shr-x-kigweshe_reg/46-ROM.usfm

\id ROM
\ide UTF-8
\h Baroma
\toc1 Baroma
\toc2 Baroma
\toc3 rom
\mt Baroma
\c 1
\cl Cigabi  1
\p
\v 1 Nié Paulo mwambali wa Yezu Kristu, Namuzinda ampamagala mpu mbe ntumwa, acînshoga mpu nyigirize emyanzi yage y'omurhula.
\v 2 Namuzinda alaganyize eyo myanzi yomurhula kurhenga mira omumandiko gaage. Ajirantio omukukolesaabarhonzi baage.
\v 3 Eyomyanzi eyêrekire Omugala Nnahamwirhu Yezu Kristu: nkakulya omuntu anayorha âli w'omu bûko bwa mwami Daudi.
\v 4 Cikône okubiyerekiire Mûka gwa Namuzinda, ayerekana n'obuhashe oku anali mwene Namuzinda erhi afuka.
\v 5 Yewarhumaga Namuzinda antonya mpu mbe ntumwa y'okukuza Kristu, lyo nyemêza embaga zôshi ziyumve Namuzinda zijire 'ebiadesire.
\v 6 Ninyu muli ba muli abo Namuzinda ahamagaliraga okushiga Yezu Kristu, mwe bantu b'omu cishagala
\v 7 Mmurhumîre amaruba mwe muli e Roma, mweshi mwe Namuzinda asiima anamuhamagaliraga okuba bantubaage. Mâshi Namuzinda Larha Nnahamwirhu Yezu Kristu bamugashanire, bamuhe n'omurhula.
\p
\v 8 Burhanzi mvuzire Namuzinda wani omunkwa erhi mwe murhuma, omukukolesa Nnahamwirhu Yezu Kristu, bulya obwemeere bwinyu buli bwaderhwa omu igulu lyoshi.
\v 9 Namuzinda amanyire oku ntanyweesiri, ye nkolera n'omurhima gwâni gwôshi omukuderha Emyanzi y'omurhula edesire ogw'omugala. Amanyire oku kengêra mmukengeere ensiku zôshi
\v 10 ngasi mango nshenga. Nnankahûna Namuzinda nti okubulonza bwâge, mbe n'obuhashe bw'okuja emwiinyu.
\v 11 Bulya nnonzize bwenene okumubona, lyo mmulerhera okushobôla enshobôlo erhenzire kuli Muka gwa Namuzinda emuzibuhye.
\v 12 Na kulusha, nnonzize mbe haguma na ninyu lyo rhwêshi rhushîbirizanya kuguma, nié okubwemêre bwînyu na ninyu oku bwemêre bwâni.
\v 13 Bîrhu bakristu, nnonzize mumanye oku ngasi mango nakaag'ilaalira okuja emwinyu cikwône naja naciikwa kuhika buno. Nalonzize omukolo gwaani guleheke'mwiinyu nayo nk'oku gwaléhesire omuzindi mbaga z'omu igulu.
\v 14 Bulya ngwâsirwe okuja emw'abantu booshi, emw'abasirimu n'emw'abarhasirimusiri, emw'abantu basomire n'abahwinja.
\v 15 Co cirhumire nnonzize nînyu mmulêrhere Emyanzi y'omurhula mwe bantu b'e Roma.
\p
\v 16 Bulya nnegenera okuderha Emyanzi y'omurhuula: eba buhashe bwa Namuzinda okuciza ngasi aba yemêrha, burhanzi Abayahudi, cikwône n'abarhali Bayahudi.
\v 17 Bulya, emyanzi yomurhula yo efulûlira abantu gurhi Namuzinda abajira mwo bashinganyanya emalanga gâge: kuli oku bwemêre kwône, kurhenga okumurhondêro kuhika kubuzinda, nk'oku Amandiko gadesire mpu: “Olimushinganyanya erhi bwemêre burhuma alama.”
\p
\v 18 Bulya kurhenga oku nkuba Namuzinda ayêrekî ne obuhane burhenzire omubukunizi bwâge. Obwo bukunizi abuyêresize abantu bajira ebyâha n'abajira amabi bôshi. Ebijiro byâbo bibi byo bacikinge mwo okuli mpu kurhajire akâsi.
\p
\v 19 Namuzinda abahanyire, bulya ebyâge byankamanywa birhali bya kubahuga: Namuzinda yêne abayeresire byo bwinjabwinja.
\v 20 Bulya kurhenga amango Namuzinda alemaga igulu, amoorhere gaage garhabonekana, kwo kuderha oku obuhashe bwaage bw'ensiku n'amango n'obu Nnamahanga bwâge, ebyo byombi bibonekana omumikolo ajiraga. Aho ho abantu bankabimanyira, cocinarhumire barhankabona ebi baderha.
\v 21 Bamanyire Namuzinda, cikwône barhamukuza, barhanamuvuga omunkwa nk'oku binakwanine okujirira Namuzinda. Ci engerêrezo zâbo zikola ndunduguze, n'emirhima yâbo erhagwêrhi bukengere, eyunjwire mwizimya.
\v 22 Banaderhe mpu bali banyabwenge, n'obwo bali basire.
\v 23 Ahâli h'okugashâniza obulangashane bwa Nnamahanga orhafa, bagashâniza ensanamu ziyêrekana omuntu w'okufa, bagashaniza n'ez'orhunyunyi, n'ensimba z'igulu n'ez'orhula rhuyandala oku idaho.
\p
\v 24 Cocarhumire Namuzinda abalekerera ebijiro bizizire, nk'oku emirhima yaabo yanali lonzize, ciru balinda bakâjira okw'enshonyi kuli bo bône na nnene.
\v 25 Okuli kuyerekîre Namuzinda bakuhindwîre bunywêsi. Bagashâniza ebi alemaga n'okubikolera ahâli h'okugashâniza Lulema yêne ogwasirwe okuvugwa omunkwa ensiku n'amango! Bibe ntyo.
\p
\v 26 Cocarhumire Namuzinda abalekera enyifinjo z'eby'eshonyi. Bakaabo boone bahindwire okuja nyumpa kw'oborhere bajira ebikongo.
\v 27 N'abalume kwo n'okwo baleka okuja nyumpa kw'obworhere bahindukiran bône na nnene bajira ebirhajirwa, nantio kwo bahirwe mw'obuhane bushinganiine okihabuka kwâbo.
\p
\v 28 Bulya barha lonzagya okumenya Namuzinda. Namuzinda naye abalekera omubwenge bwâbo burhagwerhi bugwârhiro, lyo bajira ebibarhâligwasirwe okujira.
\v 29 Bayunjwiire bulenzi bwangasi lubero, na ngasi bukali. Bali bagalwa bweneene, banali biisi ba bantu, banali ba kuka longoola, bana gweerhe obweng`e bw'obulyaalya, n'oburhebanyi. Bali ba kalimi kabi,
\v 30 n'okuzingana. Bali bashombanyi ba Namuzinda, bali bantu ba kubanga enzinzi, ba bucibone, bakucikula. Banarhale ezindi njira bajira mwo amabi n'okurhâyumva ababusi bâbo.
\v 31 Barharhimanya, banaba ba kuhinduka omu biragane byâbo. Ba ntalîka hyâbo, barhanafa bwonjo.
\v 32 Bayishi bwinja oku Namuzinda atwa olubanja mpu abali bajira ebiri nk'ebyo ba kwanîne bafe. Ciru akaba ntyo kurharhuma barhakalalira okujira bya mwênebyo, na kulushîsa banayemere n'abantu babijira.
\c 2
\cl Cigabi 2
\p
\v 1 Okuwankaba kwoshi we twira abaandi emManja orhakabona ebi waderha. Bulya amango otwîra abandi emmanja obuli kajira akâbo erhi okola ociyâzize wenene.
\v 2 Rhumanyire oku nka Namuzinda atwira abantu bajira ebiri nk'ebió olubanja, analutwé omukushimbulira okuli.
\v 3 K'omanyire mpu wa fuma olubanja lwa Namuzinda, we muntu otwa olw'abajira ebyo akâbo?
\v 4 Nîsi erhi kube kugayaguza ogayaguza obwinja bunene bwa Namuzinda, n'okurhulindirîra kwage? K'orhamanyiri oku obwinja bwa Namuzinda bugwâsirwe okukuhisa kw'obugokôle?
\v 5 Cikwône oli cigamba, orhayêrekîri ebwa kugokôla. Cocirhumire oli wa cîrheganyiza obuhane burhenzire omu bukunizi bwa Namuzinda bunene kulusha, ulusiku Namuzinda ayêrekana obukunizi bwâge n'obushinganyanya bwâge bw'okutwa olubanja.
\p
\v 6 Gonamango ana hembe ngasi muntu nk'oku ebi anajirabinali.
\v 7 Ahâna obuzine bw'ensiku n'amango kuli balya bacihangana kujira aminja nantyo kwo kulongêreza obukuze, n'irenge, n'obuzine bw'ensiku n'amango.
\v 8 Cikwône anayerekane obuhane burhenzire omubukunizi bwâge n'okugaya kwâge kuli bala bamugomera, bala barhayumva okuli n'okujira okukudesire, babul'icilekêlera okuhêkwa n'amabi.
\v 9 Amalibuko n'okulibwa n'amagala byalibuza ngasi bajira amabi, byarhanga oku Bayahudi, cikwône n'abarhali Bayahudi.
\v 10 Cikwône ngasi abajira aminja, Namuzinda abaha obukuze, obukenge, n'omurhula. Arhangirira oku Bayahudi, cikwône aha n'abarhali Bayahudi.
\v 11 Bulya Namuzinda arhajira kabôlo.
\p
\v 12 Ngasi abajira ebyâha bôshi barhanamanyiri amarhegeko ga Musa, bahererekera buzira ago marhegeko, cikwône ngasi abajira ebyâha bôshi erhi banagamanyire banatwirwe olubanja kugerera ago marhegeko.
\v 13 Abantu basimîsa Namuzinda barhali balya bakayumva amarhegeko, cikwône bali balya bakayumva oku gadesire.
\v 14 Erhi ab'emahaga, balya barhamenyire amarhegekogalya g'Abayahudi, gala mango bône bacirhuma okuyumva oku amarhegeko gadesire, bône bakola bali marhegeko, ciru akaba barhagwêrhi galya marhegeko ga Musa.
