See in Reader
156 lines
15 KiB
Plaintext
156 lines
15 KiB
Plaintext
\id JAS
|
|
\ide UTF-8
|
|
\h Yakôbo
|
|
\toc1 Yakôbo
|
|
\toc2 Yakôbo
|
|
\toc3 jas
|
|
\mt Yakôbo
|
|
\c 1
|
|
\cl Cigabi 1
|
|
\p
|
|
\v 1 Yakôbo mukozi Namuzinda n'a Nyakasani Yezu Kristu, muguma muli emilala kumi n'ibiri yandagalaga: Mmulamusize!
|
|
\p
|
|
\v 2 Bene wîrhu bakristu, mukâbona. Nka kuno buli busîme bwenene akasanzi muli mwa rhangulwa n'amarhangulo ga ngasi lubero.
|
|
\v 3 Bulya mumanyire okwo, muna manyire oku erhi obwemêre bwinyu bwankasimika omu marhangulo, bwánalêrha okulemwa ago marhangulo.
|
|
\v 4 Cikwône mumanye, kuhika oku lemba lwinyu kuciyerekane lôshi lôshi. Lyo muba bimâna mina yunjulire murhacikag'iyorha bici.
|
|
\p
|
|
\v 5 Cikwône n'a muguma muli mwé ankabula obukengukwe, àbuhûne Namuzinda, ye wámùha bwo, Bulya Namuzinda ye ha bôshi, kuhâna ahâna n'omurhima mwinja.
|
|
\v 6 Cikwône, àkwanine ahûne erhi anagwerhe obwemwere, àhûne buzira karhinda, Bulya ojira akarhinda, aba ashushire omulaba gw'omunyanja gulya empusi elengeza, ebulikaguhukula eyi n'eyi.
|
|
\v 7 Omuntu nk'oyo, arhagwasirwi okurhimanya mpu hàli ebi Nnahamwirhu ankamushobôza,
|
|
\v 8 Bulya oyo àli wa mirhima ibiri, anali wa kurhindimanya omu bworhere bwâge bwôshi.
|
|
\p
|
|
\v 9 Mâshi, mwene wîrhu mkristu ôli mukenyi, ànegenere okwo Namuzinda àmukuzize,
|
|
\v 10 mwene wîrhu mkristu ôli mugale, ànegenere okwo Namuzinda amurhôhize. Bulya omugale kwagera nga bwaso bwa lubala.
|
|
\v 11 Izûba linashoshoke erhi Linadwîrhe idûrhu ly'okubasha, linayûmye obwo bwâso, bunahungumuke, n'obwinja bwâbo bunahirigirhe. Kwo n'okwo, kw'omugale anahirigirhe omu kagarhi k'emikolo yâge.
|
|
\p
|
|
\v 12 Àli wa busîme omuntu osimisire omu marhangulo, bulya hano aba amâyêrekana obudima bw'okusimika kwâge, àhabwa obuziné, lwo luhembo Namuzinda alaganyagya àbamusîma.
|
|
\p
|
|
\v 13 Erhi omuntu ankarhangulwa, arhagwasirwi aderhe mpu Namuzinda omùrhangwîre, bulya Namuzinda arharhanka-rhangulwa n'amabi, naye yêne arharhangula nndi.
|
|
\v 14 Cikwône omuntu àrhangulwa amango àkulilwamwo enyifinjo mmbi, n'okugwarhwa omu murhego gw'ashetani burhuma.
|
|
\v 15 Enyuma ly'aho, olwifînjo lubi lunayâlale izîmi, buzinda luburhe ecaha, naco erhiciba camakula, cinaburhe olufù.
|
|
\p
|
|
\v 16 Bene wîrhu bakristu murharhebagwa:
|
|
\v 17 ngasi kushobôla kwinja, n'a ngasi luhembo lwimâna, birhenga enyanya, biyandagala kurhenga emwa Namuzinda, Mulemi w'amalangale g'enyanya. Namuzinda arhahinduka, arhanalêrha mwizimya mpu ahinduka-hinduka.
|
|
\v 18 Omu kulonza kwâge yêne, arhujirire obuzine. Anarhuhà bwo omu kukolesa akanwa k'okuli, lyo rhuba ba burhanzi omu biremwa byâge byôshi.
