ruc_reg/59-HEB.usfm

\id HEB
\ide UTF-8
\h ABAEBBULANIYA
\toc1 ABAEBBULANIYA
\toc2 ABAEBBULANIYA
\toc3 heb
\mt ABAEBBULANIYA
\c 1
\cl Essula 1
\p
\v 1 Omungeri ejendi eyanjawolo erai, Onyamwanga yabazanga edi abaziiza baiswe omubalangi.
\v 2 Naye omunaku ziini ezikusembayo yabazire naiswe mumwaana, gwe yatairwo okubba omukisa wabyona, era gweyatondesya ebintu byoona.
\v 3 Oyoo alanga ekitinisya kya Nyamwanga era nekisaani kyamwei daala nkabwali, era bwakwimula ebintu byoona ne kigambo ekyabuyinza bwamwei, niyamare okola okukyakunabya ebibi, naikara okumukono gwemwei ogulyo ogwabukulu bwamwiiguru.
\p
\v 4 nge asingira kimwai obukulu ombamalayika niyaweweibwe eibara erisingira kyimwei agabwe.
\v 5 kubbanga ninii okubamalayika gweyali abalizeku nti, “Wee oli mwaana wange, leero nkubyayire wee? “Era ate nti, Nje nabbanga oitewamwei jaali, yeena yabanga mwaana jendi?”
\p
\v 6 Era yeeena naleeta omuberyeberye muunsi, abaza nti era bamalayika ba Nyamwanga boona bamuramyenge.
\p
\v 7 Era nabaza okubamalayika nti, akafuula abamalayika aba mpuungo, nnabawereza endiimi ezamuuro:
\p
\v 8 Naye okumwaana akubaaza nti, “entebbe yaamu, ai Onyamwanga yanaku zoona: Nomwiigo gwabwikiiri, ngwo miigo gwabukama bwaamu.
\q
\v 9 Wayenderye obuikiiri, nokyawa obujeemu: Nyanmwanga, Onyamwanga waamu nikyo azwa akusukaku amafuuta agakusanyukaokuiinga abairawo.”
\p
\v 10 era niwee Onyamwanga, okuntandikwa wataire emiising jaansi naiguru mirimu gwamiikono jaamu.
\q
\v 11 Ebyo biriwaawo: naye wee olina enaku zoona: Nebyo byoona biri kairika nka ebizwalo;
\q
\v 12 Era olibiziinga ekwekeera, ngebizwaaro ne myaka gyaaamutegiriwaawo
\p
\v 13 Naani okubamalayika gweyali abalizeku nti, “ikaara okumukono gwange ogulyo, okwiika nendifuula abalabe baamu entebe ye maagulu gaamu?”
\p
\v 14 Abamalayika boona tiimwiiyo, nga jikutumibwa okuweereza olwaabo abakwaaba okugeera obulokozi?
\c 2
\cl Essula 2
\p
\v 1 Niikyo kiituusaanira okuuwayo omuuno omwoyo okubintu byeetwawuuliire, tii kubba tuucama neetubizwaaku.
\v 2 Kubba obbo nkekiigambo ekyaabaziibwe abaamalayika kyaagumire, naa buuli kiisiisa nobuutawuura ebyawebwanga empera ebasanira,
\v 3 Iswe tuliwona tutyi nii tuli gayaliira obuulokozi obuukulu obukwenkana awoo? Obwoo abwaasokere okuubazira omukama waiswe, neebumala niibuutwetegerebwa kacaaruumwi ababuuwura;
\v 4 Era Onyamwanga nakaksira kacaarumwei byebabazanga omuu buubonero nomuu by'amaanno n'omuu by'amaagero ebitiiaali biimwei era n'omuu biisembo ebya mwoyo oguukwera, byee yaagabiire nkaa niiyayenderye.
\p
\v 5 Kubba abamalayika tii niibo bakwkufuga ensii ekwaaba okuubawo, jje tuubazaku.
\v 6 Waaliiwo ekiifu omuu byaawandiikiiobwe omwei wee yategeeizeire ng'akubaza nnti, “Omuntu niikyo kiikii? wee okuumwizuikira? obba omwaana wamuntu wee okuumwiizukira?
\q
\v 7 Waabuureku akabanga kadyoli okubba nk'abamalayika wamutaireku enguule yaakiitiinsya n'ettendo, n'0mufugisya emiiriimu zamiikono zaamu.
\q
\v 8 Watekere ebiintu byoona ansi waa maagulu gaamwei.” ni yatekere ebiintu byoona ansii wamwei, ndoowo kiintu kyoona caatamuwaire kuufuga. Naye atti tuucaali kuubona biintu byoona ngaa biitekeibwa ansii wamwei
\v 9 Naye tuukuubona Oyeesu, eyabweirebwo ansii wabamalayika okuumala ekiisera ekiidyoli. Olwakiisa kya Nnyamwanga yaboneibweine n'affa, amaale alooze okuffa kwabuuli muntu, amaali atiikirwe engule eyaakiitinisya n'ettendo.
\p
\v 10 N'olweekyo kyaasanire nnt ye okuu lwamwe eraa omuu yee ebiintu byoonai niimwo biberawo, olwaakuleta abaana abaingi omuukiitinisya, asooke okwiiciirya obulokozi bwaabwe ngaa akwaakala omuu kubonabona.
\v 11 Kubba oyoo eyeerya eera naabo aberebwa bazwa muungoyo boona, niikyo ataakwatiibwa nsooni okuubeeta baaganda baamwei:
\v 12 ng'akuubaza nti, “Nddikobera abaaganda babnge eibaara lyaamu, Ndikutendereza akaati omuu kiibinji.”
\p
\v 13 Era awaandi akooba nti, “niinje namwesiganga oyoo.” Era nii yeyongera n'akoba nnti, “Boona njje nabaana Onnyamwanga bee yampaire.”
\p
\v 14 Olwakubba abaana balina omuubiri n'omuusayi, yeena yaalina omuubiri n'omuusayi, nga'akwaakala omuum kuffa amaale aliikirye oyoo eyaalina amaani gaa kuffa, niiye siitaani;
\v 15 era amaale abaawe eidembe aboo abaali omuu bwiiru obwoomi bwaabwe byoona olwaa ntiinisya yaa kuffa.
\v 16 Kubba kangura abamalayika tiimba jyuna naye abajjuna zadde lyaa Ibulayimu
\v 17 Niikyo kyamusanire omuu byoona okwiisanisya abaaganga baamwei, amaale abenge okaabon akuusinga obukulu owakiisa omweesigwa omuu biigambo ebbiri eddi Onnyamwanga olwakuutangira ebbibi byabaantu.
\v 18 Kubba yee mwenyinii yaaboneibweine ng'akemeebwe, niikyo yasoboleire okuubayamba aboo abakeemeibwe.
\c 3
\cl Essula 3
\p
\v 1 Kaale abaaluganda abanyiikira, abaalina omugaabo omuu kweteebwa okwamwiiguru, muulowooza okuu Yeesu, omutumwa era O'kabona akusiinga obukulu olwakwikiiriza kwaiswe.
