See in Reader
156 lines
14 KiB
Plaintext
156 lines
14 KiB
Plaintext
\id PHP
|
|
\ide UTF-8
|
|
\h Bafilipi
|
|
\toc1 Bafilipi
|
|
\toc2 Bafilipi
|
|
\toc3 php
|
|
\mt Bafilipi
|
|
\c 1
|
|
\cl Cigabi 1
|
|
\p
|
|
\v 1 Nié polo, rhwêne Timoteyo, bambali ba Yezu Kristu. Aga maruba ngarhumiire abantu bôshi b'omu lubaga lwa Namuzinda bàba et Filipi banayemîre Yezu kristu, n'oku birongôzi by'omurhwe gw'abakristu n'oku bashemasi.
|
|
\v 2 Mâsha Namuzinda laarha bôshi na Nnahamwirhu Yezu kristu bamùgashanire bamùhe n'omurhuula.
|
|
\p
|
|
\v 3 Mvuzire Namuzinda wani omunkwa erhi mwé murhuma mwêshi ngasi mango mmugerêreza.
|
|
\v 4 Ngasi mango mmushengera, busime nshenga mwo.
|
|
\v 5 Erhi k'ulya kuntabala mwantabalaga mwo okulumiiza Emyanzi y'Omurhula kurhuma, kurhenga oku lusiku lurhanzi kuhika buno.
|
|
\v 6 Ebi mmanyirire byo by'ebi: Namuzinda wamurhonderaga mwo ogu mukolo mwinja, agenderera okugujira kuhika guhwe oku lusiku lwa Yezu Kristu.
|
|
\v 7 Biri okuli oku nyumvirhe ntyo Kuli mwé mwêshi. Ntyo kwo mmudwirhe omu murhima gwâni, Bulya mwêshi mwabîre n'omwanya oku bugashâne Nyakasane angashâniraga n'a gano mango ndi omu mugozi na galya ntali mwo, amango nali mulikule okufukira Emyanzi y'Omurhula n'okuyiyimanza buzibu buzibu.
|
|
\v 8 Namuzinda amanyire oku ndesire eby'okuli amango ndesire oku mmusima mwêshi. N'oku mmusima n'obusime bunene bwa Yezu Kristu.
|
|
\p
|
|
\v 9 Yumvagyi oku mmushengera mwo Namuzinda: nnampûne nti mâshi obuzigire bwinyu bugenderere okukula, buhirhire omu bugale bw'okunali n'okumanya ebintu bwinja bwinja n'okumanyirira kulengerire,
|
|
\v 10 lyo muhasha okucishoga ebiba binja. Ntyo kwo mwaba mwo beru kweru n'abantu barhankamukula kwo omwanzi oku lusiku lwa Kristu.
|
|
\v 11 Obuziné bwînyu bwayunjula emikolo eshinganine Yezu Kristu akola, eyo ayikolera obulangashane bwa Namuzinda n'obukuze bwage.
|
|
\p
|
|
\v 12 Bene wîrhu bakristu, nnonzize mumanye oku ebyanyîshîrire okuli byarhabîre okugendereza Emyanzi y'omurhula bwinja bwinja.
|
|
\v 13 Co cirhumire abalanzi b'omu nyumpa ya mwami n'abandi bôshi bamanyire oku ndi omu mugozi, bulya Kristu nkolera.
|
|
\v 14 Omu kumbona omu mugozi, banji muli bene wirhu bakristu bayungusire okucikubagira Nnahamwirhu, ciru bagenderire okuyigiriza akanwa ka Namuzinda buzira bwoba.
|
|
\p
|
|
\v 15 Kwo binali, baguma muli bo bali bayigiriza Kristu erhi kuyagalwa n'a nie kurhuma. Murhima gwâge mirongwe ogwo Bali mwo, cikwône abandi babayigirizagya ye n'omurhima mwinja.
|
|
\v 16 Bantu ba Mwene abo buzigire bali mwo, bulya bamanyire oku Mungu ampîre omukolo bw'okurhûla Emyanzi y'Omurhûla.
|
|
\v 17 Abandi barhayigiriza okwa Kristu okunali, Cikwône bànayigirize okwage n'omurhima gw'okulyula. Bàmanyire mpu nkaba báyushûla amalibuko gâni amango ndi omu mpamikwa.
|
|
\v 18 Ntâkwo kwajira! Emirhima yâbo ekaba eri minyi erhi Minna, Kristu agenderera okuderhwa omu ngasi njira, nnanshagalukîre okwo. Ciru nnangenderîre okushagalukira kwo.
