ro ho volaniko anareo hozao: Tsy ho maty iaby tsika iaby, fa hova iaby tsika iaby.
\v 52 Hiova tsika amy ty fotoa raiky, anay ty ndraiky mipi-maso ao, amy ty trompetsa farany. Haneno ty trompetsa, sady maty rey ro hatsanga ho tsy mety lo, sady le hova tsika.
\v 53 Fa vata toy mety simba le tsy maintsy hisiky ze tsy mety lo, sady vata mety maty toy ro tsy maintsy hisiky ty tsy fahafatesa.
\v 54 Fa lafa misiky ty tsy simba vata mety simba toy, sady lafa misiky ty tsy fahafatesa vata mety maty toy, le ho avy amy azy safa ze voasoratsy hoe, “Voately tamy ty fandresea ty fahafatesa.”
\q1
\v 55 “Fahafatesa, aia ty fandreseanao? Fahafatesa, aia ty fitombohanao?”
\p
\v 56 Ty ota ro fanindroa ty fahafatesa, sady ty hery ty ota le ty lalà.
\v 57 Fa isaora Njanahary, ze manome antsika ty fandresea amy ty alala i Jesosy Kristy Tompontsika!
\p
\v 58 Laha zay, rahalahy malalako, mipetsaha soa sady ka mihozongozo. Miroborobo zisiky farany amy ty asa ty Tompo, safe hainateo fa tsy tsobo avao ty asanareo amy ty Tompo ao.
\c 16
\cl Toko 16
\p
\v 1 Sady mikasiky ty famorian-jala ho ahy mpino rey, manahaky ty nanoroako lala ty egilizy i Galatia, le manahaky zay koa ro tokony anovinareo.
\v 2 Amy ty andro veloha ty herin'andro, le tokony hanoka raha ty kirai-draiky aminareo sady hanajary zay manahaky ze vitanareo. Mananova zay mba tsy hisia ty famorian-jala lafa avy zaho.
\v 3 Lafa niavy zaho, ndra ia ndra ia enkenareo, le alefako miaraky amy ty taratasy mba hanomezako ty fanomezanareo ho ahy Jerosalema.
\v 4 Laha hohatsy ka le mety amiko avao koa ty mandeha, le handeha hiaraky amiko ndrozy.
\p
\v 5 Fa ho avy aminareo any zaho lafa mandalo an'i Mekedonia. Fa handalo an'i Makedonia zaho.
\v 6 Mety afaky hijano miaraky aminareo zaho ndra anay ty nintsy mihintsy aza, mba hafahanareo manmpy ahy amy ty liako, ndra aia ndra aia andehanako.
\v 7 Fa tsy maniry ty hahita anareo anay ty fotoa tsy ampy zaho zao. Fa manantena ty hipetsaky ela ela miaraky aminareo, laha engà ty Tompi.
\v 8 Fa hijano ao Efesaosy zaho zisiky-iavia ty Pentekosta,
\v 9 fa varavara lalaky ro nivoha ho ahy, sady misy fahavalo lako.
\p
\v 10 Sady lafa niavy Timoty, le ezaho mba tsy hatahotsy ie miaraky aminareo, fa manao ty asa ty Tompi ie, manahaky ty anoviko.
\v 11 Ka enga hisy olo hanao tsinotsino azy. Ampeo ie amy ty lalany amy ty fiadana, mba hafahany mandeha amiko eo. Fa manantena azy mba ho avy hiaraky amy rahalahy rey zaho.
\p
\v 12 Sady mikasiky an'i Apolosy rahalahintsika, le nandrisiky azy maré zaho mba hamonjy anareo miaraky amy rahalahy rey. Fa mbo tsy vonona tanteraky ty ho avy ie zao. Ndra zay aza, ho avy ie lafa mety ty fotoa.
\p
\v 13 Miembena, mitsangana soa amy ty finoa, miasá manahaky ty lahilahy, mahereza.
\v 14 Engao hanovy am-pitiava ze anovinareo iaby.
\p
\v 15 Hainareo ty longo i Stefanasy, fa ndrozy ro niova fo velohany ta Asaia ao, sady ndrozy nametsaky mpino rey. Sady mandrisiky anareo zaho, rahalahy,
\v 16 mba hanenky ty olo manahaky zay noho amy ty olo iaby ze manampy amy ty asa noho miasa miaraky aminay.
\v 17 Mifaly amy ty fiavia i Stefanasy, Fortinatasy, sady Akaiosy zaho. Nanatsiky ty tsy naha-teo anareo ndrozy.
\v 18 Fa namelombelo ty fanahiko noho ty ahy nareo ndrozy. Ka le laha zay, haiko ty olo manahaky zay.
\p
\v 19 Egilzy i Asia rey ro manao veloma anareo. Akila noho Pritsila ro manao veloma anareo amy ty Tompo ao, miaraky amy ty egilizy ze amy ty fipetsahan-drozy ao.
\v 20 Ty rahalahy iaby manao veloma anareo. Mifananova veloma amy ty oroky masy.
\p
\v 21 Zaho, Paoly, manoratsy amy ty tanako toy.
\v 22 Laha misy olo tsy tea ty Tompo, enga anie mba ho voahozo ie. Ho avy, ty Tompontsika!
\v 23 Ho aminareo lahy ty fahasoava ty Jesosy Tompo.
\v 24 Ho aminareo iaby ty fitiava amy i Jesosy Kristy ao. 
\f + \ft Fanamariha: Ty dikan-tsafa taloha ro manmpy hozao: “Amen.” Fa ty vaovao lako hafa, anay zay ao ty ULB noho ty UDB, le mangalaky zay. \f*