\v 2 Eyaali omwesigwa edi oyoo eyamulonderw, era ngeri Omussa niiyaali omwesigwa omunnyubba eya Nnyamwanga
\v 3 Naye Oyeesu akusaanira ekitinisya ekiingi okusinga ku Omussa, ngeeri omwombokki owannyubba nabba nekitinisya okusiinga ku ennyubba
\v 4 Kubba buuli nnyubba wabbawo ajomboka, naye ayayombokere byoona naye Nnyamwanga.
\v 5 N'omussa yali mwesigwa omu nnyubba eya Nnyamwanga, ngeri omuweereza, o'kutegeeza ebiintu ebyaali bbikwaba okubaszibwa
\v 6 Naye Okurisito yaali mwesigwa omuu nnyubba eya Nnyamwanaga ngeri omwaana, naiswe tuuli nnyubba yamwei tunywere nitubba bavumu ni twenyumiririzamu omu suubi lye tunywezere
\p
\v 7 Kaale, ngeri omwoyo omweikkiri nakubaaza nnti, “eleero ni mwawuura iyiraka lyamwei
\v 8 Temukakanyalya miyoyo jannywe, nga omu kiiro kibaajeemeramu, ngeri oku lunaku lwebakemeyibwe omuu ddungu
\v 9 Abaizoo bannywe beebakemereku nga bakugezesya, ni baboona ebikolwa byange emyaka anaai(40)
\p
\v 10 Niikyo nnzwa nnyiingira emiirembe ejjo, ni mbaaza nti Byaccamire buliizo omu omwoyo gwabwe tebaategeire enziira zaange;
\p
\v 11 Ngeri ninalagiire omu buusungu bwange, 'Tebaliingira mucuumulo ccange
\p
\v 12 Mwekuume, abooluganda, omyoyo ogubbii ogwaabutaikiriiza guleeme kubba omu muntu yeena oku nnywe, niigubbanga ku Nnyamwanga omwommi
\v 13 Naye mwekubiirizenge buliizo, nka bweemukyaalina ekiiro ekiikwetebwa, “Leero,” waaleme kubbawo muntu yeena okunywe okukakanyaliziibwa obuubeeyegi obwakiibi
\v 14 Tukwakubba tukwikya kimwei omukurisito, niitwagumiirya okusuubira kwaiswe okwicaa okunkomerero kwetwatandikire nakwo
\v 15 Ngeri jiini kikyabaziibwa nti, “eleero ni mwawuuranga iraaka ryamwei, temukakanyalyanga myoyo janywe, engeri omu biiru byebajemeramu”
\p
\v 16 Banani aboo abawuura, naye nebajema? teniibo boona abazwire omu miisiri nga bakulemberwa mussa?
\v 17 Era baanani beyanyigire okamala emyaka amakkumi anaai(40)? teniibo basisire emirambo gyabwe negigwa omumwirungu?
\v 18 Era banani beyalayirire obutaigira mucuumuro kyamwe? tinibo batagonda?
\v 19 Era tukubona nga tebayinza kwingira olwa butaikiriza
\c 4
\cl Essula 4
\p
\v 1 Nolwe kyo ekisubizo kya kwingira mu kiwuumulo kyamwei nka bwakyaaliwo, twekakume, omuntu yeena okuunywe aleeme kubonekanga nga takiikiremu.
\v 2 Kubanga iswena twabuliirwe enjiiri, era nka bo, naye ekigambo ekyabuliirwe tekyabagasire nka bo. Kubanga mbacuulire tebakikirize
\v 3 kubanga iswe abaamare okwikiriza twingira omukiwuumulo ekyo, nka neyabazire nti, nka bweyalayire omubusungu bwange, nti tebalingira mukiwuumolo kyange? newakubaire emirimu gyagwanga okuzwa omutodebwa kwansi.
\v 4 kubanga waliiwo wabazira okunaku lwamusanju nti,” Onyamwanga nawuula okulunaku lwamusanju emirimu jaamwe joona.
\p
\v 5 era kini nti, “tebalingira mukiwuulo kyange.”
\p
\v 6 Kaale kubanga kisigairewo abandi okwirangamu, boona basooke kubulirwa njiiri tebaingira lwa bujeemu.
\v 7 Niikyo nzwa ateekawo olunaku olukwetebwa, “leero,” nka niiya baziire omu Dawudi oluzwanyuma lwa biiro ebiingi, omubigambo byamwei twiremu okubazira igguru, “eleero, bwe mwawuura iraaka ryamwei temukakanyalya miitima janywe.
\p
\v 8 Kubba singa Oyoswa yabawaire ekiwuumulo, Onyamwanga teyakukobere tee kulanakun ludi
\v 9 Kaale wakyaliwo ekiwuumulo kya sabbiti edi abautu ba Nnyamwanga
\v 10 Kubanga buuli aingira omu kiwuumulo kya Nyamwanga era abba akuwuumula emirimu jamwei, nka Onyamwanga niiya wuumwiremu ejamwei.
\p
\v 11 Kaale tulwanisyenge okwingira omukiwuumulo ekyo walime kubbawo muntu yeena aleemwe okwingira olwangeri eyabujeemu.
\v 12 Kubanga ekigambo kya Nnyamwnga kyoomi era kiikozi, era kisaala okusinga buli kitala kyoona ekyabwogi obubiri era kyakalamu nokwawuula obwoomi nomwoyo, enyingo nemisokoolo, era kyangu okwawuula no kulowooza nokufumitiriza okwamwoyo.
\v 13 Naye ndowo kitonde ekitaboneka mumaiso gaamwei, naye ebintu byoona byanukulibwe omumaiso gooyo gwe tuletera ebigambo byaiswe
\p
\v 14 Kaale tuulina okabona asinga obukulu omukooto, eyakaire omwiiguru, Oyesu omwana wa Nnyamwanga, tugumyenge okwikiriza kwaiswe.
\v 15 Kubanga tuulina okabona asinga obukulu aluumirwa amwei naiswe omubunaki bwaiswe eyakemeibwe omubyoona nka iswe, naye nga ye taalina kibbi
\v 16 kaale tusemberenge nobugumu edi ettebe yakiisa, tulyoke tuweebwe okusasirwa, era tuffune ekiisa ekikwiza okutuyambanga omukisera nga tukwendya.
\c 5
\cl Essula 5
\p
\v 1 Kubanga buuli kabona asinga obukulu alundebwa kuzwa omu bantu, ateebwawo kuwereza kulwa bantu edi Onnyamwanga, okuwangayo ebisembo ne sadaaka olwa bibbi byabwe
\v 2 Ayiiza akwata mpoola bamaite nabakyamire, kubanga yeena omwenyini yetulweirwe obunaki
\v 3 Era olwa bunaki obwoo, kimusanire okuwangayo esadaaka okulwamwei yenkai nokulwa bautu
\v 4 Ndowo muntu yeena ayiina okwetwara omukitinisya ekyo. Wabula nga ayeeteibwe Nnyamwanga, era nka 'Alooni bweyayiteibwe.
\v 5 No kurisito atyo, teeyeggulumizanga yenkai okuffuka okabona akusinga obukulu. Wabula yaloondeibwe oyo eya mukobere nti “wee oli mwana wange eleero nkubyaire wee.
