shr-x-kigweshe_reg/59-HEB.usfm

\id HEB
\ide UTF-8
\h Abahebraniya
\toc1 Abahebraniya
\toc2 Abahebraniya
\toc3 heb
\mt Abahebraniya
\c 1
\cl Cigabi 1
\p
\v 1 Kanji Kanji n'omu njira za ngasi lubero, mira Namuzinda akolesize abalebi mpu amanyase bàshokuluza akanwa gage.
\v 2 Lero mwo zino nsiku nzunda, arhuma Omugala Yêne, mpu arhumenyuse akanwa gage, anamuyimika, anamuha oburhegesi, bw'ebintu byoshi; je anakolesagya erhi alem'igulu.
\v 3 Oyo mugala Ye Bulangashane bwirenge lyage, ye nanshusho y'oborhere bwage; ye tugika igulu n'akanwa kage lugala byoshi. Erhi aba amarhufumya ebyaha birhu, ajibwarhala ekolyo kwa Namuzinda omu mpingu.
\p
\v 4 Akulira bamalaika boshi, Bulya Izino lyage lirhaka gererwa oku lyage.
\v 5 Karhali malaika okola abwira erhi: “Se mgala wani nie nakuburhaga ene? Nisi, erhi Nâba nie She, naye aba Mugala wani?”
\p
\v 6 Kandi, erhi arhuma Enfula yage en'igulu, aderha, erhi: Bamalaika boshi ba Namuzinda, bamuharâmya.
\p
\v 7 Ci bamalaika bôhe kw'abwizire ntya: Ci bamalaika bage abajizire mpusi n'abarhumisi bage abajira ngulumira ya muliro.
\p
\v 8 Abwira Omugala erhi: Entebe yani y'obwami ewe Namuzinda, eriy'emyaka, n'emyaka, n'akarhi kawe k'obwami kali ka bushinga nyanya.
\q
\v 9 Wasimire obushinganyanya, wagaya obubi. Co carhumire Namuzinda akushiga amafurha g'obwami omu bushagaluke, anakurhonya omu binyu byoshi ewe Yagirwa Nyakasane.
\p
\v 10 Kandi ewe waliha Nyakasane, okumu rhondero we wa lemag'ebintu byoshi, igulu n'a mango omufune zâwe bya rhengaga.
\q
\v 11 Ebyo byoshi byanahwe, ci wehe orhakaja ngahi: Bulya byoshi byana twike nka lwikungu.
\q
\v 12 W'abibungenge nka kulya omuntu afuny'erondo. Ci wehe okuli, kwowana yorhe n'emyaka yawe erhakaja ngahi ciru n'ehitya.
\p
\v 13 Ndi akola bwizire muli bamalaika, erhi: Bwarhala e bwa kulyo kwani ninde mpeba ahashihanula bawe idako lyamagulu gawe cibe citumbi cawe?
\p
\v 14 Kabshi barhali myûka erhegesirwe okujira oburhumisi, erhumirwe buja-bugo mpu erhbale abarhishi hima omu buciire?
\c 2
\cl Cigabi 2
\p
\v 1 Okwo kwo kurhumire bikwanine rhucishwekere oku nyigirizo rhwamuyumvirhe kwo rhurhalalahaga.
\v 2 Bulya akaba obuja-bugo bwa bamalaika bwayunjwire, n'a ngasi wadesire mpu abugomera erhi mpu arhabuyumvagya, ahabirwe obuhane bumukwanine.
\v 3 Kurhi rhweki rhwankahash'ifuma erhi rhwakagaya obucize bungan'obu? Obwobucire burhanzi bwamanyisibwe na Nyakasane nabo, ababuyumvirhe, babuhamiriza mulirhwe.
\v 4 Namuzinda yêne aseza Obwo buhamirizi omukuyerekana ebimenyeso n'ebirhangazo n'ebisomerine byangasi lubero, haguma n'eshokano za Mûka mutagatifu nkoku alonzagya yêne.
\p
\v 5 Bulya arhali bamalaika adesire mpu barhambule erhi igulu lyâbe lyo rhudwirhe rhwaderha.
\v 6 Hali owaciderhire halebe, erhi: Omuntu ciricici mukengere? Mwene omuntu aligindi mpu omushibirire?
\q
\v 7 Wamujizire munyihisungunu, hyône kuli bamalaika, wamuyambika inshungwe ly'irenge n'obukuze.
\q
\v 8 Byoshi wabihizire magulu gage bya omukeheza ntako, kurhegeka byoshi, ntaco alezire cirhali cage. Cikwône, okurhuli rhurhali cibona kurhi byoshi biri muburhesi bwage.
\v 9 Ci Olga warhangag'ilemwa yirhwa munyihisungunu kulibamalaika, Yezu y'oyo okolaga ayambirhe inshungwe l'irenge, n'obukuze Bulya abord amakukwanine arhangi fa lukogo lwa Namuzinda, na bunguke bwangasi munyu burhuma.
\p
\v 10 Erhi Nnâmahanga mpu avisé abagala banji omu irenge, kwali kushinganine Namuzinda n'ebintu byoshi na Lulema wa byoshi arhangiyumamanyanya n'amalibuko ecingozi cabahékaomu bucire
\v 11 buly'omumanya n'abumanyibwe nkomoka nvula bajjire. Co cirhuma arhabaga nshonyi z'okubaderha balumuna.
\v 12 Neci bamany'ize balumuna bani Izino lyawe.
\p
\v 13 Kandi, erhi: Niehe je nalangalira. N'a kandi erhi: Niono rhwe n'abana Nnahamagalaga ampaga!
\p
\v 14 N'a Bulya abana bali namuko Muguma n'a mubiri Muguma, naye anacigushangira mpulyo ahererekeza omukufà kwage, olya wali n'olufu omunfune zage y'oligi shetani.
\v 15 Mpu lyo analikuza balya boshi bâli omu buja bwaca buyira erhi kuyoboha olufu kurhuma.
\v 16 Bulya arhali bamalahika âliciza, ciburha lya Ibrahimu âliciza.
\v 17 Okwo kwarhuma acishushanya nabenewage muli byoshi, mpu lyo abamudahwa mukulu w'olukogo n'ow'okucikubagirwa omubiyerekire Namuzinda, lyo alyûla ebyaha byolubaga lwoshi.
\v 18 Na kulya yêne abwine amababale n'amalibuko, anahash'irhabala abali omu malibuko.
\c 3
\cl Cigabi 3
\p
\v 1 Ntyo, bene wirhu bacesibwa, mwemushangire enshokano y'Empingu, mulole kwo Yezu, ye muja-bugo je na Mudahwa mukulu w'obuyemere bwirhurhweshi.
\v 2 Bulya abâga wa kuchikubagira namuzinda wamwishogeraga Ogwa mukolo, nk'okumusa Ali mukubagirwa omu kiyira omukologwage omumwamôshi.
\v 3 Chikwône kristu Ali mwikubagirwa kulya kuba Ali mugala okuzire omu mwa Namuzinda rhuli nyumpa yage erhi rhwankalanga oburhwali bwirhu n'okuchikubagara ebi rhulangâlire.
\v 4 Bulya ngasi nyumpa Enora owayiyubakaga, N'owayubakaga byoshi ye Namuzinda.
