skg-x-vezo_reg/43-LUK.usfm

\id LUK
\ide UTF-8
\h Lioka
\toc1 Lioka
\toc2 Lioka
\toc3 luk
\mt Lioka
\c 1
\cl Toko 1
\p
\v 1 Lako ty niezaky nanoratsy tantara mikasiky raha-niseho ze tanteraky tamintsika rey,
\v 2 manahaky ze fa nanomezan-drozy azy tamintsika, ze fa vavolombelo nanatsy-maso noho mpiasa ty safa zisiky amy velohany.
\v 3 Sady amiko avao koa ro hohatsy mety - lafa nanontany soa ty fandehana ty raha iaby zisiky amy ty velohany - ty hanoratsy tatitsy manahaky ty filaharany ho ahy nao, Teofilo maeva bibiky.
\v 4 Zay ro mba hahaizanao ty marina mikasiky raha ze nampianary anao rey.
\p
\v 5 Tamy ty andro i Heroda, mpanjaka ty Jodia, le nisy raiky tamy ty mposoro kaihe hoe Zakaria, baka amy ty antokoni Abia. Ty valiny le baka amy ty anak'ampela i Arona, sady ty anarany ro Elizabeta.
\v 6 Samby marina tanilan-Janahary eo ndrozy, sady nanenky lily iaby rey noho fitsipiky ty Tompo rey,
\v 7 Fa tsy nanan-anaky nefa ndrozy, safe miaro Elizabeta, sady samby fa tena antitsy avao koa rozy roe tamy fotoa zay rey.
\p
\v 8 Sady zay ro mikasiky an'i Zakaria ta famonjean-Janahary eo, nanantanteraky asa ty fisorona rey manahaky ty fifanoloa ty hisan-tokony.
\v 9 Manahaky ty fomba fanovin-drozy ty amy ty fitingina mpisoro ze tokony hanompo, le voatingy fy laro kelikely hilitsy handoro ty emboky manitsy an-degilizy ty Tompo ao ie.
\v 10 Tamy ty lere nandoroa ty emboky manitsy le nivavaky tambaliky eny ty vokatsy iaby.
\v 11 Sady nisy anjely ty Tompo niseho taminy sady nitsanga fankavana ty alitara eo nisy ty emboky manitsy.
\v 12 Lafa nahita azy i Zakaria, le natahotsy sady atsiky ty tahotsy ie.
\v 13 Fa hoy ty anjely taminy: “Ka matahotsy, Zakaria, fa nijanjiny ty vavako. Hiteraky aja lahilahy aminao Elizabety valinzo. jaonao ro hanovinareo ty anarany.
\v 14 Hanam-pifalea noho haravoa iha, sady lako koa ro ho faly amy ty fahaterahany.
\v 15 Safe ho bey ie amaso ty Tompo eo. Tsy hino divay ndra raha-inomy mahery mihintsy ie, sady ho atsiky ty Fanahy Masy zisiky an-tsarotson-dreniny any ie.
\v 16 Lako amy ty olo lakon'Israely ro hitoliky amy ty Tompo Njanaharin-drozy.
\v 17 Handeha aloha ty tarehy ty Tompo eo amy ty fanahy noho ty hery Elia eo ie. Zay ro anovy le ty mba hitoliha ty fo ty raiky amy ty anaky, mba handehana ze tsy manenky amy ty lala ty fahendrea ty marina rey - mba hanoma olo lako fa vonona ho ahy ty Tompo nihomany ho Azy.”
\p
\v 18 Sady Zakaria nivola tamy anjely iny hozao: “Ino ro ahaizako zay? Fa zaho fa antitsy sady ty valiko ro tena fa antitsy.”
\p
\v 19 Sady hoy ty anjely namaly noho nivola taminy: “Zaho ro Gabriela, azy mitsanga anilan-Janahary eo iny. Sady voahiraky zaho mba hovola aminao, handay vaovao soa zao aminao.
\v 20 Ka le ingo! Ho moa iha, ka le tsy afaky hivola, zisiky-hiavia ty andro hisehoa raha rey. Safe tsy nino ty safako iha, ze ho tanteraky amy ty fotoa voatondro.”
\p
\v 21 Sady ty olo lako vozaky-nandiny an'i Zakaria. Tseriky noho ty fijanonany ela tan-degilizy rozy ao.
\v 22 Fa lafa niboaky ie, le tsy afaky niresaky tamin-drozy. Sady hay fa nahita fahita ie tan-degilizy ao. Nanao beko moa tamy rey ie sady nijano ho moa.
\p
\v 23 Sady lafa avy ty andro hitampera ty fanompoany, le nandeha noly tan-tsanony any ie.
\p
\v 24 Tafara ty andro rey, le niteraky-aja Elizabeta sady nivony anay ty limy vola. Hoy ie hozao:
\v 25 “Zao ro nanovy ty Tompo ho ahy lafa nijilo ahy Ie mba hangalaky ty henatsiko anila ty olo eo.”
\p
\v 26 Tamy ty faha enim-bola eo, le nirahin-Janahary ty anjely Gabriela nana amy ty tanà raiky any ta Galilia ao kaihe hoe Nazareta,
\v 27 ho amy ajam-pela mbo tsy mahasaky lahy raiky any ze valy ty lahilahy kaihe hoe Josefa. Anay ty tariha i Davida ie, sady ty anara azy ajam-pela mbo tsy mahasaky lahy iny ro Maria.
\v 28 Nana aminy eo ie sady nivola hozao: “Arahaba, azy nigasoavy bibiky iny! Ty Tompo ho aminao ao.”
\v 29 Ta tena tsobo hevitsy tamy ty safany ie nanontany vata hoe karaza fiarahaba manahaky ty ino zay.
\v 30 Hoy ty anjely taminy: “Ka matahotsy, Maria, fa nahita sitsaky tamin-Janahary iha.
\v 31 Ingo, hobevoka iha ka le hiteraky aja lahilahy. Sady ty anarany ho kaihe hoe ‘Jesosy.’
\v 32 Ho bey Ie sady ho kaihe hoe Ana ty Abo Bibike. Ty Tompo Njanahary hanome Azy ty seza fipetsaha i Davida razambeny.
\v 33 Sady hanjaka zisiky farany amy ty tariha i Jakoba ie, sady tsy hisy farany ty fanjakany.”
\p
\v 34 Hoy Maria tamy anjely iny: “Ino ro hiboaha zay, fa mbo tsy niaraky-niroro tamy ty lahilahy zaho?”
\v 35 Ty anjely namaly noho nivola taminy hozao: “Hirotszky aminao ty Fanahy Masy, sady ty hery ty Abo bibiky ro hp avy aminao. Ka le azy masy iny ho teraky le ho kaihy hoe Anan-Janahary.
\v 36 Ingo, Elizabeta longonao ro niteraky lahilahy avao koa ndra ro tamy ty ha-antitsy aza. Fa faha enim-bola ty azy zao, ie azy nikaihy hoe miaro.
\v 37 Safe tsy misy raha tsy ho azo tanteraha amin-Janahary.”
\p
\v 38 Hoy i Maria: “Ingo, zaho ro mpiasa ampela ty Tompo. Engao ho hantanteraky amiko zay manahaky ty hafatsinao.” Sady niala taminy eo ty anjely.
\p
\v 39 Sady tamy andro zay i Maria le niala ks le nandeha malaky nana amy ty fany abo any, amy ty taná i Jodia any.
\v 40 Nana amy ty tsano i Zakaria any ie sady niarahaba an'i Elizabeta.
\v 41 Sady noho ty nahare ty fiaraba i Maria i Elizabeta, le nibisibisiky ty aja tan-tsarotsony ao, sady atsiky ty Fanahy Masy Elizabeta.
\v 42 Nanondrom-peo noho nivola mare ie hozao: “Nisoavy noho ty ampela iaby iha, sady nisoavy ty nateraky ty sarotsonao.
\v 43 Nanino zay ro mitsanga amiko fa azy reny ty Tompoko iny ro avy hamonjy ahy?
\v 44 Fa ingo, lafa avy tan-tsifiko eo ty fiarabanao, le nientan-kafalea ty taja an-tsarotsoko ato.
\v 45 Sambatsy ie ze nino fa ho tanteraky raha ze nivolany ty Tompo taminy rey.”
\p
\v 46 Hoasa i Maria: “Manompo ty Tompo ty fanahiko.
\q
\v 47 sady ty fanahiko nifaly tamin-Janahary mpamonjiko ao.
\q
\v 48 Fa nanenty ty fijalea ty mpanompo ampelany Ie. Sady ingo, manomboky zao ty tariha iaby hikaiky ahy hoe sambatsy.
\q
\v 49 Safe nanao raha iaby tamiko azy mahefa ty raha iaby iny, sady masy ty anarany.
\q
\v 50 Fa ela ho ahy ty tariha farany ze matahotsy Azy ty famalozam-pony.
\q
\v 51 Nampitoro ty heriny tamy ty sandriny ie; sady nampiparitaky ze nirengirengy tzmy ty eritseritsy ty fon-drozy rey.
\q
\v 52 Naongany tamy ty seza fiapetsahany ty anakilahy ty mpanjaka sady ambany nasondrotsiny rey.
\q
\v 53 Nanoviny vintsy raha-soa mosary rey, fa ty mpanan-kanana nampoliny tsy nana ndra ino ndra ino.
\q
\v 54 Nanome fanampea an'Israely mpiasany Ie, mba hahatiaroavany hanoro famalozam-po
\v 55 (manahaky ty nivolaniny tamy babantsika rey) tamy i Abrahama noho ty tarihany zisiky farany.”
\p
\v 56 Nijano nipetsaky tamy i Elizabeta ao vatany ho telo vola i Maria sady bakeo nimpoly noly tan-tsanony any.
\p
\v 57 Sady niavy ty fotoa hiteraha i Elizabeta ty anany sady niteraky aja lahilahy ie.
\v 58 Nahare ty famalozam-po bevata nanovy ty Tompo taminy mpiaraky-mipetsaky aminy rey noho longony rey, sady niara-paly taminy rozy.
\v 59 dy tamy ty andro fahavalo le niavy habavatsy ty aja rozy. Fa ho nikaihe rozy hoe “Zakaria,” nanahaky ty anara-babany ie.
\v 60 Fa ty reniny koa namaly sady nivola hozao: “Aha. Jaona ro hikaiha azy.”
\v 61 Sady hoy rozy taminy: “Tsy misy any ty longonao kaihe amy abara zay.”
\v 62 Nanao beko moa tamy babany rozy ty amy ty teany hanovy anarany.
\v 63 Nangataky tabilô fanorata babany sady nanoratsy hozao: “Jaona ro anarany.” Sady le tseriky tamy zay rozy iaby.
\v 64 Sady niaraky tamy zay le nivoha ty vavany sady nafaha ty lelany. Nivola ie sady nanompo an-Janahary.
\v 65 Niavy tamy iaby niodidy androzy eo ty tahotsy. Sady niparitaky eraky ty taná abo i Jodia ty raha-niboaky iaby teo.
\v 66 Sady iaby nahare rey ro nandramby raha reny tam-pony ao, sady nivola hozao: “Hanjary ino zany aja toy?” Fa miaro azy ty tana ty Tompo.
\v 67 Sady atsiky ty Fanahy masy i Zakaria babany sady nanao resaky to, kanle nivola hozao:
\q
\v 68 “Tompoe lahy ty Tompo, Njanaharin'Israely, fa niavy nanampy noho nanantanteraky ty fanafaha ho ahy ty olo lakony Ie.
\q
\v 69 Nanondrotsy abo ty tsifam-panavota ho ahy tsika an-tsano i Davida mpiasany ao Ie,
\q
\v 70 manahaky ze novolaniny tamy ty vava ty olo to-resaky masy rey tamy ty andro taloha tany.
\q
\v 71 Handay famonjea amy ty fahavalontsika noho amy ty tana iaby tsy tea antsika rey Ie.
\q
\v 72 Zay ro hanoviny le ty mba hampitoro ty famalozam-po amy ty babantsika rey noho hampitiarovy ty fabenkeam-pilongoany Masy,
\q
\v 73 le azy fifanta nivolaniny tamy i Abrahama babantsika iny.
\q
\v 74 Nifanta ty hahazoantsika, lafa afaky tamy ty tana ty fahavalontsika, manompo Azy tsy amin-tahotsy,
\q
\v 75 am-pahamasina noho am-pahamarina anilany eo amy ty androntsika iaby.
\p
\v 76 Eka, sady iha, aja, le ho kaihe hoe to resaky ty Abo bibiky, fa handeha hitariky ty tarehy ty Tompo iha sady hamboatsy ty lalany, mba hanoma ty olo ty amy ty fiaviany,
\q
\v 77 mba hanome fahalalam-pamomjea ho ahy ty olony amy ty alala ty famela ty helokin-drozy.
\q
\v 78 Zay ro hiboaky laha noho ty famalozam-po masy ty Njanaharintsika, noho ty amy zay ro hiboaha ty masoandro baka amy ty abo mba ho avy hanampy antsika,
\q
\v 79 hanazava ze mipetsaky anay ty haiky noho anay ty aloky ty fahafatesa rey ao. Hanoviny zay mba hitariha ty tombotsika amy ty lalam-piadana.”
\p
\v 80 Sady ty aja ro nitombo sady nanjary nahery amy ty fanahy, sady twm-baliky any ie zisiky-iavia ty andro hiboahany mazava amin-Janahary.
\c 2
\cl Toko 2
\p
\v 1 Sady tamy andro zay, le nandefa lily mibeko ze mibeko ty hanisaky ty olo iaby miay amy ty tany iqay toy eto Aogosto Kaisara.
\v 2 Zay ro fanisaham-mbahoaky nanovy velohany tamy i Kyrenio ro mpanapaky ta Syria any.
\v 3 Laha zay ty olo-iaby ro nana amy ty tanà niaviany any iaby mba hisoratsy anara ho ahy ty fanisaham-bahoaky.
\v 4 Le nandeha niakatsy baka a Galilia any koa Josefa, baka an-tanà ty Nazareta anyl ho a Jodia any, taná i Davida ze kaihe hoe Betlehema, safe ie baka amy ty tsano noho longo i Davida any.
\v 5 Nandeha tany ie mba hisoratsy anara niaraky amy i Maria, ze valiny sady niteraky.
\v 6 Sady laha mbo tany rozy, le niavy ty fotoa hitwrahany ty anany.
\v 7 Niteraky aja lahilahy ie, anany velohany, sady ie nanafotsy sikin'aja Azy noho nampiroro Azy tamy ty fihinanam-biby, safe tsy nisy toera ho androzy tamy ty hotely ao.
\p
\v 8 Nisy mpiemby aondry tamy faritsy zay ze nijanona tam-baibo ao, nandiny ty aondriny lako tamy ty haliky.
\v 9 Nisy anjely ty tompo niboaky tamin-drozy, sady ty voninahitsy ty Tompo nipiriaky miodidy azy, sady atsiky tahotsy bevata rozy.
\v 10 Le nivola tamin-drozy ty anjely nanao hozao: “Ka matahotsy, fa handay vaovao soa ze handay hafalea bevata ho ahy ty olo iaby zaho.
\v 11 Androany le nisy mpanavotsy ze teraky ho ahy nareo an-taná i Davida ao! Ie ro Kritsy Tompo!
\v 12 Zao ro fahaiza ze hamea anareo: Hahita aja kelikely misafotsy sikin'aja sady miroro amy ty fihinanam-biby ei nareo.”
\p
\v 13 mpoky eo niadaky tamy anjely iny, le nisy tafiky ty lanitsy bevata nanompo an-Janahary nanao hozao:
\q1
\v 14 “Voninahitsy ho ahin-Janahary amy ty abo bibike any, sady hisy fiadana lahy an-fany eo amy tb olo ze enkeny eo.”
\p
\v 15 Sady lafa niala tamin-drozy eo nana an-danitsy any anjely rey, ty mpiemby aondry nifampivola hozao: “Andao tsika zao ho a-Betlehema any, sady hanenty raha-niseho zay, ze nampahaize ty Tompo antsika zay.”
\v 16 Nandeha malaky tany rozy sady nahita an'i Maria noho Josefa, sady nahita ty aja kelikely niroro tzmy ty fihinanam-biby eo.
\v 17 Tafara ty nahitan-drozy Azy, le nampahaizin-drozy ty raha iaby nivolany androzy mikasiky aja io.
\v 18 Ze iaby nahare zay le tseriky ty amy ty nivolany ty mpiemby aondry tamin-drozy.
\v 19 Fa Maria koa nanohy nieritseritsy mikasiky ty raha iaby ze reny, sady nanajary reny tam-pony ao.
\v 20 Nimpoly mpiemby aondty rey, nanome voninahitsy noho nankalaza an-Janahary noho ty raha iaby ze ren-drozy noho hitan-drozy, manahaky ze nivolany tamin-drozy.
\p
\v 21 Lafa tampitsy ty andro fahavalo, lafa nisavary Ie, le namea anara hoe Jesosy, azy anara namea ty anjely Azy taloha ty nametsaha Azy tan-tsarotso ao iny.
\p
\v 22 Sady lafa lisatsy ty hisa ty andro nitake hiliovany, manahaky ty lalà i Mosesy, ro nanday Azy niakatsy ho an-degilizy any ta Jerosalema ao i Maria noho Josefa mba hanome Azy amy ty Tompo eo.
\v 23 Manahaky ze voasoratsy amy ty lalà ty Tompo ao hozao: “Ty lahilahy iaby ze veloha-teraky ro hatoka ho ahy ty Tompo.”
\v 24 Laha zay le nanome soro manahaky ze voavola zmy ty lalà ty Tompo ao rozy, “domohina roe ndra anaky pizon roe.”
\p
\v 25 dy ingo, nisy lahilahy ta Jerosalema any, Simona ro anarany, sady lahilahy zay le marina noho mafana fo. Nila ty fampionona an'Israely ie, sady taminy ao ty Fanahy Masy.
\v 26 Nambara ty Fanahy Masy taminy fa tsy hahita fahafatesa aloha ty ahifany ty Kristy ty Tompo ie.
\v 27 tarihy ty Fanahy, nana an-degilizy any Simona. Lafa nanday an'i Jesosy aja kelikely nilitsy ty ray aman-dreniny, mbz hanao Azy manahaky ty fomba amy ty lalà ao,
\v 28 le niroasiny ho an-tsandriny eny Ie sady nanompo an-Janahary sady nanao hozao:
\q1
\v 29 “Amy zao engao handeha moramora ty mpiasanao, Tompo e, manahaky ty safanao.
\q1
\v 30 Fa ty masoko nahita ty famonjeanao,
\q1
\v 31 ze nomaninao tamy ty fanatseha ty olo iaby:
\q1
\v 32 Le fahazava ho fanambara ho ahy ty Jentilisa sady vononahitsy ho an'Israely olonao.”
\p
\v 33 Ty ray noho reny aka iny le jilo tamy ty raha nivolany mikasiky Azy.
\v 34 Nitsipi-rano androzy Simona sady nivola tamy i Maria reniny hozao: “Ingo, aja toy ro voatondro ho amy ty fandavoa noho fanondrota ty olon'Israely lako sady ho fahaiza ze tsy nenké -
\v 35 sady hisy sabata handoaky ty fanhinao - mba ho voambara ty hevitsy ty fo lako.”
\p
\v 36 Nisy olo to-resaky ampela raiky kaihe hoe Ana teo. Anak'ampela i Fanoela baka amy ty foko Asera ie. Tena antitsy ie. Nipetsaky niaraky tamy ty valiny fito tao tafara ty naha kelikely azy ie,
\v 37 sady mpanday vata tanay ty valopolo efatsy amby tao. tsy niala ty egilizy mihintsy ie fa nanompo tamy ty fifalian-kany noho vavaky, andto noho baliky.
\v 38 Tamy lera zay bibike le namonjy mariny androzy ie sady nanomboky nanome fisaora an-Janahary noho nivo, a ty mikasiky aja iny famy ty olo iaby ze nandiny ty fanavota an'i Jerosalema.
\p
\v 39 Lafa nahavita ty raha iaby honanoviny manahaky ty lalà ty Tompo ndrozy, le nimpoly ta Galilia any, amy ty tanàn-drozy any a-Nazareta any.
\v 40 Nihabey ty aja sady nihanatanjaky, nitombo fahendrea, sady ty fahasoavan-Janahary ro taminy ao.
\p
\v 41 Ty ray aman-dreniny ro nana Jerosalema any isan-fao hamonjy ty Fifalea ty Paska.
\v 42 Lafa folo roa amby tao Ie, le nandeha nana any manahaky ty fomba fanovo amy ty fety ndraiky ndrozy.
\v 43 Sady lafa baka nipetsaky tany tanay ty andro ty fety iaby ndrozy, le nanomboky nimpoly noly ndrozy. Fa Jesosy aja lahilahy nijano ta Jerosalema any nefa tsy hay ty ray aman-dreniny zay.
\v 44 Nanovin-drozy fa niaraky tamy ty olo niaraky-lia tamin-drozy Ie, le nandeha tanay ty andro raiky iaby ndrozy. Sady bakeo le nanomboky nila Azy tamy lonfony rey any noho namany rey ndrozy.
\v 45 lafa tsy hitan-drozy Ie, le nimpoly ta Jerosalema any bdrozy kable nanomboky nila Azy tany.
\v 46 Lafa afaky telo andro, le hitan-drozy tan-degilizy ao Ie, nipetsaky fanivo mpampianatsy rey eo, nijanjy androzy noho nametsaky fanonfanea tamin-drozy.
\v 47 Ze iaby nanoro Azy le tseriky tamy ty fahaizany noho valintsafany rey.
\v 48 Lafa nahita Azy ndrozy, le jilo. Ty reniny nivola taminy hozao: “Anaky, nanino iha ro nanao manahaky zao anay? Janjino, zaho noho babanao nila anao tami-tepotepo.”
\v 49 Ie nivola tamin-drozy hozao: “Nanino nareo ro nila Ahy? Tsy hainareo va fa tsy maintsy ho an-tsano ty Babako ao Zaho?”
\v 50 Fa tsy azon-drozy ze teany hovolany tamy safa zay.
\v 51 Le noly niaraky tamin-drozy ta Nazareta any Ie sady nanenky androzy. Ty reniny le nanajary raha iaby zay tam-pony ao.
\p
\v 52 Fa Jesosy nihanintombo fahendrea noho ty nitombo vata, sady nitombo fitea tamin-Janahary noho ty olo.
\c 3
\cl Toko 3
\p
\v 1 Tamy ty tao faha folo limy amby nanjaka i Tiberie Kaisara - tamy Pontio Pilato ro governora i Jodia, Heroda ro mpanapqky ta Galilia ao, Filipo rahalahiny le mpnapaky tamy ty faritsy Itoria noho Trakonitisy ao, sady Lysania ro mpanapaky i Abilena,
\v 2 anay ty fisoronam-bey i Aniasy noho Kaisafa - le niavy tan'efitsy any ty safan-Janahary.
\v 3 Nandeha tamy faritsy iaby miodidy rey any ahy ty Jordana Ie, nanambara ty batisa ty fibebaha ho hanenga heloky rey.
\v 4 Manahaky ty voasoratsy amy ty boky ty safa ty Isaia to-resaky ao hozao: “Nisy feo raiky nikaiky mare baka ambaliky any hozao: ‘Anovo vonona ty lala ty Tompo, anovo mahity ty lala-andehanany.
\q1
\v 5 Ty loham-baibo iaby ho fototsy, sady ty tsifam-bohitsy noho ty vohitsy hajotso, sady ty lala mivio ro amboary hahity, sady ty toera mikitoantoa ro hanovy lala,
\q1
\v 6 sady ty nofotsy iaby ro hahita ty famonjen-Janahary.”’
\p
\v 7 Ka le nivola tamy olo lako rey ze niavy hanovy batisa i Jaona hozao: “Nareo taroha ry menara! Ia ro nampiemby anareo mba hilau ty heloky ze ho avy?
\v 8 Laha zay, mamokara voa maeva ty fibebaha, sady ka manomboky mivola anainareo ao hozao: ‘Zahay mana an'i Abrahama ho babanay,’ fa mivola anareo zaho fa Njanahary ro afaky mampitsanga anaky ho an'i Abrahama baka amy vato reto.
\v 9 Amy zao aza ty famaky ro mipetsaky amy ty fototsy ty hazo eo. Ka le ty hazo iaby ze tsy mamoa voa soa ro voakapa sady hatoraky amy ty afo any.”
\p
\v 10 Sady olo lako rey ro nanontany azy direkita, nivoala hozao: “Ino moa ro anovinay?”
\p
\v 11 Namaly ie ka le nivola tamin-drozy hozao: “Lafa misy olo mana salotsy lava roe, tokony mizara zay amy ty olo raiky ze tsy mana ie, sady ze mana hany koa ro tokony hanao manahaky zay.”
\p
\v 12 Mpamory haba rey koa ro niavy mba hanovy batisa, sady nivola taminy hozao: “Mpampianatsy e, ino ro tsy maintsy anovinay?”
\p
\v 13 Ie nivola androzy hozao: “Ka mamory jala mandilatsy noho ze nasà halanareo.”
\p
\v 14 Maramila lako koa nanontany azy, nivola hozao: “Manao akory ty mikasiky anay? Ino ro tsy maintsy anovinay?” Ie nivola tamin-drozy hozao: “Ka mangalqky jala amin'olo forise, sady ka mavandy amin'olo. Mifalea amy ty karamanareo.”
\v 15 Sady laha nandiny mare ty fiavia i Kristy ty olo lako, le nanontany tam-pony ao ty mikasiky i Jaona ty kirai-draiky, ndra mety ho ie ndra tsy ie ro Kristy.
\v 16 Jaona namaly tamy ty fivolana azy iaby hozao: “laha ty amiko, le manao batisa anareo amy ty rano zaho, fa misy olo raiky ho avy mahery mandilatsy ahy zay, sady tsy maeva zaho ndra ke hamaha ahy, fehi-kapany rey aza. Hanao batisa anareo amy ty Fanahy Masy noho ty afo Ie.
\v 17 An-tanany eo ty fikororohany mba hanaliova soa ty am-pomoloany noho hampitsangana ty vary ho amy ty sompiny any. Fa horoany amy ty afo tsy mety vonoe ty lila.”
\p
\v 18 Niaraky tamy ty fananara lako hafa avao koa, Jaona nanambara vaovao soa ho ahy ty olo lako.
\v 19 Heroda mpanapaky Lafa nanary noho ty fanambalea ty valin-ty rahalahiny Herodiasy, noho noho ty raha raty hafa iaby ze vitany,
\v 20 le ho fanampea iaby zay, le nihiliny tan-gadra any Jaona.
\v 21 Sady, lafa vita batisa iaby ty olo iaby, le nanovy batisa koa Jesosy, sady lafa mbo nivavaky ie, le nivoha ty lanitsy,
\v 22 sady ty Fanahy Masy nampiyovy endriky ka le nijotso taminy eo manahaky ty pizon, sady nisy feo baka an-danitsy any nanao hozao: “Iha ro Anako, teoko. Faky Zaho noho ty aminao.”
