See in Reader
154 lines
17 KiB
Plaintext
154 lines
17 KiB
Plaintext
\id 1PE
|
|
\ide UTF-8
|
|
\h Petro 1
|
|
\toc1 Petro 1
|
|
\toc2 Petro 1
|
|
\toc3 1pe
|
|
\mt Petro 1
|
|
\c 1
|
|
\cl Cigabi 1
|
|
\p
|
|
\v 1 Nie Petro, ntumwa ya Yezu kristu. Aga maruba ngarhumiire byala Nnamuzinda acïshogaga, bo bànali elubungo. Bàshandabiine omu cihugo: omu ponto, n'omu kapadokiya, omu Aziya n'omu bitiniya.
|
|
\v 2 Mwacïshozirwe omu kushimbuulira oburhegaanye mungu laarha arhangag'ijira, munali bantu baage erhi muuka waage orhuma, muli bantu baage mpu lyo muyumwa ebi Yezu kristu àdesire n'okushukulwa n'omugwaage.
|
|
\p
|
|
\v 3 Nnamuzinda aganze, Ishe wa Nnahamwiirhu Yezu kristu! Omu bwinja bwaage bunene, arhuhiire obuziine buhyaaya omu kufuula Yezu kristu. Ntyo kwo rhugweerhe mwo obulangaalire buziine,
|
|
\v 4 Rhwanahashaga n'okushagalukira ebirugu Nnamuzinda abiikiire abantu baage. Ebyo biri birungu birhankahasha ciru okubola niisi erhi kuzinga, nisi erhi kuchuya Nnamuzinda amubikire ebyo enyanya emwage.
|
|
\v 5 Amubikire byo mwe obuhashe bwage bulanga omu kukolesa obwemere kuhika obuchire buishe Obwo buchire bukola buchigoshwire okufuluka oku buzinda bw'amango.
|
|
\v 6 Ciru ankaba buno mukwanine mulibuke mango masungunu omu marhangulo ga ngasi lubero, mushagalukire okwo.
|
|
\v 7 Ago marhangulo gali ga kugera obwemere bwinyu buli bunganaci. Ennoro erhenganyibwe okuhererekezibwa, n'obwo muliro erhangulwa mwo: n'obwemere bwinyu kwo n'okwo, obonage oku bwo bunajira obunguke bunene kulusha. Kurhangulwa burhangulwa lyo buyerekane obuzibu bugwerhe. Na ntyo kwo mwankahabagwa mwo obukuze, n'obulangashane n'olukengwa hano Yezu Kristu ayisha.
|
|
\v 8 Kusima mumusima, n'obwo murhamubonaga; mumuyemere n'obwo buno murhali mwamubona co cirhumire mushagalusire obushagaluke bw'obukuze, bunene bulya burhagwerhi oku bwankaderhwa,
|
|
\v 9 Bulya muhirwe eci obwemere bwinyu bwalonzagya, kwo kuderha oku obucire bw'obuzine bwinyu.
|
|
\p
|
|
\v 10 Obwo bucire bwo abarhonzi ba Nnamuzinda bajaga balongereza n'okufuukula banaleba ebidesire ogw'enshobolo Nnamuzinda âli amushoboza.
|
|
\v 11 Bakag'iceseza mpu bamanye mango gahi na kurhi biri ebyo muka gwa Kristu amanyisagya bulya oyo muka wabali mwo, arhanzir'ikaderha ogw'amalibuko Kristu ali agwasirhwe abone n'obulangashane bwali bugashimbulirhe,
|
|
\v 12 Nnamuzinda afululirhe abarhonzi bage oku amyanzi bali bahirhwe mpu baderhe erheli yabo bone, cikwone yali yinyu. Eyo myanzi mwayihiragwe buno. Abagiriza b'Emyanzi y'Omurhula, balya baderhaga n'obuhashe bwa Muka gwa Nnamuzinda warhumagwa kurhenga enyanya emwa Nnamuzinda, bamubwizirhe yo. Ciru bamakahika nabo bone bankasimire okuyimanya.