\v 15 Ntyo kwo bayerekine kw'ebijiro by'amarhegeko bili biyandike omu mirhima yâbo. Etimanya zâbo nazo ziyerekine okwo n'engerêrezo zabo byo bibasidaka kanji kanji n'oku bafungira.
\v 16 Byo byanabonekâne ebyo okulusiku Namuzinda akolêsa Yezu Kristu okutwa olubanja lwa ngasi bifulike omumirhima y'abantu. Emyanzi y'omurhula ndi na yigiriza yo edesire ntyo.
\p
\v 17 Cikwône w'oyo, ogwêrhe izino ly'Omuyahudi, ocîkubagîre amarhegeko onali wa negenera Namuzinda wawe.
\v 18 Omanyire ebi Namuzinda alonzize, n'amarhegeko ga kuyigirizize okucîshoga ebiri binja.
\v 19 Omanyire oku we cirongôzi c'emihurha, na kamole k'abali omu mwizimya,
\v 20 mwigiriza w'abarhayîshi bici na mwalimu w'abâna, bulya omanyire bwinja bwinja oku omu marhegeko ogwêrhe mwo iyerêkano limâna ly'okumanya na ly'okunali.
\v 21 Ahoo! We yigiriaza abandi, bicigi birhuma orhaciyigiriza wêne? We yigiriza mpu okuzimba kurhagwâsirwi, bicigi birhuma ocizimba?
\v 22 Wederha mpu okugona kurhagwâsirwi, bicigi birhuma ocigona? Weshomba okugashâniza ensanamu, bicigi birhuma ohagula omunyumpa yazo?
\v 23 We negenera kulya kuba n'amarhegeko, cikwoone orhakenga Namuzinda mukujira ebi        amarhegeko gâge galahiire.
\v 24 Bulya amandiko gadesire okunali mpu “Mwe Bayahudi, mwe murhuma ezindi mbaga zajacira Namuzinda.
\p
\v 25 Erhi wankayumva oku amarhegeko gadesire, okukaarhwa kwawe kwana kugendukira. Cikwoone erhi ankaba orhayumviirhi oku amarhegeko gadesire, erhi kw'onali nk'orhakaarhagwa.
\v 26 N'erhi orhakaarhagwa ankayumvwa abulijira nk'oku amarhegeko gadesire, ka Namuzinda arhanka mubona nk'akâsirwe?
\v 27 Orhakârhagwa oku mubiri gwâge, cikwône kuyumva ayumva oku amarhegeko gadesire, akutwîra olubanja we rhayumva oku gadesire ciru ankaba ogwêrhe amarhegeko mayandike onali mukârhe.
\v 28 Bulya Omuyahudi menemene arhali olya oli ye omukubonekana oku masu n'okuba ali mukârhe kwamwene kulya kwa nka boneka n'amasu.
\v 29 Cikwône Omuyahudi menemene anali olya oli ye omu ndalâla, olya olimukârhire omu murhima gwâge, n'obwo bukârhe akâsirwe bube bulya bugwarhîre kuli Mûka gwa Namuzinda, c'arhali ku gwarhira oku marhegeko mayandike. Oyo Muyahudi menemene arhakuzibwa n'abantu cikwône akuzibwa na Namuzinda.
\c 3
\cl Cigabi 3
\p
\v 1 Ewe, ka haligi obunguke bw'okuba Muyahudi obwo? Bunguke buci okukârhwa kugwêrhe?
\v 2 Obunguke buli bunji omu njira zôshi. Bayahudi Namuzinda ahâga ebinwa byâge burhangiriza.
\v 3 Kurhi rhwa derhaga obwo, erhi ankaba baguma mulibo babishire ndyâlya, k'obulyâlya bwâbo bwarhumaga Namuzinda naye ahinduka omu binwa byâge?
\v 4 Bunywesi la! Namuzinda agwasirwe ajire ebinali by'okuli, ciru ankaba ngasi muntu aba munywêsi, nk'oku amandiko gadesire mpu: “Ly'oyemêrerwa oku oba mushinganyanya muli ebi oderha. Onayâze nk'ohesirwe lubanja.
\p
\v 5 Cikwône erhi ankaba amabi gîrhu go gayerekana oku Namuzinda aba wôkuli, rhuderhage gurhi? Ka Namuzinda arhaba wôkuli okwenge anaka rhuhana? (Ndesire omuntanya z'abantu).
\v 6 Bunywesi la bulya acibâge Namuzinda arhaba w'okuli, gurhi ankayâza mwo abantu?
\v 7 Cikwône erhi ankaba obunywesi bwâni bwo buyêrekana okuli kwa Namuzinda bwinja kulusha, na ntyo kwo buyêrekana mwo obukuze bwâge, bici byankacirhuma na twîrhwa olubanja nka munyabyâha?
\v 8 Ahoo, bicigi byankarhuma rhuderha mpu rhujire amabi lyo aminja gayîsha? Bulya bantu baguma nka bakola banywerhera, banansingizine, baderhe mpu kwo nadesire ntyo. Abo bantu bahanwa, bana kushinganine bwinja bwinja.
\p
\v 9 Cikwône kurhigi? Ka rhwe Bayahudi, rhwe rhuligi bakulu kulusha abandi bantu? Bunywesila! Mîra nayêrekanaga oku Abayahudi n'abandi bantu, bôshi bo baguma omu kurhambulwa n'ebyâha.
\v 10 Amandiko gadesire mpu: “Ntaye wôkuli, harhaba ciru n'omuguma,
\v 11 Nta muntu oyumva bwinja, Ntâye olônza Namuzinda.
\p
\v 12 Bôshi bahabukire kuli na Namuzinda, barherera haguma. Nta muntu ojira aminja, harhaba ciru n'omuguma.”
\q
\v 13 Emimiro yâbo kwo enali nka cûsho (nshinda) cifunule, Endimi zâbo zibakolera omu kurhebana, Ebinwa baderha kwo binali nka manjokanjoka,
\q
\v 14 Orhunwa rhwâbo rhuyunjwiire buheherere bwa mujina.
\q
\v 15 Bali bulibirha okuj'iyîrha,
\q
\v 16 Aha bagera hôshi bana hasige bigûka nobuhanya,
\q
\v 17 Enjira y'Omurhula barhayimenyaga.
\q
\v 18 Omu bulamu bwâbo barha yôboha Namuzinda ciru n'ehitya.”
\p
\v 19 Rhuyishi oku ebi amarhegeko gaderha byôshi, erhi balya barhegesire bo gana bwîzire, lyo harhac'iba ebi abantu bankaderha, lyo na Namuzinda ayaza abantu bôshi.
\v 20 Bulya emalanga ga Namuzinda nta muntu wanyemêrerwe oku ali w'okuli mpu ye wajijire ebi amarhegeko gadesire, amarhegeko gaba ga kurhuma omuntu amanya kwône oku anajijire ebyaha.
\p
\v 21 Cikwône, Namuzinda arhuyeresirage okuli kwage buzira marhegeko, nka kw'obudimwe bw'abalêbi n'amarhegeko budesire,
\v 22 Namuzinda anajire abantu okuba b'okuli kugerera obwemere bwabo muli Yezu Kristu. Ngasi abayemire Kristu bôshi anabajire b'okuli, bulya bôshi bo na baguma:
\v 23 bôshi bajijire ebyaha banyihirwa n'obulangashane bwa Namuzinda.
\v 24 Cikwône Namuzinda, omubwinja bwâge abajira b'okuli buzira kugula omukukolêsa Yezu Kristu obayôkola.
\v 25 Namuzinda amuhanyire nterekêro ya cintu cidwa omuko lyo, omukufa kwage, ahisa amababale okubantu bamuyemire. Ntya kwo Namuzinda alonzagya ayêrekane mwo gurhi aba w'Okuli: Kurhenga mîra, akâlindalinda, aleka n'okuhana abantu okubyaha byabo.
\v 26 Cikwône muli gano mango, ayêrekine kurhi ajira mwo abantu okuba b'okuli, bulya alonzize abe w'okuli ho n'aho ajire n'abayemîre Yezu bôshi babe b'okuli.
\p
\v 27 Ka haciri ecankarhuma abantu bacîbona? Nanga ntâco côshi! Bici birhumire? Kabulya bayumvîrhe ebi amarhegeko gadesire? Nanga, cikwône bulya bayemîre.
\v 28 Bulya rhuyiishi oku omuntu ajirwa w'okuli embere za Namuzinda erhi bwemêre bwage burhuma, c'arhali mpu kwenge ayumvirhe oku amarhegeko ga desire.
\v 29 Gwarhi, ka Namuzinda aba wa Bayahudi bône? K'arhali ye Namuzinda w'ezindi mbaga zôki? Neci la, ye Namuzinda w'ezindi mbaga nazo,
\v 30 bulya haba Namuzinda muguma yêne. Abayahudi abajira b'okuli erhi bwemere bwâbo burhuma, n'abarhali Bayahudi nabo abajira b'okuli erhi bwemere bwâbo burhuma.
\v 31 Ewe, k'okwo kwo kuderha oku omukukolêsa obwemere, amarhegeko rhugabulire obukenge? Nanga arhali ntyo, amarhegeko go rhuhire obukenge bwâgo bw'okunali erhi kwo.
\c 4
\cl Cigabi 4
\p
\v 1 Bici rhwaderha oku gw'Abrahamu, shakuluza wîrhu? Bici ahirwe?
\v 2 Abrahamu aciyemêreragwa oku ali w'okuli kugerera emikolezi yâge ali akacikungira yo. Cikwône arhanka cikunga emalanga ga Namuzinda.
\v 3 Bulya Amandiko gadesire mpu: “Abrahamu ayemêrera Namuzinda na Namuzinda amubona oku ali w'okuli erhi bwemêre bwâge burhuma.”
\v 4 Okola kukamarha akamarha. Okwo kukamarha kurhankaderhwa mpu kwa kwône: okukwanine.
\v 5 Cikwône amango omuntu arhajijiri mukolo alangâlira Namuzinda kwône, Namuzinda otwa olubanja oku oyo munyabyâha akola mwêru kwêru, Namuzinda anayemere okubona oku oyo muntu akola w'okuli erhi bwemêre bwage burhuma.
\v 6 Ntyo kwo Daudi adesire mwo ogw'obusime bw'omuntu ye Namuzinda ayemîre ku ali w'okuli buzira kukola emikolo. Daudi adesire erhi:
\q
\v 7 “Bali ba busime abo Namuzinda ababalîre amabi Bo n'ebyaha byâbo byazâzîbwe!