|
|
\p
|
|
\v 19 Bulya Omanyirhe ebyo byôshi byahinduka bya kuciza, n'a byanabîre ntyo erhi kushenga kwinyu kurhuma, n'oburhwali bwa Mûka gwa Yezu Kristu.
|
|
\v 20 Bulya, nk'oku ndi namukengwa n'obulangâlire bwenene, ntagwerhi ecakarhuma nàba nshonyi. Ci okubiri, nk'oku binayôrha ensiku zôshi na namanya bwinjinja, nantyo kwo nayerekanaga mwo obunene bwa Kristu nabuyerekana okwanine kwoshi, akaba kulama erhi kufà.
|
|
\p
|
|
\v 21 Bulya, oku bwâni, oku lama anali Kristu, n'okufà, buli bunguke.
|
|
\v 22 Cikwône, erhi ankaba banacifinja omukolo bikwanine akasanzi incihali, Aho ntacimanyiri bici nacicishoga.
|
|
\v 23 Nyumvire oku ndi nakululirwa eyi eyo, n'eyi. Nnozize kurhenga muli obu bunene oku bakwanine, okurhenga mwobu bulamu nebijiro byeka kw'okwangabire kwinja.
|
|
\v 24 Cikwône erhi nankalama kwokukulu kusha, erhimwé murhima.
|
|
\v 25 Na bulya mmanyirire bwinja okwo, Omanyirhe kw'ontaje ngahi. Omanyirhe oku nabêra haguma ninyu mwêshi, lyo murhabâla okugendereza n'okuzigira omu buyemere.
|
|
\v 26 Co cirhumire hano nshub'iba muli mwé, lyo mwábonaga oku mwánegenera obuzine bwînyu muli Yezu Kristu erhi nié ntuma.
|
|
\p
|
|
\v 27 Cikwône ebijiro bînyu biyôrhe nka kulya Emyanzi y'Omurhula ya Kristu enadesire. Co cirhumire, erhi nankaj'imùlolakwo nisi erhi ntayïshe, nanaumva oku mmusimisize nk'oku mmugwêrhe olushangi omu ngererezo nguma, nk'oku muli mwalwa kuguma erhi munadwîrhe murhima muguma.
|
|
\v 28 Irhondo murhahîraga mukaleka abashombanyi binyu bàmúyobohya n'akantu kôshi kalya, eco cocába cakubamanyisa oku kuhera, bàhera. Kulimwé, eco càba ca kubakengula oku muli omunjira y'okucira, n'okwo kucira kurhenga Kuli Namuzinda.
|
|
\v 29 Bulya Namuzinda amùshobôzize obuhashe bw'okunali Kristu, arhali kumùyemêra kwône ci n'okulibuka erhi ye rhuma.
|
|
\v 30 Mukolaga muli mwantambâla omu ntambala. Eyo ntambala yo n'erya mwábonaga ndi nalwa mîra, yo nnanciri nalwa nk'oku ninyu mwene munamanyire.
|
|
\c 2
|
|
\cl Cigabi 2
|
|
\p
|
|
\v 1 K'obwemêre bwinyu muli Kristu bumúzibuhize kulusha? K'obuzigire bwâge buli bwamúshibiriza? Ka mugwêrhe obuguma na Mûka gwa Namuzinda? Ka munazigirane n'omurhima mwinja?
|
|
\v 2 Ahô, mmúhûnyire muzigirane lwôshi lwôshi. Bulya okujira ntyo, kuli kulalagânana omu buzigire buguma n'omukuderha kuguma n'omu ngerêrezo nguma.
|
|
\v 3 Irhondo muhajiraga akantu kalya n'omurhima gw'okulyula nisi erhi omu kukolêsa irala ly'obusha-busha lya bambona Cikwône mukacirhohya baguma oku bandi. N'angasi muguma akacibona oku ababo bo bakulu kumulusha.
|
|
\v 4 Mâshi irhondo ntaye wacilongezagya obunguke bwage yêne, cikwone ngasi muguma àkagerêreza okw'abandi.
|
|
\p
|
|
\v 5 Mukajira engerezo zirhenga e mwa Yezu Kristu.
|
|
\q
|
|
\v 6 Kurhenga mîra ayorhaga ajira obworhere bw'obu-Namuzinda, cikwône arhabonaga oku àgwâsirwe okulonza okuciyumanyanya n'a Namuzinda n'emisi.
