See in Reader
1147 lines
114 KiB
Plaintext
1147 lines
114 KiB
Plaintext
\id JHN
|
||
\ide UTF-8
|
||
\h Jaona
|
||
\toc1 Jaona
|
||
\toc2 Jaona
|
||
\toc3 jhn
|
||
\mt Jaona
|
||
\c 1
|
||
\cl Toko 1
|
||
\p
|
||
\v 1 Tamy velohany ty Safa, sady ty Safa tamin-Janahary ao, sady ty Safa ro Njanahary.
|
||
\v 2 Zay ro tamin-Janahary ao tamy velohany.
|
||
\v 3 Ty raha iaby ke baka Aminy iaby, sady laha tsy noho Ie le tsy nisy ndra ino ndra ino.
|
||
\v 4 Laha Ie ro nisiam-piaina, sady fiaina io ro fahazava ty olo iaby.
|
||
\v 5 Ty hazava ro mipiriaky anay haiky ao, sady ty haiky tsy nandesy zay.
|
||
\p
|
||
\v 6 Nisy lahilahy raiky nirahin-Janahary, Jaona ro anarany.
|
||
\v 7 Niavy ie mba ho vavolombelo hanambara ty mikasiky ty fahazava, mba hinoa ty iaby amy ty alalany.
|
||
\v 8 Tsy Jaona azy fahazava iny, fa koa niavy mba hanambara tymikasiky azy fahazava iny ie.
|
||
\v 9 Ty fahazava marina, ze manome hazava ty olo iaby, ro avy amy ty tany toy eto.
|
||
\p
|
||
\v 10 Tamy ty tany iaby toy eto Ie, sady Ie ro nihare amy ty tany iaby toy, sady ty tany iaby toy tsy nahay Azy.
|
||
\v 11 Niavy tamy ty olony any Ie, sady ty olony tsy nandramby Azy.
|
||
\v 12 Fa lako ndramby Azy rey, ze nino ty anarany, le nameany fahefa ho avy anan-Janahary.
|
||
\v 13 Rey ro tsy nateraky tamy ty lio, ndra ty sitsapo ty nofotsy, ndra ty sitsapo ty olo, fa ty an-Janahary.
|
||
\p
|
||
\v 14 Sady ty Safa nanjary nofotsy ka le nipetsaky tamintsika eo. Hitanay ty voninahitsiny, voninahitsy manahaky azy raiky noho toka ze avy baka amy ty Njanahary iny, atsiky fahasoava noho fahamarina.
|
||
\p
|
||
\v 15 Jaona nanambara ty mikasiky Azy ka le nikoraky mare, manao hozao: “Ie raiky ze fa nivolaniko hozao: ‘Ie ze avy afarako le bevata noho zaho, safe talohako Ie.”’
|
||
\v 16 Fa baka amy ty fanatsehany ro nandrambesantsika iaby fahasoava hanampy fahasoava.
|
||
\v 17 Fa ty lalà ro namea tamy ty alala i Mosesy. Ty fahasoava noho fahamarina ro avy tamy ty alala i Jesosy Kristy.
|
||
\v 18 Tsy nisy nahita an-Janahary ndra ombia ndra ombia. Fa azy Njanahary raiky noho toka iny, ze antsatsa azy Njanahary iny eo, ro nampahay Azy.
|
||
\p
|
||
\v 19 Sady zao ro fanambara i Jaona lafa naniraky mpisoro rey noho Levita baka Jerosalema any hana aminy eo Jiosy rey mba hanontany azy hozao: “Ia moa iha?”
|
||
\v 20 Nivola ie, sady tsy nandà, fa namly hozao: “Tsy kristy zaho.”
|
||
\v 21 Ka le nanontany azy ndrozy hozao: “Ino sady iha zay? Elia va iha!” Nivola ie hozao: “Tsy ie zaho” Hoan-drozy hozao: “Iha va azy to-resaky iny?” Namaly ie hozao: “Aha.”
|
||
\v 22 Bakeo ndrozy nivola taminy hozao: “Ia iha, mba afahany manome valin-tsafa an'i ze naniraky anay rey? Ino ro hambaranao mikasiky ty vatanao?”
|
||
\v 23 Hoasan-drozy hozao: “Zao azy atsiky iny, mikaiky mare ambaliky any hozao: ‘Anovo mahity ty lala ty tompo,’ manahaky ty voavolan'Isaia to-resaky.”
|
||
\p
|
||
\v 24 Sady nisy iraky ilany baka amy fariseo rey nalefa,
|
||
\v 25 sady nanontany azy ndrozy ka le nivola taminy hozao: “Nanino moa iha ro manao batisa laha tsy Kristy iha ro sady tsy Elia ro tsy azy to-resaky iny?”
|
||
\v 26 Sady Jaona namaly androzy, manao hozao: “Manao batisa amy ty rano zaho. Fa anivonareo eo ro misy olo raiky mitsanga ze tsy hainareo.
|
||
\v 27 Ie azy raiky ze avy baka afarako ao iny, ze tsy maeva ahy ty hamaha ty fehi-kapany.”
|
||
\p
|
||
\v 28 Raha rey ro nanovy ta Betania any tamy sisy i Jordana any, ze nanova i Jaona batisa.
|
||
\p
|
||
\v 29 Lafa maray iny Jaona le nahita an'i Jesosy namonjy azy sady nivola hozao: “Henteo, ingo ty anak'aondrin-Janahary ze nangalaky ty fahota ty tany iaby toy!
|
||
\v 30 Azy lahilahy raiky ze nivolaniko toy hozao: ‘Azy raiky ze avy baka afarako ao iny le bevata noho zaho, safe talohako Ie.’
|
||
\v 31 Sady zaho tsy nahay Azy, fa mba ho voavola amin'Israely ie ro niaviako hanao batisa amy ty rano.”
|
||
\p
|
||
\v 32 Jaona nanambara, manao hozao: “Nahita ty Fanahy nijotso baka an-danitsy any manahaky ty pizon zaho, sady nipetsaky tanabony eo zay.
|
||
\v 33 Tsy nahay Azy zaho, fa Ie ze naniraky ahy hanao batisa amy ty rano nivola tamiko hozao: ‘Anabo ze hotanao hijotso ty Fanahy eo noho hipetsahany aminy eo, ie azy raiky ze manao batisa amy ty Fanahy Masy ihy eo.’
|
||
\v 34 Sady nahita zaho ro nanambara fa ie azy Anan-Janahary iny.”
|
||
\p
|
||
\v 35 Lafa maray iny, ndraiky, laha nitsanga niaraky tamy ty roe amy mpianatsiny rey Jaona,
|
||
\v 36 le nahita an'i Jesosy nandeha ndrozy, ka le hoy Jaona hozao: “Henteo, azy Anak'aondrin-Janahary iny!”
|
||
\v 37 Nahare azy nivola zay mpianatsiny roe rey ka le nanoriky an'i Jesosy ndrozy.
|
||
\v 38 Bakeo Jesosy nitoliky ka le nahita drozy nanoriky Azy nivola androzy hozao: “Ino ro ilanareo?” Namaly hozao rey: “Raby (ze midika hoe mpampianatsy), aia Iha ro mipetsaky?”
|
||
\v 39 Namaly androzy Ie hozao: “Mamonjea sady henteo.” Sady namonjy androzy ka le nahita ty toera ze nameany; nipetsaky niaraky Taminy tao ndrozy tamy andro io, fa tokony fa ho lera fahafolo tamy zay.
|
||
\p
|
||
\v 40 Raiky tamy mpianatsy roe nahare an'i Jaona nivola rey sady nanoriky an'i Jesosy bakeo i Andrea, rahalahy i Simona Petera.
|
||
\v 41 Nila an'i Simona rahalahiny aloha ie sady nivola taminy hozao: “Hitanay ty Mesia” (ze adika hoe Kristy)
|
||
\v 42 Nanday azy tamy i Jesosy any ie, sady nanenty azy Jesosy ka le nivola hozao: “Iha ro Simona ana i Jaona, iha ro ho kaihe hoe Kefasy” (ze midika hozao: Petera).
|
||
\p
|
||
\v 43 Lafa hamaray iny, laha te-hiala ho a-Galilia any Jesosy, le nahita an'i Filipo Ie sady nivola taminy hozao: “Manoriha Ahy.”
|
||
\v 44 Filipo ro baka betsahida any, tanà i Andrea noho Petera.
|
||
\v 45 Nahita an'i Natanaela i Filipo ka le nivola taminy hozao: “Ie ze nisoraty i Mosesy tamy ty lalà ao, noho olo to-resaky rey, hitanay Ie, le Jesosy anaky i Josefa, baka Nazareta any.”
|
||
\v 46 Natanaela nivola taminy hozao: “Moa hisy raha-soa baka Nazareta ao?” Filipo nivola taminy hozao: “Mamonjea sady henteo.”
|
||
\v 47 Jesosy nahita an'i Natanaela namonjy azy sady nivola mikasikasiky azy rey hozao: “Henteo, zay ro tena isiraelita, ze tsy misy fitaky aminy ao!”
|
||
\v 48 Natanaela nivola Taminy hozao: “Ino ro hahaizanao ahy?” Jesosy namaly ka le nivola taminy hozao: “Taloha ty nikaiha i Filipo anao, laha tambany hazon'aviavy eo iha, le hitako.”
|
||
\v 49 Natanaela namaly hozao: “Raby, Iha azy anan-Janahary iny! Iha ro mpanjakan'Israely!”
|
||
\v 50 Jesosy namaly ka le nivola taminy hozao: “Safe va Zaho nivola taminao hozao: ‘Nahita anao tambany ty hazon'aviavy eo Zaho,’ ro hinoanao? Hahita raha soa mandilatsy noho zay iha.”
|
||
\v 51 Bakeo Ie nivola hozao: “Volaniko aminareo, marina, le marina vatany, fa hahita ty lanitsy hivoha nareo, sady anjelin-Janahary rey hiakatsy noho hijotso anabo ty Anak'olo eo.”
|
||
\c 2
|
||
\cl Toko 2
|
||
\p
|
||
\v 1 Telo andro tafara ato, le nisy fangala-valy ta Kanà ao a-Galilia ao, sady tao ty reny i Jesosy.
|
||
\v 2 Jesosy noho mpianatsiny rey ro nanambarà tamy azy fangala-valy iny.
|
||
\v 3 Lafa lany ty divay, le nivola taminy ty reny i Jesosy hozao: “Tsy mana divay ndrozy.”
|
||
\v 4 Sady hoy Jesosy taminy hozao: “Ampela, nanino iha ro mana amiko atoy? Mbo tsy avy ty fotoako.”
|
||
\v 5 Le hoy th rdniny tamy mpiasa rey hozao: “Ndra ino ndra ino volaniny aminareo, le anovo zay.”
|
||
\v 6 Sady nisy sihoa vato eny teo ze fampiasa amy ty andro fisasa ty Jiosy, mahazaka roe zisiky amy ty telo meza iaby.
|
||
\v 7 Hoy Jesosy tamin-drozy hozao: “Atseho rano ty sihoa.” Ka le natsehin-drozy zisiky amy ty soniny zay.
|
||
\v 8 Lafa bakeo le hoy Ie tamy mpiasa rey hozao: “Manovoza amy zay sady andeso amy ty tompon'andraikitsy any ty fokarakara.” Ka le nitanterahan-drozy zay.
|
||
\v 9 Nanandrama ty tompon'andraikitsy ty fokarakara azy rano nanjary divay iny, nefa tsy nahay ze niavia zay ie (fa mpiasa ze nanoby ty rano rey koa nahay). Bakeo le nikaiky ty mpampiakatsy Ie
|
||
\v 10 sady nivola taminy hozao: “Ty olo iaby ro mandroso ty divay soa aloha ze vao ty divay moramora lafa mamo ndrozy. Fa nareo koa nanajary ty divay soa zisiky amy zao.”
|
||
\v 11 Zay ro fahaiza velohany nanovy i Jesosy ta Kanà ao a-Galilia any, sady nanoro ty voninahitsiny Ie, ka le nino Azy mpianatsiny rey.
|
||
\p
|
||
\v 12 Tafara zay le nijotso ho a-Kapernaomy any Jesosy, ty reniny, rahalahiny rey noho mpianatsiny rey sady nijano andro kelikely ao ndrozy.
|
||
\p
|
||
\v 13 Sady fa mariny ty Pasky ty Jiosy, le niakatsy ta Jerosalema any Jesosy.
|
||
\v 14 Nahita mpamarotsy omby, aondry sady pizon tan-degilizy ao Ie, sady nipetsaky tao avao koa mpanolo jala rey.
|
||
\v 15 Laha zay le namboatsy karavasy ie ka le nandroaky azy oaby hiboaky ty egilizy, ndra ty aondry ndra aomby. Nandraraky ty vola mpanolo jala rey Ie sady namango ty latabatsin-drozy.
|
||
\v 16 Le hoy Ie tamy mpamarotsy pizon rey hozao: “Andeso miboaky lavitsy toera toy raha rey. Engao zay ty fanova ty tsano-Babako ho toeram-pamarota.”
|
||
\v 17 Sady tiaro mpianatsiny rey fa voasoratsy hozao: “Ty siakiko ty amy ty tsanonao ro handrava ahy.”
|
||
\p
|
||
\v 18 Bakeo namaly lohandoha ty mpisoro Jiosy rey ka le taminy hozao: “Ino ro fahaiza ho atoronao anay, mahavy anao manao raha reny?”
|
||
\v 19 Jesosy namaly hozao: “Ravao egilizy toy, fa ho hatsangako anay ty telo andro avao zay.”
|
||
\v 20 Sady hoy mpanapaky Jiosy rey hozao: “Efapolo enin'amby tao ro nanamboara egilizy toy, ka le ino va hahatsanga azy anay ty telo andro ao?”
|
||
\v 21 Nefa, mikasiky ty egilizy ty vatany ro niresahiny.
|
||
\v 22 Tafara ty nitsangany tamy maty, le tiaro mpianatsiny rey fa nivola zay ie, sady nino ty Soratsy Masy noho safa nivolany i Jesosy zay ndrozy.
|
||
\p
|
||
\v 23 Sady lafa ta Jerosalema ao Ie tamy ty andro fifalefalea ty Paska, le lako ro nino ty anarany lafa nahita fahaiza ze nanoviny rey.
|
||
\v 24 Fa Jesosy koa tsy natoky androzy noho Ie nahay soa azy iaby,
|
||
\v 25 safe tsy nila ndra ia ndra ia hanambara aminy ty mikasiky ty olo Ie, noho Ie nahay ty anay olo ao.
|
||
\c 3
|
||
\cl Toko 3
|
||
\p
|
||
\v 1 Sady nisy Fariseo raiky kaihe hoe Nikodemosy, mpitariky jiosy.
|
||
\v 2 Namonjy an'i Jesosy tamy ty andro haly lahilahy io sady nivola taminy hozao: “Raby, hainay fa mpampianatsy ze baka amin-Janahary Iha, safe tsy misy mahavita fahaiza anovinao rey laha tsy miaraky aminy Njanahary.”
|
||
\v 3 Le namaly azy Jesosy nanao hozao: “Volaniko aminareo marina, le marina vatany, fa laha tsy ateraky ndraiky ty olo, le tsy hahita ty fanjakan-Janahary ie.”
|
||
\v 4 Nikodemosy nivola taminy hozao: “Amy ty fomba ino ro hahateraky ty olo raiky laha fa antitsy ie? Tsy afaky hilitsy fanindroeny an-tsarotson-dreniny ao ie sady hateraky, sa va afaky?”
|
||
\v 5 Namaly Jesosy hozao: “Volaniko aminao marina, le marina vatany, fa laha tsy nateraky tamy ty rano noho ty fanahy ty anak'olo, le tsy afaky hilitsy amy ty fanjakan-Janahary ao ie.
|
||
\v 6 Ze ateraky ty nofotsy ro nofotsy, sady ze ateraky ty Fanahy ro fanahy.
|
||
\v 7 Ka tseriky amy ze nivolaniko anao hozao: ‘Tsy maintsy hateraky ndraiky nareo.’
|
||
\v 8 Ty tsioky mitsioky ndra iandra ia iriny; renao ty feony, fa tsyhainaoze niviny ndra ze andehanany. Manahaky zay iaby ze ateraky ty Fanahy.”
|
||
\v 9 Namaly Nikodemosy ka le nivola taminy hozao: “Ino ty fomba hahanteantera raha zay?”
|
||
\v 10 Jesosy namaly ka le nivola taminy hozao: “Mpampianatsy an'Israely va iha, le mbo tsy azonao avao raha zay?
|
||
\v 11 Volaniko aminao, marina, le marina vatany, fa ze hainay ro resahinay, sady zahay manambara ze hitanay. Nefa mbo tsy manenky ty fanambaranay nareo.
|
||
\v 12 Laha nanambra taminareo ty raha tan-tany eto Zaho nefa tsy hinoanareo, amy ty fomba ino ro hinoanareo Ahy laha hitantara aminareo ty raha-misy an-danitsy any Zaho?
|
||
\v 13 Tsy nisy niakatsy an-danitsy any hafa-tsy Azy nijotso bakany iny, le Azy anan'olo iny zay.
|
||
\v 14 Sady manahaky ty nanondrota i Mosesy ty bibilava tambaliky any, ro tsy maintsy hanondrota ty Anan'olo,
|
||
\v 15 mba hana fiaina zisiky farany ze iaby mino Azy.
|
||
\p
|
||
\v 16 Fa tena tean-Janahary ty tany iaby toy, ka le nameany ty anakilahiny toka, mba tsy ho tsobo ze iaby mino Azy fa hana ty fiaina zusiky farany.
|
||
\v 17 Fa Njanahary tsy naniraky azy Anakilahy iny ho amy ty tany iaby toy mba hanasazia ty tany iaby toy, fa mba hamonjy ty tany iaby toy amy th alalany.
|
||
\v 18 Ze mino Azy le tsy hosazie, fa ze tsy mino koa le fa voasazy sahady safe tsy nino ty anara azy Anakilahy raiky iny noho tokan-Janahary.
|
||
\v 19 Zao ro anto ty fitsarà: avy tamy ty tani iaby toy eto ty fahazava, nefa le alea ty olombelo ty haiky manahaky ze ty mazava safe raty asa nanoviny.
|
||
\v 20 Fa ze iaby manao raty le malay th mazava sady tsy manontany zay mba tsy ho hita mibaribary asany rey.
|
||
\v 21 Nefa, ze manao ty marina ro mamonjy ty mazava mba ho hita soa va asany rey ro nanovy manahaky Njanahary.”
|
||
\p
|
||
\v 22 Tafara zay, le nandeha ta jodia any Jesosy noho ty mpianatsiny rey. ipetsaky fotoa kelikely ao niaraky tamin-drozy Ie sady nanao batisa.
|
||
\p
|
||
\v 23 Sady Jaona koa nanao batisa ta Ainona anila i Seleima any satsia lako ty rano tany. Namonjy azy ty olo lako sady nanovy batisa,
|
||
\v 24 fa tsy mbo nalefa an-tsano maiky any Jaona.
|
||
\v 25 Bakeo nisy fifamalea tamy ty ilany amy mpianatsy i Jaona rey noho Jiosy raiky mikasiky th ndro fisasa.
|
||
\v 26 Namonjy an'i Jaona ndrozy ka le nivola taminy hozao: “Raby, Azy raiky niadaky taminao tamy sisy ty renirano i Jordana any, ze nambaranao, ingo, manao batisa ie, sady mamonjy azy iaby ie iaby.”
|
||
\v 27 Sady Jaona namaly hozao: “Tsy afaky mandramby ndra ino ndra ino ty olo raiky laha tsy namea azy baka an-danitsy any zay.
|
||
\v 28 Nareo avao ro fa afaky ty vavolombelo amy ty volaniko hozao: ‘Tsy azy Kristy zaho,’ fa koa: ‘Nirahy mtalohany.’
|
||
\v 29 Ty ampiakary ro ahy ty mpampoakatsy. Sady ty nama ty mpampiakatsy, ze mitsanga noho mijanjy azy, le mifaly bibiky noho ty amy ty fahereza ty feo ty mpampiakatsy. Zay, sady, ro manatsiky ty hafaleako.
|
||
\v 30 Tsy maintsy mitombo Ie, fa zaho koa tsy maintsy mihena.
|
||
\p
|
||
\v 31 Ie ze baka anabo any ro anabo ty raha-Iaby. Ie ze baka an-tany eto le baka an-tany eto sady miresaky mikasiky ty an-tany eto. Ze baka an-danitsy any le anabo ty raha-iaby.
|
||
\v 32 Ie ro manambara ty mikasiky ze hitany noho reny, nefa le tsy misy mandramby ty fanambarany.
|
||
\v 33 Ze nandramby ty fanambarany koa ro nampahery fa marina Njanahary.
|
||
\v 34 Fa azy raiky nirahin-Janahary iny le mivola ty safan-Janahary. Safe tsy nasiany farany ty fanomeza ty Fanahy.
|
||
\v 35 Ty Njanahary tea azy anakilahy nametsaky ty raha-iaby tampelan-tanany eo.
|
||
\v 36 Ze mino azy Anakilahy le mana ty fiaina zisiky farany, fa ze tsy manenky azy anakilahy iny koa le tsy hahita fiaina, fa hipetsaha ty helokin-Janahary.”
|
||
\c 4
|
||
\cl Toko 4
|
||
\p
|
||
\v 1 Sady lafa hay i Jesosy hoe re Fariseo rey fa nahazo noho nanao batisa mpianatsy laKo rey noho Jaona Ie
|
||
\v 2 (ndra le tsy Jesosy vatany aza ro nanao batisa, fa mpianatsiny rey),
|
||
\v 3 le niala ta Jodia ao Ie sady nimpoly nana Galilia any ndraiky.