\v 8 Ali wa busime oyu ebyaha byâge Nnahamwirhu arha ci bihulîriza!”
\p
\v 9 K'obwo busime buli bwa bantu bakârhe bone? Kaburhali bw'abarhakrhagwa bôhe? Rhudesire bulya oku “Namuzinda ayemire oku Abrahamu ali w'okuli erhi bwemere bwage burhuma.”
\v 10 Mangaci ebyo bya baga? K'amango Abrahamu âli amakârhwa, erhi amango arhali cikârhwa? Arhali amango âli amakârhwa, cikwône erhi arhacikârhwa.
\v 11 Erhi kugera nsiku, Abrahamu akârhwa mpu lyo eco ciba cimanyiso: câli cimanyiso ca kuyerekana oku Namuzinda ayemîre oku akola w'okuli erhi bwemere bwâge burhuma, amango arhâl'icikârwa. Ntyo kwo Abrahamu abîre mwo ishe wa ngasi bôshi abayemire Namuzinda buzira kukârhwa na Namuzinda ayemire oku bakola b'okuli.
\v 12 Anali ishe w'abakârhe, kwo kuderha oku ali ishe wa balya barhanegenera okukârhwa, cikwône bashimbulira olwiganyo lw'obwemere lârha wîrhu Abrahamu agwerhe amango arhâl'icikârhwa.
\p
\v 13 Namuzinda alaganyize Abrahamu n'obûko bwâge oku abaha igulu libe birugu byâbo. Eco ciragâne cirhajiragwa mpu kwenge Abrahamu ayumvirhe oku amarhegeko gadesire, cikwône bulya Namuzinda ayemire oku Abrahamu ali w'okuli kugerera obwemere bwâge.
\v 14 Acibaga abayumva oku amarhegeko gadesire bone bo ben'ebyo birugu, obwemere bwankabire bwa kafa busha, n'eciragâne ca Namuzinda nta bunguke cankacigwasire.
\v 15 Bulya amarhegeko ganalerhe obuhane burhenzi omu bukunizi bwa Namuzinda, cikwône aharhaba marhegeko harhanaba kuvuna amarhegeko.
\v 16 Co carhumire eciragâne cajirwa erhi bwemere burhuma, lyo ciba nshobolo Namuzinda ashobozize busha, lyo cigendereza okukola oku bantu b'omu bûko bw'Abrahamu bôshi, bashobole kwône, arhali abo bayumvirhe oku amarhegeko gadesire bône, cikwône n'abayemire nk'oku Abrahamu naye anali yemire. Abrahamu âli larha wirhu rhweshi,
\v 17 nk'oku amandiko gadesire mpu: “Nakujijire ishe wa mbaga nyinji.” Aali larha wirhu emalanga ga Namuzinda olya ayemeraga, ye Namuzinda ofûla n'okujira ebirhahabâga mpu bihabe.
\v 18 Abrahamu ayemire ana langâlira, n'obwo arhâli agwerhe obulangalire, nantyo kwabîre mwo ishe wa mbaga nyinji, nk'oku Namuzinda anamubwîraga erhi: “Ntyo kwo omuganjo gw'obûko bwâwe gwaba.”
\v 19 Aaliagwerhe hôfi myaka igana, cikwône obwemere bwâge burhanyihaga erhi agerereza omubiri gwâge gukola nka gufîre n'erhi agerêreza Sara arhankacibusire.
\v 20 Arhahezagya obwemere bwâge arha na baga n'akarhinda okuciragane ca Namuzinda. Ci oku byabire, obwemere bwage bwa muzibuhya abul'icitakiira Namuzinda.
\v 21 Aali amanyire bwinja oku Namuzinda agwerhe obuhashe bw'okujira ebi alaganyize.
\v 22 Yumvagya ebyarhumaga Namuzinda ayemera oku Abrahamu ali w'okuli, Namuzinda amuyemera erhi bwemere bwâge burhuma.
\p
\v 23 Cikwône ebyo binwa bidesire oku “ayemerirwe oku ali w'okuli” arhali yêne bya yandisirwe.
\v 24 Nirhu rhwe rhwabiyandikîrwe rhwe rhugwâsirwe rhubonwe oku rhuli b'okuli rhwe rhuyemire owafulaga yezu Nnahamwirhu.
\v 25 Nnahamwirhu Yezu ahanagwa mpu afe erhi byaha byâbo birhuma, anafûlwa mpu lyo arhujira b'okuli emalanga ga Namuzinda.
\c 5
\cl Cigabi 5
\p
\v 1 Ntyo kwo rhwajijirwe mwo b'okuli emalanga ga Namuzinda erhi bwemere burhuma, nabuno ntabyo rhucifânwa rhwêshi naye erhi Nnahamwirhu Yezu Kristu orhuma.
\v 2 Yezu ye warhumire rhwahasha, omunjira y'obwemere, okushegera hâli Namuzinda arhugashanire, rhunakolaga rhuhadekerire. N'ebirhuhîre obusîme, buli bulangalire bw'okuba n'omwanya oku bulangashane bwa Namuzinda.
\v 3 Na kulusha, rhunashagalukire ciru n'omu malibu gîrhu, bulya rhumanyire oku amalibu ga lerha obushiru,
\v 4 n'obushiru bulêrha okuzibuha omu marhangulo, n'okuzibuha omu marhangulo kulerha obulangalire.
\v 5 Obwo bulangalire burharhuma rhwa ziguluka bulya Namuzinda abulagire obuzigire bwâge omu mirhima yîrhu. Ajira ntyo omu kukolesa Mûka wage arhuhaga.
\p
\v 6 Bulya amango rhurhaligweerh'emisi, Omuciza erhi akashanzi kahika, afira ababi.
\v 7 Biri bizibu omuntu okufîra omuntu w'okuli, lubilubi, omuntu anafîra olya okola aminja.
\v 8 Cikwône Namuzinda arhuyeresire obuzigire bwâge okubona Omuciza arhufirire amango rhuciri omubyaha.
\v 9 Co cirhumire bwenene erhi rhwanka yemererwa okuba b'okuli oku muko gwâge, kugerere ye rhwa fulumuka oburhe bwâge.
\v 10 Bulya, akaba rhwazigirwe na Namuzinda erhi lufu lw'Omugala lurhuma, nobwo rhwaciri bashombanyi, lero nabuno rhukola rhu yinjibine naye, rhwacizibwa n'obuzine bwâge.
\v 11 Arhanalikwône okwo; ci rhudwirhe rhwacisima muli Namuzinda erhi Nnawirhu Yezu orhuma, ye warhushobozagya okuyinjibana na Namuzinda.
\p
\v 12 Ntyo kwo biri! Ecaha cadwirhwe en'igulu na muntu muguma, naco ecaha caburha olufu, n'olufu lwa yahukira abantu boshi, bulya bôshi bakozire ecaha.
\v 13 Ecaha cali en'igulu embere amarhegeko gahanwe, ci ecaha cirhahanirwa ndi nka nt'irhegeko lihali;
\v 14 cikurharhumaga olufu lurhakula emyone kurhenga Adamu kuhika Musa, lwaheka ciru n'abarhajiraga caha omukuvuna amarhegeko ak'Adamu, ye nshusho y'owanayishe.
\v 15 Cikwône engalo erhali nk'ecaha. Bulya akaba ecaha ca muguma calumizize olufu omu lubaga, kangakulusha engalo ya Namuzinda n'eshokano y'amakwanane ga muntu muguma, Yezu Kristu, bya lumire omu bantu banji!
\v 16 N'eyo nshokano erhali nka bwahukire bw'ecaha ca muguma; bulya olubanja lw'eco caha ca muguma buhane lwadwirhe; ci enshokano y'olukogo Namuzinda arhufaga oku byaha birhu binji yarhujira beru-kweru.
\v 17 Bulya, akaba ecaha ca muntu muguma carhumire olufu lwagandaza, erhi ye rhumire, kanga kulusha balya bayunjwire engalo n'enshokano y'obushinganyanya bohe bayish'ilushisa, bagandaze omu buzine Yezu Kristu yenene arhumire!
\p
\v 18 Ntyo, nk'oku bahaniragwa obubi bwamuntu muguma, kw'abantu bôshi bahindusire beru-kweru, banashobola obuzine cijiro ca bushinganyanya bwa muguma cirhumire.
\v 19 Bulya, nk'oku olubaga lwoshi lwayahukiragwa n'ecaha erhi bucibone bwa muntu muguma burhuma, kwo lwanayish'iyera bumvi bwa muguma burhumire.
\v 20 Neci, kwo binali, irhegeko lyayishire mpu lyo obubi buluga; Cikwône aha ecaha cali cishurhamire, engalo ya Namuzinda yahalambiza;
\v 21 mpu lyo, nk'oku ecaha cali ci gandazize omulufu, omulufu, engalo ya Namuzinda egandaza n'obushinganyanya omu buzine bw'ensiku n'amango, Nnawirhu Yezu Kristu orhumire.
\c 6
\cl Cigabi 6
\p
\v 1 Kurhi rhwaderhaga? Ka rhubere omu caha mpu lyo engalo eluga?
\v 2 Ntanzi! Rhwe rhwafire oku caha, kurhi rhwankashub'icibeeramwo?
\v 3 Nkaba muhabire oku rhweshi, ababatizibwe muli Kristu, omu lufu lwage rhwa batizibwe?
\v 4 Erhi rhubatizibwa, rhwabishwa haguma naye omu lufu, nti nk'oku Kristu afuulagwa muli banyakwigendera n'irenge ly'Ishe, lyo nirhu rhuba n'obuzine buhyahya akage.
\v 5 Bulya, akaba rhukola rhugwerhe kalamo kaguma naye omu lufu lushushine, rhwayish'iba na kalamo kaguma omu bufuke bushushine
\v 6 Rhumanyire kwo: omuntu wirhu wa mira abambirwe oku musalaba haguma naye, mpu ly'omubiri gw'ebyaha gushabuuka, na ntyo rhurhenge omu buja bw'ebyaha;
\v 7 bulya owafiire erhi afumire ecaha.
\v 8 Ci akaba rhwafire haguma na Kristu, rhuyemire kwo na kwo oku rhwalama haguma na Kristu.