\p
\v 6 Era nka bwakubaza ewandi nti,” oli kabona emirembe joona, mulubyalo lwa Merukizeddeki
\p
\v 7 Oyesu omukisera kyamwei yabanga mumubiri yasabanga neyegayiranga nga'akunga omwiraka ryammani na maliga, oyo eyasoboire okumulokola omu kuffa, yawuulirwe olwa kutiina kwa Nnyamwanga.
\v 8 Nebwakubaire nga yaali mwana wa Nnyamwanga yayegere okugonda olwe'byo biyaboineboine
\v 9 Bweyamaare okwikirya, nafuuka nsubuuko yabulokozi obutawawo edi abo boona abamugondera
\v 10 Era bweyelondaibwe Onnyamwanga oubba okabona asinga obukulu omulubyalo lwa'merukizeddeki.
\p
\v 11 Waaliwo bingi byetwalyenderye oku mubazaku naye ateenga kizibu okubinyonyola kubanga temwega mangu
\v 12 Nebuwakubaire atti mwandibaire mukusobola okwegesya abandi kikyetagisya okwiramu okubegesya ebikusokerwaku ebya kigambo Nnyamwanga, mukwendya maatai ttimere jjigumu
\v 13 Kubanga buuli anywa amaatai nga akyaali kumanya kigambo kya'bwikiiri, oba okyaali mwana muto
\v 14 Naye emmere ejjigumu yabakulu, abamare okwetendeka ne'beega okwawuula ebisaai oku bibbi
\c 6
\cl Essula 6
\p
\v 1 no'lwekyo tuleke ebibbi ebikwirwaku okwegesya okuristo tweyongere omukulu mwikiriza. olwakuba twabatekeriwo omusingi ogwakwenenya ebikolwa byaiswe no' kwikiriza Onyamwanga
\v 2 Twabegeserye eirai ebyakubatiza, ebyakuteka ku omukono, ebyakwimboka kwabaffu ne'byamusango ogwatekebwewo
\v 3 Era twakolanga tutyo nka'Onyamwanga nka'bwakwendya
\v 4 Kubanga kizibu okuzwa omukwenenya abo abamaare okwakira, nabalega okukisembo ekyamwiiguru nebafuuka bakutesa kiimwei omumyoyo akweera
\v 5 Nebalege okigambo ekisaai eky'Nnyamwanga nokumaani agamirembe ejekweba kwiza
\v 6 Nabaggwa obizwamu, tekikuyinzika abo okubairya obuyaka olwakwenenya. kubba bakomireire omwana wa Nyamwanga omurundi ogwa kabiri ne bamuswaza mu lwaatu
\v 7 Kubanga ennsi yanywire enjuura ojjitonyaku emirundi ziingi, nebala ebibala ebikusanira abo ababiirima, nffuna omukisa okuzwa edi Onnyamwanga
\v 8 Naye nabala amaawa na'matovu, tesimibwa era erampi kukolimirwa nokunkango ebimereku byokyebwe
\p
\v 9 Naye, abendebwa, wadde tubazire tutyo, nywe tetubabusabusa tumaiite nga mulina ebiint ebinyakasaai ebiranga muli mubulokozi
\v 10 Kubanga Onnyamwanga mwikiriri tasobola kwerabira mulimu gwenywe nokwendya kwemwalagire edi eibaara ryamwei, nemwaweraize abaikiriri mukyawereza
\v 11 Era tukwendya muuno buuli muntu okunywe okulanganga obunyikivu olwa kwetetegereza daala esuubi ryakwikya okunkomerero
\v 12 Mulekenge kubba bagaarai naye mubenge nka'banddi abakwikiriza era abaguminkiriza nebaffuna ebyasubiziibwe
\p
\v 13 Kubanga Nnyamwanga niiya suubize Ibulaimu bwatainza kumusinga bukulu era niyerayira yenkai
\v 14 Akubaza nti, “mazima ndi kuuwa omukisa era ndi kumamalya”
\v 15 Atyo o'Ibulaimu niiyamare okuguminkiriza nawebwa kyeyasubizibwe
\v 16 Kubanga abautu balayire akusinga obukulu, era omumpaka zabwe zoona zona ekirayiro nibwo bukakafu obukusalawo
\v 17 No'Onnyamwanga atyo nikyo azwa atekawo ekirayiro nga akwendya okukakasira kimwei daala abasika ebisubizo tebalicusa ekyo kibasubize.
\v 18 Onnyamwanga alikola atyo, okutulanga ebintu bibiri ebitajulukuka, Onnyamwanga byatasobola kubeeyegeramu, tulyoke tubenga nekitugumya ekigumu iswe nabairukira jaali okubalokola tusaine kubba bagumu kubanga taliremwa kutuwa ebyo bisubize
\v 19 Ebyo niibyo bigumya emyoyo jaiswe nga akusika ebya bwom, esuubi eritabusibwabusibwa era riggumu, era ringira munda mulwige
\v 20 Oyesu mweyingirire omubukulembeze oku lwaiswe, neyafukire okabona asinga obukulu emirembe joona omuluuyi lwa merukizeddeeki bwe lwaali
\c 7
\cl Essula 7
\p
\v 1 Kubanga oyo merukizeddeeki, omukama wasaalimi, kabona wa Nyamwanga eyaali igguru muuno. Yaitiraine o'Ibulaimu bweyaalinga akuzwa okwiita abakama, namusabira omukisa
\v 2 Era o'Ibulaimu naweerya o'Merukizeddeeki ekimwei kyaikumi ekya byoona byebakwendya: okusoka eibaara eryo limanyisya, omukama wabukwikiri, era ekyakabiri naye mukama wamirembe
\v 3 Ataalina oitoowamwei, ataalina moowamwei, ataalina bajjejja bamwei, ekiiro ekyasokereku nebwekyakubaire enkango ya bwomi, naye yaisaanisya omwana wa Nyamwanga abe kabona wa buuli biiro byoona
\p
\v 4 Kale muloowoze omuntu oyo bweyali omukulu o'Ibulaimu jaaja omukulu gweyaweirye ekimwei kyaikkumi okumugabo gwe yaali afunire
\v 5 N'abo omubana ba leevi abaweweibwe obwakabona ebiragiro nebikulagira okumbanianga ekimwei ekyaikumi nobantu, nibo'baganda babwe nebwekyakubaire abo nabo abazwa omu Ibulaimu
\v 6 Naye oyo ataali wamukika kyabwe yaffunire ekimwei kyaikumi okuzwa oku'Ibulaimu namusabira omukisa ogwo yaalina ebyasubizibwe
\v 7 Naye tekiganibwe nakadooli, omukulu yasabire omuto omukisa.
\v 8 Omungeri emwei bawebwa ekimwei kyaikumi, niibo abantu abatafa, naye omungeri ejindi kiweebwa edi. Oyo amanyisibwa nga mwoomi.
\v 9 Tuyinza era okumukoba nti no'leevi, awebwe ekimwei kyaikumi, yaweryeyo ekyamwei nga akwakala omu'Ibulaimu.