|
|
\q
|
|
\v 7 Ci oku ajijire erhi kwo, yêne acîlahira n'okucilahiza ciru n'ebyaligwerhi byôshi, abulina cihana okuba nkakulya omujà ayôrha. Ahinduka, acishushanya n'abantu, abonekana nka muntu,
|
|
\q
|
|
\v 8 Ayemera okulama omu bwirhohye abuliciyerekana n'a muntu wa kuyumva kuhika alinda afîra okumsalaba.
|
|
\q1
|
|
\v 9 Co cirhumire Namuzinda amuheba enyanya za ngasi kantu, abulina namuh'izîno likulu kulusha amazîno gôshi.
|
|
\q
|
|
\v 10 Mpu lyo ngasi biremwa byoshi by'Empingu, n'eby'en'igulu n'eby'ekuzimu bimufukamira.
|
|
\q
|
|
\v 11 Na byôshi Biderhe oku Yezu yé mwâmi, n'ebyola biderhe oku obukuze bwa Namuzina Lârha.
|
|
\p
|
|
\v 12 Co cirhumire, yâga bîra bani, mwe mwayôrhaga munyumva amango namúli ho, kuciri kukulu kulusha munanyumve nokwo gano mango ntali eyo. Mukolere obucire bwinyu n'obwôba erhi munali mwagera mwo omusisi,
|
|
\v 13 bulya Namuzinda àli àkâkola haguma na nînyu, lyo amújira bantu bàhashire okulonza n'okujira ebishimbûlîre oku alalîre.
|
|
\p
|
|
\v 14 Ngasi kantu mukâkajira buzira kuciduduma nisi erhi kadali,
|
|
\v 15 Lyo muba bêru kweru na bantu bashokole, bâna ba Namuzinda, balya barhagwêrhi ishembo omu karhi k'endyalya z'abantu ba muli lin'igulu, bànali babi. Muli bo, mukwanine okulangashana nka nyenyezi z'okunkuba.
|
|
\v 16 Omu kuabahekera emyanzi y'obuzine. Erhi mwankakola ntyo, nanahasha okumwikungira omulusiku lwa Kristu, bulya ebyo byo byayerekana oku omukolo gwani gwoshi n'obwihanganyi bwani bwoshi birhafaga busha.
|
|
\p
|
|
\v 17 Ankaba omuko gwani, kwo kuderha oku nterekera y'ecintu cidwa omuko, obwemere bwinyu buha Namuzinda. Erhi akaba ntyo, kwo ngwasirwe bibe, mmubazigire, na ninyu mwêshi mmuhizire muli obwo busime bwani.
|
|
\v 18 Ninyu kwo n'okwo, mugwasirwe okushagaluka n'okumpira omu busime bwinyu.
|
|
\p
|
|
\v 19 Muli Nnahamwirhu Yezu Kristu nnangalire okumurhumira Timoteyo buno nti lyo nani niene ntwalina hano nyumva emyanzi yarhenga yo munda.
|
|
\v 20 Yene yene muntu muguma ontabala omu kasi, ye namubabala okunali.
|
|
\v 21 Abandi barhabula ebirhali byabo byonene, baleke ebya Yezu Kristu.
|
|
\v 22 Ninyu mwene mumanyire kurhi Timoteyo ayerekine mwo oku erhaba ndyalya, na kurhi akolaga rhwêshi naye. Omu mukolo gw'Emyanzi y'Omurhula, rhwakola nka kula omwana anakola bo n'ishe.
|
|
\v 23 Nnangalire nti namurhumira ye nahano mmanyire oku naba,
|
|
\v 24 nnammanyirire muli Nnahamwirhu oku niene nayish'imulola kwo buno buno.
|
|
\p
|
|
\v 25 Nabwine oku kukwanine mmurhumire mwene winyu mukristu Epaforodito. Oyo ye wirhu rhukola rhweshi naye omu kasi n'omu ntambala. Olya mwantumiraga mpu anderhere oburhabale nali ndagirirre kwo.
|
|
\v 26 Mwêshi amuduzire bwenene, anababire bwenene mpu kwenge mwayumvirhe oku ali alwazire.
|
|
\v 27 Neci ali alwazire ciru arhacifa, Cikwône Namuzinda amubera obwonjo, arhali yene abuberire Cikwône na nani mpu lyo ntag'ihira omutula oku burhe.
|
|
\v 28 Y'oyo mmurhumirage duba, nti hano mumulolakwo, mushub'ishagaluka, n'a nani akarhinda kampwe emurhima.
|
|
\v 29 Neci, mumuyankirire n'omwishingo muli Nyakasane, munakaz'ikenga abali akage.
