shr-x-kigweshe_reg/67-REV.usfm

\id REV
\ide UTF-8
\h OKufululilwa
\toc1 OKufululilwa
\toc2 OKufululilwa
\toc3 rev
\mt OKufululilwa
\c 1
\cl Cigabi 1
\p
\v 1 Muli eci citabu, mwo biyerekinwe ebi Yesu Kristu afulwire, Namuzinda amufululiraga byo mpu lyo ayereka abambali ebigwasirhwe okuyisha buno buno. Kristu abimanyisa omwambali Yohana omu kumurhumira malahika wage.
\v 2 Yohana arhonderheza ngasi ebi anambwine byoshi. Aha, amanyisize emyanzi yarhengaga emwa Namuzinda n'okuli kwafululagwa na Yezu Kristu.
\v 3 Iragi lya osomire echi citabu, n'abayumva by'obu bulebi nokukenga ebiyandike omu kagarhi! Bulya amango gatwiragwa ebi byoshi gakola gali hofi.
\p
\v 4 Nié Yohana ntumire Emirhwe nda y'Abakristu b'omu provinci ye Aziya aga maruba, Mashi irhondo mukahabwa obugashane n'omurhula gurhenzire kuli Namuzinda, oy'ohali, ye wanahali, ye wanahaba, mwahirwe omugisho n'omurhula kurhenga oku myuka nda eri emalanga g'entebe yage,
\v 5 Na kurhenga kuli Yezu Kristu, muntu orhanywerha, Enfula, omuntu murhanzifulwa anali mwami mukulu w'abami b'en'igulu. Arhusimire arhuciza omu byaha birhu muli kulya kufa kwage,
\v 6 anarhujijire bwami bw'abajinji mpu lyo rhukolera Namuzinda wage ye n'Ishe. Obukuze, n'obuhashe bibe kuli Yezu Kristu ensiku n'amango! Bibe ntyo.
\p
\v 7 Lolagi! Ayishire haguma n'olwikungu! Ngasi muntu amubona, ciru na balya bamutumirhaga. Embaga z'en'igulu zoshi zabanda endulu erhi ye rhuma Neci, kwo byaba ntyo! Bibe ntyo.
\v 8 “Nié ndi murhondero n'obuzinda” kanwa ka Nnahamwirhu Namuzinda ogala byoshi ako, oy'ohali, ye wanahali, ye wanahaba.
\p
\v 9 Nié Yohana, mwene winyu mukristu n'omu kuhumana haguma na Kristu ngwerhe olushangi na ninyu omu malibuko, omu bwami bwa Namuzinda n'omu kulindira haguma n'obushibirizi, Nahizirwe oku iju (kalwa). Izino lyalyo Patemo, mpu kwenge nayigirizize akanwa ka Namuzinda n'okuli Yezu afululaga
\v 10 Lwa sabato luguma, Mûka gwa Namuzinda gwangwarha nayumva izu linene enyuma ltyani lyali liyosirhe nka lya mushekera,
\v 11 Lyaderha mpu: “Ebi obwine, obiyandike omu citabu n'eco citabu ocirhumire erya Mirhwe nda y'Abakristu Orhume e Efeso, n'e Somirna n'e Pergamo, n'e Tiatira, n'e Sardi n'e Filadelfia, n'e Laodokiya,”
\v 12 Nakabanaga nti ndole oli wandesa Ago mango nabona bimanikiro nda bya matara bya noro,
\v 13 Omu kagarhi kabyo, mwali muyimanzire eciremwa cishushire omuntu cali ciyambirhe iropo kakag'ikoma oku mbale n'omukaba gw'enoro omu maha.
\v 14 Emviri zaco zali nyeru nka marha, erhi nyeru nka nyange, n'amasu gaco gakag'igulumira nka muliro.
\v 15 Amagulu gaco gakag'ilangashana nka mulinga muyokere omu luganda, babul'igucesa. Izu lyaco lyali liyosire nka lya nshalalo nene ya mishi.
\v 16 Cali fumbasire nyenyezi (ntonde) nda omu kuboko kwaco kulyo, n'engorho nshongole y'amoji abiri, yakachirhenga ekanwa. N'obusu bwaco nabwo bwakag'ilangashana kulusha izuba ly'akalengerere.
\v 17 Erhi ncibona, nahirimira aha magulu gaco nka mufu. Campira kwo okuboko kwaco kulyo, caderha erhi: “Orhayobohe! Nié wa burhanzi na nié wa buzinda.
\v 18 Nié w'obuzine. Nali nfire, cikwône buno nkolaga nzine ensiku n'amango. Ngwerhe obuhashe bw'olufu n'igulu ly'abantu bafire.
\v 19 Aho, yandikaga ebi obwine: ebihali buno n'egwasirwe okuba buzinda.
\v 20 Yumvagya ogw'ebifulike muli ezi nyenyezi nda obwine nfumbasire omu kuboko kwani kulyo, n'ogw'ebi bimanikiro nda by'amatara by'enoro: enyenyezi nda bâli bamalahika nda b'erya Mirhwe y'Abakristu, n'ebi bimanikiro nda by'amatara eri erya Mirhwe nda y'Abakristu.”
\c 2
\cl Cigabi 2
\p
\v 1 “Rhumira malahika w'omu Murhwe gw'Abakristu b'e Efeso amaruba. Omubwire erhi: “Yumvagya ebi adesire olya ofumbasire enyenyezi (ntonde) nda omu kuboko kwage kulyo, anali agera omu kagarhi inguliro nda zamatara z'en'or. Adesirhe erhi:
\v 2 Mmanyire ebiwajijire byoshi, mmanyire oku wacilibuzagya, mmanyire n'obushimbirizi wayerekine. Mmanyire oku orhankalembera ab'emirhima mibi. Wagezire abaciderha mpu ntumwa, cikwône barhaba bo, wanabona oku baba banywesi.
\v 3 Oba wa bushiru walibusire erhi nie ntuma orhanadekaga.
\v 4 Cikwône ebi byo nkugayire: orhacinsima nk'oku wansimaga burhanzi.
\v 5 Kengeraga ngahi wahirimire, ogokole, ojire kulya wanajiraga burhanzi. Akaba orhagokwiri, nayisha emunda ôli, duba nkule cirya cimanikiro c'itara halya ciri.
\v 6 Cikwône ojira kantu kaguma kinja: kuli kulya kuba oshomba ebi Abanikolayi bakajira byôshi wabishombirhe akani.
\v 7 Mâshi ngasi muntu, akaba agwerhe amarhwiri, ayumve bwinja ebi Mûka gwa Namuzinda abwizire Emirhwe y'Abakristu! “Abahima, nabaha obuhashe bw'okulya amalehe g'omurhi gw'obuzine guli omu ishwa lya Namuzinda.”
\p
\v 8 Rhumira malahika w'omu Murhwe gw'Abakristu b'e Simirna amaruba. Omubwire erhi: “Yumvagya ebinwa by'olya wa burhanzi ye na wa buzinda, y'olya wafaga anafuka. Adesirhe erhi:
\v 9 Manyire amalibuko gawe n'obukenyi bwawe, cikwône oli mugale! Manyire ebibi byoshi bakuderhera abacikunga mpu baba Bayahudi, N'bwo barhaba bo. Eba ndeko ya shetani!”
\v 10 Orhayobohaga mpu kwenge walibuka Yumvagya: Lyangombe amurhagula omu kukweba banji ba muli mwe omu mugozi. Mwalibuka nsiku ikumi. Orhalahiraga Namuzinda kuhika okufa kwawe, nakuha ishungwe ly'obuzine.
\v 11 “Mashi ngasi muntu, akaba agwerhe amarhwiri, ayumve bwinja ebi Mûka gwa Namuzinda abwizire Emirhwe y'Abakristu! “Abahima, barhafe olufu lwa kabiri.”
\p
\v 12 Rhumira malahika w'omu Murhwe gw'Abakristu ebinwa by'olya ogwerhe engorho nshongole y'amoji abiri. Adesirhe erhi:
\v 13 Nyishi ah'oba, halya Shetani ajira entebe yage. Ocinshwekire kwo, orhanantenzagya emurhima ciru n'omu mango olya Antipa, mudima wani mwikubagirhwa ayirhiragwa emwinyu, era munda Shetani aba.
\v 14 Cikwône Hâli eci nkugayira: emwawe ojira yo abantu bacishwekire oku nyigirizo za Balamu ye wayigirizagya balaki kurhi ankajira lyo Abaisraeli bahirima omu byaha omu kulya enyama bamarherekera mwo ensanamu babul'inashishwekera oku kugona.
\v 15 Kandi emwawe ogwerhe yo n'abantu bacishwekire oku nyigirizo z'Abanikolayi.
\v 16 Ogokolage ebyaha byawe Ankaba arhali ntyo, nakuyishira buno buno, nani nalwisa abo bantu n'engorho erhenga omu kanwa kani,
\v 17 “Mâshi ngasi muntu, akaba agwerhe amarhwiri, ayumve bwinja ebi Mûka gwa Namuzinda abwizire Emirhwe y'Abakristu! Abo bahima nabaha amana mafulike. Nangasi muguma muli bo namuha ehibuye hyeru hiyandike kwo izino lihyahya. Nta muntu yeshi yeshi olimanyire kuleka olihirwe yene.”
\p
\v 18 Rhumira malahika w'omu murhwe gw'Abakristu b'e Tiatira amaruba. Omubwirhe erhi: “Yumvagya ebi Mwene Namuzinda adesirhe, olya w'amasu gakagulumira nka muliro n'embale zikalangashana nka mulinga mugeze omu luganda
\v 19 Manyire ebi ojira byoshi; manyire obuzigire bwawe, n'obwikubagirwe bwawe, n'okuchihana kwawe omu mukolo, n'obushubirizi bwawe Manyire oku omukolo gwawe gukola gugenderire buno kulusha burhanzi.
\v 20 Cikwône yumvagya ebi nkugayira: walekerire ola mukazi Yezebeli ola okachikunga mpu aba murhonzi wa Namuzinda Ampabulire abanyakasi omu kubayigiriza mpu bacishwekere oku kugona n'okulya enyama bamarherekera mwo ensanamu.
\v 21 Namuhire akasanzi nti agokole, cikwone arhalonzizi okuleka okugona kwage.
\v 22 Co cirhumirhe nkola namukweba oku ncingo y'amalibuko; na balya bakag'imugona kwo nabalibuza bwenene bwenene, nkaba baleke ebijiro byabo bajira boshi naye.
\v 23 Na kulusha, namuyirhira abana, ntyo kwo Emirhwe y'Abakristu yoshi yamanya oku nie n'olya oyishi engererezo n'amarhala g'abantu. Nahemba ngasi muguma muli mwe nka kulya anakola.
\v 24 Oku gwinyu, mwe bandi bakristu b'e Tiatira, murhacishwekeraga kuli zirya dogitrine mbi: Murhayumvagya ebi abo bantu baderha mpu go marhwe mazibu mazibu ga Shetani. Mmubwizire oku ntamuhesa gundi muzigo.
\v 25 Cikwône musezagye ebi mugwerhe kuhika nyishe.
\v 26 Abo bahima n'abo bagenderera okujira ebi nonzize kuhika oku buzinda, nabaha obuhashe buli nka bulya buhashe Larha ampaga:
\v 27 Nabaha bw'okurhambula embaga n'akarhi k'ecuma.
\v 28 Bazibera nka nyungu z'ibumba nabaha n'enyenyezi (ntonde) y'esezi.
\v 29 Mâshi, ngasi muntu, akaba agwerhe amarhwiri, ayumve bwinja ebi Mûka gwa Namuzinda abwizire Emirhwe y'Abakristu!”
\c 3
\cl Cigabi 3
\p
\v 1 Nawe Malahika w'aka-Namuzinda Kali é Sardi, yandika: ebinwa Mûka gw'a Namuzinda gudesire. Ogwerhe myûka nda ya Namuzinda nazirya nyenyezi nda. Oyo adesirhe erhi: manyire ngasi ebi âli wajira byoshi Mmanyire oku ogwerhe irenge mpu: oziine cikwône ofîre.
\v 2 N'ogwasirwe ozuke; zibuhye eby'ogwerhe lyo birhag'ifa Bulya nalozire ebijiro byawe nabona oku birhali bimana emelanga ga Namuzinda wani
\v 3 Kengera zilya nyigirizo wa wayigirizibwagwa okengerhe na kurhi waziyankirire yumva oku zidesirhe, galuka ogokole akaba orhazusiri naishanka cishambo orhàmanye akansazi nayîshe mwo.
