shr-x-kigweshe_reg/48-2CO.usfm

\id 2CO
\ide UTF-8
\h Bakorinto 2\toc1 Bakorinto 2\toc2 Bakorinto 2\toc3 2co
\mt Bakorinto 2\c 1
\cl Cigabi 1
\p
\v 1 Nie Poolo, Mungu ampamagalaga n'obulonzebwaage mpu mbe ntumwa ya Yezu Kristu na Timoteyo mwene wirhu mukristu. Aga maruba mmurhumire go mwe Murhwe gw'Abakristu ba Mungu muli e Korinto na balya boshi b'omu lubaga lwa Mungu bali omu cihugo c'e Bugiriki coshi:
\v 2 Mashi Larha Mungu na Nnahamwirhu Yezu Kristu amugashanire amuhe n'omurhula.
\p
\v 3 Mungu aganze, Ishe wa Nnahamwirhu Yezu Kristu ye Larha w'omurhima mwinja bwenene, ye Mungu orhuzi buhya ngasi mango!
\v 4 Kurhuzibuhya arhuzibuhya omu malibuko girhu goshi lyo nirhu rhuhasha okuzibuhya abantu bali omu malibuko ga ngasi lubero. Rhubazibuhye omu kubahekera oburhabale Mungu arhuhaga nirhu.
\v 5 Bulya nk'oku rhushangire amalibuko manji ga Kristu, kwo n'okwo kwo Kristu arhuzibuhya bwenene,
\v 6 Erhi ankaba rhulibuka, kuli kuderha mpu lyo muzibuha munacizibwe; erhi ankaba rhuzibuhya kuli kuderha mpu lyo muzibuha n'obwo buzibu bumuhe emisi y'okulembere amalibuko nirhu rhubona.
\v 7 Cho chirhumire rhulangalire bwenene erhi mwe murhuma; bulya rhumanyire oku nk'oku mushangire amalibuko girhu, mushangire n'oku buzibu rhuhirwe.
\p
\v 8 Bulya bene wirhu bakristu, rhulonzize mumanye malibuko machi rhwabwine omu pronvensi y'e Aziya: byali birhuzibuhire bwenene, birhankalidirhwe ciru rhwalinda rhuziguluka nti rhukola rhwafa,
\v 9 Rhwayumva nka kuno Mungu anatwire mpu rhufage cikwone byabire ntyo mpu lyo rhumanya okurhachikubagira rhwene, cikwone rhukacikubagirha Mungu yene ye fula abantu.
\v 10 Yewarhukulaga omu ntambala nzibu bwenene z'olufu, ye wanashub'irikula muli zo; nechi, rhuli n'obwo bulangalire muli ye oku ashub'irhuciza,
\v 11 bulya mwarhurhabala omu kurhushengera. Ntyo kwo Mungu ashuza mwo kulya kushenga kwajiragwa na bantu banji, arhujirira aminja, na bantu banji bamuvuga omunkwa erhi rhwe rhurhuma.
\p
\v 12 Yumvagyi ebirhuma rhwankachikunga: entimanya zirhu zinarhubwire n'obwalagale oku rhwagenzire n'obwimana muli er'igulu. Na kulusha emunda muli rhwagenzire n'obwimana n'okurhabesha kurhenzirekurhenzire emwa Mungu, muli kulya kuhekwa n'okugashanirhwa Mungu arhugashaniraga, cikwone kurhali kuhekwa n'obukengukwe bw'abantu.
\v 13 Bulya omu maruba girhu rhurhamuyandikira ebirhali bira musoma n'okubiyumva bwinja. Nnancikebirhwe nti nkaba mwahasha okuyumva ebyo byoshi bwinja,
\v 14 mukolaga mubimanyirhe kwo hisungunu hyone; omu lusiku lwa Nnahamwirhu Yezu, mwanahashe okucikunga erhi rhwe rhurhuma nk'oku nirhu rhwamwikungira.
\p
\v 15 Nani ngwerhe obwo bulangalire, ciru kwo kwanarhumaga narhag'ilahira nti naja emwinyu lyo mugishwa kabiri kabiri,
\v 16 Bulya nali ndalire nti nagerera emwinyu hano nkola naja omu cihugo c'e Makedoniya, enyuma ly'aho nti mbul'ig'imubona hano nkola nagaluka: mwankatambiraga obwo okushimbulira olungezi lwani lw'okuja e Buyahudi,
\v 17 K'omu kulaalira ntyo nabonesize omurhima gwannamulaalira ebi arhaajire? K'amango nalaaliraga, ka gwabantu gwoone gwaali gundwiirhe, kulya nankaba nkola nchiirheganyize okuderha nti “neechi, neechi” na “nanga, nanga”? Mbiderhe omu mango maguma.
\v 18 Kwo binali, Mungu arhahinduka omu binwa, birya namùbwiiraga birhaali bya “neechi” bibe na bya “nanga” bwo n'obwo.
\v 19 Bulya silive na timoteyo na naani niene, rhwamùbwiizire ogwa Yezu kristu mwene Mungu. Arhayiishiraga okuba “neechi” n'okushub'iba “nanga.” Chi okubiri, àli “neechi” wa Mungu:
\v 20 Bulya yeri “neechi” w'okuderha n'obwalagale ebiragaane bya Mungu byooshi. Àligi Yezu Kristu ye rhuderha mwo nti “bibe ntyo” lyo rhukuza Mungu.
\v 21 Mungu yeene ye wanarhuzibuhagya haguma na niinyu omu buziine bulimuli Kristu; Mungu yeene ye warhugoshoolaga,
\v 22 Yeene ye warhuhiraga kwo echimanyiiso oku iziino lyaage, yeene ye wanalumiizagya Muuka gwaage omu mirhima yiirhu mpu abe nka bugwaasi bw'ebirugu arhubiikiire.
\p
\v 23 Mungu ye mudima waani - maashi nka nyweerha ananyiirhe! -: Kumùbabalira kwrhumaga ntachija buzinda omu chishagala ch'e korinto.
\v 24 Rhurhalonziizi okumùshweekera kwo ebi mugwaasirwe okuyemeera, bulya mwayimanzire omu bwemeere buzirbu buzibu; chikwoone rhulonzize rhukole rhweeshi na niinyu lyo mushagaluka.
\c 2
\cl Cigabi 2
\p
\v 1 Ntyo kwo nalaaliire mwo nti ntaaje emwiinyu, nti lyo ntag'imùjira burhe.
\v 2 Bulya erhi nankamùjira burhe, nndi nieki wankachinsiimiisa? Abo boone bo nankajijire burhe!
\v 3 Yumvagyi ecarhumaga namurhumira amaruba nk'oku nanajijiraga: ntalonzagya kuhika emwinyu n'okujirhwa burhe na balya bantu bo na nnene bagwasirhwe okunsimisa. Bulya nkola mmanyire bwinja oku amango nsimisibwa, ninyu munasime,
\v 4 Neci, amango namurhumirhaga amaruba, erhi omurhima gwani gugwerhwe n'omutula bwenene, erhi gunali gwalibwa n'amagala, n'emirenge minji, arhali kumujira burhe, cikwone nti lyo mumanya ngahi obuzigire bwani buhisire kuli mwe.