\v 23 Lafa nanomboky ty asa fanompoany Jesosy, le tamy ty telo-polo tao eo Ie. Ie ro anakilahy i (manahaky ty fidiniha) Josefa, ana i Hely,
\v 24 ana i Matata, ana i Levy, ana i Melky, ana i Janay, ana i Josefa.
\v 25 Josefa le ana i Matitia, ana i Amosa, ana i Nahoma, ana i Elsy, ana i Nagay, ana i Mata,
\v 26 ana i Matatia, ana i Semey, ana i Joseka, ana i Joda.
\v 27 Joda ro ana i Joanana, ana i Rase, ana i Zerobabela, ana i Sealtiela, ana i Nery,
\v 28 ana Melky, ana i Ady, ana i Kosama, ana i Elmadama, ana i Era,
\v 29 ana i Josoa, ana i Eliezara, ana i Joreima, ana i Matata, ana i Kevy.
\v 30 Levy ro ana i Simeona, ana i Joda, ana i Josefa, ana i Jonama, ana i Eliakima,
\v 31 ana i Melea, ana i Mena, ana i Matata, ana i Natana, ana i Davida,
\v 32 ana i Jese, ana i Obeda, ana i Boaza, ana i Salmona, ana i Nahasona.
\v 33 Nahasona ro ana i Aminadaba, ana i Adimina, ana i Arny, ana i Hezrona, ana i Fazera, ana i Joda,
\v 34 ana i Jakoba, ana i Isaka, ana i Abrahama, ana i Tera, ana i Nahora,
\v 35 ana i Seroga, ana i Teo, ana i Pelega, ana i Ebefa, ana i Sela.
\v 36 Sela ro ana i Jenana, ana i Arpaksada, ana i Sema, ana i Noa, ana i Lemeka, ana i
\v 37 Metosela, ana i Enoka, ana i Jareda, ana i Mahalalila, ana i Kenana,
\v 38 ana i Enosa, ana i Seta, ana i Adama, anan-Janahary.
\c 4
\cl Toko 4
\p
\v 1 Tafara zay Jesosy, lafa atsiky ty Fanahy Masy, le nimpoly baka amy ty renirano i Jordana any, sady nandesy ty Fanahy Masy tan'efitsy any
\v 2 ze nalà ty devoly fanahy Azy any tanay ty efapolo andro. Tsy nihina ndra ino ndra ino Ie anay andro rey, sady tamy ty fotoa farany le mosary Ie.
\v 3 Ty Devoly nivola taminy hozao: “Laha anan-Janahary Iha, le ampanjario mofo vato io.”
\p
\v 4 Namaly azy Jesosy hozao: “Voasoratsy hoe: ‘Tsy mofo avao ro mahavelo olo.’”
\p
\v 5 Bakeo nandesy ttajy ty toera abo eny Jesosy sady nasehony Azy tsy ela tsy ela iaby ty fanjaka iqby ty nay iaby toy.
\v 6 Ty devoly nivola taminy hozao: “Hameako anao ty fahefa iaby noho ty fipiriakiny iaby, safe fa namea ahy rey, sady afaky ameako ty olo ze teako amea azy.
\v 7 Laha zay, lafa mandohaliky noho manompo ahy Iha, leho lasanao zay.”
\p
\v 8 Nefa Jesosy namaly ka le nivola azy hozao: “Voasoratsy hoe: ‘Hanompo ty Tompo Njanaharinao iha, sady Ie raiky avao ro ho tompoinao.’”
\p
\v 9 Bakeo ty devoly le nanday an'i Jesosy ta Jerosalema any sady nanoviny tamy ty fara-nanabo ty egilizy eny, sady nivola taminy hozao: “Laha anan-Janahary Iha, le alavo baka etoy ty vatanao.
\v 10 Safe fa voasoratsy hozao: ‘Hibeko ty anjeliny ty aminao Ie, mba hiaro anao,’
\v 11 sady, ‘Ndrosy hanondrotsy anao amy ty tanany, mba tsy ho heloky ty vato ty tombonao.’”
\p
\v 12 Namaly azyl Jesosy nivola hozao: “Fa nambara hozao: ‘Ka mangalaky fanahy ty Tompo Njanaharinao.’”
\p
\v 13 Lafa vita ty fangala ty devoly fanahy an'i Jesosy, le nandeha ie sady niala Azy zisiky hiavia ty fotoa hafa.
\p
\v 14 Bakeo Jesosy nimpoly ta Galilia any tamy ty gery ty Fanahy, sady ty vaovao mikasiky Azy le fa niparitaky nanera ty faritsy miodidy iaby.
\v 15 Le nanomboky nampianatsy tamy ty Synagogan-drozy ao Ie sady nitompoe ty iaby.
\p
\v 16 ndeha ta Nazareta any Ie, azy tana nahabevata azy iny, sady manahaky ty fomba fanoviny, le nilitsy tamy ty Synagoga ao tamy ty andro Sabata Ie ka le nitsanga mba hamaky safa mare.
\v 17 Nanome azy ty taratasy-lakon'Isaia to-resaky. Nivohany boky iny sady hitany ty toera nanorata azy,
\q1
\v 18 “Ty Fanahy ty Tompo ro anovy amiko, safe Ie manosotsy ahy hilaza ty vaovao mahafaly ho ahy ty mijaly. Ie ro nandefa ahy hanambara fahafaha ho ahy ty gadra rey, sady hampimpoly ty fahita ho ahy ty jiky, hanafaky ze ampijalea rey,
\q1
\v 19 hanambara ty faom-panafahan-Janahary.”
\p
\v 20 Bakeo le namboary ty taratasy, nampoliny tamy ty mpiemby any, sady nipetsaky Ie. Ty maso iaby rey tamy ty Synagiga ao ro nibanjina Azy.
\v 21 Nanomboky niresaky tamin-drozy Ie hozao: “Androany Soratsy Masy toy ro tanteraky am-pijanjinanareo eo.”
\p
\v 22 Ty iaby tao ke nivola soa ty mikasiky Azy sady tseriky tamy ty safam-pahasoava ze naboaky ty vavany rozy, sady nanontany Ndrozy hozao: “Fa tsy azy ana i Josefa iny va toy?”
\p
\v 23 Ie nivola tamin-drozy hozao: “Azo antoky fa hivola ohabivolana toy amiko nareo hozao: ‘Rokotera, afaho ty vafanao. Ndra ino ndra ino renay fa nanovinao ta Kapernaomy ao, le nanova manahaky zay amy ty taninao any.’”
\v 24 Nefa nivola Ie hozao: “Volaniko aminareo marina, tsy misy olo to-resaky voaramby amy ty taniny ao.
\v 25 Nefa volaniko aminareo marina fa lako ty ampela mpandai-vata ta Israely any tamy ty andro i Elia, lafa nihily ty lanitsy anay ty telo tao noho enim-bola, sady nisy mosary bevata niavy tamy ty tany iaby eo.
\v 26 Nefa Elia tsy nalefa ndra tamy ty daiky tamin-drozy aza, fa ta Zarapata ao a-Sidona any avao, tamy ty mpandai-vata ze nipetsaky tany.
\v 27 Fa lako boka rey ta Israely ao tamy ty andro i Elisa to-resaky, nefa tsy nisy ndra le daiky tamin-drozy aza afaky hafa-tsy Namàna azy Syriana iny.”
\v 28 Ty olo iaby tamy ty Synagoga ao le atsiky ty heloky lafa nahare raha rey.
\v 29 Nitsanga ndrozy, nanao forise Azy hiala ty tanà, sady nandefa Azy fanabo vohitsy eny ze namboara ty tanan-drozy, mba halavo Azy amy ty hantsa.
\v 30 Nefa nandeha namakivaky tanivon-drozy eo Ie le nanjary nadeha tamy ty toera-hafa any.
\p
\v 31 Bakeo Ie le nijotso ta Kapernaomy any, tanà raiky a-Galilia any, sady nanomboky nampianatsy androzy tamy ty Sabata Ie.
\v 32 Ndrozy ro nitseriky tamy ty fampianara nanoviny, safe novola tamy ty fahefa Ie.
\v 33 ty tamy ty Synagoga ao ro nisy lahilahy ze nipetsaha ty fanahy maloto ty demonia, sady ie ro nikorakoraky tamy ty feo mare hozao:
\v 34 “Eh! Ino ro ifandrambesanaybaminzo, Jesosy baka Nazerata any? Niavy mba hanimba anay va Iha? Haiko hoe ia Iha -azy Njanahary Masin-Janahary!”
\p
\v 35 sosy nivola mare demony iny, ka le nanao hozao: “Ka mivola sady mialà aminy ao!” Lafa nanoraky lahilahy hilavo tanivon-drozy eo ty demony iny, ke niala taminy ao, sady tsy nandratsy azy vatany.
\p
\v 36 Nitseriky iaby ty olo iaby, sady nanohy nifampiresaky ty mikasiky zay. Nivola ndrozy hozao: “Fa safa manahaky ty ino re zay?” Bekony amy ty fahefa noho hery ty fanahy maloto ro miboaky.”
\v 37 Laha zay le nznomboky niparitaky nameno ty faritsy miodidy ty lazany.
\p
\v 38 niala ty synagoga Jesosy sady nilitsy tan-tsano i Simona ao. Sady nampijano ty tazo mahery ty rafozan'ampela i Simona, sady nangataky taminy ho azy rozy.
\v 39 Ka le nitsanga talohany eo Ie sady nivola mare ty tazo, le niala taminy zay. Direkita ie le nitsanga sady nanomboky nanompo androzy.
\p
\v 40 Lafa nilentiky ty masoandro, le nanday ty olo-iaby narary ty arety lako sambihafa tamy ty Jesosy eo ty olo. Nametsa-tana tamy ty kirai-draiky iaby amin-drozy Ie ka le nanafaky androzy.
\v 41 Demony rey avao koa ro niala tamy ty lako tamin-drozy eo, nikorakoraky mare noho nivola hozao: “Iha ro Anan-Janahary!” Jesosy nivola mare demonia rey ka le tsy nanenga androzy hivola, safe hain-drozy fa Ie ro Kristy.
\p
\v 42 Vo marain-dray bey, le nandeha tamy ty toera milamy any Ie. Olo lako mare bibiky ro nila Azy sady nana amy ty toera ze nisy AAzy eny. Ndrozy ro niezaky ty nitandraky Azy mba tsy hiala amin-drozy eo.
\v 43 Fa Ie nivola tamin-drozy hozao: “Tsy maintsy manambara ty vaovao mahafaly mikasiky ty fanjakan-Janahary amy ty tanà lako hafa avao koa Zaho, safe zay ro dika ty naniraha Ahy tetoy.
\v 44 Bakeo Ie le nanohy nanambara tamy synagoga mamera an'i Jodia rey.
\c 5
\cl Toko 5
\p
\v 1 ady zao ro niseho, lafa nikobo niodidy an'i Jesosy raha nahazo ret sady niJanjy ty safan-Janahary, le nitsanga famy sisy ty farihy i Genesareta eo Ie.
\v 2 Nahita laka roe nijano tamy sisy ty farihy eo Ie. Fa niboaky tao mpohaza rey sady nanasa ty haratony rey.
\v 3 Nilitsy tamy ty laka raiky rey Jesosy, ze an'i Simona, sady nangataky azy mba handefa zay amy ty rano lavidavitsy ty tany eny. Bakeo le nipetsaky Ie ka le nampianatsy olo tambaliky ty laka rey eny.
\v 4 Lafa tsy nivola Ie, le nivola tamy i Simona Ie hozao: “Andeso ty ho amy ty rano laliky bibiky any ty laka le alatsaho ty haratonareo mba ahazoanareo fia.”
\p
\v 5 Simona namaly Azy ka le nivola hozao: “Tompo e, fa niasa zahay nankaly, fa tsy nahazo ndra ino ndra ino, fa noho ty safanao, le ha halatsako harato reto.”
\v 6 Lafa nanovin-drozy zay, le nahavory fia lako mare rozy, sady nijiatsy haraton-drozy rey.
\v 7 Ka le nanao fihetsiky tamy namany ze tanay laka raiky hafa rey ao ndrozy fa rozy fa tokony ho avy sady hanampy androzy. Le niavy rozy ka le nanome ty laka roe, ka le nanomboky nilentiky rozy.
\v 8 Fa Simona Petera, laha vo nahita zay, le niondriky tan-tombo i Jesosy eo, nivola hozao: “Mialà amiko, fa lahilahy mpanota zaho.”
\v 9 Fa tseriky ie, noho ze iaby niaraky taminy, noho ty habey ty fia ze azon-drozy.
\v 10 Tanay zay ao Jakoba noho Jaona, ana i Zebedio, ze mpiara miasa amy i Simona. Jesosy nivola tamy i Simona hozao: “Ka matahotsy, fa manomboky zao le hihaza olo iha.”
\v 11 Lafa nandesin-drozy tan-tany eny ty lakan-drozy, le nanenga ty raha iaby ndrozy ka le nanoriky Azy.
\p
\v 12 Le nitsanga zao laha mbo tamy ty raiky tamy tanà rey ao Ie, le nisy lahilahy atsiky haboka teo. Lafa nahita an'i Jesosy Ie, le niondriky Taminy eo sady nangataky taminy, nanao hozao: “Tompo, laha nety iha, le afaky manalio ahy.”
\p
\v 13 Sady le nanampatsy ty tanany Jesosy sady nikasiky azy, nivola hozao: “Mety zaho. Mananova malio.” Teo noho eo le afaky taminy ty haboka.
\v 14 Nirarany ie mba tsy hivola ndra amin'ia ndra amin'ia, fa nivolaniny taminy hozao: “Hitio ty lalanao, misehoa amy ty mpisoro sady manomeza soro ho ahy ty fanaliova anao, manahaky ze nibekoa i Mosesy, mba ho fitsangana vavolombelo amin-drozy.”
\v 15 Nefa ty tatitsy mikasiky Azy le niparitaky lavitsy vatany aza, sady olo lako mare bibike rey ro niara-niavy mba hijanjy Azy nampianatsy sady mba ho afaky amy ty aretin-drozy.
\v 16 Nefa matetiky Ie le niala nana amy ty tany avao any sady nivavaky.
\p
\v 17 Sady tamy ty andro raiky tamy andro nampianarany rey, le nisy Fariseo noho mpampiana-dalà nipetsaky teo ze baka amy ty tanà sambihafa zmy ty faritsy Galilia noho Jodia ao, sady avao koa baka amy ty tanà i Jerosalema ao. Ty hery ty Tompo ro taminy ao mba hanafaky.
\v 18 Sady nisy lahilahy ilany niavy, nanday lahilahy raiky ze voa ty paralisisa tamy ty fandrea eo, sady ndrozy ro nila fomba handaisa azy anainy ao mba hametsaha azy ho aloha i Jesosy eo.
\v 19 Tsy nahita fomba hampilira azy tanainy ao rozy noho olo lako rey, laha zay le nana amy ty tompo-tsano any rozy sady nampijotso ty fandrea lahilahy iny bakeo an-tafo tsano eo, tamy ty fandreany, tanivo ty olo eo, taloha i Jesosy eo.
\v 20 Lafa nahita ty finoan-drozy, le hoy Jesosy hozao: “Lahilahy, voenga ty helokinao.”
\p
\v 21 Nanomboky nanontany mpanora-dalá rey noho Fariseo rey, ka le nivola hozao: “Ia moa ze mivola raty toy? Ia ro afaky manenga ty fahota hafa-tsy Njanahary raiky avao?”
\p
\v 22 Fa Jesosy, nahay ze nieritseretan-drozy, namaly sady nivola androzy hozao: “Nanino nareo ri manontany zay am-ponareo ao?
\v 23 Ino ro mora volany vatany: ‘Voaenga ty helokinao’ sa ty mivola hozao: ‘Mitsangana sady mandehana’?
\v 24 Nefa mba hahaizanareo fa ty Anak'Olo ro manam-pahefa hanenga heloky an-tany eto, le volaniko aminao, mitsanga, andeso ty fandreanao sady mandehana an-tsanonao ao.”
\v 25 Teo noho eo le nitsanga talohan-drozy eo ie sady nangalaky fandrea ze nandreany iny. Bakeo le niala nana an-tsanony any ie, nanome voninahitsy an-Janahary.
\p
\v 26 Nijilo ty iaby sady nanome voninahitsy an-Janahary ndrozy. Atsiky tahotsy rozy, nivola hozao: “Nahita raha-mahatseriky tsika androany.”
\p
\v 27 Tafara ty nitsanga raha rey, le niala teo i Jesosy ka le nahita mpamory haba raiky ze kaihe hoe Levy nipetsaky tzmy ty tsano lay ty mpamory haba eo. Nivola taminy Ie hozao: “Manoriha Ahy.”
\v 28 Le nitsanga i Levy ka le nanoriky Azy, ka le nanenga ty raha-iaby.
\p
\v 29 nanao fanasa bevata tan-tsanony ao ho an'i Jesosy i Levy. Lako mpamory haba noho olo hafa ze nipetsaky tamy ty latabatsy eo rey sady nihina niaraky tamin-drozy.
\v 30 Nefa Fariseo rey noho mpanora-dalà rey ro nitoreo tamy mpianatsiny rey, nivola hozao: “Nanino iha ro mihina noho mino miaraky amy mpamory haba rey noho ty olo mpanota hafa?”
\p
\v 31 Namaly androzy Jesosy hozao: “Tsy mila dokotera ty olo salama; fa marary rey avao.
\v 32 Tsy avy hikaiky ty olo-marina ho amy ty fibebaha Zaho, fa hikaiky ty mpanota ho amy ty fibebaha.”
\p
\v 33 Le hoasan-drozy taminy hozao: “Mpianatsy i Jaona rey le san'andro mifaly hany noho mivavaky, sady mpianatsy Fariseo rey le manao mahahaky say koa. Nefa ty mpianatsinao ro mihina noho mino.”
\p
\v 34 Jesosy nivola androzy hozao: “Moa va misy olo mahavita mampifaly hany ty longo ty mpampiakatsy laha hohatsy ka le mbo mipetsaky amin-drozy eo ty mpampiakatsy?
\v 35 Fa hoa avy ty andro ze hangala ty mpampiakatsy amin-drozy eo, sady amy andro zay le hifaly hany rozy.”
\p
\v 36 Le nanao fanohara tamin-drozy koa Jesosy. “Tsy misy olo manataky tapa-tsiky baka amy ty siky vaovao sady mampiasa zay mba hanamboara ty siky tonta. laha manao zay ie, le hanimba siky vaovao iny, sady tapa-siky baka amy siky vaovao iny le tsy hifanaraky amy siky tonta iny.
\v 37 Tsy misy olo manisy divay vaovao anay ty sihoa holitsy tonta ao. Laha manao zay ie, le hampijiatsy ty holitsy divay vaovao iny, sady le ho raraky ty divay, sady ho simba sihoa holitsy iny.
\v 38 Fa ty divay vaovao ro tsy maintsy anovy anay sihoa holitsy vaovao ao.
\p
\v 39 Tsy misy olo baka nino ty divay taloha ka le haniry ty vaovao, fa hoy ie hozao: ‘Azy taloha iny ro soa.’”
\c 6
\cl Toko 6
\p
\v 1 Sady tamy ty Sabata ro nandeha nana an-tanimbary any Jesosy noho mpianatsy rey nangalaky ty salohim-bary, nikosoky zay tamy ty tanan-drozysady nihina ty voa.
\v 2 Fa ty ilany tamy Fariseo rey koa nivola hozao: “Nanino nareo ro manao raha tsy ara-dalà ty manao azy amy ty andro Sabata?”
\p
\v 3 Namaly androzy, Jesosy nivola hozao: “Mbo tsy nivakinareo vatany va ze nanovy i Davida lafa mosary ie, ie noho lahilahy ze niaraky taminy rey?
\v 4 Nandeha nana an-tsanon-Janahary ao ie, sady nandramby ty mofo ty fanatseha noho nihina ty antsasaky tamy zay, sady nameany an-tsasaky koa ty lahilahy ze niaraky taminy mba hihina, ndra le ty mpisoro avao aza ro manahaky ty lalà laha mihina zay.”
\v 5 Bakeo Ie nivola tamin-drozy hozao: “Ty Anak'Olo roTompo ty Sabata.”
\p
\v 6 ady tamy ty Sabata hafa ro nandeha tamy ty synagoga ao Ie le nampianatsy ty olo lako tao. Nisy lahilahy taiky maty tana havana ao.
\v 7 Nanenty mariny Azy soa mpanora-dala rey noho fariseo rey mba hahita laha nanafaky olo amy ty Sabata Ie, mba afahan-drozy mahita antony hanasazia Azy.
\v 8 Nefa hainy ze tan-tsano ao rey sady nivola tamy lahilahy ze maty tana iny Ie hozao: “Mitsanga, sady mamonjea anivo ty olo-iaby eto.” Ka le nitsanga lahilahy iny sady nitsanga teo.
\v 9 Jesosy nivola tamin-drozy hozao: “Manontany anareo zaho, ara-dalà amy ty Sabata va ty fananova ty soa sa ty fanova ty raty, ty manavotsy ay sa ty manimba azy?”
\v 10 Sady nanenty ty miodidy azy iaby Ieka le nivola tamy lahilahy iny hozao: “Amparo ty tananao.” Nanao zay ie, sady afaky ty tanany.
\v 11 Nefa atsiky heloky rozy sady nifampiresaky mikasiky ze mety hanovin-drozy amy i Jesosy.
\p
\v 12 Tamy andro zay le nandeha nana am-bohitsy any Ie mba hivavaky. Nitohizany anay ty haliky iaby ty fivavaha tamin-Janahary.
\v 13 Lafa niavy ty andro, nikaiky ty mpianateiny ho aminy eo Ie, sady nitingy folo roa amby tamy rey Ie, ze nikaihiny avao koa hoe Apostoly.
\v 14 Ty anara Apostoly rey le Simona (ie ze kaihy avao koa hoe Petera) sady ty rahalahiny Andrea, Jakoba, Jsons, Filipo, Bartelemeo,
\v 15 Matio, Tomasy, Jakoba anaki ahy i Alfeo, Simona ze kaihy hoe Zelota,
\v 16 Jodasy ana i Jakoba, sady Jodasy Iskariota, ze nanjary mpamitaky.
\p
\v 17 Bakeo Jesosy nijotso ty vohitsy niaraky tamin-drozy le nitsanga tamy ty tany marina nizraky tamy ty mpianatsiny lako noho olo lako mare baka Jodia noho Jerosalema any sady ty sisin-tany ty Tyro noho Sidona.
\v 18 Niavy rey mba hijanjy Azy sady mba hafaha amy ty aretin-drozy. Afaky avao koa ty olo lako ze korontany ty fanahy maloto.
\v 19 Ty olo-iaby tamy olo lako rey ro niezaky ty hikasiky Azy zisiky any safe niboaky baka aminy ty hery manafaky, sady afakiny iaby rozy iaby.
\v 20 Le nanenty ty mpianatsiny Ie, sady nivola hozao: “Sambatsy nareo ze mijaly, fa ahy nareo ty fanjakan-Janahary.
\v 21 Sambatsy nareo ze mosary amy zao, fa ho vintsy nareo. Sambatsy nareo ze mitany amy zao, fa hihehy nareo.
\p
\v 22 Sambatsy nareo lafa malay anareo ty olo sady lafa ahilikin-drozy noho haratin-drozy nareo, noho ty amy ty Anak'Olo.
\v 23 Mifalea amy andro zay sady mibitiha an-kafalea, safe azo antoky fa hahazo valisoa bevata an-danitsy any nareo, fa mitovy amy zay ro nandaisa ty raza ty mpaminatsiny rey.
\p
\v 24 Fa loza ho ahy nareo ze manan-kanana, fa azonareo ze mahafa-po anareo.
\v 25 Loza ho ahy nareo ze vintsy amy zao, fa mbo ho mosary nareo afara any. Loza ho ahy nareo ze mihehy amy zao, fa hisaona noho hitany nareo afara any.
\v 26 Loza ho ahy nareo, lafa mibola soa mikasiky anareo ty olo iaby, fa mitovy amy zay ty nanovy ty razan-drozy tamy mpianateiny sandoky rey.
\p
\v 27 Fa mivola aminareo ze mijanjy Zaho, tiavo ty fahavalonareo sady mananova ty soa amy ze malay anareo.
\v 28 Tahio ze manozo anareo sady mivavaha ho ahy ze manao teinotsino anareo rey.
\v 29 Laha misy manampify ty fifinao raiky, le ameo azy koa ty ilany. Lafa misy olo manga aky ty sikinao, ka mitandraky ndra le ty sikinao koa aza.
\v 30 Ameo ze iaby mangataky aminao. Lafa misy olo mangalsky ty raha ze ahy nao, ka mangataky ty hampoliany zay aminao.
\v 31 Manahaky ze teanao hanovy ty olo aminao, le tokony hanovinao amin-drozy ka le zay.
\p
\v 32 Laha ze olo tea anao avao ro tiavinao, ino ro soa ho azonao amy zay? Fa ndra ty mpanota aza mba tea an'i ze tea azy koa.
\v 33 Laha amy olo ze manao soa anao avao iha ro manao soa, ino ro soa ho azonao amy zay? Fa ndra ty mpanota aza ro manao manahaky zay.
\v 34 Laha tsy mampindra hafa-tsy amy ze olo handinasa fa hampimpoly zay aminao avak iha, ino ro ao ho azonao amy zay? Fa ndra ty mpanota aza mampindra ty mpanota, mba hahazoa manahaky zay koa.
\v 35 Fa tiavo ty fahavalonareo sady mananova ty soa ho andrizy reny. Mampindrama ka le mandiny valiny sady ho bey ty valisoanareo sady ho anaky ty Abo Bibiky nareo, fa Ie vatany ro soa fanahy amy ze tsy misaotsy noho ty olo raty fanahy.
\v 36 Manàna famalozam-po, manahaky ty Babanareo mpamalo fo.
\p
\v 37 Ka mitsara, sady tsy ho tsará nareo. Ka manasazy, sady tsy ho sazia nareol Manengà ty hafa, sady ho enga nareo.
\v 38 Manomeza, le amea nareo zay. Fahafoiza bevata _ ze atafotafo, miara-voakontsa sady mitobaky _ ro hanoriky am-pontsonanao. Manahaky ty fitibaharanareo, ro hitibahara anareo manahaky zay koa.”
\p
\v 39 Bakeo Ie nanao fanohara tamin-drozy koa. “Moa va ty olo jiky afaky mitariky olo jiky hafa? Laha manao zay ie, le mety hilatsaky any an-kady ie reo roe, sa aha?
\v 40 Ty mpianatsiny raiky ro tsy bey noho ty mpampianatsiny, fa ze iaby nahatanteraky ty fiofana ro hitovy amy ty mpianatsiny.