|
|
\p
|
|
\v 19 Kengeri bwinja ebi, bene wîrhu bakristu: ngasi muntu àgwasirwe abe mubidu okuyumva, Cikwône arhabaga mubidu omukuderha erhi omukukunira.
|
|
\v 20 Bulya okunira, arhajira ebishinganine obuzigire n'okusinza kwa Namuzinda.
|
|
\p
|
|
\v 21 Cocirhumire, mulahire ngasi bizinza omuntu na ngasi mukolo mubi. Muyemere n'okucirhohya, ly'anwa Namuzinda ahizîre omumirhima yinyu, bulya mpu lyo kanahasha okumùciza.
|
|
\v 22 Murhacirhebaga omu kucisîmîsa okuyumva akanwa ka Namuzinda kwone, ci okumwàjira erhi kwo; mukajira oku kàdesire.
|
|
\v 23 Bulya oyumva ako kanwa arhanajira oku kanàdesire, ashushire n'omuntu ocilaba omu ciyo, anacibone kulya ayosire.
|
|
\v 24 Hano àba amalaba, agende na honahalya ayibagire oku analishushire.
|
|
\v 25 Cikwône osingiriza bwinjinja amarhegeko ga gashinganine, go galya garhulikula, oyo muntu abulinacishwekera Kuli go, buzira kuhinduka-hinduka, arhanzir'iyandagalira omukugayumva, Cikwône n'Enyumpa lyaho, abuligayibagira, ci akabwira oku gadesire, lyo muntu Namuzinda amugisha omu mikolo yâge.
|
|
\p
|
|
\v 26 Erhi ankaba hàli ociyumva muny'idîni arhanamanyiri rhambula olulimi lwage, erhi acirhebire: Idîni lyage lya busha.
|
|
\v 27 Yumvagi ebi Namuzinda Larha àbona nk'idîni licire na ly'okuli: Kuli kulangalira enfunzi n'abakàna omukurhindibuka kwâbo, n'okucilanga oku ngasi bizinza, bilya bilêrhwa n'amasholo mabì g'omu bantu by'en'igulu.
|
|
\c 2
|
|
\cl Cigabi 2
|
|
\p
|
|
\v 1 Bene wîrhu bakristu, mwe mulamire omu bwemere, muli Yezu Kristu, Nnahamwirhu w'obulangashane, murhagwasirwi okukajira akabôlo.
|
|
\v 2 Nka kwa lwiganyo, erhi muntu muguma mugale ankaba àyambîrhe olupeta lw'en'or n'omushangi mwinja mwinja, abul'igija omu ndeko yinyu, n'omuntu oyambirhe amikunje naye.
|
|
\v 3 Erhi mwankakenga olya mugale oyambirhe bwinja, yêne, mubulimùbwira mpu: “Waliha, otamale aha, ho hantu h'obukenge,” Cikwône olya mukenyi mmubwizire mpu: “We, oyimange,” erhi mmubwire mpu: “Tamala aho oku idaho, aha magulu gani.”
|
|
\v 4 Ago mango erhi mukolaga mujijire akabôlo omu kagarhi kinyu, munatwe emanja omu kushimbulira engererezo mbi.
|
|
\v 5 Yumvi, bene wîrhu bakristu bazigirwa: Namuzinda acîshozire abakenyi ba muli er'igulu mpu babe bagale omu bwemere, bahabwe n'Obwami alaganyagya balya àsima.
|
|
\v 6 Cikwône, mwehe muli mwakagayagusa omukenyi! K'arhali abagale bo bamulibuza bo banamuhêka oku manja?
|
|
\v 7 Bo bàderhera kubi kubi lirya izino linja Namuzinda amùhâga?
|
|
\v 8 Kwo binali, mujijire bwinja erhi mwankakenga kulya amarhegeko g'Obwami bwa Namuzinda gàdesire nk'oku Amandiko gayerekine gaderha mpu: “Ozigire omulungu wâwe nk'oku ocizigira wenene.”
|
|
\v 9 Cikwône erhi mwankakajira àkabôlo, erhi caha mujijire kwo gadesire.