\p
\v 5 Erhi hankaba hali owarhumaga owundi aba burhe, arhali nie namujiraga burhe, cikwone mweshi, nkaba omu kurharhalusa, bantu banyi muli mwe.
\v 6 Oyo muntu akwanine ahanwe n'abali banji ba muli mwe;
\v 7 Co cirhumirage mugwasirhwe mumubabalire erhi kwo, n'okumuhiraga mwo omurhima, kuligi kuyasa oburhe bunene bw'okurhuma aziguluka.
\p
\v 8 Aho, mmuhunyire mumujire nka kulya mwankanamuyerheka oku kusima mumusima.
\v 9 Yumvagyi bici byarhumaga namurhumira amaruba: nalonzagya okumugera mwo, ndole erhi ngasi mango muba mucikubwirhe okuyumva ebi ndesire.
\v 10 Amango mubabalira omuntu okubiajiraga, nani nnamubabalire. Bulya erhi nankababalira nk'oku hali ebi nababalira mwe murhuma njira ntyo emalanga ga Kristu,
\v 11 nti lyo ntag'ileka Shetani amuhime; bulya rhuyishi bwinja ebi alonza.
\p
\v 12 Erhi mpika omu cishagala c'e Trowa, nti nyigirize mwo Emyanzi y'Omurhula y'ogwa Kristu, nabona oku amango minja g'okukola ganyishira yo erhi Nnahamwirhu ye rhuma.
\v 13 Cikwone nazunguluka irhwe bwenene bulya ntabonaga mwene wirhu mukristu Tito. Co charhumire nasengarhuka abantu b'e Trowa naja omu cihugo c'e Makedoniya.
\v 14 Cikwone Mungu aganze! Bulya arhahusa kurhuheka omu lukere lwage lw'okuhima. Ebyo biba muli kulya kuhumana kwirhu rhweshi na Kristu. Anarhukolese mpu lyo rhumanyisa Kristu ngasi hantu nka kula akabayo k'amarasi kalumira hoshi hoshi.
\v 15 Bulya kwo rhuli nka ibayo linja lya nshangi Kristu ahire Mungu, Rhuli eryo ibayo kuli abo bali omu njira y'okucira na kuli abo baheziire
\v 16 Oku bantu bahezire, eryo ibayo liri lya lufu, lyo linahana olufu; n'oku bantu bali omu njira y'okuchira, eryo ibayo liri ibayo lya buzine, lyo linahana obuzine. Nndigi wankayunjuza ecijiro ciri nk'eco?
\v 17 Rhurhali nka bala bandi banji barhimbula n'akanwa ka Mungu; ci okubiri kwoki, bulya Mungu yene ye warhurhumaga, rhunaderhe kulya binali emalanga gage, rhuderhe nka bantu bakolere Kristu.
\c 3
\cl Cigabi 3
\p
\v 1 K'ebyo binwa bidesirhage obwo oku rhukola rhurhondirhe okucikunga? Gwarhi, ka rhwali rhukwanine okumuyereka amaruba g'obuzima erhi okumuhuna go nka kula abantu baguma baguma bajira?
\v 2 Mwene mwe muli maruba girhu, Ago maruba gali mayandike omu mirhima yirhu n'abantu boshi banahasha okugamanya n'okugasoma.
\v 3 Nechi, bibonekine bwinja oku muli maruba Kristu ayandikaga nirhu rhwagaheka Garhayandikagwa na bwino, ci gayandikagwa na Muka gwa Mugnu ozine; garhali mayandike oku mbao z'amabuye, ci oku mirhima y'abantu.
\p
\v 4 Rhudesirhe ntyo erhi obwikubagirhe rhujira kuli Mungu burhuma: n'obwo bwikubagire rhubugwerhe omu njira ya Kristu.
\v 5 Bulya ntakwo ciru n'okuguma rhwankacikunga mpu rhwanahasha okujira omukolo guli nk'ogu oku misi yirhu rhwene Ebi rhwankahasha okujira, emwa Mugnu birhenga,
\v 6 bulya ye warhuhaga emisi y'okuba bantu b'okukolera okulaganana kuhyahya. Okwo kulaganana kurhashiziri amarhegeko mayandike kuyirha gayirha, cikwone Muka buzine ahana.
\p
\v 7 Aamarhegeko gayandikagwa mperufi oku mperufi, oku mbao z'amabuye n'obulangashane bwa Mungu bwalangashana ago mango. Obusu bwa Musa bwakag'ilangashana. Okwo kulangashana wkwarhuma ciru Abisiraeli bakayabirhwa okumulola kwo na ciru akaba ntyo bwi bulangashane bwali bugwasirhwe buhirigirhe. Erhi ankaba amarhegeko go gali gagwerhe omukolo gw'okuyirha, gabonesirhe n'obulanagashane bwa mwene bwo,
\v 8 omukolo Muka gwa Mungu ajijire kurhigi gurhagwasirwi garhaluse omu kuba n'obulangashane wani,
\v 9 Omukolo gwalerheraga abantu obuhane gwali gwa bulanagashane kurhi omukolo gw'okujira abantu bashinganyanya omu kusinza kwa Mungu gurharhaluse okuba n'obulangashane wani!
\v 10 Ciru rhwanaderha oku obukuze bwalangashanaga mira buli bwa busha omu kubugerera oku bukuze bw'ene bukulu bwenene bwenene.
\v 11 Bulya erhi ankaba akantu kalamaga hisanzi hisugunu kali kakuzibwe, kurhi akantu k'okubera ho ensiku n'amango karharhaluse okuba n'obukuze wani!
\p
\v 12 Bulya rhulangaaliire ntyo, cho chirhumire rhuli ntwali bweneene.
\v 13 Rhurhali aka Musa wakaag'ichiibwiika echitambara ebusu mpu lyo Abisraeli barhag'ibona oku obulangashane bw'okugera bwayirhenga.
\v 14 Chikwoone obwenge bwaabo bwayaabirwa n'okuyuwva bwinja; na kuhika ene, obwenge bwaabo bubwiisirwe n'echo chitambara erhi bàsoma ebitaabu by'omu kulagaanana kwa miira. Echo chitambara chirharhenga nkaba erhi oku muntu ohumiine haguma na Kristu.
\v 15 Ene kandi, ngasi mango erhi bàsoma ebitabu bya musa echitambara chinababwike obwenge.
\v 16 Chikwone nk'oku Amandiko gàdesire mpu: “Amango omuntu àyerekera Nahamwirhu, echitambara chinakulwe.”
\v 17 Aho! Nahamwirhu echi chihimbi ch'amandiko chidesire, àli muuka gwa Mungu; n'aha muka gwa nahamwirhu àli, erhi n'abahali barhashwesirwi.
\v 18 Rhweshi, erhi n'amalanga gàli mabwikule, rhuli rhwamoleka n'obulangashane bwa nahamwirhu; ntyo kwo rhuhindwirwe mwo lyo rhushusha nahamwirhu, rhubul'irhenga omu bukuze rhuje kuli bulya bukulu kulusha obwo. Bulya gwo mukolo muka gwa nahamwirhu àjira ogwo.
