sbk_reg/43-LUK.usfm

\id LUK
\ide UTF-8
\h Luka
\toc1 Luka
\toc2 Luka
\toc3 luk
\mt Luka
\c 1
\cl Ulyango 1
\p
\v 1 Afwanaje abhantu abhinji bhabheshela amakhono aseibhe eishe tukalibu ouwe nongwa neilwe mombia gula gagu timiziwe pahati yetu,
\v 2 Neshe bhala shubhatihudithiga bhala bhabhahali bhashahidi bhagalolaga. Na bhula atumishi abhalila izu eilyufume ahwande.
\v 3 Eindolile shinza anei nanei, afwanaje eihwiyanzie oulwilyoli amambo eiga gonti afume huwandilo husimbire hupanjililo Theafilo huwutuntumu.
\v 4 Oupate amanye eilyoli amambo gala gohasambeileizeiwe.
\p
\v 5 Oumwaha gwa Herode, oumweinei ouwa Yudea, palino kohani oumo itawa lyakwe Zakaria, ouwa tandilane nou Abya. Noushei wakwe bhulibhabhebho ya Haruni, itawa lyakwe Elizabeti.
\v 6 Na hwonti bhabheilei bhali bhelyoli hwitagalila eilya NGOLOBHE; bhahendeleye nei ndajizyo zyonti eizya gosi nei ndajizyo zyakwe bila eiyaune.
\v 7 Bhape seibhali nou mwana eishi Elizabethi ali gomba, na bhonti bhabhule bhali bhagogolo tee.
\p
\v 8 Basi nashi nabhombaga eimbombo eiyei oukuhani ouwa taratibu ouwa tandilane hwakwe hwitagalila eilyu NGOULOUBHEI.
\v 9 Neshe shashahali ekawaida yao eiye ou kuhani, eikora ehangweleye ahwinjile mshibhanza esha gosi ili kufukizo uvumba.
\v 10 Na mabungano gonti eiga bhantu bhali puta hwonze esaa ya kufukiza uvumba.
\v 11 Wafumilya nou ntumi ouwa gosi ayemeleye upani uwendelo paluputo ya kufukiza.
\v 12 Zakaria nawalola adhugumiye ouwoga wamwinjiye.
\v 13 Lelo oula ountumi wabhoula ouganje, “Awogope Zakaria, eshi apute hwaohwo vwehwe. Na oushe waho ouzabeth aihupapila umwana. Oulume na itawa lyakwe wayihumweita Yohana.
\v 14 Nawe wabha nolunzongwo na shangwe nabhantu abhinji bhayihusongwa apapwa hwakwe.
\v 15 Kwasababu ayibha gosi hwitagalile gosi sagayimwela idivai wala akholwe wape aimemezewe.
\v 16 Upepo umwololo hata afume mvyanda mwanyi wakwa Na abhini abha Israeli aibhaweziye hwa gosi UNGOLOBHE wao.
\v 17 Wapa aitangulila hwitalilo lyakwe ne roho ye hwa Eliya. Enguvu zwakwe ili agagalusye amoyo gabhuise igabhalile abhana, na abhabheshela bhabhatejile enjele ezye bhelyoli na hubheshele ugosi tayali abhantu bhabhalenganyinziwe.”
\p
\v 18 Zakaria abholele malaika, “Naimayawele izu ulyo eshi endigogolo na ushe wane gogolo wensiku nyinji.”
\p
\v 19 Umalaika wagalula wabhozya, “Ane ne Gabrieli, nenemeleye, hwitagalalilo lya NGOLOBHE. Nane entunuwilye anjanje nawe, na hubhole lenongwa ezi enyinza.
\v 20 Na nyenye, ubhabhe bubu, sobhayanje, mpaka isiku lila nayayibhombeha. Ego kwasababu sewahovwezye enongwa zyane gape gayitimila huwakati wakwe.”
\p
\v 21 Nabhala abhantu bhalibhahugolela uZakaria. Bhaswiga akhalilihwakwe mla mshibhanza.
\v 22 Nawafuma alisagawezya, ayanje nao bhamenye aje. Alolile amaono mhati mshibhanza. Wape ahendeleye abhalolesya akhale abhebubu.
\p
\v 23 Zyabha ensiku ezye utumishi wakwe nuzyafiha abhalile akhaya yakwe.
\p
\v 24 Huta ensiku zila ushe wakwe ulizabethi apate evyanda wabha na amezi gasanu. Nawayanga,
\v 25 “Eshi shambombeye UGOSI ensiku zila zyanenyizya esoni yane hwitagalilo elyabhantu.”
\p
\v 26 Umwezi uwa tanda umalaika uGabrieli asontezywe no NGOLOBHE abhalile mpaka mji wa hu Galilaya, itawa lyakwe Nazareti,
\v 27 Hwa rendu ubikira ya pabhiliwa no muntu itawa lyakwe Yusufu. Wa hutali hwa Daudi, na itawa lyakwe ubikira uyo yu Mariamu.
\v 28 Ahinjila munyumba yakwe wayanga, “Mwagona, upewewe eneema! No GOSI alipandwemo nawe.”
\v 29 Wapa ashelile tee afwatana nenongwazyakwe. Asebha humwoyo endamuho ene yeshe.
\v 30 Umalaika abhola, “Ugaje hogope, Mariamu, afwanaje upate eneema afume hwa NGOLOBHE.
\v 31 Enya ubhahweje, uyanda na pape umewna ulume, na itawa lyakwe ubha hwumwete u ‘Yesu.’
\v 32 Oyo aibha GOSI abhahwetwe mwana yali humwanya uGOSI UNGOLOBHE alihupela itengo elye umwene u Daudi use wakwe.
\v 33 Abhaitawale ekhaya eya Yakobo wilawila na umwene wakwe sewayibha no umalisholo.
\p
\v 34 UMariamu wabhola umalaika, zibhabhe wele enongwa ezi, afwanaje semenye ulume?
\v 35 UMalaika wajibu wabhola, “Upepo Uselu abhahumwenzele pamwanya yaho, na engulu zyakwe yalipamwanya zibhahu vwenwsye. Neshe izyongozi afwatanaje oyo yayipapwa ayibha zelu mwana wa NGOLOBHE.
\v 36 Antele, enye uholo waho Elizabeti wape apete ulyanda ulya mwana ulume.
\v 37 Afwatanaje nalimo izu lyasagaliwezehala hwa NGOLOBHE.”
\p
\v 38 UMariamu wayanga, “Waga, enye ane endi wembombo wa GOSI. Ebhehuline neshe shoyajele.” Antele umalaika wasogola wabhala hwamwahale.
\p
\v 39 Basi u Mariamu wasogola ensiku ezyo wabhola hata ensi ya humagamba nanali mpaka ensi emo ya hwa Yudea.
\v 40 Winjelo munyumba mwa Zekaria walamuha u Elizabeti.
\v 41 Yabha, Elizabeti nahwovwa hula alamushe kwakwe uMariamu, ahana ahela handa ahwanje mvyanda vyakwe, Elizabeti wamema opepo Uzelu.
\v 42 Wakhola hwizu elyemaha wanyaga usayilye, “Hwabhashe bhonti nawe empapwo yaho esaiwe.
\v 43 Unfumiye izu eli, hata omaye uwu GOSI wane anenzelene?
\v 44 Nenshe izu ilyalamusha gane ahana ahela hanga hasongwelwe mhati mvyanda vyane.
\v 45 Wape nafu yayovyezye neshe naga itimila gabholelwe no GOSI.”
\p
\v 46 Omariamu wayanga, omwoyo gwane gwamwenye ONGOLOBHE,
\q
\v 47 Roho yane esongwezye ONGOLOBHE yanauye ane.
\q
\v 48 Afwanaje agwenyizye unyonge uwe mbombo wakwe. Eshe, enyaga ahwandileshi evikholo vyonti vyayikwizya osayilwe.
\q
\v 49 Afwatanaje owemaha ambombeye amagasi, lyape itawalyakwa lizelu.
\q
\v 50 ERehema zyakwe zidela evikholo ne vikholo hwebho bhahahuputa.
\q
\v 51 Abhombile amaha uhukhono gwakwe; abhanyampenye abhemashento afume masebho ezye moyo gabho.
\q
\v 52 Abhagwisizye agosi mmatengo gabho ageshimwene na nyonge abhabhosezye.
\q
\v 53 Abhenzala abhakutizizye aminza, bhape abhemali abhefwizye makhono wene.
\q
\v 54 Amwavwizye u Israeli uwembombo wakwa ili ahwizushe rehema zyakwe.
\v 55 (Neshe shubhabhozezye ababa bhetu) Ibrahimu empapwo yakwe mpaka welawila.”
\p
\v 56 UMariamu wakhala nawo mpaka amezi gatatu nantele wawela abheale akhayayakwe.
\p
\v 57 Zyabha ensiku ezya pape hwakwe u Elizabeti nazya timila, wapapa umwana lume.
\v 58 Bhahovwezye ajirani na mwabho bhakwe, aje GOSI amwonjezyezye erehema bhasongwa pandwemo nao.
\v 59 Lyabha isiku elya nane wakati wa kutahiri omwana. Bhahanza hupele itawa elyayise, “Zakaria,”
\v 60 Unyino wakwe wagalula wayanga, “Nkashele; seshasho basi ayibha yo Yohana.”
\v 61 Bhabhola sepali amuntu afume hwamwenyu bhaho akwiziwe itawa elya Yohana.
\v 62 Bhamwanya usewakwe sabhu hwmwete.
\v 63 Wanza ahabampa wasimba aje, “itawa lyakwe yo Yohana.” Bhaswijitie bhonti.
\v 64 Pepo na pepo ilomu lyakwe liguha numele lyakwe antele wanda ayaje. Nautelele ONGOLOBHE.
\v 65 Bhinjilwa nowoga bhonti bhali bhakheye pandwemo, na. Mambo ego gonti gatangazezwe ensi yonti yammagamba mgamba e Yudea.
\v 66 Na bhonti bhabhagovwezye bhagabheha humoyo gabho, bhayanga, “Umwana uno ayibha wefwane hwele?” Afwaneje ukhono ogwa GOSI gwali pandwemo no mwane.
\v 67 UZakaria uyise wamema opepo ozelu, wakuwawanyanga,
\q
\v 68 “Abhosewe OGSI, ONGOLOBHE wa Israeli, afwanaje abhenzeye abhantu bhakwe na bhaule.
\q
\v 69 Atemelesezye empeta eyataule afume mlyango ugwa Daudi, uwe mbombo wakwe.
\q
\v 70 Nenshe ayanjile afume huwandilo hwilumu elyakuwe akuwe bhakwe azelu.
\q
\v 71 Tisatulwe na bhibhi bhentu na mma khono gabho bhonti bhabhativitwa
\q
\v 72 Ili abhabhombele aminza ababa bhetu na hwizushe ipatano lyakwe izelu,
\q
\v 73 Ishilapo shalapiye Ibrahimu uyise wetu.
\q
\v 74 Afwanaje anzatavwilizya ate taushe nimakhono gabhibhi bhetu na humpute bila woga.
\q
\v 75 Nazelu nelyoli hwitagalilo lyakwe ensiku zyonti.
\p
\v 76 Nawe, womwana wahwetwa, ukuwe ukuwe wakwe yalimwanya, afwaneje awa wayitangulila hwita galila humaso ega GOSI ulenga nyizizye amadala gakwe,
\q
\v 77 Obhabhozye abhantu bhakwa usatule aje asajilwe embibhi zyabho.
\q
\v 78 Hwidala elye rehema lya NGOLOBHE wetu, afwatanaje hwezyo okhozyo lwalufumile amwanya lutifishiye,
\q
\v 79 Abhakhozye bhabhakhala hukisi hunzunda eyenfwa. Nagalongozwa unamana getu hwidala ilinza.”
\p
\v 80 Oula, mwana wakula wonjelela amaha roho wakhala humapoli hata hwisiku eilyei fumila hwakwe ou Israeli.
\c 2
\cl Ulyango  2
\p
\v 1 Einsiku zila eindajizyo zyafumile hwa Kaisari Agusto ya je eisimbwe  eiye matawa aga bhantu bhonti munsi.
\v 2 Eili yahali sensa ya hwande yayabhombeshe hu krenio nali liwali wa hushamu.
\v 3 Abhantu bhonti bhabhalile ahwinsimbisizye shila muntu amwao.
\v 4 Ou Yusufu wape asogoye hu galilaya afume hushijiji sha hu Nazareti azubhile abhale huu Yudea hadi humji ougwa Daudi, gukwiziwa Bethelehemu, afwatanaje umwahale wahutayari namwao abhahwa Daudi.
\v 5 Ili asimbwe pandwemo nou Mariamu, oushei wakwe bhapabhiliye wape ano lwanda.
\v 6 Shabha katika akhale ohwo ensiku zyakwe ezya pape zya fishile.
\v 7 Wapapa umwana wakwe uwahwande, wavwenesya amenda agubha na wagonia mwitori mwanzilela eng'ombe, afwanaje sebhapete enafsi munyumba ezya jenyi.
\p
\v 8 Na ensi yeyela, bhahali adimi bhakhalaga mwipoli na linde ikundi lwao bhatandilunaga nosiku.
\v 9 Umalaika wa GOSI abhafumiye, nanali uzelu wa GOSI wabhakhozizye epande zyonti, bhinjilwa nowoga ogosi.
\v 10 Umalaika abhabholele, “Mganje ahigope, afanaje ane embaletela enongwa enyinza eya she engosi yayayibho hwabantu wonti.
\v 11 Eshe sanyono mnsi eya Daudi! Apepwe kwa jili eyahulimwe uwataule wape yu Kristo GOSO!
\v 12 Na ene ndiyo ndago hwilimwe, mbhahu mwaje umwa umwela bhavwenesyezye amenda ageshiwela agonile mwitori mwelela eng'ombe.
\p
\v 13 Nantele bhahali pandwemo nayo omalaika abhinji ajeshi abhamwanya bhahutelela ONGOLOBHE, na ya je,
\q1
\v 14 “Ayemehwaje ONGOLOBHE amwanya, na pansi ehwe amani hwabhantu bhabhagalile.”
\p
\v 15 Shabha, omalaika ebho na bhasogola abhule hwabho amwanya bhala udimi bhabholene, “Eshe sali mpaka Bethlehemu, tilirole elwo lwali bhombeshe lyati bhonezyezye ONGOLOBHE.”
\v 16 Bhabhalile nanali, bhamwanjile oMariamu no Yusufu, nola umwana umwela agonile mwitori.
\v 17 Na walipomwona bhafumizye enongwa yabhabholelwe afwatone nomwana oyo.
\v 18 Wonti bhabhahovwezye bhaswijile hwago gabhobholelwe na dimi.
\v 19 Lelo o Mariamu wazibhaha humwoyo gwakwe.
\v 20 Bhala adimi bhawelile ohu bhahusomba ONGOLOBHE na hutelile humombo gonti gabhovwezye na galale eshe shabhabholelwe.
\p
\v 21 Hata nazyafishele ensiku nana ezya hutahiri ahetelwe tawa lwakwe Yesu, neshe nahetelwe no malaika sasele abhe lwanda.
\p
\v 22 Alafu nazyafishele ensiku hwabho, neshe sheri endogo ya anusa bhabhalile nao mpaka Yerusalemu bhabheshele OGOSI.
\v 23 Neshe nshesibwilwe mdogo ya GOSI, “Shila mwana ulume wali lwanda ulwahwanda hwanyinawakwe akwiziwaje Golosu wa GOSI.”
\v 24 Bhafumye sadaka neshe sheyajile katika endogo eya GOSI, “Enko nda bhabhele au makind abhenjebha bhabhele.”
\p
\v 25 Enya, pala payerusalemu palinomntu itawa lyakwe akwiziwaga Simoni. Umuntu ono alihwelyoli na humpute ONGOLOBHE. Umwahole agolaga ya zizya wa Israeli, na upepo uzelu ali pamwana yakwe.
\v 26 Yali imalishe abhoneshewe hwakwe ahilile hupepo uzelu aje umwahale saga ehenzaga afwe bila hulole Kristi wa GOSI.
\v 27 Isikulimo ahenzele mhatimwibhaiza alongozehwe no pepo uzelu. Ambapo ayise bhakwe bhaletile umwana oYesu hubhombele gala gagahanziwuga mkawaida eye ndogo,
\v 28 Eshi o Simioni aposheye mmakhono gakwe na hulimbe ONGOLOBHE na yanje,
\q1
\v 29 “Eshi nduhusu nemtumwa waho embale mshinza alengane nizu lyaho.
\q1
\v 30 Afwatanaje amaso gane gahalile uwaule waho,
\q1
\v 31 Afwanaje uonesha humaso gabhantu bhonti.
\q1
\v 32 Umwahale rukhozyo mataifa na bhe zelu wabhantu bhakwe Israeli.”
\p
\v 33 UYise nonyine wakwe bhali bhaswiga ego gagayangwilwe juu yakwe.
\v 34 OSimoni wabhasaila abhabhola Mariamu unyina wakwe, “Eye ono abhehwelwe wagwe na bhoshe abhinji bhabali kati Israeli na bhe mbonesyo zyazya yiyangwa.
\v 35 Nawe hwehwe imaje lwaijila humwoyo gwaho ilizibhoneshe esebho ezya moyo aga bhinji.”
\p
\v 36 Ahali ukuwa ushe itawa lyakwe Ana uledu wa Fanueli wa shikholo sha Asheri. Nu umri wakwe alina maha minji. Akheye nolume amaha saba baada eyelendu wakwe,
\v 37 Wape fwele owemaha amarongo nane na mahaganne. Sasogolo mwibhanza ila aputa usiku no sanya na funje na labhe.
\v 38 Oyo afumele sala yeyo asalifizye ONGOLOBHE. Na wonti bhali bhahwenyelezya eshahwaulwe katika Yerusalemu abhafumizyo enongwa zyakwe.
\p
\v 39 Basi nabhamala gonti gagalajiziwe aga mndongozi eya GOSi, bhahwelile hu Galilaya, mpaka iboma lwao, Nazareti.
\v 40 Ola umwana wakula, na hwonjele amahaa amemile enshinshi, na neema ya NGOLOBHE yali juu yakwe.
\p
\v 41 Basi ayise bhakwe bhabhala hu Yerusalemu shila mwaha uwakati uweshikurukuru ya Pasaka.
\v 42 Na fishiye umri wakwe amaha kumi na gabhle bhazubhile neshe sheli emila eye shikurukuru.
\v 43 Nabhamalila ensiku wakati uwahwele hwabhoola umwana uYesu asageye hwisaro ohwo hu Yerusalemu na bhayise bhakwe sebhalolene.
\v 44 Bhape bhamenyeje bhalipandwemo mshora, bhabhalile enjendo uwisiku lyonti bhanda humwanza mwa mwabho.
\v 45 Nu sebhamwanga bhahwelile hu Yerusalemu ohu bhahumwanza.
\v 46 Yabha na zyafiha ensiku zitatu, bhalola mwibhinza, akheye pahati ya manyizi, abhatejelezya nabhabhozye amaswali.
\v 47 Wape wonti bhabhamwovwaga bhanswijile uwelewa wakwe na amajibu gakwe.
\v 48 Na bhalolile, bhanswijile. Nonyina wakwe wabhola, “Mwana wane, mbone otibhombeye eshi? Enye, uyise waho nane talili humwanza uzugumie”
\v 49 Wabhabhola, “Yenu mnanza sagamwamenye aje ehwanziwa akhale munyumba eya yise wane?
\v 50 Unape sebhalyelewe izu elyo lyabha bhozezye.
\v 51 Hwiho pandwemo nabho mpaka hu Nazareti wape ali abeshimu, onyina agabheshele ego gonti humwoyo gwakwe.
\p
\v 52 Wape uYesu wazidi ahwonjelele katika hekima kimo, wapendezya ONGOLOBHE na bhantu.
\c 3
\cl Ulyango  3
\p
\v 1 Oumwaha, ougwa kumi na tano ouwalongozye hwakwe Kaisari Tiberia, Pantio Pilato nali liwali ouwayahudi, na Herode oumweinei ouwa Galilaya, nou Filipo ouholo wakwe oumwene ouwa Iturea neinsi eiya Trakoniti, na Lisania nou mwene ouwa Abilene,
\v 2 Wakati ouwa kohani ougosi ouwa anasi nou Kayafa, izu eilya NGOLOBHE lya fishiye ou Yohana oumwana ouwa Zakaria, mwipoli.
\v 3 Ashouleile hwiboma gonti azyoungole isooho eilya Yordani, aloumbeuleuye ouwooziwa ouwa lete ousajilwa oulwa hwefwe eimbibhi
\v 4 Neshe shahwasimbilwe chuo eshe mazu aga kuwe Isaya, “Izu ya mntu wali mwipoli, “Lilenganyi idala elya GOSI, gagalosyaji omwashile hwakwe.
\q1
\v 5 Entebha yonti yayimema nigamba nagamba hayisiwa, papatejile payibha pagoloshe papakwanyushe paile nganiha.
\q1
\v 6 Bhonti abhebele bhayihulo owaule owa Ngolebhe.”
\p
\v 7 Basi, abhabholele amabongano bhala bhabhaliye ili abhoziwe amwe mpapwo wenzoha wenu yabhasundile amwe ayinjile enkuni yehayenza?
\v 8 Basi fumyaje amadondo gagahwanziwa ulusajilo, wala mgajeahwanza ayanje mmoyo genyu, “Tilinawo udada uIbrahimu eshi embabhola yaje amawe ega, ONGOLOBHE abhajiye ahwubhosrzye uIbrahimu abhana.
\v 9 Neshi etwanga tayari ebhehwelwe pamashinshi age makwi. Basi, kila likwi lya sagalipapa amadondo aminza, lidumlwa nalitaje mmwoto.
\p
\v 10 Amabungano gabhozya, “Tikhozye wole eshi?”
\p
\v 11 Wabhajibu wabhabhozya, “Yali na magolola gabhele na apele yasaga aunigolola yali nevyalye wape abhombe eshoshesho.”
\p
\v 12 Bhabhasonjezya bhape bhenza ahwoziwe, bhabhozya, “Manyiziji, tubhombe yenu ate?
\p
\v 13 Wabhabhola, “Mgaje sonjezye ahantu zaidi ya hata hahapangwilwe.
\p
\v 14 Asikali bhape bhabhozya bhayanga, “ate nate tibhombe wele? Wabhabhole msafwele omntu wala msashitake ilenka antele myanje no mshahara gwenyu.”
\v 15 Basi, abhantu nabhali bhabhagola gaganzafumile, wonti bhasega sebhaga mmoyo gabho enongwa ezya Yohana nkashe umwene Kristi.
\v 16 UYohana wagalula wabhabhozya bhonti lyoli ane embozya namenze lelo ahwenza ohwemaha ashile ane sembwezizye ayengezye olwabho olye vilato vyakwe. Omwahale ayibhoziwa hupepo ozelu no mwoto.
