shr-x-kigweshe_reg/47-1CO.usfm

\id 1CO
\ide UTF-8
\h Abakorinto 1\toc1 Abakorinto 1\toc2 Abakorinto 1\toc3 1co
\mt Abakorinto 1\c 1
\cl Cigabi 1
\p
\v 1 Nie paulo, Nyamuzinda ye wampamagalaga n'obulonza bwage mpu mbe ntumwa ya Yezu kristu, na Sositeni, mwenene wirhu mukristu.
\v 2 Agamaruba ngarhumire Omurhwe gwa Nyamuzinda guli e korinto, na kuli balya bahamagaliragwa okulamira nyamuzinda banali baage omu kuhumana haguma na Yezu kristu, na kuli booshi bali ngasi hooshi, abashenga iziino lya Nnahamwiirhu Yezu Kristu, ye Nnawaabo na Nnahamwiirhu:
\p
\v 3 maaashi Nyamzinda Laarha, na Nnahamwiirhu Yezu Kristu bamugashaanire, bamuhe n'omurhula.
\p
\v 4 Ntahusa okuvuga Nyamuzinda Lulema waani omunkwa erhi mwe murhuma erhi kulya kugashaanira amugashaniraga muli Yezu Kristu kurhuma.
\v 5 Bulya, omu kurhimanana haguma na Kristu, mwagazire omu ngasi kushoobola, kulusha byooshi, omu mwanzi n'omu kumanya.
\v 6 Obudima baderheraga Kristu bwahebirwe muli mw'e bweneene.
\v 7 Ciru nta kushoobola emwa Nyamuzinda buzira mw'e muli mwalinda amango Nnahamwirhu Yezu Krsitu ayiisha.
\v 8 Y'e muyimanza buzibu kuhika kuhika oku buzinda kulya baderhaka musidaaka okubi kwooshi kwooshi olusiku lwa Nnahamwiirhu Yezu Kristu.
\v 9 Nyamuzida aba mwimana arha higa ibirhakaba, olya Nyamuzinda wamuhamagaliraga okulama omu kuhumana haguma n'Omugala, Yezu Kristu Nnahamwiirhu.
\p
\v 10 Mwe mukasinga mashi, bene wirhu, oku izino lya Nnawirhu Yezu Kristu, muyumvanye; mumanye mwankaciberamwo; mube baguma omu murhima n'omu nkengero.
\v 11 Bulya, yagi bene wirhu, nayumvirhe kuli mwe, oku bantu b'emwa Kolowe, mpu akadali kali ekagarhi kinyu.
\v 12 Kwo oku ngasi muguma anakaderha, erhi: “Nie ono ndi wa Paolo! Nani, ndi wa Apolo! Nani, ndi wa Kefa! Nani niehe, ndi wa Kristu!”
\v 13 Ewe, ka Kristu aligi muberemwo? Ka Paolo ye wammubambiragwa oku musalaba? Nisi k'oku izino lya Paolo mwabatizibagwa?
\v 14 Mvuzire Nyamuzinda omunkwa, kulya kuba ntaye nabatizize mulimwe, kuleka Krispi na Kayo.
\v 15 Ntyo kurhâbe owaderha mpu mwabatiziwa oku izino lyani.
\v 16 Neci we! Nabatizize n'abaha mwa Stefana. Nta handi nkengire na batizize omuntu!
\v 17 Bulya Kristu arhantumaga mpu mbatize, ci mpu manyise Emyanzi y'Akalembe, na buzira okukolesa obwenge bw'enderho, omusalaba gwa Kristu gwankashuba busha.
\p
\v 18 Neci, oluderho lw'omusalaba liri isire oku mihera, ci oku bayacire, kuli rhwe, buli buhashe bwa Nyamuzinda.
\v 19 Bulya kuyandisirwe, mpu: ashaba obushinganyanya bw'abashinganyanya, nahirigisa obukengere bw'ab'obukengere buji.
\p
\v 20 Omushinganyanya ngahi aligi? Ngahi aligi omuntu wasomire binji? Omurhimanya wahan'igulu gahi abâ wani? Obushinganyanya bw'igulu ka Nyamuzinda arhabuhindulaga isire?
\v 21 Bulya n'obushinganyanya bwelyo igulu lirhamanyaga Nyamuzinda omu bushinganyanyan bwage, Nyamuzinda anacilonza okuciza abemezi n'isire ly'enyigirizo zage.
\v 22 Neci, Abayahudi bahûna ebimanyiso, nabo Abagreki balonza obushinganyanya!
\v 23 Rhwehe rhuyigiriza Kristu, olya bamanikaga oku musalaba. Oku Bayahudi ziri nshonyi, n'oku bapagani liri isire;
\v 24 ci omagale, Abayahudi n'Abagereki, Kristu ali buhashe bwa Nyamuzinda na bushinganyanya bwa Nyamuzinda?
\v 25 Bulya ehirhezire emwa Nyamuzinda, hilushire abantu obushinganyanya, n'ehiri ingonyi emwa Nyamuzinda hilushire abantu emisi.
\p
\v 26 Mâshi bene wirhu, kamurhang'ilola oku mwahamagalagwa. Abagwerhe obushinganyanyanbw'en'igulu barhali banji, n'abagwerhe obuhashe barhali banji, n'ababurhe nabo barhali banji.
\v 27 Ci ehirhenzire en'igulu, lyo Nyamuzinda acishozire, mpu ayagirirzemwo abashinganyanya; n'obuli buzamba en'igulu, bwo Nyamuzinda acishozire, mpu abonesemwo emisi enshonyi;
\v 28 ehirhagwerhi maburhwa minja en'igulu, hirya bagayaguza, ehyo hyo Nyamuzinda acishozire; acishoga ehirhahali, mpu hihirigise ehihali
\v 29 mpu lyo harhag'iba eciremwa cacibona embere za Nyamuzinda.
\v 30 Bulya ye wammuhisagya muli Yezu Kristu, onahindusire bushinganyanya bwirhu bw'emwa Nyamuzinda, na bwimâna bwirhu, na butagatifu na bucunguzi bwirhu;
\v 31 mpu lyo nk'oku biyandisirwe, owalonza obukuze, abulonze muli Nyakasane.
\c 2
\cl Cigabi  2
\p
\v 1 Niehe bene wirhu, erhi nyisha emwinyu, ntayish'igi babwira obuhamirizi bwa Nyamuzinda n'enderho z'obukulu nisi erhi z'obushinganyanya.
\v 2 Nanga, omukarhi kinyu ntaderhaga nti manyire kandi kantu okuleka Yezu Kristu, n'olya Yezu bamanikaga oku musalaba.
\v 3 Na niene, erhi ndi ekarhi kinyu, nali nka ngonyi, mwoba, nali nnandwirhe nadirhimana.
\v 4 N'enderho zani n'obugo bwani birhâli nka binwa bya kuyemeza by'obushinganyanya; ci bwâli buhamirizi bwa Mûka n'obuhashe bwage,
\v 5 ly'obuyemere bwinyu burhayegemere obushinganyanya bw'abantu, ci obuhashe bwa Nyamuzinda yêne.
\p
\v 6 Nobwo abakola bimâna bya bugula mbabwiriza, ci kwône arhali bula bugula bwa mw'eri igulu, arhanali bula bw'abaluzi ba mw'eri igulu bayish'ihirigirha.
\v 7 Ci obshinganyaya rhuderha, bunali bushinganyanyanbwa Nyamuzinda, bumanye bw'ihwe bwayorhaga buba bufulike, bulya Nyamuzinda âli arhubikirebwo kurhenga embere ly'amagana g'emyaka, mpu buish'iba irenge lirhu.
\v 8 Obwo bushingsnyanya nta muluzi wa mw'eri igulu obuyishi, bacibumanyaga barhankabambire Nyakasane w'irenge oku musalaba;
\v 9 ci nkakulya biyandisirwe, rhudwirhe rhwamubwira ebi isu lirhasag'ibona, n'ebi okurhwiri kurhasag'iyumva, n'ebirhasag'isôkera omu murhima gw'omuntu, birya byoshi Nyamuzinda arheganyizagya abamuzigira.
\p
\v 10 Bulya rhwe Nyamuzinda abimanyisize n'Omûka gwage; na mûka ye vulula byoshi, ciru n'amahwe ga Nyamuzinda.
\v 11 Omu bantu kahali oyishi eciba omu muntu okuleka omûka gwage? Kwo n'okwo, ntaye oyishi amahwe ga Nyamuzinda okuleka Omûka gwa Nyamuzinda.
\v 12 Ci rhwono, arhali mûka gwen'igulu rhwahâbirwe ci mûka gwa Nyauzinda lyo rhumanya enshokano Nyamuzinda arhugabire.
\v 13 Na nka rhwaziderha, rhurhaziderha omu iderha rhwayigirizibagwa n'obushinganyanya bw'abantu, ci omu iderha rhwayigirizibagwa na mûka; ye manyisa eby'omûka omu iderha ly'omûka.
\v 14 Omuntu ocikubagira okubwage yenene, arharhimanya ebirhenga emwa Mûka gwa Nyamuzinda, bulya kuli ye liri isire, arhankanabimanya, bulya ebyo bimanyikana n'oburhabale bwa Mûka.
\v 15 Omuntu ocikubagira Mûka yehe, atwa emanja za ngasi byoshi, ci yehe arhatwirwa nandi.
\v 16 Ndi okola amanyire ebi Nyakasane agererize, akaderhaga mpu amuanûla? Ebi Kristu agererize rhwehe rhubigwerhe.
\c 3
\cl Cigabi  3
\p
\v 1 Bene wirhu, niehe ntahashaga okubashambaza nka bantu bacikubagira Mûka, ci nka bantu bacikubagira eby'omubiri, nka bana barho muli Kristu.
