See in Reader
87 lines
9.2 KiB
Plaintext
87 lines
9.2 KiB
Plaintext
\id 2PE
|
|
\ide UTF-8
|
|
\h 2 Opetro
|
|
\toc1 2 Opetro
|
|
\toc2 2 Opetro
|
|
\toc3 2pe
|
|
\mt 2 Opetro
|
|
\c 1
|
|
\cl Ulyango 1
|
|
\p
|
|
\v 1 Ou Simoni Petro, oubouyi nou sountwa wa Yesu Kilisti, hwabhala bhambeileiye oulweiteiho luula ougousi nashi atei satambeileye, oulweiteiho lwalili muhati yei lyoli ya Ngouloubhei nou fyouli weetu ou Yesu Klisti.
|
|
\v 2 Eimpyana eibhe huliimwei, outenganu wonjelele ashiliile hwa Ngouloubhei nou Daada weetu ou Yesu.
|
|
\p
|
|
\v 3 Hwi-ikhone lyakwe ou Ngouloubhei atipiye gounti ga tihwanza, huje tilembaje ouleimvu ouwahutinishe na humweiteishe. Oumweene atipiiye eigo hwi-idala eilya hu-maanye.
|
|
\v 4 Hwidala eili asoubheizyezye nantele nakazye eivintu eivigousi nantele vinza tee. Eivintu eivyo vitaavwa atei azileshe einsoungwo zyounti eimbibhi zya ziili mu nsi. Nantele zitavwa abhe noulwounvwano nou Ngouloubhei.
|
|
\p
|
|
\v 5 Eishi hunongwa eiyo, mudandamalaje hu mwoyo gwounti, ahwonjele ouwinza, mu lweiteiho lweinyu, mu winza weenyu mubhanje nou manyihanyi.
|
|
\v 6 Nantele mumanyihanyi weenyu mubhanje bhantu bhahwizije, mwonjele oujiimbilizi, mujimbilizi weenyu mubhanje neinshinshi hwa Ngouloubhei,
|
|
\v 7 Munshinshi yeenu hwa Ngouloubhei, mwonjeele oulugano hwa bhantu bhounti.
|
|
\v 8 Nkashele einongwa eizi zi hweli muhati mwenyu, gayibhavwa abhe bhabhoonvi, bhinza bha mweinei weetu, ou Yesu Klisti huje mumanye oumweinei.
|
|
\v 9 Lelo oumuntu wasigali nei njendo eizyo, ouyo sigaloola, ayeiweilwe huje, ou Ngouloubhei asangalusizye eimbibhi zyakwe eizyei maande.
|
|
\v 10 Eishi mwabhooziwa bhamwetu, bagaji asimishizyehuje, ou Ngouloubhei abhakwizizye na abhasalule. Nkashele mukhalaeisho mu lweiteiho, sigamwayiloleha duumu.
|
|
\v 11 Nkashele mubhoomba eisho, ou Ngouloubhei ayibhambiliila shinza mu ouwumweinei ouwa wiila ouwa mweinei weetu nou mufyuli weetu ou Yesu Klisti.
|
|
\p
|
|
\v 12 Eishi anei eimbabhe hani abhizusye einongwa eizyo wiila, hata nkashele mgameinye, nashi muli bhadandamazu ashilile hulyoli.
|
|
\v 13 Eiseibha huje, eindi shinza abhadaamuzye na bhakoumbousye hunogwa einei, huje eindi mwihenje eili.
|
|
\v 14 Nantele eimeinye huje einsiku ndoodo eimbahwefwe ihenje lyanei nashi ougousi ou Yesu Kilisti sandaanjile.
|
|
\v 15 Eimbajenzye nanali huje mukoumboushe einongwa eizyo nkashele anei nasogola.
|
|
\p
|
|
\v 16 Husala eiyo lwatabhanyizyaga hunongwa yei-ikhone lya mweinei wetu ou Yesu ouklisti na hweinze hwakwe, sigatavisoubheiye eivilale eivi lenga eivyovyayangwilwe hunjeele zyabhantu. Lyoli, ateitawulolile ouwumwamu wakwe humaso gakwe teitei.
|
|
\v 17 Oumweinei ahambiliye oufinjile nei nshinshi afume hwa Ngouloubhei ou Daada paala izu palyahonvweiha afume hwa mufinjile ougousi ayanjile huje. Ounou mwana wanei yeigeine nantele gane wanei yeisoungweilwe tee.”
|
|
\v 18 Tahouvweizye izu eili palifuma humwanya paala patahali nawo hula hwigamba eilinza.
|
|
\v 19 Tili ni izwi age bhakuwe bha Ngouloubhei gatipela ousimishizi ouwei lyoli, namwei mubhoomba shinza nkashelemugakhata. Amazwi eigo galinashioulukhozyolwa lukhozya papali nei hiisi afishe hu saala lwahwaisha, eipo ou klisti aibhakhuzya mumoyo geinyu nashi eintoundwe yashampwii.
|
|
\v 20 Mumanye eiga aje naumo ouwukuwe wawusimbwa hunongwa yeiseibho ya kuwe youyo.
|
|
\v 21 Peipi noumo oukuwe lwalweinzeile hulugano lya bhantu, sheisho abhantu bhapeiwilwe Oumpeipo ouFinjile yayanjile afume hwa Ngouloubhei.
|
|
\c 2
|
|
\cl Ulyango 2
|
|
\p
|
|
\v 1 Einya, eimande mu Bhaizilaeli bhahafumiye abhakuwe abhi-ilenga eisho, eisho shahuli na huleimwei, bhayifumila abhanyizi bhilenga bhabhayitousya eimanyizyo zilenga hunfiso bhayilenga hubhatezye amwe na hukhane oumweinei ouyo abhagoumbouyehwi-idala eilyo bhayihwileetela ouyanzo lubhilo.
|
|
\v 2 Abhantu abhiinji hayibhinjililila amadala gaabho agei njendo eimbibhi, nantele hunongwa yabho, bhamobhahayiliga idala eilye lyoli.
|
|
\v 3 Hu nsoungwo, zyabho eimbibhi eizyo shouma, abhanyizyi eibha abhilenga bhayiwambililila eishouma hulimwe humadala agei mazwi, lelo afume halei ou Ngouloubhei ahwileingeinye nzeila hubhalonje, nantele sagayikhabha abhayazye.
|
|
\p
|
|
\v 4 Ou Ngouloubhei saga bhaleishile antumi bhabhatejila natei abhatajile hwilongo napinye amanyolo paka oulonzi pawaibheizela.
|
|
\v 5 Nantele Ou Ngouloubhei saga jiimbile einsi yeimandei, peipo abheisheile ou Nuhu, yakwiziwe lyoli peeka namwabho saba, eisala naleishelega anvulungwe munsi yenanjishe.
|
|
\v 6 Ou ngouloubhei ayiilonjile einsi eiya hu Sodoma na hu Gomola nabhe lilota nananjishe eiyo eibhe shifwani hwabhibhi hwisiku lyalihweinza.
|
|
\v 7 Nantele pabhoombile eilyo, afyoulile ou Lutu oumuntu ouwei lyoli, yazugumiye neinjendo eimbibhi bhaseibhajenda mwidala eilya Ngouloubhei.
|
|
\v 8 Nantele ouyo oumutu ouwe lyoli adeleile anabho isiku hwi siku ayembaga oumwoyo gwakwe hwa gala gagonvweizye naga lole.
|
|
\v 9 Hweiga Ougousi ameinye sabhafyoule abhantu bhakwa husiku einzye mayeimba ajimbilile humbibhi husiku zyamwisho.
|
|
\v 10 Na bhaala bhabhalondolezya teee einsoungwo zyei beilei ougu nashente ikhone eilya Ngouloubhei. Abhamanyizi eibho abhilenga bhaali ni-idali, nantele bhali namabado, sigabhahwogopa avilije eivipelwa eivimwamueivya humwanya.
|
|
\v 11 Nkashele antumi bhaline hani nikhone ashile abhantu, lelo sigabhaweizizye alonje ashile ougousi.
|
|
\v 12 Nantele eizi eihanu zyasaga zili nei njele bhaleingeinywe hulwinzo lwa khatwe nagogwe. Bhavwa lala humpoushezi zyeimbibhi zyabho.
|
|
\v 13 Ousanya wounti oulenda humbimbi. Bhameimile oubhibhi neimbibhi. Ousoungwa eimbibhi eizilenga pabha shimile nawe.
|
|
\v 14 Amaso gabho gamemile nououwegu; seibhaya abhoombe eimbibhi. Bhabhakhopela nabha gwisye abhooziwa bhasaga bhakhomile humbimbi. Bhali namoyo gaga memile einyonyo bhana bhabha yejelwe.
|
|
\v 15 Bhalileishile idala lyeilyoli. Bhatejile nafwate idala lya Balaam oumwana wa Beori, wasoungweilwe apate eimposhezi zyei mbibhi.
|
|
\v 16 Nantele alajilwe hwidala lyei mbimbi zyakwe eidogobhi yasaga eiyanga ayanjile hwizwi lya bhantu azijile akuwe.
|
|
\p
|
|
\v 17 Abhantu eibha bhali nashi, eimbwiwi zya zyoumeile ameinze nantele nashi amabheesu ga gakhomwa nei nkoungou, ibheingo igousi libhe shelwe hwa bhenei.
|
|
\v 18 Ayanga nahwi vune bhabha gwisya abhantu hunyonyo zyei beilei, bhabha khopela abhantu bhabhaleinga asheimbeile bhaala bhabhadeila mumbibhi.
|
|
\v 19 Bhabha lajizya abhantu outenganu, nantele abhenele bhabouyi bhei mbibhi zyembibhi. Nantele amuntu abheihwa huje abhei bouyi hwa haala haa hutabhala.
|
|
\v 20 Oumwene wajiyefwa nou bhibhi weinsi outumile einjere zyagousi bheitu Ou Yesu Kilisti, nantele awouyeila oubhibhi ouwo nantele, eihali yakwe abhe mbibhi ashile yei hale.
|
|
\v 21 Eihwanzi wa aje abhantu eibho einga saga bhamany idala lyei lyoli nantele nazileshe eindajizyo einfinjile zyabhapeiwilwe.
|
|
\v 22 Einjere eizi zibha nei lyoli hwabheinei. “Eimbwa eiweilela amatapisi gakwe. Eingouloubhei yeiyoziwe eiwela nantele mumatoto.”
|
|
\c 3
|
|
\cl Ulyango 3
|
|
\p
|
|
\v 1 Eishi eihusimbila awe, lugano eili ikalata eilya bheilei nkoubhoushe hunjele,
|
|
\v 2 nkouyizushe amazwi gagayagwilwe saseile na akwe afinjile nashi endajizyo eizya Gousi wetu noufyoli ashilile abouyi.
|
|
\p
|
|
\v 3 Oumanye eili eilya hwandile, huje anaanzi bhahweiza einsiku eizya humalishilo abhasambusheamwe, bhabhalaga shabhahwanza abhenei bheibho.
|
|
\v 4 Na bhaiga: lulii hwii oululagano lwa weile? Ayise bheitu bhafwiye, lelo eivintu vyounti vyali sheisho afume huwandilo na bhoumbaga.
|
|
\v 5 Bhahwilola ahweewe aje einsi nei mwanya vya handile ashilile na meinze gei mwaaha nyene, hwi izwi lya Ngouloubhei,
|
|
\v 6 na aje ashilile izwi lyakwe na meinze gabha nsii eishipindi eisho, yaibha eimeimile ameinze, yananjishe.
|
|
\v 7 Ila eisalezi eimwanya neinsi zitunzilwe hwizwi lyeilyo lyeilyo hunongwa, yei mwoto. Vitunzilwe hunongwa yei siku eilya longwe nei nfwa ya bhantu bhaseibhali nuo Ngouloubhei.
|
|
\v 8 Eine seiweizizye azyoungouleiwe einongwa yaho, bhankoundwe bhanei, eisiku liimo wa mweinei nsiku elfu yeka. Na amaha elufu yeeka hwa Ngouloubhei lisiku lyeka.
|
|
\v 9 Saganashi abhantu shei bhaseibha huje ou Ngouloubei akhaabha, oumweine ali nou jimbilizi hunongwa yenyu, saga ahwanza huje oumo mwaliimwei ateje, lyoli ahwanza huje bhounti bhalaambe eimbibhi zyabho.
|
|
\v 10 Hwope isiku eilya mweinei lyayihweinza nashi oumwibha, eimwanya yaishiila nashi eihoolo. Eivintu vyaipeimbwa mumwoto. Einsi nei vintu vyounti vyayibheihwa paweilele.
|
|
\p
|
|
\v 11 Afatanaje eivintu vyounti vyailoungouleila hwi idala eili, aje waibha muntunshi awe? Oukhale apazelu nou woumi nashi ou Ngouloubhei.
|
|
\v 12 Eihwanziwa amanye nanali oulwenzeilo lwi siku lya Ngouloubhei Isiku eilyo eimwanya yailoungouleila hu mwoto neivintu, vyailoungouleila nei lyoto eikhali.
|
|
\v 13 Lelo aleingane nei ndaganyo zyakwe, tigoula einsi eimpya, nei mwanya eimpa paala pabhaikhala bhelyoli.
|
|
\p
|
|
\v 14 Eisho bhamwetu afwatanaje tisoubheiye eivintu eivi, oujiimbe nabhe maso nasinte abhe deeha oubhanje nou wutengamazu peeka nou mweinei.
|
|
\v 15 Mwizuhaje huje, oumweine ajimbiliye hunongwa yaje asoungwa huje abhantu bhafyulwe, eisho shasheisho ouwamwetu, ounkoundwe ou Paulo abhasimbiye hutengamazu nashi, ou Ngouloubhei sha-ahapiiye.
|
|
\v 16 Ou Paulo ayanga eigo gounti mukalata yakwe, huli eivintu eivikhome avyelewe. Abhantu bhasigabhali nei nshinshi ni khone, bhazinangeinye eivintu eivyo, nashi shabhabhoomba hwizu. Lyabhalile hunfwa yabho.
|
|
\v 17 Eisho, bhankoundwe afatanaje mugameinye eigo. Hwidimaji mweimwei huje, bhaaganje bhatezye ni lenka lya khopeezi nauteizye ougoulousu wenyu.
|
|
\v 18 Lelo jendelelaji na alembe mumpyana, na humanye oumweinei weetu, oumfuli ou Yesu klisti. Ouwumwamu wubhe hwamweeinei, eisala enei na wiila na wiila Ameeni.
|