|
||
\v 4 Fa ilany ty mamakivaky an'i Samaria.
|
||
\v 5 Ka le avy tamy ty tanà raiky ao a-Samaria Ie, kaihy hoe Sykara, anila azy ampahan-tany ze namea i Jakoba an'i Josefa anany.
|
||
\v 6 Teo azy fantsaka i Jakoba iny. Nahatiaro vozaky tamy ty liany Jesosy ka le nipetsaky tamy a_ fantsaka iny eo. Tokony tamy ty lera faha eny eo.
|
||
\v 7 Nisy ampela samaritana raiky avy hantsaka rano, kable hoy Jesosy taminy hozao: “Mba ameo rano Zaho hinomiko.”
|
||
\v 8 Fa mpianatsiny rey fa nandeha an-tanà any mba hivily hany.
|
||
\v 9 Bakeo hoy azy ampela samaritana iny taminy hozao: “Manino iha, ze Jiosy, ro mangataky amiko, ze ampela samaritana, rano hinomy?” Fa Jiosy rey tsy misy hifandrambesa amy ty Samaritana.
|
||
\v 10 Fa Jesosy namaly ka le nanao taminy hozao: “Laha hainao ty fanomezan-Janahary, noho ze mivola aminao hozao: ‘Ameo zaho hinomiko,’ le iha ndraiky ro hangataky taminy, ka le ameany rano velo.”
|
||
\v 11 Hoy azy ampela iny taminy hozao: “Tompoko, Iha ro tsy mana fanobiza sady ty fantsaka laliky. Ka le aia ro hahazoanao rano velo?
|
||
\v 12 Iha ro tsy bevata, moa va, noho Jakoba razambentsika, ze nanome anay ty fantsaka noho nino tamy zay ty vatany, manahaky ty nanovy anany rey noho bibiny rey?”
|
||
\v 13 Jesosy namaly ka le nanao taminy hozao: “Ze iaby mino amy rano toy le mbo te hino ndraiky,
|
||
\v 14 fa ndra ia ndra ia mino amy rano ze hameako azy le tsy te hino zisiky farany. Fa koa, ty rano ze hameako azy le hanjary loharano miboiboiky anainy ao, ze manday amy ty fiaina zisiky farany any.”
|
||
\v 15 Hoy ty ampela taminy hozao: “Tompoko, ameo rano zay zaho mba tsy te hino noho hanjary hantsaka sasy eto.”
|
||
\p
|
||
\v 16 Hoy Jesosy tamy ty ampela hozao: “Mandehana, kaiho ty valinao, le mimpolia atoy.”
|
||
\v 17 Namaly azy ampela iny ka le nivola taminy hozao: “Tsy nanambaly zaho.” Namaly Jesosy hozao: “Marina ty voavolanao hozao: ‘Tsy manambaly zaho,’
|
||
\v 18 fa nanambaly andimy iha, sady azy raiky ze hipetsahanao amy zao iny ro tsy mbo valinao. Marina ze voavolanao.”
|
||
\p
|
||
\v 19 Hoy ty ampela taminy hozao: “Tompoko, hitako fa olo to-resaky Iha.
|
||
\v 20 Razantsika rey nivavakt tamy vohitsy toy eto, nefa nareo manambara fa Jerosalema ro toera tokony hivavaha ty olo.”
|
||
\v 21 Hoy Jesosy taminy hozao: “Minoa Ahy, ty ampela, fa ho avy ty andro ze hanompoanareo Njanahary toy ro tsy a-Jerosalema any.
|
||
\v 22 Fa nareo mandohaliky amy ze tsy hainareo. Zahay koabmandohaliky amy ze hainay, safe ty famonjea ro baka amy Jiosy rey.
|
||
\v 23 Nefa, ho avy ty andro, sady avy amy zao, lafa hanompo Njanahary amy ty fanahy noho fahamarina tena mpivavaky rey, safe Njanahary ro mila olo manahaky zay ho mpanompo Azy.
|
||
\v 24 Njanahary ro Fanahy, sady ty olo ze manompo Azy ro tsy maintsy manompo amy ty fanahy noho fahamarina.”
|
||
\v 25 Hoy azy ampela iny taminy hozao: “Haiko fa ho avy ty Mesia (azy kaihy hoe Kristy iny). Sady lafa avy Ie, le hanazava amintsika ty raha iaby.”
|
||
\v 26 Hoy Jesosy taminy hozao: “Zaho ze mitesaky aminao, ro Ie.”
|
||
\p
|
||
\v 27 Tamy fotoa zay le nimpoly mpianatsiny rey. Sady nanontany vata ndrozy hoe nanino Ie ro miresaky amy ty ampela, fa tsy nisy nivola hozao: “Ino ro ilanao?” ndra hozao: “Nanino Iha ro miresaky aminy?”
|
||
\p
|
||
\v 28 Laha zay le nanenga ty sihioany ty ampela, ka le nandeha nimpoly tan-tanà any, sady nivola tamy ty olo hozao:
|
||
\v 29 “Handeha, hanenty azy lahilahy ze nivola ty vitako iaby iny. Tsy ho Kristy zay, sa va Ie?”
|
||
\v 30 Le niala tan-tanà eo ndrozy ka le nana Aminy eo.
|
||
\p
|
||
\v 31 Anay zay, nandrisiky, Androzy mpianatsy rey, manao hozao: “Raby, mihinana.”
|
||
\v 32 Fa hoy Ie tamin-drozy hozao: “Zaho ro mana hanin-ko hany ze tsy hainareo.”
|
||
\v 33 Ka le nifampiresaky mpianatsy rey hozao: “Tsy nisy olo mnday raha ho hany ho Azy, sa va nisy?”
|
||
\v 34 Hoy Jesosy tamin-drozy hozao: “Ty haniko ro ty manao ty sitsapo Azy naniraky Ahy iny sady manao ty asany.
|
||
\v 35 Moa Iha tsy mibola hozao: “Efa-bola sisa le ho avy ty fararano?’ Volaniko aminareo, hosindraha ty masonareo le henteo ty am-baibo eny, fa masaky sady ho hambole rey!
|
||
\v 36 Ze mamboly ro mandramby karama noho mamory vokatsy ho amy ty fiaina zisiky farany, ka le hiara-paly ty mpandraraky noho ty mpamboly.
|
||
\v 37 Fa amy zay ro marina azy safa manao hozao iny: ‘Ty raiky mandraraky, sady ty raiky koa mamboly,’
|
||
\v 38 Naniraky anareo hamboly ze tsy nivozahanareo Zaho. Hafa rey ro niala havozaha, sady nareo ro nilitsy tamy ze nivozahany eo.”
|
||
\p
|
||
\v 39 Lako tamy samaritana rey tamy tanà zay ao ro nino Azy noho ty tatitsy azy ampela ze manambara hozao iny: “Nivolaniny tamiko iaby ze nanoviko iaby.”
|
||
\v 40 Ka le namonjy Androzy samaritana rey, le nangataky Azy mba hijano hiaraky amin-drozy, le nijano tao ndroe andro Ie.
|
||
\v 41 Lako hafa ro nino noho ty safany.
|
||
\v 42 Hoy rozy tamin'ampela hozao: “Tsy noho ze voavolanao sasy ro hinoanay, fa zahay mihintsy ro fa nahare, sady hainay fa Ie vatany ro azy Mpamonjy an'i tany iaby toy iny.”
|
||
\p
|
||
\v 43 Tafara ndroe andro rey, le niala baka ao Ie hana Galilia any.
|
||
\v 44 Fa Jesosy mihintsy ro nanambara fa ty olo to-resaky ro tsy manan-danja amy ty taniny ao manoka.
|
||
\v 45 Lafa avy ta Galilia ao Ie, le nandramby Androzy Galiliana. Ndrozy ro nahita ty raha iaby ze nanoviny ta Jerosalema ao tamy ty andro fifalefalea, safe nandeha tamy ty andro fifalefalea any avao koa ndrozy.
|
||
\v 46 Sady niavy ta Kana ao Galilia ao ndraiky Ie, ze toera nampoliany ty rano ho divay. Nisy tandapa raiky ze nana anakilahy marary ta Kapernaony ao.
|
||
\v 47 Lafa reny fa baka a-Jodia any ho a-Galilia any Jesosy, le nana amy i Jesosy eo ie sady nangataky taminy mba hiijotso sady hanafaky ty anakilahiny, ze fa ho maty.
|
||
\v 48 Bakeo Jesosy nivola taminy hozao: “Laha tsy mahita fahaiza noho hatsereha nareo, tsy mba hino mihintsy.”
|
||
\v 49 Hoy azy tandapa iny taminy hozao: “Tompoko, mijotsoa aloha ty fahafatesa lahy ty anako.”
|
||
\v 50 Hoy Jesosy taminy hozao: “Mandehana. Velo ty ananao.” Nino ty safa ze nivolany i Jesosy taminy azy lahilahy iny, ka le nandeha ie.
|
||
\v 51 Laha ie nijotso iny, le nitsena androzy mpiasany, nivola fa velo ty anany.
|
||
\v 52 Ka le nanontany androzy ty lera ze niaretany ie. Namaly azy ndrozy hozao: “Nomaly tamy ty lera faha fito ro niala ty tazo taminy.”
|
||
\v 53 Hay azy raiky iny bakeo fa tamy lera io ro nivola i Jesosy azy hozao: “Velo ty anako.” Ka le nino ty vatany noho longony iaby rey.
|
||
\p
|
||
\v 54 Zay ro fahaiza faharoe nanovy i Jesosy tamy Ie mbo niala ta Jodiia ao ho a-Galilia any.
|
||
\c 5
|
||
\cl Toko 5
|
||
\p
|
||
\v 1 Tafar zay ro nisy fifalefalea ty Jiosy, sady niakatsy ho a-Jerosalema any Jesosy.
|
||
\v 2 Sady ta Jerosalema any anila ty vavahadin'aondry eo, le nisy farihy, ze nikaiky tamy ty Hebreo hoe Betesda, sady misy fialofa limy zay.
|
||
\v 3 Lako olo marary rey, jiky, malemy, ndra tsy afaky mihetsiky niroro tao.
|
||
\f + \ft Fanamariha: Ty taratasy lako taloha soa bibike ro mangalaky ty fehezan-tsafa hozao: “Mandiny ty fihetsiky ty rano.” \f*
|
||
\v 4
|
||
\f + \ft Fanamariha: Ty taratasy-lako taloha soa bibiky ro mangalaky ty and. 4 hozao: “Fa nisy anjely ty Tompo raiky nijotso ka le nampihetsiky ty rano kisendrasendra sady ndra ia ndra ia nandroso nana ao lafa nihetsiky ty rano le afaky tamy arety ze namparary azy rey ndra ino ndra ino.” \f*
|
||
\v 5 Sady nisy lahilahy raiky teo ze fa narary telopolo valo amby tao.
|
||
\v 6 Lafa hita i Jesosy niroro teo ie, noho tafara yy nahatsapany fa an-tao lako ie ro teo, le hoyIe taminy hozao: “Te-ho afaky va iha?”
|
||
\v 7 Namaly azy lahilahy marary iny hozao: “Tompoko, tsy mana ndra ia ndra ia zaho hampijobo ahy anay farihy ao lafa mihetsiky ty rano. Lafa mandeha zaho, le misy miaisiky alohako eo.”
|
||
\v 8 Hoy Jesosy taminy hozao: “Mitsangana, andeso ty fandreanao, ka le mandehana.”
|
||
\v 9 Direkita le afaky lahilahy iny, ka le nirambesiny ty fandreany le nandeha ie. Sady Sabata andro zay.
|
||
\v 10 Le hoy Jiosy rey tamy azy afaky iny hozao: “Sabata ty andro le tsy mahazo manday ty fandreanao iha.”
|
||
\v 11 Namaly ie hozao: “Azy nanafaky ahy iny ro nivola tamiko hozao: ‘Andeso ty fandreanao ka le mandehana iha.’”
|
||
\v 12 Sady nanontany azy ndrozy hozao: “Ia lahilahy nivola taminao hozao: ‘Andeso ty fandreanao ka le mandehana iha’?”
|
||
\v 13 Nefa, azy afaky iny tsy nahay Azy safe niala moramora Jesosy fa nisy olo lako tan-toera eo.
|
||
\p
|
||
\v 14 Lafa bakeo, hita i Jesosy tan-degilizy ao ie ka lehoay Ie taminy hozao: “Ingo, afaky iha! Ka manota sasy, mba tsy hotsanga aminao ty raha raty noho ty teo.”
|
||
\v 15 Bakeo le nandeha lahilahy iny ka le nanesy tamy Jiosy rey fa Jesosy ro nanafaky azy.
|
||
\v 16 Sady noho raha rey le nanenjiky an'i Jesosy Jiosy rey, safe nanao raha rey tamy ty Sabata Ie.
|
||
\v 17 Sady namaly androzy Jesosy hozao: “Ty Babako ro miasa eny fa ndra amy zao aza, sady Zaho, avao koa, le miasa.”
|
||
\v 18 Laha zay, le vo maiky nila hamono Androzy Jiosy tsy noho ty fandratiandratiany ty Sabata avao, fa ty nikaihany an-Janahary avao koa hoe Babany manika, manao ty vatany ho mitovy amin-Janahary.
|
||
\p
|
||
\v 19 Sady Jesosy namaly androzy hozao: “Volaniko aminareo mariba, le marina vatany, fa ty Anaky le tsy afaky manao ndra ino ndra ino ho Azy, hafa-tsy ze hitany anovy Njanahary avao, fa ndra ino ndra ino anovy Njanahary, le anovy ty Anky avao koa raha rey.
|
||
\v 20 Fa Njanahary tea ty Anaky ka le nampitoro azy ty raha iaby ze nanovy ty vatany, sady hampitoro azy raha bevata mandilatsy noho rey Ie mba ho tseriky nareo.
|
||
\v 21 Fa manahaky Njanahary mampitsanga noho mamelo ty maty, le mahahaky zay avao koa ro ameloma ty Anaky ze teany.
|
||
\v 22 Fa Njanahary ro tsy mitsara ndra ia ndra ia, fanameany ty Anaky ty fitsara iaby
|
||
\v 23 mba hanaja ty iaby ty Anaky manahaky ty hanajan-drozy Njanahary. Ze tsy manaja ty Anaky le tsy manaja azy Njanahary naniraky Azy iny.
|
||
\v 24 Volaniko aminareo marina, le marina vatany, fa ze mahare ty safako noho mino ze naniraky Ahy le mana ty fiaina ziaiky farany ka le tsy helofa, fa niala tamy ty fahafatesa ho amy ty fiaina ie.
|
||
\p
|
||
\v 25 Volaniko aminareo marina, le marina vatany, fa avy ty lera, sady avy zay amy zao, lafa hahare ty feo ty Anan-Janahary ty maty, sady ho velo ze mahare rey.
|
||
\v 26 Fa manahaky Njanahary mana fiaina Aminy ao, ro nanomezako ty anaiy avao koa mba hananany fiaina Aminy ao,
|
||
\v 27 sady namea Njanahary fahefa hitsara ty Anaky noho Ie Anan'olo.
|
||
\v 28 Ka tseriky amy zay, fa avy ty andro hahareza ty olo iaby an-dala any ty feony
|
||
\v 29 ka le hiboaky: ze nanao ty soa rey ro ho amy ty fitsahga ho amy ty fiaina any, fa ze nanao ty raty koa ro ho amy ty fitsanga any ho amy ty fitsara.
|
||
\v 30 Tsy afaky manao ndra ino ndra ino aha Zaho avao. Manahaky ze reko, ro itsarako, sady ty fitsarako ro marina safe tsy mila ty sitsa-po manoka Zaho fa ty Sitsaponyze nanira Ahy.
|
||
\p
|
||
\v 31 Laha tokony hanambara ty mikasiky ty vatako Zaho, le tsy marina ty fanambarako.
|
||
\v 32 Misy raiky hafa ze manambara ty mikasiky Ahy, sady haiko fa marina ty fanambara ze volaniny miksiky Ahy.
|
||
\v 33 Nitahy tamy i Jaona any nareo, sady nanambara ty marina ie.
|
||
\v 34 Nefa ty fanambara ze rambesiko ro tsy baka amy ty olo. Mivola raha zay Zaho mba mety ho voasarombaky nareo.
|
||
\v 35 Jaona ro jiro nirehitsy noho nanazava, sady nareo naniry ty hifaly tsy ela tsy ela tamy ty fahazavany ao.
|
||
\v 36 Nefa ty fanambara ro mbo bevata noho ty an'i Jaona, fa asa namea Njanahary ho tanterahiko rey, asa ze anoviko rey, ro manambara ty mikasiky Ahy fa nirahy Njanahary Zaho.
|
||
\v 37 Njanahary Ze naniraky Ahy mihintsy ro nanambara Ahy. Tsy mbo nahare ty feony ndra nahita ty tarehiny nareo.
|
||
\v 38 Sady ty safany tsy mba mipetsaky anainareo ao, ssfe tsy mino azy nirahiny iny nareo.
|
||
\v 39 Mila ty Soratsy Masy nareo safe dinihinareo fa amy rey ao ro anananareo fiaina zisiky farany, sady Sarotsy Masy rey avao ro manambara mikasiky Ahy,
|
||
\v 40 nefa tsy vonona ty hamonjy Ahy nareo mba hanananareo fiaina.
|
||
\p
|
||
\v 41 Tsy mandramby laza baka amy ty olo Zaho,
|
||
\v 42 safe haiko fa tsy misy fitiava an-Janahary aminareo ao.
|
||
\v 43 Avy amy ty anara ty Babako Zaho, nefa tsy rambesinareo. Laha misy hafa avy amy ty anarany manoka, le ho rambesinareo ie.
|
||
\v 44 Ino ro hinoanareo, nareo ze mandramby laza baka amy ty olo-hafa nefa tsy mila ty laza ze baka amin-Janahary toka?
|
||
\p
|
||
\v 45 Ka mieritseritsy hoe Zaho ro hanome sazy anareo anila Njanahary. Azy raiky manasazy anareo iny le Mosesy, ze nametsahanareo ty fanantenanareo.
|
||
\v 46 Laha nino an'i Mosesy nareo le tokony hino Ahy, safe nanoratsy ty mikasiky Ahy ie.
|
||
\v 47 Laha tsy mino nisoratiny anareo rey, le anovinareo ino ro hino ty safako?
|
||
\c 6
|
||
\cl Toko 6
|
||
\p
|
||
\v 1 Tafara raha rey, le lasa nanapaky ty riaky i Galilia Jesosy, kaihy avao koa hoe riaky i Tibetiasy.
|
||
\v 2 Nisy olo lako mare nanaraky Azy safe hitan-drozy ty fahaiza ze nanoviny tamy narary rey.
|
||
\v 3 Niakatsy am-bohitsy Jesosy sady nipetsaky teny niaraky tamy mpianatsiny rey Ie.
|
||
\v 4 (Sady ty Paska, azy ingo fifalefaleaty Jiosy, le fa marina.)
|
||
\v 5 Lafa nanenty anabo Jesosy ka le nahita olo lako mare bey namonjy Azy, le hoy Ie tamy i Filipo hozao: “Aia ro hiviliantsika mofo mba hafahan-drozy mihina?”
|
||
\v 6 (Fa Jesosynivola zay mba hitsapa an'iFilipo, fa hainy ze hanoviny.)
|
||
\v 7 Sady Filipo namaly Azy hozao: “Ndra le mofo roanjato denaria ka tsy ho ampy ho ahy ty Kirai-draiky ndra kelikely iaby aza.”
|
||
\v 8 Raiky tamy mpianatsy rey, Andrea, rahalahy i Simona Petera, nivola tamy i Jesosy hozao:
|
||
\v 9 “Misy lahilahy raiky mana mofo limy eto noho fia roe, fa ino rey aloha olo lako reto?”
|
||
\v 10 Sady Jesosy nivola hozao: “Anovo mipetsaky ty olo” (Sady atsiky akata tamy azy toera iny eo.) Ka le nipetsaky olo rey, tamy ty dima arivo eo ty hisany.
|
||
\v 11 Bakeo Jesosy nangalaky mofo rey ka le lafa baka nino, le nizara zay tamy ze nipetsaky eo. Manahaky zay avao koa ro nanoviny tamy ty fia, lako manahaky ze nivolanin-drozy.
|
||
\v 12 Lafa vintsy ty olo, le hoy Ie tamy mpianany rey hozao: “Avorio sombitsombiny tavela rey, mba tsy hisy ho tsobo.”
|
||
\v 13 Ka le navorin-drozy zay ka le naha atsimy sobiky folo roa amby sombotsomby mofo limy sisa nenga nihina rey.
|
||
\p
|
||
\v 14 Bakeo, lafa nahita faiza nanoviny zay ty olo, le hoy ndrozy hozao: “Toy vatany azy to-resaky ze avy ho amy ty tany iaby toy eto.”
|
||
\v 15 Lafa hita i Jesosy fa ho avy ndrozy hangalaky Azy noho hanondrotsy Azy forise ho mpanjaka, le nimpoly tam-bohitsy eny raiky ndraiky Ie.
|
||
\p
|
||
\v 16 Lafa hariva ty andro, le nijotso tamy ty riaky any olo to-resaky rey.
|
||
\v 17 Nana any laka ao ndrozy, ka le nanapaky ty riaky ho Kapernaomy any. Fa maiky tamy zay, sady Jesosy mbo tsy niavy tamin-drozy eo avao.
|
||
\v 18 Nisy tsioky nitsioky nare, sady niha-nahery ty riaky.
|
||
\v 19 Lafa nitoly tamy ropo limy amby ndra telopolo stadio eo ndrozy, le nahita an'i Jesosy nandeha tamy ty riaky eo sady nanariny ty laka, ka le natahotsy ndrozy.
