See in Reader
156 lines
15 KiB
Plaintext
156 lines
15 KiB
Plaintext
\id JAS
|
|
\ide UTF-8
|
|
\h Ikalata Hwa Yakobo
|
|
\toc1 Ikalata Hwa Yakobo
|
|
\toc2 Ikalata Hwa Yakobo
|
|
\toc3 jas
|
|
\mt Ikalata Hwa Yakobo
|
|
\c 1
|
|
\cl Ulyango 1
|
|
\p
|
|
\v 1 Ou Yakobo, oubouyi wa Ngouloubhei nou wa Daada ouYesu Kilisti, huvikholo eishoumi na gabheilei gaganyampeine, eimbalamuha.
|
|
\p
|
|
\v 2 Mubhazyaje huje soungwo haani, bhaholo bhanei, lwamushila mumanyeimba gogonti,
|
|
\v 3 Nka mwamanya aje ajelwe hulweiteiho lweinyu hubhapela oujimbilizi.
|
|
\v 4 Muleshe oujimbilizi gumaleizye eimbombo yakwe, huje mukhome lyoli, sinta hwishiwe na hahonti.
|
|
\p
|
|
\v 5 Lelo nkashele oumuntu kati yeinyu einshinshi, ayilabhe afume hwa Ngoloubhei, oumwene afumya shalabhile sheisho, sinta khajizye hwa bhounti bhabhahulaabha, nantele ayibhapele einshinshi.
|
|
\v 6 Lelo laabha hulweiteiho, ouganjehwisaje, huje wahwisaga abha nashi amabeingou munsumbi, nagahwegwa nei haala na tagwe ohwo.
|
|
\v 7 Lyoli oumuntu asiseibhe huje, ayiwambeileila halabha afume hwa Daada;
|
|
\v 8 Oumuntu ounou, ali nia zibheilei, amadala gakwe gounti eigo seigatendeshe.
|
|
\p
|
|
\v 9 Oumuntu oupeina ahwanziwa huyitime hugorosu wakwe ouwapamwanya,
|
|
\v 10 Eisaala yeiyio ouholo outabhazi ahwiyisye hwakwe, peipo ayiyepa nashi iua eilya hu kondeni mugounda gwashiila.
|
|
\v 11 Isanya lifuma ni lyoto lyabhapemba na hwoumeisye amasole na maua gagwa nou winza wakwe wufwa. Sheisho abhantu abhatabhazi bhamalishiwa nei mbombo zyabho.
|
|
\p
|
|
\v 12 Asayiwaje oumuntu oula yajimbilila einjelo, nkashele ajimbilila einjelo abhapate insushe eiyei woumi. Yabhasubhizizye bhebhageine ou Ngouloubhei.
|
|
\p
|
|
\v 13 Oumuntu wowonti sa hwanziwa ayanje lwa jelwa, “Ajelwe ouhu lufuma hwa Ngouloubhei, peipo ou Ngouloubhei sajelwa nei mbibhi, nantele ou Ngouloubhei sahujela oumuntu wowonti.
|
|
\v 14 Oumuntu wowoti ajelwa nei nsoungwo zyakwe eimbibhi zyeizihusuliha na huvute afume apatali.
|
|
\v 15 Eipo einsoungwo yabebe eivyanda, eimbibhi eipapwa, eipo nkashele eimbibhi zyakhooma shinza oumalishilo wakwe hufwe.
|
|
\p
|
|
\v 16 Bhaholo bhanei bhaganwa, musahagobelwe.
|
|
\v 17 Eimpesya einyinza na eimpesya yei fumile humwanya, ahwishe pansi afume hwa Daada ouwei lukhozyo.
|
|
\v 18 Ou Ngouloubhei ahasaluye hutipele atei ouwoumi hwi zwi eilyi lyoli nkatibhe nashi oupaapwo ouwahwande muvipeilwa vyakwe.