\p
\v 41 Fa nanino iha ro manenty ty tapa-kazo kelikely ze anay ty maso ty rahalahinao ao, nefa tsy matsapa ty vatan-kazo anay masonao ao?
\v 42 Ino ro ivolananao ty rahalahinao hozao: ‘Rahalahy e, manenga ahy hangalaky ty tapa-kazo amy ty masonao eo io,’ lafa tsy hitanao aza ty vatan-kazo amy ty masonao eo? Mpihatsaravelatsihy! Alao amy ty masonao eo aloha ty vatan-kazo, bakeo le hahita soa iha ka le afaky hangalaky ty tapa-kazo amy ty maso ty rahalahinao eo.
\p
\v 43 Fa tey misy hazo soa hamokatsy voankazo lo, ndra hoe hazo lo hamokatsy voankazo soa.
\v 44 Fa ty hazo kirai-draiky ro hay amy ty karazam-boankazo ze vokariny. Fa tsy afaky ty hamboly aviavy any ty fatiky ty olo, ndra hangalaky voloboky amy ty hazo voaroy.
\v 45 Ty olo soa mamokatsy ze soa baka amy ty hanana soa ty fony, sady ty olo raty mamokatsy ze raty baka amy ty hananan-draty ty fony. Fa ze aloky ty fony ro volany ty vavany.
\p
\v 46 Fa manino nareo ro kikaiky Ahy hozao: ‘Tompo, Tompo,’ nefa nareo tsy manenky ze raha volaniko?
\v 47 Ty olo iaby mamonjy Ahy noho mahare ty safako sady manenky zay, le ho volaniko anareo hoe mahahaky ty ino ie.
\v 48 Mahahaky ty olo ze nampitsanga tsano ie, ze nandavaky laliky tamy ty tany eo sady namboatsy ty fitotsy ty tsano tanabo lafiam-bato eo. Lafa niavy ty rano-vey, le nandriaky nanohitsy tsano zay ty rano bey, fa tsy nampikaiky azy, safe soa famboara ie iny.
\v 49 Sady ze olo mahare ty safako nefa tsy manenky zay, le mitovy amy ty olo ze namboatsy tsano tanabo ty tany eo ka le tsy nanisy fototsy. Lafa nandriaky namango tsano io ty rano bey, le nilavo direkita zay, sady rava tanteraky tsano zay.”
\c 7
\cl Toko 7
\p
\v 1 Lafa nahavita nivola ty raha iaby tanila ty olo lako eo Jesosy, le nilitsy ta Kepernaomy ao Ie.
\v 2 Sady nisy kapiteny raiky nana mpiasa ze tena nihajany, sady narary noho fa mariny ho maty ie.
\v 3 Lafa nahare ty mikasiky an'i Jesosy kapiteny iny, le naniraky olo-bey ty Juosy ho Aminy any ie, hangataky Azy mba ho avy sady hanafaky ty mpiasany.
\v 4 Sady lafa niavy tamy i Jesosy eo ndrozy, le nangataky mare taminy, nivola hozao: “Maeva ty hananovanao zay ho azy ie,
\v 5 safe teany ty fireneany, sady ie namboatsy ty Synagoga iny ho ahy nay.”
\p
\v 6 Ka le nanohy ty lalany niaraky tamin-drozy Jesosy. Fa laha mbo tsy lavitsy ty tsano Ie, le nandefa nama kapiteny iny nivola taminy hozao: “Tompo e, ka manahira-vata Iha, safe tsy maeva hiliranao ambany ty tafo-tsanoko ao zaho.
\v 7 Laha zay le tsy nidiniky ty vatako ho masva hana aminao eo zaho, fa mivolana safa raiky avao le ho afaky ty mpiasako.
\v 8 Ka le safe zao koa ro lahilahy ze ambany fahefa, mana maramila ambaniko ao koa. Hoy zaho amy raiky toy hozao: ‘Mandehana,’ le mandeha ie, sady amy ty raiky hafa: ‘Avia,’ le tamy ie, sady amy ty mpiasako hozao: ‘Anovo toy,’ sady le anoviny zay.”
\p
\v 9 Lafa nahare zay Jesosy, le jilo taminy Ie, sady nitoliky tamy olo lako rey ze nanoriky Azy le nanao hozao: “Volaniko aminareo, fa ndra le ta Israely any aza tsy nahitako finoa mahahaky zao.”
\v 10 Lafa nimpoly tan-tsano any ze nirahy rey, le nahita fa tsy manahy soa mpiasa iny.
\p
\v 11 Tafara kelikely zay, le nandeha tamy ty tanà any anovy hoe Naina i Jesosy, sady niaraky taminy mpianatsiny rey noho olo lako mare bibiky rey.
\v 12 Laha nanariny ty vavahady ty tanà Ie, ingo, nisy lahilahy raiky fa maty nandesy niboaky, anakilahy raiky ty reniny (ze mpandaivata), sady olo lako mare bibiky bala amy ty tanà ao eo niaraky taminy.
\v 13 Lafa nahita azy ty Tompo, le laginy tanteraky hazy ka le nanao taminy hozao: “Ka mitany.”
\v 14 Bakeo le niakatsy Ie sady nikasiky an'i vata ze nandaisan-drozy lolo iny, sady nijano nanday zay rey. Hoy Ie hozao: “Pamaraky e, Hoasako aminao, miarena.”
\v 15 Le niary maty iny ka le nanomboky nivola, sady Jesosy nanome azy tamy ty reniny eo.
\p
\v 16 Nandresy azy iaby ty tahotsy, ka le nanohy nanompo an-Janahary zisiky any ndrozy, nivola hozao: “To-resaky bevata ro nitsanga amintsika eto” sady “Njanahary nitsinjo ty olony.”
\v 17 Vaovao mikasiky i Jesosy toy ro niparitaky nameno an'i Jodia nohp faritsy miodidy iaby rey.
\p
\v 18 Mpianatsy i Jaona rey nivola taminy ty mikasiky raha rey.
\v 19 Le nikaiky ty roe tamy mpianatsiny rey Jaona ka le naniraky androzy ho amy ty Tompo any mba hivola hozao: “Iha va azy ho avy iny, sa tokony mbo hanenty hafa zahay?”
\p
\v 20 Sady lafa namonjy mariny an'i Jesosy rozy, le hoy lahilahy rey hozao: “Jaona mpanao batisa ro naniraky anay aminao atoy hanontany hozao: ‘Iha va azy ho avy iny, sa tokony mbo hanenty hafa zahay?’”
\p
\v 21 Safy tamy lera zay le naha afaky olo lako tamy ty arety noho fijalea sady faharary baka amy ty fanahy raty Ie, sady olo jiky lako ro nampahitany.
\v 22 Jesosy namaly ka le nivola tamin-drozy hozao: “Lafa baka nandeha tamy ty lalanareo nareo, tatero amy i Jaona ze hitanareo noho renareo. Nahita ty jiky, nandeha ty kolatsiky, nalio ty boka rey, nahare ty mareny, nitsanga-ho velo ty maty, sady nambara ty filazan-tsoa ty olo anay ty tsy fahampea.
\v 23 Sambatsay ty olo ze tsy mijano ty mino Ahy noho ty anoviko.”
\p
\v 24 Sady lafa nandeha iraky i Jaona rey, le nanomboky nivola tamy ty olo lako Jesosy ty mikasiky i jaona hozao: “Hanenty ino ro niboahanareo tan'efitsy any? Volotara nahozongozo ty tsioky va?
\v 25 Fa hanenty ino ro niboahanareo tany? Lahilahy misalotsy soa va? Henteo, ze misalotsy salotsy sarotsy vily rey noho miay amy ty fiaina soa ao rey le amy ty lapa ty mpanjaka ao.
\v 26 Fa hanenty ino ro niboahanareo tany? Olo to-resaky va? Eka, hoy Zaho aminareo, sady mandilatsy lavitsy noho ty olo to-resaky.
\v 27 Ie ro voasoratsy hozao iny: ‘Ingo, alefako aloha nao ty mpanday hafatsiko, ze hanoma ty lalanao aloha nao.’
\p
\v 28 Volaniko aminareo, fa aminareo ze nateran-ampela ro tsy misy bey noho Jaona. Nefa kelikely bibiky amy ty fanjakan-Janahary ao le bey noho ie.”
\p
\v 29 (Lafa nahare zay ty olo iaby, anay zay mpamory haba rey, le nanambara fa marina Njanahary, safe nanovy batisa tamy ty batisa i Jaona rozy.
\v 30 Fa Fariseo rey noho mpahay lalà Jiosy rey koa nandà ty tanjon-Janahary ho ahy ty vatan-drozy safe tsy nanovy i Jaona batisa.)
\p
\v 31 “Amy ino, moa, ro afahako mampitovy ty olo amy ty tariha toy? Manahaky ty ino moa rozy?
\v 32 Manahaky ty aja mihisa am-bazary eny rozy, ze mipetsaky noho mifampikaiky sady mivola hozao: ‘Nitsoky sody ho ahy nareo zahay, le tsy nisindraky nareo. Nanao hira fisaora ho ahy nareo zahay, le tsy nitany nareo.’
\v 33 Fa Jaona mpanao Batisa niavy tsy nihina mofo sady tsy nino dibay, le hoasa nareo hozao: ‘Misy demonia ie.’
\v 34 Ty Anak'Olo niavy nihina noho nino, le hoasa nareo hozao: ‘Henteo, fa tea-hany noho mpino Ie, nama ty mpamory haba noho mpanota rey!’
\v 35 Fa ty fahendrea ro voamarina amy ty anany iaby.”
\p
\v 36 Sady ty raiky tamy Fariseo rey nanasa an'i Jesosy hihina miaraky aminy. Ka le lafa baka nilitey tan-tsano Fariseo rey ao Jesosy, le nipetsaky hihina tamy ty latabatsy eo.
\v 37 Ingo, nisy ampela tan-tanà ao ze mpanota. Sady lafa nahay ie fa nipetsaky tamy ty latabatsy eo tan-tsano Fariseo ao Ie, le nanday tavoara alabastara atsiky menatsy manitsy ie.
\v 38 Sady lafa nitsanga tafarany tanila ty tombony eo ie, le nitany, ka le nanomboky nandeha ty tombony tsmy ty ranomasony, ka le nifafany tamy ty volon-dohany rey sady nanoroky ty tombony sady nanosotsy rey tamy ty menaky manitsy.
\v 39 Lafa nahita zzy Fariseo nanasa an'i Jesosy iny, le nieritseritsy, nivola hozao: “Laha to-resaky lahilahy toy, le tokony ho hainy hoe karaza ampela manao akory mikitiky Azy io, fa mpanota io.”
\p
\v 40 Jesosy namaly ka le nivola taminy hozao: “Simona, misy raha ho volaniko aminao.” Hoy ie hozao: “Volaniko zay, Mpampianatsy e!”
\v 41 Jesosy nivola hozao: “Nisy mpampitsosa jala nana mpitsosa roa lahy. Ty raiky le tokony handoa diman-jato denaria, ty raiky dimam-po.
\v 42 Lafa tsy afaky nandoaky zay taminy rozy, le samby nengany rozy roe lahy. Laha zay, ia amy rozy roe lahy ro ho tea Azy vatany?”
\p
\v 43 Simona namaly Azy ka le nivola hozao: “Dinihiko fa azy namoizako bey.” Le hoy Jesosy taminy hozao: “Marina ty fitsaranao.”
\v 44 Sady Jesosy nitoliky tamy ampela iny ka le nivola tamy i Simona hozao: “Hitanao ampela io. Nilitsy tan-tsanonao ato Zaho. Tsy nanome rano hanasa ty tomboko iha, fa ie nahalontsiky tomboko rey tamy ty ranomasony sady namafa androzy tamy ty volon-dohany.
\v 45 Tsy nanoroky Ahy iha, fa hay ze nilirako tato le tsy nijano nanoroky ty tomboko ie.
\v 46 Tsy nihosoranao solo-bonio ty lohako, fa ie nanosotsy ty tomboko tamy ty menaky manitsy.
\v 47 Laha zay le mivola aminao Zaho fa, fahotany rey, ze lako, le voaenga _ safe ie bey fitiava. Fa ze nenga kelikely, ro tea kelikely.”
\v 48 Le hoy Ie taminy hozao: “Voenga fahotanao rey.”
\p
\v 49 Niaraky-nipetsaky nihina rey teo ro nanomboky nifampiresaky tamin-drozy eo hozao: “Ia moa toy ro le manenga heloky rey?”
\p
\v 50 Bakeo hoy Jesosy tamin'ampela hozao: “Ty finoanao ro nahasarombaky anao. Mandehana am-piadana.”
\c 8
\cl Toko 8
\p
\v 1 Sady tafara kelikely zay le nanomboky nandeha nitety tanà noho vohitsy sambihafa Jesosy, nanambara ty filazantsoa mikasiky ty fanjakan-Janahary. Niaraky taminy folo roa amby lahy rey,
\v 2 manahaky ty ampela ilany ze afaky tamy ty fanahy raty noho ty arety rey: Maria ze nikaihe hoe Magdalena, ze fa namoaha demonia fito;
\v 3 Johana, valy i Koza, ze mpitandraky raharaha i Heroda, sady Sosana; noho lako hafa rey koa, ze, tamy ty fananan-drozy, le nanome ze nilan-drozy.
\p
\v 4 Laha mbo nisy olo lako mare namory, le tamy namonjy Androzy olo baka amy ty hisan-tanà, Le nanao fanohara ie hozao:
\v 5 “Nisy mpamboly niboaky mba handraraky ty voany. Laha ie nandraraky iny, le voararaky tamy sisin-dalà ty ilany eny sady le voahitsakitsaky zay, sady lany ty voro ty lanitsy.
\v 6 Ty ilany koa voararaky tamy ty lafiam-bato eny, ka laha vo nitimoky, le nalazo zay, safe tsy nisy hamandoa.
\v 7 ady ty ilany ro voararaky tamy ty fatiky eo, sady ty fatiky niaraky-nitiry tamy ty voa ka le nanasazy zay.
\v 8 Ty ilany voararaky tamy ty tany lonaky eny ka le namoa vokatsy ze soa bibiky mimpoly indranto.” Tafara i Jesosy nivola raha rey, le nikaiky mare Ie hozao: “Ze manan-tsofy hijanjina, engao ie hijanjy.”
\p
\v 9 Nanontany Androzy mpianatsiny ty amy ty tea fanohara zay hambara.
\v 10 Hoy Ie hozao: “Ty fahaiza ty raha-tsy hita ty fanjakan-Janahary le namea anareo, fa ho ahy ty hafa le miresaky amy ty fanohara Zaho, mba tsy hahita rozy ndra le mahita aza, sady tsy hahay ndra le mahare aza.”
\p
\v 11 Sady zao ro dika fanohara iny: ty voa ro ty safan-Janahary.
\v 12 Voararaky safa amy ty sisin-dala rey le ze mahare rey, fe bakeo le niavy ty devoly ka le mangalaky safa iny tan-gadra ao, mba tsy hino noho voasarombaky rozy.
\v 13 Sady tamy ty lafiam-bato eo koa le rey zay, lafa mahare ty safa, ke mandramby zay amin-kafalea. Nefa tsy misy fotony rey; tsyla tsy ela avao ty finoan-drozy, sady amy ty fotoa futsapa ke lavo rozy.
\v 14 Voa voararaky rey tamy ty fatiky eo ro olo mahare ty safa rey, fa lafa mahare amy ty lalany rozy, ke voasazy ty fiahia noho ty hanana sady ty fahafinareta fiaina zao, ka le tsy matoe ty voany.
\v 15 Fa ty voa voararaky tamy ty tany soa, le rey ro, mahare ty safa tamy ty fo marina noho soa, sady rozy mitandraky azy soa sady namokatsy am-pahareta.
\p
\v 16 Sady, tey misy olo, lafa nandrehitsy jiro, le manaro azy amy ty sarony ndra mametsaky zay ambany fandrea ao. Fa koa, mametsaky azy amy ty fananovan-jiro eo, mba ho hita ty olo iaby ze militsy ty hazava.
\v 17 Safe tsy misy tampy ze tsy ho ampahaizy, ndra raha tsy hita ze tsy ho hay sady hiboaky qmy ty hazava eo.
\v 18 Ka le mijanjy soa, ze mana, le mbo hamea bevata vatany, fa ho ahy ze tsy mana koa, ndra ze dinihiny hananany aza le halà aminy.”
\p
\v 19 Bakeo ty reniny noho ty rahalahiny namonjy Azy, nefa tsy afaky nanariny Azy noho ty olo lako.
\v 20 Nisy nivola taminy hozao: “Ty reninao noho ty rahalahinao ro mitsanga ambaliky ao, te hahita anao.”
\p
\v 21 Fa Jesosy namaly noho nivola tamin-drozy hozao: “Ty reniko noho ty rahalahiko le ze mahare ty safan-Janahary rey noho manao zay.”
\p
\v 22 Sady ndraik'andro ro nandeha an-tsambo kelikely Ie niaraky tamy mpianatsiny rey, sadt Ie nivola tamin-drozy hozao: “Andao tsika ho ampita ty farihy eny.” Le nandeha rozy.
\v 23 Fa laha nandeha iny rozy le azon-droro Jesosy. Sady nisy talio niavy tamy ty farihy eo, ka le atsiky rano ty laka, sady nisaofin-doza rozy.
\p
\v 24 Bakeo nana aminy eo ka le namoha Androzy mpianatsy i Jesosy, nanao hozao: “Tompo e! Tompo e! Ho maty tsika!” Sady nifoha Ie ka le nivola mare ty tsioky noho ty rano manonja, sady nijano rey, ka le nisy fienena teo.
\p
\v 25 Sady nivola tamin-drozy Ie hozao: “Aia ty finoanareo?” sady natahotsy mare rozy. Sady natahotsy ro sady tseriky avao koa rozy, sady nifampanontany hozao: “Ia moa io iny, ro mibeko ndra ty tsioky noho ty rano aza, sady manenky Azy rey?”
\p
\v 26 Rozy roe le nitandrsky ty farihy i Gerasena, ze tandrify ty farihy i Galilea.
\v 27 Sady lafa niakatsy hana an-fanety eny Jesosy, le nifanojiky tamy ty lahilahy raiky rey baka an-tanà ao ze nisy demonia. Sady fa ela ie ro tsy nisalotsy, sady tsy nipetsaky tan-tsano zo fa tamy ty lolo eny.
\p
\v 28 Lafa nahita an'i Jesosy ie, le nikoraky mare noho niondriky talohany eo ka le nivola tamy ty feo mare hozao: “Ino ro iarahanao amiko, Jesosy e, Anan-Janahary Abo bibike e! Mangataky Anao zaho, ka mampijaly ahy.”
\v 29 Fa Jesosy nibeko ty fanahy maloto hiala tamy lahilahy iny. Fa anay ty fotoa lako ro nanasazia azy zay, ka le ndra le nifehezy tamy ty rojo noho gadra vy sady niembena aza ie, le nitorony rojony rey sady nandesy ty demonia tan'efitsy any ie.
\p
\v 30 sosy nanontany asy hozao: “Ia ro anaranao? Sady hoy ie hozao: “Legiona,” fa lako ty demonia ze fa nilira taminy ao.
\v 31 Rozy nangataky Azy direkita mba tsy handefa azy ho amy ty lavaky tsy hita mosary any.
\v 32 Sady nisy koso-lako mare nihina tanila ty vohitsy eo. Ka le nangataky Azy demonia iny mba hanenga androzy ho amy rey ao, ka le nanenga azy Ie.
\v 33 Ka le niboaky tamy lahilahy ao demonia rey sady nifalo tamy koso rey, sady nitsatsevatseva tamy ty ty hantsa any nana amy ty farihy ao koso-lako rey ka ly maty.
\p
\v 34 Sady noho ty raha nitsanga mpiemby ty koso rey, le nilay ka le nivola zay tan-tanà ao noho tam-baibo any.
\v 35 Laha zay le niboaky ty olo fan-tanà ao mba hanenty ty raha niseho, sady namonjy an'i Jesosy rozy ka ke nahita lahilahy ze niboaha ty demonia iny. Sady ie nipetsaky tan-tomboky i Jesosy eo, nisalotsy sady ampy say; sady natahotsy rozy.
\v 36 Bakeo ze nahita zay rey nivola androzy ty fomba nahafaky lahilahy nanjakà ty demonia toy.
\v 37 Sady ty olo lako iaby tamy ty faritany i Garasena eo le nangataky an'i Jesosy mba hiala amin-drozy eo, szfe atsiky tahotsy mare rozy. Laha zay le nandeha an-daka Ie mba ahafan-drozy mimpoly.
\v 38 Lahilahy niboaha ty Demonia iny ro nangataky taminy mba hanenga azy handeha hiaraky aminy, fa Jesosy nandefa azy, nivola hozao:
\v 39 “Mimpolia an-tsanonao any ka le manomeza tatitsy atsiky mikasiky ze nanovin-Janahary taminao.” Sady lahilahy nandeha tamy lalany iny, ro nanambara manera ty tanà iaby ze nanovy i Jesosy taminy.
\p
\v 40 Sady lafa nimpoly Jesosy, le nandramby azy ty olo lako, fa rozy ro fa nandiny Azy.
\v 41 Ingo, nisy lahilahy raiky anovy hoe Jairo, ze raiky tamy mpitariky tamy ty Synagoga rey ao, nampnjy noho nandohaliky tantomboky i Jesosy eo, ka le nangataky azy mba ho an-tsanony any,
\v 42 safe ty anak'ampelany raiky, ze ajam-pela tamy ty folo roa amby tao teo noho eo, ro ambava ty fahafatesa eo. Laha nandeha tamy ty lalany Jesosy, le niara-nifampipitipitiky niodidy Azy ty olo lako mare.
\v 43 Sady nisy ampela raiky teo ze fa nandeha lio tanay ty folo roa amby tao sady fa nandany ty jalany iaby, sady tsy nisy nahafaky azy ndra ia ndra ia.
\v 44 Sady ie ro nana afara i Jesosy eo ka le nikasiky ty hohin-tsikiny, le nijano direkita ty liony.
\v 45 Jesosy nivola hozao: “Ia nikasiky Ahy lehany iny?” Lafa nandá rozy iaby, le hoasa Petera hozao: “Tompo, miodidy Anao iaby ty olo lako iaby sady manery Anao.”
\p
\v 46 Fa Jesosy nivola hozao: “Nisy nikasiky Zaho, safe haiko fa nisy hery niala baka amiko ato.”
\v 47 Lafa hita ampela iny fa tsy toakony ie, le nangitikitiky ie sady niondriky Taminy eo. Nambarany tamaso ty olo eo ty antony nikasihany Azy, noho ty fomba nahafaky azy direkita.
\v 48 Sady Ie nivola taminy hozao: “Anak'ampela, ty finoanao ro nahafaky anao. Mandehana moramora.”
\p
\v 49 Bakeo laha mbo nivola ie, le nisy olo raiky synagoga, nanao hozao: “Maty ty anakinao ampela. Ka manahira ty mpampianatsy sasy.”
\p
\v 50 Fa lafa nahare zay Jesosy, le namaly an'i Jairo Ie hozao: “Ka matahotsy; minoa avao, le ho afaky ie.”
\v 51 Lafa nana an-tsano ao Ie, le tsy nanenga bdra le olo raiky azz hiara-hilitsy aminy hafa i Petera noho Jaona noho Jakoba, noho ty baba aja iny sady ty reniny.
\v 52 Sady ty iaby ro nisaona noho nitany azy,
\v 53 Fa Ie nivola hozao: “Ka mitany; tsy maty ie fa miroro.” Le nihehy Azy rozy, safe hay fa maty aja ampela iny.
\v 54 Fa nirambesiny tamy ty tana ie ka le nikaiky mare, nivola hoaao: “Anaky, mitsangana!”
\v 55 Sady nimpoly ty fanahiny, ka le nihariny direkita ie. Sady nibeko androzy Ie mba hanome hany ho azy.
\v 56 Sady tseriky ty Ray aman-dreniny, fa Ie koa nandrara androzy mba tsy hivola ndra amin'ia ndra ia ty raha ze nitsanga.
\c 9
\cl Toko 9
\p
\v 1 Nikaiky folo roa amby lahy rey Ie sady nanome androzy ty hery noho fahefa amy demonia iaby rey sady hanafaky arety rey.
\v 2 Nalefany rozy hanmbara ty fanjakan-Janahary noho hanafaky ty marary.
\v 3 Hoy Ie tamin-drozy Ie hozao: “Ka manday ndra ino ndra ino amy ty lianareo_ tsy misy tehy, tsy misy kitapom-batsy, tsy misy mofo, tsy misy jala, sady tsy misy salotsy ambiny.
\v 4 Ze tsano iliranareo, le mijanona ao zisiky-ialanareo.
\v 5 Ndra ia ndra ia tsy handrambesan-drozy anareo, lafa miala taná zay nareo, le ahintsano hiala amy ty tombonareo ty lemboky mba ho fitsanga vavolombelo anohera androzy.”
\v 6 Bakeo le nandeha rozy sady namakivaky tanà rey, nanambara ty filazantsoa noho nanafaky teny iaby.
\p
\v 7 Sady re i Eroda mpanapaky iaby ze niseho iaby rey, sady ke tsobo hevitsy ie, safe voavola ty ilany fa Jaona mpanao batisa ro nitsanga tamy maty,
\v 8 sady voavola fa niseho Elia, sady ty ilany koa mivola fa raiky tamy olo to-resaky fa ela rey ro nitsanga tamy maty.
\v 9 Hoy Eroda hozao: “Zaho ro nanapa-doha an'i Jaona, koa ia ndraiky olo aharezako raha manahaky zay?” Sady niezaky ty hahita Azy ie.
\p
\v 10 Lafa nimpoly apostoly rey, le nitantara taminy raha iaby vitan-drozy rey. Bakeo nandesiny niaraky taminy rozy, sady nandeha nitoka ho amy ty tanà kaihe hoe Betsaida.
\v 11 Fa vo nahare ty mikasiky zay olo lako rey, le nanoriky Azy. Le nirambesiny rozy sady nambarany androzy ty mikasiky ty fanjakan-Janahary, sady nanafaky ze nila fanafaha rey Ie.
\p
\v 12 Sady lafa ho hariva ty andro, le namonjy Abdrozy folo roa amby ka le nivola hozao: “Alefaso handeha olo lako rey mba afahan-drozy mandeha amy tanà miodidy rey any noho ambanivohitsy mba hahita firoro noho hany, safe amy tany avao atoy tsika.”
\p
\v 13 Fa hoy ie tamin-drozy hozao: “Ameanareo raha ho hany ndrozy.” Sady nivola hozao rey: “Tsy mana mandilatsy noho ty mofo limy noho fia roe zahay _ laha tsy hoe mandeha zahay sady mivily hany ho ahy olo iaby rey.”