\v 2 Marha namuhire nti munywe, ci ntammulisagya biryo bizibu, bulya murhankashubir'ibigala; ciru nabuno murhankashub'ibihasha,
\v 3 kulya kuba mucicikubagira eby'omubiri. Oku haciri obwagalwa n'akadali ekarhi kinyu, k'erhi murhaciri bantu bacikubagira eby'omubiri obwo, k'erhi n'olugendo lwinyu lurhali nka lwa bantu kwône obwo?
\v 4 Bulya mubwirana, mpu: “Nie ono, ndi wa Paolo”, n'owundi, mpu: “Nani, Apolo ye ndikwo”, ka kurhali kwa bantu kwône okwo?
\p
\v 5 Apolo aligi cici? Na Paolo aligi cici? Bashizi bammuhisagyakwo obuyemere, na ngasi muguma wa muli bo nk'oku Nyakasane amushobozize.
\v 6 Nie ono nazindaga nahinga, Apolo adomera; ci Nyamuzinda ye wakuzize emburho.
\v 7 N'ohinga arhali cici, n'odomera kwo na kwo, ci okuza emburho yêne, Nyamuzinda.
\v 8 Ohinga n'odomera bo baguma, ci ngasi muntu ayish'ihembwa nk'oku anakozire.
\v 9 Bulya kugwasa rhugwasa Nyamuzinda; muli ishwa lya Nyamuzinda, muli bubake bwa Nyamuzinda.
\p
\v 10 Nk'oku nanal'impirwe enshokano na Nnâmahanga naj'aho, nabanda ibuye lirhanzi omuciriba, nkakula omubasi mwinja anajira. Owundi ayubakirakwo. Ci ngasi mguma alole bwija gurhi ayubasirekwo.
\v 11 Bulya ntaye wakabanda ecindi ciriba kuleka ecihali, kwo kudeha Yezu Kristu.
\v 12 Erhi omuntu ankayubakirakwo eco ciriba n'amasholo, erhi n'ebyuma, erhi n'amabuye g'engulo ndarhi, erhi n'emirhi, erhi n'obukere, nisi n'obwasi,
\v 13 omkolo gwa ngasi muguma gwanayish'ibonekana; Olusiku lwanaguyerekane, bulya olwo Lusiku omu muliro lwayish'imanyirwa, n'ogwo muliro gwo gwaanyise omulimo gwa ngasi muguma nk'oku gunali.
\v 14 Obubake bw'omuntu erhi bwankasêra oku ciriba, nnabwo anahabwa oluhembo.
\v 15 Obubake bw'omuntu erhi bwankagulumira, nnabwo anahomba; yehe anacira yêne, ci kwône nka owagera omu bwihîra.
\p
\v 16 Ka murhamanyiri oku muli nyumpa ya Nyamuzinda n'oku Omuka gwa Nyamuzinda gummulimwo?
\v 17 Erhi hankajira owashâba aka-Nyamuzinda, Nyamuzinda anamushâbûla. Bulya aka-Nyamuzinda kabâ katagatifu, n'ako ka-Nyamuzinda, mwe ko.
\p
\v 18 Ntaye ocirhebaea yêne! Muli mwe erhi hakajira omacikebwa mpu ali mushinganyanya omu masu g'eri igulu, acijire musire ly'aba mushinganyanya;
\v 19 bulya obushinganyanya bwa mw'eri igulu buba isire omu masu ga Nyamuzinda. Kuyandisirwe, mpu: Ye gwakiza abasnganyanya omu mirhego yabo;
\v 20 nakandi, mpu: Nyakasane ayishi enkengero z'abashinganyanya; arhahabiri oku ziri za busha.
\p
\v 21 Ntyo, ntaye ocikuzizagye irenge ly'abantu; bulya byoshi biri binyu:
\v 22 abe Paolo, abe Apolo, abe Kefa, libe igulu, bube buzine erhi lufu, bibe by'ene erhi b'irhondo byoshi biri binyu;
\v 23 ci mw'oyo muli ba Kristu, na Kristu aba wa Nyamuzinda.
\c 4
\cl Cigabi  4
\p
\v 1 Kuziga kukwanine barhulole nka barhumisi ba Kristu, nk'abarhumirwe naye okugabira abantu amahwe ga Nyamuzinda.
\v 2 N'eci bahûna abarhindisi, kuli kuba nkubagirwa.
\v 3 Niehe ntankababala erhi nankaderhwa mwinja erhi mubi ninyu, nisi ehi aha ngombe y'abantu. Nani niene ntankacitwira olubanja.
\v 4 Omurhima gwani ntaco guntumuzize, ci arhali kwo kuderha oku ndi mweru-kweru. Omitwi w'emanja wani, ye Nyakasane.
\v 5 Kuziga murhatwaga olubanja lwa bene dubaduba. Muleke Nyakasane ayishe, ye wayish'imolekera ebifulike omu mwizimya, ana bishûle emihigo eri omu mirhima. Okubundi ngasi muguma ayish'ihâbwa na Nyamuzinda obukuze bumukwanine.
\p
\v 6 Muli ebyo byoshi, bene wirhu, nacijizire lwigonyo rhwe n'Apolo erhi mwe murhuma. Nalonzagya nti murhuyigirekwo ogu mugani: “Ntaco kulusha ebyayandisirwe”, lyo harhajira owacibonera muguma mpu alushire owundi.
\v 7 Ndi wakuhâga ecirhuma orhumanini n'abandi? Cici ojira orhahâbagwa? N'akaba kuhâbwa wacihâbagwa, ca cirhuma walimbira abandi nka kulya arhali kuhâbwa wahâbagwa?
\p
\v 8 Lero mukolaga muyigusire! Lero mukolaga muli bagale! Buzirarhwe mukola bami! Ciru mucibâga bami, nirhu rhukayima haguma ninyu!
\v 9 Bulya, kwo niehe ncikebirwe, Nyamuzinda arhujizire bikabulirwa, rhwe ntumwa, nk'abatwirirwe okufa. Neci, rhwabire masheka omu masu g'igulu na ba malahika n'abantu.
\v 10 Rhw'ono rhuli basire erhi Kristu orhuma, ninyu muli birhonzi muli Kristu; rhw'ono rhuli ngonyi, ninyu muli ba-misi; mw'oyo muli bakengwa, nirhu rhuli bagaye.
\v 11 Ciru na buno rhuli bufa n'ishali, n'enyorha, n'okubula ehi rhucibwisire; rhudwirhe rhwalibuzibwa, na ntaho rhujira rhwankahanda.
\v 12 Rhudwirhe rhwarhindibuka n'okukola n'enfune zirhu. Badwirhe barhujacira, nirhu rhubahe obwanga; badwirhe barhulibuza, nirhu rhucihumbire;
\v 13 badwirhe ba rhushemba nirhu rhwa barhuliliza. Rhwabirage nka bijandagwa b'igulu na nka cavu ca boshi kuhika ene.
\p
\v 14 Ntayandisiri ebyo nti mmubonese nshonyi, ci kuderha nti mmukalihire kulya omuntu akalihira abana bage bazigirwa.
\v 15 Bulya ciru mwankajira abalezi bihumbi n'ebihumbi muli Kristu, basho barhali banga. Neci, niene nammuburhaga n'Emyanzi y'Akalembe muli Yezu Kristu.
\v 16 Mmuhunyire, mâshi mwe mukonkwa, mushimbe olwiganyo lwani.
\v 17 Co canarhumaga nammurhumira Timoteyo, mugala wani ntonya n'okwanine okukubagirwa muli Nyakasane; ammukengeza oku nyorha n'oku nyigiriza muli Kristu, kulya nanyigiriza hoshi hoshi omu Eklezya zoshi.
\p
\v 18 Erhi bacikebwa mpu nkaba ntayisha emwinyu, baguma babigirana n'obucibone.
\v 19 Ci kwone ndi hofi h'okummuyishira, Nyakasane akaloza; niene namanya abo babigirine n'obucibone, nabamanyirakw'ebi bankaash'ijira, ci arhali oku binwa yabo.
\v 20 Bulya obwami bwa Nyamuzinda burhabâ omu binwa, ci omu bijiro.
\v 21 Cici mucishozire? Ka mulonzize mmuyishire n'eminyuli, nisi erhi mulonzize nyishe n'obuzigire n'omurhima gw'obutûdu?
\c 5
\cl Cigabi  5
\p
\v 1 Emyanzi ejire yarhenga emwinyu, bya nshonyi byône byône, ciru na birya birhajirwa omu bapagani, kuhika muguma mulimwe ayanka muk'ishe!
\v 2 Erhi munadwirhe mwabigirana n'obucibone obwo! Ahali h'okuja omu mishibo, ly'oyo muntu wajiraga ntyo amurhengamwo!
\v 3 Niehe, ciru ankaba ntali muli mwe n'omubiri, ndi muli mwe n'omurhima, n'olw'oyo muntu wajiraga ntyo, mira na lutwaga nka kulya ho nali.
\v 4 Kukwanine, oku izino lya Nyakasane Yezu, rhuje haguma, mw'oyo n'omurhma gwani, haguma n'obuhashe bwa Nyakasane Yezu,
\v 5 n'oyo muntu akwêbwe Shetani, omubiri guhererekere, ly'omûka gwage gucira olusiku lwa Nyakasane.
\p
\v 6 Obucibone bwinyu burhali bwo! Kamurhamanyiri oku hya-bunya-lwango hisungunu hinarhume omugati gwarhundûka?
\v 7 Muisêze, mucirhenzekwo engezo nkulukulu, muhinduke ugati muhyahya, bulya muli mugati gurhalimwo engezo. Bulya Kristu ye Mwana-buzi wa Basaka, abazirwe.
\v 8 Kuziga olusiku lukulu rhurhalujiraga n'engezo nkulukulu, nisi erhi n'olwango lw'obubi n'olw'obulyalya, ci n'omugati muhyahya gurhalimwo engezo, gwo murhima gucîre n'ogw'okuli.
