sbk_reg/59-HEB.usfm

\id HEB
\ide UTF-8
\h Bhaebrania
\toc1 Bhaebrania
\toc2 Bhaebrania
\toc3 heb
\mt Bhaebrania
\c 1
\cl Ulyango 1
\p
\v 1 Eimande ou Ngouloubhei ayanjile na maama bhetu ashilile akuwe hamanji na humadala minji.
\v 2 Einsiku eizi zyatilinazyo, Oungouloubhei ayanjile natei ashilile hwa mwana wabheisheile abhe wa gale wei vintu vyonti, ashilile oumwene abhombeile einsi.
\v 3 Oumwana wakwe lukhozyo lwe ntuntumu wakwe, einjendo nyene ya mwahale wahwendelezya eivintu vyonti hwi izwi lyei-ikhone lyakwe. Nwamala oulyozyo lweimbibhi, akheiye pansi pakhono oulelo gwei einzi ouhwo amwanya.
\p
\v 4 Agalushe mwinza ashile antumi, nashi shila itawa shaligalile shalili shinza ashizanye ashile itawa lyabho.
\v 5 Peipo antumi bhalihu bhaayanje, “Awe ouli mwana wanei, sanyounou eindiyise waho?” Nantele, “Nante naibha yise hwa mwene, wope aibha mwana huline?”
\p
\v 6 Nantele eisala ya Ngouloubhei naletile wapapwe ouwahwande munsi, “Antumi bhonti bha Ngolobhe bhahwanziwa ahupuute.”
\p
\v 7 Nantele aleingane nou mwana aiga, “Oumwene wa bhomba aje antumi bakwe bhabhanje mpeipo, nabhomba mbombo bhakwe bhabhe meilei zyei mwoto.”
\p
\v 8 Ila ahusu Oumwana aiga, “Itengo lyaho lyei einzi, Ou Ngouloubhei, lyei wiila na wiila. Ousanzo gweiwumweinei gwaho sanzo lwei lyoli.
\q
\v 9 Ousoungwelwe eilyoli na vitwe abhombo eimbibhi, eishi Ou Ngolobhe, Oungolobhe waho, apiye amafuta ngeiluseishelo ashile amweinyu.”
\p
\v 10 Hula ahwande Oungolobhe abheishele oulwalo gweinsii. Eimwanya mbombo zyemakhono gaho.
\q
\v 11 Zyayibheihwa, lelo awe waihweindelela. Zyounti zyayilala nashi amenda.
\q
\v 12 Waizipinta pinta nanshi ikoti, zyope zyaigaluhana nashi amenda. Ila yayoula oula, na maha gaho seigaimaliha.”
\p
\v 13 Lelo you ntumi walihu Oungouloubhe ayanje nabho muda gwonti, “Khaala oukhono gwane gwendelo paka nanaibhabhomba bhabhahuvitwa abhe litengo lyei magaga gaho”?
\p
\v 14 Aje antumi bhountii siyo Mpepo zya zitumwilwe abhale na bhasonje bhaala bhabhaigala ouwoziwa?
\c 2
\cl Ulyango 2
\p
\v 1 Eishi hwahuje tibheshe hwitazi tee hugaala gatovwezye ili tisahakhale hutali nago.
\v 2 Nkashe einongwa zyayangwilwe na antumi zyei lyoli, na shila likosa nouwubhibhi guposhela einsombo,
\v 3 taiwezya weile apone nkashe seiti wulenganya ouwooziwa ou Ogosi? Ouwoziwa ambao ahwande watangaziwe nou Gousi gwa hakikisiwe hulite na bhala bhabhahonvwezye.
\v 4 Ou Ngouloubhe pia ahakikisizye humbonesyo na mayele na humbombo eingosi nyinji nyinji, na humpeisya zya Mpepo oufinje zyazigabhenye aleingane na songwe hwakwe youyo.
\p
\v 5 Ou Ngouloubhe saga abhashele einsi yeihwenza, ambayo tiyanga habari zyakwe, pansi ya antumi.
\v 6 Lelo oumuntu oumo oumo ashuhudiye humohumo aje, “Oumuntu weenu, hata awenzye ahukoumboushe? Au oumwana wa muntu, hata ousounje?
\q
\v 7 Oumuntu aje doodo ashile antumi; oukwatizizye eitaji yei oumwamu neinshishi. \f + \ft Khatililaga einongwa na oubheshe pamwanya yei mbombo yaho na pamakhono gaho. “Na gamo mumputo zyaho zyei hale. \f*
\q
\v 8 Obheshele kila hantu pansi pamagaga gaho.” Oungouloubhei abheisheile kila hantu pansi ya muntu. Sagaahaleshile ahantu hahonti ambaho na hamo pansi yakwe. Ila eisalezi eishi seitilola bado kila hantu hali yakwe.
\v 9 Ata sheishi, tilola sheihwabhombeishe huu muda, pansi shile antumi ou Yesu, ambaye nantele mayeimao gakwe neinfwa yakwe akwatiziwe itaji yei woumi nei nshishi. Eisho humpyana ya Ngouloubhei, Ou Yesu abhonjile einfwa sababu ye kila muntu.
\p
\v 10 Yali sawa aje Oungolobhe, kila hantu hali sababu yakwe oumwene, akhondeye abhalete abhana abhinji huwoumi, na huje ahanziwaga ahubhombe longozi hu woziwa wa aje ukamilishe ashilile amayeimba gakwe.
\v 11 Afuatanaje bhonti bhabheilei oula wabheiha ha pashipuuto na bhaala bhabhabhehwa pashipuuto hwa Ngouloubhei saglola einsoni abhakwizye bhaholo.
\v 12 Aiga, ambayanje itawa lyaho hwaholo bhanei, eimbatele muhati yei mpouga.”
\p
\v 13 Nantele ayiga, “Eimbahweiteisheile ashilile hwa mwene.” Nantele, “Ouyenye, eipa eindi na bhana Oungouloubhei bhampiye.”
\p
\v 14 Eishi, peipo abhana bha Ngouloubhei bhonti bhashiriki oubeilei ni-idanda, wope ou Yesu ashilikile eivintu vyavila ili ashilile einfwa apate anyong'onyezye oula wali na mamlaka ahusu einfwa, ambayo you seetano.
\v 15 Einei yali eisho ili abhabheshe sawa bhaala bhonti bhabhashiliye einjento yei yeinfwa bhakhalaga oulwizyo lwabho lyonti huwutumwa.
\v 16 Lyoli siga you ntumi wabhavwa. Lelo, eihavwa eimpapo ya Abrahamu.
\v 17 Eishi, ahanziwaga huje abhei nashi aholo bhakwe huma-dala gounti, huje nkabhe you diimi ougousi wali nei eipyana nouwugoulousu huvintu vya Ngouloubhei, na huje abhe ni-ikhone lyasajile hu mbibhi zya bhantu.
\v 18 Afuatanaje Ou Yesu youyo ayeimbeile, najelwe ouwezo wa abhabhavwe bhala bhabhajeelwa.
\c 3
\cl Ulyango 3
\p
\v 1 Amwei, bhaholo ougolosu abhantu bhabhakwiziwe bhahumwanya, sebhaji ouYesu, outumwa nou puuti ougosi ouwahuposhele weetu.
\v 2 Aligoolosi hwa Ngolobhe wasalulilwe, nashi ou Musa aligoulousu nantele na mwibhanza na munyumba ya Ngouloubhe.
\v 3 Peipo ou Yesu abhaziwe huje heshima Gousi ashile yeili hwa Musa, hwahuje oula wazenga einyumba abhaziwa abhe neinshinshi eingousi ashile einyumba eiyoo.
\v 4 Shila nyumba eizengwa noumuntu fulani oula waizenga kilahatu you Ngouloubhei.
