137 lines
11 KiB
Plaintext
137 lines
11 KiB
Plaintext
\id COL
|
|
\ide UTF-8
|
|
\h ABAKOLOSAYO
|
|
\toc1 ABAKOLOSAYO
|
|
\toc2 ABAKOLOSAYO
|
|
\toc3 col
|
|
\mt ABAKOLOSAYO
|
|
\c 1
|
|
\cl Essula 1
|
|
\p
|
|
\v 1 O Pawulo, omukwenda wa Kristo Yesu olwakwendya kwa Nyamwanga, no Timoseewo owaluganda,
|
|
\v 2 eddi abeeruki, abaliuganda abesigwa omu Kristo abamu Kkolosaayi: ekisa kibbenge gyemuli n'emirembe ebizwa eddi o Nyamwanga oite waiswe.
|
|
\p
|
|
\v 3 Buli bwetubasabira twebalya o Nyamwanga oito wa mukama waiswe o Yesu Kristo.
|
|
\v 4 kubanga twawuliire okwikiriza kwanywe omu Kristo Yesu, n'okwendya kwemulina eddi abaikiiri boona,
|
|
\v 5 olwasuubi eryababiikiirye omwiguru, ryemwawuliire eirai omukigambo kyamazima gangiri,
|
|
\v 6 ayaaizire jemuli; era nkabweeri omunsi yoona nga ekwerya ebibala era nga ekukula, era nkomunywe okuzwa okulunaku lwemwawuliire nimutegeera ekisa kya Nyamwanga owamazuma;
|
|
\v 7 nka nimwayegeseibwe Epafula omwiru omwiira waiswe omunywani waiswe, niye omweereza omwesigwa wa Kristo owaiswe,
|
|
\v 8 era eyatukobeire okwendya kwanywe omu mwoyo.
|
|
\p
|
|
\v 9 naiswe nikyo tuzzwa tutalekeraawo okubasasira okuzweera kyarumwei okulunaku lwetwawuliire ebikubafwaaku, nga tukubeseengerwa mwizulibwe okumanyanga byakwendya amagezi goona n'okweteja ebyamwoyo,
|
|
\v 10 era mutambulenge nka bwekisaine omukama nga mukumusemeerya, nga mukweera ebibala nabuli kikolwa ekisai, era nga mukweyoongeranga okumumanya o Nyamwanga.
|
|
\v 11 Kale mugumeenge n'amaani agakitiinisya nigali, olwa kuguminkiriiza kwoona n'okuswekeerya amwei n'okusemeerwa;
|
|
\v 12 nga mukwebalya oite waiswe, eyatwendeserye iswe omugabo ogwa bugwettwa obwabaikiiri omwisana,
|
|
\p
|
|
\v 13 eyatulokoire ombuyinza obwakirikirya, natutwala ombukama obwamwana wamwei onganzi;
|
|
\v 14 mwetutaa nokununulwa, nikwo oganyira kwabibbi byaiswe.
|
|
\v 15 oyo niye kifwaananyi kya Nyamwanga ataboneka, eyekereire ebitonde byoona;
|
|
\v 16 kubanga omuyee ebintu byoona nimwo byatondeirwe omwigguru n'okunsi, ebiboneka n'ebittaboneka, oba nga ntebe zabukama, oba bwaami, okufuga, ababuyiinza; ebintu byoona byatondeirwe nga bikwakala muniye era kulwamei.
|
|
\v 17 Naye ye yaaliwo nga byoona bikyaali kubbaawo, era omu ye ebintu byoona nimwo bibeera.
|
|
\v 18 Era oyo nigwo mutwe gwa mubiri, niye kkanisa; niye kusooka, omwekeera wa baffu; ye alyoke abeenge aigguru wa byoona.
|
|
\v 19 kubanga oite waiswe yasiimire okwikiira kwoona okubbanga omu ye:
|
|
\v 20 era nga akwakala omu ye okugaitta ebintu byoona eddi omwenyenere, oba kunsi, oba mwigguru, niye aletere emirembe olwa musaayi gwa musalaba gwamwei.
|
|
\p
|
|
\v 21 Nanywe, nywe abaali beyaawuire oku Nyamwanga, nga mukukola ebikolya ebibbi,
|
|
\v 22 naye ati abagaitire omubiri gwa nyaamea yamwei olwakuffa kwamwei, alyoke abanjuure aberuki era abanambula kyakunenyebwa era abataluku nkuuryo omu maiso gaamwei;
|
|
\v 23 kasitta mweyongera okubba omukwikiriza, nga muggumire, nga temukutanka, nga temuzwiire omusuubi ryangiri jemwawuliire, eya buuliirye ebitonde byoona ebiri ansi waiguru; nje o Pawulo.
