skg-x-vezo_reg/46-ROM.usfm

\id ROM
\ide UTF-8
\h Romana
\toc1 Romana
\toc2 Romana
\toc3 rom
\mt Romana
\c 1
\cl Toko 1
\p
\v 1 Paoly, manompo i Jesosy Kristy, le voakaiky ho apostoly, sady voatoka ho mpitory ty filazantsaran-Janahary.
\v 2 Io azy folazantsara ze fa nampanantenany aloha tamy ty alala ty to-resaky tamy ty Soratsy Masy ao rey iny.
\v 3 Zay ro mikasiky ty Anakilahiny, ze teraky baka amy ty tariha i Davida manahaky ty nofotsy.
\v 4 Tamy ty fitsanga tamy maty, le voambara ho azy anaky maherin-Janahary iny tamy ty hery ty Fanahy ty fahamasina Ie_ le Jesosy Kristy Tompontsika.
\v 5 Tamy ty alalany ro nandrambesantsika fahasoava noho ty maha-apostoly amy ty fanenkea ty finoa amy ty firenea iaby eo, noho ty Anarany.
\v 6 Amy firenea rey, nareo avao koa ro voakaiky ho an'i Jesosy Kristy.
\v 7 Taratasy toy ro ho ahy ty iaby a-Roma ao, ze malalan-Janahary, ze voakaiky ho olo-masina. Ho aminareo lahy ty fahasoava, noho fiadana baka amin-Janahary Babantsika noho Jesosy Kristy Tompo.
\p
\v 8 lohany, isaorako ty Njanahariko amy ty alala i Jesosy Kristy noho ty aminareo iaby, safe ty finoanareo ro fa nambara mabera ty tany iaby toy.
\v 9 Fa Njanahary ro vavolombeloko, ze tompoiko amy ty fanahiko ao amy ty filazantsara ty Anany ao, fa tsy mijano miresaky anareo Aminy Zaho.
\v 10 Mangataky avao Zaho amy ty vavaky anoviko ty mba ahazoako amy ty fomba iaby manahaky ty sitsapon-Janahary mba ho avy aminareo.
\v 11 Fa zaho ro maniry ty ahita anareo, mba afahako manome fanomezam-panahy sasantsasany ho ahy nareo, mba hampahery anareo.
\v 12 Zay, ro maniry Zaho ty mba hidankahereza anivontsika eto, amy ty alala ty finoa ty kirai-draiky iaby, ty anareo noho ty ahy.
\v 13 Amy zao tsy teako nareo tsy ahaiza, rahalahy, hoe matetiky zaho ro mana faniria hamonjy anareo, (nefa Zaho ro voasaka zisiky amy zao), mba hahazoa vokatsy aminareo eo, manahaky ty fa nahazoako ty amby ty Jentilisa rey avao kao.
\v 14 Zaho ro mpitsosa amy Grika noho vahiny rey, amy ty hendry noho adala.
\v 15 Laha zay, amiko, ro vonona avao koa zaho hitory ty filazantsara ho ahy nareo ze a-Roma any.
\p
\v 16 Fa zaho ro tsy menatsy amy ty filazantsara, fa zay ro herin-Janahary ho famonjea iaby ze mino rey, ho ahy ty Jiosy aloha sady ho ahy ty Grika.
\v 17 Fa amy zay ro anehoa ty fahamarinan-Ja ahary baka amy ty finoa ho amy ty finoa, manahaky ze voasoratsy hozao: “Ty marina ro ho velo amy ty finoa.”
\p
\v 18 Fa ty helokin-Janahary ro naneho baka an-danitsy any manohitsy ty haratiam-panahay noho ty tsy fahamarina ty olo, ze manaka ty fahamarina amy ty alala ty tsy fahamarina.
\p
\v 19 Zay safe ze hay mikasikin-Janahary ro hitan-drozy maso. Fa nihazavan-Janahary androzy.
\v 20 endrikiny ze tsy hita maso rey, ze heriny tsy misy farany noho maha-Njanahary Azy rey, le hita nazava soa, nanomboky tamy ty famorona ty tany iaby toy, tamy raha ze niforony rey. Laha zay le tsy mana fialan-tsiny ndrozy.
\v 21 Zay safe, ndra fa nahay ty mikasikin-Janahary aza ndrozy, le tsy nanome voninahitsy amy ty maha Njanahary Azy, ndra koa nisaotsy Azy. Fa koa, lasa adala tan-tsainy ao ndrozy, sady nihamaike ty fo donton-drozy.
\v 22 Ndrozy ro nivola androzy ho hendry, nefa le niha-nanjary adala.
\v 23 Ty voninahitsin-Janahary tsy mety lo ro natakalon-drozy sarin'endrik'olombelo mety lo, voro, biby manan-tomboky efatsy, noho raha mikisaky rey.
\p
\v 24 Laha zay le namean-Janahary ho amy ty fila ty fon-drozy ho amy ty fahalotoa ndrozy, mba ho afaky-voninahitsy amin-drozy eo avao ty vatan-drozy.
\v 25 Ndrozy ro nanakalo ty fahamarinan-Janahary tamy ty vandy, sady ze manompo noho manompo ty zava-boary fa tsy azy Nihary iny, ze tompoe zisiky farany. Ameny.
\p
\v 26 Laha zay, namean-Janahary ho amy ty filà-raty mamoafady ndrozy, fa ampelan-drozy rey ro nanakalo fifandrambesa voajanahary rey tamy ze tsy voajanahary rey.
\v 27 Manahaky zay koa, lahilahyrey miaraky amy ty ampela ka le nampirehety ty filà manahaky ty-nofotsy ho ahy ty ie samby ia. Rey ro lahilahy ze nanao fihetsaiky mahamenatsy miaraky amy ty lahilahy sady nandram y tamin-drozy ao ty sazy ze maeva androzy noho ty fahativativan-drozy.
\p
\v 28 Safe tsy nanenky ty hana an-Janahary amy ty fieretseretany ao ndrozy, le nameany say tsy maeva androzy, mba hananova raha ze tsy mety rey.
\v 29 Ndrozy ro atsiky ty tsy fahamarina, faharatia, faniria, sady lolompo iaby. Ndrozy ro atsiky fialona, famonoa, fifamalea, fitaky, sady fikasa raty.
\v 30 Ndrozy ro mpifosa, mpanendrikendriky, sady mpalay an-Janahary. Ndrozy ro mahery safe, miavo, sady mirengirengy. Ndrozy ro mpamoro raha-raty, sady ndrozy ro tsy manenky ty ray aman-dreniny.
\v 31 Ndrozy ro tsy mana fahaiza; ndrozy ro tsy azo atokisa, tsy misy fitiava voajanahary, sady tsy mamalo fo.
\v 32 Hain-drozy ty lalàn-Janahary, fa ze manao raha manahaky zay ro maeva ty fahafatesa. Fa tsy raha rey avao ro nanoviny, fa manenky ze hafa manao reny koa rey.
\c 2
\cl Toko 2
\p
\v 1 Laha zay le tsy mana fialan-tsiny iha, olo, iha ze mitsara, fa ze itsaranao ty hafa ro anasazia ty vatanao. Fa iha ze mitsara le manao rey avao koa.
\v 2 Nefa haintsika fa ty fitsaran-Janahary ro manahaky ty marina lafa lavo amy ze manao raha manahaky rey zay.
\v 3 Fa diniho zao, olo, iha ze mitsara ze manao raha manahaky rey ndra manao manahaky reny koa aza iha. Hiala ty fitsaran-Janahary va iha?
\v 4 Sa tsy isianao dikany ty hanana ty hasoam-panahiny, ty fandeferany, sady ty faharetany? Tsy hainao va fa ty hasoam-panahiny ro nanovy hitariky anao amy ty fibebaha?
\v 5 Fa zay ro ho amy ty habevata ty hahery noho tsy fibebaha ty fonareo ro amorianareo heloky ho ahy ty vatanareo amy ty andro heloky, zay ro, ty andro ty fanoroa ty fitsara marin-Janahary.
\p
\v 6 Hamaly ty olo iaby amy ty raha mitovy any nanoviny rey Ie:
\v 7 hanome manahaky ty fahareta, ty asa soa mila rengy, voninahitsy, ty tsy fahafatesa, fiaina zisiky farany Ie.
\v 8 Fa ho ahy ze mila ho ahy ty vatany rey, ze tsy manenky ty marina fa manenky tybtsy fahamarina, le ho avy ty heloky noho ty fasy.
\v 9 Njanahary ro handay fiahoria noho fijalea amy ty fanahy ty olo iaby ze nanao raty, amy Jiosy aloha, sady amy ty Grika avao koa.
\v 10 Fa rengy, laza, sady fiadana ro ho avy amy ze manao ty soa rey, amy ty Jiosy aloha, sady amy ty Grika avao koa.
\v 11 Fa tsy misy fiangara miaraky amin-Janahary.
\p
\v 12 Fa ze iaby nanota tsy nana ty lalà ro ho tsobo tsy mana lalà avao koa, sady ze iaby nanota niaraky tamy ty fanaja ty lalà ro ho tsara manahaky ty lalà.
\v 13 Fa tsy mpahare ty lalà rey ro marina anilan-Janahary eo, fa ze mampihatsy ty lalà rey ro nihamariny.
\v 14 Fa Jentilisa, ze tsy mana ty lalà rey, lafa manao ty raha mikasiky ty lalà manahaky ty voajanahary, le ndrozy ro lalà ho ahy ty vatany, ndra le tsy mana ty lalà aza ndrozy.
\v 15 Amy zay ro anoroan-drozy fa ty asa angatahy ty lalà le voasoratsy am-pon-drozy ao. Ty fieretseretan-drozy avao koa ro vavolombelo ho androzy, sady ty fisaian-drozy manoka le ndra manasazy ndra miaro androzy amy ty vatan-drozy
\v 16 sady koa amin-Janahary. Zay ro hitsanga amy ty andro ze hitsaran-Janahary sekire ty olo iaby rey, manahaky ty filazantsarako, amy ty alala i Jesosy Kristy.
\p
\v 17 Fa laha hohatsy ka le Jiosy ro hikaihanao ty vatanao sady mianky amy ty lalà noho mirengirengy amin-Janahary ao,
\v 18 sady mahay ty sitsapony noho mahay ze raha soa bibiky safe nampianary tamy ty lalà iha;
\v 19 sady laha hohatsy ka le resy lahatsy iha fa ty vatanao ro mpitariky ty jiky, fahazava ho ahy ze amy ty haiky rey ao,
\v 20 mpanity ty adala, mpampianatsy ty aja kelikely, sady anananao amy ty lalà ao ty maeva ty fahaiza noho marina, le ino ro fiboaha zay amy ty fomba hiainanao ty fiaiananao?