\p
\v 14 (Teo ro nisy tamy ty lahilahy dimy arivo rey teo noho eo). Sady nivola tamy mpianatsiny rey Ie hozao: “Apetsaho ho goropy dimampolo hisaky ndrozy zay.”
\v 15 Ka le nanao zay ndrozy, sady nampipetsaky olo lako rey.
\v 16 Nandramby mofo limy noho fia roe rey, le niandrandra ty lanitsy Ie, nisaotsy rey sady nizarazarany, ka le nameany mpianatsy rey zay mba ho bzmea olo lako rey.
\v 17 Nihina rozy iaby ka le afa-po, sady navoriny sasany sisa tsy lany rey _ ka le nisy potipotiny folo roe amby haro.
\p
\v 18 Sady lafa nivavaky manoka Jesosy, le niadaly taminy mpianatsy rey. Le nanonfany androzy Ie, nanao hozao: “Anovy olo lako ho ia moa zaho rey?”
\p
\v 19 Namaly rozy hozao: “Jaona mpanao batisa. Fa ilany nivola hoe Elia rey, sady ilany mivola fa nitsanga tamy maty rey ty raiky tamy olo to resaky fa ela rey.”
\p
\v 20 Sady nivola tamin-drozy Ie hozao: “Fa anovinao ho ia moa Zaho?” Namaly Petera hozao: “Azy Kristin-Janahary iny.”
\p
\v 21 Fa nirarany mare rozy tsy hivola zay ndra amin'ia ndra ia,
\v 22 nanao hozao: “Ty Anak'Olo ro tsy maintsy hijaly amy ty raha lako sady tsy ho enke olo-bey noho pitariky ty mpisoro sady mpanora-dalà rey, ho vonoe Ie sady amy ty andro fahatelo le hatsanga.”
\p
\v 23 Sady hoy Ie tamin-drozy iaby hozao: “Laha misy te hanoriky ahy, le tsy maintsy mandá ty vatany ie sady manday ty hazofijaleany isan'andro sady manoriky Ahy.
\v 24 Ndra ia ndra ia ts hanavotsy ty ainy ls hanary zay, fa ndra ia ndra ia manary ty ainy noho ty fitiava Ahy le hanavotsy zay.
\v 25 Ino ro soa azo ty olo amy ty fanana ty tany iaby toy. nefa manary ndra manimba ty ainy.
\v 26 Fa ndra ia ndra ia nenatsy ty amiko noho safako rey. le ho menatsy azy koa ty Anak'Olo lafa avy amy ty voninahitsy, noho ty voninahitsy Njanahary noho anjely masy rey Ie.
\v 27 Fa volaniko aminareo marina, fa ty ilany amy ze mitsanga eto rey ro tsy hahita fahafatesa aloha ty ahitany ty fanjakan-Janahary.”
\p
\v 28 Sady valo andro teo noho eo tafara ty nivolana i Jesosy safa rey, le nandesiny niaraky taminy Petera noho Jaona sady Jakoba ka le niakatsy ty vohitsy hivavaky.
\v 29 Laha nivavaky iny Ie, le nioa ty endriky ty tarehiny, sady nivalo foty mipiriaky ty salotsiny.
\v 30 Ingo, nisy roe lahy niressky taminy, Mosesy noho Elia,
\v 31 ze niboaky tam-boninahitsy mipiriaky. Niresaky mikasiky ty fialàny Ie, ze handesiny ho tanteraha a-Jersalema any.
\v 32 Sady Petera noho ze niaraky taminy rey ro navesatsy ty roro, fa lafa tena taitsy tanteraky rozy, le nahita ty voninahitsy noho lahilahy roe ze nitsanga niaraky taminy rey.
\v 33 Sady lafa niala nanalavitsy an'i Jesosy rozy, le hoasa Petera taminy hozao: “Tompo, soa amintsika ty mijano eto. Engao zahay hamboatsy fialofa telo, raiky ho Ahy nao, raiky ho ahy i Mosesy, sady ty raiky ho ahy i Elia.” (Tsy hainy ze nivolaniny.)
\v 34 m-pivolanany eo zay ie, le nisy raho niavy nanaro androzy, ka le natahotsy rozy lafa nilitsy tamy raho iny ao.
\p
\v 35 Nisy feo niboaky baka amy raho iny any, nanao hozao: “Toy ro Anakilahiko, azy Raiky voatingy iny; janjino Ie.”
\v 36 Lafa nivola feo iny, le Jesosy raiky ro hita eo. Nitandraky ty tsy fivolanany rozy sady tsy nivola tamin'ia ndra ia tamy andro zay ty mikasiky ze iaby hitan-drozy.
\p
\v 37 dy ty andro manaraky an'io, lafa nijotso baka am-bohitsy any ndrozy, le olo lako mare nifanojiky taminy.
\v 38 Ingo, nisy lahilahy raiky baka amy ty olo lako ao ro nikoraky mare, nanao hozao: “Mpampianatsy e, mangataky aminao zaho mba hanenty anakilahiko toy, fa anako toka ie.
\v 39 Hitanao, misy fanahy mibeko azy le mikoraky tampoky ie; mampifaninto azy zay ka le mampiboaky rehoky ty vavany. Tsy miala aminy zay sady mahatorova tanteraky azy.
\v 40 Nangataky fajy mpianatsinao rey zaho mba hangalaky zay, fa tsy afaky ndrozy.”
\p
\v 41 Namaly Jesosy ka le nanao hozao: “Nareo tsy mpino noho tariha raty fandaisam-bata, fangirifiry ro tsy maintsy hioetsahako miaraky aminareo noho hiaretako miaraky aminareo? Andeso atoy ty anakilahiko.”
\v 42 Lafa namonjy aja lahilahy iny, le natoraky ty demonia tamy ty tany is sady nampanampatsy azy. Fa Jesosy nivola mare fanahy maloto iny sady nanafaky aja lahilahy iny, sady nampimpoly azy tamy ty babany any.
\v 43 Sady bakeo le jilo iaby rozy iaby nahita ty habevatan-Janahary. Laha tsetiky tamy ty raha-iaby nanoviny iny ndrozy, le hoy Ie tamy ty mpianatsiny hozao:
\v 44 “Engao safa ndreto hanjary laliky an-tsofinareo eo: ty Anak'Olo ro ho valiha ho an-tanan'olo eo.”
\v 45 Fa tsy azon-drozy fanambara zzy. Zay ro navony tamin-drozy, laha zay tsy azon-drozy ty dika zay, sady mbo natahotsy ndrozy ty hanontany ty mikasiky fanambara zay.
\p
\v 46 Sady najeo le nisy fifamalea nanomboky tamin-drozy eo ty amy ze ho bey bibike amin-drozy.
\v 47 Fa Jesosy, nahay ty fihevitsy raiky ka le napetsakiny tanilany eo
\v 48 sady nivola tamin-drozy hozao: “Fa ndra ia mandramby aja toy amy ty anarako, le mandramby Ahy; sady ndra ia ndra ia mandramby Ahy, le mandramby azy raiky ze naniraky Ahy iny. Fa ze kelikely bibiky aminareo iaby ro bey.”
\p
\v 49 Jaona namaly hozao: “Tompo e, nahita olo raiky zahay nangalaky devoly tamy ty anaranao le nisakananay ie, safe ie tsy manaraky-lia miaraky aminay.”
\p
\v 50 “Ka rarà ie,” hoy Jesosy, “safe ze tsy manohitsy anareo ro mikasiky anareo.”
\p
\v 51 Lafa nanenky ty andro ampiakara Azy, le niatsiky ho a-Jersalema any Ie.
\v 52 Nandefa mpanday hafatsy Ie nitariky Azy, sady nandeha ndrozy ka le nilitsy tamy ty tanà Samaritana raiky mba hanoma ty raha iaby ho Azy.
\v 53 Fa ty olo lako tao tsy nandramby Azy, safe nitoliky ho a-Jersalema any Ie.
\v 54 Lafa nahita zay Jakoba noho Jaona mpianatsy, le hoy rozy hozao: “Tompoko, teanao va zahay laha handeha afo milatsaky baka an-danitsy any mba hanimba androzy?”
\v 55 Fa nitoliky Ie sady nivola mare tamin-drozy,
\v 56 sady nandeha tamy ty tanà hafa any rozy.
\p
\v 57 Sady lafa nandeha tan-dala eny rozy, le nisy olo raiky nanao taminy hozao: “Hanoriky Anao zzho ndra aia ndra aia andehananao.”
\p
\v 58 Jesosy nivola taminy hozao: “Ty halakoa olo manan-davaky, sady voro rey an-danitsy eny le mana ty akaniny, fa ty Anak'Olo tsy mana toera asia ty lohany.”
\v 59 Sady hoy Ie tamy ty hafa hozao: “Manoriha Ahy.” Fa hoy ie hozao: “Tompoko, engao tseky zaho handeha handevy ty babako.”
\p
\v 60 Fa hoy Ie taminy hozao: “Engao ty maty handevy ty maty aminy ao. Fa ho ahy nao, mandehana ka le manambarà lavitsy any sady itaro ty fanjakan-Janahary.”
\p
\v 61 Sady nisy olo hafa nanao hozao: “Hanoriky Anao zaho, Tompo, fa engao tseky zaho hanao veloma androzy an-tsanoko any.”
\p
\v 62 Jesosy angady sady mieriky ka le maeva ho amy ty fanjakan-Janahary ao.”
\c 10
\cl Toko 10
\p
\v 1 Sady tafara raha reny, le nitingy fitopolo lqhy hafa ty Tompo, sady nandefa androzy reny kiroe-droe nitariky Azy yamy ty tanà iaby eny noho toera ze fa handehanany.
\v 2 Hoy Ie tamin-drozy hozao: “Bey ty vokatsy, fa tsy ampy ty mpiasa. Laha zay angataho ty Tompobty vokatsy mba handefa mpiasa mba ho amy ty vokatsy eny.
\v 3 Mandehana amy ty lalanareo. henteo, alefaso manahaky ty anak'oaondry anivo ty alika-ly eo nareo.
\v 4 Ka manday fipetsahan-jala, ndra fipetsahan'enta, ndra kapa, sady ka miarahaba ndra ia ndra ia an-dala eny.
\v 5 Ze tsano hiliranareo, ambarao aloha hozao: ‘Fiadana lahy ho amy tsano toy!’
\v 6 Laha misy olo ty fiadana ao, le hipetsaky aminy ty fiadana ze volaninareo, fa laha tsy misy koa, le himpoly aminareo zay.
\v 7 Mipetsaha amy tsano io eo avao, mihinana noho minoma ze amean-drozy, fa ty mpiasa ro maeva ty karamany. Ka mifalofalo tsano.
\v 8 Fa amy ze taná iliranao, ka le mandramby anareo, hano ze aroso alohanareo eo,
\v 9 sady enkeo ty marary ze ao. Volano rozy hozao: ‘Fa manenky anareo ty fanjakan-Janahary.’
\v 10 Ndra ombia ndra ombia nareo ro militsy tanà ka le tsy mandramby anareo nrrozy, le miboaha an-dala eny sady volano hozao:
\v 11 ‘Fa ndra ty lemboky ty tanànareo ze mipitiky amy ty tombonay aza le ho fafanay hanohitsy anareo! Haiko nefa zao: Fa manariny ty fanjakan-Janahary.’
\v 12 Volaniko aminareo fa amy ty andro ty fitsara ro ho azo andefera vatany ty ahy i Sodoma noho ty ahy ty tanà zay.
\p
\v 13 Loza ho ahy nao, Korazina! Loza ho ahy nao, Batsaida! Fa laha ty asa bevata ze nanovy taminao ao ro anovy ta Tyro any noho Sidona, le fa ela ndrozy ro nibebaky, nipetsaky tamy ty siky fisaona noho rava.
\v 14 Fa ho azo andefera vatany ty ahy i Tyro noho Sidona amy ty fitsara noho ty aminareo.
\v 15 Iha, Kapernaomy, mieritseritsy va iha fa ho hasondrotsy an-danitsy any? Aha, handesy mijotso amy ty Hadesy any iha.
\p
\v 16 Ze mijanjy anareo ro mijanjiy Ahy, sady ze mandá anareo ro mandá Ahy, sady ze mandá Ahy ro mandá azy naniraky Ahy iny.”
\p
\v 17 Nimpoly am-pifalea fito-polo rey, ka le nivola hozao: “Tompo, ndra le ty demonia aza le nanenky anay tamy ty anaranao.”
\v 18 Jesosy nivola tamin-drozy hozao: “Nanenty an'i Satana nilatsaky baka an-danitsy any manahaky ty helatsy Zaho.”
\v 19 Henteo, fa nameako anareo ty fahefa hanitsaky ty menara, ty movio, sady anabo ty hery iaby ty fahavalo, sady ndra ino ndra ino ro tsy hisy handratsy anareo amy ty fomba iaby.
\v 20 Ndra le zay aza le ka mifaly avao amy zay, hoe nanenky anareo ty fanahy, fa mofalea vatany hoe voasoratsy an-danitsy any ty anaranareo.”
\p
\v 21 Tamy fotoa io avao ro nifaly vatany tamy ty Fanahy Masy ao ie, sady nivola hozao: “Manompo Anao Zaho, Njanahary, Tompo ty lanitsy noho ty tany, fa navoninao raha reny tamy ty hendry noho ty manan-tsay, sady nambara tamy tsy manam-pahaiza rey, manahaky ty aja maliniky. Eka, Babako, fa zay ro anenkea soa amasonao eo.”
\v 22 Ty raha-iaby ro nankiny Njanahary tamiko. sady tsy misy mahay hoe ia ty Anaky hafa-tsy ty Njanahary, sady tsy misyvmahay hoe ia Njanahary hafa-tsy ty Anaky noho ze nitinginy ty Anaky haseho Azy.”
\p
\v 23 Bakeo le niodiky tamy mpianatsy rey ro Ie ka le nivola moramora hozao: “Sambatsy ze mahita raha ze hitanareo rey.
\v 24 Ambarako aminareo, olo to-resaky noho mpanjaka lako ro naniry hahita ze raha hitanareo, fa tsy hitan-drozy zay, sady hahare raha renareo rey, fa tsy ren-drozy zay.”
\p
\v 25 Ingo, nisy nampianatsy ty lalà ty Jiosy raiky nitsanga mba hitsapa Azy, ka le nivola hozao: “Mpampianatsy e, ino ro tsy maintsy hanoviko mba handova ty fiaina zisiky farany?”
\p
\v 26 Jesosy nivola taminy hozao: “Ino ro voasoratsy amy ty lalà ao? Ino ro famakianao zay?”
\p
\v 27 Namea valin-tsafa ie le nivola hozao: “Tiavo ty Tompo Njanaharinao amy ty fonao iaby, amy ty fanahinao iaby, amy ty herinao iaby, sady amy ty fisianao iaby, sady ty namanao manahaky ty vatanao.”
\p
\v 28 Jesosy nivola taminy hozao: “Marina ty navalinao. Anovo zay, le ho velo iha.”
\p
\v 29 Fa azy mpampianatsy iny, naniry hanamarina ty safany, le nivola tamy i Jesosy hozao: “Ia ro namako?”
\p
\v 30 Namaly azy Jesosy ka le nivola hozao: “Nisy lahilahy raiky nijotso baka a-Jersalema any ho a-Jeriko any. Ie le azo mpandrava rey, ze nanendaky hanana iaby rey taminy eny, noho namango azy, sady nanenga azy fa ho maty.
\v 31 Sady sendra nisy mpisoro nandalo tamy lala zay, sady lafa nahita azy ie, le nandeha tamy sisiny eny.
\v 32 Manahaky zay koa ty Levita raiky, lafa nandalo tamy toera iny ka le nahita azy, le nandeha tamy sisiny eny.
\v 33 Fa nisy Samaritana raiky, lafa nandeha tamy ty nandehanany ie, le avy tamy ty nisy azy eo. Lafa nahita azy ie, le nipelatsy azy.
\v 34 Le namonjy azy ie ka le namehy ty ratsiny, sady nandraraky menaky noho divay tamy zay. Nampiondraniny ty bibiny ie, ka le nandesiny tamy ty tsanom-bahininy any, sady nikarakarany.
\v 35 Lafa maray iny le nangalaky denaria roe iel sady nanome zay tamy ty mpampiantsano, sady nanao hozao: ‘Karakarao ie, sady ndra hotsino ndra hotsino laninao mandilatsy, lafa mimpoly zaho, le honerako.’
\v 36 Ia amy rozy telo, manahaky ty eritseritsinao, ro nama azy azo ty mpandrava iny?”
\p
\v 37 Namaly azy mpampianatsy iny hozao: “Azy raiky ze nanoro ferinay azy iny.” Jesosy nivola taminy hozao: “Mandehana sady mananova manahaky zay koa.”
\p
\v 38 Sady laha niaraky-nandeha rozy, le nilitsy tamy ty tanà raiky ao Ie, sady nisy ampela raiky kaihy hoe Marta nampandroso Azy tan-tsanony ao.
\v 39 Nana rahavavy anovy hoe Maria ie, ze nipetsaky tan-tomboky ty Tompo eo sady nahare ty safany.
\v 40 Fa Marta sahira bey tamy ty fikarakara ty hany ho hany. Nana qmy i Jesosy eo ie, le nanao hozao: “Tompo, tsy manampinoa Anao va ty nanenga ty rahavaviko ahy hanompo raiky? Ka le volano ie mba hanampy ahy.”
\p
\v 41 Fa namaly ty Tompo ka le nanao taminy hozao: “Marta, Marta, manahy amy ty raha lako mare iha,
\v 42 nefa raha raiky avao ro tena ila. Maria ro fa nitingy ze soa bibiky, ze tsy hala aminy.”
\c 11
\cl Toko 11
\p
\v 1 Le zao ro niseho lafa nivavaky tamy ty toera raiky ao Jesosy, nisy raiky tamy mpianany rey nivola taminy hozao: “Tompo, mba ampianaro mivavaky zahay manahaky ty nampianary i Jaona mpianatsiny rey.”
\p
\v 2 Hoasa Jesosy tamin-drozy hozao: “Lafa mivavaky nareo le volano hozao: ‘Njanahary e, ho hamasiny lahy ty anaranao. Ho avy lahy ty fanjakanao.
\v 3 Ameo anay ty haninay isan'andro.
\v 4 Engao ty fahotenay, manahaky ty nanenganay ze meloky taminay. Ka manday anzy ho amy ty fanagalam-panahy any.
\p
\v 5 Jesosy nivola tamin-drozy hozao: “Ia aminareo ro hana nama, sady handeha ho aminy any amy ty misasakaly, sady hanao aminy hozao: ‘Nama a, mba ampindramo mofo telo zaho,
\v 6 fa misy namako raiky baka lavitsy, sady tsy mana ndra ino ndra ino hamea azy zaho.’
\p
\v 7 Sady mety hamaly azy ty raiky tan-tsano ao ka le hanao hozao: ‘Ka manelingely ahy.’ Fa mihily ty varavara, sady ty anako, fa ampandrea eo, miaraky amiko. Tsy afaky mitsanga zaho hanome mofo anao.’
\v 8 Mivola aminareo Zaho, fa ndra le tsy mitsanga noho manome mofo anareo aza ie safe namany nareo, le noho ty fijaleanareo tsy misy henatsy, le hitsanga ie sady hanome anareo ty mofo iaby ze ilanareo.
\v 9 Mbo mivola aminareo koa zaho, Mangataha, le hamea nareo zay; mila, le hahita nareo; dondono, le ho vohà nareo.
\v 10 Fa ty olo iaby ze mangataky ro mahazo, sady ze mila ro mahita; safy ze olo mandobdo, le ho vohà.
\v 11 Ia aminareo babam-pilongoa rey, ro lahamangataky fia ty ananareo, le hanome azy bibilava fa tsy fia?
\v 12 Ndra laha mangatalky atoly ie, le hameanareo maingoky va ie?
\v 13 Laha zay, laha nareo raty fanahy aza mahay manome fanomeza soa ho ahy ty ananareo, le hohatsy ty ino ty habevata ty Fanahy Masy hamea ty babanao ze an-danitsy any ho ahy ty ze mangataky aminy rey?”
\p
\v 14 dy Jesosy nandroaky demonia moa. Lafa niboaky demonia, le nanjary nahay nivola lahilahy ze moa iny, sady le tseriky ty olo lako.
\v 15 Fa ty olo iilany nivola fa: “Amy ty alala i Belzaboba, ze mpitariky ty demonia, ro androahany demonia.”
\v 16 Ty ilany nitsapa Azy sady nila fahaiza baka an-danitsy any taminy.
\p
\v 17 Nefa hay i Jesosy ze tan-tsain-drozy ao ka le nivola tamin-drozy Ie hozao: “fanjaka iaby ze mizarazara rey ro ho rava, sady ty tsano ze mizarazara le hirobaky.”
\v 18 Ka laha mialy an-tsano sady Satana, ino ro hahaela ty fanjakany? Fa hoy nareo hoe mandroaky demonia amy ty alala i Belzeboba zaho.
\v 19 Fa laha mandroaky demonia amy ty alala i Belzeboba sady Zaho, amy ty alalan'ia koa ro androaha ty mpanaraky-lia anareo azy? Laha zay, le ndrozy ro hitsara anareo.
\v 20 Fa laha mandroaky ty demonia amy ty alala ty rantsan-tanan-Janahary Zaho, le avy aminareo ty fanjakan-Janahary.
\p
\v 21 Lafa ampy fitaova soa ty lahilahy mahery raiky mandiny ty tsanony, le voaaro ty hananany,
\v 22 nefa koa laha mahery noho ie ty lahilahy raiky ka le mandesy azy, le ala lahilahy mahery iny vatany amy azy lahilahy ty fiadana, sady ho akopany ty fanana azy lahikahy inv.
\v 23 Ze tsy miaraky amiko le manohitsy Ahy, sady ze tsy mivory miaraky amiko le misaraky.
\p
\v 24 Lafa miala amy ty olo raiky ty fanahy raty, le nandeha ie mamakivaky toera tsy misy rano sady mila fijanona. Sady lafa tsy mahita, le hoy ie hozao: ‘Handeha himpoly amy ty tsano niaviako any zaho.’
\v 25 Lafa tafampoly, ie le mahita tsano voalio noho voalamy zay.
\v 26 Bakeo le nandeha ie sady mangalaky fanahy hafa raty mandilatsy ty vatany miisa fitomiaraky aminy ie sady le militsy mba hipetsaky ao rozy iaby. ka le raty vatany noho velohany iny ty fihafara ty olo zay.”
\p
\v 27 Safy laha nivola raha rey Ie, le nisy ampela raiky nanondrotsy ty feony tanay olo lako ao sady nanao taminy hozao: “Sambatsy ty sarotso ze niteraky Anao noho ty nono ze ninonoanao.”
\v 28 Fa hoy koa Ie hozao: “Sambatsy, vatany aza, ze mijanjy ty safan-Janahary rey noho mitandraky zay.”
\p
\v 29 Safy laha mbo mitombo ty olo lako, le nanomboky nivola Jesosy hozao: “Tariha toy ro tariha raty. Mila famantara ie, nefa tsy hisy famantara atoro azy hafa-tsy ty famantara i Jona.
\v 30 Fa manahaky ty nahavy an'i Jona ho famantara tamy Ninivita rey, manahaky zay koa ro ho famantara ty Anak'Olo amy tariha toy.
\v 31 Ty Mpanjaka ampela ty Antimo ro hitsanga amy ty fitsara miaraky amy lahilahy amy tariha toy ka le hanasazy androzy, fa niavy baka amy ty fara ty tany any ie mba hijanjy ty fahendrea i Solomona, sady ingo, eto ty olo bevata noho Solomona.
\v 32 Ty lahilahy i Ninive ro hiaraky hitsanga amy tariha amy ty fitsara toy sady hanasazy azy, safe nibebaky tamy ty nanambara i Jona rozy, sady ingo, misy olo bevata noho jona eto.
\p
\v 33 Tsy misy olo raiky, laha baka nandrehitsy jiro, le mametsaky zay amy ty toera toka ndra ambany sobiky eo, fa anovy amy ty fipetsahan-jiro eo, mba ho hita ze militsy ty hazava.
\v 34 Ty masonao ro jiro ty vata. Lafa soa ty masonao, le atsiky hazava ty vata iaby. Fa laha raty koa ty masonao, le atsiky haiky ty vatanao.
\v 35 Laha zay, miembena nareo mba tsy ho maike ty hazava aminareo ao.
\v 36 Sady, laha atsiky hazava sady ty vatanao iaby, kanle tsy misy ampahany zay anay haiky ao, le hanahaky ty jiro ze mampiriaky ty hazavany aminao eo ty vatanao iaby.
\p
\v 37 Lafa vita ty safany, le nisy Fariseo nanasa azyhiaraky-hihana aminy an-tsanony any, le nilitsy Jesosy ka le nipetsaky.
\v 38 Tseriky fariseo iny fa tsy nisasa aloha Jesosy aloha ty hihina.
\v 39 Fa hoy ty Tompo tamy ty hozao: “Amy zao, Nareo Fariseo, ke manalio ty ambaliky ty kopy noho ty lovia, nefa ty anainareo ao le atsiky rombaky noho faharatia.”
\v 40 Nareo kely say! Tsy nanao ze anainy ao avao koa va ze nanao ty ambaliky?
\v 41 Ameo ty mijaly ze anainy ao, le halio ho ahy nareo iaby ty raha iaby.
\p
\v 42 Fa loza ho ahy nareo Fariseo, safe mandoa ty ampahafolo ty soliky noho ty rota sady hazo hafa am-baibo eny nareo, nefa tsy nirarahinareo ty fahamarina noho ty fitiavan-Janahary. Ilà ty manao ty marina noho mitea an-Janahary, ro sady tsy manalino ty manao raha hafa avao koa rey.
\v 43 Poza ho ahy nareo Fariseo, fa teanareo ty toera velohany amy ty synagoga eny noho ty fiadahaba atsiky fanaja anareo am-baibo eny.
\v 44 Loza ho zhy nareo, fa nareo ro manahaky ty lolo tsy misy fahaiza ze hitsahy ty olo fa tsy hainy zay.
\p
\v 45 Ty raiky tamy mpampianatsy lalà nivola taminy hozao rey: “Mpampianatsy e, raha volaniny zay ro mandratiraty anay koa.”
\p
\v 46 Jesosy nivola hozao: “Loza ho ahy nareo, mpampiana-dalà! Fa mampanday enta-mavesatsy tsy leo ty olo nareo, nefa tsy mikasiky enta-mavesatsy zay aza ndra le ty rantsan-tananareo raiky aza.
\v 47 Loza ho ahy nareo, safe manory lolo ho ahy ty olo to-resaky nareo, nefa ty razambenareo ro namono androzy.
\v 48 Ka le vavolombdlo sady manenky ty asa ty razanareo nareo, fa namono androzy vatany rozy sady nareo ro mamboatsy ty lolony.