\v 10 Kubanga yaali akyaali muntumbwe za jaaja wamwei o'Merukizeddeeki niiya tangaraine o'Ibulaimu.
\p
\v 11 Kaale okwikirya kwaliwo lwa bakabona abambale leevi, kubanga abautu bawebwa abiragiro omubiro bya bo, kiki ekikwetagisya era okabona wakabiri okwimuka omungeri ya merukizeddeeki nabarwamu omungiri ya Alooni?
\v 12 Kubanga obwakabona bwamwei bukucuusibwa era ebiragiro tebiremwa kucuusibwa.
\v 13 Kubanga oyo okubazibwaku ebigambo ebyo wakiiri ekindi mutazwanga mumuntu yeena eyaali okuwereza okukyooto.
\v 14 Kubanga kitegerekekere nga omukama waiswe azwa mu'yuda: ekika o'Mussa kiyebatizibweku ebigambo bya bakabona.
\v 15 Era kitegerekekere nga wairewo okubona owoondi ali omukifaanyi kya'Merukizeddeeki.
\v 16 Acuukire okabona tiimubiragiro nga bwe lagiire abenga kuluuda lwabubyaale, naye azwire mumani ga'bwoomi obutakuwawo.
\v 17 Kubanga okuristo abazibweku nti “olii kabona emiirembe zoona nka ngeri o'Merukizeddeeki bwaali.”
\p
\v 18 Kubanga ekiragiro ekyasokere kikendera olwabunaki no'kubagasa kwakyo.
\v 19 Kubanga ebiragiro tegaluuku kyegakwikirya esuubi eri kusinga obusaai neryegesya ritusemberye edi Onnyamwanga
\p
\v 20 Era kini tekyakolebwe owaatali kulaaira kirairo.
\v 21 Kubanga abo abatafulibwa nka'bakabona owatali kirairo naye yafuulibwa kabona omukirairo nga akwakala omu yo akumubazaku nti “Omukama alaire era tetulyejusa,' oli kabona okwicca emiirembe zoona.”
\p
\v 22 Era no'yesu atyo bwakufuka omwima owenddagano ekusinga obusaai.
\p
\v 23 Abakabona baali baingi kubanga bafanga nga tebainza kubbawo ibaanga lyoona.
\v 24 Naye kubanga Oyesu abeera mirembe zoona kyazwire aliina obwakabona obutakuzwawo.
\v 25 Era kyazwa ainza akolera kimwei abaiza edi Onnyamwanga kubwamwei, kubanga aba mwoomi ebiiro byoona akubawolerezanga.
\p
\v 26 No'lwekyo kabona asinga obukulu aisaana atyo niye atusanire, mwikiri, taliku kabbi, taliku ebaala yayawulibwe okuzwa okwabo abalina ebibbi, era yagulumizibwe okusinga igguru.
\v 27 Atawarizibwe, nka abakabona abasinga obukulu baali, okuwangayo esadaaka buli kiro okusoka olwabibbi byenyiini, oluzwanyuma lwe'byo eby'bantu: kubanga okwe yakoleire kimwei omurundi gumwei niye yeweryeyo yeenyini.
\v 28 Kubanga ebiragiro abaluganda bakomyanga abantu okubba abakabona abakusinga obukulu no'bunaki bwabwe, niye ekigambo ekya kirayiro kya yenderye ebiiragiro, kyakomerye omwana eyakirire okwikya emiirembe
\c 8
\cl Essula 8
\p
\v 1 Kale omubigambo byetukubaza kini nikyo ekigenderwa: tuyina okabona akusinga obukulu, akwisana atyo, yaikaire kumukono ogulyo ogwantebe yabukulu bwamwiiguru
\v 2 Omuwereza wabwikiri, era ewema eyamazima, etayombokaibwe abantu, okuyaku Onnyamwanga.
\p
\v 3 Kubanga buli kabona asinga obukulu alondebwa lwamulimu ogwakuwangayo ebisembo era nasaadaka, niikyo kyamugwanire no'kabona oni okubaku nekitundu kya'kuwangayo
\v 4 Kale singa yabire okunsi, tiyandibaire kabona na kadooli, nga waliyo abakabona abakuwangayo ebisembo nka amateka nigaali.
\v 5 Abawereza ebyakifanyi no'bisikirize byamwiiguru nka o'mussa niya bulirirwe, niya nga akwaba okukola ewema: kubanga Onnyamwanga yamukobere nti, “Bonekanga okukola byoona nka nebikulagirwe okulusozi”
\v 6 Naye ati nimwo kiri, Oyesu yeweweibwe okuwereza okusinga obukulu, era ndagaano jalimu nko omukumakuma nijjo ekusinga obunyakasaai.
\p
\v 7 Kale endagaano edi eyasokere singa tiyabaireku kyakunenyezebwa, tewandibairewo nsonga ekeyagalisya eyakabiri
\v 8 Kubanga nabenenya ababaaza oti, “nti boona enku zikwiza,” nimwo akubaza Onnyamwanga, ninali ragaana endagaano egipya ne nyubba ya isirayiri era ne nyubba ya yuda
\q
\v 9 Tenimwo nka endagaano jjenalaganisirye nabaziza banywe okulunaku lwe nabakwaite okumukono okubaiya omunnsi ya misiri, kubanga abo tebagumira mundagaano yange, nanje nentabalekaku mwoyo, nimwo akubaza Onnyamwanga.
\q
\v 10 kubanga eni nijjo ndagaano ejikwiza kulagana ne'nyubba ye isirairi oluzwanyuma lwa naku ezo. Nimwo akubaza Onnyamwanga, ndi teka amateeka gange mubirowoozo byabwe, era akwiza kugawandika kumyoyo zabwe, naje nkwakubanga Nnyamwanga wabwe, boona bbabanga bantu bande.
\q
\v 11 Era ndowo muntu aliyegesya mwiira wamwei, oba muganda wamwei, nga akoba oti, “tegeera Onnyamwanga; okuzwa okumutto okwiika okwakusinga obukulu
\q
\v 12 Kubanga ndi basasira ombutali bwikiri bwanywe, nebiibi byanywe tendibizazikira mwoona
\p
\v 13 Nabaaza okundagaano egipya, kibba kikutegeza nti, “okusoka oba agidibya. Naye ekikulu era kikairikire okubba kira mpi okuwawo.
\c 9
\cl Essula 9
\p
\v 1 Era ndagaano egyasokere yalina empisa ezalagirwe ezakuramiaing Onnyamwanga, nekifo ekyeruki ekyamunsi.
\v 2 Ennyubba yakolwanga nga erumu etundu bibiri nekitundu ekimwei nga nimwo muli nkondo eyazabu eyataala, nemenza ne'migaati egyakulanga. kini nga kikwetebwa aweeruki.
\v 3 Era waalo olutimbe olwa kabiri nga enyuma waalwo niwo wali ekifo ekikwetebwa aweeruki wa'weeruki.