\v 21 Sady iha ze mampianatsy ilany rey, tsy mampianatsy ty vatanao va iha? Iha ze mitory manohitsy ty halatsy, mangalatsy va iha?
\v 22 Iha ze mivola fa tsy tokony haheriloha, maheriloha va iha? Iha ze malay ty sampy, mandrava egilizy rey va iha?
\v 23 Iha ze faly mirengerengea amy ty lalà ao, mangala-baraka an-Janahary va iha amy fandikanao ty lalà io?
\v 24 Fa “ty anaran-Janahary ro fa afa-baraka tamy Jentilisa rey eo noho nareo,” manahaky ze fa voasoratsy.
\p
\v 25 Fa mahazo tombony amy ty fanavara vatany nareo laha hohatsy ka le manenky ty lalà, nareo, le avy tsy voasavatsy ndra ro fa voasavatsy aza nareo.
\v 26 Manahaky zay, laha olo tsy voasavatsy ro miemby ze take ty lalà, tsy hanovy ho anay ty voasavatsy va ie ndra ro tsy voasavatsy aza?
\v 27 Sady tsy ho helofa azy raiky ze tsy misavatsy ara-boajanahary iny va nareo laha hohatsy ka le miemby ty lala ie? Zay le mana ty lalà voasoratsy noho ty fanavara nareo, nefa mbo mandika ty lalà!
\v 28 Fa ie ro tsy jiosy amy ty endriky ambaliky avao; ndra amy ty fanavarà ze miseho amy ty endrikh ambaliky ty nofotsy avao.
\v 29 Fa ie ro Jiosy anay ao, sady ty fanavara ze ahy ty fo, amy ty Fanahy ao, fa tsy amy ty soratsy ao. Ty fanompoa ty olo manahaky zay le tsy baka amy ty olo fa baka amin-Janahary.
\c 3
\cl Toko 3
\p
\v 1 Ka ino moa zay ro tombon-tsoa anana ty Jiosy? Sady ino ro tombon-tsoa ty fanavara?
\v 2 Soa zay amy ty fomba iaby. Velohany bibike, Jiosy rey ro nananky ty fanambara baka amin-Janahary.
\v 3 Fa ino laha tsy nanam-pinoa Jiosy ilany rey? Ty tsy finoan-drozy va ro hahavy ty fatokisan-Janahary tsy ho tanteraky?
\v 4 Tsy hisy mihintsy lahy zay. Fa koa, engao ho hita fa marina Njanahary, ndra le mpavandy aza ty olo kir3. Manahaky ty voasoratsy hozao: “Hatoro amy ty safanareo fa olo-marina nareo, sady atoro lafa avy amy ty fitsara nareo.”
\p
\v 5 Fa laha hohatsy ty tsy fahamarinantsika ro manoro ty fahamarinan-Janahary, ino ro azontsika ambara? Afaky mivola va tsika fa tsy marina Njanahary amy ty famoahany ty helokiny amintsika, sa tsy zay? (Mampiasa lahatenin'olombelo zaho.)
\v 6 Tsy hisy mihintsy lahy zay! Safe amy ty fomba ino sady ro hitsaran-Janahary ty tany iaby toy?
\v 7 Fa laha hohatsy ty fahamarinan-Janahary ka le manome fanompoa lako ho Azy amy ty alala ty vandiko, le nanino sady zaho ro mbo tsara ho mpanota?
\v 8 Fa nanino ro tsy mivola, manahaky ty tatitsy diso ze volany fa volanintsika, sady koa manahaky ty fahary ty ilany fa nivolnintsika hozao: “Engao zahay hanao raty, mba hiavia ty soa”? Rariny ty fitsara anovy amin-drozy ao.
\p
\v 9 Ka le ino moa? Manome rariny ty vatantsika va tsika? Tsy zay mihintsy. Fa tsika ro fa nanasazy ty Jiosy noho ty Grika, ie iaby, ho mpanota.
\v 10 Zay ro manahaky ty voasoratsy hozao: “Tsy misy olo-marina, ndra le raiky aza.
\v 11 Tsy misy ndra raiky aza mahay. Tsy misy ndra raiky aza mila an-Janahary. Nanjary nihataky iaby rozy iaby.
\p
\v 12 Nanjary tsy misy ilàny azy rozy iaby. Tsy misy mba manao ty soa, tsy misy, ndra le raiky avao aza.
\q
\v 13 Ty vozon-drozy ro lolo mivoha. Ty lelan-drozy ro mamitaky. Ty poizybibilava rey ro anabo ty sonin-drozy ao.
\q
\v 14 Ty vavan-drozy ro atsiky ozo noho lolom-po.
\q
\v 15 Ty tombon-drozy ro longo amy ty fandatsahan-dio.
\q
\v 16 Ty fanimba noho ty fijalea ro amy ty lalan-drozy eny.
\q
\v 17 Olo reny ro tsy nahay ty lala ty fiadana.
\q
\v 18 Tsy mba misy tahotsy an-Janahary aloha ty mason-drozy eo.”
\p
\v 19 Amy zao le haintsika fa ndra ino ndra ino volany ty lalà, le miantefa amy ze ambany lala any rey. Zay ro mba hahavy ty vava ty kirai-draiky malaky, sady mba hahazo valiny baka amin-Janahary ty tany iaby toy.
\v 20 Zay le safe tsy hisy nofotsy hohamariny amy ty asa ty lalà amasony eo. Fa amy ty alala ty lalà ro hiavia ty fahaiza ty fahota.
\p
\v 21 Fa amy zao ro nampahay avao koa ty fahamarinan-Janahary tsy amy ty lalà. Niporofoe ty lalà noho to-resaky rey,
\v 22 fa zaym ro fahamarinan-Janahary amy ty alala ty finoa an'i Jesosy Kristy ho ahy ze iaby mino. Safe tsy misy fanavaha.
\v 23 Fa nanota ty olo-iaby ka le tsy mana ty voninahitsin-Janahary,
\v 24 sady ndrozy ro hamariny amy zao avao amy ty fahasoavany amy ty alala ty fanavota ze amy i Kristy Jesosy ao.
\v 25 Fa Njanahary nanome an'i Kristy Jesosy ho fanomeza amy ty alala ty finoa ty liony. Nameany ho porofo ty fahamarinany Kristy, noho ty tsy fanenteany ty ota taloha any
\v 26 amy ty faharetany. Nitsanga iaby zay ho fampitoroa ty fahamrinany amy fotoa amy zao. Zay ro mba hafahany manaporofo fa marina ty vatany, sady mba hanoroa fa Ie ro manamarina ty iaby noho ty finoa an'i Jesosy.
\p
\v 27 Aia sady zay ty firengirengy? Voafafa zay. Fa ino ro dikany? Amy ty asa va? Aha, fa noho ty finoa.
\v 28 Manapa-kevitsy zay tsika fa ty olo raiky ro hamarina amanahaky ty finoa tsy misy asa ty lalà rey.
\v 29 Sa Njanahary ty Jiosy reny avao va Njanahary? Moa va tsy Njanahary ty Jentilisa rey koa Ie? Eka, ahy ty Jentilisa koa.
\v 30 Laha, raiky vatany Njanahary, le hohamarininy amy ty finoa voasavatsy, sady tsy voasavatsy rey koa amy ty alala ty finoa.
\v 31 Aravantsika amy ty alala ty finoa moa va lalà zay? Tsy hisy mihintsy lahy zay! Fa koa, manenky ty lalà tsika.
\c 4
\cl Toko 4
\p
\v 1 Ino moa ro ho volanintsika fa hita i Abrahama, babantsika taloha any manahaky ty nofotsy?
\v 2 Fa laha nihamariny tamy ty asa Abrahama, le nana dikany hirengerenge ie, nefa tsy anilan-Janahary eo.
\v 3 Fa ino ro ambara ty Soratsy Masy? “Abrahama ro nino an-Janahary, sady nisaina ho fahamarina zay.”
\v 4 Sady ho ahy ze miasa, ty karamany le tsy hisahy ho fahasoava, fa hanahaky ze tsosa.
\v 5 Fa ho ahy ze tsy miasa koa nefa mino an'i Azy raiky ze manamarina ty mpanohitsg an-Janahary iny, le isahy ho fahamarina ty finoany.
\v 6 Davida avao koa ro manono tsipi-rano amy ty olo ze isahin-Janahary ho marina nefa tsy miasa.
\q
\v 7 Hoy ie hozao: “Sambatsy ze voaenga ty helokiny rey, sady koa ze voasaro ty fahotany rey.
\v 8 Sambatsy ze tsy hisahy ty Tompo heloky.”
\p
\v 9 Amy vitasavatsy rey avao va ro hanonona tsipi-rano zay, sa amy tsy vita savatsy rey koa? Fa hoy tsika hozao: “Ty finoa ro nisahy i Abrahama ho fahamarina.”
\v 10 Ka le ino moa ro nanisaha zay? Tamy i Abrahama fa vita savatsy, sa tamy ie tsy mbo vitasavatsy? Tsy tamy ie fa vitasavatsy fa tamy ie mbo tsy vitasavatsy.
\v 11 Abrahama ro nandramby ty fahaiza ty fanavara. Zay ro mariky ty fahamarina ty finoa ze fa nananany laha mbo tsy vosavatsy ie. Ty valy fahaiza zay ro nanjary baba ze mino iaby ie, ndra le mbo tsy vita savatsy aza ndrozy. Midika zay fa ty fahamarina ro ho hisahy ho androzy.
\v 12 Nidika koa zay fa Abrahama ro nanjary baba ty vitasavatsy tsy ho ahy ze vitasavatsy raiky rey avao fa ho ahy ze manoriky ty lia ty finoa i Abrahama babantsika rey avao koa taloha ty tsy mbo naha-vitasavatsy azy.
\p
\v 13 Fa ty fampanantena tamy i Abrahama noho tarihany rey fa ho mpandova ty tany iaby toy ie le tsy baka amy ty alala ty lalà fa baka amy ty alala ty fahamarina ty finoa.
\v 14 Fa laha ze miay amy ty lalà rey ro mpandova, le ho rava ty finoa, sady tsy misy dikany ty fampanantena.
\v 15 Safe ty lily ro manday amy ty heloky, fa amy ze tsy misy lalà any, le tsy misy fandikan-dalà.
\v 16 Laha dikany zay le miseho amy ty finoa zay, mba hipetsaha ty fampanantena amy ty fahasoava sady ho azo antoky amy tariha i Abrahama iaby rey_ tsy ho ahy ze ambany ty lalà avao koa rey, fa ho ahy ze mizara ty finoa i Abrahama rey avao koa. Babantsika iaby ie,
\v 17 manahaky ty voasoratsy hozao: “Nanoviko ho baba ty firenea lako iha.” Tamy ty famonjea Azy nitokiany ao Abrahama, le, Njanahary zay, ze manome fiaina maty rey sady mikaiky raha tsy mbo misy rey mba hisy.