|
|
\p
|
|
\v 10 Bulya erhi bankahira orha yumvîrhi oku irhegeko liguma muli galya marhegeko lidesire, erhi àcijijire munya-byaha embere lya bôshi.
|
|
\v 11 Bulya olya waderhaga yêne erhi: “Orhagonaga,” ye wakaderha erhi: “Orhayîrhaga.” Co cirhumire erhi ankaba Orhagona, Cikwône erhi wankayirha omuntu erhi orhayumvîrhi oku amarhegeko gàdesire.
|
|
\p
|
|
\v 12 Muderhe munajire n'a bantu bàgwasirwe okutwirwa olubanja n'a galya marhegeko gàrhulîkula.
|
|
\v 13 Bulya amango Namuzinda anatwe olubanja arhakababalira omuntu orhababalira abandi, Cikwône okubabalira kwo kuhima olubanja.
|
|
\p
|
|
\v 14 Bene wîrhu bakristu, bici kwankajira erhi omuntu ankaderha erhi: “Ngwerhe obwemere,” Nk'arhâli omu bijiro byage? Kw'ôbwo bwemere bwanahasha okumùciza?
|
|
\v 15 Nka kwa lwiganyo, mwene wîrhu, abage erhi mukristu muguma nisi erhi mwâli wirhu, abage erhi alagirire oku bambali, erhi ebiryo bimuhashire.
|
|
\v 16 Bici kwankajira erhi mwankababwira mpu: “Rhumùsengarusirage, muyôrhage bwinja, mukalûke muyigurhe!” Nka Murhabahire birhaba bikwanine oku bulamu?
|
|
\v 17 Ntyo kw'o nabwo buli: n'a bwōne burhaciyerekini omu bijiro, erhi kufa bufîre.
|
|
\p
|
|
\v 18 Cikwone erhi muntu muguma ankaderha erhi: “Ogwerhe obwemere, nani Ngwerhi ebijiro.” Aho nànamushuza nti: “Nyereka kurhi obwemere bwawe bwa nkaba ho bizira bijiro, nani nàkuyereka obwemwere bwâni omu bijiro byani.”
|
|
\v 19 Were oyemire oku Namuzinda alimuguma yêne, wajira bwinja. Abashetani nabo banakuyemere, na musisi bagera mwo
|
|
\v 20 Mâshi oyu muhinja! Kôolonzizé obone oku obwemere buzira bijiro ntaco bujira?
|
|
\v 21 Kurhi Namuzinda abwine mwo oku shakuluza wirhu Abrahamu àli mushinganya? Omu bijiro byage, erhi ahâna omugala Isaki oku irherekerero.
|
|
\v 22 Obwinage oku obwemere bwage n'ebijiro byage, byombi byakag'ikola haguma. Obwo bwemere bwage bwajijirwe bwimana erhi bijiro byakagibulûsa birhuma.
|
|
\v 23 Ntyo kwo byajirikine ebi Amandiko gadesire. Gàdesire mpu: “Abrahamu ayemera Namuzinda, na Namuzinda amùbona mushinganya omu ku kengera obwemere bwage.” Namuzinda mwira wage.
|
|
\v 24 Mubwinage oku Namuzinda àbona omuntu oku àli mushinganya erhi bijiro byâge birhuma, cirhali bwemere bwage bwōne.
|
|
\v 25 Kwo n'okwo kwo byanabîre kuli Rahabu, erya ndumba. Namuzinda amùbona oku àli mushinganyanya erhi bijiro byâge birhuma. Ye y'olya wayiguliraga zilya ndolerezi anabarhabala okubageza omu yindi yindi njira.
|
|
\p
|
|
\v 26 Bulya nka kula omubiri gurhagwerhi Mûka gw'obuziné guba mufu, ntyo kwo n'obwemere nabwo buyôrha. Obwemere buzira bijiro erhi kufà bufîre.
|
|
\c 3
|
|
\cl Cigabi 3
|
|
\p
|
|
\v 1 Bene wîrhu bakristu, murhabaga banji bàlonzize okuba balimu, Bulya mumanyire oku rhwe balimu rhwe rhwanatwirwe olubanja omuku kalihirwa kulusha abandi.