\v 17 Afwanaje ubheto lwakwa lulimakho no wape ayozya tee mhati yakwe na bhonganye engano yakwe. Mshanga, antele amapetelo aigapemba mmwoto gwa sagaguzima.
\p
\v 18 Basi hurusundo hugamwabho aminji, abhalombeleye abhantu.
\v 19 Lelo omwene oHerode akhalipiwe nomwe kwajili ya Herode, ushe wa holo wakwe, namabhibhi gonti gabhombile o Herode.
\v 20 Ahonjezye eli neli afunjile oyohani mwijela.
\v 21 Bhabhantu wonti bhabhamaushe ahinziwe no Yesu wape ahoziwe wape alabhile emwanya zya higushe.
\v 22 Upepo uzelu ahishile pamwanya yakwe hufwano ongwebelebele, neshe enjebha izu lya fumile amwanya, “Awe wemwana wane wegene. Ensogwezewe nawe.”
\v 23 No Yesu yoyo nahandile amanyizye, ali apate umri wakwe neshe amaha salathini. Ategemelwa ajemwana wa Yusufu, wa Eli,
\v 24 Wo Mathati, walawi, wa MeIki, wayana wa Yusufu,
\v 25 Wa Matathia, wa Amosi, wa Nahumu, wa Esli, wa Nagai,
\v 26 Wa Maati, wa Matathia, wa Semeini, wa Yusufu, wa Yuda,
\v 27 Wa Yohana, wa Rese, wa Zerubabeli, wa SheaItieli, wa Neri,
\v 28 MeIki, wa Adi, wa Kosamu, wa Elmadamu, wa Eri,
\v 29 Wa Yoshua, wa Eliezeri, wa Yorimu, wa Matathi, wa Lawi,
\v 30 Wa Simioni, wa Yuda, wa Yusufu, wa Yonamu, wa Eliyakimu,
\v 31 Wa Melea, wa Mena, wa Matatha, wa nathani, wa Daudi,
\v 32 Wa Yese, wa Obedi, wa Boazi wa Salmoni, wa Nashoni,
\v 33 Wa Abinadabu, wa Aramu, wa Hesroni, wa Peresi, wa Yuda,
\v 34 Wa Yakobo, wa Isaka, wa Ibrahimu, wa Tera, wa Nahori,
\v 35 Wa Seruig, wa Ragau, wa Pelegi, wa Eberi, wa Sala,
\v 36 Wa Kenani, wa Arfaksadi, wa Shemu, wa Nuhu, wa Lameki,
\v 37 Wa Methusela, wa Henoko, wa Yaredi, wa Mahalalei, wa Kenani,
\v 38 Wa Enoshi, wa Sethi, wa Adamu, wa NGOLOBHE.
\c 4
\cl Ulyango  4
\p
\v 1 UYesu amemile upepo uzelu, ahwelile afume hu Yordani, alongoziwe no pepo omuda ohwe nsiku arobaini mwipoli.
\v 2 Apete amalabha no shetani. Nensiku ezyo sagalyanga ahantu mpaka nazyamalishe alolile enzala.
\v 3 Oshetani wabholankoli, “Mwana wa NGOLOBHE, libhole ihwe eli wahe libumnga.”
\p
\v 4 UYesu agalula, “isimbwilwe: ‘eyaje umntu sagaikhala hwibumunda tu.’”
\p
\v 5 Wizavwa pamwanya wabhonesya emilki zyonti ezyensi hudaka emo.
\v 6 Oshetani wabhola, “Embahupele ahweenzi ene yonti, nefahari yakwe. Afanaje ehweli makhono gane, nane ehupele yayonti neshe shensongwele.
\v 7 Basi ahwe nkoni namile hwitagalila lyane gonti ganzabhe gahuliwe.”
\p
\v 8 UYesu wagalula wabhola isimbwilwe, “omwinamile, “OGOSI ONGOLOBHE waho ompute omwahale mwene.”
\p
\v 9 Walongozya mpaka Yerusalemu wabheha pamwanya yemnala eshe shibhanza,” wabhola nkashile olimwana wa NGOLOBHE hwiponye pasi.
\v 10 Afwanaje esimbwilwe, “abhahwu lajizizye amalaika bhakwe bhalinde,
\v 11 Na fwanaje, makhono gabho bhanzahumweje, osije ogabomula inama, lwaho mwiwe.”
\p
\v 12 OYesu wagalula, “Wabhashole, “eyagwilwe oganje hulenje GOSI ONGOLOBHE waho.”
\p
\v 13 Basi nawamala kila esha hulenje oshetani walehe wabhala humuda.
\p
\v 14 OYesu awelile humaha age opepo ozelu, wabhala hu Galilaya enongwa zyakwe zyazyambanile ensi zyonti ezya msheje msheje.
\v 15 Wape asambelezyaga katika mmabhanza gabho ashimihwagwa nabhantu bhonti.
\p
\v 16 Wabhala hu Nazareti, epo pasongwelwe na isiku elye lutozyo hwinjila mwabhonza neshe sehali edeesturi yakwe wemelela ili abhazye.
\v 17 Bhapela chuo esha akuwa Isaya, hwigula echuo, wanza papa simbwilwe,
\q1
\v 18 Opepo owa GOSI au pamwanya yane afwatanaje amponyizye amafuta abhalombelele apena enongwa enyinza, antumile abhatangazizye bhabhapi nyilwe abhaule hwabho. Avipofu bhalolaje nantele abhaleshe bhashe huru bhabhabhonelwe.
\q1
\v 19 Na tangazya omwaha ogwa GOSI gwagweteshehwe.
\p
\v 20 Washigalilo echuo, wahwezezya amtumishi wakhala, na bhantu bhonti bhabhahali mwisinagogi bhalangulila.
\v 21 Wanda abhabhole sanyono ensimbo, “Ezi zitimiliye mmakutu genyu.”
\p
\v 22 Bhalola bhonti bhaswiga amazu age neema gagafumile mwilomu lyakwe, bhayanga ono semwana wa Yusufu?
\p
\v 23 Abhabhola, “bila shaka mbhambole eshilale eshi,” Ganga, hwiponye omwoyo gwaho, amambo gonti gatovwezye aje gabhombeshe hu Kapernaumu, gabhombeshe nepa na ntele katika ensi yaho wewe.”
\v 24 Wayanga, “Amina embabhola aje nomo okuwa yabhahweteshewe mnsi ya kwa yoyo,”
\v 25 Lelo lyoli embabhola bhahali afwele bhalibhinji katika ensi eya Israeli amaha aga Eliya, wakati amabhengo gafugwilwe amaha gatatu na miezi sita, enzala engosi yahinjiye ensi yonti.
\v 26 Wala oEliya sagasontezyewe hwebho, ila hwafwele omo owa Sarepta katika ensi eya Sidoni.
\v 27 Antele, bhahali abheukoma bhinji mwi Israeli omwaha wa kuwa Elisha, wala nomo yaponi ila oNaamani omntu wa Siria.
\v 28 Bhamemile ilyoyo bhonti bhabhahali mwibhanza nabhovwa ego.
\v 29 Bhasogola bhafumya hwonze eye boma bhantwala mpaka mshenje eyigamba, afanaje ekhaya yao enzegwilwe pamwanya yakwe, ili bhapate hutaje pansi.
\v 30 Lelo omwahale ashilile pahati yao wabhola.
\p
\v 31 Hwiha mpaka hu Kaeernaumu, iboma elya Galilaya. Wabha asambelezwa isiku elya tunzye.
\v 32 Bhanswiga nantele hunsambelezyo zyakwe, afwanaje izu lyakwe lili namaha.
\v 33 Na mhati mwibhanza, mwoli omntu yali ne roho embibhi walila hwizu igosi,
\v 34 “Wayanga leha, endineye awe, u Yese wa Nazareti? Uyenzele atitezye? Emenye aje hwewenu! Wogolosu wa NGOLOBHE!”
\p
\v 35 QYesu wadamila, “Wayanga, biba ilomu mwepe ndipo lila!” Ipepo lya gwisya pahati, lyafuma asimbhombe nkahamo.
\p
\v 36 Bhakhatwa naswije bhont, bhayangana, bhayanga lizu hwele eli, afwatanaje, “abhatanga amapepo abhibhi huwezo na maha bhape bhafuma.”
\v 37 Enongwa, zyakwe zyazyambona hwonti munsi ela.
\p
\v 38 Wafuma mwibhanza winjila munyumba ya Simoni. Wape, okhoi wakwe oSimoni onyina washe wakwe, akhetwe nensugusa ekhali bhalabha kwajili yakwe.
\v 39 Hwemelela, papepe nao, waidamila ela ensugasa, yaleha mara eyo wapona wabhabhombela.
\p
\v 40 Na isanya nalya swanga, wonti bhali nabhinu abhe mpongo shahashaha bhabhaletile hwamwahale. Wabhabheha amakhon gakwe pamwanya ya shila mntu wabhaponia.
\v 41 Ipepo bhape bhafumela mwabhantu abhinji bhakhoma ibwago nayanje, “Awe uli mwana wa NGOLOBHE!” Wabhadamila sagaleshile aje bhayangaje, kwasababu bhamanye aje yo Krisi.
\p
\v 42 Na hwasha, asogoye abhalile humo hwasehulina bhantu. Amabongano bhabha bhahumwanza bhafihahwamurahale bhazaga huzubhile agajesogola hwabhahale.
\v 43 Wabhabhola, “Ehwanziwa alombelele enongwa enyinza ezya mwene uwa NGOLOBHE katika amaboma agamwabho nantele, afwanaje ensotelezewe.
\v 44 “Basi ali alombelela katika amabhanza aga hu Uyahudi.
\c 5
\cl Ulyango  5
\p
\v 1 Yabha amabongono bhasonshezya alitejelezye izu elya NGOLOBHE, omwahule ali ayemeleye panshenje eye eyi dimi lya Genezareti.
\v 2 Walola evyelelo vibhele vikheye panshenje eyi dimi. Lelo bhabhahwonza bhafumile bhahwozya enyavu zyabho.
\v 3 Winjila mshelelo shimo, esho shakwe oSimoni, wamwanza ashibhesha hutali hashe neshe. Wakhala wabhamanyinzya mambongano ohu alimshelelo.
\v 4 Hata nawamala ayanje, abholile oSimoni, “Isya mpaka pansi tee mwisye enyavuzyenyu mwonze esamaki.”
\p
\v 5 OSimoni wagalula wabhola, Gosi, tibhombile embombo eyalisye nosiku wonti setipete nkahamo, lelo hwizu lyaho ehwisya enyavu.
\v 6 Basi nabhabhomba esho bhazyajile esamaki ziminji tee enyavu zyao zya hundile adumushe.
\v 7 Bhabhapunjila okhono amwabho bhali mshombo esha bhele. Bhenze abhavwe bhenzu bhavimemya vyonti vibhele hata nyahandile andwine.
\v 8 OSimoni oPetro, na walola ego, agwiye pamafugamo ga Yesuwanyanga sogala hwiline, “Afwatanaj, ane endi mntu uwembibhi GOSI.”
\v 9 Afwanaje akhetwe nenswigo, umwahale nabhonti bhabhali pa ndwemo nawo kwa sababu eyewinji uwesamaki wabhazyajili.
\v 10 Antele Yakobo no Yohana bha Zebedao, bhali pandwemo no Simoni. O Yesu wabhola Simoni, “ogaje hwogope, afume eshi obhabha wahwonza abhantu.”
\v 11 Hata nabhali bhavisagamishe pwani, evyelelo vyabho bhavileha vionti bhabhenjelela.
\p
\v 12 Yabha nahali humiongo ye maboma gala enya, palinomntu amemile ukoma, wape nawalola oYesu, agwiye dumbula walabha waga, GOSI,” nkohwanza owezizye anozye.”
\p
\v 13 Kisha Yesu alinyoosha mkono wake na kumugusa, akisema, “Nataka. Takasika.” Na saa ileile ukoma ukamwacha.
\v 14 “Wakhana agaje hubhole omuntu, ila bhalaga ahwibhonesya hwa kohani, “ufumye, kwajili eya pone hwaho neshe oMusa shabhabholele ebhe ushuda, hwabhahale.”
\v 15 Lelo enongwa zyakwa zyazida abwaje bhatangene amabongono aminji bhatejelezye na pone empungo zyabho.
\v 16 Ilelo omwahale ali ahwiyefwa wabhala pasepali bhantu walabha.
\p
\v 17 Yabha isiku lila limo ali asambelezya na amafarisayo na amanyizi abhe ndongo bhali bhakheye epo, bhabhafumile kila shijiji eshe Galilaya na Yudea, na hu Yerusalemu. Na amaha aga GOSI wahali apate aponie.
\v 18 Na enya, bhenza abhantu bhanyatiye mshitanda omntu yapoozile, bhahanzaga hutwale mhati na hubheshe hwitagalila lyakwe.
\v 19 Hata nabhakosile enafsi eyahutwale mhati kwali eya mabungano ege bhantu bhazubhile hwigolo bhagefwa amatofali agapamwanya bhaswisya umwahale neshi tande shakwe pahati hwitagalila hwa Yesu.
\v 20 Wape nalolile olweteho lwabho abhhdde, “Ee rafiki, usajilwe embibhi zyaho.”
\p
\v 21 Basi bhala asimbi na Mafarisayo bhada ayangane, “Aje wenu ono yayanga amazu agalije? Wenu yagasajila embibhi aliyo NGOLOBHE mwene?”
\p
\v 22 Na o Yesu, omenye onongwa zyabho wabhagalula wabhabhole, mhwibhozya yenu lumoyo genu?
\v 23 Lyalili lyalolo lyalilihu, ‘Aje usajilwe embibhi zyaho au aje sogola ubhale?’
\v 24 Lelo mpate amanye aje omwana wa Adamu anazyo endajizo pansi epa ezya sajile embibhi, abholele, ‘Ola ya poozile sogolahwitweshe eshitanda shaho bhalaga akhaya yaho.’
\v 25 Shesho wemelela hwitagalila lyabho wahwitwehe shhila shagoneye wabhala akhaya yakwe ohwo wa mwembela ONGOLOBHE.
\p
\v 26 Wonti bhakhetwa na nswije bhateleye ONGOLOBHE. Bhamemele nowoga, bhayanga, “Sanyono tilolile amambo age ajabu.”
\p
\v 27 Baada yego wafuma walola yasonjezya esonga, itawa lyakwe yolawi akheye forodhani, wabhola nbejezye.”
\v 28 Walehe vyonti wasogola wabheni ezya.
\p
\v 29 Na Lawi wabhombela eshikurunkuru eshigosi mnyumba yakwe hwali abungono ogosi, owa sonjezye esonga na bhuntu abhamwabho bhali bhakheye pashalye pandwemo nawo.
\v 30 Yabha afarisayo na simbi bhabho bhabha bhabha una asambilizi wa bhakwe baje mbona mlyana mwele pandwemo nabhabhasonjezya esonga na bhubhali nembibhi?”
\p
\v 31 OYesu agalula wabhabhola, “Bhabhali bhinza sebhani nehaja eyaponywe, ila bhala bhabhinile.
\v 32 Senahenzele abhakwinzye abhelyoli bali bhahali nembibhi bhapato alambe.”
\p
\v 33 Bhape bhabhola, “Asambelewa abha Yohana bhafunga maranyinji, na labhe eputo bhpe asambelewa abha Farisayo bhafunga. Lelo asambelewa bhaho bhalya nu mwele.”
\p
\v 34 LelooYesu abhubholele, “Mwagaga mgabhabhambo aje bhafunje bhabha anilye huhweji wakati ahweli ogosi owehweji pandwemo nao?
\v 35 Lelo ennsiku zihwenza nayepe ogosi owehweje epo pabha ifunga ensiku ezyo.”
\p
\v 36 Wabhabhola eshilale. “Nomo yazembula shilakaeshi omwenda opya nabheshe mmwenda okolo na nkashile abheshele lila ipya. Na shila ishiraka sha omwenda opya, selilenganya na gula omwenda okolo.
\v 37 Wala, nomo omntu yaponya edivai empya katika evyelelo evikolo. Na nkashile waponya ela, edivai empya ebha vibazule vila evyenlelo, edivai enyahale ebhahwitishe na vyelelo nibhanachishe.
\v 38 Lelo edivai epya uwinza uwaponye katika evye lelo evipya.
\p
\v 39 Wala nomo yamwela edivai eyemwaha alafu ayisongwe epya, atafanaje ayanga ela eya mwaha, ‘Yenyiza.”
\c 6
\cl Ulyango  6
\p
\v 1 Lyabha isiku elyatozye limo ali ashila katika mumagonda, asambelezye bhakwe bhali bhadenya amansale na galye bhabhabhapalula mumakhono gabho.
\v 2 Basi bhamo afarisayo bhabhabholo, “Mbona mubhomba lya seilinza isiku eilyatoye”?
\p
\v 3 Ou Yesu, wabhagalula, wabhabhola, “Semwabhazizye hata lwelyo lyabhomile ou Daudi nali nenzala, oumwahale na bhala bhali nabho?
\v 4 Jinsi shahinjiye katika enyumba eiyei NGOLOBHE, wega amabumunda gala agalanjizye wagalya, wabhapela nebho amwabho wakati seshinza agalye ila hwa Kuhani bene basi.”
\v 5 Wabhabhola, “Amwana uwa Adamu yayoyo Ou GOSI owa tofye.”
\p
\v 6 Yabha isiku elyatozye eilyamwabho ahinjiye mwisingogi wamanyizya na mwali oumuntu ambaye oukhono. Ougwakwe ougwendelo upozile.
\v 7 Na simbi na bhafarisayo bhali bhauzijila ili balole aje abhaponie isiku elyatozye, li bhazyaje enongwa zyautake.
\v 8 Lelo omwahale wagamanya gabhasebha wabhola ola yapoozile okhono, “Sogola, emelela pahati wasogola.” Wemelela.
\v 9 Eishi Ou Yesu wabhabhola, “Eimbabozya amwe eishi, shinza isiku eilyatozya abhombe aminza au abhombe amabhibhi, aponie oumwoyo au atezye,
\v 10 “Wabhalangulila amaso bhonti.” Eipande zyonti wabhola oula omntu, golosya oukhono gwaho wagolozya akhono gwakwe gwabha gwinza natele.
\v 11 Lelo bhamemile nenkuni bhaynyana bhebho hwa bhebho bhabhombe weilei Ou yesu.
\p
\v 12 Yali ensiku zila asogoye abhalile mwigamba ili alabha. Ahendeleye ousiku wonti hulabhe ou Ngouloubhei.
\v 13 Nayali sampwiti, abhakwizizye asambelezewe bhakwe, hwumwahale na abhasaluye kumi na bhabhele kati yabho bhebho nantele abhakwizizye “Bhamwa.”
\v 14 Amatawa gabhala atumwa gali ou Simioni (ambaye antele akwizizye you Petro) nou Andrea nou holo wakwe, ou Yakobo, ou Yohana, ou Filipo, ou Bartolomayo,
\v 15 Ou Mathayo, ou Tomaso, nou Yakobo oumwa wa Alfayo, ou Simioni, oula akwiziwaga you Zelote,
\v 16 Ou Yuda oumwana wa Yakobo na ou Yuda ouIskariote, oula yali goji.
\p
\v 17 Nantele ou Yesu ahishile pandwemo nabho afume hwigamba na hwemelele papali ntebha. Idadi engosi eyasambelezewa bhakwe (walikuwa huko, pamoja naidadi kubwa ya watu kutoka Uyahudi na Yerusalemu, na kutoka pwani ya Tiro na Sidoni.)
\v 18 Na bhala bhabhalebhile ni mpepo embibhi. Bhaponizye.
\v 19 Shila omo bhabhali pibhongano arenjele hu palamasye afwatanaje nguvu ezyaponye zyali zifuma mhati yakwe na aponizye bhonti.
\v 20 Esho wabhenya amnyiziwa bhakwe, na yanje, “Msayilwe amwe mwemli bhapene, afwatanaje umwene owa NGOLOBHE wenyu.
\v 21 Msayilwe amwe mwemli nenzala eshi, afwanaje mwakuta msayilwe mwemlila eshi. Afwanaje mwayiseha.
\p
\v 22 Msayilwe amwe ambao abhantu na yibhavitwa na bhahagule na bhalongonye amwe aje mlibhabhibhi kwajili ya omwana wa Adamu.
\v 23 Shanji katika isiku elyo na rushe rushe nashe afwatanaje lyoli mwayibha ne thawabu egosi amwanya, afwanaje aise bhabho bhabhabhombeye shesho akuwa.
\p
\v 24 Lelo hele amwe mwemli bhatakili! Afwatanaje mmalishe ahweje ensombo zyenyu.
\v 25 Aheli amwe mwemkute eshi! Afwanaje mwayilola enzala hwitagalila. Aheli amwe mwemseha eshi! Afwanaje mwayizonda naline hwitagalila.
\v 26 Aheli amwe, na mwasombwa nabhantu wonti! Afwanaje aYise bhabho bhabhabhombeye akuwa abhilenka shesha.
\p
\v 27 Lelo eyanga hwilimwe amwe mwemn tejelezya, bhagani abhibhi bhenyu na bhabhombele aminza bhabhavitwa.
\v 28 Bhasayilaji bhala bhabhaswita amwena bhalabhilaji bhala bhabhabonela.
\v 29 Hwamwahale ola yahukhoma imbuguzi limo, ugalusizyaje elyabhele. Neshe omntu ahufyola igolole lyaho opanje nelyabhele.
\v 30 Opanje shila ya hulabha. Neshe omntu nkahufyola ahantu ambaho hahuliwe uganje alabha aje awezyezye.
\v 31 Nenshe samsongwa abhantu aje sabhabhabhombele, namwe mubhombaje shesho.
\p
\v 32 Nkashe mubhaganaabhantu bhabhaibhaga na amwe tu, esho ihawobu shi hwilimwe? Afwanaje hata bhabhibhi bhabha gana bhala bhabhagana.
\v 33 Nkashile mubhabhombela bhala bhabhabhombela amwe aminza esho abhabhe thawabu nshi hwilimwe? Afwanaje hata bhabhibhi bhabhombashesho.
\v 34 Nkashile mkhopezya evintu hwabhantu ambabho mpambamala aje bhanza abhawezyezye, eyo thawabu ushi hwilimwe? Hata bhabhibhi bhabhakhopela abhibhi, na bhapambamala ahwejelele kiasi shesho nantele.
\v 35 Lelo bhagani abhibhi bhenyu na bhabhombele aminza. Bhakhopelaji mgaje ahogepe ahusu awezyewe, na ethawabu yenyu yayibha ngosi. Mwaibha bhana abha yalimwanya afwanaje, umwahale yoyo mwinza hwabhantu bhasebhali nesombe.
\v 36 Bhanji no lusajilo, neshe oYise hwenyu shali no lusajilo.
