ruc_reg/62-2PE.usfm

\id 2PE
\ide UTF-8
\h 2 Petero
\toc1 2 Petero
\toc2 2 Petero
\toc3 2pe
\mt 2 Petero
\c 1
\cl Essula 1
\p
\v 1 Simooni Petero, omwiru era omutume wayesu kurisito, eddi abo abafunire okwikiriz kwamuwendo ogwingi nka nswei twakufunire omubwikiri bwa Nyamwanga waiswe era omulokozi waiswe oyesu kurisito;
\v 2 ekisa ne mirembe byeyongerenge jemuuli omukutegera daala Onyamwanga no yesu omukama waiswe
\p
\v 3 Kubanga obuyinza bwa Nyamwanga nibbo bwatuware byoona ebya bwoomi ne byakutina Onyamwanga, olwakutegera kakimwei oyo ayatweetere olwakitinisya no buusai bwamwei.
\v 4 Omwebyo niimo yatuweiryerye obisubizo ebikooto era ebyamuwendo ogwingi omuno, olwebyo mumale muwone okwikiriza okuuli omunsi okuleetebwa okwegomba okuubi, mumale mugabane okubwanyamwanga obwamwei.
\p
\v 5 Olwasoonga eni mufube okuboona nga, okwikiriza kwanywe mwongereku obusai, era no kubusai mwongereku okuteggera;
\v 6 era no kukuteggera kwanywe mwongereku okwegendereza; era no okukwengendereza kwanywe mwongereku okuggumikiriza era mwongereku okutina Onyamwanga.
\v 7 Era nokutina kwanywe Onyamwanga mwogereku okwendya obaluganda; era nokwendya abaluganda kwanywe mwongerwaku okwendya.
\v 8 kubanga nemuba nebyo ne bibba ebbingi, bibafula abatali abagayavu na babare ebibbala olwakutegera ddala omukama waiswe oyesu kurisito.
\v 9 Kubanga atabba nebyo niye omwigali wamaiso akumantaala neyerabira okunabibwaku ebibbi byamwei ebyeirai.
\v 10 kale, abaluganda, kyemwazwanga mweyongera mufubenge okwenyweza okwetebwa kwanywe no kulondebwa, kubanga ne mwabikolonga, temulyekanga na kadyoli.
\v 11 Nimwo mutyo mumale mwingiribwe omu bugaigai obwamukama obatawawo obwamukama waiswe era omulokoozsi waiswe oyesu kurisito.
\p
\v 12 Nikyo kinazwanga nyendya ennakku zoona okubaizukirya ebyo waddenga mukubimanya ne mugumira omanaanu gemulina.
\v 13 Era nkulowoza nga kyasoonga, nga nkyaali mubiri guni, okubakurizanga nga nkubaizukirya;
\v 14 nga nkumanya natera okuzwa omumubiri gguni era nga omukama waiswe oyesu kurisito ne ya manyisirye.
\v 15 Nikyo nzwa nfuuba muno okubonanga nebwendibba nga maare okuffa, nga ebyo byoona musobola okubizukira.
\p
\v 16 Kubba tetwasengeryairye oluffumu effumu ezatekaibwaiwo obuyinza no kwiza okwamukama waiswe oyesu kurisito, naye twabweine namaiso gaiswe obukulu bwamwei.
\v 17 Kubba niye yawebweibwe Onyamwanga oitewaiswe etendo ne kitinisya, eirakka ne ryazwire omukitinisya ekikumasamasa ne riiza jjali nimwo riti nti, “oni niye omwana wange gwenyendya, gwe sanyukira omuuno.”
\v 18 Twawulire erakka riini eryazwire omwiguuru, kubanga twabeire naaye amwei okulusozi olwikiiri.
\v 19 Era ekisinga obugumu tulinna ekigambo kya banabbi; mukola kusai okukibona ekyo, nketaala ekwakira omu kiffo ekya nzikiza, okwikya obwire nebwalikyanganuka obunyenyezii bukeisya obwire nebwaka omumutima gwanywe.
\v 20 Okusokera kakimwei mutegeere kiini, nti buli kigambo kyabanabbi ekyawandikibwe tekyaizire nga kikusinzira okukunyonyola kwanabbi oyo.
\v 21 Kubba tewaliwo kigambo kyabunabbi ekyali kireteibwe omukwendya kwabantu, naye abantu babazanga ebya zwanga eddi Onyamwanga, nga bakwatibwe omwoyo omwikiri.