\c 4
\cl Cigabi  4
\p
\v 1 Mungu, omu bwinja bwage, arhuhire ogu mukolo, cho chinarhumire rhurhaleka okuchisera.
\v 2 Rhwalahire ebijiro by'obwifulikwe n'eby'enshonyi; rhurhakola na bwenge bwa bulyalya, n'akanwa ka Mungu rhurhakashanjira (rhurhakahira mwo bulyalya). Chi oku rhujira kwoki, kuli kumanyisa okuli n'obwalagale n'okuchikengesa omu ntimanya za ngasi muntu emalanga ga Mungu.
\v 3 Na chiru akaba rhuyigiriza emyanzi y'omurhula, echiri mwizimya, erhali mwizimya nkaba oku mihera kwone.
\v 4 Barhayemera bulya mungu mubi wa muli er'igulu abahusize omurhima. Oyo mungu àli arhuma barhabona obulangale bumolesibwe hoshi n'emyanzi y'omurhula eyerekire obulangashane bwa Kristu, ye nali nfoto ya mungu yo na nene.
\v 5 Bulya rhurhayigiriza ebirhuyerekire: rhuderha ogwa Yezu kristu, rhuderhe oku ye nahamwirhu, nirhu rhwene rhushiderha oku mwe rhukolera erhi Yezu kristu orhuma.
\v 6 Olya mungu waderhega erhi: 'mashi obulangale bumoleke omu karhi k'omwizimya!” ye manajiriga mpu obulangale bwage bumoleke omu mirhima jirhu lyo arhuha okumanya kuli kwamoleka, kwa bukuze bwa mungu bulangashana ebusu bwa kristu.
\p
\v 7 Cikwone rhwe rhuli mwo obwo bugale burhenga kuli muka gwa Mungu, kwo rhuli nka nyungu, lyo abantu babona bwinja oku obwo buhashe bw'okusomeza buli bwa Mungu ci burhali bwirhu,
\v 8 Rhulibusire n'amalumwa ga ngasi lubero, cikwone rhurhavungunyulwa; rhuzungulusire irhwe, ci rhurhazigulusiri;
\v 9 Barhushimbulwire, ci Mungu arharhulesir; barhurhimbire oku idaho, ci rhurhashangusiri.
\v 10 Ensiku zoshi omu mibiri yirhu mwo rhudwirhe okufa kwa Yezu, lyo obuzine bwage buchiyerekana n'omu mibiri yirhu.
\v 11 Omu bulamu bwirhu ngasi mango rhuba bayerekeze ebwa lufu erhi Yezu orhuma mpu lyo obuzine bwage buchiyerekena n'omu mibiri yirhu eri y'okufa.
\v 12 Ntyo kwo lufu akola omukolo gwage mulirhwe, cikwone obuzine kukola bumukola mwo.
\p
\v 13 Amandiko gadesirhe mpu: “Nayemire, co chanarhumire naderha.” Nirhu muli ogwo murhima gwo na nnene gw'obwemere, rhuyemire co cinarhumire rhuli rhwaderha.
\v 14 Bulya rhumanyire oku Mungu wafulaga Nnhamwirhu Yezu, nirhu ye warhufula rhweshi na Yezu n'okurhulerha haguma na ninyu emelanga gage.
\v 15 Ebyo byoshi mwe biyishire; ntyo kwo ensiku zoshi okugashana Mungu agashana kuhika mwo oku bantu banji kulusha, lyo kurhuma bantu banji baderha okushenga kw'okuvuga obukuze bwa Mungu omunkwa.
\p
\v 16 Co cirhumirhe nta mango rhurhaciseza. Na ciru erhi obumuntu bw'omubiri gwirhu bwankasherera bunyi bunyi, obumuntu bwirhu bw'emurhima erhi kuhinduka bwanaja bwahinduka buhyahya lusiku oku lundi;
\v 17 Rhuli rhwalibuka bwangu, ago malibuko ganali ga mango masungunu, gali garhurheganyiza obulangashane bunji bunji, bunali bw'ensiku n'amango; bwo buli bukulu kulusha aga malibuko.
\v 18 Bulya rhurhahenekera ebiri byaboneka, ci ebirhali byaboneka. Ebiri byaboneka bilama hisanzi hisungunu hyone, cikwone ebirhali byaboneka bilama ensiku zoshi.
\c 5
\cl Cigabi 5
\p
\v 1 Bulya rhumanyire oku eri ihema rhuba mwo kwokuderha obwo oku omubiri gwirhu gwa muli er'igulu erhi lyankasherezibwa, Mungu anarhubikira enyumpoa enyanya emwage, hantu ajiraga yene, hanali ha kulama ensiku zoshi.
\v 2 Na buno rhuli rhwalumba, bulya rhucifinjire bwenene okuyambisibwa enyumpa y'emwa Mungu;
\v 3 Bulya omu lugero rhwayiyambikwa, rhurhayorhe buzira mubiri,
\p
\v 4 Nechi. Amango rhunashiba muli er'ihema ly'omu iguylu, kwo rhuli rhwalumba nk'obarhwire. Ahali kuderha mpu rhulonzize okukuwa kw'omubiri gwirhu gwa muli er'igulu, chikwone rhulonzize rhulonzize okuyambisibwa omubiri gw'emnwa Mungu lyo obunzine bumirangusa ngnasi by'okufa.
\v 5 Mungu yene warhurheganyagya mpu rhuhindulwe ntyo, abul'irhuha Muka gwage okuba bagwasi (bugwarhi) bw'ebiruguahubikire.
\p
\v 6 Rhuyorha rhushibirire bwenene ensiku zoshi. Rhumanyire oku mango rhushiba muli ogu mubiri, erhi rhunali kuli n'aha mwa nahamwirhu.
\v 7 _Bulya ruli rhwagenda n'obwemere, chi rhurhachikabona.
\v 8 Rhushibirire bwenene, rhwankanasimire okurhenga muli ogu mubiri rhuj'ibera hali nahamwirhu.
\v 9 Chikwone embere lya byoshi, rhulonza okumùsimisa, akaba rhuli muli ogu mubiri erhi akaba rhugurhenzire mwo.
\v 10 Bulya rhugwasirwe okuja aha kagombe emalanga ga kristu, arhutwire olubanja lyo ngasi muntu akamarha omu kushimbulira aminja erhi amabi ajijira amango ali muli ogu mubiri.
\p
\v 11 Rhumanyire okuyoboha nahamwirhu kwo kuderhe kurhi, okwo kwo kunarhumaga rhulonza okukuyemeza abantu. Mungu àrhuyishi lwoshi nandangalire oku omu mirhima yinyu mwene ninyu mumanyire.
\v 12 Rhurharhondere okuchikungiha aha muli, chikwone rhulonzize okumùha amango g'okurhwikungira mwo ninyu mweno, lyo muhasha okukashuza àbachikungira orhutya rhutya rhw'enyuma ly'omubiri, kuleka okuchikungira ebibali omu mirhima.