|
|
\p
|
|
\v 24 Ati nkusemeerwa omubibonobono byange okulwaanywe, era omubiri gwange nkwikiirya ebyo ebikumbulaku omu kubona ennaaku kwa Kristo olwa mubiri gwamwei, nijo kkanisa;
|
|
\v 25 nje jenafuukiire omuweereza waayo, nkobuwanika bwa Nyamwanga nibuli bwenawebweibwe jemuli, okwikiirya ekigambo kya Nyamwanga,
|
|
\v 26 ekyaama ekyabbisiibwe okuzwa eirai n'eirai n'emirembe n'emirembe: naye ati biswekulirye abeeruki baamwei,
|
|
\v 27 oNyamwanga beyenderye okukobera obuggaiggai obwa kitiinisya obwa kyaama kini nibuli omubamaanga, ekyo niye Kristo omunywe, essuubi ryakitiinisya;
|
|
\v 28 gwe tukubuulira iswe, nga tukulabula buli muntu mu magezi goona tulyoke twanjule buli muntu nga aikire omu Kristo.
|
|
\v 29 Nolwekyo nkwekaamba n'amaani goona gatire omungeri eyakittalo omunje.
|
|
\c 2
|
|
\cl Essula 2
|
|
\p
|
|
\v 1 Kuganga nkwendya nywe okumanya okweikaamba nekuli okukooto kwendina okulwaanywe n'abo abamu Lawodikiya, naboona abatabonaanga maiso gange omu mubiri;
|
|
\v 2 emwoyo jaabwe jimale jisanyusibwe, nga bakugaitibwa amei omukwendyangana, n'okwika omubuggaiggai bwoona obwakumanyira kimwei okwa magezi, beetejenge ekyaama kya Nyamwanga niye o Kristo,
|
|
\v 3 omu ye obuggaiggai bwoona obwa magezi n'obwakutegeera nijo jebubbisirwe.
|
|
\v 4 Kini nkukibategeeza waleme kubbaawo muntu yeena akubakyaamya n'ebigambo byakusendasenda.
|
|
\v 5 Kubanga nebwewankubbaire nga tendiyo omu mubiri naye omu mwoyo ndi naanywe, era nga nkusemeerwa era nga nkubona emppisa zaanywe ezisai n'obugumu obwakwikiriza kwaanywe omu Kristo.
|
|
\p
|
|
\v 6 Kale nkanimwaweibwe oKristo Yesu omukama waiswe, mutambuleenge mutyo omu ye,
|
|
\v 7 nga mulina emizzi era nga mwombokebwa omu ye, era nga muggumira okwikiriza kwanywe, nka nibwayegeseibwe, nga mukwakaara omukwebalya.
|
|
\p
|
|
\v 8 Mwenkuume tiwabbaangayo muntu akubakuppya omu bufirosoofa n'ebyabubeyegi ebitalumu, n'ebikwegesya obantu omubuwangwa bwabwe obwo, n'okuseengeerya emyoyo egyansi okuttali kusengeerya Kristo.
|
|
\v 9 Kubanga omu oyo omubiri nimwo gwikaara okwikaara kwoona okwa bwa Nyamwanga.
|
|
\v 10 Era mwafunire obwomi obwizuli omu ye, niye mutwe gwa byabufuzi n'obuyinza bwoona.
|
|
\v 11 Era mwakomoleirye omu oyo obukomole obutali bwa mikono, nimwayaabwiire omubiri omukukomolebwa okwa Kristo;
|
|
\v 12 nimwaziikiibwe amwei nayye omukubatizibwa, era nywe mwazukiire amwei nayye olwa kwikirizza kwa Nyamwanga, eyamuyimboire omu baffu.
|
|
\v 13 Nyweena nimwaali nga mufiire olwa bibonobono byanywe n'obuttakomolebwa mubiri gwanywe, nabafwiire boomi amwei nayye, niyamaare okutusonyiwa ebibbi byaiswe;
|
|
\v 14 era naiyawo endagaano eyawandikiibwe omumateeka, eyatukkakkanga okwikiirya ebiragiro byaayo, niyajikomereire okumusaalaba
|
|
\v 15 nikwo kweyayaambulire kimwei abafuzi n'ababuyiinza, n'abawemuura omulwattu, nabawaangura kaakimwei.
|
|
\p
|
|
\v 16 Nolwekyo tiwabbengewo muntu yeena akubasaara omusango omubyakulya oba omubyakunywa oba olwa mbagga oba olwa kweezi okwakaboneka oba olwa sabbiiti.
|
|
\v 17 Kubanga ebyo kituuru kyeebyo ebikwakwiza; naye ekyamugaso niye Kristo.
|
|
\v 18 Omuntu yeena tabanyagangaku mpeera yaanywe omu kwewuumbeeka kw'akwendya yenkai n'okuramyanga abamalaika, nga akugumira omwebyo byaboine, nga akwettumbirya bwerere omu magezi agamubiri gwamwei,
|
|
\v 19 So nga tiyeekwaite mutwe, omuzwa omubiri gwoona, enyiingo n'ebiggumya nga bukuguletera era nga bikugugaitta amwei, nga gukukula n'okukulya kwa
|
|
\p
|
|
\v 20 Nyamwanga. Oba nga mwafwiirire amwei no Kristo okuleka emyoyo gyoona ejjansi, like yete kukweyakalya nkabakyafugibwa ebyansi?
|
|
\v 21 nti “tokaatangaku, so tolekaangaku, so tokangaangaku,”
|
|
\v 22 ebyobyoona byaaliwaawo, era okwo tikubba kusegeerya biragiro nakwegesya kw'abantu?
|
|
\v 23 ebyo bikuboneka nka ebyamagezi omungire eyakuramya oNyamwanga abantu kwe bakweteerawo bonkwei, n'omukwewuumbeeka, n'omukubonyabonya omubiri; naye tebiriku kyebikugasa nakadooli omukufugga okwegoomba kwa mubiri.
|
|
\c 3
|
|
\cl Essula 3
|
|
\p
|
|
\v 1 Kale oba nga mwayimbokere amwei no Kristo, muswaganenge ebiri aigguru oKristo jaali nga aikaire okukono ogulyo ogwa Nyamwanga.
|
|
\v 2 Mulowozenge ebyamwiguru, so tikweebyo ebiri omunsi.
|
|
\v 3 Kubanga mwafwiire, n'obulamu bwanywe bubbisirwe amwei noKristo omu Nyamwanga.
|
|
\v 4 O Kristo, obwomi bwaiswe, bwaalibonesebwa, era naanywe nemulwoka mubonesebwe amwei nayye omukitiinisya.
|
|
\p
|
|
\v 5 Kale mufwiisye ebyansi omunywe: obwenzi, obuggwaggwa, okwegoomba okwansoni, omwoloonko, okuyaayaana, nikwo okuramya ebifwananyi.
|
|
\v 6 Olweebyo obusungu bwa Nyamwanga bukwiza kubona abatawura.
|
|
\v 7 Era nyweena omweebyo nimwo mwatambuuranga eirai, nimwabikolanga ebyo.
|
|
\v 8 Naye ati ati nyweena muyewo ebyo byoona, obusungu, ekinigga, eitima, okuzuma era n'okubaza ebyansoni omumunwa gwaanywe.
|
|
\v 9 Temwebeyeganga nywenkai na nywenkai: kubanga weyambwireku omuntu wairai amwei n'ebikolwa byamwei,
|
|
\v 10 nimuzwaala omuntu omuyaaka, afuuke omuyaaka olwakutegeera omukifwananyi ky'oyo ayamutondere.
|
|
\v 11 Awo waabba nga tiwakyaliiwo kwawula Muyonaani no Muyudaaya, eyakomoleibwe n'atakomoleibwe, omunaiyaanga n'Omusukusi, omwiru n'attali, naye oKristo niye byoona omubyoona.
|
|
\p
|
|
\v 12 Kale muzwaalenge nka abakomye ba Nyamwanga abaikiiri era abendebwa, omwoyo wa kissa, obusai, okwewuumbeeka, obuteeki, obugumiikiriza.
|
|
\v 13 Nga mukuswekeryangana, era nga mukuganyirangana nywenkai na nywenkai, omuntu yeena niyaabbanga n'ensonga oku muntu owondi, era nk'omukama waiswe niyatuganyiire iswe, era naanywe musonyiwenganenge.
|
|
\v 14 Okulweebyo byoona era muzwalireku okwendya kubanga nikwo kuggumya ebintu byoona.
|
|
\p
|
|
\v 15 Era emirembe gya Nyamwanga jiramulenge omu myoyo jaanywe, era jemwayeterwe omu mubiri ogumwei; era mubbeenge n'okwebalya.
|
|
\v 16 Ekigambo kya Kristo kibbeenge omunywe, n'obuggaiggai omumagezi goona: nga mukwegesyangana era nga mukulabungana nywenkai na nywenkai omu Zabuli ne nyeembo n'ebiyiye ebyamwooyo, nga mukwebalya oNyamwanga omumitima jaanywe.
|
|
\p
|
|
\v 17 Era buli kyamwakolanga, omukigambo oba omukikolwa, mukolenge byoona omwibara lya mukama waiswe o Yesu nga mukwebalya oNyamwanga otaata nga mukwakaara omu ye.
|
|
\p
|
|
\v 18 Abakali, muwurenge abaibowaanywe, nka nikiri ekisai omu mukama waiswe.
|
|
\v 19 Abasaiza, mwendyenge abakali baanywe, naye temubakambuwaaranga.
|
|
\p
|
|
\v 20 Abaana, muwureenge ababyaire baanywe omu byoona kubanga ebyo bisanyusa omukama.
|
|
\v 21 Abaitowaabwe, temugongeryanga baaba baanywe, balekenge okwiriira omumwooyo.
|
|
\p
|
|
\v 22 Abairu, mureenge abakama baanywe aba munsi ombyoona, tikubasemeerya kubanga bakubabona, naye mubagonderenge n'omutima ogutaluku bukuppya, nga mukutiina omukama waiswe.
|
|
\v 23 Buli kyemwakolanga mukikole n'omutima gwaanywe gwoona, nk'abakukoora omukama waiswe, so tibaantu:
|
|
\v 24 nga mumaite nti mwalisasulwa omukama waiswe empeera eyabugwettwa; muwereze omukama waiswe oKristo.
|
|
\v 25 Kubanga asiisa yalisasulwa nka niyasiisire, so tiwaalibba kusaliirya.
|
|
\c 4
|
|
\cl Essula 4
|
|
\p
|
|
\v 1 Abakama ba bairu, mwakalyenge mubwenkanya abairu baanywe, nga mumaite nti nyweena mulina omukama waanywe omwiguru.
|
|
\p
|
|
\v 2 Munyinkirenge omukusaba nga mukulindiirya n'okwebalya.
|
|
\v 3 Era naiswe mutusabire oNyamwange okutwiguurawo olwige lwakigambo, ekyaama kya Kristo, n'okubbweebwa kwenabbwebweibwe.
|
|
\v 4 Ndeke nkitegeeze kusai nka nikigwaanire okubazibwa.
|
|
\p
|
|
\v 5 Mutambureenge omumagezi eddi abo abanzai nga mukukolesya kuasi ekiseera kyemulina;
|
|
\v 6 Ebigambo byanywe bibeenge n'ekisa enaku zoona, nga bikunoga omunyu, mulyoke mumanye nka nikigwaniire okwanukulanga buli muntu yena.
|
|
\p
|
|
\v 7 o Tukiko, owaluganda omugaanzi era omuwereeza omwesigwa aera omwiru omu mukama waiswe, alibategeeza byoona ebikufwaaku.
|
|
\v 8 Nikyo nzwa mmutuma jemuli olwansoonga eyo, muleke mutegeere ebikuffa jetuli era asanyuse emyoyo jaanywe.
|
|
\v 9 Amwei no Onnesimo, owaluganda omwesigwa omugaazi, owawaanywe. Baalibategeeza byoona ebikuffa eni.
|
|
\p
|
|
\v 10 o Alisutaluuko, omubbwe omwirawange no Makko, omwiwa ba Balunabba, gwebabakobereku niyaaliza jemuli, mumwanirizanga.
|
|
\v 11 No Yesu akwetebwa o Yusto babalamuciirye. Abo nibo bakomole boonkai abanyiryaamu amaani, abakozi abaira baange omubukama bya Nyamwanga, abanyiryaamu esuubi.
|
|
\v 12 o Epafula, owaawanywe omwiru wa Yesu Kristo, abalamukiirye, afuba enaku zoona okubasabira omukusaba kwaamwei, muleke mwemeerenge nga muli baikiiri, era nga mukutegeera kaakyimwei omubyoona o Nyamwanga byaakwendya.
|
|
\v 13 kubanga muweerya obujuurwa, nka bwafuba muno okulwantwe, n'abamu Lawodikiya, n'abamu Kiyerapoli,
|
|
\v 14 o Lukka omusawu omugaanzi no Dema babalamukirye.
|
|
\p
|
|
\v 15 Mulamukye abaluganda abamu Lawodikiya, ne Nungfa, nakkanisa eya munyumba gaabwe.
|
|
\v 16 Era ebbaluwa enni nemalaanga ebasomeirwe omunywe, mubone nge' kusomerwa naba mukanisa eyamu Lawodiya, era nyweena musome erizwa e Lawokadiya.
|
|
\v 17 Era mukobe o Alukipo nti bona nga okwikiirya okuwereza kwewabweibwe omukama waiswe.
|
|
\p
|
|
\v 18 Njje o Pawulo niinje mpandiikire okulamukya kuni omu mukono gwange. Mwizukireenge okubbwebwa kwange. Ekisa kibbeenge naanywe.
|