\v 4 Cikwône bantu bawe baguma b'esardi bone, barhazinzagya emishangiyabo rhwalambagira rhweshi nabo erhi banayambirhe emishangi myeru bulya bashinganine:
\v 5 Ngasi yé wahima, ayanbikwa émishangi myeru ciru nizino lyage lirhaka zazibwa omu citabu c'obulamu n'anahamiriza izino lyage embere za Larha n'eza bamalaika bage.
\v 6 Ngasi olya ogwerhi amarhwiri; ayumvé aka kanwa Mûka abwizire orhu-Namuzinda.
\p
\v 7 Rhumira malahika w'omu kanisa k'efi-ladelfiya amaruba amùbwîrhe erhi: yumvagya emyanzi y'olya oba muntu wa Namuzinda anali w'okuli olya ojirha olwigulo lwa mwami Daudi olya oyigala na ntaye wankahasha okuyigulà olya oyigula na ntaye wankahasha okuyigala.
\v 8 Oyo adesirhe erhi: Mmanyire ngasi bijiro byawe byoshi Mmanyire oku ogwerhe buhashe busungunu, nachiru akaba ntyo wayumvirhe oku akanwa kâni kokwo kadesire orhana cimpinduliraga nayigwire olumvi emalanga gawe lulya omuntu arhankahasha okuyigala.
\v 9 Yumvagya oku najira ab'omundeko ya shetani balya banywesi bakaa chikunya mpu bâli bayahudi n'obwo barhalibo:
\v 10 nabaseza bayishe bakufukamirhe omu kukukuza. Nyumpa ya Namuzinda wa e Yerusalemi mpyahya bulya wasezire omu n'embera, nani nakulanga orhenge mukasanzi kà marhindibuko akali kayisha mpulyo karhangula abantu bôshi balamire ukw'igulu.
\v 11 Bulya walibisirhe n'okubêra mukanwa kani
\v 12 Owahima namujira abe mutungo omu nyumpa ya Namuzinda wani, arhanankanacirhenga mwo. Namuyandika kwo izino lya Namuzinda wani, n'izino ly'ecishagala ca Namuzinda wani, e Yerusalemi mpyahya yayandagala kurhenga enyanya oku nkuba hali Namuzinda wani, Namuyandika kwo n'izino lyani lihyahya njira
\v 13 “Mashi, ngasi muntu akaba agwerhe amarhwiri, ayumve bwinja ebi Mûka gwa Namuzinda abwizire ama kanisa.
\p
\v 14 N'émwa malaika w'ekanisa k'e Laodikiya, yandika: Ebi biri binwa by'olya oba Amina, mudima mushinganyanya na w'okuli! Ntondero y'okulema kwa Namuzinda.
\v 15 Mmenyire ebijiro byawe byoshi, oku orhajira bugwârhiro, orhali mboho erhi mudurhu; byankabire binja kulusha obe muli biguma.
\v 16 Bulya orha gwerhi bugwarhiro Cikwone, nkolaga nakushala orhenge omukanwa kâni omulub a orhali mboho erhi mudurhu.
\v 17 Bulya anakaderha erhi nié mugale, ntacombuzire bulya nacigazize, n'obworhamanyiri okuli muzamba, n'ambula nsimiko mukenyi na muhûrha onali bushunzi.
\v 18 Co cirhumire nakuhanula nti ongulire en'or yacesibwe n'omuliro. Ongulire n'emishangi myeru oyambale, ofulike me obushunzi bwawe bw'okubonya nshonyi. Ogule n'obufumu bw'amasu gawe ly'ohasha okukabona.
\v 19 Nnampabule nshub'inahana ngasi abo nsima boshi Ochiseze ogokole.
\v 20 Yumvagya nyimazire oku lumvi nandi nagoholera kwo, owankayumva izu lyani abul'inaigula, naja omu mwage, nalya rhweshi naye, naye alya rhwe naye.
\v 21 Abahima nabaha obuhashe bw'okutamala hali nie oku ntebe yani, nka kulya nani nahimaga natamala ahali Larha oku ntebe yage.
\v 22 Mashi ngasi muntu, akaba agwerhe amarhwiri, ayumve bwinja ebi Mûka gwa Namuzinda abwizire ama kanisa.”
\c 4
\cl Cigabi 4
\p
\v 1 Nashub'ibonekerhwa nabona olumvi; luyigule enyanya emwa Namuzinda izu lyakag'ilaka nka lya mushekera, lirya nali namarhang'iyumva, lyambwira erhi: “shonera aha, nakuyereka ebigwasirhwe okuba enyuma ly'ebyo.”
\v 2 Ho na halya Mûka gwa Namuzinda agwarha. Emwa Namuzinda yali entebe. Muntu muguma ali atamire kuli eyo ntebe.
\v 3 Obusu bwage bwakag'ilangashana mka mabuye ga ngulo ndarhi, nka yaspi na sardoniki. Omutirigongo gwali guzungulusire eyo ntebe gwabul'ikag'ilangashana nk'ibuye lya ngulo ndarhi liderhwa zumaradi.
\v 4 Eburhambi bw'eyo ntebe yali zindi ntebe makumi abiri n'inni, bagula makumi abiri na bani bâli bazitamire kwo, erhi bayambirhe emishangi myeru n'amashungwe g'enoro.
\v 5 Oku ntebe kwakag'irhenga orhukemezo n'emikungulo y'enkuba, n'emilazo, kwali kutwanyirhwe ngoke nda zakag'igulumira emalanga g'entebe: yo erigi erya myuka nda ya Namuzinda eyo.
\v 6 Embere ly'entebe, yali ebiri nka nyanja ya biyo nayo yakag'ilangala nk'ibuye lya nshangabuye. Ho n'aho eburhambi bw'eyo ntebe, ngasi lunda lwali yo biremwa bini. Ebyo biremwa byali bigwerhe amasu emalanga n'emugongo.
\v 7 Eca burhanzi cali cishushire entale eca kabirhi cali cishushire akanina, eca kasharhu cali cishushire obuso nka bwa muntu n'eca kani cali cishushire ikozi libalire.
\v 8 Ngasi ciguma ca muli ebyo biremwa bini bizine cali cigwerhe byubi ndarhu, byanali biyunjwire masu hoshi hoshi, emugongo n'omu nda. Byakag'iyimba budufu na mushi buzira kuhusa. Byakayimba mpu: “Mwimana mwimana, ye Nnahamwirhu Namuzinda, ogala byoshi, Ye wahali, ye onahali ye wanahaba.”
\p
\v 9 Ngasi mango hano ebyo biremwa bini binayimba omu kukuza, n'okulenga, n'okuvuga omunkwa emwa olya otamire oku ntebe olya ozine ensiku n'amango,
\v 10 balya bagula makumi abirhi na bani banafukame emalanga g'olya otamire oku ntebe babul'igashaniza gabo embere ly'entembe babul'iderha mpu:
\q1
\v 11 Mashi, Nnahamwirhu kandi wena Namuzinda wirhu, okwanine obukuze n'olukengwa n'obuhashe, Bulya walemire ebintu byoshi, n'obulonze bwawe bwarhumaga byaba ho, byahabwa n'obuzine.”
\c 5
\cl Cigabi 5
\p
\v 1 Nabona ecitabu cibungenka cizingo nabona ciri omu kuboko kulya kw'olya wali atamirhe oku ntebe. Câli ciyandike emugongo n'omu ndâlala erhi cinahamisirhwe na cifaso nda.
\v 2 Nanabona malaika w'obuhashe, aja ayakûza bwenene erhi: “indi ok'wanine okuyigula e ci citabu n'okufuna ebifaso byaco?
\v 3 Cikwône harhabonekaga Indi, erhi enyanya oku nkuba, erhi: en'igulu, erhi omu kuzimu, owahashirhe okuyigula eco citabu n'okucilola mwo;
\v 4 Nalaka bwenene bulya harhabonekega omuntu okwanine oku'eco citabu okuc'igula n'oku cilola mwo.
\v 5 Ago mango muguma wa muli balya bagula ambwira erhi: “Orhalake, lola okw'entale y'omu mulala gwa yuda, muntu w'omu bûko bwa mwami Daudi anahimire, ye wankanahasha. Avuna ebyo bifaso nda n'okuigula eco citabu”
\v 6 Nabona nasinza omukagarhi k'ecirhi c'obwami zirya simba zigwerhi obuzine ini n'ek'agarhi ka balya bagula. Omwana-buzi ayimanzirhe, alika abazirhwe agwerhe mahembe nda na masu nda. Myuka nda ya Namuzinda arhumire om'uigulu lyoshi.
\v 7 Cirya citabu omu kuboko kulya kw'olya wali otamire oku ntebe.
\v 8 Erhi arhôla cirya citabu birya biremwa bini na balya bagula makumi abiri na bani bafukamira Omwana-buzi. Ngasi muguma wa mulibo âli agwerhe olulanga n'ebikombe by'ennoro biyunjwire nshangi ko kurhenga komu lubaga lwa namuzinda.
\v 9 Bayimba olwimbo luhyahya mpu: “okwanine okurhôla eci ovune n'orhu rhufaso Bulya wayisirwe, n'omuko gwawe go wacungwire mwo abantu, aba ngasi buuko, aba ngasi luderho, aba ngasi lubaga na nkasi mulala,
\q1
\v 10 wabagabira Namuzinda wabajijire baami na bajinji mpu: bakolere Namuzinda wirhu. En'igulu bo banaliyime mwo.
\p
\v 11 Nashubilola nayumva ba malaika banji bwenene: hâli ebihumbi n'a makumi g'ebihumbi
\v 12 bazunguluka entebe n'a bilya biremwa n'a balya bagula, bâli bayimba n'izu linene mpu: “oyu mwanabuzi wayirhagwa akwanine okuhâbwa obuhashe, obugale, n'obumanye n'emisi n'olukengwa, n'irenge n'obukuze.”
\p
\v 13 N'emigisho nayumva n'ebiremwa byoshi biba oku nkuba, n'ebiba en'igulu n'ebiba ekuzimu n'ebiba omu nyanja ebiremwa byoshi by'en'igulu lyoshi byakâyimba mpu: “Obukuze n'olukengwa n'irenge, n'obuhashe bibe kuli olya otamire oku ntebe yo bwami bibe n'oku mwana-buzi ensiku n'amango!”
\p
\v 14 Birya biremwa bini byakâshuza mpu: “Bibe ntyo amina! Na balya bagula bafukama baja baharanya.
\c 6
\cl Cigabi 6
\p
\v 1 Enyuma ly'aho nabona olya Mwanabuzi avuna akahamiko karhanzi kamuli erhya nda, lero nayumva ciremwa ciguma ca muli birya biremwa bini, Nayuvmva caderha n'izu liyosirhe nka lya mulazo lyaderha mpu: “yisha.”
\v 2 Nalola nabona enfarasi y'akatû Owayiri kwo âli afumbasire omuherha, abul'iyambikwa ishungwe. Agenda erhi akola ahimirhe, n'okushub'ihima.
\v 3 Enyuma ly'aho olya Mwana-buzi avuna akahamiko ka kabiri, nayumva eciremwa ca kabiri caderha mpu: “yisha”
\v 4 Ago mango oyindi nfarasi yahuluka yali yakalinga owayiri kwo ahâbwa obuhashe bw'okulumiza entambala en'igulu lyo abantu bone na nnene bayirhana oyo ahâbwa engorho nnene.
\v 5 Enyuma ly'aho mwana-buzi avuna akahamiko ka kasharhu nayumva eciremwa ca kasharhu caderha mpu: “Yisha” nalola nabona enfarasi y'ecibongo owayiri kwo âli afumbasirhe omulengo.
\v 6 Nayumva eliri nk'izu lyarhenga aha karhi ka birya biremwa bini lyaderha mpu: “ciro ciguma ca ngano cife omulegerege gw'omunyakasi, n'ebiro bisharhu by'iporiji bife omulegeregegw'omunyakasi. Cikwône orhashereza amavurha n'idivayi.”
\v 7 Enyuma ly'aho mwana-buzi avuna akahamiko ka kani nayumva eciremwa ca kani ca derha mpu: “yisha”
\v 8 nalola nabona enfarasi y'ecivuruvundu. Owayiri kwo izino lyage ye lufu, anali akulikirwe n'olya orhambwire igulu ly'abafire babaha obuhashe omu cihimbi ciguma c'omu binni b'igulu mpu: bayirhe abantu n'itumu n'ecizombo n'endwala n'ebiryanyi by'omw'igulu.