\c 2
\cl Essula 2
\p
\v 1 Naye newabawo abalangi ababubeyegi omuyanga era nga no munywe, mulibamu abakwegesya obubeyegi, abalyegesya engeso ezikyamu ezizica, era nga bakweegaana no mukama waabwe eyabaguure nga bakweretera okuzikirira okwamangu.
\v 2 Era baingi abalisengerya obukaba bwabwe, balizumisya omwanda gwamaziima.
\v 3 Era olwamwoloonko balifunamu amagoba nga bakolesya ebigambo ebyateekeibwewo, omusango gwabo okuzwa eirai obutaalwa nokuzikiira kwaabwe tekugotana.
\p
\v 4 kubba nga Onyamwanga teyasonyiwere abamalayika nebasisiire, naaye nabaga omulukonko nabaweryayo eddi obwiina obwakiiruma; kubba okubategekera omusango.
\v 5 Era nataganyira nsi eirai, naaye nawonya oNuuwa omubuulizi owabwikiiri, nabaira bamwei omusanju boonkai, neyaletere amataba okunsii eyabatatina Onnyamwanga.
\v 6 Yasirikirye ekibuuga Sodomu ne Ggomola nabisaara omusango ogwakubizikiriza nokubifuula nkekyakuboneraku eddi abo abatalitina Nyamwanga;
\v 7 era nalokola Oluuti omwikiiri, nyabairenga akweralikiira muuno olwa ngeso ezabukaba ezababbi.
\v 8 kubanga omuntu oyo omwikiiri, neyakaaranga omubbo buuli lunaku, yanyonyolwanga omumwoyo gwamwei omwikiiriri olwabikolwa byabwe abajjeemu.
\v 9 omukama waiswe amaite okulokola abatiina Onnyamwanga omukukemeebwa, nokukuma obataali bwikiiriri nga boona bakubonerezebwa okwikya okulunaku lwamusango,
\v 10 naaye okusinga boona abatambula okusengerya omubiiri omu kwegomba okwabugwaagwa nabanyooma okufugiibwa. nabataliina, abakakanyali, tebatina kuzuuma abakitisya,
\v 11 Naaye abamalayika, waddenga nibo basiinga amaani no buyinza, tebabaletaku musango gwabuzuumi eddi omukama waiswe.
\v 12 Naaye abbo, balibba nke ebisoolo ebitalina mageezi ebibyalibwa ebisoolo obusoolo ezikukwatibwanga nokuzikirizibwanga, bazuuma omugambo byebatakutegeera, balizikiirizibwa omukuzikiirira kwamwei nikwo okwekuuma ebisoolo ebyoo,
\v 13 nga bakubonabona olwabusiisi bwabwe. kuseemerwa kwamwei. baliina amabbala nobusiisikaali, abatijjuka omumbaga zabwwe okwendyangana nga bakulya embaga amwei nanywei.
\v 14 Balina amaiso agaizwiire obwenzi, akataleka kusiisa, nga bakusendasenda emyoyo ejitaali jiguumu; ngabalina omutima ogwamanyirire okwegomba, abaana bakukolomirwa.
\v 15 Baleeka omwanda ogugolokoki nebakyaama, nga bakusengerya omwanda ogwa Balamu omwana Wabayoli, eyayenderye empeera eyabutali bwikiiri.
\v 16 Naaye nanenyezebwa olwabujeemu bwamwei ye, endogoyi tebazza neyabazire eiraka ryamuntu yaziizire eiralu lya mulangi.
\p
\v 17 Abo nibo amazuuba agataliimu maizzi, era nilwo oluufu olutwalibwa no mpungo, bakumibwe ne kiiruma ekikweite zigiziigi.
\v 18 kubbanga, nebasimoola ebigambo ebikuuluo muuno ebitaalimu basendesende omukwegomba kwamubiri, omubukaba, abo abali ampi nokwiruka abatambuura omubukyamu.
\v 19 Bbabasubize okuwerwa eiddembe, nga boo abenyini bairu bakuzikiira, kubanga ekyo kiwangula omuntu abba omwiiru wakyo
\v 20 kubba nebamaala okwiruka okuzwa omubugwaagwa bwansii olwakumanyiira kakimwei omukama waiswe era omulokozi oyesu kurisito, naaye ate nembegombesyanga omubbo omurundi gwakabiri nebewangulwa, ebyaluvanyuma lwabwe nga bikusinga obubbi bwaluberyeeberye.
