70 lines
6.0 KiB
Plaintext
70 lines
6.0 KiB
Plaintext
\id TIT
|
|
\ide UTF-8
|
|
\h TITO
|
|
\toc1 TITO
|
|
\toc2 TITO
|
|
\toc3 tit
|
|
\mt TITO
|
|
\c 1
|
|
\cl Essula 1
|
|
\p
|
|
\v 1 O Pawulo omwiru wa Nyamwanga, era omukwenda wa Yesu Kristo, nga okwikiriza kwabakomye Nyamwanga bwekuli nokutegera amazima agali omukutiina O Nyamwanyanga,
|
|
\v 2 ebyesigamire omukusuubira obwoomi obutakuwawo, O Nnyamwanga owazima bye yasubize nga ebiro ebyamirembe nemirembe tibibbangawo,
|
|
\v 3 naye omuntuko zabyo yalangire ekigambo kyamwei omukubulira kwamwei nabikisibwa nka ekiragiro kya Nnyamwanga omulokoli waiswe nka bwekiri.
|
|
\v 4 eddi oTito, omwana wange gere gere okwikiriza kwaiswe isweena isweena nka bwekuli; ekisa n'emirembe bizwa eddi o Nyamwanga oitowaiswe no Kristo Yesu omulokoli waiswe bibbeenge gyooli.
|
|
\v 5 Nikyo nazwiire nkuleta omu Kuleete, oleke osaayireenga ebyasigaire, era otekeenge, abakaire omubuli kibugga, nkaanje ninakulagiire;
|
|
\v 6 omuntu ateeka okubba nga taluku kyakunyezebwa, nga musaiza wamukali omwei, ngalina abaana abakwikiriza, abatawabirwa nk'abagweiralu oba abajeemu.
|
|
\v 7 kubanga omulabirizi kikumugwanira okubanga taluku kyakunenyezebwa, nkomuwanika wa Nnyamwanga, nga timukakanyali, nga tiwabusungu, timutamiire, timwandi, nga tiyegomba kufuna magoba mukumpanya;
|
|
\v 8 naye ayaniriza abagenyi, ayendya obusai, ayegendereza, mwikiiri, mweruki, eyeefuga;
|
|
\v 9 agumya ekigambo ekyesigwa ekiri nko kwegesya kwaiswe nikuli, leke asobolenge onyonyola abantu enye gesya egituufu, era n'okulaanga obusobya bwabo abagiwakania. o Tito okutangira enyegesya yabubeyegi.
|
|
\p
|
|
\v 10 kubanga waliyo baingi abawakana, ababaza ebyakalebule era byabubeyegi, era okusingira kyimwei abo omubakomole,
|
|
\v 11 abassine okuziyizibwa, kubanga abo nibo bajjumuka enyubba ejjiraamba nga bakwegesya ebitabagwaaniire, olwa magoba gabukuppya.
|
|
\v 12 Omwei okwaabo, era mulaangi waabwe abo yakobere nti, “aba Kuleete babeyegi ebiro byoona, nibyo ebisolo ebibbi, bamairu abagarai”
|
|
\v 13 Okumanyisya okwo kwamazuma. Nikyo ozwa oteeka okubanenya n'amaani, balyoke babbe omukwikiriza okusai,
|
|
\v 14 balekere awoo okuwuliirya engeero ezzabubeyegi ezakiYuddaaya n'ebiragiro by'abantu abaakyamire okuzwa omumazima.
|
|
\v 15 Eddi abalongooki byoona birongooki, naye eddi abagwagwa n'abataikiriza ndoowo kirongooki; naye amagezi gaabwe era n'omwoyo byasiigibwe ombugwagwa.
|
|
\v 16 Baikaara nga bamaite oNyamwanga; naye ombikolwa byabwe bamweigaana, kubanga bagwaagwa era abatawuura era abatasiimibwa mubuli kikolwa kyoona ekisai.
|
|
\c 2
|
|
\cl Essula 2
|
|
\p
|
|
\v 1 Naye we yeegesyanga ebikusaniira okwegesya okwa bwoomi.
|
|
\v 2 kubirizaanga abasaiza akulu babbeenge bateeki, babuvunanyizibwa, era abaggumu.
|
|
\v 3 Abakali abakulu boona bakubirizenge babbeenge n'empisa ezisaaniire ombaantu, nga tibakwangiirya, era nga tibatamiire, naye abeegesya ebisai;
|
|
\v 4 balyoke batendeke abakali abato okwendyaanga abaibowabwe, n'abaana baabwe,
|
|
\v 5 era babbeenge bamanyirivu, nga tibeenzi abakola emirimo omumakka gaabwe, abakisa era abagondera abaibowabwe, ekigambo kya Nyamwanga kiremenge okuzumwa.
|
|
\v 6 Nabasiza abajwaka, obakubirizenge okubba abakusobola okwefugga omubyoona.