\p
\v 9 Omu maruba gani, erhi inyandika nti mumanye mwankakashangira n'abarhaba nshonyi,
\v 10 nta derhaka kuguma oku bumaguza bwa mw'eri igulu, nisi erhi abazigira  ebirugu by'en'igulu n'ebishungu, erhi abaharâmya ebiremwa. Acibaga ntyo, murhankacibêzire en'igulu.
\v 11 Nammuyandikire nti mumanye mwankakômera ngasi yeshi oderhwa mwene wirhu akaba ali mumaguza, nisi eri akaba azigira ebirugu by'en'igulu, erhi aharâmya ebiremwa, akaba asima okujacirana, nisi erhi akaba aba mulalwe erhi cishungu; omuntu wa bene oyo, ciru mumanye mwankalira haguma naye.
\v 12 Abali embuga, cici bashimbire nti nabatwira olubanja? Kali abali omu ndalala bo mutwira olubanja ninyu?
\v 13 Abali embuga, Nyamuzinda wabatwire olubanja. Omubi mumurhenze ekarhi kinyu.
\c 6
\cl Cigabi  6
\p
\v 1 Owa muli mwe erhi aciba agwerhe olubanja loshi n'owabo, k'anaderhage mpu aluhêka aha ngombe y'endyalya ahali h'okuluhêka aha ngombe y'abashinganya?
\v 2 Nkabaga murhamanyiri oku abashinganyanya bo bayish'itwira igulu olubanja, ka murhakwanini okutwa ezo manja z'obusha-busha?
\v 3 Ka murhamanyiri oku rhwayi'sh'itwira bamalahika olubanja? Emanja za hano igulu ka zirhuyabirage?
\v 4 Nka mulikwo olubanja mwehe munaluhêkerage balya Eklezya egaya mpu balutwe!
\v 5 Nkudesire nti lero enshoyi zimugwarhe! Kuziga murhalimwo mugula wankafunga bene wabo!
\v 6 Onabonage omukristu ahêka owabo mukristu aha ngombe, n'okwo embere z'abapagani!
\p
\v 7 Kunakola kuhimwa okwo, erhi muhêkana aha balume mwêne na mwêneK'erhi murhaleka bakammunyaga erhikwo,
\v 8 Ci mwehe mubage mwe mujira okurhashinganini, mubage mwe munyaga abinyu, nobwo bali bene winyu!
\p
\v 9 Ka murhamanyiri oku abajira okurhashinganini barhankayima omu bwami bw'epingu? Mumanye mwankacirheba! Oli abajira eby'enshonyi, li abaharâmya ebiremwa, oli abagonyi, oli ab'engeso mbi, oli entazi,
\v 10 oli ebshambo, oli abasima eby'en'igulu, oli abalalwe, oli abakajacira ababo n'ebishungu, abo boshi barhalimwo owayime omu Bwami bwa Nyamuzinda.
\v 11 Okwola baguma oli mwe bakulu. Ci mwacishusire, mwacêsibwe, mwajijirwa beru-kweru oku izino lya Nyakasane Yezu Kristu n'omu Mûka gwa Nyamuzinda wirhu.
\p
\v 12 “Ntaco ntagwerhi obuyemere bw'okujira”; ci ahali byoshi bigwerhe akamaro. “Ntaco ntagwerhi obuyemere bw'okujira”; ci nie ono ntankalonza okuba muja wa kantu kalebe.
\v 13 Ebyo biri bya ndâ, n'endâ eri ya kulya; ci Nyamuzinda ayabishabûle byombi. Ci omubiri gwôhe gurhali gwa kujira eby'enshonyi; ci guli gwa Nyakasane, na Nyakasane ali wa mubiri.
\v 14 Na Nyamuzinda wafûlaga Nyakasane, anarhufûle nirhu n'obuhashe bwage.
\p
\v 15 Ka kuhaba muhabire oku emibiri yinyu biri birumbu bya Kristu? Njag'iyanka ebirumbu bya Kristu, mbijire birumbu bya mukazi wa cilala? Ntanzi!
\v 16 Nisi ka kuhaba muhabire oku olungana n'omukazi w'ecilala, banaishiba mubiri muguma bo naye? Bulya kudesirwe, mpu: Bombi bashiba mubiri muguma.
\v 17 Ci olungana na Nyakasane yehe, anashuba mûka muguma gwône bo naye.
\p
\v 18 Kaz'imuyake eby'enshanyi! Ngasi caha omuntu akahash'ijira, cirharhenga omu mubiri gwage. Ci ojira eby'enshonyi yehe mubirigwage ahemukira
\v 19 Nkabaga murhishi oku omubiri gwinyu kali ka-Nyamuzinda na Mûka Mutagatifu ammubâmwo, oyu mwahâbagwa na Nyamuzinda, n'oku murhacire binyu mwêne?
\v 20 Bulya kugulwa mwaguzirwe! Kuziga muhe Nyamuzinda irenge omu mibiri yinyu.
\c 7
\cl Cigabi 7
\p
\v 1 Rhulolage birya mwayandikiraga. Kuli kwinja omulume arhahume oku mukazi.
\v 2 Ci kwône akaga k'okujira kubi karhumire, kukwanne ngasi mulume abe a mukage, na ngasi mukazi abe n'iba.
\v 3 Omulume ajire ebi arhegesirwe okujirira mukage, naye omukazi ajire ebi arhegesirwe okujiira iba.
\v 4 Omukazi nta buhashe agwerhe oku mubiri gwage, ali w'iba. Omulume naye kwo na kwo, nta buhashe agwerhe oku mubiri gwage, ci ali wa mukage.
\v 5 Harhajiraga owalahirira owabo; ci boshi banayumvanya, kuhika akasanzi kalebe, lya mojira nsiku mwashenga. Okubundi mushub'ishubira haguma, Shetani alek'ibona igwarhiro ly'oku mmushumika erhi buzamba bwinyu buruma.
\p
\v 6 Okwola ndesire, lirhali irhegeko, ci kummufâ lukogo.
\v 7 Nankasimire boshi babe akani; ci ngasi muntu ahâbwa na Nyamuzinda yage yage nshokano, muguma eyi, owundi era.
\p
\v 8 Ci kwône abalamba n'abakana mbabwizire oku kuli kwinja kuli bo bayorhe akani.
\v 9 Ci bakaba barhankahash'icilanga, baje omubuhya aha omuntu ankahya, ankaja omu buhya.
\p
\v 10 Nabo abayankine alagi irhegeko mbahire; câbâ arhali nie, ci Nyakasane: omukzi amanye ankaleka iba.
\v 11 N'erhi ankamuleka arhajaga oku wundi mulume, erhi bashub'iyumvanya bo n'iba. Naye omulume amenye ankahulusa mukage.
\p
\v 12 Abandi, niene mbabwizire, arhali Nyakasane, nti: Erhi mwene wirhu muguma ankaba agwerhe omukazi orhali mwemezi, n'oyo mukazi ayemere okubêra bo naye, arhamuhulusagya.
\v 13 N'erhi omukazi ankaba agwerhe omulume orhali mwemezi, n'oyo mulume ayemere okubêra bo naye, arhamulekaga.
\v 14 Bulyala omulume orhali mwemezi acesîbwe namukage, n'omukazi orhali mwemezi acesîbwe n'iba oli mwemezi. Acibaga birhali ntyo, rhinga abana binyu bazinzire, ci buno bali baêse.
\p
\v 15 Ci olya orhali mwemezi erhi ankalonza okugenda, anagende; omu kwa bene okwo, olya mwene wrhu erhi mwali wirhu barhali bashwêke: Bulya Nnâmahanga ammuhamagire mpu mubere n'omurhûla.
\v 16 K'omanyire, we mukazi, erhi waciza balo? K'omanyire, we mulume, eri waciza mukawe?
\p
\v 17 Ahanyuma ly'okwola, ngasi muguma ayorhe nk'oku Nyakasane anamugabire, kulya anali erhi Nnâmahanga amuhamagala. Kwo nyigiriza ntyo omu Eklezya zoshi.
\v 18 Akaba lebe âli mukembûle erhi ahamagalwa, oyo amanye arhakulaga obukembûle bwage. Orhali mukembûle amango ahamagalagwa, amanye ankaciziga bamukembûle.
\v 19 Okukembûlwa kuli busha, n'okurhakembûlwa nokwo kuli busha; okushimba amarhegeko ga Nyamuzinda kwône.
\v 20 Ngasi muguma ayorhe oku anâli ayosire erhi ahamagalwa na Nnâmahanga.
\v 21 Ka wali muja erhi ohamagalwa? Orhaciyirhiraga okwo. Ciru wankaba ohashire okurhenga omu buja, olonze obunguke mw'obwo bworhere bwawe bw'obuja.
\v 22 Bulya owali muja erhi ahamagalwa muli Nyakasane, Nyakasane amukuzire omu buja. Kwo na kwo, orhâli muja erhi ahamagalwa, akola muja wa Kristu.
\v 23 Kugulwa mwaguzirwe! Muanye wankacijira baja ba bantu.
\v 24 Bene wirhu, ngasi muguma abêre omu bworhere izu lya Nnâmahanga lya shangaga ali mwo.
\p
\v 25 Oku balamba, tagwerhe irhegeko lya Nyakasane, ci ihano kwône na hâna, nka muntu okwanine okucikubagirwa oku bwonjo bwa Nakasane.
\v 26 Ncikebirwe nti, oku kuli buno kurhumire, obwo bworhere bwo bukwaine; neci, okwo kwo kuli kwinja oku ngasi muntu.
\v 27 K'oli mushwêke oku mukazi? Orhacilonzagya okushwêkûlwa. K'orhali mushwêke oku mukazi? Orhalonzagya mukazi.
\v 28 Ci erhi wankayanka omukazi, orhajiziri caha; n'omunyere erhi ankayankwa, arhajiziri caha. Ci abo boshi bayumva amalibuko omu mubiri gwabo, go nannonzize oku mmuyasa.