\v 5 Musa âli mwemezi omu mulala gwabo gwoshi, nka mushizi, mpu abe muhamirizi sa ngasi ebyaderhwe.
\v 6 Ci Kristu bébé kwo Ali mwemezi nka mwene-na-nyumpa, mpu arhegeke aba-mwo boshi. N'eyobumenye nyumpa yo rhwe, caziga rhusêre burhashuba-nyumpa, oki Bulangashane n'okumwishingo gw'okurhwahike omumpingu.
\p
\v 7 Kwo kurhumire, n'a kulya Mûka Mutagatifu aderha, erhi: Ene-ene mukayumva izu lyage,
\v 8 murha husagya emirhima yinyu, nka kulya byabaga omu bugonyi lulya lusiku lwe nshumi omwirungu.
\v 9 Bulya basho binyu bantangulaga mpu balole, n'obwo bâli babwine ebijiro byani myaka makumi qui goshi.
\p
\v 10 Kwo kwarhumire nnanakunirira eri burha, naderha nti: Bali bamurhima muhabi harhag'isha enjira zani.
\p
\v 11 Omu bukunizi bwani nanacicigasha nti: BArhakalabarha omu buluhukiro bwani.
\p
\v 12 Mumanye bene wirhu, murhabaga mwo bw'omurhula mubi n'omukubula obwemere mpu ociyegule n'a Namuzinda nn'obuzine bwage.
\v 13 Ci Mûka hanulana bwaca buyira obu omu mwene lucihali lyomurhakag'irhengamw'omurhima muzibu, mwamarhebwa n'ecaha
\v 14 Kàli rhwe rhukola baguma n'a Kristu, caziga rhulangalire obwemere bwirhurhweshi buzibu buzibu, kuhika okufà n'a kulya rhwanarhangiraga.
\v 15 Kwo rhwana bwizirwe mpu En-ene mukayumvaizu lyani, murha hûsagya emirhima yinyu n'a kulya byabaga omu bugonyi.
\p
\v 16 Bangahi balya bagiomaga, bamanayumva izu lyage? K'arhali balya boshi barhegaga é Misiri Bali longolirwe na Musa?
\v 17 N'abandi Namuzinda akuniriraga myaka makumi ani? K'arhali balya bajira ebyaha, bons balya emirhima yabo yalambikagwa omwirungu?
\v 18 Na bahi acigashiraga mpu barhalabarhaga omu buluhukiro bwage, ahanyuma lya balya bamugomeraga.
\v 19 Kwo byanabire: rhuyishi oki barhalabarhagamwo, erhi kubula obwemere kwabo kurhuma.
\c 4
\cl Cigabi 4
\p
\v 1 Kuziga obûla eciragane c'okuja omu murhûla cicihaba, rhuyobohe bankahira owacerwa mulimwé.
\v 2 Bulya nirhu rhwabwizirwe omwanzi mwinja akabo, ci oluderho babwiragwa lurhabakwananaga, kulya kuba barabunganaga omu buyemere n'abâli baluyemire.
\v 3 Neci, rhwe rhwayemire erh: Omu bukunizi bwani nacigashire nti: BArhakalabarha omu buluhukiro bwani. Adesire ntyo n'obwo emirhima yabo bali yanyungwire kurhenga oku lemwa kw'igulu.
\v 4 Bulya kuyandisirwe, oku lusiku lwa kalinda, mpu: Namuzinda arhamuka olwa kalinda, ashwinja emikolo yage yoshi.
\p
\v 5 Aho n'a nnêné bidesirwe kandi mpu: Barhakalabarha omu buluhukiro bwani.
\p
\v 6 Ntyo rhumanyirage oku baguma bazinda banajemwo, abarhankashobekwa bâli bahamagirwe barhanabulabarhamwo erhi kurhayumva kwabo kurhuma.
\v 7 Namuzinda ashubitwa olundi lusiku, kwo lw'ene n'erhi ensiku zigera aderha Daudibirya binwa rhubarwa derha erhi: Ene-ene Mûka yumva izu lyage Mumanye mwankahûza emirhima yinyu.
\p
\v 8 Yoshwa acihisagya bene- Israheli mwogwo muluhuko, Namuzinda arhanka cidesire mpu: “Olundi lusiku”
\v 9 Kuziga Bali ogundi muluhuko, omuluhuko kw'esabato gubikirwe olubaga lwa Namuzinda.
\v 10 Neci, owajemw'ogo muluhuko, naye anarhamuke, aleke emikolo yage nka kulya namuzinda anarhamukaga, ashwinja emikolo yage.
\p
\v 11 Rhucisezagye nirhu, rhujemw'ogwo muluhuko, lyo rhurhagi rhengamwo owahirima, anarhebwa n'olo lwiganyo lwo kurhayumva.
\v 12 Neci, Oluderho lwa Namuzinda buba buzine, lurhagaluka lunayojihire kulusha engorho yamoji abiri. Lunywengerere kulusha ahangabiro y'obuzine n'omûka, y'enjingo n'omwonko, lunayishi entimanya n'engererezo z'omurhima.
\v 13 Nanta ciremwa ciru n'eciguma cirhabonwa na Namuzida: Byoshi byoshi bilangashine binafulwirwe omu masu g'Oyu warhulangaye kw'ebi rhwajijire.
\p
\v 14 Kuziga obu rhugwerhe omudahwa mukulu bwenene Yezu, Mugala wa Namuzinda wayikire amalunga, rhugwarhage buzibu obwemere bwirhu.
\v 15 Bulya rhurhagi gwerhi omu Dahwa mukulu orhankarhebana yumva olukogo lwobuzamba bwirhu: kulya kubà naye abuyumvirhe bwoshi okwirhu, kuleka ecaha.
\v 16 Kuziga rhuyegere n'omubulangalire, lyo rhubêrwa olukogo rhuba enshokano y'oburhabale bukwanine.
\c 5
\cl Cigabi 5
\p
\v 1 Neci, ngasi mudahwa mukulu Ali murhôle omu bantu, ayimikwa mpu: akasengerea abantu omubuyemere Namuzinda, anarhûle entûlo n'enterekero oku byaha.
\v 2 Anahash'ifîra abahwinja y'Abayahudi olukogo, Bulya naye yêne agwasirwe n'obuzamba.
\v 3 Okwo kwo kurhuma arhegesirwe arherekere enterekero oku byaha byage yêne nk'oku ajira oku byaha byolubaga.
\v 4 Ntaye ocihâ Obwo bukuze yêne, ci kuhamagalwa omuntu ahamagalwa na Nnâmahanga, nkakulya ahamagalwa Aruni.
\v 5 Kwo n'a kwo, Arhalolaga Kristu yêne wacijiraga mudahwa mukulu, ci Olga wamubwiraga, Erhi: We Mugala wani, nie nakuburhaga ene.
\p
\v 6 N'a kulya adesire ahandi, erhi: Oki Mudahwa ensiku n'amango Aka Melikisedeki.
\p
\v 7 Erhi aciri en'igulu, arhûla ensengero n'amingingo omu kuhamagalwa gwge bwenene n'omurhima emirenge erhi ashenga Olga wali ohashire okumufumya olufu. Ayumvibwa erhi bukenge bwage burhuma.
\v 8 Nobwo âli Mwene Namuzinda, ayiga oburhumisi omu malumwa abwine.