|
||
\v 20 Fa hoy Ie tamin-drozy hozao: “Zao avao toy! Ka matahotsy.”
|
||
\v 21 Bakeo le vonona ty handramby Azy tamy azy laka iny eo ndrozy, sady teo ro eo le niavy tamy toera andehanan-drozy iny eo laka iny.
|
||
\p
|
||
\v 22 Lafa maray iny, hita olo lako ze nitsanga tamy sisy ty riaky iny eo fa tsy nisy laka hafa teo hafa-tsy raiky iny avao, sady Jesosy tsy nilitsy tao niaraky tamy mpianatsiny rey fa nandeha raiky to-resaky iny.
|
||
\v 23 Nefa, nisy laka lako baka Tiberiasy anila azy toera ze nihinanan-drozy ty mofo baka nisaotsy ty Tompo iny any.
|
||
\v 24 Lafa hita ty olo lako fa tsy teo ndra Jesosy ndra mpianatsiny rey, le nilitsy tanay laka ao ndrozy sady nana Kapernaomy eny hila an'i Jesosy.
|
||
\p
|
||
\v 25 Lafa hitan-drozy tamy sisy ty renirano eny Ie, le hoy ndrozy taminy hozao: “Raby, ombia Iha ro niavy teto?”
|
||
\v 26 Jesosy namaly androzy, nanao hozao: “Volaniko aminareo marina, le marina vatany, fa mila Ahy nareo, tsy noho ty nahitanareo fahaiza, fa noho ty nihinananareo ty mofo ka le vintsy.
|
||
\v 27 Ka miasa ho ahy ty hany mety rava, fa miasà ho ahy ty hany ze ela ho ahy ty fiaina zisiky farany ze hamea ty Anan'olo anareo, safe Njanahary Ray ro nanisy tampô taminy.”
|
||
\p
|
||
\v 28 Bakeo le hoy ndrozy taminy hozao: “Ino ro tsy maintsy hanovinay, mba hananovanay asan-Janahary?”
|
||
\v 29 Jesosy namaly kanle nanao tamin-drozy hozao: “Zao ro asan-Janahary: le ty hinoanareo azy raiky ze nirahiny.”
|
||
\v 30 ka le hoy ndrosy takiny hozao: “Ino moa ro fahaiza hanovinao, mba hahitanay noho hinoanay anao? Ino ro hanovinao?
|
||
\v 31 Ty razanay nihina ty mana tany efitsy, manahaky ty voasoratsy hozao: ‘Nameany mofo baka an-danitsy any ndrozy hoahhiny.”
|
||
\p
|
||
\v 32 Bakeo Jesosy namaly androzy hozao: “Volaniko aminareo marina, le marina vatany, fa tsy Mosesy ro nanome anareo ty mofo baka an-danitsy any, fa ty Babako ro manome anareo ty tena mofo baka an-danitsy any.
|
||
\v 33 Safe ty mofon-Janahary ro mijotso baka an-danitsy any ka manome fiaina ho ahy ty tany iaby toy.”
|
||
\p
|
||
\v 34 Ka le hoasan-drozy taminy hozao: “Tompoko, ameo anay zisiky farany mofo zay.”
|
||
\v 35 Le hoy Jesosy tamin-drozy: “Zaho ro mofo ty fiaina; ze mamonjy Ahy tsy mba ty mosary sasy, sady ze mino Ahy tsy te hino rano sasy.
|
||
\v 36 Nefa fa nivolaniko taminareo fa nahita Ahy avao nareo, neca tsy mino.
|
||
\v 37 Ty iaby ze amea ty Babako Ahy le hamonjy Ahy, sady ze mamonjy Ahy ro tsy mba ho ariako.
|
||
\v 38 Fa nijotso baka an-danitsy any zaho, tsy mba hanao ty sitsapoko manoka, fa ty Sitsapony ze naniraky Ahy.
|
||
\v 39 Sady zao ro Sitsapony ze naniraky Ahy, le ty tsy hanariako ze nameany Ahy, fa hampitsanga androzy amy ty andro farany.
|
||
\v 40 Safe zao ro sitsapo ty Babako, le ty mba hahazo ty iaby ze mhita ty Anaky noho mino Azy ty fiaina zisiky farany sady ho hantsangako amy ty andro farany ie.
|
||
\p
|
||
\v 41 Bakeo nimenimeny miksiky Androzy Jiosy safe Ie nivola hozao: “Zaho ro mofo nijotso baka an-danitsy any.”
|
||
\v 42 Sady hoasan-drozy hozao: “Tsy azy Jesosy anaky i Josefa iny va io, ze haintsika ty ray aman-dreniny? Ino moa ro ivolanany hozao: ‘Nijotso baka an-danitsy any Zaho’?”
|
||
\v 43 Jesosy namaly ka le nanao tamin-drozy hozao: “Ajanono ty fimenimeny anivonareo eo.
|
||
\v 44 Tsy misy olo afaky mampnjy Ahy laha tsy Njanahary ze naniraky Ahy ro mitao azy, sady ho hatsangako ie amy ty andro farany.
|
||
\v 45 Zay ro voasoratsy amy ty boky ty olo to-resaky ao hozao: ‘Hampianarin-Janahary iaby ie.’ Ze iaby nahare noho nianatsy tamy Njanahary ro mamonjy Ahy.
|
||
\v 46 Tsy nisy nahita Njanahary, hafa-tsy ze baka amin-Janahary, ie ro nahita Njanahary.
|
||
\v 47 Volaniko aminareo marina, le marina vatany, fa ze mino ro mana fiaina zisiky farany.
|
||
\v 48 Zaho ro mofo ty fiaina.
|
||
\v 49 Ty Razanareo nihina ty mana tan'efitsy any, sady maty ndrozy.
|
||
\v 50 Toy ro mofo nijotso baka an-danitsy any, mba tsy ho maty ze mihina amy zay.
|
||
\v 51 Zaho ro mofo veli nijotso baka an-danitsy any. Laha misy olo mihina amy mofo toy, le ho velo zisiky farany ie. Ty mofo ze hameako ro notoko ho ahy ty fiaina ty tany iaby toy.”
|
||
\p
|
||
\v 52 Niha-meloky Jiosy rey ka le nannomboky nialy hevitsy, nanao hozao: “Ino ro afaha lahilahy io manome antsika ty nofotsiny hohany?” Sady hoy Jesosy tamin-drozy hozao:
|
||
\v 53 “Volaniko aminareo marina, le marina vatany, fa laha tsy mihina ty nofotsy ty Anan'olo nareo noho mino ty liony, le tsy hana fiaina aminareo ao.
|
||
\v 54 Ndra ia ndra ia mihina ty nofotsiko noho mino ty lioko le mana fiaina zisiky farany, sady hatsangako ie amy ty andro farany.
|
||
\v 55 Fa ty nofotsiko ro tena fihina, sady ty lioko ro tena finomy.
|
||
\v 56 Ze mihina ty nofotsiko noho mino ty lioko ro mipetsaky Amiko ao, sady Zaho aminy ao.
|
||
\v 57 Manahaky ty naniraha Njanahary velo Ahy, noho manahaky ty hivelomako noho Njanahary, ze mihina Ahy, le ho velo avao koa noho ty Amiko.
|
||
\v 58 Toy mofo nijotso baka an-danitsy any iny, tsy manahaky ty Raza nihina ka le maty. Ze mihina mofo toy ro velo zisiky farany.”
|
||
\v 59 Fa Jesosy nivola raha rey tamy ty synagoga ao lafa nampianatsy ta Kaoernaomy ao Ie.
|
||
\p
|
||
\v 60 dy lako tamy mpianatsiny ret ze nahare zay ro nivola hozao: “Fampianara sarotsy zay; ia ro afaky hanenky zay?”
|
||
\v 61 Jesosy, noho Ie nahay taminy ao fa nimenimeny tamy zay mpianatsiny rey, nivola rozy hozao: “Mampeloky anareo va zay?
|
||
\v 62 Ka le ino laha tokony hahita ty Anan'olo miakatsy amy ty nipetsahany taloha any nareo?
|
||
\v 63 Ty Fanahy ro manome fiaina; ty nofotsy tsy ahazoa ndra ino ndra ino. Safa ze nivolaniko taminareo rey le fanahy, sady fiaina rey.
|
||
\v 64 Mbo miay ilany aminareo tsy mino.” Fa Jesosy fa nahay zisiky amy ty velohany ze tsy hino noho ze hamitaky Azy.
|
||
\p
|
||
\v 65 Hoy Ie hozao: “Laha zayro afaky mamonjy Ahy laha tsy namea Njanahary Azy zay.”
|
||
\p
|
||
\v 66 Laha zay, lako tamy mpianatsiny rey ro nandeha sady tsy niaraky-lia taminy sasy.
|
||
\v 67 Le hoy Jesosy tamy folo roa amby rey hozao: “Tsy te-handeha koa va nareo, sa aha?”
|
||
\v 68 Sady Simona Petera namaly Azy hozao: “Tompo, ho amin'ia any moa zahay? Iha ro mana ty safa ty fiaiana zisiky farany,
|
||
\v 69 sady nino zahay ka le mamonjy mba hahay fa Iha ro azy Masy Njanahary iny.”
|
||
\v 70 Hoy Jesosy takin-drozy hozao: “Tsy Zaho va ro nitingy anareo, folo roamby, sady ty raiky aminareo ro devoly?”
|
||
\v 71 Sady Jodasy ana i Simona Iskariota ro resahiny, safe ie, azy raiky amin-drozy folo roamby iny, ze hamaliky an'i Jesosy.
|
||
\c 7
|
||
\cl Toko 7
|
||
\p
|
||
\v 1 tafara raha rey Jesosy le nandeha ta Galilia any, fa tsy te-ho a-Joda any anefa Ie noho Jiosy mila hamono Azy rey.
|
||
\v 2 Sady fa mariny ty andro fifalefalea ty Jiosy ty Tabernakely.
|
||
\v 3 Laha zay rahalahiny rey nivola taminy hozao: “Mialà amy toera toy sady mandehanà a-Jodia any, hafaha mpianatsinao rey mahita asa anovinao rey avao koa.
|
||
\v 4 Tsy misy olo manao raha tsy hita zay laha ie vatany sady te-ho hay amin'olo lako rey. Laha manao raha rey iha, le miboaha amy ty tany iaby toy.”
|
||
\v 5 Fa ndra rahalahiny aza tsy nino Azy.
|
||
\v 6 Laha zay Jesosy nivola androzy hozao: “Mbo tsy avy ty fotoako fa ty fotoanareo koa ro vonona lalandava.
|
||
\v 7 Tsy afaky ty halay anareo tany iaby toy, fa Zaho ro halany safe manambara fa raty asany rey.
|
||
\v 8 Nareo miakara amy ty fifalefalea any; fa Zaho koa tsy handeha amy zay safe tsy mbo avy ty fotoako.”
|
||
\v 9 Tafara ty nivolanany raha rey androzy, le nijano ta Galilia ao Ie.
|
||
\p
|
||
\v 10 Fa lafa niakatsy tamy ty fifalefalea any rahalahiny rey, le niakatsy tany avao koa Ie bakeo, tsy nisehoseho fa nivony.
|
||
\v 11 Nila azy tamy ty fifalefalea any Jiosy rey sady nivola hozao: “Aia Ie?”
|
||
\v 12 Nisy resaky lako mare miksiky Azy tanivo olo lako rey eo. Ty ilany mivola fa: “Lahilahy soa Ie.” Ilany hafa mivola hozao rey: “Aha, mitariky ty olo lako amy ty lala hafa any Ie.”
|
||
\v 13 Sady tsy nisy mahasaky niresaky amin'olo lako mikasiky Azy noho ty fatahora Jiosy rey.
|
||
\p
|
||
\v 14 Lafa nisasaky ty fifalefalea, le niakatsy tamy ty egilizy Jesosy any sady nanomboky nampianatsy.
|
||
\v 15 Bakeo le tseriky Jiosy rey, manao hozao: “Ino ro hahaiza lahilahy io iaby zay? Ie tsy mba niala fianara mihintsy.”
|
||
\v 16 Jesosy namaly androzy sady nanao hozao: “Tsy Ahy ty fampianarako, fa baka Aminy ze naniraky Ahy.
|
||
\v 17 Laha misy olo maniry hanao ty sitsapony, le hahay mikasiky fampianara io ie, ndra baka amin-Janahary zay, ndra Zaho ro mivola baka amy ty vatako.
|
||
\v 18 Ndra ia ndra ia mivola baka amy ty vatany le mila ty voninahitsy ty vatany manoka, fa ndra ia ndra ia mila ty voninahitsy ze naniraky azy, le olo io ro marina, sady tsy misy tsy fahamarina aminy ao.
|
||
\v 19 Tsy namea i Mosesy anareo va ty lalà? Nefa tsy misy aminareo miemby ty lalà. Nanino nareo ro mila hamono Ahy?”
|
||
\p
|
||
\v 20 Namaly ty olo lako hozao: “Iha ro misy demonia. Ia koa ro mila hamono anao?”
|
||
\v 21 Jesosy namaly ka le nivola androzy hozao: “Asa raiky ro anoviko, sady le tseriky noho zay iaby nareo.
|
||
\v 22 Namea i Mosesy ty fanavara nareo (tsy hoe baka amy i Mosesy zay fa baka amy raza rey), sady amy ty Sabata manavatsy olo nareo,
|
||
\v 23 Laha amy ty Sabata ro anavara ty olo mba tsy ho voadika ty lalà i Mosesy, le nanino nareo ro meloky amiko laha nanafaky tanteraky olo raiky tamy ty Sabata Zaho?
|
||
\v 24 Ka mitsada amy ty endriky ambaliky, fa mitsarà am-pahamarina.”
|
||
\p
|
||
\v 25 Nisy ilany tamy rey baka a-Jerosalema any nivola hozao: “Tsy toy va azy ilan-drozy ho vonoe io?”
|
||
\v 26 Henteo, miresaky mibaribary Ie, sady tsy misy mivola ndra ino ndra ino Azy ndrozy. Le ho hay mpanday rey vatany va fa Ie ro Kristy, sa ino? Fa
|
||
\v 27 haintsika hoe baka aia lahilahy io. Fa lafa avy azy Kristy iny, le tsy hisy hahay hoe baka aia Ie.”
|
||
\p
|
||
\v 28 Bakeo nikoraky mare Jesosy tan-degilizy ao, nampianatsy sady nivola hozao: “Nareo ro samby mahay ty safako sady mahay ty fiaviako. Tsy avy noho ty vatako manoka Zaho, fa azy naniraky Ahy iny ro marina, sady tsy hainareo Ie.
|
||
\v 29 Haiko Ie safe Zaho ro baka aminy any sady Ie ro naniraky Ahy.”
|
||
\p
|
||
\v 30 Niezaky ty hanambotsy Azy ndrozy, fa tsy nisy nanampatsy-tana taminy safe tsy mbo avy ty fotoany.
|
||
\v 31 Nefa lako tamy olo lako rey ro nino Azy, sady hoy ndrozy hozao: “Lafa avy azy Kristy iny, moa hanao fahaiza lako noho ty vita lahilahy io va Ie?”
|
||
\v 32 Nahare ty olo lako nibisibisiky raha mikasiky i Jesosy rey ty Fariseo, sadyty loha ty mpisoro noho Fariseo rey ro naniraky mpiemby raharaha hanambotsy Azy.
|
||
\p
|
||
\v 33 Hoy Jesosy bakeo hozao: “Kelikely sisa ty fotoa hiarahako aminareo, le handeha ho amy azy naniraky Ahy iny any Zaho.
|
||
\v 34 Hila Ahy nareo fa tsy nahita Ahy; ze handehanako, tsy ho azonareo andehana.”
|
||
\v 35 Laha zay Jiosy rey ro nifampiresaky hozao: “Fa handeha ho aia lahilahy io ro tsy ho vitantsika ty hila Azy? Handeha ho amy rey any ze niparitaky nana amy i Grika any le hananatsy Grika rey va?
|
||
\v 36 Sady ino ty dika ty safa nivolaniny hozao: ‘Hila Ahy nareo fa tsy hahita ahy; ze handehanako, tsy ho azonareo andehana’?”
|
||
\p
|
||
\v 37 Sady tamy farany, andro brvata amy ty fifalefalea, le nitsanga Jesosy sady nivola mare, manao hozao: “Laha misy te hino rano, engao ie hamonjy Ahy sady hino.
|
||
\v 38 Ze mino Ahy, manahaky ty voavola ty Soratsy Masy, le hirotsaky baka an-tsarotsony ao ty renirano velo.”
|
||
\v 39 Fa zao ro amabarany mikasiky ty Fanahy, ze nino Azy rey ro handramby; azy Fanahy iny ro tsy mbo namea safe tsy mbo nahazo voninahitsy i Jesosy.
|
||
\p
|
||
\v 40 Ty ilany tamy olo lako rey, lafa nahare safa rey, le nivola hozao: “Toy vatany azy olo to-resaky iny.”
|
||
\v 41 Hafa nivola hozao rey: “Toy azy Kristy iny.” Fa ty ilany nivola hozao: “Fa Kristy zany baka Galilia any?
|
||
\v 42 Tsy voavola ty Soratsy Masy va fa Kristy ro baka amy ty tariha i Davida sady baka Betlehema ao, azy tanà ze nisy an'i Davida iny?”
|
||
\v 43 Kable nisy fizara tamy ty olo lako eo noho Ie.
|
||
\v 44 Ty ilany tamin-drozy te-hanambotsy Azy, fa tsy nisy nanampatsy fana taminy.
|
||
\p
|
||
\v 45 Bakeo mpiemby raharaha nimpoly tamy loha ty mpisoro rey any noho Fariseo rey, ze nivola tamin-drozy hozao: “Nanino nareo ro tsy nanday Azy?”
|
||
\v 46 Namaly mpiemby raharaha rey hozao: “Tsy mbo nisy niresaky manahaky zay mihintsy.”
|
||
\v 47 Laha zay Fariseo rey namaly androzy hozao: “Voafitaky avao koa va nareo?
|
||
\v 48 Moa nisy tamy mpanapaky rey mba nino Azy, ndra tamy Fariseo rey?
|
||
\v 49 Fa olo lako rey ro tsy mahay ty lalà, voaozo rey.”
|
||
\p
|
||
\v 50 Nikodemosy (raiky amy Fariseo rey, ze avy aloha taminy eo), nivola hozao:
|
||
\v 51 “Moa va ty lalantsika mitsara olo aloha ty hahareza azy ka le ahaiza ze nanoviny?”
|
||
\v 52 Namaly ndrozy sady nivola taminy hozao: “Baka Galilia any koa va iha? Mikaroha sady Henteo fa tsy misy olo to-resaky baka Galilia any.”
|
||
\p
|
||
\v 53
|
||
\f + \ft Fahamarina: Ty dikan-tsafa taloha soa bibime le tsy ahita ty Jaona 7:53-8:11 \f* Bakeo ty Kirai-draikynana an-tsanony any iaby.
|
||
\c 8
|
||
\cl Toko 8
|
||
\p
|
||
\v 1
|
||
\f + \ft Fanamariha: Henteo ty fanamariha mikasiky i jaona 7:53-8:11 anabo eroy \f* Nana am-bohitsy i Oliva any Jesosy.
|
||
\v 2 Vo maray le nana an-degilizy eny ndraiky Ie, sady ty olo iaby namonjy Azy; nipetsaky Ie sady nampianatsy androzy.
|
||
\v 3 Mpanora-dalà rey noho Fariseo rey ro nanday ampela raiky tsatsy naheriloha. Napetsakin-drozy tanivony eo ie.
|
||
\v 4
|
||
\f + \ft Fanambara: Henteo ty fahamarina mikasiky i Jaona 7:53-8:11 anabo eroy \f* Bakeo hoasan-drozy taminy hozao: “mpampianatsy ô, ampela toy ro tsatsy tan-keriloha eo.
|
||
\v 5 Sady amy ty lalà ao, Mosesy nibeko anay mba hitoraky-vato ty olo manahaky zay; ino ro ambaranao mikasiky azy?”
|
||
\v 6 Nivolanin-drozy hamandriha Azy avao anefa zay mba afahan-drozy manasazy Azy, fa Jesosy koa niondriky sady nanoratsy tamy ty tany tamy ty ratsan-tanany.
|
||
\v 7
|
||
\f + \ft Fanamariha: Henteo ty fahamarina mikasiky i Jaona 7:53-8:11 anabo eroy \f* Lafa nampipetsaky fanintanea taminy direkita ndrozy, le nitsanga Ie ka le nivola androzy hozao: “Ze tsy nanota taminareo, engao ie ro hitoraky-vato azy velohany.”
|
||
\v 8 Le niondriky ndraiky Ie, sady nanoratsy tamy ty tany tamy ty rantsa-tanany.
|
||
\v 9
|
||
\f + \ft Fahamarina: Henteo ty fahamarina mikasiky i Jaona 7:53-8:11 anabo eny \f* Lafa nahare zay ndrozy, le niala kirai-draiky, nanomboky tamy ty zokiny bibiky. Sady ty farany le Jesosy raiky avao sisa ro tavela eo, niaraky tamy azy ampela ze tanivony eo iny.
|
||
\v 10 Nitsanga Jesosy ka le nivola taminy hozao: “Ampela, fa nandeha aia mpanasazy anao rey? Tsy misy manasazy anao va?”
|
||
\v 11 Hoy ie hozao: “Tsy misy, Tompoko.” Sady hoy Jesosy hozao: “Tsy manasazy anao Zaho. Mandehana sady ka manota sasy.”]