\p
\v 29 Ntya kwo mmubwizire, bene wirhu: amango ga yofihire. Ntyo abagwerhe abakazy babe nka kulya barhabagwerhi;
\v 30 abadwirhe balaka, nka kulya barhalaka; abashagalusire, nka kulya barhashagalusiri, abâgula, nka kulya barhagwerhi bici.
\v 31 Abadwirhe balya eri igulu, nka kulya barhadwirhi balirya. Bulya obusu bw'eri igulu burhimanga.
\p
\v 32 Nankasimire muyorhe buzira malibuko. Omuntu orhagwerhe mukazi, ashibirira ebya Nyakasane alonza kurhi ankasimisa Nnâmahanga
\v 33 Omuntu ogwerhe omukazi, ashibirira eby'en'igulu, alonza okusimisa mukage;
\v 34 na ntyo ali muberemwo. Omukazi orhagwerhe mulume n'omunyere, bashibirira ebya Nyakasane, balonza okuba batagatifu omu mubiri n'omu murhima. Ci omukazi waherusire, ashibirira eby'en'igulu alonza oku ankasimisa iba.
\v 35 Okwo nkudesire oku bunguke bwinyu, arhali kuderha nti mmuhire omu murhego, ci nti mmuhise omu bworhere bwinjija, bulya buha omuntu okusêrakwo Nyakasane buzira kumugaba.
\p
\v 36 Ci kwône erhi omntu ankakenga obonesa omunyere wage enshonyi omu kumuleka akululuke, n'erhi ankabona oku kwo byanaba ntyo, ajire nk'oku olonzize; erhi nta caha ajizire: bayankane.
\v 37 Ci erhi omuntu ankasêra omu mihigo y'omurhima gwage arhanasêzibwi na ndi, ci oku bulonza bwage yêne ahige omu murhima okuyorhana omunyere wage, erhi ajizire bwinja.
\v 38 Ntyo owaha omwali omulume erhi kwinja ajizire, n'orhamuhiri mulume erhi ajizire kwinja kulusha.
\p
\v 39 Omukazi, oku iba anacirimwo omûka, erhi anali mushwêkere kuli ye; ci erhi iba ankafa, nyamukazi anashwêkûlwa, anahash'ija omu mw'oyu alonzize, ci kwone muli Nyakasane.
\v 40 Nobwo, okwo mbwine anabona omurhûla kulusha erhi ankayorha oku anali. Ncikebirwe nti nani njira Mûka gwa Nyamuzinda.
\c 8
\cl Cigabi  8
\p
\v 1 Oku gw'enyama zarhegekirwe enshushano, rhumanyire oku rhweshi rhugwerhe obwenge. Obwenge kurhunza burhunza, ci obuzigire bwo buyubaka.
\v 2 Omuntu wacikebwa mpu amanyire akantu, erhi arhacimanya nk'oku bikwanine.
\v 3 Ci erhi omuntu ankasima Nyamuzinda, anamanyibwa na Nyamuzinda.
\p
\v 4 Kuziga oku gw'enyama zarherekirwe enshushano z'abazimu, rhumanyire oku enshushano y'omuzimu erhali cici en'igulu, na ntawundi Nyamuzinda kuleka lya muguma.
\v 5 Bulya ciru hakaba banyamuzinda bw'obwihambe emalunga na hano ahashi, - nantyo hali banyamuzinda banji banji na banyakasane banji banji.
\v 6 Kwône kuli rhwe rhwehe hali Nyamuzinda muguma yêne, ye Larha, ye na cisisi c'ebintu byoshi, ye rhwanalemeragwa, na Nyakasane muguma yêne, ye Yezu Kristu, orhuma byoshi bihabâ, onarhuma rhuhabâ.
\p
\v 7 Ci kwone obwenge burhali bwa boshi. Baguma, kulyakuba bakomerire enshushano z'abazimu kuhika buno, banalye enyama z'enterekero nka nterekêre, na ntyo omurhima gwabo, bulya guli muzamba, banayumva gwamazinga.
\v 8 Nanga, arhali ebiryo byo birhushegezaho Nnâmahanga. Erhi rhwankaba rhurhabiririkwo, rhurhaheze cici; n'erhi rhwankabiryakwo, nta bunguke.
\v 9 Ci mumanye oku olugendo lwinyu muli okwo lurharhumaga abazamba basarhala.
\v 10 Bulyala, erhi omuntu ankakubona, we ogwerhe obwenge, oli oku cîbo omu ngombe y'abazimu, k'okwo kurhali kuha oyo muzamba omurhima gw'okulya oku nyama zarherekirwe abazimu?
\v 11 Na ntyo obwenge bwawe bwanarhuma oyo muzamba ahera, oyo mwene wirhu Kristu afîraga!
\v 12 Omu kubihira bene winyu ntyola n'omu kubayagaza omurhima gunali muzamba, Kristu mubihîre.
\v 13 Co cirhumire, erhi ankaba ebiryo byanarhuma mwene wirhu asarhala, ntankacifa nalîre enyama bundi, lyo ntag'irhuma mwene wirhu ahirima!
\c 9
\cl Cigabi 9
\p
\v 1 Ka ntali ntagengwa? Ka ntali ntumwa? Ka mw'oyo murhali mulimo gwani muli Nyakasane?
\v 2 Akaba oku bandi ntali ntumwa, kuli mwe mwehe ndi yo; bulya mw'oyo, mwe cimanyiso c'obugo bwani muli Nyakasane.
\p
\v 3 Balyala baka ntangula ntya kwo mbashuzize:
\v 4 Ka rhurhalya rhunanywe?
\v 5 Ewe, ka rhurhankahash'ikulikirwa n'omukazi mwemezi, aka ezindi ntumwa, n'aka bene wabo Nyakasane, n'aka Kefa?
\v 6 Nkabagarhwêne rhweki, rhwe na Barnaba, rhwe rhurhayemerirwi okurhakola?
\v 7 Musirika ohi olyûla yêne omukolo gwage? Ndi ohinga omuzabibu arhanalye oku mburho yage? Ndi oabula obuso arhanywe oku marha g'obwo buso?
\p
\v 8 K'okwo ndesire liri iderha lya bantu kwône? K'irhegeko lyoki lirhakudesiri?
\v 9 Omu irhegeko lya Musa mwo kuandisirwe, mpu: Empanzi ehûla emburho, orhayishwekaga akanwa. Ka Nyamuzinda anashibirire empanzi?
\v 10 K'arthali rhwe rhurhumire aderha ntyo? Neci, okwola rhwe kwayandikiragwa: ohinga kukwanine ahinge erhi analangalire, n'ohûla emburho erhi alangalire oku ayigwerhekwo ecage cigabi.
\v 11 Obûla rhwamîraga aminja g'omûka muli mwe, ka kuligi kwa kusomeza erhi rhwankasarula oku binyu by'en'igulu?
\v 12 Akaba abandi bagwerhe obuhashe bw'okujira ntyo kuli mwe, ka rhurhabalushiri? Ci rhwehe rhurhakolesagya obwo buhashe; ci rhunakaz'lembera byoshi, nti lyo rhurhag'ifukiraga Emyanzi y'Akalembe ka Kristu enjira.
\v 13 Ka murhamanyiri oku abakola omu ka-Nyamuzinda, Ka-Nyamuzinda kababika, n'oku abakola aha lutare, kugabana bagabana n'olutare?
\v 14 Ntyo Nyakasane naye arhegesire mpu abaja bayigiriza Emyanzi y'Akalembe babikwe n'Emyanzi y'Akalembe.
\p
\v 15 Ci kwonene niehe nta buhashe ciru n'obuguma nakolesize mw'agwo, ntanayandisiri ebyo byoshi nti lyo mubinjirira. Nfe erhikwo ahali h'okuderha nti omuntu aheze irenge lyani!
\v 16 Bula okuhanûla Emyanzi y'Akalembe lirhali igwarhiro lya bukuze kuli nie; ntagwerhi oku nankabula bwakujira. N'erhi nankaba ntayigirizizi Emyanzi y'Akalembe, erhi na mahera!
\v 17 Acibaga ogwo mulimo nkujira omu kulonza kwani, neci, singa nankwanine oluhembo; ci akaba kurhali kulonza kwani, kwo kuderha oku buli burhindisi nahâbirwe.
\v 18 Oluhembo lwani luligi luhi? Lw'olu: omu kuyigiriza Emyanzi y'Akalebe, nyihâne buzira kuhembwa, ndeke okukolesa obuhashe mpirwe n'Emyanzi y'Akalembe.
\p
\v 19 Neci, nobwo nali ntagengwa oku bantu boshi, nacijizire muja wa boshi nti lyo mbacungulamwo banji bwenene.
\v 20 Omu Bayahudi nacijizire Muyahudi, nti lyo ncungula Abayahudi. Omu bantu barhegekwa n'Irhegeko, nacijira muntu w'Irhegeko, nobo ntali muntu w'Irhegeko, nti lyo ncungula abaregesirwe n'Irhegeko.
\v 21 Omu barhajira Irhegeko, nacijira muzira-Irhegeko, nobwo ntali muzira Irhegeko lya Nyamuzinda, bulya ntegesirwe n'Irhegeko lya Kristu, nti lyo ncungula abarhajira Irhegeko.
\v 22 Nacijira ngonyi omu ngonyi, nti lyo ncungula engonyi. Nacijizire byoshi kuli boshi, nti lukaba lufu, kakaba kalamo, kuhika ncizemwo baguma.
\v 23 N'ebyo byoshi Myanzi y'Akalembe mbijirira, nti lyo nshangira aminja gayo.
\p
\v 24 Ka muhabire oku abaja mashigwe g'okulibirha, boshi balibirha, ci muguma yêne ohâbwa oluhembo? Kuziga mulibirhe niyu lyo muhâbwa oluhembo.
\v 25 Ngasi yeshi oja mashigwe analeke byoshi. Kuderha mpu ahâbwe obukuze bwa lusiku luguma. Rhwehi irenge lrhukolera liri ly'ensiku n'amango.