\v 4 Omukifo ekyo mwalimu ekyoteryo ekya zaabu na sanunduuko eya ndagaano, eyalumu ekibya kya zaabu omwaali ammaano, nomwiggo gwa'Alooni ogwalokere, nebipande ebyandagaano
\v 5 No'kuruguru okukya bakerubi na'bakitinisya nga bakikingirirye entebe eyakusasira; bye tuteyinza kubazaku nati buli kimwei
\p
\v 6 Naye ebyo nibykolibwe bityo, abakabona bayingiranga bulunaku omukitundu kya'weema ekisooka okwingiryanga emirumu egya kuweereza;
\v 7 Naye omukinde ekyakabiri, okabona akusinga obukulu yeenkai yaingirangamu omurundi gumwei buuli mwaaka, eya yabangayo n'o musaai gwe yeryangayo okulwamwei n'o lwabibbi bya bantu bye bakulanga omubutamanya
\v 8 omwoyo ogweruki akoba nti' nko mwanda ogukwika omukifo ekyeruki ryalirikya kuboneka, nke' weema eyasookere ekya yemereirewo;
\v 9 Amakulu gabyo omukisera kiini nigo gaani, ebisembo era nesaadaka eya weebwangayo nga tebinza kweerya mutiima gwoyo akuramya
\v 10 Ebyo byakanganga kuruguuru, nga bikufaa kukurya na kunywa no bulombolombo bwakunabaa, okwikya okubiiro ebyakwerya obuyaka
\p
\v 11 Naye Oyesu niyazire okabona okusinga ebisaai ebikwaba okwiza, neyakola omuweema ekusinga obukulu nokwikira etaakorwe na mikoono, amaakulu, etali yamunsi jjini.
\v 12 telwamusaai gwa mbuuli no nyaana, naye lwamusaai ye, nangirira kyarumwei omurundi gumwei omuweeruki, niyamare okufuna okununula okutawawo
\v 13 Kkubanga omusaai gwa mbuuli no nte onuumi niyakokerye nte omuruusi ebisuukirwa okwabo abalina ebibbi, birya okunabya omubiiri
\v 14 Omusaai gwa kuristo yawaireyo yeenkai olwamwoyo ataawawo eddi Onyamwanga nga talukubulema, tigulisinga muuno okunaabya omwoyo gwamwei okuzwa omibikolwa ebifu okuweereza Onyamwanga omwoomi?
\p
\v 15 Nolwekyo okuristo nikyo azwa abba omukwenda wandagaano egyi nyakasaai, okufa nikwabairewo olwakununula omukussisa okwa amundagaano eyasookere, abayeteibwe balyoke bawebwe okusuubiza kwabugwette, obutawawo.
\v 16 Kubanga abandagaano eyabugwetta, kisaaine okubawo okufa kwoyo eyagikore
\v 17 Kubanga endagaano eyabugwatta ekola nga eya gikore nga amaare okufa, kubanga teebba namaakulu nga yagiikore nga akya mwoomi
\v 18 Era endagaano teyakasibwe awataali musaai
\v 19 Kubanga buuli kiragiro nikyamalanga okubazibwa omussa edi obutabonanga mateeka nigali, natwalanga omusaai gwa nyana ne'mbuli amwei na'mazzai nebyooya byantama ebimyunki neezobu n'aminsiranga ekitabu kyenyini era nokubantu boona.
\v 20 Nge akubaaza nti, “guni ngwo musaai gwa ndagaano Onnyamwanga jeyabalagire.”
\v 21 Era tte eweema nebintu byona ebya kuwereza nabimisangaku omusaai atyo.
\v 22 Era omumateeka buuli kintu kyeruka na'musaai, era ewatali kusensa musaai tiwabairewo kuganyirwa
\p
\v 23 kaale ebifananyi bye'byo ebiri omwiguru nikyo bizwa byendya okwerukibwa nesaabaka ezikusinga ezo
\v 24 kubanga Okuristo teyaingire mukifo ekyeruki ekyakorwe ne'mikono, ekyaisaine nke'ekyo ekyamazima; naye yayingire omwigguru yemwene, gyali atti omaiso ga Nnyamwanga okulwaiswe.
\v 25 titwewayo mirundi jingi nko okabona akusinga obukulu naingira omukifo ekyeruki buli mwaka nomusaai ogutali gwamwei.
\v 26 kubanga kyandimugwanire ogadanga emiirundi giingi okuzwa okukubanga kwansi, naye aati yaizire omurundi gumwei okunkango yamirembe alyoke aweyo ekibi olwa'kwewayo yemweene.
\v 27 era nka'bantu nibabikirwe okuffa omurundi ogumwei oluzwanyuma lwa'kyo omusango;
\v 28 era no'Kurisito atyo, niiyamare okuwebwayo omurundi gumwei okweitika ebibi byabaingi, ali boneka omurundi gwakabiri aatali kibi edi abo abamwendereirye olwa'kucuungurwa
\c 10
\cl Essula 10
\p
\v 1 kubanga amateeka nigaali kituuru ekyabisaai ebyaali bikwaba okwiza, naye ekifananyi kyenyini ekya'kigambo, nesaadaka ezitakucuuka ziwebwayo buuli mwaka buuli mwaka, nga teziyinza kwikalisya abo abazisemberera
\v 2 kubanga tezandirekebweyo okuwebwayo? kubanga abakusinza nibamare okunabibwa omurundi gumwei tebandi baire nakutegera bibi byabwe
\v 3 naye omwezo emiirimu ezakwizukiranga ebibi buuli mwaka buuli mwaka
\v 4 kubanga tekisoboka omusaai gwa'nte onuumi no'mbuuli okuyawo ebibbi
\p
\v 5 Okurisito nga akwiza omunsi nikyo ya zwire nakoba nti, “esaadaka neweebwayo tewabyenderye, naye wantekeretekeire omubiri.”