|
|
\p
|
|
\v 19 Mumeinye eizi, bhaholo bhanei bhaganwa. Oumuntu wowonti ahwanziwa abhe poupousu wa hwanvwe asahabhe poupousu wayanje,
|
|
\v 20 peipo einkuni ya muntu siga eibhomba aminza aga Ngouloubhei.
|
|
\p
|
|
\v 21 Eishi mubheshe apatali eintavu yei ou bhibhi wonti papounti paala, na muhwiyisye namuhwambeileila izwi lyalitotilwe muhati yeinyu, lyalili ni-ikhone lyafyoule eimpepo zyeinyu.
|
|
\v 22 Mulyeteishe izwi msahalyonvwe lwene, nkamuhwigobela mumoyo geinyu.
|
|
\v 23 Huje wowonti yalyonvwa izwi salibhombela eimbombo aleingana nou muntu yayenya humaso gakwe youyo mwigalasi.
|
|
\v 24 Ajiyenya amaso gakwe, nasogole, pamandei hashe ahweiwa shahali.
|
|
\v 25 Oumuntu oula wazikhata shinza eindajizyo eizye lyoli, eindajizyo zyei outenganu, na ahwendelele azikhate, hunongwa yaje oumweinei azyounvwa na siga ahweiwa, ounou oumuntu abhasayiwe nayibhomba.
|
|
\p
|
|
\v 26 Nkashele oumuntu wowonti abhaseibhe youyo aje muntu wei shibhanza, lelo siga ayihwiziga ayanje gasiga gakhondeiye, oumuntu ouyo ahwigoubela mwene, nantele abhoumbe hwakwe siga guhumwavwa nkahamo.
|
|
\v 27 Eishibhanza eishinza sheisashinanjiha hwa Ngouloubhei weetu nou Daada sheisheishi hubhavwe a yatima na bhajane humayeimba gabho, ayidime bheibho nou bhibhi weinsi eini.
|
|
\c 2
|
|
\cl Ulyango 2
|
|
\p
|
|
\v 1 Bhaholo bhane msasyesyetanye oulweiteiho lwa Gousi ouYesu ou Kilisti, ougousi weituntumu, wa bhabaguye abhantu bhamo.
|
|
\v 2 Nkeseleo oumuntu oumo nkawinjiila mwa bhantubheinyu akweite ipeete eiye zahabu na menda aminza, nantele winjila oupena akweite ameenda amabhibhi,
|
|
\v 3 Amwei mwamwambeileila hu mwamu wa kweite shinza, na hubhouzye huje, khala apinza eipa, hwoula oupeina, “awe eimeileila paala, awe khaala paala pansi pi-inaama lyanei.”
|
|
\v 4 Eishi, sigamuhwilonga mubhene, na-abhe bhatazanyi bhei nseibho eimbibhi?
|
|
\v 5 Tejelezi, bhaholo bhanei bhaganwe, eishi ou Ngouloubhei sagabhasaluye apeina bheinsi abhe bhatabhazi bheilweiteiho na agaale ouwumweinei wabhandaliye wabhageine?
|
|
\v 6 Lelo mubhasholanye apeina! Eishi saga bhatabhazi bhabhapeila amayeimba amwei, na siga bhebho bhabhatwala pitagalila lya longwi huje mulongwe?
|
|
\v 7 Saga bhatabhazi bhabhaliliga itawa lila ilinza lyampeiwilwe amwei?
|
|
\v 8 Hata sheisho nkamuzikhata eindajizyo yei shimweinei nashi seisimbilwe mumandishi, “oubhahugane wapanshenjei waho nashi awe wewe,” ou bhomba shinza.
|
|
\v 9 Eishi nkashile mubhabaagula abhantu bhamo, mubhomba mbibhi, mulongwa nei ndajizyo abhe bhananganyi bhei ndajizyo.
|
|
\p
|
|
\v 10 Wowonti watimizya eindajizyo younti, na bado aboumei na nankanye yeeka mwi-eizyo, eipo abha anangeinye zyounti!