\v 9 N'eryo ayus'iba mwimâna, ahinduka imerero ly'obuyemere bw'ensiku n'amango kuli balya boshi bamuyumva,
\v 10 Bulya namuzinda adesire oku ye Mudahwa mukulu aka Melikisedeki.
\p
\v 11 Kuli okwo rhugwerhe binji by'okumubwira, ci okubihugula kuli kuzibu, Bulya muli bahwinja b'okuyumva
\v 12 Nobwo rhinga kurhenga mira mwe mwankabire bayigiriza, mwabo, mukolaga kandi mulagirire okunyigirizo z'omurhondero z'ebinwa bya Namuzinda, mwahika aha abakulua balonza omonka ahali he biryo bizibu.
\v 13 Kwo binali: ngasi yeshi wacilonza amonka, arhankanunirwa n'enyigirizo z'obushinganyanya; bulya aciri kabonjo.
\v 14 Abimâna bôhe, ebiryo byabo, biba biryo bizibu, balya bakomerire obwenge bwabo okumanyirira ecinja n'ecibi.
\c 6
\cl Cigabi 6
\p
\v 1 Co cirhumire, enyigirizo kuli Kristu, ebikwanine abacirhondera, rhwang'izileka, nti rhurhereme kuhika enyigirizo zabimâna; rhurhagi ata rhwagaluka galuka omu bigabi by'enyigirizo z'okuciyunjuza okubijiro byolufu, n'ezokuyemera Namuzinda.
\v 2 Enyigirizo z'obubatizo n'ez'okulambûlirwa amaboko oki ihwé, ez'obufûke bw'abafîre n'ez'okulambûlirwa lw'ensiku na mango. Kwo rhwankahash'irhenzayo
\v 3 ntyo, akaba Nnâmahanga arhuyemerire.
\v 4 Neci, kwankahashikane ku balya barhaz'iribona obulangashane, balya barhanzi en'inumvirhe n'enho kanoy'empingu, n'okuyagiriza ecikono ca Mûka mtagatifu.
\v 5 N'okurhoma oki kanwa ka namuzinda n'emisi ya mira eyunjwule mwo.
\v 6 Babulihinwa bashubirha byaha! Kurha nkahashinduka mwene namuzinda oku musalaba n'okumûha rubanda mpu ajachirwe
\v 7 Bulya ecihugo cihabwa okubalya ngasi kasanzi bajira emisi n'okuderha kw'enshogo, ebikwanine, balya babuhingaga, banahâbwe obwanga bwa Nnâmahanga.
\v 8 Ci obuburha emishugi n'amarhandu, bwanakobwa, erhi binali bwenene buhebwe buhererekere na bizinda babudulike omumuliro.
\p
\v 9 Ci mwehe, n'ira nani, ciru rhukaderha ntyo, rhumanyire oki muli omu bworhere bwija kulusha n'obuwajirira obucure.
\v 10 Bulya Namuzinda arhli Muguma burhondekizi, mpu ayibagira ebijiro binyu n'obuzigire bwinyu mwayerekine oku Izino lyage, Bulya mwakolire abatagatifu, muacidwirhe mwakujira.
\v 11 Ciguma kône rhucicinfinjire: nti ngasi Muguma muli mwe munyerenkana Obwo bushiru, lyo obulangalire bwinyu buyunjula kuhika okubona rhulangalira.
\v 12 N'a ntyo, abali h'okuba bwolo, muyige balya bâli baziyemire banagano sa Namuzinda, bulya bâli baziyemire banazisêra kwo.
\p
\v 13 Neci, erhi Namuzinda alaganana n'Ibrahimu, Bulya nta mukulu kulusha ankalahire, acilahira yêne, erhi:
\v 14 Neci, bakiya obwanga, nanakuyololosa bwenene.
\v 15 Na ntyo Ibrahimu acihanagna, kuhika ay'ishicunguka bona eyo ndagano.
\v 16 Abantu nka balalira, obakulire bici bakajira, n'endahiro yage, yo emala ngasi kadali gabo
\v 17 Kuli ebyo, Namuzinda alonzagya okuhanula balya b'emimo, y'endagano oku eciragane cage, cirhakahinduka, acigasha.
\v 18 Mpu lyo ebyobijiro bibiri burhankahikwamwo, na ntako Namuzinda ankahashi nywerha muli byo birhukomeza omurhima, rhwe rhwabibwine, olwakiro omu kusera oki balangalire rhwahabirwe.
\v 19 Obwo Bulangashane rhubugwerhe nka mutungo gutunga omurhima gwirhu, mutungo gw'okunali na muzibu kuhika omu lusîka.
\v 20 Aho ho Yezu arhujirire nka mushokolezi, erhi ahanduka mudahwa mukulu aka Melekisedeki.
\c 7
\cl Cigabi 7
\p
\v 1 Oyo Melekisedeki, Mwami w'e Salemi, mudahwa wa Namuzinda w'Enyanya, aj'ibuganana n'Ibrahimu warhengaga emunda ahimiraga, abali, anamuha obwanga,
\v 2 Ibrahimuu amuha ecigabi ca kali ikumi c'ebintu byage byoshi. Aderhwa burhanzi mpu Mwami w'obushinganyanya, kandi mpu mwami w'e Salemu, kwo kuderha mwami w'omurhula.
\v 3 Arhajira ishe erhi nnina, n'o mulala gwage ntaye ogumanyire, ensiku zage, zirhajira murhondero nisi obuzine bwage burhamakiri. Melekisedeki yewa shushanyizwe na Mwene namuzinda, ayorha aba mudahwa ensiku n'amango.
\p
\v 4 Mulolage oku Ali mukulu oyo shakuluza wirhu Ibrahimu arhûlaga ecigabi, ca kali ikumi c'ebintu byage binjinja ashôkôlera abami!
\v 5 Erhi kwo anali! Bulya, n'omu bene-Lawi Nabo, abahîrwe obudahwa, bajira irhegeko ly'okurhûlwa n'olubaga ecigabi ca kali ikumi, kwokuderha muli bene wabo, nobwo nabo bali nkomoka y'Ibrahimu akabo.
\v 6 Ci oyo orhâli wa mulala gwabo. Arhulwa n'Ibrahimu cigabi ca kali ikumi anamuha obwanga, nobwo yewaligwerhe endagano ya Nnâmahanga
\v 7 Na ntabilahirwe aku omurho agishwa n'ômukulu.
\v 8 Na kulusha okwo, abo bantu barhûlwa entûlo y'ecigabi ca kali ikumi; kufa bafa, ci oyoyehe badesire ok u ali mugumaguma.
\v 9 Ciru rhwanaderha nti Lawi yêne, orhûlwa ecigabi ca kali ikumi, nayi acicuiorhuzire emw'Ibrahimu akujira.
\v 10 Bulya aciri nka mburho omu mubiri gwa shakuluza wage, erhi Melekisedeki aj'ibuganana naye.
\p
\v 11 Akaba obudahwa bwa bene-Lawi bwâli bwimâna, Bulya Kuli bonjour, Namuzinda ahâga omubaganda-kazi amarhegeko, cocarhumaga owundi mudahwa oki nka melekisedeki, aciyisha canarhuma barhaderha mpu ali aka Haruni?
\v 12 Bulya obudahwa bwahindusire, okukwanine, n'amarhegeko nago bahinduki.