\v 13 Erhi ankaba kwo binali oku rhuli basirhe, rhunali bo erhi mungu orhuma; chikwone erhi ankaba rhuli bagumaguma, Erhi mwe murhumire rhuli bo.
\v 14 Bulya obuzigire bwa kristu bwo burhurambwire, rhwe rhumanyire bwinja oku muguma afirire boshi, kwo kuderha oku ngasi muntu àgwerhe ogwage mwanya kuli okwo kufa kwage.
\v 15 Afirire ngasi muntu mpu lyo àbazine barachibe bazine kuli bo bone, chikwone babe bàzine kuli oyo wabafiraga anabafukira.
\p
\v 16 Cho chirhumire, rhw'ono ntaye rhuhisinza omu bworhere bw'abantu bwone bwone, chiru akaba mira rhwkag'isinza kristu omu bworhere bw'abantu bwone bwone, chikwone lero buno rhurhachimùsinza ntyo.
\v 17 Kurhenga amango omuntu ànahumana bo na kristu tya, anabe chiremwa chihyahya: ebya mira binahirigirhe, ebihyahya bihaje.
\v 18 Ebyo byoshi kuli mungu birhenga, ye warhumaga kristu arhuhumanya rhweshi naye. Mungu ye warhuhaga omuloko gw'okulerha abandi, nabo bamanye okwo kuhumanyibwa boshi naye
\v 19 Bulya kristu ye mungu akozire mwo muli kulya kuhumanya abantu boshi kuli ye buzira kusinza amabi gabo. Anarhuhire omukolo okuderha emyanza y'ogwo mukolo gw'okuhumanyibwa.
\v 20 Àligi áhá kristu rhuli rhwaderha, àligi nka mungu yene yeri amùhamagala omu kurhukolesa: rhumùhunyire oku izino lya kristu, mashi mwe mukasinga, muyemere okuhumanyibwa na munfgu.
\v 21 Kristu arhali agwerhe byaha, chikwone mungu amùhira omu lushangi ly'ebyaha birhu mpu lyo rhuhasha okuyunguka omukolo mungu àrhujira mwo bashinganyanya; n'ebyo boshi biba muli kulya kuhumana kuli nahamwirhu yezu.
\c 6
\cl Cigabi 6
\p
\v 1 Cho chirhuma rhwe rhukola rhweshi na mungu. Rhumùbwizire nti mumanye mwankaleka okugashanirwa mungu amùgashaniraga kwahera.
\v 2 Bulya omu mandiko mungu àdesire erhi: “Amango obwinja bwani bwachiyerekanaga nakuyumva, Omu lusiku lw'obuchize nakurhabala.” Aho! Lolagi amango g'okuyankirira obwinja bwamungu; ene ly'omuntu ankachizibwa.
\p
\v 3 Rhulonzize bayabirwe okuganya omukolo gwirhu, cho chirhuma rhurhalonza okusarhaza ndi omu kantu koshi koshi.
\v 4 Chi okubiri, muli byoshi rhunayerekana oku mungu rhukolera, kulembera rhulembera amalumwa bwenene n'amalibuko, n'okulibwa n'amagala.
\v 5 Rhwashusirwe rhwabul'ihirwa omu mugozi, barhuhira kwo akasheke; rhwakozire emikolo y'okurhamya, barhubulisa iro, barhuyima n'ebiryo.
\v 6 Okushukulwa kwirhukwo rhuyerekana mwo oku mungu rhukolera, na muli kulya kuba n'omurhima mwinja muli muka gwa mungu, n'omu buzigire burhali mwo bulyalya,
\v 7 Na muli kula rhuyigiriza eby'okuli, n'oku bushana bwa mungu. Bichi rhulwa mwo? Bushinganyanya rhulwa mwo, bwo rhuyagula mwo bwo rhunachihaliza mwo.
\v 8 Rhunakengwe rhubul'inabonesibwa nshonyi; rhuderherwe amabi rhuderherwe n'aminja. Kworhulolwa nka banywesi n'obwo by'okuli rhuderha.
\v 9 Kwo rhulolwa nk'abantu barhamanyikini, no'bwo ntaye orharhuyishi. Kwo rhulolwa nka mifu, n'obwo nk'oku ninyu mwankahash'ibona, rhuzine bwinja bwinja. Kuhanwa rhuhanwa, na chiru akaba ntyo rhurhayirhwa;
\v 10 Bànarhujire burhe, n'obwo ngasi lusiku rhuba rhushagalusire; rhubonekine bakenyi, chikwone banji rhugaza; rhubonekine oku rhurhajira bichi, n'obwo okuli ntabyo rhurhajira.
\p
\v 11 Rhwamùbwizire n'obwalagale, yaga bira birhu b'e korinto, rhurhamùfulilaga bichi chiru n'ehitya.
\v 12 Rhurhamùfulikaga bichi, chikwone mweki mwarhufulisire byo.
\v 13 Aho, mùdesire nka bana bani: mukarhusinza nka kula nirhu rhumùsinza, murharhufulikaga bichi chiru n'echitya.
\p
\v 14 Murhashangiraga n'abarhayemiri: arhali bo mukwanine okushangira mweshi nabo abo. Bulya kurhigi ebishinganyanya byankakola haguma n'ebibi? Kurhi obulagashane bwankajira obuguma n'omwizimya?
\v 15 Kurhi kristu bankayumvana bo, na lyangombe? Erhi bichi omwemezi bankashagira boshi n'orhayemiri?
\v 16 Kurhi enyumpa ya mungu yankalaganana boshi n'ensanamu z'abapagani? Bulya rhuba nyumpa ya mungu ozine, nka kulya mungu yene anaderhaga okwo. Aderha erhi: “Nábera muli bo n'okulama muli bo, Nába mungu wabo nabo bába bantu bani.”
\p
\v 17 Cho charhumire nahamwirhu aderha erhi: “mugwasirwe okubayaka n'okuchiberula kuli bo. Murhahikaga oku kantu kàzizire chiru n'echitya, Nani námúyigulira.
\v 18 Nába sho winyu Ninyu mwába bagala bani na bali bani, Kanwa ka nahamwirhu ogala byoshi ako.”
\c 7
\cl Cigabi 7
\p
\v 1 Yaga bira bani, ebyo biragane byoshi rhubilaganyibwe. Cho chirhumire rhuchishukule kuli ngasi ebizinza omubiri n'omurhima, rhunachiseze okuba bantu ba mungu lwoshi lwoshi, omu kulama omu kumùyoboha.
\p
\v 2 Rhuhi ahantu omu mirhima yenyu! Ntaye rhwalenganyize, ntaye rhwanyanzire, ntaye rhwalire hyage.
\v 3 Ebyo ntabidesiri nti mùyaze. Bulya, nka kulya nanaderhaga, murhuba emurhima bwenene chiru kuhika rhuli haguma na ninyu, kubire kulama nisi erhi kufa.
\v 4 Mwikubagire bwenene, ntanahimwa cha kumùnegenera. Omu malumwa girhu goshi, nchihanganyire bwenene bwenene ntanahusa kushagaluka bwenene bwenene.