\v 5 Lyoli ou Musa aligoulousu nashi outumwa munyumba younti eiya Ngouloubhei, afumya ouluseimeshizyo ahusu gaiyanga einsiku zyeizi hweza.
\v 6 Ouyo ou Klisti mwana wahwenye einyumba ya Ngouloubhei atei tilinyumba yakwe. Nkashile tibhakhatilile katibhadigane na daaje shiza adaajee.
\p
\v 7 Hwahuje nashi Oumpepo Oufinjile sayanga sanyounou nkamubhahouvwe izwi lyakwe,
\v 8 ougaje oubheishe oumwoyo gwaho abhe khome nashi Izilaeli sabhabhombile eimbibhi nashi eisala eila yeinajelwagwa hwisengo.
\v 9 Ougu gwali muda gwa ayise bhenyu pabhabhombile edimbibhi sababu yanjele, noumuda, gweinsiku zila alobaini, wagalole amadala ganei.
\p
\v 10 Nanei seinasougweilwe eimpapo eilaa. Nayanjile, ‘Bhatega wilawila mumoyo gabho na sigabhameinye amadala ganei.
\p
\v 11 Nashishila sanalapile hwikuni lyanei sagabhaihwinjila mulusoubheizyo lwanei.”
\p
\v 12 Mwenyaje, bhaholo, ousije mugabha noumwoyo oubhibhi gwaseigupousheila oumo wenyu, oumwoyo gwegwa ibhala hutali nanei nei Ngouloubhei wali nouwoumi.
\v 13 Eimbalabha mukoumbousanye wilawila kila muntu muwamwabho ili kila lisiku lyamukwizya wa lelo mzilihaje huje ouwamwetu oumo asibhe khome hwilenga eilyei mbibhi.
\v 14 Hwahuje atei tilibhana bhakristi katibhakhatane tenti neinguvu afumile huwandilo hadi hu mwisho.
\v 15 Hweli einjajile sanyounou nkamutejezye izu lyanei muganje bheshe amoyo genyu makhome, nashi abha Izilaeli sabhabhombile eimbibhi.
\p
\v 16 Bhaananu bhamwovwezye Ou Ngolobhe nahulesha sagabhali bhabhala ou Musa abhalogozyaga afume hu Misri?
\v 17 Na bhaananu Ou Ngouloubhei abhavitilwe humaha arobaini? Seihwali pandwemo nabhaala bhabhabhombile eimbibhi, bhaala amabeilei gabho gafwiye nagone hula hujangwani?
\v 18 Bhaananu bhabhalapiye Ou Ngolobhe huje saga bheinzahwinjile muwinza wakwe nkashile seibhabhaala bhasagabhapousheiye?
\v 19 Tilola huje sagabhajiye awinjile muwinza wakwe sagabhapousheiye.
\c 4
\cl Ulyango 4
\p
\v 1 Tihwaziwa abhe maso huje teinti asibhe hata oumuntu oumo wabhabhoneshe huje amenwa afishile einsi eiya wiilawiila eiyatouye hwa Ngouloubhei.
\v 2 Eishi tounvweizye einongwa einyinza huje outouyeilo gwa ngouloubhei ziloumbeilewe hulitei nashi abha Izraeli bhabhali nawo, lelo izwi eilyo sigalyabhavwizye bhaala bhabhali bhonvweizye bila abheishe peeka oulweiteioho hweilyo.
\v 3 Huliti tatili noulweteiho muluposhelelo tayihwinjila muula mutouyeiklo, nashi seiyanga, aiga hata eimbombo zyonti zyazibhombile zyalizimalishe awande huwandilo weinsi.
\v 4 Eishi oumwene ayanjile ahusu isiku lya saba, ou Ngolobhe atouyele isiku eilya saba gouti gabhombile.
\p
\v 5 Nantele ayanjile, “Sagabhaihwinjila apatouye pakwe.”
\p
\v 6 Hwahuje awande atouye wakwe Oungouloubhei bado bhatu bhaala bhabhaahinjie, awande Israeli abhinji bhahovyeizye einongwa euinyinza eizya touye hwakwe sagabhahinjiye sababu sagabhahwiyisizye,
\v 7 Ou Ngouloubhei abheshele isiku limoliimo, lyatiyiga, sanyounou, oumwene ahonjezezye isiku payanjile ashilile ou Daudi, oumwene ayanjile humasaa minji hwagala gaga ya gwilwe humwanzo, sanyounou nkashile mubhahwouvwe izwi lyakwe, mugaj bheshe amoyo genyu makhome.”
\p
\v 8 Nashi ou Yoshua abhapie atouye, Ou Ngouloubhei anga sagayanjile ahusu isiku eilya mwabho.
\v 9 Hwahuje lihweli isiku eilya Sabato eilyatouye lyalibhehwelwe kwajili yabhantu bha Ngouloubhei.
\v 10 Lelo wahwinjila atouye isiku lya Ngouloubhei youyo mwene afwatane namadala gakwe, nashi ou Ngouloubhei sabheisheile ashilile oumwene youyo.
\p
\v 11 Eishi tibhetayali ahwinjile isiku eilya touye, ili agajebhe oumntu ouwaagwe ashilile namambo gabhabhombile.
\v 12 Hwahuje izwi eilya Ngolobhe lilinouwoumi nantele lili ni-ikhone nantele lyoojii ashile ipanga lyolyoti likhasli hubheilei. Nantele lilasa na gabhanye oumwoyo nou mpepo viungo nouwinza. Na liwezya humanye einseuibho zyei moyo gwakwe.
\v 13 Nahamo hahafisilwe humaso ga Ngolobhe. Hwahuje kila hantu halipazi nantele hali wene amaso aga muntu oumo gahwanziwa huje taibhaziwa.
\p
\v 14 Pamande taibha noudiimi ougosi wahinjiye humwanya ouYesu mwana wa Ngouloubhei, tibhe imala tikhatilile oulweiteiho lwetu.
\v 15 Hwa huje sagatilinawo ouputi ougosi wasaga wezizye atisajile amapungufu getu, lelo oumwene humadala gouti ali alegwe nashi tete, peipo oumwene sagali nembibhi.
\v 16 Tibhale ahwinjimbizye mwitengo lya gosi liliwene, huje tiposhele eimpyana nei nkoumbou yatavwe husala yei mayeimba.
\c 5
\cl Ulyango 5
\p
\v 1 Eishi shila kuhani Ougosi yasalyulwe afume mwa bhantu, asaluliwe ahweimeileile badala bhahale huvintu vyavihouvwana nou Ngouloubhei ili awezye afumye pandwemo eimpeisya na eidhabihu kwajili eiyei mbibhi.
\v 2 Aweizizye abhoombe huwupole na lema na bhidali afanaje oumwahale youyo azyoungouleiwe nou oubhinu.
\v 3 Nantele eili ahwanziwa afumye einkoumbou hunongwa yei mbibhi zyakwe nashi sabhomba eimbibhi ezya bhantu.
\v 4 Noumo oumuntu yahwega eimpyana einei hunongwa yakwe youyo, lelo, ahwanziwa kwiziwe nou Ngouloubhei, nashi shahali ou Haruni.
\v 5 Hata Klisti sagahwipiye eimpyana youyo, eishahwibheishe youyo aje kuhani Ougosi. Eisho OuNgouloubhei ayaanjile hwamwahale, “Awe oulimwana wanei, sanyounou eindi yise waho.”
\p
\v 6 Shayanga sheisho nantele eisehemu zimo, “Aawe ulikuhani wiila wiila hwi-idala lya umelkizedeki.”