\p
\v 37 Mganje alonje, namwe semwayilongwa. Mgajerani, namwe semwayilaniwa. Sajilaji, namwe mwajisajilwa.
\v 38 Bhapanji abhanje, namwe mwaipewa. Ekias eshe pyana - shashidinyiliwe, na tabhetabha na hwitishe hwitishe - mmafugamo genyu. Afwanaje eshi pimo sheshonti shamtumila, apimile shesho shayitumiha abhapimile amwe.”
\p
\v 39 Antele wabhabhola ofano. “Aje omntu yali shinsinzilu agalongozya ohwenje yali shinsinzilu? Nkashile bhabhombile esho, bas wonti bhaga dumbushila, mwilende?
\v 40 Yasambelela sabha gosi ashile ya bhasambelezya, lelo shila mntu nkawasambelewa shinza abhaneshe osambelezi wakwe.
\p
\v 41 Yenu bas nkabhenye ahantu hahali mhati mwiliso elya holo waho, na ahantu hali mhati ya mwiliso lyaho sohwenya?
\v 42 Obhahubhole hwele oholo waho, ‘Holo, ehulabha enefwe ahantu hahali mhati yeliso lyaho,’ nawe sohwenya aantu hahali mwiliso lyaho wewe? Olinafiki awe! Ahwande oyefwe ahantu mwiliso awe, ndipo nkobhalole shinza ahwefwe ahantu mwiliso elya holo waho.
\p
\v 43 Afwanaje nalimo ikwi ilinza lyalipa amadonda amabhibhi, antele nalimo ikwi ibhibhi lyalipapa amadondo aminza.
\v 44 Afwanaje shila likwi limanyiha humadondo gakwe. Afwanaje abhantu sebhayabhila etini afume mumivwa, antele sebhayabhila ezabibu afume mmichongoma.
\v 45 Omntu omwinza alishanga eshinza humwoyo gwakwe afumya gagaliminza, na omntu obhibhi alishanga eshibhibhi humwoyo gwakwe gafuma gagali mabhibhi. Afwanaje ilomu lyakwe liyanga gala gagamemile humwoyo gwakwe.
\p
\v 46 Yenu mnkwizya, ‘GOSI, GOSI,’ antele semgabhomba gala gegyanga?
\v 47 Shilo mntu yahwenza hwiline na zyovwe enongwa zyane na bhombele embombo embabhalanje ejinsi shahweli.
\v 48 Alengana no mntu yazenga enyumba yakwe, omwahale abana pansi, tee nazenje omsingi owenyumba pamwanya eyemwala imara. Amakoshi nagahenzele, na majenje agemenze gaikhomile enyumba, lelo segayizizye afwanaje yaze dwilwe shinza.
\v 49 Lelo yayonti yahwovwa enongwa zyane sazitii; ofwano gwakwe yayola omntu yozenga enyumba pamwanya ma masanga pasepaliomsingi, amakoshi nagahishile humaha, enyumba ela yaseadilwe yonti.
\c 7
\cl Ulyango  7
\p
\v 1 Ou Yesu nawamala einongwa zyakwe zyonti mumakutu gabhantu ahinjiye, hupapernaumu.
\v 2 Na obhambhambo wakwe oakida, oumo ali bhinu tee alipapepe nefwa, wape alimntu yagene tee.
\v 3 Nahovwezye einongwa ezye Yesu, asonte zyezye agosi abhayahudi, hwamwahale hulabhe aje aponie obhombambombo wakwe.
\v 4 Bhope nabhafishile hwa Yesu, bhalabhile tee bhajile abhajiye, “Ounou oumboumbeule einongwa eizi,
\v 5 Afanaje aligene itaifa lyetu, wape atizenjeye isinagogi.”
\p
\v 6 Basi oYesu abhalile pandwemo. Nabho nasagalihutali nenyumba, eyola oakida asontezyezye orafiki hwamwahale wabhola. ‘GOSI, ogaje ahwiluvye afwanaje ane sefaa aje ewe oyinjile pansi pigalo lyane.
\v 7 Eshi ehwilolile aje sefaa nene ahwinze hwaho, lelo panga izu tu obhombambo wane abhapone.
\v 8 Afwanaje nane endi muntu nembehwelwe pansi eye ulongozi, endina sikari pansi yane, nkebholele ono bhala abhala na ono “enza” ahwenza, na obhomba mbombo, “Wane” bhomba eshi, abhomba.”
\p
\v 9 Ou Yesu namwovwa eigo aswijile, wagugalushila, obngano gwagwabheinjeilelaga wanyaga.” Eimbabhola, hata bha Israeli, seindilolile oulywetieho ougosi neishe oulu.
\v 10 Na bhala bhabhatumwilyu nabhahwela oukhaya bhamwaga oula oubhombambombo mwinza.
\p
\v 11 Napamande hashe, abhalile hwiboma limo lyakwiwaga Naini. Asambelezye wa bhakwe bhabhenjelezenye nalwo pandwemo no bongona ogosi.
\v 12 Nawafiha apalamile nolwango ogwi boma eye, omntu yafyiye au anyetulwe, na mwana weka hwa nyina wakwe. Yali fwele, na mabungano wabhantu afume hwiboma bhali pandwemo nawo.
\v 13 GOSI nawalola aloleye husajile wabhala, “Laha lile.”
\v 14 Wasojela walipalamasya ijeneza bhala bhabanyetuye bhahemeleye, wayanga sahala ehubhala “imelela”
\v 15 Ola ofwe wemelela. Wakhala wanda aje wapela onyina wakwe.
\p
\v 16 Ouwoga wabhakhata bhonti. Bhasomba Ou Ngouloubhei bhayanga oukuwe “Ougosi afumiye hwilite,” na, “OuNGOuLOuBHEi abhenyizye abhantu bhakwe.”
\v 17 Einogwa zyakwe eizi zyazyambanile huyudea hwonti na einsi zyonti zyazili papeipei.
\p
\v 18 Asambelezyewa abha Yohana bhaletela enogwa zyego gonti.
\v 19 Esho oYohana wabhakwizya bhabhele asombeleziwa bhakwe wabhasondelezya hwa Yesu abhozye “Awe wewe ola yayenza, au timwenyelezyaje owenje?
\p
\v 20 Wape nabhafiha hwamwahale bhayanjile, “oYohana ya hwozya atisondezyezye hwiliwe aganjile aje awe, ‘Wewe ola yahwenza au timwenyelezyaje owenje?”
\p
\v 21 Ne sala yeyo abhaponizye abhinji abhinu bhabho na efwa, eye mpepo embibhi, na avipofu abhinji bhalolile.
\v 22 Eshi nkawagalula. Wabhabhola, bhalaji mubhale oYohana ega gamgalolilena govwe. Avipofu bhalola alema bhajenda, abheukoma bhapona, adinda makutu bhahwovwa, bhabhafwiye bhazyoba, apena bhalombelelwa enongwa enyinza.
\v 23 Wape heri omntu yeyonti yasavisiwa nane.”
\p
\v 24 Basi eshi asontelezewe bha Yohana na bhasogola, ahandile abhabhole amabongono enongwa ezya Yohana, “Mwafumile abhale mwipoli ahwenye yenu, isole wauyiziwa nehala?
\v 25 Eshi mwafumile abhale ahwenye yenu, omntu yakwatiziwe amenda aminza? Mmanye abhantu bhabhali namwenda ageu tukufu bhabhalya raha bhali mnyumba ezye shimwene.
\v 26 Eshi mwafumile abhale ahwegegenu okuwa, Antele? Embabhole, na yali zaidi ya okuwa.
\v 27 Oyo yayo asimbiliwa, “Ega, enya ehusontelezya ojumbe wane hwitagalila elye maso gaho, yabhalenganya idala lyaho hwitagalila lyaho.
\p
\v 28 Nane embabhola, neshi bhala bhapepwe na bhashe, nomo yaligosi neshe oYohana, lelo yalidodo humwene owa NGOLOBHE GOSI ashile omwene.”
\p
\v 29 Abhantu bhonti bhabhasonjezya esonga nabhahovwezye ego bhaheteshe, elyoli ya NGOLOBHE afwanaje bhoziwe. Huwoziwa uYohana.
\v 30 Lelo abhafarisayo na bhana sheria bhali khene isunde elya NGOLOBHEhwabhene afwanaje sebhohoziwe nomwene.
\p
\v 31 OGOSI wayanga embalenganisye neye abhantu abheshikho eshi? Bhape bhalengene neyenu?
\v 32 Bhalengene nabhana bhakheye pasokoni, na kwizanye nabhayanga, ‘tabhakhomeye efilimbi antele semwahanjile, tazondile antele semwalilile.’
\v 33 Afwanaje oYohana owahozye ahenzele salya ibumnda wala samwela divai, namwa myanga myiga “Ano pepo obhibhi.
\v 34 Omwana owa Adamu ayenzile alya na mwele, namwe myanga, enye, lyavi ono, na mwezi owe divai, rafiki wabho asonjezya!
\v 35 Neshinshi ebhoneshe aje elinelyoli hwabhana bhakwe bhonti.”
\p
\v 36 Omntu omo owa mafarisayo amwanile alye eshalye hwamwene. Winjila mnyumba yakwe ofarisayo, wakhala pashalye.
\v 37 Enya oshe omo owiboma lila wali wemabhibhi. Nazyoyile enongwa aje akheye pashalye panyumba eyola ofarisayo, aletile insupa marimari yeli nemaruhamu.
\v 38 Wemelela hwisalo papepe na manama gakwe nawalila. Wanda hulagazizye mmagaga gakwe amansozi gakwe, na syomwole ni sisi elyamwitwe lyakwe, na humyante myante mmagaya gwakwe, na pashe gala amaruhamu.
\v 39 Basi ola ofarisayo yamwanile nawolola shila wanyanga humwoyo gwakwe, omntu ono khashile alikuwe, “Handamenye oshe ono yahupalamasyasya, wenu wape aliwelewele yaje wemabhibhi.
\p
\v 40 OYesu wagamla wabhozya, “Simoni endine nongwa mbahubhole. “Wayanga” “sambilizi yanga!”
\v 41 Wayanga “Omntu omo yakhopezya alinabhe madeni bhabhele, omo adagaya ehela miatano nowabhele amsini.
\v 42 Bhape nabhali sebhalinahahuripe, abhasajiye wonti. Bhabhele neshe bhabhele yo nanu yayihugana tee?
\p
\v 43 Simoni wagalula wayanga, “Amenyeje yayola yasajiye enyinji.” Wabhola oyamliye lyoli.”
\v 44 Wagarushila ola oshe wabhola Simoni, “Walota oshe. Ono nahinjiye mnyumba yaho. Sohampiye amenze mmagagagane, eshi ono andayazyezye amansozi mmagagagane, na syomwole nisisi elya mwitwe lyakwe.
\v 45 Awe sohanjayiye, lelo ono, awande pana hinjiye sagaleshile njayile tee mmagaga gane.
\v 46 Sagapashile mwitwe lyane amafuta, eshi ono ampeshe amagaga gane amaruhamu.
\v 47 Afwanaje nago, ehubhozya asajiye embibhi zyekwe zyazyalinjili, afwanaje asongwezye tee. Lelo yasajilya hasheoyo asongwelye hashe.”
\v 48 Eshi abholele oshe, “Osajilye embibhi zyaho zyonti.”
\p
\v 49 Esho bhala bhabhakheye pandwemo nawo bhahandile ayanje humoyo gabho wenu ono yasajilo embibhi?”
\p
\v 50 Wabhola ola oshe, “Olweteho lyaho lumwauye. Bhalaga hulweteho lwaho.”
\c 8
\cl Ulyango  8
\p
\v 1 Yabha baada yego ali azyongola azyongola mmaboa namvijiji ali alombelela, na tungazye enongwa enyinza ezye umwene owa NGOLOBHE na bhala athenashara bhali pandwemo nawo,
\v 2 Na abhashe bhamo bhamo bhali ne mpepo embibhi nepongo abhaponyizye bhape yo Mariamu yakwiziwa magdalena yazya fumile epepo saba.
\v 3 Na Yohana oshe wa kuza owakili wakwe oHerode, Susana, na bhamwabho bhabhinji, bhabhatenganyaga huvintu vyao.
\p
\v 4 Ubungano ogosi na watangene, na bhala bhabha fumile shila liboma bhabhaliye ayanjile hufano.
\v 5 “Ompanzi afumile abhale atote embeyu, yakwe wape nali atota, zimo zyalagashiye papepe nidara, zyakhanyilye enyonyi.
\v 6 Zimo zyalageye pamwalo na zyahandile amele zyahomele afwanaje zyaha kosa orutubo.
\v 7 Zimo zyalageye mmivwa na amivwa gahamela pandwemo zyazyo ya zisonga.
\v 8 Zimo zyalageye pilongo elinza ayunga ego atatushe izu waganga yalinamakutu agahwovwa na ayovwaje.”
\p
\v 9 Abhanafunzi bhakwe bhabhozya yenu ene omafano ogwo,
\v 10 Wayanga, “Amwe apewewe azimanye esiri ezya mwene Ongolebhe, eshe bhamo humfwano, aje nkabhenye bhaganje alole nankabhovwe bhagale amanye.’
\p
\v 11 Na ogwo omfano. Emana yakwe ya yene embeyBhala lizu lya ngolobhe.
\v 12 Bhala bhabhali papepe ni dala bhabhala bhahovwa, antele ahwenza oshetani alyefwa elyo izu mmoyo yaho, bhasibhe bhalyeteha na hwaulwe.
\v 13 Na bhala abhapamwala bhabhala ambao nkabhovwa bhaliposhela lila izu sabhashiye, wape sebhana malandazi bhahweteha humda hashe, naufiha owa lengwe, bhahwibagula.
\v 14 Zyazilagaliye pamivwa bhabhala bhabhovwenzwe, abhale hwabho bhosohwa ne shughuli no utabhazi na owalangani owemaisha ega, sebhatonia lyalyonti.
\v 15 Na zila ezya pilongo elinza bhabala bhabhali no mwoyo ogwinza ogwa lyovwe izu, na likhate, esho lipapa amadondo esha jimbilizwe.
\p
\v 16 Nomo, omntu yahwasya, okhozyo na kwishile neshelelo. Au abheshe hwinzongo bali bhayibheha pamwanya pameza ili bhabhahwisya njila bhapataje alole okhizyo lwakwe.
\v 17 Afwanaje nalimo izu lyalyobhele lyasagalya yibhoneha, antele lyalyobhele elyaje selyayi manyiha na fumile hwelele.
\v 18 Hwiyenyi basi enamna shamhovwa afwanaje yalinahantu. Abhapewe na ola, yasanahantu abhafyolwe atahala, habhoneha aje anaho.”
\p
\v 19 Bhabhalila onyina wakwe na holo bhakwe bhashindwa abhapapepe afanaje amabungano.
\v 20 Bhatwalile enongwa wabhola, “Onyina waho na holo bhaho bhemeleye hwonze bhahwanza alolane nawe.
\p
\v 21 Wagalula, wayanga “omaye wane naholo bhane bhabhebha bhabhahovwa izu elya NGOLOBHE na bhombe.”
\p
\v 22 Yabha ensiku zila wapanda mshelelo omwahale na sambelezyewa bhakwe, wabhabhola, “Nantele tilo woshe hadi hwisyela eyeidimi. “Bhasogola na matanga.
\v 23 Bhape nabhali bhabhala, agonile otulo, yahishile etofani pamwanya eyidimi, eshelelo shahandile ameme ameze bhabha mhatari.
\p
\v 24 Bhabhalila bhadamuzya bhaga, “GOSI wa gosi! GOSI wa gosi! Litega wabhoha!” Waidamila ehala na vwadangana ameze hwaleha hwabha hwinza.
\p
\v 25 Wabhabhola, “Olweteho lyenyu lulihwi?” Bhogope, bhaswiga, bhayango bhebho hwa bhebho, “Yenu ene paka, adamila ehalana menze gape gahumwogopa?”
\p
\v 26 Bhafiha mpwani mnsi ya bha wa Gerasini ye paramila hu Galilaya.
\v 27 Wape na hishile hupwani, atangene nomntu omo owe boma, ola yaline mpepo, sagakwete amenda ensiku zinyinji, antele sagakheye pakhaya ila hamagwela.
\p
\v 28 Nalolile oYesu akholile eholo, agwiye hwitagalila lyakwe. Waganga hwizu igosi endi neyenu nawe, Yesu womwana wa Ngolebhe yalimwanya? Ehulabha, ugajendavye”
\v 29 Afanaje alidamiye lile ipepo ichafu limwepe omntu ola, afanaje apagewe wape mara nyinji, nantele bhalidaga mshifungo na apinyilye na manyolo ne mpengo, adumlaga gala amanyolo, ashembezyewaga mwipoli ne nguvu ezya lila ipepo.
\p
\v 30 OYesu wabhozya, “Itawa lyaho wewenu?” Wayanga, “Itawa lyane endijeshi.” Afwanaje pepo bhinji bhamwinjiye.
\v 31 Bhalabha asabhadamila aje bhafume abhale mwilende.
\v 32 Eshi epo pali ikundi elye engorobhe enyinji bhadimazyaga mwigamba. Galabha agapele oruhusa ahwinjile zila, wagapele aruhusa.
\v 33 Pepo bhafuma mwamntu ola bhinjila mgorobhe, lyape ikundi lyahishile mwigenge nanali, bhinjila mwidimi, bhafwa mmenze.
\p
\v 34 Adimi nabhalola lyalifumiye bhashembeye na zyambanye enongwa hwiboma, na mavueni.
\v 35 Abhantu afumile abhale ahwenye gaga fumiye, bhabhalila oYesu bhalola omntu ola mwagafumile akwete amenda anenjele zyakwe, bhahogope.
\v 36 Na bhala bhabhalolile bhabhabholele shasha hali shaponiziwe ola ya pageweni pepo.
\v 37 Na mwabho abhantu abhensi ya bhagevasi yeli pasheje sheje bhalabhile aje asogole hwabhahale afwanaje bhali nowoga ogosi esho winjila mshelelo wawela.
\v 38 Ou muntu oula yalya fumile ipepo alabhile ouluhusa aje alondozyaje wape, lelo oumwahale walaga wayanga,
\v 39 “Weela amwenyu alombeileile gagali gonti OUNGOULOUBHEI gabhombeiye.” Abhala, alombeileile iboma lyonti, shangali magosi amambo ga bhombelwe nou Yesu.
\p
\v 40 Eshi oYesu namwawela, obongano gwa karibizizye, esha seshelele afwanaje bhali bhahugolela wonti.
\v 41 Enya omntu omo wenza itawa lya vwa yo yairo, wape mntu gosi owe shibhanza, wagwa pamagaga ga Yesu walabha iyinjile mnyumba yakwe,
\v 42 Afwanaje elendu wakwe abhinile tee apalamila afwe, afwanaje mwana weka mwene, oumri wakwe alinamaha kumi na gabhele, wakati abhala obungano gwasonjile.
\v 43 Noshe omo ambaye afumaga idanda omda ogwe maha kumi na gabhele, ali anankenye eshoma shakwe shonti abhapele aganga bila opone, nomntu yoyonti,
\v 44 Abhalile hwisalo lyakwe wapalamazya opindo ohwemwenda gwakwe, mara elyo afume hwkwe idanda hwapoma.
\v 45 OYesu wayanga, “Wenu ya mpalamasyezye?” Basi abhantu bhonti nabhakhana oPetro abholele, GOSI mgosi, amabonyano ega gahuzyongala na husonje.”
\p
\v 46 OYesu wayanga, “Omntu ampalamasyezye, afwanaje elola aje amaha gafumile.”
\v 47 Ola oshe nawalola yaje sawezizye ahwobhe wenza ayinga, wagwa hwilagalila lyakwe, wabhola hwitagalila elya bhantu bhonti esababu eyahupalamasye nasha ponile nantele.
\v 48 Wabhola, “Rendu, olyeteho lwaho luponizye. Bhalaga umwe no lweteho.”
\p
\v 49 Nali ayangaga ego ahenzele, omntu afume hukhaya eya ola ogosi, owe shibhanza, “Wabhola orendu waho afwiye. Ogajehuyanzyosambelezi.”
\p
\v 50 Lelo oYesu nawovwa, ego, wagalula ugajebhe, “Nowoga. Ateha awe wape, abhapone.”
\v 51 Nawafiha mnyumba, sagaleshile omntu aje ayinjile hata omo, ila oPetro, no Yohana no Yakobo, no Yise wole, omwana no nyina.
\v 52 Na bhantu bhonti bhali bhalilaga na zonde, wayanga, “Majelile safwiye, ono, eshi aganile tulo wene.”
\v 53 Bhaseshile tee, afanaje bhamenye aje afwiye.
\v 54 Wakhata, okhono, wakhola hwizu, wayanga, “sahala, bhoha”
\v 55 URoho yakwe yawela, wape mara eyo wemelela. Wabhabhola wapele eshalye.
\v 56 AYise bhakwe bhaswijile, tee lelo wabhakhana bhagaje hubhole omntu lyelifumiye.
\c 9
\cl Ulyango 9
\p
\v 1 Wabhakwizya bhala Thenashara, wabhapela owezo na mamlaka agahwefwe pepo bhonti na ponie empongo.
\v 2 Wabhasontezya bhaulombelele oumwene owa NGOLOBHE na abhaponie empongo.
\v 3 Wabhabhola, “Mganje hweje ahantu msafari yenyu endesa, wala echola, wala ibumnda, wala ehela wala omo wenye asahabhe na magolole gabhele.
\v 4 Na enyumba yuyonti yamwayinjila, mkhalaje omwo anzaji omwo.
\v 5 Na bhala bhasebhabhakalibizizye, na mfuma mwiboma omwo, kunyuntaji hata mankondi aga mmagaga egenyu abhe ushuda hwabhahale.”
\v 6 Bhabhala bhasyongola shila shijiji, bhalombelela izu na abhunie abhantu shila mahali.
\p
\v 7 Nao Herode, omwene, wovwa enongwa zyonti zyazibhombeshe, wazugumila afwanaje abhantu bhamo bhayanjile eyejo oYohana azyoshele afume afwe,
\v 8 Na bhamo bhagaga oEliya abhoneshe na bhamo, bhagaga bhabhala akuwa abhe mwaha azeyoshele.
\v 9 Lelo oHerode wayanga, “OYohana, nadumuye itwe eshi wenu ono wehovwa amambo gakwe? Ahanzaga hulole.
\p
\v 10 Eshi bhala atumwa, nabhawelile bhabholele amambo gonti gabhabombile. Wabhega wabhalanabho pa faragha paka piboma limo likwiziwa Bethsadia.
\v 11 Namabongono nabhanya bhalondoleye wabhakari bizya, wabha ayanga nabho enongwa zya umwene owa NGOLOBHE, wabhaponia bhala bhabhali neshida eya pone.