|
||
\p
|
||
\v 12 Nivola tamin-drozy ndraiky Jesosy, manao hozao: “Zaho ro fahazava ty tajy iaby toy hozao: “Zaho ro fahazava ty tany iaby toy; ze manoriky Ahy le tsy handeha amy ty haiky fa hana ty fahazava ty fiaina,”
|
||
\v 13 Hoy fariseo rey taminy hozao: “Iha ro manambara ty vatanao; tsy marina ty fanambaranao.”
|
||
\v 14 Jesosy namaly ka le nanao tamin-dozy hozao: “Ndra manambara ty vatako aza Zaho, le marina ty fanambarako. Haiko ty niaviako noho ty lala andehanako, fa nareo koa tsy mahay ze niaviako ndra ze andehanako.
|
||
\v 15 Nareo ro mitsara manahaky ty nofotsiko; fa Zaho tsy mitsara ndra ia ndra ia.
|
||
\v 16 Ndra le mitsara aza Zaho; le marina ty fitsarako safe tsy raiky Zaho, fa miaraky amy Njanahary ze naniraky Ahy.
|
||
\v 17 Eka, sady amy ty lalànareo ao ro voasoratsy fa marina ty fitsangana ty olo roe vavolombelo.
|
||
\v 18 Zaho ro manambara ty teako, sady Njanahary ze naniraky Ahy avao koa ro manambara Ahy.”
|
||
\p
|
||
\v 19 Hoasan-drozy hozao: “Aia ty babanao?” Jesosy namaly hozao: “Tsy hainareo ndra Zaho ndra ty Babako; laha nahay Ahy nareo, le mahay ty Babako avao koa.”
|
||
\v 20 Tanilany eo fandatsahan-drakitsy Ie ro nivola safa zay laha Ie nampianatsy tamy ty egilizy iny eo, sady tsy nisy nanambotsy Azy safe tsy mbo avy ty lerany.
|
||
\p
|
||
\v 21 Sady hoy ndraiky Ie tamin-drozy hozao: “Handeha Zaho; hila Ahy nareo sady ho faty amy ty fahotanareo. Ze andehanako, le tsy ho azonareo handeha.”
|
||
\v 22 Hoy Jiosy rey hozao: “Hamono tena va Ie? Zay va ro antony nivolanany hozao: ‘Ze andehanako, le tsy azonareo handehana’?”
|
||
\v 23 Hoy Jesosy tamin-drozy hozao: “Baka anabo etoy nareo! Zaho tsy baka anabo any. Baka amy ty tany iaby toy nareo; Fa zaho tsy baka amy ty tany iaby toy.
|
||
\v 24 Laha zay, nambarako taminareo fa ho maty amy ty fahotanareo ao nareo. Fa laha tsy mino nareo fa ZAHO RO IE, le ho mary amy ty fahotanareo nareo.”
|
||
\p
|
||
\v 25 Laha zay le hoasan-drozy taminy hozao: “Ia moa Iha?” Hoy Jesosy tamin-drozy hozao: “Manahaky ze voavola taminareo zisiky amy velohany.
|
||
\v 26 Mana raha lako hovolany noho hotsarà mikasiky anareo Zaho. Neva, Ie ze naniraky Ahy le marina; sady raha ze reko baka aminy rey, le hambarako amy ty tany iaby toy.”
|
||
\p
|
||
\v 27 Tsy azon-drozy nefa fa Ie ro niresaky tamin-drozy mikasiky Njanahary.
|
||
\v 28 Hoy Jesosy hozao: “Lafa asondrotsinareo ty Anan'olo, le ho hainareo fa zaho ro IE, sady tsy manao ndra ino ndra ino ho Ahy Zaho. Manahaky ty nampianary Njanahary Ahy, ro hivolanako raha rey.
|
||
\v 29 Ie ze naniraky Ahy le miaraky amiko, sady tsy nanenga Ahy ho raiky Ie, noho Zaho manao ze ankasitsahiny zisiky farany.”
|
||
\v 30 Laha nivola raha rey Jesosy, le lako ro nino Azy.
|
||
\p
|
||
\v 31 Jesosy nivola tamy Jiosy ze nino Azy rey hozao: “Laha mipetsaky amy ty safako nareo, le ho tena mpianatsiko;
|
||
\v 32 sady ho hainareo ty marina, sady ty marina hanafaky anareo.”
|
||
\v 33 Sady ndrozy namaly Azy hozao: “Tariha i Abrahama zahay sady tsy mbo nandevozin'ia ndra ia nanomboky tamy zay; ka le ino ro ivolananao hozao: ‘Ho afaky nareo’?”
|
||
\v 34 Jesosy namaly androzy hozao: “Volaniko aminareo, marina, le marina vatany, fa ze manota rey ro andevozy ty ota.
|
||
\v 35 Ty andevo ro tsy mipetsaky an-tsano ao zisiky farany; fa ty anaky ro mipetsaky zisiky farany.
|
||
\v 36 Laha zay, laha ty Anaky ro manafaky anareo, le ho afaky vatany nareo.
|
||
\v 37 Haiko fa tariha i Abrahama nareo; mila ze hahafaty Ahy safe tsy mana toera aminareo ao ty safako.
|
||
\v 38 Mivola ze hitako niaraky tamy ty Babako Zaho, sady nateo koa manao ze renareo tamy ty babanareo.”
|
||
\p
|
||
\v 39 Namaly ndrozy ka le nivola taminy hozao: “Abrahama ro babanay.” Jesosy nivola androzy hozao: “Laha ana i Abrahama nareo, le hanao ty asa i Abrahama.
|
||
\v 40 Nefa, amy zao nareo mila hamono Ahy, ze lahilahy nivola taminareo ty marina ze reko tamin-Janahary, Abrahama tsy nanao zay.
|
||
\v 41 Nareo ro manao ty asa ty babanareo.” Hoasan-drozy taminy hozao: “Tsy teraky tamy ty heriloha zahay; raiky avao ty Babanay: le Njanahary.”
|
||
\v 42 Jesosy nivola androzy hozao: “Laha Njanahary ro babanareo, le tokony ho tea Ahy nareo, safe baka amin-Janahary ro niboahako noho nandehanako atoy; fa tsy niavy ho azy Zaho, fa Ie ro naniraky Ahy.
|
||
\v 43 Nanino ro tsy azonareo ty safako? Zay ro safe tsy afaky hanenky ty safako nareo.
|
||
\v 44 Baka amy ty babanareo nareo, azy devoly iny, sady ty teanareo anovy le ty filà ze nanovy ty babanareo. Mpamono olo zisiky amy zay ie sady tsy mitsanga amy ty fahamarina safe tsy misy marina aminy ao. Lafa mavandy Ie, le ty toetsay fanoviny avao ro volaniny safe mpavandy Ie sady tompo ty vandy.
|
||
\v 45 Nefa, safe mivola ty marina Zaho, le tsy mino Ahy nareo. Ia
|
||
\v 46 aminareo ro manasazy Ahy amy ty fahota? Laha mivola ty marina Zaho, nanino ro tsy hitanareo?
|
||
\v 47 Ze baka amin-Janahary le mahare ty safan-Janahary; tsy mahare zay nareo safe tsy baka amin-Janahary.”
|
||
\p
|
||
\v 48 Namaly Jiosy rey ka le nivola taminy hozao: “Moa va tsy mivola ty marina zahay fa Samaritana Iha sady misy demonia?”
|
||
\v 49 Jesosy namaly hozao: “Tsy misy demonia zaho, fa manome voninahitsy ty Babako, sady nareo tsy manome voninahitsy Ahy.
|
||
\v 50 Tsy mila ty voninahitsiko Zaho; misy faiky mila noho mitsara.
|
||
\v 51 Volaniko aminareo, marina le marina vatany, fa laha misy miemby ty safako, le tsy hahita fahafatesa zisiky farany ie.”
|
||
\p
|
||
\v 52 Hoy Jiosy rey taminy hozao: “Amy zay hainay fa mana demonia Iha. Fa maty Abrahama noho olo to-resaky; nefa iha mivola hozao: ‘Laha misy miemby ty safako, le tsy hahita fahafatesa zisiky farany ie.’
|
||
\v 53 Tsy bevata noho ty babanay Abrahama ze fa maty Iha, sa va bey? Olo to-resaky rey avao koa le maty. Manao ty vatanao ho Ia moa Iha?”
|
||
\v 54 Jesosy namaly hozao: “Laha mandrengy ty vatako Zaho, le ho tsy misy dikany ty voninahitsiko; ro mandrengy Ahy.
|
||
\v 55 Tsy hainareo Ie, fa Zaho mahay Azy. Laha mivola Zaho hozao: ‘Tsy mahay Azy Zaho,’ le hanahaky anareo, mpavandy. Nefa, haiko Ie ka le miemby ty safany Zaho.
|
||
\v 56 Ty babanareo ro nifaly nahita ty androko; nahita zay ie le faly.”
|
||
\p
|
||
\v 57 Hoy Jiosy taminy rey hozao: “Mbo tsy misy dimampolo tao aza Iha, Kanle ho fa nahita an'i Abrahama va?
|
||
\v 58 Sady ho y Jesosy tamin-drozy hozao: “Volaniko aminareo, marina, le marina vatany, taloha ty niteraha i Abrahama, le Zaho ro Ie.”
|
||
\v 59 Bakeo le nangalaky vato hatoraky Azy ndrozy, fa Jesosy koa niara ka le niboaky ty egilizy.
|
||
\c 9
|
||
\cl Toko 9
|
||
\p
|
||
\v 1 Sady laha nandalo Jesosy, le nahita lahilahy jiky zisiky amin-drozy vo teraky.
|
||
\v 2 Nanontany Androzy ty mpianatsiny hozao: “Raby, ia lahy ro nanota, lahilahy io sa ray aman-dreniny rey, ro ke tsraky jiky manahaky zao ie?”
|
||
\v 3 Jesosy namaly hozao: “Tsy lahilahy io ro nanota, ndra ty ray aman-dreniny, fa nanovy zao mba hampitoroa aminy ty asan-Janahary.
|
||
\v 4 Tsy maintsy manao ty asa ze naniraky Ahy tsika laha mbo mazava. Fa ho avy ty haly ze tsy afahan'ia ndra ia miasa sasy.
|
||
\v 5 Laha mbo amy ty tany iaby toy Zaho, le Zaho ro fahazava ty tany iaby toy.”
|
||
\p
|
||
\v 6 Lafa baka nivola zay Jesosy, le nandora tamy ty tany, sady nanao feta tamy azy ivy iny, ka le nanosotsy ty fotaky tamy ty maso azy lahilahy iny.
|
||
\v 7 Hoy Ie taminy hozao: “Mandehana, sadao amy ty rano ty Siloama eny (ze adika hozao: nirahy) ty nimpoly nahita, nanasa zay, sady nim oly nahita.
|
||
\v 8 Sady nifampanontany olo miharo rindry tsano tamy ty lahilahy noho ze nahita azy nangataky taloha rey nanao hozao: “Tsy toy va lahilahy nipetsaky nangataky teto iny?”
|
||
\v 9 Ty ilany nanao hozao: “Ie io.” Sady ty hafa nivola hozao: “Aha, fa mitovy aminy avao ie.” Fa ie koa nanao hozao: “Zaho toy.”
|
||
\v 10 Hoasan-drozy taminy hozao: “Ka le ino moa ro nahita ty masonao?”
|
||
\v 11 Namaly ie hozao: “Azy lahilahy kaihy hoe Jesosy iny ro nanao feta sady nanosotsy zay tamy ty masoko ka le nivola tamiko hozao: ‘Mandehana a-Siloama any sady sasao ty masonao.’ Le nandeha zaho sady nanasa zay, ka le nahita.”
|
||
\v 12 Hoasan-drozy taminy hozao: “Aia Ie? Le nivaliny hozao: “Tsy haiko.”
|
||
\p
|
||
\v 13 Nandesin-drozy tamy ty fariseo eo azy lahilahy ze jiky taloha iny.
|
||
\v 14 Tamy ty andro Sabata moa ro nananova i Jesosy ty feta noho nampahitany ty masony.
|
||
\v 15 Sady nanontany azy ndraiky Fariseo rey ty amy ty fomba nahitany. Hoy ie tamin-drozy hozao: “Nasiany feta ty, asoko, nisasako, ka le mahita zaho zao.”
|
||
\v 16 Ty ilany tamy faroseo rey nivola hozao: “Tsy baka amin-Janahary lahilahy toy safe tsy mba manaja ty andro Sabata.” Ty hafa nanao hozao: “Ino ro afaha ty olo mpanota manao fahaiza bevata manahaky zao?” Ka le nisy fizarazara tamin-drozy eo.
|
||
\v 17 Ka le nimpoly nanontany lahilahy jiky iny ndraiky ndrozy hozao: “Ino ro hambaranao mikasiky Azy, zisky amy ty nampahiraty ty masonao?” Hoy azy ahilhy jiky hozao: “To-resaky Ie.”
|
||
\p
|
||
\v 18 Sady mbo tsy nino ty mikasiky azy avao Jiosy rey hoe ie ro fa jiky ka le nahita laha tsy nikaiky ty raty aman-drenipy azy lahilahy nahita iny ndrozy.
|
||
\v 19 Nanontany ray aman-dreny rey ndrozy hozao: “Toy va azy ananareo ze volaninareo fa hoe teraky jiky iny? Ka ino sady ro ahitany zao?”
|
||
\v 20 Sady le nivaly ray amandren-dreniny rey hozao: “Hainay fa ananay io sady teraky jiky ie.
|
||
\v 21 Fe ty amy ty nahitany, tsy hainay, sady ze nampahita ty masony, tsy hainay. Anontaneko azy, fa bevata ie. Afaky mivola ho ahy ty vatany ie.”
|
||
\v 22 Nilaza zay ray aman-dreniny rey, safe natahotsy Jioay rey ndrozy. Safe fa nifanenky Jiosy rey fa laha misy manenky Azy ho Kristy, le ho roahy hiala amy ty synagoga ao ie.
|
||
\v 23 Noho ty amy zay, ro nivola ray aman-dreny rey hozao: “Fa bevata ie, ie ro anontaneo.”
|
||
\p
|
||
\v 24 Sady nikaiky azy lahilahy jiky taloha iny fanindroeny ndraiky ndrozy le nivola taminy hozao: “Ameo voninahitsy Njanahary. Hainay fa mpanonta lahilahy zay.”
|
||
\v 25 Bakeo le namaly azy lahilahy iny hozao: “Tsy haiko aloha laha mpanonta Ie. Ty iko aloha ke zao: fa nijiky zaho taloha, fa amy zao zaho mahita.”
|
||
\v 26 Bakeo le hoasan-drozy taminy hozao: “Fa ino ro nanoviny taminao? Ino ty fomba nampahitany ty masonao?”
|
||
\v 27 Le namaly ie hozao: “Fa nambarako taminareo, fa tsy nijanjy nareo! Ka le nanino nareo ro te-hijanjy zay ndraiky? Te-ho anay ty mpianatsiny vao koa va nareo, sa tsy zay?”
|
||
\v 28 Nikizaky azy ndrozy ka le nivola hozao: “Nareo ro mpianatsiny, fa zahay mpianatsy i Mosesy.
|
||
\v 29 Haianay fa niresaky tamy i Mosesy Njanahary, fa laha lahilahy zay le tsy hainay ze niaviany.”
|
||
\v 30 Le namaly lahilahy iny ka le nanao tamin-drozy hozao: “Mahatseriky zay, tsy hainareo ze niaviany, nefa nampahita ty masoko Ie.
|
||
\v 31 Haintsika fa tsy mijanjy mpanota Njanahary rey, fa laha misy mazoto mivavaky noho manao ty sitsapony, le mijanjy azy Ie.
|
||
\v 32 Zisiky amy ty nanomboja ty tany iaby toy le tsy mbo re mihintsy hoe nisy nampahita ty maso ze teraky jiky.
|
||
\v 33 Ka le laha tsy baka amin-Janahary lahilahy zay, le tsy mahefa ndra ino ndra ino.”
|
||
\v 34 Sady le namaly ndrozy ka le nanao taminy hozao: “Tena teraky tamy ty ota iha, le iha ndriky va ro hampianatsy anay?” Bakeo le nitoahin-drozy hiboaky ie.
|
||
\p
|
||
\v 35 Re i Jesosy fa niroahin-drozy tamy ty synagoga ao ie. Sady Ie nahita azu le nivola hozao: “Mino ty anan'olo va iha?”
|
||
\v 36 Namaly ie hozao: “Ia moa ro Ie, Tompo, mba hinoako Azy?”
|
||
\v 37 Jesosy nanao taminy hozao: “Fa nahita Azy iha, sady azy raiky ze miresaky aminao zay zao.”
|
||
\v 38 Hoy azy lahilahy iny hozao: “Tompo, mino zaho.” sady nanompo Azy ie.
|
||
\p
|
||
\v 39 Jesosy nivola hozao: “Fa fitsara ro niaviako amy ty tany iaby toy mba hahita ze jiky rey sady mba hanjary jiky ze mahita rey.”
|
||
\v 40 Nahare zay ty ilany tamy Fariseo ze naniraky taminy ka le nanontany Azy rey hozao: “Sady zahay avao koa va jiky?”
|
||
\v 41 Fa Jesosy nivola tamin-drozy hozao: “Laha jiky nareo, le tsy ho nanan-kelo, fa nareo koa amy zao mibola hozao: ‘Mahita zahay,’ le mbo mipetsaky ty helokinareo.”
|
||
\c 10
|
||
\cl Toko 10
|
||
\p
|
||
\v 1 “Volaniko aminareo, marina, le marina vatany, fa ze tsy militsy ty vavahady ho amy ty valan'aondry, fa manganiky lala hafa, le mpangalatsy noho mpandrava ie.
|
||
\v 2 Fa ze militsy ty vavahady Koa ro mpiemby aondry soa.
|
||
\v 3 Ie ro vaha ty mpiemby vavahasy. Mahare ty feony ty aondry, sady ie mikaiky ty aondriny manoka aky ty anarany ka le manday azy miboaky.
|
||
\v 4 Lafa nampiboaky ty azy iaby ie, le nitari-dala androzy, sady manoriky azy ty aondriny, safe mahay ty feony.
|
||
\v 5 Sady tsy hanoriky vahiny ndrozy fa hily azy koa, safe tsy hainy ty feo ty vahiny.”
|
||
\p
|
||
\v 6 Jesosy nivola fanohara zay tamin-drozy, safe tsy azon-drozy vasa raha nibolaniny tamin-drozy rey.
|
||
\v 7 Le hoy ndraiky Jesosy tamin-drozy hozao: “Volaniko aminareo, marina, le marina vatany, fa Zaho ro vavahadin'aondry.
|
||
\v 8 Ze iaby avy talohako ro mpangalatsy noho mpandrava, safe tsy nijanjy androzy ty aondry.
|
||
\v 9 Zaho ro vavahady. Laha misy militsy amy ty alalako ao, le ho voasarombaky ie; hilitsy noho hiboaky ie sady hahita ty fihinana.
|
||
\v 10 Fa ty mpangalatsy tsy avy laha tsy hangalatsy noho hamono sady handrava. Fa Zaho koa avy mba hananan-drozy fiaina sady hana zay bevata mare.
|
||
\p
|
||
\v 11 Zaho ro mpiemby soa. Ty mpiemby soa ro manome ty ainy hamonjea ty aondry.
|
||
\v 12 Ty mpikarama ro tsy mpiemby sady tsy tompo ty aondry. Laha nahita alika-li mamonjy ie le hiala ty aondry ka le hiala, sady ty alika-li manambotsy noho mampiparitaky androzy.
|
||
\v 13 Milay ie safe mpikarama ka le tsy midary ty aondry.
|
||
\v 14 Zaho ro mpiemby aondry soa, sady haiko ty Ahy, sady hainy Zaho.
|
||
\v 15 Njanahary mahay Ahy, sady Zaho mahay Njanahary, sady Zaho manome ty aiko ho ahy ty aondry.
|
||
\v 16 Mana aondry hafa ze tsy amy vala toy Zaho. Tsy maintsy ho andesiko avao koa reny, sady ndrozy hahare ty feoko mba ho avy pakony raiky avao noho mpiemby raiky.
|
||
\v 17 Zao ro antony hitiava Njanahary Ahy: Mahafoy manome ty aiko Zaho mba handrambesako zay ndraiky.
|
||
\v 18 Tsy misy mangalaky zay amiko, fa ty vatako avao ro manome zay. Mana fahefa hanome zay Zaho, sady mana fahefa hangalaky zay ndraiky. Lily zay ro azoko baka amy ty Babako.”
|
||
\p
|
||
\v 19 Nisy fozarazara ndraiky tamy Jiosy noho safa rey.
|
||
\v 20 Lako tamin-drozy ro nivo, a hozao: “Mana demonia Ie sady gegy. Nanino nareo ro mijanjy Azy?”
|
||
\v 21 Ty ilany nivola hozao: “Tsy fivolana ty olo misy demonia zay. Moa ty demonia afaky mampahita ty maso ty Jiky?”
|
||
\p
|
||
\v 22 Bakeo avy ty fety ty fanokana ta Jerosalema ao.
|
||
\v 23 Manintsy tamy zay, sady Jesosy nitsanga tan-kianja ty egilizy eo tamy ty fialofa i Solomona eo.
|
||
\v 24 Bakeo nisamboria Jiosy rey Ie sady nivola taminy hozao: “Zisiky-ombia ro hampisalasalanao anay? Laha Iha ro Kristy, le ambarao mibaribary aminay.”
|
||
\v 25 Sady Jesosy namaly androzy hozo: “Fa nambara anareo zaho, fa tsy mino nareo. Asa ze anoviko amy ty anara ty Babako rey, ro manambara ty mikasiky Ahy rey.
|
||
\v 26 Nefa nareo tsy mino safe tsy mba aondriko.