\v 9 Rhumanyire oku Kristu afuusire omu balinda mboho, arhakacifa bundi; nta buhashe olufu lucigwerhe kuli ye.
\v 10 Erhi afa, ahima ecaha lwoshi-lwoshi; n'obuzine bwage bukola buzine bwa kulamira Nnamahanga.
\v 11 Ninyu kwo kuguma: muyorhe nk'abafire oku caha, munalamire Nyamuzinda muli Yezu Kristu.
\v 12 Lero ecaha cirhacibonaga aha cankagandaza omu mubiri gwinyu gwayish'ifa,  cilek'immuyemeza amagene gaco.
\v 13 Murhajiraga ebirumbu binyu byoji by'obulyalya omu okubikolesa oku kujira ebyaha; ci mucihane mwene emwa Namuzinda nka bantu bazine bafulumusire olufu, n'ebirumbu binyu mubikolese nka byoji bya bushinganyanya omukurhumikira Nnamahanga.
\v 14 Bulya nta buhashe ecaha cicigwerhe kuli mwe, kulya kuba murhashwesirwi na marhegeko, ci n'engalo ya Nnamahanga.
\p
\v 15 Ewe; ka rhukag'ijira ebyaha bulya rhurhashwesirwi na marhegeko, ci n'engalo ya Nnamahanga? Nta mango.
\v 16 Ka murhishi oku erhi mwankacihana buja emwa lebe, mpu mumurhumikire, mwanaba baja b'olya murhumikira; akaba caha, cimulerhere olufu n'akaba bumvi, bumulerhere obushinganyanya.
\v 17 Ci Namuzinda akonkwa! Erhi muba mwamarhenga omu buja bw'ecaha, mwashimbire n'omurhima gwinyu gw'oshi enjira y'enyigirizo mwayigirizibwe;
\v 18 n'erhi muba mwamalikuzibwa oku caha, mwahinduka barhumisi b'obushinganyanya.
\v 19 Ndesire nka kulya abantu baderha erhi buzamba bwinyu burhuma. Kulya mwakolesagya ebirumbu binyu omubuja bw'eby'eshonyi n'obugoma, mwaba bagomi, ntyo kwo mubikolesagye kurhenga ene omu burhumisi bw'obushinganyanya, lyo muba bimaana.
\v 20 Amango mwaciri baja b'ecaha nt'irhegeko lyaali limushwesire.
\v 21 Bunguke buci mwabwinage obwo? Buno enshonyi zimmubambisire, bulya obuzinda bw'ebyo byoshi luba lufu.
\v 22 Ci buno mwalikuzibwe oku caha, mukola bambali ba Nnamahanga, obutakatifu lwo luhembo lwinyu, n'obuzinda bwinyu buli buzine bw'ensiku n'amango.
\v 23 Bulya oluhembo lw'ecaha luba lufu, ci engalo ya Namuzinda buba buzine bw'ensiku n'amango muli Nnahamwirhu Yezu Kristu.
\c 7
\cl Cigabi 7
\p
\v 1 K'erhi muhabire, bene wirhu - bantu balenga omumarhegeko nabwira - oku irhegeko lishweka omuntu amango acizine?
\v 2 Ntyo omukazi ashwesirwe n'irhegeko kuli iba amango iba acizine; ci erhi ankafa, Namukazi anashwekûlwa n'irhegeko ly'iba.
\v 3 Kuziga amango iba acizine, erhi ankayankwa n'owundi mulume anaderhwa mugonyi; ci erhi iba ankafa, arhacishwesirwi n'irhegeko, nantyo arhaciri mugonyi erhi ankayankwa n'owundi mulume
\v 4 Ninyu kwo na kwo, bene wirhu: mwafire, mwarhenzibwa omulukoba lw'amarhegeko erhi mubiri gwa Kristu gurhuma mpu mube ba wundi, olya wafukaga omu bafire, mpu lyo rhukafulukiza Nnamahanga.
\v 5 Erhi rhuciri omu mubiri, amiru g'ebyaha, galerhwa n'amarhegeko gakag'ijira omukolo gwagwo omubirumbu birhu, mpu lyo rhukafulukiza olufu.
\v 6 Ci buno rhwafîre okubyakag'irhushweka nka mpira, rhwarhenzibwe omu lukoba lw'amarhegeko, rhukola rhwakolera oku ngoma mpyahya y'omurhima, ci arhaciri oku ngoma y'ecikulakula ya “shimba-oku-badesire”.
\p
\v 7 Kuli kuderha kurhi? Ka mpu irhegeko liri caha? Ntanzi! Ci kwonene ntamanyaga ecaha elirhali irhegeko lirhumire. Bulya ntankamanyire amagene irhegeko lirhaci- derhaga, mpu: orhakazig'iba magene.
\v 8 Erhi ecaha cibona ntyo, canshulira amiru ga ngasi lubero erhi irhegeko lirhuma. Bulya buzira irhegeko, ecaha guli mufu.
\v 9 Neci, mira nalamaga buzira marhegeko; ci erhi amarhegeko gayisha, ecaha naco cafululuka,
\v 10 nani nabaga nie nfa. Ntyo amarhegeko gal'ikwanine okumpa obuzine, gaba lufu lwo ganderhera.
\v 11 Bulya erhi ecaha cibona amarhegeko, cantiza, cananninga erhi gwo garhuma.
\v 12 Kuziga amarhegeko gali mimana, n'ebirhegesirwe biri bimana bishinganine binali binja.
\p
\v 13 K'akantu kinja kabirage lufu kuli nie? Nta mango! Caha eco canduirhire olufu omukukolesa akantu kinja, mpu lyo ciyerekana oku ciri caha, nantyo mpu lyo ciba cibi kulusha erhi marhegeko garhuma.
\p
\v 14 Rhukumanyire, neci: irhegeko kali kantu ka bunya-muka; ci niehe ndi kantu kabunya- mubiri, mugulwa, muja w'ecaha
\v 15 Nanga, okuli, ebinjira ntabiyumva; bulya arhali ebinonza okujira byo njira, ci ebinshomba byo njira.
\v 16 Akaba ebintalonza okujira byonjira, kuziga inyemire oku irhegeko liri linja.
\v 17 Ahoo! Kuziga arhaciri nie nkujira, ci ecaha cimbamwo.
\v 18 Nkumanyire, neci! Obwinja burhambamwo, kwo kuderha omu mubiri gwani. Okulonza aminja, neci, nanakuhasha; ci okugajira kwo hahe.
\v 19 Bulya ntajira aminja nnonzize, ci obubi ntalonzizi bwo njira.
\v 20 Akaba ebintalonzizi okujira byonjira, kuziga arhaciri nie mbijira ci ecaha cindimwo.
\v 21 Alagi irhegeko namarhindakwo: nié ono nkalonz'ijira aminja, obubi nanabona bwo buyishire.
\v 22 Neci, nnanyumve nsimire amarhegeko ga Nnamahanga omu murhima gwani;
\v 23 ci omu birumbu byani nyumve erindi irhegeko liherhe lyalwisa irhegeko ly'obukengere bwani n'okunjira mpira y'irhegeko ly'ecaha cindi omu birumbu.
\v 24 Lero nieki ihanja lici limbakwo! Ndi wandikuza kw'ogu mubiri gw'olufu?
\v 25 Akonkwa Nnamahanga muli Nnawirhu Yezu Kristu! Ntyo, nie ono omu bukengere ndwirhe nakolera irhegeko lya Namuzinda, n'ery'ecaha   omu mubiri.
\c 8
\cl Cigabi 8
\p
\v 1 Nta kuciyagiriza abali muli Yezu Kristu.
\v 2 Bulya irhegeko ly'omuka guhana obuzine muli Yezu Kristu lyakulikizize oku irhegeko ly'ecaha n'ery'olufu.
\v 3 Bulya ebi amarhegeko garhahashaga erhi buzamba bwa mubiri burhuma, Namuzinda yêne abijizire erhi arhuma omugala omu mubiri gushushire ogwirhu gw'ebyaha, mpu lyo ahima ecaha, n'omu mubiri gwage, ayagiriza ecaha,
\v 4 mpu ly'obushinganyanya bw'amarhegeko buba muli rhwe, rhwe olugendo lwirhu lurhashimba mubiri, ci muka.
\v 5 Neci, abashimba engeso z'omubiri, bya mubiri bashwira, n'abashimba omuka, bya muka bashwira.
\v 6 Bulya enyifinjo z'omubiri luli lufu ci enyifinjo z'omuka kali kalamo n'omurhula.
\v 7 Co cirhuma enyifinjo z'omubiri zishomba Nnamahanga, bulya zirhashimba irhegeko lya Nnamahanga; ciru zirhankanahasha okulishimba.
\v 8 Abashimba eby'omubiri barhankasima Namuzinda.
\v 9 Mwehe murhali bashimbi ba mubiri, ci bashimbi ba muka, kulya kuba Omuka gwa Nyamuzinda guba muli mwe. Orhagwerhi Omuka gwa Kristu arhali wa Kristu.
\v 10 Ci akaba Kristu ammuli mwo, ciru omubiri gukaba gukola gufire erhi caha cirhuma, Omuka gohe guzine obushinganyanya burhumire
\v 11 N'akaba Omuka gw'Olya wafusagya Yezu omubafu guba muli mwe, Olya wafusagya Yezu Kristu omu bafu anahe emibiri yinyu y'okufa akalamu oku buhashe bwa Muka ommubamwo.
\p
\v 12 Ntyola, bene wirhu, rhuli mumwenda, ci gurhali mwenda gwa mubiri mpu rhwalamira omubiri. Bulya mukalamira omubiri, mwafa; ci mukayirha ebijiro
\v 13 by'omubiri n'obuhashe bwa Muka, mwalama.
\p
\v 14 Neci, kwo binali abahekwa na Muka gwa Namuzinda omulugendo lwabo baba bana ba Namuzinda.
\v 15 Murhahabagwa murhima gwa baja mpu mwayoboha; mwahirwe omurhima gw'abana balere, gwo gunarhuma rhwayakuza, nti: “Abba, Larha”
\v 16 Mûka Mutakatifu yenene anaje omu murhima gwirhu omuku hamiriza oku rhuli bana ba Nnamahanga.
\v 17 Nantyo obwo rhuli bana bage, rhwe rhwayiime; rhuli miimo ya Nnamahanga, rhwayiime rhweshi na Kristu, bulya rhuli omu malibuko rhweshi naye lyo rhuyish'ikuzibwa haguma naye.