|
|
\p
|
|
\v 13 Co cirhumire mugwasirhwe mucirhenganye okukola. Muyorhe mulalire n'okulangalira bwenene enshobolo mwashobola hano Yezu Kristu ayisha,
|
|
\v 14 Mukayumva ebi Nnamuzinda adesire murhanashishwekerhaga oku gw'enyifinjo mwali mugwerhe mira, amango murhali muyishi bici.
|
|
\v 15 Cikwone mube bimana omu bijiro binyu byoshi, nka kula Nnamuzinda wamuhamagala aba mwimana
|
|
\v 16 Bulya Amandiko gadesirhe mpu: “Mube bimana, bulya mba mwimaana.”
|
|
\p
|
|
\v 17 Omu kushenga kwinyu munahe Nnamuzinda izino lya Larha ye twira abantu boshi emanja na kuguma azitwa omu kushimbilira nka kulya ngasi muguma anakozire. Co cirhumire aga mango gacimusigalire mwacibera omu igulu, omu bijiro binyu muyerekane obukenge mumugwerhe kwo.
|
|
\v 18 Bulya mumanyire oku ngulo nchi mwachizibagwa mwo kurhenga muli bulya bulamu bwa busha busha bashakuluza binyu bamusigiraga. Birhajirikanaga ntyo oku njira y'ebintu by'okuheza obunguke bwabyo, nka nfaranga erhi nnoro,
|
|
\v 19 Mwacizibwe omu njira y'enterekero y'engulo ndarhi ya Kristu. Oyo kwo ali ayosirhe nka mwanabuzi arhali kwo ishembo erhi izinga.
|
|
\v 20 Nnamuzinda acishozirhe Kristu embere igulu lirhacilemwa ayerekinwe na Nnamuzinda mpu lyo mubona aminja muli aga mango, go gali ga buzinda.
|
|
\v 21 Muli ye muyemirhe Nnamuzinda wamufulaga anamuha obulangashane ntyo kwo obwemere bwinyu n'obulangalirhe bwinyu biyerekire emunda Mungu ali.
|
|
\p
|
|
\v 22 Mwashukwirhwe erhi kulya kuyimva n'okujira ebi okuli kudesirhe kurhuma, lyo musima buzima buzira bulyalya balya balibene winyu omu bwemere Musimanage bwenene n'emirhima yinyu yoshi.
|
|
\v 23 Bulya mukola mubusirhwqebwa kabiri. Arhali bala balarha bafa bo bamubusirhe cikwone mubusirwe n'erya mburho erhafa. Mubi'irage ntyo erhi kalya kanwa ka Nnamuzinda k'obuzine kanali k'ensiku n'amango ko karhumire.
|
|
\v 24 Nk'oku Amandiko gadesirhe mpu: “Abantu boshi kwo bali nka lubala N'obukuze bwabo bwoshi kwo buli nka bwaso bwa lubala Olubala lunayume, n'obwaso b'olwo lubala buhungumuke,
|
|
\q
|
|
\v 25 cikwone akanwa ka Nnahamwirhu kabera ho ensiku n'amango” Ako kanwa ko kalya Emyanzi y'Omurhula yamulerheraga.
|
|
\c 2
|
|
\cl Cigabi 2
|
|
\p
|
|
\v 1 Aa, mulekage ngasi bubi, na ngasi bunywesi, n'obulyalya n'obwagalwa muleke n'okuba ba kalimi,
|
|
\v 2 Mushushe orhubonjo. Mukacifinja buzira kuhusa amarha ga Muka gwa Mungu, galya garhanaziziri lyo omu kuganywa mukula munachizibwe.
|
|
\v 3 Bulya Amandiko gadesirhe mpu: “Mwalabwire obwinja bwa Nnahamwirhu.”