|
||
\v 27 Mahare ty feoko ty andriko; haiko ndrozy, sady manaraky Ahy.
|
||
\v 28 Ameako androzy ty fiaina zisiky farany; ka le tsy ho maty zisiky farany ndrozy, sady tsy hisy handrava azy am-pelatanako eo.
|
||
\v 29 Ty Babako, ze nanome Ahy rey, le bevata noho ty hafa iaby, sady tsy misy mahavita mandrava androzy am-pelatana ty Njanahary eo.
|
||
\v 30 Zaho noho Njanahary le raiky avao.”
|
||
\p
|
||
\v 31 Bakeo nangalaky vato ndraiky Jiosy rey mba hitoraky-vato Azy.
|
||
\v 32 Sady Jesosy namaly androzy hozao: “Lako ty asa soa natoroko anareo baka amy Njanahary. Ka le ino tamy asa reyny ro hotorahanareo vato Ahy?”
|
||
\v 33 Namaly Androzy Jiosy hozao: “Tsy ty asa soa ro hitorahanay vato anao, fa ty fivolana-raty, safe iha, olombelo, ro manao ty vatanao ho Njanahary.”
|
||
\v 34 maly androzy Jesosy hozao: “Tsy fa voasoratsy amy ty lalànareo ao va hozao: ‘Hoy Zaho hozao: “njanahary nareo”’?
|
||
\v 35 Laha nikaiky rey ho njanahary ie, le ho an'ia zay ro niavia ty safan-Janahary (sady ty Soratsy Masy ro tsy azo arava),
|
||
\v 36 moa va azy nihamasiny Njanahary iny noho nirahy ho amy ty tany iaby toy ro anovinareo hozao: ‘Mivola raty Iha,’ noho Zaho nivola hozao: ‘Zaho ro Anan-Janahary’?
|
||
\v 37 Laha tsy manao asa Babako rey Zaho, le ka mino Ahy.
|
||
\v 38 Fa laha manao reny Zaho, ndra tsy mino Ahy aza nareo, le minoa asa rey mba hahaizanareo noho hahazoanareo fa Njanahary ro Amiko ato sady Zaho amy Njanahary ao.”
|
||
\p
|
||
\v 39 Mbo naniry ty hanambotsy Azy ndraiky ndrozy, fa nilay Ie.
|
||
\p
|
||
\v 40 Le nana an-dafy i Jordana any ndraiky Ie ho amy azy toera nananova i Jaona batisa velohany iny any, sady nipetsaky eo.
|
||
\v 41 Lako ty olo namonjy Azy sady hoasa-ndrozy hozao: “Jaona tsy mb nanao fahaiza, fa ty raha iaby nivolany i Jaona mikasiky lahilahy io ro marina.”
|
||
\v 42 Lako ty olo nino Azy eo.
|
||
\c 11
|
||
\cl Toko 11
|
||
\p
|
||
\v 1 Sady nisy lahilahy raiky narary kaihy hoe Lazarosy. Baka Betania ao ie, tanà i Maria noho Marta rahavaviny.
|
||
\v 2 Maria ro nanosotsy menaky manitsy ty Tompo noho nanalio ty tombokiny tamy ty volony, sady Lazarosy anadahiny ro narary.
|
||
\v 3 Sady mpirahavavy naniraky olo ho amy Jesosy any rey, nivola hozao: “Tompo, henteo, fa marary azy teanao iny.”
|
||
\v 4 Lafa re i Jososy zay, le hoy Ie hozao: “Tsy fahafatesa ro hiafara arety toy, fa koa ho fanoroa ty voninahitsin-Janahary mba hanondrotsy ty Anan-Janahary amy ty alala zay.”
|
||
\v 5 Sady Jesosy ro tea an'i Marta noho ty rahavaviny sady Lazarosy.
|
||
\v 6 Ka le lafa nahare Jesosy fa marary Lazarozy, le mbo nijano ndroe andro tamy ty toera nisy Azy Ie.
|
||
\p
|
||
\v 7 Sady tafara zay, le nivola tamy mpianatsy rey Ie hozao: “Ndao tsika ho a-Joda any ndraiky.”
|
||
\v 8 Hoy mpianatsy rey taminy hozao: “Raby, amy zao le maniry ty hitoraky-vato Anao Jiosy rey, k le mbo himpoly ho any ndraiky va Iha?”
|
||
\v 9 Sady namaly Jesosy hozao: “Tsy folo roe amby va ty fahazava ty andro? Laha misy olo mandeha amy ty andro mazava, le tsy ho heloky ie, safe mahita ty fahazava ty tany iby toy.
|
||
\v 10 Nefa, laha mandeha amy ty haly ie, le ho heloky safe tsy aminy ao ty fahazava.”
|
||
\p
|
||
\v 11 Nivola raha rey Ie, sady tafara raha rey, le hoy Ie tamin-drozy hozao: “Andesin-droro Lazarosy namantsika, fa handeha Zaho mba hafahako mamoha azy amy ty roro.”
|
||
\v 12 Ka le hoy mpianatsy rey taminy hozao: “Tompo, laha andesin-droro ie, le ho soa.”
|
||
\v 13 Nefa Jesosy nivola ty fahafatesany, fe nidinihin-drozy fa fiala-havozaha amy ty roro ro nivolinany.
|
||
\v 14 Bakeo Jesosy nivola moramora tamin-drozy hozao: “Maty Lazarosy.
|
||
\v 15 Faly zaho, noho ty aminareo, fa tsy tany Zaho mba hahavy anareo hi o. Handeha tsika ho aminy any.”
|
||
\v 16 Tomasy, ze kaihe hoe Didymo, le nivola tamy mpianatsy namany rey hozao: “Handeha koa tsika mba hiara-maty amy i Jesosy.”
|
||
\p
|
||
\v 17 Lafa avy Jesosy, le hitany fa nalevy efats'andro tan-dolo ao Lazarosy.
|
||
\v 18 Sady Betania ro fa mariny an'i Jerosalema, amy ty folo limy amby stadio eo ro anivony.
|
||
\v 19 Lako Jiosy niavy rey tamy i Marta noho Maria ao, mba hampahery androzy noho ty fahafatesa ty anadahin-drozy rey.
|
||
\v 20 Bakeo Marta, lafa nahare fa niavy Jesosy, le nandeha nitsena Azy, fa Maria koa nipetsaky tan-tsano ao.
|
||
\v 21 Le nivola tamy i Jesosy Marta hozao: “Tompo, laha teto iha, le tsy maty ty anadahiko.
|
||
\v 22 Nefa ndra le amy zao aza, le haiko fa ndra ino ndra ino angatahinao amin-Janahary, le hameany anao zay.”
|
||
\v 23 Hoy Jesosy taminy hozao: “Ty anadahinao ro hitsangako-ho velo ndraiky.”
|
||
\v 24 Marta novola taminy hozao: “Haiko fa hitsanga ndraiky ie amy ty fitsangana ty maty amy ty andro farany.”
|
||
\v 25 Le hoy Jesosy taminy hozao: “Zaho ro fanangana ty maty sady fiaina; ze mino Ahy, ndra le maty aza ie, le ho velo;
|
||
\v 26 sady ndra ia ndra ia velo ka le mino Ahy le tsy ho faty zisiky farany. Mono zay va iha?”
|
||
\v 27 Hoy ie taminy hozao: “Eka, Tompo, mino zaho fa Iha ro Kristy, Anan-Janahary, azy ho avy amy tany iaby toy eto.”
|
||
\p
|
||
\v 28 Lafa vaovolany zay, le nandeha ie nikaiky milamy an'i Maria rahavaviny. Hoy ie hozao: “Niavy ty Mpampianatsy sady mikaiky anao ie.”
|
||
\v 29 Lafa re i Maria zay, le nitsanga malaky ie le nana aminy any.
|
||
\v 30 Sady Jesosy tsy mbo niavy tan-tanà ao fa mbo tamy azy toera nitojeha i Maria taminy iny eo avao.
|
||
\v 31 Laha zay Jiosy rey, ze niaraky taminy tan-tsano ao noho nampahery azy, lafa nahita an'i Maria nitsanga malaky ka le nandeha niboaky, le nanoriky azy, nihevitsy fa handeha hitany amy ty lolo any ie.
|
||
\p
|
||
\v 32 Lafa avy tamy ty toera nisy an'i Jesosy any i Maria ka le nahita Azy, le nandohaliky ie sady nivola taminy hozao: “Tompo, laha teto iha, le tsy maty ty anadahiko.”
|
||
\v 33 Lafa nahita azy notany Jesosy, sady Jiosy niaraky taminy rey koa nitany, le vonto ty fanahiny sady velo ty sandriny Ie;
|
||
\v 34 le hoy Ie hozao: “Taia ro nandevenanareo azy?” Le hoy ndrozy taminy hozao: “Tompo, avia sady Henteo.”
|
||
\v 35 Nitany Jesosy.
|
||
\v 36 Bakeo hoy Jiosy rey hozao: “Henteo ty habevata ty fitiavany an'i Lazarosy!”
|
||
\v 37 Fa ty ilany tamin-drozy nivola hozao: “Moa va tsy hay azy lahilahy iny toy, ze nampahita ty maso azy jiky iny, ty manao ze tsy ho nahafaty lahilahy toy koa?”
|
||
\p
|
||
\v 38 Bakeo ndraiky Jesosy, laha mbo meloky ty fanahiny, le nana amy ty lolo eny. Sady zohy zay, sady misy vato misaro azy.
|
||
\v 39 Hoy Jesosy hozao: “Alao hiala ty vato.” Marta, anabavy i Lazarosy, azy maty iny, nivola tamy i Jesosy hozao: “Tompo, fa maimbo ty vatany laha amy fotoa zao, safe efats'andro zao ro nahafatesany.”
|
||
\v 40 Sady Jesosy nivola taminy hozao: “Tsy fa nivolaniko anao va fa, laha nino iha, le ho hitanao ty voninahitsin-Janahary?”
|
||
\p
|
||
\v 41 Le nalan-drozy ty vato. Jesosy nanondrotsy ty masony ka le nivola hozao: “Njanahary ô, misaotsy Anao Zaho safe nijanjy Ahy Iha.
|
||
\v 42 Haiko fa mijanjy Ahy zisiky farany Iha, fa noho ty olo lakp mitsanga miodidy Ahy ro nivolaniko zay, mba hafahan-drozy mino fa Iha ro naniraky Ahy.”
|
||
\v 43 Lafa baka nivola zay Ie, le nikaiky tamy ty feo mare hozao: “Lazarosy, miboaha!”
|
||
\v 44 Niboaky azy lahilahy maty iny; nisy fehim-paty ty tombokiny noho ty tanany, sady voafehy siky koa ty tarehiny. Hoy Jesosy tamin-drozy hozao: “Vahao ie sady engao handeha.”
|
||
\p
|
||
\v 45 Bakeo lako tamy Jiosy ze avy tamy i Maria rey noho nahita ty nanovy i Jesosy, ro nino Azy;
|
||
\v 46 Fa ty ilany tamin-drozy koa lasa nandeha nana amy ty Fariseo any sady nivola tamin-drozy ty raha nanovy i Jesosy.
|
||
\v 47 Bakeo ty loha ty mpisoro noho ty Fariseo namory ty Synedriona niaraky sady nanao hozao: “Ino ro hanovintsika? Lahilahy toy ro manao fahaiza lako.
|
||
\v 48 Laha engantsika amy zao Ie, le hino Azy ty iaby; sady ho avy ty Romana hangalaky ty tanàntsika noho ty fireneantsika.”
|
||
\p
|
||
\v 49 Nefa, nisy lahilahu raiky tamin-drozy, Kaiafa, ze mpisorobey tamy tao zay, nanao tamin-drozy hozao: “Nareo ro tsy mahay ndra ino ndra ino.
|
||
\v 50 Tsy mierotseritsy nareo fa soa ho ahy nareo laha lahilahy raiky ro maty ho ahy ty olo manahaky ze ty firenea iaby ro rava.”
|
||
\v 51 Sady ze nivolaniny ro tsy nanoviny ho azy avao. Fa koa, noho ie mpisorobey tamy tao io, le nito-resaky fa tokony ho faty ho ahy ty firenea Jesosy;
|
||
\v 52 sady tsy ho ahy ty firenea avao, fa mba hampiraiky ty anan-Janahary ze niparitaky koa.
|
||
\v 53 Ka le nanomboky tamy andro io le nanao tetiky ty fomba hamonoa an'i Jesosy ndrozy.
|
||
\p
|
||
\v 54 Sady Jesosy tsy nandeha nibaribary tamy Jiosy rey eny sasy, fa niala teo Ie nana amy ty tany mariny ty efitsy any ho an-tanà anovy hoe Efraima any. Sady nipetsaky tao Ie noho mpianatsy rey.
|
||
\p
|
||
\v 55 Sady fa mariny ty Pasky ty Jiosy, sady lako tamy ty tany ambaliky ty tanà rey any ro niakatsy ta Jerosalema ao aloha ty Paska mba hanalio ty vatan-drozy.
|
||
\v 56 Nila an'i Jesosy ndrozy, sady nitsanga tamy ty Egilizy eo nifampiresaky hozao: “Ino ro eritseritsinareo? Hoe tsy ho avy amy ty andro fifalefalea va Ie?”
|
||
\v 57 Sady fa nanome beko ty loha ty mpisoro noho ry Fariseo fa laha misy mahay ty misy an'i Jesosy, le tokony mivola ie mba hanamboaran-drozy Azy.
|
||
\c 12
|
||
\cl Toko 12
|
||
\p
|
||
\v 1 Enin'andro aloha ty Paska, le niavy ta Betania ao Jesosy, ze nipetsaha i Lazarosy, azy fa natsanga i Jesosy tamy maty iny.
|
||
\v 2 Ka le nanao hany ho Azy ndrozy, sady Marta ro nandroso androzy, fa Lazarosy koa le anay rey niaraky-nioetsaky tamy i Jesosy tamy ty latabatsy eo,
|
||
\v 3 Bakeo Maria nangalaky mena manitsy jojoabo raiky ze vita tamy ty narda sarotsy eo, ka le nanosotsy ty tombo i Jesosy tamy zay, sady namafa ty tombony tamy ty volon-dohany. Atsiky ty hanitsy azy menaky ty rano iny.
|
||
\p
|
||
\v 4 Sady Jodasy Iskariota, raiky tamy mpianatsiny rey, ze hamitaky Azy, nanao hozao:
|
||
\v 5 “Nanino menaky io ro tsy navily 300 ariary le namea ty mijaly?”
|
||
\v 6 Sady ie mivola zay, tsy noho ty fiferinesany ty mijaly, fa safe mpangalatsy ie: tamy ty kitapon-jala eny sady ho nangalariny ze nanovy ao.
|
||
\v 7 Jesosy nanao hozao: “engao ie mba hitandraky ze hananany ho amy ty andro handevena Ahy.
|
||
\v 8 Ho aminareo eo zisiky farany ty mijaly, fa Zaho koa tsy ho aminareo eo zisiky farany.”
|
||
\p
|
||
\v 9 Sady nisy olo lako mare tamy Jiosy rey nahay fa teo Jesosy, ka le namonjy ndrozy, tsy ho an'i Jesosy raiky avao, fa mba hahita an'i Lazariosy avao koa, azy natsanga i Jesosy tamy maty iny.
|
||
\v 10 Loha ty mpisoro rey ro nitetiky niaraky mba hafahan-drozy manosiky an'i Lazarosy amy ty fahafatesa avao koa;
|
||
\v 11 safe noho Ie ro nahavy ty halakoa i Jiosy nandeha sady nino an'i Jesosy.
|
||
\p
|
||
\v 12 Lafa maray iny le olo lako ro avy tamy ty andro fifalefalea. Lafa ren-drozy fa ho avy a-Jerosalema ao Jesosy,
|
||
\v 13 le nangalaky sampan-drifia ndrozy sady niboaky ka nitsena Azy tamy ty antso mare hozao: “Hosanna! Sambatsy lahy azy baka amy ty anara ty Tompo iny, Azy mpanjakan'Israely iny.”
|
||
\v 14 dy Jesosy nahita ana-boriky raiky ka le nipetsaky tanabony eo;
|
||
\q
|
||
\v 15 Manahaky ty voasoratsy hozao: “Ka matahotsy, anak'ampe, a i Ziona; henteo, ingo tamy ty Mpanjakanareo, ze mipetsaky anabo ty ana-boriky eo.”
|
||
\p
|
||
\v 16 Tsy nahazo raha rey ty mpianatsiny tamy ty velohany; fa lafa nameam-boninahitsy Jesosy, le tiaron-drozy fa voasoratsy mikasiky Azy raha rey sady fa nanovin-drozy taminy zay.
|
||
\p
|
||
\v 17 Sady olo lako ze niaraky taminy rey tamy ty nikaihiny an'i Lazarosy hiboky ty lolo noho nampitsanga azy tamy maty le samby nitsanga vavolombelo iaby.
|
||
\v 18 Laha antony zay avao koa ro nahavy ty olo lako hitsena Azy, safe ren-drozy fa nanao fahaiza zay Ie.
|
||
\v 19 Fariseo rey noho ze nifampiresaky hozao: “Henteo, tsy afaky manao ndra ino ndra ino nareo; ingo, manaraky Azy ty tany iaby toy.”
|
||
\p
|
||
\v 20 Sady nisy grika kelikely tamy ze niakatsy hanompo amy ty fifalefalea any rey.
|
||
\v 21 Nana amy i Filipo any drozy, ze baka Betsaida any a-Galilia any, sady nanontany azy, manao hozao:
|
||
\v 22 “Le nandeha Filipo ka le nivola tamy i Andrea; le nandeha Andrea niaraky tamy ty i Filipo, sady nivola an'i Jesosy ndrozy.
|
||
\v 23 Jesosy namaly androzy ka le nanao hozao: “Fa niavy ty fotoa hanomeza voninahitsy ty Anak'olo.
|
||
\v 24 Volaniko aminareo, marina, le marina vatany, fa laha tsy latsaky amy ty tany ty voam-bary ka le maty, le mipetsaky amy ty vatany raiky zay; fa laha maty zay, le hamokatsy bevata.
|
||
\v 25 Ze tea ty fiainany le hanary zay; fa ze malay ty fiainany amy tany iaby toy eto koa le hitandraky zay ho amy ty fiaina any zisiky farany.
|
||
\v 26 Laha misy manompo Ahy, engao ie hanoriky Ahy; sady ze hipetsahako, le ao avao misy manompo Ahy, le mpiasako. Laha misy manompo Ahy, le hanome voninahitsy azy ty Njanahary.
|
||
\p
|
||
\v 27 Amy zao mangorohoro ty fanahiko sady ino ro tokony ho volaniko? ‘Njanahary ô, sarombaho amy lera toy Zaho’? Nefa noho antony zay ro nahaviako amy fotoa zao.
|
||
\v 28 Njanahary ô, hankalazao ty anaranao.” Bakeo nisy feo anako baka an-danitsy any nanao hozao: “Fa nankalaza zay sady mbo ho hankalazako ndraiky.”
|
||
\v 29 Sady olo lako nitsanga teo rey noho nahare zay le nivola fa nisy hotsoky teo. Ty ilany nivola hozao: “Nisy anjely niresaky taminy.”
|
||
\v 30 Jesosy namaly sady nivola hozao: “Feo zay ro tsy avy ho Ahy, fa ho ahy nareo.
|
||
\v 31 Avy amy zao ty fitsara ty tany iaby toy: Sady le ho roahy ty mpanapaky ty tany iaby toy.
|
||
\v 32 Lafa hasondrotsy hiala amy ty tany Zaho, le hitao ty kirai-draiky hanoriky Ahy.”
|
||
\v 33 Nivolaniny zay mba hanoroa hoe karaza fahafatesa manahaky ty ino ro hafaty azy.
|
||
\p
|
||
\v 34 Olo lako rey namaly Azy hozao: “Renay tamy ty lalà fa Kristy ro hijano zisiky farany. Ino ro hahazoanao mivola hozao: ‘Ty Anan'Olo ro tsy maintsy hasondrotsy’? Ia Anan'O, o zay?”
|
||
\v 35 Bakeo Jesosy nivola androzy hozao: “Ty hazava ro mbo hiaraky aminareo anay ty fotoa kelikely. Mandehana diany mbo mana hazava, mba tsy hafaha ty haiky aloha nareo. Ze nandeha amy ty haiky le tsy mahay ty lala handehanany.
|
||
\v 36 Laha mbo mana ty hazava nareo, le minoa zay mba ho anaky ty hazava nareo.” Jesosy nivola raha rey sady bakeo le tsy hita sady nanenty androzy.
|
||
\v 37 Ndra le nanao fahaiza lako tanilan-drozy eo aza Jesosy, le tsy ninoan-drozy
|
||
\v 38 mba ho tanteraky ty safan'Isaia to-resaky, ze nivolaniny hozao: “Tompo, ia ro nino ty tatitsiny, sady ie ro nampitoroe ty sandry ty Tompo?”
|
||
\v 39 Laha antony zay le tsy ninondrosy, manahaky ty voavolan'Isaia zisky any hozao:
|
||
\v 40 “Nanoviny jiky ty mason-drozy, sady nzmpagereziny ty fon-drozy; mifanohitsy amy zay ndrozy le te-hahita amy ty mason-drozy sady hahazo amy ty son-drozy, ka le hitoliku, sady Zaho hanafaky androzy.”
|
||
\p
|
||
\v 41 Isaia nivola raha rey safe hitany ty voninahitsy i Jesosy ka le niresaky milasiky Azy,
|
||
\p
|
||
\v 42 Nefa bdra zay aza, le lako tamy mpanapaky rey ro nino an'i Jesosy; fa laha Fariseo rey, le tsy nikaiky zay ndrozy mba tsy ho voasaka ho amy ty synagoga ao.