\v 26 Na nani kwo ndwirhe nalibirha ntyo, arhali aka orhamanyiri emunda ayerekire; kwo ndwirhe nalwa ntyo, arhali aka owashurha omu cirêre.
\v 27 Omubiri gwani nangubambule, ngujire cifa, nti nankaba namabwiriza abandi nnambul'itumula.
\c 10
\cl Cigabi 10
\p
\v 1 Bulya, yagi bene wirhu, ntalonza muhabe: balarha boshi bakag'ilangûlwa enjira n'ecitû, boshi bayikiraga enyanja,
\v 2 boshi bacêsibwa muli Musa omu citû n'omu nyanja,
\v 3 boshi balya kalyo kaguma k'enyanya,
\v 4 bananywa boshi cinyobwa iguma c'enyanya. Bakag'inywa oku mishi g'omu ibuye ly'enyanya lyâli libalusize; n'eryola ibuyelwâli lwiganyo lwa Kristu.
\v 5 Ci kwône banji muli bo barhasimisagya Nnâmahanga; emibiri byabo yabul'ilambama omu mpinga?
\p
\v 6 Ebyola byabire mpu lyo rhubonerakwo olwigayo, mpu lyorhulek'iba n'enyifinjo mbi akabo
\v 7 Murhakazag'igashaniza enshushano z'abazimu aka baguma muli bo, kulya biyandisirwe, mpu: Olubaga lwatamala mpu balye bananywe, okuhandi banaciyimuka mpu basame.
\v 8 Rhumanye mwankakajira eby'enshonyi aka baguma muli bo; bahungumukamwo bihumbi makumi abiri na bisharhu omu lusiku luguma.
\v 9 Rhurharhangulaga Nyakasane aka baguma muli bo; enjoka zabahererekeza.
\v 10 Murhacidudumaga aka baguma muli bo; bazigululwa na Kaheza.
\p
\v 11 Ebyo byoshi byabayishire mpu bibe lwiganyo, byanayandisirwe mpu rhuboneroho, rhwe rhwahika omu nsiku nzinda.
\v 12 Ntyo, ocikebirwe mpu ayimanzire, amanye akahirima.
\v 13 Nta mango musag'igwarhwa n'amashumi galushire emisi y'omuntu. Akanwa ka Nyamuzinda karhagaluka; arhankaziga mwashumikwa okulushire emisi yinyu. Ci haguma n'amashumi, ammuha oku mwaafuma n'emisi mwakagalwamwo.
\p
\v 14 Co cirhumire, yagi bira bani, muyâke oku gashaniza enshushano z'abazimu.
\v 15 Nammushambaza kulya omuntu ashambala n'abantu bagwerhe obukengere; mwêne muyumve oku ndesire.
\v 16 Akabehe k'omugisho rhugisha, kaburhali bushangire bw'omuko gwa Kristu? Omugati rhubega, kaburhali bushangire bw'omubiri gwa Kristu?
\v 17 Kulya kuba omugati guli muguma gwône, ciru rhukaluga, rhuli mubiri muguma gwône, bulya rhweshi rhushangire ogwo mugati muguma.
\p
\v 18 Mulole Israheli nk'oku ali oku bworhere bw'omubiri. Ka abalya ebi barherekeraga erhi barhulungine n'omulinzi barherekeragaho?
\v 19 Kwo kuderha kurhi okwo? Ka kuli kuderha oku enyama barherekire enshushano ziri kantu? Nisi ka kuligi kuderha oku enshushano kali kantu?
\v 20 Nanga! Ci ebi barherekera, bashetani babirherekera, ci arhali Nyamuzinda birherekerwa. Ntanalonza mushangire n'abashetani.
\v 21 Murhakanywera oku kabehe ka Nyakasane, mukanashub'inywera oku kabehe k'abashetani. Murhakashangira ecîbo ca Nyakasane, mukanashub'ishangira ecîbo c'abashetani.
\v 22 Nkabaga kutula rhwalonza okutula obwagalwa bwa Nyakasane? Ka kulusha rhumulushirage emisi?
\p
\v 23 “Ntaco ntagwerhi obuyemere bw'okujira”; ci arhali byoshi bigwerhe akamaro. “Ntaco ntagwerhi obuyemere bw'okujira”; ci arhali byoshi biyubaka.
\v 24 Ntaye walonzagya obunguke bwage yêne, ci alonze obw'abandi.
\v 25 Mulye ngasi byoshi baguza omu cibuye, buzia kudôsa erhi murhima gwaish'immulya gurhuma.
\v 26 Bulyala igulu liba lya Nyakasane n'ebimubâ byoshi.
\v 27 Erhi omuntu orhali mwemezi ankakuhamagala okanayemera okuja emwage, onalye ngasi hyoshi ankakushololera, buzira kudôsa erhi kuyoboha omrhima gwayish'ikulya kurhuma
\v 28 Ci kwône erhi ankakubwira, erhi: “Ebira byarherekirwe abazimu”, orhabiryagakwo, erhi olya wakubwiraga orhuma bo n'omurhima gwage.
\v 29 Omurhima ndesire, gurhali ogwawe, ci ogw'owundi. Bulya cici cankarhuma nie ntagengwa narhegekwa n'omurhima gw'owundi muntu?
\v 30 Erhi nankalya akantu nanavuga Nnâmahanga omunkwa, cici cankarhuma nagayirwa akantu ndwirhe navugirwa omunkwa?
\p
\v 31 Kuziga kubire kulya, kubire kunywa, na ngasi byoshi mwankajira, byoshi mubijire oku kukuza Nnâmahaga.
\v 32 Mumanye mwankasarhaza Abayahudi, nisi erhi Abagereki, nisi erhi Eklezya ya Nyamuzinda,
\v 33 nk'okula nie ono ncisêza okusimisa boshi omu ngasi kantu? Ntalonza bunguke bwani, ci bunguke bwa banji, nti lyo bacunguka.
\c 11
\cl Cigabi  11
\p
\v 1 Mmunyigaye nkakulyana ani nyiganya Kristu.
\p
\v 2 Mmunsimire bulya omu ngasi kantu munankengere, na bulya munakashimba emigenzo nabasigiraga.
\v 3 Ci kwonene nnonzize mumanye oku ngasi mulume Kristu ye nnawabo; n'omukazi nnawabo ye mulume; naye Kristu nnawabo ye Nyamuzinda.
\v 4 Omulume washenga erhi owalêba n'ihwe libwîke, nabonesa nnawabo nshonyi.
\v 5 Ci n'omukazi washenga erhi walêba n'irhwe lirhali libwîke, anabonesa nnawabo nshonyi; bulya kw'ali nk'ohalanguzibwe.
\v 6 Omukazi erhi ankaleka kucibwîka irhwe, amômagwe n'emviri nazo! Ci akaba ziri nshonyi oku mukazi okukûlwa emviri erhi okuhalangusibwa irhwe, abwîke irhwe lyage!
\v 7 Omulume yehe kurhakwanini acibwîke irhwe, bulya ali nshushano anali bulangashane bw'irenge lya Nyamuzinda. Naye omukazi ali bulangashane bw'irenge ly'omulume
\v 8 Bulyala arhali omulume ye warhengaga oku mukazi, ci omukazi ye warhengaga oku mulume;
\v 9 arhanali omulume ye walemeragwa omukazi, ci omukazi ye walemeragwa omulume.
\v 10 Okwôla kwo kurhumire kukwanine omukazi ayambale omu irhwe ecimanyiso c'obukulu bw'iba erhi bamalahika barhuma.
\p
\v 11 Câbâ, muli Nyamuzinda, nta mulume buzira mukazi, na nta mukazi buzira mulume.
\v 12 Bulyala, neci, omukazi oku mulume arhengaga, ci n'omulume naye mukazi omuburha, na byoshi kuli Nyamuzinda birhenga.
\v 13 Lero mwêne mulutwe. Ka kwanine omukazi ashenge Nnâmahanga n'irhwe lirhali libwîke?
\v 14 K'obworhere bw'omuntu bwône burhammuyigiriza oku ziri nshonyi oku mulume okujira emviri ndiri-liri,
\v 15 ci oku mukazi liri irenge okujira emviri ziri ntyo? Bulya ahâbagwa emviri mpu zibwikire irhwe lyage.
\v 16 Hakabaga osimire okuja kadali, rhwehe rhurhakomera kwa bene okwo, n'Eklezya za Nyamuzinda zirhakukomera.
\p
\v 17 Lekagi mmubwire oku ntamusimiri bulya okuja haguma kurhammujirira minja, ci mabi.
\v 18 Burhanzi, nayumvirhe mpu amango muli haguma omu ndêko, muli mwe hanabe abaciberûla; n'okwola nkuyemire obwo, ci arhali kwoshi.
\v 19 Neci, kukwanine habe empiriri muli mwe, lyo abantu b'enkomedu zikomire bamenyikana.
\v 20 Mwehe erhi mwac'ija haguma, kurhaciri kuderha mpu mmulye ishega lya Nyakasane.
\v 21 Bulya erhi muhika okucîbo nta kucilinda abandi, ci ngasi muguma ajekwo alya ebyage yêne; nantyo oku baguma bafa n'ishali n'abandi, abandi erhi balalusire.
\v 22 Nkabaga urhajira emwa binywe mwankalira muna nywe? Nisi erhi kugaya mugaya Eklezya ya Nyamuzinda n'okulimbira abarhagwerhi bici? Gurhi nammubwira lero? Ka mpu mukuzagye? Nanga, ntammukuzizi kuli okwo.
\p
\v 23 Neci, nani ebi nabwiragwa na Nyakasane byo nammuyigirizize: Obudufu Nyakasane Yezu agwarhagwamwo, ayanka omgati,
\v 24 n'erhi aba amavuga omunkwa, agubega, eri: “eci guli mubiri gwani gwahanwa mwe murhuma; ninyu mukajira ntyo lyo munkengera.”