\p
\v 18 Neci, mbwine niehe oku amababale g'en'igulu garhankagererwa oku bukuze rhwayish'ihabwa.
\v 19 Bulya ebiremwa byoshi bidwirhe byalinguza oku abana ba Nnamahanga baciyerekana.
\v 20 Ebiremwa byahizirwe omu buja, ci arhali okubulonza bwabyo, ci oku bulonza bw'owabihiragamwo; cikoki bicilangalire;
\v 21 oku nabyo byayishi rhenzibwa omubuja bw'obubi, bishangire irenge ly'antagengwa ly'abana ba Nnamahanga.
\v 22 Rhumanyire kwinja oku kuhika ene ebiremwa byoshi biri omu mulenge, binadwirhe byalumwa n'emikero y'okuburha.
\v 23 Arhanali byone; ciru nirhu, rhwe rhugwerhe ecikinja ca Muka, omurhima gwirhu omu mulenge guli, rhudwirhe rhwalinda okuhinduka bana balere n'obucunguzi
\v 24 bw'emibiri yirhu. Bulya obucunguzi bwirhu buciri bulangalire; n'okubona eci omuntu alangalire burhaciri bulangalire. Eci omuntu abwine, kurhi ankacicilangalira?
\v 25 Ci erhi rhwankalangalira ebi rhurhabona, rhwanabilinda buzira kurhama.
\p
\v 26 Kwo na kwo Mûka Mutagatifu anarhabale obuzamba bwirhu; bulya rhurhish'ishenga okushinganine; ci Mûka Mutagatifu yêne orhusengerera omu njàmu zirhagwerhi oku zankaderhwa.
\v 27 Naye olya ovuhula emirhima ayishi ebi Muka alonza: amanyire oku Muka asengerera abimaana nk'oku Namuzinda asima.
\p
\v 28 Kandi mumanyire oku Namuzinda akolesa byoshi oku minja g'abamusima, balya yeene ahamagire oku bulonza bwage.
\v 29 Bulya balya yêne acishogaga kurhenga mira, abarheganyize mpu babe nshusho y'omugala lyo aba nfula omu balumuna banji;
\v 30 n'abarheganyize, abahamagire; n'abahamagiere, abajizire beru-kweru; n'abajizire beru-kweru, abahire obukuze.
\p
\v 31 Cici rhwankaciyushula kw'ebyo? Akaba Namuzinda ali olunda lwirhu, indi wankacirhuhima?
\v 32 Arhababaliraga omugala, ci amuhaana nterekero kuli rhwe rhweshi; bici ankacibula bwarhuha haguma naye?
\v 33 Ndi wankaciderha mpu ahêka abishogwa ba Namuzinda lubanja? Namuzinda yêne ye wabayêza!
\v 34 Ndigi wankacibayagiriza? Ka Yezu Kristu wafaga anafuka? Ka Yezu Kristu otamire ekulyo kwa Namuzinda, odwirhe arhulagira?
\v 35 Ndigi wankacirhukuula omu buzigire bwa Kristu? Ka kubula ecirhwayambala, erhi kaga, nisi erhi ngorho?
\v 36 Bulya kuyandisirwe, mpu: We rhuma rhwayirhwa bwaca bwayira; kwo bakola barhulola nka bibuzi byaj'ibagwa.
\v 37 Ci kwonene mw'ebyo byoshi rhuna hime erhi Olya orhuzigira orhuma.
\v 38 Neci mmanyire kwinja oku olufu erhi buzine, ciru bamalahika erhi amami, ciru gano mango erhi amango gayisha, ciru amahashe,
\v 39 oli emalunga, oli omu idaho, nta ciremwa ciru n'eciguma cankahasha okurhunanuula oku buzigire bwa Namuzinda buli muli Nnahamwirhu Yezu Kristu.
\c 9
\cl Cigabi 9
\p
\v 1 Ndesire okuli muli Kristu, nta nywerha, n'omurhima gwani ye muhamirizi wani muli Mûka Mutakatifu:
\v 2 ngwerhe burhe bunji n'amababale garhausa omu murhima.
\v 3 Neci, nankasimire niene nkagwe nnantenzibwekwo Kristu erhi benewirhu barhuma, balya b'omu ishanja lyani ly'omubiri;
\v 4 bo bene-Israeli: bo Namuzinda acishozire mpu babe bana bage anayerekana irenge lyage muli bo; bahîrwé endagano n'amarhegeko n'emigênzo y'okukolera Namuzinda n'eciragane cage.
\v 5 Ba shakuluza bali b'omu ishanja lyabo; n' oku maburhwa g'omubiri; Kristu ali wa kuli bo, ye mwami mukulu w'ebintu byoshi, ye Namuzinda mugishe emyaka n'emyaka. Neci, ntyo!
\p
\v 6 Arhali kuderha oku kanwa ka Namuzinda kakubire; bulya arhali abàburhagwa n'Israeli boshi bo bene-Israeli,
\v 7 arhanali abarhengaga omunda y'Ibrahimu boshi bo bana bage; ci kuli Izaki iburha lyawe lya rhenza izino;
\v 8 kwo kuderha oku abana b'omubiri arhali bo bana ba Nnâmahanga, ci abana b'eciragane bône lyo iburha ly'okuli.
\v 9 Yumvagi oku eciragane cidesire: Hano nshub'igera mw'aga mango erhi Sara agwerhe omwana w'oburhabana.
\v 10 Arhanali okwôla kwône. Rebeka naye arhozire izimi lya mulume muguma yêne, ye larha Izaki.
\v 11 Erhi abana baba barhaj'iburhwa, barhaj'ijira oli ecinja oli ecibi, mpu lyo Nnâmahanga ayerekana oku ajira nk'oku alonzize omu kucishoga abage,
\v 12 oku arhalola bijiro, ci bulonza bw'owahamagala yêne, anacibwirwa, mpu: Enfula yanashige omuziba,
\v 13 nk'oku biyandisirwe mpu: Narhonyize Yakobo, nashomba Ezau.
\p
\v 14 Gurhi rhwaderhaga? Ka Nyamuzinda ankabamwo obulyalya? Ntamango!
\v 15 Kali yêne wabwiraga Musa, erhi: Mbabalira oyu nnonzize okubabalira, nnambêra lukogo oyu nnonzize okubêra lukogo.
\v 16 KUziga birhali bya kulonza erhi bya kulibirha, ci bya bwonjo bwa Nnâmahanga.
\v 17 Kandi Amandiko gabwizire Faraoni, erhi: Nakuyimikaga nti nkuyerekanemwo obuhashe bwani, lyo n'izino lyani likuzibwa omu igulu lyoshi.
\v 18 Ntyo, anababalire oyu alonzize, n'oyu alonzize okudundaguza amudundaguze.
\p
\v 19 Okolaga wambwira, erhi: “Cirhuma aciciduduma? Ndi wankalahira okujira ebi alonzize?”
\v 20 We muntu, oligi ndi mpu wajisa Namuzinda kadali? K'akantu omuntu abumbaga kankamubwira, erhi: “Carhumaga wanjira ntya?”
\v 21 K'omubumbi arhankakolesa ibumba lyage nk'oku alonzize, n'okurhenza mw'eryo ibumba liguma akantu kinjinja n'akantu kantyantya?
\v 22 Naye Nnâmahanga, omukuyerekana obukunizi bwage n' okumanyisa obuhashe bwage, akaba alêmbîre n'obutûdu bwage bunji ebiremwa bikwanine obukunizi byâli hofi okuherereka,
\v 23 akaba alonzize okuyerekana obuhirhi bw'obukunizi bwage ku biremwa by'olukogo yêne âli ayosire arheganyîze obukuze!
\v 24 N'ebyo biremwa by'olukogo byo rhwe ahamagalaga, arhali omu Bayahudi bône, ci n'omu bapagani.
\v 25 Kwo adesire omukanwa k'Ozeya, erhi: Nayirika lubaga lwani abarhâli lubaga lwani na murhonyi wani orhâli murhonyi;
\v 26 n'aha babwiragwa; mpu: Murhali lubagu lwani, aho honêne baderhwe bene Namuzinda oziîne.
\p
\v 27 Naye Izaya aderhire Israheli, erhi: ciru bene-Israheli bankaluga nka mushenyigw'omu nyanja, obusigale bwône bwana cizibwe;
\v 28 bulya Nyakasane ayunza duba na buzira kushubira nyuma akanwa kage omu igulu.
\p
\v 29 Kandi Izaya âli erhi alêbire; mpu: Acibaga Nyakasane w'emirhwe arha rhulekeraga iburha, singa rhwabire okwa Sodoma, singa rhwashushire Gomora.
\p
\v 30 Kurhi rhwaderhaga? Rhuderhe oku abapagani barhashimbaga bushinganyanya bashikirire obushinganyanya, bwo bushinganyanya burhenga omu buyemere;
\v 31 ci bene-Israheri bohe bakag'ishimba irhegeko ly'obushinganyanya, ery'irhegeko barhalihikagakwo.
\v 32 Carhumire? Bulya barhacikubagiraga bwemere, ci bacikubagira ebijiro; na ntyo basarhala oku ibuye ly'okusarhaza,
\v 33 nka kulya biyandisirwe, mpu: Kà murhabwini oku mpizire omu Siyoni ibuye ly'okusarhaza n'ibuye ly'okuhirimya? Ci oliyemire arhankabonesibwa nshonyi.
\c 10
\cl Cigabi 10
\p
\v 1 Bene wirhu; eci omurhima gwani gucifinja n'acinsengerera emwa Namuzinda: nti nabo bacunguke.
\v 2 Neci mpamirizize oku bashibirire Nnâmahanga, ci obushiru bwabo burhali oku bishinganine okuba.
\v 3 Bulyalya burhamanyiriraga obushinganyanya bwa Nnâmahanga, ci balonza obwabo bushinganyanya, na ntyo balahira okushimba obushinganyanya bwa Nnâmahanga.
\v 4 Bulya obushwinjirobw'irhegeko, ye Kristu, ye nayêza ngasi mwemezi.
\p
\v 5 Okubushinganyanya burhenga omu marhegeko Musa ayandisire, mpu: Omuntu wabushimbe, buna mulamye.