\v 13 Bulya oyubarhire ebyo byoshi, Ali wabundi bûko yehe ahisire ahabarhegekera.
\v 14 Na ntaye okuli okumurhondero Nnawirhu aliw'enkomoka ya Yuda, na ntaco cirekire obudahwa, Musa adesire Kuli Obwo bûko
\v 15 Ciru okwo rhudesire, kulusha obwalagale, Bulya yayishire owundi mudahwa, oki Aka Melekisedeki.
\v 16 Oyo arhajira mudahwa nkurhegesire ly'abantu bishimba iburha ly'omubiri, ci n'obuzigire bw'obuzine burhayurha.
\v 17 Bulya ye kuderhîrwe, mpu: Oli madahwa ensiku n'amango Aka Melekisedeki.
\p
\v 18 Ntyo kwo irhegeko lya burhanzi lyarhenzibwe Bulya lirha gwerhi nsimiko lirha nacigwerhi kamaro.
\v 19 Nta kantu irhegeko lyajizire kimâna; ci lyâli nshokolezi y'obulangalire bulushire, oburhuha oki yemera Nnâmahanga.
\p
\v 20 N'ecilushire kandi, okwo, kurhaciragwa bura mwigasho. Abandi bahindusire badahwa buzira ndahiro.
\v 21 Ci yehe owamuhaga obudahwa acigasha mpu: Nyakasani acigashire, arhakana galuka omu kanwa kage: Oli mudahwa ensiku n'amango.
\p
\v 22 Na ntyo Yezu ali Mwêza w'endaganoelushire.
\p
\v 23 Kandi, abandi badahwa bâli banji, bulyala olufu lurhazigaga bayorhe ensiku zoshi.
\v 24 Ci yehe, bulya ababo ensiku n'amango, obudahwa bwage burhaka yurha.
\v 25 Co cinarhumire anahash'iciza lwoshi abanashegere Namuzinda oku burhabale bwage, Bulya aba azine ensiku n'amango lyo abalagira.
\p
\v 26 Neci ntyo kwo byâli bikwanine rhube n'omudahwa mukulu, mwimâna, mweru-kweru, orhalikwo ishembo lyoshi lyoshi, orhalikwo gaûma na banya byaha, oli mucanyanya kurhaluka amalunga.
\v 27 Yehe nta bulagirire agwerhi, akabandi badahwa bakulu, bw'okurhûla enterekero ngasi lusiku, burhanzi oki byaha birhu yêne, n'olubaga byolubaga lwoshi, okwo akujira okucaligumiza, erhi acihâna yêne nterekero.
\v 28 Bulya irhegeko linayike abantu buzamba, mpu babe badahwa bakulu, ci akanwa k'omwigasho kayishaga enyuma l'irhegeko, kayimisire Mugala wa Nnâmahanga, kamujira mwimâna okunsiku n'amango.
\c 8
\cl Cigabi 8
\p
\v 1 Mw'ebyo rhudesire, ecinwa cikulu cirigi c'eci. Rhugwerhe omudahwa mukulu otamire ebwa kulyo kw'entebe y'Obukulu bwa Namuzinda omu mpingu.
\v 2 Ye murhumisi w'aka-Namuzinda n'ow'Eciraro c'okuli cayubakagwa na Nyakasane, ci arhali n'omuntu.
\p
\v 3 Bulya ngasi mudahwa ayimikwa mpu akarhûla entûlo n'enterekero; co cirhumire naye akwanine abe n'eci ankarhûla.
\v 4 Yesu acibage w'en'igulu, arhankabire mudahwa, Bulya Bali abadahwa barhûla entûlo nkoku birhegesirwe.
\v 5 Ci ebi bajira bibalwiganyo n'a cizunguzungu c'eby'omu mpingu, n'a kulya Musa abwiragwa n'a Nnâmahanga, erhi alalira okuyubaka Eciralo. Abwirwa, erhi: Sinza, ojire byoshi oku lwiganyo wayeresirwe oku ntondo.
\v 6 Ci oburhumisi Kristu ahîrwe bulushire Bulya bw'entondero Bulya kuba endagano aba mulagizi wayo eri nyinja kulusha, n'eciragane eyemire, ciri cinja kulusha.
\p
\v 7 Bulya endagano ntanzi, ecibaga erhlikw'ishembo, harhankabire igwarhiro ly'okulonza eya kabiri.
\v 8 Karhi erhi abagaya lyadesi erhi: Ala, ensiku ziyiruka, kwo Nyakasani adesire, nankola alaganana entegano mpyahya n'Enyumpa ya Israheli n'Enyumpa ya Yuda.
\q
\v 9 Eyo ndagano, erhabe nkerya nalagananaga n'a bàshokuluza bâbo, Bulya nabagwarhiraga oku kuboko mpu mbakule omu cihugo c'Emisiri, kulya kubà barha seraga omu ndagano yani.
\q
\v 10 Alaganana endagano nalagananaga n'Enympa y'e Israheli enyuma ly'ezo nsiku, kwo Nyakasani adesire: Bajira amarhegeko gani omu nkero zabo, mmbayandikego omirhima, Nnabe Namuzinda wabo, nabo babe bantu bani.
\q
\v 11 Ntaye wanaciyigirize omulungu wage, n'a Ntaye wana yigirize Mwene wabo, aderhe mpu: “Manga Nyakasani”, Bulya, kurhenga omurho kuhika oku mukulu, boshi bamanya.
\q
\v 12 Neci, naba babalira Amabi gabo goshi, n'ebyaha byabo, ntanacibikengera ciru bundi.
\p
\v 13 Omu kuderha “Endagano mpyahya”, Entanzi ayijizire nkulukulu. Nakantu nka kashanja kabe kakulu kulu, erhi kalingi sherera.
\c 9
\cl Cigabi 9
\p
\v 1 Endagano ntanzi nayo yali gwerhi eyayo miganyo, eyayo migenzo, y'okushenga, na kayo ka-Namuzinda ka mwo lin'igulu.
\v 2 Bulya ecihando cayubakagwa burhanzi câlimwa akamole, n'ameza, n'emigati, y'enterekero: Aho, ho hatagatifu.
\v 3 N'Enyumpa ly'olusîka obwakabiri hâlimwo ecihando caderhagwa Hatagatifu h'Ebitagatifu.
\v 4 Hâli olûsho lw'omugavu luyubasirwe n'amasholo, n'omucimba gwendagano gufulisirwe n'amasholo enyunda zoshi. Namuli ogwo mucimba mwâli ikovu, lyamasholo linjwire Mânâ, n'akarhi k'Aroni, kameragakw'obwaso, n'amabuye g'Endagano.
\v 5 N'oku nyanya kwâgwo kwâli Bakerubi b'irenge bakag'ijirira entebe y'obwonjo, empehema. Ci arhali Bruno lya rwankazabanula ebyo byoshi.
\p
\v 6 Erhi b'iba byanayubakwa ntyo, abadahwa bag'ija omucihando, cirhanzi ngasi Mango mpu bajimwo emikolo yabo y'okusengera.
\v 7 Ci omu cihando ca kabiri murhajibagwa elirhali liguma lyône omu mwaka, kandi n'omudahwa mukulu yêne wamujaga; Arhanali arhana dwirhi entûlo y'omuko, gw'okulyula ebyaha byege n'eby'olubaga.