\q
\v 6 twasimire ebya'yokyeibwe ebiramba nebiwebwayo olwa'bibbi
\q
\v 7 niinamare nimbaza nti,” boona nyizire okukola byo'kwendya ayi Nnyamwanga, egeri nakyampandikirweku omu'lukala lwa'bitabu
\p
\v 8 Nimwo mbaaza nti' saaddanka newebwayo nebyo kyebwa ebiramba nebiwebwayo olwa bibbi tiwabyendye tewabisimire atenga biweebwa mumateeka nigaali
\v 9 okukola byo kwendya ayeewo ekisokere leke agumire ekya'kabiri
\v 10 ebyo'byayenderye okwatukira okuwayo omubiri gwa'Yesu kuristo omurundi ogumwei
\p
\v 11 buuli kabona yeena yena eyamare buli kiro nga'akuwereza nga akuwayo emirundi gingi saadaka ezitacuuka, ezitasobola kuyaku ebibbi emirembe zoona
\v 12 naye oyo niya mare okuwayo asaadaka emwei olwa'bibi okwikya emiirimbe zoona namala naikara okumukono ogulyo gwa'Nyamwanga
\v 13 nge akulinda oluzwanyuma abalabe bamwei okufuli bwa entebe yamagulu gamwei
\v 14 kubanga olwa'kuwayo asaadaka emwei yatyikirize okwika emirembe zoona abaikiri
\v 15 era omwoyo akweera niye mujurwa jetuuli kubanga bwamare okbazibwa nti,
\q
\v 16 eni niyo ndagaano gye'nalagana na bo olwuzwanyuma lwanaku ezindi nimwo akubaza Onnyamwanga, ndi bagga amateeka okumitima jeebwe era nokumagezi gabwe ndi gawandika “niyamare nabaza ati”
\p
\v 17 nebibbi bya'bwe no'bujeemu bwa'bwe tindibizukira
\p
\v 18 naye ewali okwiyibwaku ebyo, tiwakyaliwo saadaka olwa'bibbi
\p
\v 19 kale abaluganda engeri netulina obugumu okwingira omukiffo ekikiri olwa'musaai gwa'Yesu
\v 20 enzira jiyatukoleire, eryoomi, erikwakala omunyige, nigwo mubiri gwamwei
\v 21 era nga'bwetulina okabona omukoto akufuga ennyubba ya'Nnyamwanga
\v 22 tusemerenge no'mwoyo gwa'mazima olwa'kwikiriza okwikirire, emitima gyaiswe nga jikunabibwa na'maizzi agasai
\v 23 tugumye okutwalanga esuubi lyaiswe obutasasananga “kubanga eyasubize mwesigwa
\v 24 era tulowoozeng iswenkai naiswnkai okubirizanga okwendya nabikolwa ebiisai;
\v 25 obutalekanga okumbananga amwei nka'abandi nebeyakalya, na'yenga tukubulira, era nga tetukweyongera kukola ebyo tutyo, nga'bwe mukubona ekiro nga kirampi okwika
\p
\v 26 kubba nitwabba omukusisa nga'tumare okutegera amazzima, wabba tiwakyaliiwo saadaka ekuwebwayo olwa'kibbi
\v 27 wabula okulindirya no'kutiina okusarwa omusango, omuro ogwamaani ogukwaaba okwokya abalaabe
\v 28 aziimoola ebiragiro bya'Musa affa owatali kusasirwa olwa'bajurwa ababiri oba'abasatu
\v 29 mulowooza mutyi okubonerezebwa kwoyo kwaalisanizibwa kwenkanayi okusinga okuba okubbi eyemere okumwana wa'Nnyamwanga naalo wooza omusaai nigwo'ndagaano ogwamwerukirya obutabba mwikiiri, nakola ekyejo omwoyo wakisa
\v 30 kubanga tumumaite oyo eibazire mbu, “nje ndi kola enzigu edi omwiyanga, njje ndisasula era nti omukama yasalire abantu bamwei omusango.
\v 31 ekigambo kikutinisya okugwa'omikono gya'Nnyamwanga omwoomi
\p
\v 32 naye mwizukira ebiro bya'eiraai, nibamare okwakirwa, zemwgumiikirizemu omukubonyabonyizebwamu okwamaani
\v 33 oluusi mwafunire ekyakwe baneraku nemuzumibwa, nemuyiganyizibwa oludi nemukoba kimwai nabo abaabonaabona nkanywe
\v 34 kubanga mwasasire ababwe, mwagumikirize nessanyu okunyagibwaku ebintu bya'nywe, nga mukumanya nti ninywe mulina ebiintu ebikusinga obusaai era eby'luberera
\v 35 temunaga bugumu bwanywe, obuliku empera eikooto
\v 36 kubanga mukwendya obuguminkiriza, nimulimala okola Onnyamamwanga bya'kwendya mulyoke muweebwe ekya'suubizibwe
\v 37 kubanga wakyaaliwo akabanga kadooli muuno, aliika, soo taali rwaayo.
\q
\v 38 naye omwikiiri wange alibba mwoomi olwa'kwikira, era nairayo emabega, emeeme yange temusanyukira.”
\p
\v 39 naye iswe tetuli abo abaira emabeega, naye tuli mwa'bo abaikirize okulokola obwoomi bwa'bwe
\c 11
\cl Essula 11
\p
\v 1 okwiikiriza niko kukakasa nti ebisuuburwa birrkiira, era nobutabusabusa newankubire nga bikyaalikubonebwa.
\v 2 kubanga okwiikiriza okwoo kwaazwiireku abantu abaire okusiimibwa Onnyamwanga.
\v 3 olwakwiikiriza tutegera nkabiintu byoona byakoleibwe kigaambo kya Nnyamwanga, era ebikoboneka nikyo byakoleibwe nga bikuweebwa omu bitakuboneka.
\p
\v 4 Olwakwiiriza abiri yawaire Onyamwanga esaaddaka ekusinga obusaai okukira eya kayini, nebikumuwesya obwikiriri, Onyamwanga niyeikirize ebisembo byamwei, era olwekyo newakubaire nga abiri yaffire, naye akyabaaza.
\p
\v 5 Olwakwiikiriza, Enock yatwaaliibwe nga tayakaire mukufa nataboneka kubanga Onyamwanga yamutwaire, kubanga niyaali nga akyaali kumutwaala, Onyamwanga yategezere nke bwe yamusiimire.
\v 6 Era awatali okwikiriza tekiyinza kusemerya Nyamwanga, kubanga buli aiza eddi Nnyamwanga aliwo, era nga niye omugabi wampeera eddi abo abamutwoolya.
\p
\v 7 Olwakwikiriza oNuuwa, niyalabwiirewo oNnyamwanga okubigambo ebyaali bikyaali kuboneka, natiinamu era omukwiikiriza naboneka eryaato olwakulokola enyubba yamwei, nikyo azwa asaara ensi omusango, nafuuka omugweeta wabwikiiri obuli omukwiikiriza.
\p
\v 8 Olwakwiikiriza oIbulaimu niyeeterwe, nawuura nokwaaba nayaba omukifo kye yaali akwaaba okuweebwa okuba omugweta, atyo nayaba nga takumanya gy'akwaaba.
\v 9 Olwakwiriza nabaanga nko'mugenyi omuunsi eya'suubiziibwe, nga'teriyaamwei, nga akusuula muweema amwei no'Isaaka no'yakobo, abagweta bairabamwei abakubizibwa okwo,
\v 10 kubanga yalindire ekibuga kiddi ekirina emisingi, oNnyamwanga kyeyakobere era kyeyayombokere
\v 11 Olwakwiriza era no'saala yeena yawairwe amaani okuba endda newakubairi nga yaali ayakaliriirye omu'myaka, kubanga yamusubize yamulowoozere nga mwesigwa;
\v 12 No'lwekyo okuzwa mumuntu omwei ayaali akwisaana afiire, nimwo mwazwire abantu abaingi nke nyenyezi aza mwigguru obwingi era nko'musenyi oguli okulukaito lwa nyanja ogubalika.
\p
\v 13 Abo boona bafiire mukwiriza, nga tebaweibwe ebyabasubizibwe, nayeenga babibonera alaai, era nga babyaniriza, era baikaara nka'bagenyi abatambuli okusaai.
\v 14 Kubanga abaaza otyo balanga nga bakutyolya ensi eyabutaaka
\v 15 Era singa baizura ensi eddi jjebazwiremu, bandibaire neibaanga okwirayo.
\v 16 Naye atti bakwegoomba ensi ekusinga obusaai niyo eyo omwigguru, oNnyamwanga nikyo azwa alemwa okukwatibwa ensooni okulwabo, okwetebwanga oNnyamwanga wabwee: kubanga yabateketekeire ekibuga.