\v 25 Kwo na kwo, erhi bayus'ilya, anaciyanka akabehe, erhi: “Aka kabehe eri ndagano mpyahya y'omuko gwani; mukâjira ntyo ngasi kunywa lyo munkengera.”
\v 26 Neci, ngasi kulya kw'ogu mugati na ngasi kunywa kw'aka kabehe, erhi mumanyisize olufu lwa Nyakasane, kuhika olusiku anayishe.
\p
\v 27 Co cinarhumire, ngasi yeshi olya kw'ogwo mugati erhi onywa kw'ako kabehe ka Nyakasane arhana kwanini, ayish'ijisibwa lubanja erhi mubiri n'omuko gwa Nyakasane gurhuma.
\v 28 Kuziga ngasi muguma acije emurhima, agal'ilya kw'ogwo mugati ananywe kw'ako kabehe.
\v 29 Bulya owalya n'okunywa arhanakengiri oku guli Mubiri gwa Nyakasane, erhi kulya alire n'okunywa olufu lwage.
\v 30 Eco co cirhumire muli mwe bali balwala, n'abandi bali bazamba na bahali banyi bafîre.
\v 31 Acibâga rhucija emurhima, rhinga rhurhahêkwa lubanja.
\v 32 Nyakasane akarhuhêka lubanja, erhi kurhukoma arhukomire, lyo rhurhak'iyish'i hanwa haguma n'igulu.
\p
\v 33 Muyumvirhage obwo, bene wirhu, amango muyishire haguma oku ishega, munalindane.
\v 34 Erhi hankajira oshalisire, analire ahamwage, lyo mulek'ijira haguma okuyish'ihanwa. Ebindi niene nabikombeza amango nayisha.
\c 12
\cl Cigabi  12
\p
\v 1 Eby'enshokano za Mûka Mutagatifu, bene wirhu, ntalonzizi mubihabe.
\v 2 Erhi muciri bapagani, ninyu mwêne murhakuhabiri, mwakag'ibona bammusunikire ebwa nshushano z'orhuduma.
\v 3 Co cirhumire nammubwirakwo: nta muntu wankaba adwirhe aderhesibwa na Mûka gwa Nyamuzinda akabul'iderha mpu “Yezu akaera”, na ntaye wankaderha mpu Yezu ye Nyakasane”, arhanali oku buhashe bwa Mûka Mutagatifu.
\p
\v 4 Neci, enshokano za Mûka ziri za ngasi lubero, ci Mûka ali muguma yêne.
\v 5 Hali na mbero nyinji z'oburhumisi, ci Nyakasane ali muguma yêne.
\v 6 N'emikolo guli mwandu, ci Nyamuzinda anali muguma yêne okola byoshi muli boshi.
\p
\v 7 Ci kwone Mûka aciyerekine muli ngasi muguma oku bunguke bwa boshi.
\v 8 Baguma bahîrwe na Mûka iderha ly'obushiganyanya n'abandi bashobôla iderha ly'obumanye muli oyo Mûka mguma yêne
\v 9 Baguma bahîrwe obuyemere muli oyola Mûka muguma yêne, n'abandi enshokano y'okufumya muli oyola Mûka muguma yêne.
\v 10 Hali owahabîrwe obuhashe bw'okujira ebisomrine, n'owundi ahâbwa enshokano y'obulebi; baguma bahîrwe enshokano y'okumenya ebiri omu murhima, abandi enshokano y'okumenya endimi, n'abandi enshokano y'okuziugula.
\v 11 Ci ebyo byoshi bijirwa na Mûka muguma yêne, ye nagabira ngasi yeshi enshokano zage nk'oku analonzize yêne.
\p
\v 12 Nka kulîra omubiri guba muguma, eshi gunagwerhe birumbu binji, na nka kulîra ebirumbu by'omubiri biba mwandu, binabul'ijira mubiri muguma gwône, kwo Kristu naye ali.
\v 13 Na nirhu Mûka muguma rhwabatizibagwamwo rhweshi, mpu lyo rhuba mubiri muguma gwône; Abayahudi n'Abagereki, abaja n'abarhali omu buja, na rhweshi Mûka muguma rhwanywesibwe.
\p
\v 14 Kwo binali! Omubiri cirhaba cirumbu ciguma cône ci binji haguma.
\v 15 Okugulu erhi kwankaderha, erhi: “Ntali kuboko; kuziga ntali w'oku mubiri”, k'okwola kunarhumage kurhaba kw'oku mubiri?
\v 16 Nakwo okurhwiri erhi kwankaderha, erhi: “Obula ntali isu, kuziga ntali w'oku mubiri”, k'okwola kunarhumage kurhaba kw'oku mubiri?
\v 17 Omubiri gwoshi gucibaga isu, singa izulu ngahi liba?
\v 18 Câbâ Nyamuzinda agwasîre ebirumbubyoshi byoshi ngasi ciguma omu mubiri k'oku ânali alonzize.
\v 19 Byoshi bicibaga cirumbu ciguma, omubiri singa ngahi guli?
\v 20 Ci ebirumbu biba binji n'omubiri guba muguma.
\v 21 Ntyo isu lirhankabwia okuboko, erhi: “Ntakulagiriri kwo”; irhwe nalyo lirhankabwira amagulu, erhi “Nta bulagirire bwinyu ngwerhe.”
\v 22 Ciru ebirumbu by'omubiri rhubona birhajira nsimiko, byo rhulagirirekwo kulusha.
\v 23 N'ebi rhuderha mpu byo byankakengwa okunyi, byo rhukenga kulusha ebyabo. Na ntyo ebihubonera enshonyi byo rhukega kulusha;
\v 24 ci ebirumbu rhurhabonera enshonyi nta bulagirire bigwerhe bw'okukengwa. Na Nyamuzinda, omukulema omubiri gw'omuntu, ebirumbu birhajira lukengwa byo ahire okukengwa kulusha,
\v 25 mpu lyo omubirumbu mulek'iba obwiyungule, ci mpu lyo ebirumbu bikaz'ishibirirana.
\v 26 Cirumbu ciguma cikababala, ebindi birumbu byoshi binababale byo naco. Cirumbu ciguma cikaja irenge, ebirumbu byoshi binashagaluke haguma naco.
\p
\v 27 Na ninyu muli mubiri gwa Kristu, munali birumbu ngasi muguma mulimwe.
\v 28 Omu Ekleziyahali aba Nyamuzinda ajizire; burhanzi ntumwa, obwa kabiri balebi, obwa kasharhu bigiriza; okuhandi ahiraho obuhashe bw'okujira ebisomerine, n'enhokano z'okufumya, n'ez'okurhabala abali omu bulagirire, n'ez'okurhegeka, n'ez'okuderha endimi za ngai lubero.
\v 29 Ka boshi baligi ntumwa? Ka boshi baligi balebi? Ka boshi baligi bigiriza? Ka boshi bajira ebisomerine?
\v 30 Ka boshi bagwerhage enshokano y'okufumya? Ka boshi baderha endimi? Ka oshi bahugula endimi?
\v 31 Mulwîre enshokanozikulire ezindi. Ciru nankola nammuyereka enjira elushire ezindi zoshi.
\c 13
\cl Cigabi  13
\p
\v 1 Ciru nankamanyi shambala endimi z'abantu n'eza ba malahika, nka nta buzigire ngwerhe, erhi kwo nandi nka mulinga muvuze, nisi erhi nkakula ecuma c'amarhale cikomômbe cirhenga mwo izu.
\v 2 Ciru nankaba ngwerhe obuhashe bw'okuleba nkanamanya amahwe goshi n'amenge goshi; ciru nankagwarha obuymere bwimâna, bulya bwankamanyula entondo, nka nta buzigire njira, erhi nnandi busha.
\v 3 Ciru nanka gabira abakenyi ebingwerhe byoshi, omubiri gani ciru nanka gufômeka wa ngulumira, nka nta buzigire ngwerhe erhi kanali kafa busha.
\p
\v 4 Obuzigire burhûla; obuzigire burhalâna; obuzigire burhayagalwa; obuzigire burhahalanjika, burhanacikunga;
\v 5 obuzigire burhajira akantu karhakwanini, burhacilangeza, burhaba burhe, burhanbika mujina.
\v 6 Obuzigire burhasima okubi kukaba, ci busima okwinja kukaba.
\v 7 Obuzigire bbabalira byoshi, buyemera byoshi, bulangalira byoshi, bunalembera byoshi.
\p
\v 8 Nta mango obuzigire bwahwe. Ci amalebi goshi kuyurha gayurhe; endimi kuguguma za gugume; amenge kuhirigirha gahirigirhe.
\v 9 Bulya ebirhuyishi biba bya bihimbi, n'ebirhuleba biba bya bihimbi.
\v 10 Amango ebimâna byayisha, eby'ebihimbi byanayegûka.
\v 11 Erhi nciri mwana murho, nakag'iganîra nka murhumba, nakag'ikagerereza nka murhumba; ci erhi mba mulume, naleka eby'eburho.
\v 12 Buno rhuci dwirhe rhwabonera omu cilolero, olubwibwi lurhuli omu masu, ci ago mango rhwayish'ibona bwinjinja amasu omu masu. Buno obumanye bwani buli bwa bihimbi, ci ago mango namanya nk'oku mmanyirwe.
\v 13 Buno obuyemere n'obulangalire n'obuzigire ho biri oku binali bisharhu; ci kwône muli ebyo ecikulire ecindi bwo buzigire.
\c 14
\cl Cigabi  14
\p
\v 1 Muciséze okubona obuzigire, mulongereze'eshokano za Mûka Mutagatifu, ci bwenene enshokano y'obulebi.
\v 2 Bulya oderha omu ndimi mwandu, arhali bantu adesa, ci Nyamuzinda. Ntaye omuyumva, ci anakaderhesibwa na Mûka ebirhankayumvikana.
\v 3 Omuntu oleba yehe, bantu aderhesa, kuyigiriza ayigirizo, kuhaula ahanula, kurhuliriza arhuliriza.