\p
\v 12 Na isanyo lyahandile aswe, bhabhalila bhala Athenashara, bhabhola ulaje obongano ili bhabhale hushijiji na mmagondo aga mnshenje bhapaje apagone na evyalye afwanaje epa patihweli pigona wene.”
\p
\v 13 Wabhabhola, “Bhapeli amwe eshalye.” Bhayaga, “Seti na hantu zaidi eye mabumnda gasanu ne sanaki zibhele kasetibhala tibhakalile abhantu ebhabhonti evyalye.”
\p
\v 14 Afwanaje alume bhali elfu zisanu. Na wabhabhola asambelezewa bhakwe. “Bhakhazi abhantu shikundi shila shikundi bhantu hamsini.
\v 15 Bhabhamba esho bhabhakhazya bhonti.
\v 16 Wega gala amabumnda gasanu na zila esamaki zibhele wenya amwanya humbunguni, wavi sayila, wavimensula wabhapela, asambelezewe bhakwe ili bhabhapele abungano.
\v 17 Bhalya bhakuta bhonti, na eshi vila evimensushilo vyavyasageye bhabhongenye evitondo kumi na vibhele.
\p
\v 18 Yabha na putaga hufalagha, amanyiwa bhakwe bhahari pandwemo nawo, wabhabhozya, eshi amabongano ebhabha bhayiga ane neweni?
\p
\v 19 Bhagalula, bhayanga, “oYohana yahwozya, lelo bhamo bhayiga yo Eliya, nabhamwabho bhayiga mojawapo mwa kuwa abhemwaha azyoshele.”
\p
\v 20 Wabhabhola, “amwe myiga ane newenu?” OPetro wagalula wayanga, “awe we kristi wa NGOLOBHE.”
\p
\v 21 Wabhasunda, wabhakhana bhagaje hubhole omntu enongwa ezyo,
\v 22 Wayanga ahwanziwa omwana owa Adamu agaje amalabha aminji nakhanwe na zee na gosi abhe makohani na simbi na gakwe na isiku elya tatu lya zyoshe.
\p
\v 23 Wabhabhola wonti omntu yeyonti, “Yahwanza ambejezye na ahwikhane yoyo, ahwitweshe ikhobhehanyo lyakwe shila lisiku, andondolezyaje.
\v 24 Afwanaje omntu yahwanza aponie enafsi yakwe ayiyitezya, na omntu yayitezye enafsi kwajili yane, esho ayiyiponya.
\v 25 Afwanaje henu habhajiye omntu, azyagaezya mnsi omo zyonti, nkeshe wahwitezya yoyo na hwiyanganuzye?
\v 26 Afwanaje shila yayindolela asoni ane na mazu gane, omwana owa Adamu wape ayihulole esoni omntu oyo nayenza no winza wakwe, no wayise no wa malaika abhinza.
\v 27 Nane embabhola elyoli, bhahweli bhabhemeleye epa, ambao sebhayilenga efwa tee hata paka bhaulole oumwe owa NGOLOBHE.”
\p
\v 28 Afume amazu ego zyashilile ensiku nane abhejile oPetro, no Yohana, no Yakobo, wazubha mwigamba ili alabhe.
\v 29 Yabha katika apute hwakwe esheni, esha hu maso gakwe shagaluhana, na amenda gakwe gabha mazelu gameta meta.
\v 30 Na enya, abhantu bhabhele bhali bhayanga nawo! Bhape yo Musa no Eliya,
\v 31 Bhabhoneshe huwinza. Bhayanga enongwa ezya fwe hwakwe, nayikamilisya hu Yerusalemu.
\v 32 OPetro na bhala bhali pandwemo nabho bhali bhalemewe notulo. Lelo nabhadamla, bhalole owinza wakwe nabhala bhabhele bhabhemeleye pandwemo nabho.
\v 33 Yabha ebho nabhahwibagula nawo, oPetro wabhila oYesu, GOSI, wabhagosi, shinza atee abhepa na tilenganye amahenje gatatu. Shimo shahwiliwa shimo shamusi esha mwabho sha Musa, no Eliya.” Esho ali samenye lyayanga.
\v 34 Nali ayanga ego, lyafumiye ibhengo lyabhapola izunda bhogopa nabhinji mwibhengo elyo.
\p
\v 35 Izu lyafumile mwibhengo lyayanga, “Ono mwana wane teule. Wane mwovwaji omwahale.”
\v 36 Na izu elyo nalyamaliha, Yesu abhoneshe ali mwene, bhape bhapona kati, sebhatangazya hwa mntu ensiku zila lyalyoli lilo gabhagalolile.
\p
\v 37 Yabha isiku, elya bhele yakwe nabhiha hwigamba, abugano ogosi watangene nawo.
\v 38 Na enye, omntu omo katika obongano akholile hwiizu ayanjile, sambilizi, “Ehulabha mwenye omwana wane, afwanaje omwahale mwana wane mwene.
\v 39 Na enye ipepo lihukhata wape akhoma ibwago, antele lihupela eshifapa, olu afuma itatafura wa sahuleha ila humalabha ohwikoyola koyola.
\v 40 Embalabhile asambelezewe bhaho bhamwefe sebhawezizye.”
\p
\v 41 OYesu wagalula wayanga, “Amwe mshikholo mwase mlinolyeteho, mtejile embakhale nani we nahwejeshelane paka ndii? Rete omwana wa ho epe.”
\v 42 Na ali ahubhalila, ipepo lyalagazya pansi. Wapela eshifafa, oYesu wadamila ipepo ibhibhi, waponia omwana wawezyezya oYise.
\v 43 Bhonti bhaswiga nabhaulola ogosi owa NGOLOBHE. Bhape nabhali bhaswiga amambo gonti gabhambile, abhabholele amanyiziwa bhakwe,
\v 44 “Gakhataji amazu ega mmakutu genyu, ufwanaje omwana owa Adamu abhala akhatwe mmakhono gabhantu.”
\v 45 Lelo sebhalimenye izu lila, lyatisilwe hwabhale sebhalimenye, bhahogope hubhozye ofwano gwakwe gwenu izu elyo.
\p
\v 46 Bhahandile ayungane wenu yabhabhe gosi kati yabho.
\v 47 Wape oYesu nawamanya esebho ezye moyo gabho, wamwega omwana ododo, wabhaha papepe no mwahale,
\v 48 Wabhabhola, “yayonti yabhahuwejelele omwana ono hwitawa lyane anejeleye nene na yoyonti, yabhanejelele ane, abhabhe amwejeleye omwahale yasontezyezyeafwanaje yali mwana miongoni mwenyu mwenti oyo ndiye yo gosi.”
\p
\v 49 OYohana wagalulawabhola, “Bwana, wogosi tilolile omntu afumya ipepo hwitawa lyaho tikhene, afwanaje salongozanyu natee.”
\p
\v 50 OYesu wabhola, “Mganje, hukhane afwanaje omwahale ambaye salilne mbibhi natee aliupande owahulite.”
\p
\v 51 Yabha ensiku, ezya sogole nazyaparamiye afishe, omwahale alanguliye amaso gakwe abhale hu Yerusalemu.
\v 52 Wasontezya abhajumbe atagalile hwita, galila elye maso gakwe, bhabhala bhinjila mshijiji esha bhasamaria ili kulengunyizye mahali.
\v 53 Lelo akhaya sabhakaribizizye, afanaje shahenyizye amaso gakwe, abhale hu Yerusalemu.
\v 54 Asambeleziwa bhakwe oYakobo no Yohana nabhalolile, ego bhayanjile, “GOSI ohwanza tirajizye (neshe oEliya wape shabhombile)?”
\v 55 Wabhagalushila wabhasunda -(wayanga, semmenye eroho yeli hwelewele yamlinayo)
\v 56 Apwanaje omwana owa Adamu sega henzele azitezye roho zya bhantu eshi azyaule, bhasogala bhabhala hushijiji esha mwabho.
\p
\v 57 Bhape nabhali bhabala mwidala, omntu omo abholele, “Embahulondolele hwohwonti hwobhale.”
\p
\v 58 OYesu wabhola, “Embela bhana magwenya, enyonyiabheangani bhane vitele, lelo omwana owa Adamu sali na pagone itwe lyakwa.”
\v 59 Wabhola owa mwabho, “Ombenjelele.” Wayanga, “GOSI, pele oruhusa nasoti embale esyele oYise wane.”
\p
\v 60 Wabhala bhaleshe bhabhafwiye, “Bhaseyele naje abhafwe bhebho, eshi awe bhalagaolombelele aumwene owa NGOLOBHE.
\p
\v 61 Oumntu ouwamwabho. “Nantele wabhola, GOSI, eimbahubhenjezye lelo mupele ouluhusa nasouti eimbalaje abhantu bhapa khaya yane.”
\p
\v 62 Ou Yesu wabhoula oumntu, yabhesheile oukhono gwakwe alima antele wagaluha hwisalo sahwanziwa humwene ouwa NGOULOUBHEI.”
\c 10
\cl Ulyango  10
\p
\v 1 Eishi baada eigo, ou GOSI abhasalula na bhamwabho sabini wabhasontezya, bhabheilei bhabheilei bhatagalile bhale shila boma shila hwintu hwapambameye abhale youyo.
\v 2 Wabhabhola, “Eiviyabho vinji, lelo abhombambo bhadodo. Eishi labhi hwau GOSI ouwe viyabho, outwale abhombamba mbombo muviyabho vyakwe.
\v 3 Bhalaji. Enyaji, embasotezya nesheje bhana ngole mmahanyanga.
\v 4 Mgaje ahweje ifuko wala echola, wala evilato, wala mgaje hulamushe omntu mwidala.
\v 5 Ekhaya yoyonti yambahahwinjele, yanji na soti, ‘Amani ebhanje mnyumba omu.
\v 6 Nkashile ahweli omwana owe amani, eamani yenyu ebhawele hwilimwe.
\v 7 Eshi khalaji pakhaya peepo, mlyonje na mwene evyabhahale, afanaje, obhombo mbombo ahwanziwa hupele omshahara gwakwe. Mgaje asame same afume ekhaya ene abhale ekhaya eyamwabho.
\v 8 Na ibima lya lyonti, lyamuhwinjile, nkabhakaribizya lyanji elyalye vyabhabheshele hwitagalila lyenyu,
\v 9 Bhaponyaji abhinu bhabhaliomwo. Bhabholaji, ‘Oumwene owa NGOLOBHE upalamiye’
\v 10 Na iboma lyonti lyambhahwinjile, bhape sebhabhakaribizyo, fumaji omwo namwe nkamwashila katika idala lyakwa yangaji,
\v 11 ‘Itata mankonji age boma lyenyu ggakhatene na mmanama getu tigasanyata gasagalaje hwilimwe! Lelo mmanye eli yaje, omwene owa NGOLOBHE upalamiye.’
\v 12 Embahla eyaje isiku ila ayibharahisi zaidi eSodoma ajimbe amarabha gakwe ahile iboma eli.
\p
\v 13 Ehele awe Korazini, ehele awe Bethsaida! Afwanaje nkashile amajabu ega gagabhombeshe wilimwe gagabhombeshe katika Tiro na hu Sidoni, handa bhalabhile aje bhasajilwe afume epoohu nakhale na menda age magunila na malota.
\v 14 Lelo ensiku elya longwe yayibha rahisi Tiro ne Sidoni ajimbe amalabha gakwe ashile amwe.
\v 15 Nawe Kapernaumu, je! Obhahwikuzye hata amwanya? Bhahwisiwe, paka hwazimu.
\p
\v 16 Yabhovwa amwe anvwezye nene, wape yabhakhana amwe ahene nene, wape yahenene akhene ola ya mntu.”
\p
\v 17 Esho bhala sabini bhawelile nasesherere, bhayanga, “GOSI, na epepo zitogopa hwitawa lyaho.”
\v 18 Wabhabhola, “Naloli oshetsni nagwa afume amwanya eneshe oumeme.
\v 19 Enya, embapiye endajizyo ezya khanye enzohane nge, na maha goni golo oadui, wala na hamo ahantu hahayibha vwalazya.
\v 20 Lelomgaje shime shilo amapepo nagabhopa, eshishimaji afwatanaje amatawa genyu gasimbilwe amwanya.”
\p
\v 21 Esaa yeyo yeyo ashanjiliye hupepo ozelu, wayanga, “Ehusalifya, wo Baba, wo GOSI owa mwanya na owa pansi, afwanaje amambo ega obhafisile bhabhali neshinshi ne njele, obhalanjile abhanaabhela, ena, Baba, afwanaje shashesho shosongwelwe.”
\v 22 Wayanga empewelwe vyonti na Baba wane, wala nomo yamenye omwana na yeyonti ambaye omwana asongwe hulanje.”
\p
\v 23 Wabagalushila asambelezewa bhakwe, wayanga nabho hufaragha, “Heri amaso gagalola gamgalola amwe.
\v 24 Afwanaje embabhola, ya je akuwa abhinji na mwene bhatamanile agalola gamgalola amwe sebhagalole, navgowe gamgavwazye amwe sebha govwezye.”
\p
\v 25 Na enya, olonzi omo ahemeleye aenje wayanga, sambelezi, “Embombe, yenu ili egale owomi owa hanihani?”
\p
\v 26 Wabhola, “Esibwilwe yenu mtorati? Obhazya wele?”
\p
\v 27 Wagalula wayanga, “Ogane OGOSI ONGOLOBHE waho humwoyo gwaho gwonti, na huroho yaho yonti, na hamaha gaho gonti, na hunjele zyaho zyonti, no jirani waho neshe nafsi yaho.”
\p
\v 28 Wabhola, “Ujibule shinza. Bhommba shesho nawe ubhakhale.”
\p
\v 29 Wape ahanzaga, ahwibhonesye ehaki, wabhozya, oYesu, “No jirani wane wenu?”
\p
\v 30 Oyesu wagalula wayanga, “Omntu omo ahishile afume hu Yerusalemu abhale hu Yeriko. Wagwela mwabhabhafepla wamwaula, amenda bhavwalazya bhahwibhalila bhaleha papepe nefwa.
\v 31 Kwa bahati okohani omo ahishile hwidala alila na walola washila pashenje.
\v 32 Na mlawi wape, shesho nawafiha pala walola washila pashenje.
\v 33 Lelo oMsamaria omo, katika asafiri, hwakwe wafiha epo pahali. Na walola asajiye.
\v 34 Wakaribila wapinya amalonda gakwe, waponya amafuta ne divai wamwinjizya pahamu wakwe. Watwara mpaka kunyumba eya jenyi bhalela.
\v 35 Hata isiku elyabhele wafumia dinari zibhele, wapela omwanesho nyumba eya jenyi, ‘Wayanga orere ono na hahonti hobhatumile zaidi, ane nanayiwela nayisomba.’
\v 36 Olola wele awe katika ebho bhatatu, wenu, wali jirani wakwe ola yagweleye mmakhona bhabhafyola?”
\p
\v 37 Wayanga, “Ya yono yaloleye husajile. “OYesu wabhola, “Bhalaga nawe obhombe shesho.”
\p
\v 38 Shabha katika abhale hwabho, winjira mshijiji shimo, oshe omo itawa lyakwe yo Martha wakarihizya akhaya yakwe.
\v 39 Wape ali no mwana kwabho wakwe akwiziwa Mariamu, yakheye pamagaga ga Yesu atejezyaga amazu gakwe.
\v 40 Lelo ou Martha ali ahangayiha huteleshele ou Yesu. Wabhalila wayanga, “GOSI, soulola shibhibhi ouholo wane? Shandeishile einteleshe neimwene?
\p
\v 41 Eishi bhoule anavwe.” Ou GOSI wagamula wabhoula, “Martha, Martha, ouhwitamasya na sononeshe kwajili eiye vintu eivinji,
\v 42 Lelo shihwanziwa ahantu hamo wane. Nou Mariamu asaluye ifungu lyali linza, ambalo sagayeifwezewe.”
\c 11
\cl Ulyango  11
\p
\v 1 Yabha nali humo humo alabhaga na wamala, oumo wasambeileizewa bhakwe abhole, “GOSI, oumanyizye atei apuute neshi shila ou Yohana shabha manyizizye asambeileizeiwa bhakwe.’
\p
\v 2 Wabhabhoula na mpuuta, yangaji, ‘Daada, hwetu wouli humwanya. Itawa lyaho lisaiwaje. Ouwumweinei waho weinze, amagano gaho gatimizi waje, eipa pansi neshi ouhwo amwanya.
\v 3 Outipele isiku hwi siku eiliziki yetu.
\v 4 Outisajile eimbibhi zyetu, afwanaje natei atei tibhasajira shila yativisya. Na oungaje atitaje munjelo.” (Lelo otaule nalo obhibhi.)
\p
\v 5 Wabhabhola, “Wenu hwilimwe yali no rafiki, wabhalila nosiku, owe manane na hubhole, Rafiki wane hopele amabumnda gatatu.
\v 6 Afwanaje orafiki wane afishile hwiline afamile msafari, nane sendi nahantu eshabheshe hwitagalila lyakwe.’
\p
\v 7 Na ola owa mhati galula ayanje, uganjenja zye, olyango engaliye nate tiganile nashitala ane na bhana bhane, sebwezizya abhoshe aje epele.
\v 8 Embabhale yaje, ata nkashile bhoha apele afwanaje rafiki wakwe, lele shila shasaleha hulabhe, bhaso gale na hupele, kadli eyehaja yakwe.
\v 9 Nane embabhola, Labhaji, mbhapewe; anzaji, namwe mbhalole, ganezyaje, nemwa mbhahwalwe.
\v 10 Afwanaje shila yalabha apewa, wape ya hwanza alola, wape yadaliha ahwaulwa.
\v 11 Eshi wenu hwalimwe, yali Yise wenyuyaje omwana wukwe, nkalabhe ibumnda ahupela iwe
\v 12 au samaki badala ya samaki ahupela enzoha?
\v 13 Eshi, ekiwa amwe mwemli bhibhi mmenye abhapele abhana bhenyu evintu evinza, eshi oBaba warimwanya sabhazide abhapele opepo ozelu bhala bhabhalabha?”
\p
\v 14 Wape ali, ahwefwa ipepo, ibubu. Lyabha ipepo nalyepa, ola obubu wayanga, mabongano bhaswiga.
\v 15 Bhamo bhayanga, ahwefwa pepo, Beelzebul, gosi we pepo.
\v 16 Bhamo bhalenga bhamwanza ishala yefuma amwanya.
\p
\v 17 Wape azimenye esebho zyabho, wabhabhola, shila umwene wauvisenye wowo kwa wowo, ubhombeha sheukwa, nekhaya juu yekhaya egwa.
\v 18 Eshi nkebhe Oshetani avisenye juu ye nafsi yakwe, umwene wakwa ubhahwemelele wele, afanaje amwe mjile ane ehwefwa mapepo hwa Belzebuli.
\v 19 Eshi nkashile ane ehwefwa pepo Belzebuli, je abhana bhenu, mbhabhefwe hwananu, afwanaje, ebho bhabhayibhalonga.
\v 20 Lelo, nkashele ane efumya amapepo hushidole sha Ngolobhe, eshu umwene owa Ngolobhe ubhenzeye.
\p
\v 21 Omntu yali namaha ahwipinyile endoso zyakwe, nalinda ekhaya yakwe, evintu evyakwa vilishinza.
\v 22 Lelo omntu yali namaha ashile omwahale na bhahubhalile nahumene, na hufyole endoso zyakwe zyasobheye, na gabhanye amateka gakwe.
\v 23 Omntu ambaye salipandwemo nane, oyo alishinyume nane na omntu yasabhonganya pandwemo nane anyapanya.
\p
\v 24 Opepo ochafu nafuma hwamntu, ashililila pasepali menze. Ahwanza apatoye sapalela, ayanga.
\v 25 Embayiwelele enyumba yane mwefumele.
\v 26 Hata nafiha nkawalola eyoselye na yipambe esho abhala ayeje pepe abhamwabho saba bhali bhabhibhi ashile elyahale lyelyo, ginjila na khale omwo, omntu oyo ehali yakwe eya humalisholo ebhambibhi shile eyahwande.
\p
\v 27 Yabha nawayanga amazu ego, oshe om katika obongano akholile hwizu lyakwe, wabhola heri evyanda vyavyapepe, na mabhele gohoshile.
\v 28 Lelo omwahale ayanjile, nafu, aheli bhahwovwa izu elya Ngolobhe na likhate.
\p
\v 29 Na mabongano nabhali bhahubhonganila, ahandile ayanje, eshikholo eshi shikholo eshibhibhi. Shihwanza ishala, wala seshayipewa ishara ila ishara eya Yona.
\v 30 Eshi, nkasile shila o Yona shari ishara hwa bhaninawi, shesho shayibha omwana owa Adamu hushikholo eshi.
\v 31 Omalkia owa hukusini ayisogola isiku ilyalongwe pandwemo na bhantu abheshikholo eshi wape aibhalonga aje mnamakosa afatanaje omwahale ahenzele afume ncha ezye ensi ayovwe ehekimu eya Solomoni, na epa pali o gosi ashera Osolomoni.
\v 32 Abhantu Bhaninawi bhayemelela isiku elya longwe pandwemo nesikholo eshi bhape bhayishilongu aje shikosile afwanaje abhahale bhasajilwe hundomelelo ezya Yona, nepa pali ogosi ashile o Yona.
\p
\v 33 Nomo omntu yahwasya okhozyo nabhesha pa pafisishe au pansi pameza, eshi ibhehwa pamwanya eye meza, ili bhabhahwinjila bhalolaje okhozyo.
\v 34 Okhozyo olwebele liso. Eshi iliso lyaho nkalibhe shinza, obele gwao gwonti gubhabhelukhozyo. Lelo nkalibhe libhibhi obele gwaho gubhabhe nkisi.
\v 35 Enya eshi olukhozyo lwalimhati yaho osije ogabha nkisi.
\v 36 Eshi nkashile okhozyo guzyambanile mubele gwaho gwonti, wala segunesehemu eye nkisi, esho obele gwaho gwonti gubhabhe nokhozyo, nkashile lula okhozyo nkaukhozye obele gwaho gwonti gubhabhe no mwanga.”
\p
\v 37 Nali ayanga, o Falisayo omo akwizizye abhale hwamwahale alye ehsalye, winjila, wakhala pa shalye.
\v 38 Farisayo oyo nalolile, aswijile afwanaje saganawile sasele alye.
\v 39 Ogosi wabhola, “Amwe mwafalisayo mhwozya eshikombo ne sahani wonze lelo mhati yenyu mmemile afyole no ubhibhi.
\v 40 Amwe mwalema yabhombile evya hwonza seyoyo yabhombile evya mhati antele?
\v 41 Ulo fumyaji esadaka vila evya mhati ne enya, vyonti vibhovinza hwilimwe.