\v 18 Ndra le teo aza raha-miseho ambaliky rey, le natoky tanteraky an-Janahary i Abrahama amy ty ho avy, Ka le nanjary baba ty firenea lako ie, manahaky ze fa voavola hozao: “Hanahaky zay ty tarihanao.”
\v 19 Tsy nalemy tamy ty finoa ie. Hay i Abrahama fa tsy afaky ty hanan'anaky ie (safe fa tamy ty zato tao eo ie). Nanenky avao koa ie fa ty sarotso i Saraha ro tsy afaky ty handay tsoky sasy.
\v 20 Nefa laha ty fampanantenan-Janahary, le tsy nisalasala tamy ty tsy finoa i Abrahama. Fa koa, niha-nahery tamy ty finoa ie sady nanompo an-Janahary.
\v 21 Resy lahatsy tanteraky ie fa ze nampanantenan-Janahary, ro afaky tanterahany avao koa.
\v 22 Laha zay le nisahy ho azy ho fahamarina zay.
\p
\v 23 Sady le tsy nisoraty ho ahy ty tombontsoany raiky avao zay, fa nisahy ho azy zay.
\v 24 Nisoraty ho antsik avao koa zay, ho ahy ze hanisaky zay, tsika ze mino Azy ze nananga an'i Jesosy Tompontsika tamy maty.
\v 25 Ie Azy raiky nanome iny noho fahotantsika rey sady natsanga mba hanamarina antsika.
\c 5
\cl Toko 5
\p
\v 1 Safe nihamariny tamy ty finoa tsika, le mana fiadana miaraky amin-Janahary amy ty alala ty tompontsika Jesosy Kristy.
\v 2 Amy ty alalany avao koa ro ananantsika lala amy ty finoa mana amy fahasoava ze itsanganantsika zay ao. Mifalefalea amy ty fatokisa amean-Janahary anay amy ty ho avy zahay, fatokisa ze ho zarantsika amy ty voninahitsin-Janahady ao.
\v 3 Tsy amy zay avao, fa tsika avao koa ro mifaly amy ty fahoriantsika ao. Haintsika fa ty fahoria ro mamokatsy fahareta.
\v 4 Ty fahareta miteraky fanenkea, sady ty fanenkea miteraky fatokisa ho amy ty hoavy.
\v 5 Toky zay ro tsy mandiso fanantena, safe ty fitiavan-Janahary ro fa narotsaky tam-pontsika tamy ty alala ty Fanahy Masy ao, Ze namea antsika.
\p
\v 6 Fa laha mbo nalemy tsika, le maty ara-potoa ho ahy ty raty fanahy Kristy.
\v 7 Fa soratsy ho ahy ty olo raiky ty ho amty ho ahy ty olo-marina. Fa, vasa mety misy olo raikg mahasaky ho mty ho ahy ty olo soa.
\v 8 Fa Njanahary manoro ty fitiavany manoka ho antsika, safe laha mbo mpanota tsika, le maty ho antsika Kristy.
\v 9 Mandilatsy noho zay aza, amy zao. lafa nihamariny tamy ty luony tsika, le ho voasarombaky zay amy tg helokin-Janahary.
\v 10 Fa laha, mbo fahavalo tsika, le nilongo tamin-Janahary tamy ty alala ty fahafatesa ty Anany, sady mandilatsy noho zay, lafa baka nampilongoe, le ho voasarombaky amy ty alala ty ainy tsika.
\v 11 Sady tsy zay avao, fa tsika avao koa ro mifaly amin-Janahary ao amy ty alala i Tompontsika Jesosy Kristy, ze nahazoantsika filongoa zay amy zao.
\p
\v 12 Laha zay mpa, manahaky ty nilira ty ota tamy ty olo raiky tamy ty ntany iaby toy, le manahaky zay koa ro nilira ty fahafatesa tamy ty alala ty ota. Sadu ty fahafatesa ro niparitaky tamy ty olo iaby, safe samby nanota iaby ty iaby.
\v 13 Zisiky-hisia ty lalà, le tamy ty tany iaby toy eto ty ota, fa tsy misy fanisaha-heloky tsy misy lalà.
\v 14 Nefa ndra zay aza, ty fahafatesa ro nanjaka nanomboky tamy i Adama ka le zisiky amy i Mosesy, ndra le tamy ze tsy nanota manahaky ty tsy fanenkea i Adama rey aza, ze tandindoha Azy ho avy iny.
\v 15 Nefa ndra zay aza, ty fanomeza ro tsy manahaky ty fahadisoa. Fa laha tamy ty alala ty fahadisoa ty raiky ro nahafaty ty lako, le mandilatsy lavitsy ro nanovy ty fahadoavan-Janahary noho ty fanomeza baka amy ty fahasoava Azy olo raiky iny, Jesosy Kristy, namea bevata ho ahy ty lako.
\v 16 Fa ty fanomeza ro tsy manahaky ty vokatsy baka amy azy raiky ze nanota iny. Fa amy ty lafiny raiky, avy ty fitsara ho fanasazia noho ty fahadisoa ty olo raiky. Fa amy ty lafiny raiky hafa, ty fanomeza miafara amy ty fanamariha ro avy tafara ty fahadisoa lako.
\v 17 Fa laha, tamy ty alala ty fahadisoa ty raiky, ro hanjaka ty fahafatesa amy ty raiky, le mandilatsy lavitsy noho zay ty hanjaka ze mandramby ty habey ty fahasoava rey noho ty fanomeza ty fahamarina amy ty alala ty fiaina azy raiky iny, le Jesosy Kristy.
\p
\v 18 Laha zay moa, safe tamy ty alala ty fahadisoa ty raiky ro nahavy ty olo ho amy ty fanasazia, le amy ty alala ty asa ty fahamarina ty raiky avao koa ro hiavia ty fahamarina ty fiaina ho ahy ty olo iaby.
\v 19 Fa safe baka amy ty tsy fanenkea ty olo raiky ro nahavy ty lako ho mpanota, le amy ty alala ty fanenkea ty raiky avao koa ro hahavy ty lako ho marina.
\v 20 Fa avy tamy zay ao ty lalà, mba ho bey ty fahadisoa. Nefa laha nihabevata ty fahota, le vo maiky nihabey ty fahasoava.
\v 21 Nitsanga zay mba, manahaky ty nanjaka ty fahota tamy ty fahafatesa, le manahaky zay koa ro hanjaka ty fahasoava amy ty alala ty fahamarina ho amy ty fiaina zisiky farany amy ty alala i Jesosy Kristy Tompontsika.
\c 6
\cl Toko 6
\p
\v 1 Ino sady ro ho volanintsika? Tokony hanohy amy ty fahota va tsika mba hitombo ty fahasoava?
\v 2 Tsy hisy mihintsy lahy zay. Tsika ze maty ty amy ty ota, amy ty fomba ino moa ro mbo hiainatsika amy zay avao?
\v 3 Tsy hainareo va fa iaby nanovy batisa rey tamy i Kristy Jesosy ao ro nanovy batisa tamy ty fahafatesany ao?
\v 4 Ka le, voalevy, niaraky taminy tamy ty alala ty batisa ho amy ty fahafatesa tsika. Nitsanga zay mba hanahaky ty nampitsanaga an'i Kristy tamy maty tamy ty voninahitsy Njanahary, ro andehanantsika amy ty fiainam-baovao avao koa.
\v 5 Fa laha miharo Aminy amy ty endriky ty fahafatesany tsika, le hiharo amy ty fitsangany avao koa.
\v 6 Haintsika zay, fa ty vatanitsika taloha ro nifantsihy niaraky taminy, mba hamoteha ty vata ty ota. Nitsanga zay mba ho andevozy ty ota sasy tsika.
\v 7 Ie ze maty ro nambara fa marina sady afaky amy ty fahota.
\v 8 Fa laha maty niaraky tamy i Kristy tsika, le mino fa hiara-belo Aminy avao koa.
\v 9 Tsika ro mahay fa nitsanga tamy maty Kristy, sady tsy maty sasy Ie. Tsy manjaka Aminy sasy ty fahafatesa.
\v 10 Fa laha ty mikasiky ty fahafatesa ro maty noho ty amy ty fahota Ie, maty Indraiky avao ho ahy ty iaby Ie. Nefa, ty fiaina ze hiainany ro iainany ho an-Janahary.
\v 11 Le manahaky zay, tsy maintsy midiniky ty vatanareo ho fa maty amy ty fahota avao koa nareo, fa velo ho an-Janahary amy i Kristy Jesosy ao.
\v 12 Laha zay ka enga hanjaka amy ty vatanareo ao mety maty ota mba hanarahanareo ty filà-raty.
\v 13 Ka amea ho ahy ty fahota ty rantsam-batanareo, ho fitiava ampiasa amy ty fahamarina. Fa amea ho an-Janahary ty vatanareo, manahaky ty nitsangana tamy ty maty ze velo amy zao. Sady ameo ho an-Janahary ty rantsam-batanareo mba ho fitaova ampiasa amy ty fahamarina.
\v 14 Ka enga hanjaka aminareo ty ota. Safe tsy ambany ty lalà nareo, fa ambany ty fahasoava.
\p
\v 15 Ka le ino moa? Tokony hanota va tsika safe tsy ambany ty lalà, fa ambany ty fahasoava?
\v 16 Tsy hisy mihintsy lahy zay. Tsy hainareo va fa azy raiky ze anomezanareo ty vatanareo ho mpiasa ro azy raiky ze ho henkenareo iny, azy hany tsy maintsy henkenareo? Marina zay ndra mpiasa ty fahota ze mitariky amy ty fahafatesa any nareo, ndra mpiasa ty fanenkea ze mitariky amy ty fahamarina any.
\v 17 Fa isaora Njanahary! Safe fa mpiasa ty fahota nareo, nefa nenky tam-ponareo ao ty fomba fampianara ze namea anareo.
\v 18 Napotaky tamy ty ota nareo, sady nanovy mpiasa ty fahamarina.
\v 19 Mivola manahaky ty olo zaho noho ty falemy ty nofotsinareo. Safe vatany vo nanome ty ratsam-batanareo ho andevo ty falotoa noho ty raty nareo, le manahaky zay koa zao, amea ho andevo ty fahamarina ho amy ty fahamasina ty rantsam-batanareo.
\v 20 Fa tamy nareo mbo ny andevo ty ota iny, le afaky tamy ty fahamarina.
\v 21 Amy zao, ino moa ro vokatsy azonareo amy raha ze mahamenatsy anareo amy zao rey? Safe ty vokatsy raha reny ro ty fahafatesa.
\v 22 Fa amy zao lafa napotaky tamy ty ota nareo sady nanjary mpiasan-Janahady, le mamboly ty fahamasina. Ty vokatsy ro ty fiaina zisiky farany.