\v 49 ha zay avao koa, ro nanambara ty fahendrean-Janahary hozao: ‘Handeha olo to-resaky rey noho apostoly amin-drozy Zaho, sady ndrozy hamono noho hanenjiky ty ilany amin-drozy.’
\v 50 Tariha toy, zay, ro ho tompon'antoky amy ty lio olo to-resaky iaby rey nilatsaky zisiky amy ty naharea ty tany iaby toy,
\v 51 nanomboky tamy ty lio i Abela eo ka le zisiky amy ty lio i Zakaria, ze nivonoe tanovo ty alitara eo noho ty fipetsaha masy. Eka, volaniko aminareo marina, fa tariha toy ro ho tompon'antoky.
\v 52 Loza ho ahy nareo mpampianatsy tg lalà ty Jiosy, safe nalanareo ty lakilè ty fahaiza; tsymilitsy ao ty vatanareo, sady sakananareo ze militsy rey.”
\p
\v 53 Tafara ty niala i Jesosy teo, le nanohitsy Azy ty mpanora-dalá noho ty Fariseo sady nialy hevitsy taminy mikasiky ty raha lako,
\v 54 sady niezaky ty hamandriky Azy tamy ty safany avao.
\c 12
\cl Toko 12
\p
\v 1 Tamy zay, lafa niaraky-nivory ty olo lako an'arivony lako, lako mare hondy nifanitsa-kitso rozy, velohany bibiky le nanomboky nivola taky mpianatsiny rey Ie hozao: “Embeno ty masirasira Fariseo, ze fiatsarambelatsihy rey.
\v 2 Fa tsy misy raiky ze tsy hatoro, sady tsy misy tsy hita ze tsy ho hay.
\v 3 Ka le ndra ino ndra ino nivolaninareo tamy ty haiky ao ro ho re amy ty fahazava ao, sady ze nivolaninareo tan-tsofy eo tanay efitsano ao ro hambara anabo-tsano eny.
\p
\v 4 Mivola aminareo Zaho namako e, ka matahotsy ze mamono ty vata rey, sady afara zay le tsy misy ndra ino ndra ino azony atao sasy.
\v 5 Fa hampiembena anareo Zaho ty amy ze hatahora. Matahora azy raiky zay iny, ze lafa baka mamono, ro mana ty fahefa ty hanary anareo amy ty helo any. Eka, mivola aminareo zaho, matahora Azy.
\v 6 Tsy avily jala roe va ty tsintsy limy? Nefa tey misy raiky amy reny ze halino amason-Janahary eo.
\v 7 Fa ndra ty volon-dohanareo aza le voahisaky iaby. Ka matahotsy. Fa manan-danja mandilatsy noho ty tsintsy lako nareo.
\p
\v 8 Hoy Zaho aminareo, ze iaby manenky Ahy anila ty olo eo, ty Anak'Olo avao koa ro hanenky azy anila anjelin-Janahary eo,
\v 9 fa ze mandá Ahy anila ty olo eo ro tsy henké anila anjelin-Janahary eo.
\v 10 Ze iaby mivola manohitsy ty Anak'Olo, ro henga aminy zay, fa ze iaby mivola raty manohitsy ty Fanahy Masy koa, ro tsy hoenga zay.
\v 11 Lafa manday anarei anila synagoga eo, mpanapaky rey, noho manam-pahefa rey rozy, le ka manahy ty amy ze ho fomba fivolananareo ho fiarovam-batanareo, ndra ze ho volaninareo,
\v 12 safe ty Fanahy Masy ro hampianatsy anareo ze tokony ho volaninareo amy lera zay.”
\p
\v 13 Bakeo nisy olo raiky baka amy olo lako nivola taminy hozao rey ao: Mpampianatsy e, volano ty rahalahiko mba hizara ty lova amiko.”
\p
\v 14 Jesosy nivola taminy hozao: “Rahalahy, ia ro nanao Ahy ho mpitsara ndra mpanelanela anareo?”
\v 15 Hoy Ie tamin-drozy hozao: “Miembena mba hitandrahanareo ty vatanareo lavitsy fanirian-draty iaby rey, safe ty fiainan'olo raiky ro tsy miankr amy ty fitobaky ty fananany.”
\p
\v 16 Bakeo Jesosy nanao fanohara raiky tamin-drozy, nanao hozao: “Namokatsy bey ty baibo ty lahilahy mpanan-kanana raiky,
\v 17 sady nanontany vata ie, nivola hozao: ‘Ino ro ho anoviko, fa tsy mana toera hanajaria vokatsy rey zaho?’
\v 18 Hoy ie hozao: ‘zao ro hanoviko. Halavoko tsano fipetsaham-bokatsiko rey le hampitsanga bevata vatany zaho, sady amy rey ao ro hamoriako ty vokatsiko noho vokatsy hafa rey.
\v 19 Le hivola amy ty fanahiko zaho hozao: “Fanahy, iha ro mana vokatsy bevata voahajary ho amy ty tao lako. Mijanona soa, mihinana, mino, mifalea.”’
\p
\v 20 Fa Njanahary nivola taminy hozao: ‘Rahalahy adala, androany haly ty fanahinao ro hala aminao, ka le raha ze nomaninao rey, ho an'ia rey?’
\p
\v 21 Zay ty olo ze mamory hanana ho ahy ty vatany sady tsy manan-kanana amin-Janahary.”
\p
\v 22 Jesosy nivola tamy mpianatsiny rey hozao: “Laha zay le volaniko aminareo, ka manahira amy ty ainareo- ze ho haninareo, ndra ty mikasiky ty vatanareo- ze ho isaforanareo.
\v 23 Fa ty ay ro mandilatsy noho ty hany, sady ty vata ro mandilatsy noho fisalora rey.
\v 24 Diniho ty goaky, tsy mandraraky ndra mamboly reny. Tsy mana fipetsaham-bokatsy reny ndra tsano fanajaria, nefa amean-Janahary hany reny. Manahaky ty ino ty fihoaranareo lanja mandilatsy noho voro rey!
\v 25 Ia aminareo ro afaky manampy hakiho raiky ty andro iainany amy ty fanahia?
\v 26 Ka laha raha kelikely bibiky zay ka tsy ainareo anovy, nanino nareo ro misalasala ty amy ty sisa?
\v 27 niho lilia rey_ manao akory ty faniriany. Tsy miasa rozy reny, ndra mamoly. Nefa volaniko aminareo, ndra Solomona tamy ty voninahiny iaby ka tsy nisalotsy manahaky ty raiky tamy reny.
\v 28 Laha ampisalorin-Janahary manahaky zay akata ambaibo rey eny, ze androany eo, sady ty hamaray le aria anay fatapera, manahaky ty ino ty hamonia anareo mandilatsy lavitsy noho zay, nareo kelikely finoa e!
\v 29 Ka mila ze ho haninareo noho ze ho inominareo, sady ka misalasala.
\v 30 Fa firenea iaby rey amy ty tany iaby zao eto ro mila raha reny, sady hay ty Babanareo fa mila rey nareo.
\v 31 Fa anovo ty fanjakanao, le bamea ho fanampiny ho ahy nareo raha rey.
\p
\v 32 Ka matahotsy, aondry tsy ampy, safe ty Babanareo ro tena faly ty hanome anareo ty fanjaka.
\v 33 Avilip fananareo rey sady ameoty mijaly. Mananova fipetsahan-jala ho ahy ty vatanareo ze tsy mety ho tonta hanana an-danitsy any ze tsy mety any, ze tsy misy mpangalatsy manariny, sady tsy misy kajajaky manimba.
\v 34 Fa amy ze hipetsaha ty hanananareo any, ro ho any avao koa ty fonareo.
\p
\v 35 Engao ty salotsy lavanareo ho hosikininareo ty valahanareo, sady engao ty jironareo hirehitsy zisiky any,
\v 36 sady mananova manahaky olo ze mandiny tompony rey himpoly baka amy ty fetim-pangalam-baly, mba lafa afaky hamoha ty varavara ho azy direkita rozy.
\v 37 Sambatsy mpiasa rey, ze hita ty tompony fa niemby lafa niavy ie. Volaniko aminareo marina, fa hisalora ty siky lavany amy ty valahany ie, sady hampipetsaky androzy an-databatsy eo, ka le ho avy ie sady hanompo androzy. a
\v 38 Laha ho avy amy ty lera faharoe amy ty haliky ty tompo, ndra amy ty lera fahatelo aza, ka le mahita androzy voro rey, le ho sambatsy mpiasa rey.
\v 39 Hofanampy ay le haizo zao, fa aha hay ty tompon-tsano ty lera hiavia ty mpangalatsy, le tsy nanenga ty tsanony ho vaký ie.
\v 40 Mivonona avao koa, fa tsy hainareo ty lera hiavia ty Anak'Olo.”
\p
\v 41 Petera nivola hozao: “Tompo e, aminay avako va ro ivolananao fanohara zay, sa amy ty olo-iaby avao koa?”
\p
\v 42 Ty Tompo nivola hozao: “Ia sady ro mpitandraky mahatoky noho hendry ze ho tondroe ty tompony ho anabo mpiasany hafa rey mba hanome androzy ty anjara hanin-drozy amy ty fotoa mety?
\v 43 Sambatsy mpiasa zay, ze hita ty tompony manao zay lafa avy ie.
\v 44 Volaniko aminareo marina fa ho tondroeny hanapaky ty fananany iaby ie.
\v 45 Fa laha mivola am-pony ao mpiasa zay hozao: ‘Nahemotsy ty tompoko ty fimpoliany,’ ka le manomboky mamono mpiasa lahilahy noho ampela rey, sady mihina noho mino, ka le nanjary mamo, ty
\v 46 tompo mpiasa zay ro ho avy amy ty andro tsy ampoiziny, sady ty amy ty lera tsy hainy, sady hanatapatapaky azy ka le hanima toera ho azy miaraky amy tsy mahatoky rey.
\v 47 Mpiasa zay, nahay ty sitsapo ty tompony, nefa tsy nioma ndra nanao manahaky ty sitsapony, le ho vangoe amy ty famangoa lako.
\v 48 Fa ze tsy nahay ssdy nanao ze maeva hahazoa vangoa koa, ro ho vangoe amy ty famangoa kelikely. Fa iaby ze namea bey rey, ro ho bey vatany ro ho take aminy, sady ze mananky bey rey, ro ho bey lavitsy aza ro nangatahy aminy.
\p
\v 49 Niavy Zaho hanoraky afo anabo ty tany eny, sady manahaky ty ino ty faniriako mba hireheta zay sahady.
\v 50 Fa mana fananovam-batisa mba hananova batisa zaho, sady manahaky ty ino ty fijaleako zisiky-mahatanteraky zay!
\v 51 hevitsy va nareo fa niavy Zaho mba handay fiadana an-tany eto? Tsy, mivola aminareo zaho, fa fisaraha aza.
\v 52 Manomboky zao le hisy limy amy ty tsano raiky ze hisaratsaraky_ olo telo manohitsy ty roe ao, sady olo roe manohitsy ty telo.
\v 53 Hisaratsaraky androzy, ty baba hanohitsy ty anakilahy, sady ty anakilahy hanohitsy ty baba; ty reny hanohitsy ty anak'ampela sady ty anak'ampela hanohitsy ty reny; ty rafoza-ampela hanohitsy ty vinanto ampela, sady ty vinanto ampela hanohitsy ty rafoza-ampela.”
\p
\v 54 Nivola tamy olo lako rey koa Jesosy hozao: “Lafa mahita raho miforo andrefa eny nareo, le hoy direkita nareo hozao: ‘Hisy ranon'ora ho avy,’ sady le mitsanfpga zay.
\v 55 Lafa misy tsioky mitsiky baka antimo any, le hoy nareo hozao: ‘Hisy hafana bey ho avy,’ sady mitsanga zay.
\v 56 Mpihatsadavelatsihy, hainareo ty mandika ty toetsy ty tany noho ty lanitsy, fa ino ro tsy ahaizanareo mahay andro amy zao?
\p
\v 57 Nanino nareo ro tsy mitsara ze marina ho ahy ty vatanareo?
\v 58 Fa lafa mandeha miaraky amy ty mpifanina aminareo anila ty mpotsara anabo eo nareo, an-dalà eny ro miezaha handamy ty olo miaraky aminy mba tsy handehanany hanataky anareo amy ty mpitsara eo, sady mba tsy hanomeza ty mpitsara anareo amy ty mpamehy any, sady mba tsy handefasa ty mpamehy anareo an-gadra any.
\v 59 Hoy zaho aminareo, tsy ho tafavoaky ao mihintsy nareo zisiky-handoavanareo ty jala farany ze maliniky bibike.”
\c 13
\cl Toko 13
\p
\v 1 atamy andro zay, nisy olo ilany nivola taminy eo ty mikasiky Galiliana rey ze ty lion-drozy ro nafangaro i Pilato tamy ty sorony manoka.
\v 2 Namaly Jesosy sady nivola tamin-drozy hozao: “Nareo va mieritseritsy fa Galiliana rey ro mpanota mandilatsy noho Galiliana hafa iaby rey safe nijaly manahaky zay?
\v 3 Aha, Zaho mivola anareo. Fa laha tsy mibebaky nareo, nareo iaby ro ho maty manahaky zay.
\v 4 Ndra olo folo valo amby ta Siloma ao reny aza ze nilavoa ty tilikambo ka le nahafaty androzy, mieritseritsy va nareo fa tena mpanonta raty mandilatsy noho lahilahy hafa ta Jerosalema ao reny?
\v 5 Aha, hoy Zaho. Fa nareo laha tsy mibebaku, nareo iaby avao koa ro ho maty.”
\p
\v 6 Jesosy nanao fanohara zao hozao: “Nisy olo nana hazon'aviavy raiky nambole tamy ty tanim-bolobokyny eo sady niavy ie sady nanenty voankazo taminy eo nefa tsy nahita ndra ino ndra ino.
\v 7 Lahilahy iny ro nivola tamy ty mpanao zariday hozao: ‘Ingo, niavy teto zaho anay ty telo tao safy niezaky nila voa tamy hazo aviavy toy nefa tsy nahita mihintsy. Tapaho io. Nanino io ro enga manimba ty tany?’
\p
\v 8 Namaly azy mpanao zariday iny ka le nivola hozao: ‘Engao ho eo io aloha amy fao toy zisiky-pihaliko miodidy azy noho hanasiako zeziky aminy eo.
\v 9 Laha mamoa ie amy ty tao manaraky, soa; fa lahf tsy zay, le tapaho ie!”
\p
\v 10 Sady Jesosy nampianatsy tamy ty daiky tamy ty Synagoga rey tanay ty Sabata.
\v 11 Ingo, nisy ampela raiky ze nana ty fanahy raty ty fahakemea anay ty folovalo amby tao teo, sady ie ro niboaky sady tsy nahavita nitsanga soa.
\v 12 fa nahita azy Jesosy, le nikaiky azy ka le nivola hozao: “ampela, afaky amy ty fahelemeanao iha.”
\v 13 Napetsany taminy eo ty tanany, sady niaraky tamy zay ro nitsaky ampela iny sady nihira an-Janahary.
\p
\v 14 Fe ty mpanapaky ty Synagoga ro neloky noho ty fanafaha nanovy i Jesosy tamy ty Sabata. Laha zay le namaly mpanapaky iny sady nivola tamy ty olo lako hozao: “Miay enin'andro zay tokony iasa. Miavia ka le afaky, fa koa tsy amy ty andro Sabata.”
\p
\v 15 Ty Tompo namaly azy ka le nivola hozao: “Mpihatsaravelatsihy! Moa va tsy samby mamaha ty boriky ndra ty aombiiny amy ty valany ao nareo ka le mandaisa rano hinomy amy ty Sabata?
\v 16 Sady manahaky zay koa anak'ampela i Abrahama, ze voafehy i Satana anay ty folo valo amby tao toy, tsy tokony mba ho holongo va ty fehiny amy ty andro Sabata?”
\v 17 Sady lafa nivola raha iaby zay Ie, le menatsy oaby ze nanohitsy Azy rey, fa ty olo lako raiky iaby ro faly noho raha iaby malaza nanoviny rey.
\p
\v 18 Sady Jesosy nivola hozao: “Manahaky ty ino ty fanjakan-Janahary, sady manahaky ty ino ro afaky anoharako zay?”
\v 19 Zay ro manahaky ty voatsinapy ze nala noho nararaky ty lahilahy raiky tan-jariday eo, ka ke nanjary hazo bevata raiky, sady ty voro ty lanitsy le nanamboatsy ty tsanony tamy rantsany eo.”
\p
\v 20 Mbo nivola avao Ie hozao: “Ino ro afaky hampatahotsy ty fanjakan-Janahary?
\v 21 Zay ro manahaky ty masirasira zenala ty ampela raiky ka le nafangarony tamy ty koba in-telo ty famarana zisiky-piparitahany anay ty koba iaby ao.”
\p
\v 22 Jesosy ro nandeha nitety ty tanà noho ty vohitsy kirai-draiky tan-dalà eny mana Jerosalema any sady nampianatsy androzy.
\v 23 Nisy raiky nivola taminy hkzao: “Tompo, moa va tsy ampy ty olo ro ho vonje?” Sady hoy ie tamin-drozy hozao:
\v 24 “Mialia ty hilitsy ty varavara maifotsy nareo, safe, Zaho mivola aminareo, lako ro te-hitsofoky, fa tsy ho afaky ty hilitsy.
\v 25 Lafa nitsanga indraiky avao tompon-tsano iny sady manily ty varavara, le hitsanga ambaliky ao nareo ka le handondo ty varavara eo sady hivola hozao: ‘Tompo, ampiliro zahay.’ Ie hamaly ka le hivola aminareo hozao: ‘Tsy haiko nareo ndra ty fiavianareo.’
\p
\v 26 Sady hivola nareo hozao: ‘Nihina noho nino talohanao eo zahay, sady Iha fa nampianatsy safa an-dalabey eny.’
\p
\v 27 Fa Ie ro hamaly hozao: ‘Mivola aminareo zaho, tsy haiko ze fiavianareo. Mialà amiko eto, nareo mpanao raty!’
\v 28 Hisy fitania noho fikotsoha-hý lafa andro nareo mahita an'i Abrahama, Isaka, Jakoba, noho ty olo to-resaky iaby amy ty fanajakan-Janahary ao, fe voaroaky ambaliky any nareo.
\v 29 Rozy ro ho avy baka antinana any, andrefa, avaratsy, sady antimo ka le hipetsaky amy ty latabatsy ty fanjakan-Janahary eo.
\v 30 Haizo zao, ze tsy le manan-danja rey ro ho velohany, sady ze tena manan-danja rey ro ho farany.”
\p
\v 31 Tafara kelikely zay, nisy Fariseo ilany niavy safy nivola taminy hozao: “Mandehana ambarao ty eto safe Heroda ro te-hamono Anao.”
\p
\v 32 Jesosy nivola hozao: “Mandeha sady ambarao alika taloha zay hozao: ‘Ingo, zaho mandroaky demonia noho manao fanafaha henanikio noho hamaray, sady amy ty andro fahatelo le ho tsatsiko ty tanjoko.’
\v 33 Ndra ino ndra ino mitsanga, raha-bevata amiko ty manohy ahenanikio, hamaray, noho ty andro manaraky, safe tsy aso enke ty famonoa ty olo to-resaky lavitsy ahy Jerosalema.
\p
\v 34 “Jerosalema a, Jerosalema a, ze mamono ty olo to-resaky noho mitoraky-vato ze nirahy taminao rey. Impiry zaho ro naniry ty hamory ty anakinareo manahaky ty akoho vavy mamory ty anany ambany elatsiny, nefa tsy naniry zay nareo.
\v 35 Ingo, nenga ty tsanonareo. zaho ro mivola aminareo, tsy ho hitanareo Zaho zisiky-hivolananareo hozao: “Sambatsy ze baka amy ty anara ty Tompo.”’
\c 14
\cl Toko 14
\p
\v 1 Sady indraiky Sabata, lafa nana amy ty tsano ty raiky tamy mpitariky ty fariseo rey teo hihina mofo Ie le nanara-maso Azy avao ndrozy.
\v 2 Ingo, tanilany eo nisy laholahy raiky ze nampijalea ty edema.
\v 3 Jesosy nanontany manam-pahaiza rey amy ty alalà ty Jiosy noho Fariseo rey hozao: “Azo anovy va ty manafaky amy ty andro Sabata, sa tsy Azo?”
\v 4 Fa rozy ro tsy nivola. Laha zay le nirambesy i Jesosy ie, sady nafahany, le nalefany handeha.
\v 5 Hoy ie tamin-drozy hozao: Ia aminareo ze manan-anakilahy ndra aomby tafalatsaky anay fantsaka amy ty andro Sabata ro tsy hisinto azy direkita?”
\v 6 Rozy ro tsy misy nahavita nanome valiny an'i raha rey.
\p
\v 7 Lafa hay i Jesosy ty fomba fitingina ze nala ty toeram-boninahitsy re, nanao fanohara ie nivola tamin-drozy hozao:
\v 8 “Lafa ala amy ty fetim-panambalia nareo, ka mipetsaky amy ty toeram-boninahitsy eo, safe mety nisy olo nala mbo manam-boninahitsy noho nareo.
\v 9 Lafa niavy olo ze nangalaky anareo iny, le hivola anareo ie hozao: ‘Ameo olo-hafa toy ty toeram’ sady am-pahanenara ro andehananareo hamonjy ty toera ambany bibiky.
\v 10 Fa lafa anambara nareo, mandehana le mipetsaha amy ty toera ambany bibike, amy zay lafa mandalo azy nanqmbara anao iny, le mety hivola anao ie hozao: ‘Nama a, miakara anabonabo.’ Sady bakeo le hameam-boninahitsy nareo anila ze iaby miharo latabatsy aminareo rey eo.
\v 11 Fa ze manondrom-bata ro hajotso, sady ie ze mampijotso-bata ro hasondrotsy.”
\p
\v 12 Jesosy avao koa ro nivola tamy azy lahilahy nanambara Azy iny hozao: “Lafa manome hany ndra fanambara anao, le ka manambara namanao rey ndra rahalahinao rey ndra matiny anao rey ndra mpanan-kanana miodidy anao rey, amy ty mety hanambarany anao koa ho takalo zay, sady le ho voavaly iha.
\v 13 Fa lafa manao fanasa iha, asao ty mijaly, ty kombo, ty mandrava, sady ty jiky,
\v 14 le ho sambatsy iha, safe tsy afajy hamaly anao rozy. Fa iha ro ho voavaly amy ty fitsangana ty marina.”
\p
\v 15 Lafa nahare raha rey ty raiky tamy niharo latabatsy tamy i Jesosy rey, le nivola taminy ie hozao: “Sambatsy ze hihina ty mofo amy ty fanjakan-Janahary ao!”
\p
\v 16 Fa Jesosy nivola taminy hozao: “Nisy lahilahy raiky nikarakara hany bevata sady nanambara olo lako.
\v 17 Lafa voakarakara ty hany, le naniraky ty mpiasany ie hivola ze nanambara rey hozao: ‘Mandrosoa, fa ty raha-iaby le fa vonona.’
\p
\v 18 Rozy iaby le nitovy say sady nanomboky nanao fialan-tsiny. Azy velohany nivola taminy hozao iny: ‘Nivily baibo zaho, ka le tokony hiboaky zaho sady hanenty zay. Miala tsiny zaho.’
\p
\v 19 Raiky hafa nivola hozao: ‘Nivily aomby tolo zaho, sady hqndeha hahay androzy. Miala tsiny zaho.’
\p
\v 20 Bakeo nisy lahilahy raiky hafa nivola hozao: “Vo baka nangala-baly zaho, sady laha zay le tsy afaky ty ho avy zaho.’
\p
\v 21 Le niavy azy mpiasa iny sady nivola tamy ty tompony raha rey. Bakeo azy tompon-tsano iny neloky ka le nivola tamy azy mpiasany iny hozao: “Mandehana malaky amy lalabey noho sampanan-dala an-tanà eto eny le andeso atoy ty mijaly, ty mandrava, ty jiky, sady ty kolatsiky.’
\p
\v 22 Nivola azy mpiasa iny hozao: “Tompo, fa vita ze nibekoanao, fa mbo misy toera avao.’
\p
\v 23 Hoy tompony toy tamy mpiasany iny hozao: “Mandehana amy lalabey noho sisim-boly eny sady tereo rozy ho avy, amy ze ho atsiky ty tsanoko.
\v 24 Fa ambarako aminareo, tsy hisy hanandra ty haniko lahilahy ze nasa rey.’”
\p
\v 25 Sady olo lako mare ro nandeha niaraky taminy, sady nitoliky Ie sady nivola androzy hozao:
\v 26 “Raha misy aminareo mamonjy Ahy sady tsy malay ty babany, ty reniny, ty valiny, ty anany, rahalahiny rey noho rahavaviny, sady ndra ty fiainany aza, le tsy afaky ty ho mpianatsiko ie.
\v 27 Ndra ia ndra ia tsy milanja ty hazofijaleany sady manaraky Ahy le tsy afaky ty ho mpianatsiko.
\v 28 Fa ia aminareo, ze maniry ty hampitsanga tilikambo, ro tsy mipetsaky aloha sady mikalikily ty fandania laha mana ze ilà hamità azy ie?
\v 29 Laha tsy zay, lafa nametsaky ty fototsy ie nefa tsy hahavita zay aza, le hanomboky handatsa androzy iaby ze mahita zay,
\v 30 manao hozao: ‘Lahilahy io ro nanomboky nampitsanga nefa tsy nahavita aza.’
\p
\v 31 Ndra koa mpanjaka inol laha handeha hifanehitsy amy ty mpanjaka hafa amy ty aly, ro tsy hipetsaky aloha sady hangalaky hevitsy laha miaraky amy ty lahilahy ray aly le afaky hialy amy ty mpanjaka hafa ze avy manohitsy azy miaraky amy ty lahilahy roa aly?
\v 32 Laha tsy zay, laha mbo lavitsy ty tafiky hafa, le mandefa antoko ie sady mangataky fepetsy ho amy ty filongoa.
\v 33 Ka laha zay, ndra ia ndra ia aminareo tsy mahafoe ze iaby hananany le tsy afaky ty ho mpianatsiko ie.
\p
\v 34 Soa ty sira, fa laha teobo ty tsiro sira iny, ino ro himpoliany hasira ndraiky?
\v 35 Tsy misy ila ty tany azy ndra le ty zezin-tany aza. Aria avao zay. Ze manan-tsofy handesy-mijanjy, engao ie hijanjy.”
\c 15
\cl Toko 15
\p
\v 1 Sady mpamory haba iaby noho ty mpanota ilany rey ro niavy tamy i Jesosy eo mba hijanjy Azy.
\v 2 Nifampimenimeny Fariseo noho mpanora-dalà rey, nivola hozao: “Lahilahy io ro mandramby mpanota, sady miaraky-mihina amin-drozy mihintsy aza.”