\p
\v 42 Lelo ole wenyu Mwafarisayo, afwatanaje mfumia ezaka za mnanaa ne zebwa na shila vilembe na ohu mleshile amamba age adili na lugane olya Ngolobhe. Mwanziwaga abhombe ego agahwande bla agalishe ego agabhele.
\v 43 Ole wenyu Mwafarisayo, afwanaje msongwa akhale hwitagalila elye mabhanza na lamhane msokoni.
\v 44 Ole wenyu, afwanaje mlengene na makabuli gasegabhone amago abhantu nabhashilla juu yakwe sebhali nehabari nago.”
\p
\v 45 Omntu omo katika abhanasheria wagalula, wabhalola sambelezi, ayanje esho otilajiye ate natee.
\p
\v 46 Wayanga, namwe mbhanasheria, ole wenyu afwanaje mbhatweha abhantu amazigo gasega nyeruha wala amwe bhenyewe semgapalamasya amazigo ego hata huvidole vyenyu shimo.
\v 47 Ole wenyu afwanaje mzenga maziala aga kuwa na ayise bhenyu afwanaje bhabhagojile.
\v 48 Eshi mshuhudila na zyetishe embombo ezya yise bhenyu, afwanaje bhahale bhabhagojile namwe mbhazenjela amaziala.
\v 49 Na afwanaje esho ehekima eya Ngolobhe ihayanjila, enya, embasontezye hwabhahale akuwa na tumwa, bhape bhayibhagoga bhamo na bhutanje.
\v 50 Ili hupapwa ene liwahwenze idanda elya kuwa wonti, yehitishe afume azengwe omsingi ogwensi.
\v 51 Afume idanda elya Abeli hata idanda elya Zakaria, yagongwilye kati ya pampto eya pashibhanza. Nantele embabhola eyaje ebhahwanzye humpapo ene.
\v 52 Ole wenyu amwe mbhana sheria afwanaje muwefwizye efukuro eye marifai mwemwe semwahinji yei nabhala bhabhahinjilaga mbhazubhiye.”
\p
\v 53 Nawafuma omwo asimbi na Mafalisayo bhandile husonje shibhibhi na husinjizye humaswali gaminji.
\v 54 Bhahuzijila ili bhapata enongwa zya zifuma mwilumu lyakwe.
\c 12
\cl Ulyango  12
\p
\v 1 Wakati owo amabungano nabhatangene elfu elfu hata bhakhanyanaga, ahandile abhabhole asambe leziwa bhakwe nantele, “Hwilindi ne chachu eya Mafarisayo ambayo unafiki.”
\v 2 Lelo nalimo izu lyalifisishe lyasalyaibhonaha wala lyalifisilye lyaselyayi julihana. Eshi gagonti gamuyanjile hunkisi gabhahwovwehwe pawelele.
\v 3 Na gamuyanjile mmakutu mwa bhantu katika mpanda ezya mhati gayitu mbele wa pamwanya eye golu.
\p
\v 4 Nane ambabhola amwa rafiki bhane, mgaje bhaogapa ebho bhabhagoga oele afwanaje baada eyeso sebhanowezo abhombe zaidi.
\v 5 Lelo embabhasunda owahumwogope. Mwogopaji ola ambaye nkashele wagoga omntu anakwezo huponye hujehanamu. Antele embabhola mwogapaji oyo.
\v 6 Nkashe mshomolo gasanu segakatiwa husenti zibhele? Wala sebhahwewehwa hata om hwitagalila elya Ngolobhe.
\v 7 Lelo hata lisisi eya mwi atwa genyu zibhaziwe zyonti, mganje ahwa gape esho. Nafu amwe ashile amashomolo gaminji.
\p
\v 8 Nane embabhola, nkashele yayineteha hwitagalile elya bhantu, omwana owa Adamu wapa ayihumweteha hwitagalila elya malaika owa Ngolobhe.
\v 9 Wape wahana hwitagalila elya bhantu, oyo ayikhanwa hwitagalila elya malaika owa Ngolobhe.
\v 10 Na shila mntu yayiyanga enongwa juu ya omwana wa Adamu, ayisajilwa, nkashele yayihuliga opepo uzelu sagayisajilwa.
\v 11 Nabhayibhatwala amwe hwitagalila elye mabhanza, na hwaliwali na hwaongozi, msazugumile asebhe enongwa zyenyu shamwayigalula au ayanje,
\v 12 afwanaje opepo ozeru ayibhasambelezya, esaa zyezyo zyazihwaziwa aziyanje.”
\p
\v 13 Omntu omo katika mabungano wabhola, “Sambelezi bhole oholo wane angabhile vulithi wetu.”
\p
\v 14 Wabhola, womntu awe, wenu yambeshele ane aje endi watazanye au wagabhanya juu yenyu?
\v 15 Wabhabhola enyaji, hwilindaji no wimi afwanaje owomi wamntu sauhuvintu evinji evya mntu vyu unavyo.”
\p
\v 16 Wabhabhola eshilale wayanga ogonda ogwa mntu omo otajili lyali lipepe tee,
\v 17 wanda asebhe humwoyo gwakwe, wayanga, embombo wele, afwanaje sendi nupabheshe eshanga eshe viyabho vyane?
\v 18 Wayanga embabhombe eshi, embabozolanye evyanga vyane, ezenje eshamwabho eshi gosi tee, nomwo embabheshe evyelewa vyane vyonti nevintu vyane.
\v 19 Nantele, nayihwibhozya, awe womwoyo gwane olinevintu evinza vinji vyo hwibheye mbuto humaha gaminji. Toyo eshi, alye, omwele, osongwe.”
\p
\v 20 Lelo Ongolobhe wabhozya, olilema awe, osiku ou owasanyono bhahwanza owomi waho, nevintu vyohwibhesheye vibhabhe vyananu?
\p
\v 21 Shesho shali omntu yahwibheye omwoyo gwakwe mbuto, asahwitajilisye hwa Ngolobhe.
\p
\v 22 Wabhabhola asambelezwa bhakwe, afwatana nesho embabhozya mgaje ahwihangayishile amayisha genyu__mbhalya yenu wala amabele genyu mbhakwate yenu.
\v 23 Afwanaje amayisha gazaidieyeshu lya nobele zaidi yemenda.
\v 24 Bhasebhaji enkogolo eyaje sebhato tuwala sebhayabhila, seline shanga wa eshitala, no Ngolobhe abhalisya, mrinafu amwe shila enyonyi!
\v 25 Yonanu hwilimwe yabhajiye ahwi ngayisye nawezye ahwiyonjezye otali wakwe hata okhono gumo?
\v 26 Eshi nkashele semwezizye hata lizu lyalili lidodo, yenu mhwiyazya kwajili yegamwabho?
\v 27 Gasebhelaji amawowa ejinsi shamela segahuhambo embombo wala segabhilinga, neane embubhola yaje hata Osulemani katika efahali yakwe yonti saga kwatiziwe shinza kama neshe eyego,
\v 28 Eshi nkebhe Ongolobhe akwatizya eshi amasole agamwipali, gagali sanyo no na sandabho gatagwa papepe. Je sagayibhabhombela amwe? Enyi amwe mwemli imani endodo!
\v 29 Amwe msahwanza shamwayilya wala shamwaimwele wala mgaje abhombe nowoga.
\v 30 Afwanaje egogonti ebhamnsi omu. Lelo o yise wenyu amenye aje mganza ego.
\v 31 Eshi anzaji omwene owa NGOLOBHE, nego mwayonjezewa.
\p
\v 32 Mganje hwogope, amwe mwikundi idodo, afanaje oYise wenyu alolile shinza abhapele ula oumwene.
\v 33 Kazi vyamlinavyo mfumye sadaka, hwibheshalaji amafuko yasagalala--embuto yasepogoha, humwanya pasaga afiha omwibha wala no ndo sana nkaya.
\v 34 Afanaje embuto yenyu, pehweli pagayibha gahweli na moyo genyu.
\p
\v 35 Amasana genyu gabhe gapinyilya nehozyo, zyenyu zibhe zihwaha,
\v 36 Namwe bhanji neshe abhantu bhabhahugolezya OGOSI wabho naiwela afume huweji, ili na hwenza na khome ehodi bhamwigulile.
\v 37 Nafu asontezewa bhala, ambao OGOSI wabho nayenza ayibhaga bhagonezezye. Eteshi embabhola abhahwipinye nabhakaribizye pa shalye, ayenza nabhavwe.
\v 38 Nankayenze olyondizanyo olwa bhele, au nkayenza olwandiznyo olwatatu nabhaje eshi, nafu ontezewa ebho.
\v 39 Lelo mmanye, izu eli, aje omwane sho nyumba agamenye esaa ya bhahwenze omwibha, handa agone zyezye, wala handa sagaleshele enyumba yakwe ebozolwe.
\v 40 Namwe hwibhehaji tayari afwanaje esaa yasagammenye shesho sha hwenza omwana wa Adamu.
\p
\v 41 OPetro wabhola, “GOSI, eshilale esho otibholele tele wene, au abhantu bhonti antele?
\p
\v 42 OGOSI wayanga, “Wenu eshi yali mtunzaji mwinza yali nebusara ambaye ogosi wakuwe abhahubheshe bhombambombo wakwe wonti, abhapele abhantu eposho huwakati wakwe?
\v 43 Nafu osontezi ola, ambaye gosi wakwe nahwenza awahumwaje abhomba esho.
\v 44 Lyoli embabhola abhahubheshe juu yevintu vyakwe vyonti.
\v 45 Lelo osontelezewa ola nkayanje humwoyo gwakwe, “OGOSI wane wakhala ahwenze wanda; abhakhome aholo bhakwe, alume na bhashe, alya na mwele na kholwe,
\v 46 Ogosi wakwe otumwa oyo ayenza isiku lyasategemeye nesaa yasayimenye, abhahudumranye evipande vibhele nahubheshe ifungu lyakwe pandwemo na bhasaga bhalino lyeteho’
\v 47 No tumwa, ola yagamenye omapenzi ga gosi wakwe, sahwibhe tayari wala agabhombe amapenzi gakwe, ayikhomwa tee.
\v 48 No ola yasagamenye wape abhombile gagahwanziwa akhomwe, akhomwa hashe. Na shila yapewewe evinji, hwamwahale oyo bhanza wanze vivinji, wape wabhesheye amana evintu evinji hwamwahale oyo wabhanza ahwanze zaidi.
\p
\v 49 Enenzere aponye omwoto pansi, na nkashile gwandue ahwanshe lyenu lyehwanza zaidi,
\v 50 Lelo endi no wonzwe wauhwanziwa ahwoziwe, nene endi namalabha neshe eyenu ili gatimizwe!
\v 51 Eshi! Mwadhani eyaje enenzele alete eamani? Pansi, embabhola, la seshashesho eshi Mafarakano.
\v 52 Afwanaje afume eshi enyumba emo bhayibha abhantu bhasanu bhavisenye, bhantu hwabhabhele, bhabhele hwa bhantu.
\v 53 Bhayivisanya, oYise no mwana no mwana no Yise wakwe, onyino no lendu wakwe, khoyi wakwe, okhamwana no khamwana wa mntu.
\p
\v 54 Wabhabhola amabungano nantele, “Shila namlola ibhengo nkalifumile oupanda wa magharibi tiyanga, evula ehwenza, ibha shesho,
\v 55 Na shila nevugula hukuskazini, liyanga, hubhabhe nilyoto, na shashi hweli.
\v 56 Amwe mwanafiki, mmenye atambule amaso agensine mwanya, shiliwele eshi abhe semumenye atambule amajira ega?
\p
\v 57 Na mbona amwe mwemwe hunafsi zyenu semu hwamla gagali gelyoli?
\v 58 Eshi namulongozenye no mshitaki waho abhale hwa lonzi, epo pidala bhomba ebidii akondane nawo, asabhe agaburuzya mpaka hwitagalila elya lonzi, ola olonzi wakhata mmakhono gakwe, hwamwenesho yagalipizya nola owalipizye asije agafunga mwijela.
\v 59 Ehubhola, sofuma omwo nkahashe hata omale asombe esenti eya mwisho.
\c 13
\cl Ulyango 13
\p
\v 1 Na wakati ou na ou, bhahali abhantu bhabhabholele enongwa eya Bhagalilaya bhala ambabho oPilato asangenye idanda lyabho na dhabihu zyabho.
\v 2 Wabhagagula wabhabhola, “Eshi msebhe eyaje Agalilaya ebho bhali bhabhibhi ashile Agalilaya wonti hata gabhajile amambo ego gonti?
\v 3 Embabhola, siyo, lelo nkashile semlamba amwe mwenti mwaitega shesho.
\v 4 Au bhala kumi na nane bhabhagwelewe no mnara ohwo hu Siloamu wabhagojile msebha eye je abhahale ali bhakosaji ashile abhantu bhonti bhabhakheyee hu Yerusalemu?
\v 5 Embabhola, siyo lelo nkashile semlamba amwe mwenti mwaitega shesho.
\p
\v 6 Wayanga ofwano ogu, “Omuntu omo ali nikwi lyatotilwe mgonda gwakwe elya mizabibu wabhala awanze amadondo juu yakwe sewa gaga.
\v 7 Wabhola omtunzaji owe gonda elye mazabibu enya amaha gatatu ega nenza ahwanze amadondo juu ye yikwi eli. Senahajile ahantu. Oudumre mbona hata ensi enachicha?
\p
\v 8 Wagalula wabhola ogosi oureshe omwaha ogu gwape, ‘hata egufugutile enguponyezye eburi.
\v 9 Lyape ugapapa amadodo pamande, shinza; nkashile sewaipapa ndipo odumraje!”’
\p
\v 10 Isiku elya tozye ali asambelezya msjiabhanza eshamwabho.
\v 11 Na enya, pali noshe yali ni pepo lye udhaifu omda ogwe maha kumi naminane wape agolombene sawezizye ahwigolozye tee.
\v 12 O Yesu nawalola akwizizye, wabholo, Maye, oyauliwe katika oudhaifu waho.”
\v 13 Wabheha amakhono gakwe juu yakwe wape wagoroha pepo watukuzya Ongolobhe.
\p
\v 14 Eshi ogosi oweshibhanza avitilwe afwanaje oYesu aponizye omntu isiku elyatozye agalura wabhobhola mabongano zihweli esiku sita zyazihwaziwa abhombe embombo. Basi enzaji mponywe msiku ezyo wala siyo mnsiku ezyatoye.
\p
\v 15 Lelo Ogosi wagalula wayanga amwe, “wanafiki! Shila omo wenyu je sahwigulika eng'ombe yakwe isiku elyatoye mwigoma abhale nayo amwelezye?
\v 16 Vono oshe yali shikholo sha Ibulahimu, ambaye oshetani apinyile amaha kumi na minane ega, sehwanziwa aje ayaulwe evifungo evi isiku elya toye?”
\v 17 Nawayanga ego bhasauhana wonti bhadalihanaga nabho amabongano wonti bha shimo afwanaje eye mambo aminza gagabhombeshe no mwehale.
\p
\v 18 Esho ayanjile oumwene owa Ngolobhe ulengene ne yenu, nane embulenganisye ne yenu?
\v 19 Ulengane ne punje eye haradali yayejile omntu wasasa mgonda gakwe yamela yabha likwii enyonyi ezya mwanya zakhala msamba zyakwe.
\p
\v 20 Wayanga olya bhele engulenganisye neyenu oumwene owa Ngolobhe?
\v 21 Ulengane ne chachu yahejile oshe wayifisa mhati eye pishi zitatu ezye usu hatgwasapa gwonti nantele.”
\p
\v 22 Wope ali shila mmaboma nu mvijiji asambelezya esafari yakwe eyabhale hu Yerusalemu.
\v 23 Omntu omo wabhozya eshi, “Gosi, abhantu bhabhahwaulwa bhadodo?” Wabhola,
\v 24 “Hwitahidi ahwinjile mlyango gula onyela, afanaje embabhola eyaje abhinji bhayanza ahwinjile bhayipotwa.
\v 25 Wakati omwanesho nyumba nayemelela na galile olyango namwe mwayanda ahwemelele hwonze nakhome ehodi palyango, na yanje ee Gosi, tigulile omwahale abhagalule na bhabhole sembamenye hwamufuma.’
\p
\v 26 Esho mwayanda ayanje, Taliye na mweele hwitagalile lyaho nawe wasambelezyezye idala elyetu.”
\p
\v 27 Wape abhayanje embabhola, `sembamenye hwamfumele sogalaji hwiline amwe mwenti mwemuli bhabhomba!’
\v 28 Esho shashabha shililo nasye amino namwanyihulo oIbulahimu no Isaka, no Yakobo na khakuwa wonti abhe umwene owa Ngolobhe namwe mwemwe mponyezyewe hwonze.
\v 29 Wope bhayenza abhantu afume hu Mashariki, na hu Magharibi, nafume hu Kaskazini na hu Kusini, wape bhayikhara pashalye pa umwene owa Ngolobhe.
\v 30 Na enya, wahweli bhali bhamwisho bhayibha bhahwanda na abha hwanda bhayibha bha mwisho.”
\p
\v 31 Esaa yeyo Amafarisayo bhamo bhamo bhabhariye, “Bhabhola fuma epe, obhale pamwabho, afwanaje oHerode ahwanza hugoje.”
\p
\v 32 Wabhabhola, “Bhalaji mbhore ola ombela, `Enya, sanyono na sandabho efumila epepo na ponye empongo, isiku elyatatu ekamiliha.
\v 33 Pandwemo nego enanziwe akhate idala lyane sanyono na shendabho na renda sandabho, afwanaje sehwaziwa aje okuwa atejele hwonze eye Yerusalemu.
\p
\v 34 Ee Yerusalemu, Yerusalemu, weenu wagoga akuwe na bhakhome na mawe bhabhasontezyewe, mara haleinga einanzile abhabhonganye abhana bhaho nenshi shila eikuku neibhoganya eivyana vyakwe pansi eiya mapiho gakwe, wala semwahanzile.
\v 35 Einyaji, muleshewe einyumba yenyu. Nane embabhoula, seimwailondola nantele na mwaha, hata namwayiyanga asalwe yalwenza hwitawa eilya Gosi.”
\c 14
\cl Ulyango 14
\p
\v 1 Yabha nawinjila mhati mnyumba eya mntu omo mmiongoni mwagosi abhe Mafarisayo isiku elyatoye, alye eshalye bharibhahuzijira.
\v 2 Enya, hwitagalila lyakwe hwalimntu obhino owe safura.
\v 3 O Yesu wagalula wabhabhola abhane sheria na Farisayo, “Eshi, shinzi apome isiku Elyatoye, au seshasho?”
\v 4 Abhahale bhapoma wakhata waponia, waruhusu abharaje omwene.
\v 5 Wabhabhora wenu kati yenyu ambaye engombe yakwe au edogomi yakwe etumbushiye mwilende wenu yasaga agavumbula isiku elyatoye?”
\v 6 Wape sebhawezizye galule enongwa ezi.
\p
\v 7 Abhabhola ofwano bhala bhahanilwe, nalolile nabhasalula amatengo aga hwitangalila wayanga,
\v 8 “Nkoyanilwe no muntu hu harusi, oganje akhala amatengo aga hwitagalila, ogajebhe aje oyanilwe omntu yaheshimiwa ashile awe.
\v 9 Wenza ola yabhanile awe nomwene, nahubhole osegulishe ono esho shobhahwande abhenesoni awene itengo elya hwisalo.
\v 10 Ila nkoyanwe bhalaga okhala pitengo elya hwisalo, nkashile ola yamwanile abhole, `Rafiki wane, enzaga hwitagalila.” Esho pobhabhe nehema hwitagalila elya bhantu wonti bhakheye pandwemo nawe.
\v 11 Afanaje kila wahwikuzya ahwisiwa wape wahwiyisya azuviwa.’
\p
\v 12 Wabhola ola ya mwanile nobhomba eshalye esha pasanya au esha nandwebhela, uganje abhakwizye arafiki bhaho wala aholo bhaho wala amwenyu bhaho wala ajirani bhaho bhabhalineshoma wape bhasahenze bhamwana awe wapata alipe.
\v 13 Eshi nobhomba eshikurukuru bhakwizye apena, alema, na viwete avipofu,
\v 14 nawe obhabhe nafu afwanaje ebhoselinahahulipe afwanaje wayilipwa nawayi owazyoshe owelyoli.”
\p
\v 15 Nawe nawovwa ego omo owabhala bhakheye pashalye pandwemo nawo abholele, “Nafu ola yabhalye ibumunda katika Oumwene owa Ngolobhe!”
\p
\v 16 Wabhola omntu omo abhombile eshikurukuru eshigosi, ahanile abhantu abhinji.
\v 17 Wasontezya obhomba mbombo wakwe esala eyeshalye abhabhole bhala bhabhanilwe, ‘Enzaji, afwanaje evintu vyonti vibhehwelwe tayari.’
\p
\v 18 Bhahandile bhonti, afumye audhuru hunia emo. Owahwande abholele, ‘Enkarile ogonda, ehwanzaje embale endwenye. Ehulabha onsajile.’
\p
\v 19 Owamwabho wayanga, ‘Enkarile eng'ombe, ejozi zisanu embala azilenje ehulabha onsajile.’
\p
\v 20 Owamwabho wayanga, ‘Enejile oshe, afwatanesho sebwezizye ahwenze.’
\p
\v 21 Ola osontelezi wabhala wabhola ogosi wakwa enongwa zye mambo ego. Basi ola omwanesho nyumba wavitwa, “Wabhola osontizi wakwe fuma nanali obhale mwidara igosi na mvichochoto evi boma obhalete epa apena, na lema na vipofu na viwete.”
\p
\v 22 Osontizi wayanga, `Gosi ego golajizizye gamalishe abhombeshe, hata sheshi nemo enafasi.’
\p
\v 23 Ogosi wabhola osontezi, ‘Fuma hwonze obhale hubalabala na mpaho obhashurutishe ahwinjile mhati, enyumba yane ebhe ememile.
\v 24 Eshi embabhola yaje katika bhala bha bhahanilwe sahweli hata omo yabhayilenje eshikurukuru shane.’
\p
\v 25 Amabongano aminji nabhali bhahubhenjeya wape, agalushe wabhabhola,
\v 26 ‘Nkashele omntu nkayeze hwiline wape sahuvitu oyise wakwe, no nyine wakwe, noshe wakwe, na bhana bhakwe, na holo bhakwe abheshilume na bhesheshe- nantele hata enafsi yakwe yoyo sawezizye abha mwanafunzi wane.
\v 27 Omntu yoyonti yasayeji eshikhobhohanyo shakwe nahwenzi hwisalo lyane sawezizye abha mwanafunzi wane.
\v 28 Eshi wenu kati amwe, nkashile ohwanza azenje omnara yasakhala nasoti na bhazye egharama aje alinavyo evyamalelezye?
\v 29 Asibhe wamenwa amale baada eyazenje omsingi abhantu wonti bhabhalola bhaganda huseshe,
\v 30 bhayanga, Omntu ono ahandile azenje wabha salinamaha aga malezyenje.’