\p
\v 5 Okunali, chiru n'amango rhwahikaga omu chihugo ch'e makedoniya, rhurharhamukaga chiru n'ehitya. Rhwashimanyire embaka za kurhenga ngasi lunda: okulwa n'abandi n'obwoba omu mirhima yirhu.
\v 6 Chikwone mungu ohana obwihanganyi kuli balya bàrhachisezizi omurhima, arhuzibuhya omu kuhiya kwa tito.
\v 7 Arhanali omu kuhika kwage kwone, chi na muli kulya arhondolaga kurhi mwamùzibuhagya naye yene. Arhurhondolera kurhi mulonzize okumbona, na kurhi muli burhe, na kurhi muchikubwire okunfungira. Na buno, cho chirhumire nchisimire kulusha.
\p
\v 8 Chi akaba amaruba namùrhumiraga gamùjijire burhe, ntachiyunjuzagya kuli ebyo. Nachiyunjuzize erhi mbona ago maruba gamùjira burhe hisanzi hisungunu.
\v 9 Chikwone buno nshagalusire - arhali bulya namújijire burhe cho chirhumire, chi bulya oburhe bwinyu bwahindwire oku mojira. Obwo burhe, Mungu abukolesize bwinja, bwinja bwenene chiru kuhika rhurhamújiriragabubi bwoshi bwoshi.
\v 10 Bulya oburhe mungu àkolesa bunagokoze omuntu, n'okwo kurhume omuntu ahira, n'aho omuntu arhankashiyunjuza
\v 11 Mungu akolesize oburhe mwayumvirhe, n'ebi bwadwirhage ebi! Yumvagyi kurhi obwo burhe bwarhumire mwaguma ngasi kantu buzira isharha, bwanarhuma mwaba n'obushiru bw'okusamba! Kugaya kichi wani, bwoba buchi wani, kulonza okumbona kuchi wani, bushiru buchi wani, bushibirizi buchi bw'okuhana amabi wani! Muli ngasi byoshi mwayerekine oku mwali beru kweru muli ebyo.
\v 12 Erhi ankaba namúrhumire amaruba, arhali omuntu wajiragaamabi ye warhumire najira ntyo, arhanali nakugajirirwa. Chikwone kwali kuderha nti lyo mubona bwinja bwinja emalanga ga mungu, kulya kuchihana muchihanyire kulirhwe.
\v 13 Cho charhumire okushuza kwinyu kwarhuzibuhya. Rhurhazibuhibagwa kwone, chi rhwanashub'isima bwenene erhi rhubona kurhi tito ashagalusibwe erhi kulya mweshi mwamùrulirizagya kurhuma.
\v 14 Nayumva nachikungira ho ye hisungunu, murhanambonesagya nshonyi. Chikwone nka kulya rhwanayorhaga rhumúbwira okuli, kwo n'okwo okuja irenge kwirhu kwarhumire rhwachikungiraga hali tito erhi mwe murhuma, kwabonekine bwinja bwinja.
\v 15 N'okumúzigira àmúzigira na kwo kuchiri kunene kulusha erhi akengera oku mweshi mwali mumùkenzire n'oku mwamùlingaga n'obwoba n'okugera mwo omusisi.
\v 16 Nsimire bwenene bulya mpashire okumwikubagira muli byoshi.
\c 8
\cl Cigabi 8
\p
\v 1 Bene wirhu bakristu, rhulonzize mumanye kurhi Mungu agashanirhe Emirhwe y'Abakristu b'omu cihugo c'e Makedoniya.
\v 2 Abakristu barhagulirwe yo bwenene bwenene n'amalibuko manji babonaga; cikwone obusime bwabo bwali bunji kuhika baciyerhekana oku kuhana banahana kulusha abandi boshi, ciru ankaba baba bakenyi.
\v 3 Nkudesirhe, bahanyire nk'oku banali bahashire ciru bahana n'okurhaluka ebi bali bahashire; kurhenga muli bo bone,
\v 4 barhuyinginga bwenene mpu rhubabere bwonjo, nabo baje omu lushangi lw'abarhumira abantu ba Mungu baba e Buyahudi oburhabale.
\v 5 Byarhaluka oku rhurhali rhulangalire: barhanzir'iciha Nnahamwirhu, n'enyuma ly'aho, oku bulonze bwa Mungu, barhwiha.
\v 6 Co charhumire rhwahuna Tito nti aje emwinyu, agenderere omu mukolo nka kulya anarhonderhaga, lyo amulerha muyuse ogwo mukolo gw'okuhana.
\v 7 Muli bagale muli byoshi omu bwemere, omu kushobola eby'okuderha, omu kumanya, omu bushiru burhagwerhi lugero, n'omu kusima. Co chirhumire rhulonza muchiyerekana oku munaligi bagale muli ogu mukolo gw'okuhana nagwo.
\p
\v 8 Ntahanyiri irhegeko, chikwone kumùbwira kwone ogw'obushiru bw'abandi omu kuyerekana oku obuzigire bwinyu bunali bw'okuli.
\v 9 Bulya muyishi okugashana kwa Nahamwirhu Yezu kristu: ye wali mugale, achijira mukenyi erhi mwe murhuma, lyo ámúgaza n'obwo bukenyi bwage.
\v 10 Ntyo kwo múbwizire mwo ebi ngererize muli ebyo: kuli kwinja kuli mwe okugenderera muli ebi mwarhonderaga mwak'injo. Mwabire ba burhanzi, arhali omu kukola mwone, chi n'omu kuchirheganya.
\v 11 A, gendereragi, muyuse ogwo mukolo. Mujire obulonze bwinja bw'okuguyusa bube nka bulya mwajiraga erhi muguhigira, n'ebyo bijirwe n'ebi mugwerhe.
\v 12 Bulya nk'omuntu àhanyire n'omurhima mwinja, Mungu ànayemere eyo ntulo omu kusinza birya oyo muntu àgwerhe chi arhali ebi arhagweri.
\v 13 Okwo kurhali kuderha mpu muchisige humu lyo murhuliriza abandi; chikwone kukwanine abantu bayumanane.
\v 14 Muli gano mango, mugwerhe binji, cho chankanarhuma mwarhabala àbalagirire. Enyuma ly'aho, erhi lusiku luguma mwankaba mulagirire, nabo babe bàgwerhe, bànahasha okumùrhabala. Ntyo kwo abantu bàyumanana,
\v 15 Omu kushimbulira oku amandiko gàdesire mpu: “Owali osarwire binji, arhabaga na binji kulusha, n'owali osarwire binyi, arhabulaga chichi.”
\p
\v 16 Mungu akayagirwa. Ye wamúheraga Tito obushiru nk'oku nirhu rhuli!
\v 17 Tito ayemire oku rhwamùhunaga; na kulusha aho, ali ashibirire bwenene kuhika yene atwa oku ája emwinyu.
\v 18 Rhumùrhumiraga boshi n'olya mwene wirhu mukristu omurhwe gw'abakristu boshi bàkuza erhi kuchiseza kwage omu kuyigiriza emyanzi y'omurhula kurhuma.