\v 23 Fa ty tamby ty ota ro fahafatesa, fa ty fanomezan-Janahary koa le ty fiaina zisiky farany amy i Kristy Jesosy Tompontsika ao.
\c 7
\cl Toko 7
\p
\v 1 Sa tsy hainareo, rahalahy e (safe miresaky amy ty olo mahay ty mikasiky ty lalà zaho), fa ty lalà ro mibeko ty olo raiky laha mbo velo koa ie?
\v 2 Fa ty ampela ze manambaly ro voafehy ty lalà amy ty valiny laha mbo velo ie, fa laha maty azy valiny iny, le afaky amy ty lalà ty fanambalia ie.
\v 3 Laha zay, laha mbo velo ty valiny, laha hohatsy ka le miharo aminy lahilahy hafa ie, le ho kaihe hoe mpaheriloha ie. Fa laha maty valiny iny, le afaky amy ty lalà ie, ka le tsy maheriloha ie laha hohatsy ka le miharo aminy lahilahy hafa iny.
\v 4 aha zay, rahalahy, le nanovy maty tamy ty lalà avao koa nareo tamy ty alala ty vata i Kristy. Nanovy zay mba hiharoanareo amy ty hafa, zay hoe, amin'Ia ze natsanga tamy maty, mba hafahantsika mamokatsy voa ho an-Janahary.
\v 5 Fa tamintsika tamy ty nofotsy ao, filà ty fahota rey, ze nihetsehy ty lalà, le niasa tamy rantsantsika rey mba hamokatsy voa ho ahy ty fahafatesa.
\v 6 Fa amy zao le napotaky tamy ty lalà tsika. Maty tamy azy namehy antsika iny tsika. Zay ro mba hafahantsika manompo amy ty havaozam-panahy, fa tsy amy ty ha antitsy ty soratsy.
\p
\v 7 Ino sady ro ho volanintsika? Ty lalà mihintsy va ro fahota? Tsy hisy mihintsy lahy zay. Nefa, tsy ho nahay ty fahota mihintsy zaho, laha tsy tamy ty alala ty lalà zay. Fa tsy ho nahay ty faniria zaho laha tsy nivola ty lalà hozao: “Ka le maniry.”
\v 8 Fa nangalaky vaha tamy ty lily ty fahota ka le nahavy ty faniria iaby amiko ato. Fa laha tsy misy lalà, le maty ty ota.
\v 9 Fa ela zaho ro velo tsy nisy ty lalà, fa lafa avy ty lily, le velo ndraiky ty ota, ka le maty zaho.
\v 10 Ty lily ze tokony handaosa fiaina ro nivaliky ho fahacatesa ho ahy.
\v 11 Fa ty fahota ro nangalaky vaha tamy ty alala ty lily ka le namitaky ahy. Tamy ty alala ty lily ro namonoany ahy.
\v 12 Laha zay ty lalà le masy, sady ty lily ro masy, marina, sady soa.
\p
\v 13 Kable moa va nivaliky fahafatesa ho ahy ze soa? Tsy hisy mihintsy lahy zay. Fa ty ota, mba hafahany hiboaky ho fahota amy ty alala ze soa, le nanday fahafatesa tamiko ato. Zay ro mba ho amy ty alala ty lily, ty fahota le mety hanjary tena fahota vatany.
\p
\v 14 Fa haintsika fa ara-panahy ty lalà, fa zaho baka amy ty nofotsy. Fa navily ho ambany ty fanandevoza ty ota ao zaho.
\v 15 Fa ty raha anoviko, le tsy tena azoko soa. Safe ze teako anovy, le tsy anoviko, sady ze halako, le anoviko.
\v 16 Fa laha manao ze tsy teako zaho, le miharo hevitsy amy ty lalà fa soa ty lalà.
\v 17 Fa amy zao le tsy zaho sasy ro manao zay, fa ty fahota ze velo anaiko ato.
\v 18 Fa haiko fa amiko ato, ze amy ty nofotsiko ato, le tsy misy raha soa miay. Fa ty faniria ty soa ro amiko ato, fe tsy afaky-manao zay zaho.
\v 19 Fa ty soa zay ty teako ro tsy anoviko, fa ty raty zay tsy teako, ro anoviko.
\v 20 Sady laha manao ze tsy teako anovy zaho, le tsy zaho sasy ro miasa zay, fa koa ty fahota ze miay amiko ato.
\v 21 Sady zaho ro nahita, ty fitsipiky amiko ato fa te hanao ze soa zaho, fe ty raty ro amiko ato zao.
\v 22 Fa mifalefalea aky ty lalàn-Janahary ao zaho amy ty fanahy maha olo.
\v 23 Nefa mahita fitsipiky raiky hafa amy ty miksiky ty vatako ao zaho. Zay ro mialy amy fitsipiky vaovao zay an-tsaiko ao zay. Mitandraha ahy ho tea ty fitsipiky ty fahota ze amy ty mikasiky ty vatako ao zay.
\v 24 Olo-mijaly zaho! Ia ro hanafaky ahy amy vata ty fahafatesa toy?
\v 25 Fa isaora Njanahary amy ty alala i Jesosy Kristy Tompontsika! Laha zay, zaho vatako ro manompo ty lalàn-Janahary amy ty saiko. Ndra le zay aza, le manompo ty fitsipiky ty fahota amy ty nofotsy zaho.
\c 8
\cl Toko 8
\p
\v 1 laha zay le tsy misy fanasazia sasy amy zao ho ahy ze amy Kristy Jesosy ao.
\v 2 Fa ty fitsipiky ty Fanahy ty fiaina amy i Jesosy Kristy ao ro nanafaky ahy tamy ty fitsipiky ty fahota noho ty fahafatesa.
\v 3 Fa ze tsy afaky nanovy ty lalà noho ty fahalemea zay tamy ty nofotsy, le nanovin-Janahary. Nandefa ty Anakilahy toka Ie tamy ty endriky ty nofotsy atsiky fahota mba ho fanomeza ho ahy ty ota, sady nanasazy ty ota tamy ty nofotsy ao ie.
\v 4 Nanovy zay mba ho tanteraky amintsika ao ty raha take ty lalà, tsika ze mandeha tsy manahaky ty nofotsy, fa manahaky ty Fanahy.
\v 5 Ze miay manahaky ty nofotsy rey ro mifantoky amy raha ty nofotsy rey, fa ze velo manahaky ty Fanahy rey ro mifantoky amy raha ty Fanahy rey.
\v 6 Safe ty fisaina mipetsaky amy ty nofotsy ro fahafatesa, fa ty fisaina mipetsaky amy ty Fanahy koa ro fiaina noho fiadana.
\v 7 Ty fisaina mipetsaky amy ty nofotsy ro fandrafea anilan-Janahary eo, fa tsy mifanaraky amy ty lalan-Janahary zay, ro sady tsy hainy vasa ty manao zay.
\v 8 Ze amy ty nofotsy ao ro tsy afaky ty ho ankasitsahan-Janahary.
\v 9 Nefa, nareo ro tsy amy ty nofotsy ao fa amy ty Fanahy ao, laha marina fa miay aminareo ao ty Fanahin-Janahary. Fa laha misy olo tsy mana ty Fanahy i Kristy, ro tsy Azy ie.
\v 10 Laha aminareo ao Kristy, le maty noho ty fahota ty vata, fa tyfanahy ro velo noho ty fahamarina.
\v 11 Laha ty Fanahy Azy nampitsanga an'i Jesosy tamy ty maty ro velo aminareo ao, le Ie ze nampitsanga an'i Kristy tamy ty maty ro hanome fiaina avao koa ho ahy ty vatanareo ze mety maty amy ty alala ty Fanahy, ze velo aminareo ao.
\p
\v 12 Laha zay, rahalahy, le pitsosa tsika, fa tsy amy ty nofotsy ao mba hiay manahaky ty nofotsy.
\v 13 Fa laha miay manahaky ty nofotsy nareo, le ho maft, fa laha amy ty Fanahy ze amonoanareo ty asa ty vata, le ho velo nareo.
\p
\v 14 Fa manahaky iaby voatariky ty Fanahin-Janahary rey, ndrozy ro anan-Janahary.
\v 15 Fa tsy nandramby ty fanahy ty fanandevoza ndraike nareo ka le hatahotsy. Fa koa, nandramby ty Fanahay ty fampitsangana-anaky nareo, ze hokaihikaihintsika hozao: “Aba, Njanahary ô!”
\v 16 Ty Fanahy mihintsy ro vavolombelo amy ty fanahintsika fa anan-Janahary tsika.
\v 17 Laha anaky tsika, le mpandova avao koa, mpandova an-Janahary. Sady mpiharo lova amy i Kristy ao tsika, laha tena mijaly miaraky Aminy vatany tsika le ameam-boninahitsy miaraky Aminy koa.
\p
\v 18 Fa anoviko fa fijalea amy fotoa zao le tsy maeva ampitahie amy azy voninahitsy ze ho atoro amintsika iny.
\v 19 Fa ty voahary iaby ze manantena mare ro mandiny ty fampitoroa anan-Janahary rey.
\v 20 Fa ty voahary ro anovy ho raha-avao, tsy noho ty sitsapony manoka, fa noho Azy nanao zay iny. Zay ro amy azy toky namea iny ao
\v 21 fa voahary rey mihintsy ro hala amy ty fanandevoza ty fahalovà, sady handay amy ty fahafaha any ty amy ty voninahitsy ty anan-Janahary zay.
\v 22 Fa haintsika fa ty voahary iaby ro miaraky-sempotsy noho miaraky-miasa anay ty faharary ndra amy zao ao aza.
\v 23 Tsy zay avao, fa ndra ty vatantsika aza, ze mana ty veloham-bokatsy ty Fanwhy_ ndra ty vatantsika aza le sempotsy anaontsika ao, mandiny ty fampitsanga antsika ho anaky, le ty fanavota ty vatantsika.
\v 24 Fa tamy toky zay ro namonjea antsika. Fa ze atokisantsika fa hitsanga r le mbo tsy hita, fa ia ro mndiny am-patokisa ze fa hitany?
\v 25 Fa laha matoky amy ze mbo tsy hitantsika tsika, le mandiny zay am-pahareta.
\p
\v 26 Manahaky zay koa, ty Fanahy ro manampy amy ty fahalementsika ao. Fa tsika tsy mahay ze vavaky tokony anovintsika, fa ty Fanahy mihintsy ro mifona ho antsika amy ty fisempora tsy hay volany.
\v 27 Ie ze mandiniky ty fo ro mahay ty hevitsy ty Fanahy, safe Ie ro mifona ho ahy ty mpino manahaky ty sitsapon-Janahary.