\p
\v 7 Lelo eisala yakwe hubeilei, alabhiile na bhalabhile alabhile hwa Ngouloubhei humansozi hwa mwahale yawezizye humwaule afume hunfwa. Hunongwa yeieimpyana yakwe ou Ngouloubhei.
\v 8 Peipoahali mwana, amanyiiye ahwiyisye humambo gagayeinvyeizye.
\v 9 Atimiziwe na hwidala eili abhombeshe kwa kila muntu amweiteisheiye abhe sababu yei waule ouwa wilawila,
\v 10 awitenje nou Ngouloubhei nashi oudimi Ougosi baada ya tandilane eiyei Melkizedeki.
\p
\v 11 Tili na miinji agayanje ahusu ouYesu. Lelo shikhome eishabha bhoule afanaje amwe mlibholo abhatejezye.
\v 12 Nantele einsiku eizi mubhajei bhamanyizi, lelo huli oumhimu wa muntu uwabhamanyizye eimanyizi yahwande yei ndajizyo zizwi eilya Ngouloubhei muhwanziwa iziibha nou sio eishalye eishikhome.
\v 13 Yeyonti ya mwela amazibha geine sazoubheileiye einongwa eizyelyoli afwanaje aseile doodo.
\v 14 Shamwabho, eishalye eishikhome shabhantu agosi bhaala bhabhali nouwuuzouwefu, shasalulanye eilyoli neimbibhi bhamanyiziwe asalule ilinza ni bhibhi.
\c 6
\cl Ulyango 6
\p
\v 1 Nantele, nkatileshe gatimanyiiye aga hwandee ahusu izwi eilya Klisti, tihwanziwa abhe neinjimbilizi ouwabhale ouhwukhome, tiganje abheshe oulwalo agamwabho eigeimpuuto afume humbombo zyaseizili nouwoumi nou lweiteiho oulya Ngouloubhei,
\v 2 Nantele oulwalo lwei manyizi yei hwooziwe, nabhabheisheile amakhono, avyounsye bhabhafwiye, na oulounzi wei wiila.
\v 3 Na tibhabhombe eishi nkashile ou Ngouloubhei abhatishilile.
\v 4 Afwanaje sebhawezehane hwabhala ambao bhapatile oukhozyo hwisalo ambao bhabhonjile eishipawa eisha mwanya na bhombwe abhe pandwemo nou mpeipo oufinje,
\v 5 na bhaala bhabhabhonjile ouwinza ouwizwi eilya Ngouloubhei na humaha agei wakati wawayihweinza,
\v 6 nantele bhaagwa - seiwezehana abhawuzye nantele katika eimpuuto einei nongwa yahuje bhahateisile oumwana wa Ngouloubhei habheilei humoyo gabho bhabhombile abha sheileilo eishei matoona hwabhantu bounti.
\v 7 Nantele einsi yaheijeileiye eimvula yeitonya wilawila pamwanya yakwe na eifumwa eviyabho muhimu hwa bhala bhabhabhombile eimbombo munsi, bhahweijelela eibalaka afume hwa Ngouloubhei.
\v 8 Lelo nkashile hupape amivwa na magugu, eiyo sigaeili nei mpeisya na eili hu bhibhi wa laniwe. Humalishilo wakwe eibudwa nateje.
\p
\v 9 Peipo tiyanga eishi, bhamwetu mubhaganwe tibhalabhila na amambo aminza gagahusu amwe na mambo gagahusu ouwaule.
\v 10 Afwanaje Ou Ngouloubhei sakhopela hata aje ayeiwe eimbombo yenyu na hulugano wamwabhonesyezye hunongwa yeitaawa lyakwe, hweilii mwabhavwiizye abhooziwa na museile nantele mulisamubhavwa.
\v 11 Titamanile tee aje shila muntu hwilimwe awezye abhonesye ebiidi yeila yeila hadi humalishilo muhakikizyaje noudandazu wonti.
\v 12 Seitihwanza mubhe bhoolo, lelo mubhe bhabheinjezi hwabhala bhabhagala eindagano eizyei lweiteiho nou ouwujivi.
\p
\v 13 Nntele Oungouloubhei apiye ou Ibrahimu eindagano alaapile humwoyo gwakwe afwanaje saheinzagalape hwawamwao yoyonti yali gosi ashile oumwahalei.
\v 14 Ayanjile, “Lyoli eimbahusaizye, eimbahumwonjezye eimpapo yaho tee.”
\v 15 Hwidala eili ou Ibrahimu ahejeleye shila shabhalageine baada ya golezye na jimbizye.
\v 16 Nantele abhantu bhalapa hwamwahale yaligosi ashile abhahalei, na hwabhene humalishe ashindane hwonti nei ndaapo eizya hakikizye.
\v 17 Nantele ou Ngouloubhei nahamuye abhoneshe pahwelele hani hwa bhaala bhabhagala eindagano eizye nseibho zyakwe eiliinza zyaseizigaluhana ahakikiziwe hundaapo.
\v 18 Abhomba eisho ili eivintu vibheilei vyaseivigaluhana nantele viila ou Ngouloubhei saweizizye ayanje ilenka hulitei tetishembeileiye ahwifise tipate ajijiziwe amoyo a gahwavwane akhatilile hwi-ikhone ulweiteiho lwalubheshelwe hwitagalila lyeitu.
\v 19 Tili noudandamazu nashi einanga imala eiya soubheileihe eiyei eimpeipo zyetu, noudandamazu nantele guhwinjila husehemu eiya muhati hwisalo lyei paziya.
\v 20 Ou Yesu ahinjie eisehemu eila neishi outagalizi ouwahulitei, nkawamala abhombe ouwudimi ougosi hata weiwiila baada eiyei utaratibu wa Melkizedeki.
\c 7
\cl Ulyango 7
\p
\v 1 Yahaali eishi ou Melkizedeki, oumwana wa Salemu, Oudimi wa Ngouloubhei yali mwanya, yakhomeinei nou Abrahamu afumile abhabude amweinei nawasaya.
\v 2 Abrahamu apiye oumo eisehemu yakumi kila hantu hali afyolele itawa lyakwe "Ou Melkizedeki" eimaana yakwe" oumweinei ouweilyoli" nantele “mweinei ouwa Salemu" yalimwene ouweiteinganu."
\v 3 Sagali nou yise, sagali noumaye, sagali napafi, sali wahwande ouwisiku wala ouwamaleizye oukhalo gwakwe. Badala yakwe asagala dimi weiwila, nashi oumwana wa Ngouloubhei.
\p
\v 4 Etshi seibheileile oumuntu ounou sahali gosi. Oupafi weetu ou Abrahamu apiiye eivintu vyakumi eivinza vyaheijile hwiibho.
\v 5 Lyoli, eishikholo sha Bhalawi bhabhaposheye, eihofeisi eizya dimi bhali nei ndajizyo afume hushelia abhonganye eimo hukumi afume hwabhantu abha hu Izraeli amwabho, peeka aje abhene nantele. Nantele shikholo afume hwa Abrahamu.
\v 6 Lelo Oumelkizedeki, yasigali neishikholo shabho, afume wa Bhalawi, apousheye eimo eiyakumi afume hwa Abrahamu nawasaya oumwene yali nou lusoubheizyo.
\v 7 Eipo sepakhanwa aje oumuntu oudoodo asayiwa nou gosi.
\v 8 Hwijambo eili oumuntu aposhela eimo hukumi abhafwe isiku limo, lelo hwijambo eilya mwabho oumo yaposheye eimo eiya kumi, hwa Abrahamu yayangwa seikhala.
\v 9 Eishi na yanje, ou Lawi yaposheye eimo eiya kumi nantele asoumbile, eimo yakumi hwa Abrahamu,
\v 10 afwatanaje ou Lawi ahali musana gwa yise wakwe, ou Abrahamu eisala Melkizedeki nakhomeine nou Abramu.
