See in Reader
137 lines
12 KiB
Plaintext
137 lines
12 KiB
Plaintext
\id COL
|
|
\ide UTF-8
|
|
\h Abakolosayi
|
|
\toc1 Abakolosayi
|
|
\toc2 Abakolosayi
|
|
\toc3 col
|
|
\mt Abakolosayi
|
|
\c 1
|
|
\cl Cigabi 1
|
|
\p
|
|
\v 1 Paolo, ntumwa ya Kristu Yezu oku bulonza bwa Namuzinda, na mwene wirhu Timoteyo,
|
|
\v 2 oku batagatifu na bene wirhu bemezi muliKristu bali e Kolosi. Kuli mwe engalo n'omurhûla gwa Larha Nnâmahanga!
|
|
\p
|
|
\v 3 Rhurhahusa okuvuga Namuzindaa omunkwa, Ishe wa Nnawirhu Yezu Kristu, nka rhwammukengera omu nsengero zirhu,
|
|
\v 4 bulya rhwayumvirhe obuyemere bwinyu muli Kristu Yezu n'obuzigire bwinyu oku batagatifu boshi,
|
|
\v 5 kulya kuba mucikubagire obulangalire mubikîrwe omu mpingu. Obwola bulangalire mwabuyumvirhe omu Luderho lw'okuli, yo Myanzi y'Akalembe;
|
|
\v 6 eyo Myanzi y'Akalembe yahisire emwinyu nk'oku yalumire omu igulu lyoshi: yayâna emburho yanagandaza. Emwinyu nayo kwo na kwo, kurhenga lulya lusiku mwayumvagya mwanamanya enshokano ya Namuzida nk'oku enali,
|
|
\v 7 bulya muyigirizibwa n'Epafra, murhabazi wirhu muzigirwa omu mukolo na murhumisi wa Kristu okwanine okucikubagira.
|
|
\v 8 Yêne warhumanyisagya obuzigire bwinyu muli Mûka Mutagatifu.
|
|
\p
|
|
\v 9 Co cirhumire, kurhenga lulya lusiku rhwayumvagyamwo ogo mwanzi, rhurhahusa okummusengerera n'okushenga Namuzinda nti ammushoboze okumanya kwinja obulonza bwage, omu bushinganyanya bwoshi n'omu bumanye bwa Mûka Mutagatifu.
|
|
\v 10 Na ntyo mube n'olugendo lushinganine Nyakasane, munamusimise muli byoshi; muyâne amalehe omu ngasi bijiro binja, munayushûke omu kumanya Nnâmahanga.
|
|
\v 11 Obuhashe bw'irenge lyage bwammuzibuhya, muhash'ilembera amalibuko goshi n'oburhwali,
|
|
\v 12 munavuge Larha Namuzinda omunkwa n'enshagali, owammushobozagya enshokano y'okushangira iragi ly'abatagatifu omu bulangashane.
|
|
\p
|
|
\v 13 YE warhurhenzagya omu buja bw'omwizimya, aj'irhudekereza omu Bwami bwa Mugala wage muzigirwa
|
|
\v 14 warhucungulaga anarhulira ebyaha.
|
|
\v 15 Yenshushano ya Namuzinda orhaboneka ye Nfula omu biremwa byoshi.
|
|
\v 16 Bulya byoshi muli ye byalemagwa, emalunga n'en'igulu, ebiboneka n'ebirhaboneka, Entebe n'Amarhegesi, Amami n'Amahashe: byoshi byoshi ye wabilemaga, ye byanalemeragwa;
|
|
\v 17 n'embere bibêho byoshi, yene erhi ho aba, ye nabihereza okubaho byoshi.
|
|
\v 18 Kandi yêne y'irhwe ly'omubiri, yo Ekleziya; ye Nfula omu bâfire; nantyo ye murhanzi muli byoshi.
|
|
\v 19 Bulya Namuzinda alonzize okumuhiramwo obwimâna bwoshi,
|
|
\v 20 na muli ye alonzize okugalula ebintu byoshi omu bwira bwage, ebiri en'igulu n'ebiri emalunga, alerha omurhûla n'omuko gw'omusalaba gwage.
|
|
\p
|
|
\v 21 Ninyu mwe mwâli bigolo mira na bashombanyi erhi nkengero zinyu n'ebijiro binyu bibi birhuma,
|
|
\v 22 Lero bunola ashubir'mmujira bira bage omu mubiri gw'omugala, erhi afa, mpu lyo mubonekana batagatifu, beru-kweru na banwererwa omu masu gage;
|
|
\v 23 Caziga musêre buzibu omubuyemere, mumere emizi, mukomere munabe ntadundagana omu bulangalire bw'Emyanzi y'Akalembe mwayumvagya; eyo Myanzi y'Akalembe yayigirizibwe ngasi ciremwa ciba en'Igulu, nani, nie Polo, nahindusire Muja-bugo wayo.