\p
\v 28 Haintsika fa ho ahy ze tea an-Janahary rey, le miaraky ampiasany ho amy ty soa iaby ty raha iaby, 
\f + \ft Fanamariha: Laha tokony hoe “Miaraky ampiasany ho amy ty soa iaby ty raha iaby,” le ty dikan-tsafa ilany taloha manao hozao: “Ty raha iaby ro miaraky miasa ho amy ty soa.” \f* ho ahy ze voakaiky manahaky ty fandaharany rey.
\v 29 Safe ze hainy aloha rey, ro nitondroe aloha avao koa mba hitovy endriky amy ty Anany, mba ho anakilahy velohany anivo rahalahy lako rey eo ie.
\v 30 Ze nitondrony aloha rey, le nikaihiny avao koa, Ze nikaihiny rey, le nihamarininy avao koa. Ze nihamarininy rey, le nameany voninahitsy avao koa.
\p
\v 31 Ino sady ro tokony ho volanintsika miksiky raha rey? Laha mikasiky antsika Njanahary, ia ro mahatohatsy antsiky?
\v 32 Ie ze tsy niaro ty Anakilahiny toka fa nanome Azy ho antsika iaby, ino ro tsy hanomezany antsika amy zao avao miaraky Aminy ty raha-iaby avao koa?
\v 33 Ia ro handay sazy hanohitsy olo-voatingin-Janahary rey? Njanahary ro azy raiky ze manamarina zay iny.
\v 34 Ia azy raiky hanameloky iny? Kristy ro azybraiky maty iny ho antsiky, sady mandilatsy zay, natsanga avao koa Ie. Manapaky miaraky amin-Janahary amy ty fipetsaham-boninahitsy eo Ie, sady Ie o azy mifona ho antsika iny.
\v 35 Ia ro hanasaraky antsika amy ty fitiava i Kristy? Fahoria, sa fijalea, sa fanenjeha, sa hamosary, sa fitanjaha, sa loza, sa meso-bey?
\v 36 Manahaky ty voasoratsy hozao: “Laha iha ro voavono androblava zahay. Nirambesy manahaky ty aondry ho vonoe zahay.”
\v 37 Anay raha iaby zay ao ro mandilatsy noho ty mpandresy zahay amy ty alala Azy raiky tea anay iny.
\v 38 Fa resy lahatsy zaho fa ndra ty fahafatesa, ndra ty fiaina, ndra anjely rey, ndra fanjaka rey, ndra raha amy zao rey, ndra raha ho avy rey, ndra hery rey,
\v 39 ndra ty abo, ndra ty laliky, ndra zavaboary hafa, le tsy hahasaraky anitsika amy ty fitiavan-Janahary, ze amy i Kristy Jesosy Tompontsika ao.
\c 9
\cl Toko 9
\p
\v 1 Mivola ty marina amy i Kristy ao zaho. Tsy havandy zaho, sady ty eritseritsiko ro vavolombelo miaraky amiko amy ty Fanahy Masy ao,
\v 2 fa ho ahy le misy alahelo bevata sady fahoria tsy mijano am-poko ato.
\v 3 Fa afaky naniry zaho fa zaho vatako ro ho voahozo ka le hihtaky amy i Kristy noho ty amy rahalahiko rey, ze raiky karaza amiko rey manahaky ty nofotsiko. Ndrozy ro Israelita.
\v 4 Ndrozy ro mana fampitsangana, ty voninahitsy, fanenkea rey, ty fanomeza ty lalà, ty fanompoa an-Janahary, sady fampanantena rey.
\v 5 Ty androzy ro raza ze nahavy an'i Kristy rey hanjary nofotsy, Ie ze Njanahary anabo ty iaby. Ho tompoe ziaiky farany lahy Ie. Ameny.
\p
\v 6 Fa tsy fotoa ze nampanantena i Njanahary rey. Fa tsy ze iaby baka Israely any ro tena an'Israely.
\v 7 Ndra tariha i Abrahama iaby rey ro tena anany. Fa: “Amy ty alalan'Isaka ro hikaiha tarihanao rey.”
\v 8 Zay hoe, anany rey to nofotsy tsy anan-Janahary. Fa anaky ty fampanantena rey ro rambesy ho tariha.
\v 9 Fa manahaky zao ro safa ty fampanantena: “Amy foto zay le ho avy Zaho, sady hamea aja lahilahy Sahara.”
\v 10 Tsy zay avao, fa bajeo koa Rebeka hanan'anaky amy ty lahilahy raiky, Isaka babantsika_
\v 11 fa mbo tsy teraky iaby aja rey sady mbo tsy nana raha soa ndra raty, mba hanahaky ty tanjon-Janahary manahaky ty fitingina, tsy noho asa rey, fa noho Ie ze mikaiky_
\v 12 namabara ramy ty ampela hozao: “Ty zokiny ro hanompo ty zainy.”
\v 13 Zay ro manahaky ze voasoratsy hozao: “Jakoba teako, fa Esao halako.”
\p
\v 14 Ino mpa ro ho volanintsika? Misy tsy fahamarina va miaraky amin-Janahary?
\v 15 Tsy nisy mihintsy lahy zay. Fa hoy Ie tamy i Mosesy hozao: “Hamalo fo amy ze teako hamaloza fo Zaho, sady hangoraky ze teako hangoraha rey Zaho.”
\v 16 Laha zay moa, le tsy noho ie maniry zay, ndra noho ie zecmilay, fa noho Njanahary, ze nampitoro ty famalozam-po.
\v 17 Fa ty Soratsy nambara tamy i Farao hozao: “Fa noho dikany zay ro nanondrotako anao, mba hanoroako aminao ty heriko, sady mba hanambara ty anarako eran-tany.”
\v 18 Laha zay, Njanahary le namalo fo amy ze teany, sady ze teany, noho hampahereziny fo.
\p
\v 19 Bakeo hivola amiko nareo hozao: “Nanino ro mbo mahita tsiny avao Ie?” Fa ia ro mahatohitsy ty sitsapony?”
\v 20 Mifanohitsy amy zay, ty lahilahy, ia moa iha ro mamaly manohitsy an-Janahary? Moa ze fa nivinavinany hovola amy ty mpamolavola zay hozao: “Nanino ro nanovinao manahaky zao zaho?”
\v 21 Moa ty mamboatsy valany tsy mana zo amy ty tanimanga ka le ty bongany raiky avao ro hanamboara fipetsaha amy ty andro voatoka, sady fipetsaha raiky hafa amy ty andavan'andro?
\v 22 Ino laha Njanahary, ze te-hampitoro ty helokiny noho hampahay ty fahefany, ro niaritsy tamy fahareta fipetsaha ty heloky nomany ho amy ty fahasomba rey?
\v 23 Ino laha nanoviny zay mba hampahay ty hanana ty voninahitsiny amy fipetsaha ty famalozam-po eo, ze fa nomany aloha ho amy ty voninahitsy?
\v 24 Ino laha nanoviny ho antsika koa zay, ze nikaihy avao koa, tsy ho amy ty samby Jiosy avao eo, fa ho amy ty Jentilisa rey eo avao koa?
\v 25 Manahaky ze nivolaniny tamy i Hosea ao avao koa hozao: “Hokaihiko hoe oloko ze tsy olo, sady hoe malalany azy tsy malala iny.
\p
\v 26 Bakeo le amy ze nivola tamin-drozy any hozao: ‘Tsy oloko nareo.’ any ro hikaihako androzy hozao: ‘anan-Janahary velo.’”
\p
\v 27 Isaia nikaiky mare ty amy ty Israely hozao: “Laha manahaky ty fasy amy ty riaky eny ty hisa ty anak'Israely, le ho voasarombaky ze sisa ambiny,
\v 28 fa ty Tompo handay ty safany an-tany eto, atsiky sady tsy ho ela.”
\p
\v 29 Manahaky ty nibolany Isaia aloha hozao: “Laha ty Tompo tompo ty lako ro tsy nanenga tariha ho antsika, le hanahaky an'i Sodoma tsika, sady hanjary manahaky an'i Gomora.”
\p
\v 30 Ino moa ro hovolanintsika? Fa Jentilisa rey, ze tsy nila ty fahamarina, ro nahazo ty fahamarina, ze fahamarina baka amy ty finoa.
\v 31 Fa Israely, ze nila ty lalà ty fahamarina, le tsy avy tamy zay.
\v 32 Nanino moa? Safe ndrozy tsy nila zay tamy ty finoa, fa tamy ty asa. Neloky ty vato ty fihelofa ndrozy,
\v 33 manahaky ze fa voasoratsy hozao: “Henteo, a-Ziona ao ro ametsahako ty vato ty fihelofa noho lafiam-bato ty fandikan-dalà. Ze mino zay ro tsy ho menatsy.”
\c 10
\cl Toko 10
\p
\v 1 Rahalahy, ty iry ty foko noho ty angatahiko amin-Janahary ho androzy, ke ty famonjea androzy.
\v 2 Fa mitsanga vavolombelo mikasiky androzy zaho fa mafana fo ho an-Janahary ndrozy, nefa tsy manahaky ty fahaiza.
\v 3 Fa tsy mahay ty fahamarinan-Janahary raiky, sady mila hampipetsaky ty fahamarinan-drozy manoka. Tsy manenky ty fahamarinan-Janahary ie raiky.
\v 4 Fa Kristy ro fahantanteraha ty lalà ho fahamarina ho ahy ze iaby mino.
\p
\v 5 Fa Mosesy manoratsy mikaaiky ty fahamarina ze baka amy ty lalà hozao: “Ty olo ze manao ty fahamarina ty lalà le hiay amy fahamarina zay.”
\v 6 Fa ty fahamarina ze baka amy ty finoa ro mivola hozao: “Ka mivola zao am-po ao hozao: ‘Ia ro hikatsy an-danitsy any?’ (zay ro, mampijotso an'i Kristy);
\v 7 sady ka mivola hozao: ‘Ia ro hijotso amy ty laliky any?”’ (zay ro, mampiakatsy an'i Kristy amy ty maty).
\v 8 Fa ino ro ambara zay? “Anilanao eo ty safa, am-bavanao ao sady am-ponao ao.” Zay ro safa ty finoa, ze nambaranay.
\v 9 Fa laha amy ty vavanao ro ekenao an'i Jesosy ho Tompo, sady mino amy ty fonao fa natsangan-Janahary tamy maty Ie, le ho vonje iha.
\v 10 Fa amy ty fo ro inoa ty olo ty fahamarina, sady amy ty vava ro anenkeny ty famonjea.
\v 11 Fa hoy ty Soratsy Masy hozao: “Tsy ho menatsy ze iaby mino Azy.”
\v 12 Fa tsy misy fahasambihafa amy ty Jiosy eo noho Grika. Fa Tompo raiky avao ro Tompo ty iqby, sady harem-pahasoava ho ahy ze iaby mikaiky Azy Ie.
\v 13 Fa ze iaby mikaiky ty anara ty Tompi ro ho vonje.