\v 4 Oderha ndimi nyinji, yêne ociyigiriza, oleba ayigiriza ndêko y'abemezi.
\p
\v 5 Ntankabaga mweshi muderhe ndimi mwandu, nanasima kulusha mulebe; bulyala oleba alushire oderha endimi, akaba owaderha endimi arhahugwiri, lyo endêko y'abemezi erhazamwo enyigirizo.
\p
\v 6 Bene wirhu, erhi nankammuganiza omu ndimi, erhi kwinja kuci mmujirirage, akaba ntaco mmufululire, n'akaba ntaco mmumanyisize, n'akaba ntaco mmulebire na ntaco mmyigirizize?
\v 7 Kwo biri ntyo ebirhajira buzine, akarhera erhi olulanga, erhi byankayumvisa izu; gurhi omuntu ankamanya bici akarhera kazihire, nisi erhi olulanga, akaba amazu gabyo garhatwikanusiri bwinja?
\v 8 Nago omushekera erhi izu lyago lyankaba lirhatwikanusiri, ndi wankashibirira mpu aja oku ntambala.
\v 9 Ninyu kwo n'okwo: erhi olulimi lwinyu lwankaba lurhadesiri ebinwa birhahumanusiri, gurhi bankayumva ebi mudesire? Erhi omu cirêre mudwirhe mwaganirira.
\v 10 Omu igulu muli ntishi mpiriri inga za ndimi, na nta luguma lurhayumvikana.
\v 11 Ci erhi nankahaba eci enderho zi desire, nanaba munyamahanga kuli olya odwirhe, n'odwirhe waderha anaba cinyamahanga kuli nye
\v 12 Ntyo inyu, kulya kuba mudwirhe mwalonza enshokano za Mûka, mu ciséze okuluhana muli zo, lyo endêko y'abemezi erhenzamwo obunguke.
\p
\v 13 Co cirhumire, oderha endimi, akwanine ashenge enshokano y'oku zihugula.
\v 14 Bulya erhi nankashenga omundimi, omûka gwani gwanashenga, ci nta bunguke obukengere bwani bwankakulamwo
\v 15 Kurhi omuntu ankajiraga obwo? Na nashenga n'omûka gwani, na nashenga n'obukengere bwani; na nayimba n'omûka gwani, na nayimba n'obukengere bwani.
\v 16 Câbâ erhi wankakuza Nnâmahanga omu mûka mwône kurhi omuntu kwône ankashuza “Amen!” oku munkwa gwawe, arhanamanyiri bici odesire?
\v 17 Neci, okuvuga omunkwa kwawe kuli kwinja, cikwône owundi arhankarhenzamwo nyigirizo.
\v 18 Mvuzire Nnâmahanga omunkwa, bulya nanderhere omu ndimi kummulusha mweshi;
\v 19 ci kwone omu ndêko y'abemezi, nsima kulusha okuderha binwa birhanu n'obukengere bwani, lyo nyigiriza abandi nabo, ahali h'okuderha bihumbi ikumi omu ndimi.
\p
\v 20 Bene wirhu murhabaga bana barho nka mwarhimanya. Okububi, neci, mube bana barho, ci omu kurhimanya mube bantu bakulu.
\v 21 Kuyandisirwe omu Marhegeko, mpu: Olu lubaga na luyigiriza n'abantu baderha olundi lulimi n'omu kanwa k'abantu b'ihanga, barhananyumvirize obwo, kwo Nyakasane adesire.
\p
\v 22 Kwo kuderha oku enshokano y'endimi cinali cimanyiso, arhali oku bemezi, ci oku barhali bemezi; ci obulebi bwôhe burhali bw'abarhali bemezi, ci buli bwa bemezi.
\v 23 Erhi Eklezya yoshi ya nkaja haguma, 'erhi boshi bankaderhera omu ndimi, nabo abarhamanyiri kurhi bigenda, erhi abarhali bemezi erhi bankajamwo, ka barhankaderha mpu kusiraha musirahire?
\v 24 Erhi boshi bankaba badwirhe baleba, n'erhi hankayisha orhali mwemezi nisi erhi orishi emunda bija, boshi bana muyagiriza, boshi banamutwira olubanja;
\v 25 ebifulisirwe omu murhima gwage byanafulûlwa. Obwo anacirhimba oku idaho, anayubika obusu aharâmye Nyamuzinda, anaderha erhi: “Okuli, Nnâmahanga ali ahakarhi kinyu.”
\p
\v 26 Kuri rhwaderhaga, bene wirhu? Mukaja haguma, ngasi muguma anaba agwerhe olwimbo, erhi enyigirizo, erhi obulebi, erhi enshokano y'okuderha endimi, erhi ey'oku zihugula. Ebyo byoshi bijrwe omu kulonza okuyubaka.
\v 27 Akaba ndimi badwirhe baderha, babe babiri erhi basharhu bône, banaderhe muguma muguma; na muguma ahugûle.
\v 28 Akaba ntaye wankahugûla, banahulike, barhaderhaga omundêko y'abemezi; ngasi muguma acidese yêne, anaderhese Nnâmahanga.
\p
\v 29 Abalebi, babiri erhi basharhu baderhe, n'abandi bagere enderho zabo.
\v 30 Ci kwône, erhi muguma mwo balya bahali ankafulûlirwa akantu omurhanzi anahulike.
\v 31 Bulya mweshi mwanahash'ileba muguma muguma, lyo boshi bayigirizibwa banahâbwe omurhima.
\v 32 Abalebi bakwanine barhegeke emyûka yabo;
\v 33 bulya Nyamuzinda arhali Nyamuzinda wa kavulindi, ci wabuholo. Nk'omuzindi Eklezya zoshi z'abimâna,
\v 34 abakazi bakaz'ihulika omundêko; bulya nta bwemere bagwerhe bwa kuderha; ci kukwanine bayorhe bali n'obukenge nk'oku irhegeko lyône lidesire.
\v 35 Erhi bankalonza okumanya kantu kalebe badose biba omu mwababwe; bulya ziri nshonyi omukazi okushambalira omu ndêko.
\v 36 K'akanwa ka Nyamuzinda emwinyu kahubukaga? K'emwinyu yône kahisire?
\v 37 Akaba hali ocikebirwe mpu ali mulebi nisi mpu Mûka Mutagatifu adwirhe amubwiriza, amanye oku ebi mmuyandikire liri irhegeko lya Nyakasane.
\v 38 N'orhakumanyiri, erhi naye arhanayishibwi na Nnâmahanga.
\p
\v 39 Kuziga, benewirhu, mushwire enshokano y'obulebi, murhanahanzagya abaderha endimi.
\v 40 Ci kwone byoshi bijirwe bwinja bwinja na buzira kavulindi.
\c 15
\cl Cigabi  15
\p
\v 1 Bene wirhu nammukengeza erya Myanzi y'Akalembe nammubwirizagya mwayiyankirira, munaciyiseziremwo buzibu,
\v 2 yo ynamuciza erhi mwankayilanga nk'oku nammubwiragayo. Nakaba arhali ntyo, erhi mwayemire bya busha.
\p
\v 3 Burhanzi, nammuhisakwo ebi nani niene na hâbagwa: oku Kristu afirire ebyaha birhu nk'oku Amandiko gadesire:
\v 4 oku ahezirwe omunshinda, n'oku olusiku lwa kasharhu afûsire nk'oku Amandiko ga desire;
\v 5 n'oku abonekire Kefa, abuli bonekera a balya ikumi na babiri.
\v 6 Okuhandi abonekera na bene wirhu magana arhanu na kulusha oku cha ligumiza, na banji muli bo ho baciba, ci baguma bafîre.
\v 7 Ashub'ijaho, abonekera Yakobo, abonekera n'entumwa zoshi.
\v 8 Cazinda ambonekera nani nka kula ankabonekera ecimomano.
\v 9 Neci nye munyi omu ntumwa zoshi, ciru ntakwanini izino ly'entumwa, bulya na libuzize Eklezya ya Nyamuzinda.
\v 10 Ci kwonene eri nshokano ya Nnâmahanga yanjiraga okula ndi, n'enshokano anshobozagya erhagumbaga muli nie. Ci nie nakozire kubalusha boshi! Câbâ nanga, arhali nie, ci enshokano ya Nyamuzinda haguma nani.
\v 11 Akaba nie, erhi akaba bo, kwo rhuyigiriza ntyola; kwo mwanayemire okwo.
\p
\v 12 N'akaba bayigiriza oku Kristu afûsire omu bafu, kurhi baguma muli mwe bankacihrhaga mpu ntabwo bufûke bw'abafîre?
\v 13 Akaba nta bufûke bw'abafîre, Kristu naye arhafûkaga!
\v 14 N'akaba Kristu arhafûkaga, enyigirizo zirhu ziri busha, n'obuyemere bwinyu nabwo buli busha.
\v 15 Ciru nirhu erhi rhwamaba bahamirizi babeshera Nyamuzinda, bulya rhwamunywerhire nti afûsize Kristu nobwo arhamufûlaga, erhi kwo binali akaba kwo binali abafu barhafûka.
\v 16 Bulyala akaba abafîre barhafûka, Kristu naye arhafûkaga.
\v 17 N'akaba Kristu arhafûkaga, obuyemere bwinyu buli busha, munaciri omu byaha binyu;
\v 18 kuziga n'abafîre muli Kristu bahererekîre.
\v 19 N'akaba obula buzine bw'en'igulu mwône rhulangalire Kristu, omu bantu boshi erhi rhwe rhunali bahanya kulusha.
\p
\v 20 Ci kwone nanga, Kristu afûsire omu bafu, ashokolera abagwishire.
\v 21 Bulyala muntu wadwirhe olufu, kwonakwo muntu wa dwirhe okufûka kw'abafîre
\v 22 Neci, nka kulya boshi bafa muli Adamu, kwo na bosi bayish'ishubiramwo omûka muli Kristu.