\p
\v 17 Olwa kwikiriza oIbulaimu, niyagezeseibwe, yawareyo oIsaaka omwana waamwei omwei yeenkai eyawairwe ebyasubizibwe,
\v 18 Eya'kobeibwei nti,” omwi saaka olubyalo nimwo lyaakaaranga.”
\v 19 Yamaite nka'oNnyamwanga nayinza okumuyiimbokya omubaffu, era niyaniriza oIsaaka nka' akwisaana ayiimbokere omubaffu.
\p
\v 20 Olwa'kwikiriza oIsaaka yasaabire omukisa oYakobo no'esawu, omubigambo ebyaali bikwaba okwiiza
\p
\v 21 Olwa'kwikiriza oYakobo, niyaali akwakuffa, yasabire omukisa abaana ba'yusufu boona. naramyanga nga akulamira okwimwigo gwamwei.
\v 22 Olwa'kwikiriza oYusufu niyaali alampi okuffa yabaazirie okubaana ba'Isiraeri, nga akulagira ebya'maggumba gamwei
\p
\v 23 Olwa'kwikiriza oMusa, niyabyaalibwe, ababyere bamwei nebamukwera emyeezi isaatu, kubanga bamubwoine nga mwana musaai, nebatatina kiraggiro kya'mukama.
\v 24 Olwa'kwikiriza oMusa, niyakure, yagaine okumwetanga omwana wa mwaara wa'falaawo;
\v 25 Nga singa kwendya kolebwanga kubbi amwei na'bantu oNnyamwanga okusinga okubba omukwesiima okwakibbi okuwawo amaangu;
\v 26 Ng'akuloowoza ekizoomo kya kurisito okubba obugaiga obusinga ebintu bya'mumisiiri: kubanga yaali akusubira empeera eyo.
\v 27 Olwa'kwikiriza nazwa emisiiri, nga takutiina busuungu bwa'mukama: kubanga yagumikirize ng'akuboona oyo ataboneka
\v 28 Olwakwkiriza yakore okwaakalaku no'kumansira omusaayi eya'zikirize abasookere eMisiiri aleeme boona okubatwaramu
\p
\v 29 Olwa'kwikiriza ne' baakaala omunyaja ejinyunki nka'bakwakala okulukalu. aba miisiri ne'bagezeku okoola otyo ne'zikiira.
\p
\v 30 Olwa'kwikiriza ekikorogo kya'yeriko nga kikuwa, nga kimaare okwetololwa okumaala ebiiro musanju.
\p
\v 31 Olwakwikiriza olaakabu omweenzi oyo teyazikirire amwei nabo abatagondere, naye yasembairye abakesi emirembe
\p
\v 32 Mbaazeki ati? kubanga ekiseera kikwakumpwaaku nibaaza oku Gidiyooni, Balaki, Samusooni, Yefusa no ku Dawuudi, Samwiri nabalangi abandi.
\v 33 Olwa'kwikiriza abo nibo bawangwire obwa'mukama nibbo bakore ebya'bwikiri, nibbo bafuunire ebya'suubizibwe, nibbo baigeire emiinwa gyampologoma.
\v 34 Nibbo balikirye amaani gamuuro, nibbo bairukire obwoogi bwa'kyambe, nibbo baweirwe amaani okuzwa omubunaki, nibbo bafukire abazira omulutalo, nibbo bapekere eyje lya'mawanga.
\v 35 Abakali nebabawa abafu baabwe nga bayimbokere, nabandi nebasasanyizibwe, nga tebakubaikiriza kukungulwa, baalyooke baweebwe okuyimboka okusinga obusai,
\v 36 nabaandi nebaduulwa, nokukubwa, nebabasiba, nebabateeka omunkomyo.
\v 37 Baakubiibwe na mabaale, baasaliibweemu nemisumeeni, baakemeibwe, baitiibwe ne kyaambe baataambulaanga nga bazwaire ebisaato ebya ntaama na gambuzi nga tebaliina kaantu, nga bakubonnyabonyezebwa, nga bakolwa okubbi.
\v 38 Ne ensi nga tekubasaana, nga bakwaakala omu malungu nomunsozi, nga bakwekweeka omu mpuku no mubwiina obwensi.
\p
\v 39 Naye abaantu abo boona newankubaire bakakasibwe olwa'kwiikiriza kwaabwe, tebafunire ekya'basubizibwe.
\v 40 Kubanga Onnyamwanga ytubwonaire eire iswe okusinga obusai, bo baleme okeiikirya iswe nga twaaliwo.
\c 12
\cl Essula 12
\p
\v 1 Ale naiswe netulina ekibiina kyabajuurwa ekyenkanire awo, twambulenge buli ekikulemeera ne kibbi ekygaita naiswe twirukeenge nokuminkiirya embiro eziteekebwa omu maiso gaiswe.
\v 2 Nga tukoleera Yesu yeenkai omukulu wa kwiikiirya kwaiswe era omukwiikiirya wako, olwa kusagarukwa okwataikeebwe omu maiso gaamwe yagulumizeomu saalaba nga akunyooma ensoni, naikala oku mukono ogulyo o gwa ntebbe ya Nnyamwanga.
\p
\v 3 Kulwa kubba mumulowooze oyo eyagumiinkirize empaka ezibbi, mulekeenge okukerwa, oba okwikiirira mumitima zaanywe.
\v 4 Timukwaaba kuwakanya okwiika okukusuka omusaayi gwaanywe nga mukulwaana ne kibbi.
\v 5 Mwerabiire ebibazibwa nga bikubakobebwa nka'baana “Mwaana waange, tojjooganga kubangulwa kwa Nnyamwanga, nolwekyo todiriranga lwa kwenenya.
\q
\v 6 Kubaanga omukama gwa kweendya munakuwali, era akubba buli mwaana gwa ekiriize.
\p
\v 7 Olwa kangavulwa nikyo mwaazwaanga muguminkiirya abakola nka'baana: kulwa kubba mwaana Oitoowaamwei gwata kangaviire.
\v 8 Naaye bwatangavulwa nka'baandi nebatangavulwa, mukwaakubba beebooleze nolwekyo tibaana.
\v 9 Twaalina abaitobaiswe abamubiri abatubangwire nimbatangamu ekitinisya, tetulisanga muuno okugondera oitoowamwei owemyoyo, netubba boomi.
\v 10 kubanga abo batubagwire ebiiro tibingi olwa'kwegasa abo; naye oyoatubangwire olwa'kutugasa, tulyoke tufuuneb omugabo omubwikiri bwaamwei
\v 11 Okubangulwa kwoona omubiro byati tekukwisana nga'kwa sanyu wabula kwanaku, naye oluzwanyuma kubala ebibala byamirembe edi abo abegesebwa mukwo, nibyoo ebibala bya'bwikiriri
\p
\v 12 kale mugolole emikono gyanywe ejikerwe, namajwi ganywe agakozimbire
\v 13 era mukubirenge amaagulu ganywe ne'nziira eziroongoki, akuwenyera aleemwenge okugazwamu, naye awoonenge
\v 14 musengeryenge emirembe edi abantu boona, nobwikiri awatali awo ndowo aliibona Nnyamwanga
\v 15 muboone waleke kubawo muntu yeena akusubwa ekisa kya'Nnyamwanga, era mwekume “ekikolo kyoona ekikusara kiremenge kuroka munywe, nokugandawalya abaingi.