\v 19 N'okundi, omurhwe gw'abakristu gumùrhozire mpu arhuluse omu lugenzi rhuja rhwajira mwo ogu mukolo gw'okuhana erhi bukuze bwa nahamwirhu burhuma n'okuyerekana oku rhulonzize okurhabala abandi.
\p
\v 20 Rhulonzize barhag'irhuganya oku rhuli rhwakolesa mwo ezi nfaranga nyingan'aha.
\v 21 Rhulonzize okujira ebiri binja, arhali omukusinza kwa nahamwirhu kwone, chi n'omu kusinza kw'abantu.
\v 22 Rhubarhumirage boshi na mwene wirhu mukristu; rhwabwine amango garhali manyi g'okumùgera, na ngasi mango akachiyerekana oku àli wa bushiru. Chikwone buno, àchiri wa bushiru kulusha erhi kumwikubagira bwenene kurhima.
\v 23 Oku biyerekire tito, ye nantabala oku mukolo ekarhi kinyu. Abandi bene wirhu, Eklezya zibarhumire; bali irenge lya Kristu
\v 24 Embere z'Eklezya mubayereke oku obuzine bwinyu bunali bo, n'oku obwikubagire rhumugwerhemwo burhali bwa busha.
\c 9
\cl Cigabi 9
\p
\v 1 Nago ogola mukolo gw'okurhabala abatagatifu, ntacirhamya nti namunyandikira kuli go.
\v 2 Bulya ntahabiri oku mubiduha, mwe ncitakira e Macedoniya, nti: N'obushiru bwinyu bwatuzire banji.
\v 3 Murhumirage obwola bene wirhu, nti ly'okwo kulimba rhumulimbamwo kurhag'iba ntako muli okwo, lyo munaba muchirheganyize nk'oku naderhaga,
\v 4 erhi ab'e Macedoniya bankayisha bandusize, barhag'ishanga murhacirheganyizi, enshonyi zirhugwarhe ntag'iderha ntimwe muli obwola bulangalirhe.
\v 5 Omurhima gwambwiraga obwo mpu kukwanine ntume bene wirhu banshokolere emwinyu, barheganye erya nshololo yinyu mwalaganyagya eyorhe eri nteganye, enabe nshololo y'okuli, ci karhabaga kantu ka bujinisi.
\p
\v 6 Kengeri: orhwera binyi, binyi anasarule; n'orhwera binji, binji anasarula,
\v 7 Ngasi muguma ahana nk'oku omurhima gwage gunamubwizire; arhahanaga nk'oku omurhima erhi nk'osezibwe; bulya Nyamuzinda azigira ohâna anashagalusire.
\v 8 Câbâ Nyamuzinda anahash'imushoboza enshokano za ngasi lubero, lyo mubona ebimukwanine muli byoshi nangasi mango, munabul'isigaza ebi mwajiramwo ngasi mukolo mwinja
\v 9 Ntyo kwo biyandisirhwe, mpu: Agabire aminja gage, ashoboza abakenyi; obushinganyanya bwage buli bw'ensiku n'amango.
\p
\v 10 Olyala ohâ omuhinzi emburho n'omugathi alya, amuhâ ninyu emburho erhali nyi, anayiluze, anamuyushulire amalehe g'obushinganyanya bwinyu.
\v 11 Ntaho murhacigalira obwo, munakolaga mwabona oku mwankarhabala abandi omu ngasi kantu, na ntyo Nyamuzinda avugwe omunkwa oku bulagizi bwirhu.
\p
\v 12 Bulyala ogwo mukolo mutagatifu, kurhali kurhabala kwone gurhabala abatagatifu omu bulangirire bwabo. Ci ciru gurhuma bavuga Nyamuzinda omunkwa bwenene.
\v 13 Oburhabale bwinyu bukolaga bwabazibula amasu, bagashanize Nnâmahanga, kulya kuba mwayemire okuyerekana Emyanzi y'Akalembe ka kristu buzira kuyiberha nshonyi, na bulya murhajiraga bujinisi omu kubarhabala n'omu kurhabala boshi.
\v 14 N'okushenga bamushengera kuyerekine oku bwenene bamurhonya, bulyala enshokano Nnamahanga omushobozize eri nyinji bwenene.
\v 15 Nyamuzinda akonkwa oku nshokano yage erhankaderhwa!
\c 10
\cl Cigabi 10
\p
\v 1 Niene Paolo muhunyire, mwe mukasinga, obutûdu n'obwinja bwa Kristu burhumire, nie erya ngonyi nkandi embere zinyu, na nka ntamuliho nshube ntwali.
\v 2 Mmuhunyirage, mwe mukasinga, hano mpika eyo munda, ntarhengagamwo bulya burhwali abagerereza mpu mubiri gurhuheka bacikebwa mpu mbamwo.
\v 3 Omu mubiri rhuba, neci, ci rhurhalwa kwa mubiri;
\v 4 Nanga, amatumu rhulwamwo garhali ga bunya-mubiri, ci oku buzibu bwa Nyamuzinda gagwerhe obuhashe bw'okuhongola ebishagala by'entambala by'abashombanyi. Emirali rhwe rhuyitwamwo,
\v 5 na ngasi bucibone buderha mpu bwacigererakwo okumanya Nyamuzinda, na ngasi bukengere rhwe rhubugwarha mpira nti bushige Kristu
\v 6 Na hano obumvi bwinyu buba bwimâna, rhuliguzize okuhana ngasi yeshi waciderha mpu arhenguha.
\p
\v 7 Okuli mushi murhakubishaga! Ocikubagirhe mpu ali wa Kristu, ashub'icija emurhima, amanye oku oku ali wa Kristu kwo nirhu rhuli bage.
\v 8 Bulya ciru obwo buhashe bwirhu nankabulimbira okurhalusire olugero hitya, obwo buhashe Nyakasane arhuhâga mpu rhumuyubakemwo mw'oyo, ci arhali mpu rhumushabemwo, ntankakubera nshonyi.
\v 9 Bulyala ntalonzizi mumanye mpu kumùyobohya nonza okumuyubohya n'amaruba gani.
\v 10 “Amaruba gage, kwo baderha gâli ga bulume ganali makali; ci erhi wankamubona yêne eri ngonyi, n'iderha lyage liri ntalyo”
\v 11 Olimw'okwo kwa bene okwo, amanye oku rhuyorha omu iderha, ly'amaruba girhu nka rhurhahali, kwo rhwanayish'iyorha omu bijiro birhu hano rhuba rhukola rhuli ekarhi kinyu.
\p
\v 12 Rhurhadesirhi nti rhucihiremwo oburhwali bw'okuciyumanyanya nisi erhi obw'okucigerekwo balya bakacikunga bône. Cinene, nta bukengere bagwerhe!
\v 13 Rhwehe rhurhacikuza kurhaluka olugero, ci olugero Nyamuzinda arhugereragamwo erhi arhuhisa kuhika emwinyu, lwo rhwanacigereramwo.