\v 8 Mûka mutagatifu amanyisa ntyo okubajira ta k-Namuzinda erhangayiguka n'Ecihando cirhanzi cicikacisire.
\v 9 Olwo luli lwagano Mango ga buno, lurhamanyusa oku entûlo y'enterekero zirhatwikanuka buhashe bw'okuhindula owa harâmya mwimâna omu murhima gwage.
\v 10 Bulya galimarhegeko gayerekire eby'omubire, nk'ebiryo, n'ebinywebwa, n'okucikalaba, kwa ngasi lubero. Ebyo byoshi biri birhegeke kuhika amango g'omuhindo muhyahya.
\p
\v 11 Kristu erhi ayisha, ahinduka mudahwa mukulu, w'aminja ganayishe, agera omu cihando cilushire cirya cindi obunene n'obwimâna, cirhajiragwa n'anfune sa muntu, kwo kuderha oku cirhali ca mw'ebi byalemirwe en'igulu.
\v 12 Qu'à bwa lwoshi oku caligumiza omu ka-namuzinda. Arhanajaga mw'omuko gwebihebe erhi gw'ebimasha. Ci n'omuko gwage yêne erhi amayusi rhushoboza n'obucunguke bw'ensiku n'amango.
\v 13 Akaba omukolo w'ebihebe n'ebimasha, n'oluvu lw'endaku, bakag'ishahiriza oku bazinzire, byakag'ibayobola, binabahe obucêse bw'omubiri,
\v 14 Kang kulusha, omukolo gwa Kristu wacihânaga yêne nterekero erhalikwo izabyo emwa namuzinda, oki buzibu bwa Mûka b'ensiku n'amango gurhucêsa omurhima gwirhu, guzazemwo ebijiro by'olufu, lyo rhubona oku rhwakolera Namuzinda ozine?
\p
\v 15 Eco cocirhumere âbâ mulagizi w'endagano mpyahya, anafîre mpu ly'azaza ebyaha byakolagwa amango g'endagano ntanzi, lyo abarhôle bayima omu bwmi bw'ensiku n'amango balaganyibagwa.
\v 16 Bulya abali endagano y'omwimo, kukwanine habeecahamiriza oku owayilaganyagya afîre.
\v 17 Neci, endagano y'omwimo, ebona obuzibu, nkowayijiraga amafa; namango goshi aciri ho, ntabuzibu bwoshi.
\v 18 Bulya endagano ntanzi nayo erhajiragwa buzira oku bulaga omuko.
\v 19 Bulya erhi Musa ayish'ibwiriza omubaganda-kazi lwoshi amarhegeko n'oku ngasi liguma lina desire, ayanka omuko gw'ebimasha n'ebihebe, haguma n'amashi n'oboya bw'omuduku n'rhubabi rhw'engûlo, ashahiriza oku cigabi conênê n'oku lubaga lwoshi, erhi:
\v 20 Ogu gwo muko gw'endagano Namuzinda alaganana ninyu.
\v 21 Kandi kwo na kwo ashahiriza omuko oku Cihando n'oku binyu byoshi by'okushenga.
\v 22 Kali ciru Amarhegeko garhegesire hofi ngasi kantu, kashukûlwe n'omuko, nabuzira mkubulaga omuko ntakwo kubabalirwa.
\p
\v 23 Akaba olwiganyo lw'ebintu byempu bicêsibwa ntyo, kuziga kukwanine ebyo binyu by'empingu byonene bicêsibwe n'enterekero zilushire.
\v 24 Neci, arhali omu ka-Namuzinda kayubakagwa n'amaboko, nshusho ta ka-namuzinda, k'okunali, arhali mwo Kristu ajire, ci asheshera omumpingu yonanênê mpu akabonekane omu busu bwa namuzinda erhi rhwe rhurhumire.
\v 25 Arhanali kandi mpu lyo acihâna interekero kanji kanji, nka kulya omudahwa mukulu akagija ngasi mwaka omu ka-Namuzinda n'omuko kurhali gwage.
\v 26 Bicibâga ntyo, Anka babazibwe Kanji, kurhenga okulemwa kw'igulu. Ci mwo zino nsiku nzinda lyo acirekine liguma kwa lwoshi mpu, arherekereze ecaha n'enterekero yage yêne.
\v 27 Nabulya abantu liguma lyône bafa, n'Enyumpa lyaho, batwirwe olubanja.
\v 28 Ntyo Kristunaye acihânyire liguma lyone nterekero mpu, azaze ebyaha byabene bantu banji; anaciboneke, lindi liguma buzira caha, mpu alerhere abamuyemire obuzine.
\c 10
\cl Cigabi 10
\p
\p
\v 5 Kwokwrhumire erhi Kristu qu'à en'igulu, aderhaerhi: 
\q Orhalonzagya nterekero n'a ntûlo; ci wanteganyize omuiri.
\v 6 Orhasima mbagwa n'a nterekero oki byaha.
\q
\v 7 Obwo nanaciderha, nti: Nie ono, nyishire, bulya nie kuyandikirwe pmucizingo c'ebitabu ntindwirhwe obulonza bwawe Yagirwa namauzinda.
\p
\v 8 Ntyo kwa rhang'iderha, erhi: enterekero entûlo, engûsho, n'embagwa oki byaha, orhazilonzagya, orhanazisimaga, nobwo zirinterekero zirhegesirwe n'Amarhegeko.
\v 9 Okuhandi ashubiderha, erhi: nie ono nyishire nti nuire obulonza bwawe. Ntyo arhenzize amarhekere marhanzi, ahira h'oburherekere bwa ka biri.
\v 10 Bunali buhashe bw'obwo bulonza burhujira bimâna mpu lyo oburherekere bw'omubiri gwa Yezu Kristu gwarherekereagwa liguma kwa lwoshi.
\p
\v 11 Ngasi mudahwa, ayimanga Ahaluhêro bwaca bujira, mpu ajire omukolo gwage, n'a ngasi Mango enterekero arhûla si nazirya, n'a nta buhashe ciru n'obuhashe zijira bw'okurhûla ebyaha.
\v 12 Yehe erhi aba amarherekera, bwanaba burherekere buguma lwacitwa oku byaha, agendi cidamalira oku nsiku n'amango ebwa kulyo kwanamuzinda.
\v 13 Akalinga kurhenga aho oku abalenzi bage bahirwa edako lya magulu gage babe citumbi cage.
\v 14 Bulya, nna nterekero nguma yône, yabacêsagya, abahindu bimâna b'ensiku zoshi.
\v 15 Ciru n'a Mûka Mutagatifu ahamirizize okwo, Bulya erhi aba amaderha, erhi:
\q
\v 16 Eyi yondagano nalagananaga rhwe nabo enyuma ly'ezo nsiku, Nyakasane ayushula erhi: Bajira amarhegeko gani omu murhima yabo, nabayandikago omu nkengero.
\p
\v 17 Nabyo ebyaha byabo n'obubi bwabo ntakacibikengera bundi.
\p
\v 18 Ci aha ebyaha byababalirwe harhaciri nterekero oku caha.
\p
\v 19 Ntyo, bene wirhu, rhugwerhe obuhashe bw'okunali nk'oku rhulonzize omu Hatagatifu h'Ebitagatifu, erhi muko gwa Yezu cirhuma.
\v 20 Rhwayambala, rhukagera omunjira arhutwiraga: njira mpyahya n'ey'obuzine, njira egezire omu lusîka, kwo mubiri gwage.