|
|
\v 11 Einjanjile eisho, peipo oula yahabheishele eindajizyo eiya huje, ouganje abhenbushe, ya youyo yahabheisheile eindajizyo ya huje, ouganje ogoje, hwahuje peeka naje siga oubhembushe leelobougojile, eiponoubhaziwa uje ouli nanzi wei ndajizyo.
|
|
\p
|
|
\v 12 Eisho yangaji na hweiteishe nashi bhaala bhabhali peipei alongwe neindajizyo yetenganu.
|
|
\v 13 Huje alongwe huhweinza bila einkoumbou hwa bhaala bhasagabhali nei nkoumbou. Einkoumbou ya Ngouloubhei yahihusajila nawe isiku eilya-alongwe.
|
|
\p
|
|
\v 14 Huli ouwinza weilei, bhaholo bhanei, nkeshele oumuntu ayanga aiga eindinalwo oulweteho, lelo siga ali neimbombo?
|
|
\v 15 Nashi ouholo weishilume awe weishishe ahwanza amenda awe eishalye sheinsu zyounti,
|
|
\v 16 na oumntu weeka mwikundi lyeinyu abhabhouzya, “Bhalaji hutenganu, mubhale mwoote oumwoto na mulye eishinza,” lelo saga mubhapela eivintu vyavihwanziwa nou beilei, eiyo eihwavwa-anshi?
|
|
\v 17 Sheisho oulweiteiho lwene, nkasaguli nei mbombo.” Lufwiye.
|
|
\p
|
|
\v 18 Aseilei oumuntu oumo aweizizye ayanje, oulinalwo oulweiteiho, nane eindinazyo eimbombo, “Ndolesye oulweiteiho lwaho pasagapali eimbombo, nanei eimbahulolesye oulweiteiho lwanei humbombo zyanei.
|
|
\v 19 Ouhweiteiha aje huli ou Ngouloubhei weeka; ouli lyoli. Lelo amapepo gaape gahweiteiha na yeite.
|
|
\v 20 Eishi ouhwanza amanye, awe woumuntu woulema, eishi sahuhweili oulweiteiho bila eimbombo sagihwanziwa?
|
|
\v 21 Saga youyise weetu ou Ibrahimu abhaziwe atabhale humbombo pafumizye oumwana wakwe ou Isaka pamwanya yei shipuuto?
|
|
\v 22 Mulola abhe oulweiteiho lwake lwabhombile eimbombo nei mbombo zyakwe, na humbombo yakwe, oulweiteiho lwakwe lwafishiye amakusudi gakwe.
|
|
\v 23 Amazyi gatimiye gagayiga, “ou Ibrahamu amweiteishe ou Ngouloubhei, nabhaziwe abhe muntu wa tabhale, “Eisho Ibrahamu akwiziwe kondanu wa Ngouloubhei.
|
|
\v 24 Mwalola aje humbombo oumuntu abhaziwa atabhale, na siyo hulweiteiho lwene.
|
|
\v 25 Na shesho, na sagali you Rahabu oula wabhazwile atabhale humbombo, pabhakaribizizye abhajumbe na hubhatwale hubarbara eiyeinje?
|
|
\p
|
|
\v 26 Nashi oubeilei nkasaga guli nou mpeipo gufwiye, sheisho oulweiteiho bila eimbombo gufwiye.
|
|
\c 3
|
|
\cl Ulyango 3
|
|
\p
|
|
\v 1 Bhaholo bhanei, siga aje muwiinji weinyu muhwanziwa abhe bhamanyizi, nkamumeinye aje mwailongwa tee.
|
|
\v 2 Afuatanaje tenti tikoseila humadala minji, nkashele hwahwonti wa saboumeila hunongwa zakwe, ouyo muntu wei lyoli, awezizye agukhane oubele gwakwe gwounti nantele.
|
|
\v 3 Eishe nkatibheha oulwabho lwei falaasi, humalomgabho bhayiteiteiha, na-tiwezizye agalulanye amabeilei gabho gounti.