\p
\v 9 Enyuma ly'aho, olya mwana-buzi avuna akahamiko ka karhanu. Ago mango ah'idako ly'irherekerero na bona ho emyuka ya balya bafiraga akanwa ka namuzinda n'obuhamirizi bwabo bw'obushinganyanya.
\v 10 Bakayâkuza bwenene mpu: “Namuzinda Nnamahanga mwimana w'okunali mangaci watwira abantu b'en'igulu olubanja n'okubahana bulya barhuyirhaga?”
\v 11 Ngasi muguma mulibo ahâbwa ecirhuli ceru cirhubabuli babwirha mpu bashubirhamuka hisanzi hisungunu kuhika omubale gwabenewabo n'abona bajaga bakola boshi guhikirire; baligi balya balibagwasirhwe bafe ank'abo.
\p
\v 12 Enyuma ly'aho nabona olya Mwana-buzi avuna akahamiko ka kalindarhu igulu lyagerha mwo omusisi mudarhi izuba lyatulula lyaba nka mulondo muguma murhunu mwiru, n'omwezi goshi gwa induka mudukula, gwaba nka muko.
\v 13 Enyenyezi zamanuka oku nkuba zacirhimba oku idaho nka kula amalehemabishi g'omurhi gahugumuka nk'empûsi ndarhi eri yagera.
\v 14 Oku nkuba kwahirigirha nka citabu ca luhucizinge entondo zoshi n'birhwa byoshi babirhenza aha bibêra.
\v 15 Abamib'igulu abakulu, aba kulu baba soda, abagale, ab'obuhashe,
\v 16 Na baja boshi na barhali baja bâcifulika omu mikumba n'omu lwala, n'omu ntondo. Banacikabwir'entondo n'olwala, murhurhogere kwo, murhufulike emalanga g'oyu otamire oku ntebe n'emberhe z'oburhe bw'omwana-buzi
\v 17 Bulya olusiku lunene lwo burhebwage lwahisire, nandi wanka lugalula?
\c 7
\cl Cigabi 7
\p
\v 1 Enyuma ly'ebyo nabona bamalahika banni bayimanzire oku bikwi byen'igulu bâli bafumbasirhe ciru n'engoma erhag'ihusa omu igulu erhi omu nyanja erhi kudunda mrhi goshi goshi.
\v 2 Lero nabona owondi malahika ayinamuka ebushoshokero bw'izuba oyo malahika âli afumbasirhe cifaso ca Namuzinda ozîne ayakuza n'izu linene balya bamalahika bani bahabagwa obuhashe bw'okushereza igulu n'enyanja,
\v 3 Aba bwirha erhi: “Mumanyemwankajira igulu kubi, erhi enyanja erhimirhi, kuhika rhushurhe abantu bakolera Namuzinda wirhu cifaso ebusu” Ago mango bambwira abashusirwe ecifaso ca Namuzinda ebuso bali banga;
\v 4 Bâli bihumbi igana na makumi anni na banni b'omu mulala g'olubaga lw'Abaisraeli yoshi:
\v 5 Bantu bihumbi ikumi nabibiri b'omu mulala gwa Yuda bashurhwa kwo cifaso, bihumbi ikumi na bibiri b'omu mulala gwa Gadi.
\v 6 Bandi bihumbi ikumi na bibiri b'omu mulala gwa Asheri, bihumbi ikumi na bibiri b'omu mulala gwa Manase,
\v 7 bihumbi ikumi na bibirhi b'omu mulala gwa Levi, bandi bihumbi ikumi na bibiri b'omu mulala gwa Issaka.
\v 8 Bihumbi makumi abiri na bibirhi b'omu mulala gwa Zabuloni, bandi bantu bihumbi ikumi namakumi abiri na bibirhi b'omu mulala gwa Yozefu. Bihumbi ikumi na makumi abiri na bibirHi b'omu mulala gwa Benjamini bihumbi ikumi namakumi abirhi bâlikw'ecifaso.
\p
\v 9 Enyuma ly'ebyo nashubilola nabona abantu banji banji: omuntu arhankahasha okuganja à bâli muli ogw'omurhwe boshi bali bantu ba ngasi cihugo, naba ngasi mulala naba ngasi lubaga naba ngasi luderho, balibayimanzire emalanga g'entebe n'emalanga g'olya mwanabuzi, erhi bayambirhe orhwanzo rhweru n'okufumbarha amashami g'ibo.
\v 10 Bakayakûza n'izu linene mpu: “Obishîre bwirhu burhenzire kuli Mungu wirhu otamirhe oku ntebe burhenzirhe n'oku Mwana-buzi.
\v 11 Abo bamalahika boshi bâli bazungulusiré entebe, na balya bagula na birya biremwa binni biziné ago mango bafukama emalanga g'entebe,
\v 12 aderha n'obukenge n'okuvuga omunkwa n'obukenge n'obuhashe n'emisi ya Namuzinda wirhu ensiku n'amango! Bibe ntyo.”
\p
\v 13 Muguma wa muli balya bagula adosa erhi: “Abo bantu bayâmbirhe emishangi myerhu bo bahi? Na ngahi barhenzire?”
\v 14 Namushuza nti: “We manyire ebyo Nnahamwirhu.” Ago mango ababwirha erhi: “bâli balya bageraga omu kushimbulirwa kunene, bashusîre amankazo gabo, babul'igayeruhiza omu muko gw'olya Mwana-buzi.
\v 15 Co cirhumire bayimanzire emalanga g'entebe ya Namuzinda n'okukolera Namuzinda budufu n'omushi omu mwage otamire oku ntebe abalanga omu kuba ho kwâge.
\v 16 Ntamango banacishalike erhi kugwarhwa n'enyorha, nt'izuba nîsi erhi idûrhu lya kuyocanya lyôshi lyôshi lyanacibayoce,
\v 17 Bulya mwanabuzi oli oku ntebe yewaba lungere wabo. Oyo abaheka ebwa nshoko z'amishi g'obuzine na Namuzinda abahorhola ngasi mulenge gw'amasu gabo.”
\c 8
\cl Cigabi 8
\p
\v 1 Erhi olya mwana-buzi akûla obuhashe bwa cifaso ca kalinda akahwenyenye kaba oku nkuba kaaba hofi nusu nsaa.
\v 2 Enyuma ly'aho nabona bamalahika nda bo bamalahika bayimanga emalanga ga Mungu bahabwa mishekerha nda.
\v 3 Owundi malahika ayiisha ayimanga ah'irhereka ho ali afumbasire echungu chiyookerwa kwo eshangi, n'echochirugu cali ca n'or Ahabwa mshangi nyinji mpu: azirhule haguma n'okushenga kunji kw'abona lubaga lwa Mungu Arhulire ahirherekerero ly'ennoro liri emalanga kw'abantu b'omu lubaga lwa Mungu,
\v 4 Gwakag'itumbûka burhema emalanga ga Namuzinda kurhenga omo kuboko kw'olya malahika,
\v 5 Enyuma ly'aho malahika arhola chirya cirugu câli mo n'or, achiyunjuza muliro gwah'irherekerero abul'igukweba en'igulu kwazuka emikungulo n'amazu, n'emilazo, n'omusisi gw'igulu.
\p
\v 6 Balya bamalahika nda bâli bafumbasirhe erya mishekera nda ago mango bacîrhegânya okuyibuha.
\v 7 Malahika wa burhanzi abûha omushekera, olubula n'omuliro, bigushe haguma n'omuko bya kwêbwa en'igulu cihimbi ciguma c'omu bisharhu b'igulu câhya cihimbi ciguma c'omu bisharhu by'emirhi câhya na ngasi hyâsi hibishi hyôshi hyahya,
\v 8 Enyuma ly'aho malahika wa kabirhi abuha omushekera. Erhi nka ntondo nnene erhi yanagulumira muliro ya kweebwa omu nyanja chihimbi ciguma c'omu bisharhu by'enyanja cahinduka muko.
\v 9 Cihimbi ciguma c'omu bisharhu by'ebiremwa byôshi bizîne biba omu nyanja byafa na cihimbi ciguma c'omu bisharhu by'amashuwa gooshi casherhera.
\v 10 Enyuma ly'aho malahika wa kasharhu abûha omushekera, Nyenyezi nguma nnene yakâg'iyaka nka ngulumira ya muliro yahona oku nkuba yahonera kuli cihimbi muko cihimbi ciguma c'omu bisharhu by'enyîshi n'oku nshoko z'amishi.
\v 11 Izîno ly'eyo nyenyezi ye Bululu, cihimbi ciguma c'omu bisharhu by'amîshi cahinduka bululu, na bantu banji abanywire ago mîshi bafa bulya gahindusirhe malulu,
\v 12 Enyuma ly'aho malahika wa kanni abuha omushekera cihimbi ciguma c'omu bisharhu cizûba cabandwa, n'eciguma c'omu bisharhu by'omweezi nacho na ciguma c'omu bisharhu by'enyenyezi ciru ciru byahera cihimbi by'obulangashane bwabyo harhachibaga bulangale nsa inni zôshi mushi na nsa zinni zoshi z'obudufu.
\p
\v 13 N'ashubilola nanayumva ikozi libalîre enyanya bwenene omu nkuba karhi lyaderha n'izu linene erhi: Buhanya! Buhanya! Lero we buhanya buci obu bwabera aba bomu'igulu hano izu ly'emishekera balya bandi bamalahika bashurha babûha liyumvikane.
\c 9
\cl Cigabi 9
\p
\v 1 Enyuma ly'aho malahika wa karhanu abuha omushekera. Nabona enyenyezi yahona oku nkuba, yaja en'igulu. Bayiha olwigulo lw'iriba ly'ekuzimu.
\v 2 Erya nyenyezi ya yigula lirya iriba ly'ekuzimu, lyabasha mwo omugi gushushire nka mugi gwa cibeye cinene Izuba n'amalunga byahinduka mwizizi erhi ogwo mugi gw'eryo iriba gwo gurhuma.
\v 3 Ogwo mugi gwarhenga mwo enzige, zashandala omu igulu, zahabwa obuhashe bushushine na balya bw'engobe (rhuhurigongo).
\v 4 Zabwirhwa mpu zirhajiraga olubala kubi, erhi murhi ciru n'omuguma, erhi emburho ciru n'enguma; Cikwône zishereze balya bantu barhali bashurhe kwo akashe ka Namuzinda ebusu bone.
\v 5 Ezo nzige zirhayemereragwa okuyirha abo bantu ci mpu zibarhindibuze kwone mwezi irhanu. Amalumwa zabajijire omu kubarhindibuza kwa gâli nka gala omuntu ayumve nka alumirhwe n'engobe.
\v 6 Muli eyo myezi irhanu yoshi, abantu balonza olufu, cikwône barhalubone. Bacifinja okufa, cikwône olufu lwabayakirha kuli.
\v 7 Ezo nzige kwo ziyosirhe nk'enfarasi zikola zaja oku ntambala. Oku marhwe gazo, kwo kuyosirhe nka mahembe ga noro n'obusu bwazo buyosirhe nka busu bwa bantu.
\v 8 Emviri zazo kwo ziyosirhe nka mviri za bakazi n'amino gazo gayosirhe nka ga ntale,
\v 9 Omu bifuba byazo muli ebiyosirhe nka mpenzio ya chuma n'omululumo gw'ebyubi byazo guyosirhe nka lubi lw'oku ntambala.
\v 10 Ezo nzige zigwerhe emicira n'eby'okubandana nka kula engobe (rhuhirigongo) ziyorha abantu muli erya myezi irhanubuli.
\v 11 Oku marhwe gazo zigwerhe kwo omwami, yeri malahika w'ekuzimu. Omu ciebraniya aderhe Abadoni, n'omu cigiriki Apolioni (kwo kuderha mpu “Olya Ishereza”).
\p
\v 12 Obuhanya burhanzi bwagezire agandi mahanya abiri gagwasirhwe nago gayishe enyuma ly'ebyo.
\p
\v 13 Enyuma ly'aho malahika wa kali ndarhu abuha omushekera. Nayumva izu lyarhenga omu rhufende rhw'irherekerero ly'enoro. Lyo irhertekerero liba emalanga ga Namuzinda,
\v 14 Eryo izulyabwira oyo malahika wa kali ndarhu wali ofumbasirhe omushekera erhi: “Likula balya bamalahika bani, bashwekirhwe hofi n'olwishi lunene lw'e Efurati.”
\v 15 Bashwekula abo bamalahika bani, bali erhi barheganyibwe okunali muli eyo nsa muli olwo lusiku, muli ogwo mwezi na muli ogwo mwaka, lyo bayirha cihimbi ciguma c'omu bisharhu by'abantu.
\v 16 Nabwizirhwe abasoda bâli oku nfarasi bâli banga: bali bayishire milioni magana abiri.