|
|
\v 30 Bulya mukolo gwa Kristu gwarhumaga alingifa, alonz'ihâna obuzine bwage, mpu oburhabale murhankahashir'impisakwo, abumpe ahali hinyu.
|
|
\c 3
|
|
\cl Cigabi 3
|
|
\p
|
|
\v 1 Neci, bene wirhu, mucishinge muli Nyakasane. OKushub'immuyandikira ebinarhanzir'immubwira kurhantamya, n'a Kuli mwé kugwerhe akalamo.
|
|
\p
|
|
\v 2 Mumanye orhubwa! Mumanye abakozi babi! Mumanye abakembule b'obwihambe!
|
|
\v 3 Kali rhwe bakembule b'okunali, rhwe rhushenga Nnamahanga muli Muka gwage Mutagatifu, n'obukuze bwirhu muli Yezu Kristu rhubulongeza, ci rhurhacikubagira mubiri.
|
|
\v 4 Nobwo nani nanahash'ibona igwarhiro y'okucikubagira omubiri. N'akaba haligi owundi wankaderha mpu ankahashi ajira omubiri, nié ono mulushire.
|
|
\p
|
|
\v 5 Nakembulagwa oku lusiku lwa kali munani, ndi wa mulala gw'Israheli, w'omurhula buko bwa Benyamini, ndi Muhebraniya okomoka oku Bahabraniya; oku biyerekire Amarhegeko, ndi Mufarizeyi;
|
|
\v 6 rhukalola obushiru, nalibuzize Eklezya; oku bushinganyanya bw'okushimba Amarhegeko, nali muntu muhehererwa.
|
|
\p
|
|
\v 7 Ci obwo bunguke bwoshi nal'igwerhe, nabulola nka muhona erhi Kristu orhuma.
|
|
\v 8 Neci, mbwine oku ebintu byoshi biri muhona nkalola obunguke burhayorha lubero bw'okurhûla Kristu Yezu, Nnahamwirhu. Ye warhumire nyemera okuheza byoshi, nankola nkabilola n'a bikabulirwa, nti lyo nyunguka Kristu
|
|
\v 9 nnamubemwo, arhali n'obwani bushinganyanya, Bulya burhenga omu kuyemera Kristu, bulya buhanwa na Namuzinda bunasimikira oku buyemere;
|
|
\v 10 ntyo mmumanye yene, manye n'obuhashe bw'obufuke bwage, nshangire n'amababale gage, nnamushushe omu lufu lwage,
|
|
\v 11 lyo mpash'iyish'ifuka omu bafire.
|
|
\p
|
|
\v 12 Ntadesiri nti nkola mpisire nisi nti nkola mba mwimâna; ci ncikulikire enjira yani, ndole erhi nankamushekera, bulya nani niene nagwarhagwa n'a Yezu Kristu.
|
|
\v 13 Nanga, bene wirhu, ntadesiri nti nkola ngwerhe. Ciguma cone ndesire: nyibagire enjira namagenda, nyerekire nieshi nieshi embere zani,
|
|
\v 14 ndi bulibirhanti mpike, lyo mpagwa oluhembo Namuzinda arhuhamagaliraga omu mpingu muli Kristu Yezu.
|
|
\v 15 Rhweshi rhweshi rhwe rhukola rhuli bimâna, kwo rhukwanine rhugerereze ntyo; n'erhi ankaba haligi kundi mugererize, muli okwo nakwo Namuzinda ammumolekera obukengere.
|
|
\v 16 Ci kwonene, ngasi aha rhwankaba rhuhisire, rhushimbe njira nguma.
|
|
\p
|
|
\v 17 Mwêshi muntolerekwo olwiganyo, bene wirhu, munakalolakwo balya bashimba olwiganyo lwirhu.
|
|
\v 18 Bulya Bali banji, nammubwizirekwo kanji, ci nashub'immubwirakwo ene n'emirenge omu masu, hali banji bayorha nka bashombanyi b'omusalaba gwa Kristu.
|
|
\v 19 Abola obuzinda bwâbo Kuli kuhera, enda yabo ye Namuzinda wabo, n'ebyankabalerhera enshonyi bwo bukuze bwabo; barhanayishi ebirhali by'en'igulu.
|
|
\v 20 Rhwehe empingu yo mwirhu, yo rhulinga oku Omuciza wirhu Nyakasane Yezu Kristu ayish'irhuluka,
|
|
\v 21 ayish'ihindula omubiri gwirhu gw'obuzamba, agushushanye n'omubiri gwage gw'irenge, bulya agwerhe obuhashe oku bintu byoshi.