|
|
\v 4 Timanye nantele aje eimeeli, ata ngosi eibuhwa neihala eihali, zilongozewa noulongozi wei meeliabhale pampounti hwawanza oumweinei.
|
|
\v 5 Sheisho sheisho, oumeili hantu hadodo mubeilei, lelo luhwibaada mumabado amagosi tee. Amwei seibhaji nantele shiila oumwoto oudoodo sagupeimba eisengo igousi.
|
|
\p
|
|
\v 6 Oumeilei nantele mwoto munsi yei mabhibhi, gubhesheilwe muhati yei beilei gweitu, luhwambusya oumuntu abhe mumbibhi, luhwansya na apembe ouwoumi wounti wa muntu, lwope oumeilei lupembwa nou mwoto lwa huzimu gwasaga guzima nkalumo.S
|
|
\v 7 Eivipelwa zyounti zya mwipoli visuugwa, abhantu bhabhajiye asuje eihanu, einyonyi, vyavikwesushila peeka na viila vyavili mu nsoumbi,
|
|
\v 8 lelo noumo oumuntu ata weeka wagawezya agukhane oumeilei huje, oulese ayanje eimbibhi, sigalugasujiha, lyoli gumeimile eisumu yei buda.
|
|
\v 9 Hu meilei tasoumbeizya Oungouloubhei Baba wetu, nantele gwogwo tabhapela abhantu amakhosi abhantu bhabhabhombweilwe hushifwani sha Ngouloubhei.
|
|
\v 10 Nantele oumeilei gwogwo guyanga einongwa zyei nsayo na makhosi. Bhaholo bhanei einongwa eizi seiziwanziwa abhee.
|
|
\v 11 Aje ileinde limo ligafumya ameinze aminza na mabhibhi?
|
|
\v 12 Bhaholo bhanei aje, ikwi lya mwiki lipapa eindoondo zya mzeituni, mzabibu gupapa eindoondo zya mwikwi? Nantele alobhe heimeinzei gei mwoni siga fumya ameinze gasigali mwoni.
|
|
\p
|
|
\v 13 Wenu muhati yeinyu wali neshinshi nei njele? Eishi oumuntu ouyo abhonesye oulwizyo oulwinza hu mbombo zyakwe hulwishilo lwa lufuma nei nshinshi.
|
|
\v 14 Ila nkashele mulineijeila einkhali nou mwoyo gwa hwilole moyo geinyu, mungaje ahwilole na yanje ilenga mukhaana zyei lyoli.
|
|
\v 15 Einei saga nshishi yeifuma hula humwanya, ila baada yeisho yei zya munsi sei yei shimpeipo, ila yei mapepo.
|
|
\v 16 Afwataneje papali nei jeila na hwilole guhweili, eipo pali nibho nei mbombo eimbibhi
|
|
\v 17 Ila einshinshi yeifuma amwanya eili nyinza nantele eisoungwa oulwoumvwano, ouhogowe neimpyana, oumwene ameimile humbombo einyinza bila apendelele abhantu bhamo, nei lyoli.
|
|
\v 18 Na eidoondo lyeilyoli litotwa hu ouwinza wala bhabhabhomba einongwa einyinza.
|
|
\c 4
|
|
\cl Ulyango 4
|
|
\p
|
|
\v 1 Heenu hahakhozya amadali ni-ibhomuuhatiyeenyu? Vileetwa nei nsoungwo eimbibhi zya ziili muhati yeenyu zya zilwa wiila namwei?
|
|
\v 2 Musoungwa hata hasagamuli naho. Mubuda na nyililile hala hasaga muwezizye abhe naho, mulwa nalongane, nantele semupata nahamo, huje semupuuta Ou Ngouloubhei.
|
|
\v 3 Mupuuta, nantele sagamuhwambilila, nantele sagamhwambilila, nantele mpuuta afwatane nei mbombo eimbibhi, ili nkamwande azibhombele humbibhi zyenyu.