\v 17 Yumvagya kurhi nabwine ezo nfarasi n'abazishona kwo omu kubonekerwa nabonaga: bali badwirhe empenzi ndukula nka muko. Zishushire n'omushangi gw'akaniki zinashushire enkafu y'echirhale. Amarhwe g'ezo nfarasi gali gayosirhe nka ga ntale; ekanwa kazo yakarhenga omuliro, n'omugi n'ecibiriti,
\v 18 cihimbi ciguma c'omu bisharhu by'abantu chayirhwa na mahane asharhu: muliro, mugi n'echibiriti. Ebyo byoshi byakag'irhenga omu rhunwa rhw'ezo nfarasi.
\v 19 Bulya obuhashe bw'ezo nfarasi buli omu rhinwa n'omu michira yazo, emichira yazo eyosirhe nka njoka. Zijira amarhwe zikolesa amango zikola zaluma abantu kubi.
\v 20 Omusigala gw'abantu, ngasi abarhayirhagwa n'ago mahanya boshi, barhagokolaga kuli ebi bajijire bone Barhalekaga okugashaniza abazimu n'ensanamu z'enoro n'ez'echuma ch'enfaranga, n'ez'echuma ch'omulinga n'ez'amabuye, n'ez'emirhi, zira zirhankabona, erhi kuyumva, erhi kugenda.
\v 21 Abo bantu nabo barhalekaga obwisi bwabo, n'amakurungu gabo, n'okugona kwabo erhi obushambo bwabo.
\c 10
\cl Cigabi 10
\p
\v 1 Erhi Buzinda nabona malahika undi ogwerhe emisi ahonoka kurhengempingu, ayambisibwe emisi omumwera njira wenkuba enyanya lirhwe lyage na malanga gage gali nkizuba na magulu gage nka natungogwa muliro,
\v 2 N'omukuboko kwage aligwerhe ne citabu chityungunu câli igwirhwe Ababika okugulu kwage kokulyo enyanya lyechihugo.
\v 3 Erhi naye alaka okwizu linene, nka ntali elyalumba. Naye alaka erhya milumba nda zakulizu lyabo.
\v 4 Nalichirheganyize oku nyandika. Nani nayumv'izu kurheng'empingu lyaderha, obike ecifaso omwebyo binwa bya desirhwe neyo milimbo nda orhagayandikaga.
\v 5 Nolya malahika nabonaga ayimanzire enyanya lye nyanja ne nyenja lyechihugo, ayimusa okuboko kwage kwokulyo kuyerekirhempingu.
\v 6 Asoka enyanya lyolinyanya ya byoshi n'emyaka n'emyakula olya wazilemag'empingu 'ebilimwo, arhakachibe akandi kasanzi karhalusirebi Namuzinda abumbire Arhakachiba ebirhink'ebyo.
\v 7 Kuhika olusiku izu lyaba malahika nda bashura omushekerha go mango irhwe lya Namuzinda lya manyikanag'oku ayigirizizeabatumishi bage ezo ntumwa.
\p
\v 8 N'elizu nayumvagwa kurheng'empingu, lya derha nanani kandi lya derha: “Ogende orhole ecocitabu eco chayigulagwa omu maboko goyo malahika oyimanzire oku nyanja n'oku lolaho.
\v 9 Naja emunda malahika ali, namubwira ampereze lya citabu Ambwira mpu: rhola co olimire calula omu nda yawe cikwone omu kanwa calula nka buci.
\v 10 Narhola echocitabu omu maboko gamalahika, naci fomera erhi: N'cimira canuna nka buci cikwone enda yani ya yunjula bululu.
\v 11 Bambwira mpu: ogwasirhwe olebe kandi juyabantu banji bihugo binji n'abami banji.
\c 11
\cl Cigabi 11
\p
\v 1 Enyuma lyaho, ashubimpa olushekesheke olwo lwali kwa kugera, lushusha akarhi, n'abuli mbwira mpu: “Yimuka, ogere enyumpa ya Namuzinda na bamuharamya, oganje nabali bagashaniriza omu nyumpa ya Namuzinda.
\v 2 Cikwône oleke engo yembuga yenyumpa lurhamba ya Namuzinda orhayigere, bulya yahirwe abapagani, abo barhambula ecishagala cimana myezi makumi anni nibiri.
\v 3 Nashi ha bahamiriza bani babiri, bayambiri amasunzu erhi burhe burhuma. Abo baba n'obuhashe bwoku yigiriza emyanzi y'obulebi mali ezi nsiku chihumbi na magana abiri na makumi gali ndarhu.
\v 4 Abo badima erhi erhya mirhi yemizetuni yombi na galya matara gombi gayimanga emalanga g'Omukulu w'Igulu.
\v 5 Owanka lonza okubajira kubi, omuliro gunabavubuke ekanwa, gushereza abashombanyi babo; ntyo kwo agwasirwe okufa owalonza okubajira kubi.
\v 6 Bagwerhe obuhashe bwoku hamika oku nkuba, lyo enkuba erhaginiya amango bali bayigiriza emyanziya Namuzinda, bagwerhe n'obuhashe bwokuhindula amishi gabe muko, bacigwerhage obwokubanda igulu na ngasi lubero lwa mahanga amango bana lonzize.
\v 7 Hano baba bamayusa okululiza emyanzi yabo, ensimba ya yomoka omu nyenga yaba yanduka kwo, yaba hima, ena bayirhe.
\v 8 Emirhumba yabo yabera omu muhanda gwomu cishagala cinene, halya Nnawabo abambiraga oku musalaba, eco cishagala ciderhwa, oku lwiganyo mpu: Sodoma, erhi Misri.
\v 9 Abantu bomu ngasi cihugo, naba ngasi milala, naba ngasi luderho, naba ngasi mbaga balola emirhumba yabo nsiku isharhu necihumbi, barha na yemerhe mpu ebishwe
\v 10 Abantu ben'igulu basima erhi okufa kwabo bantu babirhi kurhuma bacishinga n'okuka rhumirhana ebintu, bulya abo bombi bakagiri nd'ibuza abantu bomw'igulu.
\v 11 Cikwone enyuma lyezo nsiku isharhu, n'ecihimbi, omuka gwa buzine gwarhenga emwa Namuzinda, gwa baja mwo, bayimanga; Ngasi ababona boshi bagwarhwa n'obwoba bwenene.
\v 12 Ago mango aba barhonzi ba Namuzinda bayumva izu linene oku nkuba lyaba bwira mpu: “Yinamuka murhenge aha!” Bayinamukira oku nkuba omu lwikungu; erhi abashombanyi babo banali babagalamira.
\v 13 Muli ago mango gona nne omusisi mudarhi gwagerha eci himbi ca kali ikumi comu cishagala cahangoka na bantu bihumbi nda bafa muli ogwo musisi gw'igulu, abandi bayoboha bwenene bacitakira Namuzinda wenyanya oku nkuba.
\p
\v 14 Obuhanya bwakabiri bwagezire. Cikwône mujire hange, obwa kasharhu bwayisha buno uno.
\p
\v 15 Enyuma lyaho, malahika wa kali nda abuha omushekera. Amazu manene manene gayumvikana oku nkuba, gaka derha: “Obuhashe bwokuyima igulu bukola bwa Nnahamwirhu na bwa Kristu wage, ayima ensiku na mango.”
\v 16 Balya bagula makumi abiri na bani batamirhe oku ntebe zabo emalanga ga Namuzinda, bahirima bubi, babuli gashaniza Namuzinda,
\v 17 Omuku gashaniza kwabo bakaderha, bakaderha mpu: “Nnâmahanga Namuzinda ogala byoshi, we ohali, we wanahali, rhukuvuzirhe omunkwabulya wakolesize obuhashe bwawe, na bulya warhondire okuyima.
\q1
\v 18 Embaga za hangazize, cikwone amango gahisiragaobuhane bwobu kunizi bwâwe bwaciyerekana mwogo mango abafire batwirwa olubanja. Amango gahisiraga waha mwo bambali bawe oluhembo, balya barhonzi bawe, na ngasi baba bawe boshi banakuyoboha, cirhu ankaba bakulu erhi barho, amango gahisirage washereza mwo abashereza igulu!”
\p
\v 19 Ago mango enyumpa ya Namuzinda oku nkuba, yayiguka haboneke Isanduku lyokulaganana omu nyumpa yage. Hazuka emilazo, namazu, n'emikungulo yenkuba n'omusisi gwigulu n'enkuba nene yolubula.
\c 12
\cl Cigabi 12
\p
\v 1 Ecimanyiso cinene caboneka oku nkuba haboneka omukazi abwikirhi izuba nka gwo mushangi. Omwezi gwamuli omu nshando n'echimane ciri kwo enyenyezi (ntonde) ikumi n'ibiri oku irhwe.
\v 2 Âli hofi aburhe omwana n'amalumwa n'amikero y'izimi byakamuyamisa.
\v 3 Ecindi chimanyiso chaboneka oku nkuba: haboneka omujoka cijoka munene bwenene w'akaduku. Oyo âli gwerhe birhwe nda na mahembe ikumi, âli agwerhe n'ishugwe oku ngasi irhwe.
\v 4 Omucira gwâge gwamanula cihimbi ciguma c'omu bisharhu by'enyenyezi z'oku nkuba, azikweba en'igulu ayimanga emalanga g'olya mukazi wali aburha omwana, mpu lyo hano oyo mwana aburhwa amurhole amushanshanyule.
\v 5 Oyo mukazi anaburha omwanarhabana, ye warhambula embaga zoshi n'akarhi k'echuma. Cikwône oyo mwana alengezibwa, ahekwa hali Namuzinda n'aha ntebe yage.
\v 6 Oyo mukazi ayakira omu mpinga mwo Namuzinda âli amurheganyize ah'abera, mpu lyo abera ho analisibwe ho nsiku cihumbi na magana abiri na makumi gali ndarhu.
\p
\v 7 Ago mango entambala yazuka enyanya emwa Namuzinda. Misheli bo na bamalahaki bage balwisa olya mujoka, n'oyo mujoka na bamalahika bage alwisa Misheli.
\v 8 Cikwône oyo mujoka ahimwa, ye boshi na bamalahika bage barhaciyemereragwa mpu baberhe enyanya emwa Namuzinda
\v 9 Oyo mujoka munene bwenene akwebwa embuga. Yeri erya njoka ya mira ederhwa Lyangombe erhi Shetani yerheba abantu boshi Akwebwa omu igulu, bamalahika bage nabo bakwebwa boshi naye.
\v 10 Enyuma ly'aho nayumva izu linene omu emwa nyanya oku nkuiba lyaderha mpu: “Oku Namuzinda aciza kwahisirage! Namuzinda anayerekinage obuhashe bwâge bw'akanyabwami! Kristu wage anayerekinage obukulu buli bwage! Bulya olya wakag'sidaka bene wirhu olya wakag'iyimanga emalanga ga Namuzinda okubasidaka bucha buyira, anakwebwirhwe akul; wa enyanya emwa Namuzinda.
\q1
\v 11 Abo nirhu bakristu bahimire erhi muko gw'Omwana-buzi n'okuli baderhaga byo birhuma: bayemera okuhana obuzine bwabo, bayemera n'okufa.
\q1
\v 12 Co cirhumirage mwe muli enyanya emwa Namuzinda mweshi mushagaluke ninyu mwe muyiba! Cikwône igulu n'emyanja kurhi oku bihanyagirage wani! Bulya lyangombe àmúyandagalire yo, ànakunire bwenene, bulya àmanyire oku hàmùsigalire kasanzi kasungunu bwenene.”
\p
\v 13 Erhi olya mujoka abona oku ànakwebirwe omu igulu, arhonderha okushimbulira olya mukazi waburhaga olya mwanarhabana.
\v 14 Cikwône oyo mukazi ahabwa byubi bibirhi by'ikozi linene mpu lyo abalala mwo, ahike ahantu hage omu mpinga, mwo àlisimbwa myaka isharhu n'ecihimbi. Halya eyo njoka erhacimushimbe.
\v 15 Ago mango eyo njoka yalika amishi omu kanwa kayo enyuma ly'olya mukazi. Ago mishi kwo gali nka mishi ga lwishi lunene. Yali mpu lyo omuhusi gumuheka.
\v 16 Cikwône idaho lyarhabala oyo mukazi, lyayashama, lyamira galya mishi olya mujoka alikaga omu kanwa kage.
\v 17 Olya mujoka akunirira oyo mukazi bwenene, akanya akola aj'ilwisa abantu basigalaga b'omu buko bw'oyo mukazi, ngasi bayumvagya n'okujira oku amarhegeko ga Namuzinda gadesirhe boshi, bo banalahire mpu barhankaleka okuli Yezu afululaga.
