See in Reader
145 lines
14 KiB
Plaintext
145 lines
14 KiB
Plaintext
\id 1JN
|
|
\ide UTF-8
|
|
\h 1 Yohani 1
|
|
\toc1 1 Yohani 1
|
|
\toc2 1 Yohani 1
|
|
\toc3 1jn
|
|
\mt 1 Yohani 1
|
|
\c 1
|
|
\cl Ulyango 1
|
|
\p
|
|
\v 1 Liila lyalyali ahwande halei, lyatalyounvweizye, lyataliloulile namaso geitu, lyatalyeinyizye, namakhono geitu galipalamansizye, hwizwi eilyei woumi.
|
|
\v 2 (Ouwoumi ouwo wabhooneshe, natei tiulolile, nantele tiwuloumbeileila hulimwe ouwo ouwoumi wa wiilw na wiila, wawali hwa Daada, wubhouneishe huliite).
|
|
\v 3 Eilyo lyatililolile na lyounvwe tibhaloumbeileila amwei, huje namwei nkamwavwanwe natei, oulwavwano lweitu lubhabhe peeka nou Daada nou mwana wakwe ou Yesu kilisti.
|
|
\v 4 Eizi tisimba huje oulusoungwo lwetu lubhe lugoulousu.
|
|
\p
|
|
\v 5 Eizi zyei nongwa zyatahounvweizye hwamwene, nabhaloumbeileile amwei, aje ou Ngouloubhei lukhozyo, einkiisi yayounti neimo muhati yakwe.
|
|
\v 6 Nkashele tiyanga huje, tihwavwanwa nawo, ouwu tibhala munkiisi eipo tibhabhe tiyanga lileinga, peipo sigatibhoomba eizyei lyoli
|
|
\v 7 Lelo nkatijendelela mulukhozyo, nashi oumwene, eipo tibhabhe tihwavwanwa tibheene, nei daanda lyakwe ou Yesu litoonzya eimbibhi zyounti.
|
|
\v 8 Nkashele tiyanga huje, sigatili nei mbiibhi, tihwikhopela tibheene, nantele eilyoli neimo mu moyo geitu.
|
|
\v 9 Nkashele tilaambe eimbibhi zyeitu, oumwene goulousu nantele lounjeisu, abhatoozye eimbibhi zyeitu zyounti.
|
|
\v 10 Nkashele tiyiga sigatili bhatula nongwa, tibhahubheshe aje oumwene wilenga, eipo izwi lakwe libhabhe naalimo mumoyo geitu.
|
|
\c 2
|
|
\cl Ulyango 2
|
|
\p
|
|
\v 1 Bhana bhanei bheimbageine, eimbasimbila einongwa eizi aje oumuntu asabhoombe eimbibhi. Lelo nkashele oumuntu abhoombile eimbibhi, ahweili yatilabhiila hwa Ngouloubhei ouyo you Yesu Klisti yali goulousu.
|
|
\v 2 Ouyo yahwifumizye huje abhe koundanyi nou Ngouloubhei, humbibhi zyeitu, siga nei mbhibhi zyeitu zyeene, lelo nei mbibhi zyeinsi younti.
|
|
\p
|
|
\v 3 Eishi tamanya huje, timeinye ou Ngouloubhei nkatizikhata eindajizyo zyakwe
|
|
\v 4 Ou muntu wawounti waiga, “Eimeinye ou Ngouloubhei,” lelo siga azikhata eindajizyo zyakwe, ouyo alinilenga, oumwoyo gwakwe sigali neizyei lyoli.
|
|
\v 5 Lelo oumuntu yakhata izu lyakwe, lyouli oumuntu ouyo ulugano lwa Ngouloubhei luhweli mumwoyo gwakwe. Eishi timeinye aje tilimuhati yakwe.
|
|
\v 6 Oumuntu yaiga eindi mwa Ngouloubhei ahwanziwa ahwendelele neishi ou Yesu Klisti sha heindeileiye.
|
|
\p
|
|
\v 7 Bhamweitu, siga eimbasimbila, eindajizyo eimpya. Eimbasimbila yeila einkoulou. Yamwali nayo ahwande halei izwi lyamwalyounvweizye.
|
|
\v 8 Lelo eishi eimbasimbila eindajizyo eimpya, eiyei lyoli hwa Yesu na hulimwe, einkisi eishila, nou lukhozyo lwei lyouli lukhozya.
|
|
\v 9 Ou muntu yaiga eindi mulukhozyo lelo ahuviitwa ouholo wakwe ouyo ali muhisi paka eishi.
|
|
\v 10 Ou muntu yahugana ouholo wakwe ouyo adeila mulukhozyo nantele nalimo lyali bhajiye ahuviisye.
|
|
\v 11 Lelo oula yahuvitwa ouholo wakwe ouyo alimuhisi nantele ajenda muhisi; nantele sigameinye hwabhala, maana eihisi eigojile amaso gakwe saalola.
|
|
\p
|
|
\v 12 Eimbasimbila amwei, mubhana bhanei bhigane, maana msajiilwe eimbibhi zyeinyu hunongwa yi tawa lyakwe.
|
|
\v 13 Eimbasimbila amwe, mwa daada, amwe mumeinye yali ahwande halei. Eimbasimbila amwe mubhana nkulila huje, mumeinile oula oubhibhi. Eimbasimbiye amwe mubhana mwa doodo huje, mumeinye oudaada.
|
|
\v 14 Eimbasimbiye amwe mwadaada huje, mumeinye oula yali ahwande halei. Eimbasimbiye amwe mubhana nkulila, huje muli ni khone, ni izwi eilya Ngouloubhei lili mumoyo geinyu, nantele mumeinile oula oubhibhi.
|
|
\p
|
|
\v 15 Msaigane einsi nagaala gagali munsi. Oula yaigana einsi, oulugano lwa Ngouloubhei nalumo mumwoyo gwakwe.
|
|
\v 16 Shila hantu hahali munsi- zyazizilisya oubeilei, zyazizilisya amaso na mabaado agei woumi sezifuma hwa daada vifuma munsi.
|
|
\v 17 Einsi eishila neinzilisyo zyakwe zyounti. Lelo ouyabhomba eizya Ngouloubhei akhala wiila na wiila.
|
|
\p
|
|
\v 18 Mubhana mubhadoodo einsiku eizi zyahumalishilo. Neishi shamwahounvweizye huje yahukhaana ouYesu ahweinza, neishi bhabha hukhaana ouYesu bheinzeile, eishi timanyaje huje nsiku zya humalishilo.
|
|
\v 19 Bhasougouye hulitei, eibho seebhali bhahulitei, bhagaali bhahuliitei handa bhakheiye nateitei, lelo bhasougouye hulitei aje bhabhoneshe huje se bhounti bhabhali bhahulitei.
|
|
\v 20 Lelo mupaheiye amafuta noula oufinjile namwei mzimeinye einzyei lyouli.
|
|
\v 21 Siga eimbasimbiye huje seimuzimeinye eizyei lyouli eimbasimbiye aje muzimeinye nantele nalimo ilenga lya lyounti oumwo.
|
|
\v 22 Wenu ouwilenga? Ouwilenga yayoula yahukhana ou Yesu, aje ouYesu siga Klisti, oumuntu nashi ouyo yahukhana ou Klisti, oumweinei yahukhana ou oudaada nou mwana.
|
|
\v 23 Noumo oumuntu yahukhaana oumwana aiga anei eindi nou Daada. Yayonti yahumweiteiha oumwana ali nou Daada.
|
|
\v 24 Eishi liila lyamwahounvweizye ahwande halei, mulikhataje. Nkashele eilyo lyamwahounvweizye ahwande halei mulikheite, amwei namwei mwaikhala muhati ya mwana, na muhati ya Daada.
|
|
\v 25 Oulu lulagano lwatilaageinye atei: ouwoumi wa wiila na wiila.
|
|
\p
|
|
\v 26 Eimbasimbiye eiga hunongwa zya bhantu bhabhahwanza abhateezye amwei.
|
|
\v 27 Namwei amafuta gaala gamwagajile hwamweinei gakhala hulimwe, eipo sigahwanziwa oumuntu abhamanyizye; lelo nkashile amafuta gakwe gabhamanyizya einongwa zyounti, eizyo zyeilyouli saazilenga, nashi shagabhamanyizizye akhale muhati yakwe.
|
|
\p
|
|
\v 28 Amwe bhana bhaanei khali muhati yakwe nkashele naihweinza mwahabhe ni daandi musahakenye ahwenze hwakwe.
|
|
\v 29 Nkashele mumeinye huje ouklisti goulousu, mumanyaje huje ouyo mwana wa Ngouloubhei.
|
|
\c 3
|
|
\cl Ulyango 3
|
|
\p
|
|
\v 1 Einyi luganonshi atipiye ou Daada sha-atigeine tee, hwope atikwizwa bhana bhaakwe! Nantele, lyoli shatihweili, shasheisho einsi seitimeinye wope seibhameinye oumweinei.
|
|
\v 2 Bhamwetu atei eishi tilibhana bhakwe bha Ngouloubhei. Na eiseile amanyishe aje taibha weilei. Timeinye aje uoKlisti naibhooneha, taileingana nawo, woope taihulola nashi saali.
|
|
\v 3 Oumuntu oumo yalinidandaa yalanganyizizye hwamweinei, ahwiyoozye youyo nashi oumweine saali mufiinjile.
|
|
\v 4 Shila muntu yahwendelela abhoombe eimbibhi na huzileshe eindajizo, hunongwa yaje eimbibhi zinankanya Eindajizyo.
|
|
\v 5 Mumeinye ou Klisti abhouneiseiwe aje azyefe eimbibhi zyounti muhati yakwe nazimo eimbibhi.
|
|
\v 6 Noumo hata oumo yakhala muhati yakwe nabhouyeile abhoombe eimbibhi noumo oumuntu, hata weeka yakhala wiila, neimbibhi, nkashele alolile, oulweinjei ameinye uomweinei.
|
|
\v 7 Bhana mwamugeinwe, msaheiteishe akhopelwe nou muntu yoyonti. Yabhoomba eilyoli wei lyoli nashi ou Klisti wope, saali weilyoli.
|
|
\v 8 Yabhoomba eimbibhi ouyo wa seetano hunongwa yaje ouseetano abhoomba eimbibhi, afume halei. Eishi oumwana wa Ngouloubhei abhouneisheiwaje, huje, azinankanye eimboombo zya sheetano.
|
|
\v 9 Yayonti yapeipwe nou Ngouloubhei sagabhoomba eimbibhi, aleingane huje eimbeiyu ya Ngouloubhei eikheiye muhati yakwe saweizizye abhoombe eimbibhi hunongwa ya huje, apeipwe nou Ngouloubhei.
|
|
\v 10 Eshi eili abhana bha Ngouloubhei na bhana bha seetano bhabhoneha wawounti yasagabhoomba gagali geilyoli uoyo saga mwana wa Ngouloubhei, uola yasagageinei e ouhoolo wakwe.
|
|
\p
|
|
\v 11 Eiyo yei nongwa ya mwahounvweizyei afume huwandilo, aje tihwanziwa huje tigananaje teitei na teitei,
|
|
\v 12 saga nashi uoKaini alibhibhi abudile ouholo wakwe yeenu abudile? Huje eimbombo zyakwe zyalimbibhi nazila. Embombozya holowakwe ziali nyinza.
|
|
\v 13 Bhamwetu, msaswije, einsi peibha bhavitwe.
|
|
\v 14 Timeinye tifumile afume hunfwa, nahwinjiile huwoumi, huje tibhageinei ahoolo yayonti yashile sagali noulugano ouyo akhala hunfwa.
|
|
\v 15 Oumuntu yoyonti yahuvitwa oholo wakwe, uoyo gouji sigagukhala muhati ya muntu ougouji.
|
|
\v 16 Hweili timeinye oulugano, huje uoYesu afumizye ouwoumi wakwe hunongwa yalitei, natei tihwifumye ouwoumi weitu hwa hoolo bheitu.
|
|
\v 17 Lelo wawounti yalineivintu ahulola uohoolo wakwe yasigalinazyo, oumweinei aziga oumwoyo gwakwe eishi; uolugano lwa Ngouloubhei lukhala weilei muhati yakwe
|
|
\v 18 Bhana bhanei bhankoundwe holo tigaaje-aganei hwiloumue eimbombo einzye lyoli.
|
|
\p
|
|
\v 19 Hweiga timeinye aje atei tiili mulyoli na moyogetu gabhouneisheeye wa mweinei
|
|
\v 20 Nkashele amoyo geitu siga gatilonga ou Ngouloubhei gousi, ashile amoyo geitu oumweinei ameinye, eimbombo zye zyounti.
|
|
\v 21 Bhamwetu nkashele amoyo geitu segati longa tilibhadandamazu hwa Ngouloubhei.
|
|
\v 22 Lyalyounti lyatilabha afume wamweinei, hunongwa yaje tikhata eindajizyo zakwe, na tibhoomba eimbombo zyazikhondela hwitagalila lyakwe.
|
|
\v 23 Einei yei ndajizio yakwe itawa lyakwe ouYesu Klisti huje, tiganane teitei na teitei nashi satipiye eindajizio zyakwe.
|
|
\v 24 Yazikhata zikhala muhati yakwe, nou Ngouloubhei akhala muhati yakwe, na hunongwa einei timeinye huje akhaala muhati yetu, hwoula wampepo yatipiye.
|
|
\c 4
|
|
\cl Ulyango 4
|
|
\p
|
|
\v 1 Bhaganwei musaheiteisheile, abhantu bhounti bha bhahwiyanga huje, bhali nou mumpepo wa Ngouloubhei hunongwa yaje abhakuwe, abhiinji abhi-ilenga bhafumiye munsi. Lelo musimishizyaje shinza amanye huje lyoli oumuntu, alongolwa nou mumpepo wa Ngouloubhei awe daandi.
|
|
\v 2 Hweili munza humanye oumpepo oufijile ouwa Ngouloubhei eimpepo yeinza humweiteishe aje uYesu uKilisti ayeinzeile nou beilei gwa Ngouloubhei,
|
|
\v 3 shila eimpepo ya saga eihumweiteiha ouYesu saga ya Ngouloubhei. Einei eimpepo yeihukhana ou Kilisti eila mwayounvweizye aje eihweinza eishi eile muns'ii.
|
|
\p
|
|
\v 4 Amwei muli bha Ngouloubhei, mwakoundwe bhakwe, na mubhameinile hunongwa huje, oumweinei ali muhati yeinyu, you Gousi ashile yali mun'sii.
|
|
\v 5 Abheinei bha mun'sii, zyabhayanga zya mun'sii, neinsi eibhounvwa.
|
|
\v 6 Atei tili bha Ngouloubhei. Yameinye ou Ngouloubhei atitejelezya atei. Yasaga aliwa Ngouloubhei sangawajie atitejelezye. Hweili timanya eimpepo hwei lyoli nantele timanya eimpepo yei lenga.
|
|
\p
|
|
\v 7 Bhakoundwei, tigananaje, tibheine peipo oulugano lufuma hwa Ngouloubhei, shila weeka yaganile apapwilwe nou Ngouloubhei nantele ameinye ou Ngouloubhei.
|
|
\v 8 Oumweinei yasaga ganile sagameinye ou Ngouloubhei, sheisho ou Ngouloubhei weilugano.
|
|
\v 9 Shesho oulugano lwa Ngouloubhei lwaloleishe hwi-idala eilya husontelezye oumwana wakwe wa-ali mweinei munsi oumu, huje tiwaaje ouwoumi ashilile hwa mwene.
|
|
\v 10 Oulu oulugano sagaje tageine, ou Ngouloubhei, lelo youyo atigeine, na asounteileizezye oumwana wakwe atisombile eimbibhi zyeitu.
|
|
\v 11 Bhakoundwei bhanei, nkashele ou Ngouloubhei atigeine atei, atei natei tihwanziwa huje, tigananaje.
|
|
\p
|
|
\v 12 Noumo muntu wasigalolile ou Ngoulobhei humaso, lelo nkatiganana ou Ngouloubhei abhakhale muhati yeetu, nou lugano lwakwe lubhabhooneshe hulitei.
|
|
\v 13 Timeinye huje atei tikhala muhati yakwe, wope akhala muhati yetu, hunongwa ya huje atipiiye oumpepo oufinjile.
|
|
\v 14 Natei tilolile na hweiteisheile huje, ou Daada asountelezezye oumwana wakwe huje, abhe fyouli wa bhantu bha munsi.
|
|
\v 15 Oumuntu wowonti wa hweiteiha na yanje huje ou Yesu mwana wa Ngouloubhei, ou Ngouloubhei akhala muhati yakwe, wope muhati ya Ngouloubhei.
|
|
\v 16 Timeinye huje, ou Ngouloubhei ali nou lugano hulitei, natei tilusoubheila uolugano lwake, ou Ngouloubhei lugano, oumuntu wowonti wakhala mu lugano lwa Ngoulubhei, ou Ngouloubhei akhala mwa muntu ouyo, wope akhala mwa Ngoulobhei.
|
|
\v 17 Oulugano oulu lukamilishe hulitei, aje tibhe nidaandi hwisiku eilya loongwe; nashi shali oumweinei natei shatiili munsi oumu.
|
|
\v 18 Naumo ouwoga mulugano, lelo oulugano lwalukamilishe luwutaaga hwounze ouwooga. Peipo ouwoga ouli namalabha na oumuntu yali nou wooga sigakamilishe mulugano lwa Ngouloubhei.
|
|
\v 19 Atei tigeine, peipo oumweinei atalile atigane atei nasouti.
|
|
\v 20 Oumuntu yaiga eigeine ou Ngouloubhei, ouhu ahuvitwa ouholo wakwe ouyo alinilenga, peipo sigaoubhajiye ahugane ou Ngouloubhei yasiga ouhulola, nou holo waho you hulola ouhuviitwa.
|
|
\v 21 Einei yeindajizo yatipeiwilwe huje, oumuntu yahugana ou Ngouloubhei, aganaje nou holo wakwe.
|
|
\c 5
|
|
\cl Ulyango 5
|
|
\p
|
|
\v 1 Wowoti wahuposhela ouYesu ouKilisti huje, apeipwe nou Ngouloubhei. Wowoti wageine huje afumile hwa Daada nantele abhageine abhana bhakwe.
|
|
\v 2 Hweili timeinye huje tibhagei abhana bha Ngouloubhei, patihugana oungouloubhei neimbombo zyakwe.
|
|
\v 3 Hwahuje petihugana ou Ngouloubhei tibhoomba neimbombo zyakwe eimbombo zyakwe nyoororo.
|
|
\v 4 Hwahuje wapeipwe nou Ngouloubhei aimeinile einsi. Ouwo huimeine einsi, oulutenganu lwetu.
|
|
\v 5 You naanu waimeinile einsi? Yeiyola wamweiteishe huje Mwana wa Ngouloubhei.
|
|
\p
|
|
\v 6 Ounuo waheinzeile nameinzei nei daanda- Ou Yesu Kilisti. Sagaaheinzeile nameinzei geine aheinzeile nameinzei nei daanda.
|
|
\v 7 Hwahuje bhatatu bhabhayanga.
|
|
\v 8 Oumpepo, ameinzei nei daanda eibha bhatatu bhahweiteihana. \f + \ft Zingatia: Maneno haya “Baba, Neno, na Roho Mtakatifu,” hayaonekani katika nakala bora za kale. \f*
|
|
\v 9 Nkashele mutejezya ousimishizyo gwa bhantu ousimishizyo ougwa Ngouloubhei gousi ashile eigo. Hwahuje ousimishizyo ougwa Ngouloubhei gwagougu huje alinagwo ousimishizyo gwa Mwana wakwe.
|
|
\v 10 Oula wahuposhela ou Ngouloubhei alinou simishizi muhati yakwe. Wowoti wasaga humweiteiha ou Ngouloubhei abheisheile nashi wilenga wope sigapousheiye ousimishizyo ougwa Ngouloubhei gwaletile e ashilile Oumwana wakwe.
|
|
\v 11 Na ousimishizyo gwa Ngouloubhei atipiye ouwoumi ougwa wiila, ouwoumi ougwo guli muhati ya Mwana wakwe.
|
|
\v 12 Waali nou mwana wakwe ali nouwoumi wasagaali noumwana ouwa Ngouloubhei sagali nouwoumi.
|
|
\p
|
|
\v 13 Eimbasimbiye eiga huje, mumanye huje muli nouwoumi ougwo wiila amwei mwamuhutejezya hwitawa lya Mwana wa Ngouloubhei.
|
|
\v 14 Eili likhone lyatilinalyo hwitagalila lyakwe, huje nkatilabhe hahonti sheishinza shageine oumweinei, atounvwa.
|
|
\v 15 Nkashele timeinye huje outouvwa hahonti hatihulabha timeinye huje tilinalyo lyatilaabhile.
|
|
\p
|
|
\v 16 Nkashele oumuntu alolile ouholo wakwe abhoomba eimbibhi yasaga eihutwala hunfya, eipo ahwanziwa alabhei hwa Ngouloubhei abhahupele ouwoumi. Eiyanga na bhaala eimbibhi zyabho saga zibhatwala afwe-hulii eimbibhi yatwala hunfwa- seiyanga huje alabhaje humbibhi eizyo.
|
|
\v 17 Lelo peeka nei eigo huli eimbibhi zya saga zihubheiha oumuntu hutaali nou Ngouloubheiwiila na wiila.
|
|
\v 18 Timeinye huje, wapeipwe nou Ngouloubhei saga bhoomba eimbibhi. Wapeipwe nou Ngouloubhei, alelwa abhapinza wiila noula ouhwei mbibhi saweizizye ahuvwalazye.
|
|
\v 19 Timeinye huje, atei tili bhana bha Ngouloubhei einsi younti pansi eilogozewa nuola oubhibhi.
|
|
\v 20 Lelo timeinye huje, Oumwana wa Ngouloubhei ayeinzeile atipiye einjele huje timeinye oumweinei waali lyoli, huje tili muhati yakwe oumweinei lyoli hwouyo oumwana wakwe ouYesu Kilisti nou Ngouloubhei ouwei lyoli nouwoumi wa wiila na wiila.
|
|
\p
|
|
\v 21 Mubhana mwaganwe muhwiyefwe neshifwani.
|