See in Reader
87 lines
8.9 KiB
Plaintext
87 lines
8.9 KiB
Plaintext
\id 2PE
|
|
\ide UTF-8
|
|
\h Petero 2
|
|
\toc1 Petero 2
|
|
\toc2 Petero 2
|
|
\toc3 2pe
|
|
\mt Petero 2
|
|
\c 1
|
|
\cl Cigabi 1
|
|
\p
|
|
\v 1 Simoni Petero mwambali na ntumwa ya Yezu kristu, kuliboshi bashobwire okukugaba obuyemere buguma bw'ecitwiro cidarhi nka n'obwirhu, oku bushinganyanya bwa nyamuzinda wirhu n'omucunguzi Yezu kristu.
|
|
\v 2 Enshokano n'omurhula muyushulirwe omu kumanya nyamuzinda na Yezu nawirhu!
|
|
\p
|
|
\v 3 Nkoku buhashe bwage bwa nyamuzinda bwarhuhire ngasi byoshi bishinganine okubuzine n'okubushibirizi, omunjira y'okumanya olya warhuhamagalaga l'irenge lyage n'emisi yage yene.
|
|
\v 4 Nakuli ebyola, arhuhire okubwage endaganyo nene bwenene n'ez'ecitwiro cidarhi, mpulyo kulizo muhinduka bana cinabuguma bwoborhere bwa nyazinda, omu kulibirha (kurhenga) obubi buli mwer'igulu erh'ilala lirhuma.
|
|
\p
|
|
\v 5 Okwokwo kunarhumage mwaciseza kulusha oku yushula okubuyemere enkomedu nyinja, okunkomedu nyinja obumanye.
|
|
\v 6 Oku obumanye obulembedu, okubulembedu obumanye, olugero, okulugero, obushibirizi.
|
|
\v 7 Okubushibirizi, ecinyabuguma, n'okucinyabuguma, obuzigire.
|
|
\v 8 Bbulya erh'ibebintu byakaba birimuli mwe, n'okugandaza okubunji, garhankamuleka mwayorha maboko mumu nabuzira emburho omu (kumanya) bumanye bwa nnawirhu Yezu kristo.
|
|
\v 9 Cingasi orhagwerhi ebyo, guli muhurha, orhabona kuli, orhacikengera oku ashukagwa ebyaha byage byamira.
|
|
\v 10 Cocirhumire, bene wirhu, mucihanganage kulusha, okuzibuha omukuhamagalwa n'omukucishogwa kwinyu; bulya erhi mwanka jira ntyo, ntamango mwana hirime.
|
|
\v 11 Ntyola, okubundi, okuy'ishija omubwami bw'ensikun'amango bwa nnawirhu na mucizaYezu kristu rhwayishi habwa buzira kugererwa.
|
|
\p
|
|
\v 12 Eco cirhumire nakaba rhola n'obushiru bw'okuba kengeza ebyo bintu (binwa), ciru akaba mulimanyire n'okuba mugenzire buzibu omu okuli.
|
|
\v 13 N'ambwine ukuguli mukolo, kubazusa n'okuba kenge nti muyorhe mulimasu.
|
|
\v 14 Bulya mmanyire okunacirhengamo duba, nk'oku nawirhu Yezu kristu abimanyisagya.
|
|
\v 15 Cikone nacihangana, lyo hanomban'agenzire muyishi kakengera ebi bintu.
|
|
\p
|
|
\v 16 Arhali omukushimba bulya emigani yalibikagwa y'obwenge erhirhumu manyisa obuhashe n'okuyisha kwa nnawirhu Yezu kristu, cikulya kuba rhwabwine obulangashane bwirenge lyage n'amasu girhugone.
|
|
\v 17 Bulya ahabirwe na nymuzinda larha obukuze n'irenge, erhi amango irenge liyunjwire bulangashane lyamu lerhera izu lyaderhaga: oyuye mugala wani muzigirwa, ye nchishingirammo.
|
|
\v 18 Rhwanayunvirhe n'eryo izu lya hubukaga emalunga erhi rhulirhwenaye oku ntondo ntagatifu.
|
|
\v 19 Ntyo rhusezire kulusha okukanwa k'obulebi, kuliko mwajizi bwinja mkalole nkakamole kamoleka ahantu h'omwizimya, kuhika olusiku lwahika lucanwire n'enyenyezi y'esezi elangashane omu mirhima yinyu.
|
|
\v 20 Mumanye embere lyabyoshi mwenene oku nta bulebi bw'omu maandiko buhugulwa nkok'omuntu alonzize.
|
|
\v 21 Bulya ntamango obulebi busagi lebwa oku bulonza bw'omuntu, ci abantu barhumirwe na nyamuzinda mpu baderhe, kuderhesibwa bakagi derhesibwa namuka mutagatifu.