|
|
\p
|
|
\v 4 Amwei mwamuli nashi abheegu! Weilei siga mumeinye huje, abhe bhamanyani bheinsi, hubhe bhalougou bha Ngouloubhei? Eishi wowonti wasoungwa abhei mumanyani weinsi einei, ahwibheiha abhe lougou wa Ngouloubhei.
|
|
\v 5 Eishi muiga einsimbo saga zili eishi gayangwa aje eimpepo yayabheisheilwe muhati yeetu ali nei jeila tee hulimwei?
|
|
\v 6 Nantele Ou Ngouloubhei afumya eimpyana tee, mwamwomwo einsimbo ziyanga, “Ou Ngouloubhei ahukhana yali ni baado nantele ahupela eimpyana oula hwayihwisya.”
|
|
\p
|
|
\v 7 Eishi hwifumi hwa Ngouloubhei. Mukhane osetano wope abhasheimbeile afume hulimwei.
|
|
\v 8 Zoubhililaji ou Ngouloubhei, nantele wope azoubhilile hulimwei, ouzi amakhono geinyu, amwei mubhe mbibhi, hwiyozi amoyo geinyu, amwei mubhe mbibhi hwiyozi amoyogenyu amwe mwamsebha einseibho zibheilei.
|
|
\v 9 Zugumilaji, zondaji na-alile hu mbibhi zyenyu. Aseshe weinyu hugalushe hubhe hulile, ouluseishelo lwenyu lugalushe abhe zugumizu.
|
|
\v 10 Hwiyisyaji mweimwei hwitagalila lya gousi nantele anza bhabhousye humwanya.
|
|
\p
|
|
\v 11 Mganje yangane mwemwe hwamwe, ouholo. Oumutu yayanga hushingunga nuo holo wakwe na lonje nou holo wakwe ayanga shingunga neidaiizyo nahuilonje eindajizyo ya Ngouloubhei. Nkamuzilonga eindajizyo, eipo siga mweiteishe eindajizyo.
|
|
\v 12 Ali oumo yafumya eindajizyo nuo lonzi, Ou ngouloubhei, oumwanei ali ni-ikhone eilya fyoule na goje. Awe wei nanu wouhulonga oujilani waho?
|
|
\p
|
|
\v 13 Tejelezi amwei mwamuyanga “Sanyounu na sandabho taibhaala mwibooma limo, nakhale mwaha ouhwo na tayichuluzyaga nahuzyaje tee eizya pamwanya.”
|
|
\v 14 Younanu yameinye henu hahai fumila shandabho na hweizye hwenyu yeenu lelo? Wuleingana nashi ibhesu lyalibhoneha haashe na teeje lwulwo.
|
|
\v 15 Eishi lelo muyangaje eishi, “oumweinei ou Ngouloubhei wasoungwa, tayibha bhoumi, tayibhomba ahantu eiha awe haala.”
|
|
\v 16 Nantele eishi muhwisoumba hu gaala gamuseibha abhombe. Ahwisoumbe hweinyuhwonti nashi ouhwo hubhibhi.
|
|
\p
|
|
\v 17 Eishi oumuntu wowonti yaameinye abhombeeilinza, lelo saga alibhomba, oumuntu ouyo abhomba mbiibhi.
|
|
\c 5
|
|
\cl Ulyango 5
|
|
\p
|
|
\v 1 Einzaji eishi, amwei mwemuli bhatabhazi, lilaji hwizwi eilya pamwanya hunongwa yei malabha gagahweinza hulimwe.
|
|
\v 2 Outabhaazi weinyu unanjishe na amenda geinyu gasyolilwe nou muswa.
|
|
\v 3 Eidhahabu zyeinyu nei eimpeiya zyeinyu zili ne haama, ounankanyi wakwe wayibhoneha hulimwe na yayinanganya amabeilei geinyu nashi oumwoto. Muhwibhesheiye eimbuuto yeinyu hunsiku zya humalishilo.
|
|
\v 4 Einyaji, einsombo zya bhabhabhombo eimbombo bhaala abhenei seimubhasombile bhabhakounjeile mumagounda geinyu- bhalila! Na shililo shabhala bhabhakounjeile eiviyabho vyeinyu shifishile mumakutu ga Gousi ouwa bhanajeshi.