\v 16 era mwegendereze walemwe okubawo omweenzi, oba atatina Nnyamwanga, nka Esawu, nuyatundire obusika bwamwei olwa'kawoombo kamere akamwei.
\v 17 kubanga mumanye nge era oluzwanyuma luyenderye okusikira omukisa, tikyasobokere kubanga tiyafunire ebanga ryakwenenyeryamu, nebwekyakubaire nga yagutoirye namaliga gaingi
\p
\v 18 kubanga temwizire kulusozi olwa'wandikibweku era olwa'mwaka gwamuuro, nedi ekirikiirya ekikwaite zzigizzigi, nekimpungo
\v 19 okuvuuga kwamulere nedoboozi ryabigambo; baliwuura nebegayiira obutokyirwaku kigambo olwa'kabiri
\v 20 kubanga tibainzanga ekya'laagirwe nti, “nebwekyakubaire nekisolo nekikanga oku lusozi, kirikubbibwa amabale.”
\v 21 byaboonekere byaali byaakutinisya bityo oMusa nokoba nakoba nti, “ntinire muuno era nkakanyine.”
\v 22 naye mwizire okulusozi lwa'sayuni, nokukibuga kya, Nnyamwanga omwoomi, yerusaalemi ekya'mwigguru, ndi obukuumi bwamalayika,
\v 23 Eddi eikunganiro erikooto era ekanisa eya baabondize abayandikibwe omwiguru, neddi Nnyamwanga omulamuli waboona neddi emyoyo jabaikiiri abaikizibwe
\v 24 Nddi oYesu omukwenda wandagaano ejjipya nedi omusayi ogwa'kumumansira gwongere ebisaai okusinga ogwa'Abbeeri
\p
\v 25 mwekume obutagananga akubaza. kubanga baadi mbatalokokere, niibamugaine oyo eyalabwire nga asinzirire munnsi, iswe akubire oyo atalabwire nga akusinzira mwigguru tulisinga muuno obutalokoka.
\v 26 eyakankainia ensi nedobozi ryamwei mubiro bibiri: naye ati yesubize nga akoba nti, “kya'sigaire omurundi gumwei ndye'nenya, tinnsi yoonki, naye era nigguru.”
\v 27 nekyo, nti, “wakyasigaire omurundi gumwei” kikutegeza okuyibwawo kwe'byo ebikakanyalizibwa, nga bya'koleibwe, ebitakakanyalizibwa biryooke bibengewo.
\v 28 kale, bwetuwebwa obukama obutakakanyizibwa, tulyoke tubbe nekisa kitusobozesya okuwereza okusimibwa oNnyamwanga nokwegendereza nokutiina.
\v 29 Onnyamwanga waiswe muuro gwookya
\c 13
\cl Essula 13
\p
\v 1 okwe'ndyangana nka baluganda kweyongere.
\v 2 temwerabiranga kusemberya bagenyi: kubanga okwo waliwo abasemberye abamalayika nga tebakumanya.
\v 3 mwizukiirenge abasibe, nga bakubbwebwa abwamwei nabbo; era nababona ennaku, kubanga nanywe muli mubiri
\p
\v 4 obufuumbo obutekeibwemu ekitinisya edi abantu boona nakitanda kibbe kirongoki; kubanga abakama na'beenzi oNnnyamwanga ali basara omusango
\v 5 Mubenge nempisa eyabutendyanga bintu; bye'muyiina bimalenge: kubba yeemwenyini yekobere nti, “tendikuleka nakadyooli.”
\p
\v 6 nikyo tuzwa tweweryayo nokubaza nobbuvumu nti, “Nnyamwanga niye mubezi wange, tinatinenge. Omuntu kya'yinza kunkola.”
\p
\v 7 Mwizukirenge abakulembeze banywe, ababakobera ekigambo kya'Nnyamwanga, nga mukulolere mpisa zabwe era musengeryenge okwikiriza kwa'bwe.
\v 8 oYesu kurisito eizo ne leero aba amwei nanywei emiirembe nemirembe.
\v 9 temutwalibwanga, okwegesya kwangeri zingi kwiza, kubanga kisaai omutima ogukunywezebwa ekisa, ate tikunywezebwa nampisa zakulyanga, ezitagasa abo abazitamburamu.
\p
\v 10 tuliina ekyooto abegesya ba muweema kyebatalagira okulirangaku
\v 11 kubanga ebisolo bibiri, bidi, bitwarwamu omusayi gwa'byo okabona asinga obukulu omikifo ekikwere olwakibi, emibiri jabyo jookyebwe nzai walusisira.
\v 12 era no'Yesu nikyo yazwire abonabona enzai wa mulyango alyooke ayeruukye abantu no musayi gwamwei ye.
\p
\v 13 kale muuluke okwaba jali enzai walusisira nga twetikire ekizuume kya'mwei.
\v 14 kubanga ani ndowo kibuga kyaluberera, wabula tuswagane kikwakwiza.
\p
\v 15 kale omu oyo tuweengeyo edi oNnyamwanga buulizo esaadaka eyatendo, nikyo kibala kyaminwa ejatuula eibara rymwei.
\p
\v 16 naye okukola kusaai nokukanya timwerabiranga: kubanga esaadaka eziiri nkezo zimusanyusa muuno oNnyamwanga.
\p
\v 17 muwurenge abo ababafuuga, mubagonderenge: kubanga abo abalolera olwa'bwoomi bwa'nywe, nga bakulowooza nibakola, bamale bakolenge batyo nesanyu nga tebakwemulugunya, kubanga nibemulugunya tekibagasa nywe.
\p
\v 18 mutusabirenge, kubanga temumanyirire kimwei nga tulina omyoyo gusaai ngatukwendyanga okubba nempisa ezisaai omu byoona.
\v 19 naye okusinga muuno mbegayirire okola mutyo, male nyirisibwe mangu jemuuli.
\p
\v 20 naye oNnyamwanga wamirembe, eyaire okuzwa ombafu omulisya wantama omukulu olwa'musayi gwa'ndgaano ekusooka, niye mukama waiswe Yesu,
\v 21 Abakirirye omubuli kigambo ekisaai okukolanga bya'kwendya, nga akora mwiswe ekisimibwa omaiso gamwe okulwa'Yesu kuristo, awebwenge ekitinisya emirembe ne mirembe Amiina
\p
\v 22 naye nkubakobera, abaluganda muguminkirizenge ekigambo ekibulirwa, kubanga mba wandikire mu bigambo bidyoli.
\p
\v 23 mumanyinge owaluganda timoseewo yataisibwe nayiza mangu, ndi boonera amwei naye.
\p
\v 24 mulamukye abakulembeze banywe boona, nabaikiri boona, aba mu italiya babalamukirye.
\p
\v 25 ekisa kibenge nanywe nywena Amiina.