|
|
\p
|
|
\v 4 Yegeri ho Nnahamwirhu lirya ibuye lizine abantu balahiraga cikwone Mungu acishoga lyo, abona oku liri lyo ngulo ndarhi.
|
|
\v 5 Muliyegere ho lyo ninyu muba aka amabuye gazine, mukolesibwe okuyubaka enyumpa ya Nnamuzinda ya Muka gwage Muli eyo nyumpa mwo mwajira omurhwe gw'abajinji b'omu lubaga lwa Nnamuzinda Abo bajinji bahirwe omukolo gw'okurhula Nnamuzinda enterekero y'ebintu bidwa omuko, bya Muka gwage, Ebyo kusimisa bimusimisa omu kukolesa Yezu Kristu.
|
|
\v 6 Bulya yumvagyi ebi Amandiko gasirhe, Gadesirhe mpu: “Nacishozireibuye ly'igulu ndarhi Lyo njijirage ibuye lya kusimikirwa kwo omu Sayuni; n'owaliyemera arhakahola (arhakatwika mirhima) cirhu n'ehitya.”
|
|
\p
|
|
\v 7 Eri ibuye liri lya ngulo ndarhi kuli mwe, mwe muyemire cikwone kuli a o barhayemiri: “Lirya ibuye abubasi balahiraga Lyo lyabiraga lya kusimikirwa kwo.”
|
|
\p
|
|
\v 8 Nahandi kushubir'iderhwa mpu: “Liri ibuye lya kusârhaza abantu, Lwâla lwa kubahirimya.” Basarhire bulya balahire okuyemera akanwa, n'obwo bo Nnamuzinda akalemeraga.
|
|
\p
|
|
\v 9 Cikwone mwehe, muli mulala Nnamuzinda acishogaga, bajinji ba mwami lubaga lwimana, bantu ba Nnamuzinda Mwacishigagwa mpu lyo mulumîza ogw'emikolo minja ya Nnamuzinda wamuhamagaliraga okurhenga omu mwizimya muje omu bulangale bwage bw'okurhangaza.
|
|
\v 10 Mira murhali lubaga lwage Nnamuzinda, cikwone buno mukola muli lubaga lwage. Mira murhali muyishi obwonjo bwa Nnamuzinda cikwone buno mukola mubuihirwe.
|
|
\p
|
|
\v 11 Mmuhunyire, birta bani nka kuno muli babalama na babunga en'igulu: mucilange oku nyifinjo z'omubiri zilwisa omurhima.
|
|
\v 12 Mube n'ebijiro binja omu bapagani, ntyo kwo bwseezibwa mwo okumanya ebijiro binyu binja n'okukuza Nnamuzinda olusiku ayisha, Mube n'ebyo bijiro cirhu bankamusidaka mpu muli bantu ba kujira amabi.
|
|
\p
|
|
\v 13 Mugombe oku ngasi mukulu en'ugulu. N'okwo mukujire erhi Nnahamwirhu orhuma. Mugombe kuli mwami, ye gwerhe obuhashe bunene kulusha,
|
|
\v 14 n'oku bakavurunera arhumaga mpu bakahana abajira amabi, bakakuza n'abajirha aminja
|
|
\v 15 Bulya ebi Nnamuzinda alonza byo by'ebi: muhuliseabarhayishi bichi n'orhudunduguli, n'okwo mukujire n'aminja ginyu.
|
|
\v 16 Mukaba n'ebijiro by'omuntu oli omu buhuru cikwone murhakolesagya obuhuru bwinyu nka hibwiko hya kubwikira amabi, cikwone mukajira nka bambali ba Nnamuzinda.
|
|
\v 17 Mukenge abantu boshi musime balya banali bene winyu omu bwemere, muyobohe Nnamuzinda, mukenge omwami.
|
|
\p
|
|
\v 18 Mwe banyakasi mugombe kuli banawinyu n'obukenge bwoshi Ntadesirhi, nti mugombe kuli balya baba binja bône n'abayorha bwinja cikwone n'oku badarhi.