\p
\v 11 Eishi nkashe ougoulousu gwaweizeiheine ashilile wakuhani bha Lawi, (pansi yakwe abhantu bhaposhela eindajizyo), hwali ahwanzeshi sana hwakuhani ouweinje abhoushe yali shifwani sha Melkizedeki, sio akwiziwe apanjilile wa Haruni?
\v 12 Eishi ouwudimi kashile wugaluhane, sepalini lazima eindajizyo yape agaluhane.
\v 13 Gamo mambo eiga gayangwilwe gagali makabeila aganje, afume mwamwene noumo yaloungwilwe pashiputo.
\v 14 Eishi piguule aje Ougosi weetu afumile hu Yuda, eilyaje ouMusa saga aliyanjile ahusu adimi.
\v 15 Eiga gatiyanga maazi hasa nkashele oudimi ouwenje abhabhoneshe yaleingeine nashi Melkizedeki.
\v 16 Oudimi ounou oupya sagali oumo yali dimi widala eilyei ndajizyo zyazihusiana nei shikholo shamuntu, lelo humsingi ouwekhone yeikhalo gashelesegawezizye ananjishe.
\v 17 Eisho einsimbo ziloumbeileila ayanje oumwene: “Awe oulidimi wiila nashi eishifwani sha Melkizedeki.”
\p
\v 18 Peipo eindajizyo yeiyatanguliye yabheihweilwe pansheinje afwatanaje ali bhinu sigayahanziwaga.
\v 19 Eisho eindajizyo sagaehabhombile lya lyonti eishi goulousu. Peipo hwali oudandamazu ouwinza eishi tihuzubhilila Oungouloubhei.
\p
\v 20 Na oudandamazu ouwu ougwinza segwabhoneshe bila guyanje, eindaapo, hweili adimi abhinji sagabhalapile eindaapo shashonti.
\v 21 Lelo Oungouloubhei aheijile eindaapo nayangaga ahusu ouYesu, “Ougosi alapile sagaabadilisizye einseibho zyakwe.’ Awe dimi hani
\p
\v 22 Nantele ouYesu ayeinzeile aje abhe zamana yei lagano ilinza.
\p
\v 23 Lyoli, einfwa eiziiga adimi aje bhaganje dime wiila. Eili afwatanaje bhali haale adimi abhiinji ahwande oumo nantele ouwamwabho.
\v 24 Lelo ouYesu akhala wiila, ouwudimi wakwe seiwugaluhana.
\v 25 Nantele oumwene awezya hugoulousu amalezezye abhaule bhabhahukalibila Oungouloubhei ashilile hwamwene, afwatane oumwene akhala hani nalipuute hwabhene.
\p
\v 26 Eisho oudimi ougosi ouweshi ahwanziwa huliti yasagali neimbibhi, sagali neinongwa zelu ayepile hu mbibhi, alimwanya ashile eimwanya.
\v 27 Oumwene yali nagahwanze nashi adimi agosi, afumye eidhabihu einsiku zyonti kwanza humbibhi zyakwe youyo.
\v 28 Hundajizyo bhabhehwa abhantu bhabhali bha bhinu abhe bha dimi agosi lelo izwi eilye shilapo, lyalyaheinzeile seiseile eindajizo, asaluye ou Mwana, yabhewelwe mwaamu ouwawiila.
\c 8
\cl Ulyango 8
\p
\v 1 Eishi nongwa zyatiyanga zya zyeizi: tilinawo oudimi ougosi yakheye pansi hukhono ouleilo wi-itengo eilyei einzi amwanya.
\v 2 Oumwene dimi hufinjile, eimputilo eiyei lyoli lyalibhesheile ougosi, siga muntu wawonti yafwa.
\p
\v 3 Shila dimi ogosi abhehwa afumye eimpeisya nei dhabihu; kwa hiyo shinza abhe na hantu aha fumye.
\v 4 Eishi nkashele ou Kristi alipamwanya yeinsi, oumwene anda sagali dimi weisho. Afataneje bhahali tayali bhaala bhabhafumizye, eivipawa aleingane neindapizyo.
\v 5 Bhabhombile ahantu hahasageiye vintu eivyamwanya, sawa nashi ou Musa nakhajilwaga nou Ngouloubhei. “Lula,” Oungouloubhei ayanjile, “shila hantu aleingane neishilenga nyizyo shouhalangwilwe pamwanya pigamba.”
\v 6 Lelo eishi ou Kristi apousheiye eimbombo einyinza tee afatanaje oumwene nantele yaleinganya ilagano ilinza, lyalilenganyiziwe hunsoubhezyo einyinza.
\p
\v 7 Eishi nkashele oulagano oulwa hwande ligali seilyali namakosa handa seitali nei haja ahwanze ilagano eilya bheilei.
\v 8 Afwatanaje Ou Ngouloubhei nawagamanya amakosa agabhantu ayanjile, “Einya, einsiku zihweinza ayanga ou Gosi, ‘eisalai eimbaleinganye ilagano ipya pandwemo nei nyumba ya Israeli, nei nyumba iya Yuda.
\q
\v 9 Saga libhabhe nashi ilagano lyalyabhombeshe pandemo na baba bhabho isiku neinabhejile humakhono abhalongozye afume hunsi yei Misri. Afataneje seibhahendeileye hwilagano lyanei, nanei seinabhasajiye nantele ayanga ou Gosi.
\q
\v 10 Afwateje eili lilagano eimbalibhombe hunyumba eiya Israeli hunsiku eizi,’ ayanga Ougosi. ‘Eimbabhshe eindajizyo zyanei hunseibho zyabho, eimbasimbe humoyo gabho eimbabhe Ngouloubhei wabho, bhope bhayibha bhantu bhanei.
\q
\v 11 Seibhayimanyizanya shila muntu nuo jilani wakwe, na kila muntu nou holo wakwe, nkayanjile, “Mumanyaje aje you Gosi, “bhonti bhayimanya anei ahwande oumwana hadi ougousi wabho.
\q
\v 12 Eipo nayibhabhonesya einkombou hujendo yabho yeisigali ne lyoli, na siganayihwizuha eimbibhi zyabho nantele.”
\p
\v 13 Seinayanga “eimpya,” abhombile ilagano eilyahwande abhe ligosi ligosi. Na eilyo lyalitangazizye abheli gosi ligosi lisageiye hashe asogole.
\c 9
\cl Ulyango 9
\p
\v 1 Eshi hata epatano ilya whande lyali ni sehemu iyaputile epa pansi ni taratibu zya pute.
\v 2 Huje mushibhanza mwali nikasi yebhoshewelwe, ikasi ya honze, pakwiziwilwe ni khozyo litala, imeza na mabumunda gilolesyo.
\v 3 Nawhisinda whali i pazia ilyabhele wali nikasi iyamwawo, pakiziwilwe mahali apinza hani.
\v 4 Paleho nipishi puto yiwe lihela papulizizye uuvumba. Pia lyaleho ipogoso limapatano, ambalo lyazengilwe whiwe lihela tou. Muhati yakwe mwali ni bakuli liwe lihela li nashi, ndesa ya Haruni yayamelile amatondo, na zila imbawa zi mawe zimapatano.
\v 5 Humwanya yipogoso limapatano mawumbo gimaserafi giutuntumu wagabiha amapiho gawo whilongolela yitengo lwako ndanye, ambalyo whusalezi hatuwezi ahuliyanjile shamukasi.
\p
\v 6 Baada yi vintu evi amalishe ahandaliwe, abhadimi huwa bhawhinjila hukasi shahonze cha hushibhanza afumwe ihuduma zyawo.