\v 21 Kubanga kyandibeire kisai jebali singa tebaategeire mwanda gwabwikiiri okusinga, nebamaala okwetejja, ate nebaire enyuuma okuleka ekiragiro ekikiiri ekybaweereibwe.
\v 22 Kibeikireku nko olugero lwamaziima neluli nti, “ombweene airira ebiseeseeme byamwei, nomberege anabwibwe eiraamu okwekurukunya omubisaabu”
\c 3
\cl Essula 3
\p
\v 1 Abamukwano, ati eniniyo ebbalwa eyakabiri gye mbawandikiire, omwezo eibiri mbakubiriza no kubaizukirya amagezi ganywe gabbe agatali bukumpanya;
\v 2 okwizukiranga ebiggambo ebyabazibwe abalangi abaikiriri, ne kiragiro ekyabatumwa banywe ekyamukama waiswe era omulokozi.
\p
\v 3 Okusokera kimwei, musaana okutegera kiini, nga omunaku ezamabeega abakuseka balizza nga bakuseka, nga bakutambula okusengerya okwegomba kwabwe abbo.
\v 4 Nebabaza nti, “okusubiza kwakwizza kwamwei kuuli ruddayi? kubanga, abaziiza baiswe kasokeranga babbasya, byoona ebityo nke bwebyanga okuzwa okuntondebwa.”
\v 5 kubanga bagendeire okwerabira kiini nga lwakigambo kya Nyamwanga, eiguru dyaliyo eirai, era ne nsi ne tondebwa okkuzwa omu maizzi era nebba akati wa maizzi omu maizzi.
\v 6 Amaizzi gaani, ensi eyo eiyarai niigo gaajisanyiryewo ne ziikira.
\v 7 Naye olwakigambo ekyo nikyo kimwei eigguru nensi ebiriwawo ati bibikibwe omuuro, nga bikumibwa okwika okulunakku olwamusango no kuzzukira kwabantu abatinire Nyamwanga.
\v 8 Naye kiini ekimwei temukyarabiranga, abendebwa, eddi Omukama waiswei olunaku ollumwei lusana nka emyaka olukumi(1000), nemyaka olukumi(1000) zissana nkolunaku oluumwei.
\v 9 Omukama waiswe talwisya kyassubize, nka bandii ne balowoza okuulwa; naye aggumikiriza jemuli nga takwendya omuntu yenna kubula, naye boona baike okukwenenya.
\v 10 Naye olunakub lwa mukama waiswei luliizza nga mwibbi; eigguru niryo ryalizwayo noggugula okwingi, ne ensi ne bikolwa ebijjirimu birisika.
\p
\v 11 Ebyo byonna bikwiza kusaanuuka, musanire okubanga mukutina? musanire okubba omu mpiisa ezikiri no kutinanga ONyamwanga,
\v 12 nga mukulindirya era nga mukwegoma muuno olunaku ola Nyamwanga okwiika, olulusanukya eigguru nga rikwokyabwa, ne bintu ebiririku ne bikuwawo olwa buggumu eringi!
\v 13 naye nke bweyasubize tusubira eigguru erikwiza ne nsi ejiiyaka, obwikiri niijo bwikara.
\p
\v 14 kale, banywani, kubanga mukusubira ebyo, muffubenge okusangwa mu mirembe nga temulina nziro neewankubaire omusango omu maiso gamwei.
\v 15 era mulozenge okuggumikiriza kwa mukamawaiswei nibwo bulokozi era nga omuganda waiswe omunywani opawulo omu magezzi ge yaweibwe ne yabawandikire.
\v 16 Ebyo abibazakuku omubalwa zamwei zoona. mulimu ebintu ebimwe omuzzo; ebizibu okutegera, abatamaitte na bataali baggumu bye banyoola, era nga bwebakoola ne byawandiikibwe ebiindi, ekireta okuzikira kwabwei abbo.
\v 17 kale abanywani, kubanga musokere kuneteja mwekuumenge mulema okugwa okuzwa omu buggumu bwanywe nga mutwalibwa obukyamu bwa babbi.
\v 18 oukule omu kiisa no mu kutegera Mmukama waiswe era omulokozi oyesu kurisito. oyo awebwenga ekitinisya ati okwika okulanaku olwa mirembe ne mirembe. Amiina.