\v 6 Ci obushinganyanya burhenga omu buyemere kwo budesire ntyala, mpu: orhaderhaga omu murhima gwawe, mpu: Ndi wankasôkera omu irunga? Kwo kuderha mpu agend'imanulamwo Kristu;
\v 7 nisi, erhi: Ndi wankayandagalira omu kuzimu kwokuderha mpu aj'irhenza Kristu omu bafu.
\v 8 Bici budesirage obwo? Mpu: Oluderho luli hofi nawe; lukuli omu kanwa n'omu murhima; n'olwo luderho bwo bugo bw'obuyemere rhuyigiriza.
\v 9 Bulya, akaba omu kanwa kawe onahamirize oku Yezu ye Nakasane, n'akaba oyemire omu murhima gwawe oku Namuzinda amufûzire omu bafu, wa cunguka.
\v 10 Neci, obuyemere bw'omu murhima bwo buhisa omuntu oku bushinganyanya, n'obuhamirize bw'akanwa bwo buhisa omuntu oku bucunguke.
\v 11 K'Amandiko garhadesiri, mpu: Ngasi yeshi omuyemire arhakabona nshonyi?
\v 12 Bulya nta kabolo ekarhi k'Abayahudi n'Abagereki: Ali Nakasane muguma mwami wa boshi, ye shoboza abamushenga boshi;
\v 13 bulya ngasi yeshi wanashenge izino lya Nakasane anacire.
\p
\v 14 Ci kwône kurhi bankamushenga barhanamuyemiri? Na kurhi bankayemera oyu barhasag'iyumva? Na kurhi bankayumva akaba ntaye wababwira?
\v 15 Na kurhi bankaja bahanûla barhanarhumirwi? Kuyandisirwe, mpu: Oku amagulu g'abaja-bugo b'emyanzi y'Akalembe gayinjiha!
\v 16 Ci kwône arhali boshi bayandikire emyanzi y'Akalembe, Izaya akudesire, erhi: Yagirwa, ndi wayemire obugo bwirhu?
\v 17 Ntyo obuyemere omu kuhanûla burhenga n'okuhanula kujirwa n'akanwa ka Kristu.
\p
\v 18 Ci nani ndôsize: Ka barhayumvagya? Neci mashi! Ciru n'izu lyabo lya yumvikine omu igulu lyoshi, n'enderho zabo zahisire ngasi haba muntu?
\p
\v 19 Nshubir'idôsa: “K'Israheli arhayumvagya bwinja?” Musa ye murhanzi w'okushuza, erhi: Nammuyumvisa obumvu oku ishanja lirhali ishanja, nammuzûsamwo obukunizi oku ishanja lirhajira bukengere.
\p
\v 20 Ciru Izaya arhayobohaga okuderha, erhi: Abarhakag'innonza bo bambwine, abarhakag'indôsa bo naciyeresire.
\p
\v 21 Ci bene-Israheli ababwira, erhi: Omulegerege gwoshi, olu lubaga lurhumwa lunali lugoma na lulambulira amaboko.
\c 11
\cl Cigabi 11
\p
\v 1 Ka ndôsagye: “Ka Namuzinda akabulirage ishanja lyage?” Ciru n'ehitya! Ka nieki ntali mwene-Israheri, w'omu iburha ly'Ibrahimu na w'omu bûko bwa Benyamini?
\v 2 Nnâmahanga arhakabuliraga olubaga lwage acishogaga kurhenga mira. Nkabaga kuhaba muhabire kurhi Amandiko gadesire kuli Eliya erhi aciduduma emwa Nnamahanga mpu alega Israheri?
\v 3 Erhi: “Yagirwa, bayisire abalebi bawe, bahongola ngasi lûsho lwawe; nani niene nsigire, banadwirhe balonza okunyirha”
\v 4 Neci Namuzinda amushuzize? Erhi: “Nacishozire bantu bihumbi nda barhagonyeraga Bali idwi”
\v 5 Ntyo kuhika ene hacisigire abantu bacishozirwe n'enshokano ya Nnâmahanga.
\v 6 Ci akaba eri nshokano, birhaciri bijiro birhumire; n'acibaga arhâli ntyo, enshokano erhankacibire nshokano.
\p
\v 7 Kurhi rhwaderhaga? Eci Israheli alonza, arhasag'icibona; ci abacibwine banali bishogwa. Abandi badunduguzibwa,
\v 8 nk'oku biyandisirwe, mpu: Namuzinda abahire omurhima gw'obungolongol, abaha amasu g'olubwibwi n'amarhwiri g'ebihuli kuhika ene.
\v 9 Naye Daudi aciderhire, mpu: ecîbo cabo cibabêre isi, cihinduke murhego, cibe ibuye ly'okusarhaza, lunabe lwo luhembo lwabo.
\q
\v 10 Amasu gabo gajemwo olubwibwi ganahurhe! Obaherhe omugongo barhacifaga bayinamusire!
\p
\v 11 Nani ndôsizagye: “Ka kusarhala kwarhumire bahirima?” Bunywesi! Ci okuhirima kwabo bwabire bucire bw'abapagani, mpu lyo bayumva obwagalwa.
\v 12 N'akaba okuhirima kwabo kwahindusire buhirhi bw'igulu, n'obukenyi bwabo bwaba buhirhi bw'abapagani, hano bagaluka ntuliri, ka barhabagaze kulusha?
\p
\v 13 Co cirhumire mmubwira, mwe bapagani, oku mba ntumwa y'abapagani n'obugo bwani nnonza buje irenge,
\v 14 nti lyo nzûsa obumvu bwa bene wirhu b'ishanja lyani, nnambacungule mwo baguma-baguma.
\v 15 Bulya, akaba okukagwa kwabo kwadwirhe omulungano gw'igulu, bici okugaluka kwabo kwayish'iba, kurhacibiri kufûka omu bafu?
\v 16 Kali enshano ekaba nyinja, obuntu bwoshi bunabe bwinja, n'omuzi erhi gwankaba mwinja, amashami nago ganayinjihe.
\p
\v 17 Akaba hali amashami gatwirwe, nawe we murhi gw'emuzirhu waba we hirwa ahali hago, washangira amagoba garhenga omu cikundukundu c'omuzeituni, omanye wankalimbira amashami.
\v 18 N'okaderha mpu walimba, okengere oku arhali we hêka ecikundukundu ci ecikundukundu co cikuhêka.
\v 19 Neci, wanaderha, erhi: “K'amashami garhatubagwa mpu lyo nnja ahalihago?
\v 20 Ntyo kwo biri! Gatwirwe erhi kubula obuyemere kurhuma, nawe buyemere bwarhumire wahabera. Omanye wankacibona; ci oyobohe erhikwo.
\v 21 Bulya, akaba Nyamuzinda arhababaliraga amashami mamerera, ka we ababalira?
\p
\v 22 Kuziga omanye obwinja n'obukali bwa Namuzinda: bukali kuli balya bahirimire, bwinja bwa Namuzinda kuli we, casinga obêremwo obwo bwinja; akaba arhali ntyo, nawe kutubwa wanayish'itubwa.
\v 23 Nabo bakaba barhabeziri omu kubula obuyemere kwabô, abashubiza omu mashami g'omurhi; bulya Nnâmahanga arhankabula obuhashe bw'okushub'ibashubiza mwo.
\v 24 Akaba w'oyo watwirwe oku Muzeti gw'erubala wameragakwo, wahirwa oku muzeti mwinja gurhali gw'enkomoka yawe, gurhi bôhe bankabulaga kwahirwa oku gw'imerero ly'abo?
\p
\v 25 Nanga, bene wirhu, ntalonza muhabe eri ihwe, nti lyo murhag'icikubagira obushinganyanya bwinyu: baguma muli bene-Israheli bayorha bali bagomi kuhika abapagani bayishe ntuliri
\v 26 Na ntyola Israheli yeshi acunguka, nk'oku biyandisirwe, mpu: Omuciza arhenga e Siyoni; ye warhenza obubi muli Yakobo.
\p
\v 27 Yo ndagano yani rhweshi nabo eyo, amango narhenza ebyaha byabo.
\p
\v 28 Neci, rhukalola Emyanzi y'Akalembe, bali bashombanyi erhi mwe murhuma; ci rhukalola okubacishogagwa, bali barhonyi erhi bashakuluza babo barhuma.
\v 29 Bulya Namuzinda akashoboza omuntu n'akamuhamagala, arhacigalula akanwa kage.
\v 30 Nka kulya mira mwakag'igomera Nnâmahaga, na bunola mwababalirwe erhi bugomi bwabo burhuma,
\v 31 nabo kwo na kuguma, bunola bali bagomi erhi obwonjo mwabêrirwe burhuma, mpu lyo nabo bayish'ibabalirwa.
\v 32 Bulya Namuzinda ashwekîre abantu boshi omu bugomi, mpu lyo ababêra obwonjo boshi.
\p
\v 33 Owe nnakagali w'obugale n'obushinganyanya n'obumanye bwa Namuzinda! Oku emihigo yage erhamanyikana kwo n'enjira zage zirhayumvikana!
\v 34 Yendi okola omanyire enkengero za Nakasane? Ndi okola ojire omu ihano lyage?
\v 35 Ndi okola omugabire mpu ayish'imugalulira?
\p
\v 36 Bulya byoshi emwage birhenga, yerhuma bihaba, binaba byage. Aj'irenge emyaka n'emyaka. Néci, ntyo!
\c 12
\cl Cigabi 12
\p
\v 1 Bene wirhu, mmuhîre ihano erhi bwonjo bwa Namuzinda burhuma, nti muhâne emibiri yinyu nka nterekero y'obuzine, ntakatifu n'ey'okusimisa Nnâmahanga. Ntyo kwo mukwanine okukolera Nnâmahanga n'omurhima.
\v 2 Mumanye mwankacigererakwo er'igulu, ci muhinduke bantu bahyahya omu murhima gwinyu, lyo mumanyirira obulonza bwa Nnâmahanga: mumanye aminja, ebi akunda n'ebishinganine lwoshi.
\p
\v 3 Enshokano na hirwe erhumire, mbwizire ngasi muguma muli mwe nti murhakag'icigenza okulushire olugero, ci mucilole okunakwanine, nk'oku Nnâmahanga anagabire ngasi muguma erhi amushoboza obuyemere.