|
|
\v 7 omubigambo byoona we bba ekyakurorwaaku ekisai omubikolwa, n'omukwegesya okwo ng'okulaanga obugolokoki, obumaliiri,
|
|
\v 8 nga buli kyokubaza tikiruku kyakunenyezebwa, oyo atali kulwaamu alyoke akatibwenge ensoni, nga talina kibbi kyakutubazaku.
|
|
\v 9 kubirizanga abairu okugoondanga ombakama baabwe, nga bakusiimyanga omubyoona; tibateekwa kubba bajuume,
|
|
\v 10 nga tibaibba, nayenga beesigwa munno omubyoona; balyoke bayonjenge okegesya kwa mulokoli waiswe oNyamwanga omubyoona.
|
|
\p
|
|
\v 11 Kubanga ekisa kya Nyamwanga kibonekere, nga kikuleeta abantu boona obulokole,
|
|
\v 12 nga kyitubuulira okugaanaanga obutatiina Nyamwanga n'okwegomba kwa munsi, tulyoke tubbeenge bateeki, abaikiiri, era abakutiina oNyamwanga omunsi gini,
|
|
\v 13 nga tukulindiirya esuubi eryamukisa n'okuboneka kwa kitinisya kya Nyamwanga omukulu era omulokoli waiswe o Yesu Kristo;
|
|
\v 14 eyewaireyo okulwaiswe, alyoke atucungule ombujeemu bwoona, era yesayitirye eiyaanga lyanvuma, erinyikira omubikolwa ebisai.
|
|
\p
|
|
\v 15 Bazaanga ebyo, obibuliirenge, onenyenge n'obuyinza bwoona. Omuntu yeena takunyomaanga.
|
|
\c 3
|
|
\cl Essula 3
|
|
\p
|
|
\v 1 Obaizukirenge okugondera abafuga n'abalina obuyinza, okuwuranga, okubba abategeki okukola omulimu ogusai,
|
|
\v 2 nga tebakubaza kubbi ku muntu yeena, nga bakwewala okulwana, abateeki, era nga bakutaamu ekitiinisya abantu boona.
|
|
\p
|
|
\v 3 kubanga era naiswe eirai twaali basurusuru, abatawura, ababeyegebwa, nga tuli bairu, aba bulikwegomba okubbi, n'ebinyumu ebitali bimwei, nga tuli baitima ate babwiiya. Nga tukyayibwa abantu ate nga tukyawangana swenkai naswenkai.
|
|
\v 4 Naye obusai n'okwendya kyakisa kya Nyamwanga omulokozi waiswe nibyabonekere,
|
|
\v 5 natulokola, tilwabikolwa bitwakoore omubwikiiri, wabula olwakusaasira kwamwei, olwa kunabibwa okwakubyalibwa omulundi ogwakabiri, n'okufuulibwa abaya omumwoyo ogweruki,
|
|
\v 6 gweyatusukireku omubwiingi omu Yesu Kristo omulokozi waiswe;
|
|
\v 7 tulyoke tweere olwakisa kyaamwei, era tufuuke abaggwetta omukusuubira obwomi obutawaawo.
|
|
\p
|
|
\v 8 Ekigambo kini kyesiggwa, n'okubini nkendya we okukakasaanga ddala, abaikiriza oNyamwanga baizukirenge okutaaku omwoyo okubikolwa ebisai. Ebyo bisai, era bigasa abantu;
|
|
\v 9 naye wewalenge emppaka ezabusirusiru, emyaanda ezandyo zaiswe, enyombo n'okuwakaniira amateeka, kubanga tebiruku kyebikugasa, era tibirumu.
|
|
\v 10 Omuntu omukyaamu, nomalaanga okumubuuliira omulundi ogusookere, n'ogwakabiri, omwewalanga,
|
|
\v 11 nomanya ali nkoyo amaare okukyamizibwa era musiisi; nga yesaara yenkai omusaango.
|
|
\p
|
|
\v 12 Nintumanga Atema oba Tukiko jooli ofubaanga okwiza gyendi omu Nikopoli, kubanga nsaarewo okubba eyo omubiseera ebyamutitiiro.
|
|
\v 13 Fuba okwanguyako o Zeena omunateeka no Apolo, bona nga balina byonna byebakwendya.
|
|
\v 14 Era fuba abantu baiswe beege okuttangaku omwoyo okubikolwa ebisai omubigambo ebikwetaagibwa, baneme okubba nga tibakubala bibala. Abali nanje boona bakulamukirye. Olamucce abatwendya omukwikiriza. Ekisa kibeenge nanywe nyweena.
|
|
\p
|
|
\v 15 Abali nanje boona bakulamukirye. Olamucce abatwendya omukwikiriza. Ekisa kibeenge nanywe nyweena.
|