|
|
\v 2 Rhweshi kuhâba rhuhaba omu njira nyinji. Erhi ankaba hàli orhahabuka ciru n'ehitya muli ebi àderha, erhi àli mwimâna, olya wankanahasha okurhambûla omubiri gwage gwôshi.
|
|
\v 3 Rhunashweke orunwa rhw'enfarasi mpu lyo zirhuyumva zijire nk'oku rhuzirhegesire, n'a ntyo kwo rhwankahashaga mwo okugendesa emibiri yazo yôshi.
|
|
\v 4 Nisi erhi mugererezé ogw'obwarho: Ciru bwankaba bunene bwenene n'empusi ndarhi egasunike, kurharhuma garhahindulwa n'ehibaho hisunginu hiri nka lunu hy'okugahindula, gabul'ija aha omugendesa (kapiteni) ànalonzize.
|
|
\v 5 Kwo n'okwo kwo olulimi luba hihimbi hisungunu bwenene oku mubiri, Cikwône lwanahasha okucikubagira bintu binji. Mugerereze ogw'omuzirhu munene. Ehiliro hisungunu hinagudùlike.
|
|
\p
|
|
\v 6 Kwo olulimi luli muliro. Luyunjwire bibi, olwo luba abantu omu mubiri, lubul'iyahukiza omuntu yeshi. Lunadulike obulamu bwirhu, bwôshi muliro, ciru n'omuliro gw'omu ilibukiro kukolesa.
|
|
\v 7 Omuntu ànahasha okushweka ngasi lubero lwa nsimba z'erubala, n'orhunyunyi, n'ebiyandala, n'ensamaki, ànabishweka.
|
|
\v 8 Cikwône ciru n'omuntu muguma arhasigi hasha okushwêka olulimi: luba mabì garhankarhambulwa, lunjwire bwogi bwa kufà.
|
|
\v 9 Rhulukolesé Omukukusa Nnahamwirhu Larha Namuzinda, Cikwône rhurhalukolesé omuku heherera abantu Namuzinda alemaga omuku cishushanya bo.
|
|
\v 10 Ebinwa by'amarhi minja n'eby'okuheherera binarhenge muli ako kanwa kaguma benewirhu bakristu, kurhakwanini bibe ntyo.
|
|
\v 11 Nta nshoko erhengamwo amîshi manunu, n'amalulu.
|
|
\v 12 Benewîrhu bakristu, omurhimuguma gurhankaleheka amalehe g'omuzetuni, n'omurhi gw'idivahi, gurhankarhenga kw'amalehe g'omotini, kwo n'okwo kwo n'amîshi galimw'omunyu karhankarhenga mw'amanunu.
|
|
\p
|
|
\v 13 K'omu kâgarhi kinyu, muli mwo ow'obukengukwe n'a mwenge? Abiyerekanage omubijiro byâge binja, omu bijiro byâge àjira n'obwirhohye n'obukengukwe.
|
|
\v 14 Cikwône omu murhima gwînyu erhi ankaba mugwerhe obwagalwa bw'omutula, mugwerhe n'omurhima gw'okulwa, murhacikùngaga, murhananywerhaga omukukulira okuli.
|
|
\v 15 Obwobwenge bwamweneobwo, burharhengaga emwa Namuzinda, Obwo buli bwa muli er'igulu, bunalibwa bantu, burhenga emwa Lyangombe.
|
|
\v 16 Bulya àhali obwagalwa n'omurhima gw'okulwa aho ho hàli ishâbâbe n'amabi ga ngasi lubero.
|
|
\v 17 Cikwône obwenge bw'enyanya, burhanzirhanzi burhaba mwo izâbyo, bunarhûzizé, buba butûdu bunaba bwa murhima mwinja, buna bwinja bwenene bwenene, bunarhenge mwo emikolo minja, burhacishwekera kuli lunda luhi, burhanaba mwo bulyalya.
|
|
\v 18 Àbacîzungulusa omurhûla, murhûla bàrhwêra, n'ebi bàsârûla, buba buzîne bushinganîne.