\v 14 Rhurhanagandazizi okurhalusire olugero lwirhu, nka kulya rhurhali rhushubig'ihika emwinyu; ci rhwamuhisireho erhi rhumudwirhire emyanzi y'akalembe ka kristu.
\p
\v 15 Rhurharhalusiri lugero n'okucikungira emirimo ya bene, ci rhucikubagire oku, omu kuyushûka kw'obuyemere bwinyu, nirhu rhwayushûka emunda Muli buzira kurhalusa olugero lwirhu.
\v 16 Rhunalangalire okuhisa emyanzi y'akalembe omu zindi ntambi, kurhaluka emwinyu, ahali h'okulimbira emikolo mikole omu kwa bene.
\v 17 Owalonza obukuze, abulongeze Muli Nyakasane!
\p
\v 18 Bulya Arhali ocikunga yêne ye gera, ci oyu nyakasane akunga.
\c 11
\cl Cigabi 11
\p
\v 1 Acibaga mwankanzira nasiraha hitya! Câbâ Neci mwandembera.
\v 2 Bulyala okuyagala munyagire kuli kuyagalwa kwa Nyamuzinda. Kulya kuba namuhire mulume muguma yenene, nka mwana w'obunyere orhashubig'ihumwakwo w'okuyereka kristu.
\v 3 Ci kwône nyobohire bwenene nti enkengero zinyu zakasherera zinacikûle omu bwimâna bwa kristu, nka kulyala enjoka yarhebaga eva n'obwenguhuza bwayo.
\v 4 Bulyala erhi hankajira owayish'imuyigiriza owundi kristu akuleka olya rhwamuyigirizagya, erhi kwankaba okuhâbwa owundi mùka okuleka olya mwahâbabwa, nisi erhi yindi myanzi y'akalembe okuleka arya mwanyankiriraga, murhankabula bwayeemera.
\v 5 Nobwo Ncikebirwe nti ezo “entumwa nkulu” ntaco zindushire!
\v 6 N'akaba Nta bulenga bw'e kanwa njira, obumanye bwoki ntabuziri; Muli byoshi n'embere zaboshi rhwamuyeresirekwo.
\p
\v 7 Ka kubiha nabihirage erhi nyumana nti mulengeze, muyigiriza emyanzi y'akalembe ka nâmahanga buzira kuhûna kantu?
\v 8 Zindi eklezya nanyazire, zo zampire oburhabale oku mukolo gwani ekarhi kinyu.
\v 9 N'obwôla Nali emwinyu ntanagwerhi cici, ntazidoheraga ndi; bene wirhu bahubukaga e macedoniya bo bampire ebi nal'indagirirekwo. Muli byoshi nacilanga nti ntag'imuzidohera, nânacicilanga.
\v 10 Okuli kwa kristu kundimwo Kwo ndahire: ako kalimbiriro kani ntaye wankakankulamwo omu cihugo c'akaya.
\v 11 Bulya kurhi? Ka mpu Bulya ntamuzigira? Nyamuzinda yêne amanyire.
\p
\v 12 Oku nyorha njira, nashub'ikakujira, lyo mbatwira omu myanzi balya bakaz'ilonza aha bankalimbira mpu bayumanana nirhu.
\v 13 Bulya abantu bâ bene abo liri irumbi mpu ntumwa bakozi b'endyalya bakaz'icihindula ntumwa za Kristu.
\v 14 N'okwo kurhankasomeza ndi, Bulya shetani naye anacihindule malahika wa bumoleke.
\v 15 Kuziga kurhali kudarhi abaganda bage nabo bacuhundule ntumwa za bushinganyanya. Ci obuzinda bwabo Kwo nabo bwanaba ak'ebijiro byabo.
\p
\v 16 Nashub'iderha la: harhabaga owamanya mpu ngwerhwe n'isire. Na muka kuderha, yemeragi mbe musire, lyo nani mba nka nacikunga hitya,
\v 17 Oku nkola naderha, ntakuderhe oku bwa Nyakasane, ci nka kula omusire anaba, erhi namanyire bwinja oku ngwerhe ebyankalimbirwa.
\v 18 Kulya kuba bandi banji bacikunga kwa mubiri, ka nani ntang'icikunga!
\v 19 Mwe benge murhahuguga amadaga muba mweshi!
\v 20 Neci, banamujire baja, muna cihumbire; bakamulya babishi, munacihulikire; banamunyaga bamugayaguze, bamuhe ciru n'omu limba omu irhamamurhanahinye.
\v 21 Nkudesirhe nti lyo enshonyi zimugwarha. Nkaba kwo mumanya mpu rhurhali balume! Ci ngasi eci balimbira coshi, kankuderhe nk'ogwerhe n'isire nani nanacirimbira.
\v 22 Bali Bayahudi, nani ndi windi! Bali bene Isiraheli nani ndi wundi! Bali b'oku nkomoka y'Ibrahimu; ci nani!
\v 23 Bali baganda ba Kristu lero nkola naderha nka musire nie ono mbalushire! Mbalushire omu kuluza emikolo, omu kushwekwa kanji-kanji, omu kushurhwa okurhalusire olugero. Kanga nalinzir'ifa?
\v 24 Karhanu koshi nashurhwa n'Abayahudi erya mikoba makumu asharhu na mwenda.
\v 25 Empimbo nazishusirhwe kasharhu; nabandwa amabuye liguma; nazika omu nyanja kasharhu; nashinga mulegerege muguma na budufu buguma omundalala y'enyanja.
\v 26 Kanji-Kanji erhi omu njira ndi, enyishi zampusha; nalinz'igwa omu bushumusi nalinz'iyirhwa n'ab'emwirhu; abapagani bampusha; nalinz'ifira omu cishagala; omu irungu niene nien; enyanja yalinz'impêka; nalinz'iyirhwa n'endyala mpu bene wirhu.
\v 27 Mbalushire omu kukola n'omu kurhama; kanji-kanji nalazire ntanahebiri olugohe oku lundi; ishali n; enyorha, okucishalisa kanji-kanji, okukayûla n'okubula eci nacibwîka.
\v 28 Ntabesiri n'ebindi... Ngasi lusiku erhi omurhima gukangalire erhi eklezya zoshi zirhuma.
\v 29 Ndi oba ngonyi, nkanabula bwagonyâla nani? Ndi ohirima, nkanabula bwayumva mbabîre bwenene?
\p
\v 30 Akabaga kwo badesire mpu rhucikuze, niehe buzamba bwani nalimbira.
\v 31 Nyamuzinda n'ishe wa nawirhu wyezu - olya okayagirwa ensiku n'amango! - Arhahabiri oku ntanywerha.
\p
\v 32 Edamasko, omurhambo wa mwami areta arhegeka mpu balange olugo lw'e camasko lyo bangwarha.
\v 33 Omu cirhimbiri bampembire, bacigeza aha kalôlerezo, banyandagaza oku lukuta, na ntyo namufulumuka omu fune.
\c 12
\cl Cigabi 12
\p
\v 1 Akaba kukwanine rhucikuze, ci kunali kurhamira busha, nkolaga naderha n'oku nyakasane ambonekeraga n'ebi ambishulire.