\v 7 Nbhe udimi ugosi awhinjila whela ikasi ya bhele yipekee mala yeka kila mwaha bila aleshe afumye usailo kwaajili iyakwe binafasi, nahumbibhi zya bhantu zyabhawombile zyabila amanye.
\v 8 Upepo Ufinjile asimisizya aje, idala limahali pigolosu zaidi bado saikwikwiliwilwe whela ishi bhanza shahumwanzo bado liwhemelela.
\v 9 Eli shifwani cha lubhazyo olu lwisalezi zyonti impesya ninsailo ambavyo zyabhafumya husalezi sagaziwezya amalezye idhamili waputa.
\v 10 Vyale ni vimwelo vyene vikhatene katika inamna yiutaratibu zinsayo yahujozye vyali vyandaliwilwe paka iyenze iamri impya ibhabhewele pamahali pakwe.
\p
\v 11 U Kristi ahenzele hansi udimi ugosi wimambo aminza gagenzele. Ashilile ugosi na ugolosu wishibhanza igosi lisaga lyawombilwe ni nyobhe zya bhantu, yasa yense ene yayaumbwilwe.
\v 12 Yali saga whidanda limbuzi ni gwata, ila whidanda lyakwe yoyo kuwa uKristi ahinjiye mahali agolosu zaidi ya mara heka whaweka na hutisimizye uwaule wetu wa wila.
\v 13 Hansi whidanda limbuzi namafahari na sanyantilwe whimalota gingwata zyagazilinyinza zyabheshewelwe wha Ngolobhe na bheshe ambelegawo abhe minza,
\v 14 Saga zaidi hani idanda lya Kristi ashilile whapepo wiwila wajifumizye mwene bila mbibhi wha Ngolobhe, ahozye amoyo getu afume imbombo zifwe ahutumishile Ungolobhe walimomi?
\p
\v 15 Whimaana ene, Kristi yumu jumbe wipatano ipya. Ene ndiyo sababu ufwe wubhaleshile wene wonti bhabhali bhipatano lya humwanzo afume muhatia yimbibhi zyawo, ili wonti bhabhakwiziwilwa no Ngolobhe bhawezye aposhele insobhezyo zyatabhale bhewo wiwila.
\v 16 Ishi nkahuli ipatano lilidumu, lazima lihakikiswe hufwe whamuntu ola waliwombile.
\v 17 Huje ipatano libha nengovo huma hali whahufumila ufwe, hujinsi eyo hamuna engovo wakati umwene waligombile aleho.
\v 18 Nesho saga lila ipatano lyawhande lyaleho bilabheshe idanda.
\v 19 Uwakati uMusa lyafunyaga kila ndajizyo zishelia whabhantu wonti, ahejile idanda ling'ombe ni mbuzi, pamo na menze, shitambala ishi sha mamu, na sabuni, na sanyantiwe ingili lyilyo na bhantu wonti.
\v 20 Neshi ayanga, “Ene danda yipatano ambayo Ongolobhe abhapiye isheriya humwenyu.”
\v 21 Katika ihali yeyela abanyantiye idanda humwanya yishibhanza ni vyombo vyonti vyavyatumishe whihuduma yiudimi.
\v 22 Nalengane nindajizyo, jilani kila shintu shisafishwa whidanda. Bila awhite idanda hamuna akhowoshelwe.
\p
\v 23 Whesho yali lazima aje maludiyo givintu vya humwanya vyevyo vyahanziwile ahozewe ni nsalio yiliyinza hani. Hata hivyo, vitu vya mbinguni vyenyewe vilipaswa kusafishwa kwa dhabihu iliyo bora zaidi.
\v 24 Huje Ukristi sagahinjiye pamahali apasafi hani papawombilwe ni nyobhe, yili maludiyo yihantu heho. Badala yakwe aihinjiye humwanya yeyo, pamahali ambapo isalezi ali whilongole yimaso ga Ngolobhe kwa ajili yetu.
\v 25 Sagaahinjiye hula kwajili yahujifumye nsayilo kwaajili yakwe wila wila, hansi shawomba udimi ugosi, wahinjila pamahali apasafi hani humwaha hadi humwaha pamoja ni danda lyawenje,
\v 26 nkesho eyo yalilyoli basi yalilazima hukwake ateseshe mara nyinji hani afume lwawhande wense. Eshi isalezi heka hadi humwisho wimaha gajikwinkuye awhuyefwe imbibhi hulusayo lyakwe yoyo.
\v 27 Hansi sheleho whamuntu afwe heka, na baada yelyo whuwhenza hulonge,
\v 28 shili shesho Kristi nape ambaye ehefwelewe mara heka ahuzyefwe imbibhi za bhinji, aifumila mara yabhele, saga whigusuli lya shughulishil; e imbibhi, ila huugombozi whabhala bhabhahugolela husubira.
\c 10
\cl Ulyango 10
\p
\v 1 Peipo eindajizyo nzounda yei mambo aminza gagahweinza, na sigagaala gagali lyoli. Eindajizyo siga eiweizizye ahukamilisye bhaala bhabhahukalibila Oungouloubhei hwidala lyei zabihu zizila zyabhadimi bhahendeleye afumye humwaha hadi oumwaha.
\v 2 Awe inamunaiyamwao insayilo eizyo sagazyaweizizye amalishe afumwe? Hweishi bhabhapuuta, nkabha hoozewa peeka, andi sabhali nouwutambuzi hani weimbibhi.
\v 3 Bali munsayilo muli oulokombosyo weimbibhi zyazyabhombilwe oumwaha nou mwaha.
\v 4 Afwatanaje zigiwezehana hwidanda limafahari nei mbuzi ahuzyefwe eimbibhi.
\p
\v 5 Amasaa ou kristi lwaheinzeile munsi, ayanjile sagamwanyonyilwe amafumizyo au insayilo, ibadala yakwe, mwahandayile amabeilei husababu yanei.
\q
\v 6 Sagamwali nouwinza hunsailo zyonti zyahangamizye au nsailo kwaajili yeimbibhi.
\q
\v 7 Tena nayanjile, “Einyi, einya eipa eingabhomba amalugano gaho, Ngouloubhei, nashi shayasimbilwe ahusu anei mwibhangili.”
\p
\v 8 Ayanjile nashi sheiyangwilwe eipo pamwanya: “Sagamwanyonyilwe insailo, mafumizyo, au isadaka ya hangamizye kwaajili yeimbibhi, wala sagawalolile ousongo muhati yakwe,” insailo zyazyali zifumwa alengane ni ndajizyo.
\v 9 Tena ayanjile, “Enya, eindi eipa abhombe amagano gaho.” Abheshele ansheinje amapangiliyo zyazyali zyahwande ili ahimalisye zila eizyabheilei.
\v 10 Katika amapangilio gabheilei, tibhehwelwe hwa Ngouloubhei humagano gakwe ashile hujefwe hubeilei gwa Yesu Kristi hunsiku zyonti.
\p
\v 11 Lyoli kila dimi ahweimeileila humbombo hunsiku na hunsiku, afumya einsayilo yeiyeila, yeili huvyouvyounti, sagayawezyaga ahwefwe eimbibhi.
\v 12 Lelo ou ou Kristi afumye eizabihu mala heka humbibhi wila yonti, akheye hunyobhe yeishilelo ya Ngouloubhei,
\v 13 agouleila hadi abhibhi bhakwe bhinjizwe pansi na bheshwe litengo kwajili yeimanama gakwe.
\v 14 Kwa kuwa idala lyafumye lyeka alikamilisizye wila bhala bhali bhatengwilwe nou Ngouloubhei.