\p
\v 3 Jesosy nanao fanohara zao tamin-drozy, nivola hozao:
\v 4 “Ia aminareo, laha mana aondry zato ie sady bakeo tsobo ty raiky amin-drozy reny, ro tsy hiala ty folo sivy amby an-tany efitsy any, sady handeha hila azy raiky tsobo iny zisiky-pahitany azy?
\v 5 Sady lafa hitany zay, le apetsany an-tsorony eo sady mifaly ie.
\v 6 Lafa niavy an-tsano ao ie, le kaihe iaby namany noho mpiara-mipetsaky aminy rey, mivola androzy hozao: ‘Mifalea miaraky amiko, fa hitako aondriko tsobo iny.’
\v 7 Manahaky zay koa, mivola aminareo Zaho, fa hisy fifalea an-danitsy any noho ty mpanota raiky ze mifona, mandilatsy noho ty olo-marina folo sivy amby ze tsy mila mifona rey.
\p
\v 8 Ndra iq ro ampela ze mana farantsa kelikely folo, laha tsobo ty farantsa raiky, robtsy handefitsy ty jiro, hamafa ty tsano, sady hila am-pazotoa zisiky-hahitany zay?
\v 9 Lafa hitany zay, le kaihiny iaby namany rey noho mpiara-mipetsaky aminy rey, ka le hivola hozao: ‘Mifalea miarwky amiko, fa hitako azy farantsa kelikely raiky ze tsobo iny.’
\v 10 Manahaky zay koa, Zaho mivola aminareo, misy fifalea anila ty Anjelin-Janahary eo amy ty mpanota raiky ze mibebaky.”
\p
\v 11 Bakeo Jesosy nivola hozao: “Nisy lahilahy raiky nana-anaky roe lahy,
\v 12 sady ty varalahy tamin-drozy nivola tamy babany hozao: ‘Njanahary e, ameo ahy ty anjara hanana ze tokony ho ahy.’ Ka le nizarany tamin-drozy ty hananany.
\v 13 Tsy ela tafara ze, azy faralahy namory ty anjarany iaby iny ka le nandeha tamy ty firenea raiky lavitsy teo, sady tany ie ro nandany fahantany hananany iaby rey tamy ty fiaina maheriloha.
\v 14 Sady lafa laniny iaby ty iaby, le nisy mosary bevata niparitaky tamy firenea io, ka le nanomboky tanay ty tsy fahampea ao ie.
\v 15 Nandeha ie sady nikarama tamy raikytamy ty olo tamy firenea io ao, ze nandefa azy tamy ty baibony any mba hamaha koso.
\v 16 Te hihina mare hany fihany koso rey ie, safe tsy nisy olo nanome azy ndra ino ndra ino.
\v 17 Fa lafa nieritseritsy azy faralahy iny, le nivola ie hozao: ‘Firy amy manompo ty babako rey ro mana hany mandilatsy ty sahaza, sady toy zaho, maty ty mosary!
\v 18 Hialako eto ka le ho amy babako any zaho, sady zaho hivola aminy hozao: “Njanahary e, fa nanota tamy ty lanitsy zaho, noho tamasonao eo.
\v 19 Tsy maeva ty kaihe hoe ananao sasy zaho; anovo manahaky ty raiky amy mpiasanao rey zaho.”
\v 20 Laha zay nandeha a_ faralahy iny ka le nana amy babany any. Laha mbo lavitsy ie, le hita azy babany iny, sady nihevy, ka le nilay, sady nipiritsy noho nanoroky azy.
\v 21 Azy anakilahiny iny nivola hozao: ‘Njanahary e, fa nanota tamy ty lanitsy noho tamasonao eo zaho. Tsy maeva ty ho kaihe hoe ananao zaho.’
\p
\v 22 Azy raiky nivola tamy ty mpiasany hozao iny: ‘Abdeso malaky salotsy soa bibike rey, kable ampisaloro azy, sady asio peratsy ty tanany, noho kapa ty tombony.
\v 23 Bakeo andeso azy anak'aomby vondraky iny kable vono zay. Andao tsika handrengy amy ty fety!
\v 24 Safe ty anakilahiko le maty, sady amy zao velo ndraiky. Tsobo Iel sady amy zao le hita ndraiky.’ Bakeo le nanomboky nifety ndrozy.
\p
\v 25 Sady azy anakilahiny velohany iny ro tam-baibo any. Lafa tamy sady namonjy tsano iny ie, le nahare moziky noho sindraky.
\v 26 Nikaiky ty raiky tamy mpiasa rey ie sady nanontany azy hoe mety ho ino raha zay.
\v 27 Azy mpiasa iny nivola taminy hoaao: ‘Noly an-tsano ato ty rahalahinao ka le nivono ty babanareo anak'aomby matavy iny, safe noavy soa bibike ie.’
\p
\v 28 Neloky azy anakilahy velohany iny, sady tsy nety nilitsy, le niboaky babany, sady nangataky azy.
\v 29 Fe namaly azy anakilahy velohany iny sady nivola tamy ty babany hozao: ‘Henteo, fa an-taony lako ro nanompoko anao, sady mbo tsy nandika ty lalànao zaho, sady iha tsy mbo nanome ndra anak'aosy nafahako nifaly niaraky tamy namako ret aza,
\v 30 nefa lafa avy ty anakilahinao, ze nanataky ty hanananao tamy ty mpamarotsy-vata, le nivononao ho azy ana'aomby nafahany iny.’
\p
\v 31 Hoy azy raiky iny taminy hozao: ‘Anaky, iha ro miaraky amiko avao, sady ze iaby ahy ke iha.
\v 32 Nefa babany ho antsika ty mifety noho mifaly, safe rahalahinao toy ro maty, sady amy zao le velo ndraiky; tsobo ie, sady amy zao le hita ndraiky.’”
\c 16
\cl Toko 16
\p
\v 1 Le hoy koa Jesosy tamy mpianatsiny rey hozao: “Nisy lahilahy mpanan-kanana raiky nana mpitandraky, sady nitatery taminy any fa mpitandraky io ro nandany ty hananany iaby.
\v 2 Ka le nampikaiky azy lahilahy mpanan-kanana iny sady nivola taminy hozao: “Ino reko mikasiky anao zao? Mqnomeza tatitsy mikasiky ty asa fitandrahanao, fa iha tsy ho afaky ty ho mpotandraky-fanana sasy.’
\p
\v 3 Sady azy mpitandrim-panana iny nivola fan-tsainy any hozao: “Ino lahy ro tokony hanoviko, fa mangalaky zhy amy ty asa tandrahako ty tompoko? Tsy manan-kery hiasà tany zaho, sady menatsy ty hangataky zaho.
\v 4 Haiko ty hanoviko, mba lafa alà amy ty asa fitandrahako zaho, le hampandroso ahy an-tsanon-drozy ao ty olo.’
\v 5 Bakeo azy mpitandraky-raharaha nikaiky ty kirai-draiky tamy mpitsosa ty tompony iny, sady le nanontany azy volohany iny ie hozao: ‘Hotsino ro anana ty tompoko aminao any?’
\p
\v 6 Nivola ie hozao: ‘Menaky oliva zato litatsy.’ Nivola taminy ie hozao: ‘Rambeso ty taratasinao, mipetsaha malaky, sady dimampolo soraty.’
\p
\v 7 Sady bakeo azy mpitandraky iny nivola tamy ty raiky hozao: ‘Hotsino ty tsosanao?’ Nivola ie hozao: ‘vary zato famarana.’ Nivola taminy ie hozao: ‘Rambeso ty taratasinao, sady sorato hoe valopolo.’
\v 8 Bakeo azy tompo iny le nanompo azy mpitandraky tsy marina iny safe niasa tamy failo ie. Fa mailo vatany ty ana ty tany iaby toy ty amy ty fifanaraha amy ue samby olo noho ty ana ty fahazava.
\v 9 Mivola aminareo Zaho, mila nama amy ty alala ty jala tsy marina, amy zay lafa lany zay, ke mety ho rambesin-drozy amy ty fipetsaha zisiky farany ao nareo.
\v 10 Ze mahatoky amy ty kelikely bibiky le mahatoky amy ty bey koa, sady ze tsy marina amy ty kelikely bibike le tsy marina amy ty bey koa.
\v 11 Laha tsy mahatoky amy ty fampiasa jala tsy marina nareo, ia ro hatoky anareo amy ty hanana marina.
\v 12 Laha tsy matoky amy ty fampiasa ty jala ty olo hafa nareo, ia ro hanome jala ho ahy nareo manoka?
\v 13 Tsy misy mpiasa afaky manompo tompo roe, fa ndra ie halay ty raiky le ho tea ty raiky, ndra koa ie hanome-vata ho ahy ty raiky le hanao tsinotsino azy hafa iny. Tsy afaky manompo an-Janahary noho ty hanana nareo.”
\p
\v 14 Sady ty Fariseo, ze tea jala, lafa nahare raha iaby zay, le tsy nampisy antony Azy rozy.
\v 15 Nivola tamin-drozy Ie hozao: “Nareo ro manamarina ty safanareo amaso ty olo eo, fa Njanahary mahay ty fonareo. Fa ze hasondrotsy amy ty olo eo le ho hejy amadon-Janahary eo.
\p
\v 16 Ty lalà noho olo to-resaky rey ro nisy zisiky-iavia i Jaona. Fa zisiky amy fotoa zay, ro fa nambarà ty filazantsoa ty fanjakan-Janahary, sady ty kirai-draiky ro niezaky nanity ty lalany ho amy zay.
\v 17 Fa moramora vatany ty haharava ty lanitsy noho ty tany noho ty soratsy kelikely bibike amy ty lalà ao hanjary tsy manan-kery.
\p
\v 18 Ze misaraky amy ty valiny ka le mangalajy ampela hafa le manota, sady ze mangalaky ampela ze fa nisara-baly le manota.
\p
\v 19 Sady nisy mpanan-kanana raiky ze nisalotsy voloparasy noho rongony matify sady nankamamy isan'andro ty hanana-bevatany.
\v 20 Nisy mpangalatsy raiky kaihe hoe Lazarosy nipetsaky tamy ty vavahadiny eo, atsiky fery,
\v 21 sady naniry mba hihina ze latsaky baka anabo latabatsy ty lahilahy mpanan-kanana iny eo. Fa ndra ty alika aza avy noho nitsela ty feriny.
\v 22 Sady ingo maty mpangalatsy iny ka le nandesy znjely rey ho anila i Abrahama eo. Maty avao koa mpanan-kanana iny ka le nalevy,
\v 23 sady tamy ty fahatsoboa ao, laha nampijale, le nanondrotsy ty masony ie sady nahita an'i Abrahama ta lavitsy eny noho Lazarosy tanilany eo.
\v 24 Ka le nikoraky mare ie nivola hozao: ‘Abrahama Njanahary, mamaloza ho amiko sady alefaso Lazarosy, mba handrobonany ty tsifa ty rantsan-tanany anay rano ao sady hampanintsiny ty lelako, fa anay ty fangirifiry mare anay afo toy ato zaho.’
\p
\v 25 Fa Abrahama nivola hozao: ‘Anaky, tiarovo fa tamy ty androm-piainanao ro nahazo raha soa iha, sady ty an'i Lazarosy koa raha raty. Fa amy zao ie atoy ro voatambitamby, sady iha amy ty fangirifiry ao.
\v 26 Ankoatsy iaby zay, le nisy harantsa bevata napetsaky, mba tsy ho afaky hanapaky ze ta-hanapaky baka etoy mana aminareo eny, sady tsy misy afaky hanapaky baka eny hana aminao toy.’
\p
\v 27 Azy lahilahy mpanan-kanana iny nivola hozao: ‘Mangataky anao zaho, Abrahama Njanahary e, mba hanirahanao azy ho an-tsano-babako any _
\v 28 fa mana rahalahy liny zao _ mba hafahany mampiemby androzy, noho ty tahotsy ty hiavian-drozy amy toera ty fijalea toy avao koa.”
\p
\v 29 Fa Abrahama nivola hozao: ‘Mana an'i Mosesy noho ty olo to-resaky ndrozy; engao rozy hijanjy androzy.’
\p
\v 30 Sady namaly lahilahy mpanan-kanana iny hozao: ‘Aha, Abrahama Njanahary, fa laha misy baka amy ty maty mana amin-drozy any, le hibebaky rozy.’
\p
\v 31 Fa Abrahama koa nivola taminy hozao: ‘Laha tsy mijanjy an'i Mosesy noho olo to-resaky rey rozy, le tsy ho resy lahatsy mihintsy ndra misy olo mitsanga amy maty aza.’”
\c 17
\cl Toko 17
\p
\v 1 Jesosy nivola tamy mpianatsiny rey hozao: “Azo antoky fa hisy raha afsky hanosiky antsika hanota, fa loza ho ahy ty olo ze hiavia zay!
\v 2 Soa ho azyvatany laha asia vato bey amy ty vozony el ka ke atoraky an-dambosy ao, manahaky ze hampeloky ty raiky amy maliniky rey.
\v 3 Miembena nareo. Laha majota ty rahalahinareo, volano mare ie sady laha mibebaky ie, manengà azy.
\v 4 Laha manota aminao impito anay ty ndraiky andro ao ie, ka le impito mimpoly aminao ie, mivola hozao: ‘Mibebaky zaho,’ le tsy maintsy manenga azy iha!”
\p
\v 5 Apostoly rey nivola tamy Tompo hozao: “Ampitombò ty finoanay.”
\p
\v 6 Ty Tompo nivola hozao: “Laha mana finoa hohatsy ty voa-tsinapy nareo, le afaky mivola amy vorihazo io hozao: ‘Miombota, sady mitiria an-driaky eny,’ le hanenky anareo ie.
\p
\v 7 Fa ia aminareo, ro mana mpiasa miasa tany ndra miemby aondry, ka le hivola aminy lafa avy am-baibo any ie hozao: ‘Avia malaky ka le mipetsaha mba hihina’?
\v 8 Fa tsy hivola aminy va ie hozao: ‘Hijarakara raha hohaniko zaho, ka le asio santira miodidy ty salotsinao le manompoa ahy zisiky-mahalany ty hzniko noho finomako. Le bakeo iha mihina noho mino’?
\v 9 Tsy misaotsy azy mpiasa iny ie safe nanao ze nibekoa azy rozy, sa misaotsy va ie?
\v 10 Ndra le nareo koa aza, lafa nahavita raha iaby ze nibekoa anareo rey nareo, le tokony hivola hozao: ‘zahay ro mpiasa tsy maeva. Ze tokony nanovinay avao ro nanoviny.”’
\p
\v 11 Sady laha nandeha ho a-Jersalema any Ie, le nandeha tamy ty sisin-tany eo tanila i Samaria noho Galilia.
\v 12 Lafa nilitsy tamy ty tanz raiky ao ie, le nisy boka folo lahy nifanojiky tamihy tao. Nitsanga lavitsy Azy rozy
\v 13 sady nanondrotsy anabo ty feon-drozy, nivola hozao: “Jesosy, Tompo e, mamaloza fo aminay.”
\p
\v 14 Lafa nahita androzy Ie, le nivola tamin-drozy hozao: “Mandehana le ampitoró amy mpisoro ty vatanareo rey.” Laha nandeha iny ndrozy le nalio.
\v 15 Lafa nahita ty raiky tamin-drozy fa afaky ie, le nimpoly, niaraky tamy ty feo anabo nirengy an-Janahary.
\v 16 Niondriky fan-tombo i Jesosy eo ie, nanome fisaora ho Azy. Ie ro Samaritana.
\v 17 Sady Jesosy nivola hozao: “Tsy fa voalio va ie folo? Fa aia ty sivy?
\v 18 Tsy nisy hafa nimpoly hanome voninahitsy an-Janahary va, hafa-tsy vahiny toy?”
\v 19 Sady hoy Ie taminy: “Mitsangàna, ka le mandehana. Ty finoanao ro naha afaky anao.”
\p
\v 20 Laha nanontany Fariseo rey hoe ombia ty fanjakan-Janahary ro ho avy, le namaly androzy Jesosy ka le nivola hozao: “Tsy hita-maso ty fiavia ty fanjakan-Janahary.
\v 21 Tsy hivola koa rozy hozao: ‘Henteo, Toy azy ie iny!’ ndra hozao: ‘Roy azy ie iny!’ Fa ingo, ty fanjakan-Janahary le anainareo ao.”
\p
\v 22 Hoy ie tamy mpoianatsy rey: “Avy ty andro hatirianareo ty akata ty raiky amy ty andro ty Anak'Olo, fa tsy hahita zay nareo.
\v 23 Sady rozy ro hivola aminareo hozao: ‘Henteo, aroy! Henteo, Etoy!’ Fa ka mania androzy,
\v 24 fa manahaky ty helatsy mipiriaky mazava lafa mitaratsy baka amy ty ilany any ty lanitsy ka le zisiky amy ty ilany raiky any, le mahahakyay ty Anak'Olo amy ty androny.
\v 25 Fa velohany le tsy misy hijaly amy ty raha lako Ie sady ho lavitsy ty tariha toy.
\v 26 Manahaky ze niseho tamy ty andro i Noa, ro hiboaky koa amy ty andro ty Anak'Olo.
\v 27 Nihina rozy, nino, nanambaly, namea ho ampiakary, zisiky-iavia ty andro ze nilira i Noa tamy ty sambofiondra ao _ sady niavy ty Safo-drano ka le nandrava azy iaby.
\v 28 Manahaky ze niseho tamy ty andro i Lota _ nihina sady nino drozy, nivily noho namarotsy, namboly noho nanao tsano.
\v 29 Fa tamy ty andro ze niboaha i Lota baka Sodoma ao, ro afo noho solifara ro nilatsaky baka an-danitsy any ka le nandrava azy iaby.
\v 30 Le hohatsy zay koa ty amy ty andro hiboaha ty Anak'Olo.
\v 31 Amy andro zay, aza enga hijotso hangalaky entany rey ho ambaliky tsano any ze amy ty anabo-tsano eny; sady ka enga himpoly ze am-baibo any.
\v 32 Tiarovo ty valy i Lota.
\v 33 Ndra ia ndra ia mila hamonjy ty ainy le hahatsobo azy, fa ndra ia ndra ia hahateobo ty ainy le hamonjy azy.
\v 34 Mivola aminareo Zaho, fa amy haliky zay ro hisy olo roe anabo ty kitsely raiky eo. Ty raiky ro horambesy, sady ty raiky hengà.
\v 35 Sady hisy ampela roe miara-mandisa vary. Ty raiky ho rambesy,
\v 36 sady ty raiky hengà.”
\p
\v 37 Nanontany Azy rozy hozao: “Aia, Tompo?” sady Ie nivola tamin-drozy hozao: “Ze hipetsaba ty faty, le any koa ro hisy votoro hiara-mivory.”
\c 18
\cl Toko 18
\p
\v 1 Bakeo Ie nivola fanohara tamin-drozy ty mikasiky ty tokony hivavan-drozy zisiky farany, sady tsy ho kivy,
\v 2 nivola hozao: “Tamy ty tanà raiky ao ro nisy mpitsara ze tsy natahotsy an-Janahary sady tsy nanaja olo.
\v 3 Sady nisy mpandai-vata raiky tamy tanà io, sady ie nana aminy any san'andro, nivola hozao: ‘Ampeo zaho mba hahazoako rariny aloha ty fahavaloko.’
\p
\v 4 Fa ela ie ro tsy vonona ty hanampy azy, fa tafara kelikely zay le nivola tamy ty vatany ie hozao: ‘Ndra le tsy matahotsy an-Janahary aza zaho ndra tsy manaja olo,
\v 5 fa koa safe manahira ahy mpandai-vata toy, le hanampy azy zaho mba hahazoany rariny, mba tsy handreraky ahy noho ty firioriony lava atoy sasy ie.”’
\v 6 Bajeo nivola ty Tompo hozao: “Janjino ze ambara mpitsara tsy marina iny.
\v 7 Sady tsy handay rariny ho ahy ze voatinginy ze mikaiky mare Azy andro noho haliky koa va Njanahary? Hangatak'andro lava amin-drozy va ie?
\v 8 Volaniko aminareo fa handay rariny malaky amin-drozy ie. Manahaky zay koa, lafa avy ty Anak'Olo, hahita finoa an-tany etoy vatany va Ie?”
\p
\v 9 Bakeo koa Ie nivola fanohara zao tamy ty ilany ze nahatoky ty vatan-drozy fa hoe marina noho ze manivativa olo hafa rey:
\v 10 “Nisy roe lahy niakatsy tan-degilizy ao mba hivavaky _ ty raiky le Fariseo sady ty hafa ro mpamory haba.”
\v 11 Azy fariseo nitsanga iny sady ndreto nivavaky raha mikasiky ty vatany hozao: ‘Njanahary e, misaotsy Anao zaho fa tsy mitovy amy ty olo hafa _ mpangalwtsy, olo tsy mqrina, mpaheriloha _ndra manahaky mpamory haba toy aza.
\v 12 Mifaly hany indroe isan-kerinandro zaho. Manome ty ampahafolo ze azoko iaby zaho.’
\p
\v 13 Fa azy mpamory haba iny, nitsanga talavitsy eny, tsy nety nanondrotsy ty masony tamy ty lanitey eny vatany, fa nipaiky-tsatsa, nivola hizao: ‘Njanahary e, mamaloza fo amiko, mpanota.’
\v 14 Mivola aminareo Zaho, lahilahy io ro nimpoly nijotso tan-tsanony any voamarina noho azy raiky iny, safe ze iaby manondrom-bata ro hajotso, fa ze iaby mampijoteo-vata ro hasondrotsy.”
\p
\v 15 Ty olo koa ro nanday ty anany kelikely Taminy eo, mba hikasiha androzy, fa lafa nahita zay mpianatsy rey, le nivola mare androzy.
\v 16 Fa Jesosy nikaiky androzy hamonjy Azy, nivola hozao: “Engao ty aja hamonjy Ahy, sady ka rarà ndrozy. Fa ahy ty manahaky androzy ty fanjakan-janahary.
\v 17 Volaniko aminareo marina, ndra ia ndra ia tsy handramby ty fanjakan-Janahary manahaky ty aja le tsy hilitsy amy zat ao mihintsy.”
\p
\v 18 dy nisy mpanapaky raiky nanontany Azy, nanao hozao: “Mpampianatsy soa a, ino tsy maintsy hanoviko mba handovako ty fiaina zisiky farany?”
\p
\v 19 Jesosy nivola taminy hozao: “Nanino Zaho ro kaihinao hoe soa? Tsy misy olo soa, hafa-tsy Njanahary raiky avao.
\p
\v 20 Hainao lily rey _ Ka maheriloha, ka mamono olo, ka mangalatsy, ka mitsanga ho vavolombelo pavandy, manajà ty babanao noho ty reninao.”
\p
\v 21 Nivola mpanapaky iny hozao: “Iaby zay ro fa nenkeko tamy zaho mbo nitanora.”
\p
\v 22 Lafa nahare zay Jesosy, le nivola taminy hozao: “raha raiky ro tsy ampy aminao. Tsy maintsy mamqrotsy ze iaby anananao iha sady mizara zay amy ty mijaly, sady hana hanana an-danitsy any iha _ sady avia, manoriha Ahy.”
\v 23 Fa lafa nahare raha rey azy mpanapaky iny, le nanjary nalahelo mare, fa nanan-kanana mare ie.
\v 24 Sady Jesosy, nahita azy, nanjary nalahelo mare sady nivola hozao: “Manao ino ty fahasarota ty filira amy ty fanjakan-Janahary ao ho ahy ze mpanan-kanana rey!
\v 25 Fa moramora vatany ho ahy ty rameva ty hilitsy amy ty afara-fitsebiky, noho ty hilira ty olo mpanan-kanana raiky amy ty fanjakan-Janahary ao.”
\p
\v 26 Ze nahare zay rey ro nivola hozao: “Ia moa ro afaky ho vonje?”
\p
\v 27 Jesosy namaly hozao: “raha ze tsy hain'olombelo rey ro hain-Janahary.”
\p
\v 28 tera nivola hozao: “Ingo, nandalo ty raha iaby ze anay zahay sady nanaranaky Anao.”
\p
\v 29 Sady Jesosy nivola tamin-drozy hozao: “Ambarako aminareo marina, fa tsy misy olo ze nahafoe tsano, ndra valy, ndra rahalahy, ndra ray aman-dreny, ndra anaky, noho ty fanjakan-Janahary,
\v 30 ze tsy hahazo bevata vatany amy ty tany iaby toy, sady amy ty andro ho avy, le fiaina zisiky farany.”
\p
\v 31 Lafa baka namory ty folo roa amby lahy Taminy eo Ie, le hoy ie tamin-drozy hozao: “Ingo, miakatsy ho a-Jersalema any tsika, ka le raha iaby ze voasoratsy ty to-resaky mikasiky ty Anak-Olo rey ro ho tanteraky.
\v 32 Fa hamea amy Jentilisa rey eo Ie, ka le hiheheza, noho hala baraka, sady handorà.
\v 33 Afara ty hamangoa Azy, le ho vonon-drozy Ie sady amy ty andro fahatelo ro hitsanga ndraiky Ie.”
\v 34 Tsy nahatakatsy ndra ino ndra ino tamy raha rey ndrozy, sady navony tamin-drozy safa zay, sady tsy azon-drozy ty raha ze voavola.
\p
\v 35 Sady laha nanariny an'i Jeriko i Jesosy, le nisy lahilahy jiky raiky nipetsaky tan-tsisin-dana eo nangataky,
\v 36 sady laha nahare ty olo lako nandalo, le nanontany ze raha niseho ie.
\p
\v 37 Nivola taminy ndrozy hoe nandalo teo Jesosy baka Nazareta any.
\p
\v 38 Ka le nikaiky mare azy lahilahy jiky iny, nanao hozao: “Jesosy, Ana i Davida, mamalo fo amiko.”
\v 39 Fa ze nandeha taloha rey ro nivola mare an'i azy lahilahy jiky iny, ka le nivola taminy mba tsy hivola. Fa ie vo maiky nikaikaiky mare hozao: “Ana i Davida a, mamaloza fo amiko.”
\p
\v 40 Jesosy nijano sady nibeko ty mba handay lahilahy iny ho aminy eo, Sady lafa tanila lahilahy jiky iny eo, le nanontany azy Jesosy hozao:
\v 41 “Ino ro teanwo hanoviko ho ahy nao?” Nivola ie hozao: “Tompo, te-hahita zaho.”
\p
\v 42 Jesosy nivola taminy hozao: “Mahità. Ty finoanao ro nahafaky anao.”
\v 43 Teo noho eo le nahita ie sady nanoriky Azy, nanome voninahitsy an-Janahary. Ty olo iaby, lafa nahita zay, le nanome fanompoa ho ahin-Janahary.
\c 19
\cl Toko 19
\p
\v 1 Nilitsy Jesosy sady nandalo an'i Jeriko.
\v 2 Ingo, nisy lahilahy ze nikaihe hoe Zakaiosy teo. Ie ro bey ty mpamory haba sady manan-kanana.