\v 2 Nyishi omuntu muli kristu, hamagera myaka ikumu n'ini. Oyo muntu, erhi âli ahêsire omubiri, ntishi, erhi agusiga, ntishi, nyamuzinda yêne amanyire, - bamuzurundukana omu malunga, bamuhisa omu irunga lya kasharhu.
\v 3 Nyishi oku oyo muntu, - erhi âli ahêsire omubiri, ntishi, erhi agusiga, ntishi, nyamuzinda yêne amanyire.
\v 4 Bamuzurundukîne omu paradizo, ayumva ebinwa birhankaderhwa; ebi ayumvirhe omuntu arhayemerirwiokubiderha.
\v 5 Oyo muntu, neci, nanamulimbira; ci nie niehe ntankalimbira oburhali buzamba bwani.
\v 6 Ncilonzagya okucikuza, lirhankabire isire; bulya ntankadesire ebirhali by'okuli. Ci nalekeraga aho, hakanajira owacinyikebwa mukulu kulusha oku abwine ndi, nisi erhi oku ayumva naderha.
\v 7 Lyo n'obukulu bw'ebyo banfululiraga burhag'irhuma nacibona, bampeba akababo omu mubiri, kali nka ntumwa ya shetani ekaz'intimba ebifundo.
\v 8 Namahûna nyakasane kasharhu erhi okwôla kurhuma, nti amuntenzekwo.
\v 9 Naye ambwira, erhi: “enshokano yani erhakunyihiri; bulya obuhashe bwani omu buzamba mwo buciyerekana.” Nkolaga nsimire okulimbira obuzamba bwani, lyo obuhashe bwa kristu bumbêramwo.
\v 10 Okwola kwo kurhuma nyumva nsimire omu buzamba bwani, omu bijaci, omu malibuko, omu kushindibuzibwa n'omu burhe, erhi kristu orhuma bulya amango ndi buzamba, lyo mba muzibu!
\p
\v 11 Ka ntashubirage musire! Mwe mwanarhumire. Kalisinga mwe mwâli mwankunga! Bulya ntaco ndushirhwen'abo bâli ntumwa nkulu, ciru nkaba ntali cici.
\v 12 Ebiyerekana oku ndi ntumwa, mwabibwine ekarhi kinyu: okulembera ngasi malibuko, ebimanyiso, ebisomerine n'ebirhangazo.
\v 13 Ezindi Eklezya cici zahabirwe murhahabagwa, aha nyuma ly'okuba nie ono ntamuzidoheraga? Mumbabalire okwola kubiha namubihire!
\p
\v 14 Bukola bwa kasharhu obu ncirheganyize okuja emwinyu, ntanamuzidohere. Bulyala arhali birugu binyu ci mwêne nonza. Arhali abana bo babikira ababusi, ci ababusi bo babikira abana babo.
\v 15 Niehe nonzize okuhana byoshi n'okucihana niene nieshi-nieshi erhi mwe murhuma. Obula muzigire kulusha, nka kukwanine munzigire kunyi?
\p
\v 16 Erhi “kubage!” nie ono ntamuzindoheraga; ci kulya kuba nali mwenguza, namugwarira omu bwenge.
\v 17 Ewe, k'abanarhumaga emwinyu balimwo muguma warhumire namuyungukirakwo?
\v 18 Nayinginga Tito, nanamurhuma bo n'olya mwêne wirhu ka Tito amuyungukirekwo? K'arhali njira nguma rhwalimwo, muguma akula okugula aha, owundi akuhebe ho?
\p
\v 19 Kurhenga mira mucikebwa mpu kusamba rhusamba embere zinyu! Embere za Nnamâhanga rhudererha muli Kristu Ebyo byoshi, bene wirhu, kuderha nti muje embere.
\v 20 Bulya nyobohire nti nkaba hano nyisha. Arhali oku nonzize mube kwo nashanga muyosire; nti ninyu mwakanashanga nyosire oku murhanlozizi mbe: nti nakanashanga mulimwo enongwe, obwagalwa, omungo orhudali, okuderherana kubi, okuhuranana, obucibone n'akavulindi.
\v 21 Nyobohire nti amango nashubira eyo, Nyamwagirwa Nyamuzinda akanambonesa enshonyi embere zinyu, nti hakanajira banji nalakira bajizire ebyaha, banabula bwaciyunjuza oku bijiro byabo by'obubi, by'okuhusha n'eby'okukala enshonyi.
\c 13
\cl Cigabi 13
\p
\v 1 Bukola bwa kasharhu obula nja emwinyu, ngasi lubanja lukatubwa oku cinwa ca bahamirizi babiri erhi basharhu.
\v 2 Nakubwizire bulya bajizire ebyaha burhanzi, nakubwira n'abandi boshi, naba nanashub'ikuderha kandi ene ntabalimwo. Nka kulya najiraga erhi ndi eyo obwa kabiri: nkashubira eyo, lero ntabe bwonjo.
\v 3 Ntabaga mulonzize mubone oku Kristu odwirhe aderha omu kanwa kani? Yehe erhaba ngonyi embere zinyu, ci ajira obuhashe muli mwe.
\v 4 Abambiragwa oku musalaba erhi kugonyala kurhuma, ci azine oku buhashe bwa Nyamuzinda na nirhu rhulingonyi muli ye, neci, ci rhwayish'iyorha rhuzine haguma naye oku buhashe bwa Nyamuzinda muli mwe.
\p
\v 5 Ninyu mwêne mubage nka mwagerereza, mulole erhi munali omu buyemerhe; mucirhangule mwêne. Ka ninyu mwêne murhamanyiri oku Yezu Kristu amulimwo? Nkaba abage erhi muli mihera!
\v 6 Ahali nkaba mwamanya oku rhwehe rhurhali mihera!
\v 7 Rhudwirhe rhwashenga Nnâmahanga amurhabale murhajiraga okubi, arhali kuderha nti lyo babona oku rhuyazize ci kuderha nti lyo mw'oyo mujira okwinja, rhube rhwerhuyaga.
\v 8 Bulyala rhurhagwerhi buhashe bwa kulwisa okuli, ci bwa kulwira okuli bwone rhujira.
\v 9 Neci, rhusima rhw'ono rhube ngonyi ninyu mube bazibu. Kwo rhunashenga omu nsengero zirhu okwo: nti mushube bimana.
\v 10 Co cirhumire nayandika nandi kuli eco, nti lyo hano mba nkola muliho, ntag'ikalirha omu buhashe Nyakasane ampaga mpu nyubake, ci arhali mpu nshâbe.
\p
\v 11 Ntyo, benewirhu mushagaluke muciseze okuba bimâna, muhânane omurhima, muyumvanye, mube n'omurhula, na Nyamuzinda w'omurhula aba ninyu,
\v 12 Mulamusanye n'ehinunugurho hitagatifu. Abatagatifu boshi bamulamusize.
\v 13 Enshokano ya Nyakasane Yezu Kristu, n'obuzigire bwa Nyamuzinda, n'omulungano gwa Mûka Mutagatifu bibe ninyu mweshi!