\p
\v 14 Ino moa ro ahafahan-drozy mikaiky Azy ze tsy ninoany? Ino ro ahafahan-drozy mino Azy ze tsy ren-drozy? Ino robahafahan-drozy mahare laha tsy misy mpitory?
\v 15 Sady ino ro ahafahan-drozy mitory, laha tsy nisy naniraky? _Manahaky ty voasoratsy hozao: “Henteo ty hasoa ty tomboky ty manambara raha-soa ty filazantsara rey!”
\v 16 Nefa tsy ie iaby ro nijanjy ty filazantsara. Fa hoy Isaia hozao: “Tompo, ia ro nino ty hafatsinay?”
\v 17 Laha zay ty finoa ro baka amy ty fijanjina, sady ty fijnjina baka amy ty safa i Kristy.
\p
\v 18 Fa hoy zaho hozao: “Moa va tsy nisy nhre ndrozy?” Eka, tena marina. “Ty feon-drozy ro fa niboky mameno ty tany, sady ty safan-drozy zisiky amy ty fara ty tany iaby toy any.”
\p
\v 19 Ankoatsy zay, hoy zaho hozao: “Moa va tsy nahay th Israely?” Tamy ty velohany Mosesy nivola hozao: “Hanoviko saropiaro any ze tsy firenea koa nareo. Amy ty firenea ze tsy misy fahaiza, hanoviko avy amy ty heloky nareo.”
\p
\v 20 Sady tena mahasaky vatany Isaia lafa nivola ie hozao: “Hita ze tsy nila ahy rey zaho. Niboaky tamy ze tsy nanontany ahy ruey zaho.”
\p
\v 21 Fa hoy ie tamin'Israely hozao: “Tontolo ro nanatsorako ty tanako tamy ty olo tsy manenky noho militsy.”
\c 11
\cl Toko 11
\p
\v 1 Sady novola zaho, narian-Janahary va ty olony? Sanitsia lahy zay. Fa zaho avao koa ro Israelita, tariha i Abrahama, baka amy ty fokoa i Benjamina.
\v 2 Njanahary ro tsy nanary ty olony, ze fa hainy taloha eo. Tsy hainareo va ze voavola ty Soratsy Masy mikasiky an'i Elia, le azy fitorevany tamin-Janahary namaly an'Israely iny? hozao:
\v 3 Tompo, ndrozy le namono to-resakinao rey, namotiky ty alitaranao. Zaho raiky sisa tavela, sady manimbo ty aiko ndrozy.”
\v 4 Fa ino ro valin-tsafa nambaran-Janahary azy? “Nanoka fito arivo lahilhy ho ahy ty vatako Zaho ze tsy nandohaliky tamy ty Bela eo.”
\v 5 Le manahaky zay, amy zao avao koa ro misy sisa avao noho ty fitingina amy ty fahasoava.
\v 6 Fa laha baka amy ty fahasoava zay, le tsy baka amy ty asa sasy. Fa laha zay tsy fahasoava sasy ty fahasoava. 
\f + \ft Fahamarina: Ty taratasy-lako ilany taloha le mamaky hozao: Nefa laha baka amy ty asa zay rey, le tsy fahasoava sasy; fa laha zay le tsy asa sasy ty asa.” \f*
\p
\v 7 Ino moa? Ty raga ze nilan'Israely, le tsy azony, fa ty voatingy ro nahazo zay, sady nampaherezy ambiny rey.
\v 8 Zay ro manahaky ty fa voasoratsy hozao: “Njanahary ro nanome androzy ty fanahy ty fitavongovongo, maso mba tsy hahitan-drozy, sady sofy mba tsy haharezan-drozy, zisiky androany.”
\v 9 Sady hoy i Davida hozao: “Engao ty latabatsiny ho harato noho fandriky, ho vato maminga noho valifaty ho androzy.
\q
\v 10 Engao ty mason-drozy hanovy maiky mba tsy hahita, sady engao hiondriky zisiky farany ty mason-drozy.”
\p
\v 11 Le hoy zaho zaho: “Moa va meloky rey mba ho lavo?” Sanatsia lahy zay. Fa koa, baka amy ty fahalavoan-drozy, ro nahavy ty famonjea tamy ty Jentilisa rey, mba hampialona androzy.
\v 12 Sady laha fahavalon-drozy ro hanana ty tany iaby toy, sady laha ty fahatsoboan-drozy ro hana ty Jentilisa rey, le manao ino ty habevata ty fahantanterahan-drozy?
\p
\v 13 Fa amy zao le miresaky aminareo Jentilisa zaho, sady laha mbo apostoly Jentilisa rey zaho, le mankasitsaky ty fanompoako.
\v 14 Vasa ampialona ze baka amy ty nofotsiko manoka rey zaho. Vasa hamonjy ty ilany amin-drozy tsika.
\v 15 Fa laha midika fampilongoa ty tany iaby toy ty fandava androzy, le ino ro handrambesa androzy zay fa fiaina baka amy ty fahafatesa?
\v 16 Laha voatoka ty vokatsy velohany, le ty antsasany amy ty kobam-bary koa. Laha voatoka ty fotony, le manahaky zay avao koa rantsany rey.
\p
\v 17 Fa laha nitapahiny ty rantsa ilany, sady laha iha, sampa olivadia, ro naharo tamin-drozy eo, sady laha nifampizara tamin-drozy ty foto-mamokatsy ty hazo oliva iha,
\v 18 ka mirengirengy amy sampa rey. Fa laha mirengirengy iha, le tsy iha ro manday ty fitony, fa ty fotony ro manaday anao.
\v 19 Le hivola iha hozao: “Nitapahy hiala rantsa rey mba hafahako mifandramby aminy.”
\v 20 Marina zay. Noho ty tsy finoan-drozy ro nitapaha hiala ndrozy, fa nareo ro mitsanga soa nohp ty finoanareo. Ka manao ty vatanareo ho anabo, fa matotsy.
\v 21 Fa laha ty tena sampa aza tsy nengan-Janahary, le tsy hengany avao koa iha.
\p
\v 22 Sady, Henteo, ty fahamoram-po noho ty fahasaro-pon-Janahary. Andaniny eroy, ty fahasora-po ro avy amy Jiosy rey ze lavo. Fa anilany eroy koa, ty hasoam-panahin-Janahary ro avy aminareo, laha ela amy ty hasoam-panahiny ao nareo. Fa laha tsy zay le hp tapaha koa nareo.
\v 23 Sady ndra raiky aza, laha tsy manohy amy ty tsy finoany ndrozy, le haharo. Fa Njanahary ro afaky mampimpoly manambara androzy ndraiky.
\v 24 Fa laha nitapaha tamy ty hazo oliva-li nareo, ka le naaharo tamy ty hazo oliva soa, le manahaky ty ino ty fandilatsy ty halakoa Jiosy rey, ze sampa voajanahary, naharo tamy ty hazo olivan-drozy manoka?
\p
\v 25 Fa tsy teako tsy hahay anareo, rahalahy, ty amy raha-tsy hita zay, mba tsy haha-hendry anareo amy ty eritseritsinareo manoka. Raha-tsy hita zay ro fa nampahery loha ty antsasany amin'Israely, zisiky-iavia ty fanatseha Jentilisa rey.
\v 26 Laha zay le ho vonje iaby ty Israely iaby, manahaky ty voasoratsy hozao: “Hiboaky baka Ziona any ty mpanafaky. Hangalaky ty haratiam-panahy amy i Jakoba Ie,
\p
\v 27 sady zay ro ho fanenkem-pilongoako amin-drozy, lafa hangalaky ty fahotan-drozy Zaho.”
\p
\v 28 Amy ty lafiny raiky mikasiky ty filazantsara, le fahavalo ndrozy noho ty aminareo. Amy ty lafiny raiky hafa manahaky ty tsan-Janahary, le malala ndrozy noho razana rey.
\v 29 Fa fanomeza noho kaihin-Janahary rey ro tsy miova.
\v 30 Fa nareo ro tsy nanenky an-Janahary fa ela, nefa amy zao nareo le nandramby ty famalozam-po noho ty tsy fanenken-drozy.
\v 31 Manahaky zay avao koa, amy zao Jiost rey ro tsy nanenky, Ty vokatsiny le tamy ty alala ty famalozam-po ze natoro anareo ro mety handrambesan-drozy ty famalozam-po qvao koa amy zao.
\v 32 Fa Njanahary fa nanily ty tsy fanenkea iaby, mba afahany mampitoro famalozam-po amy ty iaby.
\p
\v 33 Henteo, ty halaliky ty hanana ty fahendrea rey noho fahaizan-Janahary! Tsy takitsy ty say fitsarany rey, sady lalany rey ro tsy hay metary!
\v 34 “Fa ia ro nahay ty diny ty tompo ndra ia ro avy ho mpanome-say Azy?
\v 35 Ndra zay aza ro nanome raha an-Janahary aloha, ka le tsy maintsy hanonrperan-Janahary azy ndraiky?”
\p
\v 36 Fa baka Aminy noho amy ty alalany sady ho Azy ty raha iaby. Ho Azy zisiky farany ty voninahitsy. Ameny.
\c 12
\cl Toko 12
\p
\v 1 Mangataky anareo zaho noho zay, rahalahy, noho famalozam-pon-Jakary, mba hanome ty vatanareo ho soro velo, masy, enken-Janahary. Zay ro fanompoanareo manahaky ty tokony ho ie.
\v 2 Ka mitovy amy ty tany iaby toy, fa miovà amy ty fanavaoza ty sainareo. Anovy zao mba ho hainareo zay soa, azo enkena, sady ty sitsapo lafatsin-Janahary.
\p
\v 3 Fa ambarako, noho ty fahasoava ze namea ahy, ty twy tokony hanana ty iaby ze aminareo eo eritseritsy hananabo ty vatany mandilatsy ze tokony ho eretseretiny. Fa koa, tokony hieritseritsy am-pahendrea ndrozy, manahaky ty nanomezan-Janahary finoa ty kirai-draiky iaby.
\v 4 Fa mana rantsa lako amy ty vatantsika tsika, nefa tsy mitovy iaby ty asa rantsa rey.
\v 5 Mitovy amy zay, tsika ze lako mare le vatany raiky avao amy i Kristy ao, sady rantsa manoka amy ty kirai-draiky.
\v 6 Mana fanomezam-pahasoava samby hafa tsika manahaky ty fahasoava ze namea antsika. Laha hato-resaky ro fanomezam-pahasoava ty raiky, le engao anovy manahaky ty habevata ty finoany.
\v 7 Laha fanompoa ro fanomezam-pahasoava ty raiky, le engao ie hanompo. Laha nisy raiky nahazo fanomezam-pasoava hampianatsy, engao ie hampianatsy.