\v 4 Bulya nkakulya omu mubiri muguma rhujiramwo birumbu binji na kulya ebirumbu byoshi birhajira mukolo muguma,
\v 5 nirhu ntyo kwo rhunali banji, ci erhi rhunali mubiri muguma muli Kristu, nangasi muguma ali cirumbu c'ababo.
\v 6 Kandi rhwahirwe enshokano zirhali nguma, ngasi muguma nk'oku anashobwire. Owahirwe enshokano y'obulebi, ayikolese nk'oku obuyemere bunadesire;
\v 7 owahirwe enshokano y'okutumikira ababo, atumike bwinja; owahirwe enshokano y'okuyigiriza, ayigirize;
\v 8 owahirwe ey'okuhanûla, ahanûle. Owarhabala abakenyi, arhageraga; okulire ababo, abashibirire; owababalira owabo, amubabalire n'enshagali.
\p
\v 9 Obuzigire bwinyu burhabagamwo bulyalya. Mushombe amabi mucishwekêre oku minja.
\v 10 Muzigirane nk'abalondana; ngasi muguma akakenga ababo nk'abamukulire.
\v 11 Mube ba bushiru buzira bwolo, mube n'emirhima mikombêdu, murhumikire Nakasane.
\v 12 Mushagaluke omu bulangalire, murhadundaganaga omumango g'amalibuko, mushenge burhahusa.
\v 13 Mukarhabala abatakatifu omu bulangalire bwabo, mukahandisa ebigolo.
\v 14 Mukagisha abamulibuza; mukahâna obwanga, murhanahira mukuheherera ndi.
\v 15 Mukashagaluka n'abashagalusire, munalake haguma n'abalaka.
\v 16 Mukalolana kuguma mwêne na nnene. Murhakag'ilonza okukulira abandi ci musime obwirhohye. Murhacijiraga birhonzi omu masu g'inyu mwêne.
\v 17 Mumanye mwankagalulira omuntu obubi oku bundi. Mukalonza okujira aminja embere z'abantu boshi.
\v 18 Erhi kwankahashikana, mucisêze okuba n'omurhûla n'abantu boshi.
\p
\v 19 Murhakag'icihola mwenene, bira bani, ci muleke obukunizi bwa Namuzinda bwône buyish'icihôla, bulya kuyandisirwe, mpu: Okucihôla kuli kwani! Niene nayish'ilyûla ngasi muntu nk'oku akwanine, Nakasane okudesire.
\v 20 Ci omushombanyi wawe erhi ankashalika, onamushalûle; akaba agwerhwe n'enyorha, onamuhe eci anywa. Okumujirira ntyo kuli kulunda amakala g'omuliro oku irhwe lyage.
\v 21 Omanye wankahimwa n'obubi, ci ohime obubi omu kujira aminja.
\c 13
\cl Cigabi 13
\p
\v 1 Ngasi muntu akayumva abarhegesi ba mukulire; bulya nta bukulu burharhenga emwa Nnâmahanga, n'amarhegesi ganahaba goshi Namuzinda yêne wagajiraga.
\v 2 Ntyola, ngasi ogomera omurhegesi, erhi irhegeko lya Nnâmahanga agomire, n'abagoma bône bacilerhere obuhane.
\v 3 Abarhegesi barhali ba kuyobohwa n'abajira aminja, ci abajira amabi bo bakwanine okubayoboha. K'olonzize okurha yoboha abarhegesi? Okajira aminja, bakusima, bulya abo barhegesi
\v 4 Nnâmahanga wabarhumaga mpu bakujirire aminja. Ci erhi wankakola amabi, oyobohe; bulyala burhali busha bahekera engorho. Bali ntumwa za Namuzinda na baganda b'obukunizi bwage balyûza abakola amabi.
\v 5 Kuziga kukwanine okubayumva, arhali bwoba bwône burhumire, ci n'izu ly'omu murhima lirhumire.
\v 6 Kwo kunarhuma mwavurha okwo; bulya abarhegesi kwo banali nka baganda ba Nnâmahanga bajira omukolo gwabo.
\v 7 Mukaha ngasi muguma ebi anakwanine; omuvurhisa, mumuvurhire; omuhôza, mumuhe i n'or; ow'okurhinywa, mumurhinye; n'okwanine kukuzibwa, mumukuze.
\p
\v 8 Murhabêraga omumwenda gw'omuntu ahanyuma ly'omwenda gw'obuzigire; bulya ozigire ababo erhi ayunzuzize amarhegeko gôshi.
\v 9 Kwo binali; aga marhegeko: Orhahira okahusha; orhahira okaniga; orhahira okazimba; orhahira okayemera enyifinjo mbi, n'agandi marhegeko, gali muli eci cinwa: Ozigire abinyu nk'oku ocizigira wêne.
\v 10 Ahali obuzigire harhankaboneka bubi oku bandi. Kuziga obuzigire lyo ishwinjiro ly'amarhegeko.
\p
\v 11 Câba murhahabiri mango gahi gano rhuli mwo. Amango g'okuzûka gahisire. Obucire bukola burhuli hafi kulusha amango rhwarhonderaga okuyemera.
\v 12 Obudufu bwaling'igera, n'obuce buyiruka. Kuziga rhulekage ebijiro by'omwizimya, rhufumbarhe amatumu g'obulangashane.
\v 13 Rhucikenge omu lugendo lwirhu nk'oku kukwanine okujira izuba lyabasha. Rhuleke obudambiye n'endalwe; nta kuhusha na nta kujira eby'obumaguza; nta nnongwe na nta bumvu;
\v 14 mucihulikire Nakasane Yezu Kristu, murhanacikag'irhogoza omubiri omu kushimba enyifinjo zagwo.
\c 14
\cl Cigabi 14
\p
\v 1 Oli inganyi omu buyemere mumuyankirire buzira kumujisa kadali oku bimurhindiza.
\v 2 Hali omanya mpu ankalya ngasi biryo; omuzamba yehe arhalya ezirhali nshogo-lubala zône.
\v 3 Owalya amenye arhagayaguzagya orhalya; n'orhalya arhagambaga owalya, bulya Nnâmahanga amuyankirire.
\v 4 Oli ndi w'oyo mpu watwa olwa mwambali wabene? Ayimanzire erhi ahirimire, okwo kuyerekire Nnâhamwabo. Ci kuyimanga anayorha ayimanzire, bulya arhali misi Nakasane abuzire y'okumulanga arhahirime.
\p
\v 5 Hali omanya mpu olusiku lurhashusha lundi; haligi n'owundi omanya mpu ensiku zôshi zirikuguma. Ngasi muguma ashimbe oku anabwine omu irhwe lyage.
\v 6 Okenga ensiku, akujira Nakasane orhumire; n'olya ngasi biryo, Nakasane orhuma akujira, bulya ovuga Nnâmahanga omunkwa arhalya naye Nakasane orhuma akuleka, anavuga Nnâmahanga omunkwa.
\v 7 Bulya ntaye muli rhwe ocilamira yêne, na ntaye ocifira yêne.
\v 8 Rhukalama, Nakasane rhulamira, na rhukafa, Nakasane rhufira. Omukalamo n'omulufu, rhuli ba Nakasane?
\v 9 Bulya Kristu afîre anafûka mpu ly'aba Mwami w'abafîre n'abazine.
\p
\v 10 Ci w'oyo, cirhuma otwa olubanja lwa mwene winyu? Nawe we, cirhuma ogayaguza mwene winyu? Karhali rhweshi rhwahamagalwe omu lukiko lwa Namuzinda,
\v 11 bulya kuyandisirwe, mpu: Nakasane adesire erhi: Mbofa akalamo kani orhabwini ngasi idwi lyanfukamira na ngasi lulimi lwaha Namuzinda irenge lyage!
\p
\v 12 Kuli kuderha oku ngasi muguma muli rhwe anabulane yêne embere za Nnâmahanga.
\p
\v 13 Kuziga rhuleke okukatwirana emanja rhwêne na nnene; rhumenye erhikwo rhwankarhuma mwene wirhu asarhala erhi ahirime.
\v 14 Mmanyire, nnanyemire muli Nakasane oku nta kantu kahumanya omu bworhere bwawe; ci obwine oku kantu kalebe kali kabi, oyo kanamuhumanya.
\v 15 Erhi wankalerhera mwene winyu oburhe erhi biryo birhuma, erhi orhacishimbiri enjira y'obuzigire. Mâshi omanye wankarhuma mwene winyu Kristu afiraga ahera erhi biryo byawe birhuma!
\v 16 Mumanye mwankalangika irenge linyu oku bijaci.
\v 17 Kali obwami bwa Namuzinda burhali bwami bwa biryo erhi bwa binyobwa, ci buba bushinganyanya, na murhula, na nshagali muli Mûka Mutakatifu.
\v 18 Okolera Kristu ntyola, asimisa Nnâmahanga n'abantu banamusime.
\p
\v 19 Kuziga kukwanine rhushimbulire ebilerha omurhula n'ebyankarhabala abirhu.
\v 20 Mâshi omanye wankanashâba omukolo gwa Nnâmahanga erhi biryo birhuma. Neci, ntahabiri oku ebiryo byoshi biribinja; ci bihinduka bibi oku muntu obirya omu kusarhaza abandi
\v 21 Kulikwinja okurhalya enyama, okurhanywa erivayi, n'okurhajira akantu kankarhuma mwene winyu asarhala, erhi ahirima, erhi abula emisi.
\v 22 Obuyemere bwawe ogwerhe, obulange omu murhima gwawe ember za Nnâmahanga. Iragi lyage omuntu omurhima gwage gurhalongoza amango agwerhe ahiga ebi ajira!
\v 23 Ci ngasi yeshi ojakw'alya anadwirhe arhindira, erhi mira ayagaga, bulya arhashimbire izu ly'obuyemere bwage; na ngasi kantu karharhenga omu izu ly'obuyemere bwage! Na ngasi kantu karharhenga omu izu ly'obuyemere erhi caha.
\c 15
\cl Cigabi 15
\p
\v 1 Rhw'ono rhwe rhugwerhe emisi, kukwanine rhulembere obuzamba bw'engonyi, rhunaleke okukalongereza ebirhusimisize.
\v 2 Ngasi muguma muli rhwe olonze okusimisa ababo omu kujira aminja n'omu kuhâna olwiganyo lwinja.
\v 3 Bulya Kristu naye arhalongerezagya ebimusimisize yêne, ci nk'oku biyandisirwe: Ebijaci by'abakujacira byabirage nié biciyôha kwo.
\v 4 N'ebyayandikagwa mira byoshi, rhwe byayandikiragwa, mpu bibe nyigirizo zirhu, lyo rhuba n'obulangalire omukubona gurhi Nnâmahanga akag'irhandula n'okurhuliriza olubaga lwage omu Mandiko matakatifu.
\p
\v 5 Mâshi Namuzinda cisiki c'okulembera amalibuko n'ec'oburhulirize, amuhe okuyumvanya mwêne na nnene okulwiganyo lwa Yezu Kristu,
\v 6 lyo mweshi haguma n'omurhima muguma n'izu liguma, muha Namuzinda n'ishe wa Nnawirhu Yezu irenge.
\p
\v 7 Co cirhumire mukayankirirana mwêne na nnene nka kulya Kristu ammuyankiriraga oku irenge lya Nnâmahanga
\v 8 Ka mmubwire bwinja: Kristu acijizire murhumisi w'abakembûle, mpu lyo ayunjuza amalaganyo Namuzinda alaganyagya bashakuluza babo.
\v 9 Nabo abapagani bakuza Namuzinda erhi bwonjo bwage burhuma, nka kulya Amandiko gadesire, mpu: Okwo kwo kwanarhume nakukuza omu mashanja, nnanyimbe irenge ly'izino lyawe.
\v 10 Kuyandisirwe kandi, mpu: Mwe mashanja g'igulu, mucishinge haguma n'olubaga lwage.
\v 11 Kushubir'iyandikwa, mpu: Mwe mashanja mweshi mweshi, mukuze Nakasane, ninyu lubaga lwoshi lw'igulu, mukome kagasha.
\v 12 Naye Izaya adesire, mpu: Mwene-Yese ayisha, ayish'irhegeka amashanja goshi; ye wanaba bulangalire bw'abantu b'igulu lyoshi.
\p
\v 13 Namuzinda w'okulangalirwa ammuhe amasime n'omurhula omubuyemere bwinyu, lyo muyunjula bulangalire oku buzibu bwa Mûka Mutakatifu.
\p
\v 14 Nani niene mmumanyire kwinja, bene wirhu, oku mw'oyo muyunjwire nkengero nyinja, oku muyunjwire ngasi bumanye, n'oku muhashire muhashire okuhanulana mwêne na nnene.
\v 15 Ci kurharhumiri ntammuyandikira, na haguma haguma ntamufyefyerheze, nti mmukengeze, nnashimbe izu ly'enshokano Nnâmahanga anshobozize
\v 16 y'okuba muja-bugo wa Yezu Kristu omu bapagani na mudahwa w'Emyanzi y'Akalembe ka Nnâmahanga, nti lyo enterekero y'abapagani ehinduka ntagatifu muli Mûka Mutagatifu, enasimise Nnâmahanga.
\p
\v 17 Ntyola nani nanacikunga muli Yezu Kristu nkalola omukolo nkolera Namuzinda.
\v 18 Bulya ntako nakahalizize okuderha ebi Yezu Kristu arhajirisagya mpu lyo abapagani bayumva omunderho n'omu bijiro,
\v 19 oku buhashe bw'ebimanyiso n'ebisomerine, n'oku buhashe bwa Mûka Mutagatifu. Ntyola kwo nalumizize Emyanzi y'Akalembe ka Kristu kurhenga Eyeruzalemi kuhika e Iliriya.
\v 20 Ci kwône nalonza okumanyisa Emyanzi y'Akalembe aha izino lya Kristu lirhal'isag'imanyibwa, nti ntag'iyubakira oku ciriba cahumbagwa n'owundi,
\v 21 nti lyo nnanshimba kulya kuyandisirwe, mpu: Balya barhasag'imubwirwa, bâmubone, na balya barhasag'iyumva bamuderha, bâmuyumve.
\p
\v 22 Okwola kwo kwakazag'impanza kanji-kanji okuja emwinyu.
\v 23 Ci lero bunola nta mukolo ncigwerhe mwo bino bihugo, na kulya kuba kurhenga myaka minji erhi kucifinja incifinja okuja emwinyu,
\v 24 hano nja e Hispaniya... Lero nnangalire nti nammubona hano ngera, na nti mwe mwanayish'impisa omu njira y'okujayo hano mba namayus'immukumbuluka.
\v 25 Ci bunola nkola narhang'ija e Yeruzalemi, ngend'irhumikirayo abatakatifu.
\v 26 Bulya Macedoniya n'Akaya bahizire okushololera abatakatifu b'Eyeruzalemu bali omu bulagirire.
\v 27 Neci, bahizire okujira ntyo, ci erhi banakurhegesirwe; bulyala, akaba abapagani bashangire oku minja g'obunya-mûka, nabo bakwanine babarhabale n'aminja g'en'igulu.
\v 28 Hano mba namayusa ogwo mulimo, na hano mba namabafumbika eyo nshololo, lyo naja e Hispaniya, ngerere e mwinyu.
\v 29 Nnamanyire oku obu naja emwinyu, nayisha ndwirhe obwimâna bw'obwanga bwa Kristu.
\p
\v 30 Mmhunyire, mâshi bene wirhu, Nnawirhu Yezu Kristu orhumire n'obuzigire bwa Mûka Mutakatifu, nti mundwire omu kusengerera emwa Nnâmahanga,
\v 31 lyo nfuma ababula-buyemere b'e Yudeya, lyo n'entûlo na hêka e Yeruzalemu eyankirirwa kwinja n'abatakatifu.
\v 32 Na ntyo nyishe emwinyu n'enshagali, na Namuzinda akalonza, nduhukire hitya ekagarhi kinyu.
\v 33 Namuzinda w'omurhula abe ninyu mweshi! Neci, ntyo!
\c 16
\cl Cigabi 16
\p
\v 1 Mmuhunyire muyankirire kwinja mwali wirhu Febe, murhumisi-kazi w'Eklezia y'e Cenkri.
\v 2 Mumuyankirire muli Nakasane nk'oku binakwanine abatagatifu, munamurhabale oku ngasi kantu ankalagirirakwo, bulya naye arhabire bene wirhu banji, na ciru nani niene.
\p
\v 3 Mmundamukize Priska n'Akwila, bo rhukola rhweshi muli Kristu Yezu;
\v 4 ciru balinzig'itubwa irhwe mpu lyo banciza; arhanali nienene nkwanine oku bavuga omukwa, ci n'Eklezia z'abarhengaga omu bapagani zoshi.
\v 5 Mundamukize n'endêko y'abemezi babuganana aha mwabo. Mmundamukize mwira wani Epeneto, ye ntûlo ntanzi Azia yarhûlaga Kristu.
\v 6 Mulamuse Mariya wammurhamîre kulya.
\v 7 Mulamuse Androniko na Yuniya; bali ba bûko bwirhu, rhwânali omu mpamikwa rhweshi nabo; ziri ntumwa za kukengwa za nshokoleraga okuba baganda ba Kristu.
\v 8 Mundamukize Ampliyota; aba muzigirwa wani bwenene muli Nakasane.
\v 9 Mundamukize owirhu Urbone rhukola rhweshi muli Kristu, n'omwira wani Staki.
\v 10 Mulamuse Apeli; ayerekine oku anaba okuli muganda wa Kristu. Mulamuse aba aha mw'Aristobulo boshi.
\v 11 Mundamukize Herodiyoni; aba wa bûko bwani. Mulamuse ngasi boshi b'aha mwa Narsisi bali ba Nakasane.
\v 12 Mulamuse Trifena na Trifoza bakarhamira Nakasane. Mulamuse Persida muzigirwa wani; arhamire bwenene omu kukolera Nakasane.
\v 13 Mundamukize Rufo, ntôle ya Nakasane; mundamukize n'omuzire wage na nyama.
\v 14 Mulamuse Asingrito, na Flegoti, na Hermesi, na patroba, na Herma, na bene wirhu baliboshi
\v 15 Mulamuse Filologo na Yuliya, Nereyo na mwali wabo, na Olimpiya n'abatagatifu bôshi baba nabo.
\v 16 Mulamusanye n'ehinunugurho hitagatifu. Eclezya za Kristu zoshi zimmulamusize.
\p
\v 17 Mmuhunyire, bene wirhu nti mucilange kwa balya bakâlonza okummushâbira n'okummusarhaza, n'obwo arhali ntyo kwo mwayigirizibwe; abo mubayake.
\v 18 Bulya abantu ba bene wabo barhakolera Nnawirhu Kristu, ci enda zabo; kandi n'enderho zabo nnunu-nnunu n'ez'obulimirizi, banarhebe emirhima y'abarhabamwo bulyalya.
\v 19 Neci, omwanzi gw'obumvi bwinyu gwalumire hoshi; munsimisize nani; ci kwonene nalonza mube benge omu minja na bahwinja omu mabi.
\v 20 Namuzinda w'omurhula arhayimang'ivungunyula Shetani aha magulu ginyu. Enshokano ya Nnawirhu Yezu Kristu ebe ninyu!
\p
\v 21 Owirhu Timoteyo rhukola rhweshi ammulamusize bo na Luciyo, na Yansoni, na Sosipatro, b'omu bûko bwani.
\v 22 Nani mmulamusize muli Nakasane, nie Tersiyo nayandikaga agala maruba.
\v 23 Gayo ompandisa, nie n'Eklezya yoshi, mpu asingi. Erasto ye mubisi w'ebirugu by'ecishagala bona mwene wirhu Kwarto, mpu mmulamuse.
\v 24 Enshokano ya Nnawirhu Yezu Kristu ebe haguma nirhu! Neci, ntyo.
\p
\v 25 Ayagirwe Olya ogwerhe obuhashe bw'okummuzibuhya omu Myanzi y'Akalembe nyigiriza n'omu bugo bwa Yezu Kristu, nk'oku bifulwirwe mwa lirya ihwe lyâli lifulike amagana g'emyaka,
\v 26 ci lero buno likola limanyikine, n'okubulonza bwa Nnâmahanga oyorha obaho emyaka n'emyaka, oku burhabale bw'amandiko g'abalebi, lyahisire omu mashanja goshi mpu balimanye, lyo bashimba enjira y'obuyemere.
\v 27 Kuli oyo Namuzinda, oba yêne mushinganyanya, irenge emyaka n'emyaka, Yezu Kristu orhumire! Neci ntyo.