\v 18 Ago mango olya mujoka ayimanga oku burhambi bw'enyanja.
\c 13
\cl Cigabi 13
\p
\v 1 Enyuma ly'aho, nabona ensimba yarhenga omu nyanja. Yali gwerhe mahemba ikumi na birhwe nda. Yali gwerhe ishungwe oku ngasi ihembe lyayo n'izino ly'okujachira Namuzinda lyaali liyandike omu birhwe byayo.
\v 2 Eyo nsimba nabonaga, yali eshushire engwi, amagulu gayo gâli nka magulu g'ensimba ederhwa ndubu Akanwa kayo kali kayosire nka kanwa ka ntale. Olya mujoka ayiha obuhashe, n'entebe yage n'emisi yage minene minene.
\v 3 Irhwe liguma lya muli galya marhwe g'erya nsimba lyali lishushire nka kuno lyali liyagalisire ebwa kufa Cikwône echo cihulu cishushire nka ca kuyirha cali erhi cafumire. Igulu lyoshi lyasomerhwa bwenene, lyashimbulira eyo nsimba.
\v 4 Abantu boshi barhonderha okugashaniza oyo mujoka, mpu kwenge anahire eyo nsimba obuhashe bwage. Bakagashaniza n'eyo nsimba. Bakaderha mpu: “Ndi wankahasha okuyilwisa?”
\v 5 Eyo nsimba yarhegekwa mpu ederhe ebinwa by'obucibone n'eby'okujacirha Namuzinda. Yahabwa obuhashe bw'okukola myezi makumi annio n'ibiri.
\v 6 Yarhonderha okuderhera Namuzinda kubi, n'okujacirha izino lyage n'ahantu abera n'ababa enyanya emwa Namuzinda boshi.
\v 7 Yarhegekwa mpu elwise ab'omu lubaga lwa Namuzinda n'okubahima. Yahabwa obuhashe mpu erhambule ngasi mulala, na ngasi lubaga n'abantu ba ngasi luderho.
\v 8 Ab'en'igulu boshi bayigashaniza kwo kuderha oku bâli balya bantu amazino gabo garhali mayandike omu citabu c'obuzine kurhenga oku murhonderho gw'igulu, Eco citabu ciri c'olya Mwana-buzi wayirhagwa.
\v 9 “Muyumve bwinja, akaba mugwerhe amarhwiri g'okuyumva!
\v 10 Owankaba âli erhi arheganyizibwe okushwekwa, okunali ahekwa cigorogo, n'oyu wali erhi arhenganyizibwe mpu ayirhwa n'engorho, okunali ngorho yanabagwasirhwe bayerekane obudima bw'obushimbirizi n'obwemerhe.”
\p
\v 11 Enyuma ly'aho, nabona eyindi nsimba yarhenga omu idaho. Yali gwerhe mahembe abiri gayosirhe nka mahemba ga Mwana-buzi, yabul'ikadertha nka mujoka
\v 12 Yakakolesa obuhashe bw'erya nsimba ntanzi erhi anahali Yaseza igulu n'abantu ba mwo mpu bagashanize erya nsimba ntanzi, y'erya yafumaga ecihulu cali c'okuyirha.
\v 13 Eyo nsimba ya kabiri yajijire ebirhangaza binene Yakag'ihoya omuliro oku nkuba eguyandagalize en'igulu erhi n'abantu boshi bali babona.
\v 14 Yahabula abantu b'en'igulu erhi ebirhangaza yali rhegesirwe okujirira emalanga g'erya nsimba ntazi birhuma. Yakag'ibwira abantu b'en'igulu mpu bajire ensanamu omu kukenga erya nsimba yayagazibagwa n'engorho cikwône kurharhumaga erhalama.
\v 15 Eyo nsimba ya kabiri yahabwa obuhashe bw'okuhirha omukwa gw'obuzine omu nsanamu y'ensimba ntanzi, mpu lyo eyo nsanamu erhondera okuderha lyo enahashe okukayirha ngasi abarhayigashaniza bôshi.
\v 16 Eyo nsimba yaseza abantu bôshi, abarho n'abakulu abagale n'abakenyi, abaja n'abarhali baja, mpu bahabwe ecimanyiso oku kuboko kulyo n'ebusu.
\v 17 Nta muntu wankahashirhe okugula erhi kuguza nk'arhagwerhi eco cimanyiso kwo kuderha izino ly'eyo nsimba nisi erhi omuganjo guyumanine n'eryo izino.
\v 18 Aha ho harhumire omuntu akwanine okuyerekana obudima bw'obukengukwe. Oli mwenge anahasha okumanya ogw'eyo nsimba, bulya ogwo muganjo guyumanine n'izino ly'omuntu. Omuganjo gwage gâli magana ndarhu na makumi gali ndarhu na ndarhu.
\c 14
\cl Cigabi 14
\p
\v 1 Enyuma ly'aho, nalola, nanacibona oly'a Mwana-buzi ayimanzire oku ntondo y'e Sayuni, Ali na abantu bihumbi igana na makumi ani na bini. Abo bantu bali ko izino lyage n'izino ly'Ishe ebusu.
\v 2 Nayumva izu lyarhenga oku nkuba lya kashalala nka nshalalo nene ya mishi, nka mulazo muzibu bwenene. Ely'izu nayumvagya lyali yosire nk'izu lyabazih'enanga abaliko baziha enanga zabo.
\v 3 Abo bantu bihumbi n'ebihumbi bayimanga embere y'entebe n'embere za birya biremwa bini, n'embere za balya bagula, bayimba olwimbo luhyahya; nta muntu wakahashire okuluyiga arhali balya bantu bihumbi igana na makumi ani bacungukaga en'igulu bone.
\v 4 Abo bobalya barhaci zinzagya n'abakazi cibulya bali balamba. Abo bakulikiraga olya Mwanabuzi wa Namauzinda ngasi ho aja. Bo balya bacungulagwa omu bantu mpu bahànwe barhanzi muli Namuzinda n'omu Mwana-buzi.
\v 5 N'omukanwa kâbo nta lusiku mwarhenzire ebinwa byobunywesi bulya barhali kwishembo lyoshilyoshi.
\p
\v 6 Enyuma lyaho, nanabona owundi malahika ayisha abalala omucanyanya bwenene, alidwirhe emyanzi y'omurhula y'ensiku n'amango mpu é hânwe é mwangasi lubaga, ngasi mulala, na ngasi luderho n'abantu bôshi.
\v 7 Akazagi derha n'izu linene erhi: yobohi Namahanga; Munamuh'irenge! Bulya akasanzi kokutwira abantu bôshi olubanja ka hisire; n'owa jiraga empingu n'igulu n'enyanja n'énshoko z'amishi.
\v 8 Malahika w'akabiri ashoshoka n'okuderha c'ahirimirage, ahirimirage olya oderhwa Babiloni mukûlu owanywesagya embaga zoshi edivahi y'obugonyi bwage.
\v 9 Malahika wa kasharhu, akulikira balya bali barhanzi, aderha n'izu linene, erhi “Omuntu akaharamya e nsimba n'enshushano yayo, ahabwe n'ecimanyiso emalanga kandi erhi oku kuboko,
\v 10 ye wanywa edivahi ly'oburhe bwa Namuzinda, lyafukagwa omu cikombe c'oburhe bwâge buzira kushanjirwa, na ngasi bajijire nyo bôshi barhindibuka omu muliro gw'ecibiriti emalanga ga ba malahika batagatifu n'emalanga g'o Mwana-buzi.
\v 11 N'ecusi c'okulibuka kwabo cayish'ikatumbuka emyaka n'emyakula, barhanaluhuka budufu n'omushi abo bacikumba o musimba n'enshusho yage, n'ecifaso c'izino lyage.
\v 12 Aho hobabêra abatagatifu balanga amarhegeko ga Namuzinda n'obuyemere bwa Yezu.
\v 13 Nayumva izu kurhenga empingu lyaderha, mpu: Lir'iragi kurhenga buno abafu babêzire muli Nnâmahanga! Neci, akuderha Mûka, lyo baluhuka oku mikolo yabo, bulya bay'ishi shimbulirwa n'ebijro byabo.
\p
\v 14 Nashubilola, nabona, olwikungu lweru, na kuli olo lwikungu kwali damire eciremwa cishushire mwenemuntu. Cali ciyambirhe ishungwe ly'en'or oku irhwe, cifumbasire omugushu omu nfune.
\v 15 Owindi malahika arhenga omunyumpa ya Namuzinda ayakuza n'izu linene abwira olya walitamire oku Lwikungu: “Heba omugushu gwawe, osarhule, bulya amango g'okusarula gahisirage, Igulu lya yezire.
\v 16 Nolya wali tamirhe oku lwikungu, akweba omugushu gwage enyanya ly'igulu, lya sarulwa.
\v 17 Owundi Malahika arhenga omunyumpa ya Namuzinda w'oku nkuba, naye ali agwerhe omugushu mwoji.
\v 18 N'owundi malahika kandi, ye jira obuhashe bw'okurhegeka omuliro, arhenga ali irherekero, Ayakuza n'izu linene, abwira olya wali fumbasire omugushu moji erhi: “Lika omugushu gwawe, otwe mwo ebihimbi byenigulu y'idivayi y'omu igulu bulya amalehe gayo gakola gayezire.”
\v 19 Olya Malahika akweba omugushu gwage oku igulu. Atwa ebihadu by'emirhu ly'idivayi ly'omu igulu abuli bikweba omu mukenzi g'obuhane b'obukumizi bunene bwa Namuzinda.
\v 20 Bakandira ago malehe g'idivayi omu mukenzi enyuma lyeci shagala. Muli ogo mukenzi mwarhenga omuko lwalumira bilometre cihumbi na magana ndarhu.
\c 15
\cl Cigabi 15
\p
\v 1 Enyuma ly'aho nabona ecindi cimanyiso oku nkuba, cinene na ca kusomeza: bamalahika nda bali bafumbasirhe mahanya nda, go mahanya ga buzinda, balya kuli go, obuhane bw'obukunizi bwa Namuzinda burhwerire.
\p
\v 2 Enyuma ly'aho nabona erhi nka nyanja ya ciyo, ngushe mwo omuliro; nabona na balya bahîmaga erya nsimba, bahima n'ensanamu yayo n'olya izino lyage; liyerekinwe na muganjo muguma. Bali bayimanzire hofi n'erya nyanja y'eciyo banafumbasirhe enanga Namuzinda abahaga.
\v 3 Bakag'iyimba olwimbo lwa Musa muntu wakoleraga Namuzinda. Bakayimba n'olwimbo lw'olya Mwana-buzi Omu kuyimba kwabo bakaderha mpu: “Nnahamwirhu Namuzinda ogala byoshi, Mashi emikolo yawe yakuzire enali ya kurhangaza! Mwami w'olubaga. Mashi okurhenganya, orheganye okuba kushinganine kunaba kw'okuli!
\q1
\v 4 Nndi orhankakuyobohirhe mâshi Nnahamwirhu? Nndi wankalahire okukukuza mashi Nnahamwirhu? Bulya wene oba mwimana, Embaga zôshi zayisha, zayunama emelanga gawe zikugashanizé, bulya ebijiro byâwe bishinganine byanafulwirwe n'obwalagale.”
\p
\v 5 Enyuma ly'ebyo nabona oku enyumpa ya Namuzinda eyiguka oku nkuba. Omwo mwali ihema Namuzinda aba mwo.
\v 6 Balya bamalahika nda bali fumbasire galya mahanya nda barhenga muli eyo nyumpa ya Namuzinda bali yambisibwe emishangi y'ecitani yanakâg'ilangashana. Bali bayambirhe n'emikaba y'en'or omu cikfuba.
\v 7 Ciremwa ciguma ca muli birya biremwa bini cahereza balya bamalahika nda bikombe nda bya n'or, Ebyo bikombe byali yunjwire buhane bw'obukunizi bwa Namuzinda ozine ensiku n'amango.
\v 8 Eyo nyumpa ya Namuzinda yayunjula mugi gwarhengaga omu bulangashane bwa Namuzinda n'omu buhashe bwâge, na ntaye wankajirire omu nyumpa ya Namuzinda nkaba erhi galya mahanya nda gamarhwa, galya gali dwirhwe na balya bamalahika.
\c 16
\cl Cigabi 16
\p
\v 1 Enyuma ly'aho, nayumva izu linene lyarhenga omu nyumpa ya Namuzinda, lyabwirha balya bamalahika nda mpu: “Gendi muj'ibulagira birya bikombe nda by'obuhane bw'obukunizi bwa Namuzinda omu igulu!