\v 8 Laha fampahereza ro fanomezam-pahasoava ty raiky, engao ie hampahery. Laha manome le fanomezam-pahasoava ty raiky, engao ie hanao zay am-pahalala-tana. Laha hitariky ro fanomezam-pahasoava ty raiky, engao zay ho vita am-pitandrema. Laha hampiseho fangoram-po ro fanomezam-pahasoava ty raiky, engao zay ho vita am-pifalefalea.
\p
\v 9 Engao ty fitiava tsy hisy fihatsaram-belatsihy. Hejeno ty raty; tandraho mare ze soa.
\v 10 Laha ty mikasiky ty fitiava ty mpirahalahy, mifankatea aminareo kirai-draiky iaby, Laha ty mikasiky ty fanomezam-boninahitsy iaby. Laha ty mikasiky ty fanomezam-boninahitwy, mifanajà.
\v 11 Laha ty mikasiky ty fikiriza, ka misalasala. Laha ty mikasiky ty Fanahy, engao hafana fo. Mikasiky ty Tompo, tompoe Ie.
\v 12 Mifalea amy ty fatokisa ao ze hanananao mikasiky ty ho avy. Mahareta amy olonao rey. Mivavaha zisiky any.
\v 13 Mifampizara amy ze ila ty mpino. Mila fomba lako hampiatsanoenao olo.
\v 14 Misaora ze manenjiky anao rey; misaora sady ka manozo.
\v 15 Miaraha-mifaly amy ze mifaly rey; miaraha-mitany amy ze mitany rey.
\v 16 Mitovia fisaina amy ty kirai-draiky. Ka misaina amy ty fomba mirengirengy, fa enkeo olo ambany rey. Ka midiniky ty vatanao ho hendry.
\v 17 Ka mamaly raty ty raty. Mananova raha soa lako amaso ty olo iaby eo.
\v 18 Laha mety, manahaky ze azonao anovy, milongoa amy ty olo iaby.
\p
\v 19 Ka mamaly raty ty vatanareo, malala, fa ameo lala ty heloky Njanahary. Fa voasoratsy hozao: “‘Ahy ty vali-faty; Zaho ro hamaly,’ hoy ty Tompo.”
\v 20 Fa laha mosary ty fahavalonao, ameo hany ie. Laha te hino ie, ameo hinomy ie. Fa laha manao zay iha.”
\v 21 Ka mety ho resy ty raty, fa reseo amy ty soa ty raty.
\c 13
\cl Toko 13
\p
\v 1 Engao fanahy iaby hanenky manam-pahefa anabo rey, fa tsy misy fahefa laha tsy baka amin-Janahary. Sady laha tsy baka amin-Janahary. Sady manam-pahefa rey misy le fa voatondron-Janahary.
\v 2 Laha zay ze manohitsy fahefa zay le manohitsy ty lilin-Janahary; sady ze manohitsy zay le hahazo fitsara amy ty vatan-drozy.
\v 3 afe mpanapaky rey ro tsy fampitahira ho ahy ty asa soa rey, fa ho ahy ty asa raty rey. Maniry ty tsy hatahotsy ty raiky amy ty fahefa ao va nareo? Mananova ty soa, le ho tompoe amy zay iha. Fa
\v 4 ie ro mpiasan-Janahary ho ahy nareo amy th soa. Fa laha manao ty raty nareo, le matahora, safe tsy manday ty neso-bey tsy amy ty dikany ie. Fa ie ro mpiasan-Janahary, mpamaly ty heloky amy azy manao ty raty,
\v 5 Laha zay le tokony hanenky nareo, tsy noho ty heloky avao, fa laha ty fieretsereta avao koa.
\v 6 Laha zay le mandoa haba avao koa nareo. Fa mpiasan-Janahary manam-pahefa rey, ze miantoky raha zay tsy to.
\v 7 Aloavo amy ty Kirai-draiky ze tokony ho androzy: mandoava haba amy ze tokony handoava azy; mandoava fadin-tserana amy ze tokony handoava azy; matahora an'i ze tokony hatahora; manajà an'i ze maeva zay.
\p
\v 8 Ka mana tsosa ndra amin'ia ndra amin'ia, hafa-tsy ty fifankatiava avao. Fa ze tea ty miodidy azy le nahantanteraky ty lalà:
\v 9 Lako lily rey: “Ka mangala-balin'olo, ka mamono olo, ka mangalatsy, ka maniry,” sady laha misy lily hafa ankoatsy rey koa, le voafehy amy fehezan-tsafany toy zay: “Tiavo ty namanao manahaky ty vatanareo.”
\v 10 Ty fitiava ro tsy mandratsy ty miodidy; laha zay, ty fitiava ro fahatanteraha ty lalà.
\p
\v 11 Laha zay, hainareo ty fotoa, fa fotoa hifohazanareo amy ty roro sahady zao. Fa amy zao fa manariny noho ze ninoantsika tamy ty velohany ty fanavota antsika.
\v 12 Mandeha avao ty haly, sady manariny ty andro. Laha zay andao haria asa ty maiky rey, sady andao tsika hisalotsy ty fiadana ty fahazava.
\v 13 Nadao hahity amy ty lala mahity, manahaky ty amy ty andro, fa tsy manahaky ty amy ty andro, fa tsy manahaky ty amy ty fifalefalea tsy am-pahahendrea ndra koa ty fahamamoa; sady andao tsy handeha amy ty fahativativa ndra amy ty filà tsy voafehy, sady tsy ho amy ty fifanohera ndra fialona.
\v 14 Fa misalora an'i Jesosy Kristy Tompo, sady ka manome hirika ho ahy ty nofotsy, mba hanomeza fahafaham-po ty filàny.
\c 14
\cl Toko 14
\p
\v 1 Rambeso ndra ze iaby malemy amy ty finoa, ka mitsara mikasiky ty tohan-kevitsy.
\v 2 Ty olo raiky ro mana finoa hihina ndra ino ndra ino, fa ty raiky hafa ze malemy ro tsy mihina hafa-tsy legioma.
\v 3 Engao ze mihona ty raha-iaby tsy handraty ze tsy mihina ty iaby; sady ze tsy mihina ty raha-iaby koa tsy hitsara ze hafa mihina ty iaby. Fa Njanahary fa nanenky azy.
\v 4 Ie moa iha, iha ze mitsara ty mpiasan'olo-hafa? Anila ty tompony eo ie ro mitsanga ndra milavo. Fa hatsanga ie, safe ty Tompo ro afaky mampitsanga azy.
\p
\v 5 Ty olo raiky ro midiniky fa misy ty andro soa noho ty iaby. Ty hafa koa ro midiniky fa mitovy ty andro iaby. Engao ty kirai-draiky ho resy lahatsy manahaky ty say iaby.
\v 6 Ze mandiniky ty andro, ro mandiniky zay ho ahy ty Tompo; sady ze mihina, ro mihina ho ahy ty Tompo, fa misaotsy an-Janahary ie. Ze tsy mihina, ro mifaly hany ho ahy ty Tompo, ie avao koa ro misaotsy an-Janahary.
\v 7 Fa tsy miay ho ahy ty vatany tsika, sady tsy misy maty ho ahy ty vatany.
\v 8 Fa laha miay tsika, le miay ho ahy ty Tompo, sady laha maty tsika, le maty ho ahy ty Tompo. Manahaky zay ndra velo tsika ndra maty, le ahy ty Tompo.
\v 9 Fa ho amy antony zay ro nahafatesa i Kristy sady nahavelo azy ndraiky, mba hahavy Azy ho sady Tompo ty maty ro Tompo ty velo.
\p
\v 10 Ha iha, nanino iha ro mitsara ty rahalahinao? Sady iha, nanino iha ro malay ty rahalahinao? Fa tsika iaby ro mbo hitsanga ho tsara anila ty seza fipetsahan-Janahary eo.
\v 11 Fa voasoratsy hozao: “Laha mbo velo koa Zaho,” hoy ty Tompo, “le hiforitsy anilako eo ty ongotsy iaby, sady ty lela iaby ro hanompk an-Janahady.”
\p
\v 12 Laha zay moa, tsika kirai-draiky iaby le hanao tatitsy ty vatany amin-Janahary eo.
\p
\v 13 Ka le, engao tsika tsy hifampitsara sasy, fa koa hanapaky zao, mba tsy hisy hampipetsaky vato mampeloky ndra fandriky ho ahy ty rahalahiny.
\v 14 Mahay zaho sady resy lahatsy amy th Tompo Jesosy ao, fa tsy misy tsy malio amy ty vatany. Fa ho ahy ze mandramby nadr ino ndra ino ho tsy malio avao, le tsy malio zay ho azy.
\v 15 Safe laha malahelo noho ty amy ty hany ty raha ahinao, le tsy mandeha am-pitiava sasy iha. Ka simba noho ty amy ty haninareo ze nafoizako i Kristy ty ainy rey.
\v 16 Ka le ka manenga ze dinihinao ho soa ho haratia.
\v 17 Fa ty fanjakan-Janahary ro tsy mikasiky ty hany noho rano inomy, fa mikasiky ty fahamarina, fiadana, sady fifalea amy ty fanahy Masy ao.
\v 18 Fa ze manompo an'i Kristy manahaky zay ro ankasitsahin-Janahary noho enke ty olo.
\p
\v 19 Laha zay, engao tsika hanohy raha rey ty fiadana noho raha ze mamboatsy ty kirai-draiky iaby rey.
\v 20 Ka simba noho ty amy ty hany ty asan-Janahary. Malio vatany ty raha iaby, fa raty ho ahy ty olo ze mihina azy sady mahavy azy ho heloky.
\v 21 Soa ty tsy mihinan-kena, ndra mino divay, ndra ty raha iaby ze mety hampeloky ty rahalahinao.
\v 22 Ty finoa anananao, hajario aminao ao noho Njanahary. Sambatsy ze tsy manasazy ty vatany amy ze enkeny.
\v 23 Ze misalasala ro meloky laha mihina, safe tsy tamy ty finoa zay. Sady ndra ino ndra ino tsy baka amy ty finoa ro fahota.
\c 15
\cl Toko 15
\p
\v 1 Sady tsika ze matanjaky ro tokony handefitsy ty fahalemea ty malemy, sady tsy tokony hanao ze mahateatea ty vatantsika.
\v 2 Engao ty Kirai-draiky baka amintsika hanao ze mahafaly ty mpiara-belo aminy fa zay ro soa. mba hanondrota azy.
\v 3 Fa ndra Kristy aza tsy nanao ze nahateatea ty vatany. Fa koa, zay ro manahaky ty fa voasoratsy hozao: “Ty fandratiandratia ze mandratiraty rey anao ro nahazo amiko.”
\v 4 Fa ndra ino ndra ino voasoratsy taloha eo ro voasoratsy ho fampianara antsika, mba amy ty alala ty fahareta noho amy ty alala ty fampahereza ty Soratsy Masy ro hananantsika toky.