|
|
\v 5 Mukheye neimbibhi eizya munsi na hwisoungwe amwei mwemwe. Mukuzizye amoyo geinyu husiku zya sinzwe.
|
|
\v 6 Mulonjile na hugoje ouwei lyoli yasawezizye abhakhane.
|
|
\p
|
|
\v 7 Nantele jimbizyaji, bhaholo, paka naiyeinza ou Gousi, nashi oubhonvi na goula amamemela agei thamani afume munsi agouleila na jimbizye hunongwa ya liwe, paka einvula einza hwandilo na zila eizya pamalishilo nkazyatonya.
|
|
\v 8 Nantele namwei mubhe bhajinvi; pinyaji amoyo geinyu, nantele ahweinze hwakwa Ou Gousi ali peipa.
|
|
\v 9 Bhaholo muganje ahwibhunanzye mwemwe hwa mwemwe ili musaha longwe. Einya, oulounzi ayeimeileiye palyango.
|
|
\v 10 Bhaholo bhanei, manyilaji afume hwa akuwe bha bhayanjile hwi-ikhone lya Ngouloubhei, abheine bhajiimbiliye peeka naje bhalabhaga. Eishi amwei mubhe nashi abheene.
|
|
\v 11 Einye, tibhakwizwa bhaala ajinvi, “heri.” Mwounvwozye oujinvi wa Ayubu, na mulimeinye lyapanjile Ougousi hwa Ayubu, Ougousi ameimile eimpyana neinkoumbou.
|
|
\p
|
|
\v 12 Bhooziwa bhamwetu, igoosi ashile gounti, muganje alape hubhe hu hantu haanti aha humwanya, awe munsi, awe hu hanjei hohonti. Nkashele mukhana, mugaje “ndaadi” lwene huje muganje alongwe nou Ngouloubhei.
|
|
\p
|
|
\v 13 Ahweili yeyonti miongoni mwenu hulimwe ana malabha? Ouyo ahwanziwa alabhe, nantele oumuntu yeyonti ashiiye? Ouyo ahwanziwa ateele eintelo eizya humwamishe ou Ngouloubhei.
|
|
\v 14 Nantele ahweli yayonti mwilimwe yalinou bhinu? Na abhakwizwe abhagousi abhei shibhanza huje, bheinze bhapuutile na hupoutozye einyemba hwi-itawa eilya mweinei ou Yesu,
|
|
\v 15 Bhope nkashele bhapuuta hwa Ngouloubhei hulweiteiho, oubhinu ouyo abhapoone, wope oumweinei anza humweimeileisye afume paala pa hagonile. Nantele wabhomba wmbibhi, anza khobheshelwe.
|
|
\v 16 Eishi fugamili eimbibhi zyeinyu mwemwe hwa mwemwe na mpuutilanaje shila muntu nuo wamwao, ili mupone eimpuuto eiya oumuntu ouwei lyoli eipaapa aminza amagousi.
|
|
\v 17 Ou Eliya ali muntu nashi atei natipuuta hwa Ngouloubhei, hu mwoyo gwountihuje, einvula eiganje atoonye, lyoli siga eitoonya munsi hu habhaazyo ahei maaha gaatatu na meezi taanda.
|
|
\v 18 Na ou Eliya apuutile nantele na eimwanya eihitile einvula pansi nei einsi yafumizye amamelela.
|
|
\p
|
|
\v 19 Bhaholo bhanei nkashile yoyonti mwilimwei atejile afume mu lyoli nantele oumuntu ouweinje wawezya,
|
|
\v 20 Eipon mumanye shinza aje yoyonti yahulongozya yali neimbibhi awufyoula uwoumi wa muntu ouyo afume mufwe ouwa wiila na wiila. Nantele abhomba aje oumubhomba mbibhi ouyo akhobhoshelwe eimbibhi zyakwe einyinji.
|