\p
\v 31 Au huli no mwene wele, nkahwanza abhale alwe no mwene owenje yasakhala nsoti na abhombe ajehane, aje omwahale pandwemo na bhantu elfu kumi agawezya atangane nola yahwenza juu yakwe na bhantu elfu ishilini?
\v 32 Na nkashile walola sewezizye asontezya oujumbe ogwahwanza eamani omntu ola salihutari.
\v 33 Shila omo wenyu yasaleshile vyonti vyalinavyo sawezizye abhe mwanafunzi wane.
\p
\v 34 Omwoni hantu ahinza, lelo omwoni nkashile gunanjishe oponyeye nu ili gukhole?
\v 35 Seguhwanziwa mnsi wala jaa abhantu bhaitaga hwonze. Yali namakutu agatejezye, na ayovwe.”
\c 15
\cl Ulyango 15
\p
\v 1 Basi asonjezya abhesonga bhonti na bhala abhibhi bhali bhahukaribira bhamwovwe.
\v 2 Afalisayo na simbi bhauna bhayanga, “Omuntu ono abhakaribizya abhe mbibhi nantele alya nabho.”
\p
\v 3 Wabhabhola omfano ogu wayanga
\v 4 “Wenu hwilimwe yali nengole mia nkatejire emo yasagazileha zira tisini na tisa mwipoli, abhale ayanze ele yetejile hata eyilore?
\v 5 Wape nkashile walola ahubheha mmapongo gakwe ashimile.
\v 6 Nafiha akhaya yakwe, abhakwizya arafiki bhakwe na jirani bhakwe abhabhore shimaji pandwemo nane, afwanaje enjajile engore yane yehatejire.’
\v 7 Embabhola shesho hwanyibha ashime amwanya kwajili ya bhibhi omo yaramba ashile abhinza tisini na tisa ambao sebhalamba.
\p
\v 8 Nu hulino she wele yali nesilinje kumi nkawatezya esilinje emo, sahwasya okhozyo n ahwose mnyumba na hwanze hubidii hata ayilole?
\v 9 Na nkashile ayilole abhakwizya arafiki bhakwa na jirani bhakwe abhabhola shimaji pandwemo nane afwanaje enjajile esilinje ela yehatejire.
\v 10 Embabhola shesho hulisongwe hwitagalila elya kuwa abha Ngolobhe kwajiri yola obhibhi omo yaramba.”
\p
\v 11 Wayanga, “Omntu omo alinabhana bhabhele
\v 12 ola ododo wabhola oyise, Baba mpele eshemu eye shoma yegwela. Wabhagabhila evintu vyakwe.
\v 13 Hata pitagalila ensiku senyinji ola ododo wabhonganya vyonti wasogora abhale ensi eya ohutari wanankanya eshoma shakwe ohwo humaisha ege uhuni.
\v 14 Nawabha anankenye eshoma shonti enzala egosi ehinjiye mnsi ela omwahale wape wanda ahwanze.
\v 15 Wabhala wakhata nokhaya omo owensi ela, wape atwaliile hugonda gwakwe arere engorobhe.
\v 16 Wabha atamari alya amakhondo gazyalyanga egorobhe wala nomo omntu yapanga ahantu.
\v 17 Nawasebhelela humwoyo gwakwe ayanjila bhali bhalenga abhomba mbomba hwa babawane bhabhalya eshalye nasagazye nane epa efwa nenzala!
\v 18 Embasogole embabhale hwa baba wane na hubhole, “Baba enkosile juu eye mwanya na hwitagalila lyaho.
\v 19 Sehwanziwa akwiziwe mwana waho nantele; mbombo neshe abhombambo bhabho.”
\v 20 Wasogola wabhala hwa yise. Nalisa hutali oyise wakwe alolile walolela husajire wabhala sashembela wagwele msingo wayayila tee.
\v 21 Ola omwana wabhola, ‘oyise enkosile juu yemwanya na hwitalila lyaho sehwanziwa akwiziwa mwana waho nantele.’
\p
\v 22 Lelo oyise abhabholele abhombambombo bhakwe, ‘leti nanali omwenda gawguli gwinza, mkwenesye peli nepete mshidole na virato.
\v 23 Reti endama ela yenonile msizile nate tilye nashime.
\v 24 Afwanaje ono omwana wane ali afwiye wape azyoshele. Ali atejira wape abhoneshe bhanda ashanjilile.
\p
\v 25 Basi ola omwana wakwe ogosi ali hugonda. Nali ahwenza napalamile pakhaga ahovwezye amazu ege ngoma na shawa hwanga.
\v 26 Wakwizya obhomba mbombo omo wabhozya amambo ego geyenu?
\v 27 Wabhola oholo waho ayenzele no yise waho asinziye endama yenonile apwanje amwajile nantele ali mwomi.’
\p
\v 28 Wavitwa wakhana ahwinjile mhati basi oyise wafumire hwonze walabha.
\v 29 Wagalula oyise wakwe wayanga, ‘Enya ane ebhombeye amaha galenga ega wala senkosile endajizyo zyaho wakati wawonti, lelo sompiye ane enya na ye mbuzi embombe ashime na rafiki bhane.
\v 30 Lelo nawenza ono omwana waho yaliye vintu vyaho pandwemo na malaya asinziye omwahale endama yenonile.
\p
\v 31 Wabhola, ‘Mwana wane, awe olipandwemo nane ensiku zyonti vyendi navyo vya huliwe.
\v 32 Antele abhombe ashima ne shangwe ehali yelazima afwanaje; ali atejile wape abhoneshe.”
\c 16
\cl Ulyango 16
\p
\v 1 Antele abhabholele asambelezwe bhakwe, “Pali no mntu omo alitakiri alino wakili wakwe, ono atakwilwe hwamwahale anankanya eshoma shakwe.
\v 2 Wakwizya wabhola, “Nongwa wele ezi zyehwovwa juu ya hwiliwe? Fumia ehesabu eye owakili waho afwanaje sowezizye abhe wakili nantele.’
\p
\v 3 Ola owakili wayanga mumwoyo gwa kwao, Embombe wele, nkashere ogosi wane anefwa ouwakili? Alime sebwezizye alabhe, elola esoni.
\v 4 Endimenye lyembabhombe ili nabhanefwe huwakili bhankaribizyaje mkhaya zyabho.
\v 5 Wabhakwizya bhabhakhopile amadeni aga gosi wakwe shila omo wabhora owhwande, ‘odayiwa nogosi wane?’
\p
\v 6 Wayanga eshipimo mia eshe mafuta wabhora ‘ege ehati yaho simba hamsini.’
\p
\v 7 Antele wabhora owamwaho na we odaiwa?’ wayanga ‘makanda mia age ngano wabhoro ega ehati yaho simba themanini.’
\v 8 Ola gosi wasomba owakili dhalimu shashila shabhombile hubusara. Afwanaje abhana abhensi ene katika epapo yabho bhebho bhabha ne busara ashile abhana abhe lukhozyo.
\v 9 Nane embabhola bhombelaji abhe rafiki weshoma eshe udhalimu ili nehaibhanemo bhabhakaribizyaje hukhaya eye umilele.
\v 10 Yali mwamini lyalili lidodo tee abhamwamini hwi gosi nantele. Na yali dhalimu hwidolo abhabhe dhalimu hata hwigosi nantele.
\v 11 Basi nkashile amwe semwali bhaminifu hushoma eshe udhalimu wenu wabhapele amana eshoma eshelyoli?
\v 12 Na nkashile semwali bhaminifu hushoma esha mntu owenje wenu yabhabhapele yeli yahulimwe mwemwe?
\v 13 Nomo obhombambo yabhabhambele agosi bhabhele, afwanaje abhahuvitwe ono nahusongwe ono, au abhakhatane nono na hudhalau ono. Sawezizye hutumishile Ongolobhe ne shoma.”
\p
\v 14 Basi Mafarisayo, abhene bhebho bhasogwa ehela bhahovwezye ago gonti bha dhihaki.
\v 15 Wabhabhola, “Mwe mwemwe mhwidai elyoli hwitagalila elya bhantu, lelo Ongolobhe abhamenye amoyo genyu afwanaje lyalisobwa hwa bhanadamu uhuvisya hwitagalila elya Ngolobhe.
\p
\v 16 Etorati na kuwa vyahali mpaka Yohani afume. Ouwakati wowo enongwa enyinza ezye umwene owa Ngolobhe zitangaziwa, na shila mntu ahwiyinjizya humaha.
\v 17 Lelo nafu zaidi emwanya nensi vyepe ashile aje etanguliwe enukta emo eye torati.
\p
\v 18 Shila yahuleha oshe wakwe na humweje oshe owenje azini wape yahumwega yalehwilye nolume wakwe anazini.
\p
\v 19 Pali ono mntu takili akwete nu menda ege rangi ye zambarau na kitani nyinza na lye ensiku zyonti kwa anasa.
\v 20 No pena omo itawa lyakwe yo Lazaro abhehwelya palyango gwakwe ali na malonda gaminji.
\v 21 Wape ali akitamani akutiziwe amambo gagalagaliye pameza eyola otakiri hata embwa zyeza zya guna amaronda gakwe.
\v 22 Yabha ola opena wagwa wegwano malaika paka pashifiwa esha Ibulahimu ola otakiri wape wafwa wa syelwa.
\v 23 Basi ohula huzimu abhosezye amaso gakwe nali pamarabha walola Ibulahimu sahutari no Lazaro pashifua shakwe.
\v 24 Walila wayanga, ‘Ee baba Ibulahimu, sajire osontezye oLazaro atobhezye echa eye shidole shakwe mmenze, aluburudishe omele lwane; afwanaje elabha mu mwoto omu.
\p
\v 25 Ibulahimu wayanga, ‘Mwanawane kumbuhaga eyaje awe waposheye amambo aminza gahuliwe katika amaisha gaho, no Lozaro shesho apete amabhibhi na eshi omwahale aliepa afarijiwa na awe ovwalala.
\v 26 Na zaidi yego kati yetu ate na mwe libhehwelwe irende igosi, ili bhala bhabhafuma ohwo abhale hwilimwe bhagajeshile wala abhantu abhahwilimwe bhagaje shile ahwenze hwititi.’
\p
\v 27 Wayanga, ‘Basi Baba ehulabha, osontezye akhaya hwa baba wane
\v 28 afwanaje endi na holo bhasanu ili abhashudile bhasije bhape nantele bhafihe mahali epa pamalabha.’
\p
\v 29 Ibulahimu wayanga, ‘Bhalinabho oMusa na kuwa. Na bhabhovwe ebho.
\p
\v 30 Wayanga, ‘la, Baba Ibrahimu, lelo nkashile abhabhabhalile omntu yafuma hwa bhafwa bhanzarambe.’
\p
\v 31 Wabhola nkashele sebhabhowa aMusa nu kuwa sebhanzashawishiwe hata omntu nkashile azyoshe afume wabhafwe.
\c 17
\cl Ulyango 17
\p
\v 1 Wabhabhola asambelezewa bhakwe, “evisyo sevi nebudi ahwenze lelo ole wakwe omntu ola ambaye gahwenza afwatane nomwahale!
\v 2 Yakhondeye zaidi omntu oyo iwe elyasyole lipinyeve msingo yakwe aponywe mwidimi, ashile abhavisye miongoni mwadodo ebha.
\v 3 Hwirindi. Nkashile ohoro waho nkakoseye sunde, nkarambe sajire.
\v 4 Nankashile akosire mara saba katika isiku limo, nawele hwiliwe mara saba nkayanje, ‘erabha,’ sajire!”
\p
\v 5 Atumwa bhabhola Gosi, “Tonjezye oweteho.”
\p
\v 6 Ogosi wayanga, “nkashele mgari no lweteho ekiasi eshe chembe eye haradali, mwezaga alibhole iko eli senyeha, ‘utotwe mwidimi,’ wope ungewaheshimu.
\p
\v 7 Lelo wenu hwilimwe, omwanesho obhomba yalima au yadima ing'ombe, yabhalubho nawera afume hugonda, ‘Enzaa epa nanali khara olye eshalye?
\v 8 Je sabhahulobhe mbombele tayari eshalye endwe, hwipinye ombombele hata endwe na mwele. Nawe pobhalya na mwele?
\v 9 Je abhahupere emwasalipa ola obhomba mbombo afwanaje abhombile galajiziwe?
\v 10 Shesho namwe namwayibha mumari abhombe gonti gamlajiziwe yangaje ‘Ate tili bhasontezewa bhasebhali ne faida. Tibhombile wene gaganziwaga tibhombe.’
\p
\v 11 Yabha nabhali mwidara nabhala hu Yerusalemu, ali ashira mhati eye Samaria na Galilaya.
\v 12 Nawinjira mshijiji shimo, atangene nu bhantu kumi bhali no ukoma. Bhemelela sahutari
\v 13 bhakhora humaza bhayanga “Ee Yesu, Gosi owa Gosi otisajire.”
\p
\v 14 Nawabhalola wabhabhola, “Eshi bhalaji mhwibhonezye hwa kohani.” Yabha nabhali bhabhale bhahozyewe.
\v 15 Na omo miongoni mwabho nawalola aje aponile awelile, ohuu ahutukuzya Ongolobhe hwizu igosi.
\v 16 Wagwa fugamila pamagaga gakwe na husalifwe wapa ali msamaria.
\v 17 O Yesu wagalura, wayanga, “Sebhatakasyewe wonti kumi? Bhala tisa bhalihwi?
\v 18 Eshi sebhabhonesha bhabhawelile hupele Ongolobhe, outukufu ila ojenyi ono?”
\v 19 Wabhora, “Imelela walaga wewe olweteho lwaho lumwauye.”
\p
\v 20 Nabhozyewaga na mafarisayo umwene owa Ngolobhe wayenza ndii, Aglula wabhabhola, “Umwe owa Ngolobhe seuhwenza agodezyegozye.
\v 21 Wala sebhayiyanga, ‘Enya uhweli ohwo!’ au, ‘Hula!’ afwanaje enya umwene owa Ngolobhe uhweli mhati yenyu.”
\p
\v 22 Wabhabhola asambeleziwa bhakwe, “Ensiku zihwenza namwitamani alole isiku limo katika ensiku zyakwe Omwana wa Adamu, samwaizilola.
\v 23 Antele bhayibhabhola, ‘Enyi, ohu! Mganje, sogole pala!’ Paruhweli wala msabharondozye,
\v 24 afwanaje neshe shila oumeme shaukhozya hata upande ou owensi eye mwanya. Esho shashayiha Omwana owa Adamu katika ensiku zyakwe.
\v 25 Lelo ahwanda sali nebudi apate marabha aminji na khanwe neshikholo.
\v 26 Ila nkashele shashahali ensiku ezya Nuhu, esho shashayibha katika ensiku zyakwe Omwana owa Adamu.
\v 27 Bhali bhalya na mwele na hweje na hwegwe hata isiku ila o Nuhu yahinjile katika mwisafina amakhoshi gahishile gabhangamizizye wonti.
\v 28 Na nkashile shahali katika ensiku zya Lutu, bhali bhalya na mwele, wali bhakala na kazye, bhatotaga nazenje.
\v 29 Lelo isiku lila Lutu yafumile Msodoma, gwahishile omwoto neshibiriti afume amwanya gwabhatezizye wonti.
\v 30 Esho shashayibha isiku lila lyayibhonesyewa owa Omwana owa Adamu.
\v 31 Katika isiku lila yali juu yogoro na evyelelo vyakuwa vili mhati eyenyumba agaje hwishe ili ayeje. Nantele yali hugonda ga jewele hwisalo.
\v 32 Izuhaji oshe wa Lutu.
\v 33 Omntu yoyonti yabhaponje enafisi yakwe abhayitezye nayoyonti yayitezye, abhayiponie.
\v 34 Wabhabhola, osiku owo abhantu bhabhele bhayibha ishitara shimo. Omo ayegwe omo ayilehwa.
\v 35 Abhashe bhabhele bhayibha bhasya pandwemo, omo ayegwe omo ayilehwa.” Abhantu bhabheke bhayibha hugonda omo ayegwa omo ayirehwa.”
\v 36
\p
\v 37 Bhagalula bhabhozya, “Woshi, Gosi?” Wabhabhola, “Peli efwe nyene pepo pabhayitanganila enyonyi.”
\p
\v 37 Bhabhouzya, hwii ou Ngouloubhei,? Wabhabhoula, paala paali oumuzoga, peipo eitai zibhoungana peeka.
\c 18
\cl Ulyango 18
\p
\v 1 Wabhabhoula eishifwani sheihwanziwa hulabhe Oungouloubhei einsiku zyonti wala mugajekate etama.
\v 2 Wayanga, ‘Pali nou lonzi hwi-iboma limolimo sahuputa Oungouloubhei wala sahwogopa abhantu.
\v 3 Na katika iboma elyo pali noshe ofwele ali ahubhaliila bhalila, ayanga, ‘Pele ehaki na adui bhane.’
\p
\v 4 Wapa humda akhene antele wayanga humwoyo gwakwe, iwapo sehuputa Ongolobhe wala sehwogopa abhantu,
\v 5 lelo afwanaje ofwele ono avisya ambahupe ehaki yakwe asayenza andisye anenzele tee.”
\v 6 Ogosi wayanga tejerezi gayanga ola olozi odhalimu.
\v 7 No Ngolobhe je Sabhabhapele elyoli bhaala bhateulie bhakwe bhabhahuli lila osaya no siku? Wape jivi hwabhahale?
\v 8 Embabhora ayibhapera ehaki nanali. Lelo nayenza Omwana owa Adamu je ayiyilola imani pa dunia?’
\p
\v 9 Wabhabhora ofano ogu abhantu bhabhahwikinalile eyaji abhabhare bhalinelyoli bhabhasolanya abhanje wonti,
\v 10 ‘Abhantu bhabhele bhazumile mwibhanza apute: Omo Farisayo owabhele asonjezya esonga.
\v 11 Ola oFarisayo wemelela arabhe eshi humwoyo gwakwe, ‘Ee Ngolobhe, ehusalifwa afwanaje ane sendi neshe abhantu abhanje, bhabhafyala, adhalimu, ahuni, wala neshe ono yasonjezya esonga.
\v 12 Ane efunga habhele hurungo. Efumia ifungu elyakumi katika amapato gane gonti.’
\p
\v 13 Lelo ola yasonjezya esonga ahemeleye sahutari, wala gagawezizye hata huhwenye amaso gakwe amwanya esho ahwikhamile khonile pashifubha ayanga, ‘Ee Ngolobhe, osajile ane endibhibhi.’
\v 14 Embabhola, ono ahishile abhara akhaya yakwe abhaziwe elyoli ashile ola afwanaje kila wa hwinyunula adhiriwa wape ajidhiliye abhakuziwe.’
\p
\v 15 Bhatwalila abhana abhere ili abhapalamasye, lelo asambelezewa bhakwe, nabhabhalola bhabhadamile.
\v 16 Esho oYesu wakiwzya bhale hwamwe hale wayanga, ‘Bhareshi abhana adodo bhenze hwiline wala msabhagomele afwanaje abhantu neshe ebho oumwene owa Ngolobhe wabho.
\v 17 ‘Eteshi embabhola, omntu yeyonti ya sahwejelela oumwene owa Ngolobhe nenshe omwana ododo sagaayinjila nantele.’
\p
\v 18 Antale omntu ogosi omo abhozezye ayanjile sambelezi mwinza embombe wele ili empewe agale owomi owa hanihani?’
\p
\v 19 O Yesu wabhabhora, ‘Eshi mnkwizya mwimza? Nomo omwinza ila aliomo wape yo Ngolobhe.
\p
\v 20 Ozimenye endijizwo- ogajebhe huni, ogajegoje, ogaje ahwibhe, ogaje ayanje ilenka obhaheshimu oYise waho no nyina waho.
\p
\v 21 Wayanga ege gonti engakhete afume huwana wane.’
\p
\v 22 O Yesu nawovwa ego abhorale, “Apongoshewe izu limo osele. Kazya vyolinavyo vyonti obhagabhile apena nawe abhabhe nembuto amwanya nantele enze ondodore.’
\v 23 Lelo nahovwezye ego akongobheye tee, afwanaje alineshoma shiminji.
\v 24 O Yesu nawalola shila wayanga, ‘Hushida wele abheshoma bhayinjila oumwene owa Ngolobhe!
\v 25 Afwanaje shororo engamia ashile pitundo elye shindano ashile otakili ahwinjile oumwene owa Ngolobhe.’
\p
\v 26 Bhape bhabahovwe bhayanjile wenu eshi yagaulwe?’
\p
\v 27 Wayanga, ‘Gasegawezeha wabhanadamu gawezehana hwa Ngolobhe.”
\p
\v 28 O Petro wayanga, ‘Enya, ate tivileshire evintu vyetu vyonti na hurondorere.
\p
\v 29 ‘Wabhabhora, Lyoli embabhora nomo omntu yayireshire enyumba yakwe, au oshe, au ohoro, au apafi, au abhana, kwajili eye Umwene owa Ngolobhe,
\v 30 yasagayiposhera hahinji katika amaha ega, na katika ensi yihayinza no womi hanihani.’
\p
\v 31 Wabhega bhala thenashara, wabhabhora, ‘Enyi, tizubha abhale hu Yerusalemu, amambo gonti gawatimiziwe Omwana owa Adamu gasibwililwe na kuwa.
\v 32 Afwanaje abhakhatwe mmakhono age bha Mataifa aibhombelwa edhahaka, abhabhombelwe azyongolwe nu huswele amate.
\v 33 Wape bhayihukhoma namajeredi esho bhayihugoga, isiku elyatatu ayizyoha.’
\v 34 Lelo sebhahelewa enongwa ezyo atahashe, ejambo elyo lyafisilwe hwabhahale, wala sebhamenye gagayagwilwe.
\p
\v 35 Yabha na apalamie hu Yeriko, omntu omo kipofu ali akheye pashenje ye dara alabhaga esadaka,
\v 36 na wovwa mabongano na bhashila wabhozya huliyenu.
\p
\v 37 Bhabhola oYesu owa hu Nazareti ashira.
\p
\v 38 Wakhora ehoro wayanga, Yesu Mwana wa Daudi, osajire.’
\v 39 Basi bhala bhatagaliye bhadamila ili apome, lelo umwahara ahonjezezye sana apayushe izu, ‘Ee Mwana wa Daudi, osajire.
\p
\v 40 O Yesu wemerela wamurisya atwarwe hwamwahare nu paramiye abhozezye,
\v 41 ‘Ohwanza ebhombele yenu?’ Wayanga, ‘Gosi, empate alole.’
\p
\v 42 O Yesu wabhora, ‘Opewe alole. Olweteho olweho luponizye.’
\v 43 Mara eyo wapata alore, wabhenjezye ohu ahusifu Ongolobhe. Na bhantu bhonti na bhalori ego bhasifure Ongolobhe.