\v 15 Na oumpeipo oufinjile wope asimisizya hulitei. Afwatanaje humwanzo ayanjile,
\q
\v 16 “Eili lipatano lyalyaibhomba peeka nabho baada yeinsiku eizyo; ayanga ou Gosi: naibheha eindajizyo zyanei muhati yeimoyo gabho, naisimba munjele zyabho.”
\p
\v 17 Tena ayanjile, “Sagaayizikomboha tena eimbibhi ni mbombo zyabho zyazifwiye.”
\p
\v 18 Eishi apantu papali napakhobhoshele hwebho, neimo tena insailo yoyonti kwaajili yeimbibhi.
\p
\v 19 Hweisho, bhaholo, tilinao oudandamazu wahinjiye mahali apagoulousu hani hwidanda lya Yesu.
\v 20 Eisho lidala lyaligushe kwaajili yetu hwidala lyeibeilei gwakwe, lipya nalyoumi lilishilila hwipazia.
\v 21 Afwatanaje tilinawo oudimi ougosi humwanya hunyumba ya Ngouloubhei,
\v 22 na tikalibisye humoyo gwilyoli katika ouwugolosu weilyoli weilweiteiho nkatabha namoyo gagasanyantiwilwe aminza afume mumbibhi mwidhamili nabhe na mabeilei ageitu gaga azilwe na meinzei amazelu.
\v 23 Eishi timeileile huu thabiti hu ouwungamo weidandamazu husoubheilo lyetu, bila yageushe afwatanaje Ungouloubhei atisobhezezye goulousu.
\v 24 Na tizidiji asebhe inamna yahutiye oumoyo kila weka asongwe eimbombo einyinza.
\v 25 Na tingaje aleshe atangane peka, nashi shabhabhomba abhaanje. Ibadala yakwe, tisobhezanyaje amoyo kila weka hani na hani, nashi samulola einsiku zyazihweinza sheishi.
\p
\v 26 Nkashe tabhombile sansoni abhombe eimbibhi baada yapousheile amanyizyo geilyoli, Nsayilo iyenje yeimbibhi sigisyala tena.
\v 27 Badala yakwe, lileho italajio lyene lyeilongwi yahogofwe, na oukhali weimoto gwagwahubhamalezya abhibhi bha Ngouloubhei.
\v 28 Wowonti wayikhanile eindajizyo ya Musa afwa bila wene hwitagalila lyei usumishizi wa keiti bhabheilei au bhatatu.
\v 29 Shipimo weilei shihani shateswe ousebha shishihufaa kila weka wazalauye oumwana wa Ngouloubhei, wowonti waibhombeye idanda yipatano nashi ahantu hasaga hali hasafi, idanda ambayo hweyo abhehwelwe lasimi hwa Ngouloubhei - wowonti walijile oumpepo oueimpyana?
\v 30 Afwatanaje timeinye weka wayanjile, “Ishilipizyo nailipa.” Na tena, “ougosi ayibhalonga bhantu bhakwe.”
\v 31 Lijambo lyatisye oumuntu agweile munyobhe zya Ngouloubhei walimwoumi!
\p
\v 32 Lelo ouyizushe einsiku zyazyashilile, namwabhesheiwe oukhozyo, nashi weilei mwawezizye ajimbilile gagabhabha amakhali.
\v 33 Mwali mubhesheilwe wazi kati amatoona yimatusi na mayeimba, na mwali bhashiliki pamo na bhaala bhabhashiliye amayeimba nashi eigo.
\v 34 Afwatanaje mwali noumoyo gwei eimpyana hwa abhaala bhabhapinyilwe, na mwahambililiye huluseishelo eisoumbo zyei ougaali weinyu, namumeinye huje amwei mweimwei mwahali nouwugaali ougwinza gwei wiila na wiila.
\v 35 Eishi muganje wutaaje ouwudandamazu wenyu, wawuuli nei mpesya eingosi.
\v 36 Afwatanaje muhwanza oujinvi, ili aje mupate aposhele gaala Oungouloubhei gasoubheizeizye, paala namwabhomba oulugano lwakwe.
\v 37 Afwatanaje baada yisala eindodo, weeka yahwenza, ahwenza lyoli wala sagayichelewa.
\q
\v 38 Ouweilyoili wanei ayikhala hu lweiteiho. Nkayiwela hwisinda, saganayisoungweizeiwa nawo.”
\p
\v 39 Lelo atei sagatili nashi bhaala bhabhaweila hwisinda huteeje. Ate tilibhebho ya bhala bhabhali noulweiteiho lwadime amoyo geitu.
\c 11
\cl Ulyango 11
\p
\v 1 Eishi oulweiteiho lyoli yalinayo oumuntu eisala yeihwanza ahantu hamo huwu dandamazu. Lyoli yahantu hasigahabhoneha.
\v 2 Nantele abhababu bhetu bhaheiteishei hu lweiteiho lwabho.
\v 3 Hu lweiteiho timeinye aje munsi bhabhombweilwe hundajizyo zya Ngouloubhei, aje hala hahabhoneha sagahahagombwilwe afume huvintu vyavibhoneha.
\p
\v 4 Gwahali hu lweiteiho lwa Habili ahafumizizye ou Ngolobhe isadaka einyinza hushile ou Kaini. Husababu eiyo ahasoumbweilwe aje alinou ouwugoulousu. Ou Ngouloubhei ahasoumbeile. Huje ahaletile izawadi, ou Habili ayanga hata nkafyiye.
\p
\v 5 Ou Henoko ahali nou lweiteiho aheigwilwe humwanya saga lolile oufye. “Sagabhoneshe, hunongwa huje, ou Ngouloubhei ahamwejile,” humwanya.
\v 6 Bila lweiteiho sagauwajie hugweizye ou Ngouloubhei, yabhala hwa Ngouloubhei ahwanziwa abhe nou lweiteiho aje ou Ngouloubhe. Akhala naje abhapela eimpeisya bhaala bhabhahulondozya.
\p
\v 7 Gwahali hulweiteiho aje ou Nuhu, ahasundilwe nou Ngouloubhei humambo gasaga gabhoneishe, einshinshi ya Ngouloubhe yagombile eipogoso yahumwaule ikhaya yakwe. Abhombile eisho alonjile munsi, ahabha gaali wei lyoli eiyo ihweinza ashilile oulweiteiho.
\p
\v 8 Gwahali lweiteiho aje ou Abrahimu, nakwiziwe aheiteishe abhale hula hwahuhwanziwa apoushele ougali. Ahasoungouye bila amanye aje abhala hwii.
\v 9 Gwahali lweiteiho akheye hunsi aje jenu. Ahakheye hu mahema peeka nou Isaka nou Yakobo, agaali abhamwabho bhei ndagano yeiyeile.
\v 10 Huje ahasobheye ahweje einsi bhapime na jenzi wakwe ou Ngouloubhei youyo.
\v 11 Gwahali lweiteiho aje Ibrahimu, nou Sala youyo bhahaposheiye i-ikhone lya abebe oulwanda lakini bhahali bhagogolo hani, bhabhombile ou Ngouloubhei aje goulousu. Abhasoubheizeizye oumwana weishilume.
\v 12 Huje afume hwamuntu ouyo weeka yakaribiye afye bhapapwa abhana bhasagabhabhaziwa. Bhahali bhiinji nashi inzota zya humwanya na nashi eimbeiyu musanga gwei einsoumbi.
\p
\v 13 Eibha bhonti bhahafyiye nou lweiteiho sagabhahaposheiye oulusoubheilo. Ila bhahalolile bhakalibisizye hwahutali bhaheiteishe aje bhahali bhajenu aje bhashila shila munsi yabho bheibho.
\v 14 Wala bhabhayanganga amambo nashi eigo abhashei bhahwanza einsi yabho bheibho.
\v 15 Lyoli, nkabhaseibhaga einsi ya bhafumile, einda bhali neinafasi ya wele, wangelikuwa na nafasi ya kurejea.