|
|
\c 2
|
|
\cl Cigabi 2
|
|
\p
|
|
\v 1 Hali omu lubaga abalebi b'obunywesi, nahayishiba kwonokwo ekagarhi kinyu ab'igiriza bw'obunywesi, balerh'emilala mibi, bana hakane ciru n'ahamwabo wabacungula, n'okucilerhera bone obuhanya.
|
|
\v 2 Banji banaba shimbe omulugendo lwabo lw'okujira ebye nshonyi, n'enjira y'okuli yayishi logorherwa erhi bwo barhuma.
|
|
\v 3 Omu nyifinjo mbi (magene gabo) bamulonzakwo obunguke n'ebinwa bw'obwengehuza, bobalya kurhenga mir'olubanja lwabo lurharhinde, n'okuhera kwabo kurhahuniri (kuli kurheganya).
|
|
\p
|
|
\v 4 Bulya akaba nyamuzinda arhababaliraga bamalahika balamaga, ci abaloha omunyenga ziyunjwire mwizimya, mpu balingiremwo olubanja.
|
|
\v 5 Akaba arhababaliraga igulu lyamira, ci alonga bantu munani mulibo Nuhu muhamiriza w'obushinganyanya, okubundi ancilikira ecihonzi kuli er'igulu ly'abantu babi.
|
|
\v 6 N'akaba atwire olubanja l'okushaba n'okujira luvu engo za Sodomo na Gomora, abaha olwiganyo okubagomo bayishiyisha (bayishi haba)
|
|
\v 7 n'akaba acizize omushinganyanya Loti, wakagi shologorhwa bwenene n'olugendo lubi lwabo bantu barhajiraga lugero omu kuhusa.
|
|
\v 8 Bulya oyo mushinganyanya, wayubakaga ekarhi kabo, akagi yumva ababire ngasi lusiku mu murhima gwage mweru kweru erhi ebijiro byabo bibi akazagi bona n'okuyumva birhuma.
|
|
\v 9 Nyasane agwerhe obuhashe bokulikuza abantu binja omumalibuko n'okulek'ababi mpu bayishi hanwa olusiku lw'olubanja.
|
|
\v 10 Bwenene balya bashimba ilala ly'omubiri omukujira eby'enshonyi banagayaguze obukulu. Bacibonyi nabalya baka logorha, barhayoboha okujacira eb'irenge.
|
|
\v 11 N'obwo ba malahika, baba lushire emisi n'obuhashe barhabiderha kubi (barhabi twira olubanja) omu kubijacira embere za nyakasane.
|
|
\v 12 Ci abala bohe, kwo banaci yorhera nka nsimba zirhajira bukengere zaburhiragwa oku gwarhwa, n'oku yirhwa; banacilogorhere kone oku ebibarha manyiri, banayishi hererekera erhi buho bwabo burhuma.
|
|
\v 13 Nantyo bahabwe oluhembo lw'amabi gabo. Balongeza iragi omumasima g'akasanzi kasungunu; abantu biribirema bayunjwire izinga, banakammurheba n'irala lyabo omu kulya amadinie haguma ninyu.
|
|
\v 14 Amasu gabo gayunjwire bugonyi na ntamango amiru gabo g'ecaha gayigurha; bana gwarhire omu mirhego yabo, amaroho garhazibuhiri, bagwerhe omurhima gukomire okurhali kucifinja ebyen'igulu; bali bana b'obuheherere.
|
|
\v 15 Erhi barhenga omunjira eyumanine, bahabuka bashimba z'abalamu, mwene Bozori, owasimag'oluhembo lw'obubi.
|
|
\v 16 Ci ayagirizibwa okubuli bwage: ecihesi cirhanka hashi derha, carhengamwo izu lyo muntu, cahanza isirhe lyoyo mulebi.
|
|
\p
|
|
\v 17 Abola bantu gali maliba garhalimwo mishi, biribitu byayehulwa n'akalemera; omwizimya, n'omwizizi bidwirhe byaba linga.
|
|
\v 18 Haguma n'ebinwa byobucibone birha gwerhi nda na mugongo, banaka shumika omu marala g'omubiri, n'omuby'enshonyi oku bantu baci genderire okulama omubintu byoku baheza.
|
|
\v 19 Banaba laganye mpu babe ntagengwa, n'obo bone balibaja b'obuli bwolo, bulya ngasi muntu aba muja w'omuhimire.
|
|
\v 20 Obula barhenzire omu buja bw'igulu, omukumanya nyakasane, n'omucunguzi Yezu kristu, erhi banka cirikirira kandi n'okuhimwa, oborhere bwabo buzinda erhi bukola bubi kulusha obw'oburhanzi.