\v 3 Niezaky ty hahita ie hoe ia Jesosy, nefa tsy afaky nahita tanay olo lako ao, safe boribory ie.
\v 4 Ka le nilay aloha olo rey ie nanganiky hazon'aviavy raiky mba hahita Azy, sady handalo amy lala zay Jesosy.
\v 5 Lafa niavy tamy toera iny eo Jesosy, le niandrandra Ie ka le nivola taminy hozao: “Zakaiosy e, mijotsoa malaky, fa androany le tsy maintsy hijano an-tsanonao ao Zaho.”
\v 6 Le nijotso malaky ie sady nandramby Azy tam-pifalea.
\v 7 Lafa nahita zay ty iaby, le nitoreo iaby, nivola hozao: “Nilitsy hamangy lahilahy ze mpanota Ie.”
\p
\v 8 Nitsanga Zakaiosy ka le nivola tamy Tompo hozao: “Henteo, Tompo, ty antsasaky ty fananako ro ameako ho ahy ty mijaly, sady laha hohatsy ka le nisy raha namitahako olo, le honerako mandilatsy inefatsy.”
\p
\v 9 Jesosy nivola taminy hozao: “Androany ty famonjea ro hoavy amy ty tokatsanonao toy, safe ie koa ro ana i Abrahama.
\v 10 Fa ty Anam'Olo ro niavy mba hila noho hamonjy olo ze tsobo rey.”
\p
\v 11 Lafa nahare raha zay rozy, le nanohy nivola Ie sady nanao fanohara raiky, safe fanila i Jerosalema eo Ie, sady rozy nieritseritsy fa hiseho teo noho eo ty fanjakan-Janahary.
\v 12 Laha zay Ie le nivola hozao: “Nisy tandapa raiky nandeha tan-tany lavitsy any mba hahazo fanjaka ho ahy ty vatany sady himpoly bakeo.
\v 13 Nikaiky folo lahy tamy mpiasany rey ie, sady nanome farantsa folo androzy, sady nivola tamin-drozy hozao: ‘Mananova raharaham-barotsy zisiky-impoliako.”
\p
\v 14 Nefa olo lakony rey nahay azy sady nandefa solontena nanoriky azy, nivola hozao: ‘Tsy ilanay ty hanjaka lahilahy io aminzy eto.’
\v 15 Sady lafa nimpoly ndraiky ie, baka nandramby ty fanjaka, le nibeko mpiasany ze nameany jala rey mba ho aminy eo ie, mba hahaizany ze benefisy azon-drozy tamy ty fananova raharaham-barotsy.
\p
\v 16 Niavy talohany eo ty velohany, nivola hozao: ‘Tompo, ty farantsanao ro nahazo benefisy farantsa folo mandilatsy.’
\p
\v 17 Nivola azy tandapa iny hozao: ‘Soa zay, mpiasa soa a. Laha iha nahatoky tamy ty kelikely bibiky, le hanam-pahefa amy ty tanà folo iha.’
\p
\v 18 Niavy faharoe iny, nivola hozao: ‘Ty farantsanao, tompo, ro nahavita farantsa limy.’
\p
\v 19 Sady nivola taminy tandapa iny hozao: ‘Hiantoky tanà limy iha.’
\p
\v 20 Niavy ty raiky hafa, nivola hozao: ‘Tompo, ingo ty farantsanao, ze nihajariko soa tanay siky ao,
\v 21 fa natahotsy anao zaho, safe lahilahy masiaky iha. Ka le mangalaky ze tsy napetsakinao, sasy mijinja ze tsy nararako.’
\p
\v 22 Nivola taminy fandapa iny hozao: ‘Amy tysafanao manoka ro hitsadako anao, iha mpiasa raty fanahy. Hainao fa zaho ro lahilahy masiaky, mangalaky ze tsy napetsako, sady mijinja ze tsy nanarako.
\v 23 Ka le ino ro tsy napetsakinao tamy ty mpanajary jala toy ty jalako, ka lafa nimpoly zaho le ho ndramby zay niaraky tamy ty anany?’
\v 24 Tandapa iny nivola tamy ze nitsanga mariny eo rey hozao: ‘Alao aminy ty farantsa, sady ameo azy mana ty farantsa folo iny rey.’
\p
\v 25 Sady hoasan-drozy taminy hozao: “Tompo mana farantsa folo ie.’
\p
\v 26 ‘Zaho mivola aminareo, fa ze iaby mana ro haneme mandilatsy, da ze tsy mana, ndra le ze anany aza le halà.
\v 27 Fa fahavaloko rey, ze tsy naniry ahy hanjaka amin-drozy eo rey, andeso atoy rozy sady vono alohako eto.’”
\p
\v 28 Lafa baka nivola raha rey ie, le nandeha aloha, niakatsy ho a-Jersalema any.
\v 29 Sady lafa niavy tanila i Betifaga noho Vetania eo Ie, tamy ty vohitsy kaihe hoe Oliva eo, le naniraky ty roe tamy mpianatsiny rey Ie,
\v 30 nivola hozao: “Mandehana amy ty tanà manaraky any. Lafa militsy nareo, le hahita ana-boriky raiky mbo tsg niondranan'olo mihintsy. Vahao zay le andeso amiko atoy.
\v 31 Lafa misy manontany anareo hozao: ‘Nanino ro vahanareo io?’ le volano hozao: ‘Misy ilà Tompo azy.’
\v 32 Ze nirahy rey ro nandeha sady nahita ana-boriky iny mahahaky ty nivolany i Jesosy tamin-drozy.
\p
\v 33 Lafa tam-pahamaha ty ana-boriky eo rozy, le hoy tompony rey tamin-drozy hozao: “Nanino ro vahanareo ty ana-boriky?”
\p
\v 34 Nivola rozy hozao: “Misy ilà Tompo azy.”
\v 35 Nandesin-drozy tamy i Jesosy any zay, sady napetsan-drozy tanabo ty ana-boriky eo ty sikiny sady nametsaky an'i Jesosy tanabony eo.
\v 36 Lafa nandeha iny Ie, le nampolin-drozy tamy ty lala eo ty sikin-drozy.
\p
\v 37 Sady lafa nanariny an'i azy toera fijotsoa amy ty Vohitsy Oliva iny Ie, le nanomboky nifaly mpianatsiny lako mare rey sady nanompo an-Janahary tamy ty feo mare noho ty asa bevata iaby ze hitan-drozy,
\v 38 nivola hozao: “Tompoe lahy ty mpanjaka ze baka amy ty anara ty Tompo! Fiadana an-danitsy any szdy voninahitsy amy ty abo bibiky any!”
\p
\v 39 Ty Fariseo ilany tamy ty olo lako eo ro nivola taminy hozao: “Mpampianatsy el volano mare mpianatsinao rey.”
\p
\v 40 Namaly Jesosy sady nivola hozao: “Volaniko aminareo marina, fa laha tsy mivola rozy, le hikorakoraky ty vato.”
\p
\v 41 Lafa namonjy ty tanà Jesosy, le nitany azy,
\v 42 nivola hozao: “Laha mba hainao moa amy andro zao, eny iha, raha ze manday fiadana ho ahy nao rey! Nefa amy zao reny le tey hita amy ty masonao.
\v 43 Fa avy aminao andro re, ze hampitsangana ty fahavalonao manda miodidy anao, sady hiodidy anao, sady hanery anao amy ty lafiny iaby.
\v 44 Ndrozy ro handavo ananao. Tsy hanenga ndra le vato raiky mifanongoa aza rozy, safe iha tsy nahay za tamy Njanahary mbo niezaky ty hamonjy anao iny.”
\p
\v 45 Nilitisy tan-degilizy ao Jesosy sady nanomboky nandoaky ze namarotsy rey,
\v 46 nivola tamin-drozy hozao: “Fa voasoratsy hozao: ‘Ty tsanoko ro nanovy tsano fivavaha,’ fa nareo koa nanao zay ho aloky fialofa malaso rey.”
\p
\v 47 le nampianatsy isan'andro tan-degilizy ao Jesosy. Loha ty mpisoro noho mpanora-dalá rey sady mpitariky ty olo lako rey ro nila hamono azy,
\v 48 fa tsy nahita fomba hananova zay ndrozy, safe nazoto nijanjy Azy iaby ty olo lako iaby.
\c 20
\cl Toko 20
\p
\v 1 Sady ndraik'andro, laha nampianatsy ty olo lako tamy ty egilizy eo Jesosy sady nanambara ty filazantsoa, le namonjy Androzy mpitariky ty mpisoro noho mpanora-dalà niaraky tamy olo-bey rey.
\v 2 Nivola ndrozy, nanao taminy hozao: “Volano anay hoe amy ty fahefa ino ro hananovanao raha rey? Ndra koa ie ro namea anao fahefa zao?”
\p
\v 3 Namaly Ie sady nivola androzy hozao: “Zaho koa ro hampipetsaky fanontanea aminareo. volano Ahy ty mikasiky
\v 4 ty latabatsy i Jaona. Moa va baka an-dany any zay sa baka amy ty olombelo?”
\p
\v 5 Nialy hevitsy ndrozy, nivola hozao: “Laha hamaly tsika hozao: ‘Baka an-danitsy any’ le hivola Ie hozao: ‘Kake nanino nareo ro tsy nino Azy?’
\p
\v 6 Fa laha mivola tsika hozao: ‘Baka amy ty olombelo,’ le hitora-bato antsika ty olo lako iaby, safe ndrozy ro resy lahatsy fa Jaona ro to-resaky.”
\v 7 Laha zay le namaly ndrozy fa tsy hain-drozy ze niaviany.
\p
\v 8 Jesosy nivola tamin-drozy hozao: “Zaho koa tsy hivola aminareo ze fahefa hananovako raha iaby zao.”
\p
\v 9 Nivolaniny tamy ty olo lako fanohara zao: “Nisy lahilahy raiky nanao tanim-boloboky, nampanofa zay tamy ty mpamboly voloboky, sady nandeha tamy ty firenea hafa any anay ty fotoa ela.
\v 10 Tamy ty lera voatondro ro nandefa mpiasa ie ho amy mpamboly voloboky rey any, fa tokony hanome azy ty voankazo azy tanim-boloboky iny ndrozy rey. Nitapahy mpamboly nefa ie, sady nalefany nimpoly tanam-polo.
\v 11 Bakeo le nandefa mpiasa hafa ndraiky ie sady le nitapahan-drozy avao koa, nalany baraka, sady nalefan-drozy tanam-polo.
\v 12 Mbo nandefa fanintelony ie sady niratsan-drozy koa ie, sady niroahiny.
\v 13 Laha zay le nivola ty tompo tanim-boloboky iny hozao: ‘Ino ro hanoviko? Halefako any ty anakilahiko teako. mety mba ho hajan-drozy ie.”
\p
\v 14 Fa lafa jilo mpamboly voloboky rey ie, le nifampiresaky ndrozy, nivola hozao: ‘Io azy mpandova iny. Ndao ho vonontsika ie, mba ho lasantsika ty lova.’
\v 15 Niroahin-drozy niala ty tanim-boloboky ie sady nivonon-drozy. Ino moa ro hanovy ty tompo tanim-boloboky iny amin-drozy?
\v 16 Ho avy ie sady hanimba mpamboly voloboky rey, sady hanome tanim-boloky iny ho ahy ty hafa.” Lafa nahare zay ndrozy, le nivola hozao: “Safe amin-Janahary!”
\p
\v 17 Fa nanenty androzy Jesosy, nivola hozao: “Ino ro hevitsy azy voasoratsy hozao iny: ‘Ty vato ze tsy nenke ty mpanomboatsy-tsano rey ro nanjary vato fehizoro’?
\p
\v 18 Ty kirai-draiky ze milavo amy vato io le ho torotoro. Fa ndra ia ndra ia hilavoany, le ho toro.”
\p
\v 19 Ka le nila hanambotsy Azy tamy lera io mpanora-dalà rey noho mpisoro rey, fa hain-drozy fa nivolaniny fanohara io hanohitsy androzy. Nefa natahotsy ty olo lako ndrozy.
\v 20 Tam-panandiniha Azy soa eo, le nandefa mpitsikilo somary marina ndrozy, mba afahan-drozy mahita tsiny amy ty volaniny, ka le hanome Azy amy ty fanapaha eo noho fahefa ty governora.
\v 21 Nanontany Azy ndrozy, nivola hozao: “Mpampianatsy e, hainay Iha fa mivola noho mampianatsy am-pahamarina, sady tsy voasanto ty hevitsin'ia ndra ia, fa iha ro mpampianatsy ty fahamarina mikasiky ty lalan-Janahady.
\v 22 Ara-dalà ho anay va ty mandoa haba amy i Kaisara, sa aha?”
\p
\v 23 Fa Jesosy ro nahatakatsy ty failon-drozy, sady nivola tamin-drozy hozao:
\v 24 “Mampitoro denaria raiky Amiko. An'ia sary noho anara aminy eo io?” Nivola rozy hozao: “An'i Kaisara.”
\p
\v 25 Hoy Ie tamin-drozy hozao: “Laha zay ameo an'i Kaisara ty raha ze an'i Kaisara, sady ahin-Janahary, raha ze ahin-Janahary rey.”
\v 26 Tsy nahita tsiny tamy ze nivolaniny tanila ty olo lako eo ndrozy, fa le nitseriky tamy ty valin-tsafany ka le tsy nivola.
\p
\v 27 Lafa avy taminy eo ty ilany tamy Sadoseo rey, ze nivola fa tsy misy ty fitsangana amy maty rey,
\v 28 nanontany Azy ndrozy, nivola hozao: “Mpampianatsy e, Mosesy ro nanoratsy ho ahintsika fa laha maty ty rahalahy ty lahilahy raiky, manam-baly, sady tsy mana-anaky, le tokony hangalam-baly an'i vali-ty rahalahiny iny azy lahilahy iny, sady hanome anaky ho ahy ty rahalahiny.
\v 29 Nisy mpidahalahy fito sady ty velohany nanam-baly, sady maty tsy mana-anaky,
\v 30 sady ty faharoe koa manahaky azy.
\v 31 Nampiakatsy azy ty fahatelo, sady manahaky zayaby ie firo samby tsy nana-anaky, sady maty.
\v 32 Tafara zay le maty koa ampela iny.
\v 33 Amy ty fitsangana amy maty, ho valin'ia sady ie? Fa samby fa nanam-baly azy rozy fito.”
\p
\v 34 Jesosy nivola tamin-drozy hozao: “Ana ty tany iaby toy ro mampiakatsy-valy noho ampiakary.
\v 35 Fa ze hita amy ty andro zao rey fa maeva ty handramby ty fitsangana amy maty le tsy hampiakatsy-valy ndra hampiakary.
\v 36 Tsy ho maty sasy ndrozy, safe mitovy amy anjely rey noho anan-Janahary rey, ze anaky ty fitsangana amy maty.
\v 37 Fa ty maty ro natsanga, ndra Mosesy aza le nampitoro, tamy toera ze nisy ty voaroy iny eo, ze nikaihiny ty Tompo ho Njanahary i Abrahama noho Njanahary i Isaka sady Njanahary i Jakoba.
\v 38 Sady Ie ro tsy Njanahary ty maty, fa ty velo, safe ty iaby ro velo aminy ao.”
\p
\v 39 Ty ilany tamy mpanora-dalà rey namaly hozao: “Mpampianatsy e, namaly soa Iha.”
\v 40 Safe tsy mahasaky nampipetsaky fanontanea hafa taminy sasy ndrozy.
\p
\v 41 Jesosy nivola androzy hozao: “Nanino ro ivolanan-drozy fa Kristy ro anakilahy i Davida?
\v 42 Fa Davida vatany ro nivola tamy ty boky i Salamo ao hozao: Ty Tompo nivola tamy ty Tompoko hozao: ‘Mipetsaha an-tana ankavanako eo,
\q
\v 43 zisiky-pananovako ty fahavalonao ho fipetsaha-tombokinao.’
\p
\v 44 Laha zay Davida le nikaiky an'i Kristy hozao: ‘Tompo,’ ka le ino ro maha ana i Davida Azy?”
\p
\v 45 Tanila ty olo iaby eo ro nivola tamy mpianatsiny rey Ie hozao:
\v 46 “Miembena amy ty mpanora-dalà, ze maniry handeha miaraky amy ty salotsy lava, noho tea fiaharaba manoka am-bazary eny, noho seza velohany anay synagoga ao, sady toera velohany ty amy ty fanasa any.
\v 47 Ndrozy koa ro mandany ty tsano mpanday-vata rey, sady manao vavaky lavareny ho fisehosehoa. Ty lahilahy manahaky zay ro hahazo fanasazia bevata vatany.”
\c 21
\cl Toko 21
\p
\v 1 Jesosy nampipý maso ka le nahita lahilahy manan-kanana rey ze nandrotsaky ty fanomezan-drozy tamy ty fandatsahan-drakitsy.
\v 2 Nahita mpandai-vata mijaly raiky nandatsaky jala limy roe tao Ie.
\v 3 Ka le hoy Ie hozao: “Volaniko aminareo mari a, mpandai-vata mijaly toy ro nandatsaky lako noho rozy iaby.
\v 4 Iaby rey ro nanome fanomeza manahaky ty halakoa ty hananany. Fa mpandai-vata toy, tamy ty fijaleany, le nandatsaky ty fivelomany iaby.”
\p
\v 5 Laha nisy lako niresaky mikasiky ty egilizy, fa voaravaky vato soa tarehy noho fanomeza zay, le hoy Ie hozao:
\v 6 “Fa ty amy raha hitanareo rey, mbo ho avy ty andro ze tsy hisy ndra vato raiky aza hijano amy ty hafa ka le tsy ho rava.”
\p
\v 7 Ka le nanontany Azy ndrozy, nanao hozao: “Mampianatsy e, ombia raha rey ro hiboaky? Ino ro fahaiza lafa hiboaky raha rey?”
\p
\v 8 Jesosy namaly hozao: “Miembena mba tsy ho voafitaky nareo. Fa lako ro ho baka amy ty anarako, hanao hozao: ‘Zaho ro ie,’ sady, ‘Fa mariny ty fotoa.’ Ka manoriky androzy.
\v 9 Laha mahare aly noho fiharoa nareo, le ka mangorohoro, fa raha rey ro tsy maintsy hiboaky aloha, fa ty farany ro tsy hiboaky eo noho eo.”
\p
\v 10 Sady hoy Ie tamin-drozy hozao: “Ty firenea ro hitsanga hanohitsy firenea, sady, fanjaka hanohitsy fanjaka.
\v 11 Hisy horohoron-tany bevata, sady mosary noho areti-mandrava amy ty toera sambihafa any. Hisy raha mampatahotsy sady fahaiza bevata baka an-danitsy any.
\v 12 Fa aloha raha iaby rey, ke hanambotsy anareo ndrozy sady hanenjiky anareo, hanome anareo amy ty synagoga noho ty figadrà ao, handay anareo aloha mpanjaka noho mpanapaky rey noho ty anarako eo.
\v 13 Zay ro hanome fahefa ho amy ty fitsangananareo vavolombelo.
\v 14 Laha zay le manapaky hevitsy am-ponareo ao mba tsy hanoma ty fiarovanareo aloha ty fotoa,
\v 15 fa Zaho hanome safa noho fahendrea nareo, ze tsy afaky tohery noho tsy enke mpanohitsy anareo rey.
\v 16 Fa nareo koa ro hamea ty ray aman-dreny, longo noho nama rey, sady ndrozy ro hamono ho maty ty ilany aminareo.
\v 17 Ho hala ty kirai-draiky noho ty anarako Nareo.
\v 18 Fa tsy hisy ho tsobo ndra le volo raiky amy ty lohanareo aza.
\v 19 Amy ty faharetanareo ro hamonjeanareo ty fanahinareo.
\p
\v 20 Lafa hitanareo voabeko ty maramila Jerosalema, le haiko fa mariny ty faharavany.
\v 21 Le engao ze a-Jodia any hilay am-bohitsy any, sady engao ze anivo ty tanà any rey hiala, sady ka enga hilitsy ao ze ambanivohitsy any.
\v 22 Fa rey ro andro ty valifaty, mba ho tanteraky raha iaby fa voasoratsy rey.
\v 23 Loza ho ahy ze manday tsoky noho ho ahy ty mampinono amy andro zay rey! Fa hisy fihalea bevata amy ty tany eo, sady heloky amy olo lako io.
\v 24 Ho lavo ty meso-bey ndrozy handesy ho gadra amy ty firenea iaby any, sady Jerosalema ro ho voahosihosy Jentilisa rey, zisiky-hahantanterajy ty andro Jentilisa.
\p
\v 25 Hisy fahaiza amy ty masoandro eny, amy ty vola eny, noho amy ty basia eny, sady an-tany eny. Ho tsa-pijalea firenea rey, hitiretoreo noho ty eron-driaky noho onja rey.
\v 26 Hisy lahilahy ho teipiky ty fahotsy noho ty fandinanasa raha ze ho baka an-tany eto rey. Fa ho voahozongozo ty hery ty lanitsy.
\v 27 Bakeo le ho hitan-drozy Anak'Olo baka amg ty raho eny miaraky amy ty hery noho voninahitsy bevata.
\v 28 Fa lafa manomboky mitsanga raha rey, le mitsangana sady asondroto ty lohanareo, safe fa mariny ty fahefa nareo.”
\p
\v 29 nao fanohara tamin-drozy Jesosy hozao: “Henteo ty hazon'aviavy, noho hazo iaby rey.
\v 30 Lafa mampisaro rey, le ho hitanareo manoka fa mariny ty lohafao.
\v 31 Manahaky zay avao koa, lafa hitanareo mitsanga raha rey, le hainareo fa mariny ty fanjakan-Janahary.
\v 32 Volaniko aminareo, marina vatany, tariha toy ro tsy ho maty zisiky-piboaha raha rey.
\v 33 Ty lanitsy noho ty tany ro rava, fa safako rey ro tsy ho rava zisiky farany.
\p
\v 34 Fa miembena amy ty vatanareo, mba tey ho vesary ty vokatsy ty finoma noho ty fahamamoa ty fonareo, noho ahiahy ty fiaina rey, kable bakeo le hikatoky tampoky aminareo manahaky ty fandika andto zay.
\v 35 Fa zay ro ho avy amy ty kirai-draiky ze miay mamenon-tany.
\v 36 Fa mba mailo amy ty fotoa iaby, mivavaha mba ho ampy hery nareo hilay raha iaby ze hiboaky rey, sady hitsanga aloha ty Anak'Olo eo.”
\p
\v 37 Ka le tanay andro ro nampianatsy tamy ty egilizy ao Ie, sady ty haly ro nandeha niboaky Ie sady nijano tam-bohitsy Oliva eo.
\v 38 Olo lako iaby rey ro vo avy marai-ndra-bey mba hijanjy Azy tamy ty egilizy ao.
\c 22
\cl Toko 22
\p
\v 1 Sady fa mariny ty Fifalefalea amy ty Mofo tey masira, ze kaihy hoe Paska.
\v 2 Nialy hevitsy olo-bey ty mpisoro rey noho mpanira-dalà ty amy ty fomba afahan-drozy mamono an'i Jesosy, safe natahotsy ty olo rozy.
\p
\v 3 Bakeo Satana nilitsy tamy i Jodasy Iskariota, ze raiky tamy folo roa amby rey.
\v 4 jodasy nandeha nana amy loha ty mpisoro rey any noho kapiteny rey sady nialy hevitsy tamin-deozy ty amy ty fomba hamitahany an'i Jesosy amin-drozy eo.
\v 5 Faly ndrozy, sady nanenky ty hanome jala azy.
\v 6 Nanenky ie, sady nila kendry toha mba hanomezany Azy amin-drozy lavitsy ty olo lako rey.
\p
\v 7 Niavy ty andro ty mofo tsy masira, ze tsy maintsy hananova soro ty anak'aondry Paska.
\v 8 Jesosy naniraky an'i Petera noho Jaona, nanao hozao: “Mandehana sady omano ho anhy tsika ty hany ty Paska, mba ahafahantsika mihina zay.”
\p
\v 9 Ndrozy nanontany Azy hozao: “Aia ro teanao hanovinay ty fanomana?”
\p
\v 10 Namaly androzy Ie hozao: “Janjino, lafa militsy ty tanà nareo, le hisy lahilahy raiky manday sihoan-drano hotojiky aminareo. Manoriha azy amy ze tsano ilirany any.
\v 11 Le volano ty tompon-tsano hozao: ‘Ty Mpampianatsy mivola aminao hozao: “Aia ty efi-tsano fandrambesam-bahiny, ze hihinanako ty hany ty Paska miaraky amy mpianatsiko rey?”’
\v 12 Is hampitoro anareo efitsano anabo esikalie bevata misy enta. Anovo ao ty fanomana.”
\v 13 Ka le nandeha ndrozy, sady nahitq ty raha iwby manahaky ze nivolaniny tamin-drozy. Sady nanoma ty hany ty Paska ndrozy.
\p
\v 14 Lafa avy ty fotoa, le nipetsaky niaraky tamy apostoly rey Ie.
\v 15 Le nivola tamin-drozy Ie hozao: “Naniry mare ty hihina Paska toy miaraky aminareo zaho aloha ty hijaleako.
\v 16 Fa volaniko aminareo, tsy hihina toysasy Zaho, zisiky-pahantanteraha zay amy ty fanjakan-Janahary any.”
\v 17 Le nandramby kapoaky Jesosy, sady lafa nisaotsy Ie, le nanao hozao: “Rambeso toy, sady zarao aminareo.
\v 18 Fa volaniko aminareo, tsy hinomy ty vokatsy ty voloboky sasy Zaho, zisiky-piavia ty fanjakan-Janahary.”
\v 19 Le nandramby ty mofo Ie, sady lafa nisaotey, le nitapahany zay, sady nameany androzy, le nivola hozao: “Toy ty vatako ze nameako ho ahy nareo. Anovo zao ho fahatiarova Ahy.”
\v 20 Nirambesiny manahaky zay koa ty kapoaky lafa vita ty hany, le hoy ie hozao: “Kapoaky toy ro fanenkea vaovao amy ty lioko iny, ze narotsaky ho ahy nareo.
\v 21 Fa miembena. Azy raiky ze hamitaky Ahy iny ro miadaky Amiko an-databatsy eto.
\v 22 Fa ty Anak'Olo ro mandeha vatany manahaky ze voatondro. Fa loza ho ahy lahilahy ze hamitaky Azy zay!”
\p
\v 23 Nanomboky nifampanontany ndrozy ty amy ty raiky amin-drozy ze mety hanao zay.
\p
\v 24 Le nisy fifamalea nitsanga ka le tamin-drozy eo mikasiky ze dinihy ho bevata bibike amin-drozy.
\p
\v 25 Nivola tamin-drozy Ie hozao: “Mpanjaka ty Jentilisa rey ro tompon-drozy, sady ze mana fahefa amin-drozy rey ro anovy hanahaky ze manao soa ho ahy ty olo lakony.