|
||
\v 43 Tean-drozy vatany ty fanompo baka amy ty olo laha ty fanompoa baka amin-Janahary.
|
||
\p
|
||
\v 44 Jesosy nikaiky mare ka le nivola hozao: “Ze raiky mino Ahy, ka mino Ahy raiky avao fa koa Ie ze naniriky Ahy,
|
||
\v 45 sady ze raiky mahita Ahy le mahita ze naniraky Ahy.
|
||
\v 46 Zaho ro avy manahaky ty hazava teto tamy ty tany iaby toy, mba tsy hipetsaky anay haiky ze mino Ahy ao.
|
||
\p
|
||
\v 47 Laha misy mahare ty safako nefa tsy miemby zay, le tsy hitsara azy Zaho; safe Zaho tsy avy hitsara ty tany iaby toy, fa hanavotsy ty tany iaby toy.
|
||
\v 48 Ze mandà Ahy noho tsy mandramby ty safako, le mana raiky ze mitsara azy. Azy safa ze nivolaniko iny ro hitsara azy amy ty andro farany.
|
||
\v 49 Fa Zaho tsy mivola ho Ahy, fa azy Raiky ze naniraky Ahy iny, ze nanome Ahy ty lily amy ze ho volany noho ho volany.
|
||
\v 50 Haiko fa ty liliny ro fiaiana zisiky farany, ka le ze volaniko_ro volaniko manahaky ze nivolany ty Njanahary tamiko.”
|
||
\c 13
|
||
\cl Toko 13
|
||
\p
|
||
\v 1 Sady andro aloha ty fifalefalea ty Paska zao. Hay i Jesosy fa avy ty lera hialany amy ty tany iaby toy eo ka le handeha amy Njanahary any. Lafa nitea ty mpiaraky-lia taminy tamy ty tany iaby toy teto Ie, le nitea androzy zisiky amy farany.
|
||
\v 2 Sady ty devoly ro fa nampipetsaky ty tany iaby toy an-tsay i Jodasy ao Iskaruota anai Simona, le ty hamitaha an'i Jesosy.
|
||
\v 3 Ie ro nahay fa ty raha iaby ro fa napetsaky ty Njanahary tam-pelatanany eo sady Ie ro baka amin-Janahary sady himpoly amin-Janahary any.
|
||
\v 4 Nitsanga Ie tam-pihinana eo sady nangalaky ty salotsiny ambaliky. Bakeo Ie nangalaky siky sady nisalotsy zay.
|
||
\v 5 Bakeo nandraraky rano tanay sihoa ao Ie le nanomboky nanasa ty tombo ty mpianatsy sady namafa androzy tamy azy siky nisalorany iny.
|
||
\p
|
||
\v 6 Namonjy an'i Simona Petera Ie, sady hoasa Petera taminy hozao: “Tompo, hanasa ty tomboko va Iha?”
|
||
\v 7 Jesosy namaly sady nivola taminy hozao: “Ze anoviko ro mbo tsy ho azonao zao ty hevitsiny, fa ho azonao avao zay afara any.”
|
||
\v 8 Hoasa Petera taminy hozao: “Tsy hanasa ty tomboko mihintsy Iha.” Jesosy namaly azy hozao: “Laha mana anjara amiko ato iha.”
|
||
\v 9 Hoasa Simona Petera taminy hozao: “Tompo, aza ty tomboko avao ro sasa, fa ty tanako noho ty lohako avao koa.”
|
||
\v 10 Hoasa Jesosy taminy hozao: “Ze fa niandro ro tsy mila zay, hafa-tsy ty manasa tombony avao, fa ie ro fa malio tanteraky; iha ro malio, fa tsy ty iaby nefa.”
|
||
\v 11 (Safe fa hay i Jesosyhoe ia azy hamitaky Azy iny; zay ro dikany nivolaniny hozao: “Tsy nareo iaby ro malio.”)
|
||
\p
|
||
\v 12 Ka le lafa baka nanasa ty tombon-drozy Jesosy noho nangalaky sikiny rey kable nipetsaky ndraiky, le hoy Ie tamin-drozy hozao: “Hainareo va ty nanoviko ho ahy nareo?
|
||
\v 13 Kaihonareo Zaho hoe ‘mpampianatsy’ noho ‘Tompo,’ sady marina ty voavolanareo, safe zay vatany Zaho.
|
||
\v 14 Nefa laha Zaho, sady Tompo ro mpampoanatsy, ro nanasa tombonareo, nareo avao koa ro tokony hifanasa ty tombonareo.
|
||
\v 15 Safe fa nanome ohatsy ho ahy nareo Zaho ka le mba tokony hanao manahaky ze nanoviko ho ahy nareo avao koa nareo.
|
||
\v 16 Volaniko aminareo, marina, le marina vatany, fa ty mpoasa ro tsy bey vatany noho ty tompony; ndra koa ty mpanday hafatsy le tsy bey vatany noho azy naniraky azy.
|
||
\v 17 Laha hainareo raha rey, le ho tahie nareo laha manantanteraky zay.
|
||
\v 18 Tsy nareo iaby ro resahiko; haiko ze nitinginiko rey---fa zay ro mba hahantanteraky ty Soratsy Masy hozao: ‘Ze mihina ty mofoko le nanondrotsy ty afara-tombokiny hamitaky Ahy.’
|
||
\p
|
||
\v 19 Volaniko aminareo zao aloha ty hitsanganany mba lafa mitsanga zay, le mety hino nareo fa Zaho ro Ie.
|
||
\v 20 Volaniko aminareo, marina, le marina vatany, fa ze mandramby ze nirahiko, le mandramby Ahy, sady ze mandramby Ahy, le mandramby Azy ze naniraky Ahy.”
|
||
\p
|
||
\v 21 Lafa nivola zay Jesosy, le nangorohoro ty fanahy. Nanambara Ie sady nivola hozao: “Volaniko aminareo, marina, le marina vatany fa hisy raiky aminareo hamitaky Ahy.”
|
||
\v 22 Nifanenty mpianatsy rey, nanontany tena hoe ia nivolaniny zay.
|
||
\v 23 Nisy raiky tamy mpianatsiny rey, ze tea i Jesosy, nipetsaky tamy ty latabatsy amy sisy i Jesosy eo.
|
||
\v 24 Namonjy mpianatsy io Simona Petera sady nivola hozao: “Anontaneo Azy hoe ia volaniny zay.”
|
||
\v 25 Ka le nimpoly nianky tamy i Jesosy ie sady nivola taminy hozao: “Tompo, ia zay?”
|
||
\v 26 Bakeo Jesosy namaly hozao: “Azy raiky ze haloko noho hameako mofo toy iny zay.” Ka le lafa nalony ty mofo, le nameany an'i Jodasy ana i Simona Iskariota zay.
|
||
\v 27 Sady tafara ty mofo, le nilitsy taminy ao satana, ka le hoy Jesosy taminy hozao: “Ze anovinao, anovo malaky zay.”
|
||
\v 28 Tamy ze iaby tan-databatsy rey eo tsy nisy nahay ty antony nivolany Jesosy azy zay.
|
||
\v 29 Ty ilany nieritseritsy hoe, safe Jodasy ro nitandraky ty kitapon-jala, ro nivolany i Jesosy taminy hozao: “Vilio ty raha iaby ilantsika amy ty andro fifalefalea,” ndra hoe tokony hanome raha ho ahy ty mijaly ie.
|
||
\v 30 Laha vo baka nandramby ty mofo Jodasy, le nandeha niboaky direkita ie. Haly ty andro tamy zay.
|
||
\p
|
||
\v 31 Lafa nandeha Jodasy, le hoasa Jesosy hozao: “Amy zao le ameam-boninahitsy ty Anan'Olo, sady Njanahary ro ameam-boninahitsy aminy ao.
|
||
\v 32 Njanahary ro hanome voninahitsy Azy amy ty vatany ao, sady Ie hanome voninahitsy Azy direkita.
|
||
\p
|
||
\v 33 Aja maliniky, fotoa kelikely sisa ro hiarahako aminareo. Hila Ahy nareo, sady manahaky ze nivolaniko tamy Jiosy hozao: ‘Ze andehanako, tsy azonareo andehana.’ Sady volaniko aminareo koa zay amy zao.
|
||
\v 34 Lily vaovao ro ameako anareo, sady ty hifankatiavanareo; manahaky ty nitiavako anareo, ro tokony hifankatiavanareo avao koa.
|
||
\v 35 Amy zay ro hahaiza ty iaby fa mpianatsiko nareo, laha mifankatea nareo.”
|
||
\p
|
||
\v 36 Hoy Simona Petera taminy hozao: “Tompo, fa handeha ho aia Iha?” Namaly Jesosy hozao: “Ze andehanako, le tsy afaky hanoriganareo Ahy zao, fa hanoriky anareo afara any.”
|
||
\v 37 Le hoasa Petera taminy hozao: “Tompo, nanino saho ro tsy afaky manoriky Anao henanizao? Hafoiko ho ahy Nao ty aiko.”
|
||
\v 38 Le namaly Jesosy hozao: “Hafoinao ho Ahy va ty ainao? Ambarako aminao, marina, le marina vatany, fa mbo tsy haneno aza ty akoho le fa handà Ahy in-telo iha.”
|
||
\c 14
|
||
\cl Toko 14
|
||
\p
|
||
\v 1 “Ka enga hangorohoro ty fonareo. Mino an-Janahary nareo, le minoa Ahy koa.
|
||
\v 2 Misy efitsy lako an-tsano ty Babako ao. Laha hohatsy ka le tsy zay, le fa nivola taminareo Zaho, fa hanoma toera ho ahy nareo.
|
||
\v 3 Laha handeha Zaho sady hanoma toera ho ahy nareo, le himpoly ndraiky Zaho sady handramby anareo Amiko ato, ka le ze misy Ahy ro hisy anareo koa.
|
||
\v 4 Nareo mahay ze andehanako.”
|
||
\p
|
||
\v 5 Hoasa Tomasy tamy i Jesosy hozao: “Tompo, twy hainay ze andehananao, ino ro hahaizanay ty lala?”
|
||
\v 6 Hoasa Jesosy taminy hozao: “Zaho ro lala, fahamarina, sady fiaina; tsy misy mamonjy ty Njanahary laha tsy amy ty alalako.
|
||
\v 7 Laha nahay Ahy nareo, le tokony ho nahay ty Babako koa. Manomboky zao le haizonareo Ie sady fa hitanareo.”
|
||
\p
|
||
\v 8 Hoasa Filipo tamy i Jesosy hozao: “Tompo, atoro anay ty Raiky, le ampy ho anay zay”
|
||
\v 9 Hoy Jesosy taminy hozao: “Fa zisiky fa ela ro niarahako taminareo le mbo tsy hainareo avao va Zaho, Filipo? Ndra ia ndra ia nahita Ahy le nahita ty Njanahary. ka le ino ro hivolananareo hozao: ‘Atoro anay ty Njanahary’?
|
||
\v 10 Tsy mino va nareo fa amy Njanahary ao Zaho sady ty Njanahary amiko ato? Rey ze safa volaniko aminareo le tsy volaniko baka amy ty fahefako manoka, fa azy Njanahary velo iny anaiko ato ro manao ty asany.
|
||
\v 11 Minoa Ahy fa Zaho ro amy ty Njanahary ao, sady ty Njanahary amiko ato, laha tsy zay le minoa noho asa manoka rey.
|
||
\v 12 Volaniko aminareo, marina, le marina vatany, ze mino Ahy ro hanao ty asa ze anoviko, sady hanao asa bevata mndilatsy noho rey ie safe ho amy ty Njanahary any Zaho.
|
||
\v 13 Ndra ino ndra ino angatahinareo amy ty Anarako, le tanterahiko zay mba hanomezam-boninahitsy ty Njanahary amy ty Anaky ao.
|
||
\v 14 Laha mangataky raha amy ty anarako nareo, le ho tanterahako zay.
|
||
\p
|
||
\v 15 Laha tea Ahy nareo, le hiemby liliko rey,
|
||
\v 16 sady hivavaky amy ty Njanahary Zaho, le hanome anareo Mpampahery hafa Ie mba hp aminareo eo zisikyfarany ie---
|
||
\v 17 ty Fanahy ty fahamarina. Tsy afaky mandramby Azy ty tany iaby toy safe tsy mahita ndra mahay Azy. Fa nareo koa mahay Azy, safe mipetsaky miaraky aminareo Ie sady ho anainareo ao.
|
||
\v 18 Tsy hanenga anareo ho raiky Zaho; mbo himpoly aminareo atoy Zaho.
|
||
\v 19 Afaky tofoa kelikely avao le tsy hahita Ahy sasy ty tany iaby toy, fa nareo mahita Ahy. Safe velo Zaho, le ho velo avao koa nareo.
|
||
\v 20 Sady amy andro zay le ho hainareo fa amy ty Babako oa Zaho, sady nareo Amiko ato, sady Zaho aminareo ao.
|
||
\v 21 Ze mana liliko rey ka le miemby rey le ie azy tea Ahy iny, sady ze tea Ahy ro ho tiavy ty Babako koa, sady Zaho hitea azy noho hiseho amainareo.”
|
||
\p
|
||
\v 22 Hoasa Jodasy (tsy Iskariota) tamy i Jesosy hozao: “Tompo, nanino iha ro hiseho aminay fa tsg amy ty fany iaby toy?”
|
||
\v 23 Jesosy namaly sady nivola taminy hozao: “Laha misy olo tea Ahy, le hiemby ty safako ie. Hitea azy ty Babako, sady ho avy amany Zahay sady hamboatsy ty fipetsaha miaraky aminy.
|
||
\v 24 Fa ze tsy tea Ahy ro tsy miemby ty safako. Ty safa ze renareo le tsy baka amiko fa baka amy ty Njanahary ze naniraky Ahy.
|
||
\v 25 Fa nivolaniko taminareo raha rey, laha mbo nijano niaraky taminareo Zaho.
|
||
\v 26 Nefa, azy mpampehery---azy Fanahy Masy iny, ze hirahy ty Njanahary amy ty Anarako_ ie ro hampianatsy anareo ty raha-iaby noho hampahatiaro ze iaby nivolaniko taminareo.
|
||
\v 27 Fiadana ro engako ho ahy anareo; ameako anareo ty fiadanako. Tsy ameako ohatsy ty fanomeza ty tany iaby toy zay. Ka enga hangorohoro ty fonareo, sady ka matahotsy.
|
||
\p
|
||
\v 28 Fa renareo Zaho nivola taminareo hozao: ‘Handeha Zaho, sady himpoly aminareo any ndraiky.’ Laha nitea Ahy nareo, le tokony hifalifaly safe hana amy ty Njanahary any Zaho, safe ty Njanahary le bey vaya noho Zaho.
|
||
\v 29 Sady nivolaniko anareo manomboky ie mbo tsy mitsanga zay, mba hino nareo, lafa mitsanga zay.
|
||
\v 30 Tsy hivola lako aminareo sady Zaho, fa ho avy ty mpanapaky ty tany iaby toy. Tsy mana fahefa Amiko ie,
|
||
\v 31 fa mba hahaiza ty tany iaby toy fa teako ty Njanahary, le anoviko manahaky ty nibekoa ty Njanahary Ahy. Handeha hitsanga tsika sady hiala etoy.”
|
||
\c 15
|
||
\cl Toko 15
|
||
\p
|
||
\v 1 “Zaho ro tena voloboky, sady ty Babako ro mpamboly.
|
||
\v 2 Alany amiko ato ty rantsa iaby ze tsy mamoa voankazo, sady rantsaniny ty rantsa ze mamokatsy mba hamoa voankazo bevata mare zay.
|
||
\v 3 Fa malio nareo noho azy hafatsy ze nivolaniko taminareo iny.
|
||
\v 4 Mipetsaky amiko ato, sady Zaho aminareo ao. Manahaky ty rantsa tsy afaky mamokatsy voankazo amy ty vatany laha tsy mipetsaky amy ty voloboky ao zay, le manahaky zay koa nareo, laha twy mipetsaky amiko ao.
|
||
\p
|
||
\v 5 Zao ro voloboky, nareo ro rantsa. Ze mipetsaky Amiko ato sady Zaho Aminy ao, le mamokatsy bey ie, fa laha tsy misy Ahy le tsy mahefa ndra ino ndra ino nareo.
|
||
\v 6 Laha misy olo tsy mipetsaky Amiko ao, le ho aria manahaky ty rantsa ie sady halazo, sady ndrozy mamory rantsa rey sady manary zay amy ty afo any, sady mafana ndrozy.
|
||
\v 7 Laha mipetsaky Amiko ao nareo, sady laha mipetsaky aminareo ao safako rey, angataho ndra ino ndra ino irinareo, le hanoviko aminareo zay.
|
||
\v 8 Ty Babako ro ameam-boninahitsy amy zao, le ty hamokaranareo voankazo bevata vatany ka le ho porofo fa mpianatsiko nareo.
|
||
\p
|
||
\v 9 Manahaky ty nitiava i Njanahary Ahy, ro nitiavako anareo. Mipetsara amy ty fitiavako ao.
|
||
\v 10 Laha miemby liliko rey nareo, le hipetsaky amy ty fitiavako ao, manahaky ty niembenako lily ty Babako rey noho nipetsahako tamy ty fitiavany rey.
|
||
\v 11 Nivola raha reny taminareo Zaho mba ho aminareo ao ty fifaleako sady mba ho atsiky ty fifaleanareo.
|
||
\v 12 Zao ro liliko, le ty hifankatiavanareo manahaky ty nitiavako anareo.
|
||
\v 13 Tsy misy manam-pitiava bevata mandilatsy noho zao, le ty manome ty ainy ho ahy ty namany rey.
|
||
\v 14 Namako nareo laha manao raha ibekoako anareo rey.
|
||
\v 15 Tsy hikaiky anareo hoe mpiasako sasy Zaho, safe ty mpiasa ro tsy mahay ze anovy ty tompony. Nikaihiko hoe bamako nareo, safe ty raha iaby ze reko tamy ty Babako, le nampahaiziko anareo.
|
||
\v 16 Tsy nitingy Ahy nareo, fa Zaho to nitingy anareo sady nanondro anareo mba handeha ka le hamokatsy, sady mba tokony hipetsaky ty vokatsinareo. Nanovy zay mba ndra ino ndra ino angatahinareo amy Njanahary amy ty Anarako, le hameany anareo zay.
|
||
\v 17 Raha rey ro ibekoako anareo mba hifankatiavanareo.
|
||
\p
|
||
\v 18 Laha malay anareo ty tany iaby toy, haiko fa nalay Ahy ie taloha ty nalainany anareo.
|
||
\v 19 Laha baka amy ty tany iaby toy nareo, le ho tea ty tany iaby toy manahaky ty azy nareo. Fa safe tsy hy ty tany iaby toy nareo sady nitinginiko hiala amy ty tany iaby toy, laha zay le hala ty tany iaby toy nareo.
|
||
\v 20 Tiarovo ty safa nivolaniko taminareo hozao: ‘Ty mpiasa ro tsy bey noho ty tombony.’ Laha nanenjiky Ahy ndrozy, le hanenjiky anareo koa; sady laha niemby ty safako ndrozy, le hiemby ty anareo koa.
|
||
\v 21 Hanao raha iaby rey aminareo ndrozy noho ty Anarako, safe tsy hain-drozy Ie ze naniraky Ahy.
|
||
\v 22 Laha tsy avy noho nivola tamin-drozy Zaho, le tsy ho nanota ndrozy, fa amy zao tsy afaky-miala amy fy fahotany ndrozy.
|
||
\v 23 Ze malay Ahy le maya ty Babako avao koa.
|
||
\v 24 Laha tsy nahivita asa ze tsy nanovy ty olo-hafa rey tanivon-drozy eo Zaho, le tsy ho nana ty-heloky ndrozy, fa amy zao fa sady hitany ro halany Zaho noho ty Babako.
|
||
\v 25 Fa zay le mba hahantanteraky ty safa ze voasoratsy amy ty lalàn-drozy ao hozao: ‘Malay Ahy amy ty tsy misy dikany ndrozy.’
|
||
\p
|
||
\v 26 Lafa ho avy azy Mpampahery--- ze hirahiko aminareo baka amy ty Njanahary, azy Fanahy ty fahamarina, ze miboaky baka amy Njanahary---le hanambara ty mikasiky Ahy Ie.
|
||
\v 27 Nareo avao koa ro mitsanga vavolombelo safe fa niaraky tamiko baka amy velohany any nareo.
|
||
\c 16
|
||
\cl Toko 16
|
||
\p
|
||
\v 1 “Nivolaniko taminareo raha iaby zay mba tsy ho laginy nareo.
|
||
\v 2 Ho roahin-drozy amy ty synagoga ao nareo. Fa avy ty andro lafa lafa hihevitsy ze iaby mamono anareo fa ndrozy ro manome raha soa ho an-Janahary.
|
||
\v 3 Hanovin-drozy zay safe tsy mahay ty Njanahary ndra ty Vatako ndrozy.
|
||
\v 4 Nivolaniko anareo raha rey mba lafa avy ty keran-drozy rey, le ho tiaronareo fa nivolaniko taminareo ty mikasiky androzy. Tsy nambarako taminareo raha rey tamy velohany any, safe mbo taminareo eo Zaho.
|
||
\p
|
||
\v 5 Fa Amy zao ho amy azy naniraky Ahy iny any Zaho, nefa tsy mbo nisy nanontany Ahy nareo hozao: “Handeha ho aia moa Iha?”
|
||
\v 6 Fa safe nivolaniko taminareo raha rey, le alahelo ro nanome ty fonareo.