\v 21 N'a kulya kuba rhugwerhe omudahwa mukulu orhegeka enyumpa ya namuzinda,
\v 22 rhuyegerage n'omurhima gurhalimwo Bulya lya omu bwemere bwirhu bwimâna; emirhima yirhu ecêsibwe ngasi bubi buyirimwo, n'emibiri yirhu eshukwe n'amishi gashongwire.
\p
\p
\v 26 Erhi rhurhakajira ebyaha, n'oluhinzo, n'obworhwarhangiri okumanya bwinja okuli, harhaciri nterekero oku byaha,
\v 27 n'a ntakundi kucisigire okurhali kulonza okutwirwa olubanja lukali n'okukakenga omu muliro, gwensiku n'amango n'abagoma ba namuzinda.
\v 28 Omuntu akavuna irhegeko lya Musa, anayirhwe buzira lukogo, casinga haboneke bahamiriza babiri erhi basharhu.
\v 29 Kengeragi ninyu, buhane bunganaci na Bunali, kulusha akwanine okuhâbwa, omuntu owâbe omuko gw'endagano gwamucêsagya, nka kulya kankabire kantu k'izinga, n'owâbe ajacire Mûka gw'enshokano?
\v 30 Neci, ebirhashinganini Olga waderhaga erhi: Okucihôla Kuli kwani n'okuhâna oluhembo Kuli kwani! N'a kandi erhi: Nyakasane ayishi twira olubaga lwage olubanja.
\v 31 Yajebe! Ciri cintu ca kuyoboha okugwa omunfune za Namuzinda Ozine.
\p
\v 32 Cikwonenemukengere ensiku ntanzi erhi muyus'ihâbwa obumoleke, Bulya mulembera entambala ndarhi n'amababale.
\v 33 Ahamwabonesibwa enshonyi, n'okumubonya omu lubaga; aha mwalungana n'abajiriragwa ntyo,
\v 34 Neci, mwashangîre amalibuko g'abâli omu mpamikwa, mwanayemera n'obushagaluke mwanyagwa ebintu binyu, Bulya mwâli mumenyire oku mugwerhe obuhirhi bwinja kulusha n'obwo burhakanyagwa.
\v 35 Mumanyage mwankarhera Obwo bulangalire bwinyu; bualya mubikirwe entanda innene.
\v 36 Neci, kukwanine muzibuhe, lyo muyorha mujira obulonza bwa Namuzinda, munayish'ihabwa ebi abalaganyagya.
\v 37 Bulya hacisigire hisanzi hitya byône, Olya wayisha, ayisha, arhana rhinde.
\q
\v 38 Ci omushinganyanya alama n'obwemere, n'eryo ankashubira nyuma, omurhima gwani kurhanka cimubakwo.
\p
\v 39 Rhwehe rhurhali bantu ba kushubirira nyuma, n'okuyigiriza Hera, ci rhuli bantu ba bwemere buciza obuzine bwirhu.
\c 11
\cl Cigabi 11
\p
\v 1 Obwemere buli cikinja c'ebirhulangalire, buli cimanyiso c'ebirhurhabona.
\v 2 Bwo bwarhumire abakulabembere birhu babona obuhamirizi bwinja,
\v 3 Bwemere burhuma rhwayumva oku igulu lyalemagwa n'oluderho lwa Namuzinda, na ntya ebibonekana byarheagaga omu birhaboneka.
\p
\v 4 Bwemere bwarhumire Abeli arhûla Namuzinda enterekero elushire eya Kaini; bwarhuama aderhwa mushinganyanya, erhi Namuzinda yêne ahamiriza oki ayankirire entûlo zage; bwo bunarhuma aciderhwa kuhika buno n'obwo afîre.
\p
\v 5 Bwemere bwarhuama Enoki ahêkwa mpu ly'arhabonaga olufu, arahanacibonekaga, Bulya Namuzinda âli erhi amuhêsire. Neci, embere ahêkwe, âli erhi adesirwe omu hamiriza oki asimisize namuzinda.
\v 6 N'a buzira bwemere kurhankahashikana okusimisa Namuzinda. Bulya oki walonz'iyegera Nnâmahanga arhegesirwe okukanyo âbâ n'oku ahemba abamulonza.
\p
\v 7 Bwemere bwarhuga Nowa, erhi aba amamanyisibwa ebirhj'ibonekena, ayumva obwoba bw'obukenge, Kuli Nnâmahanga, anabinja bwarho mpu lyo afumya omulala gwage. N'obweere bwage bwayigiriza igulu, abahindu lamwimo gw'obushinganya bulerhwa n'obwemere.
\p
\v 8 Bwemere bwarhuga Ibrahimu ayumva izu lya Nnâmahanga lyamubwiraga mpu agende que omucihugo âli ayish'imanga mwo agenda arhanamanyiri Aho aja.
\v 9 Obwemere bwarhuama aj'iyubaka omu cihugo alaganyibagwa nko omw'ishwa lyabene, abêra omu bihando n'Izaki n'a Yakobo, yo mimo y'eyo ndagano akage.
\v 10 Ahira ntyo, bulya akag'irinda olugo luhumbirwe eciriba na Nnâmahanga, mpu yêne alugwîke analuyubake.
\v 11 Bwere bwarhumaga Sara yêne ahabwa obuhashe bw'okuba izimi, ciru akaba aali akola mugikulu, Bulya ayemera oku Mungu ajira okwo amùlaganyagya.
\v 12 Ntyo kwo, omu kurhonderera kuli muntu muguma n'obwo ali akola nk'ofire, kwo aburhaga obuuko bwaage, bwanaba bunji kulusha enyenyezi z'oku nkuba na kulusha omushenyi gw'omu nyanja gulya gurhankaganjwa.
\p
\v 13 Abo bantu boshi omu bwemere bafirire. Barhahabagwa ebirugu namuzinda alaganyibagwa, cikwône babibwine banabilamukiza kuli, babul'iderha oku bâli gigolo n'a Bakange en'igulu.
\v 14 Abaderha ntyo bayerekine n'obwalagale oku balonzize ecihugo cabo.
\v 15 Bacikala-nshonyi erhi eco cihugo barhengaga mwo cirhuma, bankabwiine akasanzi n'okushuka mwo.
\v 16 Okuli, balonzagya ecihugo cinja kulusha, kwo kuderha oku cihugo c'enyanya. Co cirhuma Mungu arhafa nshonyi z'okuderhwa Mungu waabo. Bulya abajirire ecishagala.
\p
\v 17 Bwemere bwarhumaga Abrahamu arhûla Isaka nterekero y'ecintu cidwa omuko amango namuzinda amugeraga. Oyo Abrahamu ye namuzinda ahâga eciragane, na ciru akaba ntyo kurharhumaga arhaciyerekana oku acikubwire okurhula omugala w'ecusha nterekero y'ecintu cidwa omuko.
\v 18 Namuzinda ali erhi amubwizire erhi: “Isaki ye warhenga mwo obuko bwawe.”
\v 19 Abrahamu abona oku namuzinda agwerhe obuhashe bw'okufula Isaki, Abrahamu anashub'ishubizibwa Isaki. Kwo kuderha obwo oku aba nka kufulwa afuzirwe.