|
|
\p
|
|
\v 24 Bunola nsimire omu malumwa ndwirhe nabona mwe murhumire, nandwirhe nayunjuza omu mubiri gwani ebibuzire oku mababale ga Kristo, nti lyo nkwanana omubiri gwage, yo Eklezya.
|
|
\v 25 Nie ona nahindusire murhumisi w'eyo Eklezya obuja-bugo Namuzinda ampaga muli mwe burhuma, mpu ndumize oluderho lwage,
|
|
\v 26 ly'ihwe lyâli lifulike kurhenga emyaka n'emyakula n'oku bantu ba mira, na buno likola limanyirwe n'Abatagatifu bage.
|
|
\v 27 Namuzinda alonzize okubayereka obuhirhi bw'irenge bw'eryola ihwe emwa abapagani: Kristo ali ekarhi kinyu, ye bulangalire bw'irenge!
|
|
\v 28 Oyola Kristoye ye rhuhanula omu kurhonda ngasi muntu n'omu kuyigiriza ngasi muntu n'obushinganyanya bwoshi, nti lyo rhuhindula ngasi muntu abe mwimâna muli Kristo.
|
|
\v 29 Eco co ntamira, omu kulwa entambala n'oburhabale bw'emisi mpabwa n'obuhashe bwage.
|
|
\c 2
|
|
\cl Cigabi 2
|
|
\p
|
|
\v 1 Nnonzize mumanye ntambala ndarhi nci ndwirhe nalwa erhi mwe murhuma, n'ab'e Laodiceya, na ngasi bandi barhasag'ibona obusu bwani.
|
|
\v 2 Nnonzize emirhima yabo erhûlûle, balungane bwenene omu buzigire, banayunjule obuhirhi bw'obumanye, na ntyo bamanye ihwe lya Namuzinda, ye Kristo,
|
|
\v 3 ye bamwo obuhirhi bwoshi bw'obushinganyanya n'obumanye.
|
|
\v 4 Ndesire okwo nti lyo harhajira owamurheba n'ebinwa bw'obweguza.
|
|
\v 5 Bulya ciru akaba ntali muli mwe n'omubiri, ndi muli mwe n'omurhima, nnasimire okubona muyosire bwinja buzira kavulindi munasêzize buzibu omu buyemere bwinyu muli Kristo.
|
|
\p
|
|
\v 6 Ntyo mulame muli Nakasane Yezu Kristo nka kulya mwamuyigirizibagwa.
|
|
\v 7 Mumumerekwo emizi munamusêrekwo, musimikire oku buyemere nka kulya mwayigirizibagwa, muna muna yorhe mwaviga omunkwa.
|
|
\p
|
|
\v 8 Mumanye hankanajira owammujira baja n'obwenguza bw'efilozofiya y'obunywesi, erya eyegemera emigenzo y'abantu n'ebiremwa by'en'igulu, ci arhali Kristo.
|
|
\v 9 Bulya muli ye mwo obwimâna bwoshi bw' obunyabuzinda buba omu mubiri, ninyu mushangire obwo bwimâna muli ye,
|
|
\v 10 Ye irhwe lya ngasi Mami na ngasi Mahashe.
|
|
\v 11 Muli ye mwakembwirwe obukembûle burhajiragwa na nfune za muntu, mwahogola omubiri gwinyu gw'ecaha: obwola bwo bukembûle bwa Kristo.
|
|
\v 12 Mwabishirhwe haguma naye omu nshinda erhi mubatizibwa, kandi mwafûsire haguma naye erhi muyemera obuhashe bwa Namuzinda wamufûlaga omu bafu.
|
|
\v 13 Mwe mwâli mufîre erhi byaha binyu n'okurhakembûlwa kw'emibiri yinyu birhuma, ashubir'immuha obuzine haguma naye, arhubabalira ebyaha birhu byoshi;
|
|
\v 14 azaza ecerhe c'omwenda rhwâlimwo n'ebigabi byaco, acirhenza, acibamba oku musalaba.
|
|
\v 15 Nago Amami n'Amahashe aganyaga, agabonesa enshonyi omu masu g'igulu lyoshi, anagahwarha mpira zage.
|
|
\p
|
|
\v 16 Lero irhondo harhacijiraga owa muderha oku biribwan'oku binyobwa nisi erhi oku biyerekire ensiku nkulu, erhi oku baluka kw'omwezi, erhi olwasabato.
|
|
\v 17 Ebyo byoshi biri cizunguzungu cone c'ebyaciyisha; ci okuli kwonanene guli mubiri gwa Kristo;
|
|
\v 18 Ntaye ommurhebaga mpu ammunyage etanda yinyu omuku cikungika obwirhohye bwage bw'oku gashaniza ba Malahika. Ebyo byoshi biri bilorho bya balya obucibone bwabo burhagwerhi nsimiko n'obukengere bw'ecinya-mubiri burhunza.