|
||
\v 7 Fa volaniko marina aminareo, soa vatany ho nareo ty handehanako. Safe laha tsy mandeha Zaho, le tsy ho avy aminareo ty Mpampahery, fa laha mandeha Zaho, le handefa azy ho aminareo.
|
||
\v 8 Lafa avy ie, le hanaporofo amy ty tany iaby toy ho diso mikasiky ty fhota, ty fahamarina, sady mikasiky ty fitsara---
|
||
\v 9 mikasiky ty fahota ty mpampahery, safe tsy mino Ahy ndrozy;
|
||
\v 10 mikasiky ty fahamarina, safe holy amy Njanahary sny Zaho, ka le tsy ho hitanareo sasy;
|
||
\v 11 sady mikasiky ty fitsara, safe ty mpnapaky ty tany iaby toy le nitsara.
|
||
\p
|
||
\v 12 Mana raha lako hambara aminareo Zaho, fa tsy ho azonareo ty hevitsy zay zao.
|
||
\v 13 Nefa, lafa avy ie, Fanahy ty Fahamarina, le hitariky anareo ho amy ty fahamarina iaby, safe tsy hivola baka amy ty vatany ie. Fa hivola ze iaby rey ie, sady hivola aminareo raha ze ho avy rey.
|
||
\v 14 Hanome voninahitsy Ahy ie, safe ty baka amy ty Ahy avao ro hambarany aminareo.
|
||
\v 15 Ze iaby ana ty Njanahary le Ahy. Laha zay, nivola Zaho fa azy Fanahy iny ro hangalaky amy ze Ahy sady hivola zay aminareo.
|
||
\p
|
||
\v 16 Afaky fotoa kelikely le tsy hahita Ahy sasy nareo, sady afaky fotoa kelikely hafa le hahita Ahy ndraiky nareo.”
|
||
\v 17 Bakeo ty ilany tamy mpianatsiny nifampiresaky rey hozao: “Ino sady volaniny antsika zay hozao: ‘Afaky fotoa kelikely le tsy hahita Ahy sasy nareo sady afaky fotoa kelikely hafa le hahita Ahy ndraiky nareo,’ noho hozao: ‘Safe hoamy ty Njanahary any Zaho’?”
|
||
\v 18 Laha zay le hoasan-drozy hozao: “Ino sady volaniny zay hozao: ‘afaky fotoa kelikely’? Tsy hainay ty teany hanambara.”
|
||
\p
|
||
\v 19 Hita i Jesosy fa te-hanontany Azy ndrozy, le hoy Ie tamin-drozy hozao: “Zao va ro anontaneanareo vata, le ty teako hambara amy ty fivola hozao: ‘Fotoa kelikely noho tsy hahita Ahy sasy nareo, sady afaky fotoa kelikely ndraiky nefa le hahita Ahy nareo’?
|
||
\v 20 Volaniko aminareo, marina, le marina vatany, fa hitany nareo sady hitoreo, fa ty tany iaby toy koa hifaly. Ho atsiky alahelo nareo, nefa ho hanjary hafelea alahelonareo zay.
|
||
\v 21 Lafa mitsongo ty ampela raiky le malahelo safe niavy ty fotoany, fa lafa teraky koa azy aja kelikely iny, le tsy tiarony sasy ty alahelony noho ty hafaleany fa nisy aja kelikely teraky amy ty tany iaby toy eo.
|
||
\v 22 Ka le malahelo nareo amy zao, nefa Zaho mbo hotojiky aminareo ndraiky, sady ho faly ty fonareo, sady tsy hisy haharary hafaleanareo zay aminareo.
|
||
\v 23 Amy andro zay le tsy hangataky amiko ndra ino ndra ino nareo. Volaniko aminareo, marina, le marina vatany, laha mangataky ndra ino ndra ino amy ty Njanahary amy ty anarako nareo, le hamesny anareo zay.
|
||
\v 24 Zisiky amy zao neca tsy mbo nangataky ndra ino ndra ino tamy ty anarako nareo. Mangataha, le hamea nareo mba ho atsiky ty hafaleanareo.
|
||
\p
|
||
\v 25 Fa nivolaniko taminareo tamy ty fanohara raha rey, fa avy ty lera lafa tsy hiresaky aminareo amy ty fanohara sasy Zaho, fa koa hivola aminareo mazava ty mikasiky ty Njanahary.
|
||
\v 26 Amy andro zay le hangataky amy ty anarako nareo sady tsy hivola anareo Zaho hoe hivavaky amy ty Njanahary ho ahy nareo,
|
||
\v 27 fa ty Njanahary mihintsy ro tea anareo safe nitea Ahy nareo sady nino fa baka amy ty Njanahary any Zaho.
|
||
\v 28 Baka amy ty Njanahary Zaho, sady avy tan-tany eto. Fa hiala ty tany iaby toy Zaho sady ho amy ty Njanahary any.”
|
||
\p
|
||
\v 29 Hoy ty mpianatsiny taminy hozao: “Henteo, Amy zao Iha mivola mazava soa sady tsy mampiasa fanohara.
|
||
\v 30 Hainay amy zao fa mahay ty raha-iaby Iha, sady tsy misy teanao hametsaky fanontanea aminao. Laha zay, le mino zahay fa baka amin-Janahary Iha.”
|
||
\p
|
||
\v 31 Namaly androzy Jesosy hozao: “Mino amy zay va nareo?
|
||
\v 32 go, niavy ty lera zao, eka, niavy vatany, lafa hipetsaky nareo. ty Kirai-draiky samby amy ty tsanony any iaby manoka, le henganareo raiky Zaho. Nefa tsy raiky Zaho safe miaraky amiko ty Njanahary.
|
||
\v 33 Fa nivolaniko taminareo raha rey mba hana fiadana Amiko ato nareo. Mana raha mahazo anareo amy ty tany iaby toy eto, nefa mahereza: fa nandresy ty tany iaby toy Zaho.”
|
||
\c 17
|
||
\cl Toko 17
|
||
\p
|
||
\v 1 Lafa baka nivola raha rey Jesosy, le nandahatsy ty masony ho amy ty lanitsy Ie ka le nanao hozao: “Njanahary ô, avy ty fotoa, mandrengy ty Ananao mba handrengea ty Anaky Anao_
|
||
\v 2 manahaky ty nanomezanao Azy fahefa anabo ty nofotsy iaby mba hanomezany fiaina zisiky farany ho ahy ze iaby nameanao Azy rey.
|
||
\v 3 Zao ro fiaina zisiky farany: le ty ahaizan-drozy Anao, azy Njanahary toka iny sady marina, sady Ie ze nirahinao, le Jesosy Kristy.
|
||
\v 4 Nandrengy Anao tan-tany eto zaho. Fa vitako ty asa ze nameanao Ahy ho anoviko.
|
||
\v 5 Amy zao, Njanahary, handrengeanao miaraky amy ty vatanao Zaho amy ty voninahitsy ze nananako niaraky taminao taloha ty nihare ty tany iaby toy.
|
||
\p
|
||
\v 6 Nampahay ty anaranao tamy ty olo ze nameanao Ahy baka amy ty tany iaby toy Zaho. Anao raiky, sady nameanao Ahy, sady niembenany ty safanao.
|
||
\v 7 Amy zay hain-drozy fa ty raha iaby ze nameanao Ahy le baka aminao,
|
||
\v 8 safe nameako androzy iaby ty safa ze nameanao Ahy. Nirambesin-drozy raiky sady hainy marina vatany fa baka taminao Zaho, sady nino ndrozy fa Iha ro naniraky Ahy.
|
||
\v 9 Mivavaky ho androzy Zaho. Tsy mivavaky ho ahy ty tany iaby toy Zaho fa ho ahy ze nameanao Zaho rey, noho ndrozy Anao.
|
||
\v 10 Ty raha iaby ze Ahy le Anao, sady ze Anao le Ahy, sady hankalaza amy reny Zaho.
|
||
\v 11 Tsy amy ty tany iaby toy sasy Zaho, fa olo rey ro amy ty tany iaby toy eto, sady manontany anareo Zaho. Njanahary Masy ô, tandraho amy ty anaranao ze nameanao Ahy ndrozy mba hiharo ho raiky, mnahaky ty maha raiky Antsika.
|
||
\v 12 Laha mbo tamin-drozy eo Zaho, le nitandraky androzy tamy ty anaranao, ze nameanao Ahy. Niaro androzy Zaho, sady tsy nisy tsobo ndra raiky aza, hafa-tsy ty anaky ty fahatsoboa avao, mba ho tanteraky ty Soratsy Masy.
|
||
\p
|
||
\v 13 Sady ho aminao any Zaho, fa mivola raha rey amy ty tany iabybtoy rey Zaho mba hahantanteraky ty hafaleako amin-drozy ao.
|
||
\v 14 Fa nameako androzy ty safanao, sady nandrengy ty tany iaby toy ie safe tsy baka amy ty tany iaby toy, manahaky Ahy tsy ahybty tany iaby toy.
|
||
\v 15 Zaho eo tsy mangataky Aminao ty hangalanao androzy amy ty tany iaby toy, fa ty mba hiarova androzy amy azy raty iny.
|
||
\v 16 Ndrozy ro tsy ahy ty tany iaby toy, manahaky Ahy tsy ahy ty tany iaby toy.
|
||
\v 17 Hamasino amy ty fahamarina ndrozy. Fa ty safanao ro fahamarina.
|
||
\v 18 Manahaky ty nanirahanao Ahy ho amy ty tany iaby toy, ro nanirahako androzy ho amy t y tany iaby toy avao koa.
|
||
\v 19 Fa noho ty fitiavako androzy ro nanamasinako ty vatako, mba hanamasina ty vatan-drozy amy ty fahamarina avao koa.
|
||
\p
|
||
\v 20 Zaho ro tsy mivavaky ho androzy avao, fa ho ahy ze hino Ahy amy ty alala ty safan-drozy rey koa
|
||
\v 21 mba ho raiky avao ie iaby, manahaky anao, Njanahary, amiko ato, sady Zaho aminao ao. Mivavaky Zaho mba hinoa ty tany iaby toy fa naniraky Ahy Iha.
|
||
\v 22 Ty vioninahitsy ze nameanao Ahy, le nameako androzy, mba ho raiky ndrozy, manahaky ty maha raiky antsika.
|
||
\v 23 Zaho amin-drozy ao, sady Iha amiko ato---ka le ho tena raiky tenteraky vatany ndrozy, mba ho hay ty tany iby toy fa naniraky Ahy Iha, sady nitea androzy manahaky ty nitiavanao Ahy.
|
||
\p
|
||
\v 24 Njanahary ô, ze nameanao Ahy rey ro teako hiaraky amiko ndra ia ndra ia misy Ahy, sady hahita ty voninahitsiko, azy voninahitsy ze nameanao Ahy iny safe niteaAhy Iha taloha ty niharea ty tany iaby toy.
|
||
\p
|
||
\v 25 Njanahary marina ô, tsy nahay Anao ty tany iaby toy, fa Zaho mahay Anao; sady ndrozy mahay fa naniraky Ahy iha.
|
||
\v 26 Nampahaiziko androzy ty anaranao, sady mbo ho hampahaiziko zay mba ho amin-drozy ao ty fitiava ze nitiavanao Ahy, sady Zaho ho amin-drozy ao.”
|
||
\c 18
|
||
\cl Toko 18
|
||
\p
|
||
\v 1 Tafara ty nivola i Jesosy safa rey, le niboaky niaraky tamy mpianatsiny rey Ie ho ampita amy ty lohambaibondriaky ahy i Kidrona eny, ze nisy baibo nilirany noho mpianatsiny rey.
|
||
\p
|
||
\v 2 Sady Jodasy, Ze hamitaky an'i Jesosy, nahay ty toera koa, safe nandeha san'andro teny Jesosy noho mpianatsiny rey.
|
||
\v 3 Bakeo Jodasy, nitariky goropy maramila rey noho mpiemby rahara ilany rey baka amy loha ty mpisoro rey noho Fariseo, nandeha tany niaraky tamy ty fanilo, fangala sady fitaovam-pialoa.
|
||
\v 4 Bakeo Jesosy, ze fa nahay ty raha iaby hitsanga Aminy, nandroso taloha eo sady nanontany androzy hozao: “Ia ro ilanareo?”
|
||
\v 5 Namaly Azy ndrozy hozao: “Jesosy baka Nazareta any.” Sady hoy Jesosy tamin-drozy hozao: “Zaho ro Ie.” Jodasy, ze namitaky Azy, le nitsanga niaraky tamy maramila rey avao koa.
|
||
\v 6 Ka le lafa nivola tamin-drozy Ie hozao: “Zaho ro Ie,” le nohemotsy ndrozy ka le lavo tamy ty tany.
|
||
\v 7 Bakeo ndraiky le nanontany androzy Ie hozao: “Ia ro ilanareo?” Sady nivola ndraiky ndrozy hozao: “Jesosy baka Nazareta any,”
|
||
\v 8 Jesosy namaly hozao: “Nivola anareo Zaho fa Zaho ro Ie. Laha zay laha mila Ahy nareo, le engao handeha reto.”
|
||
\v 9 Zay ro mba hahantanteraky ty safa nivolaniny hozao: “Amy ze nameanao Ahy rey, tsy nasiako tsobo ndra raiky aza.”
|
||
\p
|
||
\v 10 Bakeo Simona Petera, ze nana meso-bey, namoaky zay sady namango azy mpiasa ty mpisorobey iny ka le nahatapaky ty sofiny ankavana. Sady Malko ro anara azy mpiasa iny.
|
||
\v 11 Hoy Jesosy tamy i Petera hozao: “Ampolio amy ty tsanony ao ty meso-beinao. Tsy tokony hino ty kapoaky ze namea ty Njanahary Ahy va Zaho?”
|
||
\p
|
||
\v 12 Laha zay goropy maramila rey noho ty kapiteny, sady mpiemby raharaha i Jiosy rey, le nanambotsy an'i Jesosy sady namehy Azy.
|
||
\v 13 Nandesy tamy i Anasy any Ie aloha rey, safe ie ro rafozan-dahy i Kaiafa, Ie mpisorobey tamy tao io.
|
||
\v 14 Sady Kaiafa ro azy nanome hevitsy ty Jiosy rey iny fa soa vatany laha misy olo raiky maty ho ahy ty olo lako.
|
||
\p
|
||
\v 15 Nanoriky an'i Jesosy Simona Petera, sady nanao manahaky zay avao koa ty mpianatsy raiky hafa. Sady hay azy mpisorobey iny mpianatsy zay, sady nilitsy niaraky tamy i Jesosy tamy ty kianja ty mpisorobey ao ie;
|
||
\v 16 fa Petera ro nitsanga tambaliky ty vavahady. Laha zay azy mpianatsy hafa iny, ze hay ty mpisorobey, le niboaky ka le niresaky tamy azy mpiasa ampela ze mpiemby ty vavahady iny sady nanday an'i Petera hilitsy.
|
||
\v 17 Bakeo azy mpiasa ampela iny, mpiemby ty vavahady, nivola tamy i Petera hozao: “Iha koa va tsy raiky amy ty mpianatsy lahilahy io?” Hoy ie hozao: “Tsy ie zaho.”
|
||
\v 18 Sady nitsanga teo mpiasa noho mpiemby raharaha rey iny, sady nandrehitsy afon'ary ndrozy, safe nanintsy ty andro; ka le nanafana ty vatan-drozy. Petera ka le niaraky tamin-drozy, nitsanga teo sady nanafana ty vatany.
|
||
\p
|
||
\v 19 Nanontany an'i Jesosy mikasiky mpianatsiny rey noho ty fampianarany ty mpisorobey.
|
||
\v 20 Jesosy namaly azy hozao: “Nivola ampahibeimaso tamy ty tany iaby toy Zaho. Nampianatsy zisiky farany tamy ty synagoga ao noho tamy ty egilizy ao Zaho ze nifampitaona ty Jiosy iaby. Tsy nisy nivolaniko tamy ty takona.
|
||
\v 21 Nanino iha ro nanontany Ahy? Anontaneo an'i ze nahare Ahy rey mikasiky ze nivolaniko. Henteo, olo rey ro mahay ze nivolaniko.”
|
||
\v 22 Lafa baka nivola zay Jesosy, le nisy raikg tamy mpiemby raharaha rey nitsanga teo nanampify maiky an'i Jesosy sady nivola hozao: “Zay va ro fomba hamaleanao ty mpisorobey?”
|
||
\v 23 Jesosy namaly azy hozao: “Laha nivola raha diso Zaho, mitsanga vavolombelo amy diso zay, fa laha marina, nanino iha ro mamango Ahy?”
|
||
\v 24 Bakeo Anasy nandefa Azy mifehy nana amy i Kaiafa mpisorobey iny any.
|
||
\p
|
||
\v 25 Sady nitsanga Petera ka le nanafana ty safany. Bakeo hoy olo rey taminy hozao: “Iha koa va tsy raiky amy mpianatsiny rey?” Nandà zay ie sady nivola hozao: “Tsy ie zaho.
|
||
\v 26 Raiky tamy mpiasa ty mpisorobey rey ze longo azy lahilahy ze nivangoa i Petera iny ty sofiny, nivola hozao: “Tsy hitako niaraky taminy tamy ty baibo ao va iha?”
|
||
\v 27 Bakeo Petera nanà ndraiky, sady direkita le nanoro ty akoho.
|
||
\p
|
||
\v 28 Bakeo nandesin-drozy baka amy i Kaiafa ao ho anay rova any Jesosy. Mbo marain-dray bey ty andro tamy zay, sady ndrozy ro tsy nilitsy tanay rova ao mba tsy ho voaloto fa hihina ty Paska.
|
||
\v 29 Ka le niboaky tamin-drozy eo Pilato ka nivola hozao: “Ino ty fanasazia andesinareo manohitsy lahilahy toy?”
|
||
\v 30 Namaly ndrozy sady nivola taminy hozao: “Laha tsy mpanao raty lahilahy io, le tsy ho nameanay anao.”
|
||
\v 31 Laha zay Pilato nivola tamin-drozy hozao: “Henteanareo Ie, sady tsarao manahaky ty lalànareo.” Hoy Jiosy rey taminy hozao: “Tsy ara-dalà ho anay ty manome olo ho maty.”
|
||
\v 32 Nivola zay ndrozy mba hahatanteraky ty safa i Jesosy ze nivolaniny mba hivolana hoe karaza fahafatesa manahaky ty ino ro hahafatesany.
|
||
\p
|
||
\v 33 bakeo nilitsy tanay rova ndraiky ao Pilato ka le nikaiky an'i Jesosy sady nivolabtaminy hozao: “Iha va ro mpanjaka ty Jiosy?”
|
||
\v 34 Jesosyvnamaly hozao: “Manontany baka amy ty vatanao va iha, sa nisy hafa nivola anao mikasiky Ahy?” Pilato namaly hozao:
|
||
\v 35 “Tsy Jiosy zaho, sa tsy zay?” Ty olo lakonao noho loha ty mpisoro rey ro nanome anao tamiko. Ino ro nanovinao?”
|
||
\v 36 Jesosy namaly hozao: “Ty fanjakako ro tsy baka amy ty tany iaby toy eto. Fa laha mba anay ty tany iaby toy ao ty fanjakako, le hialy mpiasako rey mba tsy hanome Ahy amy Jiosy rey. Fa amy zao ty fanjakako ro tsy avy eto.”
|
||
\v 37 Bekao Pilato nivola taminy hozao: “Mpanjaka sady va zay Iha?” Jesosy namaly hozao: “Voavolanao fa mpanjaka Zaho. Fa ho amy raha tsatsary zay ro nahaterahako, sady ho amy dikany zay ro niaviko amy ty tany iaby toy eto, mba hijanganako vavolombelo amy ty fahamarina. Iaby ze ahy ty fahamarina rey le mijanjy ty feoko.”
|
||
\v 38 Pilato nivola taminy hozao: “Ino ro anovy hoe marina?” Lafa baka nivola zay ie, le niboaky ndraiky sady nivola tamy Jiosy rey hozao: “Tsy mahita heloky amy lahilahy toy zaho.
|
||
\v 39 Fa nareo mana fomba ze hafahako olo raiky ho aminareo amy ty Paska. Laha zay teanareo va ty hanafahako aminareo ty mpanjaka ty Jiosy?”
|
||
\v 40 Bakeo nikoraky mare ndraiky ndrozy rey sady nivola hozao: “Tsy lahilahy io, fa Barnabasy.” Sady Barnabasy le mpangalatsy.
|
||
\c 19
|
||
\cl Toko 19
|
||
\p
|
||
\v 1 Bakeo nandesy i Pilato Jesosy ka le nivangoany.
|
||
\v 2 Nandrary satsoky fatiky maramila rey. Napetsakin-drozy tamy ty loha i Jiosy eo zay sady nampisalotsy siky voloparasy Azy.
|
||
\v 3 Namonjy Azy ndrozy sady nivola hozao: “Arahaba, mpanjaka ty Jiosy!” sady namango Azy ndrozy.
|
||
\p
|
||
\v 4 Bakeo niboaky ndraiky Pilato ka le nivola tamin-drozy hozao: “Ingo, andesiko aminareo ambaliky eto Ie mba hahaizanareo fa tsy mahita heloky Aminy zaho.”
|
||
\v 5 Ka le niboaky Jesosy, nanao azy foloara fatiky iny noho azy siky voloparasy iny. hoy Pilato tamin-drozy hozao: “Ingo, azy lahilahy toy!”
|
||
\p
|
||
\v 6 Lafa hita ty loha ty mpisoro noho ty manamboninahitsy Jesosy, le nikoraky mare ndrozy ka le nivola hozao: “Hahanto ie, hahanto ie!” Le hoy Pilato tamin-drozy hozao: “Alaonareo Ie sady hahanto, fa zaho tsy mahita heloky Aminy.”