\c 19
\cl Ulyango 19
\p
\v 1 Wape nahunjiye hu Yeriko ashirile pahati yakwe.
\v 2 Na enya pali no mntu ityawa lyakwe Zakayo. Gosi hwabha sonjezya esonga wape takiri.
\v 3 Ono ahanzaga hulore oYesu mntu yali welewele sagawezizye afwatane no winji wabhantu eshi fupi wekimo.
\v 4 Watangulira sashembera winjira amwanya mwiko ilipate hurole afwanaje abhahwenze shilire idara lila.
\v 5 Na oYesu ashilile esehemu ela, ehenyizye amwanya wabhora, ‘Zakayo, iha nanali, afwanaje sanyono ehwanziwa alenda mnyumba yaho.’
\v 6 Wabhomba nanali, wiha wakaribizya ohu ashiye.
\v 7 Hata bhantu nabhavolire bhaunire wonti, bhayanga, ‘Ayinjiye akhare hwa mntu owe mbibhi.’
\p
\v 8 Zakayo wemerela wabhora Gosi, Enya Gosi enusu eye shoma shane embapera apena nkashera efyelere omntu ahantu huhila ehuwezezya mara zinne.’
\p
\v 9 O Yesu wabhora sanyono owaule ufishire mnyumba omu afwanaje ono wape mwana wa Ibrahimu.
\v 10 Afwanaje Mwana wa Adamu ahenzere ahwanze na hwaule shila shashitejire.’
\p
\v 11 Nabhahovwezye ego, ahonjeye ayanje omfano afwanaje aripapepe ne Yerusalemu, bhape bhasebhere aje oumwene owa Ngolobhe ubhonesha nunari.
\v 12 Basi wayanga, ‘Omntu omo kabaila asafiriye abhare ensi yahutari ili ahwipere oumwene na were.
\v 13 Wabhakwizya abhantu kumi katika asontezi bhakwe awapera amafungu kumi agehela wabhabhora bhombaji ebiashara hata nehayenza.’
\p
\v 14 Lelo abhantu abhe boma lyakwa bhavititwe bhasontezyezye oujumbe hurondore na yanje setihumwanza ono atilongozye.’
\v 15 Yabha nawawela apete oumwene wakwe wamuru bhakwizizwe bhala atumwa bhabhapiye ehela, ili amanye efaida yapete shila mntu huchuruzi wakwe.
\p
\v 16 Wenza owahwande wayanga, `Gosi, ifungu liretire efaida eye fungu kumi zaidi.’
\p
\v 17 Wabhora, Shinza mtumwa mwinza hwashila sholi mwaminifu hunongwa endodo obhe na mamlaka amafungu juu ya maboma kumi.’
\p
\v 18 Wenza owabhele wayanga, ‘Gosi, ifungu lyaho liretire amafungu gasanu efiada.’
\p
\v 19 Wabhora ono wape awe owe juu eye maboma gasanu.’
\p
\v 20 Wenza owamwabho wayanga, `Gosi eli lifungu lyaho ambalo nabheshere mbuto mreso.’
\v 21 Afwanaje namwogope afwanaje oli mntu okhome ohwefu husobheshere okhome, ohwefu hasobheshere okonga hasaga ototire.
\p
\v 22 Wabhora ambahulonje hwiromu lyaho wotumwa wobhibhi awe wamenye aje endi mntu khome. Nehwefwe hasembeshere na ekonga husetolile.
\v 23 Basi, eshi sohabheshere ehela yane hwa bhafumia eriba ili nehwenza enjagaje pandwemo nefaida yakwe?
\v 24 Wabhabhola bhabhemeleye papepe fyori elyo ifungu mpere ola yali namafungu kumi.’
\p
\v 25 Bhabhora, `Gosi, anago amafungu kumi.’
\p
\v 26 Embabhora, shila yali nahantu abhapewe lelo ola yasalinahantu bhafyolwe hata halinaho.
\v 27 Antele bhala adui bhane bhadebhahwanza aje embalongozye bhareti epa mbhabhole hwitagalila lyane.”
\p
\v 28 Nawamala ayanje ego atanguliye hwitagalila wazubha abhare hu Yerusalemu.
\v 29 Yabha na paramiye pa Bethfage na Bethania, hwigamba lyalihwetwa Mizeituni, asontezyezye bhabhele katika bhala asambeleziwa,
\v 30 wayanga: `Bhalaji mpaka nshijiji shila shashili papepe omwana-dogomi apinyilwe ambaye sawayile ahwinjilwe no mntu yoyonti asele mwauli mrete epa.
\v 31 Na nkashile omntu abhabhozye eshi mhumwalayanji eshi Ogosi ane shida nawo.”
\v 32 Na bhala bhasontezywe bhalile bhalolile ne nshe shabhabholele.
\p
\v 33 Nabhali bhahumwaula omwana-dogomi abhanesho bhabhabhozya mbona mhwaula edogomi?’
\p
\v 34 Bhayanga, `Ogosi aline shida nawo.’
\v 35 Bhatwala hwa Yesu bhara amenda gabho juu ya mwana dogomi bhamwinjizya oYesu.
\v 36 Na hali abhala bhabhambshe amenda gabho mwidara.
\p
\v 37 Hata nali aparamiye ahwishe mwigamba elya Mizeituni, ikundi lyonti elyasambelezewa wakwe bhahandira ashime na husifu Ongolobhe humazu amagosi eye mambo gakwe age mahaa gabhagalolile,
\v 38 bhayanga, ‘Ndiye yasayilwe mwene yahwenza hwitawa elya Gosi! Amani amwanya na utukufu ohwo amwanya!’
\p
\v 39 Bhamo Afarisayo bhabhahari pabongano bhabhora, Sambelezi obhakhane asambelezi wa bhaho.’
\p
\v 40 Wagalula wayanga embabhora amwe nkabhapome kati ebhe amawe gabhohomere ohoro.’
\p
\v 41 Nawafiha papepe walilola iboma walilillaa,
\v 42 wayanga, lelo ogamenye hata awe katika isiku eli gagawanziwa amani! Lelo eshi gafisilye pamaso gaho.
\v 43 Afwanaje isiku zyayenza adui bhaho nabhayihuzenjela boma, lizyongole bhaihuzyongola epande zyonti.
\v 44 Bhayihugwisya pansi nabhana bhaho mhati yaho. Bhasiteshere iwe juu iwe, afwanaje sohamanyaga amajira agahwenzele hwaho.’
\p
\v 45 Winjita mwibhanza wanda abhafumie bhala bhabhabhombaga ebiashara,
\v 46 abhabhola, “Isimbwilwe, ‘Enyumba yane ebhabhe nyumba ye mputo.’ Lelo amwe muyibhombile abhe ligwenya lyo bhafyola.”
\p
\v 47 Wape wabha asambelezya shila lisiku mwibhanza. Lelo Gosi Abhakohani na simbi na agosi abhabhantu bhali bhahwanza idara elya hutezye,
\v 48 sebhalilora elya bhombe afwanaje abhantu bhonti bhahwandamano nawo bhahutejezya.
\c 20
\cl Ulyango 20
\p
\v 1 Yabha isiku limo, ali asambelezya abhantu Mwibhanza na alombelele enongwa enyinza, agosi abhe makuhani na Simbi pandwemo na zehe bhabhaliye nanali.
\v 2 Bhabhora, bhayanga, ‘Tibhore obhomba amambo ego humaha ganu nantele yonu yapiye amaha ege?”
\p
\v 3 Wagalula wabhabhora, ‘Nane ambabhobhozye amwe enongwa zimo mbori
\v 4 owoziwa owa Yohana. Je, wapumile amwanya au wabhantu?’
\p
\v 5 Bhagamzanya bhebho hwa bhebho, wayanga, ‘Nkashere, `Tije ufumile amwanya, ayanje, ` Basi, mbona semwamwetesha?’
\p
\v 6 Nkatije tiyanje aje ufumire hwa bhantu; abhantu bhonti bhanzatikhome na mawe afwanaje bhamweteshe oYohana aje kuhwe.’
\v 7 Bhagalula aje sagatimenye hwa ufumere.
\p
\v 8 O Yesu wabhabhola, “‘Wala ane sembhabhola amwe humaha gananu gebhomba amambo ega.”
\p
\v 9 Wanda abhabhore abhantu hufwa no ogu, “Omntu omo atotira ogonda ogwe mazabibu, wapanjizya bhabhalima, wabhara wakhala hunsi eyamwabho humuda ogwinji.
\v 10 Na wakati owakonje asontezyezye owe mbombo owamwabho bhakhoma ono wape bhakenyesya bhatunga mmakhono aliwene.
\v 11 Wasontezya newembombo owa mwabho bhakhama wape bhakenyesya bhatanga namakhono- wene.
\v 12 Wasonteleya no watatu ono wape bha vwalazya bhataga hwonze.
\v 13 Basi ogosi owe gonda ogwe mizabibu ayanjile, embombewele? Embahusontezye omwana wane wegene ane. Olwenje bhagamwogopa omwene.’
\p
\v 14 Lelo bhala abhalima nabhalorile bhashauliyene bhene hwe bhene bhayanga ono wagare eshi tigoje ili agalo ubhe wetu.’
\v 15 Bhataga hwonze hugonda ogwe mizabibu bhagoga. Basi ogosi owe gonda elye mzabibu abhabhabhombe wele?
\v 16 Awahenze nabhatezye bhabhalima bhala nogonda gula ogwe mizabibu, anzabhapele abha mwabho nabhovwa ego bhayanga, ‘Basi gasafumire ega!’
\p
\v 17 Wabhalangulila amaso wayanga emana yakwe yenu eshi izu eli lyalisibwilwe, iwe lyabhalikhene wa ashi elyo liwe igosi lyalishenje’?
\p
\v 18 Nkashele kila muntu yayigwela piwe elyo abhabudushe walyayihugwela lyayihusya tee.’
\p
\v 19 Bhape asimbi na gosi makuhani bhahanzile hukhate esula yeyo, bhabhogopa abhantu afwanaje bhamenye aje ofwano ogu abhayanjire bhebho.
\v 20 Bhazijira zijira bhasontezya owa pelelezye bhahwibhesheye aje bhantu bhelyoli ili bhatonele afumire nenjango zyakwe bhapute hubheshe katika enzi eye utawala owa liwali.
\v 21 Bhabhozya bhayanga sambilezi timenye eyaje oyanga na sambelezye gagali gelyoli wala sojali echeo eshamntu bali osambelezya idara elyo Ngolobhe elyelyoli.
\v 22 Eshi je harari tipile o Kaisari esonga au seshashesho?”
\p
\v 23 Lelo omwene amenye azyongora hwabho wabhabhora,
\v 24 “Mbonesi edinari. Eno waje namandi gananu?” Bhagalula, “Ya Kaisari.”
\p
\v 25 Wabhabhora, ‘Basi, evya Kaisari mpele oKaisari, nevya Ngolobhe mpeleje Ongolobhe.’
\v 26 Wala sagabhawezizye ahutake hunongwa zyakwe hwitagalila elya bhantu. Bhaswiga amajibu gakwe bhapoma.
\p
\v 27 Yabha bhamo bhamo Masaduayo bhabhalila, bhala bhabhayanga yaje na humo azyoshe bhabhozya,
\v 28 bhayanga, “Sambelezi, oMusa atisimbiye eyaje omntu nkafwelwe noholo wakwe ali noshe lelo salinomwa na amweje ono oshe apapile oholo wakwe abhana.
\v 29 Basi bhali ahola saba owahwande ahejele oshe wafwa sali na mwana,
\v 30 na owabhele (wamwega ola oshe wafwa sali no mwana).
\v 31 Hata owatatu wamwega na bhamwabho wonti saba, bhafwa sebhaleshile abhana.
\v 32 Humalisholo wafwa ola oshe wape.
\v 33 Basi katika azyoshe ayibha she wananu? Afanaje ahegwilwa nabho wonti saba.’
\p
\v 34 O Yesu wabhora, “Abhana abhe ulimwengu ogu bhahwega nahwegwe.
\v 35 Lelo bhala bhabhabhaziwa emwanya ela na hula azyoshe hwabhabhafwiye sebhahwega wala sebhahwegwe.
\v 36 Wala sebhawezizye afwa nantele afwanaje mlengana wene na malaika bhape bhana bha Ngolobhe, shila shabhali bhazyoshe.
\v 37 Lelo eyaje abhafwa bhayizyoha hata yo Musa alangwilwe owaje owe sazo epo payanjile Ogosi aje yo Ngolobhe owa Ibrahimu na Ongolobhe owa Isaka na Ongolobhe owa Yakobo.
\v 38 Wape se Ngolobhe owabhafwe bali bhabhali bhomi, afwanaje wonti bhakhara hwamwahale.”
\p
\v 39 Asimbi bhamo bhagalula bhabhola, ‘Sambezi, oyanjile shinza.’
\v 40 Wala sebhawezizye hubhuzye enongwa baada eye go.
\p
\v 41 Wabhabhora abhantu bhayanga wele aje oKristi mwana wa Daudi?
\v 42 Afwanaje oDaudi yoyo ayanga mchuo esha Zaburi: Ogosi abholele Gosi wane: Okhale okhono gwane ogwendelo,
\q
\v 43 hata embabheshe adui bhaho abha litengo elya bheshe amagaga.’
\p
\v 44 Basi Daudi ahukwizya ‘Gosi,’ shili wele mwana wa Daudi?”
\p
\v 45 Na bhantu bhonti nabhali bhahutejezya abhabhorele asambeleziwe bhakwe,
\v 46 ‘Hwilindaji na simbi bhasongwa ajende bhakwete amenda amatari na lamhana msokoni na khale hwitagalila elye mabhunza na khara amatego agahwitagalila pashikurukuru.
\v 47 Mlya enyumba ezyafwele na hunafiki bhaputa eputo entali. Ebho bhayipata alongwa eshi gosi.’
\c 21
\cl Ulyango 21
\p
\v 1 Wabhosya amaso gakwe wabhalola atakili bhaponya esadaka zyabho mwibogosi elye mbuto.
\v 2 Walola ofwele omo pena aponya mla esenti zibhele.
\v 3 Wayanga embabhora ono ofwele opena aponyizye zaidi ashile mwenti.
\v 4 Afwanaje ebho bhonti bhaponyizye esadaka eshoma shashonjelezye zaidi bali ono hupena wakwe aponyizye vyonti vyali navyo.”
\p
\v 5 Na bhantu bhamo bhamo nabhali bhayanga enongwa ezya shimanza ejinsi shari pambwilwe humawe aminza ne salama ezya bhantu ayanjire,
\v 6 “Ega gamgalola, insiku zyayenza ambapo selyaisagala iwe juu eiwe ambalyo salyaibozolwa.”
\p
\v 7 Bhabhozya bhayanga, “Sambelezi, amambo ega gayibha ndii? Gape yenu ishara yakwe eyaje amabo ego gali papepe afumire?”
\p
\v 8 Wayanga, “Enyaji msije mgakhopelwa. Afwanaje bhinji bhayenza hwitawa lyane, bhayanga, ‘Ane nene, ‘antele ‘Owakati uparamiye basi msabhabhenjezye ebho.
\v 9 Namwe namwayovwa enongwa ezye ibho nefitina, mgajetishiwe, afwanaje ego segali n ebudi afumire nasoti lelo ula oumalishoro seuhwenza nanali.”
\p
\v 10 Esho abhabhorere, “Itaifa lyaisogola akhomane ni taifa, na umwene na khomane no mwene.
\v 11 Hwayibha na matesya amagosi agensi ne nzala ne tauni hwonti na mambo agatisye ne ishara engosi afume amwanya.
\v 12 Lelo sagasele ego gonti afumire bhayibhakhata na bhavisye, bhayibhatwala hwitagalila eye mabhanza na bhaponye mwijela, natwalwe hwitagalila elya mwene na maliwali kwajili eyitawa lyane.
\v 13 Na ego gayibha ushuda hwilimwe.
\v 14 Basi kusudiri humoyo genyu asinte asebhe sebhe asoti shambhajibu,
\v 15 afwanaje ane embabhapele ilomu ne hekima ambaya atisi bhenyu bhonti sebhayiwezya abhashinde yape wala ayipinje.
\v 16 Namwe bhayibhalavya ayise bhenyu na horo bhenyu, na mwenyu ma rafiki bhenyu, wape bhayifisya bhamo bhamo.
\v 17 Namwe bhayibhavitu abhantu bhonti kwajili eyitawa lyane.
\v 18 Lelo selyayite hata lisisi limo elye mmatwe genyu.
\v 19 Namwe gagole hwenyu mwayiziponia enafisi genyu.
\p
\v 20 Lelo epo namwayilola iboma elye Yerusalemu lizyongolelwe na bhanajeshi esho mmanyaje eyaje anachishe hwakwe huparamiye.
\v 21 Esho bhabhali huyahuda na bhabhali pahati yakwe bhashembelelaje hwonze, na bhabhali humaganda bhaganjehujinjile.
\v 22 Afwanaje isiku ezyo zyazyo ezye shizanye ili gatinuziwe gonti gage.
\v 23 Ole wabho abhe lwanda na bhabhahwosya katika ensiku ezyo afwanaje hwabha eshida nyinji mnsi nae ihasira juu ye taifa eli.
\v 24 Bhayigwa hukhali owipanga wape bhayitekwa nyara na hwege katika amataifa gonti na eYerusalemu yayikhanywa na mataifa hata amajira age mataifa nagaitimiziwa.
\p
\v 25 Antale hwaibha ishara hwisanya no mwezi ne ntondwe na mnsi amalabha aga mataifa, bhaiswiga huvumi owe nongwa na maklabha labha gakwe.
\v 26 Abhantu bhaivunjiha amoyo huwoga na ahwenyelezye amambo gehagaga ensi. Afwanaje amaha aga mwanya zyayinga.
\v 27 Epo esho pabhayihulola Umwana owa Adamu nahwenza mwibhengo pandwemo na maha no utukufu ogwinji.
\v 28 Basi amambo ego nagahwanda afumire changamhaji mbhosyaje amatwe genyu, afwanaje owaule wenyu uparamie.”
\p
\v 29 Wabhabhora ofwano, “Lyenyi ikwii na makwii agenje gonti.
\v 30 Wakati nalimaliha apongore mlola na manye mwemwe yaje amajira oga konje gamalishe abha papepe.
\v 31 Namwe shesho namlola amambo ega gahwanda afumire manyaji yaje umwene owa Ngolobhe uli papepe.
\v 32 Amini, embabhora, eshikholo eshi seshashira hata ega gonti gatimile.
\v 33 Emwanya nensi zyaishila lelo amazu gane segaishira na mwaha.
\p
\v 34 Eshi hwiyinyaji amogo genyu isibhe egalemewa no ulyavi, no ulevi, namasumbufu ege maisha ega. Isiku lila lyabhenzera nanari neshe atego shahwonza
\v 35 afwanaje esho. Shashayibhenzara abhantu bhonti bhabhakhara pamaso gedunia yonti.
\v 36 Eshi gonezyaji amwe shila wakati mlabhaje, ili mpate ahwaulwe katikaa ego gonti gagaifumira na hwemilele hwitagalila elya Mwana owa Adamu.”
\p
\v 37 Esho shira pasanya abhanga asambelezya maibhanza na nosiku abharaga agone mwigamba lyalihwetwa Mizeituni.
\v 38 Na bhantu bhonti bhali hadamla khasha bhabhara mwibhanza ili hutejezye.
\c 22
\cl Ulyango  22
\p
\v 1 Bhapamila shikulukulu eye makati yeseponyezewe echachu yehwetwa shukulukulu eye pasaka.
\v 2 Na gosi abhemakohani na simbi bhali bhahwanza idara elya hugoje, afwanaje bhali bhabhogopa abhantu.
\p
\v 3 Oshetani wamwinjila o Yuda yakwiziwa Iskariote, wape wamwo na bhala ethenashala.
\v 4 Wasogola wabhata wayanga na gosi abha makuhani na jemedari ejinsi sha bhawezye hubheshe mmakhono gabho.
\v 5 Bhasongwa, bhetehana nawo hupele eimpeya.
\v 6 Weiteiha wanza einafasi eiya husambushe ou Yesu nahutwale hwabhahale paseipali oubhongano.
\p
\v 7 Yafishili isiku lye makati gasegaponyezeyea we echachu, ambayo yahanziwaga asinze epasaka.
\v 8 Wabhasontezya o Petro no Yohana, wayanga bhalaji mtilenganyizye epasaka tipata alye.”
\p
\v 9 Bhabhola, “Uhwanza tibhale hwi?”
\p
\v 10 Wabhabhoula, “Einya, namubhahwinjile mwiboma mubhatangane oulume akhete einsonta eiye meinzei. Mulondozyaje mubhahwinjile einyumba yabhahwinji oumwahale.
\v 11 Na mubhahubhoule oumwanesho nyumba, “Ousambelezi ahubhoula, ili hwii eimpanda eiyajenyu, eimpate alye Eipasaka oumwo pandwemo na manyiziwa bhane?”
\v 12 Wape abhabhalanje empanda engosi orufani, shimalishe asimbwe, lenganyi omwo.”
\v 13 Wabhala, bhalola neshe shabhabholele bhayilenganya Epasaka.
\p
\v 14 Hata sala nayafiha akheye pashalye omwahale na bhala mitume pandwemo nawo.
\v 15 Wabhabhola, “Entanianile tee ayilye epasaka ene pandwemo namwe sesele alabha hwane.
\v 16 Afwanaje embabhola eyaje sendya nantele hata nehaitimizya oumwene owa Ngolobhe.”
\v 17 Yabha o Yesu wega shikombe, nawamala asaligwe wayanga, eji eshi na mgabhane, je mwemwe hwamwe.
\v 18 Afwanaje embabhola, sembamwele nantele papo eye mzabibu, mpaka umwene owa Ngolobhe nawayenza.”
\v 19 Esho wega ibumunda nali amalile asalifye waumesula, nabhele, wayanga, ogu ni bele gwane ambao ufumiziwe kwajili eyahuumwe. Bhombaji eshi anizushe ane.”
\v 20 Wega eshikombe shesho shesho nabhalya eshaye esha nosiku wayanga, eshikombe ndagano epya ezya danda lyane ambalyo litishe kwa ajili yahulimwe.
\v 21 Lelo enyaji ola yansaliti alipandwemo, nane pameza.
\v 22 Afwanaje mwana owa Adamu lyoli abhabhale neshe shekusudiwe lelo, Ole wakwe omntu ya husaliti!”
\p
\v 23 Bhandile abhozye bhebho hwa bhebho wenu miongoni mwabho ambaye agabhomba ijambo eli.
\p
\v 24 Esho wafumila adalihane bhebho bhene aje wenu wase bhelelwe abhe gosi ashile bhonti.
\p
\v 25 Wabhabhola, “Amwene abhabhantu abhemataifa bhana ugosi juu yabho na bhala bhabhali namamlaka juu yabho bhakwiziwa bhaheshimiwa bhalongozi.