|
|
\v 19 Abola bantu barhasera oku irhwe lilisa omubiri gwoshi n'oku gusimbanya oku burhabale bw'enungo, n'emisi mpu lyo gushunjuka muli Nyamuzinda.
|
|
\p
|
|
\v 20 Akaba mwafire haguma na Kristo oku biremwa by'en'igulu, cici cirhumaga mwayemera emiziro nka kulya muciri b'en'igulu?
|
|
\v 21 Mpu: “Omanye wankahuma kwo, omanye wankalabula kwo, omanye wanka mamarha kwo?
|
|
\v 22 Kali ebyo byoshi byalemeragwa okusherera omu kukolesibwa! Agola marhegeko, n'ezola nyigirizo zili z'abantu!
|
|
\v 23 Amarhegeko gabene ago ganahash'ibonekana nka gabantu bashinganyanya, balonza obulyo bw'okugashaniza, n'obw'okucirhihya, n'okubabaza omubiri; nobwo nta kamalo kago, na ntakwo gankahash'ihima irala ly'omubiri.
|
|
\c 3
|
|
\cl Cigabi 3
|
|
\p
|
|
\v 1 Obu mwafûsire haguma na Kristo, mukag'ishwira eby'enyanya, yo Kristo abutamire ekulyo kwa Nyamuzinda,
|
|
\v 2 Mukanunirwa n'eby'enyanya, muleke okukalalikira eby'igulu.
|
|
\v 3 Bulya mwâfire, n'obuzine bwinyu bukola buba bubishe haguma na Kristo muli Nyamuzinda.
|
|
\v 4 Amango Kristu, ye buzine bwinyu, aciyerekana, ninyu mwayish'ilabuko mwe naye omu bukuze.
|
|
\p
|
|
\v 5 Kuziga mubabaze ebirumbu by'omubiri gwinyu gw'en'igulu: obugonyi, eby'enshonyi, amasima mabi, enyifinjo mbi, n'amagene g'eby'en'igulu, kwo kuli nka kufukamira ebiremwa;
|
|
\v 6 ebyola byo birhuma Nyamuzinda akunira.
|
|
\v 7 Ninyu mwêne ntyo kwo mwâli muyosire mira, amango mwacikag'ikashimba ezo ngeso mbi.
|
|
\v 8 Ci kwonene lero bunola ebyo byoshi mubijugucirage ninyu: obukunizi, ennongwe, obulyalya, ebijaci n'enshambalo mbi, birhahira bikaciyumvikana omu kanwa kinyu.
|
|
\v 9 Murhacig'irhebana mwêne na nnene, bulya mwahogwire omuntu wa mira haguma n'ngeso zage,
|
|
\v 10 mwacihundikira omuhyahya, olya ocisêza okuhinduka nshusho y'Omulemi wage, mpu lyo ahika oku bumanye bw'okunali.
|
|
\v 11 Aha harhaciri Mugereki erhi Muyahudi; harhaciri mukembûle erhi ntakembûlwa; harhaciri bantamanywa n'Abashita; harhaciribaja erhi bantagengwa: akola Kristo yêne, ye byoshi muli boshi.
|
|
\p
|
|
\v 12 Nka kulya bina kwanine abishogwa ba Nnâmahanga, n'abatagatifu n'abarhonyi bage, mucihundikire omurhima gw'olukogo, n'obwonjo, n'obwirhohye, n'obutûdu, n'okulembera amalibuko.
|
|
\v 13 Mukalemberana munababalirane akaba hali owagayisize owabo. Nyakasane ammubabalire: mumuyankirekwo olwiganyo.
|
|
\v 14 Ci kulusha okwo kwoshi, muzigirane, bulya obuzigire lyo ishwinjiro ly'obwimâna.
|
|
\p
|
|
\v 15 Ntyo omurhûla gwa Kristu gugandaze omu mirhima yinyu: bulya ogwola murhûla gwo mwahamagaliragwa mpu mube mubiri muguma. Murhahusagya okukavuga omunkwa!
|
|
\v 16 Oluderho lwa Kristu lusêre bwenene omu mirhima yinyu. Mukaz'ilubwirizanya, munakaz'ihanulana n'obushinganyanya. N'omurhima gwinyu gwoshi mukayimbira Nnâmahanga ennanga, ebitakîro n'enyimbo z'obunya-mûka, munakamuvuga omunkwa.
|
|
\p
|
|
\v 17 Na ngasi cinwa mwankaderha erhi ecijiro mwankajira, byoshi mujijire oku izino lya Nyakasane Yezu, bibe munkwa emwa Larha Nyamuzinda, oku bulagizi bwage.