|
||
\v 7 Namaly androzy Jiosy hozao: “Mana lalà tsika, sady manahaky ty lalà ro tokony ho maty Ie safe manonom-vata ho Anan-Janahary.”
|
||
\p
|
||
\v 8 Lafa re i Pilato fanambara zay, le nihanatahotsy vatany ie,
|
||
\v 9 sady nilitsy tamy ty lapam-panjaka ao ndraiky ie ka le nivola tamy i Jesosy hozao: “Baka aia ty fiavianao?” Nefa tsy nanome valin-tsafa azy Jesosy.
|
||
\v 10 Bakeo Pilato nivola taminy hozao: “Tsy mana hovolany amiko va iha? Tsy hainao va fa mana fahefa hanafaky Anao zaho, noho fahefa hanantobAnao?”
|
||
\q
|
||
\v 11 Namaly azy Jesosy hozao: “Tsy mana fahefa Amiko iha laha tsy namea anao baka anabo any zay. Laha zay, ie ze nanome Ahy taminao le mana heloky bevata vatany.”
|
||
\p
|
||
\v 12 Tamy valin-tsafa zay, le niezaky ty hanafaky Azy Pilato, fa nikoraky mare Jiosy rey, nanao hozao: “Laha afahanao lahilahy io, le tsy nama i Kaisara iha. Ze iaby manao ty vatany ho mpanjaka le manohitsy an'i Kaisara.”
|
||
\p
|
||
\v 13 Lafa re i Pilato safa rey, le nandesiny niboaky Jesosy sady nipetsaky tamy ty seza fipetsaha ze kaihy hoe “lampivato,” fa amy ty safa Hebreo hoe “Gabata.”
|
||
\p
|
||
\v 14 Sady niavy ty andro fanomana ty Paska, tamy ty lera faha eny eo. Hoy Pilato tamy Jioay rey hozao: “Ingo, ty mpanjakanareo toy!”
|
||
\p
|
||
\v 15 Nikoraky mare ndrozy hozao: “Engao Ie, engao Ie; hahanto Ie!” Hoy Pilato tamin-drozy hozao: “Tokony hampihanto ty mpanjakanareo va zaho?” Namaly loha ty mpisoro rey hozao: “Tsy mana mpanjaka ankoatsy i Kaisara zahay.”
|
||
\p
|
||
\v 16 Bakeo le nanome i Pilato ndrozy hahanto Jesosy.
|
||
\p
|
||
\v 17 Bakeo nalan-drozy Jesosy, sady nandeha niboaky ie, nitako ty hazofijalea, ho amy azy toerakaihe hoe “toera ty jarandoha iny any,” ze amy ty Hebreo kaihe hoe “‘Golgota.”
|
||
\v 18 Nahanto ndrozy tany Jesosy, sady nisy lahilahy roe hafa niaraky taminy, raiky isaky ty ilany, sady Jesosy tanivony eo.
|
||
\p
|
||
\v 19 Nanoratsy fahaiza avao koa Pilato sady nampipetsakyzay tamy ty hazofijalea eo. Zao ro voasoratsy eo: JESOSY BAKA ANAZARETA ANY, AZY MPANJAKA TY JIOSY INY.
|
||
\v 20 Lako tamy Jiosy rey ro namaky fahaiza zay safe tsy lavitsy ty tanà ro misy ty toera nanantona an'i Jesosy. Azy famantara iny ro nisoraty tamy ty Hebreo, Latina, sady Grika.
|
||
\p
|
||
\v 21 Bakeo hoy loha ty mpisoro Jiosy rey tamy i Pilato hozao: “Ka soraty hozao: ‘Azy Mpanjaka Jiosy iny,’ fa aleo hozao: ‘Raiky toy ro nivola hozao: “Zaho ro mpanjaka ty Jiosy.”’”
|
||
\p
|
||
\v 22 Sady namaly Pilato hozao: “Ze voasoratsy le voasoratsy.”
|
||
\p
|
||
\v 23 Lafa nahanto maramila Jesosy rey, le nivolan-drozy ty sikiny, ka le nitsebehin-drozy efatsy, le samby mana raiky iaby rey; sady azy salotsy, fa janaky raiky avao iny.
|
||
\v 24 Bakeo nifampiresaky ndrozy hozao: “Aleo tsy tatahantsika toy, fa koa handeha hiloka ahita ze mahazo azy.” Nitsanga zay mba hahantanteraky ty Soratsy Masy ze mivola hozao: “Nizarazaran-drozyty salotsiko sady nilokony ty fisalorako.” Zay ro nanovy maramila rey.
|
||
\p
|
||
\v 25 Sady nitsanga tanila ty hazo fijalea i Jesosy eo ty reniny, ty rahavavindreniny, Maria valy i Klopa, sady Maria Magdalena.
|
||
\v 26 Lafa nahita ty reniny noho mpianatsy ze teany nitsanga tanilany teo rey Jesosy, le nivola tamy ty reniny Ie hozao: “Ampela, ingo, ty anakilahiko!”
|
||
\q
|
||
\v 27 Bakeo hoy Ie tamy ty mpianatsy hozao: “Ingo, ty reninareo!” Sady tamy lera zay le nala ty mpianatsy ho aminy any ie.
|
||
\p
|
||
\v 28 Tafara zay, lafa nahay fa vita ty raha iaby kable mba ho tanteraky ty Soratsy Masy, le hoy Jesosy hozao: “Teatea zaho.”
|
||
\v 29 Sady nisy tavoara atsiky divay nipetsaky tamy toera io, ka le nasian-drozy divzy marikivy noho spaonjy ka le nitohizany tamy ty hysopa sady napetapetany tamy ty vavany.
|
||
\v 30 Lafa nino azy vinegra iny Jesosy, le hoy Ie hozao: “Fa vita.” Naondrikiny ty lohany sady niala ty fanahiny.
|
||
\p
|
||
\v 31 Safe andro ty fihomana tamy zay, ka le mba tsy hijano amy ty hazofijalea eo anay ty Sabata (safe ty Sabata ro andro manan-danja manoka) taola rey, ro mangataky tamy i Pilato Jiosy rey bakeo, ty mba hanapaha ty tombokin-drozy sady hangalaky androzy.
|
||
\v 32 Bakeo nanontany maramila rey ka le nanapaky ty tomboky azy lahilahy velohany iny noho azy lahilahy faharoe ze nahanto niaraky tamy i Jesosy iny.
|
||
\v 33 Lafa namonjy an'i Jesosy ndrozy, le nahita fa maty Ie, ka le tsy nitapahin-drozy ty tombokiny.
|
||
\v 34 Nefa, nisy maramila raiky nitomboky ty lanilaniny tamy ty lefo, sady direkita le nisy lio noho rano niroraky.
|
||
\v 35 Azy raiky ze nahita zay ro nitsanga vavolombelo, sady marina ty fanambarany. Hainy fa marina zenivolaniny mba hinoanareo avao koa.
|
||
\p
|
||
\v 36 Fa raha rey ro nitsanga mba hahantanteraky ty Soratsy Masy hozao: “Tsy hisy ho tapaky ndra raiky amy ty taolany aza.”
|
||
\v 37 Sady mbo, misy Soratsy Masy hafa mivola hozao: “Ndrozy ro hanenty Azy ze nitombohin-drozy.”
|
||
\p
|
||
\v 38 Tafara raha rey, Josefa baka Arimatia ao, zisiky amy ty naha-pianatsy i Jesosy azy (fa tamy ty tsy fivolana ao noho ty fatahora Jiosy rey), nanontany an'i Pilato laha afaky mangalaky ty vata i Jesosy ie. Namea i Pilato alala ie. Ka le avy Josefa sady nangalaky ty vatany.
|
||
\v 39 Niavy tany avao koa Nikodemosy, ie ze avy velohany hanenty an'i Jesosy laha haly iny. Sady nanday menaky manitsy noho vaho ie, tamy ty zato alitara eo ty halakoany.
|
||
\v 40 Ka le nirambesin-drozy ty vata i Jesosy sady namono zay tamy ty sikim-paty noho raha-manitsy, manahaky ty fomba fandevena Jiosy.
|
||
\v 41 Sady tamy toera nihantona Azy eo le nisy baibo; sady tamy azy baibo nisy lolo vaovao ze mbo tsy nandevena olo iny eo.
|
||
\v 42 Safe andro ty fiomana Jiosy r rey tamy zay safe anila ty lolo, ro nalevin-drozy tao Jesosy.
|
||
\c 20
|
||
\cl Toko 20
|
||
\p
|
||
\v 1 Sady vo maray ty andro veloha ty herin'andro, laha mbo maiky iny, le mana amy ty lolo Maria Magdalenina eny sady nahita azy vato fa nikisaky lavitsy ty lolo iny ie.
|
||
\v 2 Laha zay le nilay ie sady namonjy an'i Simona Petera noho azy mpianatsy hafa ze tea i Jesosy iny, sady hoy ie tamin-drozy hozao: “Nalan-drozy tamy ty lolo ty Tompo ao, sady tsy hainay ze nametsahan-drozy Azy.”
|
||
\p
|
||
\v 3 Bakeo nandeha niboaky Petera noho azy mpianatsy hafa iny, sady nana amy ty lolo ndrozy any.
|
||
\v 4 Samby nilay ndrozy, sady nisomonga azy mpianatsy hafa iny malaky Petera sady le ie ro niavy velohany tamy ty lolo eny.
|
||
\v 5 Bakeo niondriky ie, sady nahita azy siskim-paty iny nipetsaky eo, fa tsy mbo nitsofoky tanainy ao ie.
|
||
\p
|
||
\v 6 Niavy tafarany bakeo Simona Petera sady nilitsy ran-dolo ao. Hitany nipetsaky teo azy sikim-paty iny
|
||
\v 7 noho azy siky nanovy tamy ty lohany iny. Tsy niara-nipetsaky tamy azy sikim-paty iny nefa ie iny fa nilamy ho azy tamy ty toerany eo.
|
||
\v 8 Bakeo azy mpianatsy raiky hafa iny, azy niavy velohany iny tamy ty lolo eo, nilitsy tanainy ao avao koa, sady nahita noho nino ie.
|
||
\v 9 Fa zisiky amy fotoa io ndrozy le tsy mbo nahay ty Soratsy Masy avao fa Ie ro tsy maintsy hitsanga amy maty.
|
||
\p
|
||
\v 10 Ka le nimpoly tan-tsano any ndraiky mpianatsy rey.
|
||
\v 11 Fa Maria ro nitsanga nitany tambaliky lolo eo. Laha ie nitany iny, le niondriky famy azy lolo iny ao.
|
||
\v 12 Nahita anjely roe misalotsy siky foty nipetsaky ie, ty raiky tan-doha eo, sady ty raiky tan-tomboky eo tamy azy toera nametsaha ty vata i Jesosy iny eo.
|
||
\p
|
||
\v 13 Hoasan-drozy taminy hozao: “Ampela, nanino iha ro mitany?” Hoy ie tamin-drozy hozao: “Safe nandesin-drozy ty Tompoko, sady tsy haiko ze nametsahan-drozy Azy.”
|
||
\v 14 Lafa baka nivola zay ie, le nitoliky sady nahita an'i Jesosy nitsanga teo, fa tsy hainy anefa hoe Jesosy io.
|
||
\q
|
||
\v 15 Hoy Jesosy taminy hozao: “Ampela, Nanino iha ro mitany? Fa ia ro henteanao?” Nidinihiny fa azy mpiemby iny anefa Ie, ka le hoy ie taminy hozao: “Tompoko, laha Iha ro nangalaky Azy, le volano amiko ty nametsahako Azy, fa ho volaniko any Ie.”
|
||
\p
|
||
\v 16 Hoy Jesosy taminy hozao: “Maria.” Nitoliky ie, sady nivola taminy tamy ty safa Hebreo hozao: “Rabôny” (ze midika hozao: “Mpampianatsy.”)
|
||
\q
|
||
\v 17 Hoy Jesosy taminy hozao: “Ka mikasiky Ahy, fa tsy mbo niakatsy amy ty Njanahary any Zaho, fa mandrahana amy rahalahiko rey any sady volano androzy fa hiakatsy amy ty Babako no Babanareo any Zaho, sady ty Njanahariko noho Njanaharinareo.”
|
||
\q
|
||
\v 18 Nandeha Maria Magdalenina sady nivola mpianatsy rey hozao: “Nahita ty Tompo zaho,” sady raha rey ro nivolaniny taminy.
|
||
\p
|
||
\v 19 Sady hariva tamy zay, tamy andro io, andro veloha ty herin'andro, sady varavara ze nisy mpianatsy rey, le nihily noho ty fatahora Jiosy rey, namonjy Je3sady nitsanga tanivon-drozy eo ma le nivola androzy hozao: “Fiadana ho ahy nareo.”
|
||
\v 20 Lafa baka nivola zay Ie, le natorony androzy ty tanany noho ty lanilaniny. Faly mpianatsy rey lafa nahita Tompo.
|
||
\p
|
||
\v 21 Bakeo Jesosy nivola androzy hozao: “Fiadana ho ahy nareo. Manahaky ty nanoraha Njanahary Ahy, ro hanirahako anareo koa.”
|
||
\v 22 Lafa baka nivola zay Jesosy, le nitsoky ty imbon'ainy tamin-drozy sady nivola androzy hozao: “Rambeso ty Fanahy Masy.
|
||
\v 23 Ndra helok'ia ndra helok'ia enganareo, le ho voenga ndrozy; sady ndra ia ndra ia tsy enganareo, le tsy voaenga ndrozy.”
|
||
\p
|
||
\v 24 Tomasy, raiky tamy folo roa amby rey, nikaihe hoe Didymo, le tsy niaraky tamin-drozy lafa avy Jesosy.
|
||
\v 25 Mpianatsy hafa rey bakeo nivola taminy hozao: “Hot ie tami-ndrozy hozao: “Laha tsy hitsko amy ty tanany eny ty laoky fantsiky rey, sady mampipetsaky ty rantsan-tanako anay laoky fantsiky rey iny ao zaho, sady mampipetsaky ty tanako amy ty lanilaniny eo, le tsy hino zaho.”
|
||
\p
|
||
\v 26 lo andro tafara tato ke tao ndraiky mpianatsiny rey, sady niaraky tamin-drozy Tomasy. Namonjy Jesosy laha nihily ty varavara, sady nitsanga niaraky tamindrozy eo, sady nivola hozao: “Fiadana ho ahy nareo.”
|
||
\q
|
||
\v 27 Bakeo nivola an'i Tomasy ie hozao: “Mamonjea eto miaraky amy ty tananao sady apetsaho amy ty lanilaniko eto zay. Ka kelikely finoa, fa minoa.”
|
||
\q
|
||
\v 28 Tomasy namaly sady nivola Azy hozao: “Tompoko noho Njanahariko.”
|
||
\q
|
||
\v 29 Hoy Jesosy taminy hozao: “Safe nahita Ahy iha, le nino. Sambatsy ze tsy nahita rey, nefa mino.”
|
||
\p
|
||
\v 30 Amy zao Jesosy le nanao fahaiza lako hafa tanila mpianatsiny rey eo, fahaiza ze tsy voasoratsy tanay boky toy ao,
|
||
\v 31 fa le voasoratsy mba hafahanareo mino rey fa Jesosy ro Kristy, Azy Anan-Janahary iny, sady pafa mino Azy nareo, le hahazo ty fiaina amy ty anarany.
|
||
\c 21
|
||
\cl Toko 21
|
||
\p
|
||
\v 1 Tafara raha rey Jesosy le niseho tamy mpianatsy rey ndraiky tamy ty riaky i Tiberiasy eo. Manahaky zao ty fomba nisehoany:
|
||
\v 2 Simona Petera ro niaraky tamy i Tomasy ze kaihy hoe Didymo, Natanaela baka Kana any a-Galilia any, ana inZebedio rey, sady mpianatsy i Jesosy roe hafa.
|
||
\v 3 Hoy Simona Petera tamin-drozy hozao: “Handeha hihaza zaho.” handeha hiaraky aminao.” Ka le nandeha ndrozy sady nilitsy laka raiky ao, fa tsy nahazo ndra ino ndra ino androzy anay ty haliky iaby.
|
||
\p
|
||
\v 4 Sady, laha fa harivariva sahady ty andro, le nitsanga tan-driaky eo Jesosy, fa tsy hay mpianatsy rey hoe Jesosy io.
|
||
\q
|
||
\v 5 Ka le hoy Jesosy tamin-drozy hozao: “Pamaraky, tsy mana-hohany va nareo?” Namaly Azy ndrozy hozao: “Aha.”
|
||
\q
|
||
\v 6 Hoy Ie tamin-drozy hozao: “Atoraho amy ty sisiny ankavana ty laka eo ty haratonareo, le hahazonareo.” Ka le natorakin-drozy ty haraton-drozy sady tsy nahavita nampiakatsy zay tao noho ty halakoa ty fia.
|
||
\v 7 Bakeo hoy azy mpianatsy ze tea i Jesosy iny tamy i Petera hozao: “Ty Tompo io.” Lafa re i Simona Petera fa ty Tompo io, le nampilitsy ty anabo salotsiny ie (safe tsy nisalotsy ie), ka le nitseka tanay riaky ao.
|
||
\v 8 Mpianatsy hafa rey nana an-daka ao (safe ndrozy tsy lavitsy ty tanety, tamy ty roan-jato hakiho eo), sady naninto ty harato atsiky fia.
|
||
\v 9 Lafa tafiakatsy an-tanety ndrozy, le nahita afon'arina eny sady fia tanabony eo, miaraky amy ty mofo.
|
||
\p
|
||
\v 10 Hoy Jesosy tamin-drozy hozao: “mandaisa fia lako amy voho azonareo rey eo.”
|
||
\v 11 Sady niakatsy Simona Petera ka le nisinto an-tananety ty harato, ze atsiky fia bevata; 153. Tena lako mare, nefa twy nijiatsy azy harato iny.
|
||
\p
|
||
\v 12 Hoy Jesosy tamin-drozy hozao: “Avia hihina maray.” Tsy nisy tamy mpinatsy rey nahasaky nanontany Azy hozao: “Ia moa Iha?” Hain-drozy fa ty Tompo io.
|
||
\v 13 Namonjy Jesosy, nandramby ty mofo, sady nanome zay ndrozy, manahaky zay koa ty fia.
|
||
\v 14 Fanintelony amy io ro niboaha i Jesosy tamy mpianatsy tafara ty nitsanganany rey tamy maty.
|
||
\p
|
||
\v 15 Lafa baka nihina azy hany maray iny ndrozy, le hoy Jesosy tamy i Simona Petera hozao: “Simona ana i Jaona, tea Ahy mandilatsy noho rey va iha?” Hoy Petera taminy hozao: “Eka Tompo, hainao fa tea Anao zaho.” Hoy jesosy taminy hozao: “Fahano aondriko rey.”
|
||
\p
|
||
\v 16 Nivola taminy fanindroeny ndraiky Ie hozao: “Simona ana i Jaona, tea Ahy va iha?” Hoy Petera taminy hozao: “Eka Tompo, haiko fa tea Anao zaho.” Hoy Jesosy taminy hozao: “Karakara ty aondriko.”
|
||
\p
|
||
\v 17 Nivola taminy fanintelony ie hozao: “Simona, ana i Jaona, tea Ahy va iha?” Le nalahelo Petera safe Jesosy nanao intelo taminy hozao: “TeavAhy va iha?” Ka le hoy ie taminy hozao: “Tompo, Iha mahay ty raha iaby, hainao fa tea Anao zaho.” Hoy Jesosy taminy hozao: “Fahano ty aondriko.”
|
||
\p
|
||
\v 18 Volaniko aminao, marina, le marina vatany, tamy mbo tanora iha, le zatsy nampilitsy raiky ty salotsinao sady nandeha tamy ze teanao, fa lafa niha-antitsy iha, le hanampatsy ty tananao, sady olo-hafa ro nampisalotsy anao noho handay anao amy ze tsy teanao andehana.”
|
||
\v 19 Sady Jesosy nivola zay mba hahaiza hoe amy ty karaza fahafatesa manahaky ty ino ro hanomeza i Petera voninahitsy an-Janahary. Lafa baka nivola zay ie, le hoy Ie tamy i Petera hozao: “Manaraha Ahy.”
|
||
\p
|
||
\v 20 Nitoliky Petera ka le nahita azy mpianatsy ze tea i Jesosy nanoriky androzy iny, azy raiky ze nianky amy sisy i Jesosy avao iny ka le tamy ty fihinana ao sady nanao hozao: “Tompo, ia azy raiky hamadiky Anao?”
|
||
\v 21 Nahita azy Petera sady hoy ie bakeo tamy i Jesosy hozao: “Tompo, ino ro ho anovy lahilahy io?”
|
||
\p
|
||
\v 22 Hoy Jesosy taminy hozao: “Laha teako hipetsaky ie zisiky-iaviako, le midika ino aminao zay? Manaraha Ahy.”
|
||
\v 23 Ka le niparitaky tamy mpirahalahy rey eo safa zay, fa tsy ho maty mpianatsy io. Nefa Jesosy tsy nivola tamy i Petera fa tsy ho maty azy mpianatsy hafa iny, fa hozao: “Laha tesko hipetsaky ie zisiky-iaviako, le midila ino aminao zay?”
|
||
\p
|
||
\v 24 Ie azy mpianatsy ze nitsanga vavolombelo mikasiky raha rey iny, noho azy nanoratsy raha rey iny, sady haintsika fa marina ty fanambarany.
|
||
\p
|
||
\v 25 Misy raha lako hafa koa ze nanovy i Jesosy. Laha voasoratsy kirai-draiky iaby zay, le dinihiko fa ndra ty tany iaby toy aza tsy ho aomby ty boky ze ho soraty.
|