|
|
\c 4
|
|
\cl Cigabi 4
|
|
\p
|
|
\v 1 Co cirhuma bene-wirhu bazigirwa, abo ndi ayumviza idulwe, mwe bushagaluke bwani mwe n'a luhembo lwani, ntyo bazigirwa bani mu shigike muli Nyakasane.
|
|
\p
|
|
\v 2 Nyinginzire Euwodiya, Nyinginzire n'a Sentinelle babe n'a nyanya nguma muli Nyakasane.
|
|
\v 3 Nawe mushimbulizi mwikubagirwa, ndozize oka rhabala abo bakaz'ishibirira Bulya balwirire Emyanzi y'Akalembe haguma nanani, Klemantine naye, ciru na balya bandi rhwakolaga kuguma abo amazino gabo gali omu citabu c'obulamu.
|
|
\p
|
|
\v 4 Mube n'obushibirizi muli Nnâhano, kandi ndesire mushagaluke.
|
|
\v 5 Obutudu bwinyu bumenyekane et mw'abantu bôshi, Nnâhano Ali hofi
|
|
\v 6 Murhalibukira kantu koshi koshi ci omukazi kantu, Samira n'okushuka haguma n'okugugenderera omunkwa, ebi muc'ifînjire bimenyekane e mwa Namuzinda.
|
|
\v 7 N'omurhula gwa Namuzinda bulushire amenge goshi gwa langa emirhima yinyu n'entanya zinyu muli Yezu Kristu.
|
|
\p
|
|
\v 8 Ebisigirage bene-wirhu, ngasi ebiri binja, ngasi ebikengwa, ngasi et hy'okuli, ngasi ebicesibwe, ngasi et by'ankasimwa ngasi ebigwerhi olwiganyo mwinja, ngasi eby'okuli byankaba kuzibwa, bibe byo mwakarhanya.
|
|
\v 9 Ebi mwayizire emwani, mwanabi yankirira, mwa biyumva, mwana bibona emwani, mu bijire; na Nnâmahanga w'okuli aba kuguma naninyu.
|
|
\p
|
|
\v 10 Bushagaluke bwonji n'a gwerhe muli Nnâhano, Bulya kuba buzinda mwa kubwire buhyahya enyanya zinyu lugendanie, n'a kulya mwakag'irhanya obworhere bwani ci murhaga bonaga kashanzi.
|
|
\v 11 Zirhali nyifinjo Zani zirhumire baderha ntyo bulya n'a ciyigirizize oku komera ngasi kalamu.
|
|
\v 12 Nyishire oku bulirwa, nyishire n'okuberwa omungasi bworhere, omu ngasi bintu, na yigirizibwe oku yigurha n'oku shalika, okuba mubirhi n'okuba mukenyi
|
|
\v 13 Byôshi mmbihasha kugerera emisi.
|
|
\v 14 Ci kwône mwajijire bwinja erhi mungwasa omu bululukire bwani.
|
|
\p
|
|
\v 15 N'a Ninyu, bantu b'e Filipi, Mwene Mumanyage oku erhi ntangira oku yigiriza, Barbentane n'e Makedoniya ntalundi lurhamba lwangwasisize lugenda ntulo n'okuyankirira nkaba mwene na nene
|
|
\v 16 Bulya coli mwa ndwirhire oburhabale erhi ndi e Tesalonika, arhali na liguma.
|
|
\v 17 Arhali mpu ncifinjire ako kahasha, ci ncifinjire muberwe omu bijiro binyu.
|
|
\p
|
|
\v 18 Cikwône ngwerhi ebintu byôshi, nakulusha, n'a kandi nyunjulire bulembe-lembe, kugerera Epafrodito nayankirire ebintu byoshi byarheagaga emwinyu n'a mavurha g'ibaya linja' ntulo e yemerirwe y'okusimisa Nnâmahanga.
|
|
\v 19 Na Nnâmahanga wani abayunjulize oku ngasi nyifinjo zinyu zoshi kugerera obugale bwâge muli Yezu Kristu.
|
|
\v 20 Akuzibwe Nnâmahanga larha wirhu e myaka n'e myakula.
|
|
\p
|
|
\v 21 Mulamuse abatagatifu bôshi muli Yezu Kristu, bene-wirhu rhuli rhweshi babalamusize.
|
|
\v 22 Abatagatifu boshi babalamusize.
|
|
\p
|
|
\v 23 Enshokano ya Nnahamwirhu Yezu Kristu ebe haguma n'emirhima yinyu
|