\v 2 Malahika murhanzi agenda, abulagira ecikombe cage omu igulu. Ago mango ebihulu (bironda) bibi binali bya kuluma byazuka kuli balya bantu bali bagwerhe ecimanyiso c'erya nsimba n'okugakashaniza ensanamu yayo.
\v 3 Malahika wa kabiri abulagirha ecage cikombe omu nyanja. Amishi gashusha nka muko ga muntu ofirhe. Na ngasi biremwa byali omu nyanja byoshi byafa.
\v 4 Malahika wa kasharhu abulagira ecage cikombe omu nyishi n'omu nshoko za mishi, nabyo byahinduka muko.
\v 5 Ago mango nayumva oku malahika ojirha obuhashe bw'oku rhegeka amishi aderha erhi: Ôba mushinganyanya bulya wamatwa olubanja ntya, mashi Mwimana we hali we wanahali.
\v 6 Bulya babulazire emiko y'omu lubaga lwa Namuzinda n'ey'abarhonzi bawe lero wamabahaga omuko mpu banywe bagwerhe ebi banakwanine!”
\v 7 Enyuma ly'aho nayumva izu lyarhenga ah'irherekerero, lya derha mpu: “Neci Nnahamwirhu Namuzinda ogala byoshi oku otwa emanja, kuba kw'okuli kunaba kushinganine!”
\v 8 Malahika wakani abulagirha ecage cikombe oku izuba ago mango izuba lyarhegekwa mpu liyoce abantu n'omulirho gwalyo.
\v 9 Abantu bahya n'engulumirha ndarhi, lero bajacira izino lya Namuzinda ogwerhe ago mahanya omu buhashe bwâge. Cikwône barhagokolaga barha na kuzagya Namuzinda.
\p
\v 10 Malahika wa karhanu abulagirha ecage cikombe oku ntebe y'erya nsimba, ago mango obwami bwayo yubizibwa omu mwizizi. Abantu bakaciluma endimi erhi malumwa garhuma.
\v 11 Bakajacirha Namuzinda w'oku nkuba erhi ago malumwa gâbo n'ebyo bihulu byabo byo birhuma, Cikwône barhalekaga ebijiro byabo bibi.
\v 12 Malahika wa kali ndarhu abulagirha ecage Cikwône omu lwishi lunene luderhwa Efurati. Olwo lwishi lwagana mpu lyo luha abami enjira. Abo bami barhenga ebushoshokero bw'izuba.
\v 13 Enyuma ly'aho, nabona bazimu babi basharhu, Bali bashushire emidoke. Abo barhenga omu kanwa k'olya mujoka, n'omu kanwa k'erya nsimba, n'omu kanwa k'olya onywerha mpu ali murhonzi wa Namuzinda.
\v 14 Ebyo byo byarhenzirage muli balya bazimu bakajirha ebirhangaza. Abo bazimu basharhu baja olunda lw'abami basharhu b'en'igulu lyoshi mpu lyo babashimanyanya, batule entambala nnene omu lusiku lunene lwa Namuzinda ogala byôshi.
\v 15 “Yumvagya nyishire nka cishambo! Âli wa busime oyosirhe alalire analanzire emishangi yage lyo arhag'igenda arhanayambirhi, abone enshonyi zamamugwarha hano abonekana oku ayosirhe ntyo.”
\v 16 Balya bazimu bashimanyanya abami hantu haguma haderhwa omu ciebraniya mpu Harmagedoni.
\p
\v 17 Malahika wa kali nda abulagira ecage chikombe omu malunga, Izu linene lyayumvikana omu nyumpa ya Namuzinda Lyarhengaga aha ntebe, lyaderha mpu: “Byabire!”
\v 18 Hazunguka emilazo n'amazu, n'emikungulo y'enkuba, n'omusisi mudarhi gw'igulu gwagera. Harhasag'iba musisi gwa mwene ogwo kurhenga amango omuntu ali alemirwe, ogwo musisi gwali mudarhi bwenene!
\v 19 Ecishagala cinene catwika mwo mpande isharhu n'ebishagala by'omu bihugo byôshi byakunduka. Namuzinda akengera ogw'ecishagala c'e Babeli, cirya cikulu. Acinywesa idivayi ly'omu cikombe cage lyo idivayi ly'obuhane bw'obukunizi bwâge bunene.
\v 20 Amaju (orhulwa) gôshi gahirigirha, ciru n'entondo zirhacibonekaga.
\v 21 Enkuba y'olubula Yohana oku nkuba, yacirhimba oku bantu. Murhonyi muguma gwayo gwakag'ipima biro makumi anni. Ago mango abantu bakajacira Namuzinda erhi obwo buhanya bw'olwo lubula burhuma, bulya bwali buhanya budarhi bwenene.
\c 17
\cl Cigabi 17
\p
\v 1 Ago mango malahika muguma wa muli balya bamalahika nda bali fumbasire birya bikombe nda, ayisha, ambwira erhi: “Yisha obone, nakuyereka kurhi erya mbaraga nkulu egwasirwe okuhanwa. Eyo mbaraga co cirya cishagala cinene ciyubakirwe oku burhambi bw'enyishi nyinji.
\v 2 Abami b'en'igulu bacishwekire oku kukagona bo nayo, n'abantu b'omu igulu balalusire idivayi ly'okugona kwayo.”
\p
\v 3 Muka gwa Namuzinda angwarha malahika ampeka omu mpinga. Eyo munda nabona yo omukazi atamire oku nsimba y'akalinga. Eyo nsimba yali zozirwe n'amazino g'okujachira Namuzinda Yali gwerhe birhwe nda na mahemba ikumi.
\v 4 Oyo mukazi âli ayambirhe omushangi gw'akaduku erhi gunashushire omuko, Ali agwerhe eminjihizo y'ebisikiyo by'enoro, n'amabuye g'engulo ndarhi n'amagerha. Ali afumbasirhe echikombe c'en'or omu nfune. Eco cikombe chli ciyunjwire miziro mibi y'okugona kwâge.
\v 5 Emalanga gage yali eyandisirwe ogw'izino lyage omu kuhwinjika. Lyali liyandisirwe mpu: “Babeli mukulu, nina w'embaraga, na nina w'eby'okugayisa by'omu igulu.”
\v 6 Nabona oku oyo mukazi alalusire omuko gw'ab'omu lubaga lwa Namuzinda, n'omuko gwa balya bayirhagwa mpu kwenge barhalahiraga Yezu. Erhi mubona nasomerwa bwenene bwenene.
\p
\v 7 Ago mango oyo malahika ambwira erhi: “Bici birhumire wasomerwa? Nakubwira oku ihwe ly'oyo mukazi lidesirhe. Nakuhugulira n'ogw'erya nsimba emudwirhe, erya nsimba egwerhe marhwe nda, na mahembe ikumi.
\v 8 Erya nsimba wabonaga, yali izine mira mira Cikwône erhachizinigi Ekola egwasirhwe erhenge omu nyenga, eje omu hantu hayo h'okusherera. Omu bantu b'omu igulu, ab'amazino gabo garhali mayandike omu citabu c'obuziné kurhenga amango igulu lyalemagwa, basomerwa hano babona eyo nsimba: bulya yali eziné mira, Cikwône erhacizinigi: yanashub'ibonekana.
\v 9 “Ebi byo byankarhuma obwenge n'obukenguke byayerhekanwa. Galya marhwe nda, gali malango nda olya mukazi atamirhe kwo, ganaligi bami nda;
\v 10 Barhanu bamuli bo bahirimire, muguma ayimire buno, n'owundi arhaciyisha, Hano ayisha, agwasirhwe okuyima mango masungunu gone.
\v 11 Erya nsimba yali eziné mira cikwône erhacizinigi, yone yo eri mwami wa kali munani, enacirigi nguma yamuli zirya nda ntazi. Na mw'ago mango mwo na nene lyo yaja omu hantu hayo h'okusherera.
\v 12 Galya mahembe ikumi wabonaga bâli bami ikumi barhacironderha okuyima: Cikwône bahabwa obuhashe bw'akanyabwami mpu bayime nsa nguma boshi n'erya nsimba.
\v 13 Oku banali ikumi, boshi banagwerhe bulonze baguma baha erya nsimba emisi yabo n'obuhashe bwabo.
\v 14 Balwisa olya Mwana-buzi, cikwône oyo mwanabuzi wa Namuzinda abahima, bulya aba mukulu w'abakulu anaba Mwami w'abami. Abahima bôshi nabantu bâge. Abo bahamagalagwa banalondolwa. Nta mango abo bamulahirhe.”
\v 15 Olya malahika ashub'ibwirha erhi: “Galya mishi wabonaga erya mbaraga etamire kwo, ziri mbaga, na bantu banji banji n'emilala, n'abantu ba ngasi luderho.
\v 16 Galya mahembe ikumi wabonaga n'erya nsimba byashomba erya mbaraga byanayihogola ngasi ehi ejira, bibul'ileka erhaciyambirhi; byayilya nyama, bibul'iyishereza n'omuliro.
\v 17 Bulya Namuzinda ahizire emiru omu mirhima yabo, Ago mirhu gali gakujirha obulonze bwâge omu kujira ecinyabuguma n'omu kuha erya nsimba obuhashe bwabo bw'akanyabwami kuhika amango emyanzi ya Namuzinda yaba yamaba.
\v 18 Aho, olya mukazi wabonaga ciri cirya cishagala cinene cirhabwirhe abami b'omu igulu.”
\c 18
\cl Cigabi 18
\p
\v 1 Enyuma ly'ebyo nabona owundi malahika ayandagala kurhenga oku nkuba ali agwerhe obuhashe bunene, n'obulangashane bwage bwamoleka igulu lyoshi
\v 2 Ayakuza n'izu linene erhi: “Ahirimirage, ahali olya Babeli mukulu! Buno akola ali cikolo ca abazimu babera, na lwakiro lwa ngasi bazimu babi, ngasi rhunyunyi rhuzizire rhunagaywa ho rhuyubaka.
\v 3 Bulya anywesize embaga zoshi idivayi lyage, ly'okugona kwâge kubi bwenene Abami b'en'igulu bacishwekire oku kukagona boshi naye, n'okulimba kwâge kurhagwerhi lugero kwagazize abarhimbuzi b'omu igulu.”
\p
\v 4 Enyuma ly'aho nayumva erindi izu lyarhenga oku malunga lyaderha mpu: “Rhengi omu kagarhi kage ewe mwe lubaga lwâni, lyo murhag'ishangirha ebyaha byage, lyo murhag'inaba n'omwanya oku mahanya gamuhana,
\v 5 Bulya ebyaha byage byajirhe byacilundika ciru bya linda byahika oku malunga na Nnâmahanga anakengirhe ebijiro byage bibi.
\p
\v 6 Koleri ye nk'oku amukoleraga mumujuhe kabiri k'ebiajijire. Ecikombe cage mucibumbe kabiri mucibumbe na mamvu makali bwenene kulusha aga amujirirhaga.
\v 7 Mumurhindibuze n'okumulangiriza nka kulya anakag'icikuza omu bugale bwage n'omu kulimba gwâge Akacibwirha yene emurhima erhi: Ntamirage hano nka mwamikazi ntali mukana na nta mango nacibe nyifinjo.
\v 8 Co cirhumirhe amahanya abikirwe goshi gamuhana lusiku luguma: endwala, n'emishibo n'ecizombo. Omuliro gwamushereza bulya Nnahamwirhu Namuzinda wamutwirhaga olubanja, aba wa buhashe.”
\p
\v 9 Abami b'en'igulu balya bâli bacishwekire oku kukagona boshi naye n'okulimba bôshi naye balaka, babande n'emdulu erhi eco cishagala, hano babona omugi gw'okuhya kwaco.
\v 10 Bayimanga erhali hofi erhi kuyoboha amalibuko cabona kurhuma babul'ikaderha mpu: “Yoo! Babeli we! Cirya cishagala cinene na ca buhashe wamahanyagala wani! Lero buhanya buci obu! K'ensa nguma yone yamanahasha okukuhana wani!”
\v 11 Abarhimbuzi b'en'igulu nabo bali balaka n'okubanda endulu erhi yerhuma bulya ntaye ociri wabagulirha ebirugu byabo!
\v 12 E'nor n'ebyuma b'enfaraga n'amabuye g'engulo ndarhi n'amagerha n'emishangi minja y'ecitani ey'akaduku n'eshusha omuko n'eya ngasi mbero za mirhi yoshi erhabonekerera ngasi mbero z'ebintu babinja nihembe n'omu mirhi yengulo ndarhi n'omu mulinga mudukula n'omu cuma, n'omu ibuye liderhwa Marbre.