\p
\v 20 Bwemere bwarhumaga Isaka agisha Yakobo n'a Esau omu kubalaganya ebyayisha.
\p
\v 21 Bwemere bwarhumaga Yakobo aha ngasi mwana wa Yozefu amarhi minja, erhi akola ali bufa. Asimikira oku cikoma caage abul'igashaniza Namuzinda.
\v 22 Bwemere bwarhumaga Yosefu, omu nsiku zage za buzinda, aderha ogw'amango Abisraeli banarhenge e Misri. Aderha na kurhi bagwasirwe okujira ebivuha byage.
\p
\v 23 Bwemere bwarhumaga ababusi ba Musa bamufulika myezi isharhu enyuma ly'okubûrhwa kwage. Babona oku âli mwana mwinja barhanaciyobohaga okulahira akanwa ka Mwami.
\v 24 Bwemere bwarhumaga Musa, erhi akola mukulu, alahira okuderhwa Mwene mwâli sa Farao.
\v 25 Acishoga okukolesibwa buligo boshi n'olubaga lwa namuzinda kulusha okucisimisa omu byaha kasanzi kasungunu.
\v 26 Abona oku okuganyaguzibwa aka Masiya kwo kugwerhe obunguke bunene kulusha emihako y'e Misri, bulya ali alangalire
\v 27 Bwemere gwarhumaga Musa arhenga é Misiri buzira ku yôboha, obukunizi bwa mwami, Asimika nk'oli wabona Namuzinda o rhaboneka.
\v 28 Bwemere bwa rhumaga ajira idinye ly'olusiku lukulu lwa basaka n'okuciyerekana oku bashahize omuko oku nyumvi lyo Malaika w'okuyîrha, arhag'iyîrha enfula z'Abisraheli.
\p
\v 29 Bwemere bwarhumaga Abisraheli bayicira eyanja ndukula; byâba nka kunanâba okw'idaho, Cikwone erhi Abamisiri bàkolaga nabo mpu bayîcira, kulya ababo bajiraga, bôhe bazika.
\p
\v 30 Bwemere bwarhumaga ebyogo (enkuta) by'ecishagala c'e Yeriko byahirima erhi Abisraheli bamabigorha nsiku nnda zoshi.
\p
\v 31 Bwemere bwarhumaga erya ndumba Rahabu erhafîra haguma na balya bagomo n'omurhima mwinja.
\p
\v 32 Bicigi nâderha? Ntagwêrhi mango g'okuderha ogwa Gidiyoni, n'ogwa Baraka, n'ogwa Samusoni, n'ogwa Yefuta, n'ogwa Daudi, n'ogwa Samweli n'ogwabarhonzi ba Namuzinda.
\v 33 Mâshi Bwemere bukasinga Bulya bwo bwarhumaga bagwarha ebihugo, bajira ebishinganine, babona n'ebi Namuzinda âli alagânyize. Bashweka orhurhunwa rhw'entale;
\v 34 Bulya emiriro midârhi bafuma okuyîrhwa n'engôrho. Bâli bagonyo baziburha, baba bacôbohwa oku ntambala, bahima n'abasirika b'amahanga manji.
\v 35 Bwemere bwahumaga abakazi bafûlira emirhùma yabo. Abandi ba libuzibwa kuhika okufa. Balahira okulîkwa mpu lyo barhûlwa, baje omu buzîne bwinja kulusha obundi bwôshi.
\v 36 N'abandi bashekerwa, bashûrwa n'onyûli, hàli n'abashwesirwe n'obunjogolo babul'ikwêbwa omu mugozi.
\v 37 Baguma bayisirwe omu kubandwa amabuye, abandi babatwa mwo bihimbi bibiri n'emisumeno, nisi erhi kuyirhwa n'engôrho. Bakâg'ija eyi n'eyi banayambîrhe empu z'ebibuzi nisi erhi za mpene. Bâli bakenyi, banakazikenga, n'okukolêsibwa kubi.
\v 38 Ab'en'igulu barhâli bakwanîne okuba n'abo bantu! Bakâg'ija bazunguluka-zunguluka omu mpingu n'omu ntondo. Babâga omu nkunda n'omu malumba.
\p
\v 39 Abo bantu bôshi Namuzinda abayemîre erhi Bwemere bwabo burhuma. Ciru akaba ntyo, barhahâbagwa Ebi Namuzinda âli abalaganyize.
\v 40 Bulya, Namuzinda âli arhubikîre akantu kinja kulusha, arhanamanyiri mpu babe bashinganyanya ebirhali haguma nabo.
\c 12
\cl Cigabi 12
\p
\v 1 Hoshiho kulyakufa nirhu, rhuzungusirhwe. Lyikungu lunene lwabahamizi balitya, rhuhere hali oburhambi ngasimusho mujirhungwe byoha gulya gurhugwarha duba rhushurhe duba nokuyimba omuka karhika akodiali kaliemalanga girhu.
\v 2 Rhusize yezu warhonderaga analamala obwemere bwirhu olya enyanya ye bushagaluke bwahizirwe emalanga gage. Ahima oku musalaba agaya n'enshonyi ene atamîre oku ntebe yakanyabwâmi bwa Nyamahanga.
\p
\v 3 Bulya murhimanye bwenêne olya walindiraga birya bizibu bya lugero luneneby'abajira e byahà enyanya ly'emibiri yâbo lyo muleki rhama muvunike e mirhima yînyu.
\v 4 Murhasagi lkw'entamabla mpu mubulage omuko, mpu mulwîse e byaha,
\v 5 Kandi muyîbagire birya bilorho bidesire nnanînyu nka kuderha n'omwâna. Mwana wani, orhagayaga oku galulwa na Nahano orhana vunike omurhima nkaka ku kalihira.
\q
\v 6 Bulya oyu Nyakasani asîma, anamu kalihire, anamushûrhe, n'angasi mwan omuyumve.
\p
\v 7 Enyanya z'okubagalukira, mushinganîne, lyo Namuzinda abajira nka bana bâge. Bulya nndi mwana ishe arha kalihira?
\v 8 Hoshi aho, nkakaba barhali bamugalukira, bulya hyo hishweko emwa bôshi, gomango mwakaba banaharamu. Mwoyo murhankaciba bashinganîne.
\v 9 Haguma n'okwo, rhugwerhi ba larha b'omubiri, baka'ig rhu kalihira nîru rhwa basima hoshi aho, ka kurhi kwinja bwenene, ka kucijihira idako lya Larha w'omubiri lyo rhulama?
\v 10 Bulya kwo binali, nabo oku nsiku nsungunu bakâg'irhu galukira oku bali balonzize bône. Cikwone yehi oku bunguke bwirhu mpu rhube bashinganyanya
\v 11 Ngasi chizibu aka sanzi kacho karhaba ka murhûla, cikwone ciba ca burhé. Ci buzinda bulya burhe buna lêrhe omurhûla.
\p
\v 12 Muyimusahye amaboko gînyu gàrhamire, muzibuhye amadwi gînyu gàlembire!
\v 13 Mujirire amalu gînyu enjira e shinganîne lyo ngasi cirema cirhaheraga, ci kuchishinga mpu naco cifume.
\v 14 Mucisêze oku longereza okuba n'omurhûla n'bantu bôshi, nobw'obwo bushinganyanya, bulya ntaciru muntu wana bone Nyakasane nkarha bugwêrhi.
\v 15 Mulole bwinja harhajiraga muguma wînyu wanyihirwa n'olu kogo lwa Namunda, bulya ecisinde cilulu cireha shabukaga omukagarhi kînyu lyo cirha hebagakwo bânji izinga liyîshi ba heza.
\v 16 Harha bonekanaga omuhushi, erhi orhakenga Nnâmahanga, nka kulya Esau agayagusagya obukulu bwage bw'enfula, abuguza oku kalyo kasungunu.
\v 17 Nînyu mmenyire oku buzinda acilonzize oku mirenge okuyîme, bamulahira, bulya arhabonaga kasanzi k'okuhungama.
\p
\v 18 Bulya muhikiraga erya ntonda eshinganîne muhumeko, kandi ya yakaga muliro kandi erhi lulya lwikungu lwiru lw'omwizimya n'olukayu.
\v 19 N'izu lya mushekera n'emyanzi; erya bayumvagya, bayinginga mpu barhaciyumvagya bindi.
\v 20 Bulya barhanka hashire akanwa kali rhegesirwe ciru n'ensimba nka yangahisire kw'eyontondo ya kazagi fà namabuye
\v 21 Ebyakâg'ibonekana kwo, byàli bya kuyôbohya, ciru kuhika Musa aderha: erhi namayoboha, bwenene n'ankola ndi najuguma!”
\v 22 Ci mwêhe mwahisîre oku ntondo y'e Sinayi n'omu cihugo ca Namuzinda ozîne, Yerisalemi y'embingu lwo lubaga lwa bamalahika banakimba.
\v 23 Burhimanane bunene olu lurhamaba lwe nfula bo bayndisirwe embingu na Namuzinda wayatwe emenja z'abantu bôshi balya bashinganyanya
\v 24 na Yezu murhumisi w'ecilagane cihyahya n'omuko gwokujabuliza, oguderha aminja kulusaha gulya gwa habeli.
\p
\v 25 Sinzagi, murha lahiraga olya oderha. Bulya nka kaba barha cungukaga balya bamulahiraga, olya wa yerekeraga enyanya bwenene kulusha rhurha cunguke rhukacikûla kuli ye.
\v 26 Izu lyâge lyadundaganya igulu, cikwône àrhuhîrage ecilagane cidesire mpu: “Nàshub'idundaganya kandi lindi liguma, arhali igulu lyône, cikwone nk'oku mkuba.”
\v 27 Cikwone kalya kanwa kuliguma ka yerekîne oku rhenza birya bigwerhi obuhashe bwoku dundaganya ebidahîre,
\v 28 Ntyo, bulya rhu yankirire Obwami burhankasha oku dundagana, mmubage n'inêma eryo rhwa nk hashisibwa oku rhûlira namuzinda entulo y'olwikumbo eshinganine obwîrhonzi busimisize.
\v 29 Bulya Nyamuzinda wirhu aba muliro nkundûla.
\c 13
\cl Cigabi 13
\p
\v 1 Musere omu buzigire bw'ecinabuguma.
\v 2 Murhayibagiraga okukayankirira ebigolo, Bulya hali abayankiriraga ntyo ebigolo, bahandisa bamalahika barhanamanyiri.
\v 3 Mukengere abali omu mpamikwa, nka kulya mwankabire babohee haguma nabo, n'abadwirhe balibuzibwa, bulya ninyu mugwerhe omubiri.
\p
\v 4 Obuhya bukengwe na boshi, n'encingo y'obuhya erhabagakwo izinga; bulya abagonyi n'ebitwamba Nyamuzinda ayabaheke lubanja.
\v 5 Muyake okusima enfaranga kulusha omu lugendo lwenyi; musimiswe n'ebimugwerhe, bulya Nnâmahanga yêne adesire, erhi: Ntakakuleka, ntakanakulikirira.
\p
\v 6 Co cirhumire rhwanahash'iderha n'oburhwali, nti: Nyakasane ye murhabazi wani; ntaco nankayoboha. Kurhi abantu bankanjira?
\p
\v 7 Mukengere abakulu binyu babayigirizagya akanwa ka Namuzinda; mulole obuzinda bw'obuzine bwabo munashimbe olwiganyo lw'obuyemere bwabo.
\v 8 Yezu Kristu, oku ali nnjo n'ene, kwo anayorha ensiku n'amango.
\v 9 Mumanye mwankarhebwa n'enyigirizo za ngasi lubero n'ezi murhamanyiri olunda zarhenga; Bulya nshokano ya Nnâmahanga ezibuhya omurhima, ci arhali biryo birhalerhera ababikolesa bunguke.
\p
\v 10 Rhujira olutare abarhumisi b'Ecihando barhankalirakwo.
\v 11 Kali, erhi omudahwa mukulu aba amaheka omuko gw'embagwa omu ka-Namuzinda oku kulyula ebyaha, emirhumbaribirhi-ibirhi kuyocibwa eyocibwa mbuga.
\v 12 Okwo kwo kwarhumire Yezu naye, erhi akola acêsa olubaga n'omuko gwage, ababazibwa embuga y'olugo.
\p
\v 13 Kuziga nirhu rhuhuluke, rhuje embuga, rhubarhule ebijaci byage, rhumushimbe.
\v 14 Bulya rhurhagwerhi en'igulu ecishagala cayorhaho, ci rhwalonza ecayisha.
\p
\v 15 Oku bulagizi bwage rhurhule Namuzinda enterekero y'obukuze ngasi mango, kwo kuderha emburho y'orhunwa rhuhamiriza izino lyage.
\p
\v 16 OKujira aminja nakwo n'okushangira ebintu n'abandi, murhakuyibagiraga; entulo za bene ezo zo Namuzinda asima.
\p
\v 17 Mukayumva abakulu binyu munabakenge; bulya bo balanga emirhima yinyu, banayish'iyidosibwa. Kukwanine bajire ogwo mukolo n'obushagaluke, ci arhali n'oburhe, bulya okwo kurhankabalerhera obunguke.
\p
\v 18 Murhusengerere emwa Nnamahanga. Rhumanyire oku rhugwerhe omurhima mwinja, n'olugendo lwirhu rhulonza lube lwimana muli byoshi.
\v 19 Mpunyire bwenene nti munsengerere lyo ngaluka omwinyu.
\p
\v 20 Namuzinda w'omurhûla, wafûlaga omu bafu Nnawirhu Yezu, ye Lungere mukulu w'ebibuzi, erhi nterekero y'omuko gwage gw'endagano y'ensiku n'amango erhuma,
\v 21 yêne ammujire bantu nkana, lyo mukajira obulonza bwage omu minja ga ngasi lubero; yene ajire muli mwe ebimusimisize, Erhi Yezu Kristu orhumire. Irenge libe lyage emyaka n'emyaka! Neci, ntyo!
\p
\v 22 Bene wirhu, mmuhunyire nti muyankirire kwinja ebi binwa by'ihano; mubwine oku ntayandisiri binji.
\p
\v 23 Mumanye oku mwene wirhu Timoteyo nashwekwirwe. Akayisha duba, rhwayish'immulola rhwe naye.
\p
\v 24 Mundamukize abakulu binyu boshi n'abatagatifu boshi. Bene wirhu b'omu Italiya bammulamusize.
\p
\v 25 Inâma ya Nnâmahanga libe haguma nînyu!