\v 23 Ci kwône ngasi muguma omu gage mango: Kristu ye murhanzi-rhanzi, kandi abayish'iba ba Kristu olusiku ayisha
\v 24 Okuhandi bwanaba buzinda, go mango ashubiza Nnâmuzind'Ishe obwami, amayus'ishâba amami goshi nangasi burhegesi na ngasi buhashe.
\v 25 Neci kukwanine ayime kuhika ahebe abashombanyi bage boshi ah'idako ly'amagulu gage.
\v 26 Omushombanyi muzinda wayish'ishâbûlwa, lwo lufu;
\v 27 bulyala Nyamuzinda ahizire byoshi ah'idako ly'amagulu gageCi amango aderha mpu byoshi bikola biri idako ly'amagulu gage, rhumanyire n'obwalagale oku olya wamuhâga ebintu arhaganjirwi muli byo.
\v 28 N'amango ebintu byoshi byoshi byaba bikola biri idako ly'amagulu gage, naye Omugala yêne anacihira idako ly'olya wamurhumaga byoshi, lyo Nyamuzinda ashuba byoshi muli byoshi.
\p
\v 29 Acibaga birhali ntyo, balya babatizibwa abafu barhumire, singa bunguke buci barholamwo? Acibaga abafîre barhafûka ciru n'ehitya, cici cirhuma bacibatizibwa ahali habo?
\v 30 Nirhu rhwêne, cici cirhuma rhucihira om kaga ngasi kasanzi?
\v 31 Ngasi lusiku erhi ndi omu lufu, bene wirhu; n'okwo kunali nk'okula muli irenge lyani muli Nnawirhu Yezu Kristu.
\v 32 Acibaga bunya-muntu bwône bwarhumaga nalwîsa ebiryanyi e Efezi, singa bunguke buci nali nakulamwo? Akaba abafîre barha fûka “rhulyage rhunanywe, bulya irhondo rhwafa.”
\v 33 Mumanye murharhebagwa: “Okukomera ababi kunashereze engeso nyinja.”
\v 34 Murhenge omu balalwe nk'oku bikwanine, murhanacihîra mukajira ebyaha; bulya muli mwe hali barhishi Nyamuzinda. Nkudesire nti enshonyi zimugwarhe.
\p
\v 35 Haligi kwône owaderha, nti: “Kurhi abafîre bafûka wani? Mubiri guhi bagalukana?”
\v 36 Eci cihwinja! Eci orhwera cirhajamwo buzine cirhanarhanzir'îfa.
\v 37 Na nka warhwera, arhali omubiri gwamurhenga gw'orhwera, ci mburho yône bumubumu kulyala enali, nka ngano erhi yindi mburho.
\v 38 Nyamuzinda ye oyihâ omubiri, nk'oku yêne alonzize, na ngasi mburho omubiri gwayo gwayo.
\v 39 Emibiri yoshi erhali yo miguma: ogw'abantu guba gwago, ogw'ensimba gwago, ogw'enyunyi gwago, n'gw'enfi gwago.
\v 40 Haligi emibiri y'eby'emalunga n'ey'ebyahano ahashi, ci obulangale bw'ey'eby'amalunga buba bwago, n'obulangale bw'ey'ebyahano ahashi bwago.
\v 41 Obulangale bw'izuba buba bwago, n'obulangale bw'omwezi buba bwago, n'obulangale bw'enyenyezi bwago.
\p
\v 42 Ntyo kwo biri n'oku bufûke bw'abafû. Omubiri gunarhwerwe gui gwa kubola, gufûke gurhaciri gwa kubola.
\v 43 Gurhwerwa buzira bukuze, gufûke omu irenge; gurhwerwa erhi ngonyi, gufûke guli muzibu.
\v 44 Banarhwere omubiri gw'obunya-nyama, hafûke omubiri gw'obunya-mûka. Akaba haba omubiri gw'obunya-nyama, haba n'omubiri gw'obunya-mûka.
\p
\v 45 Ntyo kwo biyandisirwe, mpu: Omuntu murhanzi, Adamu, ajizirwe ciremwa cirimwo obuzine; Adamu muzinda ajirwa mûka gulimwo obuzine.
\v 46 Ci arhali ec'obunya-mûka co cirhang'iboneka; ec'obunya-mubiri co cirhanga, ec'onya-mûka ci kulikire.
\v 47 Omuntu murhanzi omubidaka arhengaga, ânali w'en'igulu; owa kabiri yehe arhengaga empingu.
\v 48 Oku omuny'igulu âli ayosire, kwo n'abany'igulu bayorha, n'oko ow'omumpingu âli ayosire, kwo n'ab'omumpingu bayorha.
\v 49 Na kulyala rhwâlikwo enshusho y'omuny'igulu, kwo rhukwanine rhujekwo n'enshusho y'ow'omu mpingu.
\p
\v 50 Kwo ndesire ntya, bene wirhu: omubiri n'omuko birhankayîma omu Bwami bwa Nyamuzinda, n'eby'okubola birhankayîma ou birhankahash'ibola.
\v 51 Nkolaga namubwira ihwe: rhweshi rhurhakafa, ci rhweshi rhway'ihinduka kundi kundi;
\v 52 omu irinda liguma, omukugohya ntya, oku izu ly'omushekera muzinda; bulya bay'ishi buha omu omushekera, n'abafîre bay'ishifûkan'emibiri erhankacifa, na nirhu rhuyish'ihunduka kundi kundi.
\v 53 Bulya ogula mubiri guboka, kukwanini guyambale obuhashe bw'okurhabola, n'ogu mubiri gufa, kukwanine guyambale obuhashe bw'okurhafa.
\v 54 Ci amango ogu mubiri gubola gwaba gwamayambala obuhashe bw'okurhabola n'ogu mubiri gufa guyambala obuhashe bw'okurhafa, ly'olu luderho lw'Amandiko lwayunjula: Olufu lwahimirwe, lwamirwa 'irenge.
\q1
\v 55 Lufu we, okuhima kwawe ngahi kula? Lufu we, akababo kawe ngahigi kaligi?
\p
\v 56 Ecaha ko kababo k'olufu, n'irhegeko bwo buzibu bw'ecaha.
\v 57 Ci, neci Nyamuzinda akonkwa, owarhuhaga okuhimana erhi Nnâwirhu Yezu Kristu orhuma!
\p
\v 58 Ntyo, bene wirhu bazigirwa, musimike, murhadundaganaga, ensiku zoshi mukaz'ija embere omu mukolo gwa Nyakasane, bulya mumanyire oku omukolo gwinyu muli Nyakasane gurhakafa busha.
\c 16
\cl Cigabi 16
\p
\v 1 Kw'erya ntûlo y'okurhabala abatagatifu, ninyu mjire nk'oku narhegekaga Eklezya z'e Galasia.
\v 2 Olusiku lurhanzi lw'omugobe, ngasi muguma mulimwe abike ahamwage ebi asigazize, na ntyo murhalindaga mpu kuhika nyishe entûlo zibul'ihânwa.
\v 3 Hano nyishi rhôla balya mwêne mucishozire, mbafumbasse obugo n'amaruba, enshololo zinyu baziheke e Yeruzalemi.
\v 4 N'akaba kukwanine nani nyije, banagenda haguma nani.
\p
\v 5 Nayisha emwinyu hangaba na magera omu Macedoniya, bulya kugera kwône na gera omu Macedonya.
\v 6 Ci emwinyu yôhe nkaba nayishinga nsiku, ciru nankanagerezayo amango g'empondo yoshi, mwêne mube mwê mumpisa ngasi ahananaja
\v 7 Bulya ntalonza mmubone ngera ntya kwône; nnangalire nti nashinga kashanzi karhali kanyi, Nyakasane akayemera.
\v 8 Ci kwône na bêra e Efezi kuhika Pentekoste;
\v 9 bulyala banyigulireyo olumvi lwoshi oku mukolo gwani, n'abashombanyi baliyo banji.
\p
\v 10 Timoteyo akayisha, mumanye akahugalala omu karhi kinyu; bulyaala kwo akola akani omukolo gwa Nyakasane.
\v 11 Kuziga harhajiraga owamugayaguza. Muyish'imurhabala ampikeho n'omurhûla, bulya ndwirhe na mulinga rhwe na bane wirhu.
\p
\v 12 Mwene wirhu Apolo naye, namugukulire nti aje emunda muli haguma na bene wirhu, ci anywire mbuli mpu arhayije buno; ayija amango ayumva amazire bushiru.
\p
\v 13 Mube mau, museze buzibu omubuyemere, mube balume, munakomere!
\v 14 Mulimwe byoshi bijirwe omubuzigire.
\p
\v 15 Nashub'immubwira cindi cinwa ciguma, bene wirhu. Murhahabiri oku Stefano n'enyumpa yage bo barhangiriza b'omu Akaya, n'oku bacihizire bône omu mikolo gw'okurhumikira abatagatifu.
\v 16 Ninyu mukakenga abantu ba bene abo na ngasi yeshi okola n'orhama haguma nabo.
\v 17 Nsimire obula Stefano bona Fortunato n'Akayiko bal'intandula, nantyo barhuliliza idulwe linyu lyândi emurhima.
\v 18 Neci, bahumwire omurhima gwani n'ogwinyu. Abantu ba bene abo mukabakenga.
\p
\v 19 Eklezya z'omu Azya mpu asinge. Akwila bo na Priska bammulamusize bwenene muli Nyakasane, n'endêko y'abemezi babuganana ahamwabo.
\v 20 Bene wirhu boshi bammulamusize. Mulamusanye n'ehinunugurho hitagatifu.
\p
\v 21 Ogu musingo guli gwa kuboko kwani nyêne, Paulo.
\v 22 Orhazigira Nyakasane akahra! Maranatha! Nyakasane ayisha!
\v 23 Enshokano ya Nyakasane Yezu ebe haguma ninyu!
\v 24 Obuzigire bwani kuli mwe mweshi muli Kristu Yezu!