\v 16 Eishi sheili bhanyonywa einsi yilishinza ya humwanya. Eishi ou Ngouloubhei sagaalola einsoni akwiziwe Ngouloubhei wabho youyo agombile einsi hunongwa yabho.
\p
\v 17 Gwahali lweiteiho ou Abrahamu ahapata injelo, ahafumya ou Isaka. Oumwene ahapoushela oulusoubheilo huseshelo, ahafumizye oumwana wakwe weeka,
\v 18 yayouyo ahayangwile, “Afume hwa Isaka ishikholo shakwe anzakwiziwe.”
\v 19 Ou Ablaimu ahameinye aje ou Ngouloubhei ahali ni-ikhone ya huzyousye ou Isaka afume hunfwa, ahayanjile hukabila ya shitenda weilei ahapousheye.
\p
\v 20 Gwahali lweiteiho aje ou Isaka ahasaile ou Yakobo nou Esau ahusu amambo gagahwenza.
\p
\v 21 Gahali lweiteiho aje ouYakobo lwahali karibu afye ahasaile abhana bha Yusufu wekaweka. Ou Yakobo ahaputile ahategemee humwanya yei ndeisa yakwe.
\v 22 Gwahali lweiteiho aje ou Yusufu ouwakati wakwe wa malishe lwahakalibia ahayenje aje afume hwabhana bha Israeli hu Misri abhalajizya ahweje peeka amafupa gakwe.
\p
\v 23 Gwahali lweiteiho aje ou Musa, nawapapwa, afisiilwe amezi gatatu na apafi bhakwe hunongwa huje bhalolile aje mwana mweela oumwinza, na sigabhayinjile nei ndajizyo zya mweinei.
\v 24 Gwahali lweiteiho aje ou Musa lwahali muntu gosi ahakhanile akwiziwe mwana wa leindu wa Farao.
\v 25 Pamande ahasaluye abhe na malabha peeka na bhantu bha Ngouloubhei ashile asoungwe eimbibhi zyeimwaha.
\v 26 Ahaseibheile einsoni ya hufuate ou Klisti aje utajili ougosi kuliko oulweiteiho lya Misri ahakazile amaso ahwenye eimpesya hunsiku zyeizihweinza.
\v 27 Yahali lweiteiho aje ou Musa aheipile hu Misri. Saga ahogope ilyoyo lya mweinei, huje ajiimbile hugeinye gasigagabhoneha.
\v 28 Gwahali lweiteiho aje aikhete ipasaka na atonyelezye idada, aje oubhibhi yananganya abhapapwe yabhahwande aganjebhe weihilume apotwe abhakhante, abha Israeli.
\p
\v 29 Yahali hu lweiteiho aje bhashilile pahati yei einsoumbi ya shamu nashi papoumeile. Abha Misri nabhaleingaga ashile, bhamililwe.
\p
\v 30 Yahali lweeteiho aje oulubhoumba wa Yeriko wagwiye pansi, bhazyoungoulile einsiku saba.
\p
\v 31 Yahali lweiteiho aje ou Rahabu oula oumalaya saga ahangamie peeka na bhaala bhasaga bhahali bhagoulousu, hunongwa ya huje abhambliye bhaala abheinyelezi na bhabheshe shinza.
\p
\v 32 EInjanje yeenu hani? Amasala sanga gaNkwela ayanje Ou Gidioni, Ou Barak, Ou Samsoni, Ou Yeftha, Ou Daudi, ou Samweli na abhakuwe,
\v 33 aje ashilile oulweiteiho bhazimenile ouwumweinei bhabhombile eilyoli na bhaposheye oulousoubhelo, bhazijile amalomu geihanu,
\v 34 bhazimile i-ikhone lyei mwoto bhapounjele ouwoji wipanga bhapona afume hu mpoungo, bhali bhadandamazu hwibho na bhabheinje alougou abhajenu bhasheimbeiye.
\v 35 Abhashe bhapousheiye abhafye bhabho hwidala lya afufuliwe. Abhamo bhahalawile, saga bhaheiteishe aleshwe shinza aje bhawaje ouzyousyo ouwinza hani.
\v 36 Abhamo bhahalawile, bhasoshele, bhashetwilwe, nantele bhapinywilwe mwijela.
\v 37 Bhakhomwilwe na mawe. Bhabholilwe. Mentu mentu. Bhabudilwe nou panga. Bhajendanga namakwembe geingole na makwembe gei mbuzi eibho bhahazanga, bhawalanga shabhavyaleye bhabhombelwanga amabhibhi
\v 38 (eibho munsi sagabhahazwanga abhe nabho), bhazyoungoulaga zyoungoulanga mwihombe, mwigamba, magwenya, mumaleindei ga munsi.
\p
\v 39 Lelo abhantu bhonti abha Ngouloubhei abheiteishe bhahali noulweiteiho, sagabhahaposheye eindangano.
\v 40 Ou Ngouloubhei ahalongeye hutupele ahantu ahiza, aje bila atei sangawawajie amaleizye.
\c 12
\cl Ulyango 12
\p
\v 1 EIshi, peipo tizyuogouleilwe ni bheingo igosi eilya keti titaje kila hantu heihatilemezya nei mbibhi zyezitizyungura nanali tisheimbeile husaburi humashindano gegabheisheilwe hwitagalila lyeitu.
\v 2 Timeinye ou Yesu yahandisizye na amalizye oulweiteiho lweitu, huwinza wewubhi hwilwe hwitagalila lyakwe, ahajimbile munshikhobhekhanyo ahazisufizye einsoni zyakwe ahakhiye hunkono ougweleilo, pitengo eilya pamwanya eilya Ngouloubhei.
\p
\v 3 Museibhanje oumwene yahajimbile einongwa eizyavisye afume hubhabhomba imbibhi ashile oumwene aje msahalite nafwe amoyo geinyu.
\v 4 Semuyeimbeile awe alaabhe namushindana nei mbibhi kiasi shahweiteishe idanda.
\v 5 Nantele mweiweilwe hula ajijiziwa oumwoyo hwahubhatwala nashi abhana asahala: “Mwana wanei ousaheje hupoupousu amagalushilo ga Gosi, wala ousaholowe lwouleinganyiziwa nou mwene.
\q
\v 6 Peipo ougosi ahuwelela wowonti yaganile ahunsovya oumwana wakwe yahumposhela.
\p
\v 7 Jimba einjelo nashe awelelwe ou Ngulubhi abhomba namwe nashi shabhomba na bhana bhakwe, eishi mwana walihu ouyise wakwe saga ahuwelela?
\v 8 Nkashe nahumo ouhwawelwe hwe atei tenti tiwelwa basi amwe saga mulibhana bhakwe.
\v 9 Hu gounti, tali na yise bheitu abha munsi abhatiwelele, na tabhapiye einshinshi. Je sihwanziwa atei humweiteishe ou Gosi weishimpeipo na akhale?
\v 10 Huhakika ayise bheitu bhatishetile humaha madodo nashi sheilolesya hwabhene sheshisho, lelo ou Ngouloubhei atisheta hufaida yakwe nka tibhe bhagolosu.
\v 11 Nahumo ashetwe hwehuleta ashe. Huwakati ouwo abhe. Hubhabha. Hata shinisho agigolosu hubhala bhebhamanyizizye nago.
\p
\v 12 Eishi mubhusye amakhono geinyu geiga yeitile, na mafugamo geinyu gesagali ni-ikhone gabhe ni-ikhone habheilei;
\v 13 mugolosye einjendo zyinyayo zyeinyu, ili huje wowonti yali nou wulema salongozwe huteje abhe mwoumi.