\v 13 N'omurhi gw'omudalini n'enungo iderhwa iliki n'obuku, namarasi, n'enshangi, idivayi namavurha, n'eshano, n'engano enkafu, n'ebibuzi, n'enfarasi, n'engale n'abaja, cirhu n'obuziné bw'abantu
\v 14 Abo barhimbuzi bali babwirha eco cishagala mpu: “ngasi bintu byoshi walonzagya okubona byakuhirigisire kwo, obugale bwawe bwoshi omulimbo gwawe bwakuhezirhe kwo, orhanacibibona cirhu n'ehitya!”
\v 15 Abarhimbuzi bagalaga omu kukarimbulirha muli eco cishagala byahimanga erhali hofi erhi kuyoboha amalibuko cabona kurhuma balaka, babande n'endulu,
\v 16 Bakaderha mpu: “camahanyagala cino cishagala cinene wani! Lero buhanya buci obu bwamaberha eci cishagala wee! Obone oku ciyambalaga emishangi minja y'ecitani n'emishangi yakaduku n'eshusha omuko cayambalaga ebisikiyo by'en'or namabuye g'engulo ndarhi namagerha.
\v 17 K'ensa nguma yone yamanahashaga okuheza ebi birhugu byoshi wani!” Bakabiteni b'amashuwa bôshi n'abantu bali badwirhe abashana boshi nabakolaga omu nyanja bakag'imanga erhali hofi.
\v 18 Babul'ikayakuza erhi babona omugi n'engulumirha yaco. Bakaderha mpu: Nta cishagala cisag'iba en'igulu cankagerirwe kuli eci cishagala cinene!”
\v 19 Bakacikweba akatulo oku irhwe bakalaka bakabanda n'endulo banakayakuza mpu: “Lero obuhanya boci obu! Camahanyagala ecisgala cinene cinene wani! Ci bugale bwaco bwo bwagazagya ngasibajirha amashuwa omu nyanja boshi N'ensanguma yone yone yamahasha oku heza byoshi byoshi muli co.”
\p
\v 20 Ewe mwe b'oku nkuba mushagalukirage okwo kusherera kwaco! Cishingi mwe b'omu lubaga lwa Nyamuzinda entumwa n'abaronzi bage! Bulya okubi camujijire kwo kurhumire Nyamuzinda aderha oku ciyazire!
\p
\v 21 Ago mango malahika w'obuhashe arhola enkagasi eyo nkagasi yali y'oku lwanjikwa lunene lwa kushwera ngano. Ayikweba omu nyanja, abul'iderha erhi: “Ntya kwo cirya cishagala cinene ciderhwa mpu Babeli cashangulwa idako uko liguma, cirhanakacibonekana ciru n'ehitya
\v 22 Emwawe erhanakaciyumvikana omulimba gw'enanga ciru n'ehitya abazihi, n'abazihi b'akarhera n'ab'eciroro. Erhakacibonekana ciru omufundi omanyirhe bulenga bulebe. Erhakaciyumvikana ciru izu ly'olwanjikwaluli lwashwerha engano.
\v 23 Obumoleke bw'itara burhakacimoleka emwawe cirhu n'ehitya. Erhakaciyumvikana cirhu izu ly'omuhya mulume n'ely'omuhyakazi. Bambali bawe bakag'ikurhimbulira bo balumehaga kulusha abandi bôshi omu igulu. N'omu kukolesa obukunguru bwawe kwo warhebire mwo embaga zôshi.”
\v 24 Babeli ahanyirwe bulya byabonekine ku muli ecocishagala mwafirire abarhonzi ba Nyamuzinda n'abantu b'omu lubaga lwage, omuko gwa ngasi wayisirhe en'igulu.
\c 19
\cl Cigabi 19
\p
\v 1 Enyuma ly'ebyo nayumva oku nkuba eliri nk'izu linene lyali lya bantu banji banji, lyaderha mpu: “Mucitakirhe Nyamuzinda! Okucira, n'obukulu n'obuhashe biri bya Nyamuzinda wirhu!
\q1
\v 2 Oku atwa emmanja kuba kw'okuli kunaba lushinganine wani! Bulya anatwire olubanja lw'erya mbaraga nkulu yasherezagya igulu. Eyo mbaraga yasherezagya igulu n'okugona kwayo Aderha oku eyazirhe, ayihana bulya yali yamayirha abambali.”
\v 3 Ago mango abo bantu bashub'iderha mpu: “Mushitakire Namuzinda! Omugi gw'okuhya kwa cirya cishagala cinene guli gwayinamuka ensiku n'amango!”
\q1
\v 4 Balya bagula makumi abiri nabani haguma nabirya birhemwa bini, bafukama bagashaniza Namahanga, olya Namuzinda otamala oku ntebe, babul'ikaderha mpu: “Bibe ntyo! Mucitakirhe Namuzinda!”
\v 5 Izu lyarhenga ebwa ntebe, lyayumvikana, lyabul'iderha mpu: “Mucitakirhe Namuzinda wirhu mweshi mwe bambali, na ninyu mwe muyoboha, abakulu n'abarho!”
\v 6 Enyuma ly'aho na yumva eliri nk'izu Lyali lya bantu banji bwenene lyakag'igungula nka nshalalo nene za mishi na nka malizo midarhi ya nkuba Nayumva bali baderha mpu: “Mucitakirhe Namuzinda! Bulya Nahamwirhu, Namuzinda wirhu ogala byoshi ayimirhe aka mwami!
\q1
\v 7 Rhushagaluke rhunasime, rhucitakirhe ye! Bulya amango g'obuhya bw'Omwana-buzi wage bwahisirhe n'omuhya wage acirheganyize.
\q1
\v 8 Arhegesirwe okuyambala emishangi minja y'ecitani, eri ya kulangashana enacire,” (Eyo mishangi minja y'ecitani eyerekine emikolo y'obushinganyanya y'abantu b'omu lubaga lwa Namuzinda.)
\p
\v 9 Malahika ambwirha erhi: “Yandika ntya, erhi: bali babusime balya bahagalirwe ebiryo by'oku buhya bw'Omwana-buzi.” Anashub'iyushula erhi: “Ebinwa by'okuli bya Namuzinda ebyo.”
\v 10 Namuhirima aha magulu nti mugashaniza; Cikwône ambwirha erhi: “Omanye orhondo orhahiraga wajira ntyo! Ndi winyu w'omu kasi, kandi nandi aka bene winyu bakristu balya bagwerhe okuli Yezu afululaga. Ogashanize Namuzinda.” Okuli Yezu afululaga kwo kuhira mwo abarhonzi ba Namuzinda ebinwa.
\p
\v 11 Enyuma ly'aho nabona oku nkuba kulalangusire, n'enfarasi y'akeru yayisha. Owajiri kwo, izino lyage ye mwikubagirwa na W'okuli nka atwa olubanja nisi erhi kulwa, anajire ebyo n'obushinganyanya.
\v 12 Amasu gage gakag'igulumirha nka muliro anali agwerhe amashungwe manji manji oku irhwe, ali kwo izino liyandike Eryo izino ntaye oliyishi ankaba yene.
\v 13 Ali ayambirhe akanzo kayunjwirhe muko. Izino lyage ye “kanwa ka Namuzinda.”
\v 14 Engabo y'oku nkuba yali emushimbulirhe, erhi abantu bamuli yo bôshi bali oku nfarasi z'akerhu banayambirhe emishangi minja y'ecitani myerhu enacirhe.
\v 15 Ekanwa kage yakag'irhenga engorho nyoji yo ashurha mwo embaga. Abarhambula n'akarhi kage n'oku kugulu Namuzinda ogala byoshi.
\v 16 Oku kanzo kage n'oku kugulu kwage byali biyandisirhwe kwo izino. Eryo izino luyali lyandike mpu: “Mwami w'abami na Mukulu w'abakulu.”
\p
\v 17 Enyuma ly'aho nabona malahika ayimanzirhe omu izuba Ayakuza n'izu linene, abwira orhunyunyi rhwoshi rhubalala emalunga erhi; “Yishi, shubuzanyi oku idinye linene lya Namuzinda!
\v 18 Yishi mulye eminyafu y'enyama z'abami, n'eya bajenerali n'ey'abasoda; eminyafu y'enfarasi n'ey'abazigenda kwo; eminyafu y'abantu bôshi abaja n'abarhali baja, n'abakulu n'abarho.”
\v 19 Enyuma ly'aho nabona ensimba, nabona n'amabi b'en'igulu n'engabo zabo. Abo bali bacishubuzize mpu balwise olya wali oku nfarasi mpu balwise n'engabo yage,
\v 20 Erya nsimba yahirhwa omu mugozi bôshi n'olya wakag'inywerha mpu ali murhonzi wa Nyamuzinda, ye wanakag'ijira ebirhangaza emalanga gayo, Ebyo birhangaza byo arhebaga mwo balya bali bamahabwa ecimanyiso c'erya nsimba n'okugashaniza ensanamu yayo. Eyo nsimba n'oyo wakag'inywerha mpu ali murhonzi wa Namuzinda bakwebwa omu nyanja y'omuliro erhi banaziné. Omwo mwo ecibiriti cakag'ihira.
\v 21 Abandi bayirhwa n'engorho yarhengaga ekanwa k'olya wali kuli erya nfarasi, na rhulya rhunyunyi rhwoshi rhwakalya eminyafu yabo.
\c 20
\cl Cigabi 20
\p
\v 1 Enyuma ly'aho, nabona malahika ayandagala oku nkuba Âli afumbasirhe olwigulo lw'erya nyenga, n'obudagule bunjogolo bunene bwenene.
\v 2 Agwarha olya mujoka, erya njoka ya mira, kwo kuderha oku lyangombe erhi Shetani, amushweka myâka cihumbi.
\v 3 Oyo malahika alukweba omu nyenga, ayihamika n'olwigulo, abul'ishurha kwo ecifaso mpu lyo olya mujoka arhag'ishub'ihabula embaga kuhika erya myaka cihumbi ebe yamahwa Enyuma ly'ebyo agwasirhwe alikwe kasanzi kasungunu.
\p
\v 4 Enyuma ly'aho nabona entebe: à bâli bazitamire kwo bahabwa obuhashe bw'okutwa manja, Nabona n'emyûka ya balya bayirhagwa mpu kwenge badesirhe oku Yezu afululaga n'okwenge badesirhe akanwa ka Namuzinda Barhagashanizagya erya nsimba, erhi ensanamu yayo barhanarholaga cirya cifaso c'erya nsimba ebusu erhi oku kuboko. Bafuka, babul'iyima bôshi na Kristu myaka cihumbi.
\v 5 Abandi bantu bafîre barhafukaga kuhika eyo myaka cihumbi ehike. Kwo kufuka kùrhanzi okwo.
\v 6 Bâli ba busimé banali bagishe kwabo kwabo abo bagwerhe ecigabi muli oku kufuka kurhanzi! Olufu lwa kabiri lurhagwerhi buhashe kuli bo. Baba bajinji ba Namuzinda naba Kristu babul'iyima bôshi naye myaka cihumbi.
\p
\v 7 Hano erya myaka cihumbi eba yamahwa, Shetani ashwekulwa omu mugozi ali ashwekirwe mwo,
\v 8 Abulig'igenda aj'irheba embaga zilumirhe omu igulu lyoshi kwo kuderha oku Gogi na Magogi. Abagusha haguma mpu baj'ilwa. Abo bantu baba banji nka rhumogomogo rhw'omushenyi gw'omu nyanja.
\v 9 Bagende omu igulu lyoshi bazunguluka n'ikambi ly'olubaga lwa Namuzinda n'ecishagala kurhenga' oku nkuba gwabashereza.
\v 10 Ago mango lyangombe wakag'ibarheba akabulirwa omu nyanja y'omuliro n'ecibiriti Haho aja mwo, erhi erya nsimba n'olya wakag'inywerha mpu âli murhonzi wa Namuzinda mwo bakola bâli Barhindibuka mushi n'obudufu ngasi lusiku.
\p
\v 11 Enyuma ly'aho nabona enwtrebe nene nyerhu nabona w'onali Itamirhe kwo igulu n'oku nkuba byamuyaka birhanacibonekanaga.
\v 12 Enyuma ly'aho naabona abafirhe abakulu nabarho nabona bayimanzirhe emalanga g'entebe nEbitabu byabugulwa, Ecinda naco cabugulwa co citabu cobuzine abafirhe bakag'itwirwa emanja nk'oku ebi bakag'ijira byana biyosirhe omu kushimbulirha ebyali biyandirwe muli ebyo bitabu.