\v 26 Fa tsy manahaky zay mihintsy ty aminareo. Mifanohitsy amy zay, engao ze bevata bibike aminareo hanjary manahaky ty kelikely bibike, sady engao ze manan-danja bibike hoavy manahaky ze manompo.
\v 27 Fa ia ro bevata vatany, ze mipetsaky amy ty latabatsy, sa ze manompo? Tsy ze mipetsaky amy ty latabatsy eo va? Nefa Zaho aminareo eto manahaky ty raiky ze manompo.
\p
\v 28 Fa nareo ro olo ze nanohy niaraky tamiko tamy ty fangalam-panahy nahazo tamiko ao.
\v 29 Ameako fanjaka nareo, manahaky ty Babako koa ze hanome fanjaka ho Ahy,
\v 30 mba ho afaky hihina noho hino an-databatsiko eo amy ty fanjakako any nareo, sady hipetsaky amy ty seza fipetsaha eo hitsara ty foko ty Israely folo roa amby nareo.
\p
\v 31 Simona, Simona, miembena, mila ty hahazo anareo Satana, mba ahafahany maniva anareo manahaky ty vary.
\v 32 Fa nivavaky ho ahy anao Zaho, mba tsy ho maty ty finoanao. Afara ty himpolianao ndraiky, le ampaherezo rahalahinao rey.”
\p
\v 33 Petera nivola taminy hozao: “Tompo, vonona hiaraky Aminao zaho ndra an-gadra any ndra amy ty fahafatesa any.”
\p
\v 34 Jesosy namaly hozao: “Volaniko aminao, Petera, tsy hanoro ty akoho amy andro zay, aloha ty tsy hanenkeanao Ahy intelo hoe mahay Ahy iha.”
\p
\v 35 Le nivola tamin-drozy Jesosy hozao: “Lafa nandefa anareo tsy niadaky tamy ty fipetsahan-jala, kitapom-batsy, ndra kiraro Zaho, nisy raha tsy ampy anareo va?” Namaly androzy hozao: “Tsy nisy.”
\p
\v 36 Le nivola tamin-drozy Ie hozao: “Fa zao, ze mana fipetsahan-jala, engao ie hangalaky zay, ndra kitapom-batsy avao koa. Ze tsy mana meso-bey le tokony hamarotsy ty sikiny sady hivily raiky.
\v 37 Fa Zaho mivola aminareo, ze voasoratsy mikasiky Ahy le tsy maintsy tanteraky: ‘Ie ro nirambesy manahaky ty raiky amy tsy manara-dala rey.’ Fa ze nivolany aloha mikasiky Ahy le fa ho tanteraky”
\p
\v 38 Le nivola rozy hozao: “Tompo, henteo! Ndreto misy meso-bey roe.” Ie nivola tamin-drozy hozao: “Ampy zay.”
\p
\v 39 Tafara ty hany, le nandeha Jesosy, manahaky ty fanoviny san'andro, tam-bohitsy Oliva any, sady nanoriky Androzy mpianatsy.
\v 40 Lafa avy ndrozy, le hoy Ie tamin-drozy: “Mivavaha mba tsy hiliranareo amy ty fangalam-panahy.”
\v 41 Niala tamin-drozy eo teo ho eo amy ty indraiky mitora-bato Ie, le nandohaliky Ie sady nivavaky,
\v 42 nanao hozao: “Njanahary e, laha enkenao, le alao amiko kapoaky toy. Ndra zay aza tsy ty enkeko, fa ty ahy Nao ro hanovy.”
\v 43 nisy anjely baka an-danotsy any niboaky taminy. nampahery Azy.
\v 44 Tanay ty faharary ao, nivavaky tamin-kafanam-po mare vatany Ie, sady ty linitsiny ro nanjary manahaky ty lio nitete tamy ty tahy
\v 45 Sady lafa baka nivavaky Ie ke nitsanga, le nana amy ty mpiabatsy any, sady nahita androzy niroro noho ty alahelon-drozy,
\v 46 ka le nanontany androzy hozao: “Nanino ro miroro nareo? Mitsangana sady mivavaha, mba tsy hiliranareo amy ty fangalam-panahy.”
\p
\v 47 Laha mbo nivola Ie, ingo, nisy olo lako niboaky, jiaraky tamy i Jodasy, raiky amy folo roa amby rey, nitariky androzy. Nanenky an'i jesosy ie mba hanoroky Azy,
\v 48 fa Jesosy nivola taminy hozao: “Jodasy, mamitaky ty Anak'Olo amy ty oroky va iha?”
\p
\v 49 Lafa nahita ty raha-nitsanga ze niodidy an'i Jesosy rey, le nivola ndrozy hozao: “Tompo, tokony hamango amy ty meso-bey va zahay?
\v 50 Bakeo ty raiky tamin-drozy namango ty mpiasa fy mpisorobey, sady nanapaky ty sofiny havana.
\p
\v 51 Jesosy nivola hozao: “Ampy zay!” Nikasihiny ty sofiny, sady nafahany ie.
\v 52 Jesosy nivola tamy ty mpitariky ty mpisoro, tamy kapiteny ty egilizy rey, sady tamy olo-bey ze niavy hanohitsy Azy rey hozao: “Niavy manahaky ty hanambotsy mpangalatsy va nareo, miaraky amy ty meso-bey noho langilangy?
\v 53 Tamy Zaho niaraky taminareo isan'andro tan-degilizy ao, tsy nanambotsy Ahy nareo. Fa zao ro leranareo, noho ty fahefa ty haiky.”
\p
\v 54 Tam-panambora Azy eo, le nitarihin-drozy Ie, sady nandesin-drozy tan-tsano ty mpisorobey any. Fa Petera nanoriky baka lavidavitsy eny.
\v 55 Lafa baka nampirehitsy afo tanivo ty tokontany eo sady niara-jipetsaky ndrozy, le nipetsaky fanivon-drozy eo Petera.
\v 56 Nisy mpanompo ampela raiky nahita azy laha nipetsaky tamy ty fahazava ty afo eo ie, sady nanenty mahity azy noho nivola hozao: “Lahilahy toy koa niaraky taminy.”
\p
\v 57 Fa Petera nandà zaym nivola hozao: “Ampela, tsy haiko Ie.”
\p
\v 58 Afaky kelikely le nisy olo hafa nahita azy, sady nivola hozao: “Iha koa miharo amin-drozy.” Fa Petera nivola hozao: “Lahilahy, tsy ie zaho.”
\p
\v 59 Lafa avy adiny daiky teo ho eo le nisy lahilahy hafa nanizingizy noho nivola hozao: “Marina fa niaraky taminy koa lahilahy toy, fa ie ro Galiliana.”
\p
\v 60 Fa Petera nivola hozao: “Lahilahy, tsy haiko ze volaninao.” Teo noho eo, laha mbo nivola ie, le nisy akoho naneno.
\p
\v 61 Niheriky, ty Tompo nanenty an'I Petera, sady Petera nahatiaro ty safa ty Tompo, tamy ty safany taminy Ie hozao: “Aloha ty hanenoa ty akoho henanikio le handà Ahy intelo iha.”
\v 62 Niboaky tambaliky any petera sady nitany mare.
\p
\v 63 Sady lahilahy niemby an'i Jesosy rey ro nisomonga sady namango Azy.
\v 64 Nasian-drozy saro Ie sady nanontany Azy ndrozy, nivola hozao: “Mananova to-resaky! Ia azy olo ze mamango Anao rey iny?”
\v 65 Nivola raha hafa lako hanohitsy an'i Jesosy ndrozy, nivola raty Azy.
\p
\v 66 Laha vo nazava ty andro, le niaraky-nivory olo-bey rey, ty pitariky ty mpisoro noho ty mpanora-dalà. Nandesin-drozy tamy ty Synedriona any Ie
\v 67 sady nivola hozao: “Laha Iha ro Kristy, le volano aminay.” Fa Ie nivola tamin-drozy hozao: “Laha ho volaniko aminareo, le tsy hino nareo,”
\v 68 sady laha hanontany anareo Zaho, le tsy hamaly nareo.
\v 69 Fa manomboky zao, ty Anak'Olo ro hipetsaky an-tana ankavana ty herin-Janahary eo.”
\p
\v 70 Rozy iaby nivola hozao: “Le Anan-Janahary zay Iha?” Jesosy nivola tamin-drozy hozao: “Voavolanareo fa Zaho ro Ie.”
\v 71 Ndrozy nivola hozao: “Nanino ro mbo mila vavolombelo tsika? Fa tsika mihintsy ro nanoro baka amy ty vavany.”
\c 23
\cl Toko 23
\p
\v 1 itsanga ty olo iaby tamin-drozy, sady nanday an'i Jesosy taloha i Pilato eo.
\v 2 Nanomboky nahazo Azy ndrozy, nivola hozao: “Hotanay lahilahy nanivativa ty firenenay toy, nandrara ty hanomeza ty haba ho an'i Kaisara, sady nivola fa Ie vatany mihintsy ro Kristy, mpnjaka.”
\p
\v 3 Pilato nanontsny Azy, nivola hozao: “Iha va ro mpanjaka ty Jiosy?” Jesosy namaly azy sady novola hozao: “Voavolanao.”
\p
\v 4 Pilato nivola tamy pitariky ty mpisoro noho olo lako rey hozao: “Tsy mahita fahadisoa amy lahilahy toy zaho.”
\p
\v 5 Fa mbo nanizingizy rozy, nivola hozao: “Manakoronta ty olo lako io, mampianatsy era ty Jodia iaby, manomboky baka Galilia any ndra zisiky amy toera toy etoy aza.”
\p
\v 6 Ka lafa re i Pilato zay, le nanontany ie laha hohatsy ka le Galiliana lahilahy iny.
\v 7 Lafa hitany fa tambany fahefa i Heroda ao Ie, le nalefany Jesosy nana amy i Heroda any, ze ta Jerosalema any avao koa tamy andro zay.
\v 8 Lafa hita i Heroda Jesosy, le tena falifaly ie, safe fa te-hahita Azy fa ela. Nahare ty mikasiky Azy ie sady nanantena ty hahita hatsereha lako nanoviny.
\v 9 Heroda nametsa-fanontanea an'i Jesosy tamy ty safa lako, fe Jesosy tey namaly ndra ino ndra ino azy.
\v 10 Pitariky ty mpisoro rey noho mpanora-dalà nitsanga, nahazo Azy mare.
\v 11 Heroda noho maramilany nanivativa an'i Jesosy rey sady nikizaky Azy. Bakeo levnampisalotey Azy siky soa tarehy ndrozy sady nalefan-drozy nimpoly tamy i Pilato any Ie.
\v 12 Fa i Heroda noho Pilato le nanjary mpinama tamy ty andro io (taloha zay le mpifahavalo ndrozy).
\p
\v 13 Bakeo Pilato nikaiky pitariky ty mpisoro noho mpanapaky rey sady olo lako mare niadaky rey,
\v 14 sady nivola tamin-drozy hozao: “Nandesinareo tamiko teto lahilahy manahaky ty lahilahy ze mitariky ty olo hanao raty toy, sady henteo, zaho, laha nametsa-fanontanea taminy talohanareo eo, le tsy mahita hadisoa amy lahilahy mikasiky raha ze hampahazoanareo Azy toy.
\v 15 Aha, ndra le Heroda aza, safe nalafany nimpoly tamintsika atoy Ie, sady Henteo, tsy misy ndra ino ndra ino ze maeva fahafatesa vitany.
\v 16 Laha zay le ho saziko Ie, sady habototsiko Ie.”
\v 17
\p
\v 18 Fa niara-nikoraky mare ndrozy, nanao hozao: “Andeso any lahilahy io, sady abotoro ho ahy nay Barabasy!”
\v 19 Barabasy ro lahilahy raiky ze nailitsy an-gadra noho ty fiharoa lako tan-tanà ao noho famonoa olo.
\v 20 Sady nivola tamin-drozy ndraiky Pilato, naniry ty hamototsy an'i Jesosy.
\p
\v 21 Fe nikorakoraky mare ndrozy, nivola hozao: “Ahantono Ie, ahantono Ie.”
\v 22 Nivola tamin-drozy fanintelony ie hozao: “Nanino, fa ino ro raty vita lahilahy toy? Tsy nahita ndra ino ndra ino ze maeva sazy famonoa taminy ao zaho. Laha zay lafa baka manasazy Azy, le hamototsy Azy zaho.”
\v 23 Fa rozy nanizingizy tamy ty feo abo, nangataky Azy mba hahanto. Ty feon-drozy le nandresy lahatsy an'i Pilato.
\v 24 Ka le nanapa-kevitsy ty hanenky ty fangatahan-drozy Pilato.
\v 25 Nabototsiny azy raiky nangafahan-drozy ze nalefa tan-gadra any ino noho ty fiharoa noho famonoa olo. Fa nameany ho amy ty sitsapon-drozy Jesosy.
\p
\v 26 Sady tam-pandaisa Azy eo ndrozy, le nitandraky an'i Simona baka Syrenia any, ze baka ambanivohitsy any, sady napetsan-drozy taminy eo ty hazofijalea mba handesiny, nanoriky an'i Jesosy.
\v 27 Lako tamy olo lako rey, noho ampela ze nahaferinay mare rey noho nisaona Azy, ro nanoriky Azy.
\v 28 Fa lafa nitoliky tamin-drozy any, nivola Jesosy hozao: “anak'ampela i Jerosalema, ka mitany Ahy, fa mitany ho ahy ty vatanareo noho ho ahy ananareo rey.
\v 29 Fa ingo, hoa avy ty andro ty hivolanan-drozy hozao: ‘Sambatsy rey mikasiky noho sarotso ze tsy niteraky, sady ty nono ze tsy nampinono aja.’
\v 30 Sady le hanomboky hivola amy vohitsy rey ndrozy hozao: ‘Milavoa aminay,’ sady amy ty vohitsy hozao: “Manarona anay.”
\v 31 Fa laha manao raha zay ndrozy lafa mbo maintso ty hazo, ino ro hitsanga lafa maiky zay?”
\p
\v 32 Nisy lahilahy hafa, olo-raty roe, nandesy niaraky taminy mba ho vonoe.
\v 33 Pafa avy tamy ty toera raiky ze kaihy rey hoe “Ikadandoha” ndrozy, le teo ro nampihantonan-drozy Azy, noho olo raty rey - ty raiky tamy ty ankavanany eosady ty raiky tamy ty ankaviany eo.
\v 34 Jesosy nivola hozao: “Njanahary e, manenga abdrozy, fa tsy hain-drozy ze anoviny.” Bakeo le niloka ndrozy, nizarazara fisalorany rey.
\v 35 Le nitsanga nanenty teo olo rey laha mbo nananihany Azy koa mpanapaky rey, nivola hozao: “Namonjy hafa rey Ie. Engao Ie hamonjy ty vatany, laha Ie ro Kristin-Janahary, azy raiky votingy iny.”
\p
\v 36 Maramila rey avao koa ro nangala-baraka Azy, namonjy Azy, nanome Azy vinegra,
\v 37 sady nivola hozao: “Laha Iha ro mpanjaka ty Jiosy, vonjeo ty vatanao.”
\v 38 Nisy fahaiza avao koa tanabony eo hozao: “Toy ro mpanjaka i Jiosy.”
\p
\v 39 Ty raiky tamy olo-raty ze mihanto trey teo ro namingavinga Azy tamy ty nivolanany hozao: “Tsy iha va ro Kristy? Vonjeo ty vatanao noho zahay.”
\p
\v 40 Fa ty raiky nivola mare azy, nanao hozao: sy mba matahotsy an-Janahary va iha, laha samby ambaniny ty fanasazia mitovy avao?
\v 41 Tsika ro ara-drariny eto vatany, safe mandramby ze maeva ty asatsika tsika. Fa lahilahy toy tsy nanao raha raty.”
\v 42 Bakeo ie nivola hozao: “Jesosy ô, tiarovy zaho lafa avy amy ty fanjakanao any Iha.”
\p
\v 43 Jesosy nivola taminy hozao: “Volaniko aminao marina, fa henanikio iha le hiaraky amiko a-paradisa any.”
\p
\v 44 dy lera faha-eny teo no ho eo tamy zay, sady ty haiky baka nandrakotsy ty tany iaby zisiky amy ty lera faha sivy
\v 45 laha niha maiky ty hazava ty masondro. Bakeo ty siky ty egilizy ro nizara baka anivony eo.
\v 46 Nikoraky tamy ty feo mare, Jesosy nivola hozao: “Njanahary ô, an-tananao eo ro ametsahako ty fanahiko.” Lafa baka nivola zay, le maty Ie.
\p
\v 47 Lafa hita kapiteny iny ty raha nisaho, le nanome voninahitsy an-Janahary ie, nivola hozao: “Azo antoky vatany fa olo-marina lahilahy toy.”
\v 48 Lafa hita olo lako iaby ze niaraky-avy ho vavolombelo nanatsi-maso raha niseho rey, le nimpoly nipaiky-tsatsa ndrozy.
\v 49 Fa iaby ze nahag Azy rey, noho ampela ze nanoriky Azy baka Galilia any rey, le nitsanga ta-lavidavitsy eny, nanenty raha zay.
\p
\v 50 Sady ingo, nisy lahilahy raiky kaihe hoe Josefa, ze mpiharo tamy ty Synedriona ao. Olo soa sady marina ie.
\v 51 Lahilahy io ro tsy nanenky ty fanapahan-kevitsy ty Synedriona noho ty asan-drozy. Baka amy ty tanà ty Jodiana any ta Armatia any ie; sady ie ro naniry ty fanjakan-Janahary.
\v 52 Lahilahy io, laha namonjy an'i Pilato, le nangataky ty vata i Jesosy.
\v 53 Nalany nijotso zay, nirakofany hariry maliniky, sady napetsany tanay lolo raiky ao ze nivaky tamy ty lafiam-bato, ze tsy mbo nisy olo nalevy mihintsy.
\v 54 Andro ty Fiomana tamy zay, sady mbo nazava raty ty Sabata.
\v 55 Ampela rey, ze niaraky tamy i Jesosy niala ta Galilia ao, le nanoriky baka afara ao sady nahita ty lolo noho ty fomba nametsaha ty fatiny.
\v 56 Nimpoly ndrozy, sady nanoma raha-manitsy noho menaky manitsy. Sady tamy ty sabata ro nijano abdrozy manahaky ty lily.
\c 24
\cl Toko 24
\p
\v 1 Vo maray tamy ty abdro veloha ty herin'andro, le nana amy ty lolo ndrozy any, nanday raha-manitsy ze nikarajaran-drozy rey.
\v 2 Hitan-drozy niodaky lavitsy ty lolo vato iny.
\v 3 Nilitsy tao ndrozy, nefa tsy nahita ty vata ty Tompo Jesosy.
\v 4 Sady, laha mbo sahiran-tsay mikasiky zay ndrozy, tampoky eo, le nisy lahilahy roe nanao fisikina mipiriaky nitsanga tanila rey eo.
\v 5 Sady lafa feo tahotsy ampela rey ro nandohaliky tamy ty tany, nivola tamy ampela rey ndrozy hozao: “Nanino nareo ro mila ty velo amy ty maty atoy?
\v 6 Tsy ato ie, fa natsanga! Tiarovo ty nambarany anareo tamy Ie mbo ta Galilia any,
\v 7 nanambara fa ty Anak'Olo ro tsy maintsy hamea ho an-tana ty olo mpanota eo ka le hofantsihy amy ty hazo fijalea eo, sady amy ty andro fahatelo ro hitsangana ndraiky.”
\v 8 Ampela rey ro nahatiaro safany rey,
\v 9 ka le nimpoly baka amy ty lolo any sady nivola raha iaby zay tamy folo raiky amby noho ty ambiny iaby.
\v 10 Sady Maria Magdalena, Johana, Maria reny i Jakoba, sady ampela hafa niaraky taminy rey ro nanesy raha zay tamy apostoly rey.
\v 11 Fa hafatsy zay ro manahaky ty tsy nisy eikany tamy apostoly rey, ka le tey nino ampela rey ndrozy.
\v 12 Nefa nitsanga Petera, le nilay nana amy ty lolo eny, sady niondriky noho nanenty tao, le nahita sikim-paty nitoka rey. Sady Petera noly tan-tsanony any, nanontany vata ty amy ze raha niseho.
\p
\v 13 Ndreo, ty roe tamin-drozy nandeha tamy andro io ho amy ty tanà anovy hoe Emaosy any, ze enimpolo stadio miala ahy ty Jerosalema.
\v 14 Ndrozy ro nifampiresaky mikasiky raha iaby ze niseho rey.
\v 15 Sady, laha niara-niresaky noho niara-nametsaky-fanontanea ndrozy, le namonjy noho nandeha niadaky tamin-drozy Jesosy.
\v 16 Fa ty mason-drozy ro nisakana mba tsy hahay Azy.
\v 17 Jesosy nivola tamin-drozy hozao: “Ino ro resahinareo roe amy lala etoy?” Le nijano ndrozy sady nalahelo endriky.
\p
\v 18 Ty raiky tamin-drozy, nikaihe hoe Kleopasy, namaly Azy hozao: “Iha raiky va ro olo ta Jerosalema ao tsy nahay raha-niseho rey tamy andro zay any?
\p
\v 19 Jesosy nivola tamin-drozy hozao: “Raha ino?” Ndrozy namaly Azy hozao: “Raha mikasiky an'i Jesosy azy Nazarena rey iny, ze to-resaky, nahery tamy ty asa noho ty olo iaby,
\v 20 sady ty fomba nanomeza ty pitariky ty mpisoro rey noho mpanapaky Azy rey mba ho sazie ho maty noho ty nanantona Azy tamy ty hazofijalea eo.
\v 21 Nefa zahay nanantena fa Ie ro hanafaky Israely iny. Eka, sady ankoatsy zay iaby, telo andro androany zao ro nitsangana raha iaby zay.
\v 22 Nefa koa, ty ampela ilany tamy ty namany le natseriky anay, ze tamy ty lolo any vo maray.
\v 23 Lafa tsy nahita ty vatany ndrozy, le taminy, nivola fa ndrozy koa ro nahita fahita anjely ze nivola fa velo Ie.
\v 24 Ty lahilahy ilany ze niaraky taminay ro nandeha tamy ty lolo any, sady nahita zay manahaky ze voavola ampela rey Fe tsy nahita Azy ndrozy.”
\p
\v 25 Jesosy nivola tamin-drozy hozao: “Lahilahy adala noho votsa say vo mino iaby voavola ty olo to-resaky rey!
\v 26 Moa va tsy ho ahy i Kristy ty nitako tamy raha reny, ka le hilitsy amy ty voninahiny any?”
\v 27 Sady nanomboky tamy i Mosesy ka le zisiky amy olo to-resaky iaby rey any, ro nadika i Jesosy tamin-drozy amy ty Soratsy Masy ao ty mikasiky ty Vatany.
\p
\v 28 Lafa nanenky azy tanà ze nandehanany iny ndrozy, le nanoro fihetsiky manahaky ty hoe handeha lavidavitsy Jesosy.
\v 29 Fa nanery Azy ndrozy, nivola hozao: “Mijanona aminay eto, fa ho hariva zao sady fa ho tampitsy ty andro.” Ka nilitsy mba hijano niaraky tamin-drozy Jesosy.
\v 30 Sady, lafa nipetsaky mba hiaraky hihina tamin-drozy Ie, le nangalaky ty mofo, nisaotsy zay, noho namaky zay, sady nanome zay androzy.
\v 31 Bakeo nivoha ty mason-drozy, ka le nahay Azy, sady nandrava tamason-drozy eo Ie.
\v 32 Ndrozy nifampovola hozao: “Moa va ty fontsika tsy nanompo tanain-tsika ao, laha namoha ty Soratsy Masy tamintsika Ie?”
\v 33 Nitsanga ndrozy tamy lera io, ka le nimpoly ta Jerosalema any. Nahita ty folo raiky amby rey niaraky-nivory rozy, noho ze niaraky tamin-drozy rey,
\p
\v 34 nivola hozai: “Ty Tompo ro nitsanga vatany, sady niboaky tamy i Simona.”
\v 35 Ka le nivolanin-drozy ze raha niseho tan-dala eny, noho ty tomba nisehoa i Jesosy tamin-droozy tamy ty fanapaha mofo iny.
\p
\v 36 Lafa nivola raha zay rozy le nitsanga tanivon-drozy eo Jesosy vatany, sady nivola tamin-drozy hozao: “Fiadana lahy ho ahy nareo.”
\v 37 Fe taitsy noho natahotsy ndrozy, sady nihevitsy fa nahita fanahy,
\v 38 Jesosy nivola tamin-drozy hozao: “Nanino nareo ro matahotsy? Nanino ro misy fanontanea am-ponareo ao?
\v 39 Hentro ty tanako noho ty tomboko, fa Zaho vatako toy. Kasiho Zaho ka le henteo. Fa ty fanahy tsy mana nofotsy noho taola, manahaky ty ahitanareo Ahy hoe mana.”
\v 40 Lafa nivola zay Ie, le nasehony tamin-drozy ty tanany noho ty tombony.
\v 41 Mbo tsy nino zay ndrozy noho ty hafalea, sady tseriky ndrozy. Jesosy nivola androzy hozao: “Mana raha hohany va nareo?”
\v 42 Namean-drozy fia vita lisa ie,
\v 43 ka le nalany zay sady nihaniny talohan-drozy eo.
\p
\v 44 Ie nivola tamin-drozy hozao: “Tamy Zaho niaraky taminareo, le nivola taminareo fa ze iaby voasoratsy tamy ty lalà i Mosesy noho olo to-resaky rey ao sady Salamo rey ro tsy maintsy ho tanteraky.”
\v 45 Sady nivohany ty sain-drozy, mba tandrahan-drozy ty Soratsy Masy.
\v 46 Nivola androsy Ie hozao: “Zao ro voasoratsy, fa Kristy iny ro hijaly, sady hitsanga amy maty ndraiky amy ty andro fahatelo.
\v 47 Fibebaha noho fanengan-keloky ro tokony ho torie amy ty anarany amy ty firenea iaby any, manomboky a-Jersalema ao.
\v 48 Nareo ro vavolombelo raha reny.
\v 49 Ingo, halefako aminareo ze nampanantena ty Babako. Nefa mipetsaky an-tanà ao zisiky-pisikinanareo ty hery baka anabo any.”
\p
\v 50 Sady Jesosy nitariky androzy zisiky-iavian-drozy ta Betania any. Nasondrony ty tanany, sady nitahiny ndrozy.
\v 51 Sady, lafa nitsipi-rano androzy Ie, le niala androzy Ie sady nanjary nampiakary tan-danitsy any.
\v 52 Le nanompo Azy ndrozy, sady nimpoly ta Jerosalema any tamy ty fifalea bevata.
\v 53 Nitohy nana amy ty egilizy ao ndrozy, nandrengy an-Janahary.