\v 14 Mwanze outenganu na bhantu bhonti, nantele ougoulousu bila yeisho noumo yayihulola ou Ngouloubhei.
\v 15 Mwenyelezyaje asahabhe oumuntu wowonti yahwepa mushibanza eisha Ngouloubhei, huje lisahinze ishina eilyei uchungu lyelibhamele na sababisye eishida hu bhantu abhinji huleshe ou Ngouloubhei.
\v 16 Mwenye huje nazimo izinaa au oumuntu yasegolosu nashi ou Esau, oumweinei unongwa yei shalye sheka akazizye ihaki yakwe eiyapapwe.
\v 17 Peipo mumeinye aje pamandei ahanyonywa agale einsayo ahakhanwa, peipo saga ahapite einafasi eiya khomoshe peka nouyise wakwe, japo ahanzile tee humansozi.
\p
\v 18 Peipo semwameinye igamba lyelinga khatwa, Igamba lyelihwaha oumwoto, ahasi, alete azilamwe anvurungwei.
\v 19 Semwameinye hwizwi lyei ndudwe lisababisya bhebhahwonvwa bhasahalabhe izwi lyolyonti ayangwe hwa bhene.
\v 20 Peipo sigabhajiimbile zila zyezyahamuliwe: “Huje hata munyama asahakhate igamba lazima akhomwe na mawe.”
\v 21 Gaga hwogofya hani gagalolile ou Musa ahajile, “Inogope hani mpaka na yinje.”
\v 22 Badala yakwe mweinzeile mwigamba lyei Sayuni na mukhaya ya Ngouloubhei yalimwoumi, ei Yerusalemu eiya humwanya na hwa bhantumi elfu kumi bheibhaseisheilela.
\v 23 Mweinzeile mwibhunganyo eilya bhapapwe abhahwande bhonti bhebhandihwe humwanya hwa Ngouloubhei oulonzi wa bhonti, nou oumpeipo oumfinjile bhasimishiziwe.
\v 24 Mweinzeile hwa Yesu oukhomanyi wilagano ipya na hwidanda lyalitilizizye geigayanga aminza hani kuliko idanda lya Habili.
\p
\v 25 Ouyenyaje usahakhane weeka ya yanga. Nkushe sagabha hepushe lwebhahankhana weka ya bhasundile pansi eipa lyoli seitaiyiepuha nketigulana apatali afume hwula yahutusoha afume humwanya.
\v 26 Hu wakati ouwo izwi lyake lyayinzizye einsi. Lelo oumwene atipiye habheilei simbayizye neinsi nyeene hata eimwanya yope.”
\v 27 Amazwi eiga, “peeka tee,” galolesya ahwefwe hu vintu vyeviyinzwa visyale, eivi, vintu viila vyavibhoumbeilwe, huje viila eivintu vyasiga viyinzwa visagale.
\v 28 Eishi tiposhele ouwumweinei gwesaga guyizwa tishanje hwi mpute ou NgOulOubhEi hwa humitishe peka na hwoshe hwisho,
\v 29 maana ou Ngouloubhei weitu mwoto gwegulya.
\c 13
\cl Ulyango 13
\p
\v 1 Jendelelaji aganane mweimwei hu mweimwei nashi isho sheihwanziwa hwabhooziwa.
\v 2 Nantele jendelelaji hubhambile abhajenu munyumba zyenyu, peipo hi-idala eilya bhombe eisho, abhantu bhamo bhabhambeileiye abhantumi bha Ngouloubhei sinta amanye.
\v 3 Oukoimboshe bhounti, bhabhali mwijela, huje mwahali mweinti nabho, na nkashele amabeilei genyu gabhombilwe nashi abhene.
\p
\v 4 Ouweije ouwanziwa atiniwe na bhantu bhonti, na eishitala shei weeji shibhe shinza maana ou Ngouloubhei ahayibhalonga abhegu na malaya.
\v 5 Kwa hiyo amadala geinyu agamaisha gabho matenganu hulugano lwei mpeya. Mubhe muuya nei vintu vyemulinavyo, maana ou Ngouloubhei youyo ayanjile,
\v 6 “Seinayibhaleha amwei nkalumo, hata abhataje amwei.” Lelo tiyaanje nkatiyangage hudandamazu, “ougosi yanavwa; Simbahwogope. Oumuntu abhambombeishi?”
\p
\v 7 Mubhasimbilile bhebhabhalongozizye bhaala bhebhayanjile izwi lya Ngouloubhei hulimwei, mwizushe amatokeo gei njendo zyabho fuatizyaji oulweiteiho lwabho.
\v 8 Ou Yesu Kristi youyo igamo na sanyounou lelo na wiila.
\v 9 Ousalongozwe ni manyizyo eizye shijeni maana shinza aje oumoyo guzengwe humpyana, na siyo hundajizyo ahusu eishalye eigo gabhavwa bhaala bhebhakhala hweigo.
\p
\v 10 Tiili nei shibhanzashiila shabhabhomba bhabhali muhati yakwe sigabhali ne i lyoli ya yalye.
\v 11 Peipo idanda lyei hanu lyelyafumiziwe dhabihu hunongwa yei mbibhi yaletilwe nou wumputi ougosi muhati mwemuzelupe lelo amabeilei gabho gahapembilwe apatali ni kambi.
\v 12 Lelo ou Yesu wope ahapeite amayeimba panzei yei lwiji oulwi nyumba huje abhihwe shinza hubhantu bha Ngouloubhi ashilile idanda lyakwe.
\p
\v 13 Eishi sali humwene hwounzei yei kambei, tizibhusye einsoni zyakwe.
\v 14 Eishi seitili nou khalo gwei wiila munsi oumu. Eishi tanze oukhalo gweguhweinza.
\p
\v 15 Ashilile hwa Yesu muhwanziwa mara kwa mara ayifumye einkoumbo huloumbeileile ou Ngouloubhei huloumbe aje itunda lyei malomu geitu liyanje itawa lyakwe.
\p
\v 16 Na ousaheiwe abhombe aminza na hwavwanwe mweimwei na mweimwei, hwahuje einkoumbou nashi eiyo Ngouloubhei akhondezwa sana.
\p
\v 17 Mweiteishe na ahwiyisye hwalongozi bhenyu, peipo bhahwendelela hubhadime kwaajili yei moyo geinyu, nashi bhaala bhebhafumya ili huje bhabha dime huwinza siyo hunseiubho zyei seibhavwa.
\p
\v 18 Mtiputile, tili neilyoli huje, tilineisebho nyinza, tisoungwa akhale neinshinshi humamb gounti.
\v 19 Mwenti eimbapela oumwoyo hani mbombe eishi, ili huje muwele humweinyu sheishi.
\p
\v 20 Eishi ou Ngouloubhei ouweiteinganu, yahabhaletile tena afume hwa bhafwe oudimi ougosi ouwingole, ougosi weetu ouYesu hwi danda lyei ndagano eizya wila,
\v 21 Ayibhapela i-khone hu kila lijambo ilinza abhombe oulugano lwakwe nkabhombaeimbombo einyinza muhati yeetu yikhondela pamaso gakwe ashilile hwa Yesu Kristi, hwa mweinei tuntumu wiila na wiila. Amina.
\p
\v 22 Eishi eihupela oumwoyo, holo, ahwigane ni zwi ilyapele oumoyo lyelyasimbilwe huduli hulimwe.
\p
\v 23 Mumanye huje ouholo weetu ou Timotheo ayigulilwe peeka nou mwene nayibhala nayibhalola nkayiyeinza shinishi.
\p
\v 24 Oubhalamushe alongozi bhaho bhonti na bhashirika bhonti bhala bhebhafuma hu Italia bhahulamuha.
\p
\v 25 Eimpyana eibhe namwei mweinti.