|
|
\c 4
|
|
\cl Cigabi 4
|
|
\p
|
|
\v 1 Entambala n'emirenge eba muli mwe ngahi birhenga? Birhenga omu nyifînjo zînyu mmbi. Ezo nyifînjo zo zikalwîra omu mubiri yinyu buzira kugoyola.
|
|
\v 2 Munalálikire kantu kalebe, cikwône murhahasha oku kabona, Lero ago mango munacirheganye okuyirhana. Munacifinje akantu cinokwo murhanahasha oku ba n'ako, Lero gomango Muka zuka mw'avulindi n'entambala. Murhanabone ebyo mulonzize, Bulya murhanabone Namuzinda.
|
|
\v 3 N'erhi muhuna, murhahabwa, Bulya engererezo zînyu ziba imbi: ebi muhuna muba mulonzize okubikolesa n'enyifìnjo zînyu.
|
|
\p
|
|
\v 4 Mâshi, aha balahiraga Namuzinda! Ka murhamanyusizi oku okuba mwira w'abantu ber'igulu, kwo kuba mushombanyi wa Namuzinda? Olonzize okuba mwîra w'ab'en'igulu àcijijire mushombanyi wa Namuzinda.
|
|
\v 5 Murhagererezagya mpu ebi Amandiko gadesire biri bya busha. Gàdesire mpu: “Namuzinda aly'adosa gulya mûka arhuhiraga mwo, erhi ànayagîrwe.”
|
|
\v 6 N'obwo Namuzinda ashubiri rhugashânira bwenene kulusha, Bulya Amandiko gàdesire mpu: Namuzinda kulahira àlahira ebi ab'obucîbone bajira, cikwone anagashanire abacirhôhya.”
|
|
\p
|
|
\v 7 Ahô, gombagiKuli Namuzinda, hakanagi Lyangombe naye amuyakira kuli.
|
|
\v 8 Yerekeri Namuzinda naye àmùyerekera. Mukalabe enfune zînyu, aba banyabyaha, shwekuli emirhima yînyu, ezi ndyalya.
|
|
\v 9 Mube burhe, mulake muna bande endûlu. Muhindule okusheka kwinyu kube kulaka, n'omwishingo gwinyu bube burhe.
|
|
\v 10 Yunami emalanga Nnahamwîrhu naye àmùyinamula.
|
|
\p
|
|
\v 11 Bene wîrhu bakristu, murhakâg'iderherana kubi. Oderhera mwene wâbo mukristu kubi n'isi erhi kumùtwira olubanja, erhi marherekere àderhîre kubi erhi go ànatwirire olubanja. Ahô, erhi wankatwa olw'amarhegeko, erhi oli nk'ogahêka oku lubanja.
|
|
\v 12 Namuzinda yêne ye hâna amarhegeko ye na muzùzi, yêne ànahasha okuciza n'okushereza bwo n'obwo. We nndigi we twira omulungu wâwe olubanja?
|
|
\p
|
|
\v 13 Nyumvagi mw'oyo mwe muderha mpu: “Ene, erhi irhondo, rhwàja muli cishagala cilebe, rhwayusa mwo mwaka muguma, rhwarhimbûla rhunayûnguke.”
|
|
\v 14 Murhamanyiri kurhi obuzîne bwinyu bwâba irondo! Bulya kwomuli nka hikûngu, n'Enyuma lyaho, hihirigirhe.
|
|
\v 15 Yumvagyi oku mwankadesire. Mwankadesire mpu: “Erhi Nnahamwîrhu ankalonza, rhwàlama rhwájira hilebe na hilebe”
|
|
\v 16 Cikwône Mukolaga muli babucibone, munali mwacikunga. Ngasi bucibone bwôshi bwa mwene obwo buli bubi.
|
|
\p
|
|
\v 17 Co cirhumire Omanyirhe aminja anali àgwâsirwe okujira, arhanagajire, lyo erhi càhà ajijire.
|
|
\c 5
|
|
\cl Cigabi 5
|
|
\p
|
|
\v 1 Niyumwe bagale, nyumvagyi! Laki munabande endûlu erhi amahanya gàmuyishira go garhuma!
|
|
\v 2 Amagala gînyu gabozire n'emishangi yînyu elirwe n'enyenje.