|
|
\v 21 Bulya nkwakabire kukulu kulibo okurhamanya enjira y'obushinganyanya, erhi baba bamayimanya nabuzinda bagali leka eryola irhegeko litagatifu bahabagwa.
|
|
\v 22 Kulyala byaba hikire nkoku gunomugani gwa kuli gudesire: akabwa kashubirire ebishaliza byako.
|
|
\c 3
|
|
\cl Cigabi 3
|
|
\p
|
|
\v 1 Loligi, birabani, maruba ga kabirhi aga muyandikira muligombi okuganali mukengezize nti muzuse obwengebwinyu nkana,
|
|
\v 2 mpulyo mukengera ebintu byaderhwa kurhenga ebintu byaderhwa kurhenga mira n'abalebi batagatifu n'irhegeko lya nyakasane n'omucunguzi.
|
|
\p
|
|
\v 3 Mwayigirizibagwa n'entumwa zinyu, mumanye embere lyabyoshi; oku omunsikunzinda, hayishiba abantu basima okugayagusa n'okubashekera, bakashimba irala lyabo bone.
|
|
\v 4 N'okuderha: ngahi cirigicirya ciragane c'oku yisha kwage? Kali kurhenga mira balarha bafaga, nabyoshi kwobinaciri kurhenga aha murhondero gw'okulema.
|
|
\v 5 Bbalonzize okuyibgira kuli obu, oku kurhenga mira amalunga hogaba oku oluderho lwa nyamuzinda ko kuguma n'igulu lyarhenzibagwa omu mushi n'okubalizonzirwe n'amishi.
|
|
\v 6 Nakuli ebyo bintu, igulu lyako kasanzi lyamirwa, lya hererekera n'amishi.
|
|
\v 7 Nakandi kuli ololuderho, amalunga n'igulu biriho biribilange muhako n'okubirwa omuliro, okulusiku l'olubanja n'olokuhererekeza kw'abantu babi.
|
|
\v 8 Cihali akantu, birabani, murha kwanini muhabe, oku embere nyakasane, lusiku luguma kwokuli nka myaka cihumbi, na myaka cihumbi kweri nka lusiku luguma.
|
|
\v 9 Nyakasane arhalegeriri oku yunjuza eciragane nkoku baguma baka gerereza ci lukogo olw'amubera kulya kuba arhalonza hajire owahera. Ci alonza boshi baci yunjuze.
|
|
\v 10 Olusiku lwa nyakasane kwo lwayishe nka cishambo, olwo lusiku amalunga gahirigirhe n'omululumo munene, ebiremwa bisingonosire kuzonga bya zonge, n'igulu n'ebijiro biba muliryo kusingonoka bya singonoke.
|
|
\p
|
|
\v 11 Akaba ebibyoshi kuzonga byazonge kabirha shinganini okuba bitagatifu omu lugendo lwinyu n'okuka yorho mwa gashaniza.
|
|
\v 12 Omukulinga n'omukucifinja okuyisha kw'olusiku lwa nyamuzinda, bulya kulilo amalunga ga gulumira gana singonoke, n'ebiremwa bizonge n'idurhu.
|
|
\v 13 Ci erhi rhunadwirhe rhwalinga, nkakulya arhulaganyagya, amalunga mahyahya n'igulu lihyahya, mwayishi ba obushinganyanya.
|
|
\p
|
|
\v 14 Co cirhumire, bazigirwa bani, omuku linga ebyo bintu, muciseze ayishimushimana buzira ishembo n'aberukweru omu murhula.
|
|
\v 15 Mumanye oku olukogo lwa Nahamwirhu buba bucunguke bwinyu, nkakulya mwene wirhu muzigirwa Paolo naye amuyandikiraga; omu bwenge bushinganyanya ah'abirwe.
|
|
\v 16 Caba ntyo kwo anakola omu maruba gage goshi, ayigiriza mwo ebyo binwa, muli ago maruba muli binwa biguma bizibu oku nyumva n'abantu bahwinja barhajira ntege banaka bihindula nkakulya bajira agandi mandiko oku buhererekeze bwabo bw'one (ntyo bacilerhere nyamanja)
|
|
\v 17 Ci mwehe, birabani, mwabo mukola mumanyire, muci kemage (mube masu), mulekirhebwa n'obunwesi bwezo ntumva, obone mwama hirima.
|
|
\v 18 Cimu yushuke omu nshokano n'omu bumanye bwa Nnawirhu n'omucunguzi Yezu kristu. Kuliye irenge, bunola nakuhika olusiku lw'emyaka n'emyaka. Bibe ntyo
|