\v 13 Eyanja yashala abantu bafîre bayiri mwo, Lufu n'ahantu abafire ba ba nabyo byashala abantu babaga eyo. Abo boshi banafwirha emanja omu kushimbulirha ebi banakozirhe.
\v 14 Lufu nahantu bafîre baba byakabulirwa omu yanja y'omuliro Eyo nyanja y'omuliro lwo lufu lwa kabirhi olwo.
\v 15 Ngasi yeshi izino lyage lirhali liyandike muli ec'ocitabu cobuzine akabulirwa muli eyo nyanja ya muliro.
\c 21
\cl Cigabi 21
\p
\v 1 Enyuma ly'aho nabona oku nkuba kuhyahya n'igulu lihyahya. Oku nkuba kurhanzi n'igulu lirhanzi erhi byahirigisire, n'enyanja erhacihabaga.
\v 2 Ago mango nabona cirya cishagala cimana ecishagala c'e Yerusalemu cihyahya ciyandagala oku nkuba cirhenga hali Namuzinda. Eco cishagala cali cireganye nka muhya ocigoshwire amango akola aja oku buhya.
\v 3 Nayumva izu linene lyarenga aha ntebe, lyaderha mpu: “Namunzinda akolaga aberha omubantu! Abarha boshi nabo, nabo baba lubaga lwage, Namuzinda yene abaho boshi nabo anaba Namuzinda wabo.
\v 4 Ahorhola ngasi mulenge gw'omu masu gabo, Harhakaciba lufu harhakaciba ciru n'emishibo, erhi ndulu, erhi malumwa, Ebya mira byahirigira.”
\p
\v 5 Ago mango olya wali tamirhe oku ntebe aderha erhi: “Nkolaga njijirhe ebintu byoshi bihyahya.” Enyuma ly'aho ambwirha erhi: “Yandika ebi bulya ebinwa byani biba by'okuli binakwanine okucikubagirwa.”
\v 6 Ashub'inayushula erhi: “Byajirikine! Nié ndi Alfa na Omega, omu rhonderho n'obuzinda. Ogwerhe n'enyorha, namuha ebi anywa buzira kugula. Aywerha aha nshoko y'amishi g'obuzine.
\v 7 Abahima, nabashoboza ebyo mbul'iba Namuzinda wabo nabo babe bagala bani.
\v 8 Cikwône aboba n'abarhali bemezi, n'abantu bamirhima mibi, n'abisi b'abantu, n'abagona nabajirha obukunguru, n'abagashaniza ensanamu, n'abanywesi boshi ahabo hantu hanali muli erya nyanja eyaka muliro n'ecibiriti. Lwo luligi lufu lwa kabiri olwo.”
\p
\v 9 Malahika muguma wa muli balya bali bafumbasirhe bikombe nda biyunjwirhe mahanya nda ga buzinda ayisha, ambwirha erhi: “Yisha, nakuyerheka omuhya oli nka muka Omwanabuzi wa Namuzinda.”
\p
\v 10 Mûka gwa Namuzinda agwarha n'olya malahika ampeka oku burhwerhwe bw'entondo ndiri bwenene. Anyereka cirya cishagala cimana, Yerusalemi yayandagalaga oku nkuba kurhenga ali Namuzinda.
\v 11 Cali cijirhe calangashana oku bukuze bwa Namuzinda burhuma eco cishagala cakag'ilangashana bulangashana bushushire nka bw'ibuye lya ngulo ndarhi, nk'ibuke lya yaspi, liri lyalangashana mka nshangabuye.
\v 12 Cali cigwerhe olukuta lunene naluliri. Emihango yaco yali ikumi n'ibiri, na bamalahika ikumi naba biri bakag'ilanga eyo mihango kuli eyo mihanga kwali kuyandisirwe amazino g'emilala ikumi n'ibiri y'olubaga lw'Abisiraeli.
\v 13 Ngasi lunda lwali mihango isharhu isharhu: isharhu ebushoshokero bw'izuba isharhu ebuzikiro bwalyo, isharhu ekulyo, n'isharhu ekulembe.
\v 14 Olukuta lw'eco cishagala lwali ludekerire oku mabuye ikumi n'abiri Ago mabuye gali yandisirwe kwo mazino ikumi n'abiri g'entumwa z'Omwana-buzi wa Namuzinda.
\p
\v 15 Olya malahika wadesagya ali afumbasirhe olugerho lushekesheke lwa noro. Aligi agera mwo eco cishagala, n'emihango yaco n'olukuta lwaco.
\v 16 Eco cishagala, cali ca kare obuliri n'amarhambirhambi byali biyumanine. Oyo malahika agera cirya cishagala na lulya lushekesheke lwage; cali cigwerhe bilometre bihumbi bibiri namakumi abiri oku buliri, canaligi cigali obuli bw'enyanya n'obw'omu marhambi.
\v 17 Olya malahika agerha n'olwo lukuta lwali lugwerhe metre makumi gali nda n'ibiri kuja enyanya, omu kushimbulirha olugero ayorhaga akolesa.
\p
\v 18 Olwo lukuta lwali luyubake n'amabuye g'eyaspi, n'ecishagala cone cali ca noro zicire, canakag'ilangashana nka ciyo.
\v 19 Amabuye g'omusingi gw'olwo lukuta lw'eco cishagala gali matake Mabuye ga ngasi lugero ga ngulo ndarhi go gali ganjirhwe gayinjihya iIbuye lirhanzi lyo musingi lyali lya yaspi, elya kabiri lyali lya safilo, elya kasharhu lyali lya agate elya kani lyali lya emerodi,
\v 20 Elya karhanu lyali lya onigisi, elya kali ndarhu lyali lya sardoniki, elya kali nda lyali lya krisoliti erya kali munani lyali lya berulo, elya kali mwenda lyali lya topaze elya kali kumi lyali lya krisoparase, elya kali ikumi na liguma lyali lya tirikwaze n'elya kali ikumi n'abiri gali magerha ikumi tusta.
\v 21 Eyo mihango ikumi n'ibiri gali magerha ikumi n'abiri, Ngasi lumvi lwali lujijirwe n'igerha liguma lyone Ibarabara ly'omu cishagala lyali lya noro zicire, zakag'ilangashana nka ciyo.
\p
\v 22 Nabonaga nyumpa ya Nnâmahanga muli eco cishagala, bulya Nahamwirhu Namuzinda ogala byoshi bo n'Omwana-buzi bo baba myumpa ya Nnâmahanga ya mwo.
\v 23 Eco cishagala cirhancifinjiri kumolekerwa n'izuba erhi mwezi, bulya obulangashane bwa Namuzinda bwo bucimoleka n'Omwana-buzi lyo itara lyaco.
\v 24 Embaga z'en'igulu zalambagirha omu bulangale bwage, n'abami b'en'igulu baheka mwo amagale gabo.
\v 25 Enyumvi z'eco cishagala zakalegerera ziyigwirwe. Zirhayigalwa ciru n'ehitya, bulya harhakaba budufu.
\v 26 Omwo mwanahekwe obugale n'obukulu bw'embaga.
\v 27 Cikwône ntahyo hizinzire hyanaje muli echo chishagala, nisi erhi ciru omuntu ocishwekera oku kukajira amabi n'obunywesi omwo murhakahika abarha yandikagwa omu citabu c'obuziné, cirya citabu c'omwana-buzi.
\c 22
\cl Cigabi 22
\p
\v 1 Olya malahika anyereka n'olwishi luba mwo amishi g'obuzine. Olwo lwishi lwakag'ilaza nka nshangabuye. Lwakag'irhenga aha ntebe ya Namuzinda na y'Omwana-buzi.
\v 2 Lwakahulula omu kagarhi k'ibarabaraly'ecishagalaNgasi burhambi bw'olwo lwishi yali omurhi gw'obuzine, gwakag'iyera kali ikumi nakabiri omu mwaka ngasi mwezi liguma, Ebyasi byago byakag'ikolesibwa okufumya empanga harakaciba.
\v 3 Hanraciba ciru n'ankatu kaguma kagwarhwa n'obuheherere bwa Namuzinda Entebe ya Namuzinda n'ey'Omwanabuzi wage yaba omu cishagala na bambali ba Namuzinda bamugashaniza.
\v 4 Babona obusu bwage n'izino lyage lyayandikwa ebusu bwabo.
\v 5 Murhaciba budufu barhankanalonza ciru obumoleke bw'itara, erhi bw'izuba bulya Nnahamwirhu Namuzinda abalumiza kwo obumoleke bwage nabobayish'iyima ensiku n'amango.
\p
\v 6 Enyuma ly'aho olya malahika ambwirha erhi: “Ebi binwa biri by'okuli binakwanine okuchikubagirhwa. Nnahamwirhu Namuzinda oha abarhonzi bage Mûka gwage arhumire malahika wage mpu oyo malahika ayereka abambali ebigwasirwe okuba buno buno.”
\v 7 Yezu adesire erhi: “Yumva nayisha buno buno! Bali ba busime abayumvirhe banajijire ebinwa eci citabu cilebire bidesirhe!”
\p
\v 8 Niene nié Yohana nayumvirhe ebi nanabibona, n'erhi nyusa okubiyumva n'okubibona, nahirima aha magulu g'olya malahika wabinyerekaga nti mugashanize.
\v 9 Cikwône ambwirhe erhi: “Omanye irhondo orhahiraga wajira ntyo! Ndi muntu wa kasi akawe nandi muguma w'omu barhabala bene winyu bakristu, balya barhonzi ba Namuzinda kandi nadi wamuli balya boshi bayumva ebinwa by'echitabu n'okujirha oku bidesire, Ogashanize Namuzinda!”
\v 10 Enyuma ly'aho ambwirha erhi: “Orhafulikaga ebinwa eco citabu cilebire bulya akansazi Namuzinda atwiraga ebi byoshi kakola kali hofi.
\v 11 Mâshi ôba n'omurhima mubi agenderere okukajira amabi, n'oba w'izinga agenderere okukaba w'izinga óba n'omurhima mwinja agenderere n'okukajira aminja, n'oba mwimana agenderere n'okukaba mwimana.”
\p
\v 12 Yezu adesirhe erhi: “Yumva, nayisha buno buno! Nayisha ndwirhe empembo zani, nakaha ngasi muguma nka kulya anayish'iba akozire.
\v 13 Nié ndi Alfa na Omega nié wa burhanzi na wa buzinda, omurhonderho n'obuzinda.”
\v 14 Bâli ba busime abashusire amakanzo gabo, ci cirhumirage bagwerhe obuhashe bw'okulya ilehe lya kuli gulya murhi gw'obuzine n'okugerera omu muhango baje omu cishagala.
\v 15 Cikwône enyuma ly'echishagala eri abantu b'emirhima mibi, n'abajira obukurugu, n'abagona, n'abisi b'abantu, n'abagashaniza ensanamu na ngasi banywerha bôshi omu binwa n'omu bijiro!
\p
\v 16 “Niene nié Yezu, narhumire malahika wani nti amushambalire ebyo byôshi omu Marhwe g'Abakristu. Mba w'omu buko bw'omu mulala gwa Daudi, mba nyenyezi (ntonde) elangashana, erya y'esezi.”
\p
\v 17 Mûka gwa Namuzinda bo n'omuhya badesirhe mpu: “Yisha!” Oyumvirhe ebyo mâshi naye aderha erhi: “Yiisha!” Mashi ogwerhwe n'enyorha ayishe, Owalonza amishi g'obuzine agahirhwe buzira kugula.
\p
\v 18 Niene nié Yohana nie bwizire abantu boshi ihano likulu. Mbwizire abo bayumvirhe ebinwa eci citabu cilebire nti omuntu yeshi yeshi wanayushule kwo akantu, Namuzinda amuyushulira obuhane. Obwo buhane abuhira kuli galya mahanya gâli mayandike muli eci citabu.
\v 19 N'erhi hankajira owakula akantu ka muli ebi binwa ei citabu cilebire, Namuzinda amukula ecigabi c'oku malehe ga gulya murhi gw'obuzine n'ecage cigabi c'ecishagala cimana. Ebyo byoshi biri biyandike muli eci citabu.
\p
\v 20 Oy'odesire ebyo byôshi obudima, adesire erhi: “Neci, nyishire buno buno!” Yo! Mashi bibe ntyo! Yiisha Nnahamwirhu Yezu!
\p
\v 21 Mâshi, obugashane bwa Nnahamwirhu Yezu bubere haguma n'abantu boshi.