|
|
\v 3 En'or zînyu n'enfaranga zînyu buyunjwire ngishi. Ezo ngishi, zàderha olwinyu zàkanja n'omubiri gwinyu nka kula omuliro gujira. Mwalunzirwe amagala muli ezi nsiku nzinda.
|
|
\v 4 Murhakamasagya n'abahya kazi bakola omumashwa ginyu. Bûmvi eci bali balakira! Okulaka kw'àbàmusarulira Namuzinda akuyumvirhe, Nnahamwîrhu ogala byôshi.
|
|
\v 5 En'igulu mwalamire omu bulimbi n'omu kucisîmîsa. Mwacitwegize olusiku lw'okubagwa.
|
|
\v 6 Mwayagirize omweru kweru mwanamuyirha lyo arhanamuhagalisiri.
|
|
\p
|
|
\v 7 Bene wîrhu bakristu, Mushibirirage kuhika Nnahamwîrhu ayishe. Mulole kurhi omuhinzi àshibirira Omu kulinda ishwa lirhenge mwo omwaka gw'engulo ndârhi: ànashibirire kurhenga oku nkuba y'omwezi gwa kasharhu, kuhika oku y'ogwa mwenda.
|
|
\v 8 Nînyu mushîbirire, muhire omurhima omu nda Bulya Nnahamwîrhu àli hôfi h'okuyisha.
|
|
\v 9 Bene wîrhu bakristu, murhakâg'iciduduma lyo Namuzinda àrhag'imúyâza. Omuzûzi ali hôfi abacirhôhya okuja omu ngombe (tribinali)!
|
|
\v 10 Bene wîrhu bakristu, mukengere balya birhonzi ba Namuzinda baderha okw'izino lya Nnâmahanga, Nnahamwirhu. Muyige omu bushibirizi bw'okucikubagirwa omu malibuko.
|
|
\v 11 Rhudesire oku bàli habusire bulya basimire. Mwayumvirhe baderha obushibirizi bw'Ayubu, murhanahabiri ebi Nnahamwîrhu amuhîre buzinda, Bulya Nnahamwîrhu àba wa bwonjo na wa murhima mwija bwenene.
|
|
\p
|
|
\v 12 Bene wîrhu bakristu, kulusha murhankâg'icigasha: oli oku izino ly'enyanya emwa Namuzinda, oki erhi ly'en'igulu, erhi kundi kundi. Munaderhe kwone mpu: “Nèci” amango biri nêci, n'a “Nanga” akasanzi biri Nanga, lyo Namuzinda àrhag'imùyâza.
|
|
\p
|
|
\v 13 Na muli mwe Bali oki mumalibukoa ashenge Ka hàli oshagalusire? Acitakîre.
|
|
\v 14 Ka muli mwe hàli olwazire? Ahamagale abagula b'omu Murhwe gw'Abakristu. Abo bámùngera n'okumushîga amavurha okw'izino lya Nnahamwirhu.
|
|
\v 15 Okwo kushenga bàshenzire n'obwemere kwaciza lyo mulwala: Nnahamwîrhu ámùshubiza amagala, n'ebyaha ajijire byábabalirwa.
|
|
\v 16 Aa, mukâg'ifululirana ebyaha binyu n'okuhengerana lyo mufuma. Okusheka kw'obushiru kw'omushinganyanya kurhabula co kujijire.
|
|
\v 17 Eliya Ali muntu orhushushire: Ashenge n'obushiru mpu enkuba erhanié, n'enkuba yanahangama myaka isharhu n'amyezi ndarhu.
|
|
\v 18 Enyuma ly'aho ashub'ishenga, ago mango enkuba yahanguka, amashwa gayera.
|
|
\p
|
|
\v 19 Bene wîrhu bakristu, muli mwe erhi hankajira owa yasire okuli, n'owundi abulig'isha mushub'ishagaluka àhali okwo kuli,
|
|
\v 20 Mukengere ebi: ogalula omunyabyaha kurhenga omunjira mbi ali mwo, aciza omurhima gw'olya munyabyaha kurhenga omu lufu, ye wanarhuma byaha binji byababalirwa.
|