\v 26 Lelo sewanziwa abhesho hwilimwee amwe, ebadala yakwe leha ola ambaye gosi kati yahwilimwe abhe neshe ododu. Na ola yali wa mbimu tee abhe nenshe otumwa.
\v 27 Afwanaje yayolihu ogosi ola yakhala pameza nola yabhomba embombo? Eshi seyayola yakheye pameza? Na ane esele kati yenyu ane netumiaha.
\p
\v 28 Lelo amwe mwemwe mwendeleye abhanane kati amalabha gane au (alengwe).
\v 29 Embapela amwe umwene neshe shla Ubaba shampiye ane umwene,
\v 30 je mpate alye na mwele pameza yane huumwene wane. Na mwikhala mmatengo age enzi mwaizilonga evikholo kumi na zibhele ezya Israeli.
\p
\v 31 Simoni, Simoni, manya aje, Shetani alabhile abhaje ili abhapete nenshe engano.
\v 32 Lelo embalabhiye, yaje olyeteho lyaho lugaje munwe, nawe nohaya ulya obhazenje oholo bhaho.”
\p
\v 33 Wabhola, “Gosi, nendi pandwemo nawe, ana endi tayali abhale mwijela au hata hufwe.”
\p
\v 34 Wayanga, “Ehubhola Petro, ehanda sebhakuje sanyono, sosele awe ahane mala hatatu eyaje somenye.”
\p
\v 35 Wabhabhozya eshi epo, nehabhasontezyezye semwali nifuko walu omkoba wala evilato, mwapongoshewe na hantu?” Bhayanga “Haa.”
\p
\v 36 Wabhabhola, lelo eshi yali nifuko ayeje wape yali nomkoba ayeje, wape yasagali ni panga, na akazye ijoo lyakwe akale.
\v 37 Afwanaje embabhola, ega gagasimbiwiwe segali ne budi atimiziwe hwiline, eyaje abhaziwe pandwemo nebho bhanankanya, afwanaje ewasiwa gali nomalishilo wakwe.”
\p
\v 38 Bhayanga, “Gosi, enya! Epa gahwili amapanga gabhele.” Wene.
\p
\v 39 Wafuma wabhala mpaka mwigamba elya Mzietuni enshe ekawaida yakwe, asambeleziwa bhakwe bhape bhalongozanya nawo.
\v 40 Nawafiha pala abhabholele, labhaji aje mganji ahwinji mndengo.
\v 41 Omwahale wahwibagula nabho nenshe kias esha ponye iwe, wafugamila amafugamo watabha,
\v 42 ayanga, “Ee Baba, nkashele mapenzi gaho, onefwezye eshikombe eshi lelo senapenzi gane, eshi gahuliwe gabhombeshe.”
\v 43 Omalaika afume amwanya wafumila wapela amaha.
\v 44 Wape shila shali mmalabha, wonjezya alabhe tee, ehali yakwe yabha nenshe amalavula age danda galagala pansi.
\v 45 Nawasogola hula alabhe hwakwe wabhalila asambelezewa bhakwe, wabhaga bhagonile otulo ogwa kogobhale,
\v 46 wabhabhora, yenu mgonile otulo? Ogoli, mlabhe msahabha ahwinjile mndengo.’
\p
\v 47 Basi nahali katika ayanje, enya obongano wa bhantu, nola yakwiziwa Yuda, ambaye ni moja yabhala mitume abhatagali hwitagalila wapalamila hwa Yesu ili ayayile.
\v 48 O Yesu wabhola, “Yuda, wamsaliti omwana owa Adamu esha huyayile?”
\p
\v 49 Na bhala bhabhali papepe nawo nbhalola gagafumila, bhayanga, “Gosi, tibhakhoma na mapanga”?
\v 50 Omo wabho wakhoma obhomba mbombo wa kuhani gosi, wadumla ikutu elya hulero.
\p
\v 51 U Yesu wagalula woyanga, “Bhanji hulu hweli. Wapalamasya ikutu waponia.
\v 52 U Yesu wabhabhola agosi bhemakuhani, na maakida abhibhanza, nazee bhebhenzele juu yakwe, “Eshi mwenzele mweli na mapanga nu ndugu nensheje mkhata ya fyola?
\v 53 Shila lisiku nali pandwomo namwe mwibhanza semwasontezyezye amakhono lelo ene ndiyo sala yenyu. Lakini hii ni saa yako, na mamlaka age nkisi.
\p
\v 54 Bhakhata, bhamwega, bhabhala nawo munyumba eya kuhani ogosi. Nu Petro alondolelaga sahutali.
\v 55 Nabhamalile ahwasya omwoto pahati eye shibhanja bhakheye pandwemo, wape u Petro akheye nabho.
\v 56 Ndipo obhomba mbombo omo walola akheye papalabha, walangulila amaso wayanga nono ali pandwemo nawo.
\p
\v 57 Wakhana, wayanga, ee, she, semenye.
\p
\v 58 Pamanda hashe, omuntu owamwabho alolile wayanga, Petro wanyanga, “Ee mntu, se nene.”
\p
\v 59 Antele lyashita isala limo, omntu owamwabho wakasa ayanje, “Lyoli ono ali pandwemo nawo afwanaje omwahale nantele Mgalilaya.”
\p
\v 60 Petro wayanga, “Ee mntu, sendimenye lyo yanga.” Na pepo, pepo nali katika ayanje, ehanda ahakujile.
\p
\v 61 Gosi wagaluha wamwenya ou Petro. Ou Petro walizuha lila izu eilya Gosi, ejinsi shabholele, “Sanyouno seiseile akuje eihanda oubhahane mala hatatu.”
\v 62 Wafuma hwonze waula humansai.
\p
\v 63 Na bhala bhantu bhali bhahukhata u Yesu, bhabhombile edhihaka bhakhoma.
\v 64 Bhavwenesya amaso, bhanda hubhozye, bhozye bhayanga, kuwa wenu yakhonule?”
\v 65 Bhafumizya nengwa mwabho nyinji gahuliji.
\p
\v 66 Hata nahwashiye, bhatangene amwabho abheshi gosi, na gosi abhe makuhani nusimbi bhateta mwikoloti lyabho bhayanga,
\v 67 nkashile, “Awe wa Klisiti, tibhole.” Wabhabhola ewapo embabhola, semuwezizya ahweteshele tee,
\v 68 na nkashele mbabhozye sembhagalule.”
\v 69 Lelo ahwanda eshi na hwendele, Omwana owa Adamu abhabhe akheye okhono ondelo ogwe maha aga Ngolobhe.”
\p
\v 70 Bhonti bhayanga, “Eshi awe oli Mwana wa Ngolobhe?” Na Yesu wabhabhola, “Amwe myanjile ane nene.”
\v 71 Bhayanga, “Yesnu tihwanza nantele oushahidi afwanaje ate tete tovwezya afume mwilomu lyakwe yoyo.”
\c 23
\cl Ulyango  23
\p
\v 1 Bheimeileila oubhoungano gwonti, bhatwala hwa Pilato.
\v 2 Bhandile hulonje, bhayanga, “Tilolile ounou natezya itaifa lyetu na bhazubhile abhantu bhagaje hupele Oukaisari, eisonga ayanjile aje oumwahale youyo ni Klisiti, Mweinei.”
\p
\v 3 Ou Pilato wabhouzya, wayanga, “Awe wewe oulimweinei Ouwayahudi?” ou Yesu Wagmula wabhabhoula, “Awe wayanga eisho.”
\p
\v 4 Ou Pilato wabhoula agosi abhemakuhani na mumabhoungano, “Seindilola izwi lyalili libhibhi hwa muntu ounou.”
\p
\v 5 Wape bhahwikazile sana, bhayanga, “Abhasonje sonje abhantu, amanyizyaga eiyahudi yonti, afume Galilaya paka ouhu.”
\p
\v 6 Ou Pilato nawouvwa eigo abhozeizye nkashele ounou oumuntu wa Hugalilaya?
\v 7 Na apete einongwa aje alipansi ya Herode, atwalile wa Herode, afwanaje oumwahale wape ahali hu Yerusalemu einsiku eizyo.
\v 8 Na Herode nalolile u Yesu ashimile tee afwanaje ali ahwanza tee hulole afume ensiku nyinji. Afwane nesho ayovwezye enongwe zyakwe, wasobhela alole ishala yebhambilwe nomwahale.
\v 9 Wabhozya enongwa nyinji omwahale sewagalulo lyalyonti.
\v 10 Agosi abhemakuhani na simbi bhimelela bhataka humaha gonti.
\v 11 Basi Herode wabhombo lema, pandwemo na sikali bhakwe, wasolanya na wakwalizye amenda amenza, esho wawezye hwa Pilato.
\v 12 Basi isiku lila Herode na Pilato bhakonde ne abhe lafiki afwanaje epo ahwanda bhali bhavisenye bhebho hwe bhebho.
\p
\v 13 Na Pilato wabhatanya agosi wa makuhani na gosi na bhantu,
\v 14 Wabhola, “Mntu ono mletile hwiline nensheje atezyo abhantu nane enyaa, enamuye amambo gakwe hwitagalila lyenyu, ka sendilolile hwamwahale ikosa lyalyonti katika enongwa zya mtakile.
\v 15 Wala, hata o Herode, nkashile awezizye hwilite basi enyua, sagalilole enongwa yayonti lyabhombile lyali hwanziwa aje afwanje.
\v 16 Esho basi embahuwelele nahumwalule.
\v 17 [Esho, Pilato yukazimisizye humwaulile ofungwa omo isiku elye esikulukulu.]
\p
\v 18 Bhahwaga ibwago wonti pandwemo bhayanga, “Mwefwe ono, otuulile o Baraba!”
\v 19 Wape mntu watagwelwe mwijele kwaji fitina efumile hwiboma, kwajili yengoga.
\v 20 Basi Pilato wayanga nabho mala habhele hushila shanzaga humwaulile u Yesu.
\p
\v 21 Lelo bhabwaga ibwago, bhayanga, “Msulubishe, msulubishe.”
\v 22 Wabhola emala eyatatu, afwane wele, ono abhombile mabhibhi wele, sendolile hwamwahale enongwa zyazihwanziwa aje afwe, basi nkashele na welela embahumwaile.”
\v 23 Lelo bhafumia amazu hunguvu zyonti, bhabhabha asulubiwe. Amazu gabho gamena.
\v 24 Pilato walonga aje gabhahwunza gubhombeshe.
\v 25 Wamwaula ola yabhatajile mwisela kwajili eyefilina nu negoga, ola yabhamwanzaga wafumia o Yesu bhabhombele shabhahwanza.
\p
\v 26 Nabhalai bhahusogotya, bhakhatu omntu omo, o Simoni Omkirene, ali afumile hugonda bhalweha ikhobhanyo aweje hwikhosi lyakwe u Yesu.
\v 27 Obungano ogosi owabhantu bhalondolela na bhashe bhabhali bhahikhoma evifubha na huzundelele.
\v 28 U Yesu wabhagulushila wayanga amwe mwalendu abhahu Yerusalemu, msuhandilele ane, shwililasi enafsi zyenu na bhana bhenyu.
\v 29 Eshi, enyi ensiku zihwenze nabhayinga hafu bhabhuli bhagumba nufyanda vyao vyase vipapa na mabhelo ga segahwosya.
\v 30 Esho nabhayanda agabhozye amagamba tigweleli notugamba tigubekayi.
\v 31 Afwanaje nkashile bhabhomba amambo ega hwikwi ilyoro, ebhabhe wele hwilyo?”
\p
\v 32 Bhatwala bhabhele abhamwabho abhe makasa bhabudwe pandwemo nuwo.
\v 33 Nabhafishile pamopame papa kwiziwa Fuvu litwe, epo pasulubisizye omwahale panda wemo ba bhemakosa omo oupande owendelo omo opande omongo.
\v 34 U Yesu waga, “Baba, ubhasajile afwanaje sebhemenge lyabhabhomba bhagabhanya amenda gakwe, bhakhoma ekora.
\v 35 Abhantu bhemelela bhenye bhala agosi bhape bhabhombela ezalau, bhayanga, “Ahauye abhanje. Ahwiyu ule yoyo nkashile yu Klisiti owa Ngolobhe oteule wakwe.”
\p
\v 36 Bhala asikali bhape bhazalale bhabhalila nu huletele esiki,
\v 37 ohu bhayanga nkashile awe oli mwene owa yahudi, hwiyaule umwene”
\v 38 Pamwanya yakwe pali amandishi, “ONO NDIYO MWENE WA MWENE WAYAHUDI.”
\p
\v 39 Nomo owabhala owikosa yabhakhomeleye aujile, wayanga, “Eshi awe sagawe Klisiti? Hwiyaule enafsi yuho nute.”
\p
\v 40 Lelo ula owabhele wagalula waidamila wayanga, “Awe sohwumwogopa hata Ongolobhe, nawe olimundongo zyezyo?
\v 41 Gape gelyoli hwaliti atee, afwanaje tipewa oshahara gwetu, gwaguhwanziwa humamba getu. Eshi ono sabhombile lyalyonti lyasaga ufaa.”
\v 42 Basi wayanga, “Yesu, onizushe nawayinjila humwene waho.”
\p
\v 43 U Yesu wabhola, “Eteha, ehubhola, sanyono eshi onzubha pandwemo nane Paradiso.”
\p
\v 44 Epo yuli efishile esala eya saa sita, yabha nkisi juu ya pasi ponti hadi saa tisa,
\v 45 esanya lipongoshe okhozyo lwakwe, elyenda elye shibhanza lyazembuha paha.
\v 46 U Yesu walila hwizu igosi, wayanga, “Baba makhono gaho, enjibheha eroho yane,” Na wamala ayanje ego wadumula eroho.
\p
\v 47 Ula Oakida nuwalula gagafumie atukuzizye Ongolobhe, wayanga, “Lyoli omntu ono aliwelyoli.”
\v 48 Na mubungano gonti ega bhantu bhabhali bhabhungene ahwenye amambo ego nabhalolile gagabhombeshe bhabhala amwabho bhahwi khoma khoma evifubha.
\v 49 Nabhonti bhamanye nawo na bhala abhashe bhalongozenye nawo afume Hugalilaya, bhemelela sahutuli, bhahwenga amambo ego.
\p
\v 50 Na enya wafumila omntu omo itawa lyakwe yo Yusufu, ambaye mntu wa hwikolo ti, omntu, omwinza owe lyoli,
\v 51 (Wala saga alyeteshe ishauli lyabho), wape mntu wa Armathaya, iboma elya yahudi, antele awenyelezya umwene owa Ngolobhe.
\v 52 Omntu oyo abhalile huwa Pilato, ahanzaga apewa obele gwa Yesu.
\v 53 Wagwisya wagubwenesya esanda yakitani waubhaha mwakaburi lyalibenwe paka pansi, lyelyali sabhe hwelwe omntu mhati yakwe.
\v 54 Na isiku lila lyali lisiku elye mandalizi, elyatoye lyanda ahwinjile.
\v 55 Nabhala abhashe, bhahenzele nawo afume Hugalilaya bhalondoleye, bhayilola inkongwa na bele gwakwe sagwabhehwelwe.
\v 56 Bhawela bhabhomba tayali anukato na marashi. Ni siku elyatoye bhamile neshi shabhamuye.
\c 24
\cl Ulyango  24
\p
\v 1 Hata isiku eilyahwanda elye longo, nalyahandaga asha, bhabhalile hunkoungwa bhatwali amanukato gabhabheshele tayali.
\v 2 Bhalyaga oula iwe liungulusiwe patali nei nkoungwe.
\v 3 Bhinjila sebhagulola oubeilei gwa Gosi ou Yesu.
\v 4 Yabha napali bhakongobhala kwajili eizu elyo, enya, abhantu bhahemeleye papepe nabho, bhakwete amenda galangasala ngasa.
\v 5 Bhape nabhinjila nowoga bhinama kifudifudi hata pamankondi, ebho bhabhabholele, yenu mhumwanza yali mwomi hwabhafwe?
\v 6 Noumo eipa, azyoshele! Izuhaji shayanjile namwe nali ahweli Hugalilaya,
\v 7 ayanjile ahwanziwa oumwana ouwa Adamu akhatwa namakhono ga bhala abhe mbibhi abhapate amayeimba, na zyoshe isiku eilya tatu.”
\v 8 Bhagizuha amazu gakwe,
\v 9 bhasogola hunkoungwa bhawela bhabhabhola bhala kumi na bhumwabho bhonti einongwa ezye mambo eigo gonti.
\v 10 Bhape you Maria Magdalena, nou Joana, nou Maria ounyina Yakobo, na bhala abhashei bhamwabho bhabhali pandwemo nabho.
\v 11 Eibho bhabhabhouleile asountezewa einongwa eiyei mambo eigo, einongwa zyabho zyabhoneshe ajezye walangani hwabhahee wala seibhabheiteisheiye.
\v 12 Lelo ou Petro asougouye abhalile sashembela paka hunkoungwa, waundama wagodezya muhati, wavilola vila eivitambala eivya sanda vyene. Wahwibhali saswiga gagafumiye.
\p
\v 13 Na einya, isiku lilila abhantu bhabheilei miongoni mwabho bhali bhabhala hu shijiji shimo itawa lyakwe Emmau, sha shali hutali nei Yerusalemu nashi ajende amasala gabheilei.
\v 14 Wape bhali bhayanga bhebho hwa bhebho einongwa eizye amambo eigo gonti gagafumiye.
\v 15 Yabha katika ayanje na bhouzanye hwabho, ou Yesu youyo wapalamila walongozanya nabho.
\v 16 Amaso gabho gafumbwa sebhamanya.
\v 17 Wabhabhola, “Nongwa wele ezi zyamuyanga eshi namjenda?” Bhemelela bhapinta humaso gabho.
\p
\v 18 Wagalula omo wabho, itawa lyakwe yo Kleopa, wabhola, “Je awe umwene olijenyi pa Yerusalemu hata sogamenye gagafumiye omwo ensiku ezi?
\p
\v 19 U Yesu wabhozya, “Mambo genu?” bhabhola, “Mambo aga Yesu owa Hunazareti, yali mntu kuwa, yalinowezo abhombe na yanje hwitagalila elya Ngolobhe nahwabhantu bhonti.
\v 20 Nantele ejinsi agosi abhe makuhani na gosi abhabhantu shabhakhete na hulonje aje afwe bhasulubisya.
\v 21 Lelo tamweiteishe huje oumwenei youyo wabhatibheshe pazeru hu Israeli. Lyoli, nkouleshe eiga gounti, eishi lisiku lyatatu afume amambo eiga nagabhoombeishe.
\v 22 Nantele abhashei bhamo bhamo afume mupouga yetu bhatisitusizye, bhabhalile hunkoungwa sapwiti khasha.
\v 23 Sabhagulolile oubeilei gwakwe, bheinza bhayanga aje abhatokeiye ountumi wayanjile aje mwoumi.
\v 24 Na bhamwabho bhabhali pandwemo natei bhabhala hunkoungwa bhalola sheisho nenshe bhala abhashe shabhayanjile. Aje omwahale sebhalolile.
\p
\v 25 Ou Yesu wabhabhoula, “Amwe mubhantu mwaleema na mwemuli na moyo amamwamu aga hweiteishe gonti gabhayanjile akuwe.
\v 26 Eishi seiyanziwaga Klisiti apate amalabha eigo na hwinjile katika ouwutuntumu wakwe?”
\v 27 Wanda afume wa Musa na kuwe bhoonti, wabhabhoula munsimbo gonti amambo gagahuhusu omwahale youyo.
\p
\v 28 Bhapalamila shila eshijiji shabhabhalaga, wape abhombile nenshe aje ahwanza ahwendele hwitagalila.
\v 29 Bhayanga nawo, “Khala pandwemo nate, afwanaje isanya liswiye na usanya umalishe winjilo mhati akhale nabho.
\v 30 Yabha nawakhula nabho pashalye, wega ikati, wasaya, waumesula, wabhapela.
\v 31 Gadamla amaso gabho bhamanya, esho watega hwitagalila lyabho.
\v 32 Bhabholana, “Je amoyo getu seguhashile mhati yetu, ipo nali ayanga nate mwidala, natigulile ensimbo?”
\v 33 Bhasogola esaa yeyo, bhawela Huyerusalemu. Bhabhaga bhale kumi na moja bhatangene abhahale bhala bhali pandwemo nabhahale,
\v 34 bhayanga, “Ogosi azyoshele lyoli lyoli, wape abhoneshe hwa Simoni.”
\v 35 Bhape bhabhapela enongwa ezye mambo aga mwidala ne jinsi shamanyishe abho katika amesule ikati.
\p
\v 36 Na bhali katika ayanje enongwa zyo yoyo mwenyewe ahemeleye pahati yabho, wabhabhola, “Amani ebhe namwe.”
\v 37 Bhasituha bhogopa tee, bhaseha aje bhalola roho.
\v 38 Wabhabhola, mbona mkogobhala? Na yenu mlola ewasiwasi humoyo genyu?
\v 39 Enyi amakhono gane na manama gone, yaje nene mwenyewe, hatikati, mlole afwanaje eroho seli nobele wa amafupa nenshe namundova ane aje endi nagwo.”
\v 40 Na wayanga ego wabhalanga amakhono gakwe na magaga gakwe.
\v 41 Basi nabhali sebhetesheye ashe, ohubhaswiga, abhabholele, mli neshalye shashonti epe?
\v 42 Wapela eshipande eshe samaki wa kuokwa.
\v 43 Wege, walya hwitagalila lyabho.
\p
\v 44 Eisho wabhabhoula, “neinahali namwe, nabhabhouleile huje gounti gagasimbilwe hundajizyo ya Musa na kuwe na Zabuli gabhatimile.”
\v 45 Eisho wabhalanga enjele zyabho bhapate ahwelewe ensimbo.
\v 46 Wabhabhola, “Shasho shahasimbwilwe, eyaje Klisiti lazima ateseke, na fufushe isiku elya tatu.
\v 47 Naje amataifa gonti gailombelelwa hwitawa lyakwe enongwa ezye tebona hwefwezyewe edhambi ahwanda afume Myerusalemu.
\v 48 Namwe mwemuli bhakeiti bhei mambo eiga.
\v 49 Na einya, eimbatwalila einsobhezyo ya Daada wanei pamwanya yeenu. Lelo goulaji eipa mwiboma, paka neimakwata i-ikhone afume amwanya.
\p
\v 50 Eipo ou Yesu wabhalongozya paka hu Bethania. Wabhosya amakhono gakwe wabhasayila.
\v 51 Yabha huje, eisala yabhasayilaga, wabaleha na nyetulwe abhale amwanya.
\v 52 Bhapuuta, eisho bhahaweela Huyerusalemu sha bhashiye tee.
\v 53 Bhape bhali bhakheye muhati mwibhanza, na humwamishe Oungouloubhei.