\p
\v 5 Sady tu Njanahary ty fahareta noho fampahereza lahy hanome fisaina mitovy ho ahy ty kirai-draiky iaby manahaky an'i Kristy Jesosy.
\v 6 Ie lahy anao zay mba ho amy ty fisaina raiky noho amy ty vava raiky avao ro hanompoanateo an-Janahary noho Rain'i Tompontsika Jesosy Kristy.
\p
\v 7 Laha zay mifandrambesa, manahaky ty nandrambesa i Kristy anareo avao koa aza, ho fanompoan-Janahary.
\v 8 Fa volaniko fa Kristy ro fa nanjary mpiasa ty vitasavatsyho ahy ty fahamarinan-Janahary, mba hahafaha manamarina fampanantena ze namea njanahary rey,
\v 9 sady ho ahy ty Jentilisa rey mba hanomezam-bininahitsy an-Janahary noho ty famalozam-pony. Zay ro manahaky ty fa voasoratsy hozao: “Laha zay le hanome fanompoa Anao amy Jentilisa rey eo Zaho sady hihira fanompoa ty anaranao.”
\v 10 Mbo voavola zisiky any hozao: “Mifalefalea, miaraky amy ty olo lakony, Jentilisa.”
\v 11 Sady koa hozao: “Tompoe ty tompo, Jentilisa iaby; engao ty olo iaby hanompo Azy.”
\v 12 Hoy ndraiky, Isaiavhozao: “Hisy foto ty Hese, sady azy raiky ze hitsanga hanapaky amy ty Jentilisa eo. Hana fahatokisa aminy Jentilisa rey.”
\p
\v 13 Sady ty Njanahary ty fatokisa lahy hanatsiky anareo amy ty fifalea noho fiadana iaby amy ty finoa, mba ho atsiky fatokisa nareo, baka amy ty hery ty Fanahy Masy.
\p
\v 14 Ty vatako zao avao koa ro resy lahatsy ty miakasiky anareo, rahalahy e. Resy lahatsy zaho fa nareo avao koa ro atsiky hasoa, atsiky ty fahaiza iaby. Resy lahatsy zaho fa nareo avao koa ro afaky mifanatsatsy.
\v 15 Fa manoratsy am-pahasakia aminareo zaho mikasiky raha ilany rey mba hampitiarovy anareo ndraiky, noho ty fanomezam-pahasoava ze namean-Janahary ahy.
\v 16 Fanomezam-Pahasoava zay ro ty tokony mba hanompoako an'i Kristy Jesosy nalefa ta Jentilisa any, mba hanome manahaky ty soro ty filazan-tsaran-Janahary. Tokony hanoviko zay mba ho azo enkea ty fanomeza Jentilisa rey, voatoka ty Fanahy Masy.
\p
\v 17 Laha zay ty hafaleako ro amy i Kristy Jesosy ao noho rahan-Janahary rey.
\v 18 Fa tsy hahasaky hiresaky ndra ino ndra ino hafa-tsy raha vita i Kristy tamy ty alalako rey ho ahy ty fankayoaca Jentilisa rey zaho. Raha rey ro vita tamy ty safa noho asa,
\v 19 tamy ty hery fahaiza noho hatsereha rey, sady tamy ty hery ty Fanahy Masy. Zay ro mba baka Jerosalema any, noho lavidavitsy manahaky ty filazantsara i Kristy.
\v 20 Amy zay, ty faniriako le ty hitory ty filazantsara, fa tsy amy ze ahaiza an'i Kristy any amy ty anara, mba tsy hanoherako amy zay eo fa namboarako ty hafa.
\v 21 Zay ro manahaky ty voasoratsy hozao: “Tamy ze tsy nivola rey Azy ro hahita Azy, sady ze tsy nahare rey ro hahazo.”
\p
\v 22 Laha zay avao koa le voasoratsy san'andro tsy ho aminareo any zaho.
\v 23 Fa amy zay, tsy mana toera amy faritsy sasy Zaho rey, sady tao lako ro fa naniriako mare ho aminareo any.
\v 24 Laha zay ndra ombia ndra ombia andehanako a-Espana any, le manantena zaho ty hahita anareo lafa mandalo, sady haterinareo amy ty andehanako any, lafa baka mankafy ty fiarahanareo tsy ela tsy ela Zaho.
\v 25 Fa amy zao ho a-Jerosalema any Zaho hanompo mpino rey.
\v 26 Fa fifalea i Makedonia noho Akaia ty hanao fandrambesa anjara ho ahy mijaly rey hisa mpino rey ze a-Jerosalema any.
\v 27 Eka, fifalea ho androzy zay, sady, mpitsosa aminy vatany ndrozy. Fa laha ty Jentilisa ro nizara tamy ty raha masin-drozy, le tokony hanompo androzy avao koa ndrozy amy raha ara-materialy rey.
\v 28 Laha zay, lafa nitanterahako asa zao sady nampaherezy fa azon-drozy tu vokatsy ze navory, le ho a-Espaina any zaho sady hamangy anareo amy ty lalako.
\v 29 Haiko fa lafa mana aminareo any zaho le hilitsy amy ty fahatseha ty fitahia i Kristy.
\p
\v 30 Amy zao mampandrisiky anareo zaho, rahalahy e, amy ty Jesosy Kristy Tompontsika, noho amy ty firiava ty Fanahy, mba hiadaky hialy amiko nareo amy ty vavaky anovinareo amin-Janahary ho ahy.
\v 31 Mivavaha mba ho avotsy amy ze tsy manenky any Joda rey zaho, sady mba ho enke ty mpino rey ty fanompoako ho an'i Jerosalema.
\v 32 Mivavaha mba hiaviako aminareo an-kafalea amy ty sitsapon-Janahady, sady mba hafahako, mahita fitsara, miaraky aminareo.
\v 33 Njanahary ty fiadana lahy hitahy anareo iaby. Ameny.
\c 16
\cl Toko 16
\p
\v 1 Ankiniko aminareo i Foiby anabavintsika, ze mpiasa ty egilizy a-Kenkrea any,
\v 2 mba handrambesanareo azy amy ty Tompo ao. Anovo zay amy ty fomba maeva mpino rey, sady mamonjea azy amy olo mety hilany zay ty fanampeanareo. Fa ie vatany avao koa ro nanjary mpanampy ty lako, sady ty vatako avao koa.
\p
\v 3 Mananova veloma an'i Prisila noho Akoila, mpiaara-miasa amiko amy i Kristy Jesosy ao,
\v 4 ze nahafoy ty ain-drozy ho ahy ty aiko. Misaotsy androzy zaho, sady tsy zaho avao, fa egilizy iaby ty Jentilisa avao koa.
\v 5 Mananova veloma amy i Epaineto malalako any, ze veloham-bokatsy i Asia ho an'i Kristy.
\v 6 Manaova veloma an'i Maria, ze niasa mare ho ahy nareo.
\v 7 Manaova veloma an'i Androniko noho Jonia, longoko mariny, sady niaraky-nigadra tamiko. Malaza anivo apostoly eo ndrozy, ze tamy i Kristy talohako ao avao koa.
\v 8 Manaova veloma an'i Ampliato, malalako amy ty Tompo ao.
\v 9 Manaova veloma an'i Orbano, mpiara-miasa amintsika amy i Kristy ao, noho Staky, malalako.
\v 10 Arahabao Apela, azy ankasitsahy iny amy i Kristy ao. Arahabao ze amy ty tokatsano i Aristobolo ao.
\v 11 Manaova veloma an'i Herodiona, longoko. Manaova veloma an'i ze amy ty tokatsano i Narkisa rey ao, ze amy ty Tompo ao.
\v 12 Manaova veloma an'i Tryfena noho tryfosa, ze miasa mare amy ty Tompo ao. Arahabao Perysa malala, ze niasa mare tamy ty Tompo ao.
\v 13 Manaova veloma an'i Rofosy, ze voatingy tamy ty Tompo ao, sady ty reniny noho ty reniko.
\v 14 Manaova veloma an'i Asynkrito, Flegona, Hermesy, Patroba, Herma, sady rahalahy ze miaraky amin-drozy rey.
\v 15 Manao veloma an'i Filologia noho Jolia, Nerea noho ty anabaviny, noho Olimpa, sady mpino iaby miaraky amin-drozy rey.
\v 16 Mifanova veloma amy ty fifanorofa masy. Egilizy i Kristy iaby rey ro manao veloma anareo.
\p
\v 17 Amy zao mandrisiky anareo zaho, rahalahy, mba hidiniky ty mikasiky ze mahavy ty fizarazara noho ty mampeloky rey. Ndrozy ro mandilatsy lavitsy ty fampianara ze nirambesinareo. Mialà lvitsy androzy.
\v 18 Fa tsy mpanompo i Kristy Tompontsika ty olo manahaky reny, fa ty sarotsony manoka avao. Amy ty safa malemy noho moramora ro amitahan-drozy ty fo ty tsy manan-tsiny.
\v 19 Fa ty ohatsinareo amy ty fanenkea ro tafita amy ty kirai-draiky any. Laha zay, mifaly zaho, ty aminareo, fa teako mba ho hendry amy ze soa nareo, sady tsy hanan-tsiny amy ze raty.
\v 20 Njanahary ty fiadana hanorotoro an'i Satana ambany ty tombokinareo eo afaky fotoa kelikely. Ho aminareo lahy ty fahasoava i Tompontsika Jesosy Kristy.
\p
\v 21 Timoty, mpiara-miasa amiko, ro manao veloma anareo, noho Losio, Jasona sady Sosipatro, longoko.
\v 22 Zaho, Tertio, ze nanoratsy epistily toy, le manao celoma anareo amy Tompo ao.
\v 23 Gaio, azy mampiatsano ahy noho ty egilizy iaby, le manao veloma anareo nareo. Erasto, mpitandraky-jala amy ty tanà ao, le manao veloma nareo, miaraky amy i Koarto azy rahalahy.
\v 24
\f + \ft Fanamariha: Ty fandika taloha soa bibike le mangalaky andininy toy. (Henteo ty Romana 16:20). and 24: “Ho aminareo iaby lahy ty fahasoava ty Tompontsika Jesosy Kristy. Ameny.” \f*
\p
\v 25 Sady ty Voninahitsy ro ho Azy ze mahavita mampitsanga anareo manahaky ty filazantsarako noho ty fitoria an'i Jesosy Kristy, manahaky ty fanambara ty misitery ze nitandrahy ty misitery ze nitandrahy ho sekire ela biby taloha any,
\v 26 nefa nambara amy zao, sady tamy ty alala ty boky ty hato-resaky ro nampahaiza tamy ty firenea iaby, manahaky ty lilin-Janahary zisiky farany, ho fankatova ty finoa.
\v 27 Ho ahy Njanahary toka ty fahendrea iny, lahy ty voninahitsy zisizy farany, amy ty alala i Jesosy Kristy. Ameny.