|
|
\v 19 Bulya olembire okulemberha amalibuko erhi kukenga Mungu kurhumaoyo muntu erhiminja ajijirhe caziga ago malibuko gabe mahambarha
|
|
\v 20 Bulya bunguke buci buhali erhi mwankalemberha okushurhirwaamabi mwajijirhe? Cikwone erhi ankaba musezibwe mpu: mulibuzibwe kwenge mwajijirhe aminja mukanalemberha okwo kulibuka erhi bwinja mujijirhe omu kubona kwa Nnamuzinda.
|
|
\v 21 Okwo kwo Nnamuzinda amuhamagaliraga bulya Kristu yene amulibukirhe anamusigirhe olwiganyo mpu lyo mushimba olugere lwage,
|
|
\v 22 Arhajiraga caha Ntaye ayumvirhe aderha akanwa k'obunywesi,
|
|
\q1
|
|
\v 23 Erhiajaciragwa, arhashuzagya na bindi bijaci Erhi alibuka arhayobohagya abo bamulibuzagya cikwone acihirha omu maboko ga Nnamuzinda otwa emanja n'obushinganyanya.
|
|
\q1
|
|
\v 24 Kristu yene ahesirhe ebyaha birhu omu mubirhi gwage oku musalaba lyo rhuba mifu oku guyerekine ebyaha lyo rhunalama obulamu bushinganine. Ebibande byage byo byarhumire mwafuma.
|
|
\v 25 Bulya kwo mwali nka bibuzi bihezire, cikwone buno mukolaga mushubizibwe emwa lungere w'emirhima yinyu, ye na mulanzi wayo.
|
|
\c 3
|
|
\cl Cigabi 3
|
|
\p
|
|
\v 1 Ninyu kwo n'okwo mwe bakazi mugombe kuli babalo, lyo erhi kwankaba hali baguma ba muli bo barhayemirhi akanwa ka Nnamuzinda rhubahise oku bwemere erhi bijiro binyu birhuma, Murhacifinje okuderha akanwa,
|
|
\v 2 bulya balola kurhi ebijiro binyu birhali kwo ishembo binali bya kukengana biyosire.
|
|
\v 3 Murhalonzagya okuciyinjihya omu kukolesa eby'embuga ly'omubiri nka kulya kusukwa emviri n'okuyambala ebisikiyo by'ennoro nisi erhi mishangi minja mwankayambala.
|
|
\v 4 Cikwone obwinja bwinyu bube bw'omuntu winyu w'omu ndalala Bube bwinja burhashererha bwa murhima mutudu gunarhuzize, gulya gw'engulo ndarhi emelanga ga Nnamuzinda.
|
|
\v 5 Abakazi ba mira abayobohaga Nnamuzinda banakag'imulangalira, ntyo kwo bakag'ichuyinjihya. Bagombaga kuli b'iba wabo.
|
|
\v 6 Ntyo kwo Sara ayorhaga Akag'iyumva iba Abrahamu, akamuderha mpu “Nnawabo” Buno mukolaga muli bali erhi mwankajira aminja n'erhi mwankaleka mpu akantu koshi koshi karhamuyobohagya.
|
|
\p
|
|
\v 7 Ninyu kwo n'okwo mwe balume mulame haguma na bakinywe omu kumanyirira oku barhajira ntera (nsimiko). Mukabakolesa n'obukenge, bulya bagwasirwe okushobola haguma na ninyu obuzine kurhenga emwa Nnamuzinda. Mikajira ntyo lyo harhag'iba akantu kachika okushenga kwinyu.
|
|
\p
|
|
\v 8 Aho, mweshi mugerereze kuguma, n'okuyumva kuguma. Musimane nka baguma mube ba mirhima minja munabe birhohye muli mwe mwene na nnene.