|
|
\p
|
|
\v 18 Bakazi, mukayumva babalo, nka kulya bikwanine muli Nyakasane.
|
|
\v 19 Balume, muzigire bakinywi, murhanabayorheraga kubi.
|
|
\p
|
|
\v 20 Bana, mukayumva ababusi binyu muli byoshi, bulya okwola kwo kusimisa Nyakasane.
|
|
\v 21 Babusi, murhakag'isholoshonza abana binyu, mwakarhuma barha omurhima.
|
|
\p
|
|
\v 22 Mwebashizi, mukaz'iyumva bannawinyu b'en'igulu muli byoshi, arhali bulya mudwirhe mwabonwa, nka kulya abalonza okusimisa abantu bayorha, ci n'omurhima nkana, bulya murhinyire Nyakasane.
|
|
\v 23 Ngasi mukolo mwankajira, mugukole n'omurhima gwinyu gwoshi; Nyakasane abe ye mukolera, ci arhali bantu.
|
|
\v 24 Mumanye oku Nyakasane ayish'immuhemba, ammujire mîmo yage. Kaz'imurhumikire Nyakasane Kristu!
|
|
\v 25 Bulya okola obubi ayish'ihâbwa oluhembo lw'obubi bwage; na nta kulola oyu ye ndi.
|
|
\c 4
|
|
\cl Cigabi 4
|
|
\p
|
|
\v 1 Mwe bashigwa, mukahâ bambali binyu ebishinganine n'ebikwanine. Mumanye oku ninyu mugwerhe Nnawinyu omu mpingu.
|
|
\p
|
|
\v 2 Muyorhe muharâmya; mukayiza omu kuvuga Nnâmahanga omunkwa.
|
|
\v 3 Murhusengerere nirhu, lyo Nyamuzinda ayigulira oluderho lwirhu olumvi, rhuhash'ihanula ihwe lya Kristu; lyo lirhumire ndi omu nkoba.
|
|
\v 4 Mâshi mbone obulyo bw'okulimanyisa nk'oku nkwanine okuliyigiriza!
|
|
\p
|
|
\v 5 Mube bashinganyanya omu lugendo lwinyu haguma n'ab'ebuga; mukolese bwinja amango muhirwe.
|
|
\v 6 Iderha linyu libe lya kusimisa ensiku zoshi, linunirire nka munyu, munamany'ishuza ngasi yeshi okukwanine.
|
|
\p
|
|
\v 7 Emyanzi yani yoshi, mwene wirhu muzigirwa Tikiko, muganda okwanine okucikubagirwa na murhabazi wani omu mukolo muli NYakasane, ammubwirayo.
|
|
\v 8 Co cirhumire mmurhumiraye, nti ammuhe emyanzi yirhu anammurhulirize emirhima.
|
|
\v 9 Murhumire bo na Onezimo, mwene wirhu muzigirwaonakwanine okucikubagirwa; ali w'emwinyu. Bammushambalira emyanzi y'eno munda yoshi.
|
|
\p
|
|
\v 10 Aristarko rhuba rhweshi omu nkoba ammulamusize, bo na Marko, muzala wa Barnaba. Y'olya babammubwiraga; akayisha emwinyu, mumuyankirire kwinja.
|
|
\v 11 Yezu naye, oderhwa Yusto, mpu asingi. Omu bakembûle boshi, abo bonene bantabala okulumiza Obwami bwa Nyamuzinda; babire burhulirize bwani.
|
|
\v 12 Epafra, oburhwa emwinyu, mwambali wa Kristu Yezu, ammalamusize; arhahusa okummulwirakwo omu nsengero zage, mpu lyo muzibuha, muyorhe muli bimâna, munasêre oku ngasi ebi Nnâmahanga alonzize byoshi.
|
|
\v 13 Neci, muhire obu buhamirizi: arhagohya erhi mwe murhuma, mwe n'ab'e Leodiceya n'e HIyerapoli.
|
|
\v 14 Luka, mufumu muzigirwa, na Dema, bammuhire omusingo.
|
|
\p
|
|
\v 15 Mulamuse bene wirhu b'e Laodceya, na Ninfa haguma n'endêko y'abemezi babuganana aha mwage.
|
|
\v 16 Aga maruba hano muyus'igasoma, mugend'igasomekeza n'omu Eklezya y'e Laodiceya. Ninyu kwo nahaguma, muhûne ag'e Laodiceya, mugasome.
|
|
\v 17 Mumbwirire Arkipo, erhi: “Mpu omanye obugo wahâbagwa muli Nyakasane, onacisêze okubuyunjuza.”
|
|
\p
|
|
\v 18 Ogu musingo guli gwa kuboko kwani niene Paolo. Mukakengera enkoba zani! Enshokano ya Nnâmahanga ebe ninyu!
|