|
|
\v 9 Murhagalulaga obubi oku bundi erhi chijachi oku chindi. Cikwone oku mwayorha erhi kwo, mukashuza omu kuhana amarhi minja, bulya ninyu Nnamuzinda amulaganyize oku amuha amarhi minja amango amuhamagalaga.
|
|
\v 10 Bulya Amandiko gadsirhe mpu: “Owalonza okulama bwinja n'okuba n'ensiku z'obusime Agwasirhwe aleke okuderha amabi arhanachinywerhaga.
|
|
\q
|
|
\v 11 Agwasirhwe aleke amabi, ajire aminja, Agwasirhwe alongereze omurhula, anagushimbulire,
|
|
\q
|
|
\v 12 Bulya amasu ga Nnahamwirhu ganalolereza abashinganyanya Anayumverheze n'okushenga kwabo. Cikwone anayerekeze abajira amabi omugongo.
|
|
\p
|
|
\v 13 Nndi wamujira kubi erhi ankaba muli bashimbirizi omu kujira aminja?
|
|
\v 14 Cirhu ankaba mugwasirhwe okulibuka okwenge mujijire ebishinganine, misime. Murhayobohaga abamntu chiru n'ehitya murhalekega irhwe lyamuzunguluka.
|
|
\v 15 Cikwone muhe Kristu olukengwa omu mirhima yinyu, mumubone nka Nnahamwinyu. Ngasi mango mube mucirheganyize okushuza ngasi bankamudosa mpu mubahugulirhe ogw'obulangalire mugwerhe.
|
|
\v 16 Cikwone mujire ntyo n'obutudu n'obukenge. Mube n'entimanya nyinja, lyo amango musidasirwe balya bantu baderhera ebijiro binyu kubi enshonyi zibagwarhe erhi myanzi yabo erhuma, Ebyo bijiro binyu Kristu ye bikubula.
|
|
\v 17 Bulya ah'omuntu ankalibuka mpu kwenge anajijire amabi, ankalibuka mpu kwenge anajijire aminja erhi ankaba okwo no kwo Nnamuzinda alonzize.
|
|
\v 18 Bulya Kristu yene amufirire Afa liguma ho na hoshi aho erhi byaha bya bantu birhuma. Omuntu w'omurhima mwinja afiré abantu b'emirhima mibi mpu lyo amuhisa emwa Nnamuzinda. Omu mubiri gwage gw'obumuntu ayisirwe, cikwone Muka gwa Nnamuzinda amufula.
|
|
\v 19 Oyo Muka ye warhumire ciru aj'iyigiriza emyuka mishweke
|
|
\v 20 Kwo kuderha oku erya myuka ya balya ba mira balahiraga okuyumva oku Nnamuzinda adesire, amango akag'ilindirira ensiku Nowa akag'iyubaka anashuwa. Bantu basungunu, munani gwone, baja muli ago mashuwa ago mishi gabafumya.
|
|
\v 21 Ago mishio gali lwiganyo lwa bubatizo buli bwamuciza buno. Gurhali mukolo gw'obwo bubatizo okukula emizirongu entimanya nyinja. Obubatizo bumuciza erhi kulya kufuka kwa Yezu Kristu kurhuma.
|
|
\v 22 Ye wajijire emwa Mungu na buno akola ali ekulyo kwa Mungu. Aho ho arhambulire bamalahika, n'abandi bakulu n'amahashe g'enyanya.
|
|
\c 4
|
|
\cl Cigabi 4
|
|
\p
|
|
\v 1 Bulya Kristu alibûsire omumubiri gwage ninyu mucisezé omu kujira omurhima gwa mwene ogwo kwo na nene, bulya owamalembera amalumwa g'omubiri, oyo akola ayusize olwage lwoshi n'ebyaha.
|
|
\v 2 Kurhenga buno, mugwasirhwe mulame ensiku zichimusigalire omu bulamu bwinyu en'igulu nk'oku Nnamuzinda alonzizé c'arhali kulamu omu nyifinjo z'omubiri.
|
|
\v 3 Bulya mwayusizé kasanzi karhali kanyi omu kukajira oku abapagani basima. Mwalamire omu by'enshonyi, n'omu nyifinjo mbi, n'omu ndalwe, n'omu kugoma, n'omu mamvu, n'o kugashaniza ensanamu kw'okurhali kwinja,
|
|
\v 4 Na buno abapagani bakola basomirwe okwenge murhachichishwekiri kuli bo omu kukajira ebisomerine by'ebijiro bibi bwenene banakola bali bamujacira.
|
|
\v 5 Cikwone barhondolera Nnamuzinda ebijiro byabo, ye cirheganyizé oku twira abazine n'abafire emmanja,
|
|
\v 6 Okwo kwo kwarhumaga abafirhe nabo bayigirizibwa Emyanzi y'Omurhula, balya batwiragwa emmanja omu mango bali balamire en'igulu nk'oku abantu boshi nabo banayorha. Bayiyigirizibwe mpu lyo, oku buhashe bwa Muka, bahashe okulama nk'oku Nnamuzinda alama.
|
|
\v 7 Obuzinda bw'ebintu byoshi bukola buli hofi, Mube bakugengerereza bwinja, munabe ba mirhima elalire, lyo muhasha okushenga Mungu.
|
|
\v 8 Embere lya byoshi musimane bwenene, bulya obuzigire buzaaza byaha binji,
|
|
\v 9 Mukayegerezanya omu mwa binywe buzira malanga mabi.
|
|
\v 10 Mashi ngasi muguma muli mwe abe nka mulanzi mwinja w'ebya ngasi mpiriri Mungu ashoboza, akolese ebi Mungu amushobozagya, n'ebyo abikolese oku minja g'abandi.
|
|
\v 11 Ow'okuyigiriza agwasirhwe ahereze abandi emyanzi ya Mungu. Ow'okukola agwasirhwe akole n'emisi Nnamuzinda amuhïre. Lyo Mungu akuzibwa muli ngasi kantu omu kukolesa Yezu Kristu Oyo ye gwerhe obukuze n'obuhashe ensiku n'amango! Bibe ntyo.
|
|
\v 12 Bira bani murhasomerhagwa erhi marhangulo mazibu mazibu mwarhangulwa garhuma, mubonage bikola nka kuno kandi kantu kamamuyishira.
|
|
\v 13 Mube kushagalukaerhi kwo, bulya mugwerhe omwânya oku malibuko ga Kristu lyo munashagaluka bwenene hano obulangashane bwage bufululwa,
|
|
\v 14 Musime nka bankamujachira mpu kwenge muli bigirizibwa ba Kristu, bulya Muka gwa Nnamuzinda, Muka gw'obukuze, amudekerire kwo.
|
|
\v 15 Mashi irhondo omu kâgarhi kinyu murhabaga mwo owalibuzibwa nka mwisi wa bantu, nisi erhi nka cishambo nisi erhi nk'ojira amabi, nisi erhi muntu w'okujacihîra omu myanzi ya beene,
|
|
\v 16 Cikwone erhi hankajira owalibuzibwa mpu kwenge ali mukristu, mashi arhagwarhagwa n'enshonyi z'okwo, abe Nnamuzinda ye avuga omunkwa kulya kuba amuhire obuhashe bw'okuheka izino lya Kristu.
|
|
\v 17 Amango gahisirage, go mango g'Okutwa Emmanja, Okwo kukolaga kurhondirhe na lubaga lwa Mungu lwo lurhanzir'itwirwa olubanja, Ahoo, erhi ankaba rhwe okutwa emmanja kurhangirire kwo. Kurhi kwahwa mwo hano kurhogera balya balahireokuyemera Emyanzi ya Mungu y'Omurhula?
|
|
\v 18 Nk'oku Amandiko gadesirhe mpu: “Erhi ankaba abantu b'emirhima minja bankachizibwa oku kutwa entubano, Kurhigi byabêrta abantu b'emirhima mibi n'abanyabyahya boshe?
|
|
\p
|
|
\v 19 Co cirhumire abali balibuka erhi oku Nnamuzinda alonzize kurhumire bagwasirwe bagenderere okujiraaminja n'okulangalira Nnamuzinda lwoshi lwoshi, y'olya orhaleka okujira ebi alaganyagya.
|
|
\c 5
|
|
\cl Cigabi 5
|
|
\p
|
|
\v 1 Nkola nyerekire balya, omu kagarhi kinyu, bali bagula b'omu murhwe gw'abakristu. Naani ndi mugula. Ndi wa kuderha ogw'amalibuko ga Kristu, nahabwa n'ogwani mwanya oku bukuze bwafululwa Yumvagya ebimbabwizire:
|
|
\v 2 mukombere nka bangere obuso Nnamuzinda amuhaga, mubulange n'obulonze bwinja nkl'oku Nnamuzinda analonzize, ch'arhali kukakola erhi n'omurhima gurhabiri kwo. Mukajira omukolo gwinyu arhali omu kuchifinja okuba n'enfaranga, cikwone omu kluchihana okunali
|
|
\v 3 Murhalonzagya okurhambula abo bantu Nnamuzinda amuhaga mpu mubalange, cikwone mube lwiganyo lw'obwo buso.
|
|
\v 4 N'amango Lungere aciyalagaza, mwahabwa ishungwe ly'obukuze lirya lirhakatubala ciru n'ehitya.
|
|
\p
|
|
\v 5 Kwo n'okwo ninyu mwe bana b'emisole, mugombe oku bashosi, ninyu mweshi muyambale obwirhohye lyo mukakolerana, bulya Amandiko gadesirhe mpu: “Nnamuzinda kulahira alahira ebi ab'obucibone bajira, cikwone anagashanire abacirhohya.”
|
|
\p
|
|
\v 6 Aa, mubage birhohye omu kuboko kwa Nnamuzinda kw'obuhashe, lyo amuyinamula omu mango atwaga,
|
|
\v 7 Mumurhule kwo amalibuko ginyu goshi, bulya kukombera amukombera.
|
|
\p
|
|
\v 8 Muyorhe n'omurhima gulalire, muchilange! Bulya omushombanyi winyu Lyangombe, ali azunguluka nka ntale eri yalunduma aja alonza oyu ashanshanyula.
|
|
\v 9 Musimike omu bwenene munamuhagalike, bulya mumanyire oku bene winyu bakristu abashandire omu igulu lyoshi bagezire muli malibuko ga mwene ago.
|
|
\v 10 Cikwone hano muba mwamalibuka mango masungunu, Mungu wa ngasi bugashane olya wamuhamagaliraga okuja omu bukuze bwage bw'ensiku n'amango omu kuhumana haguma na Kristu, yene amushashula, amuzibuhya, amuhe n'emisi abul'inamudekereza omu musingi muzibu.
|
|
\v 11 Mashi obuhashe bube bwage ensiku n'amango! Bibe ntyo.
|
|
\p
|
|
\v 12 Mmurhumire aga maruba masungunu haguma n'oburhabale bwa Sila, ye mbona mwene wirhu mukristu mwikubagirwa. Nnonzize okumuhira omurhima omu nda n'okumubwira bwinja bwinja oku oku kuli kulya kugashana kwa Nnamuzinda kw'okunali. Muyorhe musezire muli obwo bugashane.
|
|
\p
|
|
\v 13 Omurhwe gw'abakristu bali e Babeli bo na Mungu acishogaga akinyu, bamulamusize, na Marko mugala wani,
|
|
\v 14 Mulamusanye omu kununugurhana, kununugurhana kwa buzigirhe bw'ecinyabuguma Mashi omurhula gube haguma na ninyu